رواية الجميلة والوحش ادم واحلام الجزء الثاني الفصل الاول
تاني يوم بعد حفله ذكري زواج ادم واحلام ال 24
في كومباوند ادم الحديدي
كومباوند راقي وكبير خاص ب رجال الأعمال
صباحا
في غرفه ادم واحلام
احلام واقفه قدام المرايه بتلبس كارديجان رصاصي وبتعدل شعرها بعد ما لبست بنطلون كلاسيك واسع وتوب اسود بكوم
وبصت ع الصوره المجمعه العيله كلها ع التسريحه وابتسمت
الصوره فيها كل العيله ومعاهم طارق و كرم المتوفيين من سنين و حمزه ومريم ال عايشين بقالهم ٢٠ سنه ف دبي و ليليان عايشه معاهم درست وبتشتغل هناك برضو
ادم طلع من الدريسنج بعد ما غير هدومه ل بنطلون وقميص وسديري وجاكيت البدله ع دراعه وبيشمير القميص
ادم حط الجاكيت ع السرير و راح ل احلام حاوط وسطها ب ايده بتملك وقربها ل حضنه
ادم باصص ف عيونها/كل سنه وانتي احلي حاجه ف حياتي..كل سنه وانتي معايا
احلام بابتسامه/انا مبسوطه اوي علشان انت عمرك ما بتنسي عيد جوازنا ..وامبارح كمان عملت لنا حفله حلوه اوي
ادم قرب منها/معقول انسي عيد جوازنا ..دي الحاجه الصح الوحيده ال فحياتي..وكل سنه بتأكد ان اختياري ليكي كان صح..واني اسعد شخص ف الكون وانا معاكي
احلام بابتسامه حاوطت رقبته بدراعها
احلام/لسه بتحبني زي زمان ي آدم
ادم باصص ف عيونها/كل يوم حبي ليكي بيزيد اكتر من ال يوم ال قبله ..24 سنه وانا بعشقك و بعشق كل حاجه فيكي ومقدرش اعيش يوم واحد من غيرك..ومهما يعدي سنين هفضل احبك اكتر واكتر
وباس راسها
احلام بابتسامه قربت منه/وانا بموت فيك..24 سنه وانت معيشني ف حب وحنيه وسعاده .. 24 سنه وعمرك ما نيمتني زعلانه ..24 وانت سندي...
انت عوض ربنا ليا ف الدنيا دي
كل سنه وانت جمبي طول العمر ي حبيبي
ادم ابتسم وباس شفايفها واحلام حضنته بابتسامه وادم باس راسها ورقبتها
(ادم الحديدي السنين مغيرتش في حاجه خالص ومابيبانش عليه السن ..لسه شباب وكاريزما و قمر
..لما بيمشي جمب بناته محدش بيصدق ان دا بباهم خالص حتي الموظفات ف شريكاته بتبقي هتموت عليه بس ادم طبعا بيوقفم عند حدهم ..و دا ديما بيسبب غيره احلام..
ال اتغير ف ادم بس انه كبر اكتر واكتر ف شغله وبقي اكبر رجال الأعمال ف مصر واغني اغنياء مصر ومعروف جدا ..زود شريكاته وبقي عنده مجموعه مصانع وفنادق ومستشفيات..وبيتعمل الف حساب اكتر من الاول)
(احلام برضو لسه زي ما هي زي القمر وصغيره ومتغيرش فيها حاجه بالعكس دي ديما حلوه ومهتميه بنفسها واستايلها حلو و تليق ب رجل الأعمال ادم الحديدي فعلا ..كل ال يشوفها ميصدقش ان عندها ٤ عيال حتي لما بتمشي جمب ياسين محدش بيقتنع ان دي مامته و دا برضو بيسبب غيره ادم..لسه بتشتغل مصصممه ازياء وادم اشتري لها نص الشركه علشان تبقي هي المتحكمه براحتها ..كان هيشتري لها الشركه كلها واحلام رفضت وقالت تبقي شريكه ف نصها كفايه علشان تتفرغ للبيت و ل ادم وعيالهم وتروح الشركه وقت ما تحب)
ادم /كنت هنسي هديتك
وبعد عنها واحلام ابتسمت
ادم فتح الدرج وجاب علبه قطيفه كبيره واعطاها ل احلام
احلام بابتسامه/هديه تاني..انت جبتلي هديه حلوه اوي امبارح وكمان جبتلي قبلها هديه عيد ميلادي
ادم رجع شعرها ورا ودنها وباس راسها/دي هديه بسيطه ..مش من مقامك
احلام فتحتها بابتسامه وكان فيها طقم الماظ ..عقد وحلق و اسوره..وكان شكله حلو اوي وغالي
احلام بابتسامه/
الله ي آدم..دا حلو اوي اوي
ادم ابتسم/عجبك
احلام ابتسمت/تحفه ..بس انا بقي عندي كتير اوي مبقاش في مكان ف الدريسنج احطه
ادم/نعملهم اوضه مخصوص لاني كدا كدا مش هبطل اجبلك
احلام ضحكت
وباست خده وحضنته و ادم ابتسم وحضنها بقوه وباس راسها
احلام طلعت من حضنه
احلام/يتري البنات صحيو ولالا
برا الاوضه
ميرا بعصبيه/قولت لك ١٠٠ مره متلمسيش حاجتي ..انتي مبتفهميييش
رولا بعصبيه/مش فاهمه يعني فيها ايه لو لبسته الدنيا خربت يعني
في الغرفه
ادم/اظن الاجابه واضحه
احلام ضحكت
ف الدور ال تحت
ف اوضه بتطل ع البسين ال ف الجنينه..الاوضه دي ادم عاملها ل فريده مخصوص ترسم فيها وتحط اللوح بتاعتها
فريده لابسه بلوفر بيج اوفر سايز وبنطلون جينز ضيق وعامله شعرها كعكه عشوائيه وقاعده قدام لوحه بترسم بابتسامه
وهزت راسها بمعني مفيش فايده لما سمعت عصبيه اخواتها
