رواية الجميلة والوحش ادم واحلام الجزء الثاني الفصل الثاني
في عربيه احلام
احلام بتسوق وجمبها فريده ف اتجاههم ل شركه تصميم الازياء
فريده بابتسامه/مش هتتخيلي انا متحمسه قد ايه ي مامي اني هتدرب معاكم ف الشركه ..دي أكبر شركه تصميم ازياء ف مصر ..ومتحمسه اكتر اني هقابل ليلي..اشهر مصممه ف مصر والمصممه الرئيسيه للشركه بتاعتك .
احلام بابتسامه وهي سايقه /عارفه ي روح قلبي ان دا حلم من أحلامك..وانا مكنتش محتاجه اقنع بباكي اصلا هو عارف دا برضو وميقدرش يقولك لاء..بس اهم حاجه برضو تهتمي بدراستك
فريده بابتسامه باست خدها/ربنا يخليكم ليا يارب
احلام ابتسمت وركنت العربيه قدام الشركه
وشالت الحزام هي وفريده ونزلو من العربيه
ودخلو الشركه و الأمن صبح عليها و البنت ال ف الريسبشن قامت لها وصبحت عليها بابتسامه واحلام سلمت عليهم بابتسامه و ركبت الاسانسير هي و فريده
وفريده كانت منبهره ب الشركه
وكان كل دور في قسم مختلف
قسم تصميم في الاسكتشات وال رسومات الاوليه..قسم تطوير المنتج و الدريسات التحفه والمميزه ف كل حتي
وفي ماليكانات كتير ف كل مكان و اللوح ال ع الحيطه عباره عن تصاميم دريسات ..والوان الاقمشه ف كل حته ..وقسم التسويق ..واخر دور قسم العلاقات العامه و المديريين
احلام وفريده وصلو اخر دور وطلعو من الاسانسير
السكرتيره راحت ل احلام بسرعه
السكرتيره ابتسمت/صباح الخير ي احلام هانم ..(وبصت ل فريده)صباح الخير ل حضرتك
احلام ابتسمت/صباح النور ي علا
فريده ابتسمت/صباح النور
علا/تحبي اجيب ل حضرتك قهوتك وملف تصاميم مجموعه الشتاء؟
احلام/لاء شكرا انا شربت قهوتي ..قوليلي هو استاذ سالم موجود النهارده
علا/اه ي فندم ف مكتبه وسالم بيه بلغنا ان اول ما حضرتك توصلي نقوله لانه عايز يشوف حضرتك.
احلام/تمام هاتي الملف ع مكتبي لو مش هتعبك لحد مانروح ل استاذ سالم
علا ابتسمت/اكيد تحت امرك
واحلام خدت فريده
ومشيو ف الطرقه
سالم (ف الستينات) كان واقف بيتكلم مع موظفه
اول ما شاف احلام ابتسم وراح لهم
سالم بابتسامه/احلام بنتي اهلا وسهلا
احلام بابتسامه/ازاي حضرتك
سالم ابتسم ومد ايده يسلم عليها/انا زي الفل والله..(وبص ع فريده)
سالم ابتسم/مين الحلوه ال معاكي دي
احلام ابتسمت/دي فريده بنتي
سالم بابتسامه وبفرحه/ بتتكلمي جد ؟ي مشاء الله دي كبرت وبقت زي القمر ..الله اكبر
وسلم عليها و فريده ابتسمت
سالم بابتسامه/اخر مره شوفتها هي واخوتها كانو ١٤ سنه تقريبا ..عامله ايه ي حبيبتي
فريده بابتسامه/الحمد لله
سالم/تعالو تعالو نتكلم ف مكتبي
ودخلو مكتبو
ف الحقيقه هو كان مكتبه لانه تقاعد و ساب المنصب والاداره ل ولاده و ب الأخص ابنه زين
كانت الاوضه كبيره وفخمه
والمكتب كبير و عليه تصاميم و الوان وملفات واقمشه و في حمام خص وكنبه كمان
وحيطه ب الازاز شفافه بتبين السما والمباين ال جمبهم
سالم قعد ع كرسي المكتب ال مكتوب عليه زين سالم الاحمدي
و احلام وفريده قعدو قصاده
احلام ابتسمت/مبسوطه اني شوفت حضرتك النهارده ..بالأخص بعد ما حضرتك اتقاعدت ومبقتش بتيجي الشركه كتير وسايب الاداره ل زين
