رواية ديجور شاهين الجزء الثاني الفصل الثانى عشر 12 بقلم ايلا ابراهيم

حاوطها شاهين وبعدها عن علااا بالعافيه .. وصرخ بيها انتي اتجننتي بتعملي ايه..

سندس باندفاع اسأل ال**** بنت عمك... بتقولي انك هت*نام معاها وعلى سريرها .. سيبني بقولك سيبني انا هقطعها بسناني..

بص شاهين ناحية علااا اللي بدأت تعيط.. واتكلم بجديه اطلعي اوضتك ياعلااا ..  وبص لسندس بغيظ وانتي ناسيه انك حامل .

علا بغضب ده اللي طلع معاك  انت شايفها بعنيك بتضربني .. انا اللي بتضرب ياشاهين انا. مش هيا ..

 وانت خايف عليها..هي ..

شاهين اطلعي اوضتك ياعلااا هنتكلم بعدين وانتي ياسندس اطلعي اوضتك .. عشان ترتاحي..

علاا بصت ليهم وهو محاوطها بأديه وباين خوفه عليها اووي.. حست بجد بقهر جواها وغيره .. نزلت دموعها والمره دي بجد .. مش تمثيل ومن غير ماتحس جريت على اوضتها ورمت نفسها على سريرها..

ولسا شاهين هيحصلها. مسكته سندس انت هتروح فين..

سندس بلاش الأسلوب ده معايا  فاهمه وعلى فكره انا مرضيتش اتكلم قدام علاا بس انتي غلطتي برضو ... عشان ضربتيها ومحترمتيش حتى الكلام الكتير اللي اتكلمنا فيه واتفقنا عليه.. قلتلك البنت مريضه. مريضه وهتتعالج .. مش قادره تتحمليها اتكلمي .. وانا هتصرف .

سندس : تتتصرف ازاي .. هتطردني من بيتي عشانها..

شاهين بانزعاج : انا مقولتش كده ومتتكلميش من غير ماتفهمي انتي بقيتي عدوانية  اوووي.كده ليه .. والأسلوب ده مش هيمشي معايا.  ياسندس .. وانا شايف أننا ننقل شقه بعيده عن هنا لحد ما علاا تخف..

سندس بانفعال : اه وحضرتك هتفضل رايح جاي. عليها ومش بعيد تعمل اللي قالت عليه وتوصلك لسريرها 

شاهين بغضب ..انتي بتخرفي بتقولي ايه ... الحق عليا اني بتكلم معاكي ..

سندس مش هو  ده اللي عاوزه توصله علا هانم.

في الوقت ده وصلت رية اللي كانت خارجه وسمعة كل كلامهم..

شاهين اطلعي ارتاحي انتي دلوقتي وهنتكلم بعدين ..

سندس بغيره : وانت هتطلعلها صح..

شاهين بغضب امشي من قدامي  ياسندس امشي ..

طلعت سندس اوضتها وهي بتدب الأرض برجلها بغيره وغيظ . 

رية سندس مش هتجيبها لبرا يابني..

شاهين ولا علااا مش جيباها لبررر يامرات عمي..

رية بانزعاج : بس مراتك دي طبعها صعب اوووي 

شاهين .. سندس طيبه لكنها متعرفش تعبر عن اللي جواها .. عشان كده لسانها متبري منها ساعات ..

انا شايفه أنها بقت مستفزه اوووي ومش طايقه علاا .. الست  اللي تحب جوزها المفروض تتحمل ظروفه مش زي ما مراتك بتعمل فوق الحمل اللي شايله هي برضك بتزودها عليك... وانا مستغرباك ياشاهين انت مش طبعك كده..  انت اللي محدش يقدر يقولك كلمه بقيت بتعديلها حجات كتتتير .. دي حتى مش عملتلك حساب وبتعلي صوتها قدامك عادي... المفروض تعملها حدود .. متتعدهاش انت مكنتش كده..  ياشاهين ايه اللي جرالك..

وقف شاهين بضيق.. وعاوز يمشي..

رية استنى ياشاهين هتروح فين

شاهين هطلع اتكلم مع علاا شويه النهارده هيوصل الدكتور بتاعها..

رية بقولك ياشاهين.

خير يامرات عمي في حاجه.

ايوا انا عاوزاك تنسى اللي عمله وسام ..يابني انت عارف وسام ووطبعه الصعب 

رد شاهين بغضب انسى ايه .. ورجائاً متجيبيش سيرته قدامي..

بدموع عشان خاطري ياشاهين وسام ابن اخويا وانا ماليش غيره في الدنيا دي . بعد ما اخويا مات.. سيبه ياشاهين وانا اوعدك مش هيعمل حاجه تاني ابدا..

شاهين بغضب مش هسيبه لحد ما ياخد جزاته

رية برجاء وعشان خاطري ياشاهين ... مش انت دائما بتقولي اني زي امك.. انا عمري ماطلبت منك حاجه .. متردنيش ياشاهين وخرج وسام من المكان اللي مخبيه فيه..

ده خطف مراتي وبكل بجاحه بيقولي أنه بيحبها عاوزاني اسيبه

عشان خاطري بقولك ماليش خاطر عندك..

