رواية غموض الحب عائلة الرفاعى الفصل السادس و الخمسون
وفتحت واتفاجئت من اللي بيخبط وتابعت كريم !!
كريم بابتسامه ازيك يا امنيه
امنيه بتوتر الحمدلله كويسه وانت ايه الاخبار طمني
كريم بابتسامه الحمدلله بس من على الباب كده حتى قوليلي اتفضل
امنيه ضحكت بتوتر وتابعت اكيد طبعا اتفضل بس اصل .. اصل حسام مش هنا
كريم بضحك حسام مين ?? امنيه بصتله بستغراب فتابع ااه ااه حساام جوزك قولتيلي .. بس فيها ايه حسام مش هنا ده احنا اخوات حتى ولا ايه
امنيه بتوتر اه طبعا اكيد اتفضل
كريم بحب يزيد فضلك ودخل وامنيه نفخت بتوتر وسابت الباب مفتوح فتحه بسيطه ودخلت وراه وتابعت بابتسامه اتفضل يا كريم اتفضل
كريم قعد في اوضه الصالون وحط الحاجه اللي جايبها على السفره وتابع بابتسامه انا لقيت نفسي قريب من بيتك قولت اجيب ضيافه واجي اباركلك احنا ولاد خاله بردو ومتربين سوا فميصحش مكنتش اجيلك بنفسي
امنيه بتوتر فيك الخير والله تسلم يا كريم .. انا هروح اجبلك حاجه تشربها
كريم لالا اقعدي انا جاي دققتين اطمن عليكي ونازل
امنيه قعدت قدامه وخدت نفسها بقوه وتابعت انا الحمدلله كويسه
كريم طلع سيجاره من العلبه اللي في جيبه وولعها وتابع طمنيني بقى اخبار حضره الظابط معاكي ايه
امنيه ابتسمت بتوتر وتابعت الحمدلله كويس نشكر ربنا
كريم نفخ دخان السيجاره وتابع مبتلاحظيش في اسلوبه اي اختلاف
امنيه بستغراب اي اختلاف ازاي يعني مش فاهمه
كريم نفخ الدخان وتابع لا اصل انا اسمع ان خناقتكم كانت كتير في الخطوبه فعايز اعرف اتغير لما شافك تعبتي وهتروحي منه ولالا
امنيه بابتسامه حسام الحمدلله بقى غير الاول خالص وبيحبني جدا وبيعاملني بما يرضي الله فمتقلقش من حاجه
كريم بتنهيده لا موعدكيش يا امنيه .. هفضل قلقان وبكره وبعده الايام هتثبتلك اني كان ليا حق اقلق
امنيه بستغراب هو انا ليه حساك عارف حاجه وبتخبي عني يا كريم
كريم بابتسامه لا ولا حاجه يحبيبتي ونفخ الدخان وتابع لو في كنت اكيد قولتلك انا بس مش عارف اطمن عليكي معاه مكنتش مرتاحله من الاول يعني ..ويمكن يطلع كل احساسي غلط الله واعلم
امنيه بابتسامه لا متقلقش انا واخده سيد الرجال ومرتاحه ومبسوطه معاه ومفيش اي حاجه .. يلا هقوم انا اعملك حاجه تشربها ورايحه تقوم كريم مسك ايديها وتابع لالا قولتلك خليكي انا جاي اطمن عليكي بس
وسيف استغرب ان الباب مفتوح ودخل في نفس اللحظه
امنيه بصت لايديه بتوتر وسيف ااتصدم لما شافه وتابع بعصبيه انت قاعد هنا بتعمل ايه يحيوان انت ???
امنيه اتخضت وشدت ايديها بتوتر شديد وبصت لكريم وسيف بخوف فاراح سيف ومسكه من هدومه وتابع بعصبيه انت كنت بتعمل ايه ياحيوان يا ابن الكلب
كريم بحده ايه بعمل ايه كانت قايمه تضايفني قولتلها لا ولا اكتر ولا اقل ايه حصل ايه يعني
سيف بعصبيه وانت اصلاااا ازاي يا ابن الكلب يا زبااله تدخل بيتي وانا مش موجود فيه انت اتجننت قاعد مع مراتي لوحدكم وماسك ايديها وتقولي حصل اييه يعني !!! ده انت ليله اللي جابك سودا وضربه بلبوكس بقوه وقعه على الترابيزه الصغييره اتكسرت وتاوه بوجع شديد
فشهقت امنيه بخضه وتابعت بخوف ودموع يانهار اسود .. ياانهار اسود سييه يا حسام .. سيبه ابوس ايدك والله ماعمليش حاجه
سيف مردش عليها وقومه وتابع بعصبيه هو انا هسيبه انهارده ده انا هطلع عين اهله
كريم بعصبيه قسما بالله ما عملتلها حاجه واهي عندك اهي تقولك انت اتجننت يا عم انت
سيف تني دراع كريم ورا ضهره فصرخ بالم وامنيه حطت ايديها على بوقها بخوف وتابعت بعياط ابوس ايدك علشان خاطري انا خلاص
سيف بعصبيه اتجننت ??? ده انا هوريك الجنان صح وهكسر ايديك دي اللي اتجرات ولمستها يا زباله يا حيوان
كريم بوجع شديد اااه اااه ابوس ايدك خلاص هتتكسر .. هتتكسر مش قااادر اااه
سيف ضغط عليه اكتر تحت صراخه بعدين ساب ايديه ولفه ليه وخبطه في الحيط بقوه وهو ماسك قميصه وكريم بينهج بتعب
وتابع سيف بعصبيه : كنت جاي ليه هاا ??? قسما بالله العظيم انت اللي جانيت على نفسك مش حد تاااني علشان انت متعرفش انا مين علشان تلعب معاايا قولتلك اسال عن تاريخي الاول بس واضح انك كسلت وجاي دلوقتي تلعب في عداد عمرك
امنيه بعياط وخوف ابوس ايديك يحبيبي سيبه خلاص محصلش حاجه لكل ده ..كريم ده اخويا واكتر والله
سيف بعصبيه شديده : اخوكي اااه غوري من وشي دلوقتي وخشي اوضتك علشان مدكيش قلم يلزقك في الحيط .. غوووري
امنيه اتخضت وتابعت بدموع وبحده: عملت ايه انا و
سيف بمقاطعه بعصبيه انا قوولت غووري خشي اووضتك
امنيه عيطت ودخلت وقفلت الباب وراها بعصبيه
وسيف مسك كريم من رقبته فكح بقوه شديده وتابع بحده جاي تقولها مش كده ?? لو كنت راجل صح وفي بطاقتك مكتوب ذكر كده نادي عليها قولها
كريم بصله بتوتر فرماه سيف خبطه في الحيط وتابع بحده يلااا قولهااا اديني سااايبك اهو
كريم بخوف وهو بينهج: انا مجتش اقول حاجه انا جيت اطمن عليها واباركلها
سيف راح شال العلبه اللي كريم جابها ورماها في الطرقه برا بقوه وتابع بهدوء مخيف: ااه فاكرني عيل عبيط وبرياله انا مش كدده ?? جاي تطمن عليها وتباركلها وانا مش هنا علشان تبقوا لوحدكم والساعه 10 بليل وماسك ايد مراتي مش كده بردو ??
كريم بخوف اه بس انا والله مقصدش ف
سيف قاطعه لما ضربه بقوه شديده بلبوكس وقعه على الارض وتابع بعصبيه انت مفكرني اايه ياالا عبييط علشان اصدق الهري اللي بتقوله دده ..ده والله ما هطلعك من تحت ايدي سليم خلي اللي يحصلك انهارده عبره ليك علشان قبل ماتفكر تقعد مع مراتي تاني وتعبط في الكلام وتلمسها تفتكر اللي عملته فيك وتندم الف مره انك اتجرات ومشيت ورا دماغك وجيت هنا وضربه برجله بقوه في بطنه وكريم صرخ بوجع فتابع سيف بحده وبعدين هو انا مش قولتلك امنيه خط احمر ومتهوبش ناحيتها ?? ووطي مسكه من قميصه قومه وتابع بعصبيه قووولت ولا مقووولتش
كريم بتعب ونهج قولت ..قولت
سيف بعصبيه ااه وانت عملت ايه ?? كسرت كلمتي انا ..
