رواية سواد القلوب الفصل الثالث بقلم ام سامان
_ قوي روحج بنيتي خطيبج هسه بمكان أحسن ....زوجج شهيد افتخري بي بويه
_ اجاني صوت اكثر شخص أكرهه
من نكول بلا اصل عمي يعاركنا لعد من تحضنين بهذا وذاك وتوه خطيبج ميت شنسميه هاي يالشريفة ...
هو هيج حجه لو قامت القيامة
تقدم واحد منه وجره من ياخته
_ شككككلت للللك تحجي بشرف بنت عمي...
_ دفعه رزگار ابن اخو بابا أركان..
_ أنت منو لللك
_ أنا ابن عمها وهذا عمها...
كمت لحيلي باوعتله. ..
_ شفت ...طلع عندي عمام وولد عم يشكون حلك اليكول ماعدج اهل ...هذولة اهلي... شفتهم...
رجع الشاب ضربه مرة ثانية....
تقدمو ولد منهم وفاككوهم...
اجت ماما ركض ...جرتني لحضنه وتخزرني...
حجه عمو
_ ها خوية ام فهد مراح تسلمين على عم ابنج وبنتج..
_ اهلا ابو شاهين....
_ مجان هيج.
العشم تحرمنا من جهال اخونا...
باوعتله وتذكرت بالصغر مارادونا...او واحد من عمامي...
صعد الاعصاب براسي ومنا القهر كاتلني صحت بي
_ هو منو لذبنا مووواخوك مدري أنت .... باوع لامي بحيرة.....
_ شتحجين بويه
اخذت نفس وباوعت لمكانه لا المكان مناسب ولا الزمان ......
_ عمي آني اليوم خسرت روحي خلوني أعيش حزني...عفتهم وفتت للبيت ذبيت روحي على عمة الحضنتني بقوة وتصيح بخبال
_ عمة راااح وعافنااا ...عافنا عمة
_ وليدي جبيري ..راح بروئه حبيبج راح باوعت لبناتها وحاجتهم بالكردي
_ ولجن لطمممن اخوجنن وسندجن رااح ....
أريد اخذ نفس مااكدر ...وجهي خدر من اللطم ...خفت على عمة عدها سكر وضغط ..لزمتها بقوة
_ عمةةةة اهدي لايصير بيج شي ...بناتج وابنج
محتاجيج....سيروان عنده اخ آخر عنكود بالعائلة عمرة 12سنة ....
_ ولللج راح بكري الجنت أكول هو شيال تابوتي راح وليدي
مرت خواله ولااطيقهم ولاهمه يطيقوني...
مرت اخوها الجبير ام رزگار اجت تلطم دفعتني بقوة وكعت لورا عمة فزت وصاحت بيها
_ عمة العماج ماشفتيها
_ يا ياخية فوك ماجاية اواسيج ..
تفضلين الغريبة على مرت اخوج
عمة والبنات اجو كوموني لان مهدود حيلي وعمة اكثر
مني ....فاتت امي من شافتني واكعة ويكوموني ركضت تساعدني وتخزر بمرت حماها(خونجا)
_خونجا براء خط احمر ...هاي أمانة سيروان ديري بالج تجين صوبها
_ ايام وتنسى سيروان وتتزوج
عمة نزلت دموعها وكملت كلامها
_ أكيد وراح أكون وياها بيومها لان هاي وصية الغالي مااخليها توكف حياتها لخاطره...
شهكت وآني ممصدكة شلون كدر هيج يوصيهم هو جان يغار حيل
اتذكرت ذكرى بينا
_ ماادري اتمنى الاكيهم ...ماما كالت عندي خمس عمام وأكيد هسه عدهم ولد وبنات يعني راح يصير عندي عزوة وسند
جر ايدي وباسها ..
_ مالج سند وعزوة غيرري..لاتحجين هيج وتخليني اضوج منهم وآني بعدني مااعرفهم..
ابتسمت وجاوبته
_ متأكدة راح تصير صديقهم
رجعت على صوت عمة من صاحت
_ خوونجا اخذي الحياية الوياج وطلعي من عزا ابني....
_ كومن ينسوان الظاهر خاتون خرفت ورا موت ابنها...
عفتهم ودخلت لغرفة سيروان
تمددت على جربايته مديت ايدي جوه المخده جريت الصورة أعرف بي مخلي صورة خطوبتنا حجالي مرة من ينام يخليه على كلبه
تندمت على كل لحظة مابينتله حبي...
غمضت عيوني فتحته اتخيله يمي
حاجيته بهمس
_لو ادري اخسرك من الاكي عمامي...و الله ماجنت راح أدور عليهم... لكيتهم بنفس اليوم الخسرتك بي..شكد جنت منتظرة اللحظة الاشوفهم بي ...
بس أنت وياي ...ليش عفتيني بنص الطريق مو وعدتني من الاكيهم تجي وياي ايدنا بايد بعض وتخزر ولد عمي وتكول آني خطيبها وزوجها ....
شهكت ....خسرتك يا صديقي ... خسرتك ياروح براء ...احس راح يوكف كلبي ...هاي أول ساعات هيج شلون راح اتحمل أعيش حياتي بدونك.....ليش عفتني اتخبلت صرت اضرب عالفراش واتخيله هو
_ جاااووبني شلون تعوفني ...وين وعدك الي
فاتو على صوتي ....لزموني عمة وماما ... ماهتميت أدفع بيهم والطم ...البينا آني وسيروان أكبر من اي علاقة بالدنيا ....
