رواية الجميلة والوحش ادم واحلام الجزء الثاني الفصل الثالث
مساءا ف كومباوند ادم الحديدي
احلام و روان و جنات قاعدين ف الصالون بيشربو قهوه ٠
احلام و روان ضحكو
جنات/اه والله قابلتها امبارح لما خدت غزل والبنات البيوتي سنتر معايا.. جايه تضايقني بعد ٢٠ سنه و تقولي مش انا و مالك كنا مرتبطين زمان
روان /شوفي البجاحه بجد
جنات/انا طبعا مالك حاكيلي ع كل حاجه قبل ما نتجوز ...قلت لها حبيبتي انتي لسه فاكره دا عدي اكتر من ٢٣ سنه وعندنا بنت طولك دلوقتي
احلام/عايزه تفهميني انك متخانقتيش مع مالك لما روحتي
جنات/اتخانقت طبعا ونكدت عليه
احلام و روان ضحكو
في الصالون التاني قاعد ادم و فراس و مراد وياسين
بيلعبوا بلايستيشن
فراس و ياسين فريق
و ادم و مراد فريق
ياسين جاب جول
ياسين ب فرحه/جووول
فراس و ياسين بفرحه حضنو بعض
ياسين/انا بجد فخور ان عندي شريك ف اللعب زيك
فراس/حبيبي تسلم..وبعدين ي ابني احنا بنلاعب فريق ضعيف اصلا معملناش مجهود يعني
ياسين/تصدق معاك حق
ادم بصلهم /فريق ضعيف ايه اتنيلو ..دا انا بشفق عليكم .. انا و مراد جايبين فيكم ٤ وانتو لسه بتجيبو ف اول جول
مراد ضحك/وبيقولوا علينا الفريق الضعيف
ياسين ل فراس/دي نفسنه دي ع فكره ي عمو .نفسنا مننا
فراس/دا اكيد ي ابني دا كدا كدا
ادم/وانا ال بقول ابني طالع بارد ل مين ..اتاريه طالع بارد ل عمه
ياسين باس فراس من خده/حبيبي ي عمو والله
فراس/لاء ..تلامس وتفكرني واحده من ال تعرفهم هديك بالبتاعه ع راسك
مراد ضحك
ادم هز راسه بمعني مفيش فايده/يارب صبرني
مالك راح لهم بعد ما كان بيتكلم ف التليفون ف الجنينه
مالك/ايه النتيجه كام كام
ياسين/تعالي شوف ي عمو يحبيبي احنا بنكسب وهما يعني ف المؤخره لسه
ادم جاب ف ياسين جول للمره ال 5
ادم ابتسم بثقه
مراد بفرحه /جوووول
وضرب هاي فايف مع ادم
مالك ضحك و فراس و ياسين بصو ل بعض ب صدمه
ياسين/ع فكره دا ظلم ..راجعو الحكم كدا هتلاقي الموضوع نصب ف نصب وفي رشاوي اندفعت و بتاع
مراد لف دراعه ع رقبه ياسين ب هزار
مراد/حكم اي ال نراجعه دا انتو خسرانين 1/5
ادم ضحك
ياسين /والله اسمعو مني في إن
في غرفه فريده
قاعده ع سريرها بترسم تصاميم
وميرا قاعده ع السرير جمبها حاطه شيت ماسك ع وشها وفاتحه الاب توب ع محاضره بس مبتذاكرش علشان بتسمع فريده وهي بتحكي لهم الحصل النهارده ف الشركه
و رولا جمبهم نايمه ع ضهرها وماسكه الموبايل بس مركزه معاهم
فريده وهي بترسم بغيظ/صحيح لما عرف اني فريده ادم الحديدي اتعامل معايا بطريقه مختلفه خالص وطريقه احسن بس محبتش كدا بالمره.
