رواية غموض الحب عائلة الرفاعى الفصل الواحد و الستون بقلم لولا
وصحيت من النوم بتصرخ فسيف اتخض وصحي على صراخها وتابع بخوف وهو بيشغل الاباجوره: ايه يحبيبتي ماالك في اييه وفضل يطبطب عليها فتابعت امنيه بعياط ورعب وهي بتاخد نفسها بلعافيه: شوفت كابوس
سيف بخوف اهدي يابابا اهدي خلاص ده حلم وراح لحاله ومد ايديه جاب الكوبايه وحط فيها مايه واداهالها
امنيه خدت نفسها بعمق ومسكت الكوبايه منه وشربت وحطتها على الكومود فخدها سيف في حضنه وفضل يطبطب عليها وتابع بس بس اهدي خلاص انا جمبك
امنيه بدموع وخوف انا مش مرتاحه يا حسام والله ما مرتاحه
سيف بصلها وتابع يحبيبتي دي مجرد احلام متحطيهاش في بالك هتتعبي
امنيه بدموع انا احلامي بتتحقق يمكن مش كلها لان في جزء منها غامض ومفهمتوش لحد دلوقتي بس والله بتتحقق يعني مثلا قبل وفاه واحده قريبه بابا انا حلمت انها ماتت وقبل فرحنا حلمت ان في حد كان واخدك في حضنه وانت مطمنله ومأمنله بعدين طعنك والحمدلله ده محصلش بس انت اتقاال عنك موت فعلا بعيد الشر
سيف اتصدم فتابعت امنيه بتوتر غير يعني الشخص اللي انا كنت بحبه اللي قولتلك عليه ده
سيف بستغراب ماله ده كمان ??
امنيه بدموع وخوف انا مش بحبه هاا علشان متفهمنيش غلط بس انا في حاجه بتربطني بيه انا نفسي مش قادره افهمها بص هو مبدائيا ملامحه انا مش فكراها زي ماقولتلك وانت قولتلي ده مش حب حقيقي وانا كبرت دماغي وصدقتك بس حاسه كأن روحي متعلقه بروحه وخافت وتابعت حسام انا بتكلم معاك حقيقي مش قصدي حاجه انا بحبك والله و
سيف بمقاطعه ابتسم وتابع عارف كملي متخافيش
امنيه بدموع بس فانا بحس ان في حاجه بتربطني بيه غريبه يعني قولتلك هو كان نفسه يبقى ظابط مش متذكره نوع شغله بس هو كان عايز يبقى ظابط هل حقق حلمه ولالا معرفش بس بحلم بقالي فتره قبل جوازنا بشخص ملامحه مش واضحه وبيتصاب بلنار وانا بخاف عليه وبصحى مش فاكره مين ده وبكلمك بتقولي انك بخير وده احد اسباب اني كنت بروح اتعالج لاني بحبك بس حاسه ان احلامي بتوجهني لاحساسي بحد تاني غير خطيبي اللي هيبقي جوزي
سيف اتصدم بشده وتابع طب متفتكريش اخر مره حلمتي انه مصاب امتى ؟؟
امنيه حاولت تفتكر وتابعت ااه يوم خطوبتنا الصبح قبل ما اصحى اجهز حلمت انه بيتصاب وصحيت مخضوضه بس انت جيت خطبتني واليوم عدا طبيعي عادي فمهتمتش بس بتسال ليه ؟؟
سيف اتصدم بشده ان فعلا امنيه بتحس بيه لدرجه مرعبه علشان هو فعلا اتصاب يوم خطوبتها على حسام فتابع بتوتر لا ابداا بقول يمكن كنت متصاب وخبيت عنك لاني لما بتصاب مش بقولك بس التاريخ ده مستحيل
امنيه بدموع منا عارفه انه مش انت بس تعبت والله طب هرتاح امتى هو انا مريضه يا حسام
سيف ابتسم وتابع انتي مفيش منك سيبك من كل ده وانا جمبك ومش هتخلى عنك واياً كان حلمك هنعدي كل اللي جاي سوا .. احكيلي حلمتي بايه ؟؟
امنيه دخلت في حضنه وتنهدت بعمق فباس راسها وفضل يمشي ايديه على شعرها فتابعت: حلمت اني ماشيه على البحر وبدور عليك فلاقيتك جيتلي لابس ابيض في ابيض وبكلمك مش بترد علياا ومسكت ايدي مشيت بيا وورتني واحد تاني نسخه منك فاسيف اتصدم فتابعت امنيه وكان لابس تيشرت اسود وبنطلون جينز عادي ولما شافني حضني كأنه كان مش لاقيني وماصدق شافني وفضل يقولي حقك عليا وانتي كويسه وكلام زي ده فبعدين اللي زيك اللي لابس ابيض ده قالي على التاني ده المستقبل والحاضر وهتواجهوا صعوبه علشان تخرجوا من القريه دي واختفى من قدامنا ومشي وانا لسه مصدومه فالاقيتك طلعت سلسله عليها قلب احمر بينور جامد لبستهالي وفاجاه جم ناس لابسين اسود في اسود وحتى وشهم مش باين خدوني في ناحيه وخدوك في ناحيه وفضلنا نصرخ وننادي على بعض بعدين رموك في سجن وانا جريت منهم وقبل ما اوصل للسجن ده حطوا قدامي حجر كبيير بيفصل بيني وبينك وانا كنت تعبانه وبطني بتتقطع وخايفه اوي وبخبط على الحجر وانادي عليك وانت مش بترد عليا بعدين شوفت عليه ساعه وبتعد وقت وانت قولتلي استحملي يا امنيه وقت وهيعدي وهجيلك وبوطى لقيت جزمه بينك وتوكه بتوع بيبي ومسكتهم وفضلت اعيط واخبط على الحجر وانادي عليك واقولك اني محتجالك وصحيت
سيف اتصدم وتابع بقلق : اعوذ بالله من الشيطان الرجيم ايه ده بجد
امنيه بضيق والله ما عارفه يا حسام تفسيره يطلع ايه بقى معرفش وبصتله وتابعت هو انا كل اللي فهمته ان احنا هندخل في مرحله صعبه وهنجيب بنوته بسبب اللون البينك بتاع الجزمه والتوكه بس غير كده مش مستوعبه .. يعني ايه الناس اللي لابسه اسود في اسود اللي فرقتنا دي معرفش .. وليه في حد شبهك بلظبط كل ده بنسبالي مجهول
سيف غمض عينيه بوجع وتابع حبيبتي الفجر هيأذن اهو قومي نصلي واهدي باذن الله خير ومفيش اي حاجه
امنيه تنهدت بعمق وتابعت ارجع اروح لدكتورتي ??
سيف ابتسم وبصلها وتابع لالا متروحيش انتي مفكيش حاجه وضحك وتابع ده انتي فيكي شئ لله يعمري مش تعبانه ولا حاجه وعادي اي مشكله هندخلها احنا قدها وكده كده هي فتره وهتعدي مفيش حياه وردي علطول واكبر دليل الساعه اللي شوفتيها اللي بتعد وقت يعني مفيش حاجه تخوف في النهايه انا وامنيه وبيري مع بعض
امنيه بدموع يارب بجد يا حسام وحضنته فباس راسها وطبطب عليها وتابع بابتسامه يلا قومي نتوضى علشان نصلي
امنيه هزت راسها بماشي وقامت تتوضى ودخلت الحمام وهو تنهد بعمق وحط راسه مابين ايديه وتابع حبكت يعني يا حسام تجيلها في حلم زي ده .. انت بتنبها للي هيحصل علشان ناخد بالنا ولا عايز تعرفها وتسهلها عليا وتنهد بوجع وتابع انا بجد تعبت ومش عارف اعمل ايه وقام اتوضى وخرج فرد السجاد وامنيه خرجت وقفت وراه وصلوا مع بعض بعدين قاموا فتابعت امنيه بابتسامه تقبل الله
سيف باس راسها وتاابع بحب منا ومنكم ينورعيني وبيشيل السجاده فتابعت امنيه بحب خليك خليك انا هشيلهم ووطت جابتهم وبتطبقهم فقعد سيف على السرير ورجع ضهره لورا وتنهد بتعب
فتابعت امنيه بحب هحطهم في الدولاب وجيالك وفتحت دولاب سيف حطتهم ولفت نظرها حاجه باين منها حته بتعكس النور في وسط الهدوم فشدتها لقيتها سلسلتها اللي باسمها فاتصدمت وتابعت حسام انت جبت دي ازاي ؟؟
سيف اتصدم وتابع هي ايه ؟؟
امنيه راحت قدامه وتابعت بستغراب سلسلتي جبتها ازاي انا فاكره انها وقعت مني في الشارع يوم ما خبطت في عربيه ظابط لاني لما روحت البيت ملقتهاش في رقبتي
سيف اتصدم اكتر وتابع لالا متهزريش علشان انا لقيتها واقعه في مكتبي في القسم فشيلتها ونسيت اديهالك
امنيه بستغراب شديد : ليه وانا امتى جيتلك القسم مش فاكره بجد خالص
سيف بتنهيده لا كنتي بتيجي بس قليل يعني هما مرتين وهي وقعت منك في المره التانيه اصل بعقلك هجيبها منين انا يعني ما اكيد لو انا الظابط ده كنتي عرفتيني
امنيه تنهدت بعمق وتابعت مش عارفه يا حسام انا حقيقي تعبت اوي حاسه ان الغيبوبه لغبطت كل حياتي
سيف بحب ولا لغبطت ولا حاجه الكلام ده قبل ما تتعبي اصلا ولو حسيتي بأي حاجه انا تحت امرك اسأليني وعيوني ليكي هجاوبك يعمري .. تعالي يلا وفتح ايديه فاراحت قلعت الاسدال ونامت في حضنه وهو باس راسها وفضل يمشي ايديه على شعرها وسرحان فتابعت امنيه: حسام صحيح كل ما افتكر اقولك انسى هو انت هتغيرلي بطاقتي امتى دي لحد دلوقتي مكتوبه انسه
سيف بصلها وضحك وتابع بالله عيب في حقي الكلمه دي بس مستعجله اوي على كلمه مدام جتك نيله اسمع انها بتضايق الستات مش بتفرحهم
امنيه بحب لا مش مستعجله على مدام بس مستعجله ان اسمك يبقى في بطاقتي
سيف غمض عينيه بوجع وتابع بتنهيده تطلع القسيمه واغيرهالك يحبيبي ولا تزعلي
امنيه باست خده وتابعت ربنا ميحرمنيش منك ابدا يارب
سيف بحب ولا منك يعمري ورفع وشها ليه وباسها بحب وهمس واحشتيني
امنيه ابتسمت وتابعت نام الساعه 5 ونص مش وقتك خالص هااا
سيف بضحك لا دي ملهاش مواعيد بتهزري ولا ايه وبعدين بدل ماتودعيني لان خلاص يومين ومسافر
امنيه بصدمه بتهزر بجد هو احنا لحقنا
سيف بتنهيده اه والله للاسف جريوا وهتواحشيني اوي والله يابت يا منونتي
امنيه دموعها نزلت وتابعت وانت اكتر ينورعيني وحضنته فدفن سيف وشه في حضنها وهمس: امنيه انا نفسيتي تعبانه اوي بجد
امنيه رفعت وشه ليها وتابعت بدموع ليه يحبيبي مالك في ايه
سيف عينيه كانت مليانه وجع وتابع مش عارف احكي ومن طبيعتي متعودتش احكي ولما احس اني قادر اتكلم اكيد هقولك انتي لانك غير اي حد بس حاليا عايزك جمبي علطول حتى وانا بعيد عنك عايز احس ان روحك جوايا مش عايز حاجه تبعدنا ابدا اياً كان ممكن نمر بايه
امنيه بدموع الحلم قلقك مش كده ؟؟ بس والله متخافش انا روحي فيك ومش هسيبك
سيف تنهد بوجع وتابع حتى لو جيت مره كدبت عليكي
امنيه بستغراب هو انت كدبت علياا! !!!!
سيف بتنهيده بقول لو
امنيه بوجع انا بكرهه الكدب وانت عاارف واتمنى متلجأش للكدب خاالص وصارحني اياً كان ممكن يحصل ايه لان مسيري هعرف فا الصراحه في الاول اهون .. بس لو اضطريت تكدب مؤقتا هكدب عليك لو قولتلك مش هزعل منك بس بردو مش هقدر اتخلى عنك علشان انا روحي فيك ومقدرش اعيش من غيرك ومفروض معرفكش انك محور الكون بنسبالي كده لان الراجل لما بيضمن الست بيذلها بس انا بثق فيك اكتر من نفسي وحضنته
فحضنها سيف اكتر وهمس انتي لسه متعرفيش انا بحبك قد ايه فحقيقي مش هقدر انا كمان على بعدك عني ورغم قوتي مع الكل امنيه هي نقطه ضعفي الوحيده والشخص الوحيد اللي مستعد اضحي بأي حاجه علشانه
امنيه ابتسمت من بين دموعها وبصتله وتابعت ولا مشاكل الدنيا هتاخدك مني يا ابن معتز متقلقش احنا قدها والله العظيم
سيف ابتسم بحب وتابع نورعين ابن معتز وقربها ليه وباسها بحب وهي حطت ايديها حوالين رقبته وتجاوبت معاه بحب وبعد شويه كان قاعد سيف عاري الصدر وواخدها في حضنه وبيطبطب عليها وسرحان في اللي جاي قاطع تفكيره صوت رنين الفون فمسكه ورد وتابع بتنهيده صباح الخير يا سياده العميد
-تمام انا فهمت كل حاجه متقلقش هحاول اعرفلك بكل الطرق هو مين
-بصراحه انا شاكك في عصام فهتاكد واقول لسيادتك وابعتلي رقم النقيب يوسف ظابط المخابرات
-تمام يا فندم خير باذن الله متقلقش انا مش بخاف من حد ومتعودتش ارفض مهمه اتحطت قدامي
-تمام يلا باي وقفل معاه وبص على امنيه كانت غرقانه في النوم فقام براحه من جمبها وغطاها كويس وراح خد شاور ولبس بنطلون ابيض وقميص اسود وسرح شعره وباس راسها ونزل
نرمين كانت جايبه خضار وطالعه فتابعت بستغراب رايح فين يا واد دلوقتي الساعه لسه 7
سيف بتنهيده مليانه وجع وهو نازل : رايح لنفسي اللي ضاعت مني ومش لاقيها لحد دلوقتي ياما
نرمين غمضت عينيها بوجع وتنهدت بعمق ودموعها نزلت بقهر وطلعت وهو ركب عربيته وراح اشترى ورد وراح المقابر ودخل حطهم حوالين قبر حسام في الحتت المزروعه وفضل يسقي بلمايه بعدين قرا الفاتحه وعينيه دمعت وتابع: لو في جمله اعمق من واحشتني كنت قولتهالك .. عارف يا حسام انا خسرت حته مني مش مجرد تؤامي انت كنت نبض ساكن جوايا ودلوقتي حاسس اني ناقص حته من غيرك … لما كنت عايش مكنتش بحس اني لوحدي حتى في الشغل انما دلوقتي رغم ان الكل حواليا انا حاسس اني في صحرا بحق وحقيقي ومش محتاج حاجه تفكرني بيك علشان اتوجع وابتسم بوجع وتابع انا بشوفك في المرايا يا حسام وحتى كرسيك اللي بيفضل فاضي على الفطار واي حد بيقعد فيه كل مره بحس بقهر وببقي عايز اقول قوم ده مكان اخويا انت ازاي تقعد فيه ؟؟!! .. حقيقي ندمان اني عشت عمري كله واثق انك موجود وكنت بسافر اكتر ما بقعد معاك واشبع منك وفاجاه روحت مني .. وقبل سفري خدتك في حضني وقولتلي هتواحشني معرفش انك كنت بتودعني ساعتها ودموعه نزلت وتابع هو انت صحيح ليه مقولتش ان ده حضن الاخير ؟؟ انا كنت بحس ان ليا ضهر ودراع وبعدك اتكسرت ومهما بينت اني جامد بس انا هش ودموعي اللي مكانتش بتنزل بتبقى اقرب من ما اتخيل لما الموضوع بيتعلق بيك .. بس عارف الحلو انك مهما طولت في غيابك انا مش هزعل منك وبقف قدام المرايا اكلم نفسي واشبع من ملامحك اللي اتحرمت منها .. عارف ياحسام رغم انك مزعلتش مني بسبب جوازي وجيت لامنيه تقولها عني الحاضر والمستقبل بس انا زعلان من نفسي على كل سجده كنت بطلبها من ربنا فيهاا ودموعه نزلت بقهر وتابع علشان انا لو اعرف ان دعواتي هتستجاب بانك تموت وانا اخدها بدالك مكنتش طلبتها ومش عايزهااا بس خليك .. ااه لمستك ليها كانت هتعيشني مقهور بس موتك انت موتني بلحياا وابتسم بوجع وتابع والله مش بضحك عليا انا بعشق امنيه بس مقدرش استغنى عن اخوياا الحب يتعوض انما انت لا ياعبيط ودموعه زادت وتابع ياريتك كنت هناا والله كنت هنسحب بهدوء وهسيبكم لبعض هي كده كده بتحبك ونسيتني وانا اموت بألمي عادي بس حضنك يتفتحلي ووالله ياخويا كنت هسيب اسيوط لحد ما انساها منا مقدرش احط عيني على مراتك بس كنت خليك والله لو اعلم المستقبل مكنتش هطلبها من ربنا ودموعه زادت وتابع انت واحشتني اوي ياحسام ووطى بضعف وتابع ابوس ايدك اخرج احضني وارجع انا هموت من القهر ..هموت من ضعفي وقله حيلتي ..قوتي وجمودي ادفنوا معاك وانهاروا مع خبر موتك وبعدك عني وفضل يبكي بوجع وسند راسه على القبر وافتكر
فلاااش باااك
حسام برفعه حاجب يعني افهم من كلامك ان انا شرطه وانت حربيه ؟؟
سيف بضحك اه بلظبط كده وقولت لمازن يقنع نيرو علشان تعبتني نفسياا
حسام بحده سيف انا قايلك ان
سيف بضحك ومقاطعه هشش اخرس يحيوان انت بتكلم اخوك الكبيرر
حسام بسخريه بخمس دقايق مش كده
سيف بضحك ولو دقيقه الكبير بردو ليه احترامه
حسام بحده طب يا كبير انا عايز حربيه
سيف بتنهيده وانا عايزك وسط اهلك ..عايزك في امان
حسام بدهشه يا ابني انت هتعصبني لييه اشمعنا انت يعني
سيف بتنهيده انا من زمان حلمي ادخل حربيه وانت زيي انا عارف بس والله العظيم انا خايف عليك
حسام ومش خايف على نفسك ??
