رواية غموض الحب عائلة الرفاعى الفصل السادس و الخمسون
عرفتي ان قاسم مات يا نور”
نور اتصدمت بشده والفون وقع من ايديها والدموع اتحجرت في عينيها وتابعت بصوت مختنق : مات ازاي يعني وازاي محدش قالي وحطت ايديها على بوقها ودموعها نزلت بوجع وتابعت ازاي يموت ومحدش يقولي هو ايه اللي مات دي اكيد بتخرف وفضلت تعيط
وسمعت صوت الباب بيخبط فمسحت دموعها بخوف وقامت تفتح وتابعت بوجع ايوه ايوه جايه وفتحت الباب
شهد وهي شايله الصنيه تابعت ايه يانور كل ده حرام عليكي شايله الصنيه على قلبي بس فداكي يا عروستنا يا قمر صباحيه مبااركه ينورعيني
نور بابتسامه حزينه الله يبارك فيكي
ودخلت شهد تحطها ونور قفلت الباب ودخلت وراها
فحطتها وتابعت بستغراب اومال فينه يونس مش عوايده ينام ل 11 يعني
نور بوجع لا ماهو صحي وراح يجيب حاجه من الكليه وراجع
شهد بتنهيده يحزني حبكت انهارده يعني
نور بوجع معلش بقى شغله هيعمل ايه
شهد بستغراب مالك يانور فيكي ايه حساكي مخبيه حاجه انتي زعلانه ان يونس نزل
نور بوجع لا طبعا مفيش حاجه يا شهد
شهد بستغراب :عينيكي مش بتقول كده وراحت وقفت قدامها ورفعت وشها وتابعت بقلق: عينيكي مليانه وجع في ايه يابت يونس عملك حاجه يا نور
نور هزت راسها ب لا وتابعت بدموع هو انا لو سالتك عن حاجه هتشوفيني وحشه
شهد حطت ايديها على خدها وتابعت بحب عمري ما اشوفك وحشه ده انتي ست البنات وصاحبتي واختي ودلوقتي مرات اخويا كمان
نور بدموع ماهي المشكله اني مرات اخوكي ممكن ميعجبكيش السؤال اللي هسأله
شهد بستغراب في ايه يا نور انتي قلقتيني اوي
نور بصتلها وعينيها مليانه وجع وتابعت بعياط هو قاسم مات صح يا شهد ??
شهد سكتت بصدمه فتابعت نور بعياط ابوس ايدك قوليلي هو مات فعلا ???
شهد غمضت عينيها بوجع وتابعت نور ممكن تهدي
نور اتصدمت وتابعت بعياط يانهاار اسود .. يانهاار اسود هو مات فعلا يا شهد ??? مااات بجد ?? وفضلت تعيط فحضنتها شهد وفضلت تطبطب عليها وتابعت بدموع نور ارجوكي امسكي نفسك علشان يونس لو جيه هتبقى مشكله
نور بعصبيه وعياط تبقى مشكله .. انتوا ازاي اصلا كلكم تخبواا عليااا ازااي قدرتوا تعملواا فياا كده انا اه بكرهووا ومش طيقااه ده قتل ابن عمي وخاني بس قلبي مش بايدي ياشهد انا منستهوش خالص علشان تسبوني اتصدم كده .. اااه ياربي وعيطت وتابعت انتي مش هتفهميني يا شهد .. مش هتفهمي يعني ايه حب عمرك يذلك ويكسرك كدده واللي انتي فكرتيه اخوكي وصاحبك يعتدي عليكي وحياتك تتقلب كده والله ما هتفهميني
شهد اتوجعت جدا من كلامها عن اخوها وقد ايه صعبان عليها ان يونس بيحبها بجد وهي بتقول كده بس بردو مش عايزه تيجي على نور فتابعت بوجع نور اهدي الاول علشان نتكلم بعقل
نور فضلت تعيط في حضنها وتابعت بعياط مش قادره اصدق ان قاسم يعمل فياا كل ده ويموت .. مش قادره اصدق كل اللي وصلتله يا شهد .. و اه يونس احسن منه 100 مره بس انا عمري ماشوفته غير صاحبي واخويا
شهد بوجع علشان هو عمره ما بينلك غير الجانب ده اللي لسه بيعملوا حتي وانتي مراته عمره ما سابك لوحدك ولا اتاخر عنك وبيهتم بيكي وعارفك وحافظك اكتر من نفسك ..مسالتيش نفسك ازاي معاملته لمراته هي نفسها معاملته لبنت عمو ??
نور بوجع ودموع لا مسالتش ماهو مش رايح يحبني يعني ياشهد انا بنسباله هي هي نور الصغيره فبيعاملني حلو واحنا عارفين كويس انه بيحب واحده ومش عارف ينساها فانا غلطه مش اكتر من كده
شهد غمضت عينيها بوجع وفضلت تطبطب عليها وتابعت انا مش هلومك على كلامك ولا على انك مرات اخويا وبتعيطي ان راجل تاني مات لاني فاهمه يعني ايه تحبي بجد ويروح منك فاهمه ان اللي عشتيه مش سهل انا بس مجرد ما احمد خطب مستحملتش ما بالك انتي اللي لمس واحده غيرك وحملت في ابنه وقتل ابن عمك فاللي انتي عشتيه مش سهل خالص يا نور بس بردو خلينا نتكلم بواقعيه.. قاسم حتى لو عايش مينفعكيش ده خان وغدر بيكي وبصاحب عمره فده ميتأمنش .. دموعك ووجعك عليه من حقك واه التلت شهور ونص اللي فاتوا فتره كويسه للتخطي بس هو كان حبيب عمرك فانا مش هقولك مفروض انك تنسي لا لان قلبك مش ملكك بس هقولك بصي للي في ايدك قبل ما يروح منك هو كمان .. يونس يا نور حتى لو حب قبل كده هو اصيل ومش هيظلمك وانا مليش اني اتكلم في حاجه عن ماضيه بس هقولك انه دلوقتي بجد عايز يكمل حياته معاكي وشاريكي والراجل ليه كرامته وعزه نفس غاليه اوي عكسنا احنا ممكن نسامح كتير فصدقيني لو طاقته خلصت هتخسريه هو كمان لان الواحد مهما حب واشترى اللي قدامه لو لقاه بايع كتير هيبعد ويقسى .. محدش بيعرف يعيش يحاول علطول ففكري في حياتك اللي جايه وخليكي عاقله انتي خدتي راجل بنات الدنيا كلها تحلم بيه .. واتألمي مش بقولك اكتمي وجعك بس فكري بعقل واعملي كنترول على نفسك وشوفي قاسم عمل وحش قد ايه ويونس هيعمل قصاده حلو قد ايه واكسبيه قبل ما تخسري كل حاجه والله بكلمك على انك اختي ومليش دعوه بيونس خالص
نور بدموع كلامك كله صح وانا فاهمه والله بس صدقيني مش بسهوله اتقبل كل ده .. انتي عارفه لو فضل عايش كنت هفضل بكرهو وعيطت وتابعت انما انا صعب علياا اوي انه مات هو اه اذاني يا شهد ومش مسمحاه وعمري كانت هفكر ارجعله بس اانا اتصدمت انه مات خلاص فهماني
شهد مسحت دموعها وتابعت بوجع فهماكي والله وحقك بس هو سؤال يا نور وصدقيني هعملك اللي انتي عايزاه
نور بوجع اسالي
شهد بتنهيده مليانه وجع: انتي عايزه اخويا ولا هتفضلي العمر كله عايشه بتتالمي على قاسم ??
