قصة الشيخ البغدادى ( كاملة الفصول ) بقلم محمد المغربي

اكتر شئ مرعب في القصة الي هتقرأها ديه انها حقيقية بكل تفاصيلها ، لدرجة ان انا نفسي وانا بجمع معلوماتها وتفاصيلها كنت مرعوب ، والي قدامكم ده هو الشيخ البغدادي والي اتقـ..تل من الجن

احنا في تونس منطقة اسمها المحمدية، منطقة معروف عنها انها اثرية الي حد ما والي كان ساكن فيها واحد من ابطال حكايتنا "محمد" والي القصة بدأت من عنده ، لما قرر ينزل سرداب قديم في منطقة جنب المحمدية اسمها الدواميس ، السراديب الي في منطقة الدواميس كان بيدار حواليها حكايات واساطير وانها مسكونة من الجن وكان محذور ان حد يقرب منها

إلا انه كان شاب صغير وفضوله دفعه ينزل سرداب من السراديب القديمة ديه ويستكشف الي جواها ، نزل محمد السرداب لكنه مخرجش تاني منه ، بدأت الارملة واخوه الوحيد رحلة البحث عنه لشهور كتير في كل حته ولكن الشاب اختفي تماماً مكنش اي أثر في اي مكان

عشان تفقد أمه الامل وتعتبره ما _ت وتبطل تدور عنه ، لكن تحصل المفاجأة وبعد ما يعدي سنتين على اختفاءه يظهر تاني محمد لكنه كان فاقد عقله 

" اتجـ..نن" مكنش فاكر اي حاجة حصلته خلال فترة اختفاءه ولا كان متزن نفسياً ، ده غير نوبات الصر.ع والتشنج الي كان بيحصله فجأة بدون سبب

وتبدأ فعليا الحكاية من بعد النقطة ديه 

تزامناً مع ظهور محمد ، بدأت الأم والاخ الاصغر لمحمد انها يشوفوا شعر طويل بكميات ملحوظة في الأكل بتاعهم مروراً بظهور خيالات لأشخاص بتعدي من قدامهم وتختفي في البيت الصغير الي كانوا عايشين فيه لحد ما يجي في يوم والام تكون قاعدة هي ومجموعة من الجيران جوا البيت ويتفاجئوا ان الحمام خارج منه رجالة بدون اي هدوم تماماً 

الرجالة ديه كان لو بشرتهم اسود ومكنوش ماشين على الأرض زي البشر عادي ، كانوا كأنهم طايرين او بيطوفوا وفجأة وزي ماظهروا يختفوا في العدم ، حالة من الرعب والمواقف الغريبة الي بتحصل ، الأم وابنها الصغير كانوا عارفين ان الي بيحصل ده سببه ابنهم الي ظهر فجأة بعد ما اختفي وان دخوله السرداب هو السبب في الي بيحصلهم دلوقتي

ويجي يوم من الايام والإبن الصغير يكون بيصلي في الاوضة بتاعته وبعد ما يخلص يسمع صوت قطة بره رغم ان بيتهم مكنش فيه اي أي قطط، ولما خرج شاف قدامه قط اسود نايم على الأرض ، المرعب ان القط ده دماغه كانت عكس جسمه ، الولد خاف ومسك عصاية وحاول يضر.ب بيها القط الي طلع يجري على المطبخ 

راح الولد وراه المطبخ و ولع النور الي كان مطفي لكن يكتشف ان مفيش اي وجود للقط من الاساس ، موقف كان مرعب بنسباله لكنه حاول يتخطاه وفي نفس الليلة بليل يحلم بحلم فيه نفس التفاصيل الي حصلت في الحقيقة ، كان في الحلم بيصلي وسمع صوت قط قدام الاوضة ولما خرج لقي قدامه واحد نايم على الأرض لونه اسود 

بس في الحلم الشخص ده اتكلم بصوت مرعب وقاله: انت بتضـ..ربني وانا نايم؟ وقام ضر.به على بوقه ضر.بة قوية بعصايا كانت في أيديه خلعت سنه من أسنانه ، عشان يصحي الولد مفزوع على ألم فظيع ، ويتفاجئ ان سنته مكسـ..ورة والد..م نازل من بوقه

