رواية الجميلة والوحش ادم واحلام الجزء الثاني الفصل الخامس
ف شركه تصميم الأزياء عصرا
فريده واقفه مع موظفه وماسكه الوان قماش وتصاميم
فريده/دا ال ليلي هتبدأ تشتغل عليه صح
نهله/ايوا مظبوط
موظفه تانيه راحت لهم بسرعه
منه بتوتر/الحقوني..زين بيه جاي ع هنا دلوقتي وكان طالب مني ملف من الأرشيف امبارح ونسيت اجبهوله اتلخمت ف الشغل فضلت طول اليوم اطلع وانزل ف فساتين وقماش
نهله/اهدي طيب وروحي هاتيه بسرعه
منه/اكيد مش هلحق دا هياخد ساعه لحد ما الاقيه ..انا واثقه لو قولت له مجبتهوش هيطردني دي تاني مره اتأخر عليه ف حاجه
زين طلع من الاسانسير وماشي ويارا وراه بتحاول تلحق خطواته
زين/سرعو ف تصوير الكاتلوج
مستشار الصحافه مستني الصور علشان المجله
يارا/امر حضرتك
زين ويارا راحو ل فريده و منه و نهله
زين/صباح الخير
فريده و نهله/صباح النور
زين ل منه/انتي عندك بتعملي ايه ي منه فين الملف ال طلبته منك ؟
منه بتوتر/م مهو ي زين بيه ا انا
زين بغضب/مهو ايه؟مش انا طالبه منك من امبارح وقولت لك يبقي ع مكتبي الصبح..دا غير ملف الصفقه
منه/
فريده بتحاول تنقذ الموقف/احم انا السبب
زين بصلها و منه ونهله بصو لها
فريده بتوتر لانها مبتعرفش تكدب/انا ال قولت لها هجيبه لحد م ما انتي تعمليلي ال طلبته منك ..احم ونسيت
زين ابتسم لان واضح عليها جدا انها مبتعرفش تكدب بس هي من قلبها الطيب بتحاول تساعد زميلتها ال لسه عرفاها من يومين
زين/تمام ي فريده ..بعد اذنك محتاج الملف دلوقتي (وبص ل منه)وياريت ملف الصفقه يبقي ع مكتبي دلوقتي
منه/حاضر
زين مشي و يارا راحت ورا
منه/انا مش عارفه اقولك ايه ي فريده بجد...انا مش هنسالك ال عملتيه معايا دا طول عمري.شكرا
فريده ابتسمت/بتشكريني ع ايه بس انا معملتش حاجه ..يلا روحي هاتي الملف ال طلبه منك
منه ابتسمت/حاضر
ومشيت
نهله فتحت درج وطلعت منه مفتاح
نهله ابتسمت/اتفضلي ي منقذه ...مفتاح الأرشيف..هو عايز ملف ٢٠١٩
فريده ابتسمت واخدت منها المفتاح
فريده قبل ما تروح الأرشيف عدت ع الحمام تغسل وشها لانها منامتش كويس وهتموت وتنام
بتول كانت قدام المرايه ف الحمام بتظبط الميكب بتاعها وماسكه فرشه وبلاشر
بتول وهي مشغوله/حبيبتي ممكن تجيبي لي منديل
فريده بصت لها ب استغراب وبعدين راحت جابت لها منديلين
بتول /امسحي اللمعه ال ف وشي لان زي ما انتي شايفه ايدي مش فاضيه
فريده اتنهدت و مسحت لها اللمعه ب المنديل
ورمته ف الزباله و فتحت المايه تغسل وشها
بتول بضيق/ايه دا ايه دا حاسبي انتي بتجيبي مايه ع فستاني
فريده قفلت المايه بغيظ
فريده/طبعا..اي أوامر تانيه
بتول بتفكير/اه والله انا مفطرتش النهارده..جيبيلي توست و القهوه بتاعتي يلا
فريده/حضرتك انتي ازاي تتكلمي معايا كدا اصلا مش فاهمه
بتول بغضب/بتكلم معاكي ازاي يعني ..مش زيك زي اي موظفه شغاله هنا تعمليلي ال انا عيزاه وانتي ساكته
فريده بغضب/لا والله انا مش شغلتي اني اخدم حضرتك واجيب لك القهوه بتوست ..انا بتدرب هنا ف الشركه تحت ايد استاذ زين
بتول ابتسمت /انتي ال شكلك متعرفيش انا مين
أنا حبيبه زين..يعني مديرك
فريده بصت لها/ايه دا فعلا؟
ع حد علمي حبيبه المدير دا مش منصب
بتول بغيظ/
غير كدة انا وجه ماركه الشركه السنه دي
فريده ابتسمت/برافو عليكي كدة عرفتي نفسك بشكل صح ..عن اذنك
ومشيت من قدامها وبتول كانت هتولع من الغيظ ازاي واحده جايه تدرب مع زين تتكلم معاها كدا
بعد ربع ساعه
فريده ف الأرشيف
بتدور ع ملف ٢٠١٩ بس الموضوع بياخد وقت لان في ملفات كتيره
وحاطه الموبايل ع ودنها بتكلم رولا وميرا مكالمه جماعيه
