رواية غموض الحب عائلة الرفاعى الفصل الخامس و الستون بقلم لولا
فوقفه نرمين وتابعت بتوتر سيف
سيف بصلها وتابع بصوت مليان هموم: نعم يا امي
نرمين بتوتر ودموع عامل ايه يحبيبي وحطت ايديها على خده وتابعت انت كويس طمني عليك يعمري
سيف مسك ايديها باسها وباس راسها وتنهد بعمق وتابع كويس متخافيش
نرمين بدموع حقك عليا انا .. مراتك عيله وعصبيه حبتين ومن صدمتها قالت كلام تلقائي خرج منها علشان مش مستوعبه انما لما تهدى هتعرف انك بتحبها وانها غلطت والمايه هترجع لمجاريها زي الاول واحسن
سيف ابتسم بوجع وتابع انا مفرقليش كلام امنيه ومش زعلان خااص متخافيش
نرمين بدموع على امك يا سيف طب ده لو كدبت على الكل مش هتعرف تكدب عليا انا
سيف تنهد بوجع وتابع بالله ياما سبيني اطلع راجع من السفر مهدوم وعيني مشافتش النوم
نرمين بدموع وتوتر طب تعالى نام عندي انهارده انا عايزه اخدك في حضني
سيف بوجع حقك عليا بس مش هعرف طلما نزلت اجازه انام من غير امنيه حتى لو زعلانين من بعض مش هكلمها بس ابقى جنبها
كلهم اتوتروا جدا فتابعت نرمين بدموع كده يا سيف تزعل امك وعيطت وتابعت ده البت لما بهدلت نفسها عياط فكرتني باخوك ووجعت قلبي فعايزاك في حضني علشان تطبطب على وجعي تقوم تقولي كده
سيف مسح دموعها وتابع بنت كلاب حقك على راسي لو كلامها جرحك وباس راسها وتابع بس انا مش هعرف والله نفسيتي تعبانه اوي انهارده ومحتاجها جنبي ويادوبك هطلع انام علطول
نرمين بتوتر ودموع طب ماتسيبها انهارده يا سيف خليها تهدى وتعرف تفكر ومتروحش قدامها خالص خليها تصفالك
سيف بتنهيده مش هتصفى طول منا بعيد عنها بلعكس هتفضل تفكر وتتعصب ومتلاقيش اجابات لاسئلتها فتكرهني اكتر وتشيل مني الستات مش زينا هما لازم تدقي على الحديد وهو سخن انما احنا لازم نهدى الاول وانا هديت وندمان اني مديت ايدي عليها رغم انها بنت كلب وتستاهل بس وشها ورم وانا مبعملش كده مع اي حد فمبالك انها مراتي فحاسس اني استقويت عليها اوي فعايز اراضيها
نور لوت بوقها بتوتر فاستغرب يونس وبصلها بمعنى في ايه؟
فمعرفتش تتكلم بس بصت لفوق وهزت راسها ب لا ونظرتها شرحت كتير فاتلكم يونس من غير صوت بصدمه وشاور ناحيه الباب وتابع: هي مشيت ??
نور هزت راسها ب اه بحزن وخوف فغمض يونس عينيه بضيق ونفخ
نرمين بدموع حطت ايديها على خده وتابعت يحبيبي على حنيتك انا عارفه انك بتحبها ومش هتهون عليك فاياً كان عملت او هتعمل ايه اعمل نفسك مش سامعها ومش شايف اغلاطها علشان خاطري هي اه لسانها متبري مها حبتين بس بردو غصب عنها
سيف بتنهيده حاضر ياما يلا عن اذنكم انا
نرمين بتوتر يا ابني خليك معايا بالله عليك
سيف والله مش هقدر ورايح يطلعها فتابعت نرمين بتوتر شديد: طب سيبها متدخلش اوضتكم نام في اوضه ابنك .. يا سيف .. انت يا واد
بس كان طلع فضربت على رجليها وتابعت بخوف ياموري عليها وعلى اللي هيجرالها
مازن بحده غلطانه بس لو مد ايديه عليها تاني هزعله
احمد متدخلش يحبيب اخوك واقعد ساكت دي لو ياسمين انت مش هتعديها
مازن بحده اه وهو الصح نستقوى على حريم يعني
يونس بحده مازن انت عارف تربيه ابن عمك واديك سمعته قالك ندمان وهيراضيها هي اللي مصممه تخرب بيتها
نرمين بدموع وخوف بالله عليك يا يونس علشان خاطري يا ابني لو نزلها روح وراه ليموتها
يونس بتنهيده اهدي طيب حقك عليا خير باذن الله
نرمين بدموع وخوف يارب يا ابني يارب
—
فوق عند سيف دخل الشقه وقعد على الكنبه ورجع ضهره لورا وتنهد بعمق ووجع وهو بيفتكر
فلاااطش بااك
امنيه بعصبيه ودموع اللي في بطني اييه انت هتجنني مايخش يولع ولا يغور هو واللي جااابه انتوا عملتواا في حقي جريمه ومش هسامح فيهااا وهوريكم يعني ايه تضحكوا علياا اناا
**
امنيه مسكته من قميصه وتابعت بعصبيه وعياااط ليه انت مين يا زبااله ?? مين انت ?? انا معرفش عنك حاااجه انا معرفش غير حسااام ومحبتش غير حساام واتعصبت اكتر وتابعت ومكنتش عايزه رااجل يلمسني غير حساام .. مرااتك ايه وقررف اييه الجوااز ده بااطل انا مش مواافقه علييك وهروح وارفع عليك قضيه وهسجنكك وزقته
**
يحيوان ومسكت قميصه وتابعت بعصبيه اكبر: عااايزه ايييه هاا رد علياا ?? انا كنت عااييزه حسااام يلمسني واشيل حته منه هو مش انتتت ليه ميين انت ? اعرفك منين اناا ? ده انا قرفانه من جسمي علشان انت لمسته ومن اللي في بطني علشان حته منك ومن نفسي علشان في يوم اديتك ريق حلوو روح منك
**
امنيه بعصبيه وعيااط مش عاايزاه انت مبتفهمش بقولك مش عاايزاه علشان هيفكرني بيك وهيفكرني طول الوقت اني خاينه وزباله فهنزله
**
عاادي كدده تاخد مراات اخووك وتلمسهاا ? بذمتك محستش بلقرف من نفسك ?
**
حب ايه وخراا ايه على دمااغه بيحب مرات اخوه وشايفينه انسان محتررم
**
وتعلقي بيك وحبي الزيااده ماهو الا علشاان فكرتك حسااام انما متفكرش اني حبيتك يا سيف
**
وازااي اصلاا كنت بتقدر تلمسني وانا في حضنك مكنتش بنطق غير اسم اخووك هاا بس عادي اللي عدا كل ده يعدي دي كمان علشان انت اصلا مش رااجل
بااااك
سيف دموعه نزلت بقهر وهو مغمض وكان حاسس بنار قايده في صدره وتقل على قلبه لا يحتمل ففتح وتابع متخيلتش هقولها بس ياريتني ما مشيت ورا كلامك وانتي عيله وحبيتك يا امنيه يارتيني بمزاجي اختار احب ولالا وانا كنت قفلت السكه دي للابد ب 100 قفل ورميت مفاتيحهم وفتح عينيه بوجع وتابع انا مفيش حاجه بتكسرني غيرك .. كنت مرتاح وانا ماليش نقاط ضعف ولا حاجه بتهمني .. مش عايز اقول ليه علشان حرام بس يارب انا مبقتش قادر استحمل كل ده والله العظيم انا انسان وبحس عادي مش معنى اني جامد يبقى معنديش قلب وتنهد بعمق وتابع هقوم اشوفها وربنا يستر متسمعش القوصيه كلها صوتنا كلعاده يعني
وقام دخل الطرقه علشان يروح اوضتهم ولقى النور مقفول ففتحه ملقهاش اتصدم فتابع وهو بيبص حواليه امنيه .. امنييه .. واتعصب وتابع انتي يا زفتته وراح فتح الحمام ملقهاش فطلع فتح الدولاب ملقاش هدومها فاتعصب جداا وضغط على ايديه لدرجه عروقه برزت وضرب الكومود بلرجل فوقع والاباجوره اتكسرت فتابع بعصبيه ماشي يا بنت الكلب ده انتي ليله اللي خلفوكي سودا معاياا انهارده علشان تكسري كلمتي كويس وطلع بسرعه وقفل الباب بعصبيه وبقى ينزل جري
فسمعته نرمين ولطمت بخوف وتابعت عرف يانهاار مالوش ملامح انهارده
يونس طلع وشافه نازل فمسكه وتابع مالك في ايه رايح فين
سيف بعصبيه شديده: مالي في ايه على اساس مقالوش قدامك صح وشغاله افلام ومسلسلات وتعالى نام في حضني علشان تدااري عليهاا حلو اوي يامااا حلو .. مرات ابنك تنزل وتسيب بيتهاا من ورااه ومتعملش لكلمه اللي خلفوه حساااب وانتي تركبيلي قرون وتطبليلهااا ومش عايزاني اعررف
نرمين بخوف ودموع والله يا ابني خايفه عليها هي عنيده وانت عصبي والدنيا هتكبر بينكم اكتر كنت عايزاك متعرفش ولما تنام هبعت يونس يجيبها علطول واللي اتكسر يتصلح
سيف بعصبيه شديده: لا مبيتصلحش وهروح اكسرهااا هي كمااان بنت الكلب الحيوانه علشان تكسر كلمتي كويس اووي مش عاجز انا علشان يونس يروح يجيبهالي انا هجيبها وهعلمها الادب
يونس بتوتر طب اهدى هاا انا عارف انها غلطت بس بعيداا عن اي حاجه مراتك حامل يا سيف فابوس ايدك اهدى
سيف بعصبيه شديده: يخش تولع ولا تغور في ستين داهيه ده انا هربيها من اول وجديد
نور بدموع طب علشان خاطري انا هاتها ومتعملهاش حاجه
سيف بعصبيه شديده: انتوا هتطبلولها وتجننوني لييه ده مفيش رااجل بقوله يمين يقولي شماال ده انا بمشي كتااايب مش هعرف امشي مرااتي !! .. قسما بالله خساره فيهااا ضميري اللي وجعني واني كنت هاجي على نفسي وهتنيل اراضيهااا مع اني مغلطش بس لالا دي عايزه قله الادب علشان تخاف لما تخااف مني هتحترمني انماا طول منا حنين معاها ده خلاها ركبت فوق راسي
