رواية شمس تتحدي الغيوم الجزء الثاني (للعشق كلمته الاخيرة) الفصل السابع عشر
يمضي عليها اليوم ودموعها لم تفارق وجهها بعد تحاول أن تظهر قوتها أمام أخيها ولكنها كانت من داخلها فى قمة حزنها
كانت تنظر للصغيرة بكل حب:خلاص حيبعدوني عنك يادارين ياحبيبتي
غصب عني والله ياحبيبتي متزعليش مني انا لو علية مكنتش عاوزة غيرك من الدنيا دي كلها
انا بحبك اوي بحبك اكترمن روحي كل يوم بتكبري فيه ادام عينيه بتعلق بيكي فيه اكتر من اليوم اللي قبله
كان نفسي تفضلي فحضني ومتخرجيش منه أبدا لكن حعمل ايه ياريت كان بايدي
انا حبيت باباكي اوي وكان كل أملي انه يحس بحبي ليه والله ماكنت طمعانه انه يحبني زى مابحبه كان كفايه علية اوى انه يقدر مشاعري ناحيته
لكن حتى ده محصلش وهو اكيد عرف انى حتخطب ايوة ماهو مش معقول ميكونش حد قالله لو كان جواه حاجه من ناحيتي أكيد كان حيتصرف لكن واضح ان الموضوع بالنسبه له عادي جدا مش فارق معاه
وانا اللي كنت بجري ورا الأوهام
يارب قدرني وساعدني أخرجه من قلبي
يطرق عليها الباب ويدخل :سلمى جاهزة ياحبيبتي
سلمى :هما جايين امتى ياعلاء
علاء :خلاص زمانهم على وصول ألف مبروك يا حبيبتي
سلمى :الله يبارك فيك يا علاء
علاء :سلمى انتي عارفه انتي ايه بالنسبه لي مش عاوزك تكوني زعلانه مني
سلمى :انا عمري مااقدر ازعل منك ابدا هو انا لية مين غيرك
علاء :طب ياللا بقى خلصي عاوز عروستي الحلوة تبقى قمر الليلادي
سلمى :حاضر
يخرج علاء بينما تطلق دموعها للعنان
بعد قليل يفتح لهم الباب:اهلا اهلا اتفضلوا
ثم يدخل إليهم : نيرة ياسلمى ياللا ياجماعه العريس وابوه جم برة
نيرة :ماشي ياعلاء اخرج واحنا حنحصلك
نيرة :سلمى حبيبتي عاوزاكي تفرحي الليلادى خطوبتك.
سلمى :حاضر يا نيرة
تأخذها نيرة من يديها ويخرجان فيتفاجئان بوجود عصام وإبراهيم
نيرة :عصام بابا اهلاوسهلا علاء امال فين العريس وابوه مش قلتلي جم
عصام :وهو احنا مش ماليين عينيكي واللا ايه يا استاذه
نيرة :لاء مش معقوله متقولش ههههههه ههههههه انت العريس سلمى عصام هو العريس ياسلمى
اخس عليك ياعلاء كده بردو ده مقلب تعملوه فينا
علاء :ياسلام ده على أساس انكم معملتوش فية نفس المقلب ده قبل كده
كان نفسي اردلهولكم وماصدقت جاتني الفرصه ابقى عبيط لو سيبتها
كانت سلمى لا تتحدث فقط هي وعصام ينظران لبعضهما وكأن العالم ليس به سواهما
علاء :سلمى عصام جاي يطلب إيدك إيه رأيك ياست البنات
سلمى :..............
