رواية زواج في زواج الفصل الثامن بقلم جمانه السعيدي
ميار...امي ما تقبل اطلك تكول انطي مجال بلكت ينصلح حاله ويحس بلندم
بس اني قررت امشي بخطوات طلاكي من غير ماامي تعرف
قررت اسئل عن محاميه زينه وارفع قضيت طلاك على أكرم واطالب بكل حقوقي
بهذا اليوم بلذات عيالي تعمدو يدزولي خبر
يخص أكرم حتى يحفزني ارجع للبيت
اكيد اشتاقوا للخدامه الي شايله بيتهم
اكو بنيه موضفه وياي اجت عليه
طبعا اني ابد ما حجيت عن موضوع زعلي بيت اهلي
كدام الموضفين والموضفات
لان هاي شغلات عائليه ليش احجي بيها بس اياد يعرف اني زعلانه
اجت وحده من الموضفات
جان تكول انتي صحيح زعلانه بيت اهلج
ميار...باوعت عليها بستغراب هاي شلون عرفت وشنو دخلها بلموضوع
ميار...ليش تسئلين انتي شنو دخلج
....لا مو سمعت عمتج جاي ادور مره تخطبها الزوجج
كلت ليش يخطبوله مره
ميار شنو ناقصها
ميار.....باوعت عليها و ضحكت
...ليش اضحكين شنو الشي الي يضحك بلموضوع
ميار...ممكن ماتدخلين بهذا الموضوع واذا عندج عروسه الزوجي تفضلي زوجي ما يهمني
البنيه دارت وجها وراحت مستغربه من ردي عليها
متوقعه اتنرفز واصير عصبيه وابقى أحقق وياها وشلون ومنو كالت وليش
اتعجبت من ردت فعلي اتجاه الموضوع وكميه البرود الي تعاملت بي وياها
شكد أغبياء أكرم وامه
يردون ينفذون خطة اياد وياي شلون اياد كال اني راح ازوج وثاني يوم مروه رجعت البيتها
يردون يمشون على نفس الخطه
متوقعين اني راح ارجع للبيت بس اسمع أكرم يريد يزوج
وامشي مثل الساعه خاف اخسر زوجي حبيبي
مايدرون اني اليوم مقرره ارفع علي قضية طلاك
وابهذل احواله
ميار...رحت على اياد
ميار...مكن نحجي على انفراد
اياد...اي تفضلي طلع من مكتبه ورحنا بلحديقه
هو مر على ابو الجاي وجابلنا ثنيين جاي
اياد...اسمعج جمانه السعيدي
ميار...اريد محاميه شاطره على معرفتك لان اريد ارفع قضيه على اكرم قضية طلاك
بقه صافن بوجهي
اياد...تردين تطلكين
ميار...اي ليش اضيع عمري بهيج زواجه فاشله اريد الحك اعيش حياتي
تعرف اليوم دزلي خبر يريد يزوج
يمشي على خطتك مثل ما كلت اني راح ازوج ورجعت مروه البيتك
متوقع اني هم راح ارجع البيته اذا سمعت راح يزوج
شكد غبي غبي لان خلاني بمقارنه اني ومروه
مروه عقلها زغير وانانيه اني اختلف عنها
وبعدين نسى شي مهم
اصلا ماكو اي مقارنه بينك وبينه
مروه لو تلف العالم كله مراح تلكه واحد مثلك جانت متاكده محد يتحملها غيرك واذا خسرتك يعني خسرت كلشي
بس اني بيوم الي قررت بي اطلك يعني نقذت نفسي من انسان مريض ماعنده شخصيه
ميار...بقه يباوع عليه حسيته معجب بشخصيتي وكلامي
اياد....ميخالف بسيطه انطيني مجال يومين اسئل
منو احسن محامي او محاميه بهذا المجال
ميار...اي اتعاب انطي ماعندي مشكله
اياد.. بسيطه
ميار...اني اختاريتك انت لان اثق بيك واعرف راح ادور مصلحتي
اياد...بسيطه اني راح اساعدج كد مااكدر
ميار....كون محامي او محاميه شاطره يخلص القضيه بيومين اريد ارتاح جمانه السعيدي
ميار...رجعت للبيت ما حجيت الامي اي شي لا خبر زواج أكرم الجذبي لو اني نويت اطلك
اعرفها مراح تقبل بس اني لازم اخلي حد الهذا الزواج
بليل اياد دزلي رساله
اياد....هلو ميار
ميار...هلو استاذ
اياد...لكيت محامي شاطر واني طلبت منه يتساهل بلاتعاب باجر جيبي كل اوراقج وياج
اني اخذهن انطيهن اله
ميار...شكرا تعبتك وياي
اياد...لا ولله اني كلش متندم لان سعيت بهيج زواجه
ميار...وشمدريك بلنوايااا النويا بلكلوب
اني كنت منبهره بي اول زواجنا بس العشره كشفته على حقيقته
اياد...بعد هاي التجربه مستحيل ادخل بزواج احد
ولا اخطب الاحد اخاف توكع خطيتة بركبتي
ميار....اكو ناس زينه تحصل رحمه من تجمعهم قابل انت كاعد بكلبهم شمدريك شراح يصير
اياد...اني راح اوكف وياج منا لمن تتخلصين من اكرم
ميار...شكرا
اياد.. العفو
ميار...ثاني يوم اخذت اوارقي وياي والمحامي اجا للدائره
لان هو صديق اياد واياد هواي مخلصله شغل بهاي الدائره