مازن بحده انت مغلطش في حرف وانا معااك بس تجيبها متمدش ايديك علييهاا
سيف بعصبيه اه هتعمل فيها الكبير بقى وكده
مازن بعصبيه الكبير غصب عنك ومش احنا اللي اتربينا اننا نكسر حريم ونستقوى عليهم مالك يا سيف في اييه دي مرااتك مش واحده من الشااارع مش كفاايه وشها االلي ميتشافش من الضرب انت فاكرها عسكري عندك ولا اييه
سيف بعصبيه العسكري عندي ليه احترامه ومبيضربش وانا عمري ما كنت مفتري وبستقوى على الضعيف يا مازن بس دي داست على رجولتي وكراامتي وقالت كلام ياسمين لو قالتهولك تدفنهاا حيه ورغم كل ده اتهببت اطلع اصالحها بس دي عملت ايه ? راحت كسرت كلامي ومشيت وسابت البيت فمحدش يتدخل علشان مخسرش حدد دي مرااتي وانا حرر اولع فيها اقتلها اضربها ميخصش حدد واوعى كده يا يونس وزق ايديه ونزل بسرعه رهيبه وهو متعصب
مازن هز راسه وتابع بعصبيه اقول عليها ايه مخليه الواحد مش عارف يتكلم بعملتها المنيله دي
يونس بخوف مش وقته يا مازن اللي حصل حصل انا هروح معاه ولما نيجي يحلها الف حلال خير باذن الله ونزل وراه بسرعه
نرمين عيطت وتابعت والله ما عارفه اقول ايه الشيطان اتمكن منهم اوي
ياسمين بدموع نزول امنيه خرب الدنيا الوضع مكنش هيوصل لكل ده
شهد نفخت بتوتر وتابعت بالله خايفه عليها اوي
احمد بتنهيده نو كومنت
مازن بحده يابرودك يا جدع
احمد بحده متطبلش يا مازن امنيه غلطانه هي نسيت هي متجوزه مين ولا ايه ده مفيش راجل يقبل بكل ده علي نفسه وابن عمك مغلطش وكان طالع يصالحها بس هي بجد زودتهاا اوي
نرمين بخوف ودموع بالله عليك ماتوترني انا خايفه لوحدي ربنا يستر عليها يارب
منصور قام وقف بلعصايه بتاعته وتابع بتنهيده اعمليلي كوبايه شاي يا صافيه ودخليها اوضتي احفادك تعبوا اعصابي انا داخل اريح
صافيه بحزن روح انت يا حج عيني حاضر
معتز بحده متدخليش بين سيف ومراته يانرمين سيبي ابنك يربيها بمعرفته البت غلطت ووقفتكم جنبها هتخليها متعملش اعتبار لجوزها اصلااا وهتعيد الغلط
نرمين بحده ودموع لا ابقى عارفه ابنك مجنون واسيبه يموتها اه وماله
معتز بعصبيه انتي مش هتخافي على ام ابنه اكتر منه خليكي في حالك واسكتي هو مش هيموتها بس يعمل معاها ايه ميخصناش
احمد بتنهيده انا معاك بجد
شهد بحده احمد بطل برود هدوه عليهاا انتوا عارفين سيف عصبي ازاي
احمد بهدوء هششش انتي عبيطه هتعلي صوتك ولا ايه ??
عايده ياختااي لا والنبي هو الشيطان داخل البيت بزياده ولا ايه مش ناقصينكم انتوا كمان
احمد بحده اصل هتستعبط وبتعلي صوتها
شهد بحده انا اقصد ان مينفعش اعتبرهاا زي نور لو نور عملت كده ترضي يونس يضربها
احمد بحده اولا صوتك ميعلاش علشان مزعلكيش ثانيا لو نور عملت كده ابتسم وتابع مراته هو حر يخش يكسرها ميخصنيش
شهد بصدمه يعني افهم من كلامك ان يونس هيشوفك بتضربني وهيقف ساكت ومش هيتدخل
احمد بحده لو انتي عملتي اللي امنيه عملته ده انا اللي همنع يونس يكمل عليكي .. في ايه يا شهد فوقي لنفسك احنا صعاايده والاصول اصول ودي بهدلت بكرامته ورجولته الارض وقال ايه كان طالع يصالح !! سيف الرفاااعي مغلطش وطالع يصالح هي عايزه ايه اكتر من كده بس هي محترمتوش اصلاا
مازن بعصبيه بس ميضربهاش هي مش بهيمه دي مراته وليها احترامها بردو ومهما غلطت مينفعش نسيبه يعمل كده ولازم نهدي الوضع
احمد بحده يبقى مش هينوبك غير قله الادب اللي هتسمعها منه وحقه لان هي مسابتلناش عين نتكلم وندافع بيهاا واهي اقربها مثال قالك لو ياسمين مكانها كنت دفنتها حيه خلاك شديت بلاستر لان هو صح
مازن تنهد بعمق ومسح بايديه علي وشه وتابع بوجع: امنيه امانه بنسبالي هنا يا احمد دي قبل اي حاجه كانت خطيبه اخويا الله يرحمه وانا موافقتش بفكره جوازها من سيف غير علشان شايف انه بيموت فيها وقولت هيسعدها ومسيرها تعرف الحقيقه انما مقدرش اسيبه يضربها
احمد : بس عمك صح مش هنخاف علي ام ابنه اكتر منه هي مش هتهون عليه بس متحاولش تدخل بجد
نور نفخت بتوتر وتابعت ربنا يستر بجد
نرمين بدموع يارب يابنتي والله يارب دماغها ناشفه اتحايلت عليها حيال بلااش تنزل
–
بعد شويه عند بيت اهل امنيه كان وصل لان بيتها بعيد ومعاه يونس وطلع بكل عصبيه وفضل يخبط
فثواني وفتح محمد وتابع بخوف في ايه يا ابني مالك حصل ايه
سيف وهو دخل بكل عصبيه تابع اوعى معلش يا عم محمد عن اذنك ودخل فقابلته سميه وتابعت بخوف مالك يا سيف في ايه
سيف بعصبيه وهو داخل اوضتها في ايه لا مفيش حاجه خالص ورزع الباب ودخل
يونس واقف برا بينفخ بتوتر ومش عايز يدخل علشان لو قاعده براحتها
فلما دخل سيف ملقاش حد في الاوضه فاتعصب وطلع بسرعه وتابع بعصبيه هي غارت في انهي اوضه خليها تطلع علشان قسما بالله ما هحلها ولا همشي من غيرها
سميه بصدمه هي مين يا ابني
سيف مسح بايديه علي وشه وتابع بحده يا ست الكل بالله عليكي انا جايب اخري بنتك فين ? ولا انا لسه هسالك ليه انا هدور انا بنفسي وبيدخل باقي الاوض
فشهقت سميه وتاابعت بخوف بنتي ايه يا سيف امنيه مش هناا هي لو هنا هقولك يا سيف ?!
يونس اتصدم وسيف وقف بصدمه ولفلها وتابع مش هنا ازاي يعني ? واتعصب وتابع يعني ايه مش هناا اومال راحت فين ?
محمد بخوف والله يا ابني امنيه فعلا مش هنا ومجاتش اصلا هو في ايه هو انتوا اتخانقوا ولا ايه
سيف بعصبيه اتخانقناا !! ده انا هطلع عين اهلها اوعى كده يا يونس وزقه ونزل بعصبيه
سميه بدموع وخوف : في ايه يا ابني فهمني ابوس ايدك هببت ايه المجنونه دي
يونس بخوف مش وقته افهمكم بس باختصار عرفت الحقيقه وبهدلته وسابتله البيت وكان قايلها متنزليش
محمد اتصدم وسميه لطمت وتابعت بخوف يا نهار اسود ومنيل يانهاار اسود وراحت فين بنت الجزم دي وحاامل وتعباانه
يونس بخوف معرفش يا امي والله لو وصلت لحاجه هقولك انا حاليا مضطر انزل بسرعه ورا سيف
محمد بدموع وخوف روح يا ابني ولو وصلت لحاجه طمنا ابوس ايدك
يونس بخوف اكيد حاضر ونزل بسرعه
وسميه عيطت وتابعت بخوف شايف بنتك .. شايف قله ادبها .. يتارا هببت ايه علشان شايط عليها الشيطه دي
محمد بتوتر مش عارف يا سميه انا والله خايف علي البت دي بنتي الوحيده
سميه بدموع وخوف بنتك خربت بيتها يا محمد .. بنتك بهدلت الدنيا خالص والواد شاريها وبيحبها وكان مهنيها ومعيشه عيشه بنات كتير تحلم بربعها
محمد نفخ بتوتر وتابع بالله عليكي ماترعبيني عليهاا زياده انا مش ناقص وعارف انها بنت كلاب وغلطانه ومينفعش تنزل من وراه ولا تعمل كل اللي عملته ده
سميه قعدت وتابعت بخوف ودموع يارب استرها عليها يارب وهدي سرها ده انا ملحقتش اهديه عليها حتى ونزل من غير مانقول حرف
محمد نفخ بضيق وتابع هو اتصدم انها مش هنا ودي قله ادب منها بردو المفروض زعلت مع جوزها يبقى تيجي بيت ابوها فا والله الواحد مش عارف يقول ايه
سميه بدموع امنيه تعبتني ومش راضيه تريح قلبي ابدا
—
في عربيه سيف كان بيسوق باقصى سرعه
يونس بحده ياعم هدي شويه يخربيت اهلك مش كده
سيف بحده يونس مش طلبااك خالص الساعه دي
يونس بحده يا ابني واحده واحده هنتنيل نمووت ومش هتعرف توصلهاا ولا زفت
سيف بحده لا متخافش انا عارف بعمل ايه
يونس بحده ورايحين فين ? انت ايش عرفك هي فين حد قالك حاجه ?
سيف بحده عارف من غير ما حد يقولي تفكيرها هيجيها لايه واشوف وشها بس وانا امسح بيه البلاط
يونس تنهد بعمق وتابع لو مش علشانها علشان ابنك ابوس ايدك واحده واحده انا اصلا مرعوب من فكره انها تكون راحت تنزله
سيف بعيداا عني اني بردو هطلع عينيها بس لااا يا يونس امنيه ارق واحن من كده وهثتبلك متقدرش تموت ابنهاا بايديها هي بتعصبني علشان اطلقها
يونس تفتكر ?