ميرا/ليه
فريده/هو كان فاكرني موظفه يعني هو متعود يكلم الموظفين ب قله زوق .وانا .مبحبش حد يتعامل بطبقيه وقله زوق وعجرفه مع الناس ال اقل منه
رولا ابتسمت/طب قمور ع الاقل؟
فريده بغيظ/انا مالي قمور ولالا انتي كمان ..هو قمور اه بس قليل الزوق
واستوعبت هي قالت ايه
ميرا بصت ل رولا
ميرا ورولا ضحكو
فريده/تصدقو اني مش هحكي لكم حاجه تاني
ميرا/لالا علشان خاطري كملي زين القمور عمل ايه
فريده /انتو ناويين تطلعوني مسرح النهارده..فككو مني وكملو مذاكره ولا شوفو بتعملو ايه
ميرا قفلت الاب توب و نامت ف حضن فريده بزهق
ميرا/اوففف منا زهقت من الجامعه و المذاكره والفاينال
فريده خدتها ف حضنها
فريده وهي بتعدل لها شعرها/ع اساس بتذاكري اوي ي صغيره انتي
ميرا بابتسامه وهي بتتخيل/ليه مثلا بابيتو ميسفرناش إيطاليا تاني ..الله دي كانت تحفههه
رولا وهي ماسكه الموبايل/او باريس
ميرا بابتسامه وحماس/الله دا احنا هننبسط اوي
فريده/وهتنبسطو اكتر لما تجيبو تقدير وحش ف الجامعه وبابي يعاقبكم
ميرا/اوففف
وخلعت الشيت ماسك من ع وشها
غزل دخلت الغرفه بابتسامه وفرحه
غزل/جماعههه توقعو مين المغني ال هيعمل حفله ف اسكندريه الاسبوع الجاي ..المغني ال كلنا بنحبه
ميرا طلعت من حضن فريده
فريده /مغني كاريوكي احمد حسام؟
غزل بابتسامه/ايوااا
وكتير من صحابنا ف الجامعه رايحين .ما تيجو نروح معاهم
رولا سابت الموبايل/I think this is a good idea.
)اعتقد دي فكره كويسه )
ميرا بابتسامه وحماس/الله فعلا ما تيجو نروح
فريده/هو انا كمان بحب المغني بس ي جماعه بابي عمره ما يوافق..بالذات لو عايزين نروح لوحدنا من غيره او من غير ياسين ومراد ..وطبعا ياسين دلوقتي مشغول ف امتحناته و مراد ف شغله
ميرا و رولا و غزل بصو ل بعض وابتسمو وبعدين بصو ل فريده
فريده/في ايه بتبصو لي كدا ليه
(وبعدين فهمت)
فريده هزت راسها برفض/لالا انسو ..انا مش هنزل اقنع بابي ب ال انتو بتقولوه دا
ميرا ابتسمت /علشان خاطري ي فيرو ..هو بيتطمن لما تكوني موجوده معانا ف اي حاجه وهيوافق
رولا/يلا sister بقي انزلي معانا نقوله انتي الوحيده ال بتعرفي تقنعيه
غزل/ايوا يلا ي فريده بقي علشان خاطري
وميرا ورولا و غزل بدأو يزغزغوها علشان توافق
فريده ضحكت/لالا بس بس خلاص
رولا ابتسمت/هااا وافقتي
فريده /طيب طيب خلاص ...هنزل معاكم نقوله
ميرا و رولا و غزل حضنوها بابتسامه
ميرا/انتي احسن اخت ف العالمم
رولا/دي حقيقه
وغزل باست خدها
فريده ابتسمت وخدتهم ف حضنها
عند احلام و روان وجنات
بيتكلمو و فجأه البنات نزلو من فوق
فريده وغزل قعدو و رولا و ميرا واقفين ساندين ع السفرا
احلام/خير اللهم اجعله خير
جنات/مبرتحلهاش انا الدخله دي
روان/اي الهدوء والجمال دا مالكم في ايه
ميرا بابتسامه/ماميتو حبيبتي
غزل /هنطلب طلب قد كدة صغير
احلام/في اي
فريده/حفله المغني الكاريوكي ال بنحبه هتتعمل قريب ف اسكندريه..عايزين نروحها
احلام /حفله ف اسكندريه اي ال عايزين تروحوها انتو بتهزرو صح
رولا/والله هنروح انا و فريده و ميرا و غزل وبنات صحابنا كمان هنحضر الحفله ونيجي ف نفس اليوم
غزل/دا من هنا لاسكندريه ساعتين..قولي حاجه ي مامي
جنات/شيلو الفكره من دماغكم ..ولا بباكم هيوافق ي بنات و انتي ي غزل مالك مش هيوافق
ميرا/بس مامي تقدر تقول ل بابي وتقنعه ..ولو اقتنع هيقنع اونكل مالك ..صح ي ماموش؟
احلام/لاء ي ميرا مش هيوافق انا عارفه بباكي اكتر منك .اسكندريه اي ال انتو عايزين تروحوها لوحدكم وترجعو اخر الليل انتو اتجننتو وحتي لو بباكي وافق مراد و ياسين مش هيوافقو اصلا هيعملو مشكله
روان/بالضبط
جنات/طب ما تاخدوا مراد و ياسين معاكم كدا هيوافقو عادي
ميرا/لاء طبعا ي مرات عمو احنا شله بنات بس
ادم و الشباب خلصو لعب بلايستيشن وراحو للبنات الصالون التاني
ادم وهو بيقعد/اي مالكم مكشرين كدا لي
ومالك و فراس و مراد قعدو
رولا /مامي هتقولك ع حاجه ي بابي
وشاورت ل احلام
احلام/البنات عايزين يروحو حفله ف اسكندريه ل مغني كاريوكي بيحبوه ..مع بنات صحابهم ف الجامعه
رولا/ايوا هنيجي ف نفس اليوم غزل/مش هنتأخر والله
ياسين بعصبيه/دا اي العبط ال انتو فيه دا. اسكندريه اي ال عايزين تروحوها وحفله اي دي ال مليانه شباب و بنات وقله ادب وحاجه قرف
ادم بصله بغضب
ياسين /احم ..انا اسف ي بابا بس ما انت سامع يعني هما بيقولو ايه
ادم بغضب/متتكلمش ب الأسلوب الز*ت دا تاني قدامي وقدام عمامك
ياسين اتنهد وبيحاول يهدي
ومراد بص ل ميرا
و ميرا بصتله ب معني اي المشكله!
