رواية اتفرج عالحلاوه كامله جميع الفصول بقلم اسيل محمد
بتحب الفسيخ؟
دا كان اول سؤال اسألو للعريس اللى قاعد قدامي
حسن: لا مبحبوش
حبيبه بلا مبالاه: طيب شرفتنا جدا معندناش بنات للجواز
حسن بأستغراب: ودا ليه ان شاء الله؟
حبيبه بعد اهتمام : عشان انت مبتحبش الفسيخ وانا بحبه وعمتا مش هتجوز واحد مبيحبش الفسيخ
حسن بعدم تصديق: انتى بتهزري صح؟ هتبوظي الجوازه عشان سمك معفن؟؟؟؟
حبيبه بعصبيه: انت عبيط ولا اي متقولش كدا ع الفسيخ هوا سمك معفن بس قمر
حسن: شامم ريحه انك بتتلككي عشان تطفشيني
حبيبه: الله ينور علييييك انا فعلا عايزه اطفشك خد بعضك واهلك وامشي معندناش بنات للجواز يعسل
حسن قام وعدل التيشرت الاسود بتاعه وخرج من الاوضه اللى كانو قاعدين فيها
وقبل مايخرج سمع صوتها
حبيبه ببجاحه: ابقي سيب الجاتوه عشان هاكلو
حسن ضحك وحط ايده ع وشه بقله حيله وطلع لأهلها واهله برا ف الصاله
محمد والد حبيبه بص لبنته اللى خرجت ورا حسن وسألها: ها يابنتي نقول مبروك
حسن بسخريه وهوا بيبص لحبيبه: لا قول فسيخ ياعمى
حبيبه بصتله بقرف وخدت الجاتوه ودخلت اوضتها
اما ف الصاله
محمد: فيه اي يابني؟
حسن: مفيش نصيب ياعمي
سهام والده حبيبه: ليه يابني كدا حصل اي
حسن بسخريه وهوا قاصد يعلي صوته عشان حبيبه تسمعو: اصل الفسيخ كان ليه رأي تانى
###############
بعد ما حسن واهله مشيو
ف اوضه حبيبه
سهام بصلها بغيظ وهيا بتاكل الجاتوه ومحمد باصصلهم وبيضحك
سهام ضربتها ع كتفها: عاحبك كدا؟
حبيبه وهيا بتاكل: ياماما وانا مالى ماهوا اللى مبيحبش الفسيخ
سهام بغيظ: ياختي وهوا لو بيحبه كنتي هتوافقي جتك ستين خيبه
حبيبه بكسوف وهيا بتحط شعرها ورا ودنها وبتشبك ايديها ف بعض: ايوه طبعا كنت هوافق الواد طول بعرض وحليوه واسمرانى كدا وبدقن وشعره كيرلي طبيعي ياااااهههه
فاقت من احلامها الورديه ع قلم نازل ع قفاها من ابوها وهوا بيقول
محمد: اتلمى ياروح امك
حبيبه: الاه يابابا ماهوا حلو واقولك ع حاجه انا زعلانه انى رفضته وكملت بلا مبالاه وهيا بتكمل اكل: بس نقول اي بقا مبيحبش الفسيخ
سهام بغيظ: اطفحي اطفحي دا اللى فالحه فيه وياريتك بتتخني بطنك مخرومه
حبيبه: مش احسن ماكون عجله زي بنت اختك
سهام شدتها من ودانها : يبت اتلمى
################
تانى يوم عند بنتنا ف الجامعه وهيا بتمد عشان تلحق المحاضره
ولسوء حظها لقت باب المدرج مقفول دا معناه ان الدكتور دخل
حبيبه وهيا واقفه قدام الباب بحيره: طب ادخل ولا اتجنب الأحراج؟
صوتها الداخلى رد: ادخلى وكدا كدا دا دكتور جديد واول محاضره ويمكن يطلع كويس ويدخلك منغير مايضحك عليكي حد ادخلى يلا
حسمت امرها وخبطت
سمعت صوته مش غريب عليها وهوا بيقول: اتفضل
دخلت وهيا حاطه وشها ف الارض
الدكتور: متأخره ليه يابشمهندسه؟
رفعت وشها: معلش يا.... الفسيخه؟؟؟؟
حسن وهوا بيحاول ميضحكش رغم انه اتصدم زيها: افندم؟!
