رواية غموض الحب عائلة الرفاعى الفصل الثانى و الستون بقلم لولا
وفتح الورقه لقى مضمونها (( اتنازل عن مهمه حيدر الانصاري احسنلك ))
فكرمشها بعصبيه ورماها بقوه ومرر ايديه في شعره وتابع ااآه يا ولاد الكلب فاكرني هخااف يعني .. ماشي يانا يا انتم يا حيوااانات وسيف الرفاعي طلما حط حاجه في دماغه هيعملها يعني هيعملها وقام لبس تيشرت بيتي على بنطلونه وخد فونه ونزل للدور اللي تحته عند شقه يونس وخبط عليه ففتحله
يونس بحب ايه يا غالي تعالى ادخل
سيف نور فين ؟؟
يونس بحب نور جوه تعالى يا سيف مالك في ايه ده بيتك
فدخل سيف وقعد في الصالون وتابع بتنهيده طب قولها اني برا علشان تاخد بالها لما تخرج واقعد عايزك في كلمتين
يونس حاضر جايلك ودخل قالها وخرج قعد قدام سيف وتابع بحب سامعك يا غالي
سيف تنهد بعمق وتابع انا كلها يومين ومسافر عايزك طول فتره سفري تخلي امنيه في عينيك كأني موجود بلظبط
يونس بحب بطل عبط يعني هي اول مره ما انا بخلي بالي منها من ساعه ماحبيتها فهعمل كده من نفسي طبعا فمتفلقش يا غالي وخبط على رجله وتابع تروح وترجعلنا بالف سلامه يابطل
سيف بتنهيده لا المره دي غير كل مره يا يونس المره دي انا عايزك تحط عينيك عليها طول الوقت .. يعني طول فتره غيابي رجل امنيه متعديش باب الرفاعي ولو نزلت تكون معاك غير كده لا متتحركش
يونس بقلق هو في ايه يا سيف ماترسيني
سيف بتنهيده مفيش حاجه كل ما في الامر اني داخل مهمه تقيله اوي بحضرلها بقالي كتير وانا الاول مكنش ليا اللي اخاف عليه دلوقتي هيمسكوني بمراتي فعلشان خاطري يا يونس امنيه تبقى تحت حمااك ولو عايزة تروح حته انت مش هتقدر توصلها فيها وتكون معاها ارفض لان اي خطر مراتي هتتعرضله انا هبيع الدنيا بحالها علشان تبقى بخير بس هخسر كتير اوي في شغلي وفي حق بلدي وحمايتها اللي انا اقسمت انها اول حاجه عندي
يونس بقلق سيف ابوس ايدك فهمني هو للدرجه دي الموضوع خطر ؟!!!
سيف صدقني مش هعرف دي تفاصيل شغل بس كل اللي هقولهولك ان انا جالي تهديد لحد بيتي يعني الموضوع مش سهل نهائي اللي عمل كده قاصد يعرفني اننا عارفين بيتك واهلك عايزين يخوفوني بس انا مبخافش وسايبك مكاني وزينب بردو اوعاا تتحرك من بيتهاا من غير علمكم
يونس بعصبيه وليه كل دده ماتقول مش عايز المهمه والف ظابط غيرك هيعملها انت ليه مصمم تحرق قلوبنا عليك
سيف غمض عينيه وتابع يونس ابوس ايدك متجيش علياا انا مش مُخير انا اجبرت وحاولت اشوف اي حل بس الموقف حقيقي صعب وانت عارفني انا مبخافش
يونس بوجع انت كدااب .. هو انا مش عاارفك انت اه طول عمرك مبتخافش بس المره دي خاايف وخايف اوي كمان
سيف فتح عينيه بقهر وتابع على امنيه …. مش اكتر من كده لان وصولهم لهنا الغرض منه تهديدي بيها اللي هو جينا لحد بيتك فتخيل هنعمل ايه في غيابك والدموع اتجمعت في عينيه وتابع انا لو خايف فخوفي الوحيد على مراتي وسبق ومكنتش هتجوزها بسبب كده مكنتش عايز يبقى ليا نقاط ضعف كنت عايز افضل جامد بس اديني بردو عايش في خوفي بسببها .. امنيه كانت وهتفضل هي نقطه ضعفي الوحيده يا يونس وانا جيت فتحتلك قلبي وسيف الرفااعي اللي مش بيهااب حد ولا اي حاجه في الدنيا جيه قالك انا خايف فابوس ايدك خلي بالك من مراتي انا هموت لو جرالها حاجه في غيابي
يونس حضنه ودموعه نزلت وطبطب عليه وتابع مراتك في عيني زمان ودلوقتي ووالله ما هسيبها لوحدها ابدا مهما حصل
سيف ابتسم بوجع وتابع ده العشم بردو يا صاحبي
يونس بصله وتابع بوجع بس انا بقى مش من حقي اخاف عليك مش من حقي اخاف على اخويا
سيف طبطب على ايديه وتابع بابتسامه حقك طبعا بس انا معايا اللي اقوى من الكل ولا يصيبنا الا ما كتبه الله لنا ده عُمر ويوم مايخلص مفيش مخلوق في الدنيا كلها هيوقف اللي ربنا اراده
يونس بوجع الكلام سهل بس احنا متبقاش لينا غيرك بلاش تكسر اختك وامك ومراتك يا سيف ارجوك حتى انا ماليش اخ غيرك وكلامك ده صح لو انت مجبر انما ربنا اداك عقل فكر بيه وقول لا مش هيناسبني قول فيه ولاياا متعلقين في رقبتي واناا بطولي
سيف بوجع وغلاوتك عندي مجبر مفيش ظابط قبلي عرف يخلص المهمه دي والاختيار وقع عليا انا .. فانا حقيقي مضطر
يونس تنهد بعمق وتابع عارف اني مش هاخد معاك حق ولا باطل وطالما قررت حاجه فانت هتعملها ربنا يرجعك لينا بألف خير يا غالي ومتخافش مراتك في عينيا الاتنين
سيف طبطب على كتفه وتابع بحب عارف والله وعلشان كده قولتلك انت بالتحديد
نور طلعت وتابعت بابتسامه حقك عليا اتاخرت هعملكم حاجه تشربوها
يونس بضحك لاااا اوعيي تعالي انتي هنا اقعدي مع ابن عمك وانا هعملوا متدخليش المطبخ تااني
نور فضلت تضحك فتابع سيف بضحك يباشا ولا انت ولا هي مالكم في ايه هو انا ضيف
يونس بحب مش ضيف عادي بس هعملنا اتنين قهوه عارفك بتحبها فنشربها سوا
سيف بضحك يا عمنا اقعد بس واسكت ده انا نازلك بهدوم البيت ده هو دور اللي نزلتوا ليه محسسني اني ضيف كده هزعل منك بجد
نور بحب يباشا ضيف ايه ده البيت بيتك اصلا يا غالي بص هعمل معاكم اتفاق انا هدخل اعملهالكم وانتوا تدوقها مني وتقولوا رايكم لاني في العادي ما بدخلش المطبخ بس بعمل قهوه كل فين وفين فخليني اجرب فيكم واقفه المطبخ بقى وسيبك من الضيف ومش عارف ايه انت تجرب قهوه نور
يونس ضرب بايديه على وشه وتابع بضحك تعالي هنا ابوس ايدك متتحركيش علشان هتجلط انا حاسس
نور فضلت تضحك وتابعت لالا والله دي سهله يا يونس مالك ياروحي مش للدرجه دي يعني عملتها لمازن كتير واصلا مازن مفيش منه في عمايل القهوه فكان بيعلمني متخافش والله
سيف بضحك سيبها يا يونس اما نشوف
يونس بضحك ياباشا انت متعرفش حاجه دي كانت هتولع في البيت اسكت
سيف فضل يضحك فتابعت نور بضحك ماشي هوريك بس مش دلوقتي علشان ابن عمك قاعد
سيف بضحك هتنيمك في الحمام انهارده اهو
يونس بضحك ده عند امها الكلام ده
نور ضحكت وحطت ايديها على بطنها وغمضت عينيها بوجع فقام يونس بسرعه وتابع بخوف مالك في ايه انتي كويسه
نور هزت راسها ب اه بألم وتابعت كويسه كويسه متخافش
يونس بخوف خدتي الدوا بعد ما كالتي؟
نور هزت راسها ب لا وتابعت جوه خدت شاور ونسيت اخده
يونس نفخ بضيق وتابع بحده منا قايلك خديه وقومت هو انتي متعمليش حاجه من نفسك ابداا يا نور وقعدها
سيف يا ابني اهدى عليها براحه مالك في ايه مش كده
يونس بحده مهمله بجد في نفسها اما الواحد تعب
ودخل الاوضه فعيطت نور وتابعت شايف اسلوبه ؟؟
سيف بابتسامه حقك عليا انا ومسح دموعها وتابع يونس بيحبك فخايف عليكي مش قصده يعيطك ولا يضايقك والله العظيم
نور بدموع عارفه بس منا وارد انسى مش قصدي اهمال والله بجد
سيف بحب عارف بس هو من خوفه عليكي اتعصب متزعليش منه حقك عليا انا وباس راسها
نور ابتسمت من بين دموعها وجيه يونس بلدوا وتابع امسكي
نور فتحت بوقها وخدته منه ومسكت المايه شربت وقامت فتابع يونس رايحه فين خليكي هعمل انا
نور بضيق لا القاعده بتتعبني هروح انا امشي رجلي شويه واديني خدت الدوا فهيكسن معايا
يونس قعد وتابع بتنهيده طب اعملي ليكي كوبايه لبن بلمره وتعالي
نور بضيق مش بحب اللبن ولا هشربه
يونس بحده طب انا قولت اللي عندي عايزك بقى متعمليش يا نور وشوفي هعمل فيكي ايه
نور نفخت بضيق ودخلت المطبخ فتابع سيف بتنهيده واحده واحده عليها مش كده
يونس بضيق نور معصباني حاسس اني لو معملتش انا الحاجه مش هتفتكرها
سيف وايه الجديد ما طول عمرها بنتك مش مراتك وانت اللي بتعملها كل حاجه وبتهتم بيها حتى لما كانت مخطوبه مكانتش تروح مكان ولا تعمل حاجه غير بموافقتك زيك زيهم فا حصل ايه مش فاهم
يونس تنهد بوجع وتابع تعبها مأثر عليا شويه فخايف عليها
سيف بتنهيده هو المفروض التهابات الرحم متتعبش بلطريقه دي فانا رايي اكشف تاني متسكتش مراتك باين عليها تعبانه
