رواية غموض الحب عائلة الرفاعى الفصل الثامن و الخمسون بقلم لولا
جيه يوم خطوبه شهد واحمد
وشهد كانت في البيوتي سنتر ومعاها البنات وفرح صاحبتها وقاعده لابسه دريس بيج فاتح سواريه اوف شوردر كتافه مرفوعه ومظبوطه عليها وتحتيه بدي كب مداري فتحه الصدر ومش مبين حاجه وفارده شعرها بتمويجه جميله وحاطه هيربيس والميكاب كان نود وهادي جدا وكانت حقيقي طالعه مبهره
والبنات كانوا كلهم لابسين فساتين ستان لونها احمر نيابه عن اختيار شهد وكانت بكم وصك وفوقيها الاكستنشن وطرحه نفس اللون وميكاب هادي جدا وكلهم كانوا حقيقي حلوين الا فرح لانها مش محجبه لبست دريس احمر كب طويل وصك وشعرها القصير اثر الكيمياوي مفرود وطوله لحد اخر دقنها بتمويجه هاديه وميكاب رقيق
بس اطلاله شهد كانت مختلفه ومبهره وغير عن الكل فخلصت والميكاب ارتيست سابت الفرشه وتابعت بحماس : ها مستعدين تشوفوها
ياسمين بحماس اه يلا بسرعه والنبي
نور بفرح اانا اول واحد علشان دي خطيبه اخوياا
فرح بضحك طب ما نقف صف بلعرض كده وكلنا نشوفهاا سوا
الميكاب ارتيست بضحك تمام ماشي يلاا اقفوا
زينب بحماس استنوا اطلع فوني اصور .. امسكي يا اسماء شيلي حسام معلش
اسماء بحب هاتيه عنك عادي يحبيبتي فيها ايه وشالته منها ووقفت تتصور معاه على جمب والبنات استعدوا يشوفوا شهد ووقفوا بلعرض وخرجوا التليفونات فتابعت الميكاب ارتيست بحماس يلا واحد ..اتنين .. تلاته
ولفت شهد اللي لما شافوها كلهم اتفاجئوا جداا وزغرطوا بفرح واضح وراحت ياسمين حضنتها ودموعها نزلت بفرح فطبطبت عليها شهد وتابعت والدموع متجمعه في عينيها علشان خاطري اهدي هتعيطيني والله
ياسمين بدموع فرح ده ايه الحلاوه والجمال ده كله بجد .. حقيقي مش قادره اصدق اللي عيني شيفاه واني شوفتك عروسه بلسرعه دي كده
شهد بدموع فرح حبيبت قلبي بجد ربنا ميحرمنيش منك ابداا يا قلب اختك
فرح بدموع بس بس متعيطيش هتخربي الميكاب
البنت بضحك لالا عيطوا براحتكم الميكاب مش هيحصله حاجه متخافيش
زينب بدموع فرح تسلم ايدك بجد خليتيها اميره ايه الطعامه دي يا نورعيني انتي وحضنتها
البنت بحب تسلمي يارب
شهد بضحك وهي بتحضنها اخص عليكي يا ام حسام يعني انا كنت ايه
امنيه بحب كنتي قمر وبقيتي بدر منور والله فعلا جمالك اللي محلي الميكاب
شهد بضحك حبيبت قلبي مرات الغالي شايفه الناس وحضنتها
زينب بضحك من بين دموعها بهزر يحيوانه بس علشان متوقعتش يجري العمر وتكبري وتبقي عروسه قمر كده
شهد بحب حبيبتي بجد يا زوزتي
اسماء بحب بسم الله ما شاء االله جميله ربنا يكملك على خير يارب
شهد بحب تسلمي يعمري يسمع منك يارب
نور بدموع فرح حضنتها وتابعت بجد اخويا زين ما اختار ايه الحلاوه دي يا صاحبه عمري
شهد بحب مش اخوكي بس واخويا والله وحضنتها اكتر وتابعت بضحك انتي اللي عمتي انهارده اهو
نور بضحك ده انا هخليكي تولعي الصبر بس
شهد بتفاجئ وضحك شوف بنت الجززمه طب ابقي اعملي حاجه تعصبني
ياسمين بضحك لا انا هقول ليونس حوش مراتك وقعدها جمبك انهارده لو خايف عليها
امنيه بضحك اه والنبي اعملي كده البت مبقلهاش غير 4 ايام عروسه
زينب بضحك اه بلظبط كده بلاش احسنلك يا نور
نور ضحكت فتابعت شهد بضحك بس مش ملاحظين حاجه
ياسمين بستغراب حاجه ايه
شهد بضحك اننا فضلنا قاعدين كلنا مصممين نعنس ولما زوزا اتجوزت اتشدينا وراها واحد واحد لدرجه حتي يونس اتجوز
زينب بضحك تصدقي صحح علشان تعرفوا قيمتي بس
امنيه بضحك عارفينها كده كده يا عمتي انتي وش الخير علينا والله
زينب بضحك حبيبت قلبي يا مرات اخويا يا غاليه
ياسمين بضحك ده حقيقي فعلا زوزا فكت العقده خصوصا يونس بجدد
نور بضحك مالك ياختي انتي وهي عمالين يونس .. يونس ماطبيعي تتفك انتوا مش شايفين الجمال الطبيعي ولا ايه
فرح بضحك لا كلمه الحق من حقه يتفك
نور فضلت تضحك وحضنتها وتابعت بضحك حبيبتي والله اهي هي دي البنات اللي تفتح النفس صحيح
فرح بضحك روح قلبي والله
نور بضحك اصل كلام في سرك عماتي الاتنين عقارب فتلاقيهم بيحقدوا عليا انا والواد ان ازاي وقعته
ياسمين وشهد بصولها وفتحوا عنيهم بتفاجئ وفضلوا يضحكوا فتابعت ياسمين بضحك لشهد: اهي ياختي صااحبتك سامعه بتقول ايه
شهد بضحك دي بنت كلب واطيه صبرها عليااا بس اخلص ليلتي واجيبها من شعرها
نور فضلت تضحك فتابعت زينب بستغراب هي امي ومرات عمي راحوا فين
نور مشيوا من بدري راحو القاعه علشان الناس
ياسمين حاطت ايديها على بطنها وتابعت بضحك اقول عليكم ايه يعني مناسبات اخواتي الاتنين حضرتها ببطني ده منظر ده
كلهم فضلوا يضحكوا فتابعت شهد بضحك معلش خليها عليكي حظك وحش معانا للاسف
نور سمعت صوت العربيه فتابعت بفرح يلا يلا احمد جيه لفي وادخلي جوه علشان الفريست لوك
شهد بتوتر حاضر ودخلت بلفعل وهي متوتره جدا وبتلعب في صوابعها
ودخل احمد والبنات زغرطت بفرح وكان لابس بدله بيج فاتح نفس لون دريس شهد وقميص ابيض وطالع حقيقي كله جاذبيه واناقه فبص لنور وتابع بابتسامه مليانه حماس : فينها شهد
ياسمين بضحك لا يا غالي مش بسهوله دي انا هدخلك ليها بس لما تدي اختها الكبيره رشوه ده انت هتاخد حته من قلبي والكتكوته بتاعت عيلتنا
احمد فضل يضحك وتابع عيوني ليكي يا ام زين اللي انتي عايزاه والله
ياسمين بضحك لا ده انت وضميرك بقى
احمد طلع محفظته وهو بيضحك وتابع بتقلب بدري بدري اهو وطلع 200 ج وتابع بضحك امسكي ممكن اعدي بقى
ياسمين بضحك دي بتاعتي انا ??
