رواية أرض الخناجر الفصل التاسع والعشرون بقلم ايلول
وداعة عيونج الاعزها ،
يومية اكتب رسالة وما ادزها ...
══━━━━✥◈✥━━━━══
رنـــه :: من الفزه وصدمتي رجعت ليوره حيل. طحت من گن الدجاج للگاع نربدن ضلوعي وهوه نزل من البلوكه ويغلط ويصيح تسودنت، من حرگت گـــلبي حتى الحجي ما يجي بلساني اريد اغلط كل الغلطات دفعفه وحده رهم مايبرد گـــلبي يصيح
-اررربيج اشك حلكج لو شفتج ماددده راسج.
وانه لطمت على رجليَّه ارجف واصيح
-انتَ تربينييييي انعل والديك اليوممم.
واكوم من الگاع ما اشوفن گدامي حيل محترك گـــلبي اريد اكضه املخه ادور مناه ومناه بحرگه بيش اطكه واصيح
-مچلووووب ولك مچلوووب ابن الروسيه ابن الشااارد
والله اخلي طــروادة يشگگ بالنصصص.
بريا:: سددددي حلكج.
هوه صيح وانه دنكت للگاع طابوكه كامله صفره شلتها كاضتها بأثنين اديه شمرتها بره السياج عليه ما طكته لا اشوفه ولا يشوفني واسمع جدي يصيح عليه
شعلان:: طبب اكتلهااا ولك طب اكتلهاااا.
وبريا صيح بصوت عالي
بريا:: ختووولي زعطووطه مسوددنه.
وانه افتر اريدن اشك هدومي يغلط عليَّ وانه ما مسويتله شيي ودنكت للگاع يم حافة السياج مخلين حجار صغار مثبتين بيه السياج واشيلن منهن بأثنين مثل المسودنه اشيل واشمر بلا ما اشوفن واغلط واسب واسمع غلط جدي وشلون يگله طب اكتلهاا
ماخليت شي يمي ماشمرته الحجارر وجدر مخسف جان طــروادة يخلي بيه نفط ، ونعالي وقرأة حسين.
وافتر افتر نار مشتعله بگلبي شلون اسويله لفات ويغلط عليَّ ازوعه اللفه اليوم
-ووولك تغلططط عليَّ ابن الرووووسيه المخطووووف المچلوووب تغلط علي اموووتك والله امووتك.
-اسكتي اسكتي ولج اسكتي.
شعلان:: كوووونك زلمه طب اكتلهااا، طب اكتلها لا اروحن اناا اكسر ظهرها كسر.
بريا:: مالك غرض انتَ هيه زعطوطه يجي طــروادة واخليه يربيهاا.
اسمعهم وافور افوور جدي يغلط عليه وانه بس اتمناه بين اديه الا اعضه من رگبته واكطعه هزيت السياج حيل اصيح
-تعاااال تعال طكني بله تعااال فنك الا اشگگ شگ وبوفاضل ابطك بط، اسوويلك لفاااات من امدااااني امددداني كون مسويه حررريشي.
وهوه يغلط ويعلي صوته حيل يضيع صوتي يخليني انشال وانرگع لطمت على رجليَّه
-تغلط عليَّ وانه البچيت عليك ؟؟؟؟
من عمت عيووومي اي والله شمالني بچيت شمااالني ابجي على الخايسين.
-ولج بس اسكتي ... نجبيييي وتأدبي لا اموووتج.
شعلان:: خنيث خايف من طــروادة كونك زلمه جا طبيت كسرت ظهرها.
اسمعلهم واشيط أعض باصبعي، واسمع بريا يگل الجدي ببرود
بريا:: اي اخافن من طــروادة، بيرغ عراضتنا ياهو مايخاف منه؟ حتى انتَ تخاف.
وجدي تسودن يغلط ويريد يطك بريا ركضت الهاسكي جريته من اذانه احجي بحرگه
-امشيييي اذا ما عضيتهم اثنينهم يكون اطيك عشااا اليوم
وركضت لباب الحوش فتحته اله طلع يركض عليهم شعلان توه وصل بريا طگاه على زنوده بالعوجيه وشافوا هاسكي بعده ما واصلهم وطلعوا عبود وسجاد وسليم من بيت عمي شاكر عبود بساع صاح على هاسكي ماخلاه يوصلهم وانه انشال وانرگع شعوط گـــلبي ردت هاسكي يعضهم بلكن يبرد گـــلبي
جدي يطك بريا وبريا مايرده بس يضحك، ســليم حماه وجدي يصيح يغلط ويهين ببريا ودار على عبود گاله.
شعلان:: انتَ زلمه مووش اغم مثل اخوك كض اختك وچويها زززين كوّن تتربى، انا ماعدي بنات يعلى صوتهن ابتر لسونتهن.
أعاين واتمنى بس اطلع حتى اردن عليهم ضليت ارجف واحس بوجهي وجسمي مشتعل نارر ورغم الجو مو حار گمت احسه يچوي، وعبود تسودن صيح.
عبود:: أخوي زلمه كلف مو اغم، اكص السانه اليحجي عليه، متربااايات اخواتي متربايات غصباً على اكبر شارب.
كضيت گـــلبي بأيدي خفت عليه من جدي راد يطكه وعبود يحب جدي يصيح بوجهه
عبود:: لا تغلط على طــروادة بعد لا تغلططط.
ســليم وبريا كاضينه وجدي شال ايده يريد يطكه وسجاد وگف بينهم خازره وحجه بهدوء
سجاد:: تطك عبود؟ جا غير ارميك وخو زينب غير هسه اكتلك بمچانك.
ثواني وگبت الهوسه والتموا أعمامي وبريا يصيح
-انا غلطت عليها انا مسودن وضليت انعل بيها.
وعبود دار عليه يريد يكتله مشيت جوه عركانه حييل وگلبي مدري شبيه غلط وصياح، سجاد وسليم جابوا عبود يدفعون بيه للحوش وهذولاك اخذوا جدّي وولوا، عبود حتى ما طب يمي وسجاد بس شافه حاط ايده على گلبه گاله أخذلك للمستشفى وهوه من الحوش صاح علي
-لا تخافين مابيه شي هسه اجي.
وانه وضعي كله تخربط بس كاعده وارجف والعرك احسه يصب
وحلكي ناشف وعيوني يغوشن صحت على حسين وزهره جابولي ماي بارد شربت وبديته على صدري وغسلت وجهي بس اريد ابرد وحسين يكض بوجهي ويگلي
حسين:: صرتي حمره.
زهره:: لا صفره صفره.
حسين:: اجيبلج جهاز السكر؟
هزيت راسي لا يا سكر يا دنيا هسه بس اتمنى انبش بطن بريا واخذ فوائد اللفات الاكلهن، واتمنى الگط دموعي الطاحن من بچيت عليه وأردهن لعيوني.
حسين وزهره يفترون عليَّ خايفين وانه راسي خوه وكل ساعه اعض اصبعي شلون هيج انه ما مسويتله شي وزينه وياه واطيته لفه وهوه بدون سبب غلط عليَّ، غميت كصتي حييل
امدااااني ما طكيته وفشخته امدددداني ماخليت دمه بطوله.
نزلت دمعتي ومسحتها بسااع يابس حلكي ركضوا زهره وحسين للباب من سمعوا صوت سيارة وانه على گعدتي ولا بيه اگوم، تمنيت محد يحجي لطرواده خفت ينقهر من عدّي، طب للبيت واسمعهم اثنينهم يرطنون عليه بثواني حجوله الاكو والماكو اجه يركض بخوف وبس شافني كاعده بالگاع صحت
-مابيه شي.
شمر العلاليك من ايده وكعد كدامي خايف يكض بوجهي
-شبيجج رنـــه عاينــي شبيج؟ قستي السكررر؟
هزيت راسي لا وهوه عصب جر ايدي صاح على حسين جابله جهاز السكر غمضت عيني بوجع گبل لا نغزة الأبره توصلني عصر إصبعي حيل اخذ دم للجهاز، يعاين للجهاز وايده تمسح بوجهي فتح عينه حيل بس شاف النتيجة وگام بساع للحبوب
-غبيييه انتِ؟ من شفتي روحج متخربطه غير تقيسينه معلللك!
طك حبايه من الشريط وبساع جابها هيه وكلاص ماي بعصبيه يشربني شربتها وبچيت وهوه يصيح محترك گلبه
-تردين تمووووتين؟ تاكلين حلويات انتِ حاجيني كليلي تاكلين حلويات؟
هزيت راسي لا امسح بدموعي يفتر بعصبيه كدامي خابر على سجاد يسأل على عبود طمنه عليه لميت رجلي الصدري ساكته وهوه على اعصابه ساكت ادري بيه يريد يسأل ويحاسب بس انصدم بيه من لگاني متخربطه.