يونس غمض عينيه وتابع لا ده علشان اللي حصل بينا فاهي تعبت والمفروض مكنش حصل حاجه دلوقتي خالص لحد ماتخف
سيف ابتسم بفرح وتابع انت بتتكلم جد
يونس بتنهيده شوف هو في ايه وانا في ايه
سيف بضحك لا بس والله فرحان ليكم قول الحمدلله انك نولت الرضا واهو هتخف بلوقت بس المهم دلوقتي
يونس بتنهيده مكنتش عايز يحصل كده دلوقتي لاسباب كتير ونفخ وتابع بس هقول ايه انا مني لله بجد
سيف فضل يضحك وتابع مش قولتلك انت كداب ومش هتكمل كام يوم وهتوقعك اهو معداش غير يوم
يونس بضحك بس يا ابن الجزمه علشان مهزقكش
سيف فضل يضحك وتابع علشان لما اقولك الجيل ده مش سهل تصدقني
يونس بضحك صدقت وبصمت بلعشره كمان هي باينه بسكوته وصغيره وعبيطه اه .. بس قادره وتعبت اعصابي قسما بالله
سيف فضل يضحك وتابع منا عارف اللي هيحصل والله وايه طمني كلام الدكتوره طلع صح ؟
يونس بابتسامه اه صح الحمدلله
سيف تنهد بارتياح وتابع الحمدلله الف مره طبعاا وطبطب على رجله وتابع مباارك يا غالي ربنا يسعدكم يارب وعقبال عوضكم
يونس بحب اللهم امين يحبيبي وعقبال انا وانت يارب
سيف ابتسم بحب والدموع اتجمعت في عينيه وتابع اللهم امين يارب ده يوم المنى والله العظيم .. الواحد مش عارف مشاعره ساعتها هتبقى عامله ازاي بجد وتنهد بعمق وتابع بس سيبك من اي حاجه عدت وخليك واحده واحده عليها هي مش قصدها اهمال والله العظيم
يونس بتنهيده سيف والله العظيم انا اللي مضايقني اللي حصل بينا لان هي تعبت اوي بعده فانا حاسس بالذنب انما مش قصدي اضايقها
سيف وهي كانت عايزه تفرحك وجات على نفسها رغم ان اكيد كانت تعبانه جدا ومبينتش فمش جزاتها تفضل تتعصب عليها علشان حاجه انت ندمان انك عملتهاا خلاص اللي حصل حصل المهم اللي جاي متبقاش عامل زي القطه اللي كالت عيالها من خوفها عليهم
يونس تنهد بعمق وتابع حاضر يا سيف هعمل كده
ونور جات وحطت القهوه وتابعت بحب رايكم بقى
فمسك يونس ايديها قعدها جمبه وخدها في حضنه وباس راسها وتابع تسلم ايديك يحبيبتي تعبتي نفسك
نور بحب ولا تعب ولا حاجه الف هنا
فرفع يونس ايديها باسها بحب وتابع حقك عليا انا بس خايف عليكي والله
نور ابتسمت وتابعت عارفه وخلاص محصلش حاجه يعمري
وسيف مسك الكوبايه وشرب منها وتابع بابتسامه تسلم ايديكي يحبيبتي حلوه اوي
نور بفرح بتتكلم جد والله
سيف بحب اه والله فعلا جميله
نور بفرح الحمدلله بجد والباب خبط فتابعت هقوم اشوف مين
يونس طب خليكي هفتح انا كفاياكي حركه يا نور
نور بابتسامه القاعده هتتعبي اكتر خليني احرك جسمي شويه متخافش عليا لو تعبانه هقولك
وقامت تفتح فكانت شهد
شهد بتنهيده: يونس فين يا نور ؟؟
نور بابتسامه في قلبي
شهد رافعت حاجبها وتابعت فين ياختي ؟؟
نور بضحك ايه في قلبي استني اشوفهولك وحطت ايديها ناحيه قلبها
شهد بغيره: بقولك ايه مش ناقصه محن بنات على الصبح هي اوعي كده ادخل لاخويا وزقتها بخفه ودخلت ونور فضلت تضحك وقفلت ودخلت وراها
شهد بضيق قول لمراتك تتلم علشان ملمهاش
يونس بضحك ايه يحبيبي عملتلك ايه بس وانا هربيهالك بنفسي ملكيش انتي دعوه بيها خالص ولا تتعبي نفسك
نور بضحك بتقولي فين يونس بقولها في قلبي معجبهاش الكلام عملت ايه انا بذمتك
سيف فضل يضحك هو ويونس فتابعت شهد برفعه حاجب اسمها في الصالون يا ممحونه في قلبك ازاي يعني
يونس بضحك حقك عليا انا هي بتهزر معاكي يا شوش مالك في ايه
شهد بغيظ والله ساكتالها علشانك انت بس .. علشان قلبك الغريب ده بيحبها فمش عايزه احسره عليها
يونس فضل يضحك بشده فتابعت نور برفعه حاجب نعم ياختي قلبه الايه ؟؟ ليه مالي انا ياضرتي
يونس بضحك ده انتي ست البنات سيبك منها وتعالي اشربي اللبن اللي جبتيه وهيبرد ده
شهد بغيره : خد بالك بتعاكسها قدامي هاا وضربته في صدره
يونس بضحك معلش حقك عليا مش هعاكسها قدامك تاني
نور برفعه حاجب وده ليه ان شاء الله حرام ولا ايه ده ايه الصُفر ده
شهد بضحك انا صفراا يابنت الصفراا انتي ورايحه تروحلها مسكها يونس وتابع بضحك والله ما انتي قايمه ده انتي خطوتك عزيزه خليكي في حضن اخوكي يحبيبتي سيبك منها وحضنها جامد علشان متقومش وهي عماله تفرك
نور بضحك يعني ايه يا يونس انت شايف انها صح يعني ؟؟
يونس غمزلها وتابع بضحك شايف انك تخرسي خالص دلوقتي من امتى الدلع والحب ده كله يعني
نور بدلع : اما انت نكار جميل بصحيح يا ابن عز
يونس بضحك يابنت الجزمه اتلمي وبطلي كيد يا نور دي مجنونه وبتتعصب بجد
شهد شهقت وتابعت ليه ياختي بتعمليله ايه ان شاء الله علشان نكار جميل ؟؟ انا اصلا مكنتش عايزه اجوزه علشان المرقعه دي وبصتله وتابعت البت دي سحرتلك صح ؟؟ قولي رد عليااا .. شويه كمان وهتخليك متنزلش من البيت ومش هتعرفنا انا حاسه
سيف فضل يضحك وتابع لالا ده انت الله يكون في عونك
يونس بضحك قسما بالله جبت اخري وبص لشهد وتابع بحب لا يعمري انا اصلا مقدرش اعدي يوم مشوفكيش وكنت هنزلك او هناديكي
شهد حضنته وتابعت وهي نايمه على صدره بحزن : انا بجد خايفه تتغير علياا انت اول مره تعدي كل ده متشوفنيش
نور بضحك ليه ياختي مجوزااه حرباايه ولا حاجه
شهد بضحك ده انتي فوق الحربايه قال في قلبي قال طب وجع في قلبك يا شيخه
نور شقهت وتابعت يونس انت كويس يحبيبي ؟؟
يونس بستغراب اه كويس هيكون مالي
نور بدلع: اصل شهد قالتلي وجع في قلبك فخوفت تكون اتوجعت ولا حاجه
يونس بصلها بتفاجئ وفضل يضحك هو وسيف بشده وهو بيمنع شهد تقوم من حضنه بلعافيه فتابع بضحك يا نور ابوس ايدك حبي فيا بينا وبين بعض انتي بتشوفي شهد بتفعلي الزرار ولا ايه
نور بضحك لا والله ده كل وقت انت بس اللي مش بتاخد بالك
شهد بغيظ عارفه لولاش اخويا بيحبك كنت قومت وريتك مين اللي قلبك صح
نور بضحك انتي حاضنه قلبي اهو وانا سكتالك
شهد شقهت وتابعت نعم ياختي ياااك هستأذنك كماان ده حضني قبل مايكون حضنك
يونس بضحك يااابت خلاص متعصبيهاش حضنك انتي الاول طبعا يعمري محدش يقدر ينكر
نور بضحك ايوه بس بقى مشترك دلوقتي
يونس بضحك يانور وغلاوتي عندك اسكتي ابوس ايدك
نور بتمثيل حزن : اسكت ليه هو انا قولت حاجه غلط يعني انا مثلا ماليش حق فيك فعلا يا يونس ؟؟
يونس بحب ده انتي ليكي كل الحق طبعا بس اسكتي علشاان هي بتضايق بجد بنت مجانين
شهد بصدمه ليها كل الحق اه ماشي يا بتاع نور ماشي اوعاا كده اوعااا بجد قومني
يونس فضل يضحك وتابع يحبيبتي علشان هي مراتي فشكل علاقتنا مختلف انما انتي طبعا اختي وكل دنيتي هو انا اقدر استغنى عنك يا شهد ده انتوا الاتنين اغلى حاجه في حياتي
نور غمزت لسيف وتابعت بضحك انا ونوران يعني ؟؟
يونس وسيف فضلوا يضحكوا فتابع يونس بضحك اتلمي اقصد انتي وشهد
شهد بضحك شاايف مرااتك يا يونس
يونس بضحك وغلاوتك عندي بتهزر هي بتحب تستفزك
شهد اممم ماواضح باماره الساعه بقيت 4 وحضرتك منزلتش انهارده خالص خلتني طلعت انا اشوفك
يونس بحب والله علشان نور تعباانه انما انا عمري مااقدر اعدي يوم مشوفكيش فيه ده انتي بنتي واختي وكل دنيتي وباس جبينها وخدها في حضنه وتابع ربنا يهديكم عليا يابنتي
نور بضحك ليه مجانين ؟
يونس بضحك عديتوا الليفل ده من زمان اقسم بالله
والباب خبط فضحكت نور وقامت تفتح فكانت امنيه
امنيه بقلق يونس فين يا نور عايزاه يكلملي حسام لان مازن مش هنا راح شغله وفونه مقفول
نور بحب حسام جوه تعالي متقلقيش
ودخلت فلما شافته تابعت بلهفه ايه يحبيبي لحقت نمت وصحيت تنزل كده ومتعرفنيش فينك
سيف ابتسم وتابع حقك عليا معملتش حسابي هطول بس نور عملتلي قهوه فبشربها
امنيه قعدت جمبه وشالت القهوه منه وتابعت قهوه ايه يا حسام اللي على الريق انت عايز تموتني
يونس حلاااوتك يعني مفطرتش وبتشربها !!!