سيف بحب انت نفسي ده انا اعيش في خطر طول العمر علشان انت تعيش بخير ياعبيط اقوم اوديك بنفسي لسينا والتعب ده لا مستحيل وبعدين انا قدمت خلاص لما تقدم انت كمان ونسافر سوا مين هيرعي زينب وامك وابوك ويخليه جمبهم
حسام نفخ بضيق وتابع منا كمان حقي اخاف عليك انا كنت عايز ابقى جمبك مش هطمن تبقى هناك لوحدك
سيف بحب انا بخير طول ما انت بخير وباس راسه وتابع علشان خاطري انا اسمع كلامي بلاش حربيه حوارتها كتير خليك في الشرطه وقسما بالله انت قدها وقدود وهتترقى وهتبقى حاجه عاليه وهتقول سيف قال
حسام بتنهيده ايه الجديد منا علطول بسمع كلامك هو انت حد بيعرف يغلبك يا سيف
سيف بضحك حبيب سيف وحضنه وتابع اشطر ظابط شرطه فيكي يا اسيوط
حسام بضيق اممم كل بعقلي حلاوه يلا
سيف فضل يضحك وتابع وربنا بتكلم جد وبكره الايام تثبتلك اني صح
حسام بتنهيده بجد انت تفكيرك غريب لان العمر بايد ربنا بس ماشي
سيف بحب ونعم بالله بس بردو ربنا ادانا عقل نفكر بيه وانا عارف نفسي هقدر عليها فموافق بيها بعيوبها بس مش عايز لاخويا التعب ده وعايزه وسط اهله وبعدين يا حسام قسما بالله انت لو جرالك حاجه ده انا اعيش من غير روح فمتستغربش خوفي عليك انا عمري ما اعتبرتك اخويا التؤام .. انا علطول شايفك ابني ومن مسئوليتي
حسام طبطب على ضهره وهو حاضنه وتابع ربنا ميحرمنيش منك ومن خوفك وحنيتك عليا يا حضره الظابط
سيف بحب ده والله مافي ظابط احسن منك وابتسم وتابع ولا يحرمني منك يا قلب اخوك هاا اتفقنا
حسام بضحك اتفقنا انت احميها برا وانا احميها جوه وضربوا كفهم في كف بعض
باااااك
سيف وهو ساند راسه على القبر تابع بدموع ووجع بس متفقناش انك تمشي وتسبني لوحدي .. عشت اخاف عليك وبردو ربنا اختبرني فيك .. يمكن لانه عارف انك انت واختك اغلى حاجه عندي وغمض عينيه بوجع وتابع انا مش بعترض بس مش هتقبل غيابك مهما مر الوقت واهي ايام وبتتعاش وهجيلك وساعتها مش هبعد عنك تاني وباس القبر وتابع ربنا ينتقم منه اللي فرقنا وبعدك عن حضني يا غالي وقام بتعب وقراله قران شويه بعدين مشي
الحارس : سيف بيه سيف بيه عربيتك انت هتمشي وتسيبها
سيف بوجع خليها بتمشي وهرجع تاني اخدها ومشي شويه غرقان في افكاره لحد ما لقي مقعد قعد عليه وهو سرحان وبيفكر فكل الاحداث اللي حصلتله وهيعمل ايه في اللي جاي فقطع انتباهو اتنين باين عليهم اخوات قاعدين في المقعد اللي جمبه
واحد منهم : لا يعني لا خليك انت براها عمك شراني وانا هقف قصاده واجيب حقنا انت متدخلش يا معاذ
معاذ بحده وانت تقف قصاده لوحدك ليه اخوك عايش وهاجي معاك ويا احنا ياهما
الاول بحده لا وابوس ايدك كبرني بقولك ده راجل شراني افرض اتعاركنا والموضوع كبر واداك طلقه كده ولا كده افرح بيك انا ساعتها لما تروح مني
معاذ بحده متعاملنيش اني الصغير علطول انا بيني وبينك سنه وواجبي اروح معاك منا مش هسيبله اخويا يعني
الاول بدموع : ولو فرق يوم هفضل شايفك اخويا الصغير وهفضل اخاف عليك وانا في ستين داهيه مش مهم فابوس ايدك متدخلش انا هحلها معاه وهاخد معايا عمده البلد هما عارفين انك نقطه ضعفي فهيضغط عليا بيك فا ورحمه ابوك اسمع كلامي انا مش حمل وجع يا معاذ
معاذ بتنهيده: خلاص حقك عليا وباس راسه وتابع هفضل هنا علشان مش عايز اكون الشوكه اللي تكسر ضهرك قدامه مش اكتر
فتنهد سيف بعمق ودموعه نزلت بغزاره من غير ولا صوت وبص للسما وتابع مش معترض بس انا ضهري اتكسر بدري اوي يارب وغمض عينيه بقهر وتابع ياريتني كنت موت انا وهو عاش وبص عليهم لقاهم بيحضنوا بعض وتابع حضنه بقي بيني وبينه السما والارض يارب ميحرمهم من بعض ولا يدوق حد فيهم اللي دوقته ابداا
وفونه رن فكانت زينب فرد وتابع بتنهيده ايه يحبيبتي
زينب بعياط وخوف الحقني يا سيف حسام قاطع النفس ومش بيتحرك
سيف اتصدم وحس ان قلبه اتخلع وتابع يا نهار اسود ازاااي ده اقفلي انا جايلك حااالا
وقام جري وراح على عربيته وساقها باقصي سرعه لبيت زينب
—–
عند نور ويونس
يونس كان نايم ونور صاحيه قاعده على السرير بتتشات مع هند ومش واخده بالها ان شعرها جاي على وش يونس
فيونس وشه انكمش بضيق وفضل يبعد شعرها عنه وتابع بنوم يا روبانزل عصرك انتي .. لمي شعرك يحبيبتي مش عارف اتخمد
نور بصتله وشالت شعرها كويس وتابع بضحك منا قولتلك اقصه ونريح مش عاجبك
يونس وهو بيديها ضهره وبينام على جمبه تابع بنوم علشان اقص رقبتك ونرتاح
نور مسكت اطراف شعرها وفضلت تحركهم على وشه وتابعت بضحك بذمتك اهون عليك
يونس فتح بضيق وتابع بتحذير يا نور هزعلك بجد
نور بتمثيل حزن تزعلني علشان بهزر معاك لالا يا يونس زعلانه منك بجد قال تقولي بحب شعرك قال
يونس بضحك يابنتي بطلي شغل قلب الترابيزه ده هو انا علشان بحبه هتحطيه على وشي ايه العلاقه مش فاهم
نور وهي بتحط شعرها عند رقبته تابعت طلما بتحبه يبقى تستحمل قرفه معايا بقى علشان هو اللي بيطير ويجيلك
يونس بضحك لا يا شيخه هو اللي بيجيلي لوحده يعني
نور وهي بتحركه اه انت مش مصدقني ولا ايه
يونس غمض عينيه وتابع طب يا نور انا مش هقررها لو جيه علياا تاني هزعلك
نور بضحك وهي بتحركه هتعمل ايه يعني انا عايزه ازعل
يونس لفلها واعتلاها وتابع انتي عايزه ايه على الصبح علشان الواحد مش عارف يتخمد منك انتي وشعرك من امباارح كل شويه المه واحطه على جمب قرفتوني
نور اتوترت من قربه وقلبها دق بعنف وتابعت بضحك مش عايزه حاجه ياروحي انا بنكشك علشان تصحى تقعد معايا بس
يونس بص للساعه وتابع الساعه 8 وانا في العادي بصحى 9 معرفتيش تصبري الساعه دي من غير ازعاج وقله ادب ؟؟
نور بضحك منا معرفش بتصحى امتي ومليت من الرغي مع هند بصراحه فلما شعري ضايقك قولت استغل الفرصه
يونس بحب ان جيتي للحق انا اللي بستغلها مش انتي
نور بضحك منا ملاحظه فعلشان كده اوعا اقوم اعمل الفطار بما انك صحيت
يونس بضحك مين تعمل الفطار ؟؟ انتي !! لا خليكي ننزل نفطر تحت معاهم لما يفطروا انا مش قادر انضف مطابخ تاااني من بعد اخر مره كفاايه
نور فضلت تضحك وتابعت لالا المره دي بجد ثق فيك هبهرك
يونس بضحك والله قلبي مش مطاوعني لا ده انتي يوم ما طبختي حرقتي الاكل وحرقتي الطاسه ودخنتي الشقه
نور بضحك المره دي هجيب من اليوتيوب وهقلدها بلظبط متخافش ده هو بيض ببسطرمه وجبن ولانشون وبطاطس محمره وحاجات خفيفه يعني
يونس بتفاجئ لا ومعلش هتجيبي اليوتيوب في ايه ؟؟ ولا هتكتبي ايه اصلاا ؟؟ كيف يتم وضع الطعام في الاطباق ؟؟
نور فضلت تضحك وتابعت شوف بيتنمر بدل ما يشجعني
يونس بضحك لا متهزريش بجد الله يخربيت اهلك اشجعك على ايه
نور بضحك الله منا اول مره يبقى ليا بيت ومطبخ يا يونس وبعدين انا معرفش البيض بيتحطله توابل ايه لاني هحط توابل وزيتون فمش حاجات قليله يعني مالك في ايه
يونس بذهول لا مفيش ..مفيش خالص
نور بضحك طب ما اديك قدرت الموقف اهو اومال بتفكر في ايه
يونس بابتسامه بفكر انا عملت ايه في حياتي علشاان ربنا يبتليني بيكي يا نور عيني
نور اتفاجئت وتابعت بضحك اخص عليك بجد وهانت عليك تقولها وضربته في صدره
يونس بضحك ماهو مش هنكدب على الله هي بلوه بس للاسف نورعيني بردو ومقدرش استغنى عنها ولا انتي بتنقي الكلام
نور بضحك ده انا هوريك البلوه دي هتعمل ايه اوعا بس كده
يونس بعد عنها وتابع بضحك وعيت ياحياتي 3 دقايق وهتناديني يلا
نور فضلت تضحك وتابعت هتشوف وراحت لمت شعرها كحكه مرفوعه لفوق بشكل فوضاوي ونازل منها خصل مخليه شكلها كيوت ورقيق اوي ودخلت المطبخ غسلت ايديها ولبست المريله وبدات تجيب الحاجه تحطها قدامها فعايزه تجيب ازازه الزيت فوقفت على الكرسي الصغير وبتجيبها وقعت العلبه بتاعت الدقيق معاها فغرقت شعرها وهدومها فشهقت بخضه وبصت لنفسها وللارض بصدمه فتابع يونس بضحك من الاوضه: يا اهلااا وسهلااا بلبدايات المشرقه
نور بحرج وصوت مسموع : متجيش لو سمحت مش عايزاك خاالص ده برطمان وقع مقفول عادي ونزلت من على الكرسي وتابعت بتوتر يااربي على الاحراج طب هوريه شكلي كده ازاي …… وفكرت وتابعت احسن حاجه اخلص واخد شاور في حمام الصالون من غير مايشوفني وبدات تحط الزيت في الطاسه وجابت طاسه كمان وحطت فيها زيت كتير للبطاطس وبتقطع البطاطس ومرقابه الزيت بعدين مسكت البيض بتكسره وتحطه في الطاسه الاولى وكسرت اتنين وجات عند التالته نزلت منها حته بلقشر فاتصدمت وحاولت تطلعها بس بتتزحلق من المعلقه فاتعصبت وفضلت تحاول فا البيض لزق في الطاسه فشهقت وفضلت تحاول تحركه فبصت للطاسه التانيه لقيت الزيت سخن اوي وطلع دخان فاتوترت وراحت جابت البطاطس من المايه وحطتها في الطاسه فا النار عليت اووي لفوق فصوتت بخوف وتابعت بصرااخ: يوووونس
يونس اتخض وراحلها بسرعه وتابع بخوف ايه في ايه يخربيت اهلك واول حاجه عملها طفي النار على الاتنين واتصدم من شكلها وشكل الارض وبص للطاسه لقي البيض لزق وفيه قشر فمقدرش يمسك نفسه وفضل يضحك بشده ورجع سند على الحيط وهو لسه بيضحك ومش قادر يقف لدرجه عينيه دمعت
نور بدموع وبحده : مفيش حاجه تضحك خاالص على فكره انت بايخ اوي بجد
يونس فضل يضحك اكتر على شكل انفعالها وتابع : انا عايز اعرف انتي شايفه ايه ميضحكش في اللي بيحصل بجد ؟!!! ورجع يضحك تاني
نور بضيق نينيني اخرج براا انا مش عايزاك اصلااا .. يلا وبتزقه
ففضل يضحك وتابع اخرج ايه قسما بالله مايحصل علشان المره الجايه تولعي في البيت مش كده
نور بدموع والله مش قصدي انا بجيب الزيت الدقيق وقع علياا وخلاني شبه السمكه البلطي قبل القلي
يونس فضل يضحك بشده وعيونه دمعت ونور بصاله بغيظ فتابع مش قاادر والله مش قاادر انتي اللي قولتي مش انا بتبصيلي كده ليه الله
نور بدموع والله انت بارد بجد مكنتش عايزه اناديك بسبب كده
يونس من بين ضحكه معلش يحبيبي حقك عليا وضحك اكتر وتابع سمك بلطي ايه بس هو فيه سمكه قمر كده
نور بدموع بردو زعلانه منك انت بتتريق ليه انا عمري مادخلت مطبخ
يونس بضحك عليكيي نور وانا قولتلك كده وقولتلك متدخليش والله العظيم بس اعمل ايه في عنادك بقى وبص للاكل وفضل يضحك وتابع هو اليوتيوب قالك كده بردو
نور بدموع لسه مشغلتوش كنت هشغله لما اجي اتبل البيض والبطاطس
يونس بصدمه هي البطاطس بتتبل في الزيت ؟؟
نور بدموع معرفش
يونس بضحك يانهااار اسود ومنيل انهي يتيم ده يااارب اللي كالت ماله وانا ارجعه كتير اللي بيحصل ده والله كتير
نور بدموع بجد بطل تريقه انا اصلا ملحقتش اطبخ هو الدقيق وقع اول ما دخلت بسبب عينك
يونس بضحك ايوه انا اللي مسلطه يقع عليكي لما تدخلي على فكره علشان تحرمي تدخلي تاني
نور بضحك من بين دموعها بجد مبهزرش وكمان البيض بكسره عادي اتكسر جيه عند التالته القشر وقع وحلف مايطلع لحد ما لزق في الطاسه وهوب لاقيت الزيت سخن ومحتاج البطاطس فحطيتها لقيته عمل ناار لفوق ايه ده بجد
يونس بضحك الزيت محتاج البطاطس ااه ده انا اللي محتاج المأذون ودلوقتي حاالا
نور بضحك يونس بجد مبهزرش روح شغل قرآن احنا شكلنا اتحسدنا وفي عين في حياتنا
يونس فضل بضحك بشده وتابع اتحسدنا ايه ياللي هتشليني وتفقعي مرارتي انتي !!! يعني ميمشيش معاكي ان البيض مفروض بيتكسر في طبق وتضربيه بعدين تنزليه بيه مره واحده وتقلبي بسرعه علشان ميلزقش ؟؟ وميمشيش معاكي ان البطاطس مفروض تتصفى كويس من المايه وتوطي النار علشان الزيت مع المايه ده انفجاار حرفياا فا ايه مش كده اوضح من الحسد والعين اللي بتقولي عنهم ؟؟
نور نفخت بضيق وتابعت الظاهر كان لازم اشغل اليوتيوب من البدايه
يونس بضحك لالا ده انا اللي كان لازم اشغل عقلي قبل ما احبك من البداايه وضرب كف في كف وتابع بضحك يا حول الله يارب هموت واعرف ايه بلاني بيها دي
نور بضحك تستاهل مش بتحبني اشرب بقى خلاص فات اوان الندم
يونس فضل يضحك وتابع ده حقيقي اه استاهل كل اللي يجرالي اجري خدي شاور علشان الدقيق ده وانا عقابا ليا هعمل الفطار
نور بضحك ده تكفيراا عن غلطك في حق نورك دلوقتي مش كده
يونس بضحك لا ده تكفيرا عن غلطي في حق نفسي
نور فضلت تضحك وتابعت ماشي يا يونس صبرك عليا وخرجت وهو ضحك وتابع لا بجد الله المستعان وشويه كان يونس مسح المطبخ وغسل ايديه وابتدى يغسل الطاسه من البيض ورماه وحضر الحاجه قدامه وبدا يعمل الاكل بتنظيم ونور جات وهي لابسه البورنص وشعرها مفرود وراها وبينزل نقط مايه فابتسمت وتابعت طب بالله انا جوزي اشطر شيف
يونس بضحك من غير تطبيل علشان تخليني اطبخ علطول
كده كده مش هتدخلي هنا تاني يعمري غير لما تتعلمي
نور بضحك خلاص موافقه رايحه البس وجيالك قعدني اتعلم