سيف بصله وتابع انا عارف مش هفتكر وتنهد بعمق وتابع بحده بس تقع تحت ايدي بنت الكلب الحيوانه الاول
يونس طب اهدي وبالراحه كل حاجه هتحصل والله بس اتفاهموا سوا
سيف بعصبيه مفيهاش تفاهم يا يونس ده انا قايلها لو رجلك عتبت باب الشقه هكسرهالك تقوم ميهماش وتنزل لالا والله ماهعديها على خير ابداا وافتكر كلامها واسلوبها فاتعصب وضرب علي الدركسيون جامد وتابع بعصبيه يابنت الكلب ياللي رفعتي ضغطتي انتي .. مااشي يا امنيه مااشي وزود وساق باقصي سرعه
—
عند زينب وعمر كانوا قاعدين بياكلوا في اوضتهم وزينب مقعده حسام علي رجلها وكل شويه يمسك المعلقه عايز ياكل من اللسان عصفور
زينب بضحك مش هينفعك ده يا بابا انت لسه صغنن وباست خده
عمر بضحك طب كويس عينيه بتروح للاكل فيما بعد ياكل حاجات خفيفه فمش هيتعبك في الفطم
زينب برفعه حاجب انت عايزه يتفطم ليه اصلا علشان خسيت بسببه صح؟
عمر فضل يضحك وتابع لا طبعا يحبيبي انتي قمر فكل حالاتك انا لما اتجوزتك تخنتي في البدايه ومع الحمل وحسام بيه لما شرف فعلا خسيتي بس بردو زي القمر ربنا يقويكي عليه يارب يعيوني بس انا اقصد علشان الرضاعه بتبقى مسئوليه لانه مصدر اكله الوحيد فانتي معرضه في اي مكان فجاه ترضعيه فانك تفطميه اريح ليكي انتي
زينب بضحك اه والله فكرتني عملها فياا في خطوبه احمد وشهد في السيشن
عمر برفعه حاجب اممم وانتي عملتي ايه
زينب بضحك ايه في ايه بتبصلي كده ليه سيف وداني الحمام طبعا وكملت تاكل
عمر اممم طب كويس علشان كنت حاسس اني ههزقك وكمل ياكل
زينب بضحك لالا متقلقش عيب عليك
وحسام رجع يمسك المعلقه تاني فزينب شدتها منه وكملت تاكل فرجع يمسكها فشدتها بعصبيه وتابعت ماخلاص يا حساام في ايه يا بابا قولنا مش هينفع
حسام فضل يعيط فتابع عمر بعصبيه ينعل اهلك في الارض انتي مجنونه يابت انتي ولا ايه ده اسلوب وساب الاكل وشاله منها وبقى يطبطب عليه
زينب بحده بطل تدلعه يا عمر عمال يمسك في الحاجه 100 مره واشيلها منه تعبت مش عارفه اطفح اللقمه بجدد مش كده
عمر بحده يعني هو العيل ده فاهم يا بنت الجزمه علشان تهبي فيه الهبه دي وفضل يطبطب عليه وتابع لالا يحبيبي حقك عليا انا زينب دي مهزقه هضربهالك بص وضرب زينب بخفه علي رجليها وتابع بس يحبيبي ضربناها اهو ولا تزعل نفسك
زينب بضيق دلع كويس هاا
عمر بحده اه بدلع متدخليش انتي وباس خده كتير وفضل يطبطب عليه وحسام بيعيط ويبص لزينب وعامل شفايفه لتحت فتابع عمر بحده ينفع كده يعني ??
زينب اتاثرت بشكله وتابعت بحزن يخلاثي ياناس لالا يعمري خلاص انا اسفه يحبيب مامي وشالته وفضلت تطبطب عليه وتابعت حقك عليا والله مقصدش يعمري
عمر بحده واحده واحده على الواد يا زينب ده عيل ميفهمش حاجه لسه
زينب وهي بتطبطب عليه تابعت بتنهيده والله ياعمر مش قصدي انا اتعصبت لاني شلتها كتير وهو مصمم
عمر هيجيبه منين العند يعني
زينب برفعه حاجب قصدك ايه هاا
عمر بابتسامه مقصدش لان مهما عاندتي كلمتي انا اللي بتمشي
زينب بضحك لا ياراجل
عمر اه طبعا تقدري تقولي غير كده
زينب بحب اه طبعا اقدر اقول غير كده لان نص طلباتي اللي بتبقى رافضها بخليك توافق عليها بطريقتي وباست خده وتابعت بغمز ولا ايه
عمر فضل يضحك وتابع ااه يا لئيمه انتي بس ماشي حتي لو كده ماهو مش بتمشي عليا انا بردو اللي بوافق
زينب بضحك المهم بترضى اكيد مش هعمل حاجه انت مش راضي بيها
عمر بابتسامه اممم يسلام على الادب والاخلاق
زينب بضحك تقدر تنكر ولا ايه ?.. وحسام رجع يمسك المعلقه تاني
عمر بضحك لا طبعا يعمري مقدرش ده انتي جوهره الله
زينب بضيق شايف ابنك بردو !!
عمر بضحك بس يا حسام عيب مامي هتبلعنا اسمع الكلام يحبيبي
حسام بصله وهو ساكت فتابع عمر بضحك ايوه انا اللي بكلمك عيب اسمع كلام بابي يلا سيبلها االمعلقه
حسام بص للطبق ومسك المعلقه تاني فتابع عمر بضحك طب الحمدلله ابني مترباش
زينب فضلت تضحك وتابعت ده بالله طالعلك انت ودماغه نااشفه ومش بيعمل غير اللي على هواه
عمر بضحك بيطلع عليا اللي عملته في امي الله يرحمها خلفه مهزقه نقول ايه بقى
زينب بضحك متقولش علي ابني كده ده عسل ومتربي وزي القمر اهو
عمر بضحك ياخي الامهات دي غريبه قسما بالله ده ابنها ده هو هو اللي لسه مبهدلاه من دققتين حِكم والله
زينب فضلت تضحك وتابعت اعمل ايه ابني نورعيني تعبت فيه وشافته ماسك المعلقه فتابعت تعالى اكلك انت شكلك مصمم
عمر اتصدم وتابع بحده تاكليه ايه يابنت المجاانين انتي اتهطلتي ولا ايه
زينب بضحك متخافش اكيد مش العصفور يعني دي الشوربه بس حته صغننه خالص ومسكت المعلقه ملتها جزء صغير
عمر بحده بس يا زينب بطلي جنان مينفعش
زينب بضحك ياعمر متبقاش اوفر ده احنا صعايده يعني جامدين اوي
عمر بحده بس يمتخلفه بتهببي ايه عيل ايه اللي 3 شهور يشرب شوربه وضرب كف في كف وتابع عيله خلفت عيل ياااربي بتعمل اييه دي وبسيبها مع الواد وبمشي ازااي
زينب فضلت تضحك وتابعت عادي يا موري مالك في ايه متبقاش اوفر كده
عمر بحده انتي عبيطه ولا ايه لا طبعاا اقل حاجه 6 شهور بعدين يبدا يشرب الشوربه دي وشد المعلقه منها وتابع هاتي يازينب هاتي ربنا يكملك بعقلك
فحسام عيط فتابع عمر معلش يابابا امك اتهبلت حقك عليا اناا وتقولي بتدلعه وهي رايحه تطاوعه لا واضح مين بيدلع
زينب فضلت تضحك وتابعت مش هتعملوا حاجه صح دي حته
عمر بحده يا زينب بطلي ام الهطل ده بالله هتخليني امشي مقلق منك المفروض انك نيرس وفاهمه
زينب فضلت تضحك وتابعت ياعمر بعمل فيك مقلب هو انا كنت هأكله بجد عيب عليك مش للدرجه دي
عمر ضرب كف في كف وتابع بضحك لا حول ولا قوه الا بالله متجوز عيله في ابتدائي يارب
زينب بضحك تقدر تعترض
عمر بضحك لا يحبيبتي مقدرش كملي اكلك بقى وسكتي الواد عمال يعيط ومش نافع معاه الهز ده
زينب وهي بتهزه عايز يرضع منا عارفه
عمر بصلها بدهشه وتابع طب ماتتنيلي ترضعيه وظيفه اهلك ايه دلوقتي انتي مش فاهم
زينب برفعه حاجب لا بقولك ايه مش هسمحلكم انكم تعاملوني معامله البقره دي
عمر بضحك واجمل بقره بس اخلصي يا زينب الوااد بيعيط
زينب بضيق مش هعرف اكل منه استنى باكل بسرعه
عمر بصلها برفعه حاجب وتابع انتي اتهبلتي انهارده صح ؟! عيل ايه اللي يستناكي تطفحي اخلصي يازينب
زينب بضحك قربت والله خلاص وهو بيسكت اهو
فعمر مردش عليها ومد ايديه على بدي بيجامتها ينزلوا فشقهت وتابعت بضحك لا كله الا الشرف تحرش وشغل الميكروباصات ده لا مسمحلكش انا بنت ناس
عمر فضل يضحك وتابع يابنت الجزمه انتي حلالي ده كلام يتقال ؟!
زينب بضحك اه طبعا مش بتمد ايديك يبقى يتقال اوعى يحبيبي كده واتلم وبتحاول تبعد ايديه
عمر نزل ايديه حطها على وسطها وتابع بضحك هو انا لو مكنتش مديتها كنتي بقيتي ام دلوقتي ?
زينب فضلت تضحك وتابعت ياعمر اتلم بجد علشان خاطري
عمر بضحك هتلم بس رضعي الواد
زينب بضحك حاضر بس نو تاتش بلييز
عمر فضل يضحك وتابع عيني حاضر بس لو اتلميتي انما لو متلمتيش هتاتش براحتي بقى
زينب فضلت تضحك وتابعت خلاص اتفقنا ونزلت البدي وبدات ترضع حسام فسكت وعمر مسك اللقمه ومدها ليها
زينب بحب كُل انت يعمري
عمر بضحك ده انتي مكنتيش هترضعي ابنك عشان جعانه اكل انا ازاي يعني وانا عارف انك جعانه امسكي هاكلك وانا باكل
زينب كالت منه وتابعت بضحك انا مش مفجوعه مش للدرجه دي
عمر بضحك منا عارف يحبيبتي ومد ايديه ياكلها
وزينب ضحكت وكالت منه وشويه وخلصت ترضع حسام وكالوا فشالته وتابعت ياختي جميله ياناس اللي كالت وبطلت زن دي
عمر بضحك احترمي نفسك ومتدلعيش الواد كده وكلميه عدل ده راجل البيت في غيابي وابن عمر الهواري يابت
زينب فضلت تضحك وتابعت هشش اسكت انت متدخلش في علاقتنا بدل ما ازعلك
عمر شال الصنيه حطها على جنب وقعد جنبها وقرب منها وتابع هتزعليني ازاي مش فاهم
زينب بضحك عمر اتلم وابعد ابنك صااحي وبيشوف وبيحفظ دلوقتي
عمر بضحك طب مايحفظ اهو يطلع فاهم الدنيا صح
زينب بضحك اب فاسد والله العظيم ابعد والله عيب الواد بيبصلك
عمر بصله لقاه بصصله فعلا فتابع بضحك ابوس ماما يا حسام ?
