رواية العشق الوهمي الفصل الاول
سليم النواوي مهندس كبير وماسك منصب مرموق في شركة الكهربا ،هو راجل محترم جدا وعلى خلق ،ومراعي جدا لأهله وبار بيهم ،متجوز سيلا حب عمره وبنت عمه واللي هي كمان بتعشقه بجنون ،."
عندهم ".ريناد ١٤ سنة ،زياد ٨ ، و اخيرا اياد سنتين .".
،كانو عيلة ميثالية بمعنى الكلمة ،حياتهم جميله ومتفاهمين جدا مع بعض ،يومهم مشروتيني ابدا ،سليم كان بيتفنن في سعادة سيلا ،ولو طلبت اي شيء في أيده يجيبه مبيتاخرش ابدا ،وهي كمان مكنتش بتبخل عليه بحبها وحنانها نهائي ،.
لحد ما في يوم اتفاجء لما رجع البيت بولاده بيعيطو وماسكين جامد في حضن بعض ،سليم برعب جري عليهم واتكلم بعدم استيعاب وصوت مهزوز ،في ايه يا ريناد مالكو وفين ماما؟."
ريناد بدموع وعدم تصديق ،جوى يا بابا,.
ورغم خوفه عليهم ودماغه اللي بتوديه لمليون فكرة سيئة إلى أنه حاول يهديهم وصالح اياد وحطه في حضنه وحاوط زياد هو كمان واتنهد بعدها بنفاذ صبر وطلب من بنته تمسح دموعها وتشرح ليه ايه اللي حصل بالظبط ،.
ريناد باستفاضة وهي بتمسد على شعر اخواتها ،بص احنا كنا بنلعب زي العادة وبهدلنا الدنيا ورمينا اكل وتشوكليت على الأرض. .وماما كانت بتطبخ وبتكلم خالتو ليلى وتيتة في الفون وصوتها كان عالي ولما خرجت وشافت الليڤنج مشنظيف. ،فضلت تصرخ وتزعق فينا ،وقالت أنها تعبت من كل حاجه وجه الوقت أنها تهتم بنفسها هي. ،وبصت لاخوها بوجع ،ده حتى اياد لما جري عليها عشان تشيله ,.بعدته عنها .وقالت ليا بحدة ،اهتمي انتي بيه انا تعبت من مهمة الخدامة اللي بشتغلها بقالي ١٥ سنة دي خلصت كدا ،بعدها فضلت تعيط وبقالها اكتر من ساعتين قافلة على نفسها.
سليم استغرب جدا كلام مراته ومكنش فاهم هي قالت كدا ليه أساسا ،اخد نفس طويل وطبطب على العيال وقالهم ميزعلوش من مامتهم لأنها ممكن تكون زعلانة من حاجه وهما ميعرفوش ،.
الولاد اقتنعوا بسهولة ، عشان دي اول مرة سيلا تعاملهم بالاسلوب الفظ ده ،هي روحها فيهم ،.
بعدها خبط عليها ولما عرفت أنه جه فتحتله واترمت في حضنه بدموع وهو استقبلها بحنانه اللي متعودة عليه ،خلاها تهدى اولا والكلام هيجي لوحده ،وبعد فترة مسحت دموعها وبعدت عن جوزها اللي بصلها بقلق ،ها بقيتي احسن؟.".
سيلا بهدوء اه الحمد لله وبصتله باعتذار حقك عليا يا حبيبي اني قابلتك بالشكل ده ،بس انا مخنوقة اوي بقالي فترة ،سليم بحنان ولا يهمك ياقلبي ،انا بحبك في اي حال وراضي باي حاجه تيجي منك ،بس مالك مخنوقة من ايه؟." ،وكمل بعتاب وازاي تخبي عليا زعلك ولو لساعة واحده ،ضمها ليه وهمس بحب مش احنا واحد واتعاهدنا نعرف بعض كل حاجه. ,اللي مضايقنا قبل اللي مفرحنا؟."