نور اتفاجئت من سؤالها وتابعت بوجع ودموع : انا مقصدش كده ولو اتكلمت معاكي وفضفضتلك بللي جوايا فا ده علشان انتي بنت عمي وصاحبه مشواري واسراري معاكي من قبل ما اكون مرات اخوكي اصلا ..انا حكيتلك عشان انا تعبانه ومش عارفه اقول لمين واعمل ايه انما مش معناه اني وحشه او مش مخلصه لجوزي لا والله بلعكس انا عايزه يونس ونفسي اوي احبه ويحبني لان ده الراجل اللي عيالي هيشكروني اني خليته ابوهم ويونس شاب قمر ودكتور وحنين اوي وكريم وبيحب يشوفني فرحانه وبينزل عقله لعقلي ويراضيني وغيور جدا وعلاقته بربنا حلوه وحرفيا فيه كل حاجه ممكن اي بنت تتمناها انا بس لسه خارجه من تجربه مبقاليش كثير فاتصدمت انما والله العظيم اوعدك انا فعلا هحافظ على بيتي وجوزي والله متشوفنيش كده ارجوكي وعيطت
شهد حضنتها جامد وفضلت تطبطب عليها وتابعت بدموع بس يا هبله يا عبيطه انا عمري ما اشوفك كده انا بسالك يا متخلفه علشان لو انتي مش هتقدري حرام تيجي على نفسك وتعيشي معاه وخلاص وبكره وبعده يبقى في اطفال ملهمش ذنب ان امهم مبتحبش ابوهم انما عمري ما اقول عنك وحشه ده انت ست البنات وبعدين هو احنا لينا سلطه على مشاعرنا يعني يا نور عارفه يا عمري انه مش بايدك انا بس قولتك نصيحتي ووجهتك وعارفه انك هتحافظي على بيتك وعلى اخويا وحقيقي يبخته بيكي
نور حضنتها اكتر وتابعت بدموع انا بحبك اوي اوي بجد
شهد بحب وانا بموت فيكي وحطت ايديها على خدها وتابعت فين الابتسامه الحلوه بقى ده حتى انهارده صباحيتك ياعرروسه يا قمرايه انتي
نور ضحكت وهي بتسمح دموعها وتابعت حبيبتي ربنا ميحرمنيش منك
شهد ابتسمت ورايحه تتكلم ابتسامتها اختفت وتابعت ايه ده يانور
نور بستغراب ايه في ايه
شهد بصدمه ايه البيجامه التحفه اللي انتي لبساها دي
نور بضحك ايه عجبتك صح
شهد بحده عجبتني ايه انتي اتجننتي يا نور في عروسه تلبس كده من قله الهدوم يعني
نور بحرج ماهو ياشهد بصراحه انا لسه مخدتش على يونس فمش عارفه البس اللي انتي تقصديه ده
شهد بتنهيده اه يبقى يونس ملمسكيش يا نور
نور بصدمه لا طبعا انتي بتقولي ايه لا هو
شهد بمقاطعه يونس ملمسكيش يا نور وانا مش عايزه اجي عليكي زياده بس انتي مش شايفه انك كده بتعملي حاجه حرام ومترضيش ربنا
نور بصت للارض بحرج وتابعت مش عارفه اعمل كده صدقيني يا شهد الوضع مش بلسهوله دي
شهد بتنهيده علشان لسه بتفكري في قاسم ولا علشان مش قادره تشوفي يونس زوج
نور بسرعه: لالا طبعا انتي بتقولي ايه هو علشان مش قادره اشوفه زوج لاني اتعودت انه صاحبي واخويا فمش عارفه اكسر حاجز الكسوف انما قاسم ايه وخرا ايه طب والله العظيم انا طول الفتره اللي فاتت مكبره دماغي عادي اتهزيت انهارده بس
شهد بحب اي ان كان انتي كده بردو مش بتحسني حياتك وبتبعدي جوزك عنك ويونس زي ماقولتلك لو استحمل مره واتنين مش هيستحمل التالته ده راجل وعنده 28 سنه واول مره في حياته يتجوز بعد كل العمر ده وليه احتياجه فمتجبريش اللي معاكي يشوف غيرك وهو هيلاقي بنات ياما
نور بخوف شهد انتي بتخوفيني ليه
شهد بتنهيده والله ما بخوفك انا بنصحك لان والله العظيم محدش بيعيش يستحمل علطول وصحيح انتي عرفتي منين انه قاسم مات يونس منبه على الكل محدش يقولك دلوقتي
نور بحزن دي سيليا اللي قالتلي
شهد بصدمه نعم سيليا مين ?? سيليا صاحبتك !!!
نور بحزن اه هي زفته
شهد بحده يابنت الكللب .. طب بعتتلك امتى البت دي
نور بحزن مش عارفه بس انا لسه شيفاها دلوقتي
شهد ببعض من الحده: وريني فونك يا نور علشان شكلي هولع في اهلها انهارده
نور راحت جابته وادتهولها فشافت شهد المسدج لقيتها على 6 المغرب فتابعت بسخريه بعتاها المغرب عارفه ليه ??
نور بستغراب ايه ليه
شهد بتنهيده بعتتها بعد الفرح عايزاكي تعيطي وتقلبي وشك وتبوظ ليلتك مع يونس بنت الجزمه
نور بصدمه بتهزري معقول قصدها كدده
شهد بحده ده قصدها كده وابو كده دي بت بنت كلاب مش عارفه هتطلع يونس من دماغها امتى
نور بصدمه لا والاسم مخطوبه الحيوانه
شهد بحده حتى لو مخطوبه هي غيرانه منك عشان شايفه ان انتي روحتي اتجوزتي الشخص اللي كانت بتحبه وهي كصاحبتك كانت قيلالك عليه فا ازاي تجوزي حبيب صاحبتك السابق يعني ???
نور بحده ماهو مش عايزها ومش طايقها اهببلها ايه انا يعني مش فاهمه عيله بنت كلاب صحيح
شهد بخبث هقولك انا هنهبب ايه .. هي قاعده في سكن مش كده
نور بتنهيده اه جمب الجامعه علطول علشان هي من اسكندريه
شهد بابتسامه اممم قولتيلي طب تعالي وديني ليها
نور بخوف بتهزري هنروح نعمل ايه وكمان يونس .. يونس لو جيه ملقانيش هيموتني
شهد بتنهيده هنروح ونيجي بسرعه اخلصي يا نور
نور بخوف شهد مش هعرف اروح في حته من وراه صدقيني
شهد بحده يابنتي لو جيه هقوله اني خدتك تجيبي معايا حاجه لخطوبتي وهخليه يعديها بس هو مش هيشوفنا اصلا اخلصي بقى
نور بقلق حاضر استني اشوف هلبس ايه
شهد دخلت اوضتهم وفتحت الدولاب وتابعت بابتسامه حلو ده اوي امسكي وكان بنطلون جينز تلجي وتيشرت نص كم ابيض وفوقيه شميز بكم اسود
نور بحب طب استني هدخل البسهم وجيالك
شهد بحب يلا بسرعه بس ونور دخلت وشهد قعدت تستناها ودقايق وخرجت وكانت لبستهم وفاتحه زراير الشميز ومبينه التيشرت الابيض وكان عليه رسمه بلخزر الصغير فتابعت شهد باعجاب زي القمر بجد
نور بحب حبيبت قلبي يلا بينا بلبس الكوتش اهو
شهد بضحك لا مش عايزه افاجئك بس في حجاب اتنسى
نور بصدمه يانهار اسود تصدقي صح
شهد فضلت تضحك وتابعت شوفتي كنتي هتنزلي تجلطي الناس في البلد بعد ما الكل فرح بيكي انك اتحجبتي
نور بضحك وهي بتجيب بندانه بيضه وطرحه بيضه تابعت لا ويونس لو يعرف اني نسيت وكنت هنزل بشعري يالهوي على اللي كان هيحصل
شهد بضحك كان هيطلقك
نور بضحك انتي بتقولي فيها بالله كان هيقلب عليا جامد وحطت البندانه وتابعت وهي بتلف الطرحه انا عايزه اقولك قولتله بهزار اني قصيت شعري اتحول عليا
شهد فضلت تضحك وتابعت شوفتي قولتلك يابنتي انا حافظه اخويا
نور لفت الطرحه وابتدت تحط ميكاب خفيف وتابعت والله كويس سمعت كلامك فعلا وخلصت وتابعت بحب يلا خلاص
شهد بحب كيف الجمر
نور بضحك حبيبت قلبي والله
شهد بحب طب يلا بسرعه هننزل في الاسانسير وطلبت اوبر زمانه جيه
نور بقلق يارب استر يارب يلاا
شهد بضحك متخافيش يابت وراكي رجاله
نور بضحك اه منا عارفه انتي هتقوليلي هتكشي من اول قلم
شهد بضحك اه طبعا معروفه ونزلوا وتابعت شهد بهمس يلا اخلصي تعالي ورايا بسرعه احسن نقابل اخوكي يروق عليا ويهزقني واطلع
نور بضحك والله انا خايفه نقابل اخوكي انتي
شهد بضحك لالا هنيجي قبله باذن الله انا خايفه نقابل اخوكي انتي
وضحكت نور وخرجوا ركبوا الاوبر ومشيوا فتابعت شهد بضحك الحمدلله مقابلناش حد
نور بضحك ده مؤقتا انا خايفه من الراجعه اكتر بجد
شهد بضحك خير باذن الله متوتريناش
نور اعمل غدا ايه انهارده يا شهد
شهد هو اكل امبارح خلص ولا ايه
نور بضحك لا طبعا ايه مفاجيع ولا ايه
شهد بضحك منا بقول بردو حتى يونس اكلته ضعيفه وانتي اصلا مسمومه طب ماتاكلوا اكل امبارح
نور بضيق بصراحه مش عايزه اكل منه تاني انا امبارح كالت بشاميل وفراخ اتقفلت بسرعه والكفته انا كالت منها شويه كده تسليه ويونس كل حمام محشي وجلاش فاهو في من كل ده بس انا مش هعرف اكله خاالص لو اتحط في المكرويف واتسخن فهبعته لامي