رولا ف اوضتها فالبيت بتتفرج ع مسلسل
و ميرا خرجت مع صحابها ب العربيه الجديده
ميرا ضحكت/تقريبا كانت مفكره ان فريده علشان هاديه وكيوت وطيبه هتسمح لحد يتجاوز حدوده معاها
رولا بغضب/وهي كدا كانت عملت حاجه ؟كان لازم تمسكيها من شعرها وتحطيها تحت رجلك..ولا هي علشان موديل ف الشركه مناخيرها رفعاها ف السما . لا ي حبيبتي لو هي موديل ف انتي بنت ادم الحديدي وبنت صاحبه الشركه يعني ممكن تطرديها ف اي لحظه
ميرا/بس فريده مقالتلهاش انها بنت ادم الحديدي والا كانت اتخرست
فريده وهي بتطلع ع طربيزه علشان تطول الملفات ال فوق
فريده/منا مش همشي اقول ل كل الناس اني بنت ادم الحديدي واحلام هانم صاحبه الشركه ..انا وقفتها عند ها وخلاص ..مع اني مش متعوده اكلم حد كدا بس قله الزوق والتعالي مبحبوش ..المهم انتو بتعملو ايه كدا
ميرا بابتسامه/روحت مع صحابي حضرنا محاضره بعدين خرجنا ب عربيتي الجديده عايزه اقولك اتوهمو بيها وتحفههه
رولا/وانا بتفرج ع مسلسلي عادي جدا
انتي ال بتعملي ايه كدا وعندك دوشه ي فريده
فريده/بدور ع ملف ل زين من الأرشيف
لارا/انتي عارفه لو بابي عرف انك عملتي كدا هيعمل ايه؟ مش هيخليكي تروحي التدريب دا تاني ..انتي فريده هانم ي ماما مش مضطره تجيبي ملفات لحد دي شُغله الموظفين مش شغلتك انتي
فريده/و ايه ال هيعرف بابي بس
فريده بتحاول تشد ملف من فوق
فجأه زين دخل المكتب
زين/انتي بتعملي ايه عندك
زين بخضه وقعت التليفون ع الارض وهي بتسحب الملف كانت هتقع زين مسكها بسرعه و فريده اتشعلقت ف رقبته بسرعه قبل ما تقع
زين وهو باصص ف عيونها/خلي بالك
فريده وهي سرحانه من قربه/ها
بتول كانت بتدور ع زين ودخلت الأرشيف وشافت زين وهو قريب من فريده اوي كدا وسرحانين
بتول بصت لهم بغل و اتوعدت لها وطلعت من المكتب
فريده انتبهت انها ف حضنه
فريده بتوتر/ممكن تبعد عني بعد اذنك
وبعدت عنه وزين سابها وكانت هتقع تاني
فريده بخوف/امسكني بسرعه
زين مسكها تاني وضحك
زين/حددي موقفك ..اسيبك ولا امسكك
فريده بتوتر /احم يعني سبني بس براحه من غير ما أقع
زين بعد عنها وساعدها تقف وفريده بعدت عنه بتوتر وجابت موبايلها من ع الارض
زين/كنتي بتعملي ايه فوق
فريده/كنت بجيب لك الملف
زين/دا؟
وجاب الملف من الدرج ال جمبه
فريده بصدمه/هو هنا وانا بقالي ساعه بدور عليه
زين ابتسم/انك تجيبي ملف من الارشيف دا مش شغلك ومش متعوده تعمليه ..لقدر الله كنتي هتقعي تتكسري ..بس هعترف دي حركه حلوه منك انك تحاولي تنقذي زميلتك
فريده بتوتر/احم انا مكذبتش انا ا
زين/لاء متحاوليش تكذبي تاني علشان مبتعرفيش
فريده ابتسمت بتوتر
زين/ الملف خلاص معايا ..شكرا جدا
وخد الملف ومشي وفريده ابتسمت
مساءا في night club
ال مكان ال بيسهر فيه ياسين
دخل ال نايت كلَب ب كاريزمته المعتاده والمكان كان مليان بنات و شباب بيشربو وبيرقصو
ياسين راح سلم ع ٢ صحابه(محمود و معاذ) واقفين عند طربيزه
محمود/هلا والله
ياسين/عاملين اي
معاذ/زي الفل والله ي صاحبي
ياسين شاور للجارسون وراحله بسرعه
الجارسون/أأمر ي ياسين بيه
ياسين/هاتلي بقي ي سحس من المشروب بتاعي خلينا ننبسط ..وهات للعيال دي ال هما عايزينه ع حسابي
سحس/من عيوني تحت امرك
وصحاب ياسين طلبو والجارسون مشي
معاذ/ تسلملنا ي ابو الصحاب
محمود/اخيرا بباك فك الحظر عنك و أعطاك الفيزا تاني
ياسين/ادوم فك الحظر من زمان ي ابني
وياسين بص ع بنت واقفه مع حبيبها ع الطربيزه ال جمبه
عماله تبص له ب أعجاب من اول ما دخل
ياسين ابتسم لها والبنت ابتسمت وحبيبها مش واخد باله