سالم ابتسم/والله ي بنتي الواحد كبر خلاص ومبقاش حمل المرواح والمجي ..والاجتماعات ودوشه الشغل..ف قولت اسيب كل حاجه ل زين هو شاطر ومجتهد وبيعرف يدير الشركه معاكي
احلام ابتسمت/لا الحقيقه هو شاطر فعلا وبيعرف يحافظ ع الشركه وسمعتها كويس اوي و بيعرف يكبرها..بقدر اغيب عن الشركه وانا مطمنه عليها بصراحه
سالم ابتسم/فعلا.. وانا من وقتها باجي ابص ع الشركه كل فين وفين انتي عارفه..زين اصلا كان مسافر ل صفقه ف لبنان وزمانه ع وصول ..ف قولت اجي اشوف اخبار الشركه اليومين دول ومن حسن حظي قابلتك
وبص ع فريده
سالم/تعرفي ي فريده مامتك دي زي بنتي بالضبط انا اعرفها هي وبباكي بقالنا اكتر من ٢٠ سنه..وانا وبباكي لينا شغل كتير مع بعض برا الشركه دي خلي بالك متفتكريش ان صداقتي مع مامتك بس
فريده ابتسمت
احلام بابتسامه/فريده اصلا بتسمع عن حضرتك كتير مني انا وبباها وبتحب الشركه دي اوي ونفسها تدرب هنا ف الشركه. علشان لما تتخرج تشتغل معانا ع طول
سالم ابتسم/انا كنت مستني منك الخطوه دي من بدريي ي فريده..دا خبر حلو جدا فرحتيني ..احلام اصلا ورتني كام تصميم ليكي وابهرتيني
فريده ابتسمت/بجد
سالم بابتسامه /اه طبعا بجد..انا واثق انك هتكسري الدنيا ..وهقول ل زين هو ال يدربك ويبقي معاكي خطوه ب خطوه ومن بكره تبدأي تدريب معانا
فريده بصت ل احلام بفرحه واحلام ابتسمت
تحت عند الريسبشن
سكرتيره زين كانت بتتكلم مع موظفه الريسبشن
وفجأه زين دخل الشركه وسكرتيرته راحت له بسرعه ب احترم
السكرتيره/حمد لله ع سلامه حضرتك ي زين بيه
زين /صباح النور ي يارا ..اخبار الكتالوج ايه بدأو تصوير
وراح ناحيه الاسانسير
وركب و يارا راحت وراه وبتحاول تلحقه
يارا /اه ي زين بيه بدأو خلاص
وبعد شويه الاسانسير وصل و طلعو منه وزين ماشي ويارا معاه
زين/والاحصائيات ال طلبتها علشان الاجتماع
يارا/جاهزه برضو
زين/تمام كويس ..عايز تقارير الانتاج ع مكتبي
يارا بتوتر/الحقيقه هو الملف مع محمد وهو مش موجود
زين بصلها/يعني؟
يارا بتوتر /يعني الملف مش موجود ومحمد كان واخده معاه يشتغل عليه
زين بغضب/خصم تلت ايام ل محمد وعرفيه ان غلطه كمان ومش هنشوف وشه هنا تاني
يارا/احم حاضر تحت امرك
زين/احلام هانم موجوده النهارده ف الشركه
يارا/اه موجوده ع حد علمي ف مكتبها
زين/تمام تقدري تتفضلي تعملي ال قولت لك عليه
يارا مشيت من قدامه بسرعه
(زين المحمدي ..28 سنه ..شعره اسود وعينه سوده عنده دقن خفيفه .. وسيم ومهتم ب لبسه وبلياقته لابس بدله سودا
مدير من مدراء الشركه ماسك منصب المدير من بباه ..صحيح بباه ليه أسهم ف الشركه بس
وصل ل المنصب دا لوحده ب تعبه واجتهاده بدون مساعده حد و زود اسهمه ف الشركه وممتلك جزء منها دا غير الشركه التانيه ال عملها بنفسه وتعبه ...عملي جدا ومبيحبش الهزار والدلع ف الشغل وبيحب كل حاجه مظبوطه ودا سبب من اسباب نجاحه)
في دور من أدوار الشركه
في جلسه تصوير ل دريسات الشركه للموسم دا
الموديل الرئيسيه للشركه والوجه الاعلامي للماركه قاعده ع الكنبه وعاملين ديكور للتصوير والموديل لابسه دريس بيج طويل بس كات ومفتوح من الضهر ولابسه هيلز