يونس بحب ماشي روحي
ودقايق وجاتله نور لابسه بدي كب اسود واصل لقبل الصره ومكتوب عليه بلاحمر وشورت قصير احمر ونشفت شعرها بلاستشوار وسيباه طويل جدا وراها وحطت ميكاب رقيق وروج احمر لايق جدا على بشرتها البيضه وتابعت بابتسامه ها وصلت لفين
يونس بابتسامه مردتش ابدء اعمل البطاطس والبيض غير لما تيجي يادوبك حضرتهم في .. وبصلها اتفاجئ بشكلها وقلبه دق بعنف وخد نفسه بلعافيه وراحلها وتابع هو لو عايزه تعرفي وصلت لفين بلظبط فانا وصلت لاخري حرفياا وحط ايديه على الجزء الظاهر من وسطها وقربها منه وتابع بضحك قاصده تتعبي اعصابي مش كده ؟
نور بابتسامه لا خالص انا اصلا في العادي كنت نفسي البس قصير في المناسبات وبقيسه عادي لولا طبعا انت ومازن كنتوا بتهزقوني وتخلوني اغير وضحكت وتابعت فا ده اه مكشوف اكتر منكرش بس انا مش ضد المبدا لاني كنت عايزه اعملوا فعلشان كده لبسته وبعدين انت حته مني فخلاص هتحرج من ايه فبحقق احلامي في بيتي بقى فاهمني
يونس غمض عينيه وسند جبينه على جبينها وتابع بضحك: فاهمك والله بس مش عارف امنع نفسي عنك فاروحي البسي حاجه اطول بلاش تعب اعصاب وحياه ابوكي
نور بصتله برفعه حاجب وتابعت مش هغير يا يونس واصلا بتمنع نفسك عني ليه مش فاهمه
يونس تنهد بعمق وبصلها بهيام وتابع نور انا قولتلك مش هقرب منك غير لما تحبيني
نور بحب وانت مين قالك اني مش بحبك
يونس بتنهيده لا انا عارف طبعا انك بتحبيني بس مش الحب اللي انا اقصده ماهو مش مجرد ماتعرفي الحقيقه هتفعلي زرار الحب انتي اللي جواكي ده ندم على اللي عملتيه في حقي وكرهه لقاسم فخلاص قررتي تبدائي حياتك الجديده عادي واهو مع حد انتي فعلا بتحترميه وعايزاه بس مش بتحبيه لسه
نور الدموع اتجمعت في عينيها وتابعت انت بتوجعني بكلامك عن مشاعري لانك مش مكاني وبتحكم
يونس باس جبينها وتابع بتنهيده مش مكانك اه بس انتي جواياا وفاهم بتفكري وبتحسي بايه ووالله مش مستعجل خدي وقتك براحتك لحد ما تحبيني زي ما بحبك وبصلها بتوتر وتابع بس يعني قدري اني بحبك فصعب اوي بنسبالي تفضلي كده
نور ابتسمت بسخريه وربعت ايديها وتابعت وانا مش هغير ومش عايزاك الاتنين فاللي عندك اعملوا هاا
يونس بضحك هدعي بلصبر هعمل ايه يعني وراح يكمل الاكل فتابعت نور بضيق قعدني هنا
فيونس شالها وحطها على الرخامه وفضل يكمل الاكل وهو بيحاول يتجاهل وجودها على قد مايقدر فضحكت هي بشده فاستغرب يونس وتابع بتضحكي على ايه ؟؟
نور فضلت تضحك وتابعت افتكرت شكلك في العياده بتاعت الدكتوره الاولى لما قالتلك عندك مشكله وانت اتعصبت عليها
يونس اتفاجئ وتابع بضحك يابنت الجزمه انتي بتستفزيني يعني ؟؟
نور بضحك لا والله مش قصدي بس الكلمه ضحكتني من وقتها وخصوصا شكلك وانت متعصب عليها ومعرفتش اضحك في الموقف فاافتكرت دلوقتي وبعدين ما انت صح عندك مشكله هي مغلطتش
يونس برفعه حاجب وبحده : نور نتلم علشان مزعلكيش خدي بالك من كلامك
نور بضحك لا ياروح نور انت فهمت ايه .. انا اقصد مشكله في تفكيرك ووجه نظرك اللي موقفه حياتنا وابتسمت وتابعت ومشكله كمان في عينيك اللي بتلف في المطبخ كله ومش بتيجي الناحيه بتاعتي كأنها خايفه تبص عليا فانت محتاج تعالج دول بس مش اكتر انما قطع لسان اللي يقول عنك كلمه وحشه
يونس غمض عينيه بتأثر وتابع نور الله يرضى عنك كفايه
نور بضحك ايه في مشكله في صوتي كمان ؟؟
يونس ضحك وتابع اه قلبي كل كلمه منك بتخليه يدق زي الطبل ودي مشكله صعبه جداا وانا اعصابي تعبت بسببه
نور مسكت دراعه ووقفته قدامها وتابعت بابتسامه عايزه اقولك حاجه
يونس طفى النار وتابع بحب سامعك
نور بحب انا يمكن لسه محبتكش زي ما انت بتحبني بلظبط لان حبك عميق اوي وصادق وحقيقي لدرجه انا متخيلهاش بس اللي واثقه منه اني حاسه معاك بامان عمري ما حسيته في حياتي ومش خايفه وحاسه كأني قدام مرايتي وبتكلم وبعبر عن كل حاجه جوايا من غير ما افكر واعمل حساب فعلشان كده بنكشك وعايزه نكون زينا زي اي حد وابتسمت وتابعت وهي بتلف ايديها حوالين رقبته يعني انا عايزه ابقى مراتك بجد وليك مش مجرد اسم قدام الناس
يونس اتأثر جدا من كلامها وغمض عينيه ورايح يتكلم قاطعته نور وتابعت بحب سيبني اكمل .. واللي خلاني اتأكدت وعرفت يعني ايه مش خايفه منك وحاسه بامان اني كنت طول الوقت بخاف من فكره يوم فرحي على قاسم مع اني كنت عايزاه وبحبه بس مكنتش مطمنه لفكره انه يقرب مني لا كنت بترعب حتى لما كان بياخدني في حضنه ويلمح انه بيتمنى قربي كنت …
فهنا يونس اتعصب جدا وكور ايديه بغضب فلاحظت نور ومسكت ايديه بحنان وتابعت بحب المهم دلوقتي انا من حق مين هاا وابتسمت وتابعت هكملك .. لما كان بيلمح انه بيتمنى قربي كنت الاقي جسمي بيتنفض ومرعوبه من الفكره وفكرت ان ده بسبب اني بنت زي اي بنت وطبيعي اخاف لحد ما بقيت معاك يا يونس وانا حاسه اني بجد مش خايفه من اي حاجه من كل ده يمكن معرفش يعني ايه حب يونس لنور بس عارفه يعني ايه امان نور مش مع حد غير يونس
يونس حط ايديه حوالين وسطها وهي قاعده وشدها ليه وحضنها وهي رفعت ايديها لفتها حوالين رقبته وشددت من حضنه فهمس يونس بحب والله بموت فيكي وهفضل امانك العمر كله
نور بحب وانا اكتر والله العظيم فخرج من حضنها وباسها بحب وعمق وهي حاطه ايديها حوالين رقبته وبعد عنها وسند جبينه على جبينها وهمس بغيره : نور هسألك سؤال ومتخافيش ردي عليا بصراحه
نور بحب : عارفاه وهريحك … قاسم عمره ما عمل زيك هو بس كان بيحضني ولما يجي عايز يبوسني كنت بحط ايدي على شفايفي وبمنعه ومش بوافق وقولتلك اني كنت بوقفه عند حده يمكن مره بس باس رقبتي فيها
يومس غمض عينيه بغيره شديده واتعصب فابتسمت نور وحطت ايديها على خده وتابعت بابتسامه بس عمره ما طال مني حاجه وحياتك انا اتكتبت ليك واكبر دليل رغم محاولاته انه يمتلكني ربنا فضل يحفظني علشانك فابتسم يونس بحب وقرب باسها وشالها بين ايديه ودخل اوضتهم وحطها برفق على السرير وهي بتقربه منها فوطى باس رقبتها بحب وباب شقتهم خبط فاتنفضوا فغمض يونس عينيه بضيق وتابع ظابطين نفسهم دي تاني مره على فكره ..شكلهم خلصوا سيف استلموني انا
نور بهمس لالا متقومش خليك وهيفكرونا لسه نايمين
يونس بضحك بتهزري بجد طب اشوفهم وارجعلك
نور بضيق يا يونس هيخلوك تنزل او الحوارات بتاعتهم اللي مش بتخلص على راي سيف
يونس بحب متشيليش همي انا بصراحه ماصدقت بس تتعوض بليل او بكره عادي
نور بحرج يحبيبي مش علشان كده طبعا .. بس انت نسيت ان انا في اي لحظه هيبقى عندي عذر ولا ايه خلاص انا عديت ال 3 اسابيع ومش مظبوطه علشان اقولك عارفه امتى فيصعب عليا احنطك جمبي الفتره دي كمان
يونس بتفاجئ : اه تصدقي صح وضحك وتابع لا في الحالات اللي زي دي يخش يولعوا بجاز مفيش وقت .. فنحقق حلم العمر بعدين نشوفهم
نور ضحكت بحرج وتابعت اتلم وضربته في صدره وهو قرب باسها بحب وبعد شويه وقت كان يونس قاعد عاري الصدر وواخدها في حضنه وبيمشي ايديه على شعرها وتابع نور انتي كويسه ؟؟
نور مغمضه عينيها وتابعت اممم
يونس باس راسها بعمق وتابع بحب الحمدلله اننا وصلنا لهنا حقيقي لسه مش قادر اصدق من فرحتي فا اللهم لك الحمد بجد وضحك وتابع وصحيح مش لو كنتي بطلتي نكد من اول يوم جواز كنا اكتشفنا الحقيقه في لحظتها بدل ما شكلي قدام الدكتوره كان خرا كده
نور ضحكت بتعب وتابعت والله مش انا بس ما انت كمان تقلت عليا بعد كده هنحور ولا ايه
يونس بصلها وتابع بقلق نور انتي مال صوتك انتي كويسه ؟؟
نور بوجع اممم اخر بطني بيتقطع نفس التعب اللي تعبته امبارح
يونس ضرب ايديه على جبينه وتابع بصدمه : ياانهار ازرق ده بسبب التهابات الرحم
نور بوجع اممم منا عارفه ودموعها نزلت بصمت
يونس بقلق مكنش ينفع يحصل حاجه غير لما تخفي يا نور دي غلطتي انا ازاي نسيت
نور بدموع والله مش انت خالص مال ده ب ده يعني يا يونس
يونس نفخ بضيق وتابع يحبيبتي هو ايه اللي مال ده ب ده اما انتي الرحم عندك الدنيا خرباانه وملتهبه فمفروض مينفعش اي حاجه لحد ما تخفي وانا كنت عارف بس نسيت بجد .. ومرر ايديه في شعره بضيق وتابع انا مني لله مكنش وقته خاالص بس معرفتش اركز في اي حاجه غير اني معاكي
نور دخلت في حضنه وتابعت بألم : بعد الشر عليك متقولش كده تاني بجد هزعل منك .. وبعدين والله العظيم انا ما زعلانه اصلا وفرحانه اني بقيت مراتك بجد فمتقعدش تقول كلام وتنكد علينا مفيش حاجه يحبيبي انا كويسه
يونس خدها في حضنه وتنهد بوجع وتابع لا يانور انتي لسه متعرفنيش انا فعلا اتنكدت لان راحتك بنسبالي اهم هو انتي يعني كنتي هتطيري ما مسيرك هتبقي معايا بس حقيقي مكنش وقته وانا نسيت موضوع تعبك ده مش فاهم ازاي نسيت بجد
نور بحب يحبيبي والله انا كويسه وحياتك عندي كويسه متخافش عليا وخافت وتابعت يونس هو انا كده مش هحمل غير لما اخف من الالتهابات صح ؟؟
يونس غمض عينيه وتنهد بعمق وتابع الطبيعي والمنطقي ان مكان هو المسئول عن حمايه وتغذيه البيبي فيه تعب فهيستقبل بيبي ازاي يعني ؟؟ واما انا اصلا مش هقربلك تاني غير لما تخفي علشان لو قربتلك هبقى اناني جدا لانك بتتعبي مبالك بلبيبي هيجي او يستقر ازاي وسط التعب ده حتى لو قربتلك
نور عيطت وتابعت بخوف انت بتقول ايه وافرض مخفتش
يونس طبطب عليها وتابع يحبيبتي بس بس اهدي متعيطيش هو ايه اللي افرض مخفتش هو مش مرض خطير اصلا وهتخفي عادي وهترجعي طبيعيه وساعتها الحمل هيبقى احسن فاهدي كده مفيش حاجه من اللي في خيالك الموضوع بسيط بس عايز اهتمام وانا جمبك وباس راسها
نور بدموع يونس بالله عليك مش بتكدب علياا
يونس بحب وغلاوتك عندي مش بكدب عليكي ومسح دموعها وباس جبينها وتابع وحقك عليا مكنش مفروض يحصل حاجه وانتي تعبانه كده
نور نامت في حضنه وتابعت قولتلك والله العظيم انا مش زعلانه ومبسوطه وباالي ارتاح خلاص
يونس باس راسها بعمق وتابع يارب يريح بالك علطول ينورعيني ونزل ايديه حطها عند اخر بطنها وتابع الالم هنا ??
نور بحرج ودموع اه
يونس بحب متتكسفيش مالك احنا واحد خلاص وخدها في حضنه وفضل يمشي ايديه على بطنها بحنان وتابع انا هقوم اجيب حاجه وجاي خليكي زي ما انتي هاا
نور بتعب طب هقوم اخد شاور
يونس لالا خليكي زي ما انتي متتحركيش انا هخلص اللي هعملوا وهساعدك تاخدي شاور لان التقلصات اللي عندك مسببالك الم شديد وتقل في الحوض ده غير انك هتحسي بتعب وارهاق وهتنزفي زياده عن اللزوم بعد اللي حصل فمتقلقيش ده مالوش علاقه بانك كنتي بنت بس هو علميا طلما حصل كده وانتي عندك التهابات في الرحم بتسبب نزيف وتنهد بحزن وتابع فمتتحركيش جايلك ووطى يجيب تيشرته من على الارض علشان يلبسه
فتابعت نور بذهول وانت عرفت كل ده ازاي انا فعلا حاسه بكده بلظبط
يونس بحب لما طلعنا امبارح من تحت وكنت جايب اللاب توب وحاطه على رجلي بشتغل وانتي بتاكلي بحثت بلمره عن المرض واعراضه وازاي اتصرف لما تتعبي وتنهد بوجع وتابع وكان مكتوب ان ممنوع يحصل اي حاجه بس انا نسيت والله العظيم انا اسف حقك عليا دي انانيه مني
نور حضنته وتابعت بدموع وحب : ده انا اللي اسفه اني محستش بيك من زمان انت بجد مفيش منك
يونس حط ايديه على ضهرها وضمها ليه اكتر وتابع بحب منا قولتلك انتي لسه متعرفيش يونس بيحب نور قد ايه
نور بحب ودموع وشكلي مهما اعيش هفضل اتفاجئ بجد اللهم لك الحمد انه جعلك نصيبي
يونس ابتسم بحب وباس رقبتها وتابع لو في حد لازم يشكر ربنا فاهو انا لانه انعم عليا باكتر ما اتمنيت وبقيتي مراتي ومن حقي قدام الكل بلذمه هعوز ايه اكتر من كده
نور بحب ودموع انا لسه عايزه .. عايزه ولد او بنت منك
يونس ابتسم بحب وتابع تقوميلي باالف سلامه وبعدين نقول يارب بس لو جات بنت انا من زمان قايل هسميها نوران او نورين
نور ضحكت بتفاجئ وتابعت ينورعيني علشان من اسمي صح ؟؟؟
يونس بضحك صح يبقى انتوا الاتنين انوار منوره حياتي كده
نور ضحكت وحضنته اكتر وتابعت يارب ميحرمني منك ابدا يا ابو نوران
يونس بحب ولا منك يا ام نوران وباس خدها وقام جاب حضر الفطار والدوا والقربه وحطهم على الكومود وقعد جمبها وخدها في حضنه فنامت على صدره ومسك القربه وحطها على اخر بطنها فتأوهت بارتيااح
فتابع يونس بقلق ايه بتوجعك ولا احسن ??
نور براحه: لالا احسن كتير خليها زي ماهي كده
يونس باس خدها وتابع بحب ماسكهالك يعمري الف سلامه عليكي يحبيبي
نور بصتله بحب وتابعت الله يسلمك ياغالي بس شويه وهاتها متفضلش محنط نفسك كده
يونس بحب ياستي هو انا اشتكيتلك
نور بحب حتى لو معلش شويه وسيبها
يونس بضحك انتي محرجه مني بجد ??
