رواية غموض الحب عائلة الرفاعى الفصل الرابع و الستون بقلم لولا
فأمنيه اتصدمت بشده من اللي سمعته وحست انها مش قادره تاخد نفسها والبوكس وقع من ايديها واتفتح فسيف ويونس ونور بصوا وراهم شافوها واتصدموا بشده وكانت واقفه بتعيط بصمت والدموع مغرقه وشها بصدمه ووجع وذهول وعينيها حمرا وسيف اتصدم اكتر واحد وخاف وقلبه دق بعنف وبص للبوكس اتفاجئ اكتر
نور حطت ايديها على بوقها بصدمه وهمست ليونس : يانهار اسود !!
يونس بهمس وصدمه هششش اسكتي متفحتيش بوقك
امنيه كانت ساكته بصدمه شديده وعدم تصديق ودموعها بتنزل بصمت من غير حتى ماترمش وسيف اتفاجئ وابتسم ودموعه نزلت بفرح شديد لما شاف البوكس وراح قدامها ووطي جاب الهدوم وتابع بدموع فرح ايه ده !! امنيه انتي حامل ؟؟
امنيه كانت بصاله بكرهه وغضب وعينيها بتنزل دموع وساكته
فمسك سيف كتفاها وتابع بدموع فرح وهو بيهزها: حبيبتي ردي علياا وانا والله هفهمك كل حاجه انتي فعلا حامل ؟؟!!
امنيه نزلت ايديه من عليها بعصبيه واتعصبت ودموعها بتنزل بغزااره وتابعت وانت مااالك حااامل ولا مش حاااامل مايخش اووولع يخصككك في ايييه
سيف غمض عينيه بوجع وتابع ارجوكي افهميني الاول قبل ماتحكمي
امنيه عيطت وتابعت افهم ايه انت مجنووون ??!! انتوا كلكم مجاانين صح ???! ومسكت قميصه وتابعت بعصبيه وعياط انت ايه اللي كنت بتقولواا ده هااا انت اتجننت امااا انت مش حساام انت ميين وحسااام راااح فين وعملتوا فياا ايه ده انا هوديكوا في ستين دااهيه
سيف بدموع امنيه ابوس ايدك اهديي وانا هفهمك كل حاجه بس صحتك يحبيبتي واللي في بطنك مينفعش كده اهدي
امنيه بعصبيه ودموع اللي في بطني اييه انت هتجنني مايخش يولع ولا يغور هو واللي جااابه انتوا عملتواا في حقي جريمه ومش هسامح فيهااا وهوريكم يعني ايه تضحكوا عليااا انااا
سيف بعصبيه مسك دراعها جامد وتابع بعد الشر واحترمي نفسك واتكلمي عدل متنسيش ان اللي بتدعي عليه ده ابني قطع لسانك انتي واهلك
امنيه شدت ايديها منه وتابعت بعصبيه وعياط ابن مييين ولطمت على وشهاا وتابعت ابن ميين وانت ميين ده الله ينعل اليوم اللي شوفتك فييه هو انا تعبت 3 شهور هصحي هتجوزوني اي حددد والسلااام فيننه خطيبييي ومسكته من قميصه وتابعت بعصبيه انت لو مقولتليش حساام فين والله العظيم هسقط نفسي وهبلغ عنك وهقول انك حاولت تموتني
سيف اتصدم من اسلوبها واتوجع اوي من كلامها وابتسم بسخريه وتابع وابنك ده عاادي كده ??!!
امنيه بعصبيه ودموع ده مش ابنيي انا مش جايه بيه من بيت ابوياا ده قرفك انت وابنك انت وحته منك انت بتكبر جووايا وبتكرهني فيك اكتر واكتر مش علشان انت شبه الراجل اللي حبيته ليك الحق انك تخدعني
سيف قلبه كان قايد نار من كلامها فابتسم بوجع وتابع تمام ياستي عندك حق هو فعلا ابني انا .. بس من غير تهديداتك دي انا قولتلك حسام فين .. ودموعه نزلت بقهر وتابع حسام مات من يوم فرحكم الله يرحمه زي ماسمعتي قبل ما يغمى عليكي وتنهد بعمق وتابع يوجع وانا … انا سيف .. اخوه التؤام
امنيه اتصدمت اكتر وتابعت مين اللي مات ??? وعيطت وتابعت يعني ايه مااات ?? ولطمت على وشها كذا مره وتابعت بعيااط شديد: يانهاار اسود .. ياانهاار اسوود يعني اناا حضنت واتجوزت وخليت اللي لمسني اخووه مش هوو ده انا هوديك في ستين دااهيه انت واهلك يا حيووان يا زباااله وكانت بتتكلم وهي بتضربه في صدره جامد
سيف بعصبيه قولتلك لمي نفسك ولساانك علشان ممدش ايدي عليكي انا يعلم ربنا ماسك نفسي عنك ازااي
امنيه بعصبيه وعيااط اخررس .. اخرس هو انت لييك عين تتكلم بعد اللي عملتواا وعيطت اكتر وتابعت مااات ازاااي !! ماات ازااي انطططق ..مش مسامحكم والله العظيم مش مسمحاكم وانتي يانور هاانت عليكي بنت زيها زيك تعملي فيهااا كده تخلي راجل غير اللي حبته يلمسهاا وتحمل في ابنه
نور دموعها نزلت وتابعت امنيه صدقيني ده كان لمصلحتك
امنيه بعصبيه وعياط مصلحههه ايييه وقررف ايييه ده بيقولك حسااام مااات .. حبيبي مااات وانا عايشه بخونه وبنااام في حضن اخووه وحامل منه انا في مصيبه بسببكم ومش مسمحاكم كلككممم انتوا مين قال لاهلكم اني كنت هتجوززز بعد حسااام ولا كنت هسمح لراجل غيررره ياخد حقه فيااا ويعيش معاياا يوم هو حلم بييه وعيطت اكتر وتابعت انا كنت هعيش لوحدي لغاايه ما اموت واروحله وعمري ما كنت هسمح لغيره يمس شعره منيي
يونس اتوجع من كلامها وصِعب عليه سيف جدا وبص عليه بحزن
فغمض سيف عينيه بوجع وتابع بعصبيه كفايااااكي وقدرري انتي بتتكلمي ازاااي عن علاااقتك باخويااا وانتي مراااتي
امنيه مسكته من قميصه وتابعت بعصبيه وعياااط ليه انت مين يا زباااله ?? مين انت ?? انا معرفش عنك حاااجه انا معرفش غير حسااام ومحبتش غير حساام واتعصبت اكتر وتابعت ومكنتش عايزه رااجل يلمسني غير حسااام .. مراااتك ايه وقررف اييه الجوااز ده بااطل انا مش مواافقه علييك وهروح وارفع عليك قضيه وهسجنكك وزقته وضربت العلبه برجلها ونزلت جري
سيف كان مصدوم من كلامها وتابع هي امنيه بتقولي انا كده !!! بعد كل االلي عملتوا علشانها !!
يونس راح ضرب على وشه كذا ضربه بخفه وتابع بخوف سيف .. سيف مش وقته بالله عليك روح بسرعه الحق المجنونه دي .. الله واعلم رايحه فين وشايله ابنك وحملها صعب
سيف بصدمه ووجع صعب !!
يونس بخوف اه الدكتوره قالت كده فمش ناقصه خساير اكتر فانجز وخليك وراها يلا
وسيف نزل بسرعه ويونس ونور وراه بسرعه وكانت نزلت قدام شقه الجد والموجودين كانوا ( معتز ونرمين وعايده وايمن وصافيه ومنصور وعز .. ومازن مع ياسمين عند الدكتوره وشهد مع احمد برا لسه ماجوش ) والباب مفتوح فتابعت نرمين بخوف : بت يا امنيه انتي يابت رايحه فين وبتعيطي ليه
سيف نزل بسرعه ومسك دراعها وتابع بعصبيه رايحه فين انتي اتجننتي ??
امنيه بعياط وعصبيه سبني انت هتعمل نفسك جوزي بجد وهتحكم عليااا ولا ايه
سيف بعصبيه شديده جوزك غصب عنك انتي واهلك ووالله العظيم لو استفزتيني تااني هنسى انك ست وان ابوياا ربااني اني ممدش ايدي على حريم وشدها لشقه منصور وكلهم دخلوا وقفل الباب وتابع بعصبيه اترزعي كده مفيش نزول
امنيه بعياط وعصبيه وهو ابوك علمك تستغل الشبه اللي بينك وبين حبيبي يا محتررم علشان تتجوز مرااته وتلمسهاا
كلهم اتصدموا بشده ونرمين شهقت خبطت على صدرها فتابع سيف بوجع بلاش تظلميني وتحسسيني اني وحش كده اسمعيني الاول بعدين احكمي
امنيه بعياط وانهيار: اسمعك ايييه وزفت ايييه انت جاايلي بعد ماخلتني عشت في وهم اني مع الراجل اللي حبيته تقولي انا مش هو وهو مااات يعني ايه هو ماات وانا عااايشه يعني ايه حسااام ماات يااارب ماات وسااابني لوحددي ازااي .. ماات وسابني للكل يخدعني ويوجعني ويضحك عليااا وفضلت تلطم على وشها كذا مره وتابعت يعني ايه مااات .. يعني ايه مااات ده يارتني كنت مووت وراااه يااارب ولا اخوونه مع اقرب حد لييه انا اازااي زباااله كده ده عااش حياته كلهاا نفسه في اليوم اللي هيكون معاايا فيه وانا بكل سهوله قدرت افرح عادي بعده .. ازااي يارب ازااي يحصل كده !! لالالا حساام مينفعش يسبني ويمشيي لااا ده حبيبي
ده حبيب عمرري يااارب وحطت ايديها على قلبها بقهر وتابعت بانهياار ليه يااارب ليه الاختباار الصعب دده ليه تخليني اشيل ابن اخوه مش ابنه ياريتني ما كنت حملت يارتني ماكنت حملت وفضلت تضرب على بطنها بقهر وعياط
وكلهم اتصدموا من شكلها وكانوا بيعيطوا صعبانه عليهم وصعبان عليهم سيف اللي مفيش راجل ابداا يستحمل اللي هو بيسمعه ده ونرمين قلبها كان بيتعصر وهي شايفه للمره اللي متعرفش عددها كام سيف بيتظلم بسبب حسام وقاهرها موته اوي
فسيف شال ايديها وتابع بعصبيه امنيه بس انتي اتجننتيي ولا ايييه اللي في بطنكك هينزل يا متخلفه
امنيه بعصبيه وعياااط ماينزل انا مش عاايزاه مش عايزه عيل منك مش هطيق ابص في وشه هيفكرني طول الوقت اني خاينه وزباااله زيك وخدعت حبيبي زي ما انت خدعتني
سيف بوجع انا مخدعتكيش يا امنيه انا خوفت عليكي
امنيه بعصبيه وعيااط تاااني هيقولي خووفت عليكي .. خوفت على مين هو انت تعرفني اصلا !! بس للاسف رخيص وما صدقت اخوك مات وانت شبه ومراته حلوه وزي القمر فمتجوزهاش انا وادخل بداله ليه مثلااا مانااا حيوااانه ماليش حق اعرف انا مع ميين وعيطت بقهر وتابعت خلتني عشت تحت سقف واحد وفي سرير واحد وكالت في طبق واحد مع رااجل وانا فكرااه رااجل تاني روح يا شيخ منكم لله حسبي يالله ونعم الوكيل
سيف بعصبيه لمي لساانك واحفظيي ادبك قولتها وهقولهااا تاني انا عملت كل ده لاجل اني خوفت عليكي علشان كنتي في غيبوبه وبتموتي واهلك اللي اتحايلوا عليااا اعمل كده وانا عمري ما كنت هفكر اتجوزك لو بمزاجي اختار
امنيه بصدمه وعياط ابويا وامي كانوا عارفين وسابوك تعمل فياا كده !!! سابوني مع راجل معرفوش ومشيوا من غير مايخافوا على بنتهم هتعمل ايه وهيحصلها ايه وهتعيش ازااي وعيطت اكتر وتابعت بعصبيه يعني انا كنت مغفله وكلكم بتضحكواا علياا روح ربنا ينتقم منكم كلكم بحق وجعي واللي حسااه وصدمتي اروح فين ولمين يا حسااام .. انت مشيت وسبتني يحبيبي وكله دااس عليااا ووجعني واستغبااني من بعدك وحتى اخوك بص لمراتك وخدها ومكافهوش كده لا راح عاش حياته طبيعي وخلاها شايله ابنه كمان
سيف بعصبيه احترمي نفسك واتلمي انا اكتر واحد خاف عليكي ومجتش عليكي نهائي ولو على قربي منك فانتي اللي طلبتي مني مش انا اللي كنت عاايزك .. مانا يامااا قولتلك مره واتنين وعشرره اني مش عايز ده دلوقتي واتهربت ولا نسيتي ?.. بس فضلتي وراايا وزن على وداني لحد ماحصل اللي انتي عاايزاه جايه تستعبطي دلوقتي لييه ?