طلع ليمونه من الثلاجة كصاها بالنص وعصرها على نص كلاص ماي مداها الي
-اشرربيه.
اخذتها من ايده مسحت عيوني وشربتها عفت الكلاص يمي شاله من يمي غسله وخله بيه ماي مداه الي
-اشربي حتى ينزل السكر.
-انترست بطني بعد ما اگدر.
-ميخالف خليه يمج شويه شويه اشربي.
شربت شويه منه ساكته طب الغرفته بدل ورجع يمي وكف بباب الهول يعاينلي ويعاين للساعة نص ساعة مرت رجع قاس السكر زفر نفس براحة من شافه بدأ ينزل كعد مقابيلي مضيك عيونه
طــروادة:: شصاير ؟
مسحت وجهي وعدلت كعدتي متربعه، مختنگه كوه احجي
-راح احجيلك كلشي بس انه ماغلطانه اذا طكيتني بعد كلشي ما احجيلك.
مسح وجّهه بعصبيه وأشر على خشمه
طــروادة :: رنـــه وصلت لهناه! گايلج ما اطكج، ألغي شمسويه.
-عاين هذا المچلوب بريا،شفته رايح لبيتهم وحاجيته لان جا مات من وراي، تدري ليش حاجيته لان انه متندمه چيه چذبت عليه بس ردت اكله انه چذبت عليك وهيج وهيج السالفه، چان شيگلي؟ گلي انا جوعان گلت خطيه لا عده ام ولا اخت وميتين من لجوع وسويتله شلون لفه واطيتها اله بس اكلها وچان ينجلب عليَّ انه ساكته وهوه يغلط عليَّ ويصيح اربيج ما متربايه شفت شلوون؟
وهذا الگرميده شعلان يگله طب اكتلها يگله انتَ مو زلمه اذا ما طبيت كتلتها، وبريا يگله اخاف من طــروادة، انه احترك گـــلبي لان انه ما غالطه عليه ومسويتله لفه ومكسور خاطري عليهم واگولن خطيه وهوه يغلطط عليَّ
حجيتها ودمعتي جرت محترك گـــلبي حيل وطرواده صافن بوجهي گام من يمي راح للسنك غسل وجهه وبلل راسه طلع للحوش افتر بحيره ورجع گعد كدامي يحجي بقهر
طــروادة:: ليش تحجين وياه؟ وانا چم مره مانعج من السياج؟ رنـــه يعني هذا هاسكي من اگله ضل كاعد يسمع حچايتي ويضل بمچانه، انتِ سورة ياسين بأذن المطي الف مره اعيدها الف مره اگلج بويه ارگدي ولج اكعدي واسكتي.
درت وجهي منه وبس امسح بدموعي صاح
-اذا ما دگيت السياج بلوك عاتبيني.
مديت ايدي احجي بحرگه أأشر وابجي
-ليش تحاسبني ليش ما تگول همه مچلوبين انه اسويله لفات وهوه يغلط عليَّ ويگل الشعلان زعطوطه ما متربيه
وطگيت رجليَّه الطم واصيح
-انه ما متررربيه ااااانه؟
صيح ينتر خازرني وأشر على حلگه
-اشش اسكتي كاافي.
طلع للحوش يخابر على عبود بس اطمن عليه راح بعصبيه البيت عمي خليل ، خفت منه حتى للحوش ما طلعت ربع ساعة وجابه سلطان كاضه طببه للحوش سديت الباب وگمت اعاين من شباج المطبخ وطرواده يغلط بعصبيه.
-ابتلي اطلع ابتلي الگاه كاضلها السياج شني ولك محد واگف بعينه.
سلطان:: يابه على كيفك هسه غير مــيثم حاسبه
راح للحوض يغسل وجهه ميت من القهر دار يصيح على سلطان
طــروادة::كون صدك وطاب للبيت طاگها جا وروح ابوي هالليله ازف جنازته للنجف.
سلطان:: ترى غالط عليها لان شعلان شايفه واگف يم السياج يحلف يگول غلطت علمود لا شعلان يسويله سالفه.
كعد طــروادة يم الباب يمسح بوجهه وسلطان يبرر البريا حرك گلبي اثاريك تستاهل تنطك بنعالي، ليش تبررله.
شويه واجه عبود يضحك ويگلهم
عبود::كلشي مابيه سجاد چنه مسودن، وبالسياره نصبت عليه سويت روحـــي متخربط وكاض گـــلبي، الخايس ماشاف دربه دعمنه وخلاني اتخربط بالصدك.
وسلطان بساع فتح عينه گالهم
-بيا سيارة؟
دنك سجاد يحك رگبته ورفع راسه عاينله گاله
سجاد:: سيارتك، لا تخاف مابيها شي بس الدعاميه شويه طاحت.
سلطان:: خرب صدددك جذب توني مصلحها.
طــروادة :: حالفين ما تضل عدكم سيارة.
سلطان:: صدك انتَ مو رحت على سيارة شني؟
-مصبوغة مارضى مــيثم گال نشوف غيرها.
سكتوا شويه وسجاد جر عبود يردون يطلعون كضاه طــروادة
-ووين؟
سجاد:: نروح نلعب دومنه بالگهوه.
طــروادة :: امشي منااه عبود مايروح ترى صارلي مده انا حتى ماشايفه يجي بس ينام.
اعاينلهم عبود يضحك وسجاد يجر بيه من ايد وطرواده من ايد ثانيه
سجاد:: شعليك شعليييك.
طــروادة:: وولك هده.
سجاد:: ولا اهددده عمي شامل گال دوم لا تهد عبود.
يجرون بيه وعبود ميت من الضحك، ضحك طــروادة هد عبود سحله سجاد بصفه خله ايده على جتفه وعبود هم مسوي مثله ضلوا بالحوش شويه يسولفون النوب طلعوا وطبوا سلطان وطرواده للدوانيه.
غسلت وجهي واجاني طــروادة حط قوري الچاي على الطباخ ما يحاچيني، جهاز السكر بعده بالگاع شاله فتحه يريد يرجع يقيس السكر.
-والله ايدي راحت كلساع هيه؟
احجي مختنگه لان الصبح گبل الريوك مره ووره الغدا ومساع مرتين وهاي الثالثة حتى اصبعي ضل يوجعني، عاينلي بقهر
طــروادة :: اضل ما مرتاح خليني اتأكد.
زفرت نفس بحسره مديتله ايدي مسح على اصبعي غمضت عيني حيل گـــلبي يوجعني من نغزت الأبره قاسه وتأكد نزل يله ارتاح گتله
-روح انه اكمل الچاي.
مشهّ للدوانيه حسين جان يمهم طردوه طلع مطنكر كعد يمي بالمطبخ يرطن
-انا مو زلمه ويطردوني من يمهم؟
عاينتله مستهزئه
-بعدك بطول نعال طــروادة منيلك زلمه.
عض لسانه وشال يدة مال هاون من يمه ويصيح
حسين:: انگرج بيها اخلي دمج بطولج.
-وحگ الرضا هسه اكضك اخبزنج خبز ولحسين ترا اصيحله.
عافها وانه واكفه بم الچاي كل ما اصب منه يطلع خفيف گال
-صيحيلهم شني اخاف انا؟ لا اخاف من طــروادة ولا من عبود حتى هاي عفراء ما اخافن منها.
-ماتخاف من عبود؟
-ولا اخاف.
عاينت للباب وگتله
-هل اجه هلااا تعال شوف حسين يگول ما اخاف منك
فز ملتفت بخوف من ماشافه غماني وطلع ضحكت صبيتلهم چاي واخذته باب الدوانيه مفتوح على كيف اعاينلهم اثنينهم كاعدين ويسولفلون
-طــروادة.
شال راسه عاينلي وگام اخذ الچاي مني رجع كعد يم سلطان سديت الباب بس ما طبكته وخرت وكعدت بصفه اسمعلهم بالبداية سمعت بس صوت الخاشوكه وهمه يخوطون الاستكاين شويه وگاله سلطان بحسرة
سلطان:: ما ادري شني الاسويه محتار.
زحفت بصف الباب اعاينلهم سلطان مدنك كاض استكان الچاي يحرك ايده عليه بضياع وطرواده يشرب ويعاينله گاله
طــروادة :: صعبه، ما ادري منين ما تعاينلها ما ترهم.
سلطان:: ما اگدر انسى، شكد حاولت شكد ردت بس اشيلنها من گـــلبي ما اگدر والله ما اگدر.
