رواية تاجر النساء الفصل السابع عشر بقلم حنان احمد ماهر
كريم بتوتر من رد فعلها . أمينة احنا لازم نتجوز
اتنفضت أمينة بصدمه . انت بتقول أية نتجوز ازاى يعنى
وقف كريم وقرب منها وتكلم برجاء . صدقيني ياامينة
ما فيش حل غير دة احنا مانعرفش مدى خطوره الشخص
ده عليك
وعايز منك ايه بظبط ووجودك لوحدك انتى ومامتك
فيها خطر عليكم
أمينة بتردد . بس يعنى قرار الجواز مش سهل وكمان
احنا مانعرافش حاجه عن بعض بص خلينا نفكر فى
حل تانى
اتكلم كريم بتملك . أمينة جوازى منك تحصيل حاصل إذا كان دلوقتي
او بعدين انتى بتاعتى بس لو كنت طلبت أننا نتجوز دلوقتي
فده على شان تبقى قدام عينى واطمنى عليكى أنه
مايقدرش يقرب منك
أمينة بتفكير . بس ياكريم فى حاجات انت ماتعرفهاش
عنى وعن حياتى وممكن تغير قرار الارتباط بيه
وانا كمان عايزة اعرف كل حاجه عنك
قرب منها كريم وتكلم بنبرة كلها عشق . صدقينى ياامينة
مهما كانت ظروفك وحياتك قبل ما عرفك دة مش هيغير
قرار جوازى منك انا ماقدرش ابعد عنك عشقى ليكى
عده الحدود
أما بالنسبة انك عايزة تعرفى عنى كل حاجه فاانا هحكيك
كل حاجه أنا عايزك تشركينى كل حياتى الماضى والحاضر
فكرت أمينة فى كلامة وأن وجودها معه هيخليها تعرف
اسباب بعادة عن أمة السنين دى كلها ومافكرش يسأل
عليها مرة واحدة بعمرة حتى لما شافها ماعرفهاش
معقول ماكانش معه صورة ليها صحيح لما عمه خطفوا
كان ماكملش التالت سينين
ياترى عمه ممكن يكون قاله أنها ماتت أنا مينفعش اثق
فيه غير لما أعرف أسبابه صحيح أنا حبيبته بس
اللى ملهوش خير فى أمه ملهوش خير فى حد
طلعها كريم من تفكرها . ايه سرحتى فى إيه وكمل بقلق
أمينه انت قلقانه و خايفه منى
انا عارف انى كل حاجه جت بسرعه بس صدقيني أنا
خايف عليكى
أمينة بجدية . كريم أنا موافقه بس لازم نتكلم الاول
فى حاجات لازم نعرفها عن بعض وبعد كدة
نقرر هنتجوز ولا لا
كريم . تمام ياامينة اللى انت عايزة وانا متاكد من قرارى
أمينه . تمام بكرة إن شاء نتقابل بعد الكلية ونتكلم
كريم . بس انا مقدرش اسيبك قعدة هنا يوم كمان
مش هكون مطمن عليكى انتى لازم تيجى انتى وولدتك
معايا عندى شقه هتنقلوا فيها لكن مستحيل اسيبك
يوم كمان تقعدى هنا
أمينة . بس ياكريم ماما ماتعرفش حاجه
كريم . احنا لازم نعرفها بسى بلغيها بوجودى وانا هتكلم
معاها
هزت أمينة رأسها ودخلت تبلغ عايدة بوجود كريم
خرجت عايدة مع أمينة وقربت من كريم ترحب بيه وبتبتسم وفى عنيها اشتياق . اهلا وسهلا يابنى نورتنا
بدلها كريم بابتسامة . أهلاً بحضرتك ياطنط أنا كنت عايز
اتكلم مع حضرتك شوية بعد اذنك
عايدة . اه طبعا ياحبيبي اتفضل وبصت على أمينة
روحى اعملينا عصير ياحبيبتي
وعند لوجى كانت فى اوضتها رايحا جيه وبتكلم في
التليفون بغضب يعني هو عندها دلوقتي طيب خلاص
اقفل وبلغنى بكل جديد
لوجى بتوعد . ماشى ياكريم أنا هوريك واتصلت بمازن
الو انت فين
مازن بحده . عايزة ايه يالوجى مالك سخونه عليه كدة ليه