زينب بضحك يا ابني اتربى بجد
عمر بضحك اللي حبيب ابوه هيقولوا هاا ابوسها ?
حسام قاال حاجه مش مفهومه فتابع عمر بضحك اهو موافق
زينب فضلت تضحك وتابعت فهمت ازاي انت اتربى بجد علشان خاطري بالله عليك وبتبعده
عمر بضحك لا والله هاخدها يعني هاخدها انتي عبيطه ولا ايه
زينب بضحك معلش خليها عليك
عمر بضحك يرضيكي حلفاني ينزل الارض ?
زينب فضلت تضحك وتابعت ياعمرر بجد ات … ورايحه تكمل فقرب باسها وبعد فبصتله بتفاجئ وفضلت تضحك وتابعت والله متربتش وضربته في كتفه
عمر فضل يضحك ورايح يتكلم فونه رن فاستغرب وتابع مين دلوقتي دي الساعه 10
زينب بستغراب شوف
فقام عمر مسك الفون وتابع بستغراب دي امك استر يارب ورد عليها
نرمين بلهفه ودموع عمر ابوس ايديك يحبيبي كلم سيف هيرد عليك انت ويكبرلك وخليه يهدى ويرد علياا بتصل بيه بيكنسل
عمر بخوف في ايه يا امي ماله سيف
زينب قامت وقفت وتابعت بخوف ودموع ماله اخوياا في ايه يا عمر
عمر بيسمع نرمين وتابع بحده استني افهم
زينب بعياط فهمني ابوس ايديك ماله سيف طب هو كويس
عمر بعصبيه يا بنتي بفهم وهفهمك الله يحرقك
زينب بعياط وخوف ابوس ايديك افهم بسرعه وفهمني هو كويس صح
عمر اتصدم وتابع يانهااار اسود وانا اعمل فيها ايه دي ده قسما بالله لو الجن الازرق مش هيوقفه
-حاضر ياما حاضر متقلقيش هحاول طبعاا يلا سلام سلام انتي هطمنك وقفل ودخل يلبس بسرعه
زينب بعياط وخوف شديد: ابوس ايديك فهمني في ايه
عمر وهو بيلبس تابع بسرعه: امنيه عرفت الحقيقه وبهدلت سيف وقالتله كلام صعب وضربها بلاقلام ورم وشها ومشيت من وراه من البيت
زينب بصدمه يانهار اسود ومنيل ايه البلاوي دي هو لحق يرتاح
عمر بضيق مش عارف انا ملطشه مع اخوكي ليه بجد
زينب بحده وهي تعمل كل ده ليه ده بدل ماتشكره عشان خاف على حياتها
عمر بحده زينب رغي حريم مش عايز مش وقته خالص الكلام ده اخوكي لو عطر فيها هيقتلها
زينب نفخت بتوتر وتابعت طب انت رايح فين
عمر بخوف هحاول اكلمه طبعاا واعرف فينه واروحله
زينب بقلق طب وصلني بيت اهلي الله يخليك يا عمر
عمر بحده يا زينب مش وقته الله يخليكي
زينب بدموع وخوف بالله عليك وصلني معاك علشان خاطري
عمر نفخ وتابع طب اخلصي بسرعه يلا
بعد شويه كان عمر وصل زينب وببتصل بسيف بيكنسل لحد ما رد عليه
سيف بحده خير يا عمر في ايه
عمر بحده ايه ساعه علشان ترد قلقت اللي جابوني والباشا اللي معاك فونه غير متااح
سيف بحده معلش ياعمر مش طايق نفسي
عمر بتنهيده عملت ايه مع مراتك
سيف بحده ملقتهاش عند اهلها ورايح لسلمى صاحبتها بيتها بعد بيت الرفاعي بشويه حلوين وقربت اوصل خلاص
عمر بصدمه مراحتش عند اهلها اصلا ولا لما شافتك نزلت ?
سيف بحده لا مراحتش اصلاا وضربت مشوار ابن ستين كلب على الفاضي بس ماشي انا هربيها
عمر تنهد بعمق وتابع طب انا مش هناقشك دلوقتي بس ابعتلي عنوان سلمى دي
سيف بعصبيه متروحش ولا تتنيل لو شافتك هتعرف اني رايح
عمر والله ماهروح غير معاك بس ابعته علشان انا عند بيت الرفاعي
سيف بحده لا لما اعدي ابقى تعالي ورايا يلا سلام بالله عليك علشان جايب اخري
عمر نفخ بتوتر وتابع تمام يا سيف سلام
وقفل معاه وركب في عربيته مستني يشوفه ولما وعدا فعلا مشي وراه بسرعه
–
عند امنيه
سلمي بحزن طب ايه هتفضلي قالبه وشك كده كتير
امنيه تنهدت بوجع وتابعت سبيني لوحدي شويه يا سلمى انا لو كنت اعرف ان انتي كمان تعرفي الحقيقه مكنتش جيتلك
سلمى تنهدت بعمق وتابعت امنيه والله العظيم انا عملت الصح وبكره تعرفي ليه وبعدين سيف .. ده سيف بيحبك ضعف حب حسام الف مره هو انتي هتنسي من يوم مااتجوزتي وهو معيشك ازاي
امنيه بدموع لا منستش ومنستش بردو انه استغفلني هو واقرب الناس لياا ..منستش اني كنت مع واحد فاكره ان ربنا عوضني بيه وخدت اخيرا حاجه عايزاها وعيطت وتابعت وصحيت على كابوس انه مات وسابني لوحدي خلاص
سلمى بدموع امنيه اهدي وعلشان خاطري متقوليش كده جوزك والله اي بنت تتمناه قدري قيمته قبل ماتخسريه هو كمان واستهدي بالله وافتحي فونك كلميه وطمنيه عليكي ده تلاقيه يعيني كعبه داب من اللف عليكي مينفعش كده
امنيه بدموع ووجع سيف لو شافني مش هيرحمني متفكريش انه هيطبطب علياا وانا مش حمل بهدله ومش هكلمه ولا اقوله حاجه ولو انتي خايفه منه وعايزاني ابعد بمشاكلي انا هنزل والله العظيم عادي انا ممكن …
سلمى بمقاطعه بس بس انتي عبيطه ولا ايه ده بيتك يا متخلفه وتقعدي فيه الوقت اللي تحبيه انا والله اقصد علشانك انتي انما مش قصدي حاجه ده حتى ماما بتعتبرك زي بنتها وفرحت اوي لما عرفت انك جيتي قعدتي معايا كام يوم لان هي في القاهره عند خالتي علشان تعبانه وكانت قلقانه عليا من القاعده لوحدي
امنيه ابتسمت من بين دموعها وتابعت ربنا ميحرمنيش منك ابدا يا سلمى وتنهدت وتابعت تقل على قلبي مش طبيعي حاسه انه هيعرف انا فين
سلمى بستغراب ايه ده لا طبعاا هو ايش عرفه انك هنا بتهزري ولا ايه ميجيش في باله طبعا تلاقيكي من الخوف بس
امنيه بدموع وخوف : يارب يا سلمي يارب يكون خوف واحساسي يخلف بجد
سلمى مسحت دموعها وتابعت بحب طب ممكن تهدي علشان البمبينو قلب خالتو ميتعبش وانا هروح اعملك احلى كوبايه نسكافيه واجي نشرب سوا
امنيه ابتسمت بدموع وتابعت تسلمي مش عايزه حاجه صدقيني مليش نفس
سلمى بحب لا طبعا اخرسي يابت هتشربي معايا وقامت طلعت تعمل وسابتها وامنيه سرحت بوجع
فلاااش باك
-بحب لا والله مش مبالغه انتي حقيقي كلام الدنيا كله قليل عليكي يا منونتي
امنيه بحب قلب وعقل وعيون منونتك
-رجع ضهره لورا وهو بيدعك عينيه وتابع بحب حبيبت قلبي ربنا يديمك ليا يارب وبص للبلكونه المقفوله وتابع قومي معلش شدي الستاره الشمس وجعت عيني وصحتني من النوم مع ان البلكونه مقفوله
امنيه بضحك علشان الاضاءه دخلت عادي ده الازاز بس اللي مقفول ولفت نظرها عينيه فتابعت بستغراب ايه ده ثواني بس ووجهت وشه ناحيه الشمس وبعدين رجعتها للضل وفضلت تعمل كده كذا مره
-ايه في ايه خير
امنيه بستغراب انت من امتى عينك عسلي يا حسام ايه ده بسم الله الرحمن الرحيم بجد
-ضحك وتابع ايه ده هو انتي مكنتيش بتاخدي بالك حقيقي الاهتمام مبيطلبش هي بتبان في الشمس اكتر عموما
امنيه بصدمه لا متهزرش بجد اكيد مش 3 شهور خلوني فقدت الذاكره مش للدرجه دي يعني ومسكت فونها فتحته وجابت صورها مع حسام وتابعت ماهي في الشمس اهي فين لون عينيك وقفلت الفون وتابعت وبعدين ما انت اهو في الضل قدامي بسم الله ما شاء الله جميله وباينه عسلي من غير شمس خالص اهو انا بس مكنتش واخده بالي
-بتنهيده حبيبتي تلاقي كواليتي الصوره مش حلو بس انا عيني عسلي من زمان وانتي اكيد مخدتيش بالك وهي اصلا كتير في عيلتنا واحمد ونور وياسمين ويونس فمش انا بس يعني
امنيه حطت ايديها على راسها وتابعت مش مستوعبه بجد ده من امتى وازاي مخدتش بالي
-بضحك طب خلاص حصل خير لون عيني مضايقك يعني اغيره
امنيه بحب لا طبعا ده قمر يارب البمبينو بتاعنا يبقى شبهك ونفس لون عيونك كده
**
فمسكتهم امنيه وتابعت بستغراب ايه ده ? ايه جااب لبس الجيش عندك في الدولاب ??
-تنهد بعمق وتابع حبيبتي مالك انا اخويا ظابط جيش
امنيه برفعه حاجب وانت علشان اخوك ظابط جيش تاخد هدومه معاك وانت بتنقل هدومك هنا ?