احمد بضحك اه بتاعتك والله دخليني بقى ورايح يدخل مسكت دراعه وتابعت بضحك لالا استنى انا عارفه انها بتاعتي بس مستغربه انك ادتني انا بس ايه مش شايفنا اتنين اخص عليك بجد يا احمد
احمد بص حواليه وتابع بضحك اتنين ازاي بس ما البنات كلها واقفه على جمب اهو ..هو حد اعترض طريقي غيرك
ياسمين فضلت تضحك وحطت ايديها على بطنها وتابعت بضحك وبلنسبه لابن اخوك اللي من لحمك ودمك ده .. ده ميتحسبش نفرر !! لالا ده انت عم معفن جدا
احمد فضل يضحك وتابع لا ده الغالي ده .. ده احنا عنينا لزين اول حفيد هيشيل اسم عيله الرفاعي
ياسمين بضحك شوفت بقى
زينب بضحك انا هعمل نفسي مش سامعه حاجه يا مهزقين
احمد وهو بيطلع الفلوس ضحك وتابع طب ما دي الحقيقه صح الله
اسماء بضحك طب ما طبعا حبيب قلب عمتو ده شايل اسم عيله الهواري
احمد بضحك اهو شوفتي وطلع 200 ج تانيه واداها لياسمين وتابع بضحك ممكن اعدي بقى
البنات دخلوا وياسمين دخلت وتابعت بضحك ايوه كده خلاص تعالى ورايا برافو عليك .. طلعت عم كريم جدا
احمد ضحك ودخل شافها كانت واقفه مدياه ضهرها فابتسم بفرح وراح لف وقف قدامها وهي كان باين عليها التوتر اوي فابتسمت لما شافته وهو اتفاجئ بشكلها جدا وبصلها باعجاب وضحك بفرح وتابع ايه القمر ده طب ايه احضن ولا ايه ورايح يقرب
شهد رجعت خطوه وهي بتضحك والبنات كلهم قالوا لا في صوت واحد وهما بيضحكوا
احمد بضحك طب لييه منا لسه دافع 400 جنيه علشان اعدي اجيلها بس .. مش الاولى كنت سبتهم واكمل عليهم اجيب ماذون
كلهم فضلوا يضحكوا فتابعت شهد بضحك احمد اتلم بجد
احمد راح مسك ايديها الاتنين وباسهم بحب وقرب باس جبينها وتابع بحب واعجاب حقيقي زي القمر كلمه قليله ايه الحلاوه دي ياست البنات
الميكاب ارتيست بضحك : يعني تسلم ايدي بقى
احمد بضحك تسلم ايدك طبعا بس انا واثق اكيد متعبتكيش هي قمر من غير حاجه
البنت بضحك : اه ده حقيقي الف الف مليون مبروك وعقبال الفرح
احمد بابتسامه تسلمي يارب وبص لشهد لقاها بصاله برفعه حاجب فمسك ايديها حطها في ايديه وتابع وهو بيمشي معاها بضحك استر يارب في ايه يحبيبتي بتبصيلي كده ليه
والبنات كانت وراهم بتزغرط بفرح
شهد بهمس بتضحك معاها ليه هاا
احمد بضحك يخربيت اهلك انا بعاسكك انتي هو انتي مخك متركب ازاي علشان افهم بس
شهد ضربته على دراعه اللي هي حاطه ايديها فيه وتابعت ميخصنيش اتلم ومتبصش على حد خالص هااا
احمد فضل يضحك وتابع هو حد يبقى معاه القمر ده ويبص ليه ابقى اعمى ومجنون كمان
شهد ابتسمت غصب عنها وتابعت : مبتثبتش هاا
احمد بضحك لا ماهو واضح انتي هتقوليلي وابتسم وتابع بس حقيقي فعلا طالعه قمر فوق الوصف
شهد ابتسمت بحب وسكتت بكسوف فضحك على شكلها وتابع اهو انا اول مره اشوفك مكسوفه ولسانك اللي متبري منك ده مبينطقش سبحان الله يارب طلعتي بتفصلي
شهد بضحك ليه مش بنت زي باقى البنات وبتكسف
احمد بحب ده انتي ست البنات .. زي البنات ايه بس
شهد بضحك ايوه كده عاكسني انا بس و اتلم
احمد بضحك من عيوني ده عز الطلب
ووصلوا عند العربيه ففتحلها وقفل ولف قعد جمبها
مازن بصلهم من المرايا وتابع فينها ياسمين يا شهد
شهد بحب جايه ورانا
ودقايق وفتحت ياسمين الباب جمب مازن ودخلت
مازن ايه يا ياسمين منا مقابلك من ساعه وكنتي مخلصه يحبيبتي اتاخرتي ليه
ياسمين بحب يحبيبي كنت بطمن على فرح ركبتها مع يونس ونور علشان متبقاش لوحدها
مازن بحب اه طب كويس يلا احنا بقى علشان عندهم معاد قبل الشمس ما تغرب
ياسمين بحب يلا خلاص
ومشيوا
في عربيه يونس
نور بقلق : فرح انتي كويسه
فرح بدوخه : اممم بس حاسه اني دايخه شويه
يونس بصلها من المرايا وتابع كالتي طيب يحبيبتي قبل ماتركبي??
فرح هزت راسها ب اه وتابعت كلنا لسه واكلين في البيوتي سنتر
يونس فتح الدرج اللي قدامه وخرج لبان وازازه مايه وتابع هو بيرجعهم ورا : امسكي طيب انا علطول سايب لبان هنا بسبب شهد بتبهدلني من الموضوع ده
فرح ابتسمت وخدتهم منه وبلفعل شربت وكالت اللبان ورجعت راسها لورا
نور بصتله بضيق ونفخت بصوت واطي وسكتت وهو بصلها بطرف عينيه وضحك ورجع بص قدامه
وبعد دقايق تابع ها بقيتي احسن يا فرح
فرح بحب اه احسن كتير والله شكرا يا دكتور
يونس بحب لا العفو يحبيبتي انا معملتش حاجه
نور بضيق يونس لو سمحت ركز في السواقه لحسن نتنيل نتقلب ممكن
يونس بصلها بحده ووجه نظره لفرح ورجع بصلها وتابع بنبره ليها مغزى : ايه يا نوور مالك في ايه
نور بابتسامه: مفيش يا روح نور بس ركز في اللي انت بتعملوا وفرح انا واخده بالي منها وكل شويه ابص اشوفها
يونس منع ضحكه بلعافيه وتابع اممم طيب ماشي خلي بالك منها انتي بقى وحطيها في عينك
نور طبطبت على كتفه وتابعت بضيق لا متخافش عليها يا حنين في عيني طبعا .. ويونس ضحك وركز في الطريق
ودقايق ونور حطت ايديها على بوقها وتابعت بقرف: يونس
يونس بصلها بخوف وتابع ايه مالك في ايه اركن ??
نور هزت راسها ب اه كتير فتابع يونس بخوف طب استني استني هنزل انا اخدك متفتحيش الباب اللي عندك وفتح الدرج تاني وخد ازازه مايه ولبان ونزل فتحلها ونزلها وسندها في حضنه ومشي شويه بيها لقدام عند سله كبيره في الشارع وتابع يلا استفرغي
نور بتعب طب سبني انت انا مش هقع متخافش
يونس بحده يا نور اخلصي يا نور انا مش هقرف اخلصي يلا
وبلفعل نور استفرغت وهو فضل يطبطب على ضهرها بحنان وتابع يحبيبتي مكنتيش تاكلي قبل العربيه علطول
نور بتعب هما اللي بعتوا جابوا الاكل متاخر والله يا يونس ورجعت استفرغت تاني
فتابع بقلق طب ايه خلااص كفايه يا بابا انتي متبقاش في معدتك حاجه مالك وفضل يحرك ايديه على ضهرها بحنان
نور بتعب مش قادره بجد ورجعت تستفرغ ويونس قلقان عليها جدا بعدين قامت تاخد نفسها بلعافيه وتابعت بتعب : خلاص خلصت
يونس تنهد بعمق وتابع اخيراا بس سبتي ايه في معدتك بذمتك يا نور ونفخ بضيق وهو بيفتح الازازه وبيحط منها علي ايديه علشان يمسحلها بوقها
نور بتعب اعمل ايه طيب غصب عني ورايح يمسحلها بوقها فتابعت لالا هات انا عنك متبهدلش نفسك
يونس ابتسم بحب وتابع قولنا مبقرفش منك بقى بطلي عبط وضحك وتابع وهو بيمسحلها وشها ده انتي ياما استفرغتي عليا انا شخصياا لما كنت بشيلك وانتي صغيره هاجي دلوقتي اقرف
نور فضلت تضحك وسندت راسها على صدره علشان دايخه فخدها يونس في حضنه وباس راسها وفضل يطبطب عليها وتابع بقيتي احسن ??
نور هزت راسها ب اه فطلع مناديل ومسك وشها رفعه ناحيتها وفضل يمسح عليه برفق بيمسح اثر المايه فتابعت نور بخوف حاسب يا يونس تكون مسحت الروج
يونس بضحك لالا متخافيش الغريب انه مراحش
نور بضحك اه ما البنت اللي روحنالها قالت كده فعلا .. بس صحيح ايه رايك فيا
يونس ابتسم بحب وتابع ده بالله رايي مش هيكفي الحلاوه والرقه والطعامه دي
نور بضحك خلاص هسامحك ومش هنكد عليك لما نروح
يونس بستغراب تسامحيني على ايه
نور برفعه حاجب : على المسخره اللي بتعملها مع فرح
يونس اتفاجئ وتابع بضحك انتي مجنونه يابت ?? فرح دي صاحبه اختي من حضاانه وزيها زي شهد عندي
نور بغيره يونس والنبي بلاش ام الكلام المستفز ده مفيش حد زي شهد هل هي اختك من الام لا .. طب اختك من الاب لا بردو يبقى متعصبنيش وتقولي زيها زي شهد مااشي
يونس فضل يضحك وتابع حاضر خلاص مالك في ايه
نور بضيق ماليش بس انت بجد مش مِحترم وجودي
يونس فضل يضحك وتابع خلاص متزعليش هنحترمه المره الجايه مخك تعبان والله بس ههاودك
وكانت هقتع فسندها وتابع بقلق نور انتي كويسه ??
