رواية الجميلة والوحش ادم واحلام الجزء الثاني الفصل الرابع
في ال جامعه ف الكافتيريا
رولا قاعده مع صحبتها مستنين يحضرو اخر محاضره
رولا لابسه بنطلون وايد ليج وبلوفر اوفر سايز رصاصي و قصير
هايدي/يعني ي رولا مش هتيجي معانا الحفله ..مش هننبسط من غيرك خالص كدا
رولا وهي بتشرب القهوه/منا قولت لك dad موافقش
هايدي/انا مش فاهمه ازاي ادم الحديدي رجل الأعمال المعروف دا مش اوبن مايندد ومتفتح وكدا
رولا/سبنالك انتي ي اختي الابهات الاوبن مايندد
هايدي /ع رايك والله بابي حتي مسألنيش الحفله ف بلد ايه ولا الساعه كام .. وافق ع طول
فجأه يحيي دخل الكافتيريا وبيدور ع رولا
هايدي ابتسمت/حبيبك جه اهو
رولا بصت ل يحيي ال جاي عليهم
رولا/لمي نفسك دا مش حبيبي.. احنا صحاب بس
يحيي راح لهم وكان هيبوس راس رولا رولا بعدت عنه
رولا/يحيي
يحيي/نفسي تسبيني ابوس ايدك حتي ..يبت وربنا بموت فيكي
وسحب كرسي وقعد
رولا/بقولك ايه ي يحيي بطل الكلام دا احنا صحاب واخوات..ولو حاولت تعمل كدا تاني هقلب الكافتيريا دي عليك
هايدي/تعملها عادي
يحيي/انتي هتقوليلي ..المهم انتو ايه الاخبار
هايدي/الحمد لله
يحيي ل رولا/وانتي عامله إيه
رولا ابتسمت/الحمد لله انت اخبارك ايه
يحيي/انا بقيت زي الفل لما شوفتك
هايدي /تحبو اقوم واسيبكم براحتكم؟
يحيي/ياريت
هايدي /اه ي جزمه..سامعه ي رولا
رولا ضحكت
يحيي/ي ستي بهزر اقعدي انا كدا كدا ماشي
وبص ل رولا
يحيي/هنخرج نتعشي سوا النهارده زي ما اتفقنا صح
رولا/مش عارفه والله هشوف كدا الدنيا ف البيت وهأكد عليك
يحيي/طيب ماشي ..انا همشي محتاج احط ف العربيه بنزين قبل ما ارجعها ل بابا..تحبي اوصلك
رولا/لالا روح انت انا لسه قدامي محاضرات
يحيي/ماشي ..يلا سلام
وقام ومشي
هايدي/انتي هتخرجي معاه بليل بجد ؟
رولا/بابي مش هيوافق كدا كدا انتي عارفه انه مبيوافقش اخرج مع واحد حتي لو زميلي ف هستأذن من احلام بقي وربنا يستر
هايدي/هي كدا كدا مش موافقه ع انك تصاحبي يحيي ف معتقدش هتوافق تخرجي معاه .اصلا معاها حق ي رولا انتي تستاهلي حد احسن منه بكتير..دا بتاع بنات
رولا/منا قولت لك ي هايدي مفيش حاجه بينا اصلا انا بعتبره صاحبي عادي.وهو ال بيحاول يكون في بينا اكتر من كدا وانا مش موافقه لاني مش هعمل كدا من ورا بابي..مستحيل
فجأه دخل عليهم واحد زميلهم ف الكليه ديما بيرخم ع كل البنات وبيعاكسهم ومعجب ب رولا بس مش مدياله وش ف دا مضايقه
هايدي/يادي النيله محمد جاي علينا
محمد راح لهم بابتسامه/ايه ي بنات عاملين ايه
محمد شد كرسي وقعد
رولا سابت فنجان القهوه وبصتله
رولا/هسالك سوال ي محمد بجد ومتزعلش مني
محمد بابتسامه/مقدرش ازعل منك ي قمر ..قولي
رولا بغضب/أنت حد قالك اقعد؟...حد سمح لك يعني
محمد ابتسم وبصلها/منا قولت اسلم عليكم يعني واشوفكم عاملين ايه ..ما تيجي نخرج صحيح سوا ي رولا ايه رايك ..هعشيكي عشوه حلوه والله
رولا بغضب/لاء دا انت دماغك رايحه منك ع الاخر ..اتفضل قوم من وشي علشان مجرحش مشاعرك
هايدي/ما تقوم ي محمد امشي مش عايزين مشاكل
محمد ابتسم/ل تكوني اتضايقتي ي هايدي علشان مش هناخدك معانا ..خلاص ممكن ناخدك عادي
ومسك ايد رولا
محمد/بس رولا الأساس يعني الصراحه
رولا بغضب سحبت ايدها من ايده ومسكت كوبايه المايه الازاز وبطحتها ف دماغ محمد والكوبايه اتكسرت ١٠٠ حته ودماغ محمد اتفتحت و هايدي حطت ايدها ع فمهما بصدمه
وكل الموجودين ف المكان بصو بصدمه ع دماغ محمد ال بدأت تنزف
بعد نص ساعه
في مكتب رئيس الجامعه