-بابتسامه اكيد لا يعني هاخدهم اعمل بيهم ايه بس سيف اخر مره لما جيه قعد معايا في اوضتي فكنا بنشيل الهدوم في نفس الدولاب فانا وبنقل هدومي بحطهم في الشنطه علشان اطلعهم هنا خدتهم بلغلط ومخدتش بالي غير وانا برص حاجتي في دولابنا قومت ركنتهم على جمب وقولت لما يجي هديهومله
امنيه بضحك ااه تعرف ان انا عمري ماشوفته
-بتنهيده اه عارف
امنيه بضحك ومش حرام عليك هدومه اللي خدتها دي تلاقيه قلب الدنيا عليهم
-بتنهيده لا ماهو كلمني وقولتله فا الحمدلله معاه هناك كام طقم هيتصرف يعني
امنيه بحب ربنا يحفظهولكم يحبيبي وفردت الافارول تشوفوا وتابعت باعجاب بسم الله ما شاء الله ربنا يحميه ورددت الاسم المكتوب على الجيب اللي في صدر الافارول: الرائد سيف الرفاعي
**
امنيه قعدت قدامه وخدت نفسها بقوه وتابعت انا الحمدلله كويسه
كريم طلع سيجاره من العلبه اللي في جيبه وولعها وتابع طمنيني بقى اخبار حضره الظابط معاكي ايه
امنيه ابتسمت بتوتر وتابعت الحمدلله كويس نشكر ربنا
كريم نفخ دخان السيجاره وتابع مبتلاحظيش في اسلوبه اي اختلاف
امنيه بستغراب اي اختلاف ازاي يعني مش فاهمه
كريم نفخ الدخان وتابع لا اصل انا اسمع ان خناقتكم كانت كتير في الخطوبه فعايز اعرف اتغير لما شافك تعبتي وهتروحي منه ولالا
امنيه بابتسامه حسام الحمدلله بقى غير الاول خالص وبيحبني جدا وبيعاملني بما يرضي الله فمتقلقش من حاجه
كريم بتنهيده لا موعدكيش يا امنيه .. هفضل قلقان وبكره وبعده الايام هتثبتلك اني كان ليا حق اقلق
امنيه بستغراب هو انا ليه حساك عارف حاجه وبتخبي عني يا كريم
كريم بابتسامه لا ولا حاجه يحبيبتي ونفخ الدخان وتابع لو في كنت اكيد قولتلك انا بس مش عارف اطمن عليكي معاه مكنتش مرتاحله من الاول يعني ..ويمكن يطلع كل احساسي غلط الله واعلم
**
تابع شكرا قومي بقى افتحي المروحه دي علشان ريحه السجاير اللي كان ابن الكلب ده بيطفحها خنقتني ومش راضيه تروح من الشقه وقام وسابها مصدومه من كلامه فقامت وقفت وتابعت وده من امتى ده ??
**
-بتنهيده امنيه انا عارف انه مش وقته بس انا طبيعيه شغلي اتغيرت شويه وللاسف بعد الاجازه انا مسافر شهرين رايح انجلترا علشان المهمه بتاعتي
امنيه اتفاجئت وبصتله وتابعت بصدمه شهرين ازاي يعني
-بتنهيده اعمل ايه يحبيبتي انا الفتره دي مبهزرش وشغلي تقيل اوي
امنيه لا يا حسام مش كده بجد هو انت شغال في المخابرات من وراياا ولا حااجه ???
-نفخ بضيق وتابع مال المخابرات بللي بقوله يعنيى يا امنيه
امنيه بحده لا ماهو لما تقولي مسافر برا شهرين تبقى مخابرات ماهو مفيش ظابط بيسيب بيته شهرين غير لو مخابرات او جيش زي عمر انما شرطه من امتي كدده انت ظابط مباحث يا حسام يعني كل اللي بتعملوا بتحقق وبتقبض على المجرمين وبس
**
بااااك
امنيه بدموع ووجع انا ازاي مخدتش بالي !! وعيطت اكتر وتابعت ازاي كنت مغفله اووي كده ده كان في 100 حاجه تفرق بينه وبين حساام هما شبه بعض في الشكل بس ولون العين لا كماان ازاي حصل كدده ازااي وحطت ايديها على بوقها وتابعت بانهيار اعمل ايه يارب واقبل الواقع ازاي اللهم لا اعتراض بس حته مني راحت يارب حته مني راحت حبيبي وخطيبي وكان هيبقى جوزي خلاص مشي وفاجاه لقتني مع شخص معرفوش وابو ابني وحياتي ادمرت وعيطت اكتر وتابعت هو حتى لو كان خايف عليا فا ده ميدهوش الحق ان يتجوزني ويخدعني انا حقيقي تايهه وقلبي واجعني اووي نفسي اترمي في حضنه وفي نفس الوقت مش طيقاه ومبقتش قادره اعملها ده كدب عليا واستغباني ووجعني وكمان ابني ذنبه ايه فكل ده وعيطت اكتر وتابعت ذنبه ايه يارب .. ارجوك صبرني وقويني انا تايهه بشكل مبالغ فيه فورريني ارادتك يارب انا مبقتش قادره لاي حاجه تاني ومش هعرف احب سيف بعد ماعمل كل ده فيا مش هعرف وفضلت تعيط وخبطت بايديها جامد على السرير وعياطها بيزيد
وجات سلمى لقيتها بتعيط فحطت النسكافيه على الترابيزه الصغيره اللي في الاوضه وقعدت خدتها في حضنها وتابعت بدموع بالله عليكي كفايه عياط خلاص
امنيه بعياط ووجع مش قادره يا سلمى والله مش قاادره قلبي مقهور على حساام واللي جرااله اوي اوي ده حبيبي يا سلمى وبصتلها بقهر وتابعت فاهمه يعني ايه حبيبي مات وعيطت وتابعت اقسم بالله انا مش قادره استوعب اصلا كل اللي جرالي و
سمعوا صوت الباب بيخبط جامد جدا فاتخضوا فتابعت امنيه بخوف شديد يا نهار اسود مين ده وبيخبط كده ازاي ولطمت وتابعت بخوف: ليكون سيف يانهااري وفضلت تعيط بخوف شديد
سلمي بخوف لالا اكيد لا اهدي هشوف وجيالك
وخرجت وامنيه قامت قفلت الباب بلقفل وفضلت تعيط وخافت اوي وقلبها بيدق بعنف
سلمي بخوف حاضر حاضر جايه وفتحت كان عمر ويونس وسيف فاتصدمت سلمى وقلبها وجعها من الخوف فتابع بعصبيه اوعي انتي كده خدي جنب ومحدش يجي وراايا ودخل بعصبيه يدور عليها
فلطمت وتابعت بعياط يانهار اسود ابوس ايديكم الحقوه
عمر بخوف امنيه هناا فعلا ?
سلمي بعياط وخوف ااه ااه في اخر اوضه جوه
يونس مسح بايديه على وشه وتابع بتوتر طب هي لابسه براحتها ??
سلمي بعياط ااه بيجامه
فعمر ضرب رجله في الحيط بعصبيه فتابع يونس بخوف طب ابوس ايدك خشي لبسيها لو سبته عليها هيموتها
وسيف فضل يبص ملقهاش في الاوض ولقى اوضه مقفوله فمن نفسه فهم انها فيها لان نظره سلمي اكدتله شكوكه فتابع بعصبيه شديده وهو بيخبط افتحي يا امنيه علشان قسما بالله لو مافتحتي لهكسر الباب على دماغ اللي خلفوكي
امنيه سمعت صوته خافت اوي وبقيت تاخد نفسها بلعافيه وعيطت وكتمت بوقها فتابع بعصبيه بقولك افتتحييي ورحمه اخويااا هكسرره
امنيه خافت اوي فراحت فتحتله وهي بتترعش وبتعيط فلما شافها مسك شعرها فصرخت وعيطت بخوف وهو قفل الباب وراه بلقفل وتابع عصبيه شديده: هو انا قولتلك ايه هااا
امنيه بدموع وخوف انا .. انا اعصابي كانت تعبانه فحبيبت .. حبيبت اريح شويه
سيف بعصبيه شديده : تريحي شويه اااه ده انا عايز اريحك للابد مش شويه بس وشد على شعرها اكتر وهي بتعيط وتابع: بقى يحيوانه ياللي مشوفتيش ربايه اقولك متنزليش تكسري كلمتي ومتعمليش للكلب اللي متجوزاه احترام قدام اي حدد وكمان متروحيش بيت اهلك وتيجي تفضحينا عند صاحبتك انتي اتجننتي يا امنيييه !!!!
امنيه بعياط وخوف: انا مش عايزاك وريح دماغك مني وسبني في حالي يا سيف
سيف شد على شعرها اكتر فصرخت بوجع وتابع بعصبيه شديده مش بمزااجك انا اللي احدد اسيبك ولالا وانا مش هسيبك ومش هترتاحي مني غير لما حد فينا يغور في ستين داهيه ويموت غير كده انسي يا امنييه هفتضلي شايله اسمي ليوم ما تموتي وهوريكي ازاي اتجرأتي تكسري كلمتي ده انا مفيش رااجل بيتجرأ يعمل الحركه دي معاياا تقوم واحده ست هي اللي تكسرهاا لالا والله ماهتعدي كده بلساهل
امنيه بعصبيه ودموع انت ايه مبتحسش انا بقولك مش عايزااك سبني في حالي ورحمه اخوك وقدر موقفي واني مستحيل اسامحك خلاص انا فقدت الثقه فيك ومبقتش احس بأمان معاك وعيطت وتابعت يا شيخ ده انا قولتلك اكتر حاجه بكرهاا الكدب وعملتها
سيف ابتسم بسخريه وتابع اااه اصل انتي اللي قولتيلي انك بتكرهي الكدب مش كده ??
