رواية عشقت كبريائي فهد ومليكة الجزء الثاني (عناد الحب والكبرياء) الفصل السابع
اشرقت شمس صباح يوم جديد بنورها الساطع فى سماء الاسكندريه ليبدء الجميع بالاستيقاظ
فى شقة عبدالرحمن
كانت مليكه قعده على السرير وضمه رجليها عند صدرها وحطه راسها على رجليها وكانت بتعيط
مليكه :- بدموع اهون عليك يا فهد تطلقنى وتبعد عنى بالسهوله دى فين وعدك ليا انك هتفضل معايه ومش هتبعد عنى مهما حصل راح فين كلامك ده كله ياترى بتعمل ايه دلوقتى نايم ولا صاحى اكلت ولا لا يارب انا مش قادره استحمل بعده عنى بموت من جوه ومقدرش اجى على كرامتى واروح ليه واترجه يرجعنى اعمل ايه بس يارب وفى الوقت ده الباب خبط عليها
فايزه :- مليكه يا بنتى صاحيه ولا نايمه
مليكه :- مسحت دموعها وقالت ايوه يا ماما صاحيه
فايزه :- طب يلا يا حبيبتى تعالى علشان تفطرى
مليكه :- مليش نفس يا ماما
فايزه :- يابنتى متوجعيش قلبى انا السكر عالى عليا
مليكه :- حاضر يا ماما انا جايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مها
كانت نايمه على السرير وحضنه المخده ودموعها على خدها قامت قعدت ومسكت تليفونها وطلبت رقم اسر وانتظرت الرد بس اسر مردش عليها جربت تانى وطلبت الرقم
اسر :- افندم عايزه ايه
مها :- بدموع انا اسفه يا اسر عارفه أن غلط بس عقابك صعب اوى مش قادره اعيش بعيد عنك ولا عارفه انام علشان بعيده عن حضنك رجعنى يا اسر وعاقبنى بأى طريقه تانيه غير انك تبعدنى عنك
اسر :- لا يا مها حبى ودلعى ليكى هما اللى خلوكى استمريتى فى الغلط لو كنت بشد عليكى من الاول مكنتيش فكرتى تعملى اللى كنتى ناويه تعمليه
مها :- انا اعترفت ليك بغلطى يا اسر سامحنى علشان خاطر ابنك اللى فى بطنى
اسر :- لا يا مها مش هقدر اسامحك اقفلى يا مها وشوفى بتعملى ايه بكره هتتعودى على بعدى وقفل التليفون فى وشها
مها :- بصت على شاشة التليفون وقعدت تعيط وتقول ليه ليه يا اسر قلبك بقى قاسى اوى كده مقدرش اعيش بعيد عنك الموت ارحم ليا من أن اعيش بعيد عنك وفى الوقت ده باب الاوضه خبط
فايزه :- مها يا مها
مها :- ايوه يا ماما
فايزه :- يلا يا بنتى علشان تفطرى
مها:- مش عايزه يا ماما
فايزه :- يابنتى علشان خاطر ولادك
مها :- حاضر يا ماما جايه
فايزه :- ده ايه الغلب ده ياربى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مى
فتحت مى عينيها وهى لاول مره من يوم جوازها تحس بالراحه دى قعدت على السرير وقالت
مى :- بسعاده ياااااااااه اول مره اقوم من النوم مبسوطه كده بلا جواز بلا قرف ارجع تانى لحياتى وانا بنت اعيش بحريه لا واحد يقولى اعملى ولا سوى ولا يسمعنى كلمتين ملهمش لازمه وبعدين بصت على بناتها وزعلت وقالت بس دول ذنبهم ايه يعيشو بعيد عن ابوهم ورجعت تانى وقالت يعنى لما كانو مع ابوهم كان بيسأل فيهم اوى ده تلاقيه ميعرفش اسم بنته الصغيره ايه من كتر مش بيشوفها ولا بيسأل عليها كده احسن اطلع اشتغل واصرف عليهم واعيشهم احسن عيشه وانسيهم ابوهم وقرفه وفى الوقت ده باب الاوضه خبط
فايزه :- مى صحيه
مى :- ايوه يا ماما
فايزه :- طيب يلا علشان تفطرى
مى :- ماشى يا ماما انا جايه وراكى اهو
