رواية زوجتي الحسناء الفصل الرابع 4 بقلم لولو الصياد

جلس تيمور على احد الكراسى والغضب ينهشه من الداخل كيف تخرج من الفيلا بدون علمه وفى اليوم التالى لعرسهم كيف تفعل ذلك واين ذهبت اخرج هاتفه المحمول من احد جيوبه واتصل على رقم فريده ولكن لا يوجد رد ...فكر قليلا فمن الممكن ان تكون نفذت تهديدها وذهبت الى منزلهم ولكن ماذا سوف افعل لو حدث ذلك الأفضل ان اتصل باخى عمر واقوم بسؤاله واطلب منه الايخبر احد فهو في الأول والأخير اخى ...اتصل باخيه ...

تيمور...الو ازيك يا عمر عامل ايه...

عمر...صباحيه مباركة يا عريس ايه وحشتك ولا العروسه زهقتك بسرعه هههههههه

تيمور....بطل هزارك ده انت فين دلوقتى ...

عمر..انا فى البيت ليه فى حاجه فى الشغل ولا ايه قلقتنى ...

تيمور...لا مفيش بس هى فريده جت عندكم ...

عمر...فريده ..لا طبعا هتيجى هنا ليه اصلا فى ايه يا تيمور حصل حاجة بينكم...

تيمور. ..لا بس صحيت لقيتها مش موجوده فقلت يمكن جت عندكم..

عمر. ..لا مجتش ده احنا اللى هنيجى عندكم بالليل ...

تيمور...طيب متقولش لحد انى اتصلت ولا قولتلك حاجه اوك...

عمر ..حاضر بس ابقى طمنى..

تيمور...ماشى سلام انت دلوقتي. ..

عمر...مع السلامه...

اغلق تيمور الهاتف وظل يفكر اين تكون ذهبت هل هربت منه والى اين ذهبت واين ابحث عنها ظل مكانه اكثر من ساعتين لا يعلم اى شىء عنها ويحاول كثيرا ان يتصل بها والهاتف يرن ولا يوجد رد كان تيمور وصل اعلى درجات الغضب واقسم انه سوف يعاقبها عقاب عسير ...سمع تيمور صوت باب الفيلا يغلق قام مسرعا من مكانه وجدها هى من تقوم باغلاق الباب وتدندن احدى الاغانى بكل برود يبدو عليها السعادة كيف تكون بذلك البرود وان منذ الصباح انا في غاية القلق عليها...

تيمور ...بغضب وصوت عالى ....كنتى فين يا ست هانم...

فريده..بعند...وانت مالك...

تيمور...ليه متجوزه شخشيخه ايه وانت مالك ده اتعدلى يا فريده بدل ما عدلك كنتى فين...

فريده وعى تتجه الى احد المقاعد وتجلس عليه وتضع قدم فوق الاخر وتنظر لتيمور نظره تحدى وغرور....

فريده...خرجت مع صحابي. ..

تيمور...نعم يا روح خالتك خرجتى مع صحابك يوم  صبحيتك انتى هبله ولا بتستهبلى...

فريده....هههههععع انت صدقت انك جوزى ولا ايه انت قدام الناس بس جوزى غير كده انسى يا عسل ....

تيمور...كده يا فريده بس خلى بالك انتى اللى ابتديتى والبادى أظلم ورحمه ابويا يا فريده لخليكى تندمى على كل كلمه قولتيها ....

فريده...هههههههه اعلى ما فى خيلك اركبه يا حبيبي. ...

تيمور اقترب منها بسرعه واوقفها من ذراعها بشده وسحبها خلفه...

فريده....اه سيب ايدى ابعد عنى ....اه ....

تيمةر اتجه الى المطبخ ودفعها بقوه الى الدخل لدرجه انها ارتطمت بالمنضده بشده...

فريده..اه حرام عليك وجعتنى ...

تيمور...انتى لسه شوفتى حاجه عشر دقائق ويكون الفطار والشاى جاهز...

فريده..وهى تعقد ذراعيها امامها...ليه انت شايفنى خدامه لسيدتك...

تيمور...لا زوجتى والزوجه لازم تطيع زوجها وتعمل اكله على الاقل ...

فريده..بتحلم....

تيمور...انا بحذرك يا فريده هطلع اخد دش واغير انزل الاقى  كل حاجة جاهزه والا والله هتشوفى منى معامله عمرك ما تتوقعيها ابدا...

فريده...لم ترد ..تركها تيمور وذهب الى الاعلى .....

هل ستظل فيرى على عنادها ام تتقى شره وماذا سيكون رد فعل تيمور. ....