سيف بتنهيده مش بتفرق معايا لاني مباكلش كتير كده كده
امنيه لا طبعااا متعملش كده في صحتك دي اهم حاجه .. كفايه خلاص متكملهاش واصلا كترها مضر للقلب وهيصفرلك سنانك .. انا مش عارفه ادمنتها كده امتى بجد
سيف بضحك ياستي تصفر ونبقى نروح نعملها مفيش مشكله انما انا مقدرش استغنى عن القهوه بجد بعيدا عن سلبياتها الكتيره
امنيه بضحك وجهه نظر بس بلاش منها كتير علشان صحتك يحبيبي وبعدين مش عيب تبقى مراتك دكتوره اسنان وتروح برا
سيف فهم تفكيرها وتنهد وتابع لا مش عيب لان مراتي مش شغاله ولا ليا ولا لغيري ويلا علشان نطلع
يونس ياابني ماحنا قاعدين خليك في ايه
سيف بتنهيده لا جوايا طاقه من التفكير عايز اخرجها فهطلع انا وانت زي ماقولتلك
يونس بضحك وغمز اه قولتلي حفله الوادع دي يعني ولا ايه
سيف بص لامنيه لقاها محرجه جدا من كلامه فتابع بضحك انتوا فهمتوا ايه يا ولاد الكلب انتوا ؟؟!!
امنيه بحرج هشش يلا اسكت ويلا انا مش هقعد كده كده بعد اللي اتقال
سيف فضل يضحك وتابع وربنا اقصد العب رياضه انا لما بفكر كتير بلعب رياااضه وبفرغ طااقه القلق االلي جواياا فهمتوا ايه انتوا ؟؟!!!
امنيه بحرج لا ولا حاجه احنا هنطلع احط نفطر وانزل بسرعه علشان مشبهش نفسي
يونس بضحك واحنا ايش عرفنا انكم هتفطروا يعني مش طالعين علشان اللي كلنا فهمناه
كلهم فضلوا يضحكوا وامنيه اتحرجت فتابع سيف بضحك يا ابن الكلب يحيوان انت اتلم واحترم نفسك في بنت قاعده
شهد بضحك لا عادي خدوا راحتكم
امنيه بحرج وغلاوته عندي هنفطر بس
يونس فضل يضحك فتابع سيف بضحك سيبك منه ولو مش هنفطر بس انا جوزك يخش يولعوا بجاز
امنيه بحرج اممم منا عارفه بس بليز ممكن تنقي الفاظك وانت بتتكلم بعد كده علشان انا شخصيا فهمتك غلط
سيف فضل يضحك وتابع والله العظيم مخكم تعبان ومش سالكين بس اقول ايه يلا ياختي يلا وبص ليونس انه يفتكر كلامه فهز راسه بمعنى ” تمام متخافش ”
وطلع مع امنيه وهي دخلت غيرت ولبست كاش مايوه ودخلت المطبخ وهو قلع التيشرت وفضل يلعب ضغط ودماغه بتفكر ومش راضيه تفصل ومتعصب جداا من اللي عملوا كده وازاي اتجرائو يجوا لحد بيته ويهددوه وفضل كده سرحان في افكاره وخايف على امنيه وبيفكر في حل وبيعمل ضغط
وجات امنيه من وراه وتابعت بهمس يخربيتك دراعك موجعكش وبصت على انقباض وانبساط عضلات ايديه وهو بيطلع وينزل وتابعت بخوف يانهار اسود متجوزه هولاكو ولا ايه !!! ايه الدراعات دي
وجاتلها فكره وابتسمت بخبث وراحت قعدت فوق ضهره وهي بتضحك
فانتبه سيف ليها وخرجته من افكاره وتابع على اساس كده هتعجزيني يعني ومش هعرف اشيلك
وفضل زي ماهو فتابعت امنيه بضحك يعني مش حاسس ان ايدك هتتكسر بذمتك
سيف ولا اي حاجه عادي يحبيبتي خليكي زي ما انتي وربعي كمان لو تحبي
امنيه بضحك بالله شكلك يقلق انا متجوزااك ازاي اناا ؟؟!!!! ده انا كتكوته وغلبانه في نفسي مفروض كنت اشوفلي واحد عنده انيميا
سيف شدها وقعت من علي ضهره فاعتلاها فتابعت بضحك اااه ليه العنف طيب قولت ايه انا وحطت ايديها علي بطنها بقلق علشان خافت تكون حامل
سيف برفعه حاجب كنتي عايزه واحد ايه بقى ؟؟
امنيه بتوتر ولا حاجه يعيوني بهزر هو انت في منك ولا هيكون طبيعي يعني اللي تتجوزك عينيها متقدرش تشوف غيرك وتتملي بيك اصلااا
سيف لا يا شيخه ؟!!
امنيه بحب اه والله عيب عليك ورفعت وشها باسته بحب ورجعت نامت تاني علي الارض وتابعت بضحك : اوعا بقى
سيف بضحك ده كده المفروض اني اتثبت بقى واسيبك والجو ده ؟؟
امنيه بضحك اه طبعا هي قليله ان امنيه تعمل كده ولا ايه
سيف بحب اما امنيه كلها ملكي فا دي فعلا حاجه بسيطه ووطى باس رقبتها بحب وتابع ولا انتي شايفه ايه
امنيه غمضت عينيها بتأثير من قربه وهمست حبيبي
سيف بهيام فيها: اممم
امنيه خافت تكون حامل ففتحت عينيها وتابعت بتوتر: حقك عليا بس مش هقدر تعبانه شويه
سيف رفع وشه وبصلها بستغراب وتابع تعبانه مالك في ايه ؟؟
امنيه بتوتر : مفيش حاسه ان ضغطي واطي وهلكانه شويه وجسمي كله وضهري واجعني اوي فمش قادره لاي حاجه والله حقك عليا انا عارفه انك هتسافر بس مش هقدر حقيقي اليومين دول لاي حاجه
سيف ابتسم بحب وتابع بس يعبيطه وهو انتي امتى قصرتي معايا يعني ووطى باسها بحب وتابع ولا يهمك ياعمري المهم انتي تكوني بخير دي بلدنيا كلها ولو عايزه ننزل للدكتوره ننزل تديكي حاجه لضغطك لانه بيوطى كتير الفتره دي
امنيه ابتسمت بحب وتابعت لالا مش مستاهله انا معايا النقط جوه هاخدها وهاكل حوادق كتير وهبقى كويسه باذن الله
سيف بحب سلامتك ينور عيني خلاص قومي من الارض طيب علشان ضهرك وبعد عنها فقامت ورجع هو يلعب رياضه
فتابعت امنيه بحب طب تعالى نفطر الفطار جهز
سيف بحب روحي وجاي وراكي
وبلفعل امنيه مشيت وهو قام ومسك فونه وتابع كل حاجه تمام يعني ؟؟
-خلاص تمام تعبتك يا امجد
-اه نفس المكان اللي بعتهولك ونفس اسماء البنات واتأكد من سلمى
-تمام متتحركش غير لما اجيلك يلا باي
وقفل معاه وراح قعد على السفره وتابع بابتسامه ايه الشطاره دي كلها تسلم ايدك يعيوني
امنيه بحب الف هنا يا غالي
سيف بحب كلي والبسي علشان رايحين خطوبه واحد صاحبي
امنيه بحب حاضر يعمري
وفضلوا ياكلوا بعدين قامت امنيه تشيل الاطباق وتابعت بتوتر هو انت كده هتسافر بعد بكره صح ؟؟
سيف بتنهيده اه ودخل الاوضه فحطت امنيه الاطباق ودخلتله لقيته بيلبس قميص سماوي فتابعت بحب استنى عنك ووقفت قدامه عدلت اللاياقه وبتزرر القميص بتقفله
سيف برفعه حاجب : خير يا امنيه ؟؟
امنيه بتوتر ايه يحبيبي في ايه ؟؟
سيف بتنهيده : قولي اللي عندك علطول من غير لف ودوران
امنيه بحب ايه يعمري مفيش حاجه هو لازم يكون في حاجه علشان بهتم بيك يعني
سيف بتنهيده لا ازاي مش لازم صحيح
امنيه بتوتر هروح البس بقى وجيالك
سيف بتنهيده متلبسيش حاجه ضيقه هاا ومش لازم افوره هو دريس سيبمل كده
امنيه بحب حاضر وراحت لبست دريس سماوي وطلعت كان سيف لبس بنطلون ابيض وكوتش ابيض وواقف يسرح شعره فمسكت امنيه البرفيوم بتاعه ورشت عليه وتابعت بابتسامه كده بيرفكت وزي القمر
سيف بصلها وتابع بشك: قلبي مش مستريحلك قسما بالله حاسس في مصيبه جايه شاممها من بعيد
امنيه بضحك : يا شيخ حرام عليك ظاالمني علطول كده ولفت ورفعت شعرها وتابعت اقفلي السوسته
سيف مسك السوسته ورفعها وحضن امنيه باس رقبتها بحب وتابع زي القمر الواحد مفروض بعد مايشوف الحلاوه دي مينزلش بس يلا ميصحش لازم نروح
امنيه لفتله وتابعت بضحك كده كده هتقعد بأدبك زينا زي الاخوات علشان انا قولتلك تعبانه فننزل نقدر صاحبك احسن
سيف بضحك لاا ده انتي فهماني غلط خالص وشدها ليه وتابع بحب انا بنسبالي القاعده في وشك بس كده لوحدنا احسن من 100 نزوله مش شرط يحصل حاجه
امنيه حضنته وتابعت بحب يارب ميحرمني منك ابدا يا غالي
سيف بحب ولا منك ينور عيوني يلا البسي الحجاب عايزين نلحق