(فريده ادم الحديدي
20 سنه ..البنت ال اتولدت الاول .. لابسه سلسله الماظ عليها اسمها ادم ملبسهالها هي واخواتها من وهما صغيرين
..عينها بني وشعرها بني طوله لحد كتفها
في كليه فنون جميله ف جامعه
خاصه.. عاقله جدا وهاديه وراقيه ف تعاملها
ورزينه وبتتحمل مسؤوليه اخواتها ..بتحب ال رسم والتصاميم والازياء من وهي صغيره ونفسها تبقي مصممه ازياء زي مامتها
فريده دي بالنسبه ل ادم بنته حبيبته العقاله ال بيثق فيها ديما لانها بتتصرف ب حكمه وبتسمع كلام ادم وبتحترم اي قرار يقوله من غير نقاش ع عكس اخواتها ال لازم يعندو وهنعرف شخصيتهم دلوقتي )
داده رحمه دخلت غرفه الرسم بتاعت فريده
داده رحمه بابتسامه/ فريده حبيبتي ..يلا علشان الفطار جاهز
فريده/بابي ومامي صحيو
داده رحمه/اه والبنات برضو صحيو انتي اكيد سامعه خناقهم تعالي الحقيني علشان انا مبقدرش عليهم
فريده/ايه الجديد يعني ي دادا رحمه احنا اتعودنا ع دا
دادا رحمه/الفكره ان هم برا بيتخانقو ب الانجليزي وانا مش عارفه حتي اتدخل اصالح بينهم..انتي ال بتلحقيني ديما
فريده ضحكت وسابت فرشه الالوان المايه وقامت وطلعت من الغرفه مع دادا رحمه
الخدم بيحطو ال الفطار ع السفرا
رولا نزلت من ع السلم وميرا نزلت وراها
ميرا بغضب/انا حذرتك ١٠٠ مره متلبسيش لبسي..بتلبسي البلوفر ليههه
رولا وقفت بغضب /لبسته علشان صحيت النهارده حسيت اني عايزه البس لون ازرق عندك مشكله؟
ميرا بغضب/اه عندي مشكله
رولا رفعت صوباعها بتحذير/ميرا ...قسما ب الله لو مسكتيش هجيبك من شعرك
ميرا ضحكت بسخريه وحطت ايدها ف وسطها/الله الله..ع اساس انا هسمح لك ب دا
رولا/وبعدين اصلاا اللون الأزرق I don't think is it good for you
(معتقدش انه حلو عليكي )
ميرا بعصبيه/how do you know what good for me
(وانتي ازاي عارفه الكويس علشاني)
رولا بعصبيه /that's my opinioooon
(دا رأيي انااااا)
(رولا ادم الحديدي. 20 سنه ..اتولدت تاني واحده لابسه سلسله الماظ عليها اسمها
عينها أخضر غامق وشعرها بني فاتح زي احلام وطوله لحد كتفها واطول شويه.. زي القمر وشخصيتها قويه وعصبيه جدا وعنيده ..سريعه الغضب ومش بتهدي الا لما تطلع كل ال جواها وبتقول الحقيقه ف وش ال قدامها بدون خوف..عندها نظره غاضبه القريبين منها بيسموها ام عيون شيطانيه ..بس حتي وهي بتبص ب النظره الغاضبه دي لسه حلوه وكيوت
وبتدافع عن اخواتها لو حد فكر بس يضايقهم .. و دا بيوقعها ف مشاكل كتير مع الناس وخناقات بسبب شخصيتها القويه والعنيده
بس ف نفس الوقت حنينه وطيبه ضحكتها مميزه وزي القمر و ستايل لبسها حلو ..
..ادم بيحب فيها شخصيتها القويه والعنيده لانها بتفكره ب نفسه زمان بس ف نفس الوقت بيخاف عليها لان شخصيتها القويه وعيندها وعصبيتها بيوقعوها ف مشاكل ديما
ف جامعه خاصه مع اخواتها وبتعشق الخيل وعندها حصان ادم شاريهولها من وهي عندها ١٥ سنه وعندها خبره فيهم وديما متعوده تركب خيل)
..
(ميرا ادم الحديدي ..20 سنه
ال اتولدت اخر واحده.. لابسه سلسله الماظ عليها اسمها ..ف نفس الجامعه الخاصه مع اخواتها ..شعرها اسود و طوله لحد نص ضهرها اطول شعر ف اخواتها
وعيونها اسود زي ادم بالضبط... كيوت جدا وبريئه ولذيذه..عيونها ديما بتلمع وضحكتها حلوه .. طيبه وبريئه زياده عن اللزوم وبتحب كل الناس وبتصدقهم و دا اوقات كتير بيأذي مشاعرها لو حد كان بيستغلها بسبب طيبتها
ورغم كل دا لو حد ضايقها او ضايق حد بتحبه بتتحول ل عاصفه وبتاخد حقها)
هما اه تلاته توأم بس مختلفين ف الشكل و ف الشخصيه و ف كل حاجه.. متشابهين ف الوزن والطول بس التلاته وزنهم حاجه و ٥٠ كيلو وطولهم ١٦٠ بس ميرا اقصر منهم حاجه بسيطه
..الحاجه الوحيده ال مشتركين فيها انهم بيعشقو بعض وميقدروش يعيشو من غير بعض وبيحبو عيلتهم جدا و دا ال ادم زرعوا فيهم من وهما صغيرين
واخدين من ادم كميه حب وحنيه تخليهم ميستنوش حنيه من اي حد غريب..مقرب منهم ومصاحبهم ومعودهم ان لو حصل اي حاجه يجربوا يحكوله من غير خوف .. عمره ما قال لهم لاء وكل طلباتهم مجابه من وهما صغيرين ..مدلعهم دلع فظيع بس ف نفس الوقت مربيهم كويس جدا وبيحترمو كلامه وبيسمعو الكلام ..