امنيه فتحت بوقها بصدمه وتابعت بعصبيه ودموع عايزه ايه يحيوان ومسكت قميصه وتابعت بعصبيه اكبر: عااايزه ايييه هاا رد عليااا ?? انا كنت عااييزه حسااام يلمسني واشيل حته منه هو مش انتتتت ليه ميين انت ? اعرفك منين اناا ? ده انا قرفانه من جسمي علشان انت لمسته ومن اللي في بطني علشان حته منك ومن نفسي علشان في يوم اديتك ريق حلوو روح منك لله ده انا هوديك في ستين دااهيه وهروح ابلغ عنك واقول انك اتجوزتني من غير موافقتي والعقد كده باطل
سيف بعصبيه ومين قال مش موافقه ما انتي ماضيه بايدك وواليكي كان حاضر وعارف كل حاجه وموافق وبقيتي مرااتي شرعاا وقانوناا برضااكي وبمزااجك ولا انا اغتصبتك ??
امنيه بعصبيه ودموع اخررس قطع لساانك انا محدش يقدر ياخد مني حااجه انا مش عايزه اديهاالو بس انا عملت كل ده لاجل فكرتك حساام اللي هو حبيبي انما لو اعرف انه راجل تااني اقسم بالله لاكنت بهدلت بكرامه اللي خلفوكم الارض وموافقتش اتجوززك مهما حصل وبعدين ياسيدي انا غبيه ومش فاهمه ازاي كنت عديمه الاحساس كده ومخدتش بالي ان اللي معاياا ده مش حبيبي انت ايه هاا ? عاادي كدده تاخد مراات اخووك وتلمسهاا? بذمتك محستش بلقرف من نفسك ?
سيف دموعه نزلت وتابع كفاياكي يا امنيه انا بحس مش عديم مشاعر ولكل انساان طااقه
امنيه بعصبيه ودموع يبجحتك يا شيخ وجعك اووي كلاميي وجيه على الجررح وانت مخسرتش حاااجه بل لما نطلق انا اللي خسراانه شرفي وشايله عيل انما انت علييك ايه
سيف بعصبيه ده عند امك الكلام ده انا طلاق مش هطلق واخبطي دماغك في اتخن حييطه ومسمهاش خسرت شرفي اسمها كنت مع جوزي لمي نفسك ونقي الفاظك
امنيه بعصبيه ودموع ضربته في صدره وتابعت انت مبتحسش وفضلت تضربه وتابعت مبتفهمشش بقولك بكرهكك ومش عاايزاك ولا طيقااك ولا طاايقه ابنك سبني في حاالي وطلقني بقى كفااايه اللي خسرتوا
سيف بعصبيه قولت مش هطلقكك ولو وقفتي على شعر رااسك مش هطلقك انا مكنتش هطلقك وانتي بطولك هتطلقك وانتي شايله ابني ليه اتجننتي ولا اييه
امنيه بعصبيه وعياط خلاااص هنزله لو ابنك هو اللي رابطك بيا هنزله ومش عاايزاه بس حل عني وضربته في صدره وتابعت حل عني بقى يا شيخ وسبووني في حاالي
سيف بصلها بوجع وتابع كفاياكي قسوه يا امنيه طب انا واعتبريني وحش .. ابنك ذنبه ايه ده حته منك
امنيه بعصبيه وعيااط مش عاايزاه انت مبتفهمش بقولك مش عاايزاه علشان هيفكرني بيك وهيفكرني طول الوقت اني خاينه وزباله فهنزله
سيف مسك دراعها وتابع بعصبيه ابني لو جراله حااجه يا امنيه قسما بالله مش هيكفيني قصااده رقبتك انتي واهلك كلهم هطلع روحك واقتلك لو فكرتي تأذيه وهوريكي مين هو سيف الرفااعي لانك لسه متعرفنيش مش انا اللي واحده ست تقف قصاادي انا استحملتك كتيير كفاايه
امنيه بعصبيه ودموع مين سيف الرفاعي وشدت دراعها منه وضربته في صدره وتابعت بعياط معرفوش ومكنتش عاايزه اعرفووا وسواء انت ولا ابنك في ستين داهيه انتوا الاتنين متفرقوش عنددي انا خسرت اغلااهم هخاف على ايه ? هخاف على عيل مشوفتوش لسه ? واصلاا مش عايزااه
سيف كان مقهور من كل كلامها ومبقاش قادر يستحمل فتابعت نرميم بعياط متظلميهوش يابنتي ده محدش حبه قدك وعمل كده لاجل تفوقي من غيبوبتك علشان حالتك بقيت خطر وكان هيقولك والله بس مستني حالتك تبقي احسن
امنيه بعياط ده ياريتني كنت مووت يااريته كان سابني موت وروحت لحبيبي ومعيش اللي عشته ده .. وبعدين يقوولي اييه ويقولي امتى هو ده كلاام يتصدق علشاان يتقاال بتقفلوا علياا باب مع راجل غير اللي انا حبيته وتقولولي علشان مصلحتك وكان هيقوولك وقلبي اللي مع راجل وجسمي اللي كان مع غييره ده يتسمى اييه وبعدين حب ايه وخراا ايه على دمااغه بيحب مرات اخوه وشايفينه انسان محتررم
سيف بعصبيه كلمه كمااان وهتشوفي مني وش زباله علشااان انا زهقت وتعبت من اسلوبك الخراا اللي مضطر استحمله علشان بحبك بس ينعل ابوه الحب لو هيحني ضهرر راجل ده انا ساعتها اشيل قلبي وادوس عليه باوسخ جزمه بس مفيش ست اتخلقت ولا هتتخلق تدوس على كراامتي
امنيه بعصبيه ودمووع حب اييه ياللي ما عندكك دم انت مش مكسووف من نفسكك وانت بتقول حب !! ده انت لو عندك كراامه صح تطلقني وتسبني في حاالي وكفايااك قررف انا مش بحبك ولا هحبك ومش عاايزاك ومش ملامحك اللي شبه ملامح حساام هتخليني احن لا انتوا مش نفس العين ومش نفس الشخصيه بس انا اللي كنت عبيطه
سيف اتوجع من كلامها وكور ايديه بعصبيه شديده بيمنع نفسه يضربها وتابع بوجع وانتي قولتيلي حبيتي مين اكتر يا امنيه
امنيه بعصبيه ودموع قولت انا اللي كنت عبيطه انا محبتش غير حساام وتعلقي بيك وحبي الزيااده ماهو الا علشاان فكرتك حسااام انما متفكرش اني حبيتك يا سيف
سيف دموعه نزلت وابتسم بوجع وتابع يوم ماتقولي اسمي اللي عشت احلم اسمعه منك تقوليلي متفكرش اني حبيتك ياسيف وضحك بوجع من بين دموعه وتابع بعد كل اللي عملتوا علشانك دي النهايه وده جزاتي بس ناقصني ايه بقى ياست امنيه علشان متحبنيش
امنيه بعصبيه ناقصك انك تبقى صريح من البدايه لاني بكرهه الكدب وتقولي وانا ليا الحق اوافق او ارفض انما مش تخدعني بلشكل دده !وازااي اصلاا كنت بتقدر تلمسني وانا في حضنك مكنتش بنطق غير اسم اخووك هاا بس عادي اللي عدا كل ده يعدي دي كمان علشان انت اصلا مش رااجل
سيف اتعصب وضربها بلقم بقووه شديده وقعتها على الارض وصدمت الكل والستات شهقت
فامنيه عيطت بوجع فوطى مسكها من طرحتها وشدها يقومها وهي بتصرخ وتعيط من الوجع وتابعت انت اتجننت بتمد ايييدك عليااا فتابع سيف بعصبيه شديده :واكسرر دمااغك تحت رجلييي كماان لو فكرتي تقلي ادبك تااني .. وانا رااجل غصب عنك انتي واهلك نفرر نفرر يا زبااله وكفاايااكي بقى اييه فكراااني مبحسش قولتلك مفيش ست اتخلقت ولا هتتخلق تدووس على كراامتي وقولتلك لكل انسان طااقه بس انتي مصدقتيش وانا استحملت منك كتيير اوي يا امنيه كتيرر ومفيش رااجل يستحملوا وكنت حالف ممدش ايدي عليكي علشان الرسول وصانا عليكم وعلشان تربيه ابوياا ليا معلمتنيش كده وانا حبيتك وعشقتك واتقيت فيكي الله وملقتش منك غير القرف وقله الادب والوسااخه وده ولا يرضى ربنا ولا يرضي اي حددد اصلاا بس انا اللي استااهل علشان دلعتك واتعصب اكترر تحت عياطها وهو ماسكها جامد وتابع دي غلطتيي من البدااايه علشاان دلعت والحب خلااني ضعيف قداامك بس لا عااش ولا كااان اللي يضعفني مهماا كان ميين ومن انهاارده هتشوفي سيف الرفااعي صح سيف الرفااعي اللي رجاااله بشنبات رجليهم بتخبط في بعض لما يشوفوا وانسي اني اقدرك تااني خلاااص