معاذ/يخربيتك انت بتبص ل مين ..دا معاها صاحبها زي العجل جمبها اهو
ياسين /انا مالي يعم هي ال مركزه معايا
وال جرسون جاب المشروب وحطه ع الطربيزه وبدأو يشربو
محمود موبايله رن /يخربيت ام النكد
ياسين/في اي انت كمان
معاذ ضحك/حبيبته منكده عليه وعماله تقوله روح البيت وبتاع
ياسين ضحك/لاء وبيقولولي انا مش مرتبط لي..ارتبط علشان واحده تفضل تقولي رايح فين وجاي منين و تنكد ع اهلي ..ادينا بننبسط اهو من غير اي قيود
محمود/ما تقعدو ساكتين انتو الاتنين بقي ...اروح افركش معاها علشان ترتاحوا؟
ياسين ومعاذ ضحكو
وموبايله رن تاني
محمود/انا همشي يعم..هروح علشان هتنكد عليا اسبوع علشان مردتش عليها
معاذ/روح روح ي اخويا
ياسين/ربنا معاك
محمود خد موبايله ومشي
البنت لسه مركزه مع ياسين و ياسين بيبص لها من حين ل اخر لحد ما الشاب خد باله
الشاب راح ل ياسين بغضب /مالك ي نجم في اي ..مركز ع الطربيزه بتاعي ليه ال فيها حبيبتي
معاذ بصوت واطي/شفت قلت لك هيحصل مشكله
ياسين /حبيب قلبي انا مش مركز ع طربيزتك ولا حاجه هي ال عنيها هتطلع عليا.
يعني ربيها الاول.
الشاب بغضب ضرب ياسين بوكس ف وشه
والاغاني وقفت والكل وقف يتفرج بصدمه
ياسين عدل هدومه بثقه
و ضرب الشاب ب الروسيه والشاب وقع ع الارض وياسين جاب كرسي خشب من الموجود وكسره عليه
معاذ بصدمه/ينهار اسود
ياسين/يلا ي بابا خد حبيبتك واتكل ع الله
الشاب قام بغضب/وحياه امي ل اوريك
وشد حبيبته من دراعها وطلعو برا المكان
ياسين عدل هدومه/اهدو ي جماعه محصلش حاجه مجرد سوء تفاهم ..ياريت الأغاني تشتغل تاني
والاغاني اشتغلت وكملو رقص
معاذ/يخربيت سنينك ال عملته دا .
ياسين/هسكتله يعني ولا اي ..لا انا مبخافش من حد ي حبيبي
وشرب شويه من المشروب وفجأه دخل من باب ال نايت كلب الشاب ال ياسين ضربه ..ومعاه ٣ شباب طول بعرض وباين عليهم الغضب
ياسين تف المشروب ال كان بيشربه
معاذ بصدمه/ي نهار اسود
ياسين طلع موبايله بسرعه و رن ع مراد
ومراد مردش
ياسين/رد الله يخربيتك
مراد رد بنوم /عايز اي يالا ف نصاص اليالي
ياسين/مراد الحقني ..انا ف نايت كلب *** ال قريب من بيتك دا.. و في٤ شباب جايين عليا تقريبا كدا هيقتلوني ..قول ل احلام اني كنت بحبها ..وقول لها كمان لما ال ادم سحب مني الفيزا انا مكنش معايا ولا مليم ف خدت من اوضتها ٥ الاف جنيه من وراها ف ياريت تسامحني
مراد بسرعه/اقفل انا جايلك حالا
عند مراد قام من ع سريره بسرعه وغير هدومه ولبس الكوتشي و خد موبايله ومفاتيح عربيته وطلع من الفيلا بسرعه وركب العربيه وانطلق
عند ياسين ف النايت كلب
ال ٤ شباب راحو وقفو قدام ياسين
ياسين /احم ..جماعه استهدوا بالله ..الموضوع مش مستاهل..انا و الراجل ال غلبان دا معملناش حاجه و ا
وبص ع معاذ ملقهوش جنبه
ياسين بصوت واطي/هرب الجبان ابن ال****
الشاب بغضب/والله العظيم ل اندمك ع اليوم ال مديت ايدك عليا فيه ..هخليك تتمني الموت
ياسين/ليه ليه اتمني الموت ليه..وبعدين بصراحه بقي ي جماعه ٤ ع واحد مش رجوله
الشاب كان هيروح يضربه بغضب مراد دخل النايت كلاب بسرعه وراح لهم ومنع الشاب يضرب ياسين
ياسين /الحقني ابوس ايدك
مراد/اي ي جماعه في اي
الشاب بغضب/انت مين انت كمان
مراد/دا اخويا الصغير يعني لو غلط ممكن نحل الموضوع ودي
ياسين/اقسم بالله ملحقتش اغلط معاها انا معرفهاش اصلا
الشاب بعصبيه /وربي ل اوريك
وكان هيروح يضربه مراد منعه
مراد/ليه؟ لي العنف يعني وحنا ممكن نحلها ب هدوء.ايا كان حجم المصيبه ال عملها ممكن يعني ندور ع حل
ياسين/اه .في حلول ..في حلول والله بس نهدي
