 |
رواية فتاة تدفع ثمن برائتها الفصل الثامن بقلم شهد
حنين......اوووف شكد ظلمتني يآ آيمـن يمكن لان انت كتلك عن افعال علي وسويتها نفسها حتى تجرحني وخليت كل شي كدامه ورحت..... بس كتله الله يوفق الجميع وراح تندم صدك ورحت بكل غضبي لاكاني ع الدرج آمـير حجيت ويآ كتله تريد تخطب
آمـير.... اي
حنين....كتله ......عندي اهل وروحلهم كافي وكفاتك هنا ع الرايحه والجاية عيب من الناس
كنت بغضبي اريد اطرده واريد ابين آيمـن انتقامي منه بس ماتوقعت آمـير ...
.يسويها صدك ويروح يخطب
ثآني يوم آندل مـحل عمـي وخآبرهہ ورآح حجه ويآ
آمـير.... رحت ع عم حنين وخطـبته مـنه وسـولفته مـن آول يوم شـفته وشـون حبيته
حنين.....عمـي كاله رغم انك رجال وشجاع بس ماكو خطبة بسوك وبدون اهلك وعمامك كاله
آمـير.....عمـو آنتو وافقوا وشوف شنو اجيبلك من ناس خطابة
حنين....بعد فتره عرفت آمـير راح لاهله وقنعهم بس عمه ماقبل
وكاله انا مااحب خالها ويانه بالاستخبارات ووصل الكلام لخالي
وبدت المشكلة هنا بين....... اخوتي ظربوني بالرغم مالي ذنب انا
صح غلطت بس ما جنت استاهل هذا العذاب منهم
كلتها بلحظة غضب من وآيمـن وجآنت آلغلطـ دمـرتني عمي ع عنادهم اجه...... اخذني بعد اسبوع من الجامعة وشافوني آمـير
ايدي مكسورة وآيمـن اجه تحمدلي ع السلامة وكتله بسببك كل هذا يآ آيمـن لاخر مرة اذل نفسي واكولك تعال اخطبني لان
اهلي وصلوا لمرحله ...... الجنونه وانا حتى مهر مارايده منك بس تعال.
وظل يتعذر ويكولي انتي ماصبرتي تنتظريني شلون انا والسبب بيه رغم كل العذاب واذية اهلي تحملتها حتى مااتزوج احد
هنا صدك صارت ......الكل يقارن بين آيمـن وآمـير وعمتي قررت ينطـوني آمـير واتصلت بيه ماخذة رقمه بدون علمي من عمي
وكالتله اقنع اعمامك .....وتعال لان عمامها ناويلها غير نية واخذني
عمي الصغير وحلفتله ماعندي علاقة آمـير ولآ عليه بي رجعتله
ولكن كالوا راح نزوجج غصب عن امج واخوتج لو نبطلج من الجامعة حاولت اشرد بكل طريقة ماكدرت وبعدها اخذت تلفون
عمتي وخابرت ع آيمـن مرة انطاني رقمه كال يمتى
مااحتاجيتني انا موجود بخدمتج وصادف بالليل وهنا اول مرة
اخطأ هيج وبنظر.....
حنين...غلطت تصرفي جان غلط جان لازم ما ارخص نفسي واتصل علية هو ميستاهل الحب ابد خسرت ثقه اهلي عمي شافني اتصل اجة ضربني اول مرة مد ايده علية اخذني بسيارتة للبستان جان مكان مهجور وبعيد عن المنطقه توسلت بي هواي ما فاد طلع سجين وحبل....
يريد يحفر الي قبر بس لان سمعني اتصل تندمت سويتها واني اعرف عمامي شنو من تفكير عدهم
ضليت اقسم اله بتراب ابوية اني ماغلطت ويا وهو ضحك علية عصب بالبداية بديت اسولفله كلشي من بداية علاقتنه وكتلة جان يريد يخطبني ونسحب كملت اله السالفه صار هدوء سحبني من ايدي ورجعني لسيارة وصلني للبيت قبل صلاة الصبح
رحت للغرفه جانو حابسيني بيها بجيت اريد امي راح اموت صار سبوع ما سامعة صوتها شنو وضعها هسه اكيد خايفه علية وتمرضت هيه مريضه اصلا وضعها اكيد صار اسوء
سمعت صوت عمتي رحت عليها بجيت ردت تساعدني
حنين...عمه الله يخليج ساعدني خلي ارجع لبيت اهلي كولي عمامي يعوفوني ماريد اي شي حتى زواج ماريد
عمة حنين...والله ياعمه ماكدر اطلعج وتعرفين شون اخواني صعبين لو طلعتي شنو يسون بيج يذبوحج وماكو الج اثر بعد بس راح اخليج تتصلين على امج حتى ترتاحين شوية
اتصلت عمتي على امي وانطتني تلفون
الو ماما شونج مشتاقتلج
الام...ماما ليش هيج سويتي بنفسج لا عمامج يرضون اشوفج ولا اكدر اقاومهم يا ماما تعرفين احنه مو كدهم