-سيلا اتنهدت بحزن معلش حبيبي هي جات معايا كدا بقى ،بس مشهكررها تاني ابدا ،سليم بهدوء خلاص هسامحك المرة دي بس من فضلك مطلعيش غضبك في الولاد إذا سمحتي ,الولاد ملهمش ذنب في اي ضغط بنمر بيه ومشده اسلوبنا معاهم ،وبعدين بنتك كبرت ولازم تاخدي بالك من نقطة زي دي ،ممكن؟."،سيلا اضايقت من نفسها واعتذرتله تاني وهو ابتسم بتفهم وقام عشان يغير وهي راحت لولادها وحاولت تصالحهم وهما اعتذروا منها وخلتهم يجهزو السفرة معاها ،وقعدو ياكلو في جو هادي نوعا ما عكس المعتاد ،.
سيلا بتحاول تشوف طريقة تفتح بيها موضوع عارفه أنه هيتقابل برفض قاطع من جوزها بس هي زهقت ولازم تقنعه باي شكل ،.
سليم كان حاسس ان مراته متغيرة بقالها كام يوم وكلامها اللي قالته لعيالها وقسوتها مع ابنها ضايقته اوي كل ده داير في مخه ومشقادر يتخطاه ،وعايز يفهم منها ليه اتكلمت كدا بس هو هيستنى يمكن تحكيله وتقوله على سبب مقنع ،خاصه أنه شاف في عينها كلام كتير رافض يطلع ،حتى ريناد بتفكر في اخر كام كلمة لمامتها وهي بتزعق وبتحاول تفهمهم على اد استيعاب فكرها المحدود".،
بعدها سيلا فضلت تركز مع كل أصحابها اللي بيشتغلو وبقى اسمهم لامع في الحياة العملية ،.
وحست بضيق أنها مشزيهم ،ليه ضيعت حياتها في اللا شيء؟." ،طب استفادت ايه من الطبخ والمسح والمذاكرة للعيال ،.اديها قاعدة زي اي واحدة متعلمتش ،بقت تشبه أمينة اللي مستنية سي السيد آخرها تكون خدامة وبس ،.
لكن هي مشهتقبل بالوضع ده تاني ،هتشتغل وتحقق ذاتها وهتخلي الكل يشاور عليها بامبهار ،هتثبت للكل أنها متخلقتش للقعدة في البيت بين اربع حيطان مستنية جوزها يرجع عشان تكون تحت امره في اللي يطلبهوبس ،.لا دي مش اقل من اخواتها اللي مهندس ومدرسة ومحامي ودكتور ،.
كانت مخططة لكل شيء ، وناقص راي سليم واللي مشضامنة رد فعله على قرارها هيكون ايه ،.
افتكرت خناق امها واختها معاها طول الوقت عشان تشتغل ،ماهي معاها شهادة عالية ،السن الماني واخدت كورسات كتير وشهادات خبرة من كذا مكان والف شركة تتمناها ،.
جابت الكارت اللي اختها ادتهولها ولقت أنه لشركة مالتيناشونال وبحثت عنها في النت واتصدمت من حجم إيراداتها السنوية ،.
اتنهدت وحطته في الشنطة وقالت بتفكير ،مشلازم سليم يعرف بحوار الشركة دي دلوقتي ،اقنعه بالمبدا كفكرة الاول وبعدين أمر الشركة .
مشهيفرق كتير لو وافق.
وقررت أنه لازم يعرف عشان تقدم ملفها في أقرب فرصة ،.
استنت لبالليل وعملتله تارت الشيكولاته اللي بيعشقه مع الايس كوفي وقعدت جنبه وبتسمت وقالت بتساؤل ها يا سولي عجبك الجو؟."،سليم بصلها ومشعارف هي كويسة ولا زعلانة ولا ايه ،خاصة أن في اخر فترة بقت متغيرة وهو مبقاش قادر يستوعب مالها ولا بتعاني من تعب جسدي أو في حاجه مزعلاها نفسيا ،.
خرج من تفكيره وقال بإعجاب ،لا الجو جميل وانتي احلى من كل حاجه. ،ضحكت بدلع انت بتعاكس بقى ،بصلها ومسك أيدها وطبع بوسة في كف أيدها وقال بعشق ،انا مشبعاكس بس ده انا هيمان في كتلة الجمال دي كلها. ،سيلا ماردتش واكتفت بأنها ابتسمت برقة وبس ،هي عايزة تفاتحه باي شكل ،اتنهدت بتوتر وقالت من غير متبص جوى عيونه ،احم انا كنت عايزه اتكلم معاك في موضوع مهم يا سليم ،مسك وشها وخلاها تبصله وبحب ،انا مستني من يوم قفشك على الولاد انك تحكيلي،سيلا ابتسمت أنه فاهمها دايما ومن غير ما تنطق بس بيديها مساحتها لما تحب هي تعرفه ،بيكتفي بوجوده معاها كدعم من غير ما يخترق مساحتها في التعبير عن اللي مضايقها وقت متحب ،.