نور خدت نفس بعمق وتابعت متخافش كويسه بس مش عارفه مالي بجد
يونس باس راسها وخدها في حضنه وتابع هيطلع علشان استفرغتي كل اللي في معدتك .. امسكي اللبان اهو وواحنا ماشين هجبلك حاجه خفيفه تاكليها
نور كالت اللبان وتابعت بتعب يونس انا خايفه اكون حامل
يونس اتصدم بشده وبصلها وهو باين عليه اثر الصدمه وتابع حامل !! لالا احكيلي كده حاسه بايه
نور استغربت صدمته وتابعت انا قولت مش عايزاه اه وهزعل لو طلعت حامل اه لانه جيه باسلوب ماقبلوش بس معتقدش اني مصدومه نفس صدمتك نهائي
يونس نفخ بضيق وتابع بحده يا نور اخلصي حااسه بايه مش وقته الكلام الفااضي ده
نور بضيق بطني واجعاني واستفرغت الصبح ودلوقتي وبنام كتير وفي خمول وارق
يونس بخوف بس ده ممكن يكون 100 حاجه غير الحمل يا نور
نور بتنهيده منا عارفه بس انا فسرت انه حمل بسبب اللي حصل ورفعت حاجبها وتابعت وبعدين انت هتفرق معااك ايه ما ادينا متجوزين
يونس غمض عينيه بضيق ومسح بايديه على وشه وتنهد بعمق وتابع لا مش هتفرق خالص اتفضلي يلا روحي اركبي علشان هنتاخر
نور بحزن يونس انت بجد هتزعل لو انا طلعت حامل !! ومسكت ايديه وتابعت بحزن انا مكنتش عايزاه ومش متقبله الوضع خالص بس والله لو طلعت حامل هفرح بيه وهربيه احسن تربيه لانه زي ما هو ابنك فاهو ابني فمتخافش عليه ومتفكرش اني علشان كنت رافضه وجوده مش هحبه وهعامله وحش
يونس منع دموعه تنزل باعجوبه وتابع بصوت مختنق لا طبعا انا مفكرتش في كده لاني عارف انك هتبقي احن ام في الدنيا .. كل ما في الامر فكرت مش هتحبي يجي فمش عايزك تطلعي حامل
نور بابتسامه انا متمناش بصراحه بس لو طلعت حامل اوعدك هخلي بالي منه وهحطه في عيني انا فعلا بتغير ومش عايزه من الدنيا غيرك انت و عيالنا بعد كده
يونس ابتسم بوجع وخدها في حضنه وباس راسها وتابع وهو بيطبطب عليها ربنا يباركلي فيكي وميحرمنيش منك ابدا ياارب وبص للسما وتنهد بعمق
—
في مكان السيشن كانوا كلهم بيتصوروا في ناحيه والبنات مع اجوازهم بيتصوروا في ناحيه
امنيه بضحك ايوه جامده معلش هتعبك يا اسماء اخر صوره
اسماء بضحك لا يعمري براحتك عادي يلا
امنيه نامت على صدر سيف وتابعت بحب حسام هات ايدك وحطها عليا وانت حاضني يعني وخليك باصصلي انا مره ومره باصص لاسماء تمام ??
سيف بابتسامه: عيوني واتصور معاها زي ماهي عايزه
اسماء بحب قمرات والله بجد بصي
امنيه بحب حقيقي تسلم ايديكي تعبتك وخدت الفون
اسماء بحب العفو ياروحي مفيش اي تعب .. يلا عن اذنك
امنيه بحب اذنك معاكي يقلبي ومشيت
فامنيه بصت لسيف وتابعت بحب مقولتليش صح ايه رايك فيا
سيف بصلها بحب وتابع محدش يلبس احمر بعدك اصلا وباس جبينها وتابع بحب حقيقي زي القمر كلمه قليه على المزه بتاعتي ربنا يحميكي يارب يعمري
امنيه ابتسمت بحب ودخلت في حضنه فحضنها وباس راسها وتابع بضحك بذمتك مش البدله اللي انا كنت مختارها ليا احسن من دي
امنيه بصتله وتابعت نعمم يحبيبي ده انا ذوقي ميتقارنش انت كنت مختار بدله جراي غامق زي بتاعه يونس بلظبط فانا قولتلك غير علشان متبقوش نفس اللون والبسها اسود ده انا والله مخلياك زي القمر
سيف بضحك زي القمر اه يعني مش منظري كاني رايح عزا بذمتك ??
امنيه بضحك عزاا ايه يا حسام بتهزر بجد هو حد بيروح عزا قمر كدده وبصت لزينب وتابعت تعالي يابنتي اشهدي علي اخوكي
زينب راحتلهم وتابعت بضحك ايه مالكم في ايه
امنيه بحب بذمتك ايه رايك في بدلته
زينب باعجاب زي القمر واول مره تلبسها اسود في اسود كده
سيف بضحك شوفتي قالت ايه
امنيه زغدته بايديها وتابعت بضحك اسكت انت يعني بذمتك يا زوزا مش لايقه عليه
زينب بحب طالع اميير بجد وباست خده وتابعت عقبال مانتجمع علشان نفرح بعوضك يحبيبي
سيف باس ايديها وجبينها بحب وتابع ربنا ميحرمنيش منك يا قلب اخوكي وعقبال ماتخاوي الباشا الصغير
زينب بحب تسلم ينورعيني وبصت لامنيه وتابعت بضحك ايه رايك في مزتك ام غمزات انهارده
سيف بضحك زي القمر طبعا ايه الجديد
امنيه بضحك قالي محدش يلبس احمر بعدك يلا يا زينب غيروا كلكم
زينب بضحك اه وماله هروح اعدي عليهم واحده واحده دلوقتي اقولها اقلعي يابنت الجزمه انتي وهي علشان البيه بتاعنا قال ان محدش يلبس احمر بعد مراته
سيف فضل يضحك وتابع تبقي عملتي الصح والله يا قلب اخوكي
امنيه فضلت تضحك فزينب ضربته في كتفه وتابعت بضحك ماشي يا بتاع امنيه انت مااشي هنغيرلك كلنا ياخويا وماله علشان السندريلا بتاعتك
سيف بضحك ولو مغيرتوش الورده الحمرا اللي هي من افخر الانواع” دارسي روز ” بتبان والورد الاحمر البلدي العادي بيبان بردو من الاخر محدش هيغطي على وردتي
امنيه فضلت تضحك بشده ودخلت في حضنه وتابعت ينورعيني انت والله بموت فيك
سيف وهو حاضنها تابع بضحك مش اكتر مني يعمري سيبك منهم هما لبسوا احمر زيك علشان بيحقدوا عليكي بس الاصلي اصلي بردو
امنيه فضلت تضحك فتابعت زينب بغيظ وضحك : يا ابني متعصبنيش وتخليني ابقى عمتو العقربه صحيح واقلب عليكم وضربته في كتفه
سيف بضحك الله اومال اكدب يا جدعاان
امنيه بضحك لا يعمري ازاي متكدبش طبعا .. والله مش خساره فيك وباست خده ورجعت في حضنه تاني
فسيف فضل يضحك وتابع شوفتي كلامي ليها بيعمل معايا مفعول ازاي انما لو قولت ان كلكم حلوين كان اتنكد عليااا دلوقتي
زينب بضحك لا برافو عليك الصراحه
سيف بضحك عيب اومال انتي فكراني عبيط
اسماء جات بحسام وتابعت زوزا ابنك بيعيط ومش راضي يسكت عايز يرضع اكيد
زينب بصت حواليها بحيره وتابعت طب ايه معكيش حاجه يا امنيه اداري نفسي بيها لان للاسف الساتر مع امي في الشنطه وراحت بيه القاعه نسيته معاها
امنيه بحيره مش عارفه ثواني اشوفلك
سيف بعصبيه تشوفيلها ايه انتي التانيه هو انتوا اتجننتوا هتقعدي ترضعي هنا !! في لوكيشن التصويرر !!