المدير قاعد ع مكتبه و
رولا واقفه قصاده وجمبها محمد والشاش محطوط ع دماغه مكان الخبطه ال نزفت دم
رولا /منا قولت ل حضرتك ي دكتور ان هو ال بيتعدي حدوده معانا ديما...وانا حزرته اكتر من مره يبعد عني وهو ال مصمم
الدكتور/تقومي تفتحي دماغه ب المنظر دا ي رولا؟
محمد بغضب/مع احترامي ليك ي دكتور بس البنت دي لو متفصلتش انا هعمل مشكله ..دي مجنونه ..فتحت دماغي بس علشان طلبت منها محاضره
رولا شهقت بصدمه من كذبه/انت كمان كداب
رولا بعصبيه/ يعني معفن ومتحرش وكداب.. تصدق انا ال عملته فيك قليل ..كان لازم ابطحك ب حاجه اكبر انقلك ع المستشفى ع طول
محمد بغضب/ا
الدكتور خبط ع المكتب /بس مش عايز خناق وصوت عالي ف مكتبي هنا
وبص ل محمد بغضب
الدكتور /وانت كمان ليك عين تتكلم؟ وبتكدب كمان ..زمايلكم كلهم قالو انك انت ال جيت ترخم عليها ومسكت ايدها بالعافيه .. رولا مش اول طالبه تشتكي منك ..في شكاوي كتير جايه بسببك
انت مفصول اسبوع والمشكله الجايه ال هتعملها هيبقي فصل للأبد..انت فاهم ي طالب
محمد هز راسه بغضب وغيظ
و رولا ابتسمت ب انتصار
الدكتور/اتفضل يلا اطلع برا
محمد طلع من المكتب
رولا بتحاول تهرب من الدكتور
رولا بابتسامه/ والله بنعطل حضرتك بسبب مشكالنا يعني ربنا يكون ف عونك احنا عارفين ان مشاكلنا كتير بس هنعمل ايه بقي
وبترجع خطوات براحه
رولا/هستأذن انا بقي
وكانت هتمشي بسرعه
الدكتور/رولا استني
رولا وقفت بتوتر لانها عارفه الخطوه الجايه ال هتحصل...انه هيتصل ب ادم ويجي الجامعه وطبعا لما يعرف مش هيحصل خير
رولا لفت للدكتور وابتسمت
رولا/نعم ي دكتور
الدكتور/اتفضلي اقعدي انا هتصل بباكي علشان يجي
رولا /احم يعني ليه نصعد الموضوع يعني ونقول ل dad.. الموضوع مش مستاهل خالص صدقني ..انا هقولك ع فكره حلوه ..انا همشي دلوقتي و ولا اكن حاجه حصلت ..وبابي مش لازم يعرف حاجه خالص
الدكتور/رولا ..اتفضلي اقعدي ي بنتي
رولا اتنهدت وقعدت ع الكرسي قصاده و الدكتور فتح السماعه يتصل ب ادم ورولا سندت ع المكتب وحطت ايدها ع خدها
في شركه تصميم الأزياء
فريده وصلت الشركه وبتدور ع زين ال هيبدأ يعلمها الشغل ومش لقياه
وراحت الدور ال فيه مكتب زين
وكانت موظفه ع مكتبها قاعده شغاله ع ملف
فريده راحت لها
فريده /صباح الخير ..تعرفي استاذ زين فين
سهي قامت بابتسامه/اهلا ي فريده هانم.
فريده ابتسمت/ملوش داعي كلمه هانم والكلام دا ..احنا زمايل زي بعض عادي
سهي/لا طبعا مينفعش حضرتك بنت ادم الحديدي
فريده ابتسمت/سيبك من الكلام دا بس واقعدي وقوليلي اسمك ايه
سهي ابتسمت وقعدت/اسمي سهي
فريده /قوليلي ي سهي انتي ازاي مستحمله الشغل مع زين دا لحد دلوقتي..دا انسان مغرور
سهي قامت بتوتر لما شافت زين طلع من مكتبه ومعاه سكرتيره ورايح لهم
فريده بغيظ /مش بس مغرور دى شايف نفسه كمان وبيكلم الناس بتعالي ..انتي قومتي ليه صحيح
سهي بتبص ع زين بتوتر ال واقف ورا فريده
زين/طب ع الاقل تعالي ف معادك وبعدين ابقي اتكلمي عليا براحتك
فريده لفت بتوتر واحراج لقت زين ف وشها ويارا واقفه جمبه
فريده ابتسمت له بتوتر
زين/يعني متأخره وكمان مش عاجبك
فريده/لا دا انا ا
زين بجديه/تعالي ورايا
ومشي و فريده بصت ل سهي
فريده/ربنا يسامحك ي هدي مش عارفه تقوليلي انا ورايا
سهي/انا اسفه ملحقتش اقولك والله
فريده ابتسمت ل يارا وراحت ورا زين بسرعه
زين دخل مكتب و فريده دخلت وراه
زين/دا المكتب بتاعك من هنا ورايح..السيزون دا الشغل في كتير وعايزين نبدأ ع طول ..مش عايز تأخير تاني ومش عايز دلع ف الشغل