يونس راح يسلك بينهم وتابع بعصبيه يا سيف خلاص هتموت في ايدك بقولك حملهاا صعب ياخي مش كده
امنيه بعصبيه ووجع سيبه خليه يموتني ويريحني منه ومن الدنيااا كلها انا مبقتش عايزه اعيش ولا بقيت عايزااه خليه يطلقني يا يونس بالله عليك ابوس ايدك خليه يطلقني
سيف بعصبيه ده لما تشوفي حلمه ودنك وابعد لو سمحت يا يونس ومتدخلش انت علشان مخسركش
يونس وهو بيشدها منه تابع بخوف ابوس ايدك اكبرلي وسيبها والله هي مش قدك حقك علياا انا
امنيه بعصبيه وعياط انت بتقوله حقك علياا على اييه انا مغلطش في حقه هو اللي حيوان وكدااب
سيف ضربها بلقلم تاني بقوه اكبر فتابعت نرمين بعياط وخوف يا ابني ابوس ايدك سيبها هتموت في ايدك وابنك اللي في بطنها مالوش ذنب
سيف بعصبيه هششش محدش يدخل علشان انا لو سمعت شتيمتي منهاا تاني قسما بالله ماهسكتلها ويخش تولع ولا تغور في ستين دااهيه مش هيهمني ومسكها من طرحتها جامد وخرج بيها وكلهم مخضوضين عليهاا وطلع بيها على شقتهم وهي بتعيط بشده ويونس وراه فوصل ودخل وقفل ويونس كان لسه مطلعش فلما وصل لقاه قفل الباب ففضل يخبط عليه وتابع بخوف سيف افتح ..واتعصب وتابع يا متخلف مرااتك حملهاا صعب هتسقط من اسلوبك ددده .. حقك علياا انا هي غلطانه وعايزه قطم رقبتهاا بس بلعقل واتعصب وفضل يخبط وتابع يا سيف احنا مبنمدش ايدينا علي حرييم افتتح يا سيف وفضل يخبط ونور جمبه بتعيط بخوف وتابعت انا مرعوبه عليها يا يونس
يونس غمض عينيه بوجع وهو بيخبط وتابع امنيه قالت كلام ميتقالش وصعب وده مش اي راجل ده اخوه
نور بعياط غلطانه بس هي مصدومه وبتقول اي كلام وحاامل
فيونس خاف وفضل يخبط جامد وتابع بعصبيه يا سيف افتتح
عند سيف دخل اوضتهم ورماها على السرير فقعدت وفضلت ترجع لاخر السرير وهي بتعيط فتابع سيف بعصبيه بقى انا تقوليلي قدام الكل اني مش راجل وحيوان وزباله يا بنت الكلب ده انا هوريكي اللي مش راجل ده هيعمل فيكي ايه وكل كلمه قولتيها في حقي هتدفعي تمنها غالي اوي يا امنيه
امنيه بعصبيه ودموع اه مش راجل و…
قاطعها سيف لما ضربها بلقلم فعيطت بشده وتابع بعصبيه كل ما هتقلي ادبك همد ايدي عليكي ومسك طرحتها جامد فا اتفكت منه ورماها بعصبيه ومسك شعرها وتابع بعصبيه ايييه كفاياكي مش بتحسيي عمااله تدوسي علياا وتجرحي فيااا وانا اقول معلش استحمل معلش من حرقتهااا معلش غصب عنها مصدومه انما شوفتي ايه معاياا ياللي ماطمر فيكي العيش والملح علشان تعامليني بلاسلوب الزبااله ده حساام عملك اييه انا معلمتوش ودموعه نزلت وتابع بوجع وعصبيه انتي فااهمه انتي بتعملي فيااا اييه انتي بتحطي على جرحي ملح وفضل يخبط ايديه التانيه ورا بعض بعصبيه على الازاز اللي علي الكومود وايديه بتجيب دم وامنيه بتعيط بشده ومرعوبه وهو بيتابع بعصبيه ودموع وشغاله تقولي اخووك اخووك اخووك كأني مبحسسش كأني معنديش ددم .. انا طلعتك هناا علشاان كفاايه ننشر غسيلنا الوسخ قدام اهليي وكفاايه نتكلم عن اوضه نومناا قدام النااس .. انا عايز اساالك سؤال واحد بجدد انا قصرت معاكي في ايييه وانتي معااياا علشاان تقوليلي كنت عاايزه لمسه اخوك مش لمستك واتعصب وتابع بدموع ردي عليااا متفضليش تعيطيي ردي ولا هو حساام كان بيعمل حاجه واتعودتي عليهاا منه وزعلانه انه مات ولا اييه
امنيه بعصبيه وعيااط اخرس قطع لساانك انا بنت ناس ومحترمه ومحدش لمس مني شعره غييرك وانت شوفت شرفي بعينيك فبلاش كلام عن شرفي علشان ورب الكعبه مش هسكتلك وحسااام عمره ماتعدى حدوده معااياا ولا طال مني اي حااجه حتى لو حضن
سيف ابتسم بوجع وتابع كنت فاكر اني اعرفك فمكنتش هقدر اتهمك الاتهام ده بس بعد اللي حصل انهارده انا حاسس اني حبيت بنت تانيه غيرك يا امنيه اصل الشرف على راي يونس مش نقطتين دم
امنيه بعصبيه ودموع سيف احترم نفسك ونقي كلامك واعرف انت بتكلم مع مين ومتفكرش تيجي عليا ولا على اخووك بلباطل كفايااكم قررف وظلم ليناا بقى مش انتوا والدنياا
سيف ابتسم بوجع وتابع: مانا قولتلك الشرف مش بنقطتين دم وعلى العموم انا مقصدش شرفك ولا اقدر اجيب سيره حاجه زي دي انا اقصد اي حاجه تانيه غير انك تعملي القرف ده معاه لان كده كده اخويا ولا انتي مفيش حد فيكم يقدر يعمل كده فتقدري تفسريلي بقى اما هو حسام ملمسكيش حتى لمسه بسيطه يبقى في واحده محترمه متجوزه تقول انا كنت بتمنى لمسه اخوك !!
امنيه بدموع علشان انا اقصد كنت عايزه حبيبي اللي يكون معاايا واشيل ابنه انما مش معناه اني كنت بسمحله يتعدى حدوده في الخطوبه فكنت عايزه نفس الشخص ويكمل لا طبعاا
سيف ابتسم بوجع وتابع وانا قصرت في ايه ? ردي علياا علشاان انا استحقرت نفسي اني في يوم قربتلك وبينتلك حبي ليكي علشان تيجي وتدوسي علياا دلوقتي … مصدوم لاني فكل مره كنت بلمسك كنت بوريكي انا قد ايه بعشقك وعمري ماشوفت في عينيكي رفض او نفور مني بل بلعكس بتحسسني بنفس الاحساس فا لو هتفق معاكي اني خدت جسمك وقلبك مع حسام ازاي حسيتي بكل ده تجااهي ? قلبك واحساسك مقالكيش اني مش حبيبك ?
امنيه بدموع ووجع اهي دي اكتر حاجه قهرااني ازاي انا حسيت بلمشاعر دي ناحيتك وخونت حساام معرفش لان انا حبي لحساام اكبر بكتيير من اني احبك علشان شبهه لا انا احساسي مبيخيبش ومصدومه انه خيب المره دي
سيف ابتسم بوجع وتابع انتي عمرك ماحسيتي بحسام اصلا يا امنيه انتي محبيتهوش
امنيه بعصبيه مين انت علشان تحكم حبيته ولالا وانت اصلااا كل اللي خلاك جمبي دلوقتي انك شبه مش اكتر علشان انت وكلكم عارفين اني بحبه وصحيت من تعبي لما هو جيه فانت مين يا سيف علشان تقول مبحبوش هاا ?
سيف ابتسم بوجع وتابع انا المغفل اللي ضحى علشان الكل وفهم الكل ومحدش فكر مره يضحى علشانه ولا يفهمه ورايح يمشي وقفته وتابعت بعصبيه طلقتي قبل ماتمشي يا سيف لان هترجع مش هتلاقيني وهمشي
سيف لفلها وتابع بعصبيه قولت طلاااق مش هطلق ولو بنت ابوكي صح عايز رجلك تعدي عتبه الباب وانا اكسرهااك
امنيه بعصبيه ملكش عندي غير ابنك فسواء بلذوق او بلعاافيه هتطلقني والا قسماا بالله هروح ابلغ واقول انك اتجوزتني من غير موافقتي واغتصبتني وحامل في ابنك
سيف ضحك بسخريه وتابع روحي اعملي كده يحبيبي مستنيه ايه وراح مسك شعرها فعيطت بوجع فتابع بابتسامه : بعيدا عن ان ده هري وياسمين عندك اساليها واتاكدي انا جوزك يعني لو فعلا اغتصبتك الدين يحرم بس مفيش قانون يعاقبني .. بس همشي مع خيالك ونفترض فيه كده وطى وهمس جنب ودنها بوقاحه: تخيلي لما الظابط يعرضك على الطبيب الشرعي علشان يتأكد من كلامك ويلاقي ان مفيش اي عنف ويقولك يا مدام ده كله برضاكي هتعملي ايه ساعتها ?