زينب اتخضت وتابعت طب اهدى بس ومن غير عصبيه اومال اتنيل فين طيب وابن عمر هيفضحنا لو حد سمعه بيعيط كده يقول خطفاه فمتوترنيش مش انت وهو عليا والنبي
سيف شال حسام من اسماء وتابع بحده تعالي بس ورايا هدورلك على حمام اقعدي فيه واقفلي على نفسك قال معكيش حاجه يا امنيه قال ايه النسوان دي يارب على الصبح
اسماء فضلت تضحك فتابعت زينب بضحك خلاص جتك الارف في ايه الله
امنيه بضحك طب بقولك هروح انا اصور يونس ونور علشان نور نادتني من بدري وانت روح معاها وصلها الحمام ماشي
سيف بتنهيده ماشي روحي ومشي وزينب وراه
زينب بضحك خلاص يا سيف مالك في ايه
سيف بتنهيده بجد مش عارف اقول ايه وافرض الواد رمى الحاجه اللي مغطيه نفسك بيها وسط الشعب ده تتفضحي يعني
زينب بضحك طب ما مجاش في بالي اعمل ايه واديك سامع الزن بتاعه وامك مشيت بلساتر اهبب ايه يعني فكنت عايزه ارضعه وخلاص
سيف ترضعيه وخلاص اه ده انا لما اشوفه الحلو جوزك اللي مسافر ده والمدام بتاعته قاعده هنا عايزه ترضع في لوكيشن التصوير
زينب اتفاجئت وتابعت بضحك لالا بالله عليك عمر لا
سيف طب اهزقك طيب ولا اعمل ايه اما هو عمر لا يبقى عارفه انك غلطانه
زينب بضحك ايوه بس منا بجد هعمل ايه اعتبر مفيش حمام هعمل ايه
سيف برفعه حاجب تقوليلي اطلع براا خالص واوديكي العربيه ترضعيه وانا كده كده عربيتي متفيمه
زينب بضحك تصدق صح بتعرف تفكر والله
ووصلوا عند الحمام فبصلها سيف بضيق وتابع امسكي بس واخلصي علشان مهزقكيش
زينب خدت منه حسام وتابعت بضحك الله ماله ده ايه الرجاله المتعبه اللي انا عايشه معاها دي يارب
سيف قعد على المقعد اللي قدامه وتابع بتنهيده معلش اعتبرينا مجانين وشاور على الحمام وتابع خشي واخلصي
زينب بضحك حاضر غايره
وعند احمد وشهد كانوا بيتصوروا فتابع المصور ايوه حطي ايدك على رقبته عادي كانك هترقصي سلو مثلا
شهد حطتها وتابعت ها كده
المصور بابتسامه ايوه بس كده بصولي بقي انتوا الاتنين
احمد غمز للمصور وتابع بضحك طب ايه هبوس امتى
شهد شهقت وضربته في صدره وتابعت بضحك باستك عقربه يا بعيد ايه اللي بتقولوا ده
احمد فضل يضحك بشده وتابع يابت مالك في ايه عادي يعني منا خطيبك
شهد برفعه حاجب ايه خطيبك دي كماان حلال يعني ولا ايه مش فاهمه
احمد بضحك انا حللتها وانا واقف دلوقتي ايه هو انتي كل حاجه عندك حرام
شهد بضحك حرمت عليك عيشتك يا بعيد يا يووونس تعالي شوف بيقول ايه لاختك
احمد بضحك هششش يخربيت اهلك سيبيه انا ماصدقت نور خليته يتلهي بعيد عننا وامنيه بتصورهم
شهد بضحك لا لما كان واقف كنت محترم نفسك هاته تاني يا كارم الله يخليك
كارم المصور بضحك لالا خليه هناك ده منشفها على الواد على الاخر مخلي كل الصور بينكم اتنين متر هو ده ينفع يعني يا عروسه
شهد بضحك الله اومال هيسيبه يحضن اخته يعني ولا ايه
كارم بضحك لالا مش احضان عيب عليكي بس بردو الصور مش هتبقي حلوه كده يلا طيب امسك ايديها عادي وبصلها واضحك وانتي بصيله بردو كأني مش واقف خالص ها
احمد بضحك حاضر من عيني وبص لشهد وتابع بحب هاتي ايدك ومد ايديه فحطت شهد ايديها في ايديه وبصتله وابتسمت بحرج
كارم بضحك لا يا عروسه اضحكي جامد
شهد بابتسامه احمد مش عارفه بجد ابصلك واضحك متوتره
احمد بضحك انا مستغرب ان انتي بتتوتري والله العظيم
شهد ابتسمت وبصت للارض وتابعت مش عارفه تقريبا معاك بس
احمد بضحك منا واخد بالي ورفع وشها ليه وهمس جمب ودنها هتضحكي ولا اقسم بالله ابوسك ومعملش حساب حد
شهد شهقت وفتحت عينيها بتفاجئ وتابعت بضحك يا احمد اتلم بجدد واتربي هقول ليونس وفضلت تضحك فمسك ايديها وضحك
فا كارم صور الصوره وتابع بضحك بس كده زي الفل ما انتي بتعرفي تضحكي اهو يا عروسه
احمد بضحك لا ده السر معايا انا
شهد اتفاجئت وتابعت ايه ده انت كنت قاصد وغفلتني وفضلت تضحك
احمد بضحك شوفتي بقى ان نيتي خير
شهد بضحك اه انت هتقولي
كارم بحب يلا حط ايديك على ضهرها وخدها ناحيتك شويه وبصلها وابتسم وهي تبصلي انا وتضحك
احمد بحب ماشي وعمل كده فتابعت شهد بحرج يابني دي خطوبه الله يباركلك ركز معانا وانت بتقوله يعمل ايه علشان هنتهان لو يونس خد باله
احمد بضحك سيبك منه سيبك منه ماهو قاعد مثبت اختي اهو وبيتصور معاها ومخليها تبوس خده كمان حد اتكلم
شهد فضلت تضحك وتابعت اختكك مرااته انت بتعصبني ليه
احمد بضحك لا هتعصبيني انتي والله اجيب المأذون
شهد فضلت تضحك وتابعت والله انت مجنون خليني ساكته وبصت لكارم علشان الصوره
فتابع يونس من بعيد بحده : يا كاارم مينفعش كده بجد
احمد بضحك ياختااي منك لله يانور قايلها اتصوروا لحد ما نخلص
شهد اتفاجئت وفضلت تضحك وتابعت مش قاادره بجد هو انت اللي قايلها ??
احمد بضحك ااه وياريته سابنا في حالناا بياخد باله مننا ازاي معرفش بجد
كارم بضحك خلاص صورتها اعملوا حركه تاني بسرعه اقفي قدامه ويحط ايديه عليكي كانكم بترقصوا وانتي حطي ايديكي فوق ايديه
شهد بحرج يا ابني اتلموا بقى الله ما قولنا دي خطوبه وبتبص على يونس من بعيد لقيته بيتكلم مع نور انه هيجي عندهم فتابعت بخوف طب والله جاي
احمد وقف الواقفه اللي قال عليها كارم وحط ايديه على شهد وتابع بضحك اخلصي بسرعه حطي ايدك وبطلي برود
واتصوروا فعلا
فجيه يونس وتابع بحده اه ولما اهزقكم دلوقتي هو ده اللي انا قولتوا يعني
نور بتوتر يحبيبي تعالى بس هوريك صوره جديده نتصورها متزعلنيش منك يا يونس بليززز
يونس بحب استني هجيلك حاضر بس اشوف المهزقين دول وبص لاحمد برفعه حاجب وتابع ايه الوضع بقى اهزقكم ??
احمد بضحك بالله عليك عملت ايه انا دي كلها صور عاديه وبعدين دي بنت عمي يا يونس مالك في ايه يعني لو مش هتبقي مراتي فا زي اختي عادي ياخي متكبرش الموضوع
شهد اتفاجئت وفضلت تضحك وزيها نور فتابع يونس بضحك اه انت عبيط بقى مش كده
احمد بضحك لا صدقني بتكلم جد
يونس بضحك بتتكلم جد ايه يا ابن الكلب يا متخلف انت ماهي لو زي اختك صح ومش هتشوفها غير اخت اه ممكن اقول مش نيتك حاجه وانت حاطط ايدك عليها كده بس ساعتها تحرم عليك
احمد بضحك لااا كله الا كدده هي لسه اتحللت علشان تحرم انا مطولتش حاجه خالص لحد دلوقتي ده انا بصبر نفسي
شهد بضحك ومش هتطول اتلم واحترم نفسك
يونس مسكه من الجاكت بهزار وتابع بضحك بتعمل ايه ياروح امك ?? بتصبر نفسك ?? ده اللي هو بتعملها ازاي يعني ??