فريده ربعت ايدها/انا مش عارفه انت ليه واخد فكره عني اني جايه اللعب وبتعامل ع اساس ان دي شركتنا واقدر أعمل ال انا عيزاه
زين/كل حاجه بتقول كدا ..يعني بنت غنيه ومتدلعه وعمرها ما شالت مسؤوليه قبل كدا ..وجايه شركه مامتها تهزر شويه وخلاص...ولو كنتي جد زي ما بتقولي كان زمانك ع مكتبك من ٩ الصبح بس شكلك معتمده ع الواسطه بتاعتك
فريده قربت منه بغيظ /انا اتأخرت علشان كان عندي محاضره مهمه الصبح ومكنش ينفع افوتها ..أما غير كدا كان زماني ع مكتبي من بدري
زين ابتسم/باين طبعا ...ابدأي اعمليلي تصاميم كولكشن صيفي دلوقتي يلا وانا هقيم اشوف ايه ينفع ونشتغل عليه ونبعته ل ليلي..بالتوفيق
وطلع من الغرفه
فريده بغيظ/رخم
وقعدت ع الكرسي مكتبها
وفضلت تلف بيه وهي بتكلم نفسها
فريده/لاء وانا ال تضايقت علشان حسيت اني كنت قليله الزوق علشان اتكلمت ف ضهره..يستاهل اصلا
زين سمعها كان واقف عند الباب ومكنش لسه مشي
زين ابتسم لانه كان قاصد يعاملها بحزم يشوفها هتستحمل جديه الشغل ولالا ..لانها متعوده ع معامله الهوانم ومتدلعه ومش متعوده ع الأوامر
ومشي راح مكتبه
في مكتب ليلي
قاعده ع مكتبها وقدامها تصميم و الوان قماش بتشتغل
ليلي ابتسمت واتنفست بهدوء
ليلي بتكلم نفسها/الله ..انا شامه ريحه حب داخل علينا ...احساسي ميخيبش ابدا
ليلي ضحكت بحماس
وقامت من ع مكتبها تدور احساسها دا جاي منين
ليلي/ي تري مين ال بدأ شراره الحب دي
وبصت حواليها
فجأه بصت وراها لقت اخو زين واقف وراها
ليلي/اههه ..أدهم ..خضتني
ادهم بابتسامه/الحلوه بتعمل ايه
ليلي ابتسمت/والله دول عيونك الحلوين ي حلو انت
ادهم ب اعجاب/قوليلي ي ليلي ازاي بتقدري كل يوم تحلوي عن اليوم ال قبله ها
ومسك ايدها ولففها
ليلي ضحكت/والله لو الحلاوه والجازبيه زنب ..ف احبسوني فورا انا جاهزه
ومدت ايدها علشان يكلبشها
ادهم بابتسامه /والله وقتها هتاخدي مؤبد من حلاوتك
ليلي ضحكت
ادهم /زين رجع
ليلي/yes بيبي من بدري ..انت ال أتأخرت ك العاده
(ادهم .. ابن سالم واخو زين الصغير مدير العلاقات العامه ف الشركه .. عينه عسلي وشعره بني عنده 26 سنه )
في مكتب زين
زين قاعد ف المكتب بيشتغل وقدامه ملف
موظفه خبطت ودخلت وحطت القهوه ع الطربيزه
الموظفه/حضرتك تأمر ب حاجه تانيه
زين /ناديلي ادهم
ادهم دخل المكتب /انا اهو ي حبيب ادهم
زين بص للموظفه/تقدري تروحي
ادهم/اعمليلي قهوه بالله عليكي هدي
هدي/امر حضرتك ي ادهم بيه
و مشيت
ادهم ابتسم/وحشتك صح ..عامل ايه ي اخويا
وقعد ع المكتب
زين/اتاخرت ليه ..مش انت عارف ان عندنا اجتماع كمان نص ساعه
ادهم/عارف ..بس كنت سهران امبارح للفجر وقومت ب العافيه النهارده ..يعني المفروض تحيوني اني موجود معاكم دلوقتي
زين شرب شويه من القهوه/لا كتر خيرك
ادهم بابتسامه /اوفف فاتك كتير اوي انك مجتش تسهر معانا..لازم نسهر النهارده بليل ..احنا بقالنا كتير اوي مسهرناش سوا
زين/انا مش فاضي النهارده
ادهم/ليه بس (وابتسم بخبث)بالمره نقول ل بتول تيجي معانا
زين ساب فنجان القهوه/ادهم..مفيش هزار ف الموضوع دا ..انت عارف انها بتيجي ع السيره
ادهم ضحك
ادهم /صحيح سمعت ان بنت احلام هانم بدأت تشتغل ف الشركه ..او تدرب .. وبابا طلب منك تبقي معاها ..ايه الحوار دا
زين وهو بيوقع ورق/اه فعلا ..بدأت شغل النهارده
ادهم/ و ايه رأيك..انا عارف انك مبتحبش حوار الواسطه دا ف الشغل دا غير انك مش فاضي اصلا
زين بصله/. انا بَعِز احلام هانم جدا انت عارف وبحترمها ف مقدرش أرفض لها طلب زي دا..