شهد بضحك زي يونس مبيحبش الاكل يتسخن تاني بردو والله انتوا هتشلوني وبيتكم هيخرب على الوضع ده
نور بضحك معلش خليها عليكي ده علشان اكل الفرح بيبقى كتير بس انما بعد كده هنعمل على قدنا بالظبط فمش هنسيب منه يلا بقى ساعديني اعمل ايه انهارده
شهد بحب ممكن تعملي كبسه او ستيك وجمبه رز بسمتي وسلطه وطحينه وكده
نور بحب حلو ده هعمل ستيك خلاص ماشي فكريني بس نفوت على الجزار نجيب اللحمه عشان معنديش لحمه تنفع ستيك
شهد بحب خلاص اتفقنا وضحكت
نور بضحك بتضحكي على ايه يابت انتي
شهد بضحك مش متخيله منظرك كنور كبرت كده وبقى ليها بيت وواقفه في مطبخ تعمل اكل بصراحه حقيقي هموت من الضحك
نور بضحك والله انتي جزمه ماشي يا شهد تشكري
شهد بضحك الله اومال اضحك عليكي انا كمان مش مموتني ضحك قد ان يونس قعد طول العمر اللي فات يقولك ده امه داعيه عليه اللي هياخدك وفي الاخر هو اللي لبس فيكي
نور فضلت تضحك وتابعت لالا كان بيهزر واكبر دليل ماما لبنى الله يرحمها اكيد كانت بتدعيله بكل الخير
شهد بضحك ماهي دي الحاجه الوحيده اللي شفعالك عندي فعلا
نور ضحكت وشويه ووصلوا ونزلوا من العربيه ومشيوا شويه
نور بتوتر شهد انا قلقانه اوي
شهد برفعه حاجب وانتي تقلقي ليه هو انتي اللي بجحه وباعته لواحده متجوزه على خطيبها الاولاني
نور بتوتر مش من كده بس كمان خايفه يونس يشوفنا
شهد بالله عليكي بطلي قر ونبر علشان كتر الهري ده هيخليه يشوفنا بجد
نور بضحك طب اكدب عليكي خايفه بجد اصل لو شافنا هقوله ايه
شهد بضحك يابت اخرسي فال الله ولا فالك الله انتي امسحي بس المسدج اللي البت دي بعتتهالك علشان ميشوفهاش في اي وقت بس ابعتيهالي اسكريت الاول
نور بتوتر مش فاهمه دماغك فيها ايه بس حاضر وبلفعل بعتتها ومسحت المسدج وطلعت مع شهد للسكن وراحو لاوضه سيليا وخبطوا
سيليا ايوه ايوه حاضر جايه وفتحت الباب استغربت جدا وتابعت نور
شهد بضحك ايه يحبيبتي واللي مع نور مش شيفاها ده حتى مفروض انا معروفه بنسبالك
سيليا برفعه حاجب انتي قصدك ايه
شهد بابتسامه طب مش من على الباب لمصلحتك انتي علشان زمايلك متتفضحيش قدامهم
سيليا بحده اتفضح ايه انتي مجنونه
شهد دخلت وشدت نور وقفلت الباب وتابعت بعصبيه متعليش صوتك بس علشان كلنا بنعرف نبقى ولاد شوارع ونزعق ونجيب الواحده اللي مرتبتش من شعرها كمان
سيليا بحده لا بقى انتي شكلك اتجننتي وانا هندهلك الامن يرميكي براا
شهد فضلت تضحك وتابعت تندهي مين يحبيبتي ?? تندهي امن السكن الجامعي يرميني انا براا
نور بخوف شهد مش ناقصين فضاايح يلا نمشي علشان خاطري
شهد بخبث استني بس علشان انا بحب الفضايح وبعشقها ومش عايزه اخرج من هنا غير بلامن لما يجي يطردني و بصت لنور وتابعت بغمز اقعدي انتي بس يعمري ارتاحي اصلك عروسه وكتر الف خيرك قدرتي تنزلي معايا
نور منعت نفسها تضحك بلعافيه لانها فهمت شهد ليه قالت كده فراحت شهد قعدتها ولفت لسيليا وتابعت بضحك معلش بقى دي عروسه جديده وانتي فاهمه فقعدتها وهجيلك انا اربيكي من جديد خرجي نور براهاا خالص
سيليا اتحرق دمها جدا وتابعت بعصبيه انتي بجد مهزقه وعايزه تتربي جايين لحد بيتي وبتهزقوني ده انا هوريكي واتصلت بلامن وتابعت بنفس العصبيه في واحده مهزقه هنااا تعالوا خدوها ارموها برا
نور بتوتر شهد ورايحه تكمل فرفعت شهد ايديها وتابعت بابتسامه سبيها تعمل ما بدالها
وثواني والامن طلع وسيليا رايحه تفتح فتابعت شهد بضحك لالا استني عنك وراحت فتحت وتابعت بابتسامه اهلا وسهلاا اتفضلوا
سيليا بحده يا برودك ويابجحتك يا شيخه
شهد بلا مبالاه : ها نخلي سيليا تعملكم شاي تتضايفوا وتنزلوا تكملوا شغل ولا تمشوا بكرامتكم احسن اصل انا صعيديه بنت صعيدي حفيده صعيدي ونفهم اوي في الاصول
فرد الامن باحترام: كل الاحترام يا فندم بس انسه سيليا هي اللي طلبتنا
سيليا بصتلهم بذهول وتابعت بعصبيه فندم ايه وزفت ايه خد الزباله دي هي وبنت عمها و ارموهم براا
الامن استغرب بس رايحين يمسكوها فرفعت شهد ايديها وتابعت بحده: عندك انت وهو قبل ماتفكر يا حلو منك ليه تيجي ناحيتنا فكر احنا مين الاول اللي عايزين تطردوهم دول شاورت على نور وتابعت نور الرفاعي مدام دكتور يونس وانا اخته شهد الرفاعي وابتسمت وتابعت فايه رايكم بقى لما اتصل بيه واخليه يجي يشوف امن جامعه اسيوط بيطرد مراته واخته
احد الافراد بذهول هو حضرتك اخته والهانم مراته
شهد بابتسامه تخيل
فاكمل التاني بحرج لا يا انسه سيليا مشاكلكم حلوها مع بعض عن اذنك احنا
نور بصتلها وضحكت فتباعت شهد بابتسامه لا طلعت بتفهم وروني عرض كتافكم يا بطل منك ليه يلا
سيليا اتعصبت جداا واكمل الامن بحرج انا اسف يا فندم مكناش نعرف حضراتكم عن اذنكم وخد الرجاله ونزلوا فقفلت شهد الباب وبصت لسيليا وتابعت بابتسامه بقى حتت بت جربوعه زيك لا راحت ولا جات تجبلي انا شهد الرفااعي الامن وضحكت وتابعت حكم والله
سيليا بعصبيه انتي عايزه ايه يا بت انتي وايه اللي جايبكم اخلصي
شهد ضربتها بلقلم بقوه فاتفاجئت نور وحطت ايديها على بوقها بذهول فتابعت شهد بحده وهي بتسمك شعرها تحت صراخ سيليا وهي بتحاول تفلت منها: عايزه اعلمك الاصول اللي ماما معرفتش تعلمهالك ولو انتي مش فاهمه ولا مدركه يعني ايه ابعت لصاحبتي حرم دكتور يوونس الرفااعي مسدج رخيصه زي دي فانا افهمك مع انك فاهمه كويس اوي وعملتي كده علشان لو لسه قلبها بيدق للكلب ده تنكدي عليها وتخربي ليلتها وتبوظي حياتها بس للاسف بقى خطتك فشلت لان نور بتحب جوزها وابتسمت بخبث وتابعت ومكانتش فاضيه تشوف المسدج بتاعتك دي اصلا غير دلوقتي وانا اللي صممت اجي بنفسي اربيكي على الحركه دي
سيليا بدموع وعصبيه اوعي كده سبيني انتوا اتجننتوا انا بعتلها كده نيتي عاادي بسالها عرفت ولا معرفتش مش اكتر
شهد بعصبيه وهي بتشد على شعرها اكتر تابعت انتي هتتعوجي عليااا يابت ولا ايه لا ياماما فكك من وش البراءه اللي انا عايشه فيه ده .. ده انا افلقك نصين وكله الا يونس عندي واللي يمس مرات يونس كأنه مس يونس لان هما الاتنين واحد ومش هسمحلك لا انتي ولا غيررك تبوظوا حيااه اخويااا انتي ساامعه
نور قامت وتابعت بخوف شهد خلاص سيبيها ارجوكي ويلا احنا
شهد بابتسامه قولت اقعدي انتي يانور انتي عروسه متتعبيش نفسك يا روحي انا بربيها وهنمشي علطول
سيليا بعصبيه ودموع اوعي سيبي شعري يا حيوانه انتي
شهد ضربتها بلقلم بقوه فصرخت بالم ودموع فتابعت شهد بعصبيه قولنا نتلم بقى سكتلك كتيير هتسوقي فيها ولا اييه وزقتها وقعتها على الارض وتابعت قسما بالله العظيم يا سيليا لو هوبتي ناحيه اخويا ولا مراته تاني انا هكلم حمزه منير الباشاا اللي انتي مستغفلاه ده وعامله نفسك بتحبيه واحكيله عن بلاوي خطيبته انا جبت الاكونت بتاعه والاسكرين معاياا انك بعتي لواحده متجوزه كده والكل عارف حتى هو انك بتعشقي يونس فهيصدقني انك من كتر الغيره على يونس عايزه تبوظي حياته مع مراته
سيليا بخوف لالا طلعي حمزه من الحوار ابوس ايدك انا فعلا بحبه وماصدقت شال الدكتور من دماغه خالص