فايزه :- اخيرآ حد وافق من غير ما يوجع قلبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
صحى فهد من نومه بص على السرير وهو فاضى من جنبه قام قعد وحط أيده على وشه وقال
فهد :- ليه يا مليكه اختارتى البعد لو كنتى سمعتينى و صدقتينى من الاول مكنش كل ده حصل كان زمانه مع بعض رغم حبى ليكى بس قلبى وجعنى اوى ومصدوم فيكى ازاى قدرتى تشكى فيا ده انا بثق فيكى ثقه عمياء تيجى انتى وتصدقى أن انا بخونك بالسهوله دى انا بحبك يا مليكه بس كسرت قلبى اكبر من حبى ليكى هنساكى وهرجع اعيش حياتى تانى زى الاول وقام دخل الحمام اخد شاور واتوضه وخرج لبس هدومه واده فرضه ونزل من الاوضه
سهير :- صباح الخير يا ابنى
فهد :- صباح النور
سهير :- فين مراتك من امبارح مش شيفاها ولا جاكلين ولا فريد
فهد :- هتقعد عند امها يومين
سهير :- غريبه دى عمرها ما حصلت قبل كده
فهد :- بعصبيه هو ايه حكايتك انتى ونانا اهو ده اللى حصل مش كل شويه واحده فيكم تعمل ليا تحقيق
سهير :- اهدا يا فهد محصلش حاجه لكل ده احنا بنسأل عليها علشان متعودين على وجودها تملى معانا فى الفيلا
فهد :- انا ماشى
دخل فارس من باب الفيلا
فارس :- السلام عليكم
فهد وسهير :- وعليكم السلام
فارس :- كويس أن لحقتك قبل ما تمشى عايزكم فى موضوع
سهير :- خير يا ابنى
فارس :- طيب نادى على مليكه
فهد :- اخلص يا فارس عايز تقول ايه
فارس :- لا مش هتكلم غير بوجود مليكه وبص لفوق وقال مليكه يا لوكه تعالى عايزك
سهير :- مليكه مش هنا يا فارس
فارس :- بأستغراب مش هنا امال فين ده اول مره تحصل
فهد :- بعصبيه فااااارس اخلص مش فاضى ليك قول عايز ايه بدل ما امشى واسيبك
فارس :- طيب طيب بلاش العصبيه دى الموضوع اللى جاى ليه عايزكم تيجو معايه اتقدم لواحده
سهير :- بفرحه بجد يا فارس دى مين اللى قدرت تغير فكرتك على الجواز وتخليك تجرى عليها
فارس :- فكرتى متغيرتش ولا حاجه وانا عند رأى بس الجوازه دى ليها ظروف خاصه كده المهم عايزكم تشوفه وقت مناسب ليكم علشان أبلغه لابوها
سهير :- ياريت من النهارده
فارس :- ساكت ليه يا فهد
فهد :- هقول ايه مش عجباك وانت واثق فيهم انت حر انا كل اللى هعمله هروح معاك وخلاص
فارس :- مسألتش يعنى عن اهلها ولا هى مين
فهد :- انا مالى أنشالله تطلع بنت البواب شوف الوقت اللى انت عايزينى فيه وبلغنى وانا هاجى معاك وسابهم ومشى
فارس :- ده ماله ده
سهير :- مش عارفه من الصبح وهو على كده بس انا شكه أن يكون متخانق هو ومليكه اصل مش مقتنعه بوجودها عند امها ده عمره ما عملها من يوم الجواز
فارس :- فهد ومليكه يتخانقوه ده مستحيل
سهير :- ابقى شوف كده وأسأل عليها وانت هتعرف لو كان فى زعل أو لا
فارس :- أن شاءالله
سهير :- المهم بنت مين دى اللى خطفت قلب ابنى
فارس :- بنت واحد بناخد منه البضاعه للشركات بتاعتنا
سهير :- اسمها ايه
فارس :- ابتسم وقال اسمها جومانه جومانه عز
سهير :- واضح انك واقع لشوشتك عينيك فضحاك
فارس :- ها لا مش كده بس ده موضوع كبير المهم هتفق مع ابوها على يوم الجمعه ابقى بلغى ابنك فهد وفى الوقت ده نزل عدى
عدى :- طلع يجرى على فارس وحضنه وقال بابا فارس واحشتنى اوى اوى
