رواية انتقام خاطئ الجزء الثانى ( غفران قلب ) الفصل الثلاثون
في الصعيد #
كان سليم هو ومجموعته شكلوا خطه للقبض علي هلال واعوانه متلبس
جاءته اخباريه بموعد التسليم
فشكل قوته وتوجه الي المكان المحدد
..............
جاءت سيارات يقودها رجال هلال وسيارات اخري يقودها الرجال الذين سيقومون بتسليم البضاعه ل هلال
كان المكان المخصص للتسليم محاط بالجبال
قاموا بتبديل الحقائب ففتحت القوة الكشافات
في وجوههم وجاءهم صوت سليم من خلال مكبر الصوت وهو يقول ........
سلموو نفسكم المكان كله محاصر
سلموا والا هنضرب في المليان .
حدث هرج ومرج وتم اطلاق طلقات ناريه من قبل رجال العصابه علي الشرطة
فبادلتهم رجال الشرطة التي تعاملت معهم بقوة وحرافيه شديده وتم وقعوع الكثير منهم في قبضتهم
هربت سياره من القوه وكان يقودها المدعوا هلال
فاسرع سليم خلفه وركب سياره من سيارات الشرطة
وهو يطلق عليه الاعيرة الناريه
بعد مناوشات من سليم فكان يخبط بجابنب سيارته السيارة التي يقودها هلال حتي انقلبت عده مرات
فاوقف سليم سيارته ونزل مرولا وهو يشهر سلاحة
ويتفقد السيارة من اليمين واليسار .....
كان هلال يحاول ان يحرر نفسه من داخل السيارة المقلوبه
فقبض سليم علي ذراعيها وبداء بسحبه بخارج السياره
تظاهر هلال بالاصابه والتعب فوضع سليم سلاحة في جرابه بجانبه وفتح جهازه الاسلكي وقال لاحد زملائه
تم القبض علي هلال واصابته بسيطة
فاجأه هلال وفذف في وجهه حبات من الرمال بقبضه يده
فاغمض سليم عيناه بالم وهو يحاول ان يراي امامه
فكان هلال يجري بعيد
سحب سليم سلاحة وضربه في ساقه
فتعثر ووقع ولكنه نهض مرة اخري
تابعه ايضا وهو يسرع خلفه
حتي صعد فوق تلت جبل عاليه
وهو مازال يجري بساق ويجر الاخري
صعد سليم خلفه وتشابكوا بالايدي كان سليم سيسقط من الجبل عدده مرات ولكنه نجي
سحب هلال سلاحة الابيض من جانبه وحاول طعن سليم ولكن سليم كان يتفادها بمهاره ويهجم عليه ويركله ويضربه حتي خاره قواه فكان متعب بين يدي سليم
حاول سليم جره ولكنه بحركه غادره منه هم بسحب سلاح سليم من جانبه وهم باطلاق النار عليه
فجاءته طلاقات متتاليه من زميله علي الذي وصل الي المكان
فسقط هلال من اعلي الجبل
اسرعت القوة ونظرت من اعلي الجبل علي هلال
فكان الظلام يعم المكان بالاسفل
بعد مده وصلوا بالاسفل كي يتم التحقق من وفاته او القبض عليه ولكن لم يجدوا له اثر
فرجعت القوة الي مقرها
💢💢💢💢💢💗💗💢💢💢💢💢
في فيلا فهم في غرفه ملك
كانت ممدده علي الفراش وترضع صغيرها فهد
اما الصغيرة ملك فكانت بين ذراعي والدها
فمنذ ولادتها لا يسمح لاي احد بالاقتراب منها
حتي والدتها تأخذها كي ترضعها وترجعها له
اعطت ملك الصغير للناني وقالت ل فهد
هاتها ارضعها
فهد ..لا سيبيها لما تجوع
ملك ...فهد دا معاد رضعتها عشان تنام بالليل
اعطاها لها فهد بقله حيله
اتصل عليه عز والذي اخبره بضروره تواجده في الاجتماع
ولكنه قال له
لا احضر انت وعمك شريف واحمد وادهم انا مش فاضي
تعجبت ملك فهي منذ ولادتها وهو لا يفارقها او يفارق تلك الغريمه الحبيبه
ملك ...في اي ي فهد روح شوف وراك اي
فهد ...لا هما مش صغيرين
ملك...... اكيد مش صغيرين بس وجودك مهم
فهد ...لا مش مهم ويلا خلصي وهاتي ملوكا
ملك بعند طفولي فهي بدات تغار من صغيرتها
لا مش هجيبها
فهد ليه مش اكلتيها
ملك ...هتنام
فهد ...مش مشكله تنام علي دراعي
ملك بغيظ.... فهد انت مالك عامل مع البت دي كدااا ليه
اللي يشوفك يقول اول مرة تخلف
فهد ......لا مش اول مرة اخلف بس البنت دي حته منك
ملك ....كلهم ي فهد حته مني ومنك
فهد.....لا دي حاجة تانيه
ملك ...ي سلام ماشي ي فهد خد المفعوصه بتاعتك اهي
فهد وهو يضحك علي غيرتها وهو يقلدها عندما كان يغار من تقربها لاحد اولاده
بس انتي ملوكتي انا حبيبتي
ي سلام ي خويا راحت عليااا انا خلاص من يوم ماالمفعوصه دي جت وانت كل اهتمامك ليها
افهم من كداا انك غيرانه
ملك بغيرة طفوليه ...ايوة غيرانه ي سي فهد مش من حقي اغير عليك
فهد بعشق . بعد ما قبلها علي شفتيها
..لاء ي قلب فهد من حقك
عاوزك تعرفي انك ملكة القلب مفيش حد هيقدر يوصل ل درجة حبك في قلبي
ملك بدلال ......حتي المفعوصه دي
فهد بكذب .لارضاءها .......حتي المفعوصه دي😊+
💢💢💢💢💢❤❤💢💢💢💢💢
في غرفه وعد
كانت تمسك بيدها شريط اختبار الحمل
وكانت شارده فهي بداخلها فرح وقلق
فرح بحملها وقلق من ايام تعبها
تذكرت تلك الايام الماضيه
من تعب وبُعد عز عنها وسقوط حملها ايضا
لم تنتبه علي دخول عز عليها
اقترب منها وهي شارده وبيده الاختبار
فمد يده وسحبه منها وقال بسعادة
وعد انتي حامل !!!!!
انتبهت عليه ورفعت له عيناها الدامعه
عز بقلق ...وعد حبيبتي مالك ي عمري
قالها وهو يجلس بجانبها ويشدها الي صدره يحتضنها
وعد ببكاء ...خايفه
عز بحنان ...من ايه ي قلبي .
خايفه لا يحصل زي ماحصل
عز مطمئناً لها .....لا ي قلبي ان شاء الله مش هيحصل حاجة
وعد وهي تجفف دموعها ...يعني مش هتضايق لو الدكتورة قالت حاجة زي ما حصل قبل كدااا
عز ...لا ي ستي مش هضايق المهم انتي وهوو تبقوا بخير .