شهد بضحك والنبي ايه .. اما نسوان كيدها وكهنها ميتوصفش صحيح واما انتي بتحبيه بتحاولي تنكدي على غيرك ليه يا زباله انتي
سيليا بخوف قولتلك انا مقصدش كده ومش هتقرر
شهد بابتسامه وانا هعمل نفسي مصدقه متخافيش .. علشان لو مصدقتش وحصل العكس وغلاوه احمد ويونس عندي ودول معنديش اغلى منهم هتشوفي مني وش مش هيعجبك ماشي ياروح امك
سيليا بخوف ماشي صدقيني
شهد بحده عالم زباله صحيح يلا يابنتي علشان نلحق نجيب الحاجه اللي هتعمليها لجوزك
نور بابتسامه يلا ونزلت مع شهد وسيليا اتعصبت جدا وفضلت تكسر في الحاجه وهي بتعيط
تحت السكن
شهد بقلق يلا بقي بسرعه نمشي من هنا قبل ما نقابل يونس
نور بابتسامه شهد انا عايزة اشكرك بجد وحضنتها
شهد حضنتها اكتر وتابعت بابتسامه تشكريني على ايه ياهبله ده انتي اختي ومرات اخويا كمان وانا من زمان بحبك اوي ما بالك بأنك مرات الغالي بقى هحبك قد ايه
نور بصتلها وتابعت بدموع يونس خساره فيا يا شهد انا حاسه انه يستاهل بنت تانيه احسن مني و
شهد بمقاطعه مفيش بنت احسن منك وهو مش عايز غيرك بطلي هبل ده الطيبون للطيبات وانتي ويونس اتخلقتوا لبعض يا نور علشان كده رغم كل ده الا ان بردو بقيتوا لبعض في الاخر فمتقوليش كده تاني علشان خاطري
نور ابتسمت بحب والدموع في عينيها وتابعت ربنا ميحرمنيش منك ابدا يارب
شهد بحب مسكت خدها وتابعت ولا منك يا روح قلبي يلا بينا بقى وخرجوا ووقفوا يركبوا تاكسي
بعد دقايق
نور بتوتر اووف بقى مفيش ولا تاكسي راضي يتنيل يقف
شهد نفخت وتابعت اهدي ومتوتريش اللي جابوني خير باذن الله وبصت وراها ورجعت تاني تشاور للتاكسى
نور بخوف شهد وربنا ضغطي وطي من الخوف مش قادره
شهد رايحه تتكلم فون نور رن فبصت نور ولطمت بايد واحده على وشها وتابعت ده يونس اقوله ايه اكيد روح البيت وملقانيش
شهد بخوف يانهار اسود لالا اكيد مروحش بصي انتي كلميه وشوفي لو قالك انتي فين قوليله مع شهد بخيط حاجه هتلبسها لما يجوا اهل البلد يباركوا ويهيصوا قبل الخطوبه ولو قالك انه جاي قوليله ماشي عادي وخليه يجبلك اللحمه ويتاخر شويه ونروح احنا
نور بتوتر خلاص ماشي وردت عليه وتابعت الو
يونس ايه يحبيبتي كل ده منا ماتردي ايه نمتي ولا ايه
نور فهمت انه برا فتنهدت بارتياح وتابعت لا انا مسمعتوش بعمل حاجات في المطبخ
يونس بحب طب يحبيبي ولا يهمك المهم انا جاي اهو هتعوزي حاجه من برا
نور بتوتر اه هات لحمه من عند الجزار تنفع ستيك
يونس بضحك ايه ده انتي هتطبخي ربنا يستر
نور بضحك لا متخافش عيب عليك هاكلك لحمه ورز مكالتش زيهم قبل كده
يونس بضحك تمام موافق اما نشوف ونحكم يلا باي روحي كملي اللي بتعمليه
نور بتوتر باي وقفلت معاه وخدت نفس بعمق
فتنهدت شهد بارتياح وتابعت الحمدلله
عند يونس طلع وركب عربيته وخرج من البوابه في اتجاه الشارع وبيلف بلعربيه شاف نور وشهد وقفوا تاكسي واتصدم جدا فمسك فونه ورن على نور
نور ركبت جمب شهد وردت وتابعت بتوتر ايه يحبيبي
يونس غمض عينيه وخد نفسه بقوه وتابع انزلي انتي والهانم من العربيه اللي انتوا فيها وتعالوا اانا وراكم
نور بصدمه ايه
يونس بعصبيه انتي سمعتييي انا قوولت اييه
نور اتخضت وتابعت بخوف اه سمعت سمعت
يونس قفل الفون ورماه بعصبيه قدامه
شهد بتوتر في ايه قالك ايه
نور بدموع انزلي يونس ورانا وشافنا ده احنا ليله اللي جابنا سودا انهارده
شهد بصدمه بتهزري قولي اقسم بالله
نور بحده لااتفضلي انزلي وبصي وراكي ياختي من غير حلفان خالص معلش اقف يسطا
السواق وقف ونزلوا فشهد اتصدمت وتابعت منك لله مش فضلتي تنبري وتقوليلي حاسه هيشوفنا يا شيخه ابوكي لابو احساسك
نور بتوتر تسمحي تسكتي خالص قولتلك الخوف من الرجوع وانا اللي هروح معاه مش انتي فاخلاص الله يرحمني
يونس وقف قدامهم من غير ولا كلمه وهو باصص قدامه على الطريق
فتابعت شهد بتوتر طبعا ده جوزك اركبي جمبه بقى يحبيبتي وفتحت الباب اللي ورا وركبت ونور غمضت عينيها بخوف وهمست حيوانه صحيح ما كانت تاخدني جمبها اووف ولفت وركبت جمب يونس واتحرك هو من غير ولا كلمه
شهد بصت لنور في المرايه ان تكلمه فنور قالتلها بعينيها كلميه انتي فشهد رجعت لورا وعملت نفسها مشافتهاش وبصت للشباك ومنعت نفسها تضحك
فتنهدت نور وحطت ايديها على ايديه وهو بيسوق فنزل يونس ايديها بهدوء وركز في الطريق فتابعت بحزن انا كنت بدور على حاجه مع شهد في المول اللي جمب الجامعه وهي كانت عملاها مفاجاه علشان هتلبسها قبل الخطوبه
يونس بتنهيده وهو باصص للطريق وانا مسالتكيش كنتي فين علشان هتكدبي زي دلوقتي وانا مش عايز شكلك يقل قدامي اكتر
نور بصت لتحت ودموعها نزلت فتابعت شهد بتوتر صدقني يحبيبي دي الحقيقه و
يونس بحده هششش متتكلميش خالص انا قولتلك تتكلمي ??
شهد بحزن طب علشان خاطري مراتك ملهاش ذمب ورحمه حسام انا اللي اتحايلت عليها تنزل معايا
يونس بحده تمام
نور بحزن يونس انا اسفه بجد
يونس بحده اسفه على ايه هو انتي عملتي حاجه تزعل ?? ومتخافيش انا لا هزعق ولا هعلي في صوتي واسمع الناس حسينا ولا همد ايدي عليكي بس الثقه عندي بتيجي مره واحده فا لما تلاقيني بقي بتكلميني ومصدقكيش واقولك افتحي فيديو كول متزعليش
نور نفخت بضيق وبصت للشباك ودموعها نزلت
يونس بحده طب متنفخيش علشان مهزقكيش واديكي قلم يلزقك في الازاز
شهد بحزن حقك عليا انا .. والله يا يونس مراتك ملهاش دعوه
يونس بحده انتي وهي مشفتوش ربايه اصلا وهي بلذات علشان لو محترمه الراجل اللي متجوزاه مش هتعمل كده واكلمها تكدب عليا وتقولي في المطبخ .. حلو والله
شهد طبطبت على كتفه وتابعت طب اهدى طيب علشان خاطري
يونس بعصبيه شهد متعصبونيش عليكم ايه شايفني مجنون عايزاني اهدى هو انا هببت حاجه اصلا
شهد تنهدت بحزن وسكتت ونور دموعها نزلت بحزن ويونس ساق وبعد شويه وقف جاب اللحمه وكملوا لبيت الرفاعي ونزل وتابع بحده اتنيلوا انزلوا ومسك ايد نور وشهد جمبها وداخل في طالعه احمد فبصلهم بستغراب وتابع كنتوا فين كلكم كده ان شاء الله
يونس فهم ان شهد معرفتهوش فغمض عينيه بضيق واتنفس بعمق وتابع كنت بجيب ورق من الجامعه علشان هصحح فوق بدل ما اسيب نور وامشي وشهد كانت عايزه تفوت على المدرسه تسال على النتيجه خدتها في طريقي
شهد تنهدت بارتياح فتابع احمد اه ومتقوليليش ليه مش فاهم
شهد بتوتر يحبيبي انت كنت نايم فمرضتش اصحيك
احمد بحده مسدج تتبعت احنا هنستعبط ولا ايه
يونس بتنهيده حقك علياا امسحها فياا انا يا احمد ..معرفش انها مقالتلكش هو الموضوع جيه بسرعه
احمد بحده علشان خاطرك انت بس يا يونس قسما بالله وبص لشهد وتابع بحده يلا ياختي طلما جاهزه اخدك علشان ابدلك الدبله اللي طلعت كبيره عليكي دي
شهد بتفاجئ والله نسيت اننا رايحين انهارده
احمد هو انتي فاكره حاجه في حياتك يلا يلا امشي قدامي
شهد بضحك طيب متزوقش الله
نور بهمس فلتي انتي يا بنت الجزمه وسبتيني انا مع اخوكي
شهد بهمس وضحك لالا متخافيش .. بلذمه تخافي من يونس !! ده يونس ده قلبه ارق من الخص
نور بخوف اه انتي هتقوليلي فشدها يونس ودخل وهي غمضت عينيها وهمست بخوف يارب استر يارب وشهد ضحكت على شكلها ومشيت مع احمد
—–
عند عمر وزينب
زينب كانت جهزت الشنطه لعمر وبتقفلها وهو بيسرح شعره قدام المرايا فتابع بحب زوزا خلصتي ??