فارس :- ضمه اكتر ليه وقال وانت يا قلب بابا واحشتنى بس ايه يا ابنى الطول ده عمال تطول لحد ما بقيت اطول منى
عدى :- ههههههههه هجيبه من بره انت وبابا طوال هطلع قصير لمين
فارس :- يا لمض عامل ايه فى دراستك
عدى :- كويس بس صح هى ماما مصحتنيش النهارده ليه راحت عليا نومه ومعاد المدرسه فات
سهير :- امك مش هنا ولا هى ولا اخواتك
عدى :- بأستغراب امال فين
سهير :- عند امها
عدى :- غريبه دى اول مره تحصل
سهير :- كلنا مستغربين
فارس :- مدام اتأخرت على المدرسه تعال معايه الشركه
عدى :- طيب ثوانى هطلع اغير هدومى واجى
فارس :- بسرعه يا بطل
عدى :- طلع اوضه غير هدومه ونزل ركب العربيه مع فارس وراح الشركه معاه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
قفل اسر التليفون مع مها وحدفه على السرير
اسر :- مسك شعره وقال يعنى انتى مفكراها سهل عليا بعادك انا برضه معرفتش انام علشان انتى مش جنبى انا بتقطع من جوايا علشان انتى بعيده عنى انتى حب عمرى يا مها بس كان لازم اعمل كده علشان تعرفى غلطك ومتكررهاش تانى عارف انك بتتعذبى بعيد عنى وانك مجروحه من مدت ايدى عليكى وعارف ومتأكد انك من امبارح مبطلتيش عياط بس لازم اقسى عليكى علشان تفكرى الف مره قبل ما تغلطى فتره هتعدى عليا اصعب ما هتعدى عليكى بس لازم استحمل ودخل الحمام اخد شاور واتوضه وخرج لبس هدومه واده فرضه ونزل من الاوضه ركب عربيته وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مازن
صحى مازن من نومه وقال
مازن :- بصوت عالى انتى يا غبيه سبتينى نايم لحد دلوقتى ليه راحت عليا نومه واتأخرت على الشغل انتى يا مى يا زفته وبعدين قام وخرج من الاوضه وهو متعصب ودور على مى فى الشقه بس وقف فاجئه وحط أيده على راسه وقال صح دى سابت البيت من امبارح وبعدين قال فى داهيه يعنى مفكرانى هموت من بعدها عنى دى فقر وبومه ودخل المطبخ ووقف فى النص ومبقاش عارف يعمل ايه طلع طاسه وحطها على البوتجاز وولع النار وطلع بيض وحطه فى الطاسه من غير ما يحط سمنه والبيض اتحرق منه مسك الطاسه ورماها فى الحوض وقال
مازن :- بعصبيه العن ابو كده كانت الشقه هتولع مش عايز اطفح دخل فتح الدولاب ودور على طقم مكوى يلبسه بس ملاقاش قال يادى المصيبه السوده هلبس ايه دلوقتى معنديش طقم مكوى طلع طقم وشغل المكواه وسخنها جدآ اول ما حطها على القميص اتحرق من شدت السخونيه
مازن :- ده ايه اليوم اللى ملهوش ملامح ده بص فى الساعه وقال يا نهار اسود اتأخرت على الشغل طلع طقم تانى ولبسه وهو متكسر ونزل يجرى ركب العربيه وراح على شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبد الرحمن
خرجت مليكه من الاوضه فى نفس الوقت خرجت مها وخرجت مى
التلاته بصو لبعض
مليكه :- مها مى انتو هنا من امته
مها :- انتى ومى اللى هنا من امته
مى :- انتو الاتنين بتعملوا ايه هنا وجيتو امته
فايزه :- بصت ليهم التلاته وقالت تعالو يا ميلة بختى انتو التلاته جيتو امبارح غضبانين
التلاته بصو لبعض بأستغراب
مليكه :- بصت لمها وقالت انتى زعلانه مع اسر وبصت لمى وقالت وانتى زعلانه مع مازن
مها ومى :- ايوه وانتى زعلانه مع فهد
مليكه :- ايوه
مى :- ههههههههههههههههههه طب وربنا احنا مسخره واحنا التلاته غضبانين