اللي رجاله بشنبات طول بعرض ميقدروش يكسروهاا حظك الاسود بقى انك غلطت معايا انا وانا جاحد مبسامحش وضربه بلبوكس بقوه كذا ضربه متتاليه تحت صراخ كريم اللي عينيه زرقت جامد وفاجاه طلع مازن وهو بيجري وتابع بخوف يا ابني بتعمل ايه يخربيت اهلك وراح يسلك بينهم
سيف بعصبيه اوعاا يا مااازن متتدخلش
مازن بعصبيه يا ابني هتموته وهتروح في ستين دااهيه عملك ايه خلاص كفاايه الواد مفيهوش حته سلييمه وجسمه متبهدل دم
سيف بعصبيه لو انت مكاني مش هتسيبه فالو سمحت اوعااا كده ومتتدخلش ده انا هطلع عين اهله ابن الكلاب علشان يجي في عدم وجودي ويقعد يمسك ايد مرااتي
مازن اتفاجئ وتابع بعصيبه ابن كلب وزباله وغلطان بس اكبرلي وقدرني عييب انا مش صغير معاااك وسلك بينهم بلعاافيه
سيف بعصبيه انا كبرتلك وسيبته خليه يغور من هنا يلااا
مازن بتنهيده حاضر وبص لكريم اللي شكله متبهدل خاالص وهز راسه بيـأس وتابع بحده يعني جاي تقعد في بيته وتمسك ايد مراته يابجاحه اهلك يا شيخ
سيف بسخريه لا ومتعرفش جيه ليه كمان اصل البيه كان عايز يتجوز مرااتي وهيموت من الغل اني انا اللي اتجوزتها فعايز يفهمها الحقيقه
مازن فتح عينيه بتفاجئ وتابع بحده والله العظيم عيل زباله وتستاهل اتفضل غور ومتجيش هنااا تاني ولا في حلو ولا في وحش
سيف بعصبيه ده كده كده مش هيجي هنا تاني وليله اهلها سودا معاايا اللي فتحتله وانا مش هنا دي
مازن بتنهيده سيف مراتك ملهاش دعوه واحده واحده عليها
سيف تنهد بعمق وتابع اه ماشي من عيني
كريم بحده وتعب: متقعدش تعمل افلام من دماغك انا مكنتش هقولها حاجه وعموما فعلا انا مش هاجي تاني ريح
سيف بعصبيه لا ده هو كده كده انت متقدرش تتكلم ولا تيجي تاني يا حيوان .. انت كنت بتتمنى تقولها انما معندكيش الرجوله او الشجاعه اللي تخليك تنطق ياروح امك ويلا غور وخد ضيفاتك معااك مش عايزين حاجات وسخه في الشقه وزقه بقوه لبرا وقفل الباب بعصبيه شديده وقعد علي الكرسي وباين عليه العصبيه
مازن تنهد بعمق وتابع اهدى هاا
سيف بحده شايفني بشد في شعري يا مازن مالك في ايه
مازن بتنهيده حقك تغير بس حكم عقلك مراتك فعلا ملهاش ذمب
سيف بحده امنيه عارفه انه بيحبها يا مازن مينفعش يقعد معاها لوحدهم ده ميتأمنش احنا هسنتعبط ولا ايه
مازن بتنهيده طب وهي مالها يحبيبي .. هي اللي قالتله يحبها يعني ولا ايه هي بتعامله انه ابن خالتها وزي اخوها
سيف هز راسه بايجاب كذا مره ورا بعض وتابع ايوه ايوه صح ملهاش خالص انا اللي ابن كلب ومفتري
مازن تنهد بعمق وبص على الترابيزه وفتح عينيه بتفاجئ وتابع الله يخربيت اهلك يا شيخ كسرت الترابيزه البت ملحقتش تفرح بيها
سيف بحده يخش كانت الشقه كلها تتكسر على دماغ اهله مش الترابيزه بس
مازن بضحك اهدى طيب مش الموضوع خلص خلاص وفشيت غلك فيه اهدى بقى وراح يلم الازاز فوق بعضه وهز راسه بيأس وتابع حرام عليك والله يا سيف
سيف بحده مازن الله يخليك فكك مني دلوقتي علشان انا دمي بيغلي ومش طايق نفسي وندمان اني كبرتك وبطلت اضربه
مازن شال الازاز كله بين ايديه علي الخشب المتكسر من الترابيزه وتابع بضحك كنت تكسر فيه ايه تاني يا غالي ده الواد الترابيزه بس بهدلت ضهره. احنا هنهزر ولا ايه ده مفيهوش حته سليمه
سيف بغيره : يستاهل ابن الكلب الوسخ علشان يمسك ايديها كويس
مازن بضحك والله انت فظيع يلا هنزل انا .. وهرميلك الازاز ده عايشين مع جون سينا في البيت احنا
سيف ضحك بغلب وتابع تسلم ياغالي تعبتك
مازن بحب تعبك راحه يحبيبي متقولش كده وواحده واحده عليهاا هاا
سيف بتنهيده متقلقش
مازن بحب يلا تصبح على خير
سيف بابتسامه وانت من اهله
عند امنيه في الاوضه كانت قلعت الاسدال وقاعده علي سريرها بلشورت والبدي الحماله زي ما كانت وتابعت بحده ماشي انا لما يجيلي هقوله ازاي تتجرا تكلمني بلاسلوب ده وتزعق فيااا .. انا مش خداامه عنده للاسلوب دده .. ماشي يا حسام انا هوريك ازاي تكلمني كدده اما ربيتك مبقاش انا امنيه
ولقيت الباب اتفتح برزع فاتخضت بشده وقامت وقفت بتوتر شديد وتابعت بخوف ايه يا حسام في ايه صرعتني
سيف بحده انتي اللي كلمتي مازن مش كدده ??
امنيه بلعت ريقها بتوتر وتابعت ماازن ?? لا هكلم مازن ليه اصلا ??
سيف غمض عينيه بضيق وتابع بعصبيه انا مش هعيد سؤالي تااني انتي اللي كلمتي ماازن ولالا
امنيه اتخضت وتابعت بحده ماقولت لا هتنيل اكلمه لييه انا
سيف بهدوء مخيف: تمام هاتي فونك
امنيه خافت وتابعت بتوتر ايه ??
سيف بعصبيه قولت هااتي فونك ايه اطرشتيي
امنيه اتخضت وغمضت عينيها وجابته من على الكومود وادتهوله ففتحه ودخل علي سجل المكالمات شاف مازن اول واحد فوجه الفون لوشها وتابع برفعه حاجب ايه ده بقى ???
امنيه دموعها نزلت بخوف وسكتت فسيف اتعصب ورمى الفون جامد على الارض ومسك دراعها وتابع بعصبيه هو اناا مش بتكلللم ردي علياااا
امنيه بعياط وخوف ماهو انا بصراحه خوفت عليك لو عملتله حاجه تروح في داهيه فاتصلت بمازن يلحقك
سيف بعصبيه محدش قال لاهلك خاافي علياا وبسااالك تكدبي يا امنييه فكرااني عبيط يعني ??? محدش من اهلي سمعني مازن اللي تحت خالص هيسمعني ويطلع ده انتي ليله اهلك سودااا معاياا ازاي اصلااا تفتحتي للوسخ ده وانا مش هناا انتي اتجننتي
امنيه بدموع والله العظيم قولتله حسام مش هناا بس هو احرجني وقالي وفيها ايه احنا اخوات انا جاي اباركلك وامشي فمعرفتش اتصرف فدخلته بس سيبت الباب
سيف بعصبيه وهو انتي فالحه تشغلي مخك وتتصلي بمازن يلحقني ومعرفتيش تشغليه وتجيبي شهد او اي حد يقعد معااكي ???