زينب بتنهيده اه يحبيبي اهي ونزلتها وقفتها على الارض
فاراح عمر حط ايديه على كتافها وقربها منه وباس جبينها بعمق وتابع بحب خلي بالك من نفسك ومن حسام ولو عوزتي اي حاجه الفيزا في الدرج
زينب وقفت على اطراف صوابعها ولفت ايديها حوالين رقبته وحضنته جامد وتابعت وهي بتحاول متعيطش : متخافش علينا ركز انت بس اهم حاجه في شغلك وخلي بالك من نفسك احنا هنتعب ونتكسر صح لو حصلك انت حاجه يا عمر
عمر كان حاطط ايديه على ضهرها وبيحضنها اكتر وتابع بحب متخافيش ينورعيني انتي بس ادعيلي
زينب بصتله وحطت ايديها على خده وتابعت بحب والدموع متجمعه في عينيها بدعيلك وهفضل ادعيلك يحبيبي
عمر بحب يارب ميحرمنيش منك ابدا وراح شال حسام وباس خده وجبينه وتابع بحب هتواحشني والله يا قلب بابا انت وفضل يبوس خده وايديه الصغيره الظاهره من الكم وزينب مانعه نفسها تعيط بلعافيه فتنهدت بعمق والباب خبط فتابع عمر بحب دي تلاقيها اسماء
زينب بابتسامه هروح افتحلها وخرجت وعمر جر شنطته بايد وشايل حسام بايد وخرج وراها
وبلفعل زينب كانت فتحت لاسماء وبتحضنها بتسلم عليها
اسماء بفرح عامله ايه واحشااني وعمور الصغير اخباره ايه
زينب بحب الحمدلله يعمري كويسين ادخلي متقفيش وقفلت الباب
فدخلت اسماء وشافت عمر فتابعت بفرح عمر واحشتني اوي اوي يا قلب اختك وراحت تحضنه فزينب راحت خدت منه حسام فحضنها وتابع باشتياق واحشتيني اوي اوي والله
اسماء بفرح وانت والله ينورعيني حقك عليا مكنتش بعرف اجيلك الفتره اللي فاتت لما بتنزل اجازه بس والله غصب عني الشغل فوق راسي قد كده ده انا حتى ما صدقت رضيوا يدوني اجازه اسبوع عشان اقعد مع زوزا
عمر بحب بس ياعبيطه ده انتي اللي حقك عليا هو انا هستناكي انتي اللي تجيلي ده انتي ملكيش غيري وعارف اني قصرت في حقك كتير الفتره اللي فاتت
زينب بصتله برفعه حاجب وتنهدت وسكتت فمنع نفسه يضحك بلعافيه فتابعت اسماء بحب كأنك جيت يحبيبي ده انت الله يكون في عونك شغلك ومراتك وابنك هتوفق بينا كلنا ازاي يعني فانا مقدره ينورعيني متقولش كده
عمر باس جبينها وتابع بحب ربنا ميحرمنيش منك ياقلب اخوكي وافرح بيكي قريب يارب
اسماء بابتسامه اللهم امين يارب
عمر برفعه حاجب شايفك بتقولي يا رب خير يا ست اسماء في حاجه بتحصل من ورايا ولا حاجه
اسماء بتوتر وضحك ايه لا طبعا عيب عليك هو انا اقدر اخبي عليك يا قلب اختك
عمر بتنهيده مش بالعها بس ماشي وباس جبينها وتابع اشوف وشك بخير وهتعبك حقك عليا
اسماء بحب تروح وتيجي بالسلامه يحبيبي ومتقولش كده دي مرات اخويا وابن اخويا ده انا مبسوطه جدا اني هقعد معاهم والله
عمر بحب حبيبتي يا سمسم والله
اسماء بحب تسلم ياغالي وبصت لزينب وتابعت بلهفه هاتيه قلب ونورعين عمتوو ده اشوفه مشوفتوش غير في الصور وسمت وشالته منها وتابعت بفرح ياروح قلبي انت بسم الله ما شاء الله عليك يعيوني وفضلت تلاعبه وهي فرحانه بيه اوي
وعمر حضن زينب وهي طبطبت على ضهره وتابع بحب ماي وايف سترونج هااا
زينب بحب شور يعيوني وباست خده فبصلها وباس جبينها بعمق وتابع بحب يلا همشي انا خلي بالكم من نفسكم
زينب بحب متخافش يحبيبي والله المهم انت لما توصل لو عرفت تطمني طمني
عمر بحب عيوني وخد شنطته وخرج وقفل فتنهدت زينب بعمق وراحت قعدت في الصالون ورجعت راسها لورا
اسماء قعدت جمبها وتابعت بحزن حقك عليا ربنا يرده لينا بالف خير يارب
زينب بتنهيده لا انا اتعودت .. انا بس مستغربه ليه لسه بضايق
اسماء بحزن حقك طبعا الله يكون في عونك وضعك مش سهل
زينب بابتسامه حزينه وكنت عارفه اللي هيحصل والله يا اسماء بس رضيت علشان بحبه وعايزاه
اسماء بحب عارفه والله انها حياه صعبه بس انتي قدها وبنت اصول وهتشيلي بيته في غيابه وكلنا واثقين فيكي ..ربنا يخليكم لبعض ينورعيني وتفرحوا بحسام وتخاوه
زينب بحب يارب يعمري وتسلميلي بجد مش ناويين نفرح بيكي بقى
حسام عيط ففضلت تهزه اسماء وتابعت بضحك حتى ابنك مش عاجبه الكلام شوفتي
زينب بضحك عليا انا يا بت الكلام ده طب ابني عيط عشان جعان ماكلش من الصبح انما ده ماله بالكلام اللي انا بقولهولك هاتيه ياختي ارضعه ونتكلم مع بعض بصراحه وخدته وبدات ترضعه
اسماء بتوتر لا فعلا مفيش حاجه يا زوزا هو لو في انا هخبي عليكي يعني
زينب بضحك اه تخبي عليا اما انتي خبيتي على عمر نفسه وهو لاحظ بس عمل نفسه مش واخد باله
اسماء بتوتر لا انتي هتقعدي تحفلي علياا ولا ايه مفيش الكلام ده هاتي حبيب عمتو وعيونها ده العب معاه واسكتي
زينب فضلت تضحك وتابعت حاضر يا اسماء هسكت بس مش هتعرفي تخبي ها ده احنا قاعدين في وش بعض اسبوع
اسماء بضحك هتشوفي انك ظلماني
زينب بضحك ظلماكي طبعا من غير ماتقولي الله ده باين على وشك حتى
اسماء بضحك شوفتي بقى وقامت وقفت وتابعت بحب هحضر انا الغدا لحد ماترضعي سومي واجي اخده منك شويه
زينب بحب خليكي بلاش تتعبي نفسك هخلص رضاعه حسام واقوم اساعدك
اسماء بحب بس ياهبله اسكتي انتي ده انا في بيت اخويا
وقامت تحضر الاكل وزينب فضلت ترضع في حسام
—-
عند سيف وامنيه
كانت مامتها نزلت وهما قاعدين ببشربوا قهوه وبيتفرجوا على مسلسل تركي وسيف مش فاهم حاجه خالص بس قاعد معاها علشان متزعلش وبيفكر يحكيلها الحقيقه قبل ماتعرف اي وقت فخد الخطوه وتنهد بعمق وتابع : امنيه
امنيه بتركيز في المسلسل اممم
سيف بتنهيده ماتسيبك من المسلسل دلوقتي
امنيه بتفاعل يالهوي هيعرف كدده يابنت الكلب قولتيله
سيف غمض عينيه بضيق وتابع اممم هيعرف صح وبصلها وتابع بس هيعرف ايه
امنيه فضلت تضحك وبصتله وتابعت حسام متهزرش هو انت مش فاهم بجد
سيف بضحك اه ومش بحب التركي والله بس قاعد معاكي وخلاص علشان ميجلكيش تروما
امنيه فضلت تضحك ودخلت في حضنه فحاوطها بايديه وباس راسها فتابعت من بين ضحكها لا هحكيلك وافهم معايا بالله عليك والله هيعجبك اوي
سيف بضحك احكي اما نشوف اخرتها
امنيه بحب بص هي البطله فقيره ومتغربه عن بلدها ومامتها جاتلها زياره واجبرتها اما تشتغل وتستفيد في الغربه اما ترجع البلد بقى لان القاعده هيبقى ملهاش لازمه
سيف بحب امم وبعدين
امنيه بابتسامه بس فاهي قررت تروح تدور على شغل وجمعت اوراقها لانها مش عايزه ترجع البلد خالص المهم وهي رايحه دخل معاها بنوته تانيه جايه بلواسطه والمدير مش بيحب الناس اللي بتيجي بلواسطه فا السكرتيره بتاعته بتقول ان البيه هيمسح بلبنت دي الارض علشان جايه بواسطه لان ابوها صاحب ابوه وكده فا البت كانت واقفه مع البطله وسمعت الكلام وفهمت انه عليها فلما نزلت السكرتيره البنت خافت ومشيت ورمت ورقها فا البطله قالتلها يابنتي مالك في ايه انتي اتجننتي رايحه فين مرديتش ترد عليها فوطت تشوف الورق لقيته حلو جداا وعندها مهارات ولغات كتير فقالت لنفسها انتي اصلا مش محتاجه واسطه
سيف اه علشان ال cv بتاعها حلو جدا يعني
امنيه بحب اه بلظبط فا المهم لما راحت تسلم ورق البنت وتقول انها رمته ومشيت السكرتيره استعجلت وفكرتها هي بنت الاكابر اللي جايه بلواسطه لما قرات الاسم في ال cv ولبستها الشغل علطول كده وقالتلها تعالي بكره ومشيت ومسبتلهاش فرصه ترفض
سيف بس ده غش هي لو كانت صممت تعرفها انها مش هي البنت دي كانت هتعرفها
امنيه اه بلظبط بس هي محتاجه للشغل فروحت حكت لصحابها ووافقت تعيش الكدبه دي شويه لحد ماتنكشف تكون امها رجعت البلد ومش هتشوف انها مش شغاله لانها رافضه خالص ترجع معاها فا المهم اشتغلت وكانت بتواجه حاجات كتير بتلغبطها وبتكون هتكشفها بس بتخرج منها بسذاجه وهزار .. المهم شويه والمدير مكنش طايقها بس بعدين حصل العكس
سيف بضحك اوعي تقولي حبها بقى والقصص الحمضانه دي
امنيه بضحك حمضانه ايه بس دول سكررر .. كمل معايا هو اه حبهاا جدا واتقدملها على البحر وجو رومانسي وحاجه قمر بس مين اهلها بقى ???