وعد بدلال ...لا قول هي انا عاوزة بنت
قبل عز اعلي راسها وقال ...بنت او ولد كله حلو طالما انتي هتبقي امه انا راضي
ضمت عز عليها اكثر وقالت
ي حبيبي ي عز انت احسن حاجة حصلتلي في الدنيا دي
ابتسم عز وقال ...ربنا يخليكي ليااا حبيبتي
💢💢💢💢💢❤❤💢💢💢💢💢
في فيلا شريف
في غرفه شريف
كانت مي تلاحظ علي احمد ومهجة شئ غريب
يوجد شئ بعلاقتهم ولكن لا تعلم ما هو
فصارحت شريف وافصحت عن ما يقلقها
فكان رده بان تتركهم لحالهم وتعطيهم الفرصه كي بتاقلموا
لم تستمع الي كلامه وذهبت ل مهجة لمصارحتها
طرقت الباب ودخلت
مهجة بابتسامه بشوشه ...ماما اتفضلي
مي ...عامله اي حبيبتي
الحمد لله ي ماما
مانزلتيش ليه علي الغداا
مهجة....اصل كان في ايدي تصميم كنت بجهزه .
مي ....ربنا يوفقك حبيبتي
ممكن اخد من وقت شويه
مهجة ...اكيد اتفضلي
عامله ايه انتي واحمد
ابتلعت ريقها وقالت بتلعثم
بخير احنا كويسين .
مي وهي تهز براسها بلا ...لا ي مهجة في حاجة بينك وبين احمد الواد دا مزعلك مش كدااا
مهجة بكذب ....لا ي امي مفيش حاجة
مي بحنان ...مهجة احكيلي يمكن نوصل لحل حبيبتي
والزعل دا يروح
مهجة بحزن ...مش هيروح ي ماما
ليه عمل ايه
مهجة ...انا هقولك هو عمل ايه
حكت مهجة كل ما حدث في السابق بينها وبين احمد حتي يوم زفافهم
بعد ماانتهت قالت لها مي
هسالك سؤال والاجابه هيترتب عليها حاجات كتير .
انتي بتحبي احمد مش كداا
اومات راسها وقالت. ...للاسف ايوة
مي بعقلانيه ...يبقي الحب دا حرام يضيع اديله وادي لقلبك فرصه
انتي وهو بتحبوا بعض خلي الحب دا قوة تجمعكم مش عند يفرقكم
اوعديني ي مهجة انك هتنسي وهتسامحي
مهجة ...حاضر ي ماما هحاول اوعدك
جاء المساء فدخل احمد الغرفه .
وجدها جالسه مندمجة ببعض التصاميم وهي تتظاهر بعدم الاهتمام
دخل الحمام وابدل ملابسه وتوجه ناحيه المراة ووقف يصفف شعره .وينثر عليه الكثير من العطر
كانت تخطف هي بعض النظرات
فلاحظ عليها وتابع هووو
جاءه اتصال من عميله فرد عليه
الو اهلا مدام صافي.....
.......
لا لا ان شاء الله نص ساعه وهكون موجود في المعاد تمام
مش هتاخر .
اما هي فكانت تضيق عيناها وهبت واقفه
وهو يلاحظ عليها تغير ملامحها فتلك العنيده تغار عليه .
اغللق الهاتف
فاقتربت منه وقالت بلهجة حاده
مين مدام صافي دي
احمد وهو يبتسم عليها
دي عميله
اها والعميله دي متشيك كدا ومغرق نفسك بالبرفان دا كله
عشان هتقابلها
اوما لها احمد وهو يكتم ضحكته
قالت بغيظ
ممكن افهم انت بتضحك علي اي
مش بضحك
لاء بتضحك
اقترب منها وحذبها من خصرها وقال امام شفتيها
انتي بتغيري عليا ي مهجتي ....
مهجة وهي تتملص من بين يداه
لا مش بغير عليك انا بغير علي كرامتي ومن فضلك حاسب كدااا
احمد وهو يغيظها ويسمح لها بالبعاد
واضح
مهجة ....يعني ايه واضح انت بتغيظني
احمد....لاء ويلا بقي عشان مااتاخرش علي صافي
ااقصد مدام صافي
مهجة ...كدا ي احمد ماشي بس ماترجعش علي الاوضه دي نام في اي اوضه تانيه
احمد وهو يقترب منها
مهجة ..انتي كل شويه تهدديني بجد انا معنتش قادر استحمل
مهجة....ماتستحملش
احمد....يعني اي
مهجة......يعني اعمل الي يريحك
احمد.....اللي يريحني قربك ي مهجة مش بعدك انا مستحملك كل داا عشان شايف اني ظلمتك وزعلتك كتير
بس كفايه بقي بجد تعبت
مهجة ..انت اللي عملت في نفسك كدااا
احمد..... يعني مفيش امل انك تسامحي وتغفري
مهجة ...لاء مفيش امل
احمد وهو يمسح علي وجهه اوك اوعدك مش هضايقك تاني ومش هوريكي وشي
واتجه صوب الدولاب واخذ حقيبه كبيره
وفتحها ووضع بها ملابسه .
تحت انظار مهجة
فقالت له
انت بتعمل اي
هعملك اللي انتي عوزاه مش انت عوزاني ابعد
انا هبعد ومش بس من الاوضه لاء من البيت كله
مهجة ....انت حر اعمل اللي تعمله
اخذ احمد الحقيبه وغادر غرفتها والفيلا بأكملها
💢💢💢💢💢💗💗💢💢💢💢💢
بعد عده ايام عاد سليم من الصعيد
دخل بيته فرحبوا به جميعا
وهو ايضا فرح بوجوده معهم وبالملائكه الصغيره
كانوا يتكلمون ويضحكون
فهد. وهو حامل ملك الصغيرة .....خلاص مش هتسافر تاني
سليم ...ايوة خلاص خلصت مهمتي هناك
فهد ...طب خير
عمر ....لسه مالقوش هلال حي او ميت
سليم..... لاء لسه بس ماتقلقش احنا مأمنين مداخل ومخارج البلد
دخلت سيلا كعادتها وهي تحمل حقيبتها
مامي حطيلي الاكل انا ميته من الجو.....
تسمرت مكانها عندما رات سليم جالس معهم ....
وقف سليم وتوجه صوبها وهي تنظر له دون حراك
مد يده لها ليسلم عليها فنظرت ليده ثم رفعت له عيناها مرة اخري
مش هتقوليلي ازيك
حاولت سيلا تمالك اعصابها وقالت
اهلا ازيك
ثم توجهت بالكلام لامها
مامي من فضلك خلي حد يطلعلي الاكل فوق
ثم صعدت الي غرفتها ولم تنهار من البكاء الا عندما اغلقت الباب واوصدته من الداخل
اما عنه فهو يعلم بغضبها منه قسي عليها كثيرا وهجرها وسافر دون علمها او حتي ردها لعصمته كما تظن ف سليم ردها في اليوم الذي تكلم مع والدها فيه
عمر ....ليها حق عندك ي سليم كان لازم تعرفها
سليم بعد ان اخذ نفسا عميق
انا عارف عندها حق بس انا كنت لسه مجروح منها
فهد ...اتكلم معاها واتصافوا ي سليم مش هينفع تفضلوا كدااا
سليم ....وتفتكر لو انا كلمتها هتوافق .