حبيبه بصدمه لا لا انا اسفه.. احم معلش اتأخرت عشان اااا عشان اه كنت بذاكر ف الكافتيريا
حسن بجديه: تمام اتفضلي وياريت متتكررش تانى
دخلت منغير ماترد وراحت وقعدت وكان وشها احمر
حسن وعرف بنفسه
حسن: انا دكتور حسن دكتور جديد هنا وهديكو ماده ***** ان شاء الله عندي ٢٩ سنه ياريت تعرفو بنفسكو ياشباب
كل واحد وواحده بدأو يعرفو نفسهم والدور جه ع حبيبه وحبت تستخبي لكن هوا لاحظ وقال: اتفضلى ياآنسه
حبيبه قامت وهيا وشها احمر: احم انا حبيبه محمد عندي ٢٣ سنه
حسن وغمزلها: بتحبي الفسيخ؟
حبيبه ورفعت حاجبها: جدا يادكتور انت بتحبو؟
حسن بابتسامه سمجه: لا
حبيبه بنفس الابتسامه: يبقي متاكلوش
وقعدت وهيا بصالو بتحدى وهوا حابب انه ينكشها
###############
عند باب الجامعه بعد ما اليوم خلص حبيبه كانت واقفه مستنيه تاكسي فاضي عشان تروح
لمحت طفل صغير قاعد ولبسه كان متبهدل جدا وكان ماسك لعبه مكسوره ف ايده
حبيبه بلطف: مالك ياحبيبي قاعد لوحدك ليه؟
الطفل بحزن: اصل ماما كانت هنا ومشيت وانا وفضلت ادور عليها كتير ووقعت واللعبه اتكسرت مني وهدومي بصى عامله ازاى
حبيبه بحزن وخرجت مايه من شنطتها وغسلت وشه وايده وراحت قعدت جمبه وقالتله: انت اسمك اي بقا
الطفل ببراءه: مالك
حبيبه: طب ياعم مالك وانا اسمي حبيبه هات بقا اللعبه دي اما نشوفها
ومسكت اللعبه وركبتها تانى
مالك بفرحه: الله انتى قويه اوي ازاى صلحتيها
حبيبه بفخر وعرفت ازاى ترسم الضحك ع وشه: شوفت بقا يعم مش اي حد انا
وراحت طلعت من شنطتها توفي وادتهوله
فجأه واحده جريت عليه وفضلت تحضن وتبوس فيه وهيا بتحمد ربنا
وانا عارفه انكو عرفتو انها ام الطفل
نرجع بالكاميرا شويه بقا هنلاقي ان ابننا حسن واقف باصص ومتابع الموقف كلو وابتسم لانه حس انها طيبه جدا ، خد خطوه واتحرك ناحيتها وهيا واقفه بتبص ف الموبايل بعد ما ام الطفل شكرتها ومشيت
حسن وهوا واقف قدامها: احم
حبيبه اتنفضت مكانتش مركزه ف حاجه ، رفعت وشها: اااا ازيك يادكتور
حسن بابتسامه: الحمدلله انتى عامله اي
حبيبه بتوتر: امم الحمدلله
حسن بغمزه: الجاتوه كان حلو؟
حبيبه من غير تفكير: يقرف.
حسن كشر وحبيبه استوعبت هيا قالت ايه
حطت ايدها ع شفايفها وبرقت عنيها ورجعت خطوه لورا بعد ماشافت ان عضلات وشه اتشدت وودانه بتطلع دخان
حبيبه بأرتباك: انا انا اسفه اسفه والله الجاتوه كان زي القمر وانا اسفه انى اتأخرت انهارده ع المحاضره وبابا مستنيك انهارده الساعه ٨ عشان نتجوز
قالت كدا وطلعت تجري من قدامه وهيا بتنده ع تاكسى عشان تروح
حسن واقف مصدوم من القنبله اللى رمتها ف وشه بس بعدها ابتسم لانه بيحبها من زمان جدا بس حاول انه يكلمها كتير بس كانت بتصدو
وكان فرحان جدا لما عرف انها اختمرت ودخل البيت من بابه زي ما الأصول بتقول بعد ماأتاكد انها مش زي بنات اليومين دول وهيا دي اللى هتكون ام عياله وتعرف تربيهم
##############
بليل الساعه7ونص
حبيبه لابسه دريس اسود ع خمار اوف وايت وكان شكلها عسل وهيا متوتره ورايحه جايه ف الصاله واهلها قاعدين كاتمين الضحكه وهيا بتكلم نفسها وبتقول
حبيبه: مكانش ينفع اقولو كدا طب لو رفضته اكيد هيزعل
صوتها الداخلى: مايزعل ولا يتفلق انا مالى
حبيبه: بس لو زعل هيسقطني
صوتها الداخلى: يمراري يمراري
الجرس رن
ومنغير تفكير فتحت الباب لقته ف وشها وهوا مبتسم ابتسامه عمرها ماهتنساها واهله واقفين وراه
حسن بأبتسامه: اهلا ياعروسه
حبيبه طلعت تجري (معلش يجماعه بنتنا راحت العباسيه صد رد وجت تانى)
حسن ضحك
والده حسن وفاء بضحك: يازين ماخترت يابني
والد حسن عبد العزيز: عندك حق والله ياوفاء
نروح ف اوضه بنتنا حبيبه وهيا واقفه ورا الباب قلبها بيدق بسرعه
صوتها الداخلى: جرا اي يابوب ماتجمد كدا مش عشان حليوه ومسمسم وخارج من روايه يبقي نقع كدا
حبيبه: بس انا هرفضه
بنشوف صوتها الداخلى وهوا واقع من طوله. (صوتها الداخلى تعبان معانا ف الاسكريبت والله)
#################
ف الصاله بنشوف بنتنا ماشيه وهيا ماسكه الصنيه وحطتها ع الترابيزه وقعدت جمب مامتها
( لا مش هتوقعها ع امه لا )
سهام بهمس: يبت قومي اقعدى جمب طنطك وفاء بطلي قله ادب
حبيبه بنفس الهمس: قومي انتى اقعدى جمبها ياسهام
بعد حوالى نص ساعه من الكلام بين حسن و والد حبيبه و والد حسن ف أمور الحياه
محمد والد حبيبه: طب نسيب الولاد لوحدهم عشان يتفاهمو
وفاء: اكيد يلا
سهام بهمس: يارب ماتولع ف الواد
#############
بعد ماسبوهم لوحدهم
حسن قاعد ف الكرسي المقابل لحبيبه وباصصلها بعيون زي الصقر
حبيبه بتوتر: احم احم طيب يادكتور حسن عندي كام سؤال كدا يعني
حسن بغمزه: حبيت الفسيخ
حبيبه ضحكت غضب عنها: طب سؤال والله انت ليه بتغمز لما بتقول فسيخ ، الفسيخ دا مغري يعني بنسبالك؟
حسن بمكر وقام وقف قدامها ومال بنص جسمه وحط ايده اليمين ع طرف الكرسي ووشه قريب من وشها ، اما هيا ف انكمشت ف الكرسي عشان ميلمسهاش حتي لو بالغلط
حسن بخبث وعينه بتجري ع وشها وقال: بس الفسيخ مش مغري بنسبالى ، دي اللى بتحب الفسيخ هيا اللى مجننانى