لوجى بغضب . اصلك نايم على ودانك وكريم باشا
عند الهانم
مازن ببرود . وانتى عايزانى اعمل ايه دلوقتي اروح اجيبه
من هناك
لوجى بغيظ . يابرودك يااخى شكلى كنت غلطانه لما
وثقت فيك اقفل يامازن
قفل مازن وكانت فى واحده جانبه . مالك ياحبيى
فى حاجه
مازن . مافيش حاجه يالولو دى واحد مجنونه قوليلي
بقى كنا بنقول ايه
دخلت لوجى المكتب على أبوها بغضب أستغرب مصطفى
تصرفها . مالك دخلة زى القطر كدة ليه
لوجى . إبن اخوك عند الهانم
مصطفى . ما أنا عارف كل حركة بيتحركها كريم عندى
خبر بيها
لوجى . طيب وانت ساكت ليه دة بعد ما نزل من عندها
واول ما وصل نزل جرى تانى ورحلها تانى
مصطفى . متقلقيش هخلص منها قريب أنا مستحيل
اسيب مليم يتاخد من فلوس اخويا ده حقنا وزى
ما بعدته زمان عن أمه هبعده عن اى حد يفكر يقرب
منه احنا أوله بيه وبفلوسه عايزك تطمنى كريم
قريب هيكون ليكى
اتنفضت بخوف يعني إيه بنتى فى خطر قلتها عايدة
بقلق
حاول كريم يطمنها . ماتخفيش حضرتك أنا مستحيل
اخلى مخلوق اى يقرب منها بس انا طالب من
حضرتك طلب
عايدة . اتفضل يابنى
كريم . انتم لازم تسيبوا البيت هنا وتيجو معايا عندى
شقة هتقعود فيها مؤاقت لغايط ما نمسك اللى بيهدد
أمينه
عايدة باستسلام . ماشى يابنى اللى تشوفه
كريم بتوتر . وعندى طلب تانى وارجو من حضرتك
ماترفضيش عايز اكتب كتابى على أمينة
ورغم أن عايدة كانت سعيدة بطلبه وأنه هيكون قدمها
طول الوقت بس حولت تدارى فرحتها . بسرعه
دى يعنى أنا اول مره اشوفك النهاردة
مسك كريم اديها برجاء . صدقينى حضرتك مش هتلاقي حد
فى الدنيا دى كلها هيحب أمينة زى ما أنا بحبها
بصت عايدة لامينة لقتها منزله رأسها بخجل . والله يابنى
انت باين عليك ابن حلال نخلص الاول من المشكلة
دى وبعدين نشوف موضوع كتب الكتاب
كريم . بس انا عايز اكتب كتابى عليها على شان اقدر
اكون قريب منها برحتى ومايبقاش فى حرمانيه
هى طول الوقت هتكون معايا مش هينفع تروح مكان
لوحدها أنا مش هكون مطمن
عايدة بفرحه أن أبنها كريم هيكون لاامينة بنت قلبها
اتكلمت بابتسامة ممزوجه بسعادة . وانت هتجيب
المأذون امتى
مسك كريم اديها بحماس وبسهم . شكراً ياطنط حضرتك
مش هتندمى أبدا على موافقتك احنا قبل ما نطلع
على الشقه نعدى على المأذون
أمينة باعتراض . بس احنا قلنا هنتكلم الاول
قرب منها كريم . هنتكلم برحتنا وانتى مراتى ياله لو سمحتى اجهزى علشان نلحق مكتب
المأذون
دخلت أمينة بتردد وقلق ودخلت وراها عايدة .
مالك ياحبيبتي انتى خايفه من أية
أمينه . قلقانه ياماما ايه السبب أنه مسالش عنك
السنين دى كلها هو باين عليه أنه راجل بجد ومحترم
وحسه جنبه بالأمان بس خايفه يكون وهم
عايدة . صدقيني ياامينة أنا متأكدة أن مصطفى مالي
عقله بكلام كدب مش بعيد يكون قاله انى مت
ماتخافيش ياحبيبتي كريم بذرة طيبة قلبي عمرة
ما يغلط أبدا ياله بقى اتجدعنى يا عروسه
وحضنتها بحب أخيراً هفرح بيكى
عند منصور اتصل ببلال . أيوة يابلال عرفتلك مكان بت
المركوب و ...