بس لسه معرفش بنتها شاطره ولا لا لسه مشفتش اي حاجه لسه
ادهم ابتسم/لاء انا مش عايز رأيك المهني ..عايز رأيك الشخصي ..هي حلوه؟
زين بغضب/قوم من وشي ي ادهم ..احنا مش قاعدين ف كافيه بنشرب شاي ..احنا ف الشركه والشغل شغل
ادهم /خلاص صلي ع النبي بهزر
تليفون زين رن وكانت بتول
زين اتنهد/لا حول ولا قوه الا بالله
ادهم/ايه في ايه
زين/استاذه بتول ..قولت لك انها بتيجي ع السيره ..بترن عليا ٦٠ مره ف اليوم انا طهقت..نفسي تحل عني
ادهم ضحك/الحب ..هنعمل ايه بس
زين اتنهد بضيق
ادهم ابتسم/هات هات اخلصك منها متقلقش
واخد التليفون من زين
ادهم بابتسامه/ايه ي بتول ي حبيبه قلبي ..عامله ايه.. آه اه زين هنا اهو مكتبه ف الشركه ما تيجي
زين بصله بغضب/ادهم ..ادهم انا مبهزرش متستعبطش
ادهم /ايوا ي بنتي دا مهانش عليه ميردش عليكي حتي وهو مشغول ف قالي ارد انا عليكي
زين قامله بغضب و ادهم قام بسرعه وبعد عنه وبيحاول يداري ضحكته
ادهم بابتسامه/ماشي ي حبيبه قلبي ..اتفقنا ..يلا باي
وقفل المكالمه
ادهم ابتسم/متقلقش ربع ساعه وتكون هنا
زين بغضب/انت بتستعبط ي ادهم
ادهم ب انتصار/انا قولت لك هنتقم منك ع كل مره كنت بتصحيني فيها من النجمه علشان الشغل..لسه الانتقام بيبدأ
زين بغضب/قسم بالله ل اوريك ي ز_فت انت
وكان هيروح له ادهم حط الموبايل ع الطربيزه وجري بسرعه وهو بيضحك
زين/لما اشوفك بس
عصرا في الكومباوند
احلام قاعده ف الصالون بتشرب حاجه دافيه
وميرا نايمه ع رجلها وماسكه الموبايل و احلام بتملس ع شعرها
احلام شالت ايدها من ع ميرا تحط كوبايه الحاجه الدافيه ع الطربيزه
ميرا مسكت ايد احلام وحطتها ع شعرها تاني واحلام ابتسمت وباست راسها
ادم دخل الكومباوند بغضب و رولا داخله وراه وبتحاول تلحق خطواته بسرعه
رولا /ي بابي اسمعني بس
ادم بغضب/انا مش عايز اسمع صوتك ي رولا
ياسين نزل من غرفته ع صوت زعيق ادم
ميرا قامت من ع رجل احلام واحلام قامت بقلق
احلام/في ايه ي حبيبي ايه ال حصل
رولا/ع فكره ي dad انت مكبر الموضوع
آدم بعصبيه/انتي كمان ليكي عين تتكلمي ..اتفضلي اقعدي ومسمعش صوتك نهائي
رولا قعدت ع الكنبه بخوف من عصبيته وميرا استخبت ورا ياسين
ياسين بصلها/بتستخبي ليه هو بيزعق لك انتي ولا هي. انتي هببتي حاجه؟
ميرا بصوت واطي/لاء معملتش حاجه والله بس لما بابيتو بيتعصب بحس اني عملت مصيبه وبقعد افتكر هببت ايه
ياسين ضحك وخدها ف حضنه وباس راسها
احلام/في ايه ي آدم... ايه الحصل بس فهموني
ادم بعصبيه/اتصلو بيا من الجامعه روحت اشوف في ايه لقيت الهانم باطحه دماغ زميلها ف الكليه و الواد دماغه اتفتحت
احلام حطت ايدها ع فمها بصدمه
رولا /ع فكره انا معملتش كدا من غير سبب ي مامي ..هو ال قليل الادب ويستاهل ...كل شويه يتعرض لي انا واصحابي ف الكليه وانا قولت له يبعد عني ١٠٠ مره وهو ال مبيفهمش ب الكلام..و مسك ايدي بالعافيه كنت عايزني اسيب حقي يعني
ادم بعصبيه/لاء متسبيش حقك بس تكلميني..تتصلي بيا تقولي لي حصل كذا كذا وانا هاجي اجبلك حقك وهربيه ع ال عمله .. وافصلهولك من الكليه كمان
بس طريقتك ف حل المواضيع دي متنفعش ..افرض الواد كان حصله حاجه دخل المستشفى ولبسك مصيبه ..افرض كان قدم فيكي شكوي.
احلام بعتاب/كدا ي رولا؟ينفع ال انتي عملتيه دا ...انتي مش هتبطلي تحطي نفسك ف مشاكل بسبب تسرعك وعصبيتك دي
رولا اتنهدت
ياسين راح ل رولا وقعد جمبها وخدها ف حضنه
ياسين/الواد دا فكر يأذيكي بعد ما بطحتيه و لا عملك حاجه
رولا بثقه/لاء ميقدرش اصلا
ياسين باس راسها/جدعه يبت
ولو فكر يعمل معاكي حاجه تاني ولا يقرب منك عرفيني بس وانا هكسر عضمه
رولا ابتسمت/حاضر ي ياسو
ياسين بص ل ادم لقاه بيبص له بغضب
ياسين بخوف من ادم قال بعصبيه مزيفه/احم ا ..بس ال عملتيه دا غلط برضو ي رولا يعني ايه قله الادب دي ..انا مش قادر اصدق
وقام وبعد عن رولا
ادم بغضب/لاء متقلقش عليها ي اخويا ..مهي خدت فصل اسبوع خلاص ..وطول الاسبوع دا مش هتخرجي دقيقه واحده من البيت.