وقدامها المصور بيصورها وليلي واقفه جمبه لابسه دريس صيفي لونه بني وكات و بتهوي ب المروحه ال ف ايدها بغضب ومعاهم موظفيين بيساعدو ف التصوير
الموديل كل شويه تقطع التصوير وبتبص ف المرايه الصغيره وتظبط الروج وشكلها
ليلي بنفاذ صبر/الكتف ال شمال مش معدول اتفضلو اعدلوه و بطانه الفستان باينه كمان
الموظفه/مستنين بتول هانم تخلص علشان منقطعش التصوير
ليلي/مهي كدا كدا مش هتخلص ف يومها دا ..اتفضلو
الموظفه راحت تعدل لها الفستان ومشيت بسرعه
بتول جابت المرايه تاني وبدأت تبص ع شكلها بتوتر
ليلي اتخنقت من تصرفاتها
المصور/في مشكله ولا حاجه ي بتول هانم ؟
بتول/بص ركز كدا في لمعه ف دقني هنا صح؟
ليلي بصوت واطي بغضب/يارب دقنك اللامع ينخلع ونقدر نكمل جلسه التصوير ف سلام
ليلي ابتسمت لها وبصت لها
ليلي بابتسامه/بيبيييي ..حبيبتيييي ..روح قلبيييي ...عندك جمال وجسم رائع محدش هيسيب الجمال دا ويركز ف دقنك ..يلا نكمل بسرعه
بتول ابتسمت/اوك معاكي حق
وقالت بصوت واطي/يارب سامحني ع الكدب دا
بتول/ ط طب الوحمه ال ف رجلي باينه
ليلي اتنهدت بغضب
المصور/متقلقيش ي بتول هانم حتي لو باينه مفيش مشكله
بتول اتنهدت/تمام
المصور/ها هنبدأ صح ..اكمل تصوير كله تمام
بتول ابتسمت/ايوا انا تمام
والمصور رجع يصور تاني
فجأه الموديل مسكت ايدها بزعل
بتول/اوففف بقي
ليلي بصت لها بنفاذ صبر
ليلي ابتسمت/حصل ايه تاني
بتول بزعل/مونوكير صابعي الصغير باظ ي ليلي
ليلي بتحاول تزق اليوم/اعتبريها علشان الحسد ..تمام ي بيبي؟ يلا
بتول اتنهدت/تمام
(ليلي ...اشهر مصممه ازياء ف مصر و المصممه الرئيسيه للشركه ..هي بتحول التصاميم ال ع الورق ل فساتين حقيقه ..معروفه ف المجال دا انها اشطر واحده موجوده فيه
سنها ف التلاتينات شعرها احمر مايل للاورانج وعينها عسلي ..شغاله ف الشركه هنا بقالها سنين وهي جزء اساسي من الشركه محدش يقدر يستغني عنها ... ومن اول يوم جت فيه هنا وحبت احلام وبقو صحاب)
(بتول ..موديل للشركه ...الموديل الاولي للشركه والوجه للماركه الشركه السنه دي ...شعرها اصفر و طويله ورفيعه..صفرا من برا ومن جوه ..ليلي مبتطقهاش ومعظم ال ف الشركه كمان لانها بتتعامل مع الكل بعجرفه وقله زوق ومش محبوبه ب المره )
بتول بدأت تاخد وضعيه التصوير تاني
المصور بدأ يصور تاني
المصور/تمام ..حلو اوي كدا
وهو بيصور فجأه بتول شافت زين وهو رايح لهم
بتول بابتسامه/زينن
وراحت له /حمد لله ع السلامه ي حياتي
وكانت هتبوسه زين بعد عنها
زين/بلاش اقاطع جلسه التصوير ..كملو لو سمحتو
وبتول بعدت عنه ب احراج
ليلي للمصور بغضب/لو سبوني والله ل اكسر مناخيرها وسنانها..همحيها من ع وش الدنيا
وبصت ل زين بابتسامه
ليلي بابتسامه/حمد لله ع السلامه ي زين
وسلمت عليه
زين ابتسم/الله يسلمك ي ليلي
زين/ها ايه الاخبار
ليلي /هنعرف ايه الاخبار لو عرفنا نبدأ جلسه التصوير من الاساس
موظف من الواقفين
الموظف/ايه رأي حضرتك ف الديكور ي زين بيه
زين وهو بيبص ع الديكور/ايه الموضوع
الموظف/الموضوع ان الهانم رايحه حافله مهمه ولابسه فستان من فساتيننا
زين/وهي نايمه ع الكنبه!