امنيه بستغراب ودموع يعني ايه
سيف بعصبيه سيبك من يعني ايه والشغل ده علشان انا مش جاي ارغي في الكلام الفااضي بتااعك دده وهربيكي انهارده وهوريكي ازااي تكسري كلمتي علشان تحرمي تقرريها تاني الصبر بس .. ويلا غوري البسي علشان نمشي وزقها على السرير
امنيه عيطت وتابعت بعصبيه مش هنزل في حته ولا راجعه معاك واللي معاك اعمله
وسلمى كانت عماله تخبط وبتترجاه يفتح الباب بس هو ولا اكنه هنا وتابع بعصبيه انا اللي اقوله يتنفذ علطول انتي دماغك تعبانه وفكرااني بنااقشك ولا ايييه ومن ناحيه معايااا فانا معايا كتير فاخلصي البسي يا امنيه احسنلك علشان مزعلكيش لان حسابنا مش هناا حسابناا في بيتنااا وانتي حسااابك تقل اوي ولو متربتيش في بيتكم وعرفوكي ازاي تتعاملي مع جوزك فانا موجود وهعلمك الادب من اول وجديد عادي … يلا وبيضرب على كتفها وتابع بعصبيه يلا غوري البسي
امنيه بعصبيه ودموع انا متربيه كويس اوي وعارفه الصح من الغلط بس انا مش معتبراك جوزي اصلا وقولت لااا مش جايه معااك يعني مش جايه معااك وهتطلقني ورجلك فوق رقبتك
سيف سند بركبته جنبها على السرير ومسك شعرها فعيطت وصرخت بوجع فتابع بعصبيه شديده: انا عايز اشوف يا بنت الكلب هطلقك ورجلي فوق رقبتي ازااي وخليكي متغيريش هغيرلك انا ولا يهمك يحبيبتي عاادي
امنيه خافت وتابعت بعصبيه ودموع ابعد عني احسنلك ومتقربش بدل ما والله العظيم هلم عليك امه لا اله الا الله
سيف بسخريه وهتقوليلهم ايه امه لا اله الا الله جوزي بيغيرلي ???
امنيه بعصبيه متقولش جووزي انت مش جووزي ولا عمري هعتبرك جوزي فمتحلمش بحاجه عمرك ماهتوصلها يا سيف
سيف ابتسم باستفزاز وتابع وصلنا من بدري وشايله ابني كمان هل في ليڤل اعلى مطلوب مني ولا حاجه ??? اصل انا عنيا ليكي
امنيه اتعصبت وتابعت تصدق انك حيو….. فسيف حط ايديه على بوقها بعصبيه وتابع بعصبيه شديده : ورحمه اخوياا لو سمعت منك كلمه غلط تااني في حقي مش هضربك بلقلم بس لا ده انا ههين كرامتك دي كلمه قليله على اللي هيجرالك ويلا هتغيري ولا اغيرلك انااا اخلصييي عايزين نغور انتي مش في بيت اهلك
امنيه خافت من شكل عصبيته وتابعت بعياط مش عايزه ارجع معاك ابوس ايديك متكرهنيش فيك اكتر
سيف بعصبيه لا في ستين داهيه اكرهيني عاادي مبقتش تفرق معايا اصل كده كده هيتقال ايه اكتر من اللي اتقال مثلا ???
والباب عمال يخبط عليهم بطريقه رهيبه من الشباب وسلمى وسيف مش راضي يرد وتابع بعصبيه يلااا اخلصيي
امنيه اتخضت وتابعت بعياط وعصبيه مش غااايره انت مبتفهمش مش طاايقاك ولا طاايقه اقعد في بيتك
سيف بحده تمام بشوقك ومسكها قومها يغيرلها فتابعت بعياط ابعد عني واتربى شويه ابعد بقوولك وحاولت تفلت من ايديه
سيف بعصبيه طلبت منك بلذوق تلبسي مش راضيه واكيد مش هنزلك بلقرف اللي لابسااه ده .. فانتي اللي اجبرتيني بقى وطلع دريس وطرحه من شنطتها ومشي بيها رجعها ثبتها عند الحيط بين ايديه وبدا يقلعها بيجامتها علشان تلبس الدريس فتابعت بعياط وعصبيه : اوعى ابعدد عني وبطل قله ادب متقربش منيي وفضلت تضربه في صدره جامد بتحاول تبعده وتابعت بعياط وعصبيه انا مش هغور معااك انا سبني في حااالي وابعد عنيي بقى
سيف بحده : هششش مسمعش حسك خاالص واتلمي بالفاظك الزباله دي صوتك جايب اخر الدنيا وهما برا سامعينك ليفكروني بغتصبك ولا حاجه
امنيه بعصبيه ودموع والله انت قليل الادب ومتربتش ابعد كدده هات الدريس ده واخلص
سيف مسك فكها وتابع بعصبيه لمي لساانك يا امنيه علشان مقلش ادبي عليكي لان قسما بالله اغلاطك دي كلها ما هتعدي كده بلساااهل بس نغور بيتنا وشوفي هعمل فيكي ايه علشان ماعاش ولا كااان اللي يكسر كلمه سيف الرفااعي وهندمك وهربيكي على تصرفك ده بس الصبر ورمى البيجامه بتاعتها فوق هدومها في الشنطه وبدا يلبسها الدريس وهي بتعيط ومحرجه منه فتابع بعصبيه والنبي بلاش ام النظره دي كاني اول مره اشوفك مش ناقصه قرف هي على المسااا اخلصي يلاا لفي ام طرحتك وزقها ناحيه التسريحه
امنيه بدموع ووجع لا وانت الصادق عارفه انها مش اول مره وفعلا كرهت نفسي اكتر علشان بقيت ليك
سيف مسك شعرها فصرخت بوجع وفضلت تعيط بشده فتابع بعصبيه في ستين داهيه ميفرقليش وانا مبقتش عايز قربك ولا هلمسك تااني علشان كله الا كراامتي ورجولتي يا امنيه وانتي دوستي بزياااده .. بزياااده اوي وانا لو قلبي هيخليني اعيش تحت رحمه ست ده انا ادوس عليه باقدم جزمه عندي واموته بس ماعااش ولا كااان اللي يذله .. وكل الهري اللي بتهريه وهريتيه ده كوووم وكسرتك لكلمتي دي كوم تااني وجاي حالف هكسر عضمك بس وشك المورم سكتني واللي في بطنك اللي انتي مش عايزااه ده رحمك مني علشان ورب الكعبه انتي لو مكنتيش حاامل كنت كسرتك تحت رجلي دلوقتي وتغور التربيه والجدعنه والرجوله ماانتي كده كده دوستي على كل ده ومهمكيش حاجه بس بحق غلطك في حقي وتكسيرك لكلمتي هربيكي بس نروح بسس يلاا اخلصيي
سلمي بدموع يا سيف علشان خاطري افتح ورحمه اخوك افتحلي ومش همنعك تكلمها والله
ففتح سيف وراح لامنيه وتابع بعصبيه يلا اخلصييي
امنيه لفت الطرحه فشاورت سلمى ليونس وعمر ان يدخلوا عادي خلاص
امنيه بدموع انا مش هروح معاك يا سيف وديني لامي ويومين تلاته كده افكر واقولك ردي
سيف بعصبيه تقولي ردك على ايه ان شاء الله انتي عبيطه يابت انتي ولا ايه انا مش باخد راايك اصلااا
امنيه بعصبيه ودموع ماهو مش بلعااافيه خلي عند اهلك دم وطلقني يا شيخ ده انت انسااان بجد مبتحسش
سيف بعصبيه يا بنت الكلب يا زباله ياالي مش هتعدي اليوم على خير انتي ورايح يروحلها دخل يونس ومسكه وتابع بخوف خلاص خلاص حقك عليا انا
سيف بعصبيه شديده اوعى يا يونس سبني ده انا هطلع عين اهلهااا بنت الكلاب اللي مينفعش معاهاا رحمه دي
امنيه بعصبيه ودموع هو انت فاكرني جااريه عندك هتقعدني معاك بلعافيه انا ليا حق اختار ومش عاايزاك وملكش عندي غير ابنك وبس
سيف كان بيجربها علشان يوري يونس فتابع بعصبيه طب ايه رايك هتنزلي اللي في بطنك وبردو مش هطلقك
عمر اتصدم ويونس فهم فتابعت امنيه بخوف وعياط انت اتجننت صح ??