الشاب بغضب/انا بقي عندي الحلول
ياسين اتنهد براحه/طب ما تقول كدا من بدري
الشاب/. اخوك جه اهو ..كدا بقي ٤ع ٢
و مسك ياسين ضربه بونيه
وشاب تاني كان رايح يضرب ياسين
مراد مسكه من هدومه وضربه بالروسيه
و ياسين قام من ع الارض وضرب ال ضربه و فضلو ال ٦ يضربو ف بعض وكسرو ال كراسي ع بعض لحد ما النايت كلاب اتدشدش و معظم الناس ال فيه طلعت منه بخوف
مراد وياسين ضربو ٢ وقعهوهم ع الارض و ٢ كانو هيهجمو عليهم
يونس بصدمه كاذبه /استنووو..تقريبا في صوت بوليس
الاتنين بصو ع الباب
ياسين /اجري ي مراد بسرعه
ومراد و ياسين طلعو من النايت كلب بسرعه و الشابين جريو وراهم
ومراد ركب عربيته بسرعه و ياسين ركب جمبه
وانطلقو
مراد بعصبيه وهو سايق/مين دول واي ال حصل خلي المشكله توصل للدرجه دي الله يخربيتك
ياسين وهو بيبص ورا يشوفهم وراهم ولالا
ياسين بصدمه/ينهار ابيض
مراد بخضه/ايه في ايه
ياسين سند ضهره / كدا انا بهدلت النايت كلب ل سحس و هيزعل ..لازم اعوضه عن الخساير دي
مراد ضربه بغضب/ي اخي الله يخربيتك انت و سحس ف يوم واحد
في الكومباوند عند ادم الساعه ٢ بليل ف الصالون
مراد و ياسين واقفين قدام ادم وهما حاطين رأسهم ف الارض بعد ما حكوله ال حصل وبيزعق لهم ووشهم مليان كدمات و خرابيش من الخناقه
ادم بعصبيه/وانت مفيش فايده فيك ابدا...كل يومين تعملي زفت مشكله انا مش عارف هتعقل امتي
ياسين /ي بابا انا ا
ادم بنفس العصبيه/اخرس خالص انا مش عايز اسمع صوتك..و زنبه ايه مراد اخوك يتبهدل بالشكل دا علشان استهتارك وصياعتك وقله ادبك
و احلام واقفه وجمبها ميرا
و خايفه من عصبيه ادم و خايفه برضو ع ياسين ومراد بسبب الكدمات ال ف وشهم دي
احلام بتحاول تهدي ادم/خلاص ي حبيبي اهدي علشان خاطري متضايقش نفسك
ادم بعصبيه/ما انتي مش شايفه عمايل ابنك ي احلام؟ انا خلاص جبت اخري من استهتاره دا وقله أدبه..لولا ان مراد لحقه كنت هروح اجيبه من المستشفى .
وسابهم وطلع غرفته
ياسين بصوت واطي/قلت لك نقوله ان احنا وقعنا من ع السلم لازم تقوله الحقيقه يعني
مراد/انت متخلف ؟ في وقعه من ع السلم بتشلفط الوش كدا .؟
احلام جابت الاسعافات الاوليه
احلام بغضب/اتفضلو اقعدو
مراد و ياسين قعدو
و احلام بدأت تضمد جروح وش ياسين
و ميرا بتضمد وش مراد
ياسين/حتي انتي ي احلام زعلتي .والله انا مش زنبي يعني هو ال فهم غلط وفكرني بعاكس حبيبته
احلام بحزن/بس ي ياسين..اسكت خالص ..بباك عنده حق ف كل كلمه قالها ..بسبب العيال الصيع دول كان ممكن تروح فيها ..لولا مراد جه نجدك منهم ..انتو الاتنين كان ممكن يحصل لكم حاجه بسببهم
مراد/احنا زي الفل ي مرات خالو متقلقيش
ياسين / محصلش حاجه ي احلام لكل ال انتو بتعملو دا
احلام /
ياسين باس ايدها /ع الاقل انتي متزعليش مني علشان خاطري ي ماما
احلام/
ياسين/يعني انا كان ممكن اموت فيها بدل ما تحمدي ربنا تخاصميني يعني ؟ انتي عارفه ان انا مبقدرش ع زعلك
احلام بخوف/بعد الشر عليك اياك تقول كدا تاني
ياسين ابتسم وباس راسها وخدها
احلام/مش هتكرر تاني؟ إياك عملتك دي تتكرر تاني
ياسين ابتسم/حاضر ي روح قلبي
وباس خدها
واحلام خلصت تضميد جرحه
وبتطمن ع مراد
احلام بقلق/وريني جرحك ي حبيبي
وحطت ع جرحه بيتادين
مراد ابتسم/متقلقيش والله انا كويس
احلام اتنهدت/الحمد لله عدت ع خير
..هطلع اشوف ادم ..وانت بات هنا النهارده متروحش البيت علشان متخضش اهلك ف نص الليل
مراد /حاضر
واحلام طلعت فوق
ياسين/انا داخل الحمام
مراد/روح ي اخويا
ومشي
و ميرا وهي بتضمد ال جرح ال ف وش مراد ايدها كانت بتترعش
مراد مسك ايدها ال بتضمد جرحه وباسها