سيف اه هي اهلها الفقرا مش الاغنيا اللي مفروض ابوها صاحب ابو المدير وناس تقيله
امنيه مسكت خده وتابعت بضحك بلظبط كده .. ياروحي علي حبيبي الشطور المركز يا ناس … المهم بقى هو بقي عاش فتره كبيره بيحب البنت دي على انها بنت صاحب باباه وهي كمان خدعته وفضلت كده ولما اتقدملها على البحر خافت وكانت نفسها تقوله بس خايفه تخسره وفي نفس الوقت عارفه ان مسيره هيعرف الحقيقه بس عايزة تضحك على نفسها وتاخر الوقت شويه ولسوء حظها وسكوتها اللي طول شويه مرات ابوه دي واحده وحشه جدا عرفت وراحت تشمت فيه ووريته صوره البنت الاصليه مع باباها
سيف اه اللي هي مش حبيبته اللي عايز يتجوزها خالص
امنيه بلظبط فاهو بقى طردها زي مانت شايف كده ومش طايق يسمعها حس انها خذلته وخدعته وكدبت عليه وعيشته في وهم كبير اوي وحقه بصراحه اصل يعني ايه اعيش حياتي كلها مع محمد يطلع احمد ويعني ايه افضل بحب حد فتره طويله بعدين اكتشف انه مش هو الشخص اللي حبيته
سيف اتصدم جدا من كلامها ورجع في كلامه خالص انه يعرفها الحقيقه وحس انه بيعمل نفس اللي البطله بتعملوا خدعها وبيكمل مع ان مسيره هينكشف بس مش عايز يجي الوقت ده وبيهرب منه فا فاق على صوت امنيه وهي بتبتسم وتابعت هاا فهمت
سيف ابتسم وتابع اه فهمت حلو جداا
امنيه بحب شوفت يلا كملوا معايا بقى وبتبص للشاشه
سيف بتنهيده هو لو انتي مكان البطل هتعملي ايه
امنيه بصتله وتابعت بحيره مش عارفه بس بصراحه اول حاجه هعملها المواجهه يعني هقول ليه تعمل كده فياا وتخدعني وتوجعني لاني بكره الكدب اكتر حاجه في الدنيا بجد ومع ان المواجهه مش هتغير حاجه بردو بس هطلع اللي جوايا بعدين هنفصل بهدوء لاني مش هعرف اعيش مع شخص خدعني وكدب علياا مش هعرف اثق فيه تاني غصب عني وضحكت وتابعت انما البطل اشتغل شغل دراما شويه وعايز يجوزها وينتقم ومعرفش ايه بس دي حجه طبعاا علشان يقربها منه ويخليها على اسمه مش اكتر وقدام كرامته لا انت اتجوزتها علشان تنتقم
سيف مكنش معاها وسرح خالص في كلام امنيه ورده فعلها لما قالت هتنفصل بعد المواجهه خاف جداا من اليوم ده حس انه وقع في دايره مش هيطلع منها لانها كده كده لازم هتعرف ولازم هيواجهه الحقيقه اللي عايش خايف يواجهها بس مش هيقدر يبعد عن امنيه حقيقي مش هيقدر يطلقها طب هيعمل ايه ?? فاق على صوتها تاني
امنيه بحب ايه يحبيبي روحت فين
سيف بتنهيده معاكي يعمري وبص للشاشه وتابع ماتسيبك من المسلسل شويه صدعت
امنيه بصتله وتابعت بخوف ايه مالك في ايه وصحيح كنت عايزني في ايه
سيف بتنهيده لا ولا حاجه خلاص
امنيه بضحك يا حسااام اخلص بجد هو ايه اللي ولا حاجه
سيف تنهد بعمق وتابع بحب كنت هقولك فكك من المسلسل وتعالي اقولك كلمتين
امنيه فضلت تضحك وتابعت طب خلاص انا هعتبرها ولا حاجه فعلا
سيف فضل يضحك وتابع يعني انتي شايفه كده بدل ماتيجي تصالحيني
امنيه بضحك منا صالحتك الله
سيف بضحك لا انا متصالحتش مين قالك اتصالحت
امنيه بضحك خلاص اخبط دماغك في الحيط يحياتي
سيف برفعه حاجب اخبط دماغي في الحيط ??
امنيه بضحك لا طبعا يعمري بنكشك ونامت على صدره وتابعت بحب هو انا اقدر اقول لحبيبي لا على حاجه وطفت الشاشه
وسيف كان عايز يهرب من دوشه دماغه والصداع اللي عماله يساله اسأله مش لاقيلها اجابه فقام ووطى شالها بين ايديه علشان عايز يفصل شويه وبصلها وتابع بضحك متاكده انك راضيه من قلبك ومش تحت تهديد السلاح علشان متزعلنيش
امنيه بضحك لا عيب عليك يعمري من قلبي طبعا
سيف ابتسم وبصلها بهيام بعدين قرب باسها بحب وهو شايلها وهي ايديها كانت حوالين رقبته ومشي بيها في اتجاه اوضتهم
—-
عند صلاح خال ياسمين كان عازمها هي ومازن يفطروا مع بعض وبعد الاكل كانوا قاعدين وبيتكلموا في جو عائلي مبهج
ياسمين بضحك لا والله ده انا لو حصلي كده اتجلط فيها ده انا عماله كل شويه اجيب هدوم لزين انتوا بتهزروا ولا ايه
باسم بضحك طب والله يابنتي فعلا حصلت مع بنت خاله هايدي وفي الاخر طلعت بنت مش ولد
مازن بضحك يعني ياسمين يجيلها جلطه فعلا لو ده حصل
احلام بضحك يووه ومالها البنات دي رزق
ياسمين بضحك عارفه طبعا بس انا بجد جبت كل اللي تتخيليه ومتتخيليهوش لزين فا لو طلعت بنت هتصدم حرفيا
مازن فضل يضحك وتابع لالا يابت شوفناه باشاعه حديثه هو ولد
مروان بضحك وعلى كده بصراحه انت عايز ايه
مازن بحب انا عايز ياسمين تقوم بالف سلامه انما والله لو بنوته هفرح ولو ولد هفرح كفايه انهم منها ودي بنسبالي كانت لوحدها حلم مش عارف ازاي ممكن يتحقق فا اللهم لك الحمد بجد
ياسمين حضنته وتابعت بحب يارب ميحرمنيش منك ابدا يارب
مازن بحب ولا منك ينورعيني وباس راسها
حبيبه بحب يارب يخليكم لبعض وتقوملك بالف خير
مازن بحب تسلمي يا بوبه يسمع منك ربنا
هايدي بضحك حبيت اعرفك ان المجانين زادو ومش لوحدك حامل ياختي
ياسمين بفرح ايييه لا بتهزرري بجد ودموعها نزلت بفرح
هايدي ابتسمت والدموع متجمعه في عينيها وتابعت لا والله حامل في التاني فعلا ولسه عارفه
ياسمين زغرطت بفرح وقامت حضنتها وتابعت بدموع فرح الف الف مليون مبروك كده تخبي عليا يا هايدي اخص عليكي
باسم ابتسم بحب وتابع والله لسه عارفين اول امبارح فعلشان هي عارفه انك هتيجي هنا قالت تاجلها وتفاجئك وش لوش احسن
ياسمين بفرح ده انا هطير بيها ومش مصدقه والله اخيرااا يا هايدي
هايدي بضحك من بين دموعها عملتي زي باسم والله من كتر ما مكنش مصدق حلفني بكل حاجه ممكن تتخيليها ومصدقش غير اما شاف التحاليل ولف بيا وخرب الدنيا
ياسمين بدموع فرح حقه بجد والله .. الف الف مليون مبروك يا باسم عقبال ماتقوملك بالف خير يارب
باسم الدموع اتجمعت في عينيه وتابع بابتسامه مليانه فرح الله يبارك فيكي يحبيبتي عقبال مانطمن عليكي انتي كمان يارب
مازن بحب يارب يا غالي والف الف مليون مبروك للمدام عقبال ماتشيله او تشيلها على ايديك يارب
باسم بحب اللهم امين يارب يحبيبي
جيلان بحماس انا عايزه ولد .. بنت لا يا مامي فقولي لربنا كده
كلهم فضلوا يضحكوا فتابع باسم بضحك ولو جات بنوته هتزعلي يا جوجا
جيلان بحزن اه انا عايزه ولد بنت لا
ياسمين بضحك اما انتي اغرب طفله شوفتها في حياتي علطول البنات بتبقى عايزه بنات والولاد عايزه ولاد .. بنوته زيك لا ليه افهم بس
جيلان بابتسامه علشان هتاخد عروستي والتوك والفساتين بتوعي