مش ده كله حاجة ، نفس الولد الصغير قال انه في مرة من المرات سمع صوت الباب بيخبط ولما فتح ملقاش حد ولكن مجرد رجوعه لأوضته يسمعه تاني بيخبط ويخرج ميلاقيش كد وهكذا اكتر من مرة لحد ما بطل يفتح الباب عشان في النهاية يسمع حد بيناديه بـ اسمه وبردو لما يقوم يفتح ميلاقيش حد

وفي نفس اللحظة يسمع صوت خروشة في الدولاب وفجأة يلاقي ايد خارجة منه تدريجياً لحد ما يظهر شخص خارج من الدولاب ، جسمهه شكله مخيف ، ماشي على ايديه ورجليه زي الحيوا_نات وفضل يقرب منه والولد في حالة صد.مة ومجرد ما قرب منه اختفي

من بعد الموقف ده الولد فضل ٥ ساعات بحالهم متجمد على السرير مش بيتحرك من آثار الصد.مة ، عمال يترعش بس ومن يومها قررت أمه تجيب شيخ يشوفلهم حل للي بيحصل في البيت والشيخ ده اسمه الشيخ البغدادي وده لأنه كان شيخ جامع ومشهور في علاجه للحاجات الي من النوع ده

الشيخ البغدادي لما سمع تفاصيل الي بيحصل استعان بشيخ صديق ليه اسمه الشيخ الجريدي ، راح الشيوخ وبدأوا يقرأوا القرآن و يتفاجئوا ان النور قطع ، بعد ما النور قطع مباشرةً سمعوا اصوات لناس تانية بتتحرك حواليهم في المكان وبيلفوا حواليهم زي الدايرة وهما لسه مكملين قراءة لكن بعد شوية كان النور جيه

ويبص الشيوخ في السقف يلاقوا اثار رجول كأن حد كان ماشي على السقف ، في منظر اول مرة يعدي عليهم لدرجة انهم خافوا عشان يقرروا انهم يكملوا بكرة ، وتاني يوم يوصل الشيوخ للبيت

وطلبوا من الأم انها تستني عند الجيران هي وابنها الصغير منعا ان يحصل حاجة تخوفها ، وتسيب بس الابن الكبير الي هو محمد الي نزل السرداب وتبدأ الشيوخ تقرأ القرآن وبعد شوية يغم على الولد الي كان معاهم عشان يسمعوا بعدها صوت ضحكات كتير ، وصف الشيخ البغدادي الصوت كأن ك_لب بيضحك ، المرعب ان الصوت كان جاي من تحت الأرض 

تبدأ الشيوخ تسأل : انت مين وعاوز ايه من الناس ديه

لكنهم يتفاجئوا بصوت تخين بيقولهم : اطلعوا بره 

وبعد ما يقول كده الولد الي كان مغم عليه يبدأ يفوق لكنه كان بيتقئ د.م ، د.م ومعاه كميات شعر كبيرة خارجة من بوقه

الموضوع بدأ يزداد رعب ويدرك الشيوخ ان الموضوع مش هين ولا بسيط،وقرروا انهم كل يوم هيجوا يقرأوا قرآن في البيت وفي مرة من المرات وكالعادة الأم بتكون موجوده عند الجيران اثناء ماهما بيقرأوا يتفاجئوا بيها بتخبط على الباب بتطلب انها تدخل الحمام ، رغم ان فيه حمام عند الجيران عادي

دخلت الام الحمام وطولت اكتر من الطبيعي ، عشان بعدها يلاقوا الباب بيخبط تاني والي واقفة قدام الباب هي الأم ، جاية بتسأل الشيوخ عن سبب تأخرهم المره ديه ، عشان يدرك الشيوخ ان الي دخل اول مرة عليهم كان جن

مرة تانية تعب الشيخ البغدادي من القراءة وطلب من صديقه الشيخ الجريدي انه هينام شوية لأنه مرهق بالفعل يروح في النوم وبعد شوية يصحي لكنه ملقاش وجود لأي حد في البيت كأنهم اختفوا ، فضل ينادي عليهم محدش بيرد عليه عشان يقرر انه يروح لبيته

تاني يوم لما قابل الشيخ الجريدي وسأله ، انتوا كلكوا سيبتوا البيت ورحتوا فين امبارح ، انا صحيت ملقتش وجود لأي حد ، عشان يتفاجيء ان الشيخ الجريدي بيقوله انت امبارح تعبت وقولتلي انك هتروح مش هتكمل قراءة منمتش زي ما انت بتقول!!