عمر ...حاول مرة واتنين وعشرين زي ماهي حاولت
اوماء سليم راسه وقال ...حاضر
صعد لها سليم ووقف امام غرفتها وطرق بابها
ففتحت سيلا ظناً منها بانها والدتها
مام
انت
سليم ...ممكن ادخل
سيلا وهي تعطيه ظهرها وتربع يدها امام صدرها
...ماانت دخلت خلاص خير
سليم ..دي مقابله بعد المده دي
سيلا ساخرة......وحضرتك متخيل مقبلتنا بعد المدة دي هتبقي ازاي
سليم ....مش متخيل حاجة بس كنت افضل انها تبقي احسن من كدااا
سيلا ...بامارة ايه بامارة سفرك من غير ماتكلف نفسك
وتقولي داانا كنت زي الغريبه وانا بسال عليك زمايلك في الشغل
ولا بعقابك وبعدك عني رغم اني اتأسفت وندمت
رغم انتقامك مني
سليم ....انا ماانتقامتش منك وانتي عارفه كدااا كويس
سيلا .....اها نسيت كانت غلطة
سليم ...سيلا انا جاي عشان ااقولك تعالي نفتح صفحة جديدة
سيلا بعناد....... لاء ي حضرة الظابط مش بمزاجك المرة دي
سليم ..افهم من داا انك بترفضي طلبي
سيلا بعناد رغم وجع قلبها
ايوة برفضك زي ما رفضتني فاكر...
سليم ....سيلا ..قولتلك كنت مجروح
سيلا ...وانا كمان مجروحة ولا انت ليك الحق تهجر وتبعد وتوجعك وانا لاء
ليك الحق تغضب وتثور وت اااه
سليم بلهفه ...سيلا مالك
سيلا بالم وهي تضع كفها علي اسفل بطنها
اااه ااه بطني ااه
طب تعالي ااقعدي
جلست سيلا وهو يمسك يدها ونادي علي جني لتاتي لها بكوب ماء
بعد ماا ارتشفت منه قال ...
بقيتي كويسه
اومات له وقالت...... الحمد لله
تعالي اوديكي للدكتورة تشوف مالك
سيلا وهي تتهرب ..لاء انا بقيت كويسه
اا عشان اتعصبت بس
طب خلاص اشربي العصير داا واهدي وبعدين نتكلم
سيلا ...مفيش بينا كلام خلاص
انت قولتها قبل كدا حتي لو مش جوزي فانت ابن عمي
فمن فضلك عشان العيله ماتتفككش
بلاش نتكلم في الموضوع دااا
سيلا ...بلاش عند
سيلا ...انا مش بعند ي سليم ومن فضلك سيبني عشان عاوزة ارتاح
اوك ..قالها سليم فليتركها تثار لكرامتها ولكن لن يتركها كثيرا
❤❤❤❤❤❤❤❤❤❤❤❤
في فيلا شريف
كانت مهجة حزينه علي فراق احمد فها هو صدق في وعده ولم يريها وجهه مرة اخري من اخر مرة تكلم معها .
نزلت مهجة وسالت مي عليه
فقالت ....من يوم مامشي مفيش اخبار عنه
مهجة ...وهنسيبه كدااا ممكن تتصلي عليه
مي ...اتصلي عليه انتي مش انتي اللي قلقانه
مهجة ...وحضرتك مش قلقانه
مي ....لاء مش قلقانه
مهجة ...ماما هو حضرتك تعرفي مكانه .
مي بلؤم
...ايوة اعرف مكانه هو في الشقه اللي كان اخدها قبل ما يتجوزك
مهجة وهي تضيق عيناها
اللي كان اخدها يتسرمح فيها مش كداا
.ابتسمت مي.... فقالت هي بغيظ
...ماشي ي احمد انا هسيبه يتفلق ومش هسال عنه
مي بلا مبالاه ....انا بقول كدا بردو
وصعدت ل غرفتها وتركت مهجة تغلي من الغيظ والغيره .
صعدت مهجة لغرفتها والتقتت الهاتف ثم ضغطت عل رقم احمد ولكنها فصلت قبل ان يرن
فتركته من يدها وتوجهت صوب الخزانه وابدلت ملابسها
ونزلت وهي تتوعد احمد ان وجدت معه اي انثي
ركبت السيارة وامرت السائق بالتوجه الي عنوان الشقه
صعدت في المصعد ووقفت تسترق السمع علي الباب فلم تجد اي صوت
رنت جرس الباب بعد ثواني فتحه لها
مهجة
ايوة مهجة ي استاذ اللي سايبها وجاي تتصرمح هنا
احمد ....اتصرمح !!!!
مهجة ...ايوة وحاسب كداا من قدامي
قالتها وهي تزيحه من امامها واسرعت نحو الغرف تفتحها غرفه غرفه
احمد بتعحب علي حالها .
انتي بتعملي اي
مهجة .....بدور عليها
احمد .....هي مين
مهجة بغيرة .....البت اللي جايبها هنا
احمد .....بت مين ي بنتي مفيش حد هنا الا انا
مهجة يعني مفيش بنات
احمد وهو يحاوطها بذراعيه من خصرها
تؤ مفيش بنات
مهجة طب اوعي .
تؤ انتي اللي جيتي برجلك
مهجة بخجل ....احمد
احمد بعشق .....جننتي احمد ي مهجة احمد ماعدش بيشوف غيرك
ومال عليه ليقبلها باشتياق ولهفه
علي وجهها كله وجنتيها شفتيها وعيونها المغلقه ونزولا رقبتها
كانت مستسلمه لقبلاته للمساته لاشتياقه كانت ذائبه بين يديه راضيه خاضعه ولاول مرة
لم يجد منها اي مقاومه او رفض
فزاد في تعمق قبلاته.....
بعد مدة اطلق سراح شفتيها و ابتعد عنها قليلا حتي تتمكن من حصولها علي الهواء فكانت مغمضه العينان وهي تضع راسها علي صدرة في استكانه محببه الي قلبه ....
احمد..... انا ضايقتك
مهجة بخجل وهي تخفض عيناها .وتهز براسها يمينا ويسار
لاء
اففهم من كداا انك مش زعلانه او مضايقه مني
اومات مرة اخري بخجل
فاقبل عليها وقبلها قبله طويله عميقه
فقالت بخجل وهي تبعد وجهها عنه
احمد تعالي نصلي الاول
ابتسم احمد عليها وقال بسعادة
افهم من كداا انك موافقه
عضت علي شفتيها بخجل وتوردت وجنتيها
واومات راسها بنعم
فقال...... تعالي ندخل نصلي
بعد ما امها ووضع يده علي راسها وقراء الدعاء
اوقفها ووقف امامها وقال بصدق
اوعدك هنبداء حياه جديدة مش هضايقك ابدااا
وهعمل كل حاجة عشان اسعدك
مهجة وهي ترفع راسها له.... وانا كمان ي احمد اوعدك اني هعمل كل حاجة عشان اسعدك
احمد ...انتي الحاجة الوحيدة اللي بتخليني سعيد ي مهجة الفؤاد قربي منك اوعديني ماتبعديش عني تاني
مهجة ...اوعدك ي احمد
رفعها احمد من خصرها وضمها الي صدره وهو يعتصرها
وتوجه بها صوب الغرفه وهو حاملها .
ووضعها برفق علي الفراش ليبداء اولي جولات حبه الملتهبه ليعلمها اول ابجديات عشقه وشغفه وجنونه
💢💢💢💢💢💗💗💗💢💢💢
لايزل فهد يهتم بابنته دونا عن غيرها
علي وعد وعز اخبروا الجميع بحمل وعد ففرحوا جميعا
علي ادهم ورحمه قرروا ان يتموا زواجهم وقد حدد بعد شهر
اما علي ادم وسديل فكما هم يجمعهم حب الطفوله
ويكبر يوما بعد يوم
اما علي احمد ومهجته فكانوا سعداء فاخيرأ تلاقوا بعد فراق
اما علي العاشقان سليم وسيلا فهي كما هي تعانده ليس اكثر
كان موعدها مع الطبيبه في عيادتها
كانت ممدده علي السرير وتقوم الطبيبه بوضع الجيل عليها وتمرر ذاك الذراع حتي تتمكن من الكشف علي الجنين
سيلا ....اي الاخبار ي دكتورة
الطبيبيه ...احنا كويسين بس من دلوقت بقولك الكورسيه دا خطر ماينفعش يتلبس تاني .
سيلا بقله حيله ...حاضر باذن الله
بعد الكشف عليها اعتدلت ونهضت من عل السرير
وجلست علي المقعد امام الطبيبه
وهي تكتب لها في الروشته بعض الفيتامينات
الطبيبه بعمليه .. في حقنه هتاخديها الشهر دااا
سيلا ..انا اخدت الشهر اللي فات وتعبتني بصراحة
الطبيبه
..معلش استحملي عشان حبيب ماما
سيلا بخوف طفولي
هو مفيش حاجة غير الحقن ممكن يعني كبسولات او شراب
الطبيبه وهي تضحك عليها
انتي بتخافي من الحقن طب احب اطمنك بقي مشوارنا طويل لسه
ابتلعت ريقها وقالت ...ربنا يستر
ثم اردفت دون وعي منها .....
هو اللي كان بيهونها عليا
الطبيبه ..هو مين
سيلا ..هااا لا مفيش
اكملت الطبيبه حديثها قائله
انتي ليكي اول حمل حقنتين الاولي في الشهر الخامس والتانيه في الشهر السادس واحنا بدأنا في اسبوع منه
الاكل تهتمي بيه اكتر من كداا
سيلا بضحك ...دا انا مخلصة علي الاخضر واليابس .ف البيت
الطبيبه وهي تضحك علي كلام سيلا ....
بطلنا بيكبر ولازم يتغذي
سيلا بفرحة ..هو هو ولد
اومات الطبيبه.... ايوة ولد فرحانه
سيلا بسعادة الدنيا ايوة الحمد لله
وقالت في نفسها
ياريت ي سليم كنت معايا عشان تفرح زي ماانا فرحانه
رجعت لعقلها مرة اخري وقالت
لاء مش لازم تعرف لانك لو عرفت هترجع وهيبقي عشانه وبس انا عوزاك ترجع لوحدك وتعترف بغلطتك معايا
اخرجتها الطبيبه من شرودها وقالت
الروشته اهي وان شاء الله ماتنسيش معاد الحقنه
سيلا وهي تنهض ...بأذن الله
شكرتها وبعدها استاذنت منها
في سيارتها كانت شارده ايضااا فكيف ستقول لهم
وكيف ستتخطي غضبهم منها
وان لم تفعل ف إلي اين تذهب حتي لا تُكتشف
فهي تريد ان تلد ولا يعلم بامرها حتي ترجع له بارداتها
بعد ان يعتذر منها ويعترف بالخطاء الكبير الذي فعله بها
(غباء بعيد عنكم 😅)
كان الطريق الذي تسير فيه كان مزدحم جدااا وهي لازالت شارده
حتي سمعت اصتدام سيارتها بسياره ما اخري
كان رجل في اواخر الاربعين تقريبا
اوقف سيارتها بعدما نزل وظل يهلل عليها ويتكلم معها بصراخ
الرجل ...طالما مابتعرفوش تسوقوا بتتهببوا وتركبوها ليه
سيلا بزعر من صراخ الرجل وتجمهر الناس امام سيارتها
انا اسفه مااخدتش بالي
الرجل ..اسفه اسفه دي تطلع اي والله ماانا سايبك الي في القسم
سيلا ..قسم لا من فضلك انا مش بتاعه الكلام داااا
شوف حضرتك عاوز اي وانا هعمل اللي هتطلبوا
الرجل ..العربيه اتخبطط ولازم تروح ل مكانيكي
سيلا بتوتر ..طب والمطلوب مني
الرجل ..المطلوب منك انك تيجي معايا للمكانيكي وتدفعي المطلوب
سيلا ..لا حضرتك انت تشوف هي هتتكلف كام ودااا الكارت بتاعي
فيه رقمي ومكان شغلي
وابعت الفاتورة وانا هتكلف بكل حاجة
الرجل بعدم تصديق فهو يظنها تتهرب
لا ي حلوة هتيجي معايا عند المكانيكي لا هسلمك للقسم
سيلا ..من فضلك استني هتصل ب بابي وهجيبلك الفلوس اللي انت عاوزها
الرجل بقله صبر ..اتفضلي لما نشوف
التقتت هاتفها من حقيبتها ولكنه قد نففذ شحن بطاريته
سيلا بخوف ...الفون فصل
ممكن تيجي معايا اديك الفلوس اللي انت عاوزها
الرجل وهو يقبض علي المفتاح وينزعه من مكانه
وربنا مااحنا منقولين من هنا الا علي القسم
وفعلا اتصلوا علي الشرطة واخذوها في البوكس
دخلت سيلا ببكاء متقطع للظابط
وقالت .....ممكن فونك اتصل علي بابي .الظابط وهو يري تعبها وتوترها
اتفضلي اقعدي وخدي الفون واتصلي باللي انتي عوزاه
اتصلت هي علي ابيها واخبرته بما حدث لها
فاغلق الهاتف بعدما طمئنها واخبرها بقدومه
واخبر الظابط بكنيتها حتي لا يتعرض لها احد
بعد دقائق دخل هووو المكتب كالاعصار وهو يقول بلهفه
سيلا حبيبتي فيكي ايه
سيلا وهي تنهض ببكاء وشهقات عاليه
سليم الحقني
وارتمت علي صدره
سليم وهو يربت علي ظهرها ويهدأها
اهدي بس وكلميني حد كلمك حد ضايق
قالت لاء.... من بين شهقاتها
انا خبط و واحد وهو جابني علي هنا
انا ماقصدش والله
سليم ...طيب اهدي ي حبيبتي
ثم توجة للظابط الذي اول ما راي سليم هب واقفا واعطاه التحيه وقال
سليم بيه ماتقلقش محدش ضايق الانسه
سليم ....سليم ....دي المدام
الظابط ...انا اسف هي ماقالتش كدا ليه من الاول
الرجل بصراخ ...يعني خلاص العربيه اللي حيلتي اتكسرت
علي ايد مرات حضرة الظابط كدا حقي وحق عيالي راح
سليم بغضب ...مين قالك اننا هنضيع حقك
شوف الخساره قد ايه وانا متكفل بكل حاجة
الرجل ..انا ماعرفش هتتكلف كام
تكلم معه الظابط بزعيق وقال
حضره الظابط قالك خلاص هيعملك الازم بلاش كتر كلام
صمت الرجل بقله حيله فكان يظن بانه لن يحصل علي اي تعويض
اخذ سليم سيلا وخرج بها من مركز الشرطة
واجلسها في سيارته وهي لازلت تبكي
سليم ...اهدي بقي كل حاجة اتحلت
سيلا .. والله ماكان قصدي ي سليم انا لقيته فاجاه قدامي
انا كنت هقتله
وزادت في البكاء
سليم بحنان ...طب خلاص بقي قدر الله وماشاء فعل
تعالي نقعد في اي حته نشرب عصير
لم تتكلم ولكنه كانت مستكينه علي صدره
ابتعد عنها برفق وقاد السيارة الي الكافيه
ودخلوا واجلسها وطلب عصير لها حتي تهداء
بعد مده كفت عن البكاء
سليم ...هديتي
اومات هي وقالت ...ايوة
اخذ سليم نفس عميق براحة وقال
انا اتصلت علي عمي طمنته
سيلا ...شكرا علي اللي عملته
سليم وهو يرفع حاجة ..شكرا
سيلا كي تغيظه ....ايوة شكرا انك وقفت معايا
سليم وهو يجاريها ...العفوا انا ماعملتش غير الواجب
سيلا بغيظ ...انا اتصلت علي بابي مش عارفه قالك ليه
ماكنتش عوزة جمايل من حد
سليم ببرود...معلش بقي هنعمل ايه هي الظروف اللي بتحطنا في المواقف دي بس مضطرين نسيب اشغالنا والحاجات المهمة عشان نفض خناقه
سيلا بغضب طفولي
تفض خناقات ..طب متشكرة وعن اذنك انا عاوزة امشي
قالتها وهي تنهض
سليم بصوت جهوري وهو يبرق لها عيناه
سيلا اقعدي مكانك وحسك عينك تعمليها وانتي قاعدة معايا
جلست هي برعب منه وقالت بتلجلج .
انا انا اتاخرت ومامي زمانها قلقانه عليا والفون فاصل
اتصل سليم علي جني واعطي سيلا الفون وقال
كلمي جني وطمنيها
اخذت هاتفه وبعد ان طمئنتها اعطته الهاتف وشكرته مرة اخري
فنظر لها نظرة متوعده اربكتها
سيلا ..مش هنقوم
لما تكملي كوبايتك
ارتشفت اخر حبه عصير في الكوب ومسحت فمها بالمنديل وقبل ان تقول شئ
نهض هو ووضع نظارته والتقت هاتفه ومفاتيحة
وقال لها ...تعالي ورايا
تابعته هي بغيظ علي بروده معها
💢💢💢💢💢❤❤💢💢💢💢💢
بعد عدة ايام
في غرفه مهجة واحمد
كان نائم مستكين في فراشه حتي جاءت مهجة وهي تتسحب وتشعل بعض من العاب الاطفال الناريه
(البومب والصواريخ يعني 😂)
والقت بها بجانب سريره
احدثت الالعاب اصوات فرقعات عاليه جعلته ينتفض من مكانه وهو يتلفت قائلا في زعر
اييه في ايه حصل ايه هي الحرب قامت
ضحكت مهجة عليه بكل صوتها
مسح احمد علي وجهه بكف يده بغيظ من تلك المجنونه
التي ارقته في نومه
انتي اي ي بنتي في حد يصحي حد كدااا
مهجة وهي لازلت تضحك وترتمي علي الفراش .
هههههههههه شكلك يفطس من الضحك
قال احمد بتوعد وهو يجز علي اسنانه
شكلي يفطس من الضحك طيب
قالها وهو يحملها علي كتفه كالشوال
وتوجه بها صوب الحمام وفتح الدش عليها وهو حاملها
وهي تدبدب علي ظهره بقبضه يدها وهي تصرخ وتقول
نزلني ي مجنون .
احمد ...انا اللي مجنون طيييب هوركي بقي الجنان اللي عل اصوله
انزلها في حوض الاستحمام وهي تحاول ان تتملص منه واغرقها بالمياه
عشان تحرمي تعملي كدا تاني
مهجة بصراخ من رذاذ الماء .....الحق عليا كنت عوزاك تقوم تقعد معايا بس بقي خلاص نام تاني
توقف احمد وقال بابتسامه ووله ..طب ماكنتي تقولي كدا من الاول
مهجة بدلال ...لاء اوعي انت غرقتني
احمد وهو يقربها اليه اكثر
وفيها اي ماانا كمان اتغرقت
قالها وهو يمد يده ليزيح ملابسها عنها
شهقت مهجة وقالت ...انت بتعمل ايه
احمد .....اييبه هخليكي تاخدي شاور مش اتغرقتي
مهجة بدلال .....لاء مش عوزة انا زعلانه منك
احمد بهمس ....طب ماانا بصالحك اهوووو
مهجة وهي تتصنع الزعل
ي سلام عيله صغيرة انا هتضحك عليها
احمد ....طب قولي عاوزة اي وانا اعملهولك
قالها وهو يقُبل كل سم ظهر من كتفيها عندما ازاح عنها الروب وظهر له قميصها المبتل الذي يصف جسدها امامه بسخاء
مهجة .....بس بقي الله انا غلطانه انت مالكش في الرومانسيه
احمد وبداءت انفاسه في التثاقل
... ..ايه رومانسيه انتي مفهومك غلط ي حياتي عن الرومانسيه
انا اعرف عن الرومانسيه بيصحو علي ورده بوسه مش صواريخ وبومب
مهجة ضاحكة ...لا معلوماتك عن الرومانسيه قديمه اوووووي
ياااا سلام
مهجة وهي تحاول ان تهرب منه..... احمد بس بقي الله
ابس اييه بس تعالي هنا مش انتي اللي صحتيني يبقي تستحملي
قالها وهو يخلع عنه التيشيرت الذي كان يرتديه
ثم قربها منه مرة اخري جاءت لتعترض ولكنه وأد اعتراضها بقبله محمومه من قبلاته المهلكه تحت رذاذ الماء بعد لحظات
ابتعدت عنه قليلا فوجدته ينظر لها بعينان غائمه متشوقه ل لقيياها فاخذت علبه الشامبووو من خلفه وهو يقبلها
وافرغت منها الكثير علي شعره دون ان يدري وهو سابح في بحور عشقها
افلتها وقال وهو يضع يده علي عيناه بتالم .
..ااااه عيني
مهجة وهي تضحك وتبتعد عنه
ضحكت عليك
وهربت منه فقال بعد ان ازاح عنه الرغوة بتوعد
وربنا ماانا سايبك
واسرع خلفها وهي تصرخ وتضحك في ان واحد
حملها هو والقاها علي الفراش وقال وربنا ماانا سايبك النهاردة
فقالت وهي تضحك عليه وهي تتراجع ......اعقل ي مجنون
احمد ...ومين قالك اني عاقل٠في حد عاقل يتجوزك
تحولت ملامحها وقالت وهي تجلس نصف جلسه وتضع يدها بخصرها
نننننننننعم ي استاذ تقصد ايه
احمد في نفسه ...شكلها هتقلب نكد
ااقصد مفيش واحد يعرفك الا لما تخطفي فيها قلبه وعقله .ي مهجتي ......
مهجة ..اها بحسب
لالا وانا هسيبك تحسبي لواحدك
مهجة بدلال .... احمد بس بقي
ابس اييه تعالي هنا
قالها وهو يقربها منه اكثر
ثم مال عليها ليأخذ شفتيها بين شفتيه بقبلات محمومه متتاليه باستسلام تااام منها وشغف وهوس منه
💢💢💢💢💢💢💢💢💢💢💢💢💢💢
علي مائده الطعام كان الجميع يجلسون علي مقعدهم
ملك المتغاظه من فهد الذي يحمل طفلته
وعز بجانب وعد الفاقده للشهيه والتي يحاول ان يطعمها
سديل التي تضع اللحم في طبق ادم
وادهم الذي ياكل ولا يبالي
وعمر الذي غمز ل جني علي نظرات سليم لابنتهم
اما هو فكان يتابع كل تفصيله بها
وظل يسال نفسه اين يذهب كل هذا الطعام
نعم هي امتلات قليلا ولكن ......
كانت هي تاكل بنهم شديد
ولم تاخد بالها من نظرات الجميع لها
تركت الشوكه من يدها وقالت
ماما ملك ممكن كوبايه عصير من قدامك
ملك ها حاضر ي حبيبتي
كان هذاا ثالث كوب تطلبه منها
جني ...سيلا حبيبتي انتي مليتي بطنك عصير كداا هتتعبي
انتبهت سيلا عليهم وهم ينظرون لها فقالت بحرج
احم خلاص انا شبعت هشرب دي وبس اصل انا بعمل مجهود كبير في الشغل فعشان كدا بجوع
ملك ...كلي براحتك ي حبيبتي
رفعت عيناها له فوجدته يضيق عيناه ولم يزيحها من عليها
فقالت بارتباك ....انا انا شبعت هطلع انام شويه
...............
صعدت هي كي تاخذ حمام
فتح سليم الغرفه وجدها بداخل الحمام وقد خلعت عنها ملابسها وحقيبتها والقتهم علي الفراش باهمال
لاحظ سليم الكورسيه فاقترب منه واخذه ليتحقق ماهذا الشئ.ضيق سليم عيناه وهو يفكر لما ترتدي سيلا هذا الكورسيه ثم اخذ الحقيبه وفتحها وجد بها الكثير من الفيتامينات الخاصه بالحوامل وورشوشته باسم طبيبه تخصص امراض النسا والتوليد
شرد هو وقال في نفسه ..اييه اللي هيخلي سيلا تروح عند دكتورة امراض نساء الا اذااااااا
اتسعت عيناه وقال لازم اتاكد .......
قفلت هي المياه فانتبه عليها اخفي نفسه خلف الستائر
خرجت سيلا وهي ترتدي قميص نوم ستان طويل
وتلف شعرها بمنشفه صغيرة
وقفت امام المراء وهي تجفف شعرها
ثم وضعت يدها علي بطنها التي كبرت قليلا
وقالت في نفسها ...يا تري هيبقي رد فعلهم اي
لو عرفوا باني خبيت عنهم كل دااا
كان هو يراقبها من خلف الستائر .واتسعت عيناه عندما لمح بروز بطنها
هي حامل ولم تخبره او تخبر احد
ازاح هو الستارة وتقدم صوبها ببطئ وعيناه عليها
فزعت هي عندما راته يقترب في المراءة والتفتت له بجسدها كله حتي اصبح هو امامها تماما وهو ينظر الي بطنها ويقول
انتي حامل
لم تجد سيلا حل للهروب منه سوي التظاهر بالاغماء
التقطها بزعر حتي لا تسقط ارضا
وحملها ووضعها علي الفراش
حاول افاقتها فضرب علي وجنتيها برفق
سيلا سيلا فوقي
لم تفوق هي ولازالت تتظاهر
سيلا .....مامي انا عاوزة مامي
ابتسم عليها ولوي فمه عندما علم بتمثيلها وقال ......
لا مش مامي اللي هتفوقك هديكي حقنه عشان تفوقي
انتفضت سيلا بزعر وهلع
حقنه لالالا
اقترب منها سليم جداا وهو يحاوطها بوضع كفيه علي الفراش
وهي تحاول ان تبتعد عنه بتراجعها للخلف فقال ب
بقي انتي حامل ومخبيه عليا
سيلا بتلجلج ...انا اها لا اصل
فقال بصراخ .هااااا قولي مخبيه لييه
ومحدش يعرف من اهلنا مش كدااا
سيلا بزعر منه وصوت يخنقه البكاء ....
سليييييييم
سليم ايه وهباب اي بقي حامل وبطنك كدا وبتلبسي كورسيه عشان محدش يعرف انتي غبيه صح
انتي مش عارفه ان داا خطر عليكي وعلي اللي في بطنك
سيلا ببكاء ...ماكنتش عاوزة حد يعرف
سليم بغيظ منها وبنبرة حااااده
لييييه مش عاوزة حد يعرف ليييييه
سيلا .....عشان عشان ما ترجعش عشانه عشان انت رفضتني في الاول ولو عرفت هترجع عشانه
مسح علي وجهه وقال حتي يضايقها .....
لا ماتخافيش مش هرجع عشانه او عشانك
سيلا بغيظ ...يكون احسن
زمجر هو بغضب فانكمشت علي نفسها وقالت حتي تداري
خوفها
لو سمحت اخروج برة لان كداا ما ينفعش انا وانت مطلقين
ووجودك هنا ما يصحش
سليم ببرود كي يغيظها اكثر ....
لا ماهو انتي لحد ما تولدي في حكم مراتي يعني انتي في شهور العدة
قالها ولم يقول لها بانه اعادها لعصمته قبل ان يغادر للصعيد
سيلا بغيظ ...طب لو سمحت اتفضل عاوزة اغير هدومي ومش هينفع كداا قدام الاغراب
اغراااب
ايوة اغراب حتي لو في شهور العدة
فقال كي يغيظها
مش هشوف حاجة ماشوفتهاش قبل كدااا
سافل
ضيق عيناه وقال ....نعم قولتي حاجة!!!!!!
سيلا ....اهاا لالا مااقولتش
فقال......جبانه
سيلا .....من فضلك بلاش غلط انا مش جبانه
سليم بتحدي وهو مازل يأثرها
طيب لو جدعه كدا وشجاعه قولي كنتي بتقولي ايه
سيلا .وهي تضع كف يدها علي صدره كي تدفعه بعيد عنها ..........ما مابقولش وحاسب لو سمحت
نهض من مكانه وقال
شوفي هتعرفيهم ازاي ::
سيلا ...هو هو انت مش هتكون معايا!!!!!
سليم ...لاء مش انتي اللي خبيتي استلقي وعدك بقي منهم
سيلا بنبرة متوسله ....هو هو ممكن تكون معايا وانا بقولهم
حك ذقنه هو وقال .....اوك بس هتقوليلهم اي
سيلا ..بعد تفكير
ممكن نقولهم اننا ماكناش عاوزين حد يعرف عشان محدش يغصب علينا نرجع لبعض .اييه رايك
سليم ....لاء شوفي حاجة تانيه انا مش هكدب
سيلا........طب ااقول اي
ممكن تمثلي انك تعبانه ومغمي عليكي ونجيب ايمان
واكيد بعد الكشف هيعرفوا انك حامل .
سيلا بغيرة .....لا ايمان دي اييه انا البنت دي مش ببستظرفها
سليم وهو يثير غيرتها
لييه دي بنت محترمه ومجتهدة وزي القمر
سيلا بغيرة ...انا مالي محترمه ولا زي القمر انا هعملها كشف هيئه
سليم ....والله اللي عندي قولته
سيلا ...لاء يبقي بلاش ايمان ممكن اي دكتور تاني سليم وهو يغمض عيناه بغضب قائلا لها بصوت عالي
وانتي من امتي دكاترة رجاله بتكشف عليكي
سيلا وقد لاحظت غيرته
احسن من البتاعه دي
سييييييييلا ....اتعدلي
طب شوف انت الحل
خلاص ننادي امي وجني ونعرفهم وهما يشوروا علينا
سيلا بنبرة متوسله ... اوك هتبقي معايا مش كدااا
قال ببرود .....اوك ثم نظر الي جسدها الذي يوصفه قميصها
كان منظرها مهلك حد الفتنه فبروز بطنها وامتلاء جسدها زادها جمال علي جمالها
احمر وجهها بخجل من نظراته لها وهي لم تنتبه علي ما ترتديه ودخلت الحمام مسرعه مرة اخري ووضعت وابدلت ملابسها
بعد مدة حضرت جني وملك
لم يتكلم احد منهم ولكن كانوا ينظرون لبعض فقط
جني. ....في ايه ي سليم ماتحكي انت بدال هي مش عاوزة تحكي
ملك بفرحة وقد ظنت بانهم عادوا زوج وزوجة
انت رجعت سيلا ي سليم صح
جني بسعادة....الف مبروك ي حبايبي انا هروح افرح عمر
ملك كذلك قالت ....وانا هروح افرح فهد
سليم بتكبر وهو ينظر ل سيلا
...لا ي امي استني الحكايه مش كداا
ملك .....اومال الحكايه في ايه فهمونا
تسرعت سيلا بغيظ من تكبره
لالا طبعا انا مابفكرش في الحكايه دي ابداا
لوي فمه بغرور فاغاظها اكثر
وجلس ووضع ساق علي ساق قائلا
اتفضلي احكي انتي بقي🙂
فقالت بغيظ ....انا انا حامل
ملك ...ايييييه حامل
جني ....حامل ي سيلا
ابتلعت ريقها وقالت ...ايوة ومن فضلكوا اسمعوني
لما اكمل كلامي
انا لما عرفت بحملي عرفت سليم وهو اللي قالي مااقولش عشان محدش يجبرنا اننا نرجع لبعض 🤨🤨
تحولت ملامح وجهه ونظر لها بغيظ وقال
بردوووو انا
فقالت ......ايوة استني ي سليم خلاص لازم يعرفوا
اكملت هي قائله
بيقول انها غلطة حتي قالي انزله بس انا قولت حرام
انتفض من مكانه ثم اتجه صوبها بعنف وقال
انا قولت كدااا انا
سيلا وهي تهرب بزعر منه خلف ملك
شوفتي ي ماما ملك شوفتي ي مامي
شايفين هيضربني وانا حامل مش هامه اللي في بطني
ملك ....انت اتجننت ي سليم
جني ...اخس عليك ي سليم بقي عاوزها تنزل اللي في بطنها وانا اللي قولت انك عقلت وهترجعها
سليم وهو يمسح علي وجهه
ي جني اسمعيني
ملك بصوت عالي .....انت اللي تسمعني
انت هتنزل ل عمك دلوقت ول باباك وتعرفهم بالحمل انت وسيلا
سااااامع والا قسما بالله ي سليم لا انا اللي هقفلك
ولساني مش هيخاطب لسانك ابدااا
.ي امي
ملك بحدة .....قولت ايييييييييه
سليم بقله حيله ......حاضر ي امي
ثم نظر ل سيلا بنظرة توعد وقال
خلاص روحو انتوا عرفوا بابا وعمي اننا عاوزنهم وانا وهي هننزل مع بعض بعديكوو
سيلا بزعر منه
لالالا ماتسبونيش معاه دا ممكن يضربني ويسقطني
ملك بخوف عليها
هي حصلت طب تعالي معايا ووريني كدااا هيقرب منك ازاي
اخذتها ملك معها لغرفتها
وقبل ان تقفل الباب وهو ينظر اليها بعيون حادة غاضبه
اخرجت له لسانها بطريقه طفوليه
اغاظته اكثر وجعلته يتوعد لها
💢💢💢💢💢💢💢💢💢💢💢💢💢
في غرفه المكتب
جني وسيلا وملك وسليم كانوا في انتظار فهد وعمر
قالت سيلا ...مامي بلاش بابي يعرف باللي حصل كله
عشان مايزعلش من سليم .
ملك ...ي حبيبتي ي سيلا رغم اللي عمله لسه خايفه عليه
اتسعت عيناه علي طريقتها فتلك الجنيه تكذب والكل يصدقها
اومات هي بلؤم وقالت
ممكن تجيبوها فيااا وتقولوا انا اللي خبيت
جني ...لاء طبعا مش هنقول كداا لان باباكي وخالك هيزعلوا منك انتي وانتي مالكيش ذنب .قالتها وهي ترمق سليم بنظره غاضبه علي ما فعله بابنتها
هم سليم كي يتكلم .فتح فهد الباب وهو حامل ابنته
وبعده بثواني دخل عمر
فهد ..خير في حاجة حصلت
عمر ....في اي ي جني طالبتونا ليه
جني وهي تقترب منه وتطمئنه خوفا عليه
اطمن ي عمر مفيش حاجة مقلقه باذن الله
ثم نظرت ل ملك كي تدعمها فقالت ملك وهي تبتسم
عيله المهدي هتزيد فرد جديد......
فهد .....سديل حامل
ملك.....لا مش سديل
عمر بسعادة ...يبقي جني هي اللي حامل
ثم وجهه كلامه ل جني وهو يغمز لها قائلا ......مش قولتلك هنجيب فريد
جني بحرج منهم
لاء مش انا دي سيلا
تحولت وجههم صوبها وقالوا في نفس واحد
سيلا
اومات هي بخجل وقالت
ايوة
كانت علي وجوههم الكثير والكثير من التسألات
فاجبتهم ملك قائله
سيلا تعبت من شويه وجبتلها دكتورة من غير ماحد يعرف عشان ماتقلقوش
الدكتورة بتقول انها حامل وفي بدايه شهرها السادس
فهد بسعادة.....الف مبروك ي ولاد
عمر لا يقل عنه سعادة بعد ان حمد ربه
وناوين علي ايه باذن الله ي سليم ....
سليم ...مش ناوين علي حاجة انا مش هتخلي عن مسؤليتي
سيلا مندفعه ...ومين قالك اني عاوزة حاجة منك
فهد ...انتوا هتزعقوا لبعض في وجودنا
سليم ..لا ي بابا انا اسف انا مااقصدش
سيلا ..اسفه ي خالوا
عمر ...انتوا الاتنين قدمكم حل مالوش تاني
لازم ترجعوا لبعض
سيلا معترضه ....لا ي بابي من فضلك
انا مش عاوزة ارجعله
سليم .....مش بمزاجك
سيلل.....لا طبعا بمزاجي ايييه هترجعني بالعافيه .
سليم ..ايوة لو انا عاوز هرجعك بالعافيه لكن انا اللي مش عاوز
سيلا بحزن لم تظهره وغضب .....
لا ي استاذ لا هرجعلك برضايا ولا غصب عني
ومسؤليتك انا بعافيك منها
سليم بحده نوعا ماا .....يعني ايه
يعني اللي بطني ابني انا وبس انا اللي هصرف عليه
وهتكفل بكل حاجة
سليم بغضب منها
لا ي هانم داااا ابني انا وانا اللي هتكفل بكل حاجة سواء رضياتي او لاء
يعني ايه
يعني طووووووز في كلام حضرتك
عمر بصوت جهوري .....انتي وهووو مش عاملين حساب لينا وعمالين تناقروا في بعض اييييييه
جني بقلق عليه
عمر اهدا هتتعب تاني
انتي مش شيفاهم عاملين ازاي
فهد مهداء للصغيرة التي صرخت علي اصواتهم
ملك.... فهد هات البنت اوديها للناني
فهد بعند .... لاء سيبيها
عمر وهو يتظاهر بالتعب
انتوا الاتنين سمعتوا اللي قولت عليه رايكم ايه
سليم لم يتكلم اما سيلا فقالت
لاء ي بابي انا و هو مش هينفع نرجع
عمر وهو يتظاهر بالاعياء ويضع كفه علي موضع قلبه
اااااه
جني وفهد وسيلا وملك وسليم بزعر عليه
جني عمر فيك اييه
سيلا ببكاء. . ...بابي فيك ايه ي حبيبي
فهد حاسبي ي جني انتي وهي
وحاول ان يفكك رباطة عنقه
فغمز له عمر فعلم بانه يتصنع التعب
عمر وهو مازال يتظاهر .....هسيبكم 10دقايق
وهطلع اوضتي ومستنيكم
ي توفقوا علي قراري .ياانا لا عمك ولا انا ابوكي
سااامعين
سيلا ببكاء ...حاضر ي بابي
سليم .بقلق عليه ......حاضر ي عمي بس حضرتك هدي نفسك واللي انت هتطلبه احنا هنفذه
نهض من علي كرسيه وجني تسنده هي وفهد
حتي اخرجوه من غرفه المكتب وصعدوا به الي غرفته
وتركوهم وحدهم
سليم بغضب منها وهو يقترب بشر بصوت ارعبها
بقي انا كنت عاوزك تنزليه وانا اللي قولتلك خبي حملك
مش كدااا
سيلا بزعر منه وهي تتراجع
لو سمحت ي سليم كدا كداا ما ماينفعش
انطقي ليه قولتي كدااا
كادت ان تتعثر فحاوط ذراعه علي خصرها جاذباً اياها حتي لا تسقط
سيلا ...بتألم .....ااااه
سليم بزعر عليها وهو يجذبها اكثر
حصلك حاجة فيكي حاجة بتوجعك
سيلا وهي رافعه له عيناها بنظرات عاتبه مشتاقه
محبه لائمه
لا انا كويسه كنت هقع بس
اعدلها سليم بارتباك من قربها وقال وهو يتظاهر بالبرود
وكأن قربها لم يأثر عليه
احم ....هتعملي اي في اللي عمي قالوااا
سيلا ....وهي تحاول ان تلملم شتات نفسها
مش ..مش عارفه
لا لازم تعرفي ال 10دقايق خلصت .
قالت سيلا كي تثير غضبه
انا موافقه اننا نرجع لبعض
بس طبعا بيني وبينك لاء
سليم وهو ينظر لها ...تقصدي اي
سيلا ....اقصد انا وانت مش هنرجع زي الاول في حاجات اتكسر وصعب انها تتصلح
وبابي تعبان ورفضنا هيأثر علي صحته
سليم وهو يربع يده امام صدره كملي
احم ...اللي ااقصده ااننا هنرجع قدمهم بس عشان خاطر بابي
لكن بيني وبينك لاء
سليم اوك اقتراح كويس
انا اصلا كدا كدا مااكنتش عاوز ارجع بس صحه عمي اهم
سيلا بغيظ ...انا بقول كدااا ويلا عشان نقولهم
ذهب من امامها واتجه صوب الباب وقال ببرود
ورايا
اغتاظت سيلا من بروده معه
حتي انه لم يعتذر لها او يصارحها بحبه
ولكنه يتعامل معها ببرود وكانها هي من اخطأت وحدها
صعدوا واخبروا الجميع برجوعهم لبعض
فقال سليم حتي لا يخبرها بانها علي ذمته
انا هروح للمأذون وهرجعها النهاردة
فرح الجميع لهم
اما هم فتجمعهم مشاعر مختلطة
عناد وفرحة وشوق وحزن وغرور
فكلهما مشتاق محب عاشق وايضا عنيد
فمن الذي سيربح عنادهم ام عشقهم
💢💢💢💢💢💢💢💢💢💢💢💢💢
في مساء هذا اليوم في فيلا فهد
كانوا يضحكون باصوات عاليه
الثنائي العنيد سيلا وسليم
سليم الذي يختلس النظرات لسيلا بين الحين والاخر
والعنيده العاشقه التي تتصنع عدم الاهتمام له
وادهم وادم وسديل وعز ووعد المتعبه
مالت وعد علي عز وقالت
عز انا عاوزة اطلع انام
عز مقبلا كفها ....اوك حبيبتي تعالي نطلع .
وعد ... لا خليك معاهم
عز ...لا ي روحي هطلع معاكي
نهض من مكانه وهو ممسك يدها وساندها حتي نهضت
فقال معتذرا
معلش ي جماعه هطلع انا عشان وعد تعبانه شويه وعاوزة تنام
ملك بقلق عليها ......حاسه بحاجة حبيبتي اتصل بايمان
وعد .....لا ي ماما ماتقلقيش انا عاوزة انام بس
ملك بابتسامه عذبه ....اوك حبيبتي خدي شاور دافي وانتي تحسي بتحسن وانا هعمل كوبايه عصير تشربيها حالا
لا ي ماما ماتتعبيش نفسك
لا حبيبتي مفيهاش تعب ولا حاجة
استاذن منهم وصعد معها
جلست علي الفراش بعدما اخذت حمام كي ينعشها
جلس بجانبها وناولها كوب العصير
بعدما انتهت منه سحبها لحضنه فقالت
عز انت مضايق مني !!!
عز وهو يقبل اعلي راسها
لا ي روحي مش مضايق ليه بتقولي كدااا
ابتعدت وعد عنه قليلا وهي رافعه وجهها
....يعني حساك كنت عاوز تقعد معاهم كانت القعدة حلوة
عز بود ....حبيبتي فعلا حلوة بس لو انتي مش قاعده فيها مش هيبقي ليها طعم الحته اللي انتي بتكوني فيها ي وعد هي دي راحتي وسعادتي
وعد...ي حبيبي ي عز ربنا يخليك ليا انا بحبك اوي
قبلها علي شفتيها بقبله ناعمة وقال
مش قدي ي روح عز ويلا بقي تعالي نامي في حضني
مددها وتمدد بجوارها وسحبها لتنام علي صدره ككل يوم
💢💢💗💗💗💢💢💢💗💗💗💢💢
بالاسفل مازالوا يجلسون ويتسامرون ويضحكون
بكت ملك الصغيرة التي كانت علي يد فهد
ملك ...هاتها عشان اكلها واغيرلها وانيمها
فهد .....لا سيبيها شويه
ملك بغيظ ...موال كل يوم هاتها ي فهد وبطل عند
فهد .....انا اللي بعند قولي انك غيرانه منها
ملك ...انا اغير م المفعوصه دي
فهد وهو يبتسم كي يغيظها
ايوة بتغيري منها اعترفي
ملك بغضب طفولي ...ماشي ي فهد انا هنام في اوضه فهد الصغير وابقي خلي المفعوصه دي تنفعك
قطع كلامهم عمر حينما نهض وقال
انا طالع انام
قال فهد ......لسه بدري خليك شويه
عمر ..لا وريا شغل بكرة بدري هطلع انا عشان الحق اناملي ساعتين
فهد...... اوك انا كمان طالع
ثم وجهه كلامه ل سليم وسيلا وقال
يلا ي سليم اطلع وخد مراتك في ايدك
ابتلعت سيلا ريقها بتوتر وقالت
لا احنا هنقعد شويه مع ادم وسديل
نهض هو وقال وهو يمسك يدها
لا انا كمان وريا شغل بدري يلا بينا
قامت معه وصعدوا الي غرفتهم في توتر منها وترقب منه