رولا بصدمه /لاء مش للدرجه دي بقي ي dad انا عملت ايه لكل دا ..طب ع الاقل اروح الاسطبل ل لونا
ادم بعصبيه/ رولا تسمعي الكلام من غير ولا حرف
رولا بخوف /حاضر انا اسفه
ادم طلع غرفته
احلام بصتلها بزعل
رولا/والله ي مامي مكنتش اقصد ان الامور توصل ل كدا و اخد فصل اسبوع كمان ..المفروض الز*ت دا هو ال يتفصل بس
احلام راحت لها وخدتها ف حضنها
احلام/بباكي مش متضايق علشان انتي خدتي فصل بس..هو خايف عليكي انتي ..
افرض الولد دا كان عمل فيكي حاجه كنا هنروح فين بس
وباست راسها
رولا بغضب/ميقدرش يعملي حاجه..وانا مش ندمانه ومقصرتش فيه الحي*ان دا
احلام اتنهدت وهزت راسها بمعني مفيش فايده
و ميرا واقفه بتكتم ضحكتها
رولا بصت لها بغضب/بتضحكي ع ايه ي جز*ه انتي كمان..في حاجه بتضحك
ميرا هزت راسها ب اه وهي بتضحك/بطحتي الواد ازاي ي قادره.. مريضه نفسيه والله
وقعدت ع الكنبه وهي بتضحك ورولا طلعت من حضن احلام ورمت ع ميرا مخده بغضب
ونامت ف حضن احلام تاني
في شركه تصميم الازياء
فريده ماشيه ف الطرقه وماسكه تصاميم رسمتها ورايحه توريها ل زين
موظفه راحت ل فريده بسرعه
نانسي/فريده صباح الخير ..ممكن توديي الوان القماش دا ل ليلي بسرعه قبل ما تخرب الشركه دي علينا..لان في تصاميم لازم اروح اجيبها بسرعه
فريده ابتسمت/صباح النور ..هاتيهم مفيش مشكله
نانسي ابتسمت/شكرا جدا بجد
فريده بابتسامه/العفو
ونانسي مشيت وفريده ركبت الاسانسير وراحت مكتب ليلي
وليلي كانت قاعده ع مكتبها ال مليان الوان قماش وقاعده بتختار بحيره و جمبها موظفه
فريده ابتسمت/ازيك ي اساتذه ليلي..نانسي بعتت لك دول
ليلي بصت لها /اول حاجه انا ليلي بس مفيش استاذه بينا
فريده ابتسمت
ليلي/تاني حاجه بقي
ليلي وهي مشغوله ف تنقيه الالوان
ليلي/تعاليلي كدة دقيقه
فريده راحت لها وحطت القماش ع المكتب ووقفت جمبها
ليلي/انتي رايك اللون دا ال يمشي مع الزيتي ولا دا
فريده /انا رأيي اكتر حاجه بتليق مع الزيتي البيج الفاتح دا
ليلي ابتسمت/صح ..برافو عليكي ..انا شايفه كدا برضو
وبصت للموظفه بغضب/مش زي حضرتك..اختارتيلي احمر ..اتفضلي روحي اعمليلي قهوتي ي ام احمر انتي
الموظفه/منا عملتها مره اهو ي ليلي هانم
ليلي بعصبيه/انا حابه اشربها تاني الله الله انتي هتحاسبيني
الموظفه بخوف/حاضر والله
ومشيت بسرعه
ليلي بصت ل فريده وابتسمت/وريني ال ف ايدك دا كدا ي honey(عسل)
فريده أعطت لها التصاميم ال ف ايدها
ليلي ب انبهار/انتي ال رسمتي دول؟
فريده ابتسمت/اه ..حلوين؟
ليلي بصتلها بابتسامه/your joking(بتهزري) دا سؤال؟طبعا تحفه ..انتي طلعتي موهوبه زي مامتك بالضبط
فريده ابتسمت/دي شهاده اعتز بيها يعني حضرتك اشطر مصممه ازياء هنا ورأيك دا مش متخيله فرحني قد ايه
ليلي بصت لها بحزم/اشطر مصممه هنا واحلي واحده مظبوط؟
فريده بتوتر من نظرتها/اكيد طبعا
ليلي ضحكت/بهزر معاكي انتي احلي بكتير كدا كدا
فريده ابتسمت
فريده /عن اذنك لازم اروح اوري التصاميم دي ل استاذ زين
ليلي/ماشي ي روحي
فريده مشيت و ادهم كان جاي ل ليلي وخبط ف فريده من غير ما يقصد
ادهم/اسف جدا
فريده/انا ال اسفه مخدتش بالي
ادهم بصلها /انتي جديده هنا
ليلي ابتسمت/ادهوم حبيبي دي فريده ادم الحديدي وبنت احلام.