علاء :ساكته ليه ياست سلمى مبتتكلميش يعني
🌹حتكلم اقول ايه مانا ياما قلبي اتكلم وقال كل حاجه
عصام :كنت سامعه ياسلمى وسامع دقاته اللي بتنطق بحبي
سلمى :وكنت مستني ايه ده انا كنت حروح منك خلاص يعني كان لازم علاء يصمم على انه يجوزني عشان تتحرك
عصام :عمري ماكنت حسيبك تروحي مني ابدا ولا حسمح بده بس غصب عني سامحيني ياسلمى مكنتش حقدر اخد الخطوة دي قبل مااتاكد كويس ان الماضي اتمحى من جوايا واتأكد من اني قدرت اتخطى كل المصاعب واني حقدر اكمل معاكي المشوار
والأكثر من كل ده اني اقدر اسعدك
واعوضك عن صبرك علية
كنت متردد خايف قلقان الماضي يأثر على علاقتي بيكي لكن وقت ماعرفت ان جايلك عريس
لقيت قلبي هو اللي بيقودني ومشاعري هي اللي بتوجهني
لقيت حبي ليكي هو المسيطر علية
وعلى كل كياني
عشقى ليكي هو اللي قال كلمته الأخيرة وهو اللي قرر يعلن مشاعره الحقيقيه ناحيتك
نطق وصرخ باللي جواه وحاسس بيه اني بحبك يا سلمى بحبك ومش حقدر ابعد نفسي عنك ولا حقدر اشوفك مع حد غيري
سلمى :ياااه اخيرا ياعصام انا فرحانه اوي انا حسه اني اسعد انسانه في الدنيا كلها
عصام :وانا اوعدك اني حخليكي أسعد إنسانه فى الدنيا ياسلمى اللي انا حاسس بيه ناحيتك يخلوني اوعدك ان طول مافية نفس عمرك ماحتشوفي معايا غير الفرح
سلمى :يعني دارين مش حتطلع من حضني
عصام :هو فى بنت تقدر تبعد عن حضن أمها بس يارب بقى لما ماما الحلوة تجيب لها اخوات حلوين متنساش بنتها الكبيرة
سلمى :دارين بنتي حبيبتي أول فرحتي وعمر حبي ليها ماحيقل ابدا بالعكس حبي ليها حيزيد كل يوم
اكتر دارين بنتي حبيبتي ونور عينيه
عصام وهو يمسك يديها :ربنا يخليكي لينا يارب
سلمى:هو احنا مش حنقوم بقى عصام :لاء لسه بدري انا مستئذن من علاء، نسهر براحتنا
يعلن هاتفه عن اتصال من ابيه
ايوة يابابا
ابراهيم :عصام هات سلمى بسرعه
وتعالولنا عالمستشفى اختك بتولد
عصام :نيرة بتولد
سلمى ياللا بينا شفتي نقيتي فيها اهي السهرة باظت ياللا بسرعه
سلمى : ياحبيبتي يانيرة ربنا يقومك بالسلامه يارب
يصلون الى المستشفى ليجدوا ابراهيم يحمل دارين بينما علاء ينتابه القلق على زوجته واطفاله
يارب يارب
تخرج اليهم الدكتوره لتبشرهم
علاء :طمنيني الله يخليكي
الدكتوره:ألف مبروك جالك بنتين زى القمر
علاء:ومراتي عامله إيه
الدكتوره :المدام كويسه جدا اطمن
عصام:والولاد صحتهم كويسه دول مولودين بدري اوى
الدكتوره :هما كويسين بس هما حيدخلوا الحضانه كام يوم وحيبقوا زى الفل ان شاء الله
علاء :اللهم لك الحمد والشكر الف حمد وشكر ليك يارب
ابراهيم :ألف مبروك يا بني يتربوا فعزك يارب
تحتضنه سلمى:الف مبروك ياحبيبي
علاء وهو يبكي:انا مش مصدق ياسلمى يامانت كريم يارب شفتي عوض ربنا لية ياسلمى اخد مني واحده واداني اتنين يامانت كريم يارب
عصام :وناوي تسميهم ايه
عصام :اطمن على نيرة الأول وبعدين نسميهم ان شاء الله
عصام :يتربوا فعزك ياحبيبي
علاء :حبيبي ياعصام عقبال مانفرح بيكم ونشوف ولادكم والبيت يتملى ولاد بقى
بعد قليل
علاء وهو يقبل نيرة من جبهتها:حمد الله على سلامتك ياحبيبتي
نيرة :الله يسلمك ياحبيبي شفت البنات
علاء :شفتهم ياحبيبتي اطمني زي الفل والدكتورة قالتلي اسبوع وحيبقوا فحضنك بأمر الله