اخدت نفس طويل وقالت بضيق ،بص بصراحة أنا زهقانة اوي ومش مرتاحة ،حاوط كتفها وقال وهو بيلعب في شعرها ،ليه بس يا سيلو قلبي ،ايه مزهقك ياقمري بس؟."،سيلا شالت أيده من حوليها بحدة وسط ذهوله وقالت بغضب ،من فضلك انا مبهزرش وياريت تاخد المسألة بشكل جادي شويا ،بصلها بجمود ،طب وطي صوتك واتكلمي بأسلوب احسن من كدا ،اتنهد بغيظ بعدين يا مدام انا مبهزرش وكنت بخفف من حدة توترك اللي ماليكي ده ،وكمل بتنبيه ،نيجي لأهم نقطة ،اذا سمحتي اوعي اكون مقرب منك وتبعدي بالشكل ده، ودلوقتي اتفضلي قولي اللي عايزاه،سيلا حست انها غبية طب ليه احتدت عليه كدا ، هو معملش اي شيء غريب بالعكس ،بس هي عشان مستعجلة تشوف رد فعله ،فده انعكس على تصرفها اللي مشمحسوب ،معرفتش تتدخله صح ،هو مبيحبش الطريقة دي في التعامل وكان لازم تغير أسلوبها ،
قالت باعتذار سوري حبيبي انفعلت زيادة ياريت متزعلش مني،سليم بهدوء خلاص محصلش حاجه ،سيلا بتردد اء، اء، انا عايزة اشتغل .
"سليم بعدم فهم تشتغلي ايه وفين انا مش فاهم وضحي بعد اذنك ،
سيلا ابتسمت اشتغل في مجالي طبعا يا سليم ،انت عارف اني خريجه السن واشتغلت فترة قبل الجواز ،رد باستغراب ولما قعدتي من شغلك ده كان بمحض إرادتك وانا مطلبتش منك تسيبيه ،اتنهدت بضيق عارفه بس خلاص انا رجعت في كلامي وعايزة اشتغل ،
بصلها بدهشة طب وانا والولاد فين من قرارك ده!" ،سيلا بهدوء اطمن يا حبيبي عمري ماهقصر في واجباتي تجاهكم ابدا ،
سليم بجمود بس انا مشحابب تشتغلي يا سيلا وقبل ما تثوري وتقولي انا زيي زيك والكلام ده خليني اشرحلك وجهة نظري ،بصي يا حبيبتي انا بحب اول ما ارجع من شغلي بعد يوم طويل الاقيكي مستنياني باجمل ابتسامة واكل من ايدك ونقضي وقتنا اللطيف سوى ،بحب حياتنا كدا وبرتاح لما بشوفك بتعملي كل حاجه لينا بايدك ،وبفرح لما بشوفك قاعدة مع الولاد بتسمعيهم وبتهتمي بيهم ،كمل بابتسامة جميلة تفتكري لو رحتي اي شغل حياتنا دي هتستمر بنفس الأسلوب ،سيلا بدون تفكير اتكلمت بسرعة ،اه طبعا والله مشهقصر في حقكم ابدا وكملت بدموع ،ارجوك خليني اشتغل يا سليم ،انا مخنوقة وحاسة اني مشلاقية نفسي ،
انت والولاد بتخرجو وانا قاعدة بين اربع حيطان والعالم بيدور برى وانا واقفة مكاني محلك سر ،
مسح دموعها وقال بزعل ،بس انتي عمرك ما كنتي لوحدك وحياتنا مشروتينية خالص ،
بعدين اياد معاكي وبتمارسي هواياتك يعني مشناقصك اي حاجه ،
سيلا بثبات واهي طبعا بس انا عايزة يكون ليا كيان واحقق طموحي من فضلك وافق،سليم شاف اصرار في عيونها ولوهلة أشفق عليها ومحبش يكسر خاطرها وقال بهدوء اوك موافق بس عندي شروط ،سيلا بفرحة ربنا يخليك ليا ،انا موافقه على كل اللي انت هتقوله من غير ما اسمع ،اخد نفس وقال بضيق وعدم قبول ،اياكي تقصري معايا أو مع الولاد ،حذاري ارجع ومتكونيش في البيت ،لو حسيت للحظة أن شغلك جه على استقرارنا هتقعدي من غير اي نقاش تمام ،
مع أني مشعارف هتسيبي اياد فين اصلا!.