انبح صوتي ...حسيت احبالي اتكطعت من الصياح ...وبعد ماحسيت بشي ...كعدت شفت روحي بعدني بفراشه عيوني راحت على ميز التواليت مخلي صورتنا وااني عمري هناك15سنة ...ليش عفت صديقتك وعشقك ..مسحت دموعي ...كمت على كيفي طلعت عمة كاعدة وصافنه واخوانها يومها مبين يعاتبوها هي مامهتمة من شافوني خزروني بابا رفع رأسه اشرلي تعاي ردت اروحله عمه كالت
_ تعاي يمه بروئه تعاي بصفي...
كعدت بصفها خليت رأسي على جتفها حجه ابو رزكار اخوها الجبير
_ هيج خاتون تطردين نسوانا كدام الغريب
حجه ابو سيروان
_ خوية ابو رزگار ...الافضل تنصحون نسوانكم براء يمنا خط احمر قبل لاتكون أمانة سيروان هي بحسبة بنتنا كبرت كدامنا حالها حال بناتي
واحنا منقبل بالاهانة الها ...ابني بعده مانشف تربته مرتك تصيح باجر تنسى ابنكم وتتزوج هاي كلام ينكال كدام الغرب على كولتك
واحنا تونا مفجوعين باستشهاد ابنه....
خجل وسكت ...اعتذرو من عدهم وطلعو ....
بابا حجه
_ بابا...عمج رجع وكأل بعد اسبوع يرجع وابن عمج كال راح ادزلها ارقامنا حتى تتواصل ويانه...بيبيتج بعدها متدري همه لاكينج...
ماهتميت نزلت دموعي أجا بابا وكعد بصفي
_ ادري صعبة اكولج اصبري ....
ذبيت روحي بحضنه...
_ لو ادري اخسره من الاكيهم مجان دورت وراهم
حجه ابو سيروان
_ شنو هالحجي عمو...تدرين شكد سيروان جان يحجيلنا يكول حلمها تلاكي عمامها...جان متشوق اكثر منج ...لان جان يدري راح تفرحين بوجودهم..
باوعت عماته وعمامه بعدهم هنا ...
كاعدين ...مسحت دموعي وترخصت طلعت لحديقتهم بالحوش الخلفي مكانه آني وسيروان والمرجوحةالخلاهاالي
...
كعدت عالمرجوحة ورجعت رأسي لورا...غمضت عيوني ....تخيلت هو وراي ويدفعني على كيف ...استغربت صدك أكو من يدفعني فزيت وكمت بسرعة انداريت وآني أشوفه رزگار ...
خزرته بأعصاب
_ شون تتجرأ تجي وراي ..
باوعلي بابتسامة غريبة....
_ المفروض انتي خطيبتي وحبيبتي اني ...مو سيروان ....
_ انجب وولي ...شون تتجرأ هيج تحجي ....
آني خطيبة سيروان وراح اضل خطيبته للموت..
تقدم مني بأعصاب ...
_ سيروان مو بريء مثل مامتخيلته...
ماحسيت غير ضربته راشدي قوي...
ورفعت اصبعي بوجهه وآني اباوعله بأعصاب
_ دير بالك تحجي على سيروان كلمة غلط...سيروان يسواك ويسوه كل عشيرتك....
ضحك باستهزاءمتحملت ورفعت ايدي أضربهم راشدي ثاني ...هالمرة لزم ايدي قوي ...
_راح تتندمين بثقتج بي...
_ كلتتتت هو ووووس لاتحجين عليه كلمة ....دفع ايدي وطلع...
_حقيرررر ...فتت جوه ماما واكفه اجوني اخواني جانو بسفرة توم عمرهم19سنة
شاد واياد حضنوني بقوة ...
نزلت دموعي ...دك موبايلي ماسنجر جان فهد. .
مسحت دموعي وجاوبته
_ صدك الناشرينه ولد عمج ...سيروان مستشهد...
شهكت وآني اجاةبه
_ عافني فهد ....عافني راح اموت ....
_ مامصدك ....تمنيت يطلع مقلب ...ياروح اخوج ...اقري قران واهدي يبعد اخوج...بعدني مامستوعب آني ...لعد انتي شون...
حجيت بضعف....
_ ارجع محتاجتك...
اخذ نفس وزفره...
_مااكدر يابعد اخوج...
حجيت بأعصاب وبجي
_ معناها أنسى عدم اخت اسمها براء...قفلت النت هم ..
الكل كعد يقنعني حقه وهالسوالف ...بس آني أريده يكفي خسرت سيروان ..همه جانو الأقرب الي ...
ضليت ببيت سيروان واخذت إجازة ...مكابلة غرفته ...عمه وخواته صارو همه يواسوني بالكوه يجبروني عاللكمة ...ماما وبابا واخواني مافاركوني ....
بس ماكو احد يملي مكانه...
وكفت بباب المكبرة
_ السلام عليكم يااهل الدار أنتو السابقون ونحن اللاحقون...وكفت على طرف أريد يبتعدون حتى اعاتبه ...واكله فراكه شكد يوجع...واخذ من عمري ....
عمة اشرتلهم يعوفوني وياه..كعدت يم رأسه
_ ها يروح بروئه...سوويتها وكسرت وعدك وياي....مدري اعاتبك لو اشكيلك فراكك شكد هد حيلي ....صار اسبوع ميتة على شوفتك سيرو ....آني اكتشفت أحبك اكثر من روحي ...يمكن محبيتك كحبيب بس فراكك اخذ حيل حيلي....نام رغد يبعد روحي مسامحتك .....كون ماانسى حبيبتك بروئه....
كمت وأريد الشهكة تروح مني ...حسيت بايدين اتخلت على جتفي .
_ اهدي بابا بهالبجي تعذبينه ...هو شهيد راح يكون بمكان حلو ...ادعيله واقريله قران وافتخري خطيبج وحبيبج شهيد...مات وهو يدافع عن الوطن...
_ الله يرحمه ..ويصبرنا...