علشان كدا هما مستحيل يفكرو يتجوزو الا واحد شبهه بباهم ف شخصيته وحنيته و كاريزمته وكل حاجه.وحتي لو فكرو يتجوزو ادم مش هيسمح ب دا اصلا هو شايف ان مفيش راجل ف الدنيا يستاهل واحده من بناته وميقدرش يعيش من غيرهم
فريده/بسسسس خلاص ..نهدي شويه بقي ..ياريت نهدي
وباست رولا من خدها وبعدين باست ميرا
ميرا ربعت ايدها بغيظ/انتي مش شايفه ي فريده اخدت البلوفر بتاعي من غير اذني ازاي .مش كفايه اني صاحيه ف العافيه وهموت وانام اصلا ..كمان صاحيه تعكنن عليا
فريده خدتها ف حضنها/معلش ي روح قلبي حقك عليا متزعليش
وباست خدها
رولا لابسه بلوفر ازرق اوفر سايز وبرقبه وبنطلون جينز ضيق وعامله شعرها ديل حصان
وميرا لابسه جيبه سوده قصيره لحد فوق الركبه و بلوفر رصاصي وفارده شعرها
دادا رحمه حطت اخر طبق ع السفرا /خلاص هديتو الحمد لله..يلا اقعدو بقي علشان تفطرو
ميرا ابتسمت/اه والله ي دادا رحومه انا جعانه والله
وقعدت ع السفرا تاكل
ادم واحلام نزلو من غرفتهم وراحو لهم
ادم/عاملين دوشه ليه ع الصبح
فريده ابتسمت/ولا حاجه ي بابي ي قمر انت
وباست خده وباست خد احلام وآدم ابتسم وخدها ف حضنه وباس راسها
رولا بصت ل ادم بابتسامه
رولا/ايه ال قمر دا ي دادي قولي بس
ادم ابتسم/والله انت ال عسل و قمر
وراح لها باس خدها ورولا ابتسمت وحضنته
احلام بغيره/والله..وانا شفافه وسطكم كدا ..مبقاش ليا لازمه يعني.. امشي
ادم ضحك وخدها ف حضنه وباس راسها
رولا بابتسامه /ينهار ابيض هو احنا نقدر ي ماموش ي قمر انتي..هو في ام صغيره و زي القمر كدا اصلا؟
وباست خدها كتير واحلام ابتسمت وباست خدها
وفريده ورولا قعدو ع السفرا
و ادم راح باس راس ميرا ال قاعده بتفطر
ادم/مفيش صباح الخير ولا بوسه ولا اي حاجه ل ادوم حبيبك.. تقريبا الاكل اهم مني
ميرا بابتسامه/معقوله الأكل اهم منك ..دا انت اهم حاجه ف حياتي ي بابيتو ...صباح الفل
وباست خده وحضنته وآدم ابتسم وباس خدها
وميرا باست خد احلام واحلام ابتسمت وادم قعد ع راس السفرا واحلام جمبه
والخادمه بدأت تصب الشاي
ادم/امال ياسين فين
فريده/لسه نايم تقريبا
ادم/مش هينزل يروح جامعته ..هيبقي ولا جامعه ولا شغل ..صياعه بس
احلام/ما تسيبه يعيش سنه ي حبيبي ..هو لسه صغير ع بهدله الشغل بتاعتك دي
ادم اتنهد/19 سنه وتانيه جامعه مش صغير ...دا كبر خلاص المفروض يعقل بقي ويشتغل معايا علشان يبقي راجل يعتمد عليه وياخد باله منكم ومن الشغل لو حصلي حاجه..كل يوم سهر ل وش الفجر وكل يوم مع واحده شكل وصياعه وقله ادب..هيعقل امتي نفسي افهم
احلام/بعد الشر عليك ي ادم متقولش كدا
فريده/بعد الشر عليك ي بابي
ادم اتنهد
ياسين نزل من غرفته بابتسامه
ياسين/ي صباح الفل ع حبايب قلبي
وراح لهم ع السفرا
احلام بابتسامه/صباح الفل ي حبيبي
ياسين قرب منها بابتسامه وباسها من خدها كتير
ياسين/ليكي انتي صباح الفل ..والورد ..والياسمين ع احلي ام ف الدنيا.. لاء ام ايه ..هو في ام ب الحلاوه والجمال دا..دا انا مش هاين عليا اقولك ماما حتي
احلام ابتسمت
ادم بصله بغضب
ياسين بعد عن احلام بسرعه/يساتر يارب
ميرا ضحكت
ادم بغضب/مش انا قولت لك ٣٠٠ الف مره ملكش دعوه ب مراتي. ومتقربش منها ..و ولا تبوسها ولا تحضنها
ياسين/الله ..ما الست دي امي
ادم/بس مراتي..وانا حر يعم ..لو جيت جمبها تاني هوأدك
ياسين/ماشي حقك ي مدير
ميرا /احسن..تستاهل ..علشان انت زعلتني امبارح
ياسين/اخرسي يبت
ادم بغضب/كلم اختك عدل يالا
ياسين/حاضر ي مدير
ميرا ابتسمت و عدلت شعرها ورجعته ل ورا وهي بتبص ل ياسين بثقه
وياسين مسك قبضه ايده بغيظ بيتوعد لها
ياسين راح ل آدم وسند دراعه ع الكرسي ال ادم قاعد عليه
ياسين/ممكن بقي ال فيزا ال انت ساحبها مني ي أدوم
ادم وهو بياكل/لاء
ياسين/لي ي أدوم ..بقالي اسبوع والله مفلس من غير ولا جنيه. ومش عارف اخرج ولا اروح ولا اجي ..منا اتعاقبت اهو واتعلمت الدرس
ادم بصله بغضب / درس ايه اللي اتعلمته ما انت لسه بترجع لي كل يوم وش الفجر ولسه بتصيع ومش مهتم بمذاكرتك وجماعتك ولسه مش عايز تشتغل وتعتمد على نفسك
ياسين/
من بكره هبقى انسان جديد هعمل كل اللي انت عايزه بس بالله عليك الكريدت كارد علشان اسهر مع...اقصد يعني علشان مينفعش امشي من غير فلوس وكدا
ادم/
ياسين/وافق بقي ي مديرنا بقي
ادم/خدها من درج المكتب فوق
ياسين ابتسم وباس ايد ادم وحضنه
ياسين/روح قلبي ي ادوم والله بحبك
ادم ابتسم وباس راسه
مهما كان بيقسي عليه شويه او بيعاقبه بس هو ابنه الوحيد وبيموت فيه وبيعمل كدة علشان مصلحته
ياسين/هطلع اجيب الفيزا
وطلع فوق بسرعه
احلام بصت له/مش هتفطر؟
ياسين وهو بيطلع/لا هبقي افطر ف الجامعه علشان عندي امتحان
(ياسين ادم الحديدي ..19 سنه تانيه جامعه شعر بني غامق وعينه خضراء كاريزما وزي القمر طالع لادم
مهتم بجسمه وبلياقته لدرجه ان هو يبان اكبر من اخواته البنات مش العكس بيحب الصياعه والسهر وعدم تحمل المسؤوليه ادم بيحاول ياخدو يشتغل معاه ويعلموا الشغل علشان هو ابنه الوحيد اللي هيمسك كل حاجه بعده
بس طبعا ياسين مش في دماغه كل ده بس مع ذلك ياسين بيحب ادم جدا وبيحترمه وبيحترم كلامه وميقدرش يعارضه ف اي حاجه وبيعتبره صاحبه مش بس باباه)
ياسين نزل من فوق وباس خد احلام قيل ما يمشي
ياسين/سلام
ادم/برضو ي جزمه
احلام ضحكت وياسين طلع برا الكومباوند
ميرا/احم انا فطرت.. هستأذن انا واسبقك ع العربيه ي رولا علشان منتاخرش ع الجامعه ..يلا سلام
وقامت وحاولت تمشي قبل ما ادم ياخد بالها من الجيبه ال لبساها
ادم/ميرا
ميرا وقفت ولفت له
ميرا بابتسامه وبتوتر/نعم ي بابيتو ..عايزني اجبلك حاجه وانا راجعه
ادم/اطلعي غيري الجيبه ال انتي لبساها دي
ميرا ضحكت /ي بابيتو مش وقت هزار بجد متأخره ع المحاضرات والله
ادم بصلها بمعني بتكلم بكل جديه
ميرا /اه انت بتتكلم جد؟
وراحت له بسرعه وقالت بترجي
ميرا /بس ي بابي انا عايزه البسها وعجباني انا لسه شرياها من يومين..بليز خليني البسها بلييز
وباست خده
ادم/دا غلطك انك اشترتيها من الاول وانتي عارفه اني مبوافقش انتي واخواتك تلبسو لبس زي دا برا البيت
ميرا ابتسمت /ما كل الحاجات بتليق عليا اعمل ايه بنتك حلوه
وقالت بغيظ وهي بتعد الاوامر/
وبعدين كل صحابي بيلبسوا كدة اشمعنا انا يعنييي..يعني ممنوع نلبس قصير ومكشوف حتي لو حبه صغيرين...ممنوع نسافر مع اصحابنا حتي لو ل يوم واحد من غير بيات .. ممنوع نصاحب حد اي شاب الا لو زميل لينا ف الجامعه وكمان يكون ف ايطار الدراسه..ممنوع نبات عند واحده من صحابنا...ممنوع نروح حفلات واعياد ميلاد بليل ..ممنوع نتأخر عن 10 بليل
رولا بصتله/بالله عليك ي دادي سندريلا بترجع 12 أيه 10 ال
احنا بنرجع قبلها دي ..شكلنا وحش قدام صحابنا..المفروض انت رجل الأعمال ادم الحديدي تكون متفتح شويه
ادم/انا مليش دعوه ب صحابكم ولا ب سندريلا..انا كل ال يهمني بناتي.