امنيه بحده ودموع والله مجااش في باالي خالص فعلا بطل تعاملني طول الوقت على اني مذنبه انا مقصدش
سيف بعصبيه متبقيش غلطااانه وبجحه وبتعلي صووتك انا طول منا بتكلم مسمعش حسكك خاالص انتي فااهمه
امنيه بعصبيه ودموع ليه فااكر نفسك سي السيد وانا الخدامه اللي جابوهالك ولا اييه
سيف مسك دراعها بقوه وتابع بعصبيه شديده : سي السيد واحكمك وغصب عنك انتي واهلك مش بمزااجك واحترمي نفسك علشااان والله العظيم ماسك نفسي عن اني امد ايدي عليكي بلعاافيه
امنيه بعصبيه ودموع انا معملتش حااجه لكل دده انت اللي كبرت الموضوع اووي بجدد
سيف بعصبيه قسماا بالله يا امنيه صوتك يعلي تاني والله العظيم تلاته هديكي قلم يخليكي تتخرسي مدى الحياااه .. بجااحه وقله ادب مش عاايز الاصول اللي بتقول ان طول ما جوزك مش هنا متدخليش اي رااجل البيت ولو انتي متعملتيش الاصول دي في بيتكم اربيكي انا مفيهاش مشاكل
امنيه ببعض من الحده: انت بتقول ايييه انا متربيه وعارفه الصح من الغلط كويس اوي وليا اهل عرفوا يربوني بس ده ابن خاالتي وزي اخويااا انت اللي اڤورت في طريقتك معااه وكنت هتموته
سيف غمض عينيه بضيق شديد وضرب ايديه بعصبيه علي الكومود فا الرف الازاز اللي عليه اتكسر فاتخضت امنيه بشده فتابع سيف بعصبيه شدديده متعصبنييشش وتقولي ابن خااالتي وزي اخويااا وانتي عااارفه انه بيحبكككك
امنيه بصت لايديه اللي جابت دم والدموع اتجمعت في عينيها لانها فهمت انه ضرب ايديه على الكومود بيفرغ غضبه علشان ميمدش ايديه عليها فصعب عليها اوي وتابعت بدموع حسام ايديك بتجيب دم
سيف بعصبيه شديده سيبك من ايدي خاالص يخش تولع ومسك دراعها التاني بايديه الشمال السليمه وتاابع بنفس العصبيه ده بيحب مرااتي فاهمه يعني ايه بيحب مرااتي ?? فاهمه احنا كرجاله لما بنحب واحده بيحصل ايه ?? بنشوفها معانااا افسرهالك دي كمااان
امنيه غمضت عينيها والدموع نزلت منها وتابعت عارفه بس انا مبحبش غيرك ونيتي مش كده خالص والله
سيف بعصبيه وغيره : وانا ماليش دعوه بنيتك وحط ايديه علي وسطها الظاهر من البدي وشدها ليه بقوه وتابع بغيره شديده : الحيوان ابن الكلب ده تخيلك معااه .. يعني كان عايزك … ودي لوحدها بتخلي دمي يغلي علشان انتي ملگ لياا انا وبس ومش مستحمل فكره ان راجل غيري فكر فيكي كده ونفسي كنت اموته تحت ايدي ومكنتش ههدى بردو .. المفروض بقى لما اجي اشوفه مع مراتي لوحدهم في بيتي وماسك ايديها والله واعلم قالها ايه احس بايه هااا ??
امنيه حطت ايديها على خده وتابعت بدموع فهماك والله وانت عندك حق تغير بس مفروض تثق فياا اكتر من كده انا بحترم غيابك قبل وجودك ومفيش راجل غيرك يملى عيني فبلاش تحسسني اني وحشه كده
سيف بحده انا مبقولش عنك وحشه بس انتي طايشه ومبتفكريش قبل ما تتصرفي وانا لو مش واثق فيكي مش هتجوزك واسيبك في بيتي وانا بمشي ومشغول اغلبيه الوقت فاعقلي كلامك يا امنيه انا بثق فيكي جدا وعارفك اكتر من نفسك بس تصرفااتك غلط
امنيه بدموع حقك عليا والله انا غلطانه ممكن تهدى بقى وتجيب ايدك الفهالك اللي هتتصفى دي
سيف بضيق مش عايز حاجه شكرا
امنيه بدموع حسام بجد خلاص منا قولتلك حقك عليا
سيف رايح يتكلم فونه رن فطلعه من جيبه شاف انه حسن فتنهد بعمق وتابع مكالمه شغل وخرج يتكلم في البلكونه اللي في الصالون ورد وتابع خير يا حسن
حسن ازيك يا فندم اخبارك ايه
سيف بتنهيده الحمدلله نحمد ربنا وانت
حسن بابتسامه الحمدلله بخير .. مبدائيا طبعا الف مبروك يا قائد وعقبال الباشا الصغير يارب
سيف بابتسامه تسلم يا حسن الله يبارك فيك عقبالك انت وندى
حسن بحب اللهم امين يارب .. المهم احنا رجعنا انهارده زي ماحضرتك طلبت وقولت للرجاله تستنى نشوف هتوجهنا ازاي بس هما مصممين نبدا في المهمه الصغيره من بكره بس انا قولتلهم نرجع لحضرتك الاول فاتصلت بيك اهو
سيف برفعه حاجب وبحده: يعني ايه مصممين هما بمزاج اهلهم ولا هي خراابه ملهاش حاكم مش فاهم
حسن بتوتر انا ماليش دعوه يا فندم انا قولت اوصلك الكلام اللي اتقالي بلظبط لانهم شايفين ان كده كده مفيش قائد للكتيبه في غيابك فبيفكروا مع بعض بصوت عالي وقالوا هيروحوا بكره خلاص
سيف بحده لا طبعاا ده ليله اللي جابوهم سوداا من امتى تحركاتنا عشوائيه ومن دماغكم لوحدكم ??? قولهم بكره عمر راجع وهيبقى بدالي انا فهمته كل حاجه انما محدش يتصرف من دماغه وحسابهم معاايا لما ارجع هو ايه اللي يروحوا بكره ده انتوا اتجننتوا هو انا ناقص مجانين على المسا
حسن بتوتر حاضر يا فندم هقولهم يلغوا
سيف بحده يلغوا ايه هما بدائو في التنفيذ اصلا ???
حسن بلع ريقه بتوتر وتابع لا يعني هما رسموا الخطه فاهم ?
سيف بحده فاهم !! ده انا هفهم اللي جابوهم الصح بس لما ارجع مين الحلوين اللي مش عاملين اعتبار لحد دول
حسن بتوتر يا فندم احنا كلنا قاعدين سوا وكنا بنقول كده علشان هي المهمه دي اللي علينا حاليا فكنا هنبدا فيها ونخلصها بسرعه ونرجع نرتاح شويه قبل الكبيره
امنيه دخلت وقفت جمبه بس ورا شويه وهو مشفهاش فتابع سيف بعصبيه اه يعني انتوا خلاص قررتوا من نفسكم انكم هتبدائوا بكره علشان تخلصوااا وترجعوا ترتاحوا واللي المفروض ليه الكلمه ده في ستين الف دااهيه مش كده يا حسن بيه ???
حسن بتوتر لا طبعااا يا فندم مرضتش بكده اومال انا رجعتلك ليه ??
سيف بعصبيه مين اللي عمل خطه التنفيذ يا حسن وقال بكره هنروح
حسن بتوتر يا فندم منا قولت لحضرتك كلنا قااعدين مع بعض بنفكر بصوت عالي
سيف بحده متاكد يعنيي ??
حسن تنهد بعمق وبص لمعتز وتابع اه يا فندم متاكد
سيف بعصبيه تمام المهمه تخلص لما عمر يرجع ومفيش اجازات لاهلكم خالص يا حسن
حسن اتصدم وتابع لا ماهو
سيف بعصبيه هششش خلاااص مش قولتلك مين اللي خطط قولتلي كلنا وعملت فيها شهم وجدع اقعدوا كلكم ونسوا الحلو اللي معملش لياا اعتبار وبردو هعرفه … سلااام
وقفل فتابعت امنيه بخوف يانهار اسود انت من امتى بتتعامل كده في شغلك ومهمه ايه واجازه ايه اللي بتتكلم فيها
سيف بصلها بتفاجئ وفضل يبص حواليه بعدين مسك دراعها جامد وتابع بعصبيه يخربيت اهلك انتي كمان انتي ايه مدخلك البلكونه بلمسخره دي انتي اتجننتي ???
امنيه اتخضت وتابعت بخوف مالك يا حسااام في اييه ما الستاير مقفوله هو انا باين مني حااجه
سيف بعصبيه حتى لو تقومي تدخلي البلكونه بشورت وحمااله يا امنيه! !! انتي عايزه تمووتيني
امنيه بضيق خلااص خلاص داخله ياابااي منك ودخلت
فنفخ سيف بعصبيه شديده ومسك فونه اتصل بعمر
عمر وهو سايق تابع ايوه يا سيف معاك
سيف بحده عمر انت القائد مكاني بكره لحد ما ارجعلكم زي ماقولتلك وكلهم ملهمش اجازاات خلصتوا المهمه قبل رجوعي خير وبركه يبقى انزل لوحدك مكنتوش خلصتوها انا هجيلكم ونخلصها ولما ننزل مش هينزلوا
عمر بتفاجئ الله ليه كل ده حصل ايه
سيف بحده البشوات عاملين نفسهم الواحد منهم ب 7 رجاله وفاكرين نفسهم في زريبه .. في حد منهم عمل خطه التنفيذ من غير مايرجعلي وعايزين ينفذوها من بكره ويروحوا من غير قائد علشان يخلصوا بسرعه قاال
عمر بصدمه يا نهار اسود هو احنا من امتى بلعشوائيه دي !!!