كلهم اتفاجئوا وفضلوا يضحكوا فتابعت هايدي بضحك اخص عليكي مش عايزة اختك تشاركك يا جيلان
باسم بضحك لالا ده انا معرفتش اربي والله العظيم
جيلان بضيق اه انا مش عايزه بنوته بس وربعت ايديها
باسم بضحك احنا مالنا يابابا نعملها ازاي دي .. احنا مش بنختار هو ربنا خلاص حط النونه جوه بطن ماما هنشوف بقى هتيجي ايه
مروان بضحك بنت كلب مش سهله خاالص
حبيبه بضحك ده جيل منيل والله العظيم
مازن بضحك خلاص يا جوجا قولي انتي لربنا يارب يبقى ولد بس هتسميه ايه
جيلان بابتسامه هسميه انس
هايدي بضحك واشمعنا انس
جيلان بابتسامه اسم البيست فريند بتاعي في الحضانه
كلهم اتفاجئوا وفضلوا يضحكوا بشده فاتصدم باسم وتابع بضحك اسم ايه ?? خدي هنا يابنت الكلب يا جزمه انتي تعالي
هايدي بضحك مش قادره بجد بنتك هتموتني والله وفضلت تضحك بشده وتابعت الكلام ده بيخرج من عيله ازاي ده امك مكنش عندها بيست فريند ياختي وفضلت تضحك
باسم بضحك ما ده اللي كان ناقص تبقى البت وامها عايزين يتربوا تعالي يابنت الجزمه هنا هتموتيني بحسرتي انتي انا حاسس
جيلان جريت ورا ياسمين فتابعت وهي مش قادره توقف ضحك سيبها يا باسم علشان خاطري انا وفضلت تضحك وحطت ايديها ورا ضهرها وتابعت فظيعه بجد والله لسانها متبري منها طفله ايه دي ده احنا مكناش عيال
مازن فضل يضحك وتابع البيست فريند بتاعك ده عندكم في القاهره قبل ماتنقلوا انما احنا هنا في الصعيد الحاجات دي زيها زي تهريب الاثار جريمه في حق المجتمع
كلهم فضلوا يضحكوا بشده فتابع باسم بضحك لالا اسكتوا بقى بجد علشان قسما بالله انا ما عرفت اربي ودمي محروق تعالي ياجوجا هنا عايزك
جيلان بخوف لا هتضربني
باسم بحب ومن امتى بابي بيضرب جوجا??
جيلان بصت لياسمين فتابعت بضحك روحيله متخافيش
جيلان راحت وقفت قدامه وتابعت بتوتر نعم
باسم شالها حطها على رجله وتابع بحب مين انس ده بقى
جيلان ده صاحبي وانا وهو بنحب نلعب مع بعض علطول
باسم بضحك اممم ومفيش بنات تلعبي معاها
جيلان بضيق في بس هما رخمين اوي وبيضايقوا لما يلاقوا انس بيلعب معايا انا وهما لا
كلهم فضلوا يضحكوا فتابع باسم بضحك صبرني يارب لا بابي بيغير يا جوجا على فكره
جيلان ضحكت فتابع باسم بحب بصي هو عادي اننا نتكلم مع انس ونلعب معاه علشان زميلنا في الحضانه بس ليه مفكرتيش ان تصاحبي بنات اكتر هقولك ليه مش علشان هو عيب ومش عارف ايه لا طبعا ايه العيب هو انتوا بتعملوا حاجه غلط ده انتوا بتلعبوا مش كده
جيلان هزت راسها ب اه فتابع باسم بحب بس انا مثلا زمان كنت بحب العب كوره اوي فاعمو مروان كان بيلعب معايا انما عمتو حبيبه كانت بتحب تلعب بلعروسه فانتي لما تلعبي مع بنات وتصاحبي بنات اكتر هتلعبي العابهم وتبقي زيهم فكل حاجه صح
جيلان بحب صح
باسم باس خدها وتابع وانس صاحبنا عادي مفيهاش حاجه بس البنت زيي احسن نلعب لعب زي بعض وفي الحفلات نلبس زي بعض ونتصور صور حلوه زي بعض هاا اتفقنا
جيلان بحب اتفقنا هعمل كده
باسم بحب شاطره يعمري ها خلصتي الهوم وورك بتاعك
جيلان بحب فاضل حته نونو نزلني يا باابي اكمل الهوم وورك
باسم باس خدها وتابع بحب روحي ينورعيني ونزلها فدخلت جري علي اوضتها وتابعت وهي بتجري باااي ياعمتوو
ياسمين بضحك باي ياقلب عمتو
مازن بحب انت كده عملت الصح
باسم اصل حتت اني اقعد مع طفله في حضانه اقولها عيب نصاحب ولاد وحرام ومش عارف ايه البنت مش هتفهم والموضوع هيبقى معقد بنسبالها لان دي طفله مش فاهمه حاجه خالص فا ليه ازعقلها انها بتكلم زميلها وهي اصلا مش مدركه يعني ايه الفرق بين ولد وبنت غير ان شكلهم مختلف بس كلهم اطفال وصحاب في بعض وكمان زعيقي كان هيخوفها وهيخليها تبطل تكلموا اه وده واضح لما حست وقالتلي هتضربني هي متعرفش عملت ايه اصلا بس حست من طريقتنا ان في حاجه غلط فكانت هتبطل تكلمه بس لو طفله صدقت ان في حاجه غلط انها بتكلم زميلها بلوقت دماغها هتتفتح لما تدخل مدارس ان ليه عيب وفيها ايه وتبتدي تفكر في حاجات كتير قبل اوانها وحاجه تجيب حاجه .. اصل دي طفله فاتفهم ايه يعني ?? انا بس خليتها تميل للبنات اكتر بحيث تكبر حاطه في دماغها ان هي المفروض تبقي وسط بنات مش الكل عموما وبلوقت هفهمها ان حرام بس لما ينفع تستوعب
هايدي بحب كنت غلطانه لما خوفت اخلف تاني انا يبخت بنتي بابوها واختارتلها اعظم اب في الدنيا
باسم خدها في حضنه وباس راسها وتابع بحب يارب يديمك انتي وهي ليا يحبيبت قلبي
هايدي بحب يارب ينورعيني
مروان بضحك اوعدناا ياارب
باسم بضحك بس يا ابن الجزمه
احلام بضحك تشكر يا متربي
باسم بضحك لا ياست الكل انتي حبيبتي بس خلفتك وسخه قاعد مركز معايا انا والبت ينفع
صلاح بضحك سنجل بيحقد عليكم بقي يا باسم
باسم بضحك طب وهي ناقصه عين الحكاايه
مروان بضحك ايه ده كلكم علياا اخص عليكم والله
ياسمين بضحك اتجدعن انت بس وكفاياك كده
مروان بحب والله يابنت عمتي مستني بنت الحلال وهتقدم علطول
ياسمين بحب ربنا يبعتلك اللي تحبك وتصونك يا غالي
—-
في شقه يونس ونور
يونس كان بياخد شاور ونور بتحط الاكل اللي شهد جابته للفطار على السفره ودخلت غيرت لكاش مايوه حمالات لحد الركبه وفردت شعرها وحطت ميكاب خفيف وتابعت بتوتر كده كده كنتي عايزه تنزلي بدريسات افظع من كده عديها ومتركزيش كأنك لابسه زي العادي وخدت نفسها بقوه وخرجت قعدت في الصالون مستنياه يخرج فعدا شويه مجاش فتابعت يونس
ملقيتش رد فتابعت بصوت اعلى يا يونس فمردش عليها فقامت دخلتله لقيته قاعد على السرير لابس بنطلون شروال بيتي وقلع التيشرت وحاطط ايديه ورا رقبته وبيتفرج على الشاشه اللي في اوضته فتابعت بتنهيده هو انا مش بناديك يا يونس
يونس مبصلهاش وتابع بتنهيده معلش مسمعتش
نور بتوتر طب يلا تعالى نفطر انا مكالتش والله
يونس وهو بردو باصص للشاشه بضيق كلي الف هنا انا مش جعان
نور راحت قعدت قدامه فانبهر بشكلها وحاول ميبينش نظره الاعجاب اللي في عينيه وبلع ريقه بتوتر وبص قدامه فتابعت هي وهي بتوجه وشه ناحيتها بحزن انا اسفه يا يونس بس ارجوك متبعدش وشك عني كده عارفه اني غلطت واستاهل قطم رقبتي حقك عليا مش هتقرر وحياتك عندي
يونس بحده متقدريش تقرريها اصلا انتي بتستعبطي ولا ايه
نور بحزن عارفه والله ممكن بقى وحياتي تيجي نفطر انا والله مكالتش استنيت ناكل سوا والساعه بقيت 1 الضهر
يونس نفخ بضيق وتابع ما تاكلي انتي يا نور وتسيبك من اهلي خالص??