امنيه بحب حاضر وراحت جابت بندانه بيضه ولبستها فتابع سيف بتنهيده داري شعرك كوويس وثبتيها
امنيه بضيق حاضر والله وثبتتها وسيف جيه شدها لقدام شويه ودخل الظاهر من شعرها لجوه البندانه وامنيه لفت الطرحه ودخلتها جوه الدريس وشدتها كويس وتابعت وهي بتحط روج هو انا هعمل ايه طول فتره غيابك؟
سيف قعد علي السرير يلبس ساعته وتابع بتنهيده هتعملي ايه يعني ولا حاجه هتستني اجي واديكي قاعده مع اهلي مش لوحدك يعني
امنيه حطت ميكااب خفيف وراحت قعدت علي رجله وتابعت وهي بتلف ايديها حوالين رقبته بحب: بس انا يحبيبي كده همل اوي اصل دول شهرين فكتير اوي انت فاهم ؟؟
سيف برفعه حاجب فاهم من بدري وبعمل نفسي مش فاهم فبلاش نفتح مواضيع احسن
امنيه باست خد وتابعت بتوتر ليه يعمري حصل ايه بس هو انا قولت حاجه
سيف بحده امنيه فكك من الجو ده علشان مبياكلش معاياا قولي دوغري انك بتعملي كل ده علشان عايزه تفتحي موضوع عيادتك
امنيه بتنهيده وايه العيب ؟
سيف بحده مفيهاش عيوب بس انا مش عايز مراتي تشتغل اظن واضحه ولا ايه ؟؟؟!
امنيه قامت وقفت وغمضت عينيها بضيق وتابعت بحده يعني انت عايزني اقعد شهرين اكلم الحيطان يا حساام
سيف بحده انا قولتلك اهلي كلهم معاكي انتي بقى مش مقتنعه فا والله ده ميخصنيش تكلمي الحيطان بقى تكلمي نفسك رايي مش هيتغير مفيش نزول من البيت في غيابي
امنيه شهقت وتابعت بحده لا لحظه بس مفيش ايه ؟؟
سيف بحده مفيش نزول من البيت في غيااابي ايه اطرشيتي
امنيه بحده ليه هتحبسني ولا ايه ده كده سجن مش جوواز
سيف مسك دراعها جامد وتابع بعصبيه اه هحبسك ولو رجلك خطت البيت في غيابي يا امنيه هاجي مخصوص اكسرهالك .. عايزه تنزلي يبقى مع يونس ومشوار قريب غير كده مش هيحصل وصوت اهلك ده لو علي علياا تاني وانتي بتتكلمي اقسم بالله العظيم هديكي قلم ينسيكي اسمك اانا لحد دلوقتي مش عااايز امد ايدي عليكي وماسك نفسي عنك بلعاافيه بس للصبر حدود وهاجي مره مش هسكتلك
امنيه دموعها نزلت وتابعت انت لو بتحبني بجد هتساعدني انجح مش هتاخدني من بيتي وانا دكتوره وتعبت وشقيت علشان تحبسني في بيتك وتسافر وتسبني شهرين وتمنعني من اني يبقى ليا كيان
سيف غمض عينيه بوجع وتنهد بعمق وتابع لو شايفه ان حبي ليكي وخوفي عليكي هو هدم لطموحك وكيانك يبقى انا مش بريئ يا امنيه وشوفي اللي تشوفيه بس انا مش هغير رايي خروج من البيت من غير يونس مش هيحصل وشغل مش هيحصل ولا دلوقتي ولا بعدين
امنيه بدموع طب علشان خاطري فكر ورد عليا بلاش العصبيه تخليك تاخد قرارت سريعه من غير تفكير
سيف بعصبيه مفيهااش تفكير .. معندناش في العيله شغل للحريم ومش هغير رايي فطلعي الفكره دي من دماغك خالص لما انقصك حاجه انزلي اشتغلي
امنيه بدموع ليه شايفها كده انا مش ناقصني ولا هينقصني وكفايه عليا حسك بلدنيا بس كده كده هبقي قاعده مش بعمل حاجه واوعدك هقفل العياده طول فتره تواجدك معايا ومش ههتم بحد غيرك يعني مش هنقص من اهتمامي بيك والله
سيف غمض عينيه بعصبيه وتابع يا امنيه انا مبحبببش الرغي الكتيير والمناهده ومبغيرش رايي ولا برجع في قرار خدته حتى لو قولتي ايه وعملتي ايه فقولت مفيش شغل يبقى مفيش شغل مفيهاش نقاااش خلاص خلصنا اشتري دماغك بقى ومتزوديش هم فوق همي
امنيه بدموع تمام يا حسام يلا علشان منتاخرش على صاحبك ومسحت دموعها قدام المرايا وظبطت الميكاب وخرجت وهو نفخ بضيق وخرج وراها وقفل الباب ونزلوا ركبوا عربيته وهي كانت ساكته طول الطريق فخدها في حضنه وباس راسها وتابع مش متعود عليكي ساكته كده
امنيه بتنهيده عادي يحبيبي مفيش حاجه
سيف بحب يابت عليا انا الكلام ده وباس خدها وتابع حقك عليا انا مقصدش اتعصب عليكي بس الموضوع ده بنسبالي لا يا امنيه حقيقي مش هقدر
امنيه بتنهيده خلاص يحبيبي محصلش حاجه
سيف بتنهيده بكره هتعرفي اني فعلا بحبك وخايف عليكي وعايز راحتك مش قصدي اي حاجه من اللي بتفكري فيها
امنيه بتنهيده لا عادي انا مبفكرش في حاجه مش عارفه دخلت كليه طب اسنان ليه اما مش هحضر حفله تخرجي ولا هشتغل اصلا
سيف بحب دخلتيها علشان تحققي حلمك بكونك طالبه منها وولادك يبقوا فخورين بيكي ان امهم اجمل دكتوره في الدنيا ولما يعوزوا حاجه انتي تفهميهم انما بصي للاساس الشغل مش للستات نهائي انتي ربنا خالقك بطبعك للبيت فخليني انا للمرمطه وخليكي انتي برنسيسه بس هتتمرمطي بردو من تربيه العيال والبيت والمذاكره معاهم هي الدنيا كده مفيهاش راحه خالص والله
امنيه بضحك معادا القسمه المطوله مش هعرف خالص اشرحهالهم فا دي خليها عليك
سيف بضحك عادي ولا يهمك انا جيت فتره اثناء الكليه اشتغلت محاسب فبفهم في الرياضه حلو اوي
امنيه بضحك طب حلو اوي كده اتفقنا
وبعد شويه وصلوا في مكان على البحر ووقف وتابع يلا انزلي
امنيه بستغراب وصلنا خلاص ؟
سيف بحب اه
ونزل وهي نزلت ومسك ايديها ودخلوا وفضلت تبص على المكان باعجاب كان فيه ممر مليان ورد من الجنبين بيمشوا فيه في النص والبحر جمبهم واصوات الامواج حلوه جدا ومريحه للاعصاب وفي نسمه هوا هاديه وامنيه مشيت معاه في الممر وهي مبتسمه جدا وبتبص للمكان باعجاب لحد ماوصلوا لستاره كبيره اخر الممر بتمنع انهم يعدوا فتابعت امنيه بستغراب اما الممر خلص خلاص ومفيش حد غيرنا رغم ان الديكور فكل المكان يجنن بجد .. فين الخطوبه بقى ؟؟
سيف بص لامجد اللي كان مسئول عن التحضيرات وشاورله بمعنى تمام امشي انت فابتسمله ومشي وامنيه بصت عليهم بستغراب وتابعت مين ده كمان
سيف بحب هو انا وعدتك بايه لما قومتي من الغيبوبه ؟
امنيه ضيقت عينيها باستغراب وتابعت مش فاكره وعدتني بايه؟
سيف بحب هعد لحد تلاته وهتعرفي ورفع ايديه يعد عليها وتابع :واحد .. اتنين .. تلاته والستاره وقعت وفي صوت لناس كتير جدا قال في نفس اللحظه : مفاجاااااه وفضلوا يضحكوا ويسقفوا بفرح
فبصت امنيه بتفاجئ شديد وحطت ايديها علي بوقها والدموع اتجمعت في عينيها من الفرح وهي شايفه صحابها بتوع الكليه وبتوع ثانوي وكل القريبين منها متجمعين ولابسين الروب والطاقيه بتوع التخرج والديكور حوالين البحر شكله يجنن فبصت لسيف وتابعت بدموع فرح : ايه ده انت عملت ايه وفضلت تعيط وحضنته
سيف حضنها وتابع بحب الناس كلها اتخرجت بس القمر بتاعتي انا .. مش زي اي حد فقررت اعملها يوم معين لوحدها واجيب فيه كل صحابها اللي بتحبهم من زمان علشان تحتفلي معاهم وتعوضي يومك بيوم اجمل وعلى البحر كمان قدام اكتر مكان بتحبي تيجي فيه وبيريح اعصابك
امنيه بدموع فرح انا بجد بحبك اوي اوي ومش قادره اصدق ايه الحلاوه والجمال ده
سيف باس راسها وتابع بحب وانا بموت فيكي والله العظيم ومقدرش اني اعدي تعبك كده من غير يوم تفرحي فيه بمجهودك فكل يوم في الكليه دي انا عارف انتي تعبتي قد ايه وتستاهلي
وشاور لسلمى اقرب صاحبه فكليه طب اسنان لامنيه فجات ادتله كيس شفاف فيه هدوم فبص لامنيه وابتسم وتابع جيه دور مراتي اجمل خريجه في الدنيا تلبس الروب والطاقيه بتوعها