امنيه اتعصبت ورايحه تتكلم فحط ايديه على بوقها وتابع بعصبيه اخرسي علشان وشك ورم من الاقلام كفااايه اوي لحد كده وانا قولتلك لو قليتي ادبك مش هسكتلك فمسمعش صووتك تااني وانا غااير ابقى اجي ملاقكيش وشوفي هعمل فيكي اييه واعملي حسابك هنكشف علشان اشوف حاله اللي في بطنك ونتهم بيه وشال ايديه ورايح يمشي فتابعت بعياط ملكش ددعوه بيا يخش اموت ولا اولع انا مش رايحه لدكاتره
سيف بحده ده علشان ابني يجي بالف خير وصحته تبقى كويسه متفكريش اني خايف عليكي انتي ولا حاجه
امنيه بوجع وتخاف علياا ليه احنا مفيش بينا حب وانت اصلا مكنتش تعرفني يعني انا بنسبالك موجوده علشان ده وبس وطبطبت على السرير ودموعها نزلت بقهر
سيف قلبه وجعه من كلامها وتابع سيبك من حساام خالص دموعه نزلت وتابع انتي من عشرتك مع سيف الفتره اللي فاتت دي انا بيمهني كده وبس يا امنيه !!!
امنيه سكتت فتابع بعصبيه ووجع ماتنطقيي للدرجه دي شيفاااني وسخ كددده !!! ودموعه نزلت بوجع وتابع انا لو كده كنت لمستك من اول يوم اتجوزتك فيه انما انا !! ده انا كنت ببديكي انتي وراحتك على نفسي وحتى لو كنت عايزك ومش عارف اسيطر على مشاعري بس مجرد ما اسمع جمله انا تعبانه منك كانت كفيله تخليني مقربش علشان راحتك عندي اهم حاجه حتى لو انا بولع مش مشكله
امنيه عيطت ومرضيتش تبصله فتابع بوجع ردي علياا بيحصل ولا مكنش بيحصل يا امنيه
امنيه بدموع ووجع سيف انت بني ادم محترم وانا فعلا مشوفتش منك غير كل خير بس انت كنت بتنقل صوره حسام ليا علشان انا مخدش بالي مش اكتر فياريت ننهيها مع بعض حلوه وبلاش توصلني اني ارفع محامي
سيف اتصدم من كلامها وتابع بسخريه ووجع انا بنقلك صوره حساام ? وابتسم بوجع وتابع يعني ده كان حسام ? طب نفترض كلامك صح هو انا هكون مش عايزك تاخدي بالك ليه لو مش خابف عليكي ما طز فيكي وفي مشاعرك لو مش فرقالي ولا فكرك كان سهل عليا وانتي مبتنطقيش غير اسم اخويا وانا معاكي
امينه ابتسمت بوجع وتابعت والله الاجابه عندك انا معرفش ازاي راجل يستحمل كل ده ومتقولش بتحبني علشان مش هصدق انت اتعلقت بياا علشان انا كنت بدلع عليك وبحبك لما فكرتك حساام وبعدين اللي حصل بينا علقك بيا اكتر وانت راجل زي اي راجل فعجبك الوضع وكملت
سيف ابتسم بوجع وتابع صعب اوي بصراحه
امنيه بستغراب هو ايه ??
سيف دموعه نزلت وتابع الحب من طرف واحد .. عامل زي شمعه عماله تحرق في نفسهاا علشان تنور لشخص اعمى وابتسم بوجع وتابع ومشاعري انا اللي جامد على الكل وجاف كانت مطر عليكي بس انتي مسكتي شمسيه وحبي ليكي كان زي حب زليخه لسيدنا يوسف بس انتي ادتيني شوق يعقوب ودموعه وبس. .. بس عادي يا امنيه انتي مش اول غالي يروح راح قبلك اخوياا اللي انتي بتقهريني بيه وانا خدت منصب وابن او بنت اللي هيجي منك ومش عايز حاجه تاني فارجوكي حافظي على اللي جواكي لانه الوحيد اللي هعيش علشانه وسابها وفتح الباب كان يونس مستنيه وتابع بخوف ولهفه سيف انت كويس
سيف مردش عليه ونزل ودموعه بتنزل فيونس نزل وراه ونور دخلت لامنيه لقيتها قاعده عماله تعيط فجريت عليها بخوف وتابعت ايه مالك في ايه هو سيف مد ايده عليكي
امنيه بعياط ووجع: اه مد ايديه عليا علشان بواجهه بلحقيقه االلي مش عجباه
نور بدموع امنيه انا مش عايزه اصدمك واجي عليكي بس انتي جبتي اخر نقطه صبر فيه انا عمري ماشوفته صبور كده ..سيف محدش بيعرف يقف قصاده حتى حسام الله يرحمه سيف بيمشي كلمته عليه وعلى الكل وليه هيبه وشخصيه كلنا عارفينها وعاملينلها حساب الا انتي جيتي عليه ودوستي بزياده ودي اول مره يمد ايده علي بنت فحقك عليا غصب عنه والله وباست راسها وبتمسح دموعها
امنيه بعياط وانهيار: انا مش عاايزااه يا نور ابوس ايدك قولي لجوزك يطلقني منه انا حاسه نفسي وحشه اوي وخاينه للراجل اللي مبصش ولا التفت لبنت غيري وعيطت اكتر وتابعت حساام ميستاهلش منييي كدهه .. ميستااهلش مني كدده يااربي وحطت ايديها على صدرها بتاخد نفسها
فنور حضنتها وتابعت بعياط حقك عليا انا يحبيبتي اهدي ابوس ايدك وباست راسها وتابعت اهدي علشان ابنك يا امنيه مينفعش كده يحبيبتي انا وانتي عارفين ان حملك صعب وبيتلكك
امنيه بعياط مبقتش عااايزاه مبقتش عاايزاه يا نور يخش ينزل ويريحني من الحاجه الوحيده اللي بتربطني بيه
نور قعدت قدامها وتابعت بدموع وهان عليكي حته منك تقولي عنه كده !! ده هو اللي هيقولك يا ماما طب ده انا حمدت ربنا اني خفيت وكل شويه اجيب تيست نفسي ربنا يكرمني تقومي انتي معاكي النعمه تقولي كده لا يا امنيه اخص عليكي
امنيه بعياط انتي مش فهمااني ولا هتفهميني فااهمه يعني ايه بتبقي مع راجل وتسلميله قلبك وجسمك وتطلعي كل مشاعرك والكلام الحلو اللي جواكي اللي حوشتيه علشان هو يسمعه يعني كلام خاص جدا بينك وبين شريك حياتك وتكتشفي فاجاه انه مش هو واخوه !!!! لالا يا نور دي صدمه انا لحد دلوقتي مش عارفه استوعبها بعيدا عن الشبه اللي بينهم دي حاجه كده عامله زي كأن اي واحد معرفوش لبس قناع بشكل حبيبي ولمسني كانه هو .. اهو انا حسيت بكده انتي مش هتفهمي انا قرفانه من نفسي ومن جسمي ومحرجه ازااي انه مطلعش حسام
نور بدموع فهماكي والله وفهماكي جداا وصعب تتقبليها وحقك وانا لو مكانك مش هعديها بسهوله بس حسام الله يرحمه خلاص يا امنيه ومكنش في حل قدامنا غير سيف علشان تفوقي وهو والله مكنش راضي وغلاوه يونس عندي وبحق مابقول يارب يرزقني منه بلذريه الصاالحه سيف رفض جداا وقال مش هخدعها ومش هستحمل تحبني على اني اخويا وهعلقها بواحد مش موجود بس امك وابوكي صمموا لان كان فاضل يومين لو مصحتيش هتخشي في مرحله الخطر فاضطرينا كلنا والله
امنيه بعياط حتى لو كلامك صح وفوقت خلاص مقاليش الحقيقه لييه في ساعتها
نور بدموع كنتي هتتعبي تاني وهتجيلك صدمه عصبيه وممكن تقلب بانتكاسه فاهو والله العظيم خاف عليكي وتقيله اوي على اي راجل ان مراته في حضنه تنطق اسم غيره ومش اي حد ده اخووه يا امنيه اخووه وضهره وسنده اللي اتكسر من بعده وبيحاول يقوم ويقف علشانك وعلشان زينب وعلشان مرات عمي ده انا لما بقع بلساني وبجيب سيره قاسم اللي ربنا ينتقم منه بلغلط بعتذر من يونس علطول مبالك انتي اللي بتقوليه وبيسكت ويستحمل مقابل صحتك
امنيه بعياط يا نورر مكنش يلمسني كتر الف خيره لحد كده ويحكيلي لما اكون مهيئه ويطلقني وخلاص كل واحد يروح لحاله ويسبني اتعالج من الصدمه دي مع نفسي وهفهم انه علشان صحتي انما ده لمسني وحامل منه وربطني بيه رابطه سودا
نور بدموع علشان بيحبك .. والله بيحبك ومقدرش ميقربش منك وبعدين ماهو قال انك كنتي عايزه كده طب هيعمل ايه بذمتك فعمل كده لانه مكنش ناوي يطلقك يا امنيه لا سيف ميقدرش يعيش من غيرك
امنيه بعياط بص التانيه بردو هتقولي بيحبك .. يانور حبني امتى وازاي يا نورر وانا لما قولتله اني زعلانه من بعده عني كان علشاان فكرااه حساام ياجماعه افهموني
نور بدموع والله فهماكي بس ازاي وامتى دي تخص سيف يبقي يعرفهالك بس ارجوكي يا امنيه اديه فرصه ومتخسريهوش ده بيعشقك انا لو مكنتش اديت يونس فرصه حقيقي كنت هعيش ندمانه العمر كله
امنيه بعياط صعب صدقيني صعب انا حبيت سيف اوي ويمكن اكتر من حسام لان شخصيتهم مختلفه فبعد الجواز عشقته مش حبيته بس اللي انا مصدقاه ان ده كان حسام جوزي فمش هعرف اتقبل فكره انه حد تاني دي بسهوله
نور بدموع وهو معاكي بس اديه ريق بالله عليكي بلاش تقفليها في وشه كده هو مش ناقص وجع قلب وهم يحبيبي شاف كتير
امنيه بعياط سيبك مني قوليلي حبيبي مات ازاي يانور وعيطت اكتر وتابعت حصله ايه يوم فرحنا
نور بدموع امنيه متقوليش حبيبي على اخو جوزك ارجوكي ده عم ابنك دلوقتي ترضيها لابنك امه تكون بتحب عمو
امنيه بعياط وعصبيه ابني لما يعرف اللي حصلي هيبقى معايا مش مع ابووه فقوليلي يا نور واخلصي حسام مات ازاي
نور تنهدت بعمق وتابعت بدموع بس اعتقد انه لازم يسمع ابوه بردو قبل مايقرر