احلام ابتسمت/وبعدين انا بنفذ الأوامر دي بقالي 24 سنه انتو اتعودو بقي
ادم ابتسم وقرب منها/والله ..ل تكوني زهقتي
احلام ابتسمت بحب/انا؟ هو انا اقدر اعيش من غيرك ..مقدرش ازهق طبعا
ادم ابتسم وباس راسها
ميرا ابتسمت/ها اقدر اخرج بيها؟
ادم /ميرا ..مش هعيد كلامي تاني
ميرا اتنهدت/اوففف حاااضر
وطلعت الغرفه
رولا ابتسمت/داد ممكن اطلب منك طلب
ادم/قولي
رولا ابتسمت/في انسيال الماظ شوفته ف المول بس هو غالي شويه...شويتين تلاته بصراحه...بس هو يستاهل والله ي بابي تحفههه ...ينفع اجيبه؟
ادم/ينفع طبعا..هاتي ال انتي عيزاه وهحط لك فلوس ف الفيزا تاني النهارده
رولا قامت حضنته بابتسامه/انت احسن اب ف الكون ي والله شكرا ي روح قلبي
وطلعت من حضنه وباست خده و
ادم ابتسم وباس ايدها
رولا بابتسامه/بما اني خدت الموافقه ع الانسيال هروح استني ميرا ف العربيه ..عايزين حاجه
و ماسكه الموبايل بتكلم صاحبتها ع الوتساب
ادم/سيبي الموبايل من ايدك وركزي وانتي ماشيه
رولا/حاضر ي حبيبي
وباست خده وباست خد احلام
وخدت شنطتها ومشيت
ادم موبايله رن وكان من الشغل ورد
فريده همست ل مامتها
فريده/مامي انتي قولتي ل بابي
احلام ابتسمت/قولت له متقلقيش
ميرا نزلت من غرفتها بسرعه بعد ما لبست بنطلون سكيني جينز اسود
ميرا باست خد احلام وبعدين خد ادم ال بيتكلم ف التليفون
ميرا/يلا باييي
احلام/خلي بالكم من نفسكم
ميرا وهي بتخرج/حاضر
ادم/طيب تمام ..ربع ساعه وابقي ف الشركه
ادم خلص كلام ف الموبايل
احلام/ادم ..فريده مستنيه رأيك ف الموضوع ال اتكلمنا فيه قبل كدا
ادم بصلها/موضوع ايه
فريده ابتسمت/انا عايزه اتدرب مع مامي ف شركه تصميم الأزياء بتاعتها ..علشان لما اتخرج يبقي عندي خبره واعرف اشتغل معاهم ع طول.
احلام/لو وافقت هاخدها ونروح الشركه تبدأ تتعلم من النهارده
ادم/ماشي..بس هتهتمي ب دراستك ف الكليه وكورساتك مش بس التدريب ف الشركه
فريده بفرحه وابتسامه قامت حضنت ادم
فريده/حبيبي ي بابي ...انت احلي اب ف الدنيا والله العظيم
وباست خده وآدم ابتسم وباس خدها و ايدها
و فريده حضنت احلام وباست خدها واحلام ابتسمت
فريده بحماس/انا هروح اجيب شنطتي من اوضتي علشان نمشي بسرعه
وطلعت غرفتها
احلام ابتسمت/بقالها يومين مبتنامش من كتر ما هي نفسها تدرب ف الشركه وخايفه ترفض
ادم/انا مقدرش أرفض لكم طلب..انتو اغلي حاجه ف حياتي
احلام بابتسامه/ربنا يخليك لينا
ادم ابتسم وسحب الكرسي ال هي قاعده عليه وقربها منه
ادم /دا انتي ال ربنا يديمك ف حياتي ديما
وباس خدها
احلام ابتسمت/ادم لم نفسك احنا ف نص الصالون حد يشوفنا
ادم وهو باصص ف عيونها/ميهمنيش حد ال انتي
احلام باست خده وادم ابتسم وباس راسها
وموبايله رن
احلام/يلا علشان متتاخرش ع شغلك..وانا هاخد فريده ونروح الشركه
ادم/ماشي
وقام واخد الجاكيت
و باس راس احلام
في فيلا مالك الحديدي
مالك نزل من الغرفه بعد ما غير هدومه
و جنات كانت بتجهز السفرا مع الخدم
الخادمه/في حاجه ناقصه ي هانم اجيبها
جنات/لاء كدا تمام
الخادمه دخلت المضبخ
مالك باس راس جنات
مالك/صباح الفل ع روح قلبي
جنات بابتسامه/صباح الخير ي حبيبي ..انت رايح الشغل النهارده
مالك قعد ع السفرا/اه في ميتينج مهم النهارده لازم احضره
وجنات قعدت
مالك وهو بيفطر/وانتي ناويه تعملي ايه النهارده
جنات/مش عارفه بس ممكن انا وروان نروح ل احلام النهارده بليل و انتو خلصو شغلكم وتعالو
مالك/تمام مفيش مشكله ..غزل صحيت
غزل نزلت من فوق بعد ما جهزت وهي مستعجله
غزل/صباح الخير
وباست خد مالك وبعدين جنات
جنات ابتسمت/صباح النور
مالك/ايه مستعجله ليه كدا اقعدي افطري معانا
غزل وهي بتفطر ع السريع
رولا و ميرا زمانهم وصلو ومستنيني برا علشان نروح الجامعه
مالك/طيب خلي بالك من نفسك
غزل ابتسمت بدلع/بابي حبيبي
مالك/عارفها انا الدخله دي
جنات ضحكت
غزل قربت منه/هتجبلي عربيه امتي بقي ها .يرضيك عماله اخلي دا يوصلي ودا يوصلني
ما تجبلي عربيه اوصل نفسي
مالك/لاء..انتي لسه صغيره ..وبعدين عندك عم محمد السواق يقدر يوصلك وقت ما تحبي وكمان بنات عمك بيجيو ياخدوكي
غزل/بس انا مش صغيره ولا حاجه ..انا ١٨ سنه وف اولي جامعه..ومليش دعوه انا عايزه عربيه علشان خاطري
مالك/خلاص ف عيد ميلادك ال ١٩ هجبهالك