حنين...لتبجين كلشي يهون اهم شي صحتج بس انتي خليج زينه
اسمع ماما تبجي وخالاتي يحجن عليها لان تبجي اسمعهن يكولن التعشك الغريب تتحمل خلي عمامها يفيدوها هسه همه يعلموها
هنا جانو يقصدون على امير لان ايمن ماكو احد يعرف بقصتي ويا بس عمي وموقفهم هسه حابسيني حتى اقبل امير
سديت التلفون وانهاريت ابجي. واصيح ماحبة والله ولاردته والعباس ما احبه ولا عندي شي وياه بس خلي يعوفوني هاي مو البنات يحبن ويزوجن وياخذن الي يردنه ليش بس اني هيج وياي لان اني يتيمه وماعندي اب يدافع عني وياخذ حقي الكل صار يقرر بحياتي ويتحكم
بس اريد الله يطلع حوبتي بيجن وكل شخص سعى اذيتي
مر اسبوع واني محبوسة محد يحجي وياي بس عمي ماحجة للبقيه عن علاقتي ايمن سكت بس ضل ميحجي وياي راح للجامعة وقدملي اجازة مرضيه لان وضعي صار اسوء ما اقبل اكل ولا احجي ويا احد
مرت ايام واني وضعي من اسوء لاسوء محد يسمعني ولا يرحمني
بيوم كاعده واجة عمي كال عندي حلين الج
لو تقبلين تزوجين اي شخص يتقدملج وتروحين وماشوف خلقتج بعد وتكملين دارتستج هناك لان مرحلة ثالثه وما بقة شي الج وتخلصين
وحل ثاني ترجعين اهلج وتبطلين من الجامعة
حنين...اريد حل ثاني مو مهم عندي الدراسة اهم شي اهلي اريد ارجعلهم ومازوج
العم...مو بكيفج انتي تزوجين وغصبا عنج هم
حنين..شكو تعذبني هيج ليش تخليني اختار من بداية وانته مخلي بالك تزوجني وتخلص مني
العم...اني ادرى مصلحتج عندي ولد خوش يصير ابن اخت مرتي خوش ناس ويدللون النسوان العدهم راح تعيشين احسن عيشة وباجر الصبح اسمع موافقتج
حنين....موافقتي او رفضي راح تجبرني باجر تبلش امتحانات لازم اداوم
رحت الصبح للامتحان مكسورة ماكو شي بعيني بعد كملت ورجعت لاهلي كبل من بعد ايام بعيده عنهم كرهت الكل اخواتي الي ما دافعو عني عمامي الي ضلموني امي الي اختارت تصدك خواتها وتعوفني
دخلت للبيت ابجي شافتني امي وصارت تبجي وياي بس شيفيد البجي
اشوف ازل ماخذه زاوية وكاعده. الهم البيها مكفيها متحطمة شفت روحي هيج راح يصير بيه
الكسرة من الغريب تهون بس من الاهل عمرها متنسي ماكو احد وكف وياي وسمعني
امي من شافت وضعي هيج وماقبل بالزواج قررت متجبرني
الام...بنتي خليج يمي ونروح نشتكي عليهم
حنين...نسوان ثنين شنو نكدر نسوي وحدنه ماما
الام...نسوي كلشي اخذج وننهزم اهم شي ماخليهم يغصبوج نفس اختج وتنضلمين
حنين....وازل وخواتي شنو يصير بيهم وراية لا ماما اني نظلمت وراح اضلم نفسي هم راح اوافق اهم شي سعادتكم وماريد احد يسمعكم كلمة
بعد ايام طلبو مني اروح لبيت اعمامي رحت هناك شفت الجوه مكلوبه لان اهل ولد جايين عمي منطيهم خبر يجون مرت عمي الجبير مارضيه وعلى وضع ولا عمتي راضيه بس مرت عمي الاصغر تقنع بيه لان يصير ابن اختها
الولد عليش بالريف اني الجنت احلم اخذ من بعيد حتى اطلع من اهلي واخلص من تحكم مالتهم
راح اعيش قرية هسه طلعت قدمت الضيافه اهل الولد انطوني صووة اله حتى اشوفه جان الصورة مو واضحة طلبت منهم يجون لجامعة تكون ماما موجوده وهو يجي ويا ام واخته حسيت جامعة مكان مناسب لان ماريد اطلع لغير مكان واعرف هنا بالبيت عمامي ميقبلون
اجة اليوم الثاني ورحت لجامعة جنت كاعده حديقه اشوف ولد من بعيد اجة اتجاهي جان شاب بسيط ماعمده اي اهداف كاعد ويا خواله لان تربى عدهم وضل عايش وياهم
شفته متحمس بس اني ماكو اي حماس طلبت منه اهم شي دراستي اكملها واهلي يوديني عليهم وميمنعني ابد
جان بس يستمع الي ويوافق على كلشي اريده ضل يمدح عيشتهم وشون يدللني
.........