ادهم ابتسم/ياههه اخيرا قابلتك ...انتي بقي بنت ادم بيه و احلام هانم
فريده ابتسمت/ايوا
ادهم وهو بيمد ايده بابتسامه/انا ادهم مدير العلاقات العامه ف الشركه و اخو زين الصغير برضو
فريده ابتسمت وسلمت عليه/اتشرفت بيك
ادهم ابتسم/انا اكتر
بعد شويه
زين ف مكتبه بيشتغل
بتول دخلت المكتب بابتسامه وهي لابسه جيبه قصيره جدا وبلوزه كات ولابسه هيلز
بتول بابتسامه/زين حياتي ..عامل ايه
وراحت له وكانت هتبوسه زين بعد عنها
زين/انا بخير ي بتول
ومسك الملف ال قدامه تاني
بتول ابتسمت/احم ..ايه رايك نسهر النهارده ادهم كان بيقول هنسهر النهارده
زين /لاء روحو انتو انا مش فاضي ..ولو مفيش حاجه مهمه ياريت تتفضلي علشان عندى شغل كتير
بتول اتنهدت بغضب من طريقته البارده
بتول/تمام انا كدا.كدا عندي شغل مع ليلي ..عن اذنك
وطلعت من المكتب
بعد شويه
زين ع مكتبه بيوقع ورق للموظفه ال واقفه جمبه
فريده خبطت ودخلت و ف ايدها التصاميم ال رسمتها
فريده/فاضي ي استاذ زين ؟عايزه اوريك التصاميم ال رسمتها
زين للموظفه/روحي انتي
الموظفه خدت الورق/حاضر عن أذنك
وطلعت برا المكتب
زين ل فريده/تعالي
فريده راحت له وحطت التصاميم ع المكتب وزين خدهم يبص عليهم
وفريده واقفه مستنيه رأيو
زين ابتسم و عجبه شغلها جدا وباين انها فعلا موهوبه .
زين /حلو اوي
فريده ابتسمت/بجد
زين /ايوا..ودا بالذات
وحط تصميم ع المكتب
زين/تعالي
فريده راحت وقفت جمبه
زين/بس هنشتغل عليه شويه كمان
وبدأ يشرح لها ب القلم الرصاص اي التعديلات ال ممكن تتعمل وفريده كانت مركزه معاه وبتسمعه وكبرت ف نظر زين لما لقاها متقبله النصيحه وبتسمع منه علشان تعمل تصميم احسن ع عكس ناس تانيه بتضايق لو قالها التصميم دا مش حلو وبتبقي شايفه انه تقليل من شغلها
فريده ابتسمت/تمام فهمت ..هظبطه زي ما طلبت وهرجع تاني
زين /تمام
وفريده خدت التصميم من ع المكتب وكانت هتمشي
فريده وقفت /انا كنت عايزه اعتذر لك
زين قام ووقف قصادها
زين/ع ايه
فريده/ع الكلام ال قولته النهارده من ورا ضهرك وانت سمعته ..انا مش من طبعي اتكلم ع حد ب اسلوب وحش ولا من وراه ولا وهو موجود ..ف انا اسفه
زين ابتسم /انا متفاجئ بصراحه ان ال هانم ال صغيره عندها ثقافه الاعتذار زينا كدا
فريده بغيظ/تصدق فعلا انا غلطانه..اعتبرني مقولتش حاجه
وفتحت الباب وكانت هتمشي زين قفل الباب ووقفها
زين ابتسم/اهدي..انا بهزر
فريده بغيظ/متقوليش ي هانم ي صغيره تاني
زين ابتسم/خلاص..لو بتضايقك مش هقولها تاني
فريده ابتسمت
زين /انا كمان كنت محتاج أوضح اني مبتعاملش مع حد ب غرور وتعالي علشان انا المدير زي ما انتي مفكره ..انا بس بحب الجديه ف الشغل وكل حاجه تمشي مظبوط ..علشان دي سمعه شركه ومفهاش مجال للهزار .. وبصراحه كنت عايز اتأكد انتي هتستحملي الشغل ولا لا ..ف تعمدت اكلمك ب اسلوب رخم شويه ..وانتي طلعتي عاقله واستحملتيني ..ف اسف لو اسلوبي ضايقك
فريده /انا فعلا مش متعوده حد يبقي سخيف معايا كدا بس انا متفهمه ان دا شغل ومفهوش هزار ولازم يبقي في جديه ..ف ولا يهمك
زين ابتسم
فريده ابتسمت/..عن اذنك هروح اكمل شغلي
زين/اتفضلي
وفتح لها الباب وفريده طلعت من المكتب و زين ابتسم
المغرب في الكومباوند
في غرفه الرسم بتاعت فريده
خدت شاور وغيرت هدومها ل بيجامه ولامه شعرها كعكه عشوائيه و
قاعده بترسم لوحه كبيره
ادم دخل الغرفه و مخبي ايده ورا ضهره
ادم ابتسم/قالولي انك رجعتي من الشركه ..حمد لله ع السلامه
وراح باس راسها