امنيه عيطت بفرح وهي بتضحك من قلبها ومش مصدقه اللي بيحصل وسيف فتح الكيس ولبسها لبس التخرج فوق الدريس وشكلها كان يخطف فابتسم وتابع ايه الجمال والحلاوه دي كلها عمري ماشوفت واحده بتتخرج قمر كده اجمل سينيور عيني شافتها في الدنيا بجد
امنيه بدموع فرح والله ده مفيش في جمال وحلاوه عينيك والحفله دي بنسبالي فعلا احسن بكتير من اللي كنت هحضرها كفايه انك معايا فيها وجوزي يعني حقي احضنك فكل الصور و اوثق معاك كل لحظه
سيف بضحك يسلام طب ده انا يبختي بقى
امنيه ضحكت بفرح وباست خده وتابعت هتصور مع صحابي وجايه نتصور بس هو عادي اروح عند الديكور اللي قدام البحر ده ؟؟
سيف بحب المكان كله تحت امرك انا عامله علشانك
امنيه بدموع فرح ينورعيني انت والله بموت فيك مش عارفه اقولك ايه بجد
سيف بحب مش عايزك تقولي اي حاجه انا خدت كل اللي محتاجه من نظره عينك وفرحتك دي لان دي عندي بلدنيا كلها وانتي لسه متعرفيش فعلا انا بحبك قد ايه علشان كده بتقولي الكلام ده ورفع ايديها باسها وتابع بحب ده انا مستعد اعمل اي حاجه علشان بس اشوفك بخير ومبسوطه
امنيه حضنته وتابعت بدموع فرح ربنا مايحرمني منك ابدا يانورعيني وخرجت من حضنه وتابعت جايلك هاا
سيف بحب روحي يعمري اتبسطي وراح قعد عند كرسي بعيد شويه صغيرين وبقى يتفرج عليها
والبنات شغلوا اغنيه اجدع صحاب وراحو شدوها وبقيوا يتنططوا على الاغنيه بفرح وهما بيرفعوا الطاقيه بتاعت التخرج وبيحضنوا امنيه وهي مبسوطه جداا معاهم وسيف لما لقاهم بيتنططوا مرضيش يبص عليهم وسابهم على راحتهم وفتح فونه وبقى يسكرول على الفيسبوك ولقى امنيه مغيره صوره الاكونت بصوره ليهم يوم كتب كتابهم وكاتبه فوقيها “” لَمْ يَكُنْ لَدَيْهَ جَانِبٌ أَسْوَدْ حَتَّى عَيْنَاهَ كَانَتْ عَسَلِيَّة♥️🫂””
فابتسم وتابع بضحك يابنت الكلب انتي ما حسام مكنش عينيه عسلي تحس انها فرحت ان عيني طلع لونها كده وضحك وتابع بس حبيبت قلبي والله العظيم بعدين تنهد وتابع هو انا هفضل فاتح اكونت حسام لحد امتى بجد والله كويس الناس فاهمه بعمل كده ليه بدل مايقولوا مجنون وبعدين داس يحط استوري واختار صوره ليه هو وامنيه وحطها وكتب كابشن “” “منذُ أنْ وقع بَصري عليها، لا أُفكر في أنْ أستردّ عيوني فتلكَ الرَقيقَةُ يا سَيدِي هي كُل جيشِي ♥️💍” وبص عليها لقاها بتتصور وهي فرحانه جداا وبتضحك وعماله ترفع الطاقيه بفرح فابتسم على فرحتها وسرح فيها
فسلمى جاتله وتابعت يلا يا سيف تعالى سلمها الدرع
سيف انتبهلها وتابع بخوف هششش متقوليش سيف خليكي في حسام طول ما احنا قدامها
سلمى بحب متخافش هي مش هتسمعنا الاغاني عاليه جدا ويلا علشان اصوركم كمان
سيف بتنهيده اقعدي ثواني يا سلمى
سلمى قعدت وتابعت ايه في ايه مالك
سيف بتنهيده انتي اقرب واحده لامنيه من ساعه ما دخلت طب اسنان وتنهد بعمق وتابع تفتكري لما تعرف هتعمل ايه
سلمى بحب من واقع معرفتي بصاحبتي هتزعل شويه وهتاخد موقف اه بس مش هتتخلى عنك واي واحده بصراحه لو مكانها مفروض على كل الحب اللي انت قدمتوا ده تبوس ايديها وش وضهر كفايه انك فارس
سيف بابتسامه ربنا يطمن قلبك زي ما طمنتيني .. امانه عليكي ايدك في ايدي لما اعرفها
سلمى شاورت على عينيها الاتنين وتابعت بحب من العين دي قبل العين دي حاضر والله انوي بس وكلمني
سيف بحب بجد مش عارف اقولك ايه تعبتك وخليتك كلمتي كل البنات وكنتي مع امجد في التحضيرات من اول اليوم
سلمى بحب متقولش حاجه ده انا عنيا لامنيه والله العظيم
وامنيه خدت بالها انهم قاعدين سوا فاراحت عندهم وتابعت بابتسامه خير هو الموضوع مهم ولا ايه
سيف قام وقف وتابع بحب لا يحبيبي مفيش حاجه انا كنت بشكرها بس علشان خاطر وقفت جمبى في تحضير المفاجاه ليكي
امنيه بصتله برفعه حاجب وتابعت اممم طب يلا تعالى علشان نتصور
سلمى بحب تعالي بس يديكي الدرع وتتصوروا سوا
امنيه ضحكت وتابعت حتى ده خدتوه من النيش طب والله ماخدت بالي انه مش موجود
سيف بضحك عيب عليكي ظابط بقى ببقى واخد بالي جدا من كل حاجه وانا بعملها
امنيه بحب اشطر ظابط في الدنيا والله وباست خده ومسكت ايديه ومشيوا بعدين سابها سيف واتقدم وقف على المسرح الموجود في اخر المكان ومسك الميكروفون وتابع بحب يمكن الكل اتخرج خلاص بس حبيبت قلبي مقدرتش تحضر حفلتها اليوم ده لظروف كانت صعبه علينا كلنا وانا شايف ان الحمدلله ربنا جعل دي ميزه علشان تتعوض وست البنات يتعملها يوم لوحدها وتفرح اكتر .. ودلوقتي هتطلع تستلم شهادتها واخيراا وهيتقال عليها لقب دكتوره رسميااا وتابع بحماس الدكتور امنيه محمد والبنات سقفوا بفرح شديد وزغرطوا بحماس وفرح
وامنيه دموعها نزلت بفرح وخدت الممر والسلالم جري وطلعت لسيف حضنته وضمها اكتر وتابعت بدموع فرح انا مكنتش عارفه يعني ايه حياه غير لما انت جيت انت عيشتني الجنه على الارض بجد
سيف باس جبينها وتابع بحب مش معايا الحور لازم تعيش في الجنه
امنيه ابتسمت بدموع وتابعت طب ايه مش هتديني الدرع
سيف بضحك مش قبل ما تقولي القسم علشان نكمل اليوم صح من كل حاجه هو اه مش هشغلك بس القسم يتقال بردو
كلهم فضلوا يضحكوا فتابعت امنيه بضحك ماشي يا سيدي هقول القسم
سيف بحب ارفعي ايدك وقولي ورايا .. اقسم ان امارس مهنه طب الاسنان
امنيه ابتسمت بحب والدموع اتجمعت في عينيها وتابعت اقسم ان امارس مهنه طب الاسنان
سيف بحب بامانه وشرف
امنيه بجب بامانه وشرف
سيف بابتسامه وان احافظ على صحه مرضاي واصون خصوصيتهم
امنيه بدموع فرح وانا احافظ على صحه مرضاي واصون خصوصيتهم
سيف بحب وان اعمل على تقديم افضل مستوى من الرعايه
امنيه بدموع فرح وان اعمل على تقديم افضل مستوى من الرعايه
سيف بحب ملتزمه باخلاقيات المهنه وتعليمها
امنيه بحب ملتزمه باخلاقيات المهنه وتعليمها
سيف بحب مبروك يا دكتوره واداها الدرع والبنات زغرطوا بفرح وكانوا بيصوروهم فابتسمت امنيه بدموع واتصورت معاه بلدرع والشهاده وتابعت انت جبت القسم ده منين ؟
سيف بضحك لا ده انا ألفته حالا وانا واقف
امنيه بدموع فرح حلو اوي بجد
سلمى بحب يلا تعالوا اصوركم وسابت امنيه حاجتها ونزلت مع سيف وراحوا عند البحر وحضنته واتصوروا بعدين رفعت الطاقيه بايد والتانيه حضناه بيها وصورتها بعدين باست خده وصورتها وفضلوا يتصوروا صور كتير كلها باين فيها فرحتها ونرمين بعتتلها علشان يروحوا للدكتوره قالتلها تأجلها لبكره علشان هي بتخرج مع حسام وبصتله وتابعت بدموع فرح انا بجد طايره من فرحتي .. شكرا لوجودك في حياتي انت فرحتني اضعاف ما كنت هفرح لو حضرت الحفله
سيف بحب الحمدلله انك فرحتي دي اهم حاجه هو ده كان الهدف اصلا وباس راسها وتابع بضحك علشان لو مرجعتش من السفر بس تبقي راضيه عني
امنيه شهقت وضربته في صدره وتابعت بدموع اخص عليك قطع لسانك متقوليش كده
فضحك سيف وخدها في حضنه
—–
عند مازن وياسمين الساعه كانت 8 بليل