غزل/اوفف بقي انا لسه هستني
جنات/احمدي ربنا انه موافق اصلا ع ١٩ سنه.انا نفسي قلقانه وخايفه عليكي تسوقي عربيه ف السن دا
غزل/ليه هيجرالي ايه يعني ...المهم لما ارجع نتكلم ف الموضوع دا..همشي علشان متأخره يلا باي
مالك/مع السلامه
جنات/باي ي حبيبتي
وطلعت برا الفيلا
(مالك و جنات برضو زي ما هما من سنين متغيروش ..ولا يبان عليهم سن .وخلفو غزل بنتهم الوحيده ..ومالك كبر ف شغله اكتر واكتر وبقي عنده شريكاته لوحده دا غير الشركه ال مشترك فيها مع ادم و فراس )
(غزل مالك الحديدي بنت مالك وجنات ال وحيده ..عندها ١٨ سنه واولي جامعه ..ف نفس ال جامعه ال فيها فريده و رولا و ميرا و ياسين ...شعرها بني مموج ناعم و عينها بني ..هي وفريده و رولا و ميرا اكتر من اخوات وصحاب ومتربين مع بعض..عمرها ما حست انها بنت وحيده بسبب وجودهم..غزل بتحب ياسين من وهي صغيره..بس هو مش حاسس بيها ومعتبرها اخته ال متربي معاها وصحبته وبس .. بحكم ان الفرق بينهم سنه واحده و مالك كان بيأمن ع غزل مع ياسين ف مرواح السناتر و الدروس وكل حاجه ..وغزل دخلت نفس كليه ياسين ف هو ال بيذاكر لها لو حاجه مش فهماها ..
تفكيرهم قريب من بعض واهتمامتهم واحده و بيفهموا بعض من غير كلام..وبتحترم كلامه وبتخاف منه ..
و هي بالنسبه ل ياسين صاحبته المفضله ال بيحكي لها كل حاجه حتي البنات ال جديده ال بيتعرف عليها)
في فيلا فراس الاحمدي
فراس نزل من غرفته بعد ما غير هدومه
وراح المضبخ لقي روان واقفه بتجهز الفطار
والخادمه برا بتجهز السفرا
فراس بابتسامه/صباح الفل
روان ابتسمت/صباح الخير
فراس قرب منها وباسها
روان ابتسمت بخجل/فراس لم نفسك حد من الشغالين هنا يشوفنا
فراس ابتسم/منا مش هينفع اشوف الحلاوه دي ومبوسهاش والله
روان ابتسمت/انت نصاب ع فكره انت عندك بنات كتير حلوه اوي ف الشركه واحلي مني
فراس بص ف عينها/انتي مبتبصيش ع نفسك ف المرايه ولا ايه ..والله العظيم مفيش ولا واحده تيجي ف ربع حلاوتك..دا انتي ال ليا ف الدنيا دي ي روح قلبي
روان بابتسامه باست خده وفراس ابتسم وباس راسها
(فراس و روان زي ما هما برضو ميبانش عليهم آثار سن و زي القمر هما الاتنين ..فراس كبر ف شغله اكتر وبقي عنده شريكاته لوحده غير الشركه ال ليه أسهم فيها مع ادم )
فراس وروان طلعو الصالون وقعدو ع السفرا
مراد نزل من غرفته بعد ما غير هدومه ل قميص بيج وبنطلون
مراد ابتسم/صباح الخير
فراس/صباح النور
روان بابتسامه/صباح الفل ي حبيبي
مراد باس ايد روان
مراد/عامله ايه ي روح قلبي
روان ابتسمت/انا زي الفل ي حبيبي
فراس/اقعد افطر يلا
مراد/لاء انا يدوب الحق اروح الشركه في شغل كتير اوي
روان/لا ي مراد هتروح الشركه ازاي من غير فطار انت بتتعب ي حبيبي ...والله لو مفطرتش هزعل منك
مراد باس خدها /والله ما اقدر ع زعلك ي روح قلب مراد انت
روان ابتسمت
فراس مسك شوكه/هديك ب البتاعه دي وربنا
مراد ضحك/الله يعم دي امي
فراس خد روان ف حضنه وباس راسها
فراس/انا بس ال ابوسها
وروان ابتسمت
مراد/ماشي خلاص علشان فراس بيه بغيير عليكي..وانت كفايه نفسنه مني بقي
فراس/يلا ي جزمه من هنا
مراد ضحك/يلا عن اذنكم ..هستناك ف الشركه ي بابا
وطلع برا ال بيت
(مراد فراس الاحمدي ..داخل ف ٢٣ سنه ..شعره بني وعينه عسلي ...مهتم ب شياكته وبلياقته ..بيشتغل مع فراس ف شركاته ..وهما الاتنين مش بس علاقه اب وابنه دول صحاب قريبين.. و مراد متربي مع ياسين وفريده و رولا و ميرا وغزل
كلهم اكتر من اخوات و ومراد و ياسين أصحاب قريبين
الا طبعا ميرا ب النسبه ل مراد حاجه تانيه
مراد بيحب ميرا من وهما صغيرين بس معترفلهاش ولا اعترف ل اي حد ..مخبي حبه ف قلبه ..لان هي معتباره البيست فريند بتاعها واخوها ..ميرا كانت أقرب حد ل مراد من وهما صغيرين ...تفكيرهم شبهه بعض وبيفهمو بعض من غير كلام
. ميرا ب النسبه له حب حياته ال متربيه قصاد عينه و كبرت ع ايده ..لان ميرا من وهي صغيره بريئه وطيبه ف كان ديما ادم بيخاف عليها وبيأمن ع ميرا مع مراد من وهما صغيرين ..هو ال اختار اسمعها و شالها تاني واحد بعد بباها ..هو البيوصلها ال سناتر و الدروس وال كورسات..هو ال اقنعها تخش نفس الكليه و القسم بتاعه ف الجامعه..و اي حاجه مش فهماها و عرفاها بتقوله يشرحها لها...)