امنيه غمضت بضيق وتابعت بدموع وبحده سيبك من سيف خاالص انا بكلمك دلوقتي عن حسام ومسكت ايديها برجاء وتابعت بعياط ابوس ايدك قوليلي مات ازاي وعيطت اكتر وتابعت انا اصلا مش مصدقه ولا مستوعبه والله العظيم
نور بدموع قاسم كان بيخون مازن مع جودي وهي اللي حملت في ابنه فحسام عرف وقبل مايعرف مازن راح ضربه بلسكينه وموته
امنيه اتصدمت وتابعت بعياط هيستري اييه يحبيبي ياحساام يحبيبي وفضلت تعيط وتابعت قااسم .. قااسم ازااي .. ازاي قاااسم يعمل فيه كدده ده روحه فيه ازاااي يعمل فيه كدده يانور ده صااحبه انا مش قارده استوعب حاجه وفضلت تخبط علي السرير وتابعت مش قاادره استوعب حاااجه ااه يعمري كنت بتحبه منه لله حرمني منك وعيطت اكتر وتابعت حرمني منك وخلاهم يضحكوا عليا ويوجعوني يحساام
نور فضلت تعيط وحضنتها وتابعت استهدي بالله يا امنيه لو رجع شافك بتعملي كده هيبقى فيها خراب لبيتك
امنيه بعياط هستيري : مش قادره يانور والله مش قاادره ااه يارب قلبي قاايد ناار ايه كل اللي بيحصلي ده وفضلت تعيط ونور تطبطب عليها
—
عند زينب كانت خدت شاور وواقفه في الصالون بتبص على التحضيرات اللي عملتها في الشقه كانت محضره اكل كتير على الترابيزه وحواليه ورد وشموع والشقه كلها منظمه فابتسمت بحماس ودخلت رطبت جسمها وحطت بادي سبلاش بلفراوله ومخمريه ولبست لانجيري جديده وفوقيها الروب وفردت شعرها اللي كانت كوياه ورشت فيه برفيوم شعر وحطت روج احمر فاتح ووردت خدودها وحطت مسكره
زينب بابتسامه وفرح: يخربيت حلاوتي رقيق وزي القمر ومسكت البرفيوم رشت منه وتذكرت وتابعت بضحك لالا صح خلاص كفايه كده عمر مش بيحبه بيتخنق ومسكت المانكير الاسلامي حطت في ايديها ورجليها وابتسمت بحب وتابعت بيرفكت يابت يا زوزا وسمعت صوت الباب بيتفتح فجريت بحماس وعمر دخل استغرب النور المطفي وتابع زينب .. انتي صاحيه يحبيبتي ودخل اتفاجئ بشكل البيت والاكل والشموع فابتسم بفرح وشافها جايه من اوضتهم فتابعت بدموع فرح يحبيبي واحشتني اوي ففتح دراعه بفرح وتابع حبيبي يانااس تعالي فوصلت وحضنته واتعلقت في رقبته وضمته ليها جامد وعمر ايديه على ضهرها وبيشدد من احتضانه ليها وهمس باشتياق : اااه يا زينب انتي بجد واحشااني بشكل مش عاارف اوصفهولك وايديه بتتحرك على ضهرها بحب
وزينب كانت بتعيط في حضنه فبصتله وتابعت بدموع فرح والله وانت ينورعين زينب واحشتني اوي اوي يا عمر البيت من غيرك وحش اوي بجد
عمر باس خدها ومسح دموعها وسند جبينه على جبينها وتابع باشتياق بالله اللحظه دي نستني كل تعب ومرمطه الشهرين ونص اللي فاتوا دول ورفع وشها ليه وباسها برقه
زينب ابتسمت من بين دموعها وتابعت ولسه انا قولتلك اني هعوضك وانا قد كلامي الاجازه دي قد ايه بس
عمر ابتسم وتابع ماتسيبك من الاجازه ومن سيره الشغل وركزي معايا انا الله يرضى عنك مش عايز افصل
زينب بضحك ما واضح انك ناسي الدنيا كلها لدرجه مسألتش على ابنك
عمر بضحك يحبيبتي يعني اكل متحضر وشموع وورد وواحده زي القمر يبقي اكيد نيمتيه مش محتاجه سؤال يعني واحنا نسبنا من حسام دلوقتي ونفكر في مشروع اخته او اخوه
زينب فضلت تضحك وتابعت اتلم واحترم نفسك وهو مش نايم ولا حاجه انا بعته مع اسماء
عمر اتصدم وتابع انتي بتتكلمي جد !!
زينب اه يحبيبي في ايه مش انت قولتلي كده
عمر بحده زينب انتي بتهزري لا طبعا متبعديش الواد عنك ولا عني علشان كده انا كنت بهزر انما هو كل واحد عايز يقعد مع مراته شويه حلوين هيوزع عيااله !!! ده انا ماصدقت ارجع عايز اشوفه
زينب فضلت تضحك وحطت ايديها علي بوقه وتابعت بضحك بس بس بهزر معاك الواد نايم جوه واخرس مش عايزاه يصحى دلوقتي خالص
عمر نزل ايديها بضيق وتابع طب ليه يابنتي حرقه الدم يعني
زينب بضحك لا طلعت اب محترم كنت ظلماك
عمر وهو بيفك زراير الافارول تابع تؤ انا مش محترم خالص مين قالك كده
زينب اتوترت وتابعت ايه في ايه احنا لحقنا ده لسه في اكل معمول وفقرات
عمر بضحك فقرات ايه وبتاع ايه ورمى الافارول وتابع ده انا واخد شاور وجاهز من قبل ما اجي علشان مضيعش وقت وقضيتها نوم في الطياره علشان افوقلك لان جسمي اتكسر الفتره اللي فاتت من التدريباات فتقوليلي فقرات واكل عيب والله
زينب ضحكت وتابعت عمر بجد اتلم طب حتى ناكل
عمر قلع تيشرته ورماه وبقى عاري الصدر وحط ايديه على وسطها وشدها ليه وتابع بحب وهمس يعني بذمتك واحد بقاله 9 شهور مجاش جنب مراته واغلابهم كان مسافرهم وبعيد عنها يقوم اول مايجي بعد اخر غيبه اللي هي شهرين ونص تقولوا اكل طب والله كمان مره عيب وغمز بضحك وتابع ده لو في حاجه واجب تتاكل صح فاهي انتي يا مزتي
زينب خبت وشها في صدره بحرج وفضلت تضحك بعدين بصتله وتابعت بضحك عمر .. عمر اهدى بالله عليك ومتوترنيش .. انا مش عايزة اصدمك بس انا نسيت مفروض متكسفش منك ازاي يحبيبي ومسحت بايديها على جبينها وتابعت كله اتمسح من الذاكره وحاسه نفسي زي العروسه
عمر بضحك لا ما ليكي حق ده انا بقولك 9 شهور انا نفسي نسيت كنت بمهد ازاي بس وماله ووطى شالها بين ايديه وتابع بحب يبقى واجب نفكرك ده انا عنيا ليكي
زينب بضحك عمر طب تاكل يحبيبي تلاقيك مكالتش
عمر بحب وغلاوتك عندي انا مش محتاج حاجه قدك دلوقتي ورفعها كويس على دراعه فحطت ايديها حوالين رقبته وتابعت بحب خلاص يعمري اللي انت عايزو
عمر سند جبينه على جبينها وتابع بحب هتاخدي موانع ولا منتظمه على الرضاعه الطبيعي
زينب ابتسمت بحب وتابعت متقلقش برضع طبيعي بانتظام فمش هيحصل حمل
عمر ابتسم بحب وتابع يبقى اتفقنا ودخل اوضتهم اتفاجئ بشكل الشموع والورد اللي متفرط على السرير فنزلها وهو بيقربها منه وتابع بحب ايه كل الروقان والدلع ده تسلم ايديكي الحلوين تعبتي نفسك ينورعيني وباس ايديها
فا لفت زينب ايديها حوالين رقبته وتابعت بحب تعبك راحه ووالله كل ده قليل عليك وعلشان تعرف بس ان زوزا لما بتوعد بتوفي
عمر بضحك وغمز طب ماتكملي جميلك قبل ماحسام يصحى وينكد علينا
زينب بضحك هو حقيقي مالوش مواعيد
عمر حط ايديه على وسطها وشدها ليه فعمضت عينيها فتابع بحب خلاص مستنيه ايه وباسها بحب بوسات متوزعه على خدودها وجبينها وهي قربته اكتر فباسها بحب وعمق واشتياق شديد وايديه بتمشي على ضهرها وبتطلع لفوق لحد ما وصل لطرف الروب ونزله بخفه لانه لاحظ توترها فوقع الروب وهو شدها ليه ووطى شالها بين ايديه وحطها على السرير ووطى وهو لسه بيبوسها بحب وثواني ولقاها بعدت فتابع بضيق في ايه يازينب
زينب بقلق هو حسام صحي ?
عمر بصدمه نهاار اسود صحي ازاي يعني
زينب اتعدلت في قعدتها وتابعت بقلق مش عارفه انا بسالك اصل انا حسيت اني سمعت صوته وقامت وراحت دخلت اوضه حسام لقيته نايم فتنهدت بارتياح ومسكت فونها حطته جنبه واتصلت بعمر
عمر بضيق من الاوضه : انتي عبيطه ولا ايه ?
زينب راحتله وتابعت هشش وطي صوتك ورد وسيب الفون جنبنا علشان لو حسام صحي اسمعه
عمر برفعه حاجب انتي هبله ولا ايه الواد هيسمعنا
زينب بضحك ياعمر هو فااهم حااجه
عمر بحده يا متخلفه هيصحى من الصوت اللي هيبقي جنبه
زينب بضحك ااه صح طب خلاص اكتم الصوت من عندنا وردت على نفسها وكتمت وسابته على الكومود وتابعت بس كده علشان انا مش مركزه معاك وبقلق كل شويه بصراحه خايفه حسام يصحى
عمر برفعه حاجب اه وده لحد امتى ده
زينب بضحك لحد ما اقوم اجيبه يا عمر
عمر بضحك وغمز بس يحبيبتي اتلمي انا كده رصيدي يخلص
زينب فتحت عينيها وشهقت وفضلت تضحك وتابعت يا ابني اتلم واتربى بجدد بتقول ايه
عمر بضحك مبهزرش بجد روحي اتصلي ماسنجر انا بيتي يخرب كده لو سبناه من الرصيد خلي الرصيد علشان بتكلم بيه معاكي طول فتره سفري
زينب بضحك طب حاضر ثواني هرن وجيالك
عمر بضيق بجد انتي بايخه ومستفزه وفصلتيني وحرقتي دمي
زينب فضلت تضحك وتابعت هجيلك اراضيك دلوقتي ثواني بس
وراحت اتصلت وسابته جنبه وعمر رد وكتم الصوت وحطه جنبهم فجات وتابعت بحب ايه يعمري جيتلك اهو
عمر بضيق حبكت يعني تفصليني يا زينب
زينب حطت ايديها حوالين رقبته وتابعت ياروح زينب نسترجع المود تاني ولا يهمك
عمر غمض عينيه بضيق وتابع انتي حسيتي انك سمعتي الواد ولا اتوتري فقومتي ??