مازن جيه من شغله بدري ملقهاش تحت فطلع شقتهم ودخل الاوضه لقاها نايمه فاستغرب وفتح النور وراح قعد جمبها وحط ايديه على خدها وتابع حبيبتي .. بت يا ياسمين وخبط عليها بخفه وتابع يابت
ياسمين بنوم اممم ايه يا مازن
مازن ايه يحبيبي كل ده نايمه بتهزري دي الساعه 8
ياسمين بتعب هو انا عارفه انام بسبب زين بيه ده ضهري هيتقسم من الحركه بتاعته والضرب وحاسه جسمي كله واجعني وكل ما اغمض شويه اقوم ونومي متقطع وحاجه اخر قرف
مازن بتنهيده حقك عليا وباس راسها وتابع طب قومي خدي شاور كده وفوقي بعدين اعملك تاكلي انتي فطرتي الاول ؟
ياسمين بتعب يونس نده عليا لما عرف اني منزلتش تحت انهارده وطلعت عنده اكلنى زبادي وفينو بلعافيه رضيت اكلهم مش قادره بجد
مازن بتنهيده لا كويس انه عمل كده مينفعش مكنتيش تاكلي خالص انا كسرت الفون عليكي علشان اشوفك فطرتي ولالا مكنتيش بتردي تعالي اقعدي في البانيو ريحي جسمك وانا هعمل العشا حاجه خفيفه مش هتتعبك
ياسمين بتعب الفون مسمعتوش حقك عليا ولا يحبيبي متتعبش نفسك انا هفوق واعمل مش تيجي من الشغل تقف تطبخ
مازن بحب ياستي هو انا اشتكيتلك يلا بس قومي معايا
فياسمين قامت معاه وسندت على صدره وتابعت بتعب مش قادره بجد حاسه كأن رجلي مورمه
مازن تنهد وتابع ربنا يقومك ليا بالف سلامه ينورعيني هانت دخلنا في السادس خلاص
ياسمين بتعب يارب يا مازن بجد حقيقي مش قادره
ودخلوا الحمام وملى البانيو بلمايه وساعد ياسمين تشيل هدومها وشالها حطها في البانيو فرجعت ضهرها لورا وتأوهت بتعب
فباس راسها وتابع الحمل تعبك اوي بجد
ياسمين بتعب فوق ما تتخيل مش فاهمه مالي فيا ايه
مازن يحبيبتي الناس كلها مش زي بعض قولي الحمدلله احسن من غيرنا وانا جمبك والله مش هسيبك متخافيش
ياسمين بتعب ربنا ميحرمنيش منك ابدا بجد وغمضت بتعب ورجعت ضهرها لورا ومازن فضل يعملها شعرها وهما بيتكلموا بعدين غسله كويس وتابع خليكي انتي لحد ما جسمك يرتاح وانا هروح اشوف هعمل اي وهجيلك كل خمس دقايق علشان لو عايزه تقومي
ياسمين بتعب ماشي يعمري روح انت
بلفعل مازن راح يعمل الاكل وكل شويه كان يجيلها لحد ما قالتله يطلعها فشالها من البانيو وبقي ينشف جسمها وساعدها تلبس كاش مايوه مريح وواسع عليها علشان بطنها وسندها وخرج بيها وشغل الاستشوار ونشف شعرها وخدها في حضنه ومشي بيها
ياسمين بتعب وديني انام بالله عليك مش عارفه انام كويس
مازن بحب تاكلي ونامي يحبيبي مش بمنعك والله بس علشان تاكلي
ياسمين بتعب طب ارتاح شويه لحد ما الاكل يستوي مش قادره
مازن بحب من عيوني حاضر وقعد وخدها في حضنه وبقى يطبطب عليها فتأوهت بوجع
مازن بخوف ايه مالك في ايه
ياسمين مسكت في تيشرته جامد وهي مغمضه عينيها بوجع وتابعت ابن الكلاب بيضربني ونازل عند الحوض مش قادره
مازن برفعه حاجب اهزقك طيب؟
ياسمين بضيق انت ماسك فياا اانا وساايب افعاله !!!
مازن بضحك حاضر هنخليه ميضربكيش ولا تزعلي حتى الواد هتنزل تفكيرها لتفكيره صبرني يارب وحط ايديه على بطنها وتابع بحب بكره يجي ويريحك من تعبك الجسدي وضحك وتابع انما موعدكيش انك هترتاحي
ياسمين بابتسامه متعبه : انا عارفه اني مش هرتاح غير في الاخرى خلاص والله
مازن بحب الف بعيد الشر عنك متقوليش كده وباس جبينها وتابع مش هسيبك لوحدك متخافيش كل حاجه هنعملها سوا
ياسمين بضحك كلهم بيقولوا كده في الاول
مازن بضحك لالا متقلقيش انا غير اي حد وانتي عارفه
ياسمين بحب ربنا ميحرمنيش منك ابداا يارب ونامت على صدره وهو فضل يمشي ايديه على شعرها وباس راسها وتنهد بارتياح وتابع احيانا بسرح بقول ازاي كل ده حصل وانتي بقيتي معايا والكل عارف وشايله ابني كمان وابتسم وتابع ساعات بحس اني بحلم لاني لما بفكر فكل اللي عشناه وارجع للواقع الاقينا سوا خلاص بحس بذهول فبحمد ربنا علي نعمته بجد
ياسمين بضحك والله وانا زيك الحمدلله بجد اننا وصلنا لهنا يا حبيب العمر وباست خده
مازن بصلها بحب وسند جبينه على جبينها وتابع بحب : كل رزقي في الدنيا اتجمع فيكي بجد يا ام زين وباس جبينها وخدها في حضنه وفضل يمشي ايديه على شعرها
————-
تاني يوم الصبح عند سيف صحي على صوت رنه فونه وكان العميد فاتعدل وقام رد عليه وتابع بنوم صباح الخير يا فندم
-بستغراب دلوقتي !!
-تمام يا فندم سلام
وقفل معاه ونفخ بضيق وقام جاب شنطته وحط فيها لبس الجيش ولبسه والحاجات االلي هيحتاجها وامنيه صحيت على الاصوات وتابعت بنوم تؤ تؤ تؤ في ايه على الصبح يحبيبي
سيف بتنهيده معلش يا امنيه حقك عليا نامي انتي انا بس بحضر شنطتي فبجيب الحاجات من الشرق والغرب ومستعجل فبتقع مني
امنيه اتعدلت بسرعه وبصتله وتابعت وبتحضرها دلوقتي ليه
سيف بتنهيده رايح الشغل
امنيه بصدمه نعم هو مش مفروض بكره !!!
سيف بتنهيده العميد اتصل وعايزني انا قرفت والله
امنيه بضيق ده والله انا اللي قرفت ومعرفش من امتى طبيعه شغلك تخليك تسبني كل ده
سيف قفل السوسته بعصبيه وتابع خلصنا يا امنيه انا جايب اخري مش اللي هنعيده هنزيده
امنيه بدموع طب خليك انهارده علشان انا هروح عند
سيف بمقاطعه وبحده يابنتي مش بمزااجي قولت هو اللي اتصل بياا عايزني اغور انا بتأمر وبس في ام الشغل ده متتعبيش اعصابي بقى وتعيطي على الصبح
امنيه تراجعت انها تقوله انها رايحه للدكتوره علشان الحمل وتابعت بوجع تمام يا حسام تروح وتيجي بخير يحبيبي
سيف بتنهيده كنتي بتقولي هتروحي فين ؟
امنيه بابتسامه حزينه: لا ابداا كنت هروح لماما علشان عزمانا انا وانت بس تتعوض
سيف بحب اكيد هتتعوض اعتذريلها وقوليلها اني غصب عني وهي هتتفهم انا واثق
امنيه بابتسامه حزينه: اكيد حاضر
وسيف اختار قميص اسود وبنطلون جينز ولبس وبيقفل زرايره وتابع مش عايزك تزعلي مني ابوس ايدك
امنيه ابتسمت بوجع وتابعت مش زعلانه يحبيبي متخافش
سيف خلص لبسه وسرح شعره وراح مسك دراعتها وقربها منه وتابع وعينيه مليانه بوجع : انتي عارفه يعني ايه هقعد 60 يوم مش هشوفك ؟؟ وانا اصلا تعبت من كتر ما الدنيا حرمتني منك وماصدقت بقيتي معايا .. بس وغلاوه امنيه في قلبي مش بايدي
امنيه حطت ايديها على خده وتابعت بابتسامه عارفه يحبيبي ولو بلوم عليك فعلشان نفسي اوي تكون جمبي العمر كله مش دلوقتي وبس وتنهدت بوجع وتابعت بس يلا ماهي مش كل حاجه بتمشي زي ما احنا بنتمنى
سيف بوجع حقك عليا وخلي بالك من نفسك واوعي تخرجي من البيت من غير اذن يونس ويكون معاكي
امنيه بدموع حاضر وانت كمان خلي بالك من نفسك
سيف بوجع ابوس ايدك متعيطيش وسند جبينه علي جبينها وحط واحده من ايديه على خدها وتابع بوجع : انا بالي هيبقى معاكي علطول يا امنيه .. وهبقى بخير طول ما انتي بخير ..وابتسم بوجع وتابع : عارفه انا اول مره يكونلي نقطه ضعف وانا شغال .. اول مره احس اني ماشي في حرب وضهري مكشوف كده وليا ايد بتوجعني حد يمسكني منها .. اول مره محسش بامان بس اللي مطمني اني واثق فيكي هتسمعي كلمتي
امنيه بقلق ودموع هو في ايه يا حسام ؟؟!!!
