 |
رواية فتاة تدفع ثمن برائتها الفصل الاول بقلم شهد
آنآ طفلة قيدها القدر بالفراق ورسم الاحلام ميتة على عيناها
جعلها تكبر وتكبر لتعيش الحزن بكل مراحله ....اسمي حنين
طولي 162 ووزني 58 امتاز بأنوثة حادة عيوني عسلية طوخ تجذب النظر طبعا عكس البنات اعتبر جمالي من سوء حظي الجمال هذا نقمة مو نعمة
اذكر شيء واحد فقط مشهد يراودني مثل الفوبيا صوت صراخ نسوان امرأة تبجي عمرها بالعشرين جميلة
جدا واطفال بسيارة حمل وشارع بيه الجوارين طالعة وتبجي بعضهم ويكولون انا لله وانا اليه راجعون........
كبرت وعرفت ان هذا هو يوم وفاة والدي وكان عمري سنة بوقتها
ورثت الجمال من امي والشخصية من والدي انا البنت الثانية والطفل الثالث بالنسبة لاهلي
زواج امي وابوي بعد تعب وعشق حبهم بدة من الطفولة
استمر هذا الحب 4 سنين وثمرته اربع...... اطفال
يوم سابع صارت مشاكل بين اعمامي وخوالي اخذونه وي امي
رحنة ويا خوالي بس جانو ميردونة رغم هذا رحنة ويا امي
.....بدت الطفولة المتعبةجنت انضرب على اقل شغلة اسويها جان الضرب بكل انواعة حتى جوي على رغم من سمع صرخات الوجع محد يدافعلنه
على اقل شيء. ننضرب
جنت عكس اخوتي شخصية رجل بجمال انثى
جان خالي يشرب وقبل الشرب يدزنا اني واخوية اكبر مني سنة
نجيب فحم ونسوي .......اركيلة ويشربها النه غصب لحد ما تدمع عيونا ويضحك هو وجماعته علينه وهيج استمرت المأساة مالتنه
كل يوم اني واخوية نشوف انواع الاعذاب ما عدا ضحكات المستمرة علينه واحنه نبجي من دخان نركيلة
باباجان مهندس ويتمنى اخوي يطلع مثله وامي معلمة.......
عندي ميزة وهي الحاسة السادسة مافوق الطبيعة اشوف اشياء ماترى بالعين البشرية........طفولتي اثرت على شبابي ومراهقتي مو مثل البنات
ها انا اليوم على ارجوحة الزمن انطق احرف لم يفهمها احد لعلك انت تقراء كتاباتي لترحم بي ياالله
اريد نعمة النسيان التي لدى البشر اريدها ياربي لامحو طفولتي
الحزينة......لازلت اذكر كيف عذبونا ودمروا طفولتنا كيف ضربوا حبيبتك ياابي وكيف اعتنيت
بها حاربت وبديت اعرف مجتمعنا وتعلمت القراءة. وانا بعمر 5سنوات.
اتقنت الكتابة والقراءة جنت شاطرة على رغم بعد ما دخلت المدرسة
اختي جانت صف اول ابتدائي بعدمروة فترة من الزمن
صرت بأول ابتدائي وفرحانة بالنتيجة لان طلعت الاولى اجيت حتى ابشر امي دخلت للبيت امي تبجي وحاضنه آيآد دم ع طول رجليه
جان يلعب بالشارع .....وكاربوة ساحبته بالتاير وملخة لحم فخذة وجابه السايق يتعذر من اهلي.....
محد يصدك هيج اذا احجي بالعاناة لان جانو ناس تحلف اخلاقهم وسمعتهم حتى بالمشية والفصول ياخذوهم ناس معروفه وعدهم خير من اللة فلوس
طغيان يسبب مستقبلا بهلاك اربع شباب وللجحيم يوصلهم
آزل... كانت هادئة اكثر مني وما تتكلم حتى ما تنضرب...
عكسي تماما مااقبل احد يرفع ايده ع امي او اخوتي مرة خالي راد يضرب امي لان بعد سنين وهي تنادي بأسم ابوي ومتقبل تزوج
من يضربونه فقط اسمه يجلب توتر للبيت وخوف الهم.....
فشـآل السجين واجه عليها يريد يقتلها اخوتي صارو ورة ضهر امي
وانا شلت نص طابوكة وظربت خالي على رجله....وهربت وقفلت الباب علنه.
وكبرنا بس اخوتي للاسف اتطبعوا ب اطباع خوالهم
تعلموا البنت يجب ان تقتل بولادتها وهي مجرد خادمة.....اختي كبرت وصارت ماتطلع للشارع خوف....... من اخوالي والناس كرهت اي رجل بالعالم
اما انا حبيت الشارع اكثر وسيلة هروب من الحياة....تعودت اجيب خبز ....لاهلي وابيع مخضر بعطلتي انا واخوي. حتى مااكول
لامي محتاجة اقلام او فد شيء استحي اطلب منها واجمع
فلوسي بعلبة حليب
صرت اعرف اقرأ بصف خامس بس ماصليت ولا لبست حجاب هوايتي اشرد من اخوالي واروح لمدينة الالعاب.....للمراجيح......
وبعدها ارجع وانضرب او يسجنوني بالحمامات 3 ايام انا واخوي لان ياخذني
وبعدها ارجع وانضربت........توفى جدي ابو ابويه بصف ثالث وهنا عمامي حاولوا يقربونه منهم وياخذونه من امي بس يفشلون دوم جان مهربي بيت عمتي من ننظرب او شيء نروح الها ونلعب عدها طيبة ويانة بس تكره امي وتغلط دوم عليها وع اهلها........عدها ثنين ولد اكبر منه وبنات ثنين نلعب ونبات عدهم.....
رغم مرضها بالكبد بس تلاعبنه وتحنن ولدها علينه
و بتاريخ 2/5/2005الكارثة استلمنه النتائج وفرحانين بطفولة
نريد. نعبر. الشارع ونكوللها نجحنة انا وعلي اكبر مني بسنة
ابنها نركض وايدنا ببعض ونشوف ناس هواي بباب بيتهم
وهنا دخلنة والكل يبجي وملتمة اقاربنة عرفنه ماتت......
الصدمة ان نحارب من اجل هدف من اجل ابتسابة لاحبائنا ولكن تقسوا الحياة لتأخذه منا بلارحمة