احمد بضحك مبعملش حاجه يا كبير عيب عليك
نور بضحك يا يونس سيبه علشان خاطري وتعالي احنا نتصور
شهد بضحك اه يا سوسه يا عقربه انتي
نور بضحك بلاش ابقى سوسه وعقربه صح واحرق دمك
كارم بحب طب احمد انا رايح اجيب حاجه وجاي تاني معلش
احمد بحب روح يا غالي
فتابعت شهد بضحك متقدريش تعملي حاجه
نور بضحك شوف البت طب هوريكي وطلعت فونها وتابعت صورني يا يونس مع احمد
يونس مسك الفون وبيصورها فوقفت جمب احمد فحضنها ووقفت على اطراف صوابعها تبوس خده
فشقهت شهد وتابعت بضحك يابنت الجزمه انتي بتبوسي الوااد قداامي وبتحرقي دميي .. ابعدي عن الوااد يابت
احمد فضل يضحك بشده فتابع يونس بضحك مش هصور انا ده عند امك
احمد فضل يضحك بشده اكتر وتابع يعني انتي سايبه الدنيا كلها وبتخلي يونس يصورك يا نور
نور بضحك وفيها ايه ده دماغهم تعبانه صحيح صور يا يونس وحياتي
يونس بضحك وغيره : لا مش هصور ابعدي بس كده متبوسيهوش قدامي واتلمي
احمد بضحك واشمعنا هي باستك قدامي
يونس بضحك وربنا ماحصل دي خدتني نتصور في اخر الجنينه لما جات تبوس خدي دلوقتي انت بقى اللي بصيت دي مشكلتك انت مش مشكلتنا احنا وحتى يوم فرحنا صممت متبقاش انت ولا اخوك ولا ابوك واقفين هنهزر ولا ايه
احمد بضحك اصيله يا غاليه طمرت فيكي التربيه والله
نور بضحك عيب عليك يا ابني وبصت ليونس وتابعت بحب يلا يا يونس وحياتي
يونس برفعه حاجب : انا قولت مش هصور
نور بصتله وتابعت بتمثيل حزن: طب بقولك وحياتي ههون عليك ??
يونس نفخ بضيق وتابع طب اخلصي بسرعه هعد 3 ثواني يلا واحد
نور بضحك ايه في ايه اصبر مش كده
يونس بضحك لا هو كده يلا
شهد اتفاجئت وتابعت بضحك ايه ده يا يونس وانا اللي ساكته قولت انت هتمنعها ابعدي يا بت انتي عن خطيبي يلا طلما جوزك سابك انا بقى مش هسيبك
نور فضلت تضحك واتصورت مع احمد وتابعت وهي بتطلع لسانها بوست خطيبك واخوكي استني اوريكي ومسكت الفون من يونس ووريتها الصوره بتاعتها هي ويونس وتابعت بضحك شوفتي شغل العقارب من اولها بقى
احمد ويونس فضلوا يضحكوا فتابعت شهد بغيظ يا يونس هضربهااالك
يونس بضحك لالا خلاص هبعدها عنك خاالص وخد نور وقفها جمبه وتابع بضحك اتلمي ومشوفكيش عندها تاني
نور فضلت تضحك وتابعت مش هي بتقول عني سوسه بوريها صحيح
شهد بغيظ يابت هجيلك
احمد فضل يضحك فتابع يونس بضحك لا والله يا غاليه ما انتي جايه خليكي مكانك
فرح كانت معديه فسمعتهم وضحكت وتابعت طب تعالي يا شهد اصورك انتي مع اخوكي
نور بصتلها برفعه حاجب وتابعت تصدقي يابت خساره فيكي اننا فيونس حط ايديه على بوقها وتابع بضحك وهمس: بس بس اخرسي يخربيت اهلك يا بعيده بتقولي ايه للبت مسمعش صوتك تاني انتي فاهمه ??
نور بصتله بغيظ فتابع بضحك وهمس نور بالله عليكي هشيل ايدي بس اتلمي عيب
نور بصتله بضيق فشال ايديه وضحك فسكتت فتابعت شهد بضحك طب والله انتي جدعه يابت يا فرح تعالى يا يونس
يونس بحب جاي يعيون يونس فاراح وقف جمبها واتصورت معاه وهي بتبوس خده وبصت لنور ورقصتلها حواجبها فتابعت نور بضحك احمد لم خطيبتك
احمد بضحك للاسف مقدرش اتكلم هتجوز واربيهالك ولا تزعلي
شهد بضحك معلش يحبيبي عارف المعلش
احمد ويونس فضلوا يضحكوا فتابعت نور بغيظ بترديهالي يعني
شهد بضحك وهي بتحضن يونس وفرح بتصورهم تابعت ااه اشربي بقى انا محدش يكيدني
نور بضحك عادي يحبيبتي انا بردو كيدتك اكترر
شهد بصت ليونس وتابعت هجيبهالك من طرحتها
يونس فضل يضحك وتابع لالا علشان خاطري انا اعملي نفسك مش سمعاها انتي الكبيره بنسبالنا وبص لنور وتابع بضحك ماخلاص يا نور اتلمي بقى خليني اروح بيكي سليمه انهارده
نور بضحك لا مش هتلم ومتقدرش تكلمني ويلا اخلص كفياك صور الله
شهد بضحك لا مش كفياه ياصفراا اتصور براحتك يا قلب اختك
نور بضحك ماشي ماشي الايام جايه كتير وماله
فشهد فضلت تضحك ويونس اتصور معاها وصور تاني معاها هي واحمد
فتابعت فرح بضحك طب بدلوا وكل واحده تقف جمب اخوها وتبوس خده يعني دكتور ويونس واحمد يقفوا في النص جمب بعض وانتوا كل واحده من على الجمب جمب اخوها
شهد بضحك تصدقي فكره حلوه وبلفعل يونس وقف جمب احمد وشهد جمب يونس ونور جمب احمد والبنات باسو اخواتهم والرجاله ابتسمت واتصوروا الصوره ووريتهالهم فتابعت شهد بضحك سكرر اوي اوي بدلنا بس كده حلال
نور بضحك ولو بدلنا تاني بردو حلال بس بنسبالي انا انما انتي ميخصنيش
يونس واحمد فضلوا يضحكوا بشده فتابعت شهد بغيظ يا يونس هجيبهالك من طرحتهااا والله العظيم
يونس خدها في حضنه وتابع بضحك حقك عليا انا متاخديش عليها دي نور يا شهد حد ياخد على نور دي عبيطه
نور برفعه حاجب نعم يا خويااا مين دي اللي عبيطه ان شاء الله
يونس بضحك مين قال عبيطه يعمري ده انتي ست البنات
نور بضحك ايوه كده بحسب
فيونس فضل يضحك وتابع مش بقولك عبيطه
فشهد فضلت تضحك فتابعت نور بغيظ يونس بجد هزعل منك
يونس بضحك يخرابي مقدرش طبعا يعمري وراح خدها في حضنه ورفع ايديها باسها وتابع بضحك ده انتي نورعيني بس خفي على البت شويه
نور بضحك علشانك انت بس والله هسكت
فجات ياسمين وتابعت بحب صورينا يا فرح انا ويونس وشهد معلش
نور بضحك بداانا اهو والله هتحرقي دمي اجبلك مازن انتي كمان
كلهم فضلوا يضحكوا فتابعت ياسمين بضحك مش فاهمه تجيبي مازن تعملي بيه ايه
نور بضحك ابوس خده قدامك
ياسمين برفعه حاجب نعم ياختي ده انا اقتلك
شهد بضحك ايوه جدعه يا قلب اختك ده جوزك بقى من حقك اديها متسكتيش
ياسمين بضحك عيب عليكي
فاراح يونس يتصور معاهم فتابعت نور بضحك طب هوريكي هخليه هو اللي يبوسني كمان ايه رايك
ياسمين بضحك ده عند امك واتصوروا مع بعض وياسمين مع يونس
فشاورت نور لمازن فا جالها وتابع ايه يحبيبي
نور بحب ممكن بوسه وبتشاور على خدها
مازن ضحك وتابع بحب يخرابي بس كده وباس خدها
ياسمين شهقت وتابعت بضحك ماازن انت عملت ايه
مازن بضحك ايه عملت ايه دي بنتي ونورعيني دي انتي عبيطه ولا ايه وحضنها وباس راسها بعمق فبصتلها نور ورقصت حواجبها بكيد
ياسمين بضحك شايف .. شايف اختك بتحرق دمي ازااي
مازن بضحك وانتي دمك يتحرق ليه اما انتي غريبه بصحيح دي نور يا ياسمين مالك
ياسمين بضحك غلبان انت والله متعرفش انها كياده دي كانت عايزه تبوس خدك فقولتلها اقتلك قالتلي طب ايه رايك هو اللي هيبوسني
مازن بضحك طب ما براحتها الله دي اول فرحتي دي
نور بضحك ياقلب اختك انت وباست خده وحضنته وتابعت يارب ميحرمنيش منك ابدا
ياسمين بضحك مااشي يا بتاع اختك انت صبرك عليا لما نروح
مازن بضحك هو انتي لما قولتيلي رايحه اتصور مع اخويا انا قولتلك لا
ياسمين بضحك مش مبرر بردو
مازن بضحك لا ده انتي دماغك تعبانه وربنا
فهمس احمد ليونس : انادي مازن وتتصوروا وتتصالحوا ??