في عربيه ميرا سايقه وف طريقها للجامعه وجمبها رولا ال سانده ضهرها ف العربيه براحه وماسكه الموبايل (عندها فوبيا من السواقه ومابتسوقش وهنعرف السبب بعدين)
و ورا غزل قاعده ماسكه ملزمه وبتراجع
غزل قفلت الملزمه ال ف ايدها ونفخت ف بضيف
ميرا وهي سايقه/خير انتي كمان مالك
غزل/عندي امتحان بكره ف الجامعه و في جزء ف الماده مش فهماه ..و ياسين الوحيد ال بيعرف يفهمني لانه نفس تخصصي ف الكليه
رولا وهي مركزه ف الموبايل/طب ما تقوليله يشرحلك مهو ع طول بيشرحلك اي الجديد
غزل بغيظ/لاء الجديد ان احنا متخانقين
ميرا ضحكت/لاء مش جديد خالص دي حاجه معروفه
وبصت ل رولا
ميرا/ دا جديد ب النسبه لك
رولا /لا طبعا
وميرا و رولا ضحكو
غزل بغيظ/تصدقو ان انتو باردين بقي ومش هحكي لكم حاجه
ميرا ضحكت/لا خلاص والله قولي السبب اي بقي
غزل/عرف ان انا عايزه اخرج مع زمايلي امبارح الصبح قبل حفله اونكل ادم وطنط احلام ..احنا جروب بنتين وولدين ..كنا هنتغدي برا ..ف لما عرف قالي مفيش نزول ف اتعصبت لانه قبلها كان بيحكيلي عن واحده شاقطها. وقلت له انت مش من حقكك تقولي انزل ولا لاء انا عندي اب استأذن منه وبتاع وملكش دعوه وهكذا
رولا بصتلها/وخرجتي مع زمايلك طيب؟
غزل/لاء .انتي عايزاني اعارض كلامه ويجي يطربق المطعم فوق دماغي
ميرا ضحكت /متخلفين انتو الاتنين والله
رولا بغضب/يبقي انتي تستاهلي ال بيعمله فيكي دا بقي
ميرا خبطتها ف كتفها /اخرسي ي حريقه متحرضهاش
رولا بغضب/اسكتي انتي ..المفروض بعد ما حكالك عن البنت ال شقطها دي تمسكيه تخبطي دماغه ف الحيطه وتقولي له انت مش من حقك تقولي اعمل ايه ومعملش ايه ..
ميرا بعصبيه/ياسو ميعرفش انها بتحبه مهو ميعرفششش
رولا بعصبيه/ميرا متعليش صوتك قسما بالله اديكي ع وشك
ميرا بعصبيه وهي سايقه/الله الله وريني كدا هتعمليها ازاي
رولا بغضب/ا
غزل/بسسسس خلاص كفايه
رولا وميرا سكتوا
غزل/ رولا معاها حق ي ميرا.اخوكم دا طور مبيحسش اصلا
بس للاسف بحبه ..هو ال فتحت عيني لقيته ف وشي ..وعيت ع الدنيا وهو ال معايا ديما .. لما كنا بنعمل تجمع ونيجي عندكم مكناش بنلعب الا مع بعض ..ومن وحنا صغيرين بنروح المدرسه سوا و السناتر سوا . ولو حد ضايقني ف المدرسه بروح اعيط له هو وياخدلي حقي..ولو معرفتش احل الواجب بيعملهولي هو .. ولو عملت حاجه غلط وخوفت اقول ل بابي وبقوله... هو صحيح بيزعقلي ويقولي لو اتكررت هعمل كذا وكذا بس بيحل المشكله ومبيقولش ل بابي ..وعلشان هو أكبر مني ب سنه بس بيشرحلي اي حاجه واقفه معايا لانه كان بيكون لسه فاكرها وعارفها... و بابي علشان يطمن عليا كان بيقوله يوصلني اي سنتر او لو راحه المدرسه... وبيذاكرلي قبل اي امتحان حتي ف الثانويه العامه مسابنيش لحظه وكان بيذاكرلي ديما
..هو أول حد جريت عليه لما عرفت المجموع .ونا هو ال اختارنا هدخل كليه اي وقالي انه تخصصه حلو ومناسب ليا وهيذاكرلي اي حاجه صعبه عليا
ميرا ابتسمت بحماس وبصت ل غزل/الله انا بحب قصص الحب دي اوي
رولا/بصي قدامك علشان هندخل ف اي عربيه دلوقتي وهتبقي مجرد قصص فعلا
ميرا بصت قدامها ومسكت الدركسيون /ايوا صح
رولا/كملي ي استاذه غزل كملي ..بيعمل فيكي ايه تاني
غزل بصت لهم بحذر
غزل/انتو عارفين لو حد عرف ب الكلام دا انا هعمل فيكم ايه بالذات ياسين..فريده كدا كدا انا واثقه فيها واسراري مبتطلعهاش برا اما انتم مش واثقه فيكم نهائي
رولا/ربنا يسامحك انتي تعرفي عننا كدا My cousin (بنت عمي)
غزل /انا قولت اقول بس ...المهم ان المتخلف كل شويه يعرفني ع واحده شكل من ال يعرفهم ويقولي بصي دي جامده ازاي .بصي دي سهرت معاها امبارح للصبح. بصي دي صورتها ع الانستجرام . ولو صادفنا انا وهو بالصدفه مثلا واحده من ال يعرفهم ..يقولها دي غزل صحبتي و اختي وانا اتوجع زي المتخلفه
ميرا بصت لها من المرايه بحزن/هو اكيد مش قاصد يوجعك ويعمل كدة هو علشان شايفك صحبته و اخته ال متربي معاها واخد راحته ف الكلام..اما هو لما يعرف انك بتحبيه ويدرك انه كان بيوجعك بكلامه عن البنات قدامك مش هيسامح نفسه انا متأكده
غزل اتنهدت/ونا مش عيزاه يعرف ..طالما مبيحبنيش عمري ما هقوله . (وقالت بغضب ) ع فكره بقي عيند فيه انا هذاكر الجزئيه لوحدي ومش محتجاله
فجأه عربيه ميرا وقفت ف نص الطريق
رولا/وقفتي ليه
ميرا بصدمه/لالا متعمليش فيا كدا ي عربيتي علشان خاطري ..انتي اكيد معطلتيش
غزل/هي محتاجه صيانه ولا ايه
ميرا /لاء بس معرفش حصلها ايه فجأه .هتصل ب بابي بقي يتصرف
رولا/استني هتجيبي بابي من الشغل مخصوص افرض طلعت حاجه بسيطه
و نزلت من العربيه
ميرا/هتعملي ايه
ونزلت هي كمان
رولا فتحت غطا كبوت العربيه من قدام وبتحاول تفتكر اي حاجه من ال ادم علمهالها
وغزل نزلت وسندت ع العربيه