تحبي تسميهم ايه ياست الكل
نيرة :سما وسلمى ان شاء الله
علاء :ياحبيبتي يانيرة ربنا يخليكي لية يارب
سلمى :ياحبيبتي يانيرة ربنا يجبر بخاطرك يارب
ابراهيم :ربنا يخليهم ويبارك فيهم يارب
🌹🌹🌹🌹🌹🌹🌹
بعد مرور عدة أيام
ينزل من الطائرة وهي بصحبته :حمد الله على السلامة يا رنا
رنا:الله يسلمك انا مش عارفه اشكرك ازاي
مروان :مفيش شكر ولا حاجه المهم انك خلصتي ورجعتي بلدك على خير
رنا :الحمد لله
يجدان شمس وعمر فى انتظارهما فتجري على شمس وترتمي فى احضانها وتبكي
شمس :خلاص اهدي يارنا حمدلله على السلامه
رنا :الله يسلمك ياشمس
عمر:حمد الله على السلامة يا رنا
رنا:الله يسلمك يا عمر ربنا يخليكم لية يارب من غيركم مش عارفه من غيركم كان حيحصللي إيه
شمس :متقوليش كده يارنا احنا اخوات
استاذ مروان انا مش عارفه اشكرك ازاي
مروان :ولا شكر ولا وحاجه أهم شئ اني وصلتلكم الامانه واتفضلوا دي ورقة طلاقها
عمر وهو يأخذ منه ورقة الطلاق :ربنا يخليك يارب يامروان
ممكن بقى تتفضل معانا نروح
مروان:لا والله مش حينفع
عمر :مش حينفع ده ايه انت حتقضي معانا الوقت لحد ماترجع بألف سلامه
مروان:بص افهمني والله ماحينفع انا عندي مشوار هنا فى اسكندريه حعمله وبعد كده حرجع على شرم على طول
عمر :كده بردو يامروان
مروان:معلش بقى تتعوض مرة تانيه ان شاء الله
يسلم عليهم ويمشي بينما هما يأخذان رنا ويذهبون الى بيت ابيها
يفتح عبدالله الباب فترتمي ابنته فى احضانه وهي تبكي بكاءا مريرا
وتاخذها امها فى احضانها وتبكي هي الاخرى على بكاء ابنتها :الحمد لله انك رجعتيلي بالسلامه
رنا:انا تعبت واتبهدلت اوي ياماما
نجوى:حقك علية يابنتي سامحيني ياحبيبتى انا السبب انا اللي عملت فيكي كده
رنا :كنت خايفه ماشوفكمش تاني انا كنت يأست خلاص اني أخلص من العذاب اللي انا فيه
عبد الله :خلاص يابنتي الحمد لله كله حيتصلح بامر الله المهم انك فى وسطنا ده كفايه اوي ومش عايزين حاجه تاني
نجوى:انا مش عارفه اشكرك ازاي ياشمس انا مستعده اعمل اي حاجه عشان تسامحيني
شمس :انا معملتش حاجه ياطنط رنا اختي وده حقها علية
رنا:ربنا يخليكي لية ياشمس انا اتبهدلت اوي ياشمس وشفت كتير اوى
شمس :واضح يارنا من غير ماتقولي علامات الضرب واضحه على وشك
رنا :انا الضرب فكل حته فجسمي انا اتبهدلت اوي
نجوي :خلاص ياحبيبتى خلاص اهدي ياقلب امك المهم انك بقيتي بيننا خلاص
عمر :اتفضل ياعمى قسيمة طلاقها
عبد الله :قدر الله وما شاء فعل
عمر :لازم بقى نتعلم من اخطاءنا ومننكررهاش تاني كل الناس فيها الكويس والوحش
ومش شرط هو طلع وحش عشان غريب عنكم ومتعرفهوش لا والله اوقات بيكون من العيله او الجيران وبيكونوا متربيين سوا وتقولوا احنا عارفين عنهم كل حاجه وبردوا
يطلعوا وحشين اهم حاجه تدعو ربنا انه يوفقكم للى فيه الخير
عبدالله :ربنا يعوضك خير يابنتي يارب
رنا:لا خلاص انا مش عاوزة حاجه يابابا انا مش عاوزة غير اني ارتاح نفسي ارتاح انا عاوزة انام نفسي انام عاوزة ادخل اوضتى من غير مااكون خايفه ان حد يفتح علية الباب ويسحبني من شعري عشان اقوم
شمس :تعالي يارنا تعالي ادخلك اوضتك
تدخلها غرفتها وتاخذها فى حضنها ولما لا وهي اختها لحمها ودمها