يونس بهمس لالا كبر دماغك انا حتى لما نور باستك هزرت معاكم وكده انما لما راحت لمازن مفتحتش بوقي انا مش عايز اوجهله اي كلام
احمد بتنهيده طب ولحد امتى الوضع ده خد بالك ان نور لو لاحظت زعلكم من بعض مش هتتخطي حاجه فحاولوا قدامها على الاقل تتصرفوا عادي
يونس بتنهيده اخوك مش طايقني وخسرنا بعض ونور عارفه بكده وابتسم بسخريه وتابع وبعدين انت بتتكلم في ايه يا احمد ده قدام الدنيا كلها مرضيش يسلمهالي واداهالك انت يوم الفرح فكبر دماغك لا هو وقته ولا مكانه لان دلوقتي لو مردش عليا عدل نور فعلا هتاخد بالها وهنكد عليكم اليوم
احمد بتنهيده ربنا يهدي ده انتوا كنتوا قريبين لبعض وبتعملوا كل حاجه سوا
يونس بسخريه كنا يا غالي ايام زمان ساعه ما كل حاجه كانت حلوه
احمد طبطب على كتفه وتابع بتنهيده ربنا يتصرف متشغلش بالك
يونس بحب يارب المهم ركز انت في ليلتك وسيبك من اي حاجه وبلفعل كارم جيه واحمد وشهد كملوا تصويرهم ومشيوا في تجاه القاعه كل العربيات وراهم بتزفهم
وبعد شويه وصلوا القاعه واحمد نزل ومسك ايديها فنزلت معاه ودخلوا القاعه وكلهم كانوا وصلوا وفضلوا يسقفوا لما شافوهم واشتغل فيديو لشهد واحمد مجمع ايام كتيره بينهم في اعمار مختلفه في شكل صور وفيديوهات قصيره على شعر لعمرو حسن
فشهد اتفاجئت جدا وحطت ايديها على بوقها بفرح لما شافته
وكان الشعر
“” شرفتي حياتي ونورتي وحجزتي مكان .. ودخلتي الدنيا وغيرتي في عيني الالوان ..بلظبط اللي انا عايزه لاقيته واحده تكون للواحد بيته .. وقابلني جنانك حبيته .. ودي مش شخصيتي ولا طبااعي .. سميت ايامي بلا وجودك .. ايام متعاده وبلا داعي .. حبيتك ليه وده بردو كلاام .. يا نصيبي الحلو يا فرحي الخام .. يا اول مره اقرر شئ والاقاني اصابت .. لو شافوا الرسمه اللي راسمها تطلعي بلظبط .. ايوه بحبك ومفيش اسباب دنيتي قبلك مكتوبه غياب .. مرتاحلك وكأني اتربيت انا وانتي في بيت والباب في الباب وكفايه انك قابله عيوبي .. وانا فيا عيوب علشان هتساب عصبي ومودي وسكوتي كتير .. عدوا حدودي ستات طوابير وسابولي تاريخ مش احسن شئ ..كونك قبلاني دي تتشالك وجميل على الراس ..وكفايه انك عارفه وقولتي حباك وخلاص .. وانا والله بحبك واعمل عيني حراس .. اوعدك ان انا عمري ماخون الوعد المقطوع فرحك واجبي .. زعلك ممنوع يا الشئ بلظبط يا اجود نوع .. هتكوني تملي في تفكيري صلب الموضوع .. وافضل بحميكي من الدنيا واخد ضرباتها وانا مكانك .. انا قبلك ضيعت حياتي والباقي مخليه علشانك .. ربنا يجبر خاطرك علشان واخد بايدي .. علشان وياكي لاقيت نفسي ولاقيت عيدي .. ويعلي في شأنك وحنانك واذا قلوا الناس انتي تزيدي ..يا شعاع النور يا غطايا من الايام البور يا حموله ومرضيه بشيلتك تفضلي دايما كل اصحابي ويقدرني اني افضل عيلتك ..كان لازم احبك يحبيبتي .. كان لازم احبك من ساعه لما قابلتك
وخلص الفيديو وكلهم فضلوا يسقفوا بشده وصحاب احمد بيصفروا باعجاب وشهد بتعيط بفرح وحاطه ايديها على بوقها وبصتله وتابعت ده انا توبتك بقى صحيح
احمد مسح دموعها وباس جبينها بعمق وتابع ومبقتش شايف ولا عايز غيرك خلاص .. بحبك
شهد ضحكت من بين دموعها وتابعت وانا اكتر والله ومسكت في يديه ودخلت معاه وهما لسه بيسقفوا والبنات بتزغرط وفرحانين بيهم وبدات الخطوبه والاغاني والكل كان فرحان بيهم بعدين جات اغنيه حلم لعمري لخالد سليم فعرفتها شهد وبصت لاحمد بفرح وتابعت بضحك حلم عمري صح ???
احمد هز راسه ب اه وهو بيضحك وكلهم ملمومين حواليهم بيسقفولهم
وبدات الاغنيه وهما بيرقصوا ويتنططوا عليها بحماس وهما ماسكين ايد بعض
” حلم عمرري ..طول عمري اعيش في غراامه .. والقى قلبي داييب في ليل احلاامه .. يحبيبيي قربني ليكك يحبيبي واحضن قلبي المشتاااق .. وقربها منه وحط ايديه على ضهرها وايديه التانيه مشبكها في ايديها وتابعوا مع بعض: وانااا بين ايديك بياااخدني هوااك.. لغرام عينيكك واحلم ويااااك .. بلعمر كله اعييشه معااك وحطت ايديها حوالين رقبته وهو حط ايديه على وسطها وتابعوا مع بعض بصوت مسموع مع الاغنيه :
” حلم عمرريي “ورقصوا سوا على الموسيقى بعدين لفها ليه وهو حاطط ايديه عليها وهي ايديه فوق ايديه وتابعوا سوا: مُنى عيني اعييش في حضن هوااك .. اياام وسنييين .. واحلم الاقيك ساكن في الروح وفي نن العيين .. ولفها ليه وتابعوا بحماس وهما ماسكين ايد بعض : ياللي انت معااك .. عرفت طريق الحب منيين .. وانا بين ايديك بياااخدني هوااك لغرااام عينيك واحلم وياااك .. بالعمر كله اعيششه معاااك .. وقربها وهمسوا قدام بعض ” حلم عمررري ” وضحكوا بفرح ورجعوا سلو وتابعوا مع بعض: انا جووه عينيك بلاااقي حناااان وبحور اشوااق .. مش عاارف ليه .. جمبك ومعااك دايما مشتااق .. وتابعوا بحماس واضح مع الاغنيه: يمكن علشااان في قلبييي حنييين كل العشاااق وضحكوا وتابعوا وانا بين ايديك بياخدني هواااك لغرااام عينيك واحلم وياااك بلعمر كله اعيشه معاااك وقربها منه وهمسوا لبعض حلم عمرييي والاغنيه خلصت وكلهم فضلوا يسقفولهم بفرح شديد والبنات بتزغرط فضحكت شهد وتابعت ده واضح اننا احنا الاتنين الطرف الاكتر حماسا
احمد فضل يضحك وتابع يعني انتي عايزه حد يكون معاه القمر ده وميبقاش متحمس
شهد ابتسمت بحب فجات فرح وتابعت بدموع فرح بالله دعواتي في الفجر مكانتش على الفاضي تستااهلها يا واد يا احمد
احمد بضحك طب الحمدلله انك راضيه عني لحسن انا بسمع ان الصحاب بيسخنوا صاحبتهم
فرح بضحك من بين دموعها لالا مش انا والله اسالها
شهد بحب فرح دي نورعيني ياما صدعتها بيك وبعياطي وبحزني وبفرحي وبكل حاجه جوايا بجد وعمرها فعلا ما قوتني عليك
فرح بدموع الحمدلله يعمري ربنا عوضك اهو
شهد حضنتها وتابعت بحب عقبالك ينورعيني بجد
فرح ابتسمت من بين دموعها وتابعت يارب يعمري يلا تعالي اقعدي على الكوشه شويه ارتاحي وقومي انطلقي اليوم يومك انهارده
شهد بضحك حاضر
احمد بحب ثواني رايح لصحابي وجايلك
شهد بحب ماشي
والاغاني كانت شغاله عادي والاهالي بتفرح وشهد قاعده وجمبها زينب واسماء بيتكلموا
ونور مع يونس وياسمين ومازن وسيف وامنيه علي ترابيزه وجيه خالها صلاح وعياله فسلموا عليهم وقعدوا معاهم
وفون فرح رن فاراحت علشان ترد وهي خارجه خبطت في شاب دلقت عليه العصير فتابعت بحرج اسفه اسفه بجد مقصدش
مروان بابتسامه لا ولا يهمك خلاص محصلش حاجه وبص على الجاكت وتابع بضحك حظك انه اسود هروح اغسله وهينشف مش هيبان
فرح بحرج حقيقي مقصدش حقك عليا
مروان بضحك يابنتي خلاص ولا يهمك محصلش حاجه
ففونها رن تاني فتابعت بابتسامه طب عن اذنك مضطره اخرج ارد
مروان بابتسامه اذنك معاكي وخرجت وهو فضل باصص عليها لحد مااختفت من قدامه فدخل شد كرسي وقعد
باسم كنت فين يا ابني
مروان بابتسامه بشرب سيجاره برا بعدين مازن كان معدي اداني عصير فوقفت اشربه والحمدلله اني وقفت اشربه والله
حبيبه بضحك ليه ان شاء الله هو مايه زمزم
مروان بضحك لا مش الفكره اصل .. واستوعب وتابع بضحك هو انا بحكيلك ليه بس يابت اسكتي وبص لياسمين وتابع تعالي يا سمسم عايزك
ياسمين بستغراب ايه في ايه
مروان بضحك اخلصي عايزك الله مالك في ايه
ياسمين بضحك مفيش انا مستغربه هتكون عايز ايه وقامت وقفت