فريده /احم .. موافق ي بابي؟
ادم/لاء مش موافق.
رولا بصتله/daddy ..ليه مش موافق ...هيحصل لنا ايه يعني
ميرا /ي بابيتو بقي علشان خاطري
فريده/متقلقش ي بابي انا هاخد بالي منهم ومش هسيبهم يتحركو من جمبي او يعملو مشاكل
ادم/الفكره مش ف كدا..انا مش هبقي هتطمن ع بناتي ف بلد تانيه لوحدهم و ف حفله فيها زحمه وشباب كمان
ميرا ابتسمت/هيحصل لنا ايه يعني ي بابي اكيد المغني القمور دا مش هيخطفنا ف اسكندريه يعني وياخدنا معاه ف العربيه وهو ماشي
رولا ابتسمت ب اعجاب/ياريت والله
رولا و ميرا ضحكو
وادم بصلهم بغضب
و رولا وميرا بطلو ضحك بخوف
رولا بصت ف السقف بتوتر و ميرا جابت من وراها ع السفرا شفشق المايه وبدأت تصب ف كوبايه اكنها عطشانه
فراس ضحك ع منظرهم
مع ان ادم مصاحبهم ومدلعهم وبيعندو معاه كتير بسبب دلعهم بس ادم ب نظره واحده منه بس بيسكتهم
فريده ل ادم/اوك ي حبيبي مش مشكله الحفله دي المره دي ...ممكن نبقي نروح مره تانيه
ميرا ربعت ايدها بزعل /اوف بقي .بس انا كنت عايزه اروح الحفله دي
ادم/ميرا ..انا مش هعيد كلامي تاني
ميرا بغيظ راحت تقعد ف الجنينه
رولا بصت ل ادم/ علشان تكون عارف ي dad قرارك دا مش عادل ب المره
ادم بصلها
رولا ابتسمت بخوف/انا من رايي اروح انام احسن...good night my family
وطلعت غرفتها
غزل/وانت ي بابي رايك زي راي اونكل برضو
مالك/ايوا طبعا ادم معاه حق احنا مش مربينكم ع كدا ..حفلات اي ال عايزين تروحوها وف بلد تانيه و لوحدكم .و زي ما ياسين قال .. ال بيحصل هناك مسخره وقله ادب
غزل سابتهم وراحت تقعد مع ميرا ف الجنينه
ميرا وغزل قاعدين ع طربيزه ف الجنينه
ومراد راح لهم وشد كرسي وقعد جمبهم
مراد/ابهاتكم عندها حق ..مفيش حاجه اسمها احنا رايحين مع صحابنا حفله ل مغني بنحبه ف اسكندريه.