ميرا/بالله عليكي هتعرفي تصلحيها ازاي ..اقفلي البتاع دا وخلينا نتصل ب بابي
رولا/مره عطلت بينا زي كدا و dad كان بيوصلني وعلمني اصلحها ازاي كانت الطريقه سهله...مع ان عندي مبسوقش عربيات بس للظروف يعني
ميرا ملست ع العربيه ب ايدها
ميرا/ليه بتعملي معانا كدا طيب ي حبيبتي..توقفينا ف نص الطريق كدا
وخبطتها بغضب
ميرا بعصبيه /انا مش طيقاكي اصلا ..هقول ل بابيتو يجيب لي واحده غيرك ع الاقل مبتعطلش
غزل ضحكت/مجنونه
ورولا مشغوله ف العربيه في عربيه معديه ع الطريق فيها شاب سايق وجمبه شاب
اول ما شافو تلت بنات حلوين وقفو العربيه عندهم
وغزل اتوترت وراحت وقف جمب رولا وميرا
الشاب بابتسامه/ايه ي حلوين العربيه عطلت بيكم ...تحبو نوصلكم احنا
ميرا بتوتر/احم لا ميرسي
رولا بصت له/ احنا هنتصرف تقدرو تمشو
الشاب ابتسم/تعالو بس واحنا هنوصلكم والله
رولا بغضب راحت جابت من شنطته العربيه كوريك وراحت لهم
رولا بعصبيه/عايزين توصلونا صح .. تمام تعالو وصلونا يلا
وراحت خبطت المرايه ب الكوريك ب غضب و كسرتها نصيت
ميرا وغزل حطو ايدهم ع فمهم بصدمه
الشاب بخوف ع عربيته/ايه ال هبيتيه دا ي مجنونه
رولا بعصبيه /مش انتو ال عايزين توصلونا ..غيرتو رايكم ولا ايه... متبصلناش وتشوفنا كيوت وولاد ناس والله لو ممشتوش من هنا حالا هكسر لك بقيت العربيه حتت حتت وهحصركم عليها ولو حسيت انه لسه مش كفايه ال عملته هقطعكم انتو حتت حتت وارميكم ف اقرب سله زباله فاهمينننن
وحطت ايدها ب غضب ع الشباك
صاحبه ال جمبه بخوف/امشي امشي بسرعه ي عم دي طلعت مجنونه
ميرا ابتسمت وعملت لهم ب ايدها باي باي /ما قالت لكم هنتصرف احنا لازم تاخدو ال فيه النصيب يعني
الشاب ساق العربيه ومشي قبل ما تدغدغ باقي العربيه
رولا رجعت شعرها ل ورا بثقه ب ضهر ايدها لان ايدها متوسخه من ال كوريك
ميرا ضحكت ع رولا/مريضه نفسيه والله
غزل /ايه الجنان ال عملتيه دا ي رولا افرض نزلو عملو فينا حاجه
رولا/ميقدروش يعملو حاجه
وبتعطي ميرا الكوريك
رولا/امسكي حطيه مكانه لحد ما اشوف العربيه
ميرا بصت ع شكله بقرف وبعدت/يعع ابعدي البتاع دا عني .. انا مش هوسخ ايدي بيه
رولا اتنهدت وراحت حطته ف شنطه العربيه
وراحت عند العربيه من قدام وقربت سلكين من بعض كويس وقفلت الغطا تاني
رولا/جربي كدا ي ميرا دوريها
ميرا ركبت العربيه تاني وشغلت العربيه واشتغلت
ميرا بابتسامه/ايه دا الله اشتغلت
غزل /انا منبهره
وركبت العربيه
رولا ركبت/مش عارفه بجد من غيري كنتو هتعملو ايه
بعد نص ساعه
رولا و ميرا وغزل وصلو الجامعه
رولا/همشي انا بقي علشان ورايا محاضره دلوقتي
ميرا/هوصلك واحنا مروحين؟
رولا وهي ماشيه/لاء ابقو روحو انتو هطلب اوبر
ومشيت
ميرا/تعالي ي غزوله نروح الكافتيريا صحبتي مستنياني جوه
ودخلو الكافتيريا
وراحو ل صاحبه ميرا ال قاعده ع طربيزه بتشرب قهوه
ميرا/اي ي سلوكه اول محاضره خلصت؟
سلمي /اه بس انا كمان ملحقتهاش
ميرا قعدت جمبها /اوففف ياا ..يارتني ما نزلت بدري صحيت بالعافيه اصلا..هيطلع هالات من قله النوم ل قدر الله ..بعد الشر يارب
وبصت ف السقف تدعي ربنا
غزل قعدت/انا كمان مش هحضر اول محاضره عندي ..هذاكر الماده ال مش عارفه اذاكرها دي
ميرا/اوك هطلب لك قهوه معايا .اطلبلك حاجه ي سلومه
سلمي /لا ميرسي ي روحي انا هشرب قهوتي
وميرا ندهت ع الجرسون و طلبت اتنين قهوه
ياسين دخل الكافتيريا وراح ل ميرا و غزل
يونس /ازيكم ي بنات
وبص ل سلمي وابتسم /ازيك
سلمي بصتله ب اعجاب/الحمد لله انت عامل ايه
غزل بصت ل ميرا بغضب بمعني شايفه اخوكي
ميرا بتحاول تهدي الوضع/احم ..اي ي ياسين ما تحترم نفسك دي صحبتي وبعدين أكبر منك ب سنه ع فكره
ياسين ابتسم/تصدقي مش باين عليها
سلمي ابتسمت وعدلت شعرها/بتتكلم جد
غزل بصوت واطي/اللهم ما طولك ي روح
ياسين/المهم ..عندك امتحان ي غزل بكره صح ؟تعالي هذاكرلك في جزء ف الماده كنتي بتقولي مش فهماه
غزل بغضب/لا متشكره هذاكر لوحدي
ياسين/يلا ي غزل بقولك قومي
غزل /قلت لك لاء
ياسين بصلها بغضب وغزل نفخت بضيق وقامت وخدت شنطتها والكتاب
ياسين/عن اذنكم
و ياسين و غزل مشيو
والشاب جه حط القهوه ع الطربيزه ومشي
سلمي /يخربيت حظك بجد ي ميراا ايه دة..عندك اب مز و زي القمر وأخ مز بعين خضرا و زي ال قمر ..وكان عندك ابن عمتك تقريبا وصلك ف مره بعين عسلي .ي خرابي ع جماله
ميرا /قصدك مراد
سلمي/اه هو كمان قمرين ..اي عيلتكم ال زي القمر دي
ميرا/احسدينا بقي وهاتي اجلنا
سلمي ضحكت/لا ي ستي همسك الخشبه
ميرا ضحكت وبتشرب شويه من القهوه
سلمي بابتسامه/بس بباكي دا
.التوب..مشاء الله عليه جان وكاريزما كدا و قمر.. انا قبل ما اعرفك اوي ..شوفته جه وصلك كذا مره انا قلت دا حبيبك وانتي مرتبطه ..لحد ما فهمتيني انه بباكي وعرفتيني عليه .ولقيته كاريزما وقمر و ليه هيبه كدا