مروان بضحك هقولك ياختي تعالي بس
ياسمين راحتله فمشي بيها لقدام شويه وتابع في بنت هنا لابسه فستان احمر و
ياسمين بمقاطعه وضحك مروان كلنا لابسين احمر
مروان بضحك طب ما تسبيني اكمل يا جاموسه
ياسمين بضحك كمل ياخويا
مروان بابتسامه شعرها قصير ومش محجبه الفستان كب كده
ياسمين بضحك اااه دي فرح صاحبه شهد الروح بلروح
مروان بضحك اسمها فرح ?? لا اسم على مسمى الحقيقه
ياسمين بضحك وغمز في ايه يا مروان هاا مش مرتحالك
مروان بضحك بفكر اكمل نص ديني واعمل فرحي على فرح
ياسمين اتفاجئت وتابعت بضحك وربنا انت بتتكلم جد وزغرطت بفرح
فمروان حط ايديه على بوقها وتابع بحرج يخربيت اهلك بتعملي اييه فضحتي اللي جابونا
ياسمين بضحك ياخويا السماعات عاليه عايزين نخلي الفرحه فرحتين الله
مروان بضحك طب بحيث كده عرفي اهلها انا عايز ادخل البيت من بابه لو البنت في نيه للقبول تمام مفيش كأن محصلش حاجه الموضوع بيني وبينك يا ياسمين لحد مانشوف رد فرح
ياسمين بحب حاضر يا غالي متخافش والله سرك في بير
مروان بضحك ماواضح من الزغروطه اللي طلعت اول مانطقت حقيقي ربنا يستر منك
ياسمين بضحك لالا والله متخافش يلا هرجع انا اقعد مكاني كأن محصلش حاجه وهعرفلك الدنيا فيها ايه وهقولك
مروان بحب ماشي يحبيبتي
ياسمين بضحك بص حبيبه بتبص علينا ازاي هتموت وتعرف في ايه
مروان بضحك سيبك منهاا متعرفيهاش حاجه يلا هخرج انا اعمل مكالمه وجاي روحي انتي اقعدي معاهم
ياسمين بحب ماشي يغالي
وراحت بلفعل قعدت معاهم ونور كانت استأذنت يونس وقامت تسقف مع صحاب شهد لما لقيتهم بيرقصوا معاها
سيف بص على امنيه وتابع مالك في ايه
امنيه بتعب حاسه اني مجهده شويه بس
سيف بقلق مجهده مالك تيجي نقوم نقيس الضغط
امنيه بحب لا يحبيبي متخافش انا كويسه والله بس يمكن لان انا الفتره دي مش مظبطه نومي خالص انا هقوم اسقف معاهم يمكن افوق شويه
سيف لالا خليكي وفتح دراعه نيمها على صدره وقفل دراعه عليها وتابع حاولي اسندي راسك وريحي شويه متقوميش
امنيه غمضت عينيها وتابعت بحب مش عارفه لما تنزل الشغل هقعد من غيرك ازاي حقيقي
سيف بتنهيده امنيه انا عارف انه مش وقته بس انا طبيعيه شغلي اتغيرت شويه وللاسف بعد الاجازه انا مسافر شهرين رايح انجلترا علشان المهمه بتاعتي
امنيه اتفاجئت وبصتله وتابعت بصدمه شهرين ازاي يعني
سيف بتنهيده اعمل ايه يحبيبتي انا الفتره دي مبهزرش وشغلي تقيل اوي
امنيه لا يا حسام مش كده بجد هو انت شغال في المخابرات من وراياا ولا حااجه ???
سيف نفخ بضيق وتابع مال المخابرات بللي بقوله يعنيى يا امنيه
امنيه بحده لا ماهو لما تقولي مسافر برا شهرين تبقى مخابرات ماهو مفيش ظابط بيسيب بيته شهرين غير لو مخابرات او جيش زي عمر انما شرطه من امتي كدده انت ظابط مباحث يا حسام يعني كل اللي بتعملوا بتحقق وبتقبض على المجرمين وبس
سيف بحده طب وطي صوتك علشان مهزقكيش والناس تاخد بالها وتبص علينا متبقيش مبتفهميش وتتكلمي انا اه زفت مباحث بس بيحصل عادي تعاون بين كل انواع الظباط لما نحتاج زي انك لو بتقري تاريخ وبتفهمي هتلاقي ان سااعه حرب 6 اكتوبر مع انها تخص حربيه بس .. الا ان بحريه انضمت معاهم في تحرير سينا فاحنا ساعات بنحتاج نحط ايدينا في ايد بعض والمهمه دي مليانه ظباط من كل الانواع وانا اختاروني علشان كفائتي
امنيه بصدمه: حتي لو تقوم تسبني شهرين وانا لسه عروسه انت بتهزرر صحح !!!
سيف غمض عينيه بضيق وتابع طب انا اعمل اييه يا امنيه هو بمزااجي يعني انا عبد المأمور
امنيه بدموع لا متعلمش حاجه خاالص واديته ضهرها
سيف نفخ بضيق وتابع طب الناس هتاخد بالها كده لمي نفسك واكبري
امنيه بدموع اللي ياخد باله ياخد باله سيبك مني خالص بجد
سيف تنهد بعمق ولفها ليه وخدها في حضنه وباس جبينها وتابع والله يحبيبي على عيني حقك علياا انا لو بايدي مش هسيبك العمر كله
امنيه غمضت عينيها ودموعها نزلت وتابعت انت بجد على قد ما تغيرك ده مفرحني على قد ما تغير اسلوب شغلك مضايقني وبردو كنت بتتكلم وبتتعصب على ناس في الفون ومهمه ومش عارف ايه هو من امتى وانت شغلك صعب كده .. وافتكرت حاجه وتابعت لحظه بس مين عمر ده اللي كنت بتقولهم عمر لما يرجع مترجعوش معاه هو انت تقصد جوز اختكك ازاي ??
سيف اتصدم انها سمعت الجمله دي وتابع لالا انتي فهمتي ايه انا مقصدش عمر الهواري ده تبع الحربيه ده .. انا اقصد مجموعتي انا اللي في انجلترا عندهم مهمه دلوقتي بينفذوها لحد ما اروحلهم وعمر اللي اقصده واحد تاني خاالص .. يعني هو اللي خلق عمر جوز زينب مخلقش عمر غيره ولا ايه
امنيه لا انا استغربت بس ومن ساعتها كنت هسألك بس نسيت
سيف ابتسم بحب وتابع واديني جاوبتك وباس راسها بعمق وتابع حقك عليا هما معاكي في البيت ومش هتحسي بفراغ والله
امنيه تنهدت بعمق وتابعت ماشي يحبيبي ربنا معاك ويقويك بس طمني طيب ايه طبيعه المهمه دي
سيف بحب متشغليش بالك بلتفاصيل بس والله ما تخافي عليا انتي بس ادعيلي علطول
امنيه بحزن حاضر يعمري من عيني فرفع سيف ايديها باسها بحب وهي تنهدت بعمق وحزن
وبعد شويه جيه وقت تلبيس الدبل فا البنات زغرطوا بفرح وراحت نور مسكت العلبه وفتحتها فخدت شهد الدبله ومسكت ايد احمد ولبستهاله وضغطت عليها جامد في الاخر
احمد بضحك طب ليه الغل ده طيب
شهد بضحك علشان خلاص لبست دبلتي ومش هتطلع تاني وهربيك
احمد وهو بياخد الدبله والمحبس من العلبه تابع بضحك انا اتربيت والله خلاص انتي لسه مش مقتنعه
شهد بضحك بردو نو امان لاي مان
واحمد فضل يضحك ولبسهملها وباس ايديها وتابع بحب مليون مبروك يا اجمل عروسه في الدنيا
شهد ابتسمت بحب وتابعت عيون العروسه من جوه
فابتسم بحب ولبسها باقي الدهب وشهد رفعت ايديها اليمين وحركتها بحماس وضحكتها ماليه وشها
بعدين كلهم فضلوا يزغرطوا وعايده خدت العلبه الفاضيه وفضلت تزغرطلهم وهي بتسلم عليهم وبتحضنهم وتابعت بفرح مليون مبرووك ياقلب امك
احمد بحب الله يبارك فيكي ياست الكل
عايده بفرح الف مليون مبروك يا نورعيني
شهد بحب الله يبارك فيكي يا ماما تسلميلي يارب
فرح حضنتها وتابعت بفرح مليون مبروووك ياروح قلبي انتي
شهد ضحكت بفرح وتابعت الله يبارك فيكي يعمري بجد
احمد بحب شهد معلش ركزي معاايا ثواني وبص قدامه
شهد بحب طب حاضر واتعدلت قعدت جمبه حلو وبصت معاه وفضلوا يتصوروا بلدبل واتصوروا مع الناس
ويونس طلع فشهد قامت وقفت فحضنها وباس جبينها وتابع بحب مباارك يا ست البنات حقيقي فرحتي بيكي مش عارف اوصفها والدموع اتجمعت في عينيه وابتسم وتابع كبرت البنوته كبرت ست الكل وعايزه تتجوز كمان بس مش هقدر اخليها تسبني زي ما الاغنيه بتقول
شهد دموعها نزلت بفرح وحضنته وتابعت مقدرش ينورعيني اسيبك ده انت عارف غلاوتك عندي
يونس باس راسها بعمق وتابع بحب عارف طبعا ده انتي بنتي ووالله العظيم متتخيليش فرحان قد ايه ان ربنا جمعك بللي بتحبيه
شهد بدموع فرح ربنا ميحرمنيش منك ابدا ياارب ونفرح بعوضك بقى
يونس بحب يارب ينورعيني
وحضن احمد وتابع بحب مليون مبروك يا غالي
احمد بحب الله يبارك فيك يا ابو نسب
يونس رايح يتكلم لقى نور بتمسك جاكته جامد وبتغمض عينيها فبصلها وتابع بقلق ايه مالك في ايه ??