مراد ابتسم/انا كويس متخافيش
ميرا بتوتر/الحمد لله ان محدش جراله حاجه ..انا قلبي كان هيقف لما شفتكم داخلين بالمنظر دا
مراد بص ف عينها/احنا زي الفل و كويسين اهو ..متقلقيش
ميرا ابتسمت و هزت راسها بموافقة
ميرا/استني قربت اخلص
و حطت لزقه ع قورته
ميرا/بس خلصت
مراد ابتسم
و ياسين طلع من الحمام
ميرا بصت ل ياسين بحزن/انت كويس ؟
ياسين/انتي شايفه اي؟
ميرا راحت له وحضنته
ياسين ابتسم وباس راسها/كويس يبت انا ازي الفل
وميرا طلعت من حضنه وياسين
مسك ايدها وباسها
مراد ابتسم
ميرا/بس بابي زعل منك اوي المره دي ي ياسين ..وخاف عليك
ياسين اتنهد
ميرا/ انا هطلع انام ..تصبحو ع خير
مراد /وانتي من اهل الخير
وطلعت فوق
ياسين قعد جمب مراد
ياسين/مش هينفع اروح الجامعه بكره بمنظر وشي دا ..كدا برستيجي وسط البنات مش هيبقي الطف حاجه
مراد/ي شيخ اتنيل ..يلعن ابو شكلك انت و البنات بتاعتك دي انا طالع انام
وقام
ياسين/استني خدني معاك طيب
في اليوم التالي
صباحا
ف الكومباوند
في غرفه ياسين
ياسين ساب مراد نايم و طلع من غرفته
رولا طلعت من غرفتها بعد ما غيرت هدومها ل توب بيج وجيبه ستان قصيره حاجه بسيطه وعامله كعكه صغيره فوق وباقي شعرها مفرود
رولا وهي بتبص ف الموبايل/صباح الخير ي ياسو
ياسين/صباح النور
و فريده طلعت من الغرفه وراحت لهم وهي لابسه بلوزه رصاصي ومدخلاها ف بنطلون جينز ولابسه عليه حزام وفارده شعرها
فريده بصت ع وش ياسين بصدمه
فريده بقلق مسكت وشه/ايه دا ي ياسين ايه الحصل
رولا بصتله بقلق/ينهار ابيض انا مخدتش بالي..ايه ال حصل دا
ياسين/مفيش حاجه متقلقوش انا كويس..خناقه بسيطه امبارح ف النايت كلب ومراد كان معايا
رولا /كل دا وبسيطه ي ياسين
ياسين /انا كويس والله متخافوش
فريده اتنهدت وحضنته و ياسين ابتسم وباس راسها
ياسين/تعالي انتي كمان
وخد رولا ف حضنه وباس راسها
رولا/طيب بتوجعك اوي؟
ياسين/لا اتحسنت شويه الحمد لله
وطلعو من حضنه
فريده/ومراد عامل ايه
ياسين/نفس حالتي كدا بالضبط
رولا اتنهدت/الحمد لله عدت ع خير
ياسين/هو بابا فين
فريده /دادا رحمه قالت لي انه بيفطر مع مامي تحت ..تعالو ننزل يلا
ونزلو
عند ميرا..طلعت من غرفتها بعد ما لبست بلوفر احمر قصير و بنطلون اسود وايد ليج وفارده شعرها وعامله خصله واحده ضفيره
وبصت ع غرفه ياسين ال فيها مراد والباب كان متوارب
ميرا دخلت الاوضه و مراد كان نايم ع السرير
ميرا تأملته وهو نايم وابتسمت
وقربت منه تغطيه كويس
مراد بدأ يصحي
وفتح عينه
مراد/ميرا
وقعد ع السرير ومسح وشه ب ايده
ميرا/انا ..انا كنت بطمن عليك.اسفه لو صحيتك
مراد بصلها و ابتسم وقال بصوت واطي /اسفه اي بس.. دا احلي صباح عدي عليا ف حياتي
ميرا/بتقول ايه
مراد انتبه /لا ابدا كنت بقولك ولايهمك
ميرا/طب لحظه واحده اغيرلك اللزقة الطبيه قبل ما اروح الجامعه
مراد ابتسم وميرا فتحت الدرج وجابت علبه الاسعافات
وقعدت جمب مراد وبدأت تشيل اللزقة ال قديمه وتحط واحده جديده و مراد باصص ف عينها و سرحان فيها و فكل حركه بتعملها
ميرا ابتسمت /بس خلصت
مراد انتبه وحط ايده ع اللزقة
مراد/اه شكرا تسلم ايدك
مراد تليفونه رن ومراد جابه من ع الكومودينو وميرا بصت وكان مكتوب مها
مراد رد /الو
مراد ابتسم/اه ...تمام خلاص ماشي .....آه جاي الشركه سلام
وقفل
ميرا/مين دي
مراد/دي واحده بتشتغل عندنا ف الشركه
ميرا بغيره/امم اصل شوفتك بتضحك يعني ف قلت دي اكيد قريبه منك يعني ..اوعي تكون هي نفسها الدلوعه ال شفتها ف الشركه
مراد ابتسم/انتي غيرتي؟
ميرا /لا طبعا..يعني انا هغير لي .