مها ومليكه :- بصو لبعض وضحكوه ههههههههههههههه
فايزه :- بتضحكو على ايه على خبيتكم
مها :- ههههههههههههه اصلها غريبه أن تيجى فينا احنا التلاته فى وقت واحد
مليكه:- هههههههههههه اه والله كأن الرجاله متفقه مع بعض
مى :- لا يا بنتى احنا اتنشينه عين فله وربنا وبصت لامها وقالت ابقى بخرينه يا حاجه هههههههههههههههه
وبعدين سكتو مره واحده وبصو لبعض وحضنه بعض وقعدو يعيطوه
فايزه :- فى ايه يا ولاد المجنونه انتو بتضحكو ولا بتعيطوه
مليكه :- بدموع صعبان عليا اوى نفسى أن فهد طلقنى بالسهوله دى
مها :- بدموع وانا اسر واحشنى اوى ومش قادره ابعد عنه
مى :- بدموع وانا فرحانه أن أطلقت بس زعلانه علشانكم
فايزه :- تعال يا عبد الرحمن شوف وكسة بناتك التلاته يا ميلة بختك يا فايزه انتو عايزين تموتونى مقهوره عليكم ولا ايه
التلاته راحو عند امهم وباسو راسها وقالو بعد الشر عليكى يا ماما ربنا يخليكى لينا
فايزه :- ده انا لو كنت جبل كنت اتهديت من زمان كان كل همى أن اكبركم واعلمكم واستر عليكم ويوم ما يحصل كده تيجو انتو التلاته غضبانين فى ليله واحده لله الامر من قبل ومن بعد
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
فى مكتب فهد كان قاعد ومتعصب ودخل عليه باسم
باسم :- خير فى ايه يا فهد بلغونى انك عايزينى ضرورى
فهد :- اقعد عايزك
باسم :- قعد وقال خير
فهد :- البنأدم ده تجيبو ليا ضرورى من تحت الارض وتربطه فى المخزن لحد ما أنزله
باسم :- ده مين ده
فهد :- شئ ميخصكش
باسم :- فى ايه مالك متعصب كده ليه
فهد :- بعصبيه باسم متدخلش فى اللى ملكش فيه
باسم :- لا أدخل لما يكون صاحب عمرى متعصب كده ومش طايق نفسه وفى الحاله دى لازم اطمن عليه
فهد :- وهو بيحاول يتحكم فى أعصابه اكيد انت عارف لما بكون فى الحاله دى مش بقدر اسيطر على اعصابى فياريت تعمل اللى قولتلك عليه من غير كلام كتير واتفضل هات الراجل ده فى أقرب وقت عايزه متكتف فى المخزن النهارده
باسم :- ماشى يا فهد بس برضه هعرف مالك سلام يا صاحبى وخرج وسابه فى المكتب وهو متعصب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب فارس
وصل فارس وعدى للمكتب وكانت جومانه مستنياه عند السكرتيره
فارس :- شاف جومانه واتجاهلها وقال للسكرتيره مش عايز مقابلات دلوقتى لحد ما اشرب قهوتى فاهمه
السكرتيره :- ايوه حضرتك بس الانسه جومانه مستنيه حضرتك من بدرى
فارس :- سمعتى قولتلك ايه اعملى اللى قولتلك عليه وسبهم ودخل هو وعدى المكتب واول ما قفل باب المكتب اتفتح من الضحك على منظر جومانه وهى هطق منه
عدى :- بأستغراب بتضحك على ايه يا بابا
فارس :- ها ولا حاجه وسكت شويه وبعدين ضحك وقال ههههههههههههههه منظرها كان تحفه وهى متغاظه ههههههههههههههههههه
عدى :- هى مين دى
فارس :- احم لا متركزش انت
عدى :- بغمزه اوع يكون قصدك على المزه اللى بره دى
فارس :- ولد
عدى :- ايه غلطان انا ولا حاجه مش هى بذمتك
فارس :- والله وكبرت يا عدى وبقيت تفهم اهو
عدى :- متوهش هى ولا لا
فارس :- احم اه هى هروح انا وابوك وجدتك نخطبها يوم الجمعه الجايه
عدى :- اممممم قولتلى بقى
فارس :- ولد بتتكلم كده ليه متنساش أن انا ابوك برضه