الموظف /اه
زين/هي ليه نايمه ع الكنبه لو هي رايحه حفله ؟
الموظف بتوتر/يعني ا
زين للمصور/اشرف
اشرف/نعم ي زين بيه
زين/استاذه بتقول ليه قاعده ع الكنبه
بتول بابتسامه وهي قاعده ع الكنبه براحه /علشان انا شكلي بيبقي احلي وانا نايمه وبعطي وضعيات احلي
ليلي اتنهدت بغيظ ومش طيقاها
زين/احنا بنسوق ل الفستان بتاعنا مش ل استاذه بتول..صح ولا ايه ي اشرف
اشرف /معاك حق ي زين بيه..بنعتذر
بتول بغيظ من كلامه/محنا عارفين كدا كدا
ليلي بصت لها بغيظ
زين ل ليلي/اعملو اللازم لو سمحتي
ليلي/حاضر ي بيبي متقلقش
ومشي
بتول مشيت بغضب وراحت غرفه تبديل الملابس
ليلي راحت وراها بنفاذ صبر علشان ترجعها ويكملو جلسه التصوير زين مأكد عليهم انها لازم تخلص النهارده
ف البروفه
بتول قعدت قدام المرايه وبدأت تشرب مايه بتوتر
بتول بصت ل ليلي ال قاعده بتهوي ع نفسها
بتول/شايفه بيعاملني ازاي ي ليلي
ليلي بسخريه/انا مشوفتش حاجه غريبه يعني ي روحي
بتول/احنا محسودين ..اكيد اكيد محسودين ..الكل عينه ع زين و غيرانين مننا علشان مرتبطين
ليلي ضحكت /ايه دا ..انتي وزين مرتبطين فعلا؟
بتول/ايوا ..بنتقابل 5 مرات ف الاسبوع انتي متخيله؟
ليلي/ايوا بتتقابلو 5 مرات ف الاسبوع علشان انتو بتشتغلو ف نفس المكان
بتول/لا مش بس كدا..بنروح الافتتاحيات و وحفلات الديفيله سوا
ليلي ابتسمت/واوو بجد؟ ..واحنا كمان بنروح معاكم ..guss what(خمني ليه) علشان دا شغلناااا
بتول نفخت/خلاص ي ليلي خلاص
بتول ابتسمت/اه دا غير انه بيرد ع كل اتصالاتي ومسدجاتي فورا
ليلي ضحكت بسخريه/دا من الاحترام ي روحي ..زين ابن ناس ومحترم ..وبعدين بيجاوبك ع اسألتك مش بيرد عليكي وفي فرق ..قولت اقولك
بتول سندت ضهرها ع الكرسي
بتول/وطالما ال بعيشه مع زين مش علاقه يبقي دا اسمه ايه
ليلي/انا اقولك اسمه ايه ..ركزي معايا كدا
بتول/ها
ليلي ابتسمت/اسمه خرافات ف دماغك
بتول وقفت وبصت لها
بتول/بصي ي ليلي ي حبيبتي..طالما قولت انا ف علاقه مع راجل يبقي انا ف علاقه معاه..يأما هتكون ..ولو باظت هصلحها..يعني ال بعوزه بيحصل فهمتي؟
ليلي/لاء مفهمتش..شكلك ناسيه ان ال قدامك زين مش الشباب ال عبيطه ال كنتي بترتبطي بيها
بتول ب لا مبالاه/زين او عمر مفيش فرق ..ف النهايه كلهم رجاله
ومشيت
ليلي بتتريق عليها/ف النهايه كلهم رجاله...متخلفه
في مكتب زين
والموظفه حطت لهم القهوه ومشيت
سالم قاعد ع كرسي المدير وزين قاعد قصاده بعد ما سلمو ع بعض
سالم/حمد لله ع السلامه ي حبيبي
زين ابتسم/الله يسلمك ي بابا
سالم/اخبار الشغل ف لبنان ايه
زين بيشرب من القهوه /كله زي الفل والصفقه معانا متقلقش
سالم/طبعا ادهم اخوك مراحش معاك
زين اتنهد/ما انت عارف ادهم ي بابا دماغه ف السهر والحفلات ..بيجي الشركه ب العافيه اصلا
سالم اتنهد/معاك حق ..ربنا يهديه
زين/يارب
سالم/المهم خليني اكلمك ف الموضوع ال عايزك فيه
زين بصله /خير