تريها رنا مابجسدها من اثار ضرب وماتعرضت له على يد رجل لا يعرف الرحمه
تألم قلب شمس من اجلها كم صعب عليها حالها ورق لها قلبها وخاصة عندما بكت بشده فى احضانها
كانت تحكي لها وهي تشهق من كثرة البكاء
ظلت شمس تحاول تهدئتها وتطمئنها وكانت رنا بين كل كلمه واخرى تعيد الاعتذار لها وانها لم تكن تسع يوما الى البعد عنها وان امها هي السبب فى غرس الصغينه ناحيتها
ولكن شمس طمانتها بانها قبل كل شئ ورغم اي شئ أختها
ظلت هكذا حتى غفت عيناها فاراحتها شمس على الفراش واغلقت عليها النور وخرجت اليهم
ياللابينا ياعمر
نجوى:هي نامت
شمس :ايوة نامت ومن فضلكم محدش يفتح معاها اي سيرة سيبوها بقى ترتاح كفايه اللي جرالها
نجوى :حتيجي تاني تشوفيها ياشمس
شمس :أكيد حاجي رنا أختي ولازم اطمن عليها
نجوى :لسه شايله على خاطرك ياشمس
شمس :خللي بالك من اخواتي ياطنط علميهم يحبوا الناس اغرسي فقلبهم الطيبه والخير صفي نيتهم ناحية كل الناس وقتها ربنا حيقف جمبهم وينجيهم من كل شر
ووقتها اكون مش حكون شايه منك
انا حاجي تاني اشوفها واطمن عليها
عبد الله :شمس ربنا يخليكي لية ياحبيبتي انا معرفتش اسند وقت شدتك وانتي اللى سندتيني ووقفتي جمبي ولولاكى
شمس :مفيش حاجه يابابا ياللا ياعمر اتاخرنا عالولاد
يخرجان ليتجها نحو الفيلا للاطمئنان على الأولاد
🌹🌹🌹🌹🌹🌹
في صباح اليوم التالي يقف أمام المرآه يعدل من هيئته فذلك اول يوم لعودته للعمل بالشركه بينما هي كانت فى غرفة الصغار تطمئن عليهم قبل مغادرتهم البيت
تفتح باب الحجرة فتجده يربط الكرافت
إيمان :خلاص يايزيد
يزيد :خلاص أهوه الولاد صاحيين
إيمان :عشق نزلت المدرسه
لولو صاحيه بتلعب بس سولي نايم ياحبيبي
يزيد :لولو مصحصحه على طول لكن سولي ده مبيبطلش نوم
شكله حيطلع كسول اوي الولد ده
ايمان :من فضلك ابني مش كسول هو بس بيدلع علينا شويه
يزيد انا من وقت ماادخلت وانت بتربط الكرافت
طبعا يزيد مش عاوز يقوللها ان دايما عاليه هي اللي كانت بتربطهاله وان من وقت وفاتها وهو بيربطها لنفسه وكل مرة بيربطها فيها لنفسه لازم غصب عنه يفتكر عليا وده بيخليه يسرح ويتعطل وهو بيلبسها
يزيد :ايه لا ابدا انا حخلص اهوه
ايمان وهي تقترب منه:تسمحلي البسهالك انا
يزيد :تلبيسيهالي
إيمان :حعرف والله متقلقش انا دايما اللي كنت بربطها لبابا لما كان بيكون عندنا مناسبه وخارجين اصل بصراحه بابا مكنش بيلبس بدل غير فى المناسبات
تمسك بالكرافت وتلفها حول رقبته وتبدا فى ربطها بينما كانت انفاسها تلفح وجهه ورائحة عطرها تخترق انفه كانت قريبه منه لدرجة انه كان يود ان يلف يديه حول وسطها ويحتضنها ياخذها بين احضانه لتستمع الى صوت دقات قلبه الذي ينبض بحبها
تنتهي من ربطها ترفع راسها فتتفاجا بعينيه المركزة عليها
فتصفق لنفسها :برافوووووو علية شفت بقى ايه رايك فية بزمتك مش أنفع
يزيد :ههههههه تسلم ايدك ياباشا
إيمان :انت الباشا ياباشا ههههههه
يزيد :ايمان ممكن اطلب منك طلب
إيمان :اتفضل طبعا
يزيد :بلاش تستخدمي البرفيوم وانتي خارجه ياريت يكون جوة البيت بس
إيمان بدون نقاش:حاضر
يزيد :اتضايقتي
إيمان :انا عمري مااضايق من اي حاجه تطلبها متي وانا عارفه انها صح
يزيد :ربنا يباركلي فيكي ياحبيبتي