_ عفية عليج ...يلا بابا راح يصير مغرب موزين نضل هنا....
عفناه بس حسيت عفت روحي يمه....
كلمن رجع الحياته ..حتى اني ...بس صرت اداوم بدون روح .... صار كل شي ممل...عمامي القضايا سنين ادري عليهم نسيتهم ولاخابرتهم ..رغم من الماسنجر شكد دكو عليه ...مااريدهم ...مااريد أي شخص ....
اخويه عافني وهسه سيروان اخاف تتعلق بشخص بعد ويعوفني....
رجع دك موبايلي .
للمرة السادس...
حاولت وصلني صوت عمو
_ هيج بروئه ...متجاوبين عمج...
_ اعذرني عمو حيل تعبانة..وكلبي يوجعني
_ سلامة كلبج ..شون صرتي بويه
_ الحمدلله عايشة...
_ دومج يابنت الغالي....بروئه ماتجين تشوفينا وتتعرفين علينا وعلى بيبيتج ...ميته على شوفتج...
_ مو هسه عمو ...و الله مخنوكة حيل ....وماانسى واحد منكم طرد بيبي ...وكأنو ماعدنا جهال اخ...
سكت شويه وجاوب...
_ شكلتي بويه ماسمعت... يمتى هالحجي
_ ورا وفاة بابا .....راحتلكم بيبي واحد منكم طاردها ....
_ بيبيتج ...قصدج ام أمج...
_ اي لعد منو ....
_ بس على حد علمي بيبيتج متوفية قبل زواج اهلج...
كمت على حيلي ... بعدين تذكرت احتمال هو ...ويريد يكرهني بماما...
_ مااصدك عمو ...ماما مستحيل تجذب علينا
_ جا ليش مادورت علينا
_ لان من دازه بيبي وملتقية بواحد منكم مهددها راح تاخذونه منها إذا دورت عليكم مرة ثانية رجع سكت احتمال حاير او يدور جذبة
_ تمام عمي...راح أدور واعرف الحقيقة من الجذب...وانتي هم دوري وشوفي
_ تمام عمو ...مع السلامة
الصبح من طلعت من الدوام شفت ابن عمو نسيت اسمه
_ هلا ببنت العم...
_ هلا ابن عمي..
_ شونج ...
_ نكول الحمدلله...
_ يستاهل الحمد..شون النفسية...
اخذت نفس والدموع تجمعت بعيوني
_ زي الزفت
_ تهون ...راح تصير ذكريات...
_ اسوء ذكرى بعد اليوم العرفت بي بابا أركان مو ابويه الحقيقي ..
كعدنا بكافتريا قريب من دوامي...
_ شلون كلولج...
جاوبته
_ هيج مثل لقطات تجي بعقلي ....بالمدرسة
سئلوني اسمج....
_ كتلهم براء أركان محمد....
ضلون يدورون بلسجلات ماكو وبس أكو براء وحدة براء ضياء ....
المعلمة جانت تصيحني ....براء ضياء وآني اعاند ومااجاوبها ..
وكل سنة يحجولي بابا اسمج براء ضياء مو أركان...واني اكضيها بجي ...لحد ماصار عمري 12سنة وبابا كعدني وحجالي لان ولد اخوانه وبناتهم هوايه جانو يضوجون بيها ماعنده سيروان واهله...
سيروان من الصغر تربى ويايه آني وفهد...
_ وين فهد...
_ سافرلاوربا
_ شعجب عافكم...
_ لان جبان ...
عكد حواجبه ...
درت وجهي ماكملت وهو هم سكت ورجع سئلني
_ تحبيه ..._ منو ...
_ خطيبج...
_ ابتسمت وآني اتذكره واتذكر ملامحه الحلوة والجنت اعشق اتغزل بي ..
_ البكلبي أكبر من الحب...هو جان صديقي واخويه واستاذي وخطيبي .
_ ماذكرتي الحب...
ابتسمت وجاوبته...
_ مو كتلك أكبر من الحب...
_ الحب هو أساس حياة المتزوجين
_ مو شرط ...آني اشوف الاحترام والصدق والامانة والوفاء هي اهم من الحب ..يعني مثلا هوايه اشوف ازواج يحبون زوجاتهم بس يخونوهم
_ اسمحلي اقاطعج...اليحب من صدك مستحيل يخوون..
_ بعد كلمن وتفكيره
_ يعني هيج تردين تسكتيني
_ لا العفو ...بس مثلا ماما ...شكد بابا يحبها بس دائما اشوف بعيونها الحب لبابا ضياء ...
_ شون عرفتي ....
_ مااشوف اللمعة بعيونها من تباوع لبابا عكس من نروح نزور بابا ضياء واباوع لصوره .....اللمعة البعيونها وابتسامتها يدل على كمية الحب الي بكلبها ...لو من جانت تحجيلنا عنه...
_ وابوج مايغار...
_ بابا أركان جان اقرب صديق لبابا ضياء
_ غريبة جا شلون تزوج أمج...
_ اووف تأخرت ...راح احجيلك بيوم ...
_ يلا اوصلج .
_ جايبه سيارتي....
_ اوو وعندج سيارة هم....
_ عينك ابن عمي عليها اقساط...
_ ضحك بصوت عالي وتسالمنا ورجعت....
بس من صعدت وشفت ابتسامتي بالمرايه ..تذكرت شون كعدت وياه وحدنا ...شون كدرت اخون سيروان واكعد ويا شاب لوحدنا ..فتحت المادة البركبتي جتبلي ياها هدية لخطوبتنا قلب وبيها صورتي آني وياها بستها ونزلت دموعي
_ اسفة حبيبي سامحني ....أكيد زعلت مني لان كعدت وياه وحدي ...اوعدك مراح تتكرر..