نور بضحك لا والله انا عامله عليك فعلا
يونس باس خدها وتابع بحب لا متشيليش همي ده تعبك بنسبالي راحه فابتسمت نور وتابعت بحب ربنا ميحرمنيش منك ابدا يارب
——
في العياده عند زينب وسيف كانوا واقفين متوترين اوي وبيدعوا والدكتور قدامهم بيكشف على حسام
اسماء بدموع اهدي بالله عليكي
زينب بعياط اهدى ايه يا اسماء اهدى ايه ده انا اعصابي خلاص مش قادره وجبت اخري
سيف حضنها وتابع بوجع اهدي علشان خاطري ابنك هيبقى زي الفل والله وبص للدكتور وتابع طمنا يا دكتور بالله عليك امه هتموت عليه
الدكتور متخافيش يا مدام متخافيش انا هركبله جهاز التنفس دلوقتي والجلسه تخلص وهيبقى زي الفل
زينب شهقت وضربت على صدرها بصدمه وتابعت ايه جهاااز تنفس ليه ان شاء الله مالو ابني يا دكتور ابوس ايدك فهمني انا ممرضه
الدكتور متخافيش يا مدام قولتلك. ده ضيق تنفس عادي هيفضل كده ياخد كام جلسه اكسجين وبعدين هيتحسن ومش هيعوزها الوضع بسيط انتي هاتيله بس الجهاز بما انك ممرضه وكل يوم جلسه لحد مايتحسن واشوفه الاسبوع الجاي واقولك وصلنا لاي
زينب تنهدت بوجع ودموعها نزلت وتابعت والله مش عارفه اقول ايه …. ايه الابتلائات دي ياربي فطبطبت عليها اسماء وتابعت بقلق نحمد ربنا جات بسيطه يازينب اهدي
سيف بقلق طب الاقيه فين يا دكتور الجهاز ده
الدكتور تحت العياده في محل كبير للاداوات الطبيه هتلاقيه هناك
زينب بدموع طب ده يعمله كام يا دكتور
الدكتور علي حسب النوع بس هو عموما مش هيعدي ال 2000 جنيه
سيف تمام هنزل اجيبه وطالع علشان اوريه لحضرتك ورايح يمشي فتابعت زينب : سيف استنى
سيف بستغراب ايه عايزه ايه
زينب طلعت الفيزا وتابعت امسك و
سيف بحده مقاطعه : هعتبر معملتيش حاجه علشان مقلش منك واهزقك قدام الناس وخرج وقفل الباب
الدكتور بضحك انتي بتدي باباه فلوس ازاي طيب
زينب بضحك لا باباه ايه ده اخويا انا يعني خالو
الدكتور بتفاجئ اه علشان كده وضحك وتابع بس الخال والد بردو وهو باين عليه راجل وشهم مش هينفع ياخد منك دي اصول
اسماء بحب ربنا يديمه ليها يارب
زينب بحب يارب اللهم امين .. انا مش قصدي اضايقه والله بس بقول كفايه عليه الكشف
اسماء وانتي عارفه سيف مش هياخد منك جنيه فبلاش تزعليه منك وتحسسيه انك بقيتي ملزومه من غيره فمالوش انه يدفعلك زي زمان
زينب والله يابنتي مش قصدي ما عمر سايبلي الفيزا ليه ما علشان كده وده ابنه فانا طبيعي بدفعله من فلوس باباه
سيف دخل وتابع وانا باباه في غياب باباه يا ام لسان طويل
فكلهم ضحكوا فتابع سيف بحب ها يا دكتور ده كويس
الدكتور ااه ده حلو جداا وبص لحسام وتابع وهو قرب يخلص الجلسه لما يخلص خدوه وامشوا وبكره تبدائي انتي معاه
زينب بحزن تمام وقعدت على الكرسي فقعد سيف جمبها وخدها في حضنه فعيطت فتابع بهمس حقك عليا خلاص متزعلنيش منك
زينب بدموع تسوى ايه ابني كان بيموت مني وابوه مش معايا بجد انا تعبت اوي وعمر واحشني جدا
سيف تنهد بحزن وتابع في غياب عمر انا معاكي وفي غيابي معاه احمد ومازن ويونس تحت امرك فبطلي عبط انتي مش لوحدك وابنك ابننا زيك بلظبط وبنحبه وبنموت فيه وبنخاف عليه فاهلك كلهم في ضهرك يعبيطه وجوزك يارب يردهولك سالم باذن الله
زينب بدموع يارب بجد يا سيف يارب ده انا والله قلبي وقف لما لاقيت الواد قاطع النفس ومش بيرد عليا اقسم بالله روحي كانت هتطلع من الخوف
سيف طبطب عليها وتابع بحزن بعد الشر الحمدلله بخير يحبيبتي ربنا يقومه لينا بالف سلامه يارب
زينب بدموع يارب بجد يارب ده انا اموت وراه لو حصله حاجه كفايه اخويا بجد مش هستحمل اي اختبارات تاني
سيف غمض عينيه بوجع وتابع بحزن الله يرحمه ينورعيني حقك عليا ربنا يحفظلك حسام وميوجعكيش تاني ابدا
زينب بدموع يارب بجد يا سيف يارب
وشويه وخلص حسام الجلسه فشالته زينب ونزلوا كلهم يوصلهم البيت
—–
في عربيه احمد كانت شهد معاه راجعه من عند فرح
فتابعت بحزن قلبي واجعني عليها بجد
احمد بحزن مين سمعك ربنا يعوضها يحبيبتي
شهد بدموع يارب بجد يا احمد لان فرح حقيقي متستاهلش كده
احمد بتنهيده اكيد فيها خير والله احنا منعرفوش وقدام هيبان
شهد بدموع يارب بجد لان حقيقي فرح رغم مرضها مقصرتش خالص وانا شاهده
احمد بحزن كلنا شاهدين صدقيني يا شهد بس اراده ربنا فوق كل شئ يارب يطبطب عليها ويعوضها ده نصيب مش تقصير منها
شهد بدموع يارب اللهم امين
فبااس احمد راسها وتابع بحب اهدي بقي ومتزعليش نفسك علشان خاطري
شهد مسحت دموعها وبصت للشباك وتابعت حاضر متخافش عليا
احمد بحب انا جايبلك هديه من الصبح ومتردد اديهالك على فكره
شهد بصتله بستغراب وتابعت هديه ايه دي
احمد جابها من ورا وحطها على رجلها وتابع بحب شوفيها
شهد فتحت اللفه لقيته بالطو ابيض وجمبه علبه صغيره شفافه فيها دبوس مكتوب عليه ( Dr : shahd ) ففتحت عينيها بتفاجئ وتابعت بدموع فرح يحبيبي ايه الحلاوه ديي بجددد
احمد بابتسامه: يعني عجبوكي ؟
شهد بدموع فرح: دول تحفهههه بجدد .. وحضنت البالطو بفرح وتابعت حقيقي تسلم ايديك ينورعيني
احمد بحب طب الحمدلله انهم عجبوكي اصل انا حلفت ان اول بالطو هتلبسيه لما تبقي دكتوره باذن الله اكون انا اللي جايبه والحمدلله بقيتي دكتوره فقولت اجيبهولك
شهد بدموع فرح بجد ربنا ميحرمنيش منك ابدا شكله تحفههه والدبوس تحفههه انا والله لسه مش مصدقه الحمدلله بجد
احمد بحب الحمدلله يحبيبتي ربنا يفرحك دايما يارب ومسك ايديها رفعها باسها بحب
شهد بحب ودموع تعيش وتجيبلي بجد يا غالي
احمد بحب تعيشي يا دكتورتي
—–
في شقه سيف
امنيه كانت صحيت بقالها ساعتين واستغربت عدم وجوده ودخلت خدت شاور ولبست كاش مايو حمالات وسرحت شعرها وتابعت هيكون فين ده واتصلت بيه كان غير متاح فنفخت بضيق وطلعت الصالون شافته بيفتح الباب وداخل فتابعت انت كنت فين يا حسام ؟
سيف بتنهيده كنت مع زينب ابنها تعب شويه
امنيه بخوف ليه ماله في ايه ؟؟؟
سيف بحب متخافيش هو كويس ده شويه ضيق تنفس بس
امنيه بقلق طب الحمدلله ومالك يحبيبي انت كمان بنطلونك مترب كده ليه
سيف بتنهيده معرفش يا امنيه مخدتش بالي بس هو الابيض بيتبهدل بسرعه عموما
امنيه بقلق بجد قلقتني عليك وفضلت اتصل جايلي غير متاح
سيف بحب حقك عليا ومسك ايديها قربها منه وباسها بحب
امنيه بحب البيت من غيرك وحش اوي بجد وحضنته
فحضنها سيف اكتر وتنهد بارتياح وغمض عينيه وتابع انا مبرتاحش غير وانا معاكي بجد ونزل راسه سند على كتفها وايديه ملفوفه على وسطها وتابع حاسس صراعات الدنيا كلها بتنتهي لما بحضنك والدوشه اللي في دماغي بتسكت .. انا بحس حضنك حقيقي دوايا
امنيه بضحك نقفل المستشفيات ونعتمد على حضني يعني ?
سيف ضغط على وسطها وتابع اتلمي هاا انا اقصد دوايا انا بس
امنيه تأوهت وتابعت بضحك ااه ااه بهزر معاك خلاص وبصتله لقيت عينيه حمرا اوي فتابعت بوجع مالك ينورعيني عينيك بتحكي كتير
سيف بوجع خايف .. ويمكن اول مره اخرج مشاعري الحقيقه واقول الكلمه دي لحد في الدنيا كلها بس انا معاكي بنسي حتى نفسي .. فقولتهالك بصراحه
امنيه بدموع خايف من ايه ينورعيني ؟؟
سيف بوجع خايف افقدك والدموع اتجمعت في عينيه وتابع انا ماليش غيرك يا امنيه ومش عايش غير علشان انتي في حياتي صدقيني خسرت كتير اوي فمش مستعد اخسر اخر امل ليا في الحياه
امنيه بدموع ملكش دعوه بحلمي والله العظيم انا مش هسيبك ومقدرش اسيبك
سيف حضنها تاني وتابع بوجع ممكن تجاوبيني على السؤال اللي قولتلك تاخدي بالك منه في اول جوازنا ؟؟
امنيه بستغراب : حاضر بس سؤال ايه ؟؟
سيف بوجع: حبيتي مين اكتر يا امنيه .. حسام خطيبك ولا حسام جوزك ؟؟
امنيه لفت ايديها حوالين رقبته وضمته جامد وتابعت بهمس حسام جوزي مسح اغلاط كل حسام خطيبي يمكن غبت عني 3 شهور بس لاول مره احس اني فعلا لقيت الراجل اللي عشت طول حياتي بدور عليه ومن اهم الحاجات اللي عجبتني فيك بطلت السجاير علشاني وبقيت حنين اكتر وشايفني دايما احلى واحده في الدنيا ومش بتسبني لدماغي وبتقرا افكاري كويس اوي وترد عليا ولاقيه منك نفس اللي بدهولك عكس الاول كنت بتتلهي كتير بعيد عني ودلوقتي مع انك هتسافر شهرين بس حاسه ان المره دي هوحشك ومش هخرج برا دماغك واني جواك .. انما الاول كنت بتشتغل في القسم وبتروح عادي كل يوم وبتنسى اصلا تكلمني كنت بتوجعني اوي بجد .. ودي حاجه بردو اتغيرت فيك حاسه انك بقيت تحبني اعمق واصدق بعد الجواز وانا كمان حبيت شخصيتك دي وعوضتني عن كل خناقات الخطوبه
سيف كان مبتسم وهو حاضنها وتنهد بارتياح وتابع اللهم لك الحمد مبسوط اني عجبتك كده
امنيه بصتله بحب وتابعت انت بجد كنت حد وبقيت حد تاني بس الاكيد ان التاني غامض سيكا بسبب احداث كتير حصلت في غيابي بس والله حباك انت وغموضك
سيف بحب والله وانا بموت فيكي وقربها منه اكتر وباس رقبتها بحب
امنيه بتذكر : صح ياروحي
سيف بصلها وتابع بحب خير
امنيه برفعه حاجب وانت برا ماما نرمين جات خبطت عليا وقالتلي حسام جيه ولا لسه قولتلها لسه ليه ؟؟ تخيل قالتلي ايه ؟؟
سيف بستغراب قالتلك ايه ؟؟
امنيه برفعه حاجب قال ايه في واحده اسمها تالين بنت جارتكم القديمه جات وسألت عليك وعايزه تشوفك لانها هتسافر فقولتلها لا للاسف الشديد جوزي مش هنا بس الاباجوره موجوده تنفع ؟؟
سيف فضل يضحك وتابع انتي قولتيلها كده بجد ؟؟
امنيه بضيق اه قولتلها كده ومش فاهمه ايه بيضحكك انت وامك ما دي الحقيقه صح عايزني اقول ايه لما حماتي تيجي عايزه جوزي علشان واحده تسلم عليه يعني
سيف بضحك يعبيطه ده علشان انتي متعرفيش طبيعيه علاقتنا البنت دي اتربت وسطنا وكانت قريبه ليا انا واخواتي اوي وبتيجي تقعد عندنا في بيت ابويا بس لما عزلت مبقتش تيجي غير كل فين وفين وطبيعي سالت عليا انا واخواتي بس معروف واحد مسافر وماما اكيد قالتلها زوزا مش هنا فمتبقاش غيري تسلم عليه
امنيه بحده مش مبرر بردو مين دي اصلا علشان تنزل تكلمها
سيف مسح بايديه على وشه بنفاذ صبر وتابع بحده قسما بالله انا على اخري ومش قادر اناهد تصبحي على خير انا متخمدتش من ساعه ماصرعتيني ودخل الاوضه
امنيه بحده حسام انا مبهزرش اقف كلمني زي ما بكلمك ودخلت وراه كان بيفك زراير قميصه
فتابع بعصبيه انا مال امي متعصبنيش على الصبح يا امنيه هو انا اللي قولتلها تعالي اتنيلي اسالي علياا
امنيه بحده بقولك ايه البت دي كانت معجبه بيك ومهما تحاول تقنعني بعكس كده مش هصدق
سيف قلع القميص ورماه في وشها وتابع بحده طب صوت اهلك يوطى علشان منكدش عليكي ولف فتح الدولاب بعصبيه
امنيه بحده متهربش بس من الكلام بتحبك ولا مش بتحبك انا احساسي ميخيبش ابداا شوفتها من البلكونه ونظرتها وشكلها مكانوش مريحني وتابعت بسخريه لما امك قالتلها مش فوق يا توتي للاسف
سيف بصلها وتابع بحده : لا لحظه بس هو انا مش قاايل لاهلك متقفيش في ام البلكونه دي تاني ؟؟؟?
امنيه بضيق حسااام متقلبش الترابيزه انا وقفت باسدالي شوفتها ودخلت محصلش حاجه
سيف بعصبيه : اياً كاان انا قولت ايه ؟؟!!! والرجاله رايحه جايه في الوقت وده والجيران اللي قدامنا عيالها الشباب مش مظبوطين ومبيدخلوش من البلكونه وانا قافل الستاره بسببهم تقومي تكسري كلامي وتدخلي عايزاني ادخل السجن فيهم بسببك يعني يا امنيه ؟؟
امنيه غمضت عينيها بضيق وتابعت غلطه ومش هتتقرر محصلش حاجه لكل ده
سيف بعصبيه لا حصل ماهو بسبب تكسيرك لكلمتي دي لو كان حد فيهم بصلك بصه ولا قالك كلمه انا مش هسيبه غير لما ادخل فيه السجن فتحترمي نفسك وتسمعي الكمله احسن ومش كل حاجه عند ولا اييه ؟؟؟!!!!
امنيه خدت نفس بعمق وتابعت بدموع : تمام قولتلك مش هقررها تاني بس رد عليااا وريحني
سيف بعصبيه متقدرش تقرريها اصلا ده انا افتح دماغك فيهاا وبلنسبه لتالين كان كلام عيال يا امنيه ومش معقوله وهي عارفه اني متجوز هتيجي تسال عليا علشان واحشتها هو كان سلام عادي مش اكتر فمتكبريش المواضيع
امنيه بسخريه يعني احساسي طلع صح اهو وجايه تستغفلني بنت الكلاب
سيف تنهد بعمق ومرر ايديه في شعره بنفاذ صبر وتابع بحده : لا حول ولا قوه الا بالله العلي العظيم طب عدي ليلتك على خير يا امنيه علشان مش فايقلك
امنيه برفعه حاجب : هو انت بتعلي صوتك علياا كل شويه ليه منا طلع عندي حق اهو ولا انت فاكر نفسك سي السيد بقى وتفضل تتعصب وتبهدلني وتؤمر وانا هخاف من الصوت العالي واتخرس ؟؟
سيف غمض عينيه بنفاذ صبر واتنفس بصوت عالي وتابع : اه سي السيد اطفي النور بقى وكفاياكي صدااع عايز اتخمد
امنيه اتعصبت ومسكت نفسها وتابعت بضيق لو انت سي السيد انا بقى مش امينه يا سياده الرائد وحقي مش هسكت عنه
سيف فضل يضحك على شكلها وهي متعصبه وبتحاول متعليش صوتها وتابع بضحك لا ماواضح انك مش امينه بس كده كده مش هتفرق ياروحي بدلي ال ( ن ) و ال ( ي ) هتلاقيها نفعت جربي كده ؟؟
امنيه بضحك يا مستفزز وراحت ضربته في كتفه كذا ضربه متتاليه فتابع سيف بضحك خلاص والله خلاص يا بنت الجزمه كفاياكي
امنيه بغيظ غايظني انت والنسوان بتوعك
سيف فضل يضحك وتابع عملتيها نسواان دي هي بت غلبانه ومشوفتهاش
امنيه برفعه حاجب لا انا اقصد عموما لان كل صحابي بيعاكسوك واللي بتعاسكك بخسرها وبهزقها
سيف اتفاجئ وفضل يضحك وتابع ليه العنف طيب يمكن بيقولوا رايهم عادي
امنيه بغيره رايهم في عينهم وعين اللي خلفوهم وبعدين انت مين قالك اني كنت هنزلك تشوفها يحبيبي حتى لو كنت هنا ؟؟
سيف بضحك دي مش محتاجه كلام واحده جايه تسلم عليا بديهي جدا هنزل اشوفها دي الاصول عيب يا امنيه
امنيه برفعه حاجب : بعيدا عن انها بت متربتش اصلا بس تعمل الاصول ولا تخلي مراتك ترضى عنك
سيف حط ايديه على وسطها وشدها ليه وباس خدها وتابع بحب طز في تالين وفي اللي خلفوها هو انا ليا بركه الا انتي يا نور عيوني
امنيه ضحكت بفرح وحضنته وتابعت ايوه كده حبيب عيوني والله العظيم ربنا يديمك ليا يارب
سيف ضحك وتابع بحب ويديمك ليا ينورعيني هاا انتي هتنامي ولا ايه ؟؟
امنيه بحب لا ماما عايزاني اعمل معاها محشي فهلبس ورايحالها
سيف بحب طب تعالي انام في حضنك بعدين قومي
امنيه بضحك بطل دلع هتاخر على الوليه
سيف بضحك رضا جوزك اهم وراح يغير هدومه ولبس بنطلون بيتي وتابع يعني حماتك نفسها لو قولتلها كنت واخده ابنك في حضني علشان ينام هتقولك استمري
امنيه فضلت تضحك وقعدت على السرير وتابعت متاكد مش هتغير يعني؟؟
سيف راح حط راسه على صدرها ولف ايديه عليها وغمض عينيه ونام وتابع لالا مش بتغير هي عايزاكي تروقي على ابنها علطول عادي ومش هتزعل
امنيه بضحك اه وماله ما صحته حلوه ابنها
سيف رايح يتكلم فتابعت بضحك الله واكبر طبعا علشان متقولش بحسدك فسيف فضل يضحك وامنيه رفعت الغطا غطته وعدلته في حضنه وفضلت تطبطب عليه وتمشي ايديها على شعره وتابعت بهمس : حبيبي ماتلبس تيشرت علشان متتعبش
سيف بنوم لا انا معود جسمي على كده علشان متعبش من تغيير الجو لما اسافر
امنيه باست راسه وتابعت بحب يارب يحميك ويحفظك ليا يعمري وفضلت تطبطب عليه لحد مانام بعدين قامت وغطته وغيرت هدومها ولبست دريس بيتي بكم ولفت الحجاب وباست خد سيف وخرجت وراحت لحماتها شقتها وتابعت بحب: حقك عليا اتاخرت عليكي بس حسام قالي خليكي جمبي لحد ماينام منمش كويس امبارح
نرمين بحب ولا يهمك يعمري جوزك اولى طبعا ولو تعبانه خليكي هنزل اعمل معاهم تحت
امنيه بحب لالا انا هساعدك ده انتي متعرفيش معزتك عندي قد ايه يا نيرو كفايه انك عملتي معايا احلى جِميل في الدنيا وخلفتيلي نور عيني ياغاليه
نرمين فضلت تضحك وتابعت ربنا يديمكم لبعض يعمري يارب وعقبال ماتخلفيلي انتي حفيدي او حفيدتي بقى
امنيه بحب يارب يحبيبت قلبي يسمع منك ربنا وقعدت تساعدها وبيتكلموا وبعد شويه بطنها وجعتها وحطت ايديها على بوقها وقامت جري على الحمام ونرمين قامت وراها
وفضلت تستفرغ فتابعت نرمين بخوف مالك يا امنيه في ايه يا بنتي اصحيلك جوزك ؟؟
امنيه هزت راسها ب لا وفضلت تستفرغ وحماتها بتطبطب عليها بعدين غسلت وشها ووقفت بتعب
نرمين بخوف ايه كالتي ايه يتعبك كده
امنيه بتعب مكالتش والله لسه يا ماما انا صحيت من شويه بس
نرمين بتفاجئ يعني بترجعي على الريق ده كده ممكن تكوني حامل يابت يا امنيه
امنيه بصتلها بتفاجئ وتابعت حامل بتهزري
نرمين بفرح لا والله شكلك حامل صح تعالي انهارده نروح للدكتوره ونتااكد
امنيه حست بتوتر وفرح ومشاعر كتير متلغبطه وتابعت طب امتى ماتيجي دلوقتي قبل ماحسام يصحى
نرمين دموعها نزلت بفرح وتابعت للاسف الدكتوره بتيجي بليل
يا فرحه قلبي لو ده حقيقي والله يابت يا امنيه
امنيه حضنتها وتابعت بدموع بالله عليكي اهدي متتعشميش لما نتأكد الاول
نرمين بدموع فرح : هتطلعي حامل باذن الله وهتقولي ماما قالت
امنيه بدموع فرح يارب يا ماما يسمع منك ربنا بجد
وعند سيف كان نايم على بطنه بعمق وفاجاه ازاز بلكونه اوضته اتكسر ودخلت طوبه فصحى مخضوض وبص حواليه شاف الطوبه فاستغرب وقام فتح الدرج خد مسدسه وفتح البلكونه بسرعه بيبص لقى موتوسيكل بيجري بعيد اوي فضرب ايديه جامد على السور ودخل بيوطي جاب الطوبه لقى عليها ورقه فشدها وقراها وكان مضمونها
(( اتنازل عن مهمه حيدر الانصاري احسنلك ))
سيف بخوف اهدي يابابا اهدي خلاص ده حلم وراح لحاله ومد ايديه جاب الكوبايه وحط فيها مايه واداهالها
امنيه خدت نفسها بعمق ومسكت الكوبايه منه وشربت وحطتها على الكومود فخدها سيف في حضنه وفضل يطبطب عليها وتابع بس بس اهدي خلاص انا جمبك
امنيه بدموع وخوف انا مش مرتاحه يا حسام والله ما مرتاحه
سيف بصلها وتابع يحبيبتي دي مجرد احلام متحطيهاش في بالك هتتعبي
امنيه بدموع انا احلامي بتتحقق يمكن مش كلها لان في جزء منها غامض ومفهمتوش لحد دلوقتي بس والله بتتحقق يعني مثلا قبل وفاه واحده قريبه بابا انا حلمت انها ماتت وقبل فرحنا حلمت ان في حد كان واخدك في حضنه وانت مطمنله ومأمنله بعدين طعنك والحمدلله ده محصلش بس انت اتقاال عنك موت فعلا بعيد الشر
سيف اتصدم فتابعت امنيه بتوتر غير يعني الشخص اللي انا كنت بحبه اللي قولتلك عليه ده
سيف بستغراب ماله ده كمان ??