،.
سيلا بهدوء متقلقش رينو هتكون معاه ولما تبدأ الدراسة هوديه لماما ،رد بجمود ماشي ،.
وكمل باستفهام لسه هتدوري على مكان؟ ،
ابتسمت ،لا ليلى جابتلي شغل في شركة كويسة. ،سليم بذهول ده انتي مخططة من بدري بقى ،عشان كدا كنتي متغيرة معانا وكل شويا بتزعقي للولاد وتقولي ليهم انك مشخدامة؟."
سيلا باعتذار مقصدتش يمكن خاني التعبير ،وانا كنت مخنوقة زي ما قلتلك وده اللي كان معصبني عشان قلقانة انك ترفض ،.
سليم اتنهد باستنكار بس ده مشاسلوبي معاكي أساسا يا سيلا. ،،اي حاجه بتحصل في حياتنا سواء معايا أو في اللي يخصك انتي والولاد بنتناقش فيها وعمري مفرضت رايي عليكي في الصح ،ودايما بفهمك وجهة نظري بهدوء يا اقتنعتي بكلامي يا اما لا ، ومناقشتنا دي مثلا اكبر دليل اني فير معاكي وقلتلك رايي بس انتي شايفة نفسك صح فتمام براحتك وأصبح القرار معاكي حاليا بنتيجته واي شيء هيترتب عليه هتبقي انتي المسؤولة عنه .
سيلا بغيظ انا عارفه طبعا وهو انا بحبك من شويا؟".
،سليم قام وقال بضيق انا هنام تصبحي على خير ،سيلا بابتسامة وانت من أهله ياقلبي، .
وبسرعة طلعت الكارت وطلبت الشركة عشان يحددو ليها ميعاد للمقابلة ،وفعلا في ظرف أسبوع كانت مقدمة ملفها وهي كانت طايره من الفرحة واستلمت شغلها اللي كان عدد ساعاته كتير ومهامه اكتر ،التزمت بوعودها لجوزها اسبوع واحد بس ومن بعدها بدأت تتأخر ومتعملش اكل وبطلت تهتم باحتياجات العيال اللي ابوهم بيضطر يخلي باله منهم قدر المستطاع ماهي بنته طفلة بردو ،كان بيطلبلهم اكل من برى وبيقول معلش يمكن لانها لسه جديدة فمشقادرة تنظم وقتها ،
اما هي فشافت أن الوضع ده مش هينفع ،لازم تلاقي حل يخليها تطمن على ولادها وفي نفس الوقت تشتغل من غير اي منغسات ،
هي ماصدقت تتقبل في وظيفه زي دي ومشمستعدة تفرط فيها تحت اي ظرف وكمان مشناقصها كلمتين من سليم.،وفي يوم جه ولقاها في البيت على غير عادتها ابتسم وقال يمكن تكون بدأت تفكر بشكل صحيح وهتراجع نفسها ،دخل وشاف كل شيء مترتب والبيت نضيف وعيالو اخدين شاور وفرحانين وسمع صوتها بتلاعب اياد وبتطبخ زي الاول ،حن للأيام دي واتمنى لو فعلا تكون عقلت واختارت صح ،اه هو زعلان جدا منها بس عادي هو بيعشقها وهيسامحها طالما أدركت خطاها ،
ريناد جات عليه وحضنته بفرحة وقالت ،ماما جات بدري جدا وقضت معظم اليوم معانا يا بابا ،احنا فرحانين اوي ونفسي نرجع لايامنا الحلوة تاني ،سليم باس راسها وضمها وقال بحنان حبيبتي ماما بتحبنا اوي واحنا كل حياتها ،
وكمل بتبرير مشمقتنع بيه ،معلش هي انشغلت شويا بس اعتقد انها هتحاول توزع وقتها بين الشغل والبيت ،جات عليهم وهي مبتسمة وقالت بغيرة ،اه اول ما بتشوف الست رينو اكني مشموجودة ،رينو ابتسمت بصفاء وقالت بصدق ،انتي اقعدي معانا وانا مستعدة اسيبهولك على طول ،مسدت على رأسها بحنان وقالت بحرج احم اوك يا قمر روحي رصي السفرة عبال ماجي ،رينو بصتلهم الاتنين لوهلة عشان تصدق أنهم معاها وأبوها حس بيها وطمنها بعينه أن كله هيبقى تمام ،
وبمجرد ما انسحبت هو كشر وقال بتعجب وسخرية مع أنه مكنش ناوي يقول اي حاجه لحد ما يفهم منها بس مقدرش ،هو موجوع منها جدا ،
غريبة انتي هنا وبتطبخي وقاعدة مع العيال ايه تكونيش تعبانة ولا الشركة استغنت عنك ،اتنهدت بغيظ مكتوم ،هو وجودي في بيتي ومع ولادي بقى شيء غريب؟". ،
سليم بتهكم تصوري ايوا ،وقال باستفزاز طب انا هشهدك انتي مشبتقضي اغلب وقتك في الشركة والاجتماعات وسط رجال الأعمال وسيدات الأعمال اللي الله اعلم مضحيين بايه مقابل مكانتهم العظيمة دي؟." ،نفخت بضيق من فضلك ياريت تتكلم بأسلوب ارقى من كدا ،.