فريده بابتسامه سابت الالوان/الله يسلمك ي بابي
ادم /عملتي ايه ف التدريب اول يوم
فريده بابتسامه وبفرحه/تحفهه والشركه تحفه و كل حاجه حلوه اوي..وعملت تصاميم كتير وعجبتهم هناك وقالولي اني شاطره
ادم ابتسم/طبعا بنتي شاطره..وانا واثق انك هتكسري الدنيا ب التصاميم بتاعتك وهتبقي اشطر مصممه ازياء ف مصر
فريده ابتسمت وحضنته/حبيبي ي بابي..ربنا يخليك ليا
ادم ابتسم وباس راسها و فريده طلعت من حضنه
ادم/انا للحظه كنت هرفض تدربي ف الشركه وانتي بتدرسي ..علشان خايف عليكي تتبهدلي وتتعبي وانتي بتحاولي توفقي بين الاتنين.. انا مش عايز واحده فيكم تتعب او تتبهدل ابدا ..انتو تعيشو هوانم طول العمر وال عايزينه يجيلكم فورا..بس ف نفس الوقت لقيت ان دي حاجه انتي بتحبيها ونفسك تعمليها حتي وانتي بتدرسي ..ف مقدرتش أرفض
فريده ابتسمت/متقلقش عليا والله الموضوع مش مرهق زي ما حضرتك متخيل..انا علشان حابه الموضوع دا مش حاسه بزهق او تعب وانا بصحاله بدري مخصوص او بخلص المحاضره واجري ع الشركه ..دا غير انهم اول ما بيعرفو اني بنتك او بنت مامي بيريحوني ف كل حاجه مع اني مكنتش عايزه حد يعاملني بتميز علشان الواسطه. عيزاهم يشوفوني انا شاطره
ادم رجع خصله من شعرها وباس راسها/انت كدا كدا شاطره ي روح قلب ابوكي وهتبقي أنجح مصممه ازياء ف مصر
فريده ابتسمت وباست خده
ادم طلع من ورا ضهره علبه الوان نادره جدا و غاليه
ادم ابتسم/انا جبتلك الالوان ال انتي كان نفسك فيها
فريده خدتها بصدمه وبفرحه/بتهزر ...انت جبتها بجد..دي غاليه اوي ي بابي ومش موجوده ف مصر
ادم /مفيش حاجه ف الدنيا دي تغلي عليكي ي روح قلبي ..وبعدين معقوله بنتي يبقي نفسها ف حاجه ومجبهاش
فريده بابتسامه وبفرحه حضنته
فريده/انا بموت فيك بجد
ادم حضنها بقوه وباس راسها/انا ال بعشقك والله
وفريده ابتسمت /ربنا يخليك ليا ي حبيبي
وطلعت من حضنه وباست خده
فريده /انا عرفت ال رولا عملته النهارده..متزعلش نفسك..انت عارف ان رولا اوقات بتتصرف بغضب من غير تفكير و دا بيسببلها مشاكل
ادم باس ايدها /انتي بنتي حبيبتي اعقل واحده فيهم
ربنا يهدي اخواتك .ويبقو عاقلين زيك كدا
فريده ابتسمت
بعد ساعه في غرفه رولا
غيرت هدومها ل بيجامه وعامله شعرها كعكه عشوائيه وقاعده ع السرير بغضب بتاكل ال بيتزا ال طلبتها
ميرا فتحت الباب ودخلت
ميرا/يعني مش هتيجي معايا نعمل شوبنج
رولا بغضب /انتي معندكيش نظر يعني...مش شايفه ان انا متعاقبه
ميرا بعصبيه/طيب انتي بتزعقيلي ليه هو انا ال روحت كسرت الكوبايه ف دماغ زميلي ف الكليه
رولا بغضب/ميرا ..لو مش عايزه تنضربي امشي من وشي حالا انا مش ناقصه
ميرا حطت ايدها ف وسطها/الله الله ..انا عيزاكي بقي تيجي توريني هتعمليها ازاي
رولا بغضب /ا
فريده دخلت الغرفه بعد خلصت رسم
فريده/بس بقي انتو مبتتعبوش من الخناق
رولا رجعت تاكل البيتزا تاني بغضب وميرا قعدت ع الكنبه
فريده قعدت ع السرير
فريده/صالحتي بابي
رولا رفعت كتفها ب اعتراض /لاء خايفه اطلع من الاوضه يزعقلي
فريده/لاء هو قالك مفيش خروج من البيت مش من الاوضه ...يلا روحي
وعدلت لها شعرها وباست خدها
في الصالون
ادم قاعد ع الكنبه وقدامه الاب توب وملف وبيشتغل
احلام راحت له وقعدت جمبه و باست خده وادم خدها ف حضنه وباس راسها
احلام بصتله/مضايقش نفسك ي حبيبي علشان خاطري
ادم اتنهد/رولا مش فاهمه حجم المصايب ال بتعملها.. لما كلموني من الجامعه وانا ف الشركه وقالولي ال رولا عملته انا اترعبت عليها ..خوفت ل يكون الواد دا عمل لها حاجه .