امنيه بدموع وخوف انا مش بحبه هاا علشان متفهمنيش غلط بس انا في حاجه بتربطني بيه انا نفسي مش قادره افهمها بص هو مبدائيا ملامحه انا مش فكراها زي ماقولتلك وانت قولتلي ده مش حب حقيقي وانا كبرت دماغي وصدقتك بس حاسه كأن روحي متعلقه بروحه وخافت وتابعت حسام انا بتكلم معاك حقيقي مش قصدي حاجه انا بحبك والله و
سيف بمقاطعه ابتسم وتابع عارف كملي متخافيش
امنيه بدموع بس فانا بحس ان في حاجه بتربطني بيه غريبه يعني قولتلك هو كان نفسه يبقى ظابط مش متذكره نوع شغله بس هو كان عايز يبقى ظابط هل حقق حلمه ولالا معرفش بس بحلم بقالي فتره قبل جوازنا بشخص ملامحه مش واضحه وبيتصاب بلنار وانا بخاف عليه وبصحى مش فاكره مين ده وبكلمك بتقولي انك بخير وده احد اسباب اني كنت بروح اتعالج لاني بحبك بس حاسه ان احلامي بتوجهني لاحساسي بحد تاني غير خطيبي اللي هيبقي جوزي
سيف اتصدم بشده وتابع طب متفتكريش اخر مره حلمتي انه مصاب امتى ؟؟
امنيه حاولت تفتكر وتابعت ااه يوم خطوبتنا الصبح قبل ما اصحى اجهز حلمت انه بيتصاب وصحيت مخضوضه بس انت جيت خطبتني واليوم عدا طبيعي عادي فمهتمتش بس بتسال ليه ؟؟
سيف اتصدم بشده ان فعلا امنيه بتحس بيه لدرجه مرعبه علشان هو فعلا اتصاب يوم خطوبتها على حسام فتابع بتوتر لا ابداا بقول يمكن كنت متصاب وخبيت عنك لاني لما بتصاب مش بقولك بس التاريخ ده مستحيل
امنيه بدموع منا عارفه انه مش انت بس تعبت والله طب هرتاح امتى هو انا مريضه يا حسام
سيف ابتسم وتابع انتي مفيش منك سيبك من كل ده وانا جمبك ومش هتخلى عنك واياً كان حلمك هنعدي كل اللي جاي سوا .. احكيلي حلمتي بايه ؟؟
امنيه دخلت في حضنه وتنهدت بعمق فباس راسها وفضل يمشي ايديه على شعرها فتابعت: حلمت اني ماشيه على البحر وبدور عليك فلاقيتك جيتلي لابس ابيض في ابيض وبكلمك مش بترد علياا ومسكت ايدي مشيت بيا وورتني واحد تاني نسخه منك فاسيف اتصدم فتابعت امنيه وكان لابس تيشرت اسود وبنطلون جينز عادي ولما شافني حضني كأنه كان مش لاقيني وماصدق شافني وفضل يقولي حقك عليا وانتي كويسه وكلام زي ده فبعدين اللي زيك اللي لابس ابيض ده قالي على التاني ده المستقبل والحاضر وهتواجهوا صعوبه علشان تخرجوا من القريه دي واختفى من قدامنا ومشي وانا لسه مصدومه فالاقيتك طلعت سلسله عليها قلب احمر بينور جامد لبستهالي وفاجاه جم ناس لابسين اسود في اسود وحتى وشهم مش باين خدوني في ناحيه وخدوك في ناحيه وفضلنا نصرخ وننادي على بعض بعدين رموك في سجن وانا جريت منهم وقبل ما اوصل للسجن ده حطوا قدامي حجر كبيير بيفصل بيني وبينك وانا كنت تعبانه وبطني بتتقطع وخايفه اوي وبخبط على الحجر وانادي عليك وانت مش بترد عليا بعدين شوفت عليه ساعه وبتعد وقت وانت قولتلي استحملي يا امنيه وقت وهيعدي وهجيلك وبوطى لقيت جزمه بينك وتوكه بتوع بيبي ومسكتهم وفضلت اعيط واخبط على الحجر وانادي عليك واقولك اني محتجالك وصحيت
سيف اتصدم وتابع بقلق : اعوذ بالله من الشيطان الرجيم ايه ده بجد
امنيه بضيق والله ما عارفه يا حسام تفسيره يطلع ايه بقى معرفش وبصتله وتابعت هو انا كل اللي فهمته ان احنا هندخل في مرحله صعبه وهنجيب بنوته بسبب اللون البينك بتاع الجزمه والتوكه بس غير كده مش مستوعبه .. يعني ايه الناس اللي لابسه اسود في اسود اللي فرقتنا دي معرفش .. وليه في حد شبهك بلظبط كل ده بنسبالي مجهول
سيف غمض عينيه بوجع وتابع حبيبتي الفجر هيأذن اهو قومي نصلي واهدي باذن الله خير ومفيش اي حاجه
امنيه تنهدت بعمق وتابعت ارجع اروح لدكتورتي ??
سيف ابتسم وبصلها وتابع لالا متروحيش انتي مفكيش حاجه وضحك وتابع ده انتي فيكي شئ لله يعمري مش تعبانه ولا حاجه وعادي اي مشكله هندخلها احنا قدها وكده كده هي فتره وهتعدي مفيش حياه وردي علطول واكبر دليل الساعه اللي شوفتيها اللي بتعد وقت يعني مفيش حاجه تخوف في النهايه انا وامنيه وبيري مع بعض
امنيه بدموع يارب بجد يا حسام وحضنته فباس راسها وطبطب عليها وتابع بابتسامه يلا قومي نتوضى علشان نصلي
امنيه هزت راسها بماشي وقامت تتوضى ودخلت الحمام وهو تنهد بعمق وحط راسه مابين ايديه وتابع حبكت يعني يا حسام تجيلها في حلم زي ده .. انت بتنبها للي هيحصل علشان ناخد بالنا ولا عايز تعرفها وتسهلها عليا وتنهد بوجع وتابع انا بجد تعبت ومش عارف اعمل ايه وقام اتوضى وخرج فرد السجاد وامنيه خرجت وقفت وراه وصلوا مع بعض بعدين قاموا فتابعت امنيه بابتسامه تقبل الله
سيف باس راسها وتاابع بحب منا ومنكم ينورعيني وبيشيل السجاده فتابعت امنيه بحب خليك خليك انا هشيلهم ووطت جابتهم وبتطبقهم فقعد سيف على السرير ورجع ضهره لورا وتنهد بتعب
فتابعت امنيه بحب هحطهم في الدولاب وجيالك وفتحت دولاب سيف حطتهم ولفت نظرها حاجه باين منها حته بتعكس النور في وسط الهدوم فشدتها لقيتها سلسلتها اللي باسمها فاتصدمت وتابعت حسام انت جبت دي ازاي ؟؟
سيف اتصدم وتابع هي ايه ؟؟
امنيه راحت قدامه وتابعت بستغراب سلسلتي جبتها ازاي انا فاكره انها وقعت مني في الشارع يوم ما خبطت في عربيه ظابط لاني لما روحت البيت ملقتهاش في رقبتي
سيف اتصدم اكتر وتابع لالا متهزريش علشان انا لقيتها واقعه في مكتبي في القسم فشيلتها ونسيت اديهالك
امنيه بستغراب شديد : ليه وانا امتى جيتلك القسم مش فاكره بجد خالص
سيف بتنهيده لا كنتي بتيجي بس قليل يعني هما مرتين وهي وقعت منك في المره التانيه اصل بعقلك هجيبها منين انا يعني ما اكيد لو انا الظابط ده كنتي عرفتيني
امنيه تنهدت بعمق وتابعت مش عارفه يا حسام انا حقيقي تعبت اوي حاسه ان الغيبوبه لغبطت كل حياتي
سيف بحب ولا لغبطت ولا حاجه الكلام ده قبل ما تتعبي اصلا ولو حسيتي بأي حاجه انا تحت امرك اسأليني وعيوني ليكي هجاوبك يعمري .. تعالي يلا وفتح ايديه فاراحت قلعت الاسدال ونامت في حضنه وهو باس راسها وفضل يمشي ايديه على شعرها وسرحان فتابعت امنيه: حسام صحيح كل ما افتكر اقولك انسى هو انت هتغيرلي بطاقتي امتى دي لحد دلوقتي مكتوبه انسه
سيف بصلها وضحك وتابع بالله عيب في حقي الكلمه دي بس مستعجله اوي على كلمه مدام جتك نيله اسمع انها بتضايق الستات مش بتفرحهم
امنيه بحب لا مش مستعجله على مدام بس مستعجله ان اسمك يبقى في بطاقتي
سيف غمض عينيه بوجع وتابع بتنهيده تطلع القسيمه واغيرهالك يحبيبي ولا تزعلي
امنيه باست خده وتابعت ربنا ميحرمنيش منك ابدا يارب
سيف بحب ولا منك يعمري ورفع وشها ليه وباسها بحب وهمس واحشتيني
امنيه ابتسمت وتابعت نام الساعه 5 ونص مش وقتك خالص هااا
سيف بضحك لا دي ملهاش مواعيد بتهزري ولا ايه وبعدين بدل ماتودعيني لان خلاص يومين ومسافر
امنيه بصدمه بتهزر بجد هو احنا لحقنا
سيف بتنهيده اه والله للاسف جريوا وهتواحشيني اوي والله يابت يا منونتي
امنيه دموعها نزلت وتابعت وانت اكتر ينورعيني وحضنته فدفن سيف وشه في حضنها وهمس: امنيه انا نفسيتي تعبانه اوي بجد
امنيه رفعت وشه ليها وتابعت بدموع ليه يحبيبي مالك في ايه
سيف عينيه كانت مليانه وجع وتابع مش عارف احكي ومن طبيعتي متعودتش احكي ولما احس اني قادر اتكلم اكيد هقولك انتي لانك غير اي حد بس حاليا عايزك جمبي علطول حتى وانا بعيد عنك عايز احس ان روحك جوايا مش عايز حاجه تبعدنا ابدا اياً كان ممكن نمر بايه
امنيه بدموع الحلم قلقك مش كده ؟؟ بس والله متخافش انا روحي فيك ومش هسيبك
سيف تنهد بوجع وتابع حتى لو جيت مره كدبت عليكي
امنيه بستغراب هو انت كدبت علياا! !!!!
سيف بتنهيده بقول لو
امنيه بوجع انا بكرهه الكدب وانت عاارف واتمنى متلجأش للكدب خاالص وصارحني اياً كان ممكن يحصل ايه لان مسيري هعرف فا الصراحه في الاول اهون .. بس لو اضطريت تكدب مؤقتا هكدب عليك لو قولتلك مش هزعل منك بس بردو مش هقدر اتخلى عنك علشان انا روحي فيك ومقدرش اعيش من غيرك ومفروض معرفكش انك محور الكون بنسبالي كده لان الراجل لما بيضمن الست بيذلها بس انا بثق فيك اكتر من نفسي وحضنته
فحضنها سيف اكتر وهمس انتي لسه متعرفيش انا بحبك قد ايه فحقيقي مش هقدر انا كمان على بعدك عني ورغم قوتي مع الكل امنيه هي نقطه ضعفي الوحيده والشخص الوحيد اللي مستعد اضحي بأي حاجه علشانه
امنيه ابتسمت من بين دموعها وبصتله وتابعت ولا مشاكل الدنيا هتاخدك مني يا ابن معتز متقلقش احنا قدها والله العظيم
سيف ابتسم بحب وتابع نورعين ابن معتز وقربها ليه وباسها بحب وهي حطت ايديها حوالين رقبته وتجاوبت معاه بحب وبعد شويه كان قاعد سيف عاري الصدر وواخدها في حضنه وبيطبطب عليها وسرحان في اللي جاي قاطع تفكيره صوت رنين الفون فمسكه ورد وتابع بتنهيده صباح الخير يا سياده العميد
-تمام انا فهمت كل حاجه متقلقش هحاول اعرفلك بكل الطرق هو مين
-بصراحه انا شاكك في عصام فهتاكد واقول لسيادتك وابعتلي رقم النقيب يوسف ظابط المخابرات
-تمام يا فندم خير باذن الله متقلقش انا مش بخاف من حد ومتعودتش ارفض مهمه اتحطت قدامي
-تمام يلا باي وقفل معاه وبص على امنيه كانت غرقانه في النوم فقام براحه من جمبها وغطاها كويس وراح خد شاور ولبس بنطلون ابيض وقميص اسود وسرح شعره وباس راسها ونزل
نرمين كانت جايبه خضار وطالعه فتابعت بستغراب رايح فين يا واد دلوقتي الساعه لسه 7
سيف بتنهيده مليانه وجع وهو نازل : رايح لنفسي اللي ضاعت مني ومش لاقيها لحد دلوقتي ياما
نرمين غمضت عينيها بوجع وتنهدت بعمق ودموعها نزلت بقهر وطلعت وهو ركب عربيته وراح اشترى ورد وراح المقابر ودخل حطهم حوالين قبر حسام في الحتت المزروعه وفضل يسقي بلمايه بعدين قرا الفاتحه وعينيه دمعت وتابع: لو في جمله اعمق من واحشتني كنت قولتهالك .. عارف يا حسام انا خسرت حته مني مش مجرد تؤامي انت كنت نبض ساكن جوايا ودلوقتي حاسس اني ناقص حته من غيرك … لما كنت عايش مكنتش بحس اني لوحدي حتى في الشغل انما دلوقتي رغم ان الكل حواليا انا حاسس اني في صحرا بحق وحقيقي ومش محتاج حاجه تفكرني بيك علشان اتوجع وابتسم بوجع وتابع انا بشوفك في المرايا يا حسام وحتى كرسيك اللي بيفضل فاضي على الفطار واي حد بيقعد فيه كل مره بحس بقهر وببقي عايز اقول قوم ده مكان اخويا انت ازاي تقعد فيه ؟؟!! .. حقيقي ندمان اني عشت عمري كله واثق انك موجود وكنت بسافر اكتر ما بقعد معاك واشبع منك وفاجاه روحت مني .. وقبل سفري خدتك في حضني وقولتلي هتواحشني معرفش انك كنت بتودعني ساعتها ودموعه نزلت وتابع هو انت صحيح ليه مقولتش ان ده حضن الاخير ؟؟ انا كنت بحس ان ليا ضهر ودراع وبعدك اتكسرت ومهما بينت اني جامد بس انا هش ودموعي اللي مكانتش بتنزل بتبقى اقرب من ما اتخيل لما الموضوع بيتعلق بيك .. بس عارف الحلو انك مهما طولت في غيابك انا مش هزعل منك وبقف قدام المرايا اكلم نفسي واشبع من ملامحك اللي اتحرمت منها .. عارف ياحسام رغم انك مزعلتش مني بسبب جوازي وجيت لامنيه تقولها عني الحاضر والمستقبل بس انا زعلان من نفسي على كل سجده كنت بطلبها من ربنا فيهاا ودموعه نزلت بقهر وتابع علشان انا لو اعرف ان دعواتي هتستجاب بانك تموت وانا اخدها بدالك مكنتش طلبتها ومش عايزهااا بس خليك .. ااه لمستك ليها كانت هتعيشني مقهور بس موتك انت موتني بلحياا وابتسم بوجع وتابع والله مش بضحك عليا انا بعشق امنيه بس مقدرش استغنى عن اخوياا الحب يتعوض انما انت لا ياعبيط ودموعه زادت وتابع ياريتك كنت هناا والله كنت هنسحب بهدوء وهسيبكم لبعض هي كده كده بتحبك ونسيتني وانا اموت بألمي عادي بس حضنك يتفتحلي ووالله ياخويا كنت هسيب اسيوط لحد ما انساها منا مقدرش احط عيني على مراتك بس كنت خليك والله لو اعلم المستقبل مكنتش هطلبها من ربنا ودموعه زادت وتابع انت واحشتني اوي ياحسام ووطى بضعف وتابع ابوس ايدك اخرج احضني وارجع انا هموت من القهر ..هموت من ضعفي وقله حيلتي ..قوتي وجمودي ادفنوا معاك وانهاروا مع خبر موتك وبعدك عني وفضل يبكي بوجع وسند راسه على القبر وافتكر
فلاااش باااك
حسام برفعه حاجب يعني افهم من كلامك ان انا شرطه وانت حربيه ؟؟
سيف بضحك اه بلظبط كده وقولت لمازن يقنع نيرو علشان تعبتني نفسياا
حسام بحده سيف انا قايلك ان
سيف بضحك ومقاطعه هشش اخرس يحيوان انت بتكلم اخوك الكبيرر
حسام بسخريه بخمس دقايق مش كده
سيف بضحك ولو دقيقه الكبير بردو ليه احترامه
حسام بحده طب يا كبير انا عايز حربيه
سيف بتنهيده وانا عايزك وسط اهلك ..عايزك في امان
حسام بدهشه يا ابني انت هتعصبني لييه اشمعنا انت يعني
سيف بتنهيده انا من زمان حلمي ادخل حربيه وانت زيي انا عارف بس والله العظيم انا خايف عليك
حسام ومش خايف على نفسك ??