زينب بتوتر لا هو انا متوتره منكرش بس وحياتك فكرت اني سمعته
عمر تنهد بعمق وتابع طب انا قربت اكمل سنه متجوز ولسه بتتعبيني العمل ايه دلوقتي
زينب بضحك عمر متهزرش ما انت مش معايا وبتسبني كتير
عمر بضحك والله عمر ده فقري من يوم ما اتولد مجتش عليكي يعني
زينب بضحك اخص عليك بجد ياعمر يعني انا عايزه افرحك وبردو تقولي كده طب ذنبي ايه اني بتحرج يعني
عمر بحب لا يافراولتي ده انتي تسلميلي تعبتك وباس رقبتها بعمق فغمضت عينيها فهمس ريحتك تجنن بجد وحقيقي كل حاجه فيكي واحشتني
زينب ابتسمت بحب وتابعت وعلى قد حرجي منك بس والله وانت كمان واحشتني اكتر بكتير
عمر ضغط على وسطها وشدها ليه اكتر وباسها بحب فغمضت عينيها بانكماش وتوتر فبعد وهمس بحب متخافيش انتي مع عمر ها
زينب فتحت عينيها وبصتله بحب وتابعت مش خايفه يعيوني انا بس محرجه شويه فحقك عليا لو محسساك بكده
عمر ابتسم بحب وتابع انتي تعملي اللي يعجبك وسابها وراح شغل نور الاباجوره بضوء منخفض جدا وطفى نور الاوضه وتابع بابتسامه اظن كده نخفف توتر وحرج ولا ايه
زينب تنهدت بارتياح وتابعت اه احسن كتير بجد
فابتسم عمر بحب وراح شدها ليه وباسها بحب ومال بيها على السرير ووطي باس رقبتها بحب وسند جبينه علي جبينها وهمس بحب احسن ??
زينب همست بحب اه يحبيبي متقلقش عليا
فابتسم عمر وباسها بحب وقرب منها اكتر وتجاوبت معاه بحب وبعد وقت …كان عمر قاعد وواخد زينب في حضنه وبيمشي ايديه على شعرها وهي سانده راسها على صدرها فباس راسها بعمق وتابع بالله اليوم معاكي بيفضل سايب جوايا فرحه سنه على الاقل وبسافر وبفضل عايش عليها
فزينب رفعت وشها ليه وابتسمت بحب وتابعت ده بالله انا اللي قلبي هيطير وفرحانه انك معايا وقدامي كنت واحشني اوي بجد
عمر حط ايديه علي وسطها وشدها ليه وتابع بحب مش اكتر مني والله العظيم ده اخيرا الواحد كسر ام ال 9 شهور دول دي كانت ولا معاناه واحده حامل وماصدقت ولدت
زينب فضلت تضحك وبصتله وتابعت انت بس انزل اجازه كتير وملكش دعوه بلباقي وغمزت وتابعت سيبه علياا
عمر بضحك ده انا فكرتك صحيح بقى
زينب فضلت تضحك وتابعت لا مش اوي يعني
عمر بضحك شووف البت بتلمحي يعني علشان نعيد لحد ماتفتكري
زينب شهقت وفضلت تضحك وتابعت لا طبعا اوعى كده ده سيف شكله طلع عينيك وعملك شويه عضلات في التدريبات فجاي عندك صحه بتخرجها علياا وانا غلبانه
عمر فضل يضحك وتابع ده بالله سيف كسر جسمنا مش خلى في صحه لاا خاالص بس انتي لوح التلج لو شافك ينهاار يازوزا
زينب فضلت تضحك فتابع بضحك اه والله ومسك دقنها بخفه وتابع بحب اصل مش معقوله حد يشوف القمر ده ويبقى عادي كده ليه هو انا اهبل وقربها باسها بحب وهمس كنتي واحشااني بشكل مش طبيعي بجد يا بت يا زينب
زينب بضحك كنت اخص عليك ودلوقتي خلاص يعني
عمر بحب بالله انتي بتوحشيني وانتي معايا ولو في كلمه اعمق من واحشتيني كنت قولتها اصل كل مره برجع فيها الشغل وبسيبك بدرك قد ايه اني مش قادر استغنى عنك فحتى واحشتيني دي بحسها مش كفايه تعبرلك احساسي باني معاكي دلوقتي
زينب بصتله بحب والدموع اتجمعت في عينيها ونامت في حضنه وباست رقبته وتابعت هو انا قولتلك اني بحبك اوي صح
عمر ضحك وتابع بحب صح وباس راسها بعمق وتابع وانا بموت فيكي ورفع وشها ليه وباسها بحب فسمعت صوت حسام عيط من الفون فاتخضت هي وعمر وبعدوا عن بعض وفضلوا يضحكوا
فتابع عمر بضحك قطع خلفي ابن الكلب حتي بعد كده ماتخديش موانع حمل خلاص
زينب فضلت تضحك وتابعت الجانب الكويس انه صحي دلوقتي ده بدل ماتشكروا انه نام كل ده وسابك تستفرد بامه
عمر بضحك وغمز اعمله ايه مش هو اللي امه مزه وبيقرب عليها
زينب فضلت تضحك وتابعت وهي بتزق صدره: عمر اتلم وقوم هات ابنك حبيبك مواحشكش
عمر بحب واحشني طبعا وضحك وتابع بس ماتقومي انتي هو انتي اتشليتي
زينب بحرج مش هقوم انا قوم انت هاته واخلص وانا هقوم ادخل الحمام اخد شاور واطلع اخد سومي وانت ادخل بعدين نطلع ناكل الاكل اللي تلج ده
عمر بضحك سومك اه حاضر ياختي وديتي فين هدومي
زينب سيبك من بتاعت الجيش الهدوم جمبك على الكومود اهي
عمر بضحك اكيد مش هاخد بتاعت الجيش يعني منا اقصد دول ولبس وقام يجيب حسام ولفت زينب الملايه على نفسها وقامت دخلت الحمام وعمر دخل لحسام باشتياق وحماس وتابع ايه يحبيب بابي ايه في ايه مين مزعلك وشغل النور وبص عليه اتفاجئ بشكله وتابع بسم الله ما شاء الله الواد كبر ووطى شاله ودموعه نزلت بفرح وابتسم وتابع ايه يحبيبي ايه ينورعيني وقربه منه وسند جببنه بخفه على جبينه وفضل يبوسه بخفه كذا بوسه ورا بعض ودخل قعد بيه على السرير وكان بيعيط وبياكل في ايديه فتابع بحب ايه يحبيب بابي زينب زعلتك دي كلبه انا هضربهالك سيباك جعان يروحي
وحسام فضل يعيط فتابعت زينب من الحمام ياعمر حاول سكته بالله عليك مش هعرف اطلع
عمر تنهد بعمق وتابع بصوت منخفض: يعني هو يعرفني يا زينب وبصله ودموعه نزلت بوجع وباس راسه ونام على ضهره وحط حسام على صدره وفضل يطبطب عليه وحسام بيعيط فتابع بحب بس يحبيبي انا عارف انك اكيد مش عارفني وابتسم وتابع بس بيقولوا الاطفال بتحس فاتمنى توصلك حنيتي وتحس بيا وباسه وتابع بحب تحس اني بابي وتعرف بحبك قد ايه وابتسم وتابع انت وامك اغلى حاجه عندي في الدنيا كلها فهيصعب عليا نفسي اوي لو حسيت انك معتبرني غريب لان اكيد في سنك ده قربت تكمل 3 شهور وابتديت على الاقل تحفظ الاشكال وعارف مامي وفضل يطبطب عليه
حسام سكت ودموعه مغرقه وشه وبصله بحزن وعمل شفايفه لتحت فباس عمر خده وتابع بدموع لالا يعمري متعيطش متعيطش مامي هتخرج وتجيلك دلوقتي وحضنه وفضل يطبطب عليه وهمس بوجع حقك عليا والله غصب عني يا حسام وغلاوتك انت وماما عندي غصب عني وغمض عينيه بوجع ورجع راسه لورا ودموعه نزلت وفضل يطبطب عليه لانه رجع يعيط فخرجت زينب وتابعت بلهفه هاته تلاقي زوره وجعه يقلب امه من العياط ده كله
عمر تنهد بوجع وتابع طب غيري هدومك الاول طيب
زينب بلهفه لالا اديني لابسه البورنص اهو هات ارضعه بعدين اقوم اغير وقوم خد شاور معلش محضرتش الحمام من استعجالي
عمر بوجع لا ولا يهمك وباس حسام واداهولها اللي مجرد ما زينب شالته سكت .. فحزن عمر جداا وتابعت زينب بحب وهي بتلاعبه: ايه يختي يجميله مامي متعرفش تاخد شاور بسببك كده وضحكت وتابعت هاا ينفع كده ده اسلوب نقابل بيه بابي
عمر ابتسم بوجع وتابع على اساس انه يعرف بابي
زينب زعلت من كلامه وتابعت بحزن عمر هو والله …
عمر رفع ايديه يسكتها وتابع مش زعلان يحبيبتي ده عيل ومش فاهم حاجه اكيد مش هاخد عليه يعني وخد هدومه ودخل وقفل الباب وزينب قعدت بحزن وفتحت البورنص شويه ترضع حسام وبصتله وابتسمت بحب وباسته
وبعد شويه عمر خرج وهو لابس بنطلون بيتي شروال كحلي غامق وتيشرت ابيض وكانت زينب بتطبطب على حسام فتابع شبع خلاص ??