بعدين انا عايزة نتكلم مع بعض شويا عشان نلاقي حل يرضينا ويكون مناسب لمصلحة العيال كفاية بقى النظرات المستترة واني بشوف اتهامك ليا في كل لحظة في عيونك اني مقصرة،.
بصلها وحس أن مشدي حبيبته الرقيقة اللي كانت بمجرد ما بتحس بضيقه كانت بتعمل اي حاجه عشان تسعده زي ما بيعمل معاها ،
اتنهد بجمود انا كمان حابب نحط النقط على الحروف وزي ماقلتي خلينا ننتكلم على المكشوف لأن الحوار بوخ وزاد عن حده وانا سكت وتغاضيت عن تصرفات مكنتش راضي عنها ابدا ،.
سيلا بغيظ ماشي خلينا نقضي باقي اليوم مع الولاد ولما يناموو نبقى نتكلم ،هزلها دماغه بموافقة ومشي عشان يغير وحس منها أنها ناوية ومخططة لشيء بعينه والدليل تحفظها ونديتها اصاده ،.
وهي فضلت واقفه شويا ولما حست بذرة ندم بسرعة افتكرت تحذير اختها وأصرت باستماتة على استمراريتها في الشغل واهي خلاص لقت حل هيخلصها من كل وجع الدماغ ده ،.
شجعت نفسها وراحت تشوف العيال بيعملوا ايه ،.
بعدها اكلو مع بعض كلهم في جو كله مرح وهزار وسليم وسيلا كانو بيضحكو من قلوبهم اكنهم حاسين أن اللي جاي في حياتهم هيبقى صعب عليهم ،طلب زياد منهم يخرجوا يتفسحو شويا برى كلهم وبالفعل اتبسطو جدا وقضو وقت جميل في اماكن السهر اللي بيحبوها .
ورجعو البيت ومنظرهم كان يخطف العين ،
سليم شايل زياد اللي نام من كتر اللعب ،و سيلا اللي شايلة اياد وبتلاعبه وهو بيضحك ببراءة ،اما ريناد فكانت طايره من السعادة واصرت تمشي في وسطهم عشان تصورهم مع بعض كلهم كعيله ڤيديوهات وستوريهات ،.
ليلى لما شافت الصور قالت بغيظ غبية وهضيع كل حاجه ،ده احنا ماصدقنا ،
العيال نامو وسليم اتفاجء لما دخل وشافها في اجمل صورة ليها ،قلبه دق بحب وهمس بدون وعي لنفسه وحشتيني اوي يا سيلا ليه بعدتينا عن بعض ،كان سهلة عليكي تحرميني منك انا وأولادنا ،فاق عليها بتقربله وقالت برقتها اللي بيعشقها ،ممكن نكمل يومنا من غير اي كلام يزعلنا ،خلينا نخطف كام ساعة نقعد فيها مع بعض في هدوء قلت ايه ،هي لما قررت تأجل اي كلام صعب فده عشان حست أنه وحشها جدا ونفسها في يوم جميل وسهرة خاصة ليهم كالعادة ،
ضمها ليه وقرر فعلا يركن اي خلاف بينهم على جنب ،وفعلا كانت سهرة جميلة نسيو فيها كل الدنيا واتخلو عن كل اللي مزعلهم لفترة قصيرة.،
🤩تاني يوم فطرو سوى وقعدو يشربو الشاي ،سليم باستفهام الولاد راحو فين ،سيلا ابتسمت زياد ماسك الفون وريناد بتكلم ريتاج وآسيل صحباتها عشان يشوفو هياخدو دروس مع مين وديدو نام ،هز دماغه بتفهم وبعدها سال باستفهام ،هو انتي مشهتروحي الشغل ولا ايه؟ ،.