سالم/بنت احلام .. فريده ادم الحديدي ..عايزه تبدأ تدريب ف الشركه من النهارده
زين/ايه علاقه بنت احلام هانم
سالم/بتدرس فنون جميله ..وارثه الموهبه من مامتها ..مشاء الله عليها رسمها حلو اوي زي مامتها ..وعايزك انت ال تدربها
زين/ما بلاش انا ي بابا. هبقي متقيد ف التعامل معاها علشان هي بنت احلام هانم وانت عارف اني مبحبش موضوع الواسطه دا ف الشغل ..ما تخلي اي حد ف الشركه يدربها اشمعنا انا
سالم/انا عايزك انت بالذات علشان انا بثق فيك..فريده بنت ادم الحديدي صديقي من زمان و بنت احلام صاحبه الشركه وصديقتنا برضو..انت الوحيد ال هتقدر تاخد بالك منها وتدربها كويس علشان لما تتخرج تبدا تدرب ع طول
عند احلام وفريده
دخلو مكتب احلام
ميقلش فخامه عن مكتب زين
موظفه راحت لهم بسرعه
الموظفه/احلام هانم ..محتاجين حضرتك ضروري ف مكتب ال hr
احلام/اوك
وقالت ل فريده
احلام/استنيني هنا ي حبيبتي هشوفهم عايزين ايه وجيالك
فريده ابتسمت/اوك ي مامي بس متتأخريش علشان تعرفيني ع ليلي
احلام ابتسمت/حاضر
وطلعت مع الموظفه
فريده قعدت ع كرسي مكتب احلام وبتبص ع الحاجات الموجوده عليه بابتسامه ..وبصت ع التصاميم الموجوده ع المكتب
زين رايح ل احلام المكتب وكان باب المكتب مفتوح دخل لقي في بنت جميله جدا قاعده ع مكتب احلام وبتبص ع التصاميم بابتسامه
زين /حضرتك مين ؟
فريده قامت /ا انا
زين/انتي موظفه جديده هنا؟ بتعملي ايه ف مكتب احلام هانم و ايه الراحه ال انتي فيها دي مش فاهم
فريده راحت له بغيظ/لاء انا ال مش فاهمه حضرتك بتتكلم معايا كدا ليه ..حضرتك مين اصلا
زين /انا زين سالم المحمدي مدير الشركه هنا ..حضرتك بقي مين
فريده ربعت ايدها بغيظ/وعلشان حضرتك مدير الشركه هنا دا بيسمح لك تكلم اي حد بالأسلوب دا ..حتي لو كانت موظفه ؟
احلام دخلت الغرفه
احلام ابتسمت/ايه دا زين حمد لله ع السلامه
زين ابتسم ومد ايده يسلم عليها
زين/الله يسلمك ي احلام هانم
احلام ابتسمت /انتو اتقابلتو ..انا كنت لسه هعرفكم ببعض
زين /.انا كنت جاي ل حضرتك المكتب علشان نتكلم بخصوص كولكشن الشتاء..بس ملقتكيش ف المكتب
وبص ل فريده وفريده بصت له بغيظ
احلام ابتسمت/دي فريده بنتي ال هتدرب معانا..تقريبا باباك قالك
زين ابتسم / اه دي بنت حضرتك ..انا بابا حكالي بس مكنتش اعرف انها معاكي النهارده ..دا غير أن ميبانش ع حضرتك ان عندك بنات ف السن دا بصراحه
احلام ابتسمت/لاء دا انا عندي بنتين وولد كمان غيرها
زين/مش باين ع حضرتك خالص صدقيني
ومد ايده يسلم ع فريده ال باين عليها مش طيقاه
احلام ابتسمت/ دا زين المحمدي مدير الشركه عندنا ي فريده وبيملك نصها واشطر حد موجود معانا تقريبا
فريده سلمت عليه
فريده/اهلا وسهلا
وسحبت ايدها من ايده وزين ابتسم
احلام/فريده جت معايا مره زمان بس مصادفش ان انتو تشوفو بعض تقريبا
زين ابتسم/لا محصليش الشرف والله