ماشي يامرات عمي ماشي هشوف اعمل ايه ..بعد اذنك..

طلع شاهين لأوضة علاا وكانت بتعيط .. حاسه بالوحده وحاسه أن قلبها بيتقطع مية حته.. سمعت خبط على باب أوضتها وبعدها صوت شاهين ممكن ادخل

علااا ببكاء متدخلش ومش عايزه اشوفك تاني ..

لكنه دخل اوضتها وهو بيضحك ليه بقى..

انا اتهنت ببيتك ياشاهين واتضربت .. وبعد ده كل انت مسألتش بيا وبتجري على مراتك بعد كل اللي عملته فيا... مراتك القادره

اولا مراتي حامل... وانتي يا علاا بتستفزيها جامد  وانتي عارفه ان سندس بعد الحمل بقت بتتعصب بسرعه ومش بتتحمل 

اه حامل وانا بقى الفروض اتضرب واتذل عادي.عشان الهانم حامل..

مش انتي اللي بتقولي اي كلام عشان تستفزيها مش كده والا ايه..

انا مش بقول ايه كلام .. كل كلمه قلتها بقصدها .. وانا هقولك تاني يا شاهين .. انا هنا عشان عندي امل انك  في يوم تكوني ليا وتحبني.. لكن في اليوم اللي اتأكد فيه انك مش هتبقى ليا صدقني مش هتشوفني تاني...

شاهين بتهدديني ..

مش بهددك انا بقولك انا عايشه هنا ليه.. انا بحبك .. ومش هنكر مشاعري بعد ما عرفتك..  حتى لو انت رفضتني بالوقت ده انا لسا عندي امل انك هتحبني في يوم... وامل كبير اووي

علاا انتي بنت جميله اوووي وذكيه والف مين يتمنى بس انك تبصيله... بصي حوليكي الدنيا فيها خيارات كتتتيره وانا اقل خيار فيهم.. انا متجوز وباقي على مراتي وابني أو بنتي ومش هخرب بيتي.. انا طبيعتي كده .. .وانتي صدقيني هتلاقي اللي يستاهلك ويقدر كمية الحب الكبيره اللي جواكي

.. أنا متأكد أن الراجل اللي هتبقى مراته هيكون محظوظ اووووي عشان انتي حنينه وهتحبيه وتحبي عياله اوووي .. انا حاسس وشايف الحب الكبير اللي جواكي لكن المفروض انك تدي الحب للشخص الصح اللي يقدرك ويقدر حبك ده .. انتي تستاهلي تكوني الست الاولى الوحيده في حياة الرجل بتاعك.. ومعايا مش هتكوني كده .. صدقيني انتي تستاهلي الكتتتير  مش القليل..... 

علاا كانت بتبصله بدموع واتكلمت بحرقه بس انا بحبك انت... وعاوزاك انت 

شاهين وانا بحبك وبحبك اوووي والله لكن الفرق مابينا... اني عارف نوع الحب اللي بحبهولك ..

إنما انتي متغلطه لسا .. مشاعرك سيباكي فدوامه مش عارفه تخرجي منها بس صدقيني لما  تتعالجي وتخفي هتعرفي ان حبك ده مجرد مشاعر افتقدتيها من غياب ابوكي .. انتي شايفه أن المشاعر دي حب . لكن مشاعرك دي من الفراغ اللي كنتي حاسه بيه طول السنين دي.. 

مسحت دموعها واتكلمت .. مهما قلت ياشاهين انا متأكده من مشاعري وكلام الدكتور النفسي اللي بتكلمني فيه مش هيغير حقيقه اني بحبك .ومش هسيبك ابدا ولا هتخلى عن الحب ده  ...

وقف شاهين واتكلم بجديه انتي بترجعينا لنقطه الصفر ياعلاا .. 

علاا..

شاهين بقلة حيله ماشي ياعلاا .. ماشي ليغادر ويتركها  شاردة في الفراغ 

******

بعد مرور يومين 

شاهين في إحد المخازن الخاصه به تحدث مع أحد رجاله : فكووه

ابتسم وسام وتحدث باستفزاز ايه قررت تتخلي عن سندس عشاني ..

لم يستطيع شاهين تحمل كلماته ليضربه عدت ضربات مرددا انا خرجتك عشان خالتك لكن يمين بالله لو فكرت تقرب من مراتي تاني لادفنك مكانك ومش هسأل فحد...

اجابه بضحكه غريبه : بتضربني يا شاهين .. بتضرب صاحبك

شاهين احتدت ملامحه من بروود المقابل له ليرد بجنون دا انا هقتلك سامع هقتلك يا**** 

وسام : تعالى ... تعالي اقتلني لو ده هيريحك .. انا مش همنعك.. وعاوزك تعرف لو قلبي كان فأيدي كنت نسيتها من اول ماعرفت أنها بقت مراتك ... لكن قلبي ده مش فأيدي وهي خطفتني من لما شفتها . وهفضل احبها العمر كله .. عشان دي حاجه مش فأيدي يا صاحبي .. حاجه مش فأيدي... 

لم يحتمل ماسمعه لينقض عليه يرغب بتهشيم وجهه ..لكن..