احلام /انت عملت ف الولد ال مسك ايدها دا حاجه
ادم بغضب / ادبته واتفصل نهائي من الجامعه خلاص ..لو كنت شوفته كنت اديتله علقه ميعرفش يقوم منها تاني ..علشان اتجرأ ومسك ايدها
احلام ابتسمت /وعايز رولا تتغير ازاي بس
مهي طالعه لك ...شخصيتها قويه نسخه عن شخصيتك
ادم/وانا حابب دا..وبحب فيها شخصيتها وانها مبتسمحش لحد يتجاوز حدوده معاها.. بس مش ديما بتتصرف صح ..زي ما انتي شايفه كدا
احلام اتنهدت و ادم باس راسها
رولا نزلت من غرفتها وراحت لهم
رولا /احم dad ..ينفع اتكلم معاك شويه
ادم فتح الاب توب/لاء انا مش فاضي دلوقتي
رولا راحت قعدت جمبه
رولا/بابي انا اسفه والله ...انا مش عيزاك تزعل مني
ادم/
رولا باست خده/انا مقدرش ع زعلك والله ي أدوم ..انا اسفه ...مش هعمل كدا تاني
احلام/اوعدي بباكي انك مش هتعملي كدا تاني
رولا /احم ..لازم وعد يعني
ادم بصلها
رولا ابتسمت/بهزر والله
I promise(بوعدك)
ادم /ال حصل دا لو اتكرر تاني ي رولا ا
رولا حضنته بابتسامه بمقاطعه/لاء مش هيتكرر تاني والله
ادم ابتسم وخدها ف حضنه وباس راسها
احلام ابتسمت
ادم/انا بعمل كدا علشان خايف عليكي ي رولا ..انتي و مامتك و اخواتك اغلي حاجه ف حياتي. ولو حصلكم حاجه انا اموت
رولا /بعد الشر عليك ي بابي متقولش كدا..احنا منقدرش نعيش من غيرك
وطلعت من حضنه وباست خده وحضنته تاني و ادم ابتسمت
رولا /لسه زعلان مني
ادم باس راسها /مقدرش ازعل منك
رولا بابتسامه طلعت من حضنه وباست خده و ادم باس ايدها
رولا ابتسمت/طب بالنسبه للعقاب..ينفع نقلل المده شويه صغيرين..يعني بدل اسبوع نخليها يوم مثلا
ادم/ايوا انتي فعلا قللتيها شويه صغيرين
احلام ضحكت
رولا / علشان خاطري ي dad ..انت عارف اني مبقدرش اعدي يوم الا لما اروح ل لونا ..دا انا حتي لسه مفرحتش ب العربيه الجديده
ادم اتنهد/ماشي ..روحي لها بكره
رولا بفرحه حضنته /والله انت احسن اب ف الدنيا دي كلها
ادم ابتسم وباس راسها
ورولا حضنت احلام
رولا/وانتي كمان احسن ام ف الكون
واحلام ابتسمت وحضنتها وباست خدها
في اليوم التالي
ضهرا
في غرفه رولا بتاخد شاور
احلام دخلت الغرفه
احلام/رولا
رولا ف الحمام/ثواني ي مامي طالعه اهو
موبايل رولا رن واحلام بصت عليه وجابته من ع الكومودينو
احلام بصت ع الموبايل وكان مكتوب يحيي
احلام اتنهدت
رولا طلعت من الحمام وهي لابسه البورنص
رولا/كنت عيزاني ف حاجه ي مامي ..موبايلي رن صح
احلام بجديه /ال اسمه يحيي دا بيرن عليكي ليه ي رولا؟مش احنا اتفقنا ملكيش علاقه بيه تاني؟
رولا خدت منها الموبايل وقعدت ع السرير
رولا/منا مش قادره افهم ي مامي ي حبيبتي لي مكلموش هو كان عمل ايه يعني؟ دا شخص كويس ونعرفه دا حتي ابن صحبتك ال ف النادي وزميلي ف الجامعه
احلام بغضب/حتي لو كان ابن مين ..مينفعش تتكلمي معاه وتخرجي معاه لان بباكي معندوش حاجه اسمها بنت من بناته تصاحب ولد غريب
دا مش مقبول عند بباكي اصلا..لو عرف ان ليكي كلام معاه هتبقي مشكله كبيره..وكمان ياسين ومراد اخواتك لو عرفو هتبقي مشكله برضو
رولا/ي احلام هو انا كنت بخرج معاه فين يعني؟ النادي ال جمب الكومباوند و الجامعه..ولو حصل غير كدا بيبقي موافقتك منا مبخبيش عليكي حاجه..ممكن متقلقيش بقي ع الفاضي.انا وهو صحاب وبس ومش هيحصل ازيد من كدا لاني مستحيل اعمل حاجه زي كدا من ورا ادم
احلام/رولا انا قولت ال عندي خروج وكلام مع يحيي دا ع بطال لاء ..ولا هتقابليه ف النادي ولا ف الجامعه ولا ف اي مكان ..وهتعملي له بلوك ..اتفقنا ..
رولا/انا اسفه ي مامي مش هقدر اعمل كدا..انا معرفش انتي وبابي مكبرين الموضوع اوي ..ع فكره الدنيا كلها بتصاحب والدنيا كلها بترتبط وكل صحابي كدا اشمعنا انا يعني بس مع ذلك انا مش مرتبطه ب يحيي احنا مجرد صحاب..
ف اسفه مش هعمل بلوك
احلام / تمام ي رولا..اعندي كويس ومتسمعيش كلامي
رولا/ي مامي ا
احلام طلعت من الغرفه وسابتها ورولا اتنهدت
بعد شويه
في المضبخ عند احلام بتجهز الغدا مع الخادمه
رولا دخلت المضبخ بعد ما غيرت هدومها وباست خد احلام واحلام تجاهلتها بزعل
احلام/روحي ي نهي لو سمحتي روقي اوضه ي ياسين قبل ما يرجع
نهي غطت حله الاكل/حاضر ي احلام هانم من عنيا
وطلعت من المضبخ
رولا ابتسمت/احلام انا اسفه
احلام/
رولا/متزعليش مني ي مامي علشان خاطري والله ما اقدر ع زعلك
وحضنتها واحلام ابتسمت
احلام بصت لها/وهتسمعي الكلام ومش هتكلمي يحيي دا تاني
رولا /ي مامي مش انتي بتثقي فيا وعارفه اني متربيه كويس ومستحيل اعمل حاجه غلط..وكل حاجه بحكيهالك اول ب اول ومبخبيش عنك حاجه
احلام/ايوا طبعا واثقه فيكي
رولا ابتسمت /يبقي خلاص متخافيش عليا ..هاتي بقي حضن
احلام باست خدها وحضنتها ورولا حضنتها بابتسامه
رولا/انا بحبك
احلام باست راسها/وانا بموت فيكي والله
رولا ابتسمت