نور بحزن علشان خاطري ناكل سوا فيونس سكت فتابعت نور بحزن بقولك علشان خاطري
يونس تنهد بعمق وتابع بضيق يلا اخلصي تعالي
نور بحب ايوه كده وخرجوا قعدوا على السفره ونور قعدت جمبه وابتداو ياكلوا
نور بحب امسك دوق دي كده ومدتله اللقمه
يونس كل منها بستغراب وبصلها وتابع حلوه بس خير ها
نور بحب ايه مالي فيا ايه هي حاجه غريبه اني باكل جوزي بايدي
يونس وهو بيبص في طبقه تابع اممم لا ازاي هي عجيبه مش غريبه بس
نور بتوتر انا بحاول اغير من نفسي
يونس بتنهيده ولا تداري على عملتك مع شهد ??
نور بحزن يعني الاتنين منا عارفه اني غلطانه بردو
يونس بتنهيده وطلما عارفه انك غلطانه يبقى مفروض تقولي للمهزق اللي مكتوبه على اسمه كنتي فين وبصلها وربع ايديه على السفره وتابع ولا انتي شايفه ايه
نور بتوتر حاضر هقولك بس بعد الاكل ممكن
يونس تنهد بعمق وتابع مش هتفرق بس ياريت بلاش كدب علشان بعرف وشكلك بيبقى وحش
نور بحزن عارفه ومش هكدب والله ومدتله ايديها بلاكل فكل منها وتابع كلي انتي كويس يابابا سيبك مني ومد العصير جابه قدامها وتابع اشربيه ها شغل انك تسيبي نص الكوبايه وتقومي اللي كنتي بتعمليه ده مش هينفعني انتي ضعيفه خالص اهتمي بنفسك شويه
نور بحزن يونس انت زعلان اني رفيعه ??
يونس اتفاجئ وضرب كف في كف وتابع لا حول ولا قوه الا بالله العلي العظيم يحبيبتي انا بتكلم عن صحتك لانك علطول كنتي بتعملي كده على الاكل انما ماليش دعوه بجسمك انتي عجباني زي ما انتي
نور حست انها وحشه اوي لان يونس حنين عليها حتى في زعلهم فباست جبينه وتابعت حقك عليا بجد
يونس ابتسم وتابع خلاص والله مفيش حاجه بس اعرف كنتي فين
نور بفرح حاضر والله
وكملوا اكل بعدين قامت نور غسلت الاطباق وجات قعدت جمبه على السرير فبصلها وتابع سامعك فتابعت بتوتر كنا عند سيليا
يونس بستغراب سيليا !! وروحتوا تعملوا ايه عند سيليا ??
نور بتوتر ماهي بعتتلي مسدج مستفزه اوي فانا قولت لشهد فاتعصبت وصممت تنزل تهزقها وتقولها تبعد عني لانها كانت عايزه يعني ولعبت في ايديها بتوتر وتابعت قصدي يعني ان ..كلام شهد معايا انها مكانتش عايزاك تقربلي فبتنكد عليا علشان تبوظ اليوم علشان غيرانه وكده
يونس برفعه حاجب ومسدج ايه دي ان شاء الله
نور حاولت تتماسك وتابعت بوجع ان قاسم مات
يونس اتصدم بشده وتابع ايه ?? سيليا قالتلك كده ?? وهي عرفت منين
نور بصت لتحت وتابعت بوجع معرفش بس اكيد ابن خالتها قاالها لانه ظابط هنا في اسيوط
يونس تنهد بوجع وحاول يتماسك ورفع وشها ليه وتابع وبتداري عينك عني ليه يا نور خايفه اشوف في عينيكي نظره الحب ليه ??
نور بوجع : اييه لا طبعا انا مش بحبه ده كلب وزباله وميستاهلنيش ويغور في ستين داهيه انا مش عايزه افتكره خلاص
يونس ابتسم بسخريه وتابع منا قولتلك بلاش كدب معايا انا لاني بعرف
نور بدموع صدقني انا بطلت احبه قاسم فعلا مينفعنيش حتى لو انت مش جوزي مستحيل كنت اكمل معاه
يونس بوجع : العقل فاهم بس القلب مصمم ومتقدريش تنكري ده قاسم حب عمرك ومش سهل تنسيه
نور بدموع يونس لو سمحت متقولش كده انا فعلا قررت ابدا حياتي معاك من جديد حتى لبسي قدامك غيرته اهو انا ظلمتك وجيت عليك حتى لو انت غلطت واعتديت عليا بس اسمك صلحت غلطك وفي طبعك علطول احن عليا اكتر من نفسي انما ده انا مشوفتش منه اي خير ده وسخ وخاين وقاتل وفيه كل العبارات الزبااله انما انت حاضري ومستقبلي فبلاش ارجوك تفكر بلطريقه دي
يونس الدموع اتجمعت في عينيه وتابع بوجع: وانتي مين قالك اني هبدا حياتي معاكي وانا عارف انك بتفكري في غيري
نور بدموع يونس بليز متشوفنيش وحشه كده انا مبفكرش فيه وبحاول اتغير فساعدني وعلشان تصدق انا موافقه نتمم جوازنا
يونس بتنهيده انا بقى مش موافق
نور بدموع ليه بس
يونس بحده ودموع علشان انا مش حيووان ومش كل الرجاله زباله زي البيه انا عايز قلبك مش جسمك يا نور ولو قلبك مكنش معايا مش عايزك خالص
نور بوجع ودموع بس انت سبق وعملتها
يونس بعصببه قولت كانت غلطه ومش هتقرر انتي ايه مبتغفريش ليه
نور بدموع انا لو مش بغفر مكنتش صارحتك بللي حصل مع سيليا علشان ابدء معاك بصراحه من غير غش ومكنتش جيتلك لحد عندك وقولتلك موافقه نتمم جوازنا
يونس بحده سيليا ليها حساب معاايا بس بلنسبه ليكي انا مش هقدر اعمل اللي بتقولي عليه سامحيني .. هقرف من نفسي اوي اوي لو كنت انا عايز قربك وانتي بتعملي كده علشان حرام تمنعي نفسك عني وعلشان ده حقي .. ان الراجل مراته تكون بتحب غيره دي تقهر بس ان كمان تبقى زيها زي الميته معاه من غير مشاعر لانها ببساطه مش حاسه بحاجه دي تموت بلحيا لانك هتعملي كده علشان ربنا مش اكتر مش علشان انتي عايزاني زي منا عايزك فشكرا لتضحياتك يا نور هانم انا مطلبتش ومش هطلب منك حاجه ورايح يخرج من الاوضه فتابعت نور بدموع يعني هتوقف حياتنا علشان تستناني احبك يا يونس
يونس لفلها وتابع بوجع مين قالك كده ?? لا انا هبطل استنى خالص يا نور .. اصل اللي مقدرتش تكره قاسم بعد كل ده مش سهل تحبني والحب مش بلعافيه وانا متقبل ده جداا وحقك انا كبير عليكي واكيد مش الشاب اللي كنتي تتمنيه فاحنا هنفضل شويه مع بعض وهطلقك علشان تشوفي الشاب اللي من سنك اللي يعوضك
نور اتصدمت وتابعت بدموع لالا طبعا تطلقني ايه وراحت وقفت قدامه وتابعت بعياط: انا مش عايزه اطلق يا يونس والله انا عايزاك صدقني وانت اي بنت تحلم بيك انت بتقول ايه ده انت مفكش غطله ارجوك بلاش تحسسني اني مش حاسه بقيمتك كده انا والله مدركه وعارفه انت مين
يونس حط ايديه ناحيه قلبها وتابع مش مهم الادراك لانه جاي من عقلك وانا بلعقل مترفضش .. المهم الاحساس لان انا مش عايز غير ده وصدقيني هتبقى ماسخه جدا لو اتحايلت عليكي تحبيني لان دي بلذات من عند ربنا مش بمزاجنا وانا فاهمك ومقدر مشاعرك جدا ومش بلومك وكنت مستعد احاول علشانك 100 سنه بس
نور بمقاطعه وعياط بس انت زهقت بدري
يونس ابتسم بوجع وتابع زهقت بدري !! لا ده انتي فعلا لسه صغيره ومتعرفيش اي حاجه وتنهد بعمق وتابع كنت مستعد احاول علشانك 100 سنه بس لو قلبك ملكك انما مقدرش احاول وانا شايف مراتي بتحب راجل غيري وقلبها معاه هو … اصل مهما كنت عايزك فانا عندي كبرياء وعزه نفس تمنعني اتحمل وضع زي ده صدقيني صعبه جدا بنسبالي وخرج وسابها وراح اوضه تانيه ورزع الباب وهي فضلت تعيط بحزن شديد ودفنت وشها في المخده
وعند يونس كان قاعد على سرير اوضه الاطفال مضايق جدا وقلبه وجعه من نظره عين نور اللي شاف فيها انها لسه بتحب قاسم فتابع بوجع كفايه بجد وجودي جمبك طول الوقت خلاكي مش قادره تفرقي وتميزي بين اللي حبك وعشقك بجد وبين اللي قدر يشوف غيرك .. يمكن بلوضع ده تفهمي وتحسي وتعرفي قيمتي انما مش هقدر يا نور وغمض عينيه بوجع وتابع مش هقدر مهما كنت بحبك اتحمل حاجه زي دي
—-
وبعد 3 ايام في نفس الاحداث محصلش اي تغيير ويونس مصمم على قراره مع نور وهي بتحاول تراضيه جيه معاد خطوبه احمد وشهد