ايهاب.....عمري27 جنت دائما اخطب بس ماكو احد يقبل ينطيني والسبب جان ليش عايش ويا خوالك واني خوالي ربيت وياهم وماكدر اعوفهم قررت ماعيد موضوع الخطبه
شاب اسمر ضعيف طويل جداً وبسبب الضعف منطي مضهري طول اكثر
جنت كاعده بالبستان واجة رجل خالتي سولفنه وكال عندي مرة الك
ايهاب...ماصدكت بس بعد يومين اتصلت بخالتي وكالت البنيه موافقة ووصفوها الي ماصدكت انا اخذ هيج بنية شعجب تقبل بيه وبعدها راحت
امي وخالاتي وطلبت...... تشوفني وسبحان الخالقها شنو هالعيون
والجسم الطول البياض وفوكاها لابسة اسود حزينة وخدودها
الصبح بحمار يطكن بلا مكياج فقط گحل وكاعدة يمها مرية
هم اسود لابسة عمرها بالاربعين حلوة هماتين بس تعبانة مبين من الوكت...... وعيونها زرك كالوا امها هاي توني سلمت وكعدت اجوا امن الجامعة حسوا غريب مو طالب ورادوا ياخذوني
حنين.....سألتهم ليش
آيهہآب ....مـن حجت ويآهم ولاهتمت لوجودي او وجودهم
تحجي بعصبية وتعقل..... شفتها هيج وابتسمت مرة بعشر زلم رغم جمال صوتها ومنظرها رحت وياهم بأرادتي بس ما عافتني اجت وراية
حنين....... جان اني حليتها ليش تروح وياهم
ايهاب...هيج القوانين ما صار شي هسه اشوف موضوعهم
ايهاب ...... بعدني ماواصل يم الامنية اجت ووياها ضابط جبير
تكوله خالي
طلعني .....واعتذروا من حنين الامنية وطلعت وياهم عجبني جدا موقفها وعرفت هذا ابن عمة ابوها
حنين....توني كعدت وياه وعرفت اسمه صح خجلانة بس يبقى
الامر غصب مااكدر اتقبله ليش يخطبني من دون هالبنات شنو
هالحظ بس من اجو...... الامنية رفضت ياخذون ظيفي من طاولتي وتمادوا وياي رحت كرصت اذنهم ورجعت جبته قبل لايكتبون
اله تعهد وكعدنه .....سولفنه بالمستقبل هو يتصور كلشي راح يكون حلو واني جنت اهز برتسي واستمع اله ماعندي اي تعليق
جنت اني عكس المستقبل اشوفه مظلم
حلص الوقت وراح لان شوية ويبدي وقت المحاضره كمت حتى اروح للقاعه وشفت ايمن من بعيد يباوع
آيمـن....حنين شبيج ليش هيج تعبانه
حنين... سلامتك منك غير وبعدها تكول تحملي لخاطر شنو اتحمل بعد ؟ تعبت واني اتحمل كلشي انتهى اني وياك قصتنه خلصت
عفت آيمـن ومـشـيت وثاني يوم مشوا زلم والخميس رجعت من دوامي لبيت اهلي...... الله يابيت هم شكد اشتاقيت اله شفتهم يصبغون بيه كمت لبست تراك ونظفته وفرشت صار المغرب رتبوا .....حواجبي بالبيت وصديقتي مكيجتني تخلي الكحل
وابجي وينزل وترجع تخلي وبعدها الكل تعجب بيه بس عمتي
وامي يعرفن الي بكلبي..... من الم وجرح
ماكو عروس هيه تزوج ايام قليله رادو بس يخلصون مني تحكمو بيه مثل اي لعبة عدهم مثل اي غرض عدهم
اجو الناس و لبست بدلة بيضة بسيطة بيها حزام. ذهبي
و تحت عيوني ذهبي وظل ترابي برز لون عيوني اكثر والكل تعجب واجه الشيخ وعقد وآجه آيهاب حتى يشـوفني
ومـن آجه الكل ......اشوفها متعجبه من شكلة ضعيف وطويل حيل واسمر من الشمس الكاع والشط مغيرات ملامحه ولابس كله جوزي مضيع روحهه
و شافني وضحك.... من الباب وفرحته بعيونه تمنيت افرح نص فرحته.
هذا اليوم فرحي المفروض افرح بس ماكو اي علامه فرح عندي روخي مخنوكة
راح ايهاب وبدت سوالف النسوان ويعيبون على شكله ضليت بس ابجي
اجة باليل وجابلي هدية وياها تلفون كال حتى نتواصل
جان يهتم لكلشي بس اني مو بالي ابد فتحت تلفون وصار يتصل بس مارديت ونمت
ثاني يوم رجع اتصل وكال ليش مارديتي كتله نمت من وكت ما انتبهت لتلفون بدينه نتعرف وصدمني من كال عماعمي يكولون بس اخذها واحنه ننطيك حتى المهر مالتها شون يكدرون يحجون هيج
حنين...حسيت بالذل والاهانه يجي الغدر من اقرب الناس
اختنكت صار النفس صعب علية كرهت عمامي وكرهت كلشي