سيف بحده ده قسما بالله الواحد جايب اخره وعصبوني على المسا
عمر تنهد بعمق وتابع حقك عليا انا ولاد كلب وغلطانين .. بس حاكمت الكل ليه يا سيف مش بتقول واحد منهم بس اللي عملها
سيف بسخريه وهو حسن بيه المخلص الجدع رضي يقول هو مين
عمر تنهد بعمق وتابع الله يخربيت حسن وسنين حسن .. فطبعا اضطريت تحاكم الكل
سيف بحده بلظبط كده علشان بعد كده يحترم نفس اهله ويقول مين فا ده هيبقى درس ليه وليهم كلهم بعدين
عمر بتنهيده تمام متقلقش خير ان شاء الله
سيف بتحذير عمر قسما بالله لو قلبك هياكلك ومش هتعرف تنفذ اللي قولتله عرفني وانا هتصرف انما م
عمر بمقاطعه عيب عليك الشغل مالوش علاقه يا سيف انا بكلمك دلوقتي اخويا كام يوم كمان لما تيجي هقولك يا فندم فكل مكان ليه تصرفاته وكلامه مينفعش نخلط في الشغل
سيف بتنهيده برافو عليك وربنا معاكم يحبيبي .. يلا سلام
عمر سلام يغالي
وقفل معاه وخرج للصالون كانت امنيه قاعده مشغله فيلم وحاطه علبه الاسعافات قدامها فتابع بتنهيده انا داخل انام
امنيه بحزن طب تعالي اعملك ايدك طيب
سيف بضيق شكرا بطلت تنزل دم خلاص
امنيه بحده هو ايه اللي بطلت تنزل دم مانت بتنقط على الارض اهو
سيف بعصبيه صوتك يا امنيه علشان مروقكيش على المسا
امنيه خدت نفسها بقوه وحاولت تهدى وتابعت طب ممكن يحبيبي تيجي والفلك الجرح وتروح تنام ممكن ??
سيف بضيق انا مش حبيب حد وحلي عن دماغي علشان مش طايق نفسي ورايح يدخل امنيه مسكته وتابعت بضحك يا حسام انا مش بحايل ابني يلا بليز تعالى اعملهالك وقوم ومسكت ايديه وقعدته على الكنبه وقعدت جمبه وابتدت تعقمها بعدين حطت عليها القطن والشاش ولفتها كويس ولزقتها باللازق الطبي فتنهد سيف وتابع شكرا قومي بقى افتحي المروحه دي علشان ريحه السجاير اللي كان ابن الكلب ده بيطفحها خنقتني ومش راضيه تروح من الشقه وقام وسابها مصدومه من كلامه فقامت وقفت وتابعت وده من امتى ده ??
سيف وقف وهو مديها ضهره ولفلها بستغراب وتابع هو ايه اللي من امتى ?? مش طايقها يا امنيه مالك واستوعب هو قال ايه وسكت بصدمه
امنيه قربت منه وبصلته وتابعت برفعه حاجب لا منا فاهمه يا قلب امنيه بس من امتى ينورعيني والسجاير بتخنقك مش دي اللي كنا هنخسر بعض 100 مره بسببها وقولتلي انا مش هكون على مزاجك ولا الصوره اللي رسمتيها ومفروض تقبليني زي ما انا
سيف حاول يكون طبيعي وتابع بتنهيده ويزعلك اني بطلتها ومبقتش اشربها دلوقتي ومش طايقها ??
امنيه برفعه حاجب ده اللي هو ازاي في ال 3 شهور بردو ???
سيف نفخ بضيق وتابع امنيه والله انا مش ناقص هو انتي ايه مفيش حاجه بتريحك ولا بطلتها ناافع ولا بشربهاا نافخ ارااضيكي ازاي فهميني
امنيه اانا مبقولش اني مش عاجبني انا بقولك مستغربه ازااي قدرت تستغنى عنهاا والفتره القليله دي
سيف بضيق لا مش فتره قليله انا كنت مسافر المهمه زي ماقولتلك ومكنتش بعرف اخرج من المكان اللي انا فيه اغلبيه الوقت فمكنتش بعرف اجيبها فبلتالي استغليت ده وبطلتها علشان ارضيكي بس حضرتك مبيعجبكيش العجب
امنيه ابتسمت بفرح لانه عمل كده عشان هي طلبت منه قبل كده يبطلها فاستغل عزلته علشان عايز يرضيها وتابعت بحب لا والله عاجبني وعاجبني جداا كماان مباارك يحبيبي
سيف بتنهيده الله يبارك فيكي ومشي في طريق اوضته فتابعت امنيه بضيق بردو مضايق يا حسام ومش هتتصالح ??
سيف بتنهيده امنيه سبيني انام الله يباركلك مش متنيل
امنيه بضيق والله انت حر مش هتحايل عليك يعني وربعت ايديها وقعدت تتفرج على الفيلم وهي متغاظه منه جدا
—–
عند يونس ونور كانوا اتعشوا وقامت نور شالت باقي الاكل وغسلت الاطباق وبتعمل شاي ليونس زي ما طلب منها وبعد شويه بلفعل خلصت وغسلت ايديها ونشفتها وراحت حطت الكوبايه جمبه على الكومود وتابعت بابتسامه الشاي اهو
يونس بحب تسلم ايدك يحبيبتي
نور بابتسامه الف هنا ورجعت شعرها ورا ودنها وتابعت صحيح انا فصلت رايحه انام عايز حاجه ??
يونس بضحك رايحه تنامي فين انتي عبيطه ولا ايه
نور بحرج رايحه انام في اي اوضه من برا ماهو اكيد مش هنام جمبك يعني
يونس بضحك ليه لحسن تستفزيني صح ??
نور بحرج يونس بجد مبهزرش اتمنى تفهمني
يونس بحب يشيخه وحياه يونس القمر اللي بتخرج من شفايفك دي عيب تطلعي تنامي برا وضحك وتابع تعالي ووالله متخافيش
نور ابتسمت بحرج وبصت للارض وتابعت لالا مش هعرف انت بتقول ايه لا مستحيل
يونس يعني انتي شايفه كده ينفع ??
نور بتنهيده صدقني مش هعرف خالص
يونس بتنهيده خلاص يا نور براحتك
نور بضحك ماهو براحتي طبعا اومال براحتك انت يلا باي تصبح على خير
يونس بابتسامه وانتي من اهله
وخرجت نور ويونس مسك كوبايه الشاي يشربها بهدوء
ونور راحت للاوضه بتاعت الاطفال وبتفتحها مش راضيه فحاولت تفتحها تاني مش راضيه فنفخت بضيق وراحت لاوضه الضيوف وحاولت تفتحها بردو مقفوله فتابعت بضيق اووف في ايه مقفولين ليه دول خايفين عليهم يتسرقواا يعني
وتنهدت بعمق ودخلت ليونس فتابع بتمثيل تفاجئ الله جيتي بسرعه يعني
نور بضيق يونس الاوض مقفوله لييه ??
يونس بستغراب مقفوله ازاي يعني
نور بضيق يعني مقفوله بلمفتاح مش عارفه انا ايه الحركات دي بصراحه
يونس يابنتي تلاقي لما كانوا بيخلصوا اوضه كانوا بيقفلوها عادي
نور نفخت بضيق وتابعت طب فين المفاتيح عايزه انام
يونس بضحك مش عارف
نور بحده نعمم
يونس بضحك مش عارف فعلا نبقى نسالهم بكره بقى
نور بضيق بكره ايه يا يونس هو انا لسه هستنى لبكره هنام ازاي يعني لا هتصل بماما اسالها دلوقتي ومسكت فونها
يونس قام مسك ايديها بسرعه وتابع بحده لا طبعا اوعي تعملي كده انتي اتجننتي الناس تقول علياا ايه لما تعرف انك هتنامي في اوضه تانيه
نور بضيق اومال هتنيل اعمل ايه هاا
يونس شد منها الفون وسابه على جمب ووطى شالها بين ايديه وتابع بحب تنامي جمب جوزك طبعا وتتلمي ياروحي
نور فضلت تفرك بين ايديه وتابعت بحرج لالا نزلني مش هينفع انا هكلم ماما وهقولها محتاجه حاجه من جوه عادي
يونس حطها براحه على السرير ونام جمبها وتابع بضحك وهو بيغطيها بس يحبيبتي اتلمي مفروض في وقت زي ده انتي مش فاضيه للهبل اللي بتتكلمي فيه ده اصلااا فاهدي كده ومتفضحيناش
نور بحرج صدقني يا يونس مش هعرف بجد
يونس بضحك صدقيني انتي هنام بادبي ومش هعملك حاجه والله
نور طب بص انا عندي فكره
يونس بضحك هي للدرجه دي مشكله بلنسبه لحضرتك وبتفكريلها كمان
نور بضحك اه طبعا اومال ومسكت مخده طويله وحطتها في النص بينهم وتابعت بابتسامه بس كده
يونس بصدمه انتي ايه اللي بتعمليه ده انتي اتجننتي??