سيف ابتسم بوجع وهو لسه ساند جبينه على جبينها وتابع مفيش حاجه ينور عيني انا خايف عليكي بس علشان هسيبك لوحدك فتره طويله وعايزك توعديني تخلي بالك من نفسك وتسمعي كلمه يونس
امنيه بدموع اوعدك هعمل كده متخافش عليا والله العظيم
فغمض سيف عينيه بوجع وتابع اشوف وشك بخير
امنيه عيطت بانهيار وحضنته جامد وفضلت تعيط وهو حط ايديه الاتنين على ضهرها وضمها ليه ودموعه نزلت بوجع على كتفها وتابع امنيه ابوس ايدك متصعبيهاش علياا دي عمرها ماحصلت
امنيه بعياط قلبي مش مطاوعني اسيبك تمشي انا خايفه عليك بجد حاسه احساس وحش اوي
سيف بوجع لا يحبيبي لا متخافيش جوزك قد اي حاجه وبصلها وابتسم وتابع ادعيلي المهمه دي تخلص على خير لانها مش شرط تخلص بعد الشهرين لان انا لو نجحت فيها هبقى مقدم
امنيه ابتسمت بفخر من بين دموعها وتابعت كلنا فخورين بيك وانت قد اي حاجه والله العظيم وربنا هينصرك وهتقول امنيه قالت وحضنته وتابعت ربنا معاك ويحميك يحبيبي وشددت من احتضانه وتابعت بعياط وهتواحشني اوي اوي بجد
سيف بوجع وانتي اكتر والله وهمس لنفسه يحبيبت عمري وبصلها وحط ايديه الاتنين على خدها ومسح دموعها وقرب باسها بحب وعمق وهي بادلته بنفس المشاعر بعدين بعد عنها وهمس وهو ساند جبينه على جبينها انا لازم امشي دلوقتي ها
امنيه بدموع طب استني افطر معايا على الاقل
سيف بحزن مش هعرف وحياتك عندي وراح مسك شنطته وتابع يلا هنزل انا
فامنيه حضنته تاني وعيطت وتابعت ابوس ايدك متطولش عن شهرين وارجعلي
سيف حضنها جامد وتابع راجعلك يا امنيه .. والله راجعلك وباس جبينهاا ومشي بشنطته وهي واقفه بصاله ومانعه دموعها تنزل فبصلها بوجع بعدين نزل فقعدت على الارض وفضلت تعيط وهو عارف ان هتعمل كده بس مش بايده حاجه يعملها وخبط على امه
ففتحت وتابعت بحب تعالي يحبيبي ادخل
سيف تنهد وتابع انا جاي اسلم عليكي وماشي ياست الكل راجع سينا
نرمين بصت لشنطته بدموع وبصتله وتابعت طب وامنيه قولتلها ايه
سيف بوجع قولتلها انجلترا عندي مهمه خلي بالك منها ياما ابوس ايدك حطيها في عينيكي
نرمين بعياط هو انت مش ناوي تتوب من ام دي شغلانه
سيف بوجع ياما .. ياما ابوس ايدك انا مش ناقص كفايه المناحه اللي عملتهالي امنيه وجابت اجلي
نرمين بعياط ماحقها بردو يا سيف هي لحقت تفرح البت وباست راسه وتابعت بعياط يا ابني انا ماليش غيرك والله لو حصلك حاجه هتجيب اجلي المره ده
سيف بوجع ادعيلي انما مش تقعدي تعيطي وانا والله الشهرين دول البدايه متخافيش عليا الخطر لسه قدام انا صريح معاكي دلوقتي متقلقيش وبعون الله دلوقتي وبعدين بردو هنتنصر
نرمين بعياط ربنا ينصرك على كل عدوينك يا قلب امك ويحميك ويحفظك لينا يارب وحضنته وتابعت هتواحشني اوي اوي يا نورعيني
سيف حضنها وتابع وانتي اكتر والله العظيم
نرمين بعياط متغبش عليا يا سيف ده انا روحي فيك كفايه اللي راح مني يابني انا دلوقتي بقيت املي عيني وشوقي ليكم انتوا الاتنين في ملامحك وطلتك عليا
سيف بوجع عارف والله وباس راسها ومسح دموعها وتابع متعيطيش دموعك غاليه وادعيلي كتير وتنهد بعمق وتابع يلا هستأذن انا
نرمين بعياط ربنا معاك وينصرك يا ابني ويوقف في طريقك ولاد الحلال ويبعد عنك اللي عايزين الشر ليك قادر ياكريم
سيف بابتسامه احلى حاجه عملتيها افضلي على كده انك تدعيلي انا محتاج دعواتكم علطول وباس راسها وخلاها تبطل تعيط ونزل سلم على الكل بعدين راح في طريقه لبيت لزينب
——————-
عند زينب كانت قاعده بتتفرج على الشاشه وبتحضر الجلسه لحسام والباب خبط فتابعت افتحي يا اسماء
اسماء بحب حاضر وراحت فتحت وتابعت سيف اتفضل
سيف دخل وتابع اوعي يا اسماء متاخر عايز ادخل اغير بسرعه وشد شنطته ودخل اوضه الاطفال
زينب بستغراب مين يا اسماء
اسماء قفلت الباب وراحتلها وتابعت بستغراب ده سيف بيقول عايز يغير بسرعه ودخل اوضه حسام
زينب بستغراب يغير !! يغير ايه وقامت وقفت وراحت عند الاوضه وخبطت وتابعت سيف انت لبست ؟
سيف ثواني طالعلك يا زوزا
ودقايق وطلع كان لابس لبس الجيش فتابعت زينب اااه علشان امنيه صح
سيف بتنهيده اه طبعا خوفت البسه عند اي حد تشوفني وانا نازل وباس راسها وتابع انا راجع سينا خلي بالك من نفسك ومن حسام واقعدي في البيت الرفاعي لما اسماء تبتدي تنتظم في شغلها واي وقت يونس ومازن واحمد معاكي
زينب بدموع بالله كرهتوني في الجيش واللي خلفوه
سيف بتنهيده بالله عليكي يا زينب مش انتي كمان ومسح دموعها وتابع اهدي ابوس ايدك هو شويه ايام وهيعدوا هوا وراجعين انتوا بس ادعلونا
زينب حضنته وتابعت بدموع هتواحشني اوي يا نورعيني
سيف غمض عينيه وحضنها اكتر وتابع وانتي اكتر والله العظيم وابتسم وتابع خلينا جامدين بقى مش عايز امشي قلقان عليكي
زينب عملت التحيه وتابعت بابتسامه من بين دموعها كله تمام يا سياده الرائد متخافش علينا
سيف ضحك وتابع قلب سياده الرائد وباس راسها وتابع فين قلب خالو هاتيه اسلم عليه
زينب اهو مقعداه ياخد الجلسه فراح سيف شاله براحه وباس خده وتابع خلي بالك منه يا زينب بالله عليكي
زينب بحب ودموع: متخافش في عيني ده الغالي ابن الغالي
سيف بضحك ماشي يابنت الكلب يلا همشي انا
زينب باست خده وتابعت بحب دي ليك وباست خده التاني وتابعت ودي لعمر قوله اني بعتهالوا
سيف فضل يضحك وتابع خدي بالك بقيتي بتتكلمي بجرائه قدامي ولولا متاخر كنت وريتك دي لعمر ازاي بس معلش تتعوض وانا هعتبر نفسي مسمعتش حاجه
زينب فضلت تضحك من بين دموعها فتابع سيف وانتي صح يا اسماء انا بعت رقمك لدكتور ذياد هيكلمك ولما تنزلي الشغل هينزل معاكي
اسماء بحب تمام اتفقنا تروح وترجعلنا بالف سلامه يا قائد
سيف بحب تسلمي يا اسماء ومسك شنطته فتابعت زينب بدموع خلي بالك من نفسك يحبيبي ابوس ايدك
سيف بحب حاضر يحبيبتي متخافيش وخد شنطته ونزل
—————
في بيت الرفاعي
امنيه نزلت وتابعت يونس معلش حسام كان قايلي اقولك لما اعوز انزل وانا انهارده محتاجه اروح للدكتوره ضروري وماما نرمين جايه معايا ممكن نروح ؟
يونس بحب ممكن طبعا روحي البسي ويلا علشان اوصلكم
امنيه بحماس تمام ماشي
نرمين متتاخريش يا امنيه عايزين نلحق دور في الاول
امنيه بحب حاضر يا ماما وطلعت
عايده بستغراب مالها امنيه يا ام سيف
نرمين بابتسامه مليانه فرح: شاكين انها حامل باذن الله
كلهم اتفاجئوا فتابع يونس بضحك بتهزري
نرمين بضحك لا بجد باذن الله حامل صح فا خلينا نعدي على المعمل نحلل بلمره ونروح للدكتوره بلتحاليل
صافيه بدموع فرح : يا ما انت كريم يارب ايه الاخبار الحلوه اللي نازله علينا اليومين دول دي
معتز بابتسامه والله لو حصل صح يبقى البت دي ربنا جبر بخاطرها على الشهرين اللي ابنك هيغيبهم عنها كانت هتطول منا ماتحمل بسبب شغل اهله ده
نرمين بحب اه والله يا معتز قولت لنفسي كده
نور بضحك يجماعه متخيلين انه سايبها ميعرفش حاجه هيرجع يلاقيها في التاني ايه ده بجد !!!!