مراد بصلها بمعني متأكده؟!
ميرا/ايوا وبعدين انت صاحبي انا بس متضحكش ولا تهزر مع اي واحده ف الشركه عندكم كدا والسلام
ورفعت صابعها ب تحذير
ميرا/فاهم؟
مراد ابتسم/ايوا طبعا انا صاحبك انتي وبس محدش يقدر يقول غير كدا..دي واحده كبيره اصلا حاجه و ٣٠ سنه وشغاله معانا من زمان زي اختي الكبيره يعني
ميرا ابتسمت/اوك هروح الجامعه انا بقي
مراد/تحبي اوصلك ؟
ميرا/لا متتعبش نفسك كدا كدا غزل هتيجي دلوقتي و هنروح انا وهي و رولا بعربيتي
مراد /ماشي خلو بالكم من نفسكم
ميرا/حاضر ..يلا باي
و طلعت برا الغرفه ومراد ابتسم وحط ايده ع اللزقة ال ميرا حطتهاله
تحت ف الصالون
ادم و احلام و رولا قاعدين ع السفرا بيفطرو وفريده راحت الجامعه
ياسين نزل من فوق و راح لهم
ياسين/صباح الخير
احلام /صباح النور ي حبيبي
وادم مردش
و ياسين اكتر حاجه بتأثر فيه ان ادم يتجاهله ويعتبره مش موجود و ولا يهزر معاه ولا يشتمه وينكشه زي ما متعودين يناكفو ف بعض..و دا مش بيأثر ف ياسين بس حتي البنات اكتر حاجه بتزعلهم ان ادم يخاصمهم يعني لو زعق واتعصب بالنسبه لهم احسن ١٠٠ مره من انه ميتكلمش معاهم
ياسين /بابا ..انت لسه زعلان مني ؟
ادم من غير ما يبصله/ انا ولا هزعل ولا هتكلم ولا هتعصب بعد كدا ..انت حر ف حياتك اعمل ال انت عايزو اعتبرني مش موجود
ياسين راح ل حمزه بحزن ومسك ايده
ياسين/لا ي أدوم والله متقولش كدا ..انا اسف انا ا
ادم/خلاص ي ياسين انا مش عايز اتكلم ف مواضيع دلوقتي
ياسين اتنهد وقال ل احلام/.داده رحمه فين تعملي ال قهوه علشان مصدع
احلام/بتروق فوق استني هعملك انا القهوه
وكانت هتقوم
ياسين/لالا ي ماما خليكي كملي فطار هعملها انا
احلام/طب مش هتفطر؟
ياسين/لا مليش نفس
ودخل المضبخ
احلام ل ادم/هتفضل زعلان من الولد كدا كتير ..هو غلط اه بس ا
ادم/مفيش بس ي احلام..انا تعبت خلاص وجبت اخري من تصرفات ابنك ..سهره و صياعته و البنات ال يعرفها و خناقاته مع الصيع ال ف الشوارع.
احلام اتنهدت
هي مش قادره تقول حاجه لان ادم معاه حق غلطات ياسين مستمره ومبتخلصش ..المره دي ربنا سترها عليه المره الجايه الله اعلم ممكن يحصل اي
غزل دخلت الكومباوند وراحت لهم
غزل بابتسامه/صباح الخير
ادم/صباح النور ي حبيبتي
احلام بابتسامه/اقعدي افطري
غزل/لا ي حبيبتي الف هنا انتو انا سبقتكم هي ميرا فين
رولا /فوق اطلعي لها استعجليها علشان نمشي
غزل/اوك
ومشيت
ادم قام/انا هروح الشغل ..عايزه حاجه؟
احلام ابتسمت/عايزه سلامتك ي حبيبي
ادم باس راسها وباس راس رولا
وخد جاكيته و موبايله ومشي
عند غزل كانت هتطلع ل ميرا بس شافت ف المضبخ ياسين واقف بيعمل قهوه
غزل ابتسمت ودخلت المضبخ
غزل /صباح ال
وقالت بصدمه
غزل /ينهار ابيض ..اي ال ف وشك دا
ياسين بخضه/في اي ع الصبح انتي كمان
غزل قربت منه ومسكت وشه بقلق و خوف/اي ال حصل ..مين عمل ف وشك كدا
ياسين/مفيش لقيت نفسي فاضي قلت اتدحرج ع السلم شويه ف اتخرشمت
غزل بقلق /انا مبهزرش ..اي ال حصل ي ياسين
ياسين اتنهد/ متقلقيش انا كويس .خناقه بسيطه كدا حصلت لما كنت سهران امبارح مش حوار يعني
غزل بغضب/شفت بقي ان السهر وقله الادب دي مبيجيش من وراها غير المشاكل
ياسين/امشي ي بت شوفي انتي كنتي راحه فين.. يلا علشان مصدع وقرفان
غزل خبطته ف صدره/طيب خلي السهر وقرفك دة ينفعوك و بعدين هو مفيش غيرك مضايق وقرفان يعني انا كمان متضايقه ع فكره
ياسين/خير في ايه.