وفضلت الاحداث تتوالي والأمر يزداد سوء لحد ما يجي في يوم ويحلم الشيخ البغدادي انه دخل في سرداب ضيق قريب من بيت الناس المأذية الي بيحاول يساعدهم وقتها حس ان ديه اشارة وان دخوله السرداب الي دخله الولد ممكن يكون فيه الحل لكل الي بيحصل

وبالفعل تدله الأم على السرداب الي دخله ابنها ، وينزل السرداب الشيخ البغدادي وصاحبة الشيخ الجريدي ويفضلوا ماشيين فيه فترة تتخطي ال١٠ دقايق لحد ما يشوفوا نور ظهر من بعيد ومجرد وصولهم للنور يلاقوا نفسهم كأنهم في عالم تاني ، مكان كله صحرا ورمال 

بصوا على فتحة السرداب لقوا الرملة بتقفلها رجعوا جري عليها لكن الفتحة كانت اتقفلت كأنها مكنتش موجوده من الاساس

كان قدامهم مجموعة من البيوت شكلها توحي انها من عصور قديمة ، لكن الغريب ان مهما مشيوا ناحية البيوت ديه مكنوش بيوصلوا كأنها بتبعد ، بدأوا يقرأوا قرآن ويستغفروا ربنا عشان يلاقوا نفسهم قدروا يقربوا من البيوت

مجرد ما قربوا لقوا ان بيت من البيوت خارج منه ناس كتير وفيهم اصوات طبل وزمر كأنهم بيغنوا بس بلغة غريبة ،الناس ديه كلها كانت من غير هدوم خالص، الناس ديه مكنش ليه ظل عشان يتأكد الشيوخ ان كل دول جن وانهم موجودين في عالمهم

بدأ الشيوخ يراقبوا الي بيحصل ويشوفوا الناس او الكائنات ديه بتلف حوالين كائن ضخم ، شكله مرعب لأقصي درجة ، الغريب ان الكائن ده كان عمال يبص على الشيوخ وهما مترقبين الي هيحصل وفجأة اتكلم بصوت تخين وقالهم : اقعدوا

لكنهم معملوش كده لأنهم عارفين انهم لو قعدوا كانوا ممكن يتأذوا  ورجعوا يقرأوا قرآن عشان فجأة الكائنات والبيوت تختفي ويلاقوا نفسهم كأنهم راحوا لعالم تاني صحرا بردو ، ماشي جنبهم جمل عليه كائن عملاق وفيه حشرات ضخمه ماشية وراهم 

كلمهم الكائن ده وقالهم : انتوا ايه جابكم هنا المكان ده محذور على عالم الإنس ، عشان يرد عليه الشيخ البغدادي ويقوله كل حاجة وعن سبب وجودهم هنا من بداية دخول الولد السرداب مرورا بكل الي حصل في البيت 

رد عليه الكائن العملاق وقاله : الولد ده دخل هنا واذانا ومش هنسيبه هو وأهله ولو عاوزين تعيشوا ارجعوا مكان ما جيتوا ، رد عليه الشيخ البغدادي وقاله السرداب اتقفل ، قاله نفس الكائن روح عنده هتلاقي الباب اتفتح ومحدش فيكم يبص وراه مهما حصل وبالفعل راحوا ناحية السرداب عشان يشوفوا كلُ.ب براس انسان بيحفر في الباب ، اول لما شافهم وسعلهم 

مجرد ما حط الشيخ البغدادي رجله على الباب سمع صوت واحدة ست بتنادي على الشيخ الجريدي ، بيقول ان الصوت ده كان شبه صوت امه ، وقبل ما يقوله اوعي تبص وراك سمع صوت صر.خته وبعدها مسمعش صوته تاني..

خرج الشيخ البغدادي وهو خايف يبص وراه وفضل مستني الشيخ الجريدي يخرج لكن ده محصلش لحد ما باب السرداب اتقفل ، فا عرف ان الشيخ الشيخ الجريدي مش هيخرج تاني ..

بعد الي حصل بيت الست الأرملة و ولادها اته.د واتبني مكانه مسجد اتسمي بأسم الشيخ الجريدي ، الشيخ البغدادي طلع وحكي القصة بكل تفاصيلها وانتشرت في كل الصحف التونسية 

لكن بعد ما القصة انتشرت وفي يوم من الايام يلاقوا الشيخ البغدادي في بيته مي_ت ومقط..وع ايديه ورجليه وحواليه كمية نمل مهولة واكلة جمجمته .

تمت

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

شكرا لزيارتكم عالم روايات سكيرهوم