نور بوجع يونس اخر بطني تاعبني اوي مش قادره
يونس بقلق طب ايه تعالي اوديكي للدكتوره
نور بتعب لالا مش هينفع نمشي
يونس بحده يانور هنروح ونيجي تاني المهم نطمن عليكي انتي مجنونه وبص لشهد واحمد وتابع هوديها للدكتوره بطنها وجعاها نكشف وجايين
احمد بخوف مالك يابت في ايه
نور بتعب متخافش تعب عادي متقلقش انت
يونس سندها في حضنه وجواه خايف ومرعوب احساسه يطلع صح وتابع متخافش انت يا احمد كمل يومك انا هروح بيها وجاي تاني بسرعه
احمد بقلق طب بالله عليك هكلمك كل شويه طمني
شهد بخوف خير باذن الله متخافيش
يونس بتوتر يا جماعه الله يخليكم ماهي كويسه اهي متوترونيش ولو حد سال قولوا بيجيبوا حاجه وجايين
احمد بخوف ماشي ماشي روح انت بس بسرعه
ونزل يونس وسند نور وخرج بيها وكلم سيف وتابع تعلالي بسرعه نودي نور للدكتوره علشان مش هعرف اسوق انا اتوترت
سيف بخوف مالها فيها ايه انا جايلك حالا
يونس نفخ بتوتر وتابع تعالي يا سيف ونشوف لما تيجي بس بسرعه بالله عليك
سيف بخوف حاضر متخافش وقفل معاه وثواني كان قدامه فيونس وطى شال نور بين ايديه وكانت بتتأوه بوجع بصوت منخفض ومشي وسيف فتحله العربيه ورا فركب وخد نور في حضنه وسيف قدام وساق بيهم
سيف بخوف طب مالك يا بابا حاسه بايه طيب ??
نور بتعب بطني بتتقطع ورجعت الصبح وحاليا دايخه لان لما يونس جابلي اكل مقدرتش وكالت ربع رغيف
سيف تنهد بعمق وبص ليونس من المرايا لانه فاهم تفكيره وتابع طب مبدائيا الجو وحش والترجيع ده هيطلع دور برد انما بلنسبه لبطنك هنشوف اهو خير باذن الله
يونس تنهد بعمق مليان وجع وفضل يطبطب عليها وسكت
سيف بصله يطمنه من المرايا فيونس قاله انه كويس
وبعد شويه وصلوا لاقرب عياده دكتوره نسا ونزلوا وسيف استناهم في العربيه
ويونس سند نور وتابع يلا يحبيبتي خلاص وصلنا
نور بتعب مكنش ليه لازمه كشف يا يونس حرام ممكن اي صيدلي يديني اي حاجه وخلاص
يونس بوجع لا يانور انا عايز اطمن في حمل ولالا مش لسه هستنى خلينا نرتاح
نور بتعب انا هموت واعرف انت مضايق ليه اما انا قولتلك خلاص مش هزعل وعايزاه
يونس غمض عينيه بوجع وتابع بحب لا يحبيبي مش مضايق طبعا ده يوم المنى لما تبقي حامل بس انا مش عايز حاجه تحصل ممكن في يوم تضايقك
نور بابتسامه والله انا فعلا مش هضايق خلاص متخافش
وطلعوا وحجزوا كانوا هما رقم 17 وجوه فيه 15 فقعد يونس وخدها في حضنه وفضل يطبطب عليها وهو من جواه قلقان جداا وبيقول ادعيه في سره
وبعد شويه جيه دورهم فتابعت الممرضه: نور الرفاعي
يونس ايوه ثواني جايين وقام وقفها وخدها ودخلوا
الدكتوره بحب اتفضلوا اقعدوا
يونس ونور قعدوا قدام مكتب الدكتوره فتابعت قولي يحبيبتي سمعاكي
نور بتعب انا بطني بتتقطع من اخرها كده والمغص ده بيروح ويجي بس الفتره دي زاد جدا وبحس طول الوقت اني عايزه انام وتعبانه ومرهقه وانهارده الصبح رجعت مرتين
الدكتوره طب الترجيع ده انهارده بس ولا بقااله كتير
نور لا انهارده بس
الدكتوره طب انتي متجوزه بقالك قد ايه
نور لا مكملتش اسبوع يعني هو اربع ايام
يونس بمقاطعه لالا يا دكتوره انا فاهم سؤالك هو اكتر من اربع ايام يعني قولي اسبوع لان كتب الكتاب والدخله من اسبوع وبعدها ب 3 ايام حصل حفله صغيره مع العيله كده
نور فهمت ليه قاال كده فتنهدت بحزن وسكتت فتابعت الدكتوره اممم يعني من اسبوع طب اخر بريود جاتلك امتى
نور بتنهيده يعني من 3 اسابيع
الدكتوره اه انتي كنت ساعه فرحك كنتي في ايام التبويض فممكن يكون حمل
يونس قلبه اتقبض ووجعه جدا فتابعت نور اه منا شاكه في كده وكمان يا دكتوره عندي حرقان فظيع وده تاعبني جدا طول اليوم وبيروح وقت قليل ويجي تاني
الدكتوره بحب طب هنشكف على حاجه حاجه هو مش شرط الحرقان بسبب الحمل فممكن يكون كل اللي عندك التهابات رحم شديده وهي اللي مسببالك الحرقان والالم اخر بطنك والترجيع بما انه انهارده بس فممكن يكون برد عادي فتعالي نشوف لو مش التهابات هنشكف سونار ونشوف الحمل
يونس حس بشويه امل لما الدكتوره قالت كده وفضل يدعي ربنا بس من جواه فاقد الامل علشان اللي حصل كان ايام التبويض فهمس بوجع في سره يارب انت قادر ارجوك متخذلنيش فقامت الدكتوره وتابعت بحب تعالي يا نور
نور قامت وراها ونامت على السرير فتابعت الدكتوره تعالى خليك معاها
يونس خليها على راحتها علشان متتحرجش
الدكتوره بضحك تتحرج من ايه بس انت جوزها تعالي بس علشان تمسك ايديها ومتتوترش
يونس تنهد بعمق وراح ورا الستاره معاهم ومسك ايد نور اللي كانت متلجه جدا فقعد علي الكرسي اللي جمبها وهمس مالك يحبيبي في ايه متخافيش
نور بهمس انا محرجه من الدكتوره اوي
يونس ابتسم وتابع ركزي معايا وملكيش دعوه بيها
نور بحرج والله انا محرجه منك انت كمان
يونس فضل يضحك وتابع انا مش باصص غير في عينيكي والله
نور ابتسمت بحب فتابعت الدكتوره بستغراب انتي متاكده انك متجوزه
نور بتسغراب شديد اه طبعا متجوزه
الدكتور بستغراب ازاي يعني
يونس بقلق هو في ايه يا دكتوره طمنيني
الدكتوره بستغراب دي مستحيل تكون حامل لان اللي بتشتكي منه فعلا التهابات رحم شديده لان هي بنت بنوت لسه اصلااا