تشعر ايمان بالخجل :ربنا يخليك مش ياللا بينا بقى انت ناسي ان حضرتك عامل اجتماع النهارده واللا ايه
يزيد :لا ازاي ده اول حاجه حعملها النهارده
بعد قليل يدخلان الشركه فهذه أول مرة منذ تعيينها بالشركه يدخلان وايديهما متشابكتان كان ممسك بيديها وكانما يخشى ان يختطفها احد من يديه اكتسبت ثقتها فى نفسها من تلك الأيدي التي تمسك بها
شعرت بالامان ويده ممسكه بيديها
يقدم عليهم الجمبع لتقديم التهنئه لهما ثم تتركه امام مكتبها وتدخل لبدء ممارسة عملها الذي ستستمر فترة فى الشركه من اجله وهو تدريب المهندس الجديد لتتفرغ لتربية الصغار
بينما هو يدخل حجرة الاجتماعات ليجد رؤساء الأقسام فى انتطاره
يزيد :صباح الخير ياجماعه
الموظفون:صباح النور يابشمهندس
ويقدمون لهم تهنئتهم بالزواج
يزيد :دلوقتى كلكم عارفين ان الفرع الجديد للشركه خلاص بقى على اتم الاستعداد لبدء العمل والمفروض دلوقتى اني اختار القاده اللي حيديروا الفرع التاني للشركه وانا حابب انهم يكونوا من هنا اما بقية الموظفين سواء مهندسين او موظفين او محاسبين دول احنا حنختارهم من واقع التقديم للشركه
انا مش حابب اضغط على حد يروح ولو ان دى حتكون فرصه حلوة جدا الفرع التاني حيكون مسئول عن كل المشروعات اللي حتكون هناك
وحتكون نقله تانيه للشركه مرتبات ومكافئات ده غير ان اتوبيس الشركه حينقلهم لحد باب الشركه وده حيوفر عليهم المواصلات
انا طلبت اني اقعد معاكم انتم رؤساء الاقسام عشان تشوفوا مين عندكم حابب يروح وانا والبشمهندس على حنختار اللي فيه الصالح للشركه
الشركه هنا حتكون الشركه الام اما بالنسبه للفرع التاني حيكون تابع للشركه هنا لكن مش حيكون اقل من هنا
قدامكم النهارده وبكرة يكون عندي كشف تفريغ بأسماء كل اللي حابب ينتقل للفرع التاني وطبعا زي ماانتم عارفين يتكتب السن والمؤهل وتاريخ دخوله الشركه وكل حاجه تخصه تمام
مش عاوزين نضيع وقت الفرع التاني حيبدا الشغل فيه مع بداية الشهر بامر الله
ينتهي الاجتماع ويعلم كل رئيس قسم موظفيه بماحدث
محمد :عصام انا حكتب اسمي تحب اكتب اسمك معايا
عصام :ايوة ان شاء الله انا حابب اكون هناك وكمان نكون مع بعض
محمد :يبقى تمام وانا متأكد ان شاء الله اننا حنثبت مكاننا هناك وحتكون نقله تانيه لينا
عصام :يارب يامحمد
كلن الجميع يعمل على قدم وساق
سيف :الشركه حتكون وحشه اوي من غيرك ياايمان
إيمان :تصدق ياسيف عمري ماخطر على بالي اني ممكن اسبب الشركه فيوم من الأيام
سيف :سبحان الله محدش يعرف بكرة فيه ايه
إيمان :اللي يسمع كده ميقولش اننا اهل وانك عندنا فى البيت على طول
سيف :ايوة طبعا اه بالمناسبه مروة وعهد والولاد رايحينلكم النهارده وانا حخلص واحصلهم انا كمان
إيمان :طيب شفت بقى سيف هي عهد
سيف :متقلقيش ياايمان عهد خلاص تقبلت الأمر الواقع بنيه صافيه ودلوقتى كل اللي بتتمناه انها تشوف بنات اختها فأحسن حال
ايمان:ربنا يقدرني يارب واكون عند حسن ظنهم فية يارب
سيف :انتي قدها وقدود ياموني
ياللا حسيبك٥رقى تكمل شغل مع المهندس العجيب ده حاسس اني مش حرتاح معاه فى الشغل
ايمان :ليه بس ياسبف ده حتى شكله عجيب قصدي شكله طيب
سيف :مش عارف بصراحه بس تحسيه هموم الدنيا كلها فوق راسه كل شويه يجيله تليفون وبعديها تحسيه سرحان زي مايكون مثلا عنده عنده مشكله عائليه واللا حاجه