زينب بضحك ابنك بيتدلع بيفضل ياكل دققتين ويسكت شويه ويرجع عايز دققتين كمان
عمر وهو بينشف شعره تابع كل العيال كده يحبيبتي ربنا يقدرك ويقويكي على تربيته
زينب بحب هو انا لوحدي ولا ايه
عمر وقف قدام المرايا يسرح شعره وتابع بحب لا طبعا وانا معاكي
زينب قامت حضنته من ضهره وتابعت بحب حسام ميعرفكش علشان مكنتش بتتكلم معانا كتير انما الاكيد خلال الاجازه دي هعلقه بيك جدا خصوصا انك معانا في البيت مش هتتحرك الكام يوم دول فحقك عليا
عمر لفلها وتنهد بعمق وتابع مش زعلان منه صدقيني ده عيل وهو يعني هيعرفني منين بس ملعونه الظروف اللي غربتني عن حته مني وخليته يستغربني بلشكل ده
زينب دموعها نزلت وتابعت حقك عليا
عمر مسح دموعها وقربها باس جبينها وتابع بحب ده حقكم انتوا عليا والله وابتسم وتابع ده الواد كبر يا زينب الاجازه الجايه هجيلكم على فرحه ولا ايه
زينب ضحكت من بين دموعها وتابعت اه طبعا بسم الله ما شاء الله انت سايبه مكملش اسبوع دلوقتي قرب على 3 شهور
عمر بحب كل ما يكبر بيجيب شكلي اكتر ابن الجزمه
زينب ابتسمت بحب وتابعت اه ودي احلى حاجه والله العظيم
عمر خدها في حضنه وباس راسها وتابع بحب عقبال مانجيب بنوته نسخه منك يارب
زينب بضحك هتيجي شبهك بردو هو انا بحب حد قدك
عمر ابتسم بحب وتابع نور عيني والله ورفع ايديها باسها بحب
زينب بحماس صح عرفت ان امنيه حامل ??
عمر بضحك بتهزرري ده بجد !!
زينب بضحك اه والله عرفنا وانتوا مسافرين
عمر ابتسم بفرح وتابع طب ده حلو اوي ابقي فكريني اتصل بسيف بكره اباركله علشان مش وقته دلوقتي نخلي عندنا دم وغمز بضحك
زينب فضلت تضحك وتابعت هي كل الرجاله قليله ادب زيك ولا ايه لا ده انا اخوياا متربي اوي لعلمك
عمر بضحك يا شيخه اتنيلي عليكي وعلى اخوكي واحد بعيد عن مراته كل ده هيبقي محترم يعني !! واصلا مفيش راجل محترم مبالك مع مراته بقى ثم ان انا محدش محترم قدي حرفيااا ب صيام التسع شهور اللي عشت فيه ده
زينب فضلت تضحك وتابعت لا كلمه حق يتعملك تمثال
عمر بضحك شوفتي بقى
زينب بضحك طب هلبس وجيالك علشان الاكل
عمر بحب ماشي روحي
——
في شقه شيف
نور بدموع يا امنيه اهدي مينفعش كده
امنيه بدموع انا مش قعداله فيها اصلاا هو فاكرني هخاف منه ولا ايه قولتلك هنزل يعني هنزل وقامت وهي بتمسح دموعها وجابت الشنطه من فوق الدولاب
نور بخوف هو قالك متنزليش ??
امنيه بحده قال وعنده اربع حيطان فكل اوضه اهم يضرب دماغه في الحيطه اللي تعجبه فيهم ده مالوش حكم علياا ولو مطلقنيش بلادب المحاكم بينا
نور لطمت وتابعت بخوف محااكم ايه محااكم ايه استهدي بالله بس واقعدي ساكته سيف لو راح محكمه هيوديكي في ستين داهيه ومش هيحصل غير اللي هو عايزه فاقصري الشر يا امنيه واسمعي كلمته واقعدي في بيتك انتي متعرفيهوش ده مفيش راجل بيكسرله كلمه مبالك بمراته
امنيه بعصبيه ماعلشان فعلا معرفهوش فمش عاايزااه ومش هقعد معااه دقيقه كماان وقالت كده وهي بتحط كل حاجتها في شنطتها
نور بخوف ابوس ايدك تراجعي عن اللي في دماغك يا امنيه علشان خاطري
امنيه بدموع مبقاش عندي حاجه اخاف عليها يا نور خلاص واذا كان على اللي في بطني فسيف اللي عايزه مش انا فمش هيتغابى علياا علشانه فعادي انا مش خايفه منه وهمشي بس المشكله مش عارفه هروح فين انا كل اهلي خدعوني حتى انتوا خلتوني فعلا احس اني بطولي في الدنيا دي ومحدش فكر انا لما اعرف هيكون رده فعلي ايه والقهر اللي هحسه في يوم وليله مابين حسام في حضني وشايله ابنه وحسام اصلا مش موجود ودموعه نزلت بقهر وتابعت سيبيني الله يرضى عنك يا نور انا عايزه امشي وقعدتي مع ابن عمك هتخليه يلطش فياا في الرايحه والجايه لاني مش بسكتله فكده اريح لينا احنا الاتنين ودخلت لبست دريس اسود وطلعت تلف حجاب اسود
نور بصدمه متقوليش انك سودتي على حسام
امنيه ابتسمت بوجع وتابعت قصدك على اللي كنت لحد من شويه فكراه جوزي وخلاص اكتشفت انه راح كلكم سودتوا ولونتوا بس انا لسه وواجبي للراجل اللي كالت معاه عيش وملح اني اقدر موته وضحكت بوجع وتابعت يمكن لما اسود شويه انسى اني روحت رميت نفسي في حضن اخوه وهو ميت وبصت لنفسها وهي بتلف الطرحه وتابعت وكنت قذره بس هو اقذر مني ولفتها ومسكت الشنطه وتابعت بدموع اوعي يا نور عديني
نور بدموع وخوف يا امنيه سيف مش هيسيبك في حالك ولو وصلك هيقتلك علشان كسرتي كلمته ابوس ايدك اهدي واقعدي في بيتك واختصريه
امنيه بحده ودموع قولت لا همشي يعني همشي وخرجت وشدت شنطتها
–
تحت في بيت الرفاعي
شهد دخلت مع احمد وتابعت بستغراب مالكم قالبين وشكم ليه ولا اللي ميتلكم ميت
نرمين وهي حاطه ايديها علي خدها وسانده على الكنبه تابعت بدموع مبنلحقش نفرح يا بنتي والهم بيجي يزورنا تاني
احمد بقلق هو في ايه ياما مالكم ومرات عمي بتعيط ليه
عايده تنهدت بعمق وتابعت امنيه عرفت كل حاجه وسيف مد ايديه عليها علشان جرحته بكلامها وقالت كلام مينفعش يتقال
احمد اتصدم وشهد شهقت بصدمه وتابعت يانهاار اسود ازاي مين قالها
صافيه بحزن والله منعرفش يابنتي احنا لاقيناها نازله على تحت وسيف دخلها هنا واتخانقوا وضربها بعدين مسكها من شعرها وطلع علي شقتهم وغاب شويه ونزل هو ويونس وهي فوق
احمد تنهد بعمق وتابع يا حول الله يارب ومن امتى بنمد ايدينا على حريم يعني
معتز بتنهيده انا لو شايف ابني غلطان كنت قومت انا ضربته بلقلم قدامها انما اللي قالته امنيه صعب
ايمن دي بتقولوا انت مش راجل علشان لمستني وانا بنطق في حضنك اسم اخوك طب ده كلام يا احمد
شهد شهقت وضربت على صدرها واحمد اتصدم وتابع يا نهاار ازرق هي ايه اللي بتقولوا ده
شهد بخوف ودموع هي قالت لسيف كده !! ورسيت على قلم بس طب ده تحمد ربهاا وتسجد شكر كماان انه مقتلهااش يانهار اسود بجد وحطت ايديها على بوقها
نرمين بدموع قلبي وجعني على ابني وانا للمره المليون شيفاه بيتعذب بسبب انه قرر من الاول يضحي لحسام وعمل اللي مايتعمل علشانها بس حتى هي كسرته ووجعته وبأخوه مش بحد غريب
احمد بوجع ده انا اتوجعتله الله يكون في عونه والله ده هو روحه في حسام فمش هيستحمل مراته تجيب سيره غيره مبالكم انه حسام
عز بتنهيده حزينه ربنا يهديها عليه يا ابني ويعرفوا يفكروا صح ابنهم ملهوش ذنب فكل ده
شهد بخوف ودموع يانهار اسود صح ده ضربها طب واللي في بطنها ايه
نرمين بدموع مش هيتغابى عليها يا شهد هو عارف انها حامل متخافيش لانه حتى في عز عصبيته ووجعه هيخاف على ابنه اللي في بطنها
ولقيوا امنيه نازله ونور وراها وبتقولها يابنتي استني ابوس ايدك
فاتصدموا من الشنطه وتابعت نرمين بصدمه رايحه فين وسايبه بيت جوزك يابت
امينه بعصبيه جوزي مين ?? جوزي مين يا حمااتي ?? جوزي اللي خد مراات ابنك !! وعيطت وتابعت هان عليكي ضنااكي ترميه في التربه وتيجي تدي اخووه خطيبته ولا انتي عايزه تجوزي اي حد من عياالك على قفايااا علشان تشوفيله خلفه وخلاااص
نرمين اتوجعت من كلامها ودموعها نزلت فتايع احمد بعصبيه امنيه لمي نفسك وانتي بتتكلمي معاهاا دي قد امك
امنيه بعياط وعصبيه بس مش اميي مش اميي علشاان لو زينب اللي حصلهاا كده محدش فيكم هيسكت وعيطت اكتر وتابعت بس مش هلوم عليكي يا ام حسام عارفه ليه علشان انا امي نفسهاا سابتني للوضع ده واتعصبت بعياط وتابعت وكانت بتقطم فيااا لما سابني ونزل يوم صباحيتي وجايبه اللوم علياا وعايزااه يلمسني رغم انهاا عاارفه انه مش حساام بس بردو مفرقلهااش وبدل ماتقول هو مكسوف على دمه ومش عايز يقرب من واحده تخص اخوه لااا دموعها نزلت بقهر وتابعت دااست عليااا اكتر وقالتلي بكل جحود ايه يا امنيه طفشتيه من اولها ولا ايه اصل جووزك بيحبك فاكيد العيب عليكيي ومعرفش ايه .. بيحبك اللي كلكم طالعينلي بيهاا دي بس معلش انا مش بس فوقت من الغيبوبه انا فوقت من الوهم اللي عيشتوني فيه واتعصبت وتابعت وهمشي وورقتي توصلي ابنك لازم يطلقني وعقليه وقوليله امنيه مش بتحبك ومش عاايزاك ومش هتطول منها شعره تاني وملكش عندها غير ابنك اللي في بطنها ولو كان عائق وهيخليه يتمسك بيا اكتر هنزله عادي