نور بضحك ايه يا روحي عملت ايه
يونس بصدمه يعني ضاقت بيكي الدنيا اوي لدرجه خلاص مالقيتيش حلول غير انك تحطي مخده بينا !!!
نور فضلت تضحك وتابعت كده احسن علشان مستفزكش
يونس بضحك لا نور متعصبيش اهلي على المسااا انتي كده فعلا بتستفزيني واخرك معايا اديلك علقه على شغل العيال ده والله اوعي يابت هاتي البتاعه دي وبيشدها
نور بضحك وهي بتمسكها منه : بالله عليك عشان خاطري سيبها وخليها عليك المره دي
يونس بضحك ده عند امك الكلام ده انا لو حد قاالي ان هيجي عليا يوم ليله دخلتي هقعد مع واحده لابسه بيجامه ميكي وبتلملي شعرها كحكه وبتحط مخده بينا كنت دبحته
نور فضلت تضحك وتابعت يا يونس وحياتي سيبها
يونس بحب وحياتك ماتخافي مني والله مش هعملك حاجه
نور بحرج عارفه بس بردو انا مكسوفه منك
يونس بضحك لا يعمري متتكسفيش الكلام ده كان زمان انما احنا دلوقتي بقينا واحد خلاص فسيبيها يلا نور تنهدت بعمق وسابتها فشال المخده رماها على جمب وطفى نور الاوضه وتابع بحب نامي يلا متخافيش
نور بابتسامه حاضر ونامت واديته ضهرها وهو نام جمبها بجمبه وحط ايديه على بطنها ورجعها شدها لحضنه فغمضت نور عينيها بتوتر وجسمها اترعش من لمسته فطبطب عليها وتابع بحب وهمس : متخافيش يا بابا مفيش حاجه فاتنهدت بارتياح وغمضت عينيها فباس رقبتها برقه شديده فتابعت بحرج يوونس
يونس بضحك الله هو انا عملت حاجه يا قلب يونس
نور لفتله فا وشها بقى في وشه وتابعت بضيق ياريت نتلم ها
يونس فضل يضحك على ريأكشانتها وتابع بحب عيوني نتلم ومنتلمش ليه وخدها في حضنه ونور رايحه تتكلم فتابع بضحك خليكي مانتي علطول بتحضنيني فخليني حاضنك ومتخافيش والله
نور بتوتر لا مش هعرف و
يونس بحب ومقاطعه قولنا متخافيش بقى ورفع وشها ليه وباس جبينها بعمق وتابع انا عمري ماهعمل حاجه انتي مش عايزاها مهما حصل فثقي في كده بجد وخدها في حضنه فابتسمت وسندت راسها على صدره فتنهد بعمق وفتح عينيه وبص للسقف وهمس كنت اقول آه لو انالهاا والان انا لها .. الحمدلله بجد وباس راسها وفضل يطبطب عليها ويبص لملامحها وهي نايمه في حضنه وهو مش مصدق ان ده حصل بجد ونور بقيت معاه عادي كده وعلطول ففضل سرحان في ملامحها شويه بعدين همس بحب نور
ملقاش رد منها عرف انها نامت فطلع المفاتيح بتاعت الاوض من جيبه وهو بيضحك بصمت وشالها تحت المخده ونام كويس وخدها في حضنه وغطاهم وتابع بضحك اومال كنتي فكراني مش هعرف هتفكري في ايه ولا ايه ?? لا ده انا حافظك اكتر من نفسك وعارف جنانك فعملت احتياطاتي وطلع عندي حق وضحك وباس جبينها بعمق وغمض عينيه ينام برتياح اول مره يحسه
—-
في شقه عمر وزينب
عمر دخل هو وزينب وشايل حسام اللي كان بيعيط وقفلوا الباب
زينب بتعب ثواني هغير وهاخده منك
عمر وهو بيحاول يسكته : ماشي يحبيبي ولا يهمك
زينب وهي بتقلع طرحتها وداخله على اوضتهم تابعت بتعب صحيح ياعمر هو سيف كان بيكلمك متعصب ليه كنت هسالك في العربيه بس نسيت لما عزه اتصلت تكلمني
عمر دخل وراها وتابع بتنهيده ابدا هو بيوصيني على الكتيبه علشان راجع بكره
زينب كانت فردت شعرها وبتفك زراير الشميز بتاعها وقفت وتابعت بصدمه راجع فين ??
عمر بتنهيده هيكون فين يعني يا زينب رايح شغلي
زينب غمضت عينيها بضيق وقعدت على السرير وسكتت فتابع عمر بتنهيده يعني هو الوضع ده جديد يا بابا علشان تزعلي كده
زينب وهي لسه مغمضه بضيق تابعت لا ماهو زعلي انا اللي غريب بصراحه اصل هو انت اتجوزتني انا الاول ولا اتجوزت شغلك معروفه شغلك الاول والاهم وفوق الكل كده كده
عمر بتنهيده ولازمته ايه الكلام ده يعني يا زينب هو اي نكد يحبيبتي وخلاص ما هي معروفه اني هرجع بعد ما الاجازه تخلص وده اسلوب حياتي ولا انتي فكراها فتره وهتخلص وهبطل اساافر مثلا
زينب بتنهيده لا مش فتره وهتخلص دي حياتنا ياعمر حياتنا اللي بتعدي وانت بعيد عني وعن ابنك ودموعها نزلت وتابعت وهنفتقدك فيها فكل ثانيه
عمر راح حط حسام على السرير وراح وطى على ركبته قدامها ومسك ايديها باسها بعمق وهو مغمض عينيه بعدين بصلها وتابع بحب ياازينب يا حبيبتي هو انا بمزاجي اني ابعد عنك ده ربنا يعلم والله العظيم غصب عني انا لو بايدي مش هسيبكم العمر كله بس منا بتعب كده علشانكم يحبيبتي هو انا رايح العب
زينب بدموع تعبت ياعمر تعبت من الاحساس ده انا اه قولتلك هستحمل بس والله الوضع صعب مكنتش اعرف اني كل مره هسيبك تروح شغلك هنهزم كده ده والله ياريتني ماجيت من عند ماما جبتني ليه طلما هتمشي وتسبني افرض عوزت حاجه
عمر تنهد بوجع وتابع بتكدبي عليا ولا على نفسك ?? انتي مكنتيش هتستحملي هناك اكتر من كده بسبب الوضع اللي بيحكم عليكي تعاملي سيف انه حسام انتي قعدتي 3 ايام بس نفسيتك تعبت هو انتي فكراني مش واخد بالي بس والله انا بردو غصب عني ده كمان المره دي سيف مش جاي وانا القائد وحاجه نيله بجد
زينب بدموع اه انا حقيقي مش مستحمله وتعبت حاسه اني وانا هناك مضطره ادوس على وجعي طول الوقت واتعامل طبيعي وعيطت بقهر وتابعت وانا ببقي هموت واعيط واقول انه راح يا عمر .. راح للابد وواحشني اوي اوي بجد وفضلت تعيط فعمر قام وقف وقومها حضنها وفضل يطبطب عليها وتابع بوجع اهدي يحبيبتي اهدي علشان خاطري الله يرحمه ينورعيني