سيلا بهدوء ،هروح بس متأخر شويا ،سليم مكنش عارف يفتح كلام وده في حد ذاته شيء ضايقه ،
فضلو ساكتين شويا لحد ما هي قطعت الصمت ده وقالت باستغراب ،غريبة اوي أننا مش عارفين نتكلم مع بعض ،احنا عمرنا ما كنا بنبطل كلام ابدا ايه اللي حصل؟ ،.
سليم بسخرية اديكي قلتي كنا ،خلينا في المهم ،ايه الحل اللي شايفاه من وجهة نظرك هيكون مناسب للمهزلة اللي بتحصل دي ،
سيلا بضيق مهزلة ايه دي بقى اللي حضرتك عايش فيها ،سليم بغضب بجد بتسالي ماشي هسمعك يا هانم ،المهزلة انك تسيبي ولادك الاطفال بالعشر ساعات لوحدهم وفيهم طفل سنتين ،مهزلة انك تهملي فيهم ومتساليش قاعدين لوحدهم ازاي ولا بيعملوا ايه ،صوته علي وعيونه كلها نظرات نارية وكمل واكنه ماصدق يخرج اللي جواه ليها ،قمة الجحود لما بنتك تكلمك وتعيط وتقولك ماما اياد بيصرخ عشان عايزك وانتي تردي ببرود معلش سكتيه بمعرفتك ،
ومرة تانية تكلمك برجاء وتقولك ،ماما زياد أيده اتحرقت وانا خايفه لوحدي وعايزاكي ،وانتي بكل عصبية تردي عليها ،مشانا عرفتك تتعاملي مع الحرق ازاي وأيده خفت ،خلاص بقى هو هيسكت دلوقتي ،ومواقف اصعب من كدا بكتير ،ها تحبي اكمل ولا كفاية كدا؟ ،.
قالت بزعيق انا على فكرة مشجاحدة زي ما سيادتك بتقول ،انا مجرد اني بكون مشغولة ولما قلت لست ريناد هانم اللي بتفضل تسحلها شويا دموع عشان تطلعني غلطانة ومهملة فيهم اصادك تتصرف من غيري فده لأنها كبيرة ومبقتش طفلة لسه ،
بعدين مشانت كنت بتيجي وبتعمل المطلوب خلاص بقى ،وقالت بجمود ،انا زيي زيك بقى عندي شغلي وعايزة اثبت نفسي فيه باي شكل اظن ده من حقي ولا ايه رايك؟ ،.
سليم بعدم استيعاب ،انتي سامعة نفسك ،ازاي بتقللي من مشاعر بنتك بالطريقة دي ،ومعلش يعني هي المفروض تشتكي لمين غيري لما امها متكنش فاضية ليها ،
ثم هي عندها كام سنة عشان سيادتك تحكمي انها بقت كبيرة ومطلوب منها تشيل مسؤولية عيلين غير نفسها ،من فضلك ياريت متبرريش غلطك بكلام ملوش اي اساس من الصحة ،كمل بغضب ،ماشي اعملي اللي انتي عايزاه ،وانا مشهعلق على اي حرف بخصوص شغلك وكيانك لأن منطقك غريب وبعيد عن أي اسلوب راقي بتعامل بيه معاكي ،ويكفي أن ربنا عالم اني عمري ما قصدت اني احرمك من اي حاجه بتحبيها وموضوع شغلك ده بالذات انا مقلتلكيش عنه اي كلام ،
انا يادوب لمحتلك أنه هيسبب خلل في حياتنا وبس ،واللي حسبته لقيته وده بس في أول شهر ،
اتنهدت بزهق يووووه مشهنخلص بقى ولا ايه ،ماشي عايز تسمع مني اني مقصرة خلاص يا سيدي اسفه وانا عندي الحل عشان ننهي المهزلة دي زي ما بتقول ،
انا هجيب شغالة مقيمة طول الوقت في البيت ،هتعمل كل حاجه ،دي كمان هتاخد بالها من العيال وهتروح معاهم التمارين وهتذاكر ليهم وهتاكلهم وهتشوف كل مستلزمات البيت من كافة شيء ،هي سعرها هيكون اوڤر شويا بس مش مهم ،طالما هتشيل المسؤولية عني فمشخسارة فيها ،
فتح عيونه بذهول انتي عايزة تجيبي واحدة غريبة البيت عشان تشيلي عن دماغك ،سيلا بغيظ بلاش تكبر الحكاية من فضلك ،الشغالات دلوقتي مفيش غنى عنهم ،بعدين مانا عندي صحاب كتير جايبينهم والدنيا لذيذة وشايفين شغلهم وناس اونيست جدا ،
سليم بغضب انا بجد مشعارف هتوصلينا بقراراتك اللي مشمحسوبة دي لحد فين ،
ضحكت بسماجة وقالت ببرود ،لغاية ما اكون مديرة لمجموعة شركات الفيروز القابضة ،بعدها اوعدك هبطل وهكون زي مابيقول الكتاب ،.