سكت طــروادة محتار عاف استكان الچاي بالصينية وگاله
طــروادة :: سلطان انتَ متزوج وراح يصير عدك طفل والله لو تلتفت لعائلتك وتهتم بيهم احسن الك ليش ضال تعذب بروحك يا أخي انسى آنسى لتفكر بيه مستحيل يصير!
ضحك سلطان وهوه مدنك شال راسه عاين لطرواده عيونه متروسه حزن گاله.
سلطان: شنسى؟ شتحجي انتَ ولك الوادم يجيها الليل تنام وانا يجيني الليل أهوجس بيها شلون آنساها ؟
-وتالي تضلّ هيج؟ هم مشاكل وي مرتك وما مرتاح وهم معذب روحك.
سلطان:: عاين انتَ شتگول احاچي صــيهد اگله اريدنها وبالشروط ألهوه يحطها بيت وحدها ارضى شيريد وشيگول اكله تم! تتوقعه يرضى يطينياها.
طــروادة :: والله ليش اجذب عليك لا ما اظن صــيهد يرضى بس لو عمي وليد وشعلان دروا بيك بعدّك رأيدها احس راح يگلولك طلك مرتك واحنا نطيك رغد علمود يسوون مشاكل بيني وبين اهل منذر أتوقع هبج.
تحسر سلطان وهوه يهز راسه لا
سلطان:: حتى لو صــيهد خله هالشرط انا ما اطلك الاء، شكد ما اكو مشاكل بيناتنا بس ما اريدنها تنظلم.
-تجرب تحجي الصيهد؟
-ما ادري اخافن هيه ماترضى
- ياهي؟
شال راسه عاين الطرواده بحسره همس
سلطان:: رغدي
مدري شلون ينطق اسمها يحجيه وعبالك هاي اخر كلّمه يگولها
سكتوا اثنينهم طــروادة هم محتار وياه شويه وسلطان گاله
سلطان:: احاچيها بالاول؟ واذا رضت احجي وي صــيهد
طــروادة :: لا تضل تاكل تبن اركد.
رنـــه :: گمت بساع من اندك الباب طلعوا اثنينهم اجه عليهم ســليم وراحوا وياه، لليل اجه طــروادة وبأيده علاكه شمرها عليَّ گال
-عفره موديتها بأيد منذر.
كعدت متربعه وفتحتها مخيطتلي دشاديش اسود لمحرم وموديه تراك لحسين ولزهره، لبستهم اقيسهن عليهم صاح طــروادة
-اگلج الرايات وين خل اعلگهن.
گمت طلعتهن اله جاب عمود سواهن وصعد فوگ البيت علگهن طبيت سبحت ولبست اسود نزل طــروادة عاين علينه گال
-بعدها ماصايره ب١٢ حتى يصير واحد محرم.
-عادي.
سكت جاب ملازمه وكعد يمنه يدرس ساعة وسد وكمل مدري شلون انه اضل يوم كامل ادرس لبس هدوم الشغل گال
-سدي باب الحوش وناموا انا راح اروحن للكراب(حراثة الارض)
-جا هسه؟
-أي جا متأخر انا المفروض هسه مكمل نثار الحنطه حيل تأخرت، هذآ الاسبوع اداوم بس يومين حتى اكضي من الگيعان.
حجاها تلثم بالچفيه ولبس جفوف حتى اديه ماينجرحن طلع مشيت اعاينله من السياج همزين صلح الدركتر، شغله وربط عليه الفدان (إداة حراثة) اخذه وراح للگيعان، مشيت لميت الدجاجات من السياج طبيتهن للگن وسديته واخذت فره على الصخلة والارانب والطيور يله رجعت نمت يم حسين وزهره وفزيت بالخمسة ونص الفجر.
گمت من فراشي غسلت ومشيت لغرفة طــروادة ما لگيته طلعت صعدت على گن الدجاج اعاين بعده ماجاي يمه سوده عليه من البارحة لهسه، عمت عين شعلان، نزلت فتحت گن الدجاج طلعتهن ومشيت طلعت الصخله يفترن بالحوش، عفتهن ورحت صليت وحضرت هدوم المدرسه وكتبي وكتب حسين وزهره، للسته گمت حطيت سعف بالتنور وشعلته اخبز گبل لا يجي طــروادة
لمن هفتت النار وجبت صينيه العجين متلثمة مثل ماعلمتني عفراء
اخبز وصوت العصافير داير ما دايري يخبل ريحة الخبز وي الصبح والدجاجات يفترن يمي اخذ من حواف الخبز اكطعه واطيهن .
من كملت خبز دنگت شلت قوري الچاي احطه ببطن التنور توني نزلته للتنور واول ما شلت راسي شهگت بفزه وانه اشوفن بريا گدامي شايل خشبة السياج من وره الدوانيه وطاب فتحت عيني بغضب وهاسكي يفتر داير ماداير السلسه بس يريد يفلت ويروحله
وجهه تعبان ومعصور نترت
-اطلع بررره يا ماتستحي.
بريا:: أسمعيني.
مشيت عليه متسودنه اريد ادفعه واطلعه
-اطلع ولحسين اليوم طــروادة يموتك شلون تطب حوووشنه.
عبرته وجريت الخشبه ومديت ايدي على زنده ادفعه بغضب احجي. -اطلعع.
صيحت مصدومه من مد اديه اثنينهن كضاني من زنودي وفراني دفعني على الحايط وجهه بوجهي ويحجي بنتر -اسمعيييني.
وانه فاتحه عيني حيل مصدومه بيه وجسمي يرجف اديه عاصره زنودي حيل عبالي رجع تسودن مثل ذيج المره من ذبحني بالخنجر، عاين لعيوني بعيونه لذبلانه وحجه بصوت مخنوگ
بريا:: اعتذر لان غلطت عليج چنت مجبور لان لو شعلان شافني احجي وياج ماتعدي السالفة على خير ويقهرني بيج.
يحجي ووضعه مخربط شعره مامرتب عيونه حيل ذبلانه وقميصه ثلث دكم مفتوحه زلغ چبير بصدره من يم رگبته، اديه. بعدهن ضاغطات على أديه كمل حچي وشويه شويه صوته ينصى
بريا:: ما گدرت اغمض عيني وانام لان حرگت گلبج ادري بس وألله انجبرت ردتج بس تسكتين احاچيچ اگلج اسكتي اسكتي انتِ فقدتي وضليتي تغلطين خليتيني مجبور اغلط عليج واتعارك وياج گدامه.
نترت ميته من القهر
-لا تجذذذب وانتَ شنووو تخاف من شعلان؟؟؟
هز راسه لا وابتسم بطرف شفته
بريا:: لا بس اخاف عليج منه.
حجاها وصفن بعيوني وانه بعدني خازرته شال وحده من اديه مداها على وجهي من يم خشمي خله اصابعه وجر اللثام من وجهي نزله الحد حنكي صافن ومتحسر
فتحت عيني حيل متسودنه شلون كاضني وهيج يعاينلي شلت ايدي لكلها عجين وطحين طكيته على وجهه راشدي فززته
-هددددني.خاااايس هددني
دفعته وهوه فتح عينه بصدمه وكض ايدي حيل لاويها صيحت موجوعه
بريا:: حيوووانه حظج اطيحه شلون تمدين ايدج عليَّ.
-هدددني بالحسين اليوم اموتنك اليوم اخلي طرواده يغطك بالخيسه هدددني.
دفع ايدي حيل خازرني بغضب صيحت ارجف
-اطلللع برا يله اطلع مستهتر ماتستحي تطب بيوت الوادم وتكضكض بنسوانهم كون يكضونك اخوتي يشگونگ شگ.
مشه يريد يطلع ينتر
بريا:: يلللله سدي حلكج.
-ووولي ووولي ابن الروسيه وبوفاضل افشخك
رد اجاني بغضب ركضت على هاسكي وهوه رد ليوره شايل ايده يصيح
بريا:: عاينــي ووولج عايني مو اطيتج مجال ترى حظج اطيحه.
-اطلعععع برا اطلع يله لا اگطع الخيزرانه على راسك يا ما تستحي يا ما متربي .
طلع من الحوش ورجع الخشبه ومن سمعني رد من وره السياج صاح
بريا:: تسكتين لو اجيج اگطع النعال على راسج.
-اذا ما اگول للولد كلهم عليك اخلي ياهو يجي يكتلك كلهم كلهم اخواني ، وسليم وصيهد وسلطان وميثم الا اگل الميثم.
هز السياج يصيح
بريا:: فنچ الحچيتي وي واحد منهم الا اشك حلگج.
-تايهتلك اااانه وتشگ حلگي تايهتلك مووو؟
واشوفنه مد راسه من السياج الوره من جهة بيتهم عيونه حمر ومحترك دمه شايل ايده على حلگه بغضب يصيح
بريا:: اشششش انتِ ما تتعبيبن من الحجي ما تملييين؟سدي حلكج سدددي حلكج.
مــيثم :: برياااا.
دار وجهه بس سمع صوت مــيثم ونزل مشيت بساع للسياج حطيت الدبه وصعدت اعاينله شلون مــيثم كاضه متسودن يحاسبه بساع حجيت
-ربي اخوك مو انت الچبير ربيه طب لحوشنه ويكض بيه ويغلط
اجه علي بريا يصيح
-سدددي حلگج.
جراه مــيثم بغضب
مــيثم :: انا انا اطيحلج حظه بس لا تحجين لطرواده.
بريا:: انززززلي گتلج انزززلي.
سد حلگه مــيثم بحرگه وبريا يدفع بيه شال ايده مــيثم يريد يطگه وماگدر دفعه للبيت
مــيثم :: امشييي امشي موتتني ما تستحي انتَ؟؟؟
وبريا دار يهز راسه لا ويعاينلي
-انزززلي.
-مــيثم ربيه ربيه من جديد هذا ما متربي ولحسين طب لحوشنه وكضاني من اديه.
احجي محترك گـــلبي منه وهوه غطه وجهه بأثنين اديه بحرگه واجه علي يصيح
بريا:: غير تسكت غير تسكتتت.
كضاه مــيثم حيل دفعه لبيتهم وطكاه على ظهره محترك گلبه من بريا مات من القهر
مــيثم :: ووولك موتتني ولك امشي .
بريا:: خل تنزل وانا اروحن.
وميثم رد عليه بحرگه دفعه بقوة عثر بريا والنوب عدل مشيته گاله
مــيثم :: احاچيهااا وتنزل.
ابتعد بريا مسافة ووگف يعاينلنه وميثم اقترب گوه على روحه يحجي يعاينلي مره ويدور وجهه لبريا مره.
مــيثم :: احسبيني اخوج وطلب منج هالطلب، ما اريدن تحجين شي يم طــروادة وانا احاسب بريا واطيح حظه.
سكتت بعدني محترك گـــلبي من بريا بس انكسر خاطري على مــيثم من گال
مــيثم :: يطگه واحيرن اوكف وي اخوي لو وي اخوج وهوه على حگ
-خوش ما احچيله بس انتَ حاسبه لان والله من امس لليوم كلساع يحرك گـــلبي .
-اي اي والله انا هسه بالبيت احاسبه واخذ حگج منه فنه الحرگ گلبج بعد، بس عفيه بعد اخوج لا تسولفين يم طــروادة.
-لا والله هاي هيه ما احجي.
مدنك هز راسه اي ودار يريد يمشي، بريا واكف يم النخله ساند ظهره على جذعها حسيتني مكسور خاطري على مــيثم صحت عليه
-اوگف اوگف.
دار علي وكف واجه يم السياج عباله تراجعت وراح احجي الطرواده نزلت من الدربه وهوه يگلي
مــيثم :: رنـــه اذا حچيتي يتعاركون والله يتعاركون.
مارديت عليه شلت خمس خبزات ومشيت صعدت مديتهن اله
فتح عينه مصدوم
-هاك ولو ما تستاهلون بس يله ميخالف.
خزرني ودار وجهه بدون ماياخذهن گال
مــيثم :: انعم الله عليج مانريد.
-لا والله أخذهن يله تستاهلون مو ماتستاهلون، انه قصدت على بريا لان حرگ گـــلبي.
وهوه يريد بس يمشي داير وجهه لبريا ويگلي -عدنا خويه مانريد.
-جا الا اگول الطرواده على بريا.
شال راسه فاتح عينه بخزر جراهن من ايدي ضحكت
رنـــه :: اجذب ما اگله، أطيكم بيض ؟ دجاجاتي بيضن.
وبريا صاح عليه -جيبهن انا اريد.
مــيثم :: رحم الله والديج مشكوره لا هاي هيه عدنه بيض.
نزلت من. الدبه وهمه راحوا اخذت الخبز للبيت برد گد ما عاركت كعدت حسين وزهره سبحوا وبدلوا كعدت عبود وكلنه متانين طرواده يجي حتى نتريك ونروح للدوام وهوه ماكو للسبعه يله اجه هلكان من التعب گوه فاتح عيونه واول ما طب جر جهاز السكر قاسه لگاه شويه مرتفع سكت وبساع طب يسبح طگيت بيض وحطيت الصينيه طلع من الحمام وكلنه ناكل بسرعه اكلت لگمه وگمت اول وحده وهوه گام وراي طب الغرفته يبدل.
اخذت خاولي صغير مبلل وطبيت للغرفة اعاينله لبس قميص اسود وبنطرون قماش اسود عاينت للخانه المفترحه مال الزاويه بيها احذيته واحذية عبود وحسين ارتبها ويهوسونها گتله
-يا حذاء تلبس؟ -الاسود.
طلعتها وهوه وگف گدام المرايه يمشط كعدت هستوني احط الخاولي على الحذاء أمسحها جراني من ايدي
طــروادة :: لاا أنا امسحها.
-ليش؟ مو مستعجلين
-ميخالف.
كعد مسحها هوه طلعت بساع لبست حجابي الاسود، وطرواده طلع گبلنه مشينه وي عبود شفت طــروادة واكف بالباب ويمه صــيهد وجهه تعبان وعيونه حمر مايريد يروح للكليه وطرواده يقنع بيه، ما اهتميت وصلنه عبود للمدرسة وراح.
مــاسه :: بيتنا من يوم الصار وي جوري متكهرب ولو هوه دوم متكهرب بس زاد هالفترة، هيه بس بالفراش لا ترضى تداوم ولا تحجي، مجرد تجاوبنه على گد السؤال وهاي هيه، وانه اكضي الدوام بالي يمها واروحن الصفها اسأل على دروسها حاولت اطلبلها اجازه مايرضن يردن الا ولي امرها.
أرجع للبيت الگه امي روحها طالعه لا وهـــب راضي يتريك ولا جــويريه ماكله واحير بينهم اقنع وهـــب وياكل شويه وارد اصعد لجويريه بالگوه تاكل وتغسل وترجع تتمدد بس فاتحه عينها مسحت على وجها احاجيها
-جوري باجر نداوم سوا؟ فاتتج امتحانات.
هزت راسها لا عيونها ذبلانه ايدها مجرحه ومكان الحلقه مجروح، اخاف اسألها حلقتها وين وتنقهر ساكته غمضت عينها عفتها ونزلت رغد تسوي بالغد وامي تحجي وياها مقهوره
ايمان:: الليل كله يفتر يلوب ماتغفى عينه وينام سودني خايب يمه بسك راح تطيح.
رغد:: اي شفته البارحه كعدت بالاربعه لگيته كاعد بباب المشتمل يدخن واجه يمي للمطبخ سويتله چاي، عوفيه يمه لا تلحين عليه هوه هيج صــيهد من تصير برآسه سالفه يضل مقهور منا لمن ينساها.
وامي تعاين للباب بقهر خايفه على صــيهد، وهوه صارله بالثلث ايام اوديله الاكل للمشتمل وارجعه مثّل ماهوه بس يشرب چاي ويدخن والليل يخلصه كاعد بره مايطب للمشتمل لو فجأة يختفي يخابرونه مايرد ويخلينه حايرين وين يله يجي ومايحجي وين چان.
تحسرت امي بقهر
ايمان:: وهاي البت هالفوگ حالها يفلش الگلب لا تاكل ولا تشرب الا بالتواسيل چا منين اتلكاها انه منها من صــيهد من وهـــب.
حجتها وبچت حاطه الشيله على حلگها وهـــب واكف بباب المطبخ الداخلي ماندري بيه اجه يمها متحسر باس راسها وكعد بصفها
وهـــب :: انا كلشي مابيه يمه عليمن تبجين؟ صــيهد عوفيه مقهور مده ويتعدل وتزوجينهم وتفرحين بيهم.
ايمان:: شفرح موتوني.
ضل وهـــب يمها يشاقيها ويضحك بالجذب بس حتى ماتضل مقهوره ومارجع للغرفه راح للگيعان وي الفلح صعدت فوگ ماخذه غده لجويريه لگيت بــدور تمشط بشعرها وتضفر بيه ملبستها اسود ومشغلات بالتلفزون لطميات
-اوووف اووف شهالعطر.
بــدور:: شعبالج چا حطيتلها من العطر مالي انه الروحي ما مخليه منه بس اشمه.
نحجي ونضحك نحاول نغير من نفسيتها وهيه ساكته كملت ضفر عافت شعرها وهم بالگوه اكلت شويه ورجعت لفراشها،
للعصر گبت الهوسه لان مشتكين على صــيهد، ابن عم جوري ما ميت، وابن سيد عباس بالسجن وهّم مشتكين على بيت السيد كلهم وصيهد گابل جدي ويحلف اذا ماتخابر ابوها يتنازل عن كلشي هسه اروحن اسلم روحـــي واجركم وياي للسجن.
وجدي بالليل صعد هوه وابوي وراحوا الاهل جــويريه، سمعت جده تگول العمي شاكر
-هسه يجره من أذانه ويتنازل چا لو ماتنازل ينسجن هوه واخوته
شاكر:: جا ابوي شكاض عليه.
-مالك غرض هوه يعارف شيسوي.
شردت من ضلوا يعاينون للباب مالّ الدوانيه مشيت للمطبخ وامي اخذت عصير وصعدت گوه على روحها تصعد رجليها يوجعنها مشت لجويريه
ضليت كاعده بالمطبخ لمن امي نزلت وكلمن مشه الغرفته وانه ضاله متانيه الغساله تكضي غسل حتى اشرن الهدوم .
شلت راسي على فتحة باب المطبخ وكفت عدل من شفّته صــيهد بأيده دشداشة وقميص مشيت يمه اخذتهن من ايده وجهه تعبان وعيونه ذبلانه، حجيت وانه اخذ الهدوم من ايده
-اسويلك عشا؟
هزّ راسه لا وگال بصوت مبحوح
-بس چاي.
خليت الهدوم يم الغساله ورجعت للمطبخ وهوه كاعد بالباب يدخن حميتله الچاي واخذته اله وگف اخذ الكوب من ايدي متحسر عاين لوجهي يسألني
-شلونها؟
-جوري؟ هز راسه اي
-الحمدلله بس شويه بعدها تعبانه، اصيحلها تشوفها؟
حرك راسه لا عاين لوجهي عيونه حمرگال
-هم احد يحاچيها؟ جده تسمعها حچي؟
-لا والله محد صاعد يمها بس احنا وامي
-ديربالج عليها.
حجاها ودار وجهه طلع برا الباب كعد على الصبه ظهره عليَّ سكتت فترة لمن خلصت الغساله اخذت الهدوم وطلعت شريتهن وهوه يعاينلي كضيت ودرت عليه احاجيه
-بس صــيهد هيه جاي تفوتها امتحانات ورحت للاداره مارضن يطنها اجازه، لو تحاچيها انتَ حتى بلكن ترضى تداوم.
دنك يمسح بوجهه وحجه بلا مايعاينلي
صــيهد:: عوفيها انا باجر اروحن اخذلها اجازه.
سكتت طبيت للمطبخ وهوه طب وراي خله الكوب على السنگ مشه يريد يطلع ودار علي يحاچيني
-مــاسه لا تخلين واحد يحاچيها ديربالج عليها.
هزيت راسي اي ساكته وهوه يعاين لعيوني وطول بنظرته خفت مسح وجهه وطلع ساد باب المطبخ وراه.
رنـــه :: نمت من الساعة ب٨ كعدت بتلاثة شبعانه نوم كلها نايمه بس طــروادة بالگيعان. شغلت التلفزون اعاين افلام كارتون ل٣:٣٠ يله اجه طــروادة
-شكعدج؟
-غير نايمه من ثمانيه.
غسل وجهه وهوه يگلي
-اكلج انا جوعان شعدنا؟
فتحت الثلاجه اعاينلها
-تاكل روبه وخبز؟
-اي بس اريدن چاي هم.
هزيت راسي خوش مشه تمدد بالهول تعبان ظهره يطكطك واسمعه يصيح
-اااخ يا بويه .
حميت خبزه وچاي حطيتلي كاسة روبه تأخرت عليه اقل العشر دقايق مشيت لگيته غافي وفاتح حلكه حطيت الصينيه گدامي وكعدت يمه اعاينله بقهر ما انطاني گـــلبي اكعدنه ولا اكدر اخليه ينام جوعان عاينت للصينيه افكر بحل شلون اطبب الاكل المعدته بدون ما اكعده.
هوه فاتح حلكه اكدر اوكلنه .
قسمتلي خبزه صغيره حطيت بيها روبه وتقربت يمه متربعه ماده ايدي يم حلكه المفتوح والخبزه بين اصابعي اريد احطها بحلكه وكون مايفز، قربتها كلش يم حلكه وانه اقرب روحـــي اكثر حتى اركز اوكله بدون مايفز، بأطراف أصابعي اريد ادفع اللگمه وهوه بس وصلت الحلكه فز مخروع هي فزه وهيه وگفه يتفل لعبانه روحه ويمسح بحلكه حييل حيل مافهم وركض برّه يتقيئ.
اخذت ماي وركضت وراه وهوه روحه راحت وانه ارطن فوگ راسه
-ردت اوكلك وانتَ نايم.
اخذ الماي يغسل وجهه رايحه روحه
طــروادة :: مسودنه انتِ؟
-والله گلت خطيه اكعده ردت اوكلك وانتَ نايم.
يعاينلي بقهر عيونه حمر وحاله حال
طــروادة :: لو ميت من الجوع ولا گيالج اريدن شي اكله.
-هسه فوگ ما اوكلك واكولن خطيه نايم ما اريدن اكعدك.
-توكليني وانا نايممم؟ خبله صاحيه انتِ؟؟؟
-هسه شبيك هيه خبزه وروبه توك تريد تاكلهن ومن انا وكتلك لعبت روحـــك شني السالفة جا
ضوجتني
مسح وجهه ضايج وبعده يمسح بحلكه وجسمه كاش گال
طــروادة:: انا قلق من صخلتج شفتها مهدوده عبالي هيه لحست وجهي.
حجاها وگلبت معدته رَد يتقيئ وانه انگل عليه ماي وادك على ظهره واكله
رنـــه :: طلع مو صوچي صوچ الصخله
غسل وجهه وگام مره يحط ايده على معدته ومره على راسه طبينه للهول عاين للصينيه گتله
-يله اكعد اكل مو بس احمي وتعبانه وماتاكل. تمدد گوه يعاينلي
-وخري مني رنـــه كلشي ما اريدن بعد.
-چا المن گتلي حمي الچاي وخليتني اتعب
مارد عليه غمض شلت الصينيه وگمت للمطبخ وانه احجي
-نام نام هسه اوكلك وانتَ نايم.
-فننننج الا اموتج.
ضميت الروبه والخبز طلعت للحوش يم الصخله تفتر بالحوش طكيتها راشدي
-كله من وراج الولد حتى ما اكل.
ضليت كاعده يمها على البروده بلكن امل وانام ماكو مانعسانه شويه وسمعت واحد يكح مشيت يم الباب اعاين واشوفنه من البلوجكتر مال بيت عمي شاكر، صــيهد گاعد يم النخلات يدخن ويگح مختنك.
هذا شبيه غير مختنك ويعوف الجكاره مچلب بيها اعاينله ولا عافها وصوت كحته عالي مشيت للبيت هزيت طــروادة من جتفه فتح عينه علعلته ولا خليته يرتاح بنومته. -هاه؟
حجاها وغمض عينه گتله
-اكلك جنت كاعده بالحوش وشفت صــيهد يكح بره مدري شبيه.
فز وكف يحاجيني -شبيه؟
-يكح مختنك مدري شنو شفته بره كاعد گبالنه.
مشه طــروادة يطلعله وانه ركضت وراه اعاين وصل يمه جر الجكاره من ايده شمرها وگاله
طــروادة :: شعدك گاعد؟
وصيهد ساكت جراه طــروادة من ايده البيتنا طبيت جوه وهمه طبّوا للدوانيه اجه طــروادة اخذله ماي، مشيت يم الباب گوه اشوفهم گاله.
طــروادة :: تريد تموت روحك انتَ؟
وصيهد طلع الباكيت يريد يشعل جكاره جديده جراه من عده طــروادة
صــيهد:: ما اموتن من جكاره.
- اي كافي لا تدخن نام ارتاح.
دار وجهه صــيهد مستغربه منه شلون هيج مقهور وصوته مخنوگ طــروادة يواسيه وهوه دك على صدره بحرگه يحجي
صــيهد :: وولك انا منكم اغارن گـــلبي يتچوه لو جبتوا اسمها، شلون انسى شوفتها بأيد هذاك النگس.
حجه وباثنين اديه يدغ براسه يحجي بعصبيه يرجف
صــيهد:: تفتهمون انتم ؟؟ انا جاي اموتن لا تگلولي تهون ما تهوون ما تهوون عرضي ما حميته مرتي ما حميتها.
مسح وجهه اديه يرجفن وطرواده ساكت بحيره رد صــيهد گاله
-عاندتني عاااندتني بت الچلاب مو ادري بأهلها مو اودام يشهد الحسين ما اخلي هالنگس عدل لو اعارف وره كتلته نتكتل كلنه هم اكتله.
طــروادة :: خوش بس على كيفك اديك يرجفن شني السآلفه.
جر الباكيت بعصبيه يدخن وايده ترعش كلها گاله
صــيهد:: وعدتها احميها ووعدتني محد يوصل طرف ثوبها لا انا وفيتلها ولا هيه الوفت بوعدها.
طــروادة :: ترى البنيه مجبوره قابل راضيه بالصار.
وصيهد بحرگه طك كصته وعيونه الحمر يحجي ويرجف
صــيهد:: ادررري ادرررري، وانا المو خوش زلمه لما حميتهااا.
اسمع مستغربه الاعرفه هيه بس اخذها ابوها بدون ادريتهم وهاي هيه وهسه مدري شيحجون ماركزت وياهم مدري شحاجاه طــروادة وهوه ضحك بقهر يجر نفس من الجكاره وگاله
صيهد :: لو جايبيلي خبر موت اهلي ولا گايلي مرتك كشفوا سترها
- لا حول ولا قوة إلا بالله، صــيهد بداعت امك كافي يابه لا يصير بيك شي.
هز راسه اي خله باكيت الجكاير بجيبه ووگف يكح ويكله
-رايح انا. -وووين نام هناه.
وصيهد ما مهتم طلع وطرواده وراه يحاجيه لمن گاله رايح الامي يله عافه ورجع .
""""
رغد :: غافيه وفزيت على فتحة باب الغرفه صوت صــيهد مخنوك يهمس. -يمه .
شلت راسي من المخده گتله بصوت ناصي
-نايمه، تريد شي؟
هز راسه لا سد الباب وراح گمت وراه لگيته بالمطبخ
-ها صــيهد بيك شي جوعان؟
-لا
سكتت اعاينله يدخن مدنك همست
-شبيك خويه؟
شال راسه عاينلي بقهر زفر الدخان وگال. -مابيه شي.
سكتت وانه متمنيه يحجي البگلبه ومايكتم ادري بيه حيل مقهور بس ماجاي يحجي ضال لا اكل ولا نوم صاير مثل المسودن، كضه جكارته وطلع ضليت اعاينله طب للمشتمل ومدري شماله يختنك مدري شني شويه وطلع كعد بالباب لمن طلع الصبح صعد بسيارته ومدري وين راح.
شويه شويه كلها كعدت بــدور وماسه راحن للمدرسه صعدت يم جــويريه مارضت تاكل همست بصوت مبحوح
-وي مــاسه من تجي.
نزلت من يمها بحيره، طبخت الغده وجده تسأل عليها وتگل الامي
-چنتج لو ما مجيوسه ماعزلت روحها فوگ.
ايمان:: احجي احجي خل يجي صــيهد واسولفله حتى يحرگ البيت بيكم .
وتعاركن هيه وامي وسعاد حطّت روحها للعشره يله سكتن عشرة ونص اجت ميلاد ووياها هاجر اجتني تركض ضحكت شبگتها وميلاد تگلها
ميلاد:: موتتني من الصباحيات تريد تجي الجدتها.
رغد:: مشينا للهول سلمن على جده،كعدت على الدرج اعاينلها واتأملها اول شاهد على حبنا واول إنسآن ساعدنا من وهـــيه طفله، دارت عينها الي مبتسمه وگامت من يمهن اجت كعدت على البايه بصفي فاتحه اديها شبگتها ووخرت احاجيها
-شلونج هجوره.
تأشرلي مبتسمه
-ريـــمه شلونها؟
عبست وجها وهزت راسها لا تأشر بأصابعها تشرح وضع ريـــمه وانه مو كلش افهمها گتلها.
-شنو مريضه؟
هزت راسها اي سكتت ودرت اعاينلهن يسولفن سعاد وميلاد وجده، وامي گامت من يمهن درت على هاجر من مدت ايدها على خدي حتى اعاينلها تعاين لعيوني مبتسمه ومدّت ايدها على گلبي بأطراف اصبعها رسمت شي ضحكت. -شنو؟
رمشت بعيونها ورجعت كررت نفس الحركه ترسم شي على صدري بجهة گـــلبي دنكت اضــحك مافاهمتها مدت ايدها على وجهي ترفعه وأشرت على گـــلبي
-اركز؟
هزت راسها اي، ركزت وي ايدها من شفتها جديه.
عادت الحركه وهيه على نفس الابتسامه -جاي تكتبين شي؟
هزت راسها اي، ضحكت ودنكت اريد اعاين الاصابعها وهيه تكتب بأطرافهن ماخلتني رفعت وجهي تريدني اعرف التكتيه بدون ما اعاين.
ركزت وياها مبتسمه عبالي تلعب وياي الحد ماراحت ابتسامتي ودك گلبي حيل خطتهن على گـــلبي حرف حرف "سلطان"
بلعت ريك اعاين لوجها اتسعت ابتسامتها وأشرت براسها ااي حطت ايدها بين رجلي ورجلها ردنها لاستيكه رفعتها وطلعت من الردن ورقه فتحت عيني حيل ودرت بخوف أعاين عليهنّ.
حطت الرساله بأيدي سدتها ومسحت فوگها گـــلبي يدك حيل واحس رجليَّه نملن دغتني هاجر بأيدي عاينتلها هزت راسها لا ومسحت على ايدي قصدها لا تخافين وانه ارجف من وحدي.
گامت من يمي ومشت تركض الامها جرتها من عبايتها تأشر يله، طلعت امي من غرفتها بأيدها حلويات صاحت على هاجر اطتهن الها رجعت هاجر الامها تأشرلها يله وميلاد مندمجه بالسوالف ماتريد تگطع سالفتها شالت ايدها وطكت هاجر شهكت بفزه وامي صاحت عليها
ايمان:: كسر بأيدج كون.
وهاجر مشت طلعت من بيتنا تركض وميلاد تحجي على امي ماردت عليها گمت من يمهن ارجف طبيت للحمام الرساله بأيدي غمضت عيني ازفر نفس واهدي بروحي الورقه من اول ماحطتها هاجر بأيدي عطرها صار بخشمي نفس العطر اللي خلاه الي بأول رساله ونفس العطر اللي ضليت اشمه سنين كل ما التقينا يم شجرة التين.
گـــلبي نعصر عصر وين تريد ترجعني انتَ نزلن دموعي گبل ما افتحها ايدي ترجف گوه فتحتها وغمضت عيني بقهر من قريت اول كلمة كاتبها. "نمرشه"
گـــلبي تگطع ليش يعذبني فتحت عيني امسح دموعي واقرأ الكاتبه بخط مستعجل وبكلمات عاميه عكس رسايله الچانت تجيني بالفصحى وبخط مرسوم رسم.
"نمرشه"
قبل لا تعترضين اتمنى تقرين كلامي وتفكرين بيه
انا اريد احاجي صــيهد واطلبج منه وارضى بكل شروطه، بس خايف انتِ تعترضين لهذا السبب ضروري أشوفج واسمع من عدج، الساعة ١٢:٣٠ تلگني يم شجرة التين.
اذا ما اجيتي راح اعتبرج موافقه واحاجي صــيهد.
قريتها مرتين وشگگتها بأيدي ما اريد اشوفك ما اريدك بعد ما اريدك انه ما اخرب بيت غيري انتَ من الاول ماصرتلي هسه من تالي تريد تحاربهم، مسحت دموعي مقهوره، ما اريد اروح ولا اريد يحاچي صــيهد، فكرت اكتبله رسالة بنفس الطريقة ارفض بيها بس بأيد منو اوديها.
غسلت وجهي وطلعت من اجوا ابوي وجدي مشيت وي امي للمطبخ شويه والبنات اجن مــاسه تركض تبدل وتاخذ ريوك جوري وبدور تكضيها اخ راسي اخ رجلي اخ ظهري وتتمدد يمنه بالمطبخ.
گمت ما اركز بشي وكل ساعة متذكرة الرساله وكلماتها واعيدها بعقلي كلمه كلمه للعصر وانه كاعده بغرفة امي فكرة تاخذني وفكرة تجيبني نزلن بــدور وماسه يدرسن يمي گالت مــاسه
-جــويريه نايمه واحنا رعن ندرس بصوت عالي خاف تفز اجينه يمج.
هزيت راسي اي خوش گالت بــدور
بــدور:: اليوم بالمدرسه بت ابو عبدلله تگول والله جنه رايحين للسوگ انه وامي وصعدنه وي ابنكم ابو عيون الزرك تقصد على مــيثم وتگل للبنات ضل يعاينلي بالمرايه ويغمزلي.
مــاسه:: يمه باع الجذب يمه.
رغد :: اسمعلهن ساكته وبدور تگلها
-يجوز صدك.
-ولج جذابات والله وين مــيثم يعاين؟ اصلاً احنا ولدنا ما يعاينون بوجهه مره دوم ينزلون عيونهم، مو صح رغد؟
رغد :: هزيت راسي اي احاول اركز وياهن حتى ما افكر بسلطان ابتسمت من تعاركن بــدور تگلها يعاينون وماسه تگلها ما يعاينون وتدافعلهم گالتلها
مــاسه :: رغد عاينــي هسه ذاك اليوم من رحت لبيت عمي خليل اگلهم علمود يخابرون صــيهد! هسه هم واحد عاينلي مــيثم وبريا وطرواده كلهم يحاجوني وعينهم بالگاع.
بــدور :: جا طبعاً غير شعرج كله چان طالع.
-جذاابه.
رغد:: اي صح شعرج چان طالع وكصيبتج حاطتها صفح طالعه من الحجاب ما معدله عبايتج.
مــاسه:: صخام الصخمني يعني شافوا شعري.
رغد :: وي حجايتها اندفع الباب وطب صــيهد يحجي بهدوء
صــيهد:: ياهو الشاف شعرج؟
وگفت بخوف وماسه وگفت بزاويه الغرفه مشيت عليه اريد احاجيه وهوه عينه بعينها ويردد
-مــاسه ياهو شاف شعرج؟ ياهو شاف شعرج.
-صــيهد بس احاجيك.
صــيهد::ياهو شاف شعرج مــاسه ؟
كضيته شابگته خايفه يطك مــاسه وهيه نحشكت بالزاويه بچت وهوه فاقد بس يردد
-ياهو شاف شعررج ياهو؟
-محد شافها محدددد عاينلي صــيهد .
دفعني حيل ودنك للگاع عوجيه مال جده شالها وطگ الجام مال المعرض كسره يصيح
-ياهووو شاف شعرررج.
رجعت ليوره البنات بظهري وهوه عبالك طلع كل المكتوم بگلبه كسر الغرفه كلها ويردد بنفس الجمله، كلهم يصيحون عليه ويردون يكضونه وهوه نار ومشتعله فاقد يكسر طب وهـــب متسودن جراه يريد يطلعه دفع وهـــب وبنفس الطريقة طب للمطبخ كسره وجدي وابوي يصيحون عليه وامي تعاين ساكته والبنآت يبجن
ووهب بس يريد يكضه يكسر بالاغراض ويصيح
-ياهووو شاف شعررررج ياااااهو شاف شعرررررج.
وهـــب حط روح بروح وياه وجر العوجيه من ايده وصيهد تسودن اكثر سد ايده وطك جام الكاونتر بوكس وضل مثل المسودن يطك بيهن والدم ينفض من اديه امي صررخت ووهب وابوي يكضون بيه طگ ابوي رجعت ليوره ابجي من شفت حاله ماحاس بروحه جر الطباخ گلبه يصيح بلا وعييي
-وخررروووا عني عووووفوني
طكاه وهـــب بس يريده يصحى وهوه ماخله شي بالبيت ماكسره والدم ينفض من أيده دفع وهـــب حييل وبنفس اللحظة طاح صرخت امي وصيهد ممدّد بالگاع بس فاتح عينه وهـــب جر الشماغ من الگاع كض ايد صــيهد لفاها حيييل وشداه وايده الثانيه بشيلة امي االضلت تلطم على صدرها وتصيح
- يممممه يمممممه صــيهد يمممه.
وهوه ممد راسه بحضن امي بس فاتح عينه الدم ترس المطبخ وجدي وجده يحجون عليه، وماسه انتهت من البجي ما فهمت مو هيه السبب جراه وهـــب يگعده على حيله غمض عينه دايخ گاله.
وهـــب :: بيك حيل توكف على رجليك.
هز راسه بهدوء اي ساعده وهـــب وگف وطلعوا يريد يآخذه للمستشفى يخيط اديه وامي ركضت لبست شيله وعبايه وطلعت وراهم ترجف،
ابوي كاعد بالگاع ايده على فجه وجدي يعلط على صــيهد.
مشيت بساع للغرفه مــاسه خانگه صوتها وتبجي مملخه روحها
-شبيج وولج مــاسه ولج كافي.
لطمت على وجها تبجي
مــاسه :: عمت عيني كوووون امددداني من اخت امداااااني.
جريت اديها خازرتها
- ووولج هوه مو بس عليج هوه صارله چم يوم مقهور وكاتم بگلبه وهسه انف جر.
صاحت جده وگمنا انا وبدور ننظف ونمسح الدم وماسه كوه صعدتها يم جــويريه
مــاسه :: گـــلبي تگطع ضليت واكفه بباب الغرفه اريد بس دموعي توكف حتى اطب يم جوري ماكو كل ما امسحهن يجرن فتحت الباب وهيه فزت تبجي، لامه روحها وخاتله بالزاويه دموعها على خدها خايفه
طبيت بساع
-جوري شبيييج؟
وهيه تبجي وترجف جريتها الحضني
-ماكو شي جوري لا تخافين عاينــي شبيج؟
شلت وجها من حضني امسح بدموعها وهيه حتى اسنانها سن يطك بسن گللت بصوت مخنوگ
جــويريه :: صي.. صــيهد.. صــيهد راح يكتلني؟ سمعته سمعته يصيح ياهو شاف ..ياهو شاف شعرج
-لااا لااا والله مو عليج، علي انه، صــيهد يكتلج؟ صــيهد يريد يموت من قهره عليج جوري شتحجين انتِ ؟
ضميتها الحضني وهيه بس تبجي لمن هدأت رجعت لفراشها مغمضه عينها ضليت يمها امسح على رأسهآ الحد ما حسيتها نامت نزلت جوه رغد تغسل بالمطبخ وهمه يصيحون على عشا طبت سعاد تسويلهم وتدردم ماراضيه.
مليت وانه اتانيهم يجون گـــلبي كله يم صــيهد وكلساع الوم بروحي صعدت فوگ اعاين من الشباج للتسعه شفت السيارات اجن اثاري الولد كلهم رايحين وراه نزل صــيهد وامي وياه والولد يحاجونه اجه للبيت نزلت بساع طب للهول وامي صاحت
-مــاسه سوي الاخوتج عشا يمه بساعج.
هيه تحجي وانه دموعي تجري اعاينله كاعد اديه اثنينهم مضمدات والكانونه بساعد ايده ووهب بأيده علاكه علاجات شال راسه شافني ابجي ضحك وگال الصيهد
-عاين هاي راح تموت من البجي.
شال راسه صــيهد عاينلي وجهه تعبان وعيونه ذبلانه رحتله ابجي كعدت كدامه على اركبي
-اسفه والله ما جنت ادري، ردت اموت منن انتَ طحت.
وهوه ساكت شال ايده خلاها وره راسي يقربني اله وباسني بگصتي ما يحجي ماله حيل يحجي گالت امي. -تعاي يمه .
طببيت وي ررغد للمطبخ سوينالهم عشا، رغد مسويه شوربه اخذت الصينيه ومشيت حطيتها يمهم ووهب ملتهي يحط الابره بالكانونه لمن كملوا گتله
-اوكلك.
همس بصوت تعبان
-لا اگدر.
قربتله الصحن والخاشوكه شالها بين أصابعه مايگدر بس ما يستسلم اكل ومرات وهـــب يسويله لفات وامي تحجي وياهم على الابر لازم كل وكت وحده وهوه يگل الوهب
صــيهد ::سويهن كل ساعتين ابره حتى تشيلها من ايدي لعبت روحـــي .
وهـــب :: وعلي اصيحلك طــروادة.
سكت صــيهد شفته بعد ما ياكل مشيت بساع للمطبخ اسويله چاي اجه وراي يريد يغسل حلكه مايگدر يتبلل الضماد البأيده اجيت يمه بساع وخليت ايدي جوه الحنفيه
-انه اخلي ماي بحلكك.
دنك وقربت ايدي الحلكه غسل ودار للطباخ لكاه معدلينه وبعده يشتغل سكت وكعد على الكرسي صبيتله الچاي مديته اله اخذت عاينلي يسأل
-شلونها؟
سكتت ما ادري احجيله الحقيقة حتى يشوفها لو اجذب عليه واكله زينه حتى ما اقهره، ضل يعاينلي .
-چاانت زينه بس مساع وره ما انتَ ضليت تصيح صعدت لگيتها تبجي وترجف خايفه عبالها صياحك عليها وتگول صــيهد راح يكتلني.
يسمعلي بأهتمام ودنك يخوط كوب الچاي وحجه وهوه مدنك
-وهسه نايمه؟ -اي.
-اصعدي يمها.
-شويه واصعد بس أغسل المواعين
-لا هسه اصعدي شوفيها.
سكتت غسلت ايدي وصعدت لگيتها كاعده هادئه بدور يمها تكتب حاجيتها
-ها جوري بيج شي؟ -لا.
-جوعانه اجيبلج شي تاكلينه؟
-لا شبعانه.
هزيت راسي خوش وكعدت يمهم اسوي جدول الكتب درت عليها من كحت وعدلت كعدتها ما مرتاحه عاينت البدور وگالتلها
-بــدور افتحي الشباك.
كامت بــدور فتحته ورجّعت كعدت تكمل كتابه وانه عيني وي جــويريه حطت ايدها على رگبتها تمسحها وكل دقيقه تجر نفس بقوة عبالك مختنگه.
شويه شويه صار صوت نفسها مسموع وبأثنين اديها تمسح رگبتها وتشهك مشيتلها بساع
-شبيج جوررري؟
وهيه تجر نفس بشهگه وتملخ برگبتها اريد اكضها ما اگدر ضلت تصرررخ وتملخ بروحها تسودنت بس اريد اكض اديها واجرها الحضني ماكدرتها ندفع الباب وطب صــيهد يركض هوه ورغد وامي صيحت ارجف
-ما ادررري شبيهاا،
صــيهد بساع جراها الصدره وانه ورغد نريد نكش اديها صرررخت بكل صووتها تبجي ظهرها بصدر صــيهد وهوه حاضنها بأثنين اديه ويحاچيها.
صــيهد:: اشششش كااافي كافي، يمج انا يممج اششش جوري اشش.
وهيه ما هدأت الحد ماتعبت وضلت الدموع تجري والشهگه تصعد وتنزل وي نفسها اديها مشمرات ورگبتها مزلغه ، وامي تبلل بوجها وتقرأ عليها ايات، غمض عينه صــيهد ونزل راسه على جتفها ساكت لمن امي حاجته وگالته
-يمه صــيهد خلها بفراشها.
وخر ونزل راسها للفراش، مفتحه عينها گوه مشه صــيهد للباب يعاينلها غطيناها وامي ضلت يمها لمن نامت يله نزّلت جوه هيه ورغد.
رغد :: تفتر بينهم امي بحيره من جــويريه لصيهد راحتله للمشتمل ضلت يمه ل١٢ يله اجت گالت
-نام عمّت عيني.
-اسم الله يمه.
سكتت مقهوره تدعيلهم تمددت بفراشها هستوها غفت وانه عرگت گـــلبي يدك حيل عبرت ال١٢:٣٠ وانه ما ادري اروحن لو ما اروح، گمت من يم امي والعبايه بأيدي اتلفت بخوف واهمس الروحي اخر مره انهي كلشي حتى مايضل عده امل تصيرين اله، لبست العبايه وطفيت الاضويه الوره البيت طلعت ارجف وميت الف مرّه ألتفتت.
افتريت من وره ألبيت وآمشي بخوف لمن وصلت يم شجرة التين مالگيته المكان يجيه ضوه مو اظلم كلش تلفتت اشم بس ريحة عطره عاينت بتركيز بين الشجر وحسيت بخطواته وراي التفت وشهكت فازه.
عيني بعينه وصوت دگة گـــلبي متغلب على صوت دگة گلبه لا هو تقدم خطوه ولا انه رجعت خطوه يشبهه اول لقاء بيني ويينه نزلن دموعي بدون ما ارمش وهوه دنك يمسح عيونه وهمس بصوت مختنگ. -شلونج؟
زفرت نفس اريد اسيطر على رجفتي شلت ايدي أمسح دموعي وگوه اهمس. -زينه.
سكت دنگت ضاع الكلام چنت متحلفه هيج اكله وهيج احاجيه وهيج اسوي وضاع كلشي من عدي من شفته
سلطاني هذا شلون راح اگدر احجي شي يقهره. -رغد.
همس اسمي وشلت راسي اعاينله دموعي تجري تحسر گوه يحجي
-راح اخطبج.
مسحت دموعي اهز راسي لا حط ايده على حلكه يسويلي
-اشش لا تگليلي لا والله راح اموتن التفكير ذبحني تعبـــت بعد مابيه صبر گضه حيلي.
-لااا، لاا. -ليشش؟
شهكت مختنگه احجي واغص بالكلمه
-ما أريدك بعد انتَ متزوج وآنه ارمله عشگنا مات من زمان وانتهى.
ضحك يهز راسه لا
-اموتن انا وعشگي الج ما يموت.
بجيت ميته قهر
-سلطان. غطه وجهه وهوه يردد بصوت يرجف
-اوووف يا علي، سمي احجي نمرشه گولي .
-لا تحاول انه مو الك ولا راح اصير عيش حياتك ابني سعادتك وي زوجتك وطفلك اللي راح ينولد وبعد لا توديلي هاجر لان ارد الرسآله بأيدها ولا تجبرني اگل الصيهد انتَ جاي تلح وياي واخرب خوتكم، كرهتك انه كرهتك من يوم الگتلك خويه.
حجيتها وگلبي نزرف وهوه فاتح عينه ومصدوم حتى مايحجي عفته ومشيت بساااع رديت للبيت وطبيت لفراشي ضميت وجهي ابجي وما ادري بروحي ليمت غفيت، لثاني يوم.
جــويريه ::كاعده بالغرفه وحدي البنات بالمدرسه اعاين للفراغ وصعدت رغد گالت
-صــيهد يريدج.
عاينتلها بخوف ساكته اجت يمي ساعدتني اگوم وهيه تگلي
-روحـــي احجي وياه هوه تعبان وانتِ تعبانه محد يسندكم غيّر بعضكم جوري خليج سباعيه واحجي ويآه وفهميه خوش؟
مسحت وجهي بلا روح اهز راسي اي وهيه تلف بالشال على راسي رجرتني من ايدي تمشيني وياها گوه اتحرك ماعندي طاقه الاي شي، جده كاعده بالهول ومن شافتني خزرتني دنكت امشي وي خطوات رغد مشت وياي للمشتمل دكت باب الغرفة على صــيهد وفتحته مبتسمه گالتله
-هاي مرتك جبتها.
حجتها ودفعتني برخاوه للغرفة سدت الباب وراحت عاينتله بروّح خاويه كضني من ايدي يمشيني للچربايه وانه امشي مثل مايريد كعدني على الچربايه وراح يم الميز فاتح علاكه مال علاج طلع ابره سحبها بالسرنجه وفتح الكانونه خله الابره بيها لمن خلصت فلت الكانونه من ايده وحده وهوه يلم بالاغراض گال. -شلونج ؟
ضليت ساكت اعاين للمرايه الگدامي مظهري الخارجي يشبهه الخراب اللي بداخلي، عيوني ذبلانه وجواهن سواد ووجهي اصفر وشفايفي متكشرات . درت عيني اله من تحرك عاينلي ودار وجهه يدور بالغرفه كل شويه يوگف يم مكان يدور رجع گال
-شلون صرتي؟
-زينه.
همست وكف يم الميز يدور گال
-باجر تداومين عدج امتحانات.
-تمام.
-بعدج تردين عرسج بالعطله. -لا.
احجي وودي اكله سووا التردونه اكتلوني اذبحوني اي شي تردونه سووه وخلصوني من هالدنيا دار عينه الي
-ليمت چا؟ -بكيفك.
هز راسه يردد
-بكيفي هسه بكيفي.
بلعت ريگ بخوف من شفته طلع من الكنتور خنجر فتحه فاصل الخنجر عن الگراب واجه افتر يمي شلت راسي اعاين لوجهه بخوف مد اديه اثنينهن على زنودي لزمني منهن دفعني ليوره برخاوه منومني على المخده تمددت اباوع لوجهه ودموعي تنزل بلا صوت، راح يذب حين.
كعد على حافة الچربايه مدنك يگلب الخنجر بأيده غمضت عيني اجر نفس بقوة دار علي ومد ايده اللي كلها لفاف لم اديه اثنينهن وخلاهن فوگ بطني لازمهن بأيد وحده وعيّنه بعيني دنك لوجهي وطبع شفايفه على كصتي غمضت عيني گـــلبي يدك حيييل وهوه ضل مخلي شفايفه على كصتي
وبدون ما يشيل راسه بس بعد شفته وهمس
-شدراه تركصين هجع؟