ميرا /تعرفي لو مامي سمعتك بتقولي كدا هتوأدك والله
سلمي مسكت ايدها/احكيلي عن بباكي شويه بالله عليكي
ميرا /احكيلك اي ي هبله هو انا هجوزهولك؟ دي كانت لوما تقتلنا
سلمي/يلا ي ميرا ادينا بنسلي نفسنا لحد ما المحاضره التانيه تبدأ
ميرا ابتسمت /هحكيلك ..بصي ي ستي ..بابي ي دا احلي حاجه حصلت لنا ف الدنيا ..احنا محظوظين بيه ..احن راجل ممكن تقابليه ف حياتك.. مصاحبني انا واخواتي و عمره ما اتعامل معانا بطريقة ان هو الاب ولازم نسمع كلامه غصب عننا وكل الكلام دا ..لاء بيتناقش معانا براحه وبيفهمنا وجهه نظره.. لما بنغلط عمره ما يمد ايده علينا مع ان هو عصبي فوق ما تتخيلي ..عمرنا ما خبينا عنه حاجه ... يعني علشان اكون صادقه انا ورولا ساعات بنخبي. فريده لاء بس هو معودنا لو
عملنا حاجه غلط يبقي هو اول حد نجري عليه نقوله
عمره ما زعل حد فينا الا بعدها ع طول اعتذر من الحد دا وصالحه ..هو مربينا ع كدا من وحنا صغيرين ..اي حد يغلط يراضي التاني ويعتذر كبير أو صغير ..طالما غلطت هتعتذر
(اه ي جماعه ميرا طيبه وبريئه لدرجه انها ممكن تحكي قصه حياتها ل واحده لسه عرفاها من شهرين عادي ..ممكن تحكي قصه حياتها ل قطه ف الشارع مش بس بني آدم )
سلمي كانت حاطه ايدها ع خدها وبتسمعها
سلمي/هو بباكي دا حقيقي بجد؟حد موجود معانا ع الكوكب
ميرا ضحكت/حقيقي اه
سلمي/طب كملي
ميرا ابتسمت/ جدو طارق الله يرحمه كان بيحكيلنا عن بابي زمان انه بدئها من الصفر وبني نفسه ب نفسه واشتغل وتعب ودًرس و شاف ايام ما يعلم بيها الا ربنا لحد ما وقف ع رجله و بقي عنده شركات و بيوت و عربيات و كل الحجات دي .لوحده ...لما كان جدو بيحكي لنا كنت بقعد اقول ..يعني واحد اتعذب ف حياته كتير ومامته ماتت من وهو 17سنه و فاقد للحنيه طول السنين .ازاي فيه كل الحنيه دي.. و ازاي مغرقني انا و مامي و اخواتي كل الحنيه دي..مامي بتحكي لنا برضو
انه عمره ما زعلها ولو زعلها غصب عنه عمره ما نيمها منه زعلانه .متخيله 24 سنه مسبش مامي تنام زعلانه ولا ليله واحده ؟ لما قالت له بس نفسها تسافر تلف معاه العالم لفهها كل البلاد ال ممكن تتخيلها...ف ال ٢٤ سنه دول راحو كل الدول تقريبا..صحيح لما احنا اتولدنا عزبناهم وفضلو سنين مش عارفين يسافرو اسبوع لوحدهم حتي ..بس مش مشكله فدانا..
تعرفي كمان ان مامي عندها جمب الدريسنج بتاعها مكان مخصوص ل اطقم الالماظ ال بابي جايبهالها ..عندها اغلي واندر الاطقم ف العالم..ساعات كتير انا و رولا بنسرقهم نلبسهم ف حفلات بصراحه..المهم يعني خلاصه الكلام
عمر ما شاب قدر يضحك عليا انا واخواتي بكلمتين حلوين او بهديه او ب اي حاجة ولا حد هيقدر يضحك علينا ..بسبب بابي هو اوريدي مدينا كل الحب دا..وياسين كمان مع ان احنا وهو اغلب الوقت بنتخانق بس والله مافيش ف حنيته وعارفين انه بيبقي خايف علينا لدرجه ان اي حد يشوف افعاله يقول دا اخونا الكبير مش الصغير
سلمي /ينفع تتبنوني ؟ والله مش هعمل صوت . ونا ال بابي بيزلني علشان بيدفع لي قد كدة ف الجامعه الخاصه
ميرا بابتسامه/ we are not the same baby( احنا مختلفين ي حبيتي )
سلمي/طب يلا ي اختي نلحق المحاضره قبل ما تبدأ
ميرا وهي بتقوم/ما تيجي نتغدي برا ونفكس للجامعه
سلمي/وماله في امتحان بكره تحبي نفكس للامتحان
في كليه ياسين وغزل
دخلو كافتيريا الكليه وقعدو
و ياسين طلب لهم قهوه
وغزل مربعه ايدها بغضب
ياسين وهو بيفتح الكتاب بتاعها
ياسين/مبوزه ف وشي لي
غزل/لاء هبوز لي .مفيش حاجه
ياسين مسك دراعها بغضب /بقي انا مش من حقي اقولك رايحه فين وجايه منين وهتخرجي مع صحابك غصب عني ؟
غزل ابتسمت غيظا فيه/ايوا ..اخرج مع ال عايزاه و اتغدا مع ال عيزاه ..انت مالك
ياسين بغضب/دا ف احلامك ان شاءالله..انتي هتسمعي الكلام ال بقوله ورجلك فوق رقبتك علشان مدكيش بالكتاب دا ف دماغك
غزل/طب سيب دراعي احنا ف نص الكافتيريا
ياسين ساب دراعها
ياسين/ملحقتش اسالك ف الحفله ..خرجتي امبارح مع الزفت زمايلك ال كنتي عايزه تخرجي معاهم ؟
وغزل ربعت ايدها بزعل /لاء
ياسين ابتسم /طيب انا اسف حقك عليا ..علشان عليت صوتي عليكي ف التليفون
غزل/
ياسين/ انا بخاف عليكي ي متخلفه زي اخواتي البنات بالضبط. زمايلك مين ال منعرفهمش دول ومعاهم شباب كمان ..الله اعلم محترمين ولا لا ..و ع فكره عمو مالك لو كنتي قلتي له كان هيقولك ياسين معاه حق ..لانه عارف ان انا هامنني مصلحتك
غزل ابتسمت
وياسين مسك ايدها وباسها
وغزل قلبها دق وحاسه انه هيطلع من مكانه
ياسين/لسه زعلانه؟
غزل بابتسامه/لاء خلاص مش زعلانه
ياسين ابتسم /طب يلا ركزي بقي معايا علشان الماده بتاعت بكره امتحانتها مبتجيش سهله
غزل ابتسمت/حاضر
وساب ايدها و بدأ يشرح لها