غزل/محنا صحابنا كلهم رايحين واهلهم موافقين اشمعنا احنا يعني
مراد/ما علشان خايفين عليكم ي متخلفه انتي وهي
وضربها ف راسها ب الراحه
مراد/وبعدين مجيتوش اتكلمتو معايا لي الأول وبعدين كنت هتكلم مع خالو ونشوف حل وسط يعني مثلا اخدكم انا ع الاقل اخلي بالي منكم
ميرا/مينفعش احنا رايحين شله بنات بس وكنا هننبسط كام ساعه ونرجع يعني انتو ال عاملين حوار ع فكره الموضوع مش مستاهل
مراد /لاء مستاهل احنا بس ال مدلعينكم كل حاجه بتعوزوها حاضر حاضر ولما بنقول لاء يبقي وحشين وبنعمل حوار من غير حوار
غزل/طب ما تحاول تاني تقنع بابي و اونكل ي مراد ها؟انت اخويا حبيبي مش هتزعلني
مراد/دا ف احلامك ان شاءالله ..هما اصلا لو وافقو انا مكنتش هوافق وكنت هتكلم معاهم يغيرو رأيهم
ميرا بصتله/الله الله
مراد/ايوا ومتبصليش كدا
من جو البيت مالك ندهه ع غزل علشان مروحين
غزل اتنهدت/هروح انا بقي تصحبو ع خير
مراد و ميرا/وانتي من اهله
ودخلت الكومباوند لقت ياسين ف وشها
ياسين/يلا ي بتاعت حفله اسكندريه يلا
غزل بغضب/ياسين متضايقنيش اكتر منا متضايقه
ياسين /طب اتكلي ع الله ..لو موضوع الحفله دا اتفتح تاني انا هيبقي ليا تصرف تاني معاكي
غزل ضربته ف كتفه بغيظ وراحت الصالون ل باقي العيله
ف الجنينه عند مراد و ميرا
مراد /في حاجه كدا خدت بالي منها
ميرا /ايه
مراد شد كرسي ميرا وقربها منه وبصلها
مراد/انتي قولتي ع المغني جوه انه قمور ؟
ميرا ابتسمت بتوتر/ها؟انا ؟اكيد مقولتش قولت امتي؟
مراد/اه فكرتك قولتي يعني
ميرا /تؤ ..اكيد بيتهيألك
مراد/ميرا..لو اتكررت تاني انا هزعل منك
ميرا/خلاص حاضر انا اسفه
مراد ابتسم /حصل خير ..وانتي كمان متزعليش
هتفضلي متضايقه بسبب موضوع تافهه زي دا ؟
ميرا/مش تافهه ي مراد انا نفسي اروح ..انت بتفهه من الحجات ال بحبها؟
مراد مسك ايدها/معقوله ي ميرا هتفهه من ال حاجه ال انتي بتحبيها ؟دا بالعكس ..الحجات ال بتحبيها بلاقي نفسي بحبها تلقائي بس زعلك انتي ال ميهونش عليا بسبب موضوع زي دا
ميرا ابتسمت
مراد رجع ل وعيه و ساب ايدها بسرعه
مراد/علشان انتي اختي يعني و مبحبش اشوفك زعلانه انتي و البنات
ميرا اتنهدت /خلاص بقي هعمل اي .هبقي اتفرج ع الحفله لايف ع التلفزيون
مراد ابتسم/ايوا كدة..ووعد مني هعوضكم ب خروجه انتي والبنات هلففكم اسكندريه كلها
ميرا بفرحه مسكت ايده/بجد..ولو في حفله هنروحها؟
مراد ابتسم/دا كدا كدا..اي حاجه نفسك فيها هتحصل
ميرا بابتسامه/ماشي موافقه
مراد ابتسم/يلا همشي انا علشان الوقت اتاخر . تصبحي ع خير
ميرا ابتسمت/وانت من اهله
وطلع الصالون لقي مالك و جنات و غزل مشيو
فراس قام/يلا ي مراد احنا كمان
روان قامت
مراد/اه يلا بينا
ادم/ما انتو قاعدين لسه بدري
فراس/لا يدوب علشان نعرف نصحي للشغل بكره
روان/تصبحو ع خير
ادم واحلام/وانتو من اهل الخير
مراد /تسلم ايدك الحلويات كانت زي الفل ي مرات خالو
احلام بابتسامه/الف هنا ي حبيبي
وطلعو برا الكومباوند
ياسين طالع ب طبق حلويات من المضبخ بياكل فيه
ياسين/تصدقي طعمها حلو اوي ي احلام
وراح قعد جمبها وباس خدها ونام ف حضنها
ياسين/تسلم ايدك
احلام بابتسامه خدته ف حضنه/حبيبي الف هنا ع قلبك
وباست راسه
ادم بغضب مسك مخده ورماها ع ياسين
ياسين ضحك وطلع من حضن احلام/خلااص والله
و ميرا دخلت الكومباوند و طلعت غرفتها من غير ولا كلمه
احلام اتنهدت
ادم/هطلع لهم
احلام/ماشي ي حبيبي
وطلع
ياسين بص ع ادم ال بيطلع/مشي صح؟
ونام ف حضن احلام تاني
ياسين/تعرفي ي احلام انا مش هقبل اتجوز واحده اقل منك ..لازم تبقي زي القمر زيك كدا
احلام ابتسمت/أنوي انت بس وقول عايز اتجوز وانا اختارلك بنت زي القمر
ياسين/لالا انا هدبس نفسي واتجوز لي ..انا مبسوط ونا حر كدا بعرف كل يوم واحده وبسهر براحتي ولا واحده تنكد عليا تقولي كنت فين ومين دي