إيمان :ياعالم ياسيف الله اعلم بظروف الناس
ياللا بقى حتعطلنا وريني عرض قفاك
سيف :اوامرك ياموني
إيمان :اسفه يارامي اتاخرت عليك
رامي:ولا يهمك يابشمهندسه انا معاكي
بعد مرور الوقت تذهب إليه فى مكتبه
منى عاوزة ادخل للبشمهندس
منى:واخده معاد حضرتك
إيمان :لا وحياتك
منى:يبقى تتفضلي تدخلي على طول طبعا بس يارب مسمعش الخبط والرزع بتوع زمان
ايمان :ههههههه انا ونصيبي وحياتك
تطرق الباب وتدخل :بعد اذنك يا بشمهندس انا ماشيه
يزيد :ماشيه فين حضرتك هي وكاله من غير بواب
إيمان :حضرتك انا مواعيد عملي الرسميه انتهت
يزيد :والله. حضرتك نسيتي ان مواعيد العمل الساعه تلاته والساعه لسه اتنين
ايمان :لا والله واضح ان حضرتك اللي ناسي ان عندي ساعه رضاعه
يزيد :امممم غلبتيني
ايمان :اي خدمه يابشمهندس
يزيد :طب مستعجله ليه ماتستني نروح سوا
ايمان :لا معلش ولادى وحشوني وبعدين اهل جوزى جايين ولازم اكون فى استقبالهم حضرتك
يزيد :لا ياستي مادام كده مقدرش اقول حاجه حتروحي ازاي
إيمان :حاخد ميكروباص
يزيد :ايمان انتي عاوزة تشيلليني
ايمان :الف بعد الشر عنك
يزيد :حتطلبي اوبر ومن بكرة نروح سوا لحد ماالشهر ده يخلص تمام ياهانم
ايمان :تمام ياافندم
يزيد :مونى خللي بالك من نفسك واول ماتوصلي تطمنيني
ايمان :حاضر
تخرج ايمان وهي تشعر بالسعاده من داخلها فمنذ زواجهم وكل يوم يمر
عليهم تتأكد من حسن اختيارها تشعر بالرضا من داخلها تحس معه باحاسيس لم تشعر بها من قبل
فما اجمل ان تشعر المراه بانها موضع حب واهتمام من الطرف الآخر الذي يشعر بالمسئوليه تجاهها
تستقل سيارة وتعود للبيت وتتصل عليه كما طلب منها
تدخل فتجد مروة وانس ومليكه التي ماان راتها حتى جرت عليها احتضنتها بكل حب:لوكه حبيبتي
تسلم على مروة وتقبلها ثم تسلم على عهد وتاخذ منها مرام
مرام حبيبة قلبي عامله ايه ياروحي
عهد :قوليلي بقى ياموني احنا احلوينا واللا لسه
إيمان :احلوينا بس ده احنا قمر وبكرة العرسان يقفوا بالطابور وسيف بقى يحط رجل على رجل ويتشرط
عشق فين ياماما
هاله:فوق بتكتب الواجب بتاعها
عشان تنزل تلعب مع انس ومليكه
إيمان :طيب انا حطلع للولاد عن اذنكم
بعد مرور حوالي ساعتين يعود للمنزل فيسمع الضحكات والاصوات العاليه ينبعث من حديقة الفيلا
يذهب ناحيتهم :انتوا بتعملوا ايه
عشق :بنزرع ورد يابابي
إيمان :اتفضل معانا
يزيد :ايه ده يا ايمان
إيمان :بص بقى يابابي احنا بنزرع ورده باسم كل واحد فينا وكل واحد يرعى وردته لحد ماتكبر وانا بقى اللي حراعي وردة لولي وسولي ولوكه
وشمس تراعي ورد ولادها وعشق وانس يراعوا وردتهم بنفسهم
يزيد :ده ايه الشطارة دي
ايمان :طبعا امال ايه
ياللا بقى ياولاد انا حطلع مع بابي وانتوا ادخلوا اغسلوا ايديكم على ماننزلكم
عشق :حاضر ياايمي
يدخل يزيد ويسلم على الجميع وتصعد معه ايمان ويحكي لها عمن تقدم للعمل بالفرع التاني وان عصام من بينهم وانه وافق على انتقاله
يزيد :ايمان ادخلي خدي دش انتي وانا حدخل بعدك على مااعمل مكالمه
تأخذ ملابسها وتدخل الحمام لتأخذ دشا تمسك بملابسها فتقع من يديها بالماء فتبتل
ياربي غبيه حعمل ايه دلوقتي