حبيبه بتوتر وضيق: طب لو سمحت خمسه متر بس عشان انفلونزا الحمير
حسن ضحك جامد اما هيا ف تاهت ف ضحكته وضحكت ع ضحكته ، بطلو ضحك
حسن بصلها بتوهان وقال: تقبلي تنضفيلي الفسيخ؟
حبيبه بضحك: قبلت التنضيف♥️
#####
ف الكوشه كانت بنتنا قاعده وجمبها حسن وهوا مبسوط جدا وهيا مكانتش تقل عن فرحته حاجه يمكن كانت زيه واكتر وف الفتره الخطوبه عرفها اكتر وحبها وهيا كذالك
حسن بحب واضح: مبروك
حبيبه منغير تفكير: عقبالك
حسن بضحك: يبنتي بقا حرام عليكي فكري الاول
حبيبه بهمس: سونسون بص مين جاي علينا
حسن بتركيز بص لقي بنت خالتها وهيا لابسه فستان ابيض وحاطه ميكب تقيل جدا
حبيبه بغيظ: يبنت ال فاكره نفسك عروسه
حسن اتعصب هوا كمان بس حاول يهديها وقفو وسلمو عليها
جني بنت خالتها: مبروك يقلبي والله يابختك انتى مكنتيش تحلمى بواحد زي دا بصراحه خساره فيكي
حسن كان لسه هيتكلم بس حبيبه منعته ب عنيها
حبيبه ب كيد: عقبالك يقلبي لما نلاقي واحد يبصلك ويجي يخبط ع باب بيتك زي ماجوزي حبيبي عمل كدا لا ومتقدمش مره واحده دا مرتين يعني عايزني وباصم بالعشره انه عايزني انا وشايفني المناسبه ليه وينفع ابقي ام عياله الدور والباقي ع اللى بتقضيها مع كل واحد شويه
جني متكلمتش وبصتلهم بحقد وسابتهم ومشيت
اما حسن ف كان واقف مبهور هوا عارف انها كياده بس مش اوي كدا يعني
(بصراحه يجماعه انا ك بهيره انبهرت بيا وانا بكتب الكلام دا)
حسن بحب: خليتي منظرها وحش اوووييييي
حبيبه بفخر: هيا اللى جابته لنفسها
حسن باس راسها
#######
ف بيتهم بعد الفرح ماخلص
حبيبه بتوتر: انا هدخل اغير هدومي
حسن بأبتسامه مسكها من ايديها: طب استني ناكل
حبيبه بتوتر وسحبت ايدها: لا لا انا عايزه انام
حسن بخبث وهوا بيمسك دقنها: ما احنا هنام
حبيبه زقت ايده وبعدت شويه : انت قليل الادب
ورفعت الفستان وطلعت تجري ع الاوضه اما هوا ف ضحك عليها وغير هدومه وهيا غيرت
حسن بصوت عالى: طب اي هتفضلي ف الاوضه كتير عايز اكل
حبيبه مردتش
حسن قام وفتح الباب لاقها نايمه ومتغطيه ب لحاف
قعد جمبها وهوا بيقول: طب ماتقولي انك خلصتي ياعسل
حبيبه كانت عامله نفسها نايمه ومغمضه عنيها جامد
حسن رفع الغطا لقي بيجامه ميكي ماوس
حسن لطم ع وشه وقال وهوا تقريبا بيتشل : لا لا كدا كتير عليا لا
حبيبه قامت وفضلت تضحك بطلت ضحك لما لاقته باصصلها جامد وبيقرب وهيا تبعد
لحد مانامت ع السرير وهوا فوقيها
حبيبه برعب: انت هتتحول ولا اي متاكلنيييششش
حسن بصلها بعيون بريئه: انا بحبك
حبيبه بصتله لحظه وحضنته وقالت : وانا كمان
(يلا يجماعه عشان هنعمل فيلم بحبك وانا كمان الجزء التاني ماهيا لمت)
حسن بحزن مصتنع: طب مش ناويه تحني ع الغلبان اللى هوا انا يعني
حبيبه : هفكر
حسن بصلها لحظه ولمس شعرها وقال: شعرك حلو اوي
حبيبه ابتسمت وفجأه قالت: حسن
حسن ب انتباه: قلبو
حبيبه بابتسامه : بتحب الفسيخ؟
حسن بحب وهوا بيدفن وشو ف رقبتها: بعشقو