كلهم اتصدموا فتابعت شهد بحده ودموع تنزلي مين انتي مجنونه عاايزه تموتي ابنك بايدك يا امنييه
امينه بعصببه ودموع مش احسن ما انا حامل في ابن واحد معرفووش انتوا ليه مش عايزين تفهموني انا اتجوزت وحملت من وااحد معرفوش وعيطت اكتر وتابعت انا مش هضيع وقتي معاكم انا همشي وبلغي ابنك بكلامي
نرمين بدموع مش هقوله حاجه يابنتي علشان احنا معندناش طلاق وسيف لو مشيتي من البيت او عرف الكلام ده هيقتلك وانا علشان بحبك وبعتبرك زي زينب مش هاخد على كلامك وهقول عيله ومصدومه وغصب عنها بتفضفض بكلمتين فهقولك اعقلي واطلعي شقتك وحلي مشاكلك انتي وجوزك بهدوء
امنيه بدموع والنبي متحسسنيش اني انا اللي وحشه وقليله اصل وجايه عليكم اوي كده بس سامحيني مش هقدر اكمل
نرمين بدموع ابوس ايديكي يابنتي متمشيش سيف لو جيه ملقاكيش هيبهدلك والله العظيم وانا خايفه عليكي
امنيه بدموع لا متخافيش صدقيني وجودي جنبه هيخليني اكرهو اكتر فكفايه كده
شهد بدموع سيف محبش قدك متخسريهوش يا امنيه ومتبقيش غبيه
امنيه بوجع مش عايزااه ومسكت شنطتها فتابع احمد بحده يا امنيه .. يا امنيه لو مشيتي سيف هيموتك قسما بالله
امنيه بدموع يعمل اللي يعملوا ونزلت ونرمين قعدت وفضلت تعيط وتابعت يانهار اسود على قلبي اللي مش راضي يرتاح على عيالي الاتنين ولا االلي مات ولا اللي عايش
شهد حضنتها وتابعت بدموع حقك عليا يا مرات عمي اهدي ان شاء الله لما تعرف سيف بيحبها قد ايه هتندم وهترجعله
نور بدموع مش لو سابها ده هيجي مش هيلاقيها هيخرب الدنيا ويروح يجيبها بس هيشربها المر لانه قالها متنزلش
احمد قعد وتنهد بعمق وتابع حقه مراته وام ابنه وميخصنااش محدش يدخل
نرمين خبطت بايديها الاتنين على رجليها وتابعت بعياط هيموتها يا احمد هيموتها يا ابني ده عصبي ومبيشوفش قداامه هيكرها فيه اكترر
احمد بحده وانا لو مكانه وكسرت كلمتي هعمل كده اللي اتقال صعب مش كفايه سابها على ذمته بعد كل ده
شهد بدموع عندك حق انا معاك بس بردو موقفها صعب
نور بدموع وبحده موقفها صعب ايه يا شهد دي متجوزه سيف بيه االرفااعي اللي اي بنت تحلم بيه وعاملها اميره عايشه في قصرها ده جزاته !! تلبس اسود على اخوه علشان بتحبه ويتقاله انت مش راجل !!!
شهد بدموع والله ما عارفه اقول ايه الاتنين صعبانين عليا مابردو حسام حبيبها تعبت لما مات وقامت متعشمه انه موجود
نرمين بعياط هتقولي ايه يابنتي هتقولي ايه لله الامر من قبل ومن بعد
وعند امنيه نزلت قدام باب الرفاعي لقيت مازن وياسمين راجعين من عند الدكتوره
مازن بستغراب رايحه فين دلوقتي وواخده شنطتك ده المغرب هياذن والدنيا هتليل عليكي
ياسمين استغربت شكلها وتابعت بخوف انتي مالك معيطه وعينك ووشك متنفخين كده لييه وايه الاسود ده مين ماات
امنيه بصتلهم بوجع وشاورت على بيت الرفاعي وتابعت بدموع اهو انا بقى بنسبالي العيله دي كلها في كفه وانتوا كنتوا في كفه تانيه وبصت لمازن بوجع وتابعت بدموع مقولتليش ليه يا غالي ان يوم ما دموعك نزلت واحنا قاعدين ساعه فرح يونس ونور انها نزلت لان صاحبك مات وكسرك وكسرني
مازن قلبه وجعه واتصدم بشده هو وياسمين وحطت ايديها على بوقها
مازن بوجع ودموع امنيه
امنيه بعياط وعصبيه: بس ياا مازن بس ابوس ايدك اسكت متبررش ملهاش تبرير وبصتله وتابعت بوجع وعياط: انا كل اللي عايزة اعرفه هان عليك حساام ومسكت قميصه وتابعت بانهيار: هاان عليك اخووك اللي يااما حكالك عن حبه لياا ترميني في حضن اخووه وتخليني اشيل ابن منه
مازن غمض عينيه بقهر ودموعه نزلت وتابع خوفت عليكي وسيف والله
امنيه بمقاطعه وعصبيه بسس متقولش خوفت عليكي ولا تجبلي سيره البني ادم ده وعيطت وتابعت وشي المورم ده بسببه .. بسبب البيه اللي انت رميت مرات اخوك في حضنه ضربني علشان بواجهه بلحقيقه بس وجعته
مازن بعصبيه انتي بتقولي ايه سيف ازاي يمد ايديه عليكي ده انا هطلع عين اهله
امنيه بعصبيه ودموع جرحتك اووي حسيت انك خونت الامانه االلي اخوك سبهالك ومحافظتش عليهاا لما عرفت انه ضربني ?? للدرجه دي كان همي تقيل عليك يا ماازن فسبتني لاخوه وعيطت وتابعت ده مش بس مد ايديه علياا ده اتجوزني ولمسني وحامل في ابنه وعيشت معاه كل اللي اخوك كان بيحلم يعيشه معاايا ومسكت قميصه جامد في قبضه ايديها وتابعت بعياط عملت فيااا كده ليه يا ماازن لييه ده حساام وقف جنبك انت وياسمين ساعه مشكله جودي الزباله وطول عمره شايفها مرات اخوه زي مانت شوفتني مرااته وكنا احنا الاربعه سوا علطول هان عليك كل ده يتهد وبصتله وتابعت بعياط مقولتليش ليه ان قاسم طلع وسخ وكسر ضهرك وضهري ونقعد نعيط على الغالي اللي راح مننا ها مقولتليش ليه وانهارت عياط وتابعت اتاريك مش قريب من سيف وانا اقول من امتى يونس عارف عن حساام كل حاجه من امتى بعدتوا كدده
مازن دموعه نزلت بوجع وتابع حقك عليا وباس راسها ومسح دموعها وتابع طول عمري شايفك مرات اخوياا وسيف بردو اخوياا وبيحبك وهيحافظ عليكي وعمل كده علشانك متظلميهوش وتظلمي ابنك يا امنيه ودموعه نزلت وتابع صدقيني مكنتش هقدر اقولك الحقيقه كان صعب علياا اوي اقول كده عشان انتي كنتي تعبانه
امينه بعياط بس مش صعب تسبني عايشه مع اخوه هتقف تقوله ايه يوم القيامه يا مازن
مازن بدموع هقوله اللي ربنا حلله مينفعش احنا نحرمه ده لو هو زعل اصلاا انما هو والله اكيد عرف ان ده الصح وغمض عينيه بوجع وتابع حسام مات يا امنيه وسيف هو جوزك ووالله العظيم مايستحق منك كده ومفيش راجل يستحق كده من واحده قعد معاها تحت سقف بيت واحد وانا هشوفه ازاي يمد ايديه عليكي لانك هتفضلي اختي بردو مفيش حاجه هتتغير
امنيه بوجع قوله يطلقني وبس يا مازن وربنا يسامحك انت وياسمين ويهدي وجعي منكم وبصتلها وتابعت بقهر ودموع فاكره يا صاحبتي لما قولتلك عيلتكم دي كلها محدش دخل قلبي غير حسام الرفاعي وفضلت احكيلك قد ايه حاسه ان ربنا عوضني بيه وحبيته وعيطت لما فهمني انه بيحب وطلع بيهزر يعني انتي شهدتي على كل ده وبردو سكتي على اللي حصلي
ياسمين بدموع انا سكت علشان في حاجات تانيه انتي متعرفيهاش وانتي مع حبيبك فعلا وعيطت وتابعت والله مع حبيبك متخليش الشيطان يضحك عليكي وتخربي بيتك يا هبله .. ده انتي اختي يا امنيه مكنتش هسمح حاجه تحصل غير وانا عارفه انها الصح وهتسعدك
امنيه ابتسمت بوجع وتابعت هتسعدني ااه لا انا حقيقي سعيده جداا اصل ايه الفرق اسم جوزي اتغير بس انما هو هو مش كده
ياسمين بوجع ودموع لا طبعا هما شخصين بس
امنيه بدموع هششش ارجوكي كفاايه انتوا استخفيتوا بعقلي وحسبتوها انهم واحد مش شخصين فمتجيش تقوليلي دلوقتي لا طبعا ربنا يسامحكم على اللي حسيته ومشيت فتابع مازن بحده رايحه فين وسيف ازاي سايبك تمشي دلوقتي
امنيه بعصبيه ميعرفش ومش هقوله ولو فكرت تيجي وراياا والله العظيم هعملكم فضيحه في الشارع
مازن بحده يابنتي مينفعش تروحي حته من وراه متبقيش متخلفه
امنيه بعصبيه مالكوش دعووه سبوني في حاالي بقي
مازن مسح بايديه على وشه وتابع بحده طب اجي اوصلك طيب
امنيه بحده انا اصلا طالبه اوبر وهطلع لاني اتاخرت وخرجت ومازن خرج وراها لقاها ركبت العربيه ومشيت فضرب رجليه في البوابه بعصبيه فتابعت ياسمين بدموع تعالى نطلع احنا مفروض نهدي سيف عليها دلوقتي ونقوله يتعامل معاها ازاي انما امنيه صاحبتي وانا عارفاها مش هتتفاهم دلوقتي وطلعو بلفعل
وبعد شويه سيف جيه مع يونس وكان باين على ملامحه الاجهاد والتعب الشديد وعينيه حمرا وكان طالع على شقته علطول فوقفته نرمين علشان ميطلعش ويشوف ان امينه مش فوق وتابعت ..