احلام ابتسمت/هي بتدرس فنون جميله سنه تالته وهتدرب معانا هنا ان شاء الله اكيد سالم بيه قالك
زين/اه هو فهمني كل حاجه متقلقيش خالص
احلام ابتسمت/تمام هروح اخلص حاجه ف الشغل وارجع لك ي حبيبتي علشان اعرفك ع ليلي ونمشي
فريده/ماشي ي مامي
احلام طلعت برا المكتب
زين /والهانم الصغيره بقي هتعرف تستحمل الشغل معانا..يعني الشغل هنا مش رسم تصاميم ودريسات وبس الموضوع صعب ومرهق
فريده بصتله/وانت بقي متعود تحكم ع الناس كدا من برا..يعني اول مره تشوفني و خلاص فهمت اني مش بتاعت شغل
زين ابتسم /لاء ي هانم ي صغيره .. انا مش متعود احكم ع حد الحقيقه بس انا حبيت اوضح لك الصوره كامله عن الشركه ..لان اكيد بنت ادم الحديدي ال متدلعه ممكن متستحملش صعوبه الشغل هنا ..وانا الشغل معايا مفهوش هزار ودلع
فريده قربت منه بغيظ /اولا متقوليش ي هانم ي صغيره..تاني حاجه انا مش جايه العب واتدلع هنا ..انا جايه اتعلم واشتغل حاجه بحبها ..حتي لو الموضوع صعب انا بقدر اتحمل المسؤوليه ومعنديش اي مشكله ...عن اذنك
وطلعت برا المكتب وزين ابتسم
فريده راحت ل احلام ال بتتكلم مع موظفه والموظفه مشيت
فريده بغيظ/ايه ي مامي ال جيباني اتدرب معاه دا ..دا قليل الزوق
احلام/زين؟ابدا والله دا شاب محترم جدا ومجتهد
فريده/لما دخل مكتبك فكرني موظفه هنا واتكلم معايا ب اسلوب مش حلو قبل ما يعرف اني بنتك..يعني هو متعود يكلم الموظفين هنا ب تعالي ..وانا مبحبش الاسلوب دا
احلام ابتسمت/انت بس علشان لسه متعرفهوش كويس ..هو محترم فعلا ومبيكلمش حد ب اسلوب وحش ولا حاجه هو بس بيحب الجديه ف الشغل..المهم تعالي اعرفك ع ليلي
وخدتها ونزلو الدور ال فيه مكتب ليلي
كان الدور كله يعتبر ليها تقريبا
مكتبها مش مقفول ومفتوح للدور كله لانها مصممه ازياء يعني بتحول التصاميم ال ف ورق ل دريسات حقيقه
الدور بتاعها كان مليان دريسات جاهزه و متعلقه ع شماعات و مليكنات و ع المكتب والوان قماش
احلام وفريده راحو ل ليلي ال بتعدل دريس ع الماليكان ومعاها موظفتين ماسكين لها الفستان والدبابيس
فريده كانت بتبص ب انبهار ع الدريس ال ليلي بتعمله ع الماليكان
ليلي بعصبيه/هتمسكولي عدل ولا تمشي من قدامي علشان انا مش ناقصه حد يعصبني من دلوقتي
الموظفه/ما احنا ماسكين اهو ي ليلي هانم
ليلي بعصبيه/دا ال ناقص تردي عليا كمان
فريده اتخضت من عصبيتها
احلام ابتسمت/متخافيش..هتحيبيها والله
ليلي خدت بالها من احلام وفريده
ليلي بابتسامه/احلامم هانم حبيبتي حمد لله ع السلامه
وراحت حضنتها بابتسامه
احلام ابتسمت/مش احنا اتفقنا انا احلام بس..عامله ايه
ليلي طلعت من حضنها
ليلي ابتسمت/انا زي الفل ي روح قلبي..عايزه اقولك الشركه زي الق_رف من غيرك متغبيش عننا كتير تاني
وبصت ع فريده
ليلي ابتسمت/مين الحلوه دي
احلام سعيدة/دي فريده بنتي
ليلي/لا بتهزري ..انتي عندك بنات حلوه وزي القمر ي احلام
احلام ابتسمت
وليلي باست فريده و حضنها بابتسامه