كلهم فضلوا يضحكوا فتابعت نرمين بضحك غُلب ومرار يابنتي والله ربنا يعنيها هي وزينب ويحفظه هو وعمر وكل اللي زيهم قادر ياكريم
كلهم بحب اللهم امين يارب
وشويه وامنيه نزلت وهي جاهزه وتابعت بحماس ها يا يونس يلا ولا ايه
يونس حط كوبايه الشاي على السفره وقام وتابع بحب يلا .. يلا يا مرات عمي وبص لنور وتابع هتعوزي حاجه من تحت ؟
نور بابتسامه لو ينفع هاتلي نوتيلا
يونس بحب ينفع الدنيا كلها تحت رجلك بس النوتيلا والسكريات وانتي عندك التهابات رحم مش احسن حاجه فبلاش علشان صحتك يحبيبي احنا عايزين نخف
عايده بحده ايوه متسمعش كلامها بلاش محن بنات بتحب اللي يضرها من صغرها
نور بضيق مش عايزه حاجه خلاص
يونس باس راسها وتابع بحب بس يا مرات عمي متزعقيلهاش هي عاقله وكبيره وعارفه الصح من الغلط مش كده يا نوري ؟؟
نور ابتسمت بضيق وتابعت اممم كده
يونس ضحك وتابع طب متبينيش انك عاقله اوي كده طيب وابتسم وتابع ليكي عليا تخفي وانا اجبلك كل اللي انتي عايزاه بس نعدي المرحله دي يابابا علشان خاطري
نور بابتسامه خلاص ماشي بس متتاخرش
يونس بحب عيوني وباس راسها وتابع يلا
صافيه بضحك ده كويس شهد نزلت تخرج مع احمد لو كانت هنا كانت كالتك وانت قاعد بتدلع في نور كده
كلهم فضلوا يضحكوا فتابع يونس بضحك اه والله منا بتكلم بقلب جامد واخد بالي ان الدار امان
فكلهم فضلوا يضحكوا ونزلوا بلفعل وعملت التحاليل وراحت للدكتوره مع حماتها ويونس استناهم برا
الدكتوره بحب اتفضلي سمعاكي
امنيه بابتسامه بصي يا دكتوره بصراحه انا عارفه ان حضرتك دكتوره عيله الرفاعي فاختارت حضرتك بلذات وانا شاكه اني حامل فعملت التحاليل وجبتهالك علشان لو حمل هتابع معاكي لو لا هقولك بحس بايه ونشوف ومردتش اسأل الممرضه اللي ادتني التحاليل ولا فتحتهم بصيت فيهم والله قولت اخد الكلمه منك انتي اول حاجه
الدكتوره بحب تمام تحت امرك وريني
نرمين بحب امسكي يابنتي
والدكتوره خدت التحاليل من نرمين وقرائتها وتابعت بابتسامه حامل فعلا الف مبروووك فنرمين زغرطت بدموع فرح ويونس من برا سمعها وابتسم بفرح شديد
امنيه بدموع فرح بتتكلمي جد بالله عليكي متاكده ؟؟
الدكتوره بحب اه والله العظيم حامل وخلي بالك من نفسك لان مش كل الستات بتحس بلحمل بدري كده فانتي حملك متعب شويتين طلما ظهر عليكي بدري
امنيه رايحه تتكلم بحماس “” ف افتكرت حلمها لما فضلت تحط ايديها على بطنها وهي وجعاها وحسام كان بعيد عنها في الفتره دي “”” فبعدين نفضت لتفكيرها لانه شهرين وراجع فهيكون جمبها عادي وابتسمت وتابعت حاضر يا دكتوره متخافيش في عيني والله انتي بس قوليلي هعمل ايه وانا هعمل كل اللي هتقوليه بلحرف
الدكتوره بحب حاضر هفهمك بس اهم حاجه راحتك متعمليش اي مجهود الفتره دي
نرمين بدموع فرح : انا مش هخليها تشيل قشاايه وهخدمها بعيني وتقعد وترتاح المهم يقوموا بالف خير وزغرطت تاني بفرح شديد فقامت امنيه حضنتها ودموعها نزلت بفرح وتابعت ربنا ميحرمنيش منك ابدا يا ماما بجد
نرمين بدموع فرح ولا يحرمني منك يحبيبتي ده انتي حققتي حلم عمري والله العظيم ده انا مش قادره اصدق
امنيه بدموع فرح : اهدي والنبي خلاص ومسحتلها دموعها وحضنتها بفرح وكملوا كشف عليها وادتها فيتامينات تمشي عليها من البدايه وفهمتها هتعمل ايه ونرمين كانت بتستمع بتركيز معاها
—————
وبعد عده ساعااات سيف وصل اخيرا ودخل الوحده بتاعته بعد ماخد سلاحه وغير لهدوم التدريبات فتابع عمر بابتسامه يا مرحب بلغالي واحشتني
سيف حضنه وتابع بحب وانت اكتر والله العظيم ها كنتوا عاملين ايه في غيابي
عمر بضحك زي الفل بس ناقصنا وجودك يا غالي والله .. يلا تعالى الكتيبه كلها واقفه مستنياك
فدخل سيف وبمجرد دخوله كلهم عملوا التحيه فتابع بحب واحشتوني يا رجاله والله
حسن بحب وانت اكتر يا قائد والله
وفضلوا كلهم يسلموا عليه بابتسامه واشتياق
ادم بحب مبارك الجواز يا قائد وحضنه
سيف بحب الله يبارك فيك يارب تسلم وطبطب على ضهره
جاسر بحب عوده حميده يا فندم وحضنه
سيف بحب تسلم يا جاسر ربنا يخليك وطبطب على ضهره
ورايح يتكلم دخل العميد وتابع انت وصلت يا سيف
سيف عمل التحيه وتابع بابتسامه اه يا فندم لسه واصل نورت مكتبك يا سياده العميد
عبد العزيز « ابو ندى » تنهد وتابع انا لسه تعبان بس لما عرفت ان في امكانيه اقدر اشتغل رجعت لان دماغنا بتتفق جداا مع بعض ايه اللي كنت عايز تقولهولي قدام الكتيبه بقى
سيف تنهد بعمق وبصلهم بعدين بصله وتابع انا مش عايز المهمه دي يا فندم وبتنازل عنها
كلهم اتصدموا فتابع عبد العزيز بصدمه نعم انت بتقول ايه يا سيف ؟؟!!!!!
سيف بتنهيده بقول اللي حضرتك سمعتوا العمر غالي مش رخيص وانا التهديد جالي لحد باب بيتي ودلوقتي انا راجل متجوز وعندي اللي اخاف عليه فمش عيب ابداا اني اقول مش هقدر اكملها وخايف وواحد زي حيدر الانصاري انا مش قده
عمر بصله بصدمه من تراجعه فتابع عبد العزيز بعصبيه انت شكلك نسيت نفسك يا حضره الظابط والجواز خلاك ضعيف ومهزوز مش الرائد بتاعي اللي انا متعود عليه
سيف غمض عينيه وتابع يا فندم انا بقولك الحقيقه احسن ما ادخل المهمه ومعملش حاجه غير اني اخسر ارواح
عبد العزيز بعصبيه جرالك ايه يا سياده الرائد من امتى وانت بتخاف او بتتراجع عن مهمه مسكتها هو ده كلامك معايا امبارح والصبح
سيف بحده يا فندم انا كنت موافق بس طول الطريق بفكر فيها لاقيت اني منفعش ومش عيب اقول الحقيقه احسن ما اغرقكم .. رحم الله مرء عرف قدر نفسه .. انا اخويا ماات ومتعلق في رقبتي ولااايا ولو انا غورت في ستين داهيه محدش هيرعاهم بعدي وجيت اقدر حضرتك واقولك قدام كل الناس دي ان انا مش هقدر على المهمه دي للاسف .. حقيقي هي فوق طاقتي .. وشال سلاحه ورماه قدام الكل وتابع بعلن استسلامي لحيدر الانصاري من قبل ما ابدء .. لان المهمه دي مش بتاعتي .. انا عندي اللي اخاف عليه
كلهم اتصدموا واكتر واحد عمر فتابع عبد العزيز بهدوء يسبق العاصفه: اممم وانت عارف عقوبه الظابط اللي يرمي سلاحه قدام القائد بتاعه ويعلي صوته ويرفض مهمه ايه ؟
سيف بتنهيده عارف يا فندم
عمر خاف جدا وتابع بس يا فندم سيف بيه اكيد يقصد ان
عبد العزيز رفع ايديه وتابع بعصبيه هششش محدش يتكلم يا حضره الظابط انتوا هنا مش في زريبه ده جيش وكلكم عارفين يعني ايه جيش بس حقكم امااا القدوه بتاعكم اهو اتجوز وخااب فهتقلدوا مين غيروا يعني .. بس لا يا سيف انا مش هسمحلك تبوظهم زي ما بوظت وبص لعمر وتابع بحده عمرر
عمر بحزن نعم يا فندم
عبد العزيز بعصبيه ودي قائدك للحبس
كلهم اتصدموا وبما فيهم عمر اللي بص لسيف بصدمه وهو مش مصدق ازاي يعمل كده ويتراجع ده عمره ما عملها مهما كان الخطر وقلبه حديد ومش بيخاف وفي نفس الوقت مش هيقدر يوديه بايديه للحبس