احلام بغضب/لاء كدا انا بقي انا ال هزعل منك
ياسين/لي ي حبيبتي بس
احلام /ي حبيبي انت عندك اخوات بنات ..لازم تحترم نفسك علشان ربنا يحفظهم ..وبعدين بباك عنده حق بقي ي ياسين .انت مزودها اوي .وانا مش عايزه اتكلم قدامه علشان هو ع آخره
ياسين/والله انتو ظالمني ..انا بعمل اي يعني غير اني بتبسط..دا انتو ناس نكديه صحيح
احلام بغضب /انا نكديه ي جزمه
ياسين ابتسم وباس ايدها/لاء انتي لاء
احلام ابتسمت
في غرفه رولا غيرت هدومها ل بنطلون بيجامه و توب ابيض كات ولامه شعرها و
قاعده ع السرير سانده ضهرها و حاطه الهيد فون بتسمع اغاني وباصه ع الحيطه بغضب
وميرا قاعده بزهق بعد ما غيرت هدومها ل شورت قصير وبلوزه بكم
فريده راحت لهم بعد ما غيرت هدومها ل بنطلون بيجامه وتوب بنص
فريده/ايه قاعدين حزناين كدا ليه..مكنتش حفله يعني
وقعدت ع السرير
رولا قفلت الاغاني
ميرا بغيظ/ما طبعا ..ما انتي البنت العاقله المفضله ال بتسمعي كلام بابيتو من غير نقاش ف مش فارقه معاكي بقي
رولا شالت السماعه ونزلتها ع رقبتها/ب الضبط
فريده باست خد ميرا/ايوا وانتو لازم تتعلمو تعملو كدا بدل العيند ال انتو فيه دا
وباست خد رولا
فريده/وانتي ي ام عيون حلوه متبصيش البصه الشيطانية دي وتتعصبي.. بابي خايف علينا وعايز مصلحتنا
الباب خبط
رولا/ادخل
ادم دخل الاوضه
فريده ابتسمت /تعالي ي بابي
رولا وميرا اول ما شافو ادم
رولا حطت الهيد فون تاني بزعل ع ودنها و ميرا مسكت تليفونها وتجاهلت ادم بزعل
ادم باس راس فريده
ادم/عايز اتكلم معاكم شويه
وشال السماعه من ع ودن رولا
ادم/رولا هانم
رولا ربعت ايدها بغيظ /انا عايزه انام
ميرا ربعت ايدها زيها/وانا كمان
ادم ابتسم/هتنامو وانتو زعلانين من أدوم حبيبكم
ادم باس راس رولا وبعدين ميرا وقعد جمبهم ع السرير
ادم/مقدرش اسيبكم تنامو زعلانين كدا .. انا لما بقول لاء ع حاجه بيبقي علشان مصلحتكم وعلشان خايف عليكم
رولا/واحنا كان هيحصل لنا ايه ف الحفله يعني ي dadd
ادم /وانا هقعد هنا احط ايدي ع قلبي وافكر ي تري بناتي هيحصل لهم ايه وهما بعيد عني؟...انا خايف عليكم علشان انتو اغلي حاجه عندي .انا من غيركم اموت
..والا انتو يعني هيكون نفسكم ف حاجه ونا هقولكم لاء من غير سبب كدا وخلاص؟ مقدرش
رولا ابتسمت
ادم/دا انتو بناتي حبايبي ال مقدرش ابدا ازعلكم مني او تنزل دموعكم بسببي
فريده ابتسمت
ميرا بابتسامه حضنت ادم و ادم ابتسم وباس راسها وخد فريده كمان ف حضنه وباس راسها
ادم فتح دراعه ل رولا/تعالي يبت
رولا راحت حضنته بابتسامه و ادم ابتسم وباس خدها
رولا/dad انت احسن اب ف الكون دا كله
وباست خده
ميرا بابتسامه/ايوا دي حقيقه
وباست خده
فريده ابتسمت/ربنا يخليك لينا يارب
وباست خده وادم ابتسم وخدهم ف حضنه
ادم/وانتو احلي حاجه حصلت لي ف حياتي ...وعلشان الكلام الحلو دا وتعويضا عن ال حفله..هننزل بكره كل واحده تغير عربيتها للنوع ال هي عيزاه ..واجدد موديل كمان..ولو عايزين اي حاجه تاني قوليلي كل طلباتكم أوامر
البنات صرخت بفرحه وحضنو ادم تاني و ادم ابتسم
رولا بفرحه/قول والله ي dad
ادم ابتسم/والله ي روح قلب داد
وباس خدهم
ميرا بفرحه/انا متحمسه اختار بكره العربيه الجديده بتاعتي
رولا بابتسامه/انا كمانن
وفريده ابتسمت
ادم ابتسم وباس ايدهم/يلا نامو علشان جامعتكم بكره
ميرا بابتسامه/حاضر ..تصبح ع خير
ادم ابتسم/وانتو من اهله
وطلع من الغرفه
رولا نامت ع السرير براحه
رولا/انا بفكر جديا اخاصم dad كل شهر علشان اغير عربيتي
فريده/حرام عليكي بابي بيجيب لنا ال نفسنا فيه من قبل ما نطلب .يعني لو طلبتي منه تغيري عربيتك كل شهر مش هيقولك لاء
رولا/دي حقيقه بصراحه