وفريده ابتسمت
ليلي طلعت من حضنها/ايه القمر دا ..عامله ايه ي روحي
فريده بابتسامه/مش هتصدقي انا بحبك قد ايه ..انتي تحفه والدريسات ال بتعمليها ال بشوفها ف الاخبار و ف الديفليه تحفهه..مامي عندها ف البيت دريسات انتي ال عملاها بنفسك وكلهم تحفه ..انا محدش هيعملي فستان فرحي غيرك
ليلي بتأثر من كلامها الحلو اوي
ليلي/لالا ..انتي كدا هتخليني اعيط والمسكارا تسيح ..انتي ازاي كلامك حلو اوي كدا زيك
فريده ابتسمت وليلي باست خدها
ليلي بصت ع الموظفتين ال واقفين مبتسمين
ليلي/تحبو تقعدو تشربو قهوه معانا؟تحبو تتكلمو معانا ف حاجه؟
الموظفتين /
ليلي بعصبيه/امشو من وشي وجيبوا لنا تلاته كوفي بسرعه
الموظفين مشيو من قدامها بسرعه
ليلي ابتسمت وبصت ل احلام وفريده
ليلي /to be honest (علشان اكون صادقه)ي احلام انتي لسه حلوه وصغيره ومش باين عليكي ان عندك بنات ف السن دا
احلام ابتسمت
عصرا
عند مراد ف الشركه
ف مكتبه قاعد بيشتغل
موظفه خبطت ودخلت
الموظفه بابتسامه/محتاجين حضرتك توقع ع الورق دا
مراد/تعالي
الموظفه حطت الورق ع المكتب قدام مراد و مراد بدأ يوقع
و ميرا خبطت ودخلت بابتسامه
ميرا بابتسامه/هالووو
مراد ابتسم وقام/ميرا..ايه المفاجاه دي ..تعالي
والموظفه خدت الورق وقالت بدلع/اي أوامر تانيه ي مراد بيه
مراد/لا تقدري تتفضلي
وطلعت و ميرا كانت بتبص عليها بغيره وغيظ من دلعها ع مراد
والموظفه طلعت
مراد ابتسم /تعالي اقعدي
ميرا راحت له وقعدت قصاده
ومراد قعد
مراد ابتسم /عامله ايه
ميرا بابتسامه/الحمد لله انت اخبارك اي
مراد/اي الحلاوه دي انتي كنتي فين كدا
ميرا ابتسمت/انا كنت ف الجامعه وخلصت وجتلك ع هنا
مراد ابتسم
*ميرا مع ان مش اول مره تسمع كلام حلو من دا .ديما بتسمعه من ادم وياسين وناس غريبه كمان بس لما مراد بيقول لها كدا بتفرح زي العيال الصغيره بالضبط ..مراد صاحب عمرها و بتعتبره اخوها الكبير و بتثق ف كلامه وبتصدق اي حاجه بيقولها وبتحترم كلامه زي ما بتحترم كلام ادم بالضبط ..مراد اول حد تلعب معاه واول صاحب تصاحبه. تاني واحد بتجري عليه بعد بباها اول لما بيحصل معاها حاجه حلوه أو وحشه .. مراد بيبقي عارف هي زعلانه ولا زهقانه ولا مخنوقه ولا تعبانه .بيعرف يفهمها من غير ما تتكلم علشان كدا هو البيست فريند بتاعها
مراد ابتسم/امتحان النهارده كان عامل اي
ميرا /يعني كان صعب شويه بس ماشي حاله ..بس بجد المراقبه النهارده عصبتني
وبدأت تحكي له حصل اي ف يومها ومراد بيسمعها وهو مبتسم و باصص ف عينها ك العاده
ميرا بابتسامه /وكمان صحابي قالولي في مطعم فتح جديد جمب مول*** ..ممكن توديني هناك؟بيقولو تحفه
مراد ابتسم/ من عنيا حاضر
ميرا بابتسامه وهي بتتخيل /ياه بقي لو عندهم مكرونه بينك صوص وجمبها فرايد ..هتبقي خطيره
مراد ضحك
وموبايل ميرا رن وكان مكتوب ع الشاشه هشام و ميرا كنسلت بسرعه قبل ما مراد ياخد باله
مراد/مين