مسحت دموعي ..وسديت القلب..وسقت على كيفي ....مجان يقبل اسوق هوايه لان هو جان يوديني ..وبالرجعة إذا مو بالدوام يجب يرجعني واذا بالدوام واحد من أخواني لو بابا...
وصلت فتحت الباب ... الجهال الصغار اجوني ركض بلسم وسحر وئارام..
فتحتلهم حضني ...ماما طلعت من المطبخ
_ هلا ماما ..شلونج...
تقرب بستها....
_ الحمدلله ....
لحد مابدلت ونزلت وصل بابا وكعدنا نتغده...
حجيت عالسفرة
_ اليوم أجا ابن عمي شاهين ..
ماما وكعت الخاشوكة من ايدها باوعتلي وهي خايفه
_ وشكلج ..شحجيتو...
_ شبيج ماما اهدي ..عادي بس سئلني شلونج مالونج ...
_بس ..
_ ليش أكو شي ثاني...
_ يعني ماحاول يقنعج تروحيلهم....
_ لا ولاجاب هالسيرة...
_ وآني مااقبل بعد تلتقين بيهم.....
_ماتكدرين تمنعيني ماما هذول اهل بابا واني من سنين اتمنى التقي بيهم...
_ شنو كبرتي وكمتي ماتسمعينلي...
_ باوعت لبابا ساكت... ويباوعلي مقهور بس ميريد يكسر بخاطري..
_ احجي بابا ....يعني شنو
_ أمج على مودج تحجي بابا تخاف ياخذوج منه...
_ تقربت وحضنت ماما...
_ ماكو بشر يمنعني منكم...أنتو روحي واهلي...
_ دفعتني ماما ورفعت اصبعها....
_ وآني كلت العندي...
عفتها مقهوره...وطلعت للحديقة ....كعدت عالكرسي ....وصلني صوته
_ شبيها القمر .
استغفرت وكمت _ شبيك متبل اظاهر تعودت على راشدياتي...
_ حبيتج وانتي عمرج 14سنة ...وحجيت لسيروان بماانو هو صديقج المقرب
...سكتت اسمعله..انتجى عالحايط...
_ كال لاتحجيلها آني من تكبر شويه...احجيلها تعرف آني صديقها المقرب....سكتت ....تكبرين كدام عيني والكره مالي كلبج تجاهي..مااعرف السبب ...صار عمرج 18سنة قبل خطوبتكم بجم شهر كتله ها سيروان ماحاجيتها.. .راد يكمل وانفتح الباب وبابا طلع....باوع لرزگار....
_ شتسوي هنا...
_ شفتها بالحديقه وجيت أسلم عليها...مهما كان هي جانت خطيبة وحبيبة صاحب عمري...
طلع وآني احس أكو سر ورا انتهاء صداقتهم...يعني آني جنت السبب ..جنت دوم اسئل سيروان يكلي لان من الصغر جان يأءيج انتي فهد بكلامه السم على مزدحم نهيتي علاقتي بي.. بس شلون يحبني وسيروان ماحاجيلي ...أكيد غار ومن هاي ماحجالي ...تقدم بابا وخله أيده على جتفي وجرني لحضنه....
_ شبيج بابا ...احسج متغيرة
_ تعبانة بابا ...منا خسرت سيروان ومنا ماما تضغط عليه.....اووف تعبانه...
_ سلامتج من التعب اميرتي....
_ تدرين شغلة...انتي أغلى وحدة من جهالي عندي
ابتسمت وباوعتله
_ جنت متمني من أتزوج يصير عندي فد 6بنات وأكثر شي حرامي أتزوج أمج انتي ..بيوم رحت لخالج ومخليج بحضنه....من شفتج حسيتج بنتي ...وكمت أجي لخالج اكثر من قبل بس حتى أشوفج ..
_ تحبني بابا
_ اكثر من روحي بنيتي...انتي واخوج أول فرحتي . .. وانتو الجنتو تخلوني اتحمل جفاف امكم وياي وعدم تقبلها الي
_ شكد تعذبت لحد ماصارت الك بابا
_ اووو هوايه ...لاتخليني أتذكر لااحقد عليها بعد هالسنين..
ضحكنا وانا ...ماما متباوعلي ..حسيت خوف ماما مو لان تخاف ياخذوني منها ..احس خوفها غير شي...
راسلت بنت خالي ...رفل...
_ هلا حبي شونج....
_هلاو بروئه...الحمدلله شون صرتي...
_ يعني ماشي الحال ..
_ دومج يروحي...
_انتي شونج وابنج الفصعون..
_ الحمدلله ..او مخبلني ..
_ الله يحفظه الج...
_ تسلمين كلبي يوم التشيلين جهالج...مرت ذكرى ببالي نفس دعاء سيروان من يشوفني شايله طفل....رجعت الواقع وسئلتها..
_ أكول رفوله.... اليوم حلمت ببيبي ...وتعرفين آني مشايفتها ...جنت أريد أتذكر يمتى ماتت ماتذكرت وماردت اسئل ماما خاف تتذكرها وتبجي
_ اي بابا دوم يسويلها ثواب ..ومرة سئلته أعتقد كال 1986
فتحت عيوني مصدومة....
_ شتحجين رفل
_اي ليش ...صاير شي ليش انصدمتي ...
_ رفولة الخط يكطع بعدين احاجيج...
سديتها ومامصدكه السمعته
_ لا لا مستحيل .....
طلعتلهم بعدها كاعدة وبابا بصفها يحاجيها
_باوعت لماما مقهورة ودموعي تنزل ....مااصدك يعني كل هالسنين عيشتنا بجذبة ...قست كلب فهد على عمامي
من شافتني خافت واجتني بسرعة هي وبابا....
_ ليش تبجين ماما...