غزل رفعت كتافها بضيق /بابي مش عايز يجبلي عربيه دلوقتي اتكلمت معاه تاني وكل شويه يقولي انتي لسه صغيره
ياسين/ما عنده حق ..انتي لسه صغيره ..بابا جاب ل البنات عربيات قريب يعني وهما ١٩ سنه تقريبا
غزل/ع فكره بقي انا مش صغيره ١٨ سنه مش صغيره خالص ..انا اقدر قانونيا اسافر لوحدي و اقدر اخد اوضه ف اوتيل ب بطاقتي لوحدي ..و اقدر اتجوز عرفي و ا
ياسين مسكها من دراعها بغضب/انتي عبيطه ولا ايه قسما بالله اولع فيكي حيه
غزل ابتسمت/اهدي انا بهزر والله
ياسين ساب دراعها /طب غوري يلا
غزل / ابو شكلك
وطلعت من المضبخ
في شركه تصميم الأزياء ف مكتب ليلي
قاعده قدامها تصميم بتحاول تختار الوانه وبتول قاعده ع المكتب قدامها عماله ترغي وتصيح وليلي اتخنقت منها
بتول/لو تشوفيها ي ليلي ازاي اتكلمت معايا ب اسلوب قليل الزوق..مش فاهمه جايبه الثقه دي منين ..و ف الاخر اشوفها ف اوضه الارشيف قريبه منه ب المنظر دا
ليلي مسكت راسها بصداع
ليلي بعصبيه/مرام...where is my coffee (فين قهوتي)
مرام كانت واقفه عند فستان بتظبطه
مرام/حالا ي ليلي هانم
ومشيت بسرعه
بتول بغضب/هتفضلي ساكته كدا ي ليلي ما تقولي حاجه ..هو في بينهم حاجه ..بين زين وال بنت دي
ليلي ابتسمت/ايه دا هو في بينهم حاجه؟
ومسكت المروحه تهوي ع نفسها
ليلي بفضول/لو في بينهم حاجه قولي
بتول بغضب/انتي بتسأليني انا؟معرفششش انا ال محتاجه اعرف.. وبعدين لازم زين يطردها وميدربهاش بعد ال عملته معايا دا
ليلي ضحكت
بتول/بتضحكي ع ايه
ليلي/يطردها؟ فريده
بتول/ايا كان اسمها مش فارق معايا ..ايوا يطردها
ليلي/حبيبتي..فريده لو عايزه تطردك وتطرد الشركه كلها بيا شخصيا هتعمل كدا ي بيبي عادي..دي بنت احلام هانم ال بتملك نص الشركه
بتول/دا بجد؟
ليلي وهي بتهوي ع نفسها /اهاا
بتول ابتسمت/حتي لو..زين مبيحبش الوسايط اصلا وانتي عارفه..وانا هخليه يطردها يعني يطردها
ليلي/اهاا انا واخده بالي فعلا
في مكتب زين
قاعده بيشتغل ع ملف قدامه
فريده راحت له و ف ايدها تصاميم وباين عليها التعب لانها مصدعه
فريده خبطت
زين/ادخل
فريده دخلت وزين كان مشغول ف ملف قدامه
فريده ابتسمت/مساء الخير
زين ابتسم /مساء النور
فريده /عملت التصاميم ال طلبتها مني
زين/تعالي
فريده راحت له وحطت التصاميم ع الطربيزه
زين بصلها وهو بياخد التصاميم/انتي كويسه
فريده ابتسمت/اه كويسه مصدعه شويه بس علشان صحيت بدري النهارده كان عندي امتحان لازم اروحه..يعني بحاول اوفق بين الجامعه والتدريب
زين/طب تعالي اقعدي هطلب لنا قهوه..انا كمان لسه مشربتش القهوه بتاعتي
فريده/لاء انا مش عايزه اعطلك شكلك مشغول
زين/اقعدي ي فريده ..كدا كدا هنشتغل ع التصاميم ال انتي عملتيها
فريده ابتسمت وهزت راسها بموافقه
وقعدت و زين فتح سماعه التليفون ال جمبه وطلب من السكرتيره ٢ قهوه وقفل المكالمه
زين /قوليلي بقي..ايه ال جابرك تدرسي وتدربي ف نفس الوقت يعني كان ممكن تشتغلي لما تتخرجي ع طول كدا كدا دي شركتكم ف هتتعيني ع طول
فريده بابتسامه/انا عارفه اني ممكن اشتغل فيها ف اي وقت لما اتخرج بس انا مش قادره استني كمان سنه ونص علشان اتدرب فيها ..أنا بعشق الشركه دي وحلم من أحلامي اتدرب فيها لحد التخرج..مش مشكله يعني لو تعبت ف يومي شويه بسبب الدراسه وال تدريب المهم اني بعمل حاجه بحبها