ميرا/ ..فريده ينفع اجي انام ف حضنك النهارده علشان رولا بتطفي نور اوضتها وهي نايمه وانا بخاف
فريده بابتسامه/تعالي ي روح قلبي
رولا بغضب/طب ما تنامي ف اوضتك وتشغلي النور براحتك ي حبيبتي
ميرا بغضب/انتي مالك انتي.. انا شوفت فيلم رعب قبل الغدا وخايفه انام لوحدي
رولا ابتسمت وفتحت لها دراعها/خلاص تعالي متزعليش بهزر..تعالي نامي معايا وانا هسيب لك نور النجفه شغال
ميرا راحت لها ورولا خدتها ف حضنها
فريده ابتسمت/يلا تصبحو ع خير
وباست خدهم
رولا و ميرا /وانتي من اهله
وطلعت برا الغرفه
رولا ل ميرا ال بتنعس ف حضنها/ع فكره انا هطفي نور النجفه دلوقتي
ميرا ب خوف/رولاااا
رولا ضحكت وباست خدها وحضنتها اكتر
عند ادم
بص ع غرفه ياسين وكان الباب متوارب
دخل الغرفه لقي ياسين نايم وخالع التيشيرت ومشغل التكييف ومش مستغطي
ادم جاب ال غطا وغطي ياسين كويس ووطي التكييف وباس راسه
وطلع برا الغرفه
وراح غرفته هو واحلام
دخل الغرفه لقي احلام نايمه ع السرير بس صاحيه
احلام ابتسمت/صالحتهم؟
ادم اتنهد/اه ونامو ..ياسين كمان نام
وراح نام جمبها
احلام / غريبه نام بدري ومخرجش يسهر ولا حاجه
ادم/مهو صحي بدري علشان الامتحان والصحيان بدري بيخليه يرجع مسطول عايز ينام ..علشان كدا عايزو يشتغل معايا ف الشركه ..لما يشتغل ويدرس مش هيلاقي وقت اصلا للسهر والصياعه
احلام بحزن /حرام ي آدم هو برضو شاب صغير وبيبقي عايز يستمتع ب حياته وينبسط ..انا مش عايزه ابني يتعب ولا يتعزب
ادم حاوط وسطها ب ايده وقربها منه وبص ف عينها/لاء كدا انا هغيير بجد . بتدافعي عنه ضدي
احلام ابتسمت و مسكت وشه ب ايدها/لا والله مقدرش ي حبيبي
ادم ابتسم وقرب منها وباس شفايفها
في فيلا فراس
مراد قاعد ف البلكونه ع طربيزه وسرحان
روان نزلت من فوق وبصت عليه وابتسمت وراحت له
روان سحبت كرسي وقعدت
روان/منمتش لي
مراد انتبه/مجاليش نوم قلت اشم هوا شويه
روان ابتسمت/ال واخد عقلك
مراد ابتسم ومسك ايدها/والله ما في حد واخد عقلي غيري ي قمر انت
وباس ايدها
روان ابتسمت/ربنا يخليك ليا ي حبيبي..بس يعني ميرا مش هي ال واخده عقلك دلوقتي؟
مراد ساب ايد روان بتوتر/ميرا ..لاء مين قالك كدا انا ا
روان بمقاطعه/انا امك..اقدر افهمك كويس من غير ما تتكلم ..انت يعني فاكر اني مش واخده بالي انت بتبصلها ازاي..ولا وانت واقف جمبها بتبقي شخص تاني ازاي ..ولا حتي بتتعامل معاها بطريقه مختلفه ازاي
مراد اتنهد
روان ابتسمت/احكي احكي ل مامتك.. سرك ف بير
مراد ابتسم/ميرا دي احلي حاجه ف حياتي ..بكون اسعد انسان ف الدنيا وهي جمبي ..الدنيا مبتبقاش سيعاني ..بخاف عليها من أقل حاجه ..بحبها وبحب ضحكتها وعصبيتها و فرحتها ..هي كبرت قدام عيني ..لما راحت المدرسه كانت بتروح مع اخواتها البنات بس لما بتروح كورسات او سناتر لوحدها خالو كان بيخاف عليها ف كان بيخليني انا اوصلها وانا اجيبها .ولما كبرنا اكتر كنت بوديها السناتر علشان الدروس ..ولما بقت ف ثانويه عامه كنت بستناها قدام المدرسه بعد كل امتحان وتيجي تجري عليا بفرحه وتقولي انها حلت كويس ..ولما النتيجه ظهرت وجابت مجموع كويس جريت عليا تاني واحد بعد بباها ..ولو حصل معاها مشكله بتيجي تعيطلي انا تاني واحد بعد بباها ونحاول نحل المشكله سوا ..كانت بتاخد رأيي ف كل حاجه ف حياتها ولو قرار خدته وانا موافقتش عليه ممكن تغيره فورا علشاني ... كفايه عندي انها حطاني ف مكانه شبهه مكانه بباها دي عندي بالدنيا كلها ....ديما بتقولي أن انا بالنسبه لها احسن اخ و صاحب ف علشان كدا مستحيل اقولها اني بحبها وهي شيفاني اخوها وصاحبها ..مستحيل اخسر كل دا
روان/لازم تروح تقول لها ي حبيبي انت كدا بتأذي نفسك وأنت مخبي كل دا ف قلبك ..حرام عليك نفسك
مراد اتنهد/مينفعش ي ماما .