اخذ الأوراق مني واخذ رقم تليفوني اذا يحتاج اي استفسار
الحد هنا وامي ما تعرف كلشي
وأكرم منتضر ارجع للبيت خاف يزوج غيري
بعدها بيوم المحامي رفع دعوه ضد اكرم
والمحضر راح دز تبليغ الاكرم ابيته أكرم مجان موجود
عمتي استلمت البلاغ
وهنا قامت القائمه همه منتضرين ارجع للبيت مكسوره
ويكعدون يملون عليه شروطهم
بس العكس صار
اني طالبه الطلاك ومتمسكه بكل حقوقي
اياد بليل دزلي رساله
اياد....اكو خبر لازم تعرفي
ميار...شنو
اياد....قبل لا يوصل التلبيغ الاكرم سمعت مروه تحجي وياا امها أكرم رايح مسوي تحليل وطالع عنده ضعف
محتاج عمليه ومو اكيد تنجح
نسبة الأمل بلانجاب عند أكرم ١٠٠/٢
اياد.....وهسه كبت العيطه بيتهم من اكرم عرف انتي طالبه الطلاك
بيتهم مشتعل نار حاليا
ميار....لعد شمتوقع صار شهر عايفني لا سئل ولا اجا
ولا حتى حاول يفتهم اني شريد
اياد...احتمال يجيكم للبيت
ميار...خل يجي ما يهمني
ميار...ثاني يوم أكرم رايح المحكمه سائل كم محامي يريد يعرف يفتهم شنو اله شنو علي ومخلي محامي بس المحامي ماااكدله اني اخذ كل حقوقي
حاضر وغايب
واقترح علي يطلبني البيت الطاعه
اني كاعده اشتغل بلدائره ومااشوف غير اكرم فوك راسي
أكرم...عبالج اعوفج بشرفي اله اخليج تفترين المحاكم
وحده وحده
اذا مااشوه سمعتج انتي الفكر ترفعين عليه قضيه
انتي وين جنتي تحلمين تاخذين واحد مثلي
الفاهيه اذا مااربيج من جديد
اني راح اطلبج البيت الطاعه اذا ماابهذل احوالج
هذا الدوام اخليج تحلمين بي
طبعا هو متعمد يجي يحجي عليه كدام الموظفين حتى يحرجني ويفشلني
ميار...اسمع انت ما تخوفني روح أعلى ما بخيلك اركبه
انسان مريض نفسيا
روح اسئل امك شنو تسوي لو هي علمتك قبل لا تجي
اصلا انت واحد بلا شخصيه
منو الي تكدر تعيش وياك وياا امك
طلكني اذا عندك كرامه اني الي راح ابهذلك بلمحاكم
وافرج عليك اليسوه والي مايسوه
جمانه السعيدي
مااتحمل أكرم احجي علي لان هو جاي يطلعني اني الغلطانه
ويكلب كلشي عليه
راسا ضربني كدام الموضفين من فشلته كام يضرب بيه
كاعد يضربني اياد سحبه مني
اني كعدت على الكرسي وعدلت حجابي واياد والموظفين سحبو طلعو برا وهو مستمر يغلط ويسب ويفشر عليه
يريد يفشلني
كام راسي يوجعني ووجهي احمر
من قوة الضربه
راسا اياد اتصل على المحامي وكاله انتصرنا بمركز الشرطه جايين نقدم بلاغ على اكرم لان تهجم على ميار داخل
الدائره
رجع اياد كال تعاي وياي نرفع علي قضيه تعدي وسب وقذف تفيدج بقضيتج
وواحد من الموضفين مصور الموقف كله بتليفونه
من اول ما بدا يغلط عليه ويضربني
طلعنا اني واياد ويانا مصطفى للمركز قدمنا علي دعوه
والفديو الي صوره الموضف وياي اخذته
المحامي واكف ويانا
راسا دزو سيارة الشرطه اجيبه للمركز
بقينا اني واياد ومصطفى منتضرين ساعه يله جابو للمركز
بس شاف اياد واكف وياي تخبل
ما متوقع اياد ابن عمه ونسيبه يصير ضده
الشرطه حققو ويااا والمحامي قدم الفديو
طلبو الشهود تقدم اياد شاهد هو ومصطفى
أكرم...اياد انت ليش واكف وياها شبيك انت تشهد ضدي
اياد...اني واكف وياا الحق انت تعرف هي مسكينه
وماكو عدها احد.يدافع عنها وستقويت عليها
أكرم...لا انت تخبلت حرامات انت ابن عمي
دخلو أكرم للسجن واني واياد والمحامي ومصطفى
طلعنا من المركز
المحامي راح بسيارته
اياد....ترحين للمستشفى خاف اتاذيتي
ميار...لا ارجع للدوام بعد وقت
اياد...لا روحي البيتكم ارتاحي وباجر تعاي للدوام
وصلني اياد للبيت نزلت برأس الشارع لان امي ما تقبل اياد يوصلني
فتحت الباب ودخلت امي بس شافتني تخبلت
امي...يااا هاي شبيج ليش هيج وجهج
ميار...هذا زوجي المصون اعتدى عليه بلدائره وضربني كدام الموظفين
امي...يااا كسر بايده بمكان مايجي يصالحج
الله ياخذه ليش هيج شو خل اشوف وجهج
يايمه سوده عليه
ميار..دخلت بدلت ملابسي وتمددت امي جابتلي الغده
وجبرتني اكل اخذت مهدء ونمت
شكرا لزيارتكم عالم روايات سكيرهوم