ميرا ابتسمت وعملت نفسها مش سمعاه وبصت ع الارض
ميرا/انتو جبتو سجاد جديد ف الشركه
مراد بحزم/ميرا..مين بيتصل
ميرا اتنهدت/اوك خلاص دا هشام
مراد اتنهد ومسح وشه ب ايده
مراد بهدوء/هو احنا مش اتفقنا تبعدي عن الشاب دا ي ميرا
ميرا سندت ايدها ع مكتب مراد
ميرا /ليه ي مراد يعني منا مش فاهمه .هو زميلي ف الجامعه وساعدني ف كام حاجه ف الكليه يعني ابعد عنه لي مشفتش منه حاجه وحشه..دا انا حتي مبتكلمش معاه الا ف الجامعه علشان المحاضرات والدراسه لان انت عارف بابي مبيسمحلناش نكلم اي راجل غريب اصلا
مراد بعصبيه/علشان مش مرتاحله ي ميرا ..لما وصلتك مره شفته..شكله كدا و هيأته مرتحتلهوش
ميرا بغضب /مراد.. متتعصبش عليا .. وبعدين مش كل شاب اتكلم معاه حتي لو ف إطار الدراسه يبقي وحش ومش كويس .هو تحكمات وخلاص؟
مراد بغضب /لاء انا عارف كويس اوي بيبقي ف دماغهم اي وال مبرتاحلوش بقولك ابعدي عنه خوفا عليكي مش تحكما فيكي وخلاص ..علشان انتي مبتبقيش فاهمه مين الوحش ال بيأذيكي ومين الطيب
ميرا بغضب /الله الله ..ع فكره انا مش صغيره علشان يتضحك عليا زي ما انت فاكر... وبعدين ما انت الموظفات ال راحه جايه بتتدلع عليك وبتبص لك وبتسبل لك..وآخرهم ال سنيوره ال لسه ماشيه(وقالت بتريقه عليها)اي أوامر تانيه ي مراد بيه..دول ايه؟
مراد ابتسم
ميرا بغيظ رفعت صوباعها بتحذير/انا بتكلم جد ع فكره
مراد قام من كرسيه وقعد ع الكرسي ال قصاد كرسيها
مراد بابتسامه/وانتي مالك ما ال يبصلي يبصلي و ال يسبل ي سبل ..متضايقه ليه
ميرا/لاء وانا هتضايق ليه ..انا بس مبحبش الدلع قليل الادب بتاعهم دا ..وكمان مبحبش حد غريب يتدلع ع البيست فريند بتاعي انا بتضايق ..مش انت البيست فريند بتاعي واخويا؟
مراد ابتسم/صح..هتسمعي الكلام بقي وتعملي بلوك للزفت دا؟
ميرا /برضو؟
مراد بهدوء / ميرا.مش انتي بتثقي ف كلامي ولما بقولك الشخص دا مش كويس ابعدي عنه كلامي بيبقي مظبوط؟
ميرا هزت راسها ب اه
مراد/خلاص يبقي تسمعي الكلام وتبعدي عنه لاني مش مرتاحله
ميرا اتنهدت /اوك
مراد ابتسم/اي رايك نتغدا سوا النهارده ف المطعم ال لسه بتقولي عايزه تجربيه؟
ميرا ابتسمت/وهتجيب لي المكرونه البينك صوص
مراد ابتسم/وهجيب لك المكرونه بينك صوص..والفرايد
ميرا ابتسمت
في اسطبل ادم الحديدي
سواق رولا وصلها الاسطبل وواقفه بتتكلم مع الحصان الابيض بتاعها و بتملس عليها(لونا*
رولا/انتي روح قلبي انتي ..انا اسفه علشان مجتلكيش امبارح بس كان في حفله ذكري جواز dadومامي..والا انتي عارفه يعني مقدرش اعدي يوم واحد من غير ما اجيلك ي لونا
وباستها والحصان قرب منها
رولا مسكت وش الحصان /بقولك ايه..اوعي يكون حد من الاحصنة ال هنا حاول يرتبط بيكي وانتي وافقتي..والله اقتله هااا...انتي بتاعتي انا بس
وحضنتها
وبدأت تركب الحصان وتسوقه وتمشي بيه ف الاراضي الواسعه ال عند الاسطبل وبدأت فقرتها اليوميه ف ركوب الخيل