روان/و اي ال منفعهوش بس
مراد/هي شيفاني اخ وصاحب ..ومش اي حاجه تانيه ..لو رحت قلت لها علاقتنا هتبوظ وهتبعد عني وانا مستحيل اتحمل دا ..و خالو وثق فيا ومكنش بيأمن ع ميرا الا معايا
روان ابتسمت/طب تصدق بقي خالك ادم دا بيحبك زي ابنه واكتر كمان؟ دا هو ال مربيك ..وعمره ما يفهمك غلط ابدا
فراس نزل من فوق و سمع اخر كلام اتكلموا فيه وابتسم
وراح لهم
مراد ابتسم/هسيبكم انا بقي واطلع أنام علشان الشغل بكره تصبحو ع خير
فراس/وانت من اهل الخير
روان/وانت من اهل الخير يحبيبي
مراد باس راس روان وباس ايد فراس و طلع غرفته
فراس قعد جمب روان
فراس ابتسم/الزمن بيعيد نفسه تاني..ابنك بيحب بنت ادم من سنين ومش قادر يقول لها
روان ابتسمت بحزن/قلبي موجوع علشانه والله ...لو تشوفه بيبصلها ازاي اكنها اعظم حاجه حصلت له ف حياته
فراس ابتسم/انا اكتر واحد فاهمه وحاسس بيه ..شكل عيله الحديدي كلها كدة.. دايما مش واخده بالها
روان ابتسمت وخبطته ف كتفه/انت بتلمح ل حاجه
فراس ضحك وخدها ف حضنه/لا مقدرش
وباس راسها وخدها وروان ابتسمت
في اليوم التالي بعد الضهر
في الجامعه
عند غزل طلعت من المدرج بعد ما خلصت حل الامتحان
وراحت الكافتيريا بفرحه تقول ل ياسين انها حلت كويس
لقته قاعد ف الكافتيريا بيشرب قهوه وماسك الموبايل
غزل بابتسامه وبفرحه/ياسين انا خلصت الامتحان وحليت كويس اوي الامتحان كان حلو اوي والحجات ال انت شرحتهالي جت ف الامتحان ب النص
ياسين ابتسم/برافو عليكي ..انا كنت واثق انك هتحلي كويس
غزل /ا
في بنت راحت لهم بعد ما كانت ف الحمام وسحبت كرسي وقعدت
البنت ابتسمت بدلع/اي يويو اتأخرت عليك ؟ التويلت كان زحمه اوي
البنت بصت ل غزل من فوق ل تحت/اي ي ياسين مش هتعرفني
غزل بغضب خبطت ع الطربيزه/بتبصي كدا لي ي حلوه متخلنيش اكسر الطربيزه دي فوق دماغك
ياسين/اهدي ي غزل في اي
..دي غزل صحبتي و بنت عمي ..و دي ريهام ي غزل
ريهام بدلع/اه ما تقول كدا انها قريبتك فكرت حاجه تانيه
ياسين/تعالي ي غزل اقعدي
غزل بغضب/لا متشكره اوي انا مروحه
ياسين قام/طب تعالي انا هوصلك
غزل/لاء هروح مع فريده ..خليك انت مع ريهام متسبهاش لوحدها
ومشيت
ريهام بابتسامه/اي ي ياسو مش هنتعشي سوا النهارده ونسهر وكدا
ياسين قعد /نسهر وماله
عند فريده
واقفه مع زميلتها ف الكليه لابسه جاكيت جينز قصير وتوب ابيض كات تحته وبنطلون اسكيني اسود وحاطه نضاره شمس ع شعرها
بتاخد من زميلتها المحاضره قبل ما تروح الشركه والتدريب
غزل راحت ل فريده بغضب
نادين/هنعرف نفكس للمحاضره الاخيره ولالا
فريده بصت ل غزل/اي دا في اي مالك
غزل بغضب/اخوكي دا حيوان
نادين/ياسين!! حرام عليكي كفايه ظلم دا قمر
غزل بعصبيه/سكتي صحبتك ي فريده علشان انا ع اخري
نادين بخوف/ي ماما
فريده/بس ي نادين اسكتي ..طب أهدي بس ي غزل وقولي لي في اي
غزل/هيكون في اي ..شاقط واحده هنا من الكليه وقاعد معاها ف الكافتيريا..عماله تكلمه بدلع ومياصه ..دي بتقوله ي يويو ي فريده انتي متخيله ؟
فريده ضحكت
غزل /انتي بتضحكي؟!