كانت مستفزة لأقصى درجة وهو مكنش مصدق أن دي سيلا حب عمره .،معقول هو اتخدع فيها ولا هي اتغيرت فجأة ،.
دي بقت واحدة تانية ميعرفهاش ،.
قلبها جاحد وردودها بقت جافة وعيونها متغلفة بالقسوة والجمود ،.
قام وقالها بحزن ،اعملي اللي انتي شايفاه صح ،.
كنت لازم افهم انك اتخليتي عن دورك ك ام من لما عرفت انك بكل قسوة زقيتي ابنك وزعقتي لولادك ونبهتيهم انك مش هتبقي خدامة ليهم تاني ،.
كان لازم معديش الموقف ده بالساهل واحاسبك كويس ومفوتش الجملة دي ابدا ،.
هاتي شغالة ومتنسيش تقدريها كويس ،وقرب من وشها وبص جوى عيونها وقال بقوة ،اصلها هتاخد مكانك في حياة العيال وفي البيت ،فشوفي بقى دورك هيساوي فلوس اد ايه ،عن اذنك ،سيلا مهتمتش باي كلام قاله وسألته قبل ما يمشي ،طب مشهتوقع العقد وتقابلها معايا؟.
سليم باستهزاء ،دي جاية عشانك انتي مشانا ،اتفقي معاها واديها مرتبها من فلوسك وانا مليش دعوة بالقصة دي. ،بس حابب اقولك حاجه أخيرة ،تصرفاتك دي هتتسبب في هدم البيت وهفكرك ،وساعتها متلوميش غير نفسك ،.
سيلا وقفت اصاده بتحدي ،وانا هثبتلك انك غلط يا سليم ،انا هنجح في شغلي وهمسك أعلى المناصب ،وفي نفس الوقت ولادي هيبقو احسن ناس في الدنيا وانا اللي هفكرك ،.
سليم بذهول ،اوام خليتيها حرب وكل طرف عايز يثبت للتاني أنه صح ويستحق أنه ينتصر ،بجد انتي بقى اسلوبك في التفكير غريب والنقاش معاكي أصبح عقيم.
،سابها ومشي وكان زعلان أنها مش فهماه ،.
هو عمره معترض على وجود حد يساعدها في البيت بدليل أن في بنت بتجيلها كل كذا يوم تنضف البيت ،هو زعلان عشان إهمالها ليه ولولاده ،.
طب هي ازاي مشمستوعبة الكارثة اللي عملتها؟.
،ازاي تقبل بوجود ست غيرها تتعامل مع ولادها؟.
،فضل يفكر كتير ويسأل في اسئلة ملهاش اي ردود ،.
قرر أنه هيستنى وهيشوف الدنيا هتمشي ازاي ،.
اما هي فمفرقلهاش اي كلام قاله ومتاثرتش نهائي بزعله اللي هي متأكدة منه ،فرحت بأنها اخيرا هترتاح وهتكثف وقتها كله لشغلها وهتركز فيه من غير اي صداع ،كلمت البنت اللي ليلى أدت ليها رقمها واتفقت معاها على يوم معين هتجيلها البيت عشان تمضي العقد وتوريها المكان ويتناقشو في كل التفاصيل