زينب بعياط يارب يرحمك يحبيبي يارب بجد ويصبرنا بقى انا معتش قادره والله
عمر بوجع زينب اهدي يحبيبتي انتي بتنزفي وتعبانه مينفعش اللي بتعمليه في نفسك ده وفضل يطبطب عليها
وزينب فضلت تعيط في حضن عمر وهو بيحاول يهاديها فتابع بحزن طب علشان خاطري خلاص بصي ابنك بيعيط ازاي وكمان مينفعش يا حبيبي النكد اللي انتي بتعمليه ده انتي بترضعي ومسح دموعها وباس جبينها وتابع بحزن حقك عليا انا ربنا يربط على قلبك يحبيبتي ويصبرك
زينب بتعب وهي بتاخد نفسها بقوه اللهم امين يارب
عمر ابتسم بحزن وتابع ومتخافيش انا عامل حسابي واكيد مكنتش هجيبك هنا واسيبك لوحدك انا كلمت اسماء وهتيجي تقعد معاكي كام يوم بعدين روحي لمامتك لو حبيتي
زينب هزت راسها بالايجاب بحزن فقرب عمر باسها برقه وابتسم وتابع بحب فين الابتسامه القمر بقى متكشرليش كده عايز اطمن انك مش زعلانه وماشي سايب ورايا اسد
زينب ابتسمت وتابعت متخافش عليا يحبيبي انا كويسه وهخلي بالي من نفسي ومن ابنك لحد ماتيجي وتنورنا تاني لازم اقوى واكون قويه وقد الوضع ده واوريك انك اختارت صح
عمر بحب انا كده كده عارف اني اختارت صح وانتي اللي حقك عليا والله وباس راسها وتابع بحب ومينفعش فعلا مراتي انا تبقى ضعيفه انتي جوزك ظابط جيش ياابت
زينب حضنته وتابعت وتابعت بحب ومش اي ظابط ده عمر الهواري بحاله
عمر ضحك وتابع بحب نورعين عمر والله
زينب بصتله بحب وتابعت حقيقي فخوره بيك لاقصى حد وفخوره اني اختارت لحسام اب زيك يمكن اه بتوحشنا كتير وهنفتقد وجودك بس كفايه انا قاعده في بيتي بقول للدنيا كلها انا جوزي واحد من خير اجناد الارض واللي هما من بعد ربنا ليهم السبب ان مصر في امان وسط كل اللي بيحصل وان كل واحد فيكم نايم مطمن في بيته وانا من ضمنكم بسببهم .. فحقيقي ربنا يديمك لينا فخر وسند وحمايه ينورعيني
عمر حضنها وهي لفت ايديها حوالين رقبته وحضنته جامد وغمضت عينيها ودموعها نزلت بصمت فتابع عمر بحب والدموع متجمعه في عينيه ايه الكلام الحلو اللي يخلي الواحد يروح الشغل بنفس ده
زينب ابتسمت ومسحت دموعها وخرجت من حضنه وبصتله وتابعت بحب طول منا عايشه هفضل العون والتشجيع والسند ليك باذن الله وضحكت بخفه وتابع بس حقك عليا في اني ساعات بضعف وبحاسبك وانت ملكش ذمب بس ده حقيقي من حبي ليك
عمر بحب والله بموت فيكي وعارف كل كلامك ده من غير ماتقوليه ربنا يديمك ليا وانتي حسام ينورعيني ونخاويه ونجيب زينه
زينب ضحكت وتابعت ايه ده واشمعنا زينه
عمر بحب علشان على نفس وزن اسمك تبقى بنتي الكبيره زينب وبنتي الصغيره زينه
زينب فضلت تضحك وتابعت ايه ده انت بتثبتني علشان اقولك موافقه نخلف تاني صح ?? لا يحبيبي انسى جبتها منين الخدعه دي ياعمر اعترف
عمر فضل يضحك وتابع من يونس بصراحه بس انا مش بثبتك انا بتكلم جد وربنا هي مش محتاجه تثبيت هو انتي فكرك اني هقف على حسام وبس بتهزري والله
زينب بضحك معلش ههاودك بس ازاي دي جبتها من يونس مش فاهمه
عمر بضحك اصل هو اما كنا بنتكلم مره قال لو اتجوزت نور وجبت بنت هسميها نوران او نورين علشان من اسمها فجاتلي الفكره من ساعتها
زينب بضحك ااه قولتلي والله بيفهم بس هو صح ياعمر .. يونس كان بيحب نور ازاي احكيلي بالله عليك ???
عمر بضحك هقولك المختصر بس توافقي نخاوي حسام
حسام كان سكت ورجع عيط بشده فتابعت زينب بضحك لعمر: بس يحبيبي بس يابابا مش عايزه اعرف خلاص ربنا يخليهم لبعض ويسعدهم اتحشر ليه انا مثلا ?? وراحت جابت كاش مايوه تلبسه وتابعت وهي بتغير انت هتساافر وهتسبني سامع الاصوات القمر اللي انا هعيش معاهاا انسى خالص زينه يغالي هو حلو اوي حسام
عمر بضحك ياا زينب هتبقى بنوته قمر وتلبس زيك وتعملوا ماتشينج
زينب بضحك شكرا مش عايزه ماتشينج وبعدين هو انت شميت على ضهر ايدك انها بنت افرض جات واد ???
عمر بضحك ومالو يحبيبتي السعي مطلوب نحاول تاني
زينب لبست الكاش وتابعت بضحك نعم يحبيبي ?? سعي ايه يا ابو سعي لا انا صحتي على قدها روح انت اسعى في مكان بعيد
عمر بضحك قد كلامك يعني ??
زينب قعدت على السرير وشالت حسام وبدات ترضعه وتابعت بضحك احترم نفسك ياعمر هقوملك وربنا انت ماهتصدق تلزق في الكلمه ولا ايه هو علشان مراتك صحتها تعبانه عايز تخونهاا اخص مكنش العشم
عمر بضحك يا شيخه اتنيلي بقى بتتعبي من ايه هو انا اتلميت عليكي غير اسبوعين الجواز ده بالله انا ساعات بحس ان الواد ده جيه غلطه
زينب فضلت تضحك وتابعت اخص عليك بجد ليه ما انا عيشتك اسبوعين تحلف بيهم تقدر تنكر
عمر بضحك لا طبعا انكر ايه .. انكر الحسنه الوحيده اللي عملتيها في حياتنا عيب عليكي ده شكله كان هدوء يسبق العاصفه اللي حصلت لحد الان
زينب فضلت تضحك فتابع بضحك انتي بتضحكي طب والله عواصف مش عاصفه واحده بس فعلا ربنا عالم بلعذاب اللي هيحصل فكرمني بحسام بدري
زينب فضلت تضحك وتابعت الاجازه الجايه زوزا جديده خاالص متقلقش والله هعوضك
عمر راح يغير وتابع بضحك لا يا شيخه على اساس البورص الجعان اللي انت ماسكاه ده هيسبنا في حالنا ???