فريده/انا هحللك الموضوع...انا مش هعرف اوصلك لاني متأخره جدا ع الشركه من اول يوم ..وانتي خلصتي امتحانك وعايزه تروحي البيت صح
غزل /اه
فريده/كدة مضطرين نكلم حد يوصلك البيت اكيد مش هتروحي لوحدك ف نتصل ب ياسين
غزل بغضب/انا اطلب أوبر اهون من انه يوصلني انتي فاهمه ولا لا
فريده تجاهلتها ومسكت موبايلها رنت ع ياسين
ياسين رد/الو
فريده/ انت فين ي حبيبي
ياسين/قاعد ف الكافتيريا. في اي؟
فريده/مفيش انا ورايا محاضرات لسه بس غزل خلصت .. ف تعالي وصلها البيت علشان متبقاش لوحدها ..احنا قدام الكليه بتاعتي
ياسين/اوك انا جاي
فريده ابتسمت وقفلت المكالمه
فريده/شفتي؟ هيسيب الدلوعه ال بتقول يويو و هيجي يوصلك
نادين/طب طالما مش هتحضري المحاضره هدخلها انا بقي ..يلا سلام
فريده/مع السلامه
غزل ربعت ايدها بغضب/ خليه مع الزفته ال معاه مش عايزه منه حاجه
فريده/بقولك اي انتو الاتنين هتجننوني قريب...هو جاي يوصلك البيت ..مفيش حاجه اسمها هطلب أوبر وهروح لوحدي
و بصت ع ياسين لقته جاي من بعيد
فريده /يلا انا همشي علشان متأخره سلام
وباست خدها
وراحت تركب عربيتها المركونه ف جمب
ياسين راح ل غزل /يلا بينا ولا ايه ؟
غزل/اي دا ي ياسين سبت رهف لي ..ولا كان اسمها ريهام تقريبا
ياسين/اه ريهام
غزل بغضب/تصدق انك مستفز ..ومش عايزه منك زفت توصلني انا همشي لوحدي
وكانت هتمشي من قدامه ياسين مسكها من دراعها وقفها
ياسين/تمشي لوحدك فين انتي عبيطه ولا ايه ..انجزي يلا خلينا نطلع للعربيه برا
غزل بغضب/قلت لك لاء
ياسين بغضب/غزل .انا مش عايز اعلي ام صوتي..يلا انجزي
غزل فلتت دراعها من ايده ومشيت ناحيه العربيه
ياسين اتنهد/يارب صبرني عليها
وراحو للعربيه وركبو
و ياسين شغل العربيه وانطلقو
وبص جمبه ع غزل لقاها مربعه ايدها بغضب
ياسين/ياربي ع النكد ال انا فيه ..يخربيت ام ال نكد ال انا فيه ٢٤ ساعه
غزل /نكد صح؟ انا نكد فعلا..ما انت تتعامل مع البنات الغريبه ب حنيه و بطريقه حلوه وتضحك ف وشهم ..وتتعصب عليا انا و تزعقلي انا..وانت تصيع مع بنات ٢٤ ساعه وانا لو كلمت زميلي بس اسئله ع حاجه تقلب الدنيا..و ف الاخر بطلع انا ال نكد صح؟
ودمعت
وياسين وقف العربيه اول ما شافها بتعيط
ياسين /خلاص متعيطيش انا اسف
غزل حاطها ايدها ع وشها وبتعيط
ياسين قرب منها و مسك ايدها وشالها من ع وشها
ياسين/لا والله ابدا ما تعيطي بسببي ..يبت ي هبله انا ميهونش عليا زعلك ودموعك دي..
انا اسف..حقك عليا
وباس ايدها
وغزل ابتسمت وقلبها كان هيطلع من مكانه وهو ماسك ايدها وبيبوسها
ياسين مسح لها دموعها/متعيطيش بقي خلاص..في حد بيعيط بيبقي حلو كدا اصلا ؟
غزل ابتسمت ومسحت دموعها
غزل/خلاص انا مش زعلانه
ياسين ابتسم/ماشي ..جعانه نروح اي مطعم ناكل ؟
غزل /ايوا
ياسين قلدها/ايوا ..من امتي وانتي مش جعانه اصلا
غزل ضربته بغيظ /احترم نفسك
ياسين ضحك وكمل سواقه
و غزل ابتسمت