عدى :- بغمزه بس مزه الصراحه
فارس :- اتلم يا عدى علشان مولعش فيك
عدى :- ههههههههههه انت غيران بقى
فارس :- غيران هغير من عيل
عدى :- عمومآ يا عم مبروك عليك المزه
فارس :- قام عليه وكتفه وقال إياك اسمعك تقول مزه تانى
عدى :- هههههههه خلاص خلاص
فارس :- ناس متجيش غير بالعين الفحلوقى
عدى :- ههههههههههههه
فارس :- قعد ومسك سماعه التليفون وطلب السكرتيره وقال دخلى الانسه اللى عندك
السكرتيره :- حاضر يا فندم
وشويه ودخلت جومانه وهى متغاظه من فارس
عدى :- غمز لفارس وقال هسيبك بقى مع المزه يا بابا
جومانه :- اتفاجئت لما سمعت عدى بيقول يا بابا
فارس :- بغيظ ماشى يا حبيب بابا حسابنا فى الفيلا ماشى
عدى :- هههههههههههه سلام وخرج من المكتب وساب جومانه مع فارس لواحدهم
جومانه :- هو انت عندك ابن
فارس :- امممم شئ ميخصكيش
جومانه :- ازاى يعنى مش لازم اعرف
فارس:- انتى تعرفى اللى انا عايز اعرفهولك وبس
جومانه :- والله
فارس :- ايوه وبعدين انتى جايه ليه
جومانه :- على فكره انت عديم الذوق
فارس :- من بعد ما عندك
جومانه :- حطت ليه الاوراق على المكتب وقالت اتفضل اتزفت وامضى هنا
فارس :- اتلم يا برعى اتكلم بطريقه احسن من دى وبعدين بتوع ايه الاوراق دى
جومانه :- اولا انا اسمى جومانه مش برعى ثانيآ انت مينفعش معاك غير طريقة الكلام دى ثالثآ اقراه وانت تعرف بتاع ايه الورق ده
فارس :- بأستفزاز ده حتى برعى كيوت عنك ومسك الورق وبص فيه وقال اممممم بسرعه كده خلصتو الطلابيه
جومانه :- ايوه احنا شغالين مش بنلعب زى ناس
فارس :- انتى هتحورى انتو اصلا مفيش حد معبركم غير شركتنا
جومانه :- بغيظ شركة ايه يا ابو شركه دى آخرها تبقى مصرف صحى
فارس :- ههههههههههه علشان كده بتعامل معاكم
جومانه :- بغيظ انت بنأدم لا تطاق
فارس :- وانتى بنأدمه بارده ومستفزه
جومانه :- وانت قليل الذوق
فارس :- وانتى عديمة الاخلاق
جومانه :- انا متربيه احسن منك
فارس :- اه ما هو واضح اهو
جومانه :- غلس
فارس:- بارده
جومانه :- عااااااااا ووقفت ولسه هتفتح الباب وتمشى
فارس :- جرى وقفل الباب ووقف قصاد جومانه وسند بايديه الاتنين على الباب وجومانه فى النص
جومانه :- بتوتر من قربه ل.ل.لو سمحت ابعد
فارس :- ابعد ليه ما انتى عروستى ولا ناسيه
جومانه :- لسه مفيش حاجه تثبت الكلام ده وبعدين لتكون مفكر أن جوازنا ده هيبقى بوس واحضان
فارس :- بغمزه امال هيكون ايه اموت انا فى الزيطه
جومانه :- ههههه خفه لا يا حبيبى ده تحدى يعنى لا انت هتلمسنى ولا هطول شعره منى
فارس :- وهو بيقرب اكتر منها هههههههه ها وايه تانى
جومانه :- ب.ب.بس
فارس :- قرب اكتر منها وأتكلم بهمس جنب ودنها وقال لتكون مفكرنى هموت عليك يا برعى ده انت ارجل منى يا جدع وبعد عنها وقعد تانى على المكتب
جومانه :- اتصدمت من كلام فارس ووقفت مكانها متحركتش
فارس :- ضحك ضحكت انتصار ومسك الورق مضاه وقال كنتى هتنسيه اتفضلى اهو وبلغى الوالد أن احنا جاين يوم الجمعه عندكم
جومانه :- مشيت مسكت الورق من على المكتب وخرجت من المكتب من غير ما تنطق ولا كلمه
فارس :- ههههههههه ورينى هتعملى ايه يا جومانه عز ومسك الورق وبدء يشتغل