زينب بضحك هنتحايل عليه ينام
عمر بضحك نتحايل عليه اه .. ده والله انا لو حد باصصلي في ام الجوازه دي مش هيحصلي كده
زينب بضحك الله بدل ماتقول ربنا يديملنا الواد ياعمر ويعيش وينكد عليك
عمر غير هدومه وراح نام جمبها وتابع بضحك لا هو انا اقدر يسلام ده ربنا يديملنا الواد ووطى باس راسه وتابع ويديملنا ام الواد وباس راس زينب وضحك وتابع ويعيشوا ويحرقوا دمي وينكدوا علياا
زينب بضحك حبيبي تسلملي ويديمك لينا ياارب
عمر بحب المهم هتعبك يا زوز بس الشنطه بتاعتي حضريها هي مش هتبقى كتير متقلقيش لان انا مخرجتش كل حاجه
زينب بحب حاضر ياعمري نام انت بس علشان طيارتك بدري ويومك بكره طويل متخافش هعملهالك حتى لو كلها ده انت تعبك راحه
عمر بحب تسلميلي يا غاليه وهستناكي ننام سوا
زينب لالا نام انت ده ابنك نايم طول اليوم في حضن امي فمعتقدش فيها نوم دلوقتي خاالص فاكسب انت وقت احسن
عمر باس راسها وتابع بحب طب تصبحي على خير ينورعيني لو عوزتي حاجه صحيني
زينب بحب وانت من اهله يحبيبي
ونام عمر وزينب فضلت قاعده بحسام وماسكه الفون بعدين لقيت عمر مش متغطي كويس فرفعت الغطا عليه ووطت باست جبينه وتنهدت بعمق وهي بتبص لحسام وتابعت ماتنام يحبيبي وتخلصني قرفت امي
——
تاني يوم الصبح عند يونس ونور
نور صحيت قبل يونس على صوت المنبه واستغربت مظبوط ليه وفتحت عينيها ببطئ لما حست باشاعه الشمس الجايه من الازاز عليها ففتحت كويس لقيت يونس نايم بعمق وواخدها في حضنه فحاولت تقوم براحه من غير ماتصحيه وبلفعل شالت ايديه وحطتها براحه وغطته تاني وطفت المنبه بضيق كانت الساعه 9
وبصتله وهو نايم كان شكله وسيم جدا فابتسمت تلقائي لما افتكرت لهفته وعينيه اللي كانت بتلمع لما شافها بلحجاب امبارح ولما شاف شعرها وابتسملها باعجاب واضح واستأذنها علشان يبوسها حست انها جميله وعندها ثقه بنفسها عاليه من معاملته وحنيته عليها فحطت ايديها على خده وتابعت بضحك منكرش اني مطلعه عين اهلك اه بس والله اول مره اخد بالي انك قمر اوي كده حتى وانت نايم ده البنات مكانوش حواليك من فراغ بقى
وبصتله باعجاب وتابعت بابتسامه تصدق عندهم حق ده انا كنت بحب فرده كوتش والله العظيم وكشرت وتابعت مع اني عايزه اولع فيك واجيب حقي بس والله مابتهون عليا وابتسمت وتابعت ومقدرش انكر ان ربنا بيحبني علشان رماني في طريقك والدموع اتجمعت في عينيها وتابعت بس عارف يا يونس رغم وجعي منك الا اني مش مصدقه انك تأذيني كده .. عينيك اللي كلها حنيه دي صعب تجرح وانا بلذات عارفه غلاوتي عندك عامله ازاي .. بس مضطره اصدقك .. اصل لو مكانتش دي الحقيقه انا هموت فيها والله
وحست بغيره لما افتكرت حبه لحبيبته وتابعت ياتارا نسيت البنت اللي حبيتها واتشديت لياا فقربتلي وقررت تتجوزني وتبدا من جديد ولا بتعاملني زي ما طول عمرك بتعاملني نور الصغيره فحنين عليا علشان غلطتك وتسرعك وخلاص وتنهدت بعمق وتابعت اتمنى تحبني وتنساها وانا احبك وانسي كل القرف اللي عشته بجد وباست خده برقه وابتسمت وقامت تاخد شاور وقفلت الحمام
ويونس كان صاحي من المنبه وسامع كلامها بس لما شافها بتصحى عمل نفسه نايم ففتح عينيه وتابع بضحك هي نور باست خدي !!! يانهار ازرق هو انا بحلم ولا حقيقه وضحك وتابع يابركه دعاكي يا شهد يابنت الجزمه ده اللوح اتحركت وباستني واتغزلت فيا ايه ده بجد ازاي ده دي معجزه !!! وافتكر كلامها وتابع بضحك بردو غبيه ومبتفهمش حبيبتي ايه اللي نسيتها ولالا ياللي حبك بورص وعشره خرص يارب هي دخلت علوم ازاي دي يارب وابتسم بحب وتابع بس لالا محدش يحبها غيري بلا بورص بلا خرص انا هعرفها في الوقت المناسب وقام بكل نشاط وحيويه حاسس ان الكلام اللي سمعه من نور كفيل يخليه مبسوط اليوم كله ففتح دولابه وجاب بدله قميص ابيض وبنطلون رصاصي غامق اوي وجاكت رصاصي غامق اوي وسابهم علي السرير وراح ياخد شاور في الحمام اللي برا وبعد شويه دخل الاوضه كانت نور لسه جوه فتابع بضحك لا دي شكلها هتموت جوه بتعمل ايه كل ده يخربيت برودها ولبس البنطلون ومسك القميص وفي نفس اللحظه نور خرجت وهي لابسه البورنص ورافعه شعرها علشان مكوي فشافته صوتت
يونس اتخض ورمي القميص وتابع بخوف ايه مالك في مالك يخربيت ابوكي
نور بصت للارض بحرج شديد وتابعت انت صحيت امتى وازاي تغير هدومك هنا مش وارد اطلع في اي لحظه
يونس بص على نفسه وتابع هو انا صحيت مش شويه بس مش فاهم ايه المحرج انا مش قالع غير من فوق في ايه حضرتك
نور وشها احمر وتابعت بحرج طب يونس البس لو سمحت ووطت وشها للارض
يونس راحلها ورفع عينيها ليه وتابع بضحك انتي عبيطه ولا بتستعبطي انا اه قولتلك مش هعمل حاجه غير برضاكي بس انا جوزك فكل حاجه تانيه عادي تجوز ولا انتي شايفه ايه
نور بحرج شايفه انك تتلم وتلبس قميصك وخدت بالها وتابعت بعدين خد هنا صحيح انت لابس خروج ليه رايح فين يا يونس
يونس ابتسم بحب وتابع يااه على يونس وحلاوه يونس انا محبتش اسمي غير بسببك على فكره وبعد يونس دي مش عايز اسمع يونس من حد تاني واللي هيناديني بيونس هضربه بلنار
نور فضلت تضحك وتابعت طب بطل تثبيت وقول رايح فين يا يونس
يونس بحب انا لو عليا متحركش من جمب نوري بس عندي تصحيح وانتي عارفه
نور برفعه حاجب اه يعني ايه
يونس بضحك ايه هتتحولي ولا ايه
نور بضيق يونس متهزرش انت عايز تنزل وتسبني في صباحيتي وتفضحني
يونس بضحك علشان تحسي انتي كمان بالفضيحه اللي خليتي جوزك فيها امبارح كده متعادلين
نور بضحك يونس متهزرش الفضيحه بتاعت امبارح دي محدش عارفها
يونس بضحك لا يا شيخه فرقت يعني
نور بضحك اه فرقت لان انت لما تنزل الكل هيشوفك سيبك من اني منكده محدش عارف بس الناس لما يشوفوك نازل وسايبني بالله هيقولوا ايه معجبتهوش العروسه ??
يونس بحب ده اللي يقول كده اقتله
نور فضلت تضحك وتابعت يونس انا بتكلم جد
يونس بحب والله وانا بتكلم جد اصل مش منطقي حد يقول كده ايه الناس اتعمت ولا ايه ?? بس ان جيتي للحق لو عليا نفسي يتعموا علشان محدش يشوف جمال القمر بتاعتي خالص
نور فضلت تضحك وتابعت بص بردو هيثبتني علشان اسكت دكتور بقى فناصح وبياكل بعقلي حلاوه
يونس بحب مش بثبتك انا بتكلم جد والله وعلى عيني بس مضطر انزل علشان التصحيح كفايه اهمال الكام يوم اللي فاتوا فانا مفروض اعمل ايه ومتزعليش
نور برجاء: ممكن تجيب الورق وتصحح هنا وانا والله مش هعمل اي صوت ولا هضايقك خالص وابتسمت وتابعت وهعملك كوبايه قهوه للتركيز كمان ها ياسيدي في عروض احسن من كده
يونس فضل يضحك وتابع انتي اللي كالتي بعقلي حلاوه المره دي بس مش ده هيخليكي متقلبيش بوزك
نور هزت راسها بالايجاب بحماس وتابعت اه جداا
يونس بحب خلاص وانا تحت امر اي حاجه تفرحك وباس جبينها
نور بفرح ايوه كده ربنا يديمك ليا يارب
يونس رفع ايديها باسها وتابع بحب ويديمك ليا ينورعيني يلا هلبس انا ومش هتاخر عليكي
نور طب اقعد افطر الاول
يونس بحب لما ارجع وبدا يقفل زراير القميص ونور ومسكت الجاكت وفتحته ليه فضحك وتابع مع اني هوطي بس والله منا كاسفك
نور ضحكت وهو بلفعل وطى لمستواها ولبس الجاكت وعدله فوقفت هي قدامه وتابعت بضحك اقصر شويه هاا مش كده
يونس بضحك اطولي انتي انا مش هعرف اقصر للاسف
نور بضحك ولا انا للاسف كبرنا خلاص فهتتعود بلوقت بقى
يونس بضحك عادي يحبيبي ولا يهمك انا راضي ووقف يسرح شعره وافتكر فتابع بتنهيده صحيح يانوري
نور وهي بتختار بيجامه تلبسها تابعت ايه قول
يونس وهو بيسرح وباصص عليها من المرايه تابع انتي اخر بريود جاتلك كانت امتى
نور اتفاجئت من السؤال واتحرجت جدا فتابع يونس بابتسامه يحبيبتي احنا بقينا واحد مفيهاش كسوف عادي
نور بحرج بتسال ليه يعني
يونس بابتسامه عادي يحبيبتي بتاكد من حاجه بس
نور بستغراب حاجه ايه يا يونس
يونس راح وقف قدامها وتنهد بعمق وتابع انك تكوني حامل
نور اتصدمت وتابعت حامل !!!