سيف بحب انت نفسي ده انا اعيش في خطر طول العمر علشان انت تعيش بخير ياعبيط اقوم اوديك بنفسي لسينا والتعب ده لا مستحيل وبعدين انا قدمت خلاص لما تقدم انت كمان ونسافر سوا مين هيرعي زينب وامك وابوك ويخليه جمبهم
حسام نفخ بضيق وتابع منا كمان حقي اخاف عليك انا كنت عايز ابقى جمبك مش هطمن تبقى هناك لوحدك
سيف بحب انا بخير طول ما انت بخير وباس راسه وتابع علشان خاطري انا اسمع كلامي بلاش حربيه حوارتها كتير خليك في الشرطه وقسما بالله انت قدها وقدود وهتترقى وهتبقى حاجه عاليه وهتقول سيف قال
حسام بتنهيده ايه الجديد منا علطول بسمع كلامك هو انت حد بيعرف يغلبك يا سيف
سيف بضحك حبيب سيف وحضنه وتابع اشطر ظابط شرطه فيكي يا اسيوط
حسام بضيق اممم كل بعقلي حلاوه يلا
سيف فضل يضحك وتابع وربنا بتكلم جد وبكره الايام تثبتلك اني صح
حسام بتنهيده بجد انت تفكيرك غريب لان العمر بايد ربنا بس ماشي
سيف بحب ونعم بالله بس بردو ربنا ادانا عقل نفكر بيه وانا عارف نفسي هقدر عليها فموافق بيها بعيوبها بس مش عايز لاخويا التعب ده وعايزه وسط اهله وبعدين يا حسام قسما بالله انت لو جرالك حاجه ده انا اعيش من غير روح فمتستغربش خوفي عليك انا عمري ما اعتبرتك اخويا التؤام .. انا علطول شايفك ابني ومن مسئوليتي
حسام طبطب على ضهره وهو حاضنه وتابع ربنا ميحرمنيش منك ومن خوفك وحنيتك عليا يا حضره الظابط
سيف بحب ده والله مافي ظابط احسن منك وابتسم وتابع ولا يحرمني منك يا قلب اخوك هاا اتفقنا
حسام بضحك اتفقنا انت احميها برا وانا احميها جوه وضربوا كفهم في كف بعض
باااااك
سيف وهو ساند راسه على القبر تابع بدموع ووجع بس متفقناش انك تمشي وتسبني لوحدي .. عشت اخاف عليك وبردو ربنا اختبرني فيك .. يمكن لانه عارف انك انت واختك اغلى حاجه عندي وغمض عينيه بوجع وتابع انا مش بعترض بس مش هتقبل غيابك مهما مر الوقت واهي ايام وبتتعاش وهجيلك وساعتها مش هبعد عنك تاني وباس القبر وتابع ربنا ينتقم منه اللي فرقنا وبعدك عن حضني يا غالي وقام بتعب وقراله قران شويه بعدين مشي
الحارس : سيف بيه سيف بيه عربيتك انت هتمشي وتسيبها
سيف بوجع خليها بتمشي وهرجع تاني اخدها ومشي شويه غرقان في افكاره لحد ما لقي مقعد قعد عليه وهو سرحان وبيفكر فكل الاحداث اللي حصلتله وهيعمل ايه في اللي جاي فقطع انتباهو اتنين باين عليهم اخوات قاعدين في المقعد اللي جمبه
واحد منهم : لا يعني لا خليك انت براها عمك شراني وانا هقف قصاده واجيب حقنا انت متدخلش يا معاذ
معاذ بحده وانت تقف قصاده لوحدك ليه اخوك عايش وهاجي معاك ويا احنا ياهما
الاول بحده لا وابوس ايدك كبرني بقولك ده راجل شراني افرض اتعاركنا والموضوع كبر واداك طلقه كده ولا كده افرح بيك انا ساعتها لما تروح مني
معاذ بحده متعاملنيش اني الصغير علطول انا بيني وبينك سنه وواجبي اروح معاك منا مش هسيبله اخويا يعني
الاول بدموع : ولو فرق يوم هفضل شايفك اخويا الصغير وهفضل اخاف عليك وانا في ستين داهيه مش مهم فابوس ايدك متدخلش انا هحلها معاه وهاخد معايا عمده البلد هما عارفين انك نقطه ضعفي فهيضغط عليا بيك فا ورحمه ابوك اسمع كلامي انا مش حمل وجع يا معاذ
معاذ بتنهيده: خلاص حقك عليا وباس راسه وتابع هفضل هنا علشان مش عايز اكون الشوكه اللي تكسر ضهرك قدامه مش اكتر
فتنهد سيف بعمق ودموعه نزلت بغزاره من غير ولا صوت وبص للسما وتابع مش معترض بس انا ضهري اتكسر بدري اوي يارب وغمض عينيه بقهر وتابع ياريتني كنت موت انا وهو عاش وبص عليهم لقاهم بيحضنوا بعض وتابع حضنه بقي بيني وبينه السما والارض يارب ميحرمهم من بعض ولا يدوق حد فيهم اللي دوقته ابداا
وفونه رن فكانت زينب فرد وتابع بتنهيده ايه يحبيبتي
زينب بعياط وخوف الحقني يا سيف حسام قاطع النفس ومش بيتحرك
سيف اتصدم وحس ان قلبه اتخلع وتابع يا نهار اسود ازاااي ده اقفلي انا جايلك حااالا
وقام جري وراح على عربيته وساقها باقصي سرعه لبيت زينب
—–
عند نور ويونس
يونس كان نايم ونور صاحيه قاعده على السرير بتتشات مع هند ومش واخده بالها ان شعرها جاي على وش يونس
فيونس وشه انكمش بضيق وفضل يبعد شعرها عنه وتابع بنوم يا روبانزل عصرك انتي .. لمي شعرك يحبيبتي مش عارف اتخمد
نور بصتله وشالت شعرها كويس وتابع بضحك منا قولتلك اقصه ونريح مش عاجبك
يونس وهو بيديها ضهره وبينام على جمبه تابع بنوم علشان اقص رقبتك ونرتاح
نور مسكت اطراف شعرها وفضلت تحركهم على وشه وتابعت بضحك بذمتك اهون عليك
يونس فتح بضيق وتابع بتحذير يا نور هزعلك بجد
نور بتمثيل حزن تزعلني علشان بهزر معاك لالا يا يونس زعلانه منك بجد قال تقولي بحب شعرك قال
يونس بضحك يابنتي بطلي شغل قلب الترابيزه ده هو انا علشان بحبه هتحطيه على وشي ايه العلاقه مش فاهم
نور وهي بتحط شعرها عند رقبته تابعت طلما بتحبه يبقى تستحمل قرفه معايا بقى علشان هو اللي بيطير ويجيلك
يونس بضحك لا يا شيخه هو اللي بيجيلي لوحده يعني
نور وهي بتحركه اه انت مش مصدقني ولا ايه
يونس غمض عينيه وتابع طب يا نور انا مش هقررها لو جيه علياا تاني هزعلك
نور بضحك وهي بتحركه هتعمل ايه يعني انا عايزه ازعل
يونس لفلها واعتلاها وتابع انتي عايزه ايه على الصبح علشان الواحد مش عارف يتخمد منك انتي وشعرك من امباارح كل شويه المه واحطه على جمب قرفتوني
نور اتوترت من قربه وقلبها دق بعنف وتابعت بضحك مش عايزه حاجه ياروحي انا بنكشك علشان تصحى تقعد معايا بس
يونس بص للساعه وتابع الساعه 8 وانا في العادي بصحى 9 معرفتيش تصبري الساعه دي من غير ازعاج وقله ادب ؟؟
نور بضحك منا معرفش بتصحى امتي ومليت من الرغي مع هند بصراحه فلما شعري ضايقك قولت استغل الفرصه
يونس بحب ان جيتي للحق انا اللي بستغلها مش انتي
نور بضحك منا ملاحظه فعلشان كده اوعا اقوم اعمل الفطار بما انك صحيت
يونس بضحك مين تعمل الفطار ؟؟ انتي !! لا خليكي ننزل نفطر تحت معاهم لما يفطروا انا مش قادر انضف مطابخ تاااني من بعد اخر مره كفاايه
نور فضلت تضحك وتابعت لالا المره دي بجد ثق فيك هبهرك
يونس بضحك والله قلبي مش مطاوعني لا ده انتي يوم ما طبختي حرقتي الاكل وحرقتي الطاسه ودخنتي الشقه
نور بضحك المره دي هجيب من اليوتيوب وهقلدها بلظبط متخافش ده هو بيض ببسطرمه وجبن ولانشون وبطاطس محمره وحاجات خفيفه يعني
يونس بتفاجئ لا ومعلش هتجيبي اليوتيوب في ايه ؟؟ ولا هتكتبي ايه اصلاا ؟؟ كيف يتم وضع الطعام في الاطباق ؟؟
نور فضلت تضحك وتابعت شوف بيتنمر بدل ما يشجعني
يونس بضحك لا متهزريش بجد الله يخربيت اهلك اشجعك على ايه
نور بضحك الله منا اول مره يبقى ليا بيت ومطبخ يا يونس وبعدين انا معرفش البيض بيتحطله توابل ايه لاني هحط توابل وزيتون فمش حاجات قليله يعني مالك في ايه
يونس بذهول لا مفيش ..مفيش خالص
نور بضحك طب ما اديك قدرت الموقف اهو اومال بتفكر في ايه
يونس بابتسامه بفكر انا عملت ايه في حياتي علشاان ربنا يبتليني بيكي يا نور عيني
نور اتفاجئت وتابعت بضحك اخص عليك بجد وهانت عليك تقولها وضربته في صدره
يونس بضحك ماهو مش هنكدب على الله هي بلوه بس للاسف نورعيني بردو ومقدرش استغنى عنها ولا انتي بتنقي الكلام
نور بضحك ده انا هوريك البلوه دي هتعمل ايه اوعا بس كده
يونس بعد عنها وتابع بضحك وعيت ياحياتي 3 دقايق وهتناديني يلا
نور فضلت تضحك وتابعت هتشوف وراحت لمت شعرها كحكه مرفوعه لفوق بشكل فوضاوي ونازل منها خصل مخليه شكلها كيوت ورقيق اوي ودخلت المطبخ غسلت ايديها ولبست المريله وبدات تجيب الحاجه تحطها قدامها فعايزه تجيب ازازه الزيت فوقفت على الكرسي الصغير وبتجيبها وقعت العلبه بتاعت الدقيق معاها فغرقت شعرها وهدومها فشهقت بخضه وبصت لنفسها وللارض بصدمه فتابع يونس بضحك من الاوضه: يا اهلااا وسهلااا بلبدايات المشرقه
نور بحرج وصوت مسموع : متجيش لو سمحت مش عايزاك خاالص ده برطمان وقع مقفول عادي ونزلت من على الكرسي وتابعت بتوتر يااربي على الاحراج طب هوريه شكلي كده ازاي …… وفكرت وتابعت احسن حاجه اخلص واخد شاور في حمام الصالون من غير مايشوفني وبدات تحط الزيت في الطاسه وجابت طاسه كمان وحطت فيها زيت كتير للبطاطس وبتقطع البطاطس ومرقابه الزيت بعدين مسكت البيض بتكسره وتحطه في الطاسه الاولى وكسرت اتنين وجات عند التالته نزلت منها حته بلقشر فاتصدمت وحاولت تطلعها بس بتتزحلق من المعلقه فاتعصبت وفضلت تحاول فا البيض لزق في الطاسه فشهقت وفضلت تحاول تحركه فبصت للطاسه التانيه لقيت الزيت سخن اوي وطلع دخان فاتوترت وراحت جابت البطاطس من المايه وحطتها في الطاسه فا النار عليت اووي لفوق فصوتت بخوف وتابعت بصرااخ: يوووونس
يونس اتخض وراحلها بسرعه وتابع بخوف ايه في ايه يخربيت اهلك واول حاجه عملها طفي النار على الاتنين واتصدم من شكلها وشكل الارض وبص للطاسه لقي البيض لزق وفيه قشر فمقدرش يمسك نفسه وفضل يضحك بشده ورجع سند على الحيط وهو لسه بيضحك ومش قادر يقف لدرجه عينيه دمعت
نور بدموع وبحده : مفيش حاجه تضحك خاالص على فكره انت بايخ اوي بجد
يونس فضل يضحك اكتر على شكل انفعالها وتابع : انا عايز اعرف انتي شايفه ايه ميضحكش في اللي بيحصل بجد ؟!!! ورجع يضحك تاني
نور بضيق نينيني اخرج براا انا مش عايزاك اصلااا .. يلا وبتزقه
ففضل يضحك وتابع اخرج ايه قسما بالله مايحصل علشان المره الجايه تولعي في البيت مش كده
نور بدموع والله مش قصدي انا بجيب الزيت الدقيق وقع علياا وخلاني شبه السمكه البلطي قبل القلي
يونس فضل يضحك بشده وعيونه دمعت ونور بصاله بغيظ فتابع مش قاادر والله مش قاادر انتي اللي قولتي مش انا بتبصيلي كده ليه الله
نور بدموع والله انت بارد بجد مكنتش عايزه اناديك بسبب كده
يونس من بين ضحكه معلش يحبيبي حقك عليا وضحك اكتر وتابع سمك بلطي ايه بس هو فيه سمكه قمر كده
نور بدموع بردو زعلانه منك انت بتتريق ليه انا عمري مادخلت مطبخ
يونس بضحك عليكيي نور وانا قولتلك كده وقولتلك متدخليش والله العظيم بس اعمل ايه في عنادك بقى وبص للاكل وفضل يضحك وتابع هو اليوتيوب قالك كده بردو
نور بدموع لسه مشغلتوش كنت هشغله لما اجي اتبل البيض والبطاطس
يونس بصدمه هي البطاطس بتتبل في الزيت ؟؟
نور بدموع معرفش
يونس بضحك يانهااار اسود ومنيل انهي يتيم ده يااارب اللي كالت ماله وانا ارجعه كتير اللي بيحصل ده والله كتير
نور بدموع بجد بطل تريقه انا اصلا ملحقتش اطبخ هو الدقيق وقع اول ما دخلت بسبب عينك
يونس بضحك ايوه انا اللي مسلطه يقع عليكي لما تدخلي على فكره علشان تحرمي تدخلي تاني
نور بضحك من بين دموعها بجد مبهزرش وكمان البيض بكسره عادي اتكسر جيه عند التالته القشر وقع وحلف مايطلع لحد ما لزق في الطاسه وهوب لاقيت الزيت سخن ومحتاج البطاطس فحطيتها لقيته عمل ناار لفوق ايه ده بجد
يونس بضحك الزيت محتاج البطاطس ااه ده انا اللي محتاج المأذون ودلوقتي حاالا
نور بضحك يونس بجد مبهزرش روح شغل قرآن احنا شكلنا اتحسدنا وفي عين في حياتنا
يونس فضل بضحك بشده وتابع اتحسدنا ايه ياللي هتشليني وتفقعي مرارتي انتي !!! يعني ميمشيش معاكي ان البيض مفروض بيتكسر في طبق وتضربيه بعدين تنزليه بيه مره واحده وتقلبي بسرعه علشان ميلزقش ؟؟ وميمشيش معاكي ان البطاطس مفروض تتصفى كويس من المايه وتوطي النار علشان الزيت مع المايه ده انفجاار حرفياا فا ايه مش كده اوضح من الحسد والعين اللي بتقولي عنهم ؟؟
نور نفخت بضيق وتابعت الظاهر كان لازم اشغل اليوتيوب من البدايه
يونس بضحك لالا ده انا اللي كان لازم اشغل عقلي قبل ما احبك من البداايه وضرب كف في كف وتابع بضحك يا حول الله يارب هموت واعرف ايه بلاني بيها دي
نور بضحك تستاهل مش بتحبني اشرب بقى خلاص فات اوان الندم
يونس فضل يضحك وتابع ده حقيقي اه استاهل كل اللي يجرالي اجري خدي شاور علشان الدقيق ده وانا عقابا ليا هعمل الفطار
نور بضحك ده تكفيراا عن غلطك في حق نورك دلوقتي مش كده
يونس بضحك لا ده تكفيرا عن غلطي في حق نفسي
نور فضلت تضحك وتابعت ماشي يا يونس صبرك عليا وخرجت وهو ضحك وتابع لا بجد الله المستعان وشويه كان يونس مسح المطبخ وغسل ايديه وابتدى يغسل الطاسه من البيض ورماه وحضر الحاجه قدامه وبدا يعمل الاكل بتنظيم ونور جات وهي لابسه البورنص وشعرها مفرود وراها وبينزل نقط مايه فابتسمت وتابعت طب بالله انا جوزي اشطر شيف
يونس بضحك من غير تطبيل علشان تخليني اطبخ علطول
كده كده مش هتدخلي هنا تاني يعمري غير لما تتعلمي
نور بضحك خلاص موافقه رايحه البس وجيالك قعدني اتعلم