زين ابتسم وبص ف عيونها ال بتلمع وهي مبسوطه ..معقوله واحده بنت رجل أعمال من اغني اغنياء مصر.. مبسوطه ب ابسط الحاجات ..زي انها بتدرب ف شركه مثلا
ادهم طلع من مكتبه وكان هيروح مكتب زين لقي الباب متوارب و فريده قاعده معاه جوه بيتكلمو
ادهم ابتسم بخبث وحب يستغل الفرصه
راح ل بتول واقفه بتتكلم مع موظفه
ادهم/ايه الاخبار ي حلوه
بتول اتنهدت/الحمد لله ي ادهم
انت عامل ايه
ادهم/انا زي الفل
وبص ع الموظفه ال واخده اتنين قهوه ل مكتب زين
ادهم/بسرعه بس ي رانيا علشان زين و فريده مستعجلين ع القهوه
رانيا/حاضر ي ادهم بيه
ومشيت
بتول فتحت فمها بصدمه
ادهم ابتسم
بتول/هما قاعدين جوه بيتكلمو وطالبين قهوه
ادهم بخبث/اه .في حاجه ولا ايه
بتول ب استياء/ادهم بجد انا حاسه ان في بين زين والبنت دي حاجه.
ادهم /ايه دا اشمعنا
بتول حاكت له
ادهم ابتسم
بتول/انا كان ممكن اقول يعني كانت هتقع وهو ساعدها بس اشمعنا هي لازقه له ٢٤ ساعه ف الشركه واشمعنا هو ال بيدربها
ادهم/بصراحه معاكي حق..انتي عارفه ان زين الوقت عنده يدوب معندوش وقت يدرب حد
بتول /ادهم انت اخوه الصغير وعارف عنه كله حاجه بليز قولي
ادهم/لالا ي بتول انا مقدرش اقول سر من أسرار زين
بتول بصدمه/يعني في بينهم حاجه زي متوقعت
ادهم ابتسم/مش عارفه الحقيقه اكتشفي بنفسك بقي ي بتول..عن اذنك ورايا شغل
ومشي وبتول ربعت ايدها بغضب
في شركه آدم المغرب
ياسين طلع من الاسانسير ف الدور ال موجود فيه مكتب ادم
وراح للسكرتيره ال قاعده قدام مكتب ادم بتشتغل
ياسين بابتسامه/الحلوه عامله ايه
السكرتيره قامت بابتسامه/ياسين بيه .اقدر اساعدك ف حاجه
ياسين/ هو بابا فين
السكرتيره/ف مكتبه بيشتغل
فراس كان رايح مكتبه وشاف ياسين
فراس ابتسم/ياسوو ..بتعمل ايه هنا
ياسين بابتسامه راح سلم عليه
ياسين/جوز عمتي الغالي ..عامل ايه
فراس/انا زي الفل ..انت اخيرا قررت تسمع كلام بباك وتشتغل معاه ف الشركه
ياسين/لا يعم لقدر الله متقولش كدا.. انا مقدرش انا ع المرمطه دي ..مع ان البنات الحلوه كتيره هنا
فراس /اه ي ص*يع مش كفايه ال حصل فيك انت و مراد امبارح .. جايب لي الواد الصبح متخرشم ..اتقي الله دا انت حتي لسه وشكم مخفش
ياسين/منا جاي هنا علشان السبب دا ..بابا زعلان مني من امبارح ومبيكلمنيش ..وانا مش عارف اكمل يومي عادي وهو زعلان مني بصراحه
فراس ابتسم
.
في مكتب ادم قاعد بيشتغل و بيشرب قهوه
ياسين خبط ودخل
ياسين بابتسامه/ادوم حبيب قلبي
ادم بصله/بتعمل ايه هنا
ياسين راح له
ياسين /جاي اعتذر ..انا اسف
ادم/
ياسين/والله ي ادم انا مبقدرش ع زعلك...انا مقدرش اكمل يومي عادي كدا وانا عارف انك زعلان مني ...انا اسف
ادم ابتسم
ياسين/هااا ..سامحني ي آدم بقيي
ادم/بس ال حصل دا مش هيتكرر تاني
ياسين بابتسامه راح حضنه
ياسين/لا خلاص والله مش هيتكرر تاني ..اهم حاجه متزعلش مني
ادم ابتسم/خلاص مش زعلان ..انا خوفت عليك ي ياسين ..انت ابني الوحيد ومقدرش اعيش من غيرك
وباس راسه
ياسين ابتسم/انا بعشقك ي أدوم والله
ادم ابتسم