رجعت باوعت لبابا...خايفة يطلع هو هم يدري بجذبة ماما ...أكيد جان يدري
_ جنت تدري بابا ....مااصدك مااصدك جذبتي علينا ...
_شتحجين بنيتي...ياجذبة ماما...
_ صحت ..عرررفت أصلا بيبي ميتة قبل زواجج من بابا شلون سنين تجذبين علينا تكولين دزيت بيبتكم وعمي طاردها....
فتحت عيونها مصدومة باوعت لبابا
يباوعلي بقهر...حجت ماما ببجي ..
_ خفت ياخذوكم مني ... و الله ابوج حجالي عنهم عشاير خفت ياخذوكم مني إذا درو تزوجت....حجيت ببجي وقهر
_ ليش ماما ...ليش ردت عمام افتخر بيهم كدام الناس الجانت تعتبرنا بلا اصل واهل...ليش حرمتينا منهم....
تقرب بابا حضني
_ هدي يبعد ابوج هدي...
_ حجيت بعد ماوخرت من حضنه
باوعت لامي وحجيت
_ آني راح أروح ويه عمامي....
شهكت ...وباوعت لبابا....
ابتعد وحسيته انصدم بيه....ركضت لغرفتي ...أصلا محاجيه ولامقررة بس جذبة امي كسرتني ....مستحيل أكسر بكلب بابا المافد يوم فرقنا عن جهاله بالعكس كان قريب علينا اكثر من جهاله.....
فاتت امي ....وراها بابا....
_ انتي مستحيل تعوفيني ....اي مستحيل ....لنطيتهم ظهري
_ لتخافين ....مارايحة لمكان ...بس ردت احسسج بالخليتينا نعيشه آني وفهد...
تقربت ماما
_ لو سمحتو عوفوني الصدمات الي تلكتني بهالفترة كافية تخليني اتخبل بس لازم روحي بالكوة....عافوني طلعت موبايلي ونسيت أصلا هسه هو موجود...مع أنو توني تذكرت وفاته بس يمكن احتياجي الله كصديق نستني وفاته طلع موبايله مغلق نزلت دموعي
_ ليش مغلق ...مو تدري مالي غيرك احجيله مشاكلي وتعبي....جاوبني سيرو....
ذبيت الموبايل وخليت وجهي بين اديه ....
الصبح كعدت رأسي حيطك من الوجع ...
_ صبحت عليهم وكعدت .....لاهمه فتحو الموضوع ولاانيى...اخواني طلعووللجامعة وآني الدوام ووديت خواتي للمدرسة بطريقي
ومن كملت وطلعت انصدمت بوجوده....
_ خير رزگار طلعاتك كدامي صايره هوايه...
_ أريد من وكتج نص ساعة....
_ إذا تريد تحاجيني عندي بيت وتكدر تجي تترخص من بابا وتحاجيني وعفته كال
_ لعد ابن عمج مو ذاك اليوم كعدتي وياه وحدكم....
_ شي ميخصك ....قبل لاامشي كال
_ احلفي مجنتي معجبة بيه قبل لاسيروان يعترفلج....
اخذت نفس فعلا جنت معجبة بشكله حالي حال البنات بفترة المراهقة. .
_ اعتبره غباء .....ماكو وحدة تنعجب بواحد جان يكسر بكلبها بكل ثانية......_ جنتتت غبي ......
_ لاتجذب حتى بعد ماحبيتني على كولتك وورا خطوبتي ضليت تكسر
_ لان جنت ادري سيروان يعشقج جنت أريد اقهرج حتى ينقهر عليج من يشوف دموعج
_ جاوبته باستهزاء وهذا أكبر دليل أنو أنت محبيتني بوكت سيروان جان ينقهر وينكسر على قهري.
....هذا هو الحب
_ ضحك وجاوبني ...صح حبج لدرجة كلي ماتفيدك لان متعلمة على علاقات...متعلمة تخلي الواحد يوكع بحبها وبعدين تضربه بوري
فتحت عيوني مصدومة...
#يتبع
ان شاء الله باجر التكملة
للمعلومة كلام اهل أركان كردي وحتى براء وياهم تحجي كردي
وتأخرت بالبارت لان باقليم مبلشه الامتحانات الشهريه لاطفالي
ليال
بعد ماانقفل علينا الباب ....
ماكدرت اتقبله جذبته بعدها كاسره خاطري وكلبي شون ممكن الانسان يجذب بهالشكل
راد يتقرب مني
ابتعدت عنه اباوعله ببرود
_ دير بالك تتقرب مني ضياء
_ وكف بمكانه حاير شريد
_ أريد تحجيلي عن حياتك بالتفصيل يجوز وكتها اتقبلك
_ اخذ نفس يباوعلي بعتب ..مو حجيتلج مااريد بعد احجي بيها مهما كان جانت بيوم زوجتي...
ضحكت بصوت عالي بقهر طالع من كلبي
_ كتلي متريد تحجي بيها. ...تدري لو ماتدري هسه الناس شلون تباوعلي من عرفو مطلك....عبالهم آني لفيت عليك وخليتك طلكها وهو هذاا الصااار تنكر لو ماحبيتني جنت بعدك وياها
_ لااا كتلج مو انتي السبب ولج جبتها من بيت رجال غريب
_ جااانت وحدها ..
سكت يباوعلي
_ بيوم الجبتها لا جانت ويه امها بس....
قاطعته وآني اجر بالحجاب الي على رأسي
_ ماكوووو بس ماكو. صرت مثلها ...مثل الي خربت حياتنا ودمرتها ...الله لايوفقك خليتني أكون خرابة بييييت
تقدم هزني من اجتافي بقوةةة
_ كااافي كاافي ....ضيعتي فرحتي الي منتظرها من اربع سنين ....
_ دفعته أنت الكافي كتلك مااريدككك لحيت لحيت وخربت حياتي وخليتني اكره روووحي
ادري دااقسي عليه بس أريد افرغ القهر البداخلي والكلام السمعته والنشرتها مرت ابويه بيوم الزفة جانت كافية تذكرني بحياتنا الخربتها مرة ثانية ...
دفعني على كيف وطلع...
كعدت عالفراش الفارشينه بالكاع...
دموعي الماوكفت ريحة الدخان التوصلني منه...بقينا للفجر آني الدموع جانت صديقتي وهو الجكاير...
صلاة الفجر إذن كمت بدلت ولبست دشداشه عاديه وطلعت حتى اتوضى شفته منتجي عالحايط وحده من رجليه ثانيها والثانيه مادها ..ويضرب براسه على الحايط على كيف ....من طلعت باوعلي بنضراته الي بيوم جنت عاشقتها ومتيمة بيها ...ماهتميت فتت للحمام ....من انداريت فزيت لورا من شفته منتجي على باب الحمام...شبسرعة وصل هنا...
باوعلي من فوك لجوه ..
توضي ...حتى نصلي سوه...
مرت الايام ببرود تام بيني وبينه تقريبا شهر ....
بيوم رجع حيل منتهي ...ترددت اسئله اولا
آخر شي ماتحملت حالته وتقربت منه وسئلته
_ ضياء شبيك...
باوعلي وهو صافن بوجهي ...ابتسم باستهزاء
_ حيل يهمج حالتي يبعد ضياء
_ أكيد مهما جان أنت زوجي كدام الناس....
رجع ابتسم بقهر
_ كدام الناس ...بس؟؟ليالي وين تردين توصلين بهالجفاف....صدك اريد أعرف..
كعدت بصفه وبجيت
_ حتى اني مااعرف شريد ضياء....المفروض هالايام أحلى ايام حياتنا لان نحب بعض...بس مكسورة لان دمرت عائلتك وبسببي اهلك مقاطعيك...
لزم ايدي وباسها
_كتلج قبل واكررها ....انتي مو سبب آني طكت روحي من تحكمات ابويه وعدم احترامه الي كدام زوجتي وجهالي...منو يقبل ينضرب وينهان كدام أطفاله بسبب وحدة حقيرة ودور سحورة....
_مااعرف....اخاف أكون آني السبب
_الايام راح تثبتلج آني مظلوم مو ظالم ياليالي...
"""""""""""""
2014
براء
ماتفيدك لان متعلمة على علاقات...متعلمة تخلي الواحد يوكع بحبها وبعدين تضربه بوري
فتحت عيوني مصدومة...
مااصدك سيروان مستحيل يحجي هيج ..باوعت عليه باشمئزاز
_ وصلت بيك الحقارة والغيرة تحجي على واحد ميت وشهيد ....
_ ماتصدكين مووو ...تمام الحكيني لبيت عمة...
عافني بسرعة وآني الخوف والقلق انتشر بداخلي وعيت على روحي ...مستحيل سيروان يذمني مو عاد يحجي بشرفي...
صعدت ووصلنا لبيت عمة..
سيارته جانت واكفه آني امشي بطيء لان واعده بابا مااسوق سريع...هو مبين داخل
فتت على كيفي وآني أسمع صياحه وتهديد عمو يسكته...فزو عمو وعمة البنات ماكو...اشرلي رزگار افوت
_ تعاي براء تعاي ...ممصدكتني وهاي كدامكم ...والقران بيدي عمة احلفي عليها وكولي سيروان ماخرب خطوبتي ببراء
باوعت لعمة تباوعلي بدموع...
تقدمتلي ولزمت ايدي
_ فدوة سامحيه...ابني جان ميت بيج بيوم الشافج تباوعين لرزگار باعجاب اجاني متخبل ويبجي مثل الأطفال...يكولي حتضيع من ايدي شسوي يوم.... اني السبب و الله اني كتله هيك يحجي عليج حتى رزگار يكرهج....سامحيه لاتخلينه يتعذب بس لان جان يحبج تحجي وآني الصدمة شلتني ..
_ مستحيل عمه ..مستحيل سيروان يحجي عليه ..مو عاد يحجي بشرفي
_ فدوة يمه استروو عليه لاتحجون لاحد...سامحونه... اندارت لرزگار فدوة وليدي سامحه لاتخليه يتعذب بگبره ...
_ اسامحه من تصير براء الي
باوعتله بأعصاب
_ مستحيل ...آني مستحيل ماانسى كلامك السم ...
عفتهم وطلعت دموعي تنزل ....
أتذكر قبل روحت استشهاده قبلها ....طلب مني اسامحه ومن سئلته كلي خاف بيوم تعرفين آني ظالمج..بس اتأكدي لان ميت بيج ومستحيل اقبل تصيرين لغيري...
دخلت لبيتنا ....اجتني ماما
_ شبيج يمه..شنو هالدموع....
_ ماكو شي ماما...عفتها ودخلت لغرفتي قفلت الباب ...
خابرته ...
_ هلا ببنت العم
_ شهكت ...حجه بسرعة
_ براء شبيج منو وياج
جاوبته بقهر
_ الدنيا وياي ...كلما اصبر بروحي تصير شغله تكسرني وترجعني لنقطة الصفر
_ خير يبنت العم شصاير وياج....
_ ماكدرت انطي بي ..وقررت اسامحه مااريد يتعذب
لخاطري...هيج شغلة بالدوام ...
_ اي زين ..يمتى مقرره تجينا هالفترة مااكدر اخذ اجازة ....
عوفها العطلة راس السنة اجيكم...
مرت شهر بيوم من طلعت اتفاجأت بجية شاهين خلال هالفترة كولش تعلقت بي صرنا نسولف مثل اصدقاء او اخوة ...
ابتسمت ردلي بابتسامة
كعدنا ونسولف ونتعرف من ضمن الكلام سئلني
_ شنو مواصفات شريك احلامج...
_ راحت عليه بعد ...
_ مافهمت ليش ...
ابتسمت وجاوبته بقهر
_ لان ماالكى مثل سيروان ...تدري سيروان جان متخطي درجة الهيام وياي ....
_ زين شنو المواصفات يعني مواصفاته الله يرحمه
_ حباب ووفي وحنين وجان مصدر أماني ويحبني ...
_ زين إذا بيوم حبج واحد بس جان متزو ..قاطعته قبل لايكمل
_ مستحيل مستحيل مستحيل ..
ابتسم وهو رأسه.
خطر على بالي اسئله
_ شاهين...باوعلي منتظرني اسئل...هو يعني قصدي هو عرف بوجودنا...
فهم عليه وجاوبني
_ اي عرف...
_ وشنو ردة فعله...وهي هم
_ للأسف رافضين يتقبلوج....
_ حقهم...
نزلت رأسي ألعب بسير الجنطة
_ أكيد من راح يتعرفون عليج راح يحبوج
ابتسمت بعد مارفعت رأسي
ابتسم وصفن بوجهي
_ آني لازم اكوم...
_ باجر راح نلتقي ...
قاطعته
_ مااكدر باجر ورا الدوام أروح ازور سيروان....
تغير ملامح وجهه وسكت
تسالمنا من ردت اصعد شفت سيارة رزگار واكفه كدامي ..
ماهتميت كان متجتف ويباوعلي بغضب
وصلت لبيت بابا فتحلي اديه حضنته باس رأسي
_ شلون اميرتي الحلوة
_ بخير دامك أنت بخير يروحي
_ يعني سامحتيني
_ أنتو مستحيل اكدر اضل زعلانة منكم..
بابا قاضي ....وحيل مشغول قليل نشوفه لو بمكتبته الخاصة لو بمكتبة البيت...
تغدينا سوالف وضحك
وتقربت وكت روحي عمامي اتواصل ويه الكل ماعده عمو فلاح وعمو مهدي بالله عمو مهدي نكول بيها مجال لان زوجته جانت تصير اخت مرت ابويه...بس عمو فلاح ليش
عمو عبدالله وعبد الرحمان تعلقت بيهم لان روحهم حيل حلوة ....وعمو هادي دائما هو اليخابر ....بس بيبي مقبلت تحاجيني تكول الا تجين يلا احاجيج مااشبع منج بتلفون وماكدرت تجينا لان الطريق طويل...هي منتظره لقائي وشوفتي وآني متحمسة هوايه خليت بابا يقنع ماما حتى اروحلهم...بالاول رادت ادز اخواني ويايه بابا رفض كال اهلها والمفروض تروحلهم
_ يعني ادزها وحدها أركان بلكي اذوها
_ عدها عشيرة ولد عم وعمام مستحيل كلهم يطلعون موزينين بعدين بيبيتها موجودة الله يحفظها
بالطريق شاهين ويايه وعمو عبد الرحمن طبعا توه متزوج جان مسوي اضراب
وزوجته كل ساع ادك عليه
وهو مكضيها همس...وآني وشاهين نضحك عليه...
وشاهين تجيه مكالمات بس ينطي رفض ستغربت
آخر شي دك موبايل عمو...
انصدمت صدمة عمري من عمو كال
_ ولك ليش ماترد على حرمتك
كبل عيونه صارت عليه ..وآني اداركت نفسي وكبل سويت روحي عادي وحجيت بضحك
_ غريب كل هالفترة تجيني ماكلت متزوج
_ اي متزوج صار 3سنين ...بلعت غصتي وسكتت مااكول حبيته مستحيل يعتبر حب بس ماادري ليش كلبي يوجعني ...
درت وجهي وهو أبد ماحجه وغلس بس احس بنظراته عليه ماهتميت..بعد ساعات وتعب وصلت....
قبل لانوصل عمو خابرهم وكأل قريبين...
وصلنا واشوف بيوت تقريبا نفس الشكل والتصميم... آخر بيت من جهة اليسار شاهين دخله كلبي يدك حيل ...أعدل بفستاني ..آني مو محجبه بس لخاطر عاداتهم وعشاير لبستها ومالبست بناطيل
نزلت طلع عمو هادي بابتسامته الحلوة فتحلي أيده حضنته بقوة
_ نورتي بيتج يابنت ضياء
ابتعدت وضحكت بهدوء
_ منورة بيكم عمو...
لزم ايدي وفتنا ..أجا عمو عبدالله وحضني بقوة ....اني اكثر من مرتين اجوني عمامي الصغار...فانا للديوان شفت مرة كبيرة على كرسي متحرك من شفتها دمعت فتحتلي لديها
_ هلا بسورها وبنورها هلا ببنت الغايب الغالي ....
حضنتها بقوة ..
_ شونج بيبي...
_ هسه صرت زينه يبعد جدتج .... صارت تبوسني بكل وجهي ودموعنا تنزل ....رادت تبوس أيدي ماقبلت كعدت على ركبي ابوس بايدها واحضنها
_ هسه ارتاحيتو من التقيت بيكم بيبي
_ أروح فدوة لهالحكلك اليكول بيبي...شونج يبعد جدتج...متت عليج من كالو زلمتج استشهد
_ مسحت دموعي ...الله يرحمه..
_ امين يمه ويصبرج يروحي....
كمت بعد ماتقرب واحد آني شتيفتهم بالصور عمو نهدي...
_ نورت بويه...سلمت عليه
_ بنوركم عمو ...
وعمو فلاح من بعيد كال
_ هلا ....
_ بالمهلي عمو
كعدنا انصدمت من عمو فلاح كال
_ سويتها هادي جبتها
بيبي صاحت بي
_ شقصدك ولك فليح ...
_ يوم مو أدهم كال إذا جبتوها أنا اعوف البيت
_ خلي يولي شنو قابل نذب لحمنا....
نزلت دموعي من عرفت مايطيق حتى شوفتي
سمعت صوت صياح وسب
فاتت وحدة اعوذبالله سمره وحواجب تاتو اسود ومكياج طوخ مايليق بعمرها....
_ وينها ...وينها بنت بواكة الزلم ...كمت لحيلي
شافتني وخرزتني رادت تتهجم عليه عمو هادي وكف كدامي
_ رجعي من وين ماجيتي يامرت اخويه
فتحت عيوني مصدومة ...يعني متزوجة واحد من عمامي...
انداريت لبيبي...
_ متزوجة واحد من عمامي ...
باوعتلي مستغربة
_ لا يمه هاي حرمة ابوج الأولى
_ ليش هو مو مطلكها ...
_ لا وين ...بس تعتبر مطلكة لان سنين جان هاجرها..بلعت ريكي وسئلتها
_ يعني من بابا تزوج ماما ماجان مطلك..
_ لا عمت عيني من يوم الجدج طرده بعد ما شفته...
كلبي صار يوجعني معقولة ماما جانت تدري ووافقت تتزوجه....
باوعتلي وصاحت
_ اي اي تردون تكسروني فوك كسرة اخوك...
_ ام ادهم لاتخلينا نفضح المستور وحتى الجهال يعرفون منو انتي وشسويتي زمان
وصلني صوت شخص قوي
_ لخاطر وحدة تريد تفضح حرمة اخوك يعمي ....مامصدكة شفته
دمعت وآني أشوفه حيل يشبه بابا ...من الصور الشفته يم ماما نسخة من ملامح بابا نزلت دموعي مامصدكة تقدمت بلاوعي رفع أيده بوجهي
_ لاتضنين بيوم راح اتقبلج واعتبرج اختي أنا غير رؤى ماعندي لااخ ولااخت
رجعت لورا عمو خله أيده على جتفي
كل الكدرت انطقه
_ أني شنو ذنبي
صاحت امه
_ ذنبج بنت أمج الك... غمضت عيوني على اهانتها لماما...
رجعت باوعتله
_ من يوم الكبرت واني أدور وأريد التقي بيكم
ابتسم باستهزاء بس عيونه بيها نضره مافهمته وحجه
_ أكيد كل همج حصتج من الورث لاتخافين راح ننطيج حصتج وحصة اخوج شعجب ماجاي وياج... ماجاوبته بس اباوعله أريد اشبع من ملامح بابا
جر ايد امه وقبل لايطلع باوع لعمو وكأل
_ وهسه عرفت المن اختاريتو وفضلتو علينا عاشت ايدكم...
صاح عمو فلاح
_ كتلكم مراح يمر الوضع على خير ...
وهاي صار الليل وآني نايمة على رجل بيبي تحجيلي على بابا وشخصيته وعلى جدو وشكد جان قاسي عليهم ..
_ من مات جدج درينا ابوج هم توفى بس جنت ندري عنده ولد بعدين خالج كال صار عدهم بنيه هم وتزوجت أمج وما ندري عنهم ...شكد بجيت بيومها سنين وآني بحسرة شوفة ابوج ومالحكت أشوفه ...ونحرمت منكم ...
حضنتها وآني ابجي
_ وهاي اجيتج بيبي...
_ يبعد عيون بيبي...
خابرت ماما وبابا وطمنتهم اما فهد بعدني متزاعله وياه ومانتحاجه....
ثاني يوم طلعت شفت الكل كاعد عالسفرة
مرت عمو
عرفتني على بناتها ومرت شاهين ابنها باوعتلها حلوة بس تحسيها جامدة
بناتها أكبر مني متزوجات بس جايات حتى يشوفوني يعني مبينات حبابات عدها 3بنات
اكبرهن رنا
سلمو عليه ...
مرت شاهين اسمها سرى والعرفتها بنت عمو فلاح....
ورنا متزوجه اخو سرى المختصر ولاوحدة متزوجه غريب
كعدنا نتريك فاتو عمو عبدالله وعمو عبد الرحمن وعائلاتهم بعدني محافظة اساميهم...عمو عبدالله عده ولد اثنين صغار
ومثل ماكلت عمو عبد الرحمن توه متزوج ...
كملت ورحت غسلت وجهي انداريت شفت سرى واكفه تخزرني
تقربت مني
_ صدك نفس اخلاق أمج
عصبت عليها ورفعت اصبعي بوجهها
_ ديري بالج تحجين كلمة على امي
_ الي تتزوج متزوج وتخرب بيتها مااستغرب إذا بنتها عادت وسلكت نفس الطريق ردت اجاوب فزيت على صوت شاهين العالي ...
_ سرررررى
اغلبهم اجو عالصوت
حجه عمو هادي
_ شنو هالصوت بويه
صاحت سرى
_ جذذذب يعني مو جنت تكضي الليالي وأنت تسولف وياها
حجه عمو
_ أنا جنت ادري يحجون عيب عليج تتهمين بنت عمج الماصارلها يوم جايتننا وفوكاها تتهمين ابني شاهين
اجاني صوته
_ حقها تخاف على رجلها لان البنت أكيد نفس اخلاق الام
حجه عمو باستهزاء وجاوبه
_ معناها رؤى نفس اخلاق امك
خزر عمو وخزرني وطلع....
رادت تروح سرى وكفها عمو
_ اعتذري لبنت عمج
"""""""""
شكرا لزيارتكم عالم روايات سكيرهوم