سيف بعصبيه لا متجننتش هننزل دلوقتي نروح ننزله انا مش عايز اخلف من واحده زيك ومش هنجيب عيل بينا نظلمه
امنيه بعصبيه ودموع شالله ماعنك خلفت مني واعتبره مش ابنك عاادي وحطت ايديها على بطنها وتابعت بعياط انما ده حته مني والحاجه الوحيده اللي مصبراني على حيااتي انا مش هنزل ابني مهما حصل واخبط راسك في اتخنها حيطه ليه بنت حرام ولا جاحده علشان اموت نورعيني بايدي انت اتجننت
سيف بعصبيه انتي مجنونه يابت انتي ولا ايه هو مش انتي كنتي عاايزه تنزليه حصل ايه دلوقتي انا كنت رافض وبقيت شايف ان ده الصح خلاص لاننا مننفعش لبعض
امنيه بعصبيه وعياط مننفعش ومش هننفع انما ابني مالوش اي ذنب مش تتصرف من دماغك وتقرب مني قبل ما اعرف حقيقتك ولما احمل تقولي ننزله لان مقدرش ده حته مني وهو بنسبالك وقت لطيف مع بنت حلوه انما انا عيطت بقهر وتابعت ده بياخد من صحتي علشان يكبر وتاعبني علاجات وابر ومرمطه ولسه ورغم كل ده عادي بردو على قلبي زي العسلل انا قولت كده عايزاك تخاف وتطلقني وكنت هشقى واتعب علشانه ومش هقولك هات جنيه ولا هستني منك حاجه وكنت هعيش علشانه انما مقدرش اموته
سيف بص ليونس اللي فهم نظرته وابتسم فتابع سيف: على العموم انا مش هنزله وكنت بشوف تفكيرك مش اكتر وهنكمل الحمل وعلاقتنا عاادي بس مش هنسى غلطتك دي وحسابها تقيل اوي
امنيه بعصبيه تشوف تفكيري متشوفش تفكيري انا مش هنزل ابني ومش عايزاك وهنطلق وقولت لنور لو مش بمزاجك يبقى بلحاكم
يونس مسكه وتابع حقك علياا انا اكبرلي كأنك مسمعتش منها اي حاجه
سيف اتعصب وتابع بعصبيه: يابنتي بتعصبيني لييه منا بهدى عليكي ده انتي والله العظيم عايزه تتاكلي علقه تقعدي راقده شهر اقل حاجه .. محاكم يا بنت الجزمه .. عايزه تدخلي سيف الرفااعي محاكم ده انتي نهاار ابوكي مش هيعدي انهاارده ومد ايديه كان هيطولها
فعمر وقفها وراه وتابع بحده خلااص يا سيف اكبر لابن عمك بقى يااخي
يونس بعصبيه وانتي اخرسي خالص يا امنيه تسمحي مسمعش صوتك
سيف بعصبيه شديده: انت مش سامعهااا بتقول اايه البجحه مكسره كلمتي وسايبه بيت اهلها وجايه لصاحبتها وبتغلط فيااا وبردو مش سااكته وتقولي محاكم دي عايزه تتهان قسما بالله ويخش تولع ولا تغور وينعل ابوه الحب 100 مره انتي انسانه زبااله خساره فيكي قلبي
امنيه اتعصبت ورايحه تتكلم فحط عمر ايديه على بوقها وتابع بعصبيه بس خلاااص كفايااكي قله ادب ده جوزك
سيف بعصبيه هي اتربت ولا تعرف يعني ايه جوزهاا اصلا بس صبرك علياا نروح بس وانا هربيكي وهعلمك الادب والله يا امنيه ماحد هيحوشك من تحت ايدي ويخش تغوري ولا تولعي وصوتك ده لو علي عليا تاني هقطعلك لسااانك ده اللي اطول منك يا قصيره ياللي مش سهله انتي
وبيحاول يطولها بس عمر بيبعدها عنه ويونس بيمسكه وتابع بعصبيه يا ابني خلاص ورحمه اخوك حقك علياا انا في 100 طريقه تربيها بيها ارخصهم انك تمد ايدك خليك عااقل يا سيف انت مش كدده
سيف بعصبيه شديده: وهي دي سااابت فيااا عقل انا لو فياا عقل من البدايه يا يونس ميحصليش كل اللي حصلي دده .. كنت ركنت ام مشاعري دي على جنب وعرفتها مين سيف الرفاعي زيها زي غيرهاا انما انا ميزتها عن الكل وحطيتها جوه عيني وشافت مني اللي مفيش ست شاافته وفي الاخر كل ده متقدرش واتساوى بلصفر وبقيت مش راجل وفياا العبرر يا عم يوونس
امنيه بدموع حلو اوي ورغم كل ده احنا مش متفقين ومن اول جوازنا حتى الحاجات التافهه بنتخانق عليها وصوتنا بيعلى يبقى نطلق وكل واحد فينا يشوف اللي يقدره
يونس بصلها بحده وسيف اتعصب اكتر وهو بيبعد يونس عنه ويونس ماسكه كويس وتابع بعصبيه شديده : يقدرك مين يابنت الكلب يا جزمه ليه مقصر معاكي في ايه انا علشان عايزة اللي يقدرك ده انتي ليله اللي خلفوكي سودا معاايا فرصك خلصت خلاص يا امنيه وقسما بالله ادفنك حيه قبل ماتفكري تكوني مع غيري انتي عبيطه في دماغك يابت انتي ولا ايه
وعمر بيحاول يبعدها بس مد ايديه طالها ومسك طرحتها فصرخت وعيطت بخوف وعمر ويونس حجزوا بينهم فتابع يونس بعصبيه يا ابني بس مينفعش كده سيبها علشان خاطري انا حقك على راسي والله
عمر بعصبيه بس يا سيف خلااص مش كدده اهدى
وبيشدها منه وامنيه استخبت وراه وتابعت بعياط وخوف ابوس ايدك ابعده عني يا عمر وحياه ابنك
وسيف بيحاول يمسكها تاني فتابع بعصبيه ماشي يا امنيه مااشي صبرك عليااا
فتابع عمر بعصبيه وهو مخبيها كويس وراه: يا سيف خلاص يخربيت اهلك مش كدده غلطانه بس بلعقل ابوس ايدك اهدى دي حاامل
يونس مسك سيف جامد وتابع بعصبيه عمرر خدهاا وانزل بسرعه انت في عربيتك وانا هجيبه وجاي يلاا فخدها عمر وهي جريت معاه بخوف ونزلوا فتابع سيف بعصبيه اوعى يااا يونس يا عم سبني يا عمم
يونس بعصبيه اهدى خلاص هي مروحه اهو والموضوع وخلص اعتبر محصلش حاجه
سيف بعصبيه خلص اه ده روحها اللي هتخلص ان شاء الله ونزل ويونس نفخ بعصبيه وراح قفل شنطتها وخدها ونزل وراه بسرعه وكان عمر اتحرك فسيف ركب ويونس حط الشنطه وركب جنبه ومشي باقصي سرعه وضرب على الدركسيون بعصبيه شديده فتابع يونس بتنهيده اهدى وحقك علياا وسيبها خالص دلوقتي متدلقش المايه على الزيت
سيف بعصبيه يخش يدلق على دماغ اللي خلفوهاا ولا هيهمني وانت متدخلش تاني علشان مخسركش
يونس بتنهيده متهيالك مش هتهون عليك فواحده واحده وربيها وعرفها الصح من الغلط
سيف بعصبيه متهيالك انت .. انا مش هشغل قلبي معاهاا تاني خلااص امنيه داست وبلجاامد وخرجت مني انسان صعب اوي .. انسان انا اول اشوفه معاها وصبرها عليا .. اصل هتهرب مني فين يعني احنا هنروح اهو وهنقعد في بيت واحد .. ماشي يا امنيه مااشي
يونس تنهد بعمق وتابع ربنا يهديكم بجد
—
وشويه ووصلوا ومجرد ماوصلوا تابع عمر يلا اخلصي بسرعه امنيه بخوف وعياط حااضر ونزلت من عربيه عمر جري على فوق وهي مرعوبه
فنزل سيف وبيجري وراها وتابع بعصبيه على اساس مش هشوفك يعني فمسكه عمر وتابع بضحك بالله عامله زي الفار المبلول سامحها لاجل خوفها ده منك
سيف بعصبيه لو بتهابني صح مكانتش كسرت كلمتي فكك من الشغل ده ياعمر
—-
وفي شقه الجد منصور كلهم كانوا متجمعين وامها وابوها جم فدخلت امنيه وهي بتعيط ومرعوبه ووقفت روا نرمين وتابعت بعياط هستيري ورحمه ابنك يا ام حسام ورحمه ابنك خليه يبعد عني انا مرعوبه
كلهم اتصدموا بمنظر وشها وعياطها وعينيها الحمرا فتابعت نرمين بدموع وخوف بس يحبيبتي بس اهدي وحضنتها جامد وتابعت مش هيلمسك ده يخسرني لو فكر يقربلك اهدي والله
ياسمين بدموع ليه كده يا امنيه ليه تخربي بيتك بايدك
امينه بعصبيه ودموع قولت مش عايزاه هو بلعافيه مش هعرف اعيش معاه تاني
نرمين بخوف ودموع هشش بس يا بنتي بس ابوس ايدك لو كان طلع وسمعك مش هعرف ادافع عنك ارجوكي
سميه بحده ودموع ده انتي حساابك معاياا بعدين بس مش وقته دلوقتي
وطلع سيف ودخل فتابع بعصبيه ابعدي عنها ياما ومتدخليش بيني وبين مراتي انا مش هرغي كتيير فابعدي كده هاخدها وهطلع شقتي
امنيه بعياط وخوف مسكت في نرمين وتابعت لالا ياماما ابوس ايديكي لا متسبنيش هيضربني والله ارجوكي
نرمين بحده ودموع بس يا سيف ملكش دعوه بيها والا والله هزعل منك
سيف بعصبيه هاتيها كده ياما ومتدخليش قولتلك وبيمد ايديه ياخدها فخافت اكتر ودخلت ورا نرمين ونرمين خبتها زياده وتابعت بعصبيه لا يا سيف مش هتاخدها لما تهدى كده وتعقل ابقى خدها انما طول ماهي واقفه في حمايا مش هتمس شعره منها
سيف بعصبيه ياماا بالله عليكي كفاايه تطبيل امنيه عاايزه تتربى من اول وجديد وانا مش هسكتلها على اللي عملته لو اطبقت السما على الارض
نرمين بحده ودموع اقسم بالله العظيم .. اقسم بالله العظيم كمان مره ياسيف لو فكرت تمد ايدك على مراتك لا انت ابني ولا اعرفك
سيف ابتسم بسخريه وتابع يااه للدرجه دي وبلنسبه لي اللي هي بتعمله ده بقى ايه ??? عاادي كده قبلتيه علياا ???
