رواية العشق الوهمي الفصل الثاني
البنت جاتلها في الميعاد اللي اتفقت معاها عليه ،وبمجرد ما دخلت البيت فضلت تبص على كل حاجه حواليها بامبهار ،وده لأن الشقه كانت مساحتها كبيرة ومصممة على نظام الدوبليكس ،واثاثهاكان راقي جدا وتصميمها على احدث ،تراز .
قعدت وسيلا استقبلتها بحفاوة وبعد ما قدمت ليها واجب الضيافه بدأت كلامها باستفهام ،قوليلي انتي اشتغلتي قبل كدا في اي مكان؟. ،جنى بعملية ،اه يا مدام اشتغلت في كذا مكان وسبت الشغل لأسباب احب احتفظ بيها لنفسي ،سيلا بتعجب بس انا يهمني اعرف عشان اشوف يمكن يبقى عندي نفس الأسباب ومتوافقيش بيها ،جنى بهدوء ،حضرتك انا هحكم بنفسي ده طبعا لو شروطي ناسبت نظامك فسيبي المسألة دي لوقتها ،.
سيلا بابتسامة شكلك ذكية وجادية ومنظمة جدا في حياتك ومبتحبيش تسبقي الأحداث ،جنى بثبات فعلا انا ماشية بمقولة لكل حدث حديث ،المهم انا جاهزة اسمع حضرتك ،مع اني عادة انا مبرحش لحد في بيته غير لما نمضي العقد وبتفق على كل الشروط ،بس انا احترمت رغبة حضرتك في انك عايزة الاتفاق يبقى وش لوش وانا قلت مفيش مشكلة عادي هعديها بس المرة دي وهعمل استثناء مع أن ده عكس نظامي زي ما سبق وشرحتلك في الموبايل ،.
سيلا محبتش أسلوبها بس عدت الموضوع وقالت جواها عادي المهم شغلها يبقى كويس .
واتكلمت بتوضيح ،بصي انا قلت الفون مشهنعرف ناخد وندي فيه ولما بتتكلمي وش لوش المناقشة بتكون افضل وبتقدري توصلي وجهة نظرك صح ،ويا ستي باذن الله نرتاح في التعامل سوى وتفضلي معانا على طول، .
جنى بعملية اوكي واديني ادامك اهو ومستعدة لإجابة اي سؤال هتطرحيه وزي ما قلت ياريت مانسبقش الأحداث ونمشي الموضوع واحدة واحدة ،سيلا بابتسامة ،مبدايا انتي هتقعدي معانا طول اليوم وهتباتي كمان ،جنى بعملية ماشي بس خليني افهم منك شويا تفاصيل عشان احدد مهمتي هتبقى ايه بالضبط ،.
سيلا ابتسمت وانا هجاوبك اتفضلي ،جنى باستفهام ،حضرتك بتشتغلي كام ساعة؟. ،سيلا باستغراب ليه بتسالي؟. ،جنى بتوضيح عشان اعرف شغلي هينتهي امتا ،سيلا بس انا مشحابة تلتزمي بعدد ساعات معينة وده ببساطة لأن شغلك هيبقى طول الوقت بمعنى اني ممكن اتاخر برى فهيكون المطلوب منك انك تخلي بالك من البيت معظم اليوم ،جنى باستفهام طيب عندك اولاد اد ايه؟. وايه سنهم؟. ،سيلا ابتسمت عندي تلاتة ،ريناد وزياد واياد ١٤ سنة و٨ سنين وسنتين ،.
جنى بتفكير اه يبقى مؤكد هتحتاجيني في المذاكرة والواجب وكدا صح ،سيلا بهدوء ، ايوا ومش بس كدا ده انتي كمان هتوديهم التمارين في غيابي وهتاكليهم باختصار هسيبلك مسؤوليتهم بشكل كامل في غيابي ،.
جنى بتفهم اوكي بس انا كدا مرتبي هيكون عالي لاني هشيل البيت كله ومعاه الولاد فأعتقد أن لازم يكون في مقابل مادي مناسب ،سيلا ،متقلقيش هديكي اللي هتطلبيه بس اسمع الاول المبلغ،ج.
نى بعملية ،طيب انا هوضحلك شروطي ،.
اولا انا عايزة أوضة كبيرة بحمام لوحدي ويبقى فيها شاشة وتكييف عشان الحر وعايزة مكتب ومكان عشان احط فيه متعلقاتي ويكون في لابتوب عشان انا بحب احط عليه كل اللي انا عايزاه ،كمان هتوفري ليا مكان هادي زي خلوة عشان اصفي ذهني فيه ،وده لاني بحب ارسم وبردو ده هيخليكي بشكل بديهي تجيبيلي ادوات رسم من براند معينة انا هقولك عليها ،ماهو انا ليا هوايات كتير والرسم من أهمهم ،،وهيكون ليا يوم إجازة اعمل فيه اللي انا بحبه وبردو من حقي يبقى ليا إجازة في الصيف للاستجمام وتكون مدفوعة الأجر طبعا ،ده غير اجازات الاعياد والعطلات الرسمية اكيد ،.
نيجي للأدوية واللبس ده هيبقى عليكي ولو تعبت لا قدر الله هيكون من حقي أتلقى الكشف في مستشفى خاص زيي زيكو بالظبط ،ونقطة مهمة جدا حابة ابلغك بيها ،.
انا هحتاج لمساعدة تيجي تروق البيت معايا من فوق لتحت على الأقل مرتين في الشهر ،وانا حسب كلامك ليا في الفون أن في بنت بتيجي تعمل كدا كل شويا ،ماهو انا مش هقدر اعمل كل ده لوحدي ،.
وحاجه أخيرة عشان اسيب حضرتك تعقبي على كلامي كله مرة واحده ،انا لما هنام مشبحب اي حاجه تقلق نومي ،يعني مش الاقي حد يصحيني عشان ياكل مثلا مع اني مجهزة اكل ويادوب على التسخين ،لا مبحبش كدا ،انا إنسانة ومن حقي ارتاح واخد كفايتي من النوم ،زمن العبيد والشغالين اللي كانو بينامو في المطبخ وسط الحلل على البلاط في عز التلج ونظام أنهم ياكلو الباقي وميكنش مسموح لهم يلمسو الاكل غير لما صحاب البيت يخلصوا ده مشي وانتهى من سنين ،انا قلت كل طلباتي ومن حقك حاليا يا تقبلي بيها يا اما ترفضي ،.
سيلا كانت مصدومة من اللي بيتقال واتكلمت بذهول ،مش واخدة بالك أن شروطك دي مبالغ فيها شويا؟.
،جنى ببساطة لا دي عادية لمهمة صعبة زي دي ،انا عشان اعرف اقوم بواجباتي تجاه البيت والولاد لازم ابقى مرتاحة وبعمل اللي بحبه وبنام في مكان كويس عشان اكون بكامل تركيزي معاهم ،.
سيلا بغيظ ماشي موافقة على كل شروطك يا جنى ،ومشهعقب على اي كلام قلتيه وهنفذلك كل طلباتك ،بس اتمنى زي ما بتطلبي حقك تديني كامل حقوقي ومشفش غلطة ولا الاقي اي تقصير في شغلك ،.
جنى بثقة وانا هثبتلك بمرور الوقت أن مفيش زيي نهائي ،سيلا باستفهام طب عايزة كام في الشهر ،جنى بتعالي يعني أعتقد أن ١٥ الف جنيه هيكون مقابل مناسب ،سيلا بصدمة كام انتي اكيد بتهزري؟". ،يعني برغم كل الامتيازات اللي انتي بتطالبي بيها كمان عايزة تاخدي مبلغ ضخم زي ده! ،.
جنى باستغراب لا طبعا ده مبلغ بخس اصاد اللي هعمله ،بعدين حضرتك اكيد سألتي ووصلك أن معظم الشغالات في مصر دلوقتي بيقبضو بالعملة الصعبة ومشبس من دلوقتي ده من زمان جدا فشوفي لو كنتي جبتي بنت فلبينية ولا اكرانية أو غيرهم هيكلفوكي اد ايه ،.
سيلا بنفاذ صبر ماشي موافقة في اي شروط تانية ،جنى بهدوء لا كدا تمام ،.
طلعت العقد وخلتها بصت فيه ومضته ،وراحت فرجتها على البيت وعرفتها على العيال وسيلا كانت حاسة أنها اخيرا هتشتغل في هدوء ومن غير أي ضغوطات ،وراحت شغلها في نفس اليوم من غير ما تفكر تراقب البنت دي وتشوف أفعالها وهل هي دي اللي هتامنها على عيالها ولا لا 🤩.،
سليم اتفاجء بوجود حد غريب مع ولاده وسأل باستغراب ،ريناد مين هنا؟.،رينو ابتسمت دي جنى الشغالة الجديدة يا بابا وقالت بحماس تعال اعرفك عليها هي بتجهز الاكل وروقت البيت وعملت كل شيء ،سليم لنفسه ،معقول نفذتي اللي في دماغك بالسرعة دي يا سيلا ،يلا خلينا نتفرج على اختيارات الهانم ونشوف ،ابتسم بتكلف عشان بنته وقال بهدوء ،حبيبتي هغير هدومي لحد ما ترص السفرة وهاجي ناكل سوى ،ريناد باماءة اوك بس على فكرة شكلها شاطرة جدا دي خلصت كل شغل البيت في وقت قليل جدا وهي يادوب جات على الساعة ١٠ بس ،سليم باستغراب هي ماما مكنتش موجودة لما جات ،ريناد ابتسمت لا كانت هنا وقعدت معاها ومضت العقد وشرحت ليها كل حاجه وعرفتنا عليها وراحت شغلها ،سليم باستفسار طب متعرفيش ايه نظامها هتقعد ولا هتمشي هتاخد فلوس اد ايه كدا يعني ،.
رينو بعدم معرفه ،لا مسمعتش هما اتفقوا على ايه تحديدا ،لكن اللي هي قالته ليا أنها هتبات هنا على طول ،.
سليم بتنهيدة ماشي ياقلبي خلينا نتفق على حاجه مهمة جدا ،عايزك لو صدر منها اي تصرف ضايقك انتي وأخواتك اوعي تسكتي أو تخبي عني ،ولو حاسيتي أنها وحشة ومشقادرة تتقبليها لازم تقوليلي فورا ،من الاخر راقبيها كويس جدا وعينك تكون عليها في كل مكان ،دي بقت محسوبة علينا ومشعايزين نقع بسببها في مشاكل احنا في غنى عنها طالما مامتك عاجبها الوضع ده ،.
ريناد بموافقة حاضر متقلقش انا عمري ما بتهاون في حقي ابدا ما حضرتك عارف مبحبش حد يبصلي بصة متعجبنيش حتى ،فمن الناحية دي كون مطمن ،.
سليم بضيق ماشي روحي ومتسيبيش اياد لوحده معاها لحد ما نشوف هي محل ثقة ولا لا ،ريناد بضحك حاضر هحطها تحت الاختبار لحد ما تثبت لينا حسن سير وسلوك ،سليم بمرح ماشي يا لميضة هانم بطلي مشاكسة وسيبيني اشوف هعمل ايه ،.
رينو راحت حضنته وقالت بحب ،ربنا يديمك في حياتنا نعمة يا اجمل اب في الدنيا ،سليم ضمها اوي واتكلم بحنان حبيبتي ربنا يقدري دايما واسعدكو لاني انا عايش بس ليكو ،.
نزلها وهي راحت وشافت جنى خلصت رص الاكل وقالت بابتسامة ،ها ايه رايك في الشكل العام وتنسيق الاكل ؟.،رينو بإعجاب ،واو تحفة اوي وانا نفسي انفتحت وحاسة اني هاكل كل الأصناف لوحدي ،جنى بهدوء يارب الطعم نفسه ينول استحسانكم يا قمر ،وكملت بتساؤل هو بباكي بياكل دلوقتي ولا عنده تقوص معينة؟. رينو بتوضيح لا هو بمجرد ما بنرجع كلنا من برى بناكل عادي ،هو هيغير وهيصلي العصر بما أنه إذن وهينضم لينا على طول ،جنى بدهشة بس مامتك مش هنا هتاكلو من غيرها ،رينو بزعل لا ماما من اول ما اشتغلت بقت قليل جدا لو اجتمعت معانا وقت أي وجبة ،.
جنى معلقتش وكملت اللي بتعمله واستنت يجي وهي قعدت تاكل اياد بهدوء.ولما دخل يغير لمح العقد محطوط على الكومود ،فضوله خلاه يفتحه واتصدم لما قرء الشروط اللي فيه ،.
رماه مكانه بعنف وقال بتهكم ،ما شاء الله دي كان ناقص تورث معانا في البيت ،بس العيب مش عليها دي لقت واحدة مغفلة قالت اقلبها واستفيد منها ماهي محتاجة ليا بقى ،.
اخد نفس طويل وحاول يهدى وخرج يقعد مع ولاده اللي كانو مستنيينه ،ابتسم غصب عنه وسأل بنته عن اياد فردت بهدوء ،نام يا بابا بعد ما جنى أكلته ،.
هز دماغه من سكات وبدء ياكل وحس أن الأصناف طعمها حلو اوي واستغرب أنها عاملة اكلاتهم اللي بيحبوها ،وبص لقاها جاية ومعاها طبق حطته وقالت بترحيب ،اهلا بحضرتك يا فندم انا جنى المساعدة الجديدة للاولاد ،وكمان مدبرة المنزل ،سليم رد باقتضاب اهلا ،كمل بتساؤل ايه الطبق ده؟.* ،جنى بابتسامة دي كوسة هتعجبكم جدا ،زياد بنفور بس احنا مشبنحبها خالص ،رينو بتأكيد ايوا ماما كانت بتفضل تتحايل علينا نأكلها مش كنا بنرضى ابدا ،.
جنى قعدت وبدءت تغرف ليهم وقالت بثقة ،انا عملتها بطريقة مختلفه واوعدكو انكو مش هتندمو لو دقتوها ،بصت ليهم باستفهام وقالت بمرح ها مستعدين تجربو؟."
،بصو لبعض ورينو اول واحدة اخدت معلقة واتفاجءت أن طعمها يجنن ،وزياد عمل نفس الشيء واكلو طبقهم كله ،سليم كان ساكت تماما وبياكل ومركز في طبقه وبس ،رفع عيونه لما جنى سالته بفضول ،هو حضرتك مش هتاكل الكوسة. ،رد بجمود اظن انا مش اعمى واصادي كل حاجه فلو حابب اكلة معينة همد ايدي فورا ومشمحتاج للشو بتاعك ده ،كمل وهو قايم ياريت تخليكي مع الولاد وتركزي في اهتماماتهم وبس ،.
انا داخل المكتب وخلي ريناد هي اللي تجيب ليا القهوة مفهوم ،جنى بحرج مفهوم يا فندم واسفة لو أزعجت حضرتك ،ماردش عليها ومشي وهو بيلعن في غباء مراته اللي أجبرته على وضع مخزي زي ده ،.
ريناد قالت بتهوين مش تزعلي من بابا يا جنى يمكن زعلان من حاجه وطلع غضبه عليكي ،جنى ابتسمت بتفهم محصلش حاجه ياقلبي ،يلا روحي اجهزي عشان نروح التمرين ،بس خليني أشيل الاطباق واظبط الدنيا عشان اعمل قهوة زي ما الباش مهندس طلب ،بعدها عملت طبق حلويات ودخلته لما خبطت وسليم إذن ليها تدخل ،.
وبمجرد ما شافها زعق وقال بغضب مش انا قلت ريناد هي اللي تيجي مش انتي؟.
،ابتسمت بحرج ماهي بتلبس عشان اتاخرت و وراها مواعيد كتير ولازم نتحرك ،.
سكت شويا وقال بغيظ ماشي حطيه هنا ،وبص باستغراب ،ايه ده انا ماليش في الحلو بعد الغدا ،
جنى بهدوء تمام حضرتك انا هشيله حاضر ،سليم حس أنه احرجها لتاني مرة ،فقال بثبات خلاص سيبيه واتفضلي دلوقتي ،خرجت بهدوء وهو بعد شويا لقى نفسه بياكل من الحلو وحس أنه لذيذ ونفسها فيه جميل ،
اما جنى فاخدت الولاد وخلصت كل مشاويرهم ولما رجعت ذاكرت ليهم ولعبت اياد وعملت ليهم مسليات وفضلو يهزرو معاها ،سليم كان نايم وصحي على صوت دوشتهم وللحظة افتكر أن سيلا مع ولادهم والدفا اللي في البيت ده هي سببه ،
ضحك بسخرية وقال بوجع فوق يا سليم ،الهانم في اجتماعاتها والبيزنس الخاص بيها واحنا ولا على بالها ،اتنهد وقرر أنه يخرج يشوف ولاده بيعملوا ايه 🤩،
سيلا رجعت متأخرة كالعادة ولقت العيال نايمين ،ارتاحت عشان هي مشقادرة ترد على اسئلتهم وطلباتهم اللي ما بتخلصش ،جنى حست بيها فقررت تخرج تشوفها محتاجة لايه تعملو ليها ،
كمان عشان تحكيلها عن اول يوم قضته مع الولاد ،.
،سيلا باستغراب ايه مصحيكي لحد دلوقتي!". ،
جنى بعملية عشان مستنية حضرتك ،سيلا بارهاق ،طب انا هدخل انام عشان مش شايفه اصادي من التعب ،جنى باستفهام هو حضرتك مشهتتعشي ،ولا هتاخدي مني تقرير مفصل عن اليوم؟ ،.
سيلا بزهق مش كفاية تقارير في الشغل هيبقى في البيت كمان ،بعدين انا واثقة فيكي اعملي اللي تشوفيه مناسب ،
قامت وهي بتكمل بتوضيح ،انا جبتك مخصوص لاني عايزة أشيل مسؤوليات كتير من فوق دماغي عشان لازم اركز في اني ازاي ابني اسمي وسط حيتان السوق ،
فمن فضلك قومي بمهامك من غير ما تزعجيني ،وكملت بتذكر ،اه انا اتعشيت وعايزاكي تاخدي على كدا ولو اتاخرت في اي وقت نامي طالما الولاد نامو ،
انا بعت لك كل حاجة تخص الولاد من أكل لشرب لعادات يومية بشكل تفصيلي ،حتى كل شيء يخص سليم بردو عرفتهولك ،
جنى بثبات اه شفت كل حاجه حضرتك ،وبكلامك ده وضحتيلي نقاط كتيرة ،سيلا باختصار تمام ولو وقفت معاكي حاجه بلغيني تصبحي على خير ،دخلت اوضتها واتفاجءت بسليم لسه صاحي ،اتنهدت بغيظ عشان عارفه طالما مستنيها يبقى هيتكلم وهي تعبانة وعايزة ترتاح ،رمت السلام ببرود معتاد منها واختفت في الدريسينج تغير بعدها اخدت شاور وقربت منه بتحفظ ،
اتوترت لما فضل يبصلها كتير من غير كلام ،حاولت تبتسم وقالت باستفهام ،ايه مصحيك لغاية دلوقتي ؟،
سليم بذهول وانا من امتا غمضلي جفن وانتي برا ،كمل بتهكم تفتكري اصلا في راجل محترم يجيه نوم وهو مايعرفش مراته فين وبتعمل ايه ،
بصتله بتحفز وردت بهجوم يعني ايه اللي بتقوله ده ،انا مسمحش ليك تكلمني بالطريقة دي ،بعدين انا عرفتك الف مرة اني دي طبيعة شغلي فعادي ارجع متأخر ،وان كنت بجبر نفسي ارجع قبل كدا بدري رغم كل التراكمات اللي بسيبها في المكتب ،فخلاص ده كان وضع وانتهى ،جنى هتريحني ومشهحس اصلا اني شايلة هم حاجه في البيت ،
ضحك ورد باستفهام ،اه البنت اللي كان ناقص تكتبي ليها قطعة أرض من عندك صح ،
بصتله باستفزاز ،وقالت ببجاحة ،بغض النظر عن سخريتك فعشان اشتري دماغي واروق بالي من قرف العيال وهمهم كنت مستعدة اعمل كدا لو حكمت الظروف ،
كفاية اني مشهشوف نظرات اتهام في عينك عشان تقصيري معاك ومعاهم ،
سليم مكانش مصدق ودانه ،معقول دي ام وبتحس ،يااه اد ايه هي مستغنية عن ولادها اوي كدا ،
مكانش قادر يرد عليها بس حاول يجيب آخرها في الجحود وجمود القلب ،اخد نفس طويل وقال بذهول للدرجة دي انا والولاد عبء تقيل وماصدقتي تخلصي منه ،
ردت باستنكار ياريت بلاش المفردات العميقة دي واللي بيها هتفتكر انك بتبتزني عاطفيا ،
كل الموضوع اني عايزة ابني شأن ليا واحقق اللي بحلم بيه ،
وعشان يحصل كدا لازم حد يساعدني ،سليم بغموض ،طب انا لو محتاجلك اعمل ايه ،ها لو عايز اتكلم معاكي واقضي وقت طبيعي في بيتي مع مراتي اتصرف ازاي؟ ،
كمل باستهزاء طالما عندك حل لكل مشكلة اتمنى تعرفيني ايه الحل من وجهة نظرك ،سيلا سكتت شويا وقالت بغيظ مكتوم ،احم اكيد انا هسمعك وهقعد معاك زي ما تحب طبعا ،
بصلها بتحدي وقرب منها وقال بسخرية ،ماشي انا هصدقك طب انا حابب نسهر سوى انهارده عشان مش فاكر صراحة اخر مرة قضينا لحظات مع بعض كان امتا ، ها قلتي ايه؟ ،
سيلا اتوترت جدا ومكانتش قادرة تخرج من الموقف ده ازاي ،هي مشفايقه للكلام ده خالص وهتموت من التعب ،حاولت ترد بثبات ،انا عندي شغل كتير واجتماع مهم بدري فلازم انام حالا ،بصتله بنفور واعتقد انك مشهتحب ابقى معاك غصب عني ،
سليم بصدمة كسرت كبرياءه بس حاول يتكلم ببرود ،شوفتي ده اكبر إثبات انك استغنيتي عني وبمنتهى السهولة ،مسك كتفها وبصلها بغضب اعمى ،اقسم بالله انا بقيت بقرف منك ومشطايق ابص في وشك ،اوعي تفتكري اني ميت عليكي لا يا هانم ،ده كان مجرد اختبار عشان اقنع قلبي اللي بيعشقك انك قاسية وبقيتي متبلدة المشاعر من زمان. ،بقيتي مجرد آلة مبرمجة وبس ،كمل بزعيق ،الست اللي تقول كل اللي سمعته عن ولادها ومترضاش تعرف حاجه عنهم لواحدة بتشتغل عندها مستحيل تكون ام ولا حتى زوجة محترمةانا حذرتك بدل المرة الف انك بدءتي تدقي اول مسمار في نعش علاقتنا من اول ما قررتي تشتغلي ،بعدين انا مشقاصد ابتزك عاطفيا ولا حاجه انا بس معرفتش اعبر عن استياءي من تصرفاتك ،وصدقيني كل رد أو كلمة بتقوليها بيزيد اشمئزازي منك اكتر واكتر ،.
اخد نفس طويل وكمل بوجع ،اتفضلي نامي واسف اني سهرتك. ،بس عايز اقولك على حاجه مهمة ،.
بصلها اوي وقال بتحذير ،خلي بالك انك باللي بتعمليه ده بتخسري ولادك بالتدريج وهتشوفي ،بس ساعتها متبقيش تدوري عليهم عشان مشهتلاقيهم ،ببساطة هتشوفيهم غرب عنك وهما هينسو انك امهم ،.
سيلا بمكابرة وانفعال ،انت بتقول اي كلام ،انا بحب ولادي وهما مستحيل هيستغنو عني ابدا ده في خيالك لو اللي بتقوله حصل ،بصتله بعدائية وكملت بجمود ،براحتك ماتبصش في وشي ولا تتحملني ،قربت منه وهمست بثقة لكن انا ساكنة في قلبك وصورتي مرسومة في عيونك ،.
ضحكت بغرور ،انت مهما قلت اني بقيت مشفارقة معاك فمشهصدقك ،عشان عشقك ليا بيبان في كل نظرة وهمسة ولمسة منك. ،،روحك متعلقة بيا يا سليم وماتقدرش تستغنى عني ،كملت بتحدي ،انا مشهخسر اي حاجه في الدنيا وهفكرك ،هكبر في شغلي وولادي هيقدرو ده ،وانت هتفضل تستناني مهما غبت وهرجع الاقيك. ،.
حط الجملة دي في دماغك ،.
سليم بقوة وكبرياء رغم قهره منها ،،عاجبني ثقتك في نفسك اوي وبحييكي عليها صراحة ،بعد عنها وقال باحتقار ،انا حقيقي عاجز عن الرد عليكي ،بس هحتفظ بالمناقشة دي جوى دماغي عشان لما تلف الايام اقعد اصادك بس مع اختلاف المشاعر ومش بنفس الظروف. ،وقتها عايز اشوف هتكوني فين وانا هيبقى وضعي ايه ،.
طفى النور وقرر من اليوم ده ماينمش جنبها في سرير واحد ،.
اتصدمت ومعرفتش تساله بيعمل ايه ،.
لما دخل جاب مخدة وغطى وفرد الكنبة اللي بقت شبه السرير ونام بس دماغه فضلت صاحية وغصب عنه اتمنى تعتذر أو تيجي تسأله ليه بعدت ،.
تقوله أن ده شيطان وهتستعيذ منه وأنها هتسيب الدنيا عشانه ،تقوله انها بتحب عشقه ليها ومشبتتغر بيه عليه ،.
صعبت عليه نفسه لما بص تجاهها ولقاها نامت بكل برود ،.
سيلا لما لقته بعد شافت أنه عمل كدا عشان زعل من أسلوبها ،.
وقالت لنفسها بكبرياء ،هو مشهيبعد عني كتير ،ده مابينمش غير لما يطمن اني رجعت ،شويا وهيجي مكانه اكيد ،كبري دماغك هو بيضغط عليكي عشان ترضخي لأوامره ،وزي ما ليلى قالت هو غيران مني وعايز ينفيني مع ولاده هنا وهو يكبر في شغله اكتر ،بس ده بعده ونجوم السما أقرب ليه من اللي بيفكر فيه ده ،.
ومن اللحظة دي الفجوة بينهم بدءت تكبر ،لدرجة أن سليم قطع كلام معاها نهائي ،ده طبعا لو شافها صدفة ،لانه بمجرد ما بيعرف أنها جات بيغمض عينه في ثانية ،.
ده حتى يوم الإجازة بقت بتشتغل فيه ،.
علاقتها بالولاد أصبحت فاترة جدا وده بسبب تصرفاتها معاهم.