يونس ابتسم بوجع وتابع مالك اتخضيتي ليه وفيها ايه يحبيبتي مانا معاكي خلاص
نور غمضت عينيها بوجع وتابعت اه بس انا مش عايزه بيبي بلاسلوب ده مش هقدر اخليه
يونس بوجع صدقيني ولا انا بس لو كان ده حصل فمضطرين اكيد مش هنرمي وغمض عينيه بوجع وسكت ثواني وتابع مش هنرمي ابننا
نور بوجع لالا باذن الله مش حامل متقولش كده علشان خاطري
يونس بوجع والله اتمنى المهم قوليلي اخر معاد امتى
نور بصت للارض وتابعت بحرج يعني من اسبوعين
يونس بصدمه ده اسبوعين بانهارده ولا اسبوعين من ساعه اللي حصل ??
نور بحرج مش متذكره بس هو يعتبر اه من ساعه اللي حصل بس مش اسبوعين بلظبط هتفرق في ايه يعني
يونس اتصدم وتابع خير ان شاء الله بس هو علشان الفتره اللي انتي قولتيها دي الحمل فيها نسبته احسن واسرع بس متقلقيش هانت اهو ونشوف ولما تيجي طمنيني يا نور باذن الله مفيش حمل
نور بفهم : ااه صح يادي الحظ الاسود ونفخت بضيق وتاابعت بوجع حاضر يا يونس
يونس باس جبينها بعمق وتابع متخافيش من حاجه انا جمبك وسواء حصل حمل او لا صدقيني هنتخطى كل ده سوا بس ساعديني
نور جاهدت متعيطش وتابعت هحاول والله
يونس ابتسم بحب وتابع يلا هنزل انا وجايلك بسرعه
نور بابتسامه حزينه. :ربنا معاك
يونس بحب ومعاكي يعمري وخرج وغمض عينيه بوجع وتابع في سره من حظي الاسود ان يحصل كده في الفتره دي ورفع عينيه لفوق وتابع يارب ارجوك ماتكسفني وكون معايا المره دي وميحصلش حمل ارجوك يارب ونزل ونور قعدت بحزن ودموعها نزلت بصمت
——-
في شقه سيف وامنيه
امنيه كانت نايمه في حضن سيف وكأن مفيش حاجه حصلت وصحيت على صوت خبط الباب فقامت غسلت وشها ولبست الاسدال وتابعت بضيق ايوه ايوه جايه حاضر وخرجت فتحت الباب لقيت امها فتابعت بفرح ماما واحشتيني وحضنتها
سميه قفلت الباب و بادلتها الحضن باشتياق وتابعت بخوف مالك يا قلب امك فيكي ايه بتصل بيكي انتي وجوزك محدش بيرد كلمت حماتك قالتلي تلاقي جسمها سخن تاني وتعبت فكانوا سهرانين وماصدقوا ناموا فامسمعوش الفون من التعب فالبست وجيتلك جري علطول
امنيه بضحك ينورعيني حقك علياا انا كويسه والله بس حسام بيعمل فونه سايلنت وهو نايم وانا فوني فصل شحن ونسيت احطه على الشاحن تعالي .. تعالي ادخلي انتي واحشتيني وي
سميه حطت ايديها على صدرها وتابعت بتنهيده اخص عليكي يا امنيه والله يابنتي قلبي قاد نار واترعبت لما عرفت انك تعبتي كده يا امنيه تتعبي ومتقوليش لامك
امنيه بضحك حقك عليا والله انا اسفه مكنتش اعرف هتتخضي كده بس قولت بلاش اقلقك ده دور برد وسخونه عادي وبصراحه حسام كان مهتم بيا جدا والحمدلله بقيت كويسه اهو
سميه قعدت وامنيه قدامها وتابعت بحب الحمدلله يابنتي وابتسمت وتابعت طمنيني عليكي عامله ايه مع جوزك
امنيه بابتسامه الحمدلله يحبيبتي زي الفل متقلقيش
سميه بحب اوعي يا امنيه اوعي تكوني بتزعليه
امنيه بضحك وليه ميكونش هو بيزعلني مثلا يا حماااتي يا عقربه انتي
سميه فضلت تضحك وتابعت اخص عليكي يا امنيه انا عقربه يا بنت الجزمه
امنيه بضحك اصل بجد ايه الاستفزاز ده .. ده ماما نرمين مبتعملش كده وبتيجي معايا مش معاه وبعدين انا بنتك يا وليه مش هو اللي ابنك
سميه بضحك وانتي عايزاني انا ونرمين معاكي يعني والغلبان ده ياعين امه ميبقاش ليه حد اهي نرمين معاكي وانا معاه
امنيه بضحك طب ايه رايك لو مش بزعله هزعلهولك بقى
سميه بضحك تطلع منك اتوقعها عادي اصلك طالعه لامك تعشقي النكد
امنيه بضحك هو اللي مفيش منه وغلبان بصراحه ومبيزعلنيش خاالص وانا المفتريه مش كده
سميه فضلت تضحك وتابعت مين اللي يزعلك يابت ?? طب ده جوزك بلسم يتحط على الجرح يطيب انما انتي قويه
امنيه بضحك اه انتي هتقوليليى اسكتي ياست الكل بالله عليكي اسكتي ده ميقدرش عليه الا ربنا دده
سميه بضحك شوف بتفتري على الواد ازاي
امنيه بضحك اتبنيه هاا متنسيش تكتبيه باسمك
سميه بضحك هو ابني من غير ورق ولا كلام فاضي قومي بس صحيهولي علشان واحشني عايزه اسلم عليه
امنيه قامت وتابعت بضحك وهي رايحه اوضتهم اممم حاضر هصحيلك البلسم اللي بيتحط على الجرح يطيطب وملاك بجناحات بيطير وهادي وسو كيوت
وسميه فضلت تضحك على كلامها وامنيه دخلت لقيته نايم زي ماهو وقالع التيشرت فغيرت هدومها لبيجامه بيتي نص وبنطلون وسرحت شعرها وفردته وحطت ميكاب خفيف بعدين راحت قعدت جمبه على السرير وتابعت حسااام .. وهزته وتابعت حسااام .. انت يا ابنيي
سيف اتخض وتابع ايه في ايه
امنيه بضيق ايه هفضل اصحيك اليوم كله اخلص قوم
سيف مسح بايديه على وشه وتابع بضيق يعني هو حد يصحي حد كده يا امنيه
امنيه بابتسامه بارده : معلش خليها عليك ومسكت التيشرت ادتهوله وتابعت ماما برا البس تيشرتك وتعالى عايزاك
سيف حاضر واتلمي متبينيش اننا بينا خلافات هاا
امنيه بضيق مش انت اللي هتعرفني الاصول
سيف برفعه حاجب طب اصطبحي وقولي يا صبح الوليه برا
امنيه بضيق حسااام انا خارجه اطلع ورايا مش ناقصه وش على الصبح وخرجت وقفلت الباب وهو نفخ بضيق وتابع والله عايز اديها علقه بس مش بتهون علياا وقام غسل وشه ولبس التيشرت وسرح شعره وطلع وتابع بابتسامه يادي النور يادي النور وانا اقول البيت منور ليه اتاري الغاليه عندنا
سميه ضحكت وقامت وقفت حضنته وتابعت منور بيك يحبيبي
سيف بحب لا والله ده انتي اللي نورتيه ايه اخبارك واخبار عم محمد طمنيني عليكم ومجاش معاكي ليه صحيح
سميه بحب احنا زي الفل يحبيبي وعمك محمد في الشغل تتعوض باذن الله
سيف بحب باذن الله بيته ينور اي وقت وبص لامنيه وتابع قومي يحبيبي حضري الفطار نفطر سوا
امنيه حاضر وقامت فتابعت سميه لالا فطاار اي انا فطرت قبل ما اجيلكم علشان صاحيه من بدري خليكم انا جايه اقعد معاكم شويه واطمن عليكم بس
امنيه قعدت وتابعت شوف حماتك بقى
سيف بحب يعني يرضيكي تيجي عندي وابنك يقولك نفطر سوا تقوليله انا فطرت طب والله هتزعليني
سميه بضحك لا يعمري مقدرش بس فعلا والله يا ابني كالت يارب يجعله دايما عامر يحبيبي وتتعوض مره تاني
سيف بحب ولو قولتلك علشان خاطري ناكل مع بعض وكلي لقمتين هتكسفيني
سميه بضحك لا كله الا خاطرك خلاص واالله منا كسفاك
سيف بضحك ايوه كده انتي حبيبتي يلا يا منونتي اعملي الفطار هتاكل معانا
امنيه بضