رواية لعبة الحب الفصل الثامن عشر 18 بقلم عائشة الكيلاني

اسيا قامت بصدمة:- انت 

اسيا بصتله بقوة و عتاب ألم قسوة مشاعر كتير جوها ربعت ايديها:- خير يا باشا جاي ليه هو مش الى بينا انتهاء نهينا افندم يا استاذ امير و ياريت تنجز علشان مش فاضيه و زى ما انت شايف بشتغل و مش بحب اضيع وقتي مع راجل غريب 

امير حس بغصة بقلبه يااه غريب مرة واحدة بقا بالنسبة ليها غريب بعد ما كان لعبة تحاولت لحب دلوقتي بقا غريب بقو اغراب عن بعض صحيح الشكل موجود و الملامح لكن القلوب متغيرة نظرات اسيا اللمعة الى في عينيها لم بتشوفو اللهفة الفرح الابتسامة كل دا ملقهمش فيها اكنها واحدة تانية اول مرة يشوفها و يسمع القسوة في صوتها جبروتها مين دى مين الى قدامو حبيبته و مراتو ولا واحدة تانية الفرق بينهم الشكل بس 

اسيا بسخرية:- متجي تخدلي صورة احسن اخلص قول الى جاي علشانه لاني مش فاضية 

امير بوجع:- اتغيرتي اوى يا اسيا 

اسيا بصتله و بعدين بصت حواليها :- مين الى اتغيرت اااه اسيا ممم مش يمكن كنت عبيطة و فوقت في غفلة ربنا يكفيك شرها انا متغيرتش و بعدين لو جاي في شغل تمام غير كدا معطلكش ولا تعطلني 

امير بصلها بهدوء:- طب ممكن تسمعيني 

اسيا قعدت على الكرسي و بتبص على ضوافرها ببرود و قوة:- بص الضافر دا حلو ازاى بس بوختو في وجعو 

امير مش فاهم قصدها اسيا بتبصله بثبات و كسرت الضافر خدت مناديل و لفيته عليه:- ك.سرته قبل ما يوجعني ف وجع بوجع ابدا انا و اكسره اسيا ماتت ماتت في اليوم الى قتل.ت فيه ابنها الى قدامك واحدة تقدر تحر..قك انت شخصية ربنا يكفيك شر قلبتي 

امير مقدرش يستحمل طريقتها اتجه ليها بعصبية و شدها من دراعها و هى بنفس الثبات :- ااسمعني بقا انتي لو مجنونة ف انا مجنون و معايا معاملة اطفال انتبهي على كلامك و تصرفاتك يااسيا و الا و حيات ربنا لكرهك في اليوم الى اتولدي فيه .. كنتي عايزني اعمل اي هاا ما تردي عليا واحدة مصممة و مقررة تجه.ض ابنها اعمل اي لم اعرف اتكلمي 

اسيا بوجع و حادة:- كنت اسمعني اسمعني مش تتهمني بحاجة انا معملتهاش و مستحيل اعملها انا فعلا لو كنت عايزة اعمل كدا ف هعملو قدام عينيك مش بأدوية ولا مستشفى و عمليات و تكاليف بسيطة كنت طعن.ت نفسي بسك.ينة و اكون خلصت بس ااانت زيك زى مراد انتوا الاتنين شبه بعض بتحكمو بس من برا طب هو ز كان زفت بس انت كنت جوزي جوزي الى مشاركني حياتي بالحلو و المر المفروض تكون عارفني اكتر من نفسي انت كداب وعودك كلها كدب انت خااين يا امير اه والله العظيم خااين وعدني بحاجات كتير و معملتش بيهم بحبك يا اسيا و هفضل احبك مهما العالم قال عليكي هصدقك مش هحكم غير لم اسمع منك عمري ما هسيبك ياسيا فجااة عند أول مطب سبتني و خلع.ت ليه علشان اتزفت اجهضت مع ان دا والله العظيم حصل غصب عني السوال هنا لو كنت معاك في العربية و عملنا حادثة كنت هتعمل كدا و تتهمني ولا هتقول اراده ربنا كنت مستني حضنك كنت مستني انك تبقي جانبي لكن انت خلفت كل تواقعتي بعد كدا يا امير لم تبقا مش اد الوعد متوعدش 

امير بصدمة و وجع و قهرة من كلامها :- لدرجة دى انا وحش لدرجة دى انا اسوأ انسان من وجهة نظرك انتي شايفني شيطان 

اسيا حررت ايديها منه:- هتصدقني لو قولت انى مبقتش شايفك اصلا انت كنت مرحلة في حياتي و انتهت امشي يا امير الى بينا خلص لحد كدا 

امير مسك وشها بين ايديه:- انا مش هسيبك ياسيا مش هسيبك لانكي انتي حالي لانى بحبك و 

اسيا زقيته و قالت بصوت عالي شوية:- بسس ارحمني يا اميرر مش انت طلاقتني و قولت انك مش عايزني ولا عايز الحياة معايا و انا احترامت رغبتك عايز اي تاني ااارحمني بقا اطلع برا حياتي اطلع برا حياتي سبني في حالي ياخي لو بتحبني سبني 

امير بصلها بصدمة و حزن بعد عنها و خرج من مكتبها اسيا بتبص لطيفو و دموعها بتنزل بوجع ابتسمت بمرارة:- لتاني مرة بتوجعني يا امير لتاني مرة تسبني و تتسبب في وجعي مقدرش اسامحك ولا اقدر اكرهك دخلت حياتي ليه ليه يا امير قعدت على المكتب و سندت ايديها عليه و حطت راسها على ايديها و هى بتفتكر امير و حياتها معاه و يوم الحادثة 

امير خرج من الشركة ركب عربيته و مشي و الوجع ملئ قلبه كلام اسيا دخل قبلو زى الخن.جر معقول هى شايفه كدا مش دى البت الى حبها و حب حبها له دى واحدة تانية 

و هنا تشتغل اغنية مشاعر 

بالليل في شركة عصام 

برنسة :- مش حاسه انكي كنتي أو

اسيا بصتلها 

برنسة اترعبت:- اي انتي هتتحاولي ولا اي انا بهزر يا سوسو انتي المفروض كنتي قعلت.ي الجزمة كنتي نزلتي بيها على دماغو 

اسيا :- اهو خد الى في النصيب ال اسمحوا ال عبيط دا ولا اي طلاقني حتي من غير ما يسمعني ههه الوحيد الى رد فعلو صدمتني 

برنسة:- خلصتي من ابن امو جالك الى من غير دماغ فكك 

اسيا :- طب يلا علشان نروح اتاخرنا و عصام بيه ممكن يطربق الدنيا على دماغنا احنا الاتنين 

برنسة بحرج:- اسيا انا هرجع البيت كفاية كدا بقلي كتير معاكي بصراحه كدا عيب و كتير اوى انا همشي البيت وحشني و بعدين انتي خايفة عليا من اي انا مش صغيرة و الشارع ونس 

اسيا بهدوء:- و مش كبيرة و بعدين دا مش بيت حد دا بيتك التاني و بعدين تقعدي لوحدك تعملي اي عارفه انكي فاكرهم لانهم اهلك مش اهلك لوحدك على فكرة هما اهلي انا كمان لولاهم كان زماني ميته ولا الله اعلم كان حصلي اي الله يرحمهم و يصبرنا 

برنسة الدموع اتجمعت في عينيها:- ياريتني كنت معاهم ياريتني ما خرجت من البيت في اليوم دا عارفه يعني اي ترجعي البيت تلاقي اهلك مرميين على الارض ربنا رحم امي من انها تشوف المنظر دا تامر واقعة على الارض و الحقنة مرمية جانبه ... هو قال انه باطل والله هو قال انه مش هيرجع لى الارف دا تاني .. و ابويا اكيد مات من قهرته على ابنو ابويا كان خلاص فاق اتفاقنا نبدا من جديد معرفش اي الى حصل ياريتني كنت معاهم يا اسيا 

اسيا حضنتها و برنسة قعدت تبكي بقهرة انعكست الادوار اسيا بقا ليها اهل برنسة بقت من غير اهل و اسيا قررت انها مش هتسيب برنسة لوحدها مهما كان بعدت عنها و مسحت دموعها :- مش عايزة اشوف الدموع دى تانى اوعي تبايني دموعك لحد فاهمني متخليش حد يشوفك ضعفك الى هيلمح ضعفك هيكسرك و تاني حاجه مفيش عيشة لوحدك ل كدا لنروح كلنا نعيش معاكي انتي عارفه اننا عيلة مجنونة و نعملها 

برنسة ضحكت غصب 

اسيا بابتسامة:- ايوة فكي كدا و خلي القمر يظهر 

برنسة بحب:- ربنا يخليكي ليا و محرمنيش منك يا اختي 

اسيا:- ولا منك يا اختي المجنونة يلا بقا عهد سنة كمان و هتخلينا نبات برا البيت مش هدخلنا 

في فيلا عصام 

عهد بغيظ:- نصاب نصاب يا امينة والله الى هيموتني ناقصه عمرا هو انتي 

امينة:- متخلنيش افتح في الى فات على اقل دا نصاب و ابن مامتو و بميت شخصية كنتي بتتعملي معاه ازاى انتي مجنونة والله مجنونة من ضمن شباب الكليه دول تتجوزي دا ليه ها عقلك كان فين يا بنتي يخسارة التعليم الى راح بلاش يعني المفروض اننا دكاترة نقوم نقع الواقعة السودة دى واحدة مجنون و التانية نرجسي و نصاب والله ما عارفه اودي وشي من ابني فين 

عهد:- ما خلاص يا ولية انتي جاية تنكدي عليا ليه المهم جابر دا اي نظامو كويس يعني ولا هتدفني 

امينة:- بتفولي عليا يا مجنونة والله ما عارفه جوزك مستحملك ازاى دا ياخد اوسكار على جنانك لا يختي كويس و كمان هخلي ابني يسال عليه 

عهد:- مين فينا الى مجنونة قوليلي اخبارو اي 

امينة بحزن:- زفت دائما لوحدو سرحان قلقانة عليه اوى مش عارفه اعمل اي ما تخليني اكلم اسيا 

عهد:- ابوس ايدك بلاش كلام في الموضوع دا البت صبغت شعرها رمادي كلمة كمان و هتعملو ابيض كفاية انا بشوف الوان غريبه ابنك جنن البت جننها ابن المجنونة 

امينة قامت:- لا هو كان وخدة كدا هو مستلمها مجنونة هى الى جننت ابني و مفيش ترجيع الصبح تجي تخدو و يمشي من قدامي 

عهد:- انا مالي قولي لى ابوها و ليها الكلام دا 

امينة سلمت على عهد و روحت بعد شوية وصلت اسيا و برنسة 

عهد بصتلها بصدمة:- اي دا يا بنتي برتقالي يا اسيا هى حصلت 

اسيا :- حلو مش كدا يعني برتقالي محمر اي رايك لم قصيتو حلو مش كدا 

عهد على وشك البكاء:- انا مال اهلي اي اللون دا بس تحفه عليكي بجد والله و الاستاذة عملت شعرها اي كيرلي ليه يا حبيبتي ليه يا ماما ااااع و كمان عمله دهبي انتوا بيت مجانين كدا كتير اوى كتير يا رب 

عهد طالعت و هى بتكلم نفسها اسيا و برنسة كل واحدة راحت اوضتها اسيا غيرت وقفت قدام المرايا و هى بتفكر في امير عند امير كان بيبص لصورة اسيا بدموع و حزن 

تاني يوم 

امير :- صباح الخير يا امي 

امينة قعدة على الكنبة و حطه ايديها على خدها:- خير و هيجي منين الخير يا موكوس يا ابن الموكوسة يا اهبل يا ابن الهبلة الناس خبيتها السبت و الاحد و انا خيبتي مااا وردت على حد يا خسارة تعبي فيك يا خسارة تربيتي فيك تطلاق مراتك يا ابن الواطي 

امير بملل و صدمة:- بقا كللل الاسطوانه دى علشان خاطر اسيا انتي مشوفتهاش غير كام مرة كبري دماغك 

امينة قلعت الشبشب و حدفته عليه:- اكبر دماغي كان يوم اسود يوم ما شوفت ابوك هو انت هتجيبه من برا نفس دماغو مفيش تفكير طالعلو 

امير :- غريبه مع ان كل الناس بيقولوا انى طالع ليكى انتي و لدماغك اكتر نفس ذكاك ااااه

امينة:- بتتريق عليا يا ابن الجزمة بتتريق عليا يا ابن شريف صحيح هو انت هتجيب من برا نفس جحود ابوك 

امير :- يا ولية كفاية حدف الحاجة عليا انا مجرمتش كنتي عايزين اعمل اي لم اعرف انها اجهض ت 

امينة:- تسمعها يا فاشل يا فاشل يا ابن الفاشلة والله انا المفروض كنت قت.لتك لو كنت اعرف انك واخد جحود شريف زفت ينيلة بختك ياا امينة يا خبتك الاوية في ابنك يا امينة ليه يا ابني كدا ليه تخرب بيتك و حياتك من غير ما تتهبب تسمع منها 

امير بملل :- اهو الى حصل و بعدين حياتي من غيرها احسن بكتير دى كانت مصدعني 

امينة:- قول الكلام دا لواحدة عبيطة مش لى امك يا خايب يا ابن الخايبة قصرو انا متقدملي عريس و انام موافقة بس هو عايز يقعد معاك مانت ابني برضو 

امير بصدمة:- نعمممم عريس مين دا الى هيتجوزك دا انا ادفنه انتي بتقولي اي يا امى 

امينة:- حياتي و انا حرة و بعدين كفاية بقلي سنين مدفونة في اوضة و أجهزة و بعدين المرة دى هو كويس و بيحبني 

امير مسح على وشو:- حضرتك كان فاضل كام شهر و تبقي تيته تتجوزي أزاي 

امينة:- مممم يعني اتجوز من وراك و افاجاك مثلا امير جابر بيحبني و انا هتجوزو يعني هتجوزو غصب عنك برضاك انا حره تاني حاجة انام و اصح القيم انت و اسيا هنا و المفروض يا ابن العبيطة تعرف انها لسه مراتك مش انت ردتها في نفس اليوم 

امير:- ايوة بس هى متعرفش و بعدين انا مكنتش فاضي 

امينة قامت:- سبها عليا يا قلب امك 

بالليل في القصر 

اسيا:- حضرتك انا اتاخرت و بعدين انا ورايا شغل كتير بكرا و مش فاضيه 

امينة حطت ايديها على قلبها بمكر:- ااه قلبي انا طلبتك علشان حاسة انى في اخر ايام قولت اشوفك اصلك جيتي على بالي . صحيح انتي تعرفي جابر دا كويس 

اسيا:- الا اعرفو دا المعلم و الزعيم بتاعي هو الى معلمني الصنعة بس تاب الحمد لله بس عصبي لم بيقلب بنستخبا منو فين ايامك يا جابر كنت عملنا هيبة 

امينة بابتسامة:- حبيبي اخيرا جيت 

اسيا قامت بسرعه و صدمة:- طب استأذن انا ايا طنط 

امينة:- لسه بدري يا سوسو و بعدين ملحقتش اقعد معاكي 

اسيا :- مرة تانية 

امينة بابتسامة:- طيب يا حبيبتي هستناكي 

امينة خرجت مع اسيا اسيا شهقت بصدمة:- انتي عملتيها تاني لا كدا كتير 

اسيا مسكت الفون 

امينة:- هتعملي اي 

اسيا:- هكلم اوبر 

امينة:- اوبر بالليل لا طبعا والله ما يحصل اميررر 

امير بملل:- مين مات عايزة اي يا امي 

امير قام و خرج:- مالك يا امينة هانم بتصرخي ليه 

امينة:- اسيا حبيبتي عربيتها الكوتش بتاعه نام وصلها 

قالتها و هى بتجز على سنانها 

امير:- امرك اتفضلي يا اسيا هانم 

اسيا:- شكرا هروح بتكس و 

امير مسك ايديها و ركبه عربيته اسيا ارتسمت على وشها العصبية امير اتحرك 

اسيا ببرود:- مش تقولي مبروك 

امير:- امك هتتجوز تاني 

اسيا ببرود:- جالي عريس و انا موافقة و بابا كمان موافق 

امير زود السرعة:- الف مبروك ابقي اعزمني و بالمرة اشهد على الجوازة 

اسيا بتصوت:- اااااااااااع هدى السرررررعة شوية انت كدا هتموتنا قبل ما افرح بنفسي اااااااااع ااامير وقف العربية من فضلك امير انا عندي فوبيا من السرعة 

امير وقف العربية و قال بغضب:- ااانتي تموتي ولا تتجوزي غيري اسيا انا بحبك بلاش تعملي فيا كدا 

اسيا كانت هتفتح الباب لكن امير مسك ايديها:- رايحة فين مش شايفة ان حته مقطوعة كنتي هتروحي ازاى 

اسيا:- ملكش دعوه 

امير:- ليا ليا لانكي مراتي لسه مراتي يا اسيا 

اسيا بصتله بصدمة لكن تحاولت لخوف و استخبت في حضنه مسكت فيه بقوة 

هتنزلو ولا أفرغ الس.لاح في دماغكم 

امير و اسيا بصو لبعض بصدمة هى بصتله بخوف و هو بصلها بهدوء و اطمئنان و ......

شكرا لزيارتكم عالم روايات سكيرهوم