يونس بحب ماشي روحي
ودقايق وجاتله نور لابسه بدي كب اسود واصل لقبل الصره ومكتوب عليه بلاحمر وشورت قصير احمر ونشفت شعرها بلاستشوار وسيباه طويل جدا وراها وحطت ميكاب رقيق وروج احمر لايق جدا على بشرتها البيضه وتابعت بابتسامه ها وصلت لفين
يونس بابتسامه مردتش ابدء اعمل البطاطس والبيض غير لما تيجي يادوبك حضرتهم في .. وبصلها اتفاجئ بشكلها وقلبه دق بعنف وخد نفسه بلعافيه وراحلها وتابع هو لو عايزه تعرفي وصلت لفين بلظبط فانا وصلت لاخري حرفياا وحط ايديه على الجزء الظاهر من وسطها وقربها منه وتابع بضحك قاصده تتعبي اعصابي مش كده ؟
نور بابتسامه لا خالص انا اصلا في العادي كنت نفسي البس قصير في المناسبات وبقيسه عادي لولا طبعا انت ومازن كنتوا بتهزقوني وتخلوني اغير وضحكت وتابعت فا ده اه مكشوف اكتر منكرش بس انا مش ضد المبدا لاني كنت عايزه اعملوا فعلشان كده لبسته وبعدين انت حته مني فخلاص هتحرج من ايه فبحقق احلامي في بيتي بقى فاهمني
يونس غمض عينيه وسند جبينه على جبينها وتابع بضحك: فاهمك والله بس مش عارف امنع نفسي عنك فاروحي البسي حاجه اطول بلاش تعب اعصاب وحياه ابوكي
نور بصتله برفعه حاجب وتابعت مش هغير يا يونس واصلا بتمنع نفسك عني ليه مش فاهمه
يونس تنهد بعمق وبصلها بهيام وتابع نور انا قولتلك مش هقرب منك غير لما تحبيني
نور بحب وانت مين قالك اني مش بحبك
يونس بتنهيده لا انا عارف طبعا انك بتحبيني بس مش الحب اللي انا اقصده ماهو مش مجرد ماتعرفي الحقيقه هتفعلي زرار الحب انتي اللي جواكي ده ندم على اللي عملتيه في حقي وكرهه لقاسم فخلاص قررتي تبدائي حياتك الجديده عادي واهو مع حد انتي فعلا بتحترميه وعايزاه بس مش بتحبيه لسه
نور الدموع اتجمعت في عينيها وتابعت انت بتوجعني بكلامك عن مشاعري لانك مش مكاني وبتحكم
يونس باس جبينها وتابع بتنهيده مش مكانك اه بس انتي جواياا وفاهم بتفكري وبتحسي بايه ووالله مش مستعجل خدي وقتك براحتك لحد ما تحبيني زي ما بحبك وبصلها بتوتر وتابع بس يعني قدري اني بحبك فصعب اوي بنسبالي تفضلي كده
نور ابتسمت بسخريه وربعت ايديها وتابعت وانا مش هغير ومش عايزاك الاتنين فاللي عندك اعملوا هاا
يونس بضحك هدعي بلصبر هعمل ايه يعني وراح يكمل الاكل فتابعت نور بضيق قعدني هنا
فيونس شالها وحطها على الرخامه وفضل يكمل الاكل وهو بيحاول يتجاهل وجودها على قد مايقدر فضحكت هي بشده فاستغرب يونس وتابع بتضحكي على ايه ؟؟
نور فضلت تضحك وتابعت افتكرت شكلك في العياده بتاعت الدكتوره الاولى لما قالتلك عندك مشكله وانت اتعصبت عليها
يونس اتفاجئ وتابع بضحك يابنت الجزمه انتي بتستفزيني يعني ؟؟
نور بضحك لا والله مش قصدي بس الكلمه ضحكتني من وقتها وخصوصا شكلك وانت متعصب عليها ومعرفتش اضحك في الموقف فاافتكرت دلوقتي وبعدين ما انت صح عندك مشكله هي مغلطتش
يونس برفعه حاجب وبحده : نور نتلم علشان مزعلكيش خدي بالك من كلامك
نور بضحك لا ياروح نور انت فهمت ايه .. انا اقصد مشكله في تفكيرك ووجه نظرك اللي موقفه حياتنا وابتسمت وتابعت ومشكله كمان في عينيك اللي بتلف في المطبخ كله ومش بتيجي الناحيه بتاعتي كأنها خايفه تبص عليا فانت محتاج تعالج دول بس مش اكتر انما قطع لسان اللي يقول عنك كلمه وحشه
يونس غمض عينيه بتأثر وتابع نور الله يرضى عنك كفايه
نور بضحك ايه في مشكله في صوتي كمان ؟؟
يونس ضحك وتابع اه قلبي كل كلمه منك بتخليه يدق زي الطبل ودي مشكله صعبه جداا وانا اعصابي تعبت بسببه
نور مسكت دراعه ووقفته قدامها وتابعت بابتسامه عايزه اقولك حاجه
يونس طفى النار وتابع بحب سامعك
نور بحب انا يمكن لسه محبتكش زي ما انت بتحبني بلظبط لان حبك عميق اوي وصادق وحقيقي لدرجه انا متخيلهاش بس اللي واثقه منه اني حاسه معاك بامان عمري ما حسيته في حياتي ومش خايفه وحاسه كأني قدام مرايتي وبتكلم وبعبر عن كل حاجه جوايا من غير ما افكر واعمل حساب فعلشان كده بنكشك وعايزه نكون زينا زي اي حد وابتسمت وتابعت وهي بتلف ايديها حوالين رقبته يعني انا عايزه ابقى مراتك بجد وليك مش مجرد اسم قدام الناس
يونس اتأثر جدا من كلامها وغمض عينيه ورايح يتكلم قاطعته نور وتابعت بحب سيبني اكمل .. واللي خلاني اتأكدت وعرفت يعني ايه مش خايفه منك وحاسه بامان اني كنت طول الوقت بخاف من فكره يوم فرحي على قاسم مع اني كنت عايزاه وبحبه بس مكنتش مطمنه لفكره انه يقرب مني لا كنت بترعب حتى لما كان بياخدني في حضنه ويلمح انه بيتمنى قربي كنت …
فهنا يونس اتعصب جدا وكور ايديه بغضب فلاحظت نور ومسكت ايديه بحنان وتابعت بحب المهم دلوقتي انا من حق مين هاا وابتسمت وتابعت هكملك .. لما كان بيلمح انه بيتمنى قربي كنت الاقي جسمي بيتنفض ومرعوبه من الفكره وفكرت ان ده بسبب اني بنت زي اي بنت وطبيعي اخاف لحد ما بقيت معاك يا يونس وانا حاسه اني بجد مش خايفه من اي حاجه من كل ده يمكن معرفش يعني ايه حب يونس لنور بس عارفه يعني ايه امان نور مش مع حد غير يونس
يونس حط ايديه حوالين وسطها وهي قاعده وشدها ليه وحضنها وهي رفعت ايديها لفتها حوالين رقبته وشددت من حضنه فهمس يونس بحب والله بموت فيكي وهفضل امانك العمر كله
نور بحب وانا اكتر والله العظيم فخرج من حضنها وباسها بحب وعمق وهي حاطه ايديها حوالين رقبته وبعد عنها وسند جبينه على جبينها وهمس بغيره : نور هسألك سؤال ومتخافيش ردي عليا بصراحه
نور بحب : عارفاه وهريحك … قاسم عمره ما عمل زيك هو بس كان بيحضني ولما يجي عايز يبوسني كنت بحط ايدي على شفايفي وبمنعه ومش بوافق وقولتلك اني كنت بوقفه عند حده يمكن مره بس باس رقبتي فيها
يومس غمض عينيه بغيره شديده واتعصب فابتسمت نور وحطت ايديها على خده وتابعت بابتسامه بس عمره ما طال مني حاجه وحياتك انا اتكتبت ليك واكبر دليل رغم محاولاته انه يمتلكني ربنا فضل يحفظني علشانك فابتسم يونس بحب وقرب باسها وشالها بين ايديه ودخل اوضتهم وحطها برفق على السرير وهي بتقربه منها فوطى باس رقبتها بحب وباب شقتهم خبط فاتنفضوا فغمض يونس عينيه بضيق وتابع ظابطين نفسهم دي تاني مره على فكره ..شكلهم خلصوا سيف استلموني انا
نور بهمس لالا متقومش خليك وهيفكرونا لسه نايمين
يونس بضحك بتهزري بجد طب اشوفهم وارجعلك
نور بضيق يا يونس هيخلوك تنزل او الحوارات بتاعتهم اللي مش بتخلص على راي سيف
يونس بحب متشيليش همي انا بصراحه ماصدقت بس تتعوض بليل او بكره عادي
نور بحرج يحبيبي مش علشان كده طبعا .. بس انت نسيت ان انا في اي لحظه هيبقى عندي عذر ولا ايه خلاص انا عديت ال 3 اسابيع ومش مظبوطه علشان اقولك عارفه امتى فيصعب عليا احنطك جمبي الفتره دي كمان
يونس بتفاجئ : اه تصدقي صح وضحك وتابع لا في الحالات اللي زي دي يخش يولعوا بجاز مفيش وقت .. فنحقق حلم العمر بعدين نشوفهم
نور ضحكت بحرج وتابعت اتلم وضربته في صدره وهو قرب باسها بحب وبعد شويه وقت كان يونس قاعد عاري الصدر وواخدها في حضنه وبيمشي ايديه على شعرها وتابع نور انتي كويسه ؟؟
نور مغمضه عينيها وتابعت اممم
يونس باس راسها بعمق وتابع بحب الحمدلله اننا وصلنا لهنا حقيقي لسه مش قادر اصدق من فرحتي فا اللهم لك الحمد بجد وضحك وتابع وصحيح مش لو كنتي بطلتي نكد من اول يوم جواز كنا اكتشفنا الحقيقه في لحظتها بدل ما شكلي قدام الدكتوره كان خرا كده
نور ضحكت بتعب وتابعت والله مش انا بس ما انت كمان تقلت عليا بعد كده هنحور ولا ايه
يونس بصلها وتابع بقلق نور انتي مال صوتك انتي كويسه ؟؟
نور بوجع اممم اخر بطني بيتقطع نفس التعب اللي تعبته امبارح
يونس ضرب ايديه على جبينه وتابع بصدمه : ياانهار ازرق ده بسبب التهابات الرحم
نور بوجع اممم منا عارفه ودموعها نزلت بصمت
يونس بقلق مكنش ينفع يحصل حاجه غير لما تخفي يا نور دي غلطتي انا ازاي نسيت
نور بدموع والله مش انت خالص مال ده ب ده يعني يا يونس
يونس نفخ بضيق وتابع يحبيبتي هو ايه اللي مال ده ب ده اما انتي الرحم عندك الدنيا خرباانه وملتهبه فمفروض مينفعش اي حاجه لحد ما تخفي وانا كنت عارف بس نسيت بجد .. ومرر ايديه في شعره بضيق وتابع انا مني لله مكنش وقته خاالص بس معرفتش اركز في اي حاجه غير اني معاكي
نور دخلت في حضنه وتابعت بألم : بعد الشر عليك متقولش كده تاني بجد هزعل منك .. وبعدين والله العظيم انا ما زعلانه اصلا وفرحانه اني بقيت مراتك بجد فمتقعدش تقول كلام وتنكد علينا مفيش حاجه يحبيبي انا كويسه
يونس خدها في حضنه وتنهد بوجع وتابع لا يانور انتي لسه متعرفنيش انا فعلا اتنكدت لان راحتك بنسبالي اهم هو انتي يعني كنتي هتطيري ما مسيرك هتبقي معايا بس حقيقي مكنش وقته وانا نسيت موضوع تعبك ده مش فاهم ازاي نسيت بجد
نور بحب يحبيبي والله انا كويسه وحياتك عندي كويسه متخافش عليا وخافت وتابعت يونس هو انا كده مش هحمل غير لما اخف من الالتهابات صح ؟؟
يونس غمض عينيه وتنهد بعمق وتابع الطبيعي والمنطقي ان مكان هو المسئول عن حمايه وتغذيه البيبي فيه تعب فهيستقبل بيبي ازاي يعني ؟؟ واما انا اصلا مش هقربلك تاني غير لما تخفي علشان لو قربتلك هبقى اناني جدا لانك بتتعبي مبالك بلبيبي هيجي او يستقر ازاي وسط التعب ده حتى لو قربتلك
نور عيطت وتابعت بخوف انت بتقول ايه وافرض مخفتش
يونس طبطب عليها وتابع يحبيبتي بس بس اهدي متعيطيش هو ايه اللي افرض مخفتش هو مش مرض خطير اصلا وهتخفي عادي وهترجعي طبيعيه وساعتها الحمل هيبقى احسن فاهدي كده مفيش حاجه من اللي في خيالك الموضوع بسيط بس عايز اهتمام وانا جمبك وباس راسها
نور بدموع يونس بالله عليك مش بتكدب علياا
يونس بحب وغلاوتك عندي مش بكدب عليكي ومسح دموعها وباس جبينها وتابع وحقك عليا مكنش مفروض يحصل حاجه وانتي تعبانه كده
نور نامت في حضنه وتابعت قولتلك والله العظيم انا مش زعلانه ومبسوطه وباالي ارتاح خلاص
يونس باس راسها بعمق وتابع يارب يريح بالك علطول ينورعيني ونزل ايديه حطها عند اخر بطنها وتابع الالم هنا ??
نور بحرج ودموع اه
يونس بحب متتكسفيش مالك احنا واحد خلاص وخدها في حضنه وفضل يمشي ايديه على بطنها بحنان وتابع انا هقوم اجيب حاجه وجاي خليكي زي ما انتي هاا
نور بتعب طب هقوم اخد شاور
يونس لالا خليكي زي ما انتي متتحركيش انا هخلص اللي هعملوا وهساعدك تاخدي شاور لان التقلصات اللي عندك مسببالك الم شديد وتقل في الحوض ده غير انك هتحسي بتعب وارهاق وهتنزفي زياده عن اللزوم بعد اللي حصل فمتقلقيش ده مالوش علاقه بانك كنتي بنت بس هو علميا طلما حصل كده وانتي عندك التهابات في الرحم بتسبب نزيف وتنهد بحزن وتابع فمتتحركيش جايلك ووطى يجيب تيشرته من على الارض علشان يلبسه
فتابعت نور بذهول وانت عرفت كل ده ازاي انا فعلا حاسه بكده بلظبط
يونس بحب لما طلعنا امبارح من تحت وكنت جايب اللاب توب وحاطه على رجلي بشتغل وانتي بتاكلي بحثت بلمره عن المرض واعراضه وازاي اتصرف لما تتعبي وتنهد بوجع وتابع وكان مكتوب ان ممنوع يحصل اي حاجه بس انا نسيت والله العظيم انا اسف حقك عليا دي انانيه مني
نور حضنته وتابعت بدموع وحب : ده انا اللي اسفه اني محستش بيك من زمان انت بجد مفيش منك
يونس حط ايديه على ضهرها وضمها ليه اكتر وتابع بحب منا قولتلك انتي لسه متعرفيش يونس بيحب نور قد ايه
نور بحب ودموع وشكلي مهما اعيش هفضل اتفاجئ بجد اللهم لك الحمد انه جعلك نصيبي
يونس ابتسم بحب وباس رقبتها وتابع لو في حد لازم يشكر ربنا فاهو انا لانه انعم عليا باكتر ما اتمنيت وبقيتي مراتي ومن حقي قدام الكل بلذمه هعوز ايه اكتر من كده
نور بحب ودموع انا لسه عايزه .. عايزه ولد او بنت منك
يونس ابتسم بحب وتابع تقوميلي باالف سلامه وبعدين نقول يارب بس لو جات بنت انا من زمان قايل هسميها نوران او نورين
نور ضحكت بتفاجئ وتابعت ينورعيني علشان من اسمي صح ؟؟؟
يونس بضحك صح يبقى انتوا الاتنين انوار منوره حياتي كده
نور ضحكت وحضنته اكتر وتابعت يارب ميحرمني منك ابدا يا ابو نوران
يونس بحب ولا منك يا ام نوران وباس خدها وقام جاب حضر الفطار والدوا والقربه وحطهم على الكومود وقعد جمبها وخدها في حضنه فنامت على صدره ومسك القربه وحطها على اخر بطنها فتأوهت بارتيااح
فتابع يونس بقلق ايه بتوجعك ولا احسن ??
نور براحه: لالا احسن كتير خليها زي ماهي كده
يونس باس خدها وتابع بحب ماسكهالك يعمري الف سلامه عليكي يحبيبي
نور بصتله بحب وتابعت الله يسلمك ياغالي بس شويه وهاتها متفضلش محنط نفسك كده
يونس بحب ياستي هو انا اشتكيتلك
نور بحب حتى لو معلش شويه وسيبها
يونس بضحك انتي محرجه مني بجد ??
نور بضحك لا والله انا عامله عليك فعلا
يونس باس خدها وتابع بحب لا متشيليش همي ده تعبك بنسبالي راحه فابتسمت نور وتابعت بحب ربنا ميحرمنيش منك ابدا يارب
——
في العياده عند زينب وسيف كانوا واقفين متوترين اوي وبيدعوا والدكتور قدامهم بيكشف على حسام
اسماء بدموع اهدي بالله عليكي
زينب بعياط اهدى ايه يا اسماء اهدى ايه ده انا اعصابي خلاص مش قادره وجبت اخري
سيف حضنها وتابع بوجع اهدي علشان خاطري ابنك هيبقى زي الفل والله وبص للدكتور وتابع طمنا يا دكتور بالله عليك امه هتموت عليه
الدكتور متخافيش يا مدام متخافيش انا هركبله جهاز التنفس دلوقتي والجلسه تخلص وهيبقى زي الفل
زينب شهقت وضربت على صدرها بصدمه وتابعت ايه جهاااز تنفس ليه ان شاء الله مالو ابني يا دكتور ابوس ايدك فهمني انا ممرضه
الدكتور متخافيش يا مدام قولتلك. ده ضيق تنفس عادي هيفضل كده ياخد كام جلسه اكسجين وبعدين هيتحسن ومش هيعوزها الوضع بسيط انتي هاتيله بس الجهاز بما انك ممرضه وكل يوم جلسه لحد مايتحسن واشوفه الاسبوع الجاي واقولك وصلنا لاي
زينب تنهدت بوجع ودموعها نزلت وتابعت والله مش عارفه اقول ايه …. ايه الابتلائات دي ياربي فطبطبت عليها اسماء وتابعت بقلق نحمد ربنا جات بسيطه يازينب اهدي
سيف بقلق طب الاقيه فين يا دكتور الجهاز ده
الدكتور تحت العياده في محل كبير للاداوات الطبيه هتلاقيه هناك
زينب بدموع طب ده يعمله كام يا دكتور
الدكتور علي حسب النوع بس هو عموما مش هيعدي ال 2000 جنيه
سيف تمام هنزل اجيبه وطالع علشان اوريه لحضرتك ورايح يمشي فتابعت زينب : سيف استنى
سيف بستغراب ايه عايزه ايه
زينب طلعت الفيزا وتابعت امسك و
سيف بحده مقاطعه : هعتبر معملتيش حاجه علشان مقلش منك واهزقك قدام الناس وخرج وقفل الباب
الدكتور بضحك انتي بتدي باباه فلوس ازاي طيب
زينب بضحك لا باباه ايه ده اخويا انا يعني خالو
الدكتور بتفاجئ اه علشان كده وضحك وتابع بس الخال والد بردو وهو باين عليه راجل وشهم مش هينفع ياخد منك دي اصول
اسماء بحب ربنا يديمه ليها يارب
زينب بحب يارب اللهم امين .. انا مش قصدي اضايقه والله بس بقول كفايه عليه الكشف
اسماء وانتي عارفه سيف مش هياخد منك جنيه فبلاش تزعليه منك وتحسسيه انك بقيتي ملزومه من غيره فمالوش انه يدفعلك زي زمان
زينب والله يابنتي مش قصدي ما عمر سايبلي الفيزا ليه ما علشان كده وده ابنه فانا طبيعي بدفعله من فلوس باباه
سيف دخل وتابع وانا باباه في غياب باباه يا ام لسان طويل
فكلهم ضحكوا فتابع سيف بحب ها يا دكتور ده كويس
الدكتور ااه ده حلو جداا وبص لحسام وتابع وهو قرب يخلص الجلسه لما يخلص خدوه وامشوا وبكره تبدائي انتي معاه
زينب بحزن تمام وقعدت على الكرسي فقعد سيف جمبها وخدها في حضنه فعيطت فتابع بهمس حقك عليا خلاص متزعلنيش منك
زينب بدموع تسوى ايه ابني كان بيموت مني وابوه مش معايا بجد انا تعبت اوي وعمر واحشني جدا
سيف تنهد بحزن وتابع في غياب عمر انا معاكي وفي غيابي معاه احمد ومازن ويونس تحت امرك فبطلي عبط انتي مش لوحدك وابنك ابننا زيك بلظبط وبنحبه وبنموت فيه وبنخاف عليه فاهلك كلهم في ضهرك يعبيطه وجوزك يارب يردهولك سالم باذن الله
زينب بدموع يارب بجد يا سيف يارب ده انا والله قلبي وقف لما لاقيت الواد قاطع النفس ومش بيرد عليا اقسم بالله روحي كانت هتطلع من الخوف
سيف طبطب عليها وتابع بحزن بعد الشر الحمدلله بخير يحبيبتي ربنا يقومه لينا بالف سلامه يارب
زينب بدموع يارب بجد يارب ده انا اموت وراه لو حصله حاجه كفايه اخويا بجد مش هستحمل اي اختبارات تاني
سيف غمض عينيه بوجع وتابع بحزن الله يرحمه ينورعيني حقك عليا ربنا يحفظلك حسام وميوجعكيش تاني ابدا
زينب بدموع يارب بجد يا سيف يارب
وشويه وخلص حسام الجلسه فشالته زينب ونزلوا كلهم يوصلهم البيت
—–
في عربيه احمد كانت شهد معاه راجعه من عند فرح
فتابعت بحزن قلبي واجعني عليها بجد
احمد بحزن مين سمعك ربنا يعوضها يحبيبتي
شهد بدموع يارب بجد يا احمد لان فرح حقيقي متستاهلش كده
احمد بتنهيده اكيد فيها خير والله احنا منعرفوش وقدام هيبان
شهد بدموع يارب بجد لان حقيقي فرح رغم مرضها مقصرتش خالص وانا شاهده
احمد بحزن كلنا شاهدين صدقيني يا شهد بس اراده ربنا فوق كل شئ يارب يطبطب عليها ويعوضها ده نصيب مش تقصير منها
شهد بدموع يارب اللهم امين
فبااس احمد راسها وتابع بحب اهدي بقي ومتزعليش نفسك علشان خاطري
شهد مسحت دموعها وبصت للشباك وتابعت حاضر متخافش عليا
احمد بحب انا جايبلك هديه من الصبح ومتردد اديهالك على فكره
شهد بصتله بستغراب وتابعت هديه ايه دي
احمد جابها من ورا وحطها على رجلها وتابع بحب شوفيها
شهد فتحت اللفه لقيته بالطو ابيض وجمبه علبه صغيره شفافه فيها دبوس مكتوب عليه ( Dr : shahd ) ففتحت عينيها بتفاجئ وتابعت بدموع فرح يحبيبي ايه الحلاوه ديي بجددد
احمد بابتسامه: يعني عجبوكي ؟
شهد بدموع فرح: دول تحفهههه بجدد .. وحضنت البالطو بفرح وتابعت حقيقي تسلم ايديك ينورعيني
احمد بحب طب الحمدلله انهم عجبوكي اصل انا حلفت ان اول بالطو هتلبسيه لما تبقي دكتوره باذن الله اكون انا اللي جايبه والحمدلله بقيتي دكتوره فقولت اجيبهولك
شهد بدموع فرح بجد ربنا ميحرمنيش منك ابدا شكله تحفههه والدبوس تحفههه انا والله لسه مش مصدقه الحمدلله بجد
احمد بحب الحمدلله يحبيبتي ربنا يفرحك دايما يارب ومسك ايديها رفعها باسها بحب
شهد بحب ودموع تعيش وتجيبلي بجد يا غالي
احمد بحب تعيشي يا دكتورتي
—–
في شقه سيف
امنيه كانت صحيت بقالها ساعتين واستغربت عدم وجوده ودخلت خدت شاور ولبست كاش مايو حمالات وسرحت شعرها وتابعت هيكون فين ده واتصلت بيه كان غير متاح فنفخت بضيق وطلعت الصالون شافته بيفتح الباب وداخل فتابعت انت كنت فين يا حسام ؟
سيف بتنهيده كنت مع زينب ابنها تعب شويه
امنيه بخوف ليه ماله في ايه ؟؟؟
سيف بحب متخافيش هو كويس ده شويه ضيق تنفس بس
امنيه بقلق طب الحمدلله ومالك يحبيبي انت كمان بنطلونك مترب كده ليه
سيف بتنهيده معرفش يا امنيه مخدتش بالي بس هو الابيض بيتبهدل بسرعه عموما
امنيه بقلق بجد قلقتني عليك وفضلت اتصل جايلي غير متاح
سيف بحب حقك عليا ومسك ايديها قربها منه وباسها بحب
امنيه بحب البيت من غيرك وحش اوي بجد وحضنته
فحضنها سيف اكتر وتنهد بارتياح وغمض عينيه وتابع انا مبرتاحش غير وانا معاكي بجد ونزل راسه سند على كتفها وايديه ملفوفه على وسطها وتابع حاسس صراعات الدنيا كلها بتنتهي لما بحضنك والدوشه اللي في دماغي بتسكت .. انا بحس حضنك حقيقي دوايا
امنيه بضحك نقفل المستشفيات ونعتمد على حضني يعني ?
سيف ضغط على وسطها وتابع اتلمي هاا انا اقصد دوايا انا بس
امنيه تأوهت وتابعت بضحك ااه ااه بهزر معاك خلاص وبصتله لقيت عينيه حمرا اوي فتابعت بوجع مالك ينورعيني عينيك بتحكي كتير
سيف بوجع خايف .. ويمكن اول مره اخرج مشاعري الحقيقه واقول الكلمه دي لحد في الدنيا كلها بس انا معاكي بنسي حتى نفسي .. فقولتهالك بصراحه
امنيه بدموع خايف من ايه ينورعيني ؟؟
سيف بوجع خايف افقدك والدموع اتجمعت في عينيه وتابع انا ماليش غيرك يا امنيه ومش عايش غير علشان انتي في حياتي صدقيني خسرت كتير اوي فمش مستعد اخسر اخر امل ليا في الحياه
امنيه بدموع ملكش دعوه بحلمي والله العظيم انا مش هسيبك ومقدرش اسيبك
سيف حضنها تاني وتابع بوجع ممكن تجاوبيني على السؤال اللي قولتلك تاخدي بالك منه في اول جوازنا ؟؟
امنيه بستغراب : حاضر بس سؤال ايه ؟؟
سيف بوجع: حبيتي مين اكتر يا امنيه .. حسام خطيبك ولا حسام جوزك ؟؟
امنيه لفت ايديها حوالين رقبته وضمته جامد وتابعت بهمس حسام جوزي مسح اغلاط كل حسام خطيبي يمكن غبت عني 3 شهور بس لاول مره احس اني فعلا لقيت الراجل اللي عشت طول حياتي بدور عليه ومن اهم الحاجات اللي عجبتني فيك بطلت السجاير علشاني وبقيت حنين اكتر وشايفني دايما احلى واحده في الدنيا ومش بتسبني لدماغي وبتقرا افكاري كويس اوي وترد عليا ولاقيه منك نفس اللي بدهولك عكس الاول كنت بتتلهي كتير بعيد عني ودلوقتي مع انك هتسافر شهرين بس حاسه ان المره دي هوحشك ومش هخرج برا دماغك واني جواك .. انما الاول كنت بتشتغل في القسم وبتروح عادي كل يوم وبتنسى اصلا تكلمني كنت بتوجعني اوي بجد .. ودي حاجه بردو اتغيرت فيك حاسه انك بقيت تحبني اعمق واصدق بعد الجواز وانا كمان حبيت شخصيتك دي وعوضتني عن كل خناقات الخطوبه
سيف كان مبتسم وهو حاضنها وتنهد بارتياح وتابع اللهم لك الحمد مبسوط اني عجبتك كده
امنيه بصتله بحب وتابعت انت بجد كنت حد وبقيت حد تاني بس الاكيد ان التاني غامض سيكا بسبب احداث كتير حصلت في غيابي بس والله حباك انت وغموضك
سيف بحب والله وانا بموت فيكي وقربها منه اكتر وباس رقبتها بحب
امنيه بتذكر : صح ياروحي
سيف بصلها وتابع بحب خير
امنيه برفعه حاجب وانت برا ماما نرمين جات خبطت عليا وقالتلي حسام جيه ولا لسه قولتلها لسه ليه ؟؟ تخيل قالتلي ايه ؟؟
سيف بستغراب قالتلك ايه ؟؟
امنيه برفعه حاجب قال ايه في واحده اسمها تالين بنت جارتكم القديمه جات وسألت عليك وعايزه تشوفك لانها هتسافر فقولتلها لا للاسف الشديد جوزي مش هنا بس الاباجوره موجوده تنفع ؟؟
سيف فضل يضحك وتابع انتي قولتيلها كده بجد ؟؟
امنيه بضيق اه قولتلها كده ومش فاهمه ايه بيضحكك انت وامك ما دي الحقيقه صح عايزني اقول ايه لما حماتي تيجي عايزه جوزي علشان واحده تسلم عليه يعني
سيف بضحك يعبيطه ده علشان انتي متعرفيش طبيعيه علاقتنا البنت دي اتربت وسطنا وكانت قريبه ليا انا واخواتي اوي وبتيجي تقعد عندنا في بيت ابويا بس لما عزلت مبقتش تيجي غير كل فين وفين وطبيعي سالت عليا انا واخواتي بس معروف واحد مسافر وماما اكيد قالتلها زوزا مش هنا فمتبقاش غيري تسلم عليه
امنيه بحده مش مبرر بردو مين دي اصلا علشان تنزل تكلمها
سيف مسح بايديه على وشه بنفاذ صبر وتابع بحده قسما بالله انا على اخري ومش قادر اناهد تصبحي على خير انا متخمدتش من ساعه ماصرعتيني ودخل الاوضه
امنيه بحده حسام انا مبهزرش اقف كلمني زي ما بكلمك ودخلت وراه كان بيفك زراير قميصه
فتابع بعصبيه انا مال امي متعصبنيش على الصبح يا امنيه هو انا اللي قولتلها تعالي اتنيلي اسالي علياا
امنيه بحده بقولك ايه البت دي كانت معجبه بيك ومهما تحاول تقنعني بعكس كده مش هصدق
سيف قلع القميص ورماه في وشها وتابع بحده طب صوت اهلك يوطى علشان منكدش عليكي ولف فتح الدولاب بعصبيه
امنيه بحده متهربش بس من الكلام بتحبك ولا مش بتحبك انا احساسي ميخيبش ابداا شوفتها من البلكونه ونظرتها وشكلها مكانوش مريحني وتابعت بسخريه لما امك قالتلها مش فوق يا توتي للاسف
سيف بصلها وتابع بحده : لا لحظه بس هو انا مش قاايل لاهلك متقفيش في ام البلكونه دي تاني ؟؟؟?
امنيه بضيق حسااام متقلبش الترابيزه انا وقفت باسدالي شوفتها ودخلت محصلش حاجه
سيف بعصبيه : اياً كاان انا قولت ايه ؟؟!!! والرجاله رايحه جايه في الوقت وده والجيران اللي قدامنا عيالها الشباب مش مظبوطين ومبيدخلوش من البلكونه وانا قافل الستاره بسببهم تقومي تكسري كلامي وتدخلي عايزاني ادخل السجن فيهم بسببك يعني يا امنيه ؟؟
امنيه غمضت عينيها بضيق وتابعت غلطه ومش هتتقرر محصلش حاجه لكل ده
سيف بعصبيه لا حصل ماهو بسبب تكسيرك لكلمتي دي لو كان حد فيهم بصلك بصه ولا قالك كلمه انا مش هسيبه غير لما ادخل فيه السجن فتحترمي نفسك وتسمعي الكمله احسن ومش كل حاجه عند ولا اييه ؟؟؟!!!!
امنيه خدت نفس بعمق وتابعت بدموع : تمام قولتلك مش هقررها تاني بس رد عليااا وريحني
سيف بعصبيه متقدرش تقرريها اصلا ده انا افتح دماغك فيهاا وبلنسبه لتالين كان كلام عيال يا امنيه ومش معقوله وهي عارفه اني متجوز هتيجي تسال عليا علشان واحشتها هو كان سلام عادي مش اكتر فمتكبريش المواضيع
امنيه بسخريه يعني احساسي طلع صح اهو وجايه تستغفلني بنت الكلاب
سيف تنهد بعمق ومرر ايديه في شعره بنفاذ صبر وتابع بحده : لا حول ولا قوه الا بالله العلي العظيم طب عدي ليلتك على خير يا امنيه علشان مش فايقلك
امنيه برفعه حاجب : هو انت بتعلي صوتك علياا كل شويه ليه منا طلع عندي حق اهو ولا انت فاكر نفسك سي السيد بقى وتفضل تتعصب وتبهدلني وتؤمر وانا هخاف من الصوت العالي واتخرس ؟؟
سيف غمض عينيه بنفاذ صبر واتنفس بصوت عالي وتابع : اه سي السيد اطفي النور بقى وكفاياكي صدااع عايز اتخمد
امنيه اتعصبت ومسكت نفسها وتابعت بضيق لو انت سي السيد انا بقى مش امينه يا سياده الرائد وحقي مش هسكت عنه
سيف فضل يضحك على شكلها وهي متعصبه وبتحاول متعليش صوتها وتابع بضحك لا ماواضح انك مش امينه بس كده كده مش هتفرق ياروحي بدلي ال ( ن ) و ال ( ي ) هتلاقيها نفعت جربي كده ؟؟
امنيه بضحك يا مستفزز وراحت ضربته في كتفه كذا ضربه متتاليه فتابع سيف بضحك خلاص والله خلاص يا بنت الجزمه كفاياكي
امنيه بغيظ غايظني انت والنسوان بتوعك
سيف فضل يضحك وتابع عملتيها نسواان دي هي بت غلبانه ومشوفتهاش
امنيه برفعه حاجب لا انا اقصد عموما لان كل صحابي بيعاكسوك واللي بتعاسكك بخسرها وبهزقها
سيف اتفاجئ وفضل يضحك وتابع ليه العنف طيب يمكن بيقولوا رايهم عادي
امنيه بغيره رايهم في عينهم وعين اللي خلفوهم وبعدين انت مين قالك اني كنت هنزلك تشوفها يحبيبي حتى لو كنت هنا ؟؟
سيف بضحك دي مش محتاجه كلام واحده جايه تسلم عليا بديهي جدا هنزل اشوفها دي الاصول عيب يا امنيه
امنيه برفعه حاجب : بعيدا عن انها بت متربتش اصلا بس تعمل الاصول ولا تخلي مراتك ترضى عنك
سيف حط ايديه على وسطها وشدها ليه وباس خدها وتابع بحب طز في تالين وفي اللي خلفوها هو انا ليا بركه الا انتي يا نور عيوني
امنيه ضحكت بفرح وحضنته وتابعت ايوه كده حبيب عيوني والله العظيم ربنا يديمك ليا يارب
سيف ضحك وتابع بحب ويديمك ليا ينورعيني هاا انتي هتنامي ولا ايه ؟؟
امنيه بحب لا ماما عايزاني اعمل معاها محشي فهلبس ورايحالها
سيف بحب طب تعالي انام في حضنك بعدين قومي
امنيه بضحك بطل دلع هتاخر على الوليه
سيف بضحك رضا جوزك اهم وراح يغير هدومه ولبس بنطلون بيتي وتابع يعني حماتك نفسها لو قولتلها كنت واخده ابنك في حضني علشان ينام هتقولك استمري
امنيه فضلت تضحك وقعدت على السرير وتابعت متاكد مش هتغير يعني؟؟
سيف راح حط راسه على صدرها ولف ايديه عليها وغمض عينيه ونام وتابع لالا مش بتغير هي عايزاكي تروقي على ابنها علطول عادي ومش هتزعل
امنيه بضحك اه وماله ما صحته حلوه ابنها
سيف رايح يتكلم فتابعت بضحك الله واكبر طبعا علشان متقولش بحسدك فسيف فضل يضحك وامنيه رفعت الغطا غطته وعدلته في حضنه وفضلت تطبطب عليه وتمشي ايديها على شعره وتابعت بهمس : حبيبي ماتلبس تيشرت علشان متتعبش
سيف بنوم لا انا معود جسمي على كده علشان متعبش من تغيير الجو لما اسافر
امنيه باست راسه وتابعت بحب يارب يحميك ويحفظك ليا يعمري وفضلت تطبطب عليه لحد مانام بعدين قامت وغطته وغيرت هدومها ولبست دريس بيتي بكم ولفت الحجاب وباست خد سيف وخرجت وراحت لحماتها شقتها وتابعت بحب: حقك عليا اتاخرت عليكي بس حسام قالي خليكي جمبي لحد ماينام منمش كويس امبارح
نرمين بحب ولا يهمك يعمري جوزك اولى طبعا ولو تعبانه خليكي هنزل اعمل معاهم تحت
امنيه بحب لالا انا هساعدك ده انتي متعرفيش معزتك عندي قد ايه يا نيرو كفايه انك عملتي معايا احلى جِميل في الدنيا وخلفتيلي نور عيني ياغاليه
نرمين فضلت تضحك وتابعت ربنا يديمكم لبعض يعمري يارب وعقبال ماتخلفيلي انتي حفيدي او حفيدتي بقى
امنيه بحب يارب يحبيبت قلبي يسمع منك ربنا وقعدت تساعدها وبيتكلموا وبعد شويه بطنها وجعتها وحطت ايديها على بوقها وقامت جري على الحمام ونرمين قامت وراها
وفضلت تستفرغ فتابعت نرمين بخوف مالك يا امنيه في ايه يا بنتي اصحيلك جوزك ؟؟
امنيه هزت راسها ب لا وفضلت تستفرغ وحماتها بتطبطب عليها بعدين غسلت وشها ووقفت بتعب
نرمين بخوف ايه كالتي ايه يتعبك كده
امنيه بتعب مكالتش والله لسه يا ماما انا صحيت من شويه بس
نرمين بتفاجئ يعني بترجعي على الريق ده كده ممكن تكوني حامل يابت يا امنيه
امنيه بصتلها بتفاجئ وتابعت حامل بتهزري
نرمين بفرح لا والله شكلك حامل صح تعالي انهارده نروح للدكتوره ونتااكد
امنيه حست بتوتر وفرح ومشاعر كتير متلغبطه وتابعت طب امتى ماتيجي دلوقتي قبل ماحسام يصحى
نرمين دموعها نزلت بفرح وتابعت للاسف الدكتوره بتيجي بليل
يا فرحه قلبي لو ده حقيقي والله يابت يا امنيه
امنيه حضنتها وتابعت بدموع بالله عليكي اهدي متتعشميش لما نتأكد الاول
نرمين بدموع فرح : هتطلعي حامل باذن الله وهتقولي ماما قالت
امنيه بدموع فرح يارب يا ماما يسمع منك ربنا بجد
وعند سيف كان نايم على بطنه بعمق وفاجاه ازاز بلكونه اوضته اتكسر ودخلت طوبه فصحى مخضوض وبص حواليه شاف الطوبه فاستغرب وقام فتح الدرج خد مسدسه وفتح البلكونه بسرعه بيبص لقى موتوسيكل بيجري بعيد اوي فضرب ايديه جامد على السور ودخل بيوطي جاب الطوبه لقى عليها ورقه فشدها وقراها وكان مضمونها
(( اتنازل عن مهمه حيدر الانصاري احسنلك ))