تلف جسدها بالمنشفه جيدا وتضطر للخروج وهي تدعو الله الا يكون بالغرفه
تنظر من زاوية الباب فلا تجده:الحمد لله شكله خرج الحق انا اطلع البس بسرعه قبل مايرجع
تخرج سريعا بينما هو كان فى احد اركان الغرفه ينتظر رد احد ما على هاتفه
اخترقت انفه رائحتها وهي بالغرفه ولكنه لم يكن على علم انها خرجت بالمنشفه فقط وهو يلتفت لها لم يكد يراها حتى انقطع فجاة التيار الكهربائي شعرت ايمان بالرهبه اذ اصبحت الغرفه معتمه تماما وبدون وعي منهاوجدت نفسها تنادي باسمه:يزيد يزيد
فلم يشعر يزيد بنفسه الا وهو يحتضنها فى صدره:انا هنا ياحبيبتي متقلقيش
تشبثبت به خوفا من الظلام بينما هو تمسك بها مثلما يتمسك الطفل بامه خائفا من ان تتركه
كانت يديه على كتفها العاري بينما هى كانت راسها عند صدره تستمع دقات قلبه
ثواني معدوده لم تشعر فيها سوى بالأمان والحب والاحتواء ثواني مرت ولكنها غرست الكثير من المشاعر بداخلها تجاهه ولكنها سرعان ماانتبهت لما يحدث وشعرت بالحرج الشديد
انتزعت نفسها من بين احضانه:يزيد هو النور بيقطع هنا كتير
يزيد :لا والله ده ممكن يحصل كل كام سنه مرة انا حنزل دلوقتى اشوف فى ايه
فجاة عاد النور فنظر اليها وهي بهذه الهيئه امامه
إيمان :اصل هدومي وقعت مني فى البانيو واتغرقت فانا خرجت البس
وكنت فاكراك
يزيد :ايمان مفيش داعي لده كله انا جوزك يعني عادي اني اشوفك كده الا اذا كنتي بتعتبريني غريب عنك
إيمان : انت اقرب حد لية فى الدنيا كلها انا معاك بحس بامان الدنيا كله
يزيد :بجد ياايمان
ايمان :بجد يايزيد
يقترب منها وكانما كان ينوي ان ياخذ منها قبلته الاولى وهي فى هذه اللحظه كانت على اتم الاستعداد لذاك الأمر حيث بدأت تشعر بداخلها باحتوائه لها وحبه الشديد لها ورغبتها فى مبادلته لمشاعره الواضحه عليه
يقترب منها ولكن فجاة يستمعون لصوت الباب وعشق تفتح الباب
انتهت فى لحظه تلك المشاعر التي سيطرت عليهم:عشق حبيبتي تعالي
عشق:بابي خالو على بيقولك انزل بسرعه عاوزك وانتي ياايمي ياللا بقى سولي ولولي بيعيطوا وعاوزينك
إيمان :حاضر ياقلبي ثواني حلبس ونازله
ينزل يزيد بملابسه دون ان يقوم بتبديلها فقط خلع الجاكت ورماه باهمال على احد الكراسي وكانما يعلن عن غضبه من انتزاع تلك اللحظه التي كان يتمناها
بينما هي تقوم بارتداء بنطال ذات ارجل واسعه وبلوزة قصيرة ورفعت شعرها لاعلى ولم تضع شيئا على وجهها
وعندما امسكت بقارورة البرفيوم تذكرت كلام يزيد لها فاكتفت بمسحة كريم مرطبه ونزلت سريعا لمن يجلسون بالأسفل
🌺🌺🌺🌺🌺🌺🌺
يصل إلى شرم فيجد نفسه يبحث عنها فلقد عزم أمره على الوصول الى قلبها
يتجه الى الشاطئ فيجدها واقفه مع احد السائحين تتحدث إليه فيقترب منها:ماسه
تلتفت له بوجه مبتسم:مروان اهلا ازيك
مروان :انا كويس انتي عامله ايه
ماسه :انا كويسه
هو انت مش لسه كنت مسافر لحقت رجعت تاني
مروان :ايوة انا جيت عشان حاجه مهمه اوي حعملها واسافر تاني
ماسه :أكيد عشان باباك
يقترب منهم حسن فيشعر بالضيق لرؤيتها معها
مروان :حسن ازيك
حسن :ازيك يامروان
مروان:تمام اوكيه ياماسه على فكرة انا كلمت البشمهندس عمار وحزوركم النهارده بالليل ان شاء الله
ماسه :تنورنا طبعا
مروان :خلاص اوكيه سلام دلوقتي سلام يا حسن