نرمين بحده غلطاانه وعايزه تتربى وانا هقعد معاها و اوعيها وافهمها غلطها كويس اوي واعرفها مين سيف لان هي فعلا لسه متعرفش اتجوزت مين وطباعه ايه بس مش ابني انا اللي يستقوى على ست ومش اي ست دي مراته وام ابنه تسوى ايه وانت شايفها مرعوبه منك كدده
سيف بعصبيه تترعب … لو هتترعب مني وتحترمني يبقى تعيش خاايفه وتحترمني هو انا لما وريتها امان وحب خدت منهاا ايه غير الوجع والقهر وقله الادب والاحتراام
زينب بعصبيه ودموع سيف معاه حق بقولك ايه يا امنيه انا سبق وخسرت واحد وراح مني وقطم ضهري ومش عندي اي استعداد اخسر التاني اللي فاضلي بسبب حضرتك تنزليه مره تعبان نفسياا ميشوفش قدامه حاجه تحصله ده ساعتها ولا انتي ولا الدنيا كلهاا هتعوض ضافر اخوياا
امنيه بعياط اخوكي ضحك عليا يا زينب
زينب بدموع ووجع بيحبك وقربت منها وتابعت بيعشقك مش بيحبك واتعصبت وتابعت بدموع واستحمل علشانك اللي مفيش راجل يستحمله .. سكت لما ناديتيه باسم اخوه اللي موته قهره وكسر ضهره علشان صحتك ووافق يلعب لعبه بتدوس على قلبه فكل مره بتتعلقي باخوه مش بيه وسيف بنسبالك صفر على الشمال وكل ده ماهو بسبب مين ?? بسبب امك وابوكي اللي اتحايلوا عليه يتجوززك .. اه معااكي صعب وحقك بس هو مش ذنبه تجرحيه وتوجعيه وتيجي عليه بلشكل دده ..اخوياا راجل وسيد الرجال وعمل علشانك اللي مفيش راجل خلقه ربنا عمله او يرضى بيه وانتي بكل سهوله دوستي عليه وعلى قلبه اكتر من غير حتى ماتدي نفسك فرصه تفهمي او تسمعيه وعيطت اكتر وتابعت بعصبيه انتي لو تعرفي ده عمل ايه من يوم ماعرفك هتتكسفي من نفسك يا امنييه .. الاتنين اخواتي بس حب سيف ليكي ضعف حب حسام مليون مره بس انتي حقيقي خساره فيكي كل ده
سيف قلبه وجعه جدا من كلامها ورجع سند ضهره على الحيط وغمض عينيه بوجع
امنيه بدموع والله انا مافاهمه انتي تقصدي ايه وانا مبنكرش انه سبب في انقاذ حياتي بس انا مقدرش يا زينب اعيش مع واحد معرفوش وكدب علياا صدقيني مش هعرف
زينب بحده ودموع ولا عمرك هتفهمي حاجه حتى بعد ماتعرفي الحقيقه لان الحب ده اصعب من انك تفهميه
وراحت حضنت سيف وعيطت وتابعت حقك عليا انا اسفالك والله ينورعيني
سيف غمض عينيه بوجع وباس راسها بعمق وتابع انتي ملكيش ذنب ومتخافيش علياا انا كويس والله
زينب بدموع لا مش كويس هو انا هتوه عنك وخلاص يا سيف براحتها عايزه تطلق طلقها وابنك انت مسئول منه احنا مش هنرمي عيالنا
سيف رايح يتكلم فتابعت امنيه بدموع يكون افضل لان انا مش هثق فيك تاني فسكت بصدمه
فتابعت سميه بعصبيه انتي ايه بت محدش عاارف يلمك لييه وراحت شدتها من نرمين وهي بتعيط وتابعت بعصبيه انا وابوكي اللي اتحايلناا عليه والراجل ميعبهوش حااجه والف مين تتمناه ولو على لمسته ليكي ياختي اللي عملتي عليهاا كل الحوارات وقله الادب دي ابوكي ووكيلك راح قاله امنيه مراتك علطول وحلالك وتمم جوازك منهاا وعايزين عيل يفرحناا يعني الواد مخالفش شرع ربنا في حاجه واشتراكي ووافق بيكي رغم حبك لاخووه عايزه اييه تاااني فضحتينا قدام الناس ورايحه تضربها بلقلم فمسك سيف ايديها وتابع بوجع : من فضلك ياما متمديش ايدك عليها دي مهما كان ومهما حصل منها دي مراتي واللي يقل من كرامتها اكنه قل من كرامتي زيها بلظبط وانا غلطت وعملتها مره فميبقاش انا وانتي
سميه اتفاجئت وتابعت بدموع والله يا ابني ماعارفه اقولك ايه بس انت راجل وابن اصول ولو عايزه تطلق طلقها واتجوز واحده تراضيك وتراضي قلبك اللي زي الدهب ده وعيش حياتك وخلف من واحده حابه الخلفه منك وهتلاقي بنات ياما تتمنى بس انت متستحقش اللي بيحصلك ابدا
سيف الدموع اتجمعت في عينيه بوجع ومنع ينزلها بكل قوته وتابع ياريت اقدر
امنيه كانت مندهشه جداا بكلامه ونظرات عينيه فتابع محمد بعصبيه خلاص يبقى دي عايزه كسر رقبتها مش قلم وبس واهي لحد دلوقتي على ذمتك فربيها بمعرفتك انا حقيقي معرفتش اربيها
امنيه بعياط حلو اوي كلكم جيتوا علياا يعني بقيت انا اللي متربتش دلوقتي
محمد بعصبيه اه انتي ولولا جوزك واقف كنت ضربتك قلم ينسيكي اسمك ويعرفك الصح من الغلط اللي انتي علمتيه صعب اي راجل يتحمله
امنيه بوجع وعياط يجمااعه افهمووني انا واحده عشت عمري كله بعااني من مرض نفسي وبيطاردني خياالات ولما شوفت حسام ابتديت ابطل تفكير واحبه ولما حبيته الحياه نورت في عيني من تاني بس بردو فضلت اتعب ومفرحتش وفاجاه خدته مني ودخلت غيبوبه وصحيت منها فاكراه رجعلي وعوض تعبي واتجوزته وحملت منه في الاخر الاقيه اخووه !! لو انتي يا زينب ياللي بتتكلمي او انتي يا ياسمين او حتى انتي يا شهد انتي ونور لو واحده منكم مكاني وحبيبها ماات وعيطت بقهر وتابعت واكتشفت انها كانت في حضن اخوه هتموت بدل الموته الف موته انتوا عايزني اشوفه سيف واتقبله ازاي ??!!!!
شهد بدموع علشان انتي متعرفيش حاجه
امنيه بعصبيه ودموع شغالين متعرفيش حاجه متعرفيش حاجه واماا هو انا معرفش حااجه بتلمووني على ايه انا بقيت تايهه بجد ومش عارفه انا اصلا عاايزه ايه .. وحقي اعررف مين اللي معاايا فعليا ومين اللي بحبه اصلا. … انما انا حلمت بحد وحبيبت حد تاني واتجوزت حد تالت وحطت ايديها على دماغها وتابعت بعياط انا خلاااااص تعبت وجبت اخري وفي صرااع في دماغي كأنها حرب ومكنتش قاادره عليه في الاول علشان تيجوا تزودو عليا انا مبقتش عارفه المفروض انا بحب ميين يعني انا حبيت سيف على انه حساام ودلوقتي مش قاادره اكرهو بسبب ان ده اللي واقف مش اللي مات وشاورت عليه وتابعت عشت معاه احلى ايام حيااتي وفاجاه كانه شال قناع وبقي انسان تاني غير االلي انا فكرااه وعيطت وتابعت انتوا فاهمني ?? ارجوكم افهموني اعيش معااه ازاي انتوا حد فاهمني ?
سيف بوجع انا فاهمك وهرد على كل اسألتك وتنهد بعمق وراح ناحيتها فخافت منه ورجعت لورا فمسك ايديها وتابع متخافيش مش هكلمك وقربها منه وهي متوتره وبتعيط وحط ايديها على قلبه وتابع وهو بيبصلها مبدائيا لما بتبصي في عيني بتشوفي ايه ليكي
امنيه ركزت في عينيه وابتسمت بدموع وتابعت قالولي انك بتحبني
سيف بوجع لا سيبك من كلامهم تفتكري بحبك بقالي قد ايه
امنيه ركزت في عينيه وصوت دقات قلبه اللي حاسه بيها تحت ايديها وتابعت اللي يشوفك كده يقول سنين بس انت مكنتش تعرفني يا سيف
سيف بوجع متهيالك بس محدش عرفك قدي امنيه استغربته فتنهد وتابع فكريني اول حلم حلمتيه بلشخص الغريب ده ايه
امنيه بستغراب ودموع ايه الاستفااده مش فاهمه ?
سيف جاوبيني وبس
امنيه بدموع انه بينقذني من حد عايز يأذيني بعدين بيتجوزني
سيف ابتسم بوجع وتابع وانا وديتك فين لما فوقتي من الغيبوبه ?
امنيه اتصدمت وتابعت ايوه نفس الكافيه بس انا مقولتش لحسام او ليك ان
سيف بمقاطعه السؤال التاني حلمتي بايه في الاصابات فين مكانهااا
امنيه بدموع في كتفه وفي ضهره وفي رجليه
سيف تنهد بوجع وتابع تمام هعتبر مخدتيش بالك لانك لما سألتيني حورت عليكي وشمر بنطلونه وكان واضح اثر رصاصات فكلهم اتصدموا ان ازاي بلدقه دي وفتح زراير قميصه وخرج دراعه ووراها العلامه التانيه ورفع القميص ولفلها هي بس فشافت ضهره فبصتله بصدمه ودموع وهو بيقفل الزراير تاني وتابعت سيف انت ازااي لالا اكيد لا صح ??
سيف الدموع اتجمعت في عينيه وتابع واخر حلم كان يقصد المشكله دي ولسه هنشوف تاني لانه مخلصش وواثق كمان ان بسببه هتجيبي بريتي مش ولد وشوفتيني اتحبست وشوفتيني اتنين لان حسام هو اللي قالك عني الحاضر والمستقبل وبص لعمر وتابع انا لما رجعت العميد عمل فيا ايه ياعمر
عمر بحزن اتحبس 15 يوم بعدين رجع يدرب الكتيبه
كلهم اتصدموا فشهقت امنيه وتابعت بعياط لالا بالله عليك متصعبهاش عليااا
سيف ابتسم بوجع وتابع هي وضحت خلاص انتي مهما كنتي هتلفي محدش حبك قدي ولا روحك متعلقه بحد غيري وفضلت سنين مستني ربنا يجمعني بيكي بس لما دخلت الحربيه خوفت عليكي من حياتي الصعبه فبقيت اشوفك من بعيد وانتي شوفتيني في حسام فحبتيه يا امنيه مش اكتر علشان كده قولتلك انتي مش بتحبي حسام … وانا عرفت وانا متصاب يوم خطوبتك فبصتله بصدمه شديده وحطت ايديها على بوقها وهي بتعيط لانها افتكرت حلمها يوم الخطوبه فتابع سيف بوجع وكان اصعب يوم عدا عليا ومنع دموعه تنزل وتابع بوجع حسيت اني خسرت الحاجه الوحيده اللي عشت علشانها .. حسيت اني مكنتش استحق حبك لما راهنتي صاحبتك اني ليكي ولما كنتي واثقه اني هتجوزك .. اتقهرت لما شوفتك جنب اخوياا بس سكت وسبتك تعيشي معاه مبسوطه ما ده بردو حساام مش اي حد ومقدرش اكسره بس عشت انا مقهور على سنين ضاعت بطلبك من ربنا فيها لاجل احقق حلمك بس تعرفي يا امنيه انا لو اعرف ان دعوتي هتستجاب بان اخوياا ميكونش معاياا ويمشي ويكسرني والله مكنتش داعيت متزعليش مني انتي تتعوضي انما هو لا وقلبه وجعه وتابع ولما مات ودخلتي غيبوبه اتكسرت مرتين مره لفراقه ومره لتعبك وجيت عيطت وبوست راسك وقولتلك تبقي كويسه علشان خاطري وعلشان مش هقدر اشوف فيكي حاجه وحشه وامك سمعتني وعرفتها كل حاجه وطلبت مني اتجوزك والباقي انتي عارفاه
امنيه انهارت عياط وايديها على بوقها وتابعت بانهيار وعدم تصديق وهي بتحط واحده من ايديها على خده وبتفتكر ملامح الشخص اللي شافته زمان وفعلا كانت عينيه عسلي فعيطت اكتر وتابعت بتقطع: سيف انت .. انت اللي انقذتني وبحس بيه مش كده ??? انا حبيت .. حبيت حسام وقولتله .. والله قولتله حاسه اني شوفته بس انا كنت بقول كده علشان اقصدك انت لانكم تؤام مش كده صح ?
كلهم اتأثروا ودموعهم نزلت فمسح سيف دموعها بواحده من ايديه وابتسم بوجع وتابع سيف ايه بقى
قصدك فارس
امنيه اتفاجئت وغمضت عينيها بوجع وعيطت اكتر