حسن بضيق:هو فى ايه بالظبط
ماسه :مالك ياحسن فى حاجه
حسن :معرفش بس بتضايق لما اشوفه واقف معاكي وبعدين هو بيقول جايلكم بالليل هو فى حاجه
ماسه :معرفش ياحسن اكيد بزنس بين بابي وباباه او أي حاجه
مش ياللا نشوف الشغل بقى
يمر اليوم ويأتي المساء حيث يجلس عمار وماسه وهم يرحبون بزيارة مروان لهم
مروان :بشمهندس عمار انا جاي النهارده عشان اطلب ايد ماسه
تشعر ماسه بالحرج فتقوم مسرعه لحجرتها بينما يتفاجا عمار واشرقت بطلبه ويطلبان منه اعطائهما وقت للتفكير
يخرج مروان وكله ثقه فى موافقتهم عليه ولما لا يوافقون وهو به كل ماتتمناه اي فتاه من الوسامه والنسب والاصل الطيب
عمار:ايه رايك ياحبيبتي
أشرقت :ودي محتاجه كلام ياعمار مروان شاب ممتاز ادب واخلاق واصل وانا متمناش لبنتي احسن من كده
عمار :بس اهم حاجه عندي موافقتها
أشرقت :وهي ايه اللي يخليها متوافقش يكون لسه حسن فدماغها بردو
عمار :معرفش يااشرقت انا حقوم اتكلم معاها واشوف
🌺🌺🌺🌺🌺🌺🌺🌺
فى الصباح يتم استدعاء مياده للحضور امام وكيل النيابه
تجلس مياده أمام وكيل النيابه وهي غير مدركه لأي شئ سوى انها سيتم الحكم عليها
وكيل النيابه :مياده التحريات واختلاط اقوال المقبوض عليهم عندك فى الشقه وشهادة البواب انه عمره ماشاف حد داخل عندك الشقه غير واحد بس وهو بنفسه قالله انه جوزك بيثبت صحة كلامك انك بريئه وان كل اللي حصل ده كان ملفق ليكي
مياده :ايوة يعني ايه يعني حضرتك عاوز تقول ايه
وكيل النيابه :عاوز اقولك مبروك عالبراءة انتي حيتم الافراج عنك من سراي النيابه وحتخرجي بأمر الله
وحيتم اصدار قرار بالقبض على انجي عامر
مياده :يعني انا حخرج يعني انا مش حيتحكم علية بالسجن الف حمد وشكر ليك يارب الف حمد وشكر ليك يارب انا متشكرة اوي لحضرتك مش عارفه اشكرك ازاي
وكيل النيابه :والله لو فى حد المفروض تشكريه تبقى النقيب مريم محمد لانها هي اللي بفضلها عرفنا كل حاجه ولولاها اصلا مكناش قدرنا نوصل لاثبات براءتك
مياده :مريم مين حضرتك قصدك مريم اللي كانت مسجونه معايا اللي كانت قاتله حماتها
🌺ههههههههه قاتله حماتي هو انا لسه اتجوزت عشآن يبقى لية حما
مبروك عالبراءه يامياده ويارب تكوني استفدتى من اللى حصلك واتعلمتي الدرس كويس
مياده:ايوة خلاص والله بس خلاص كل حاجه راحت انا اتفضحت واهلي اتبروا مني ومستقبلي ضاع
لو سمحتي ممكن بس حضرتك تساعديني انامحتاجه حضرتك فخدمه
مريم :خير يا مياده عاوزة ايه
مياده:الشقه بتاعتي اللي ادم كان كاتبها باسمي النيابه كانت شمعتها بالشمع الاحمر وعاوزاه يتفك عشان اعيش فيها
مريم :اكيد طبعا حساعدك
😎تدخل عليه المكتب الحقني ياادم انا رحت فداهيه
ادم:مالك ياانجي فى ايه
انجى :النيابه حتصدر قرار بالقبض علية الحيوانات اللي اتفقت معاهم اعترفوا علية ومياده طلعت براءه وانا اللي حدخل السجن وانت لازم تتصرف
ادم :عاوزاني اتصرف اعملك ايه مش انتي اللى دبرتي لكل ده
انجي :مليش فيه ومش وقت كلام يااما حيكون علية وعلى اعدائي اه ياحبيبي مانا مش حروح لوحدي حاخدك معايا انت فاهم واللا لاء
ادم :خلاص يبقى مفيش غير اني اسفرك برة
انجى :وانت مش حتسافر معايا
ادم :اظبط شغلي واحصلك تمام كده
انجى:ماشي ياادم اما اشوف اخرتها معاك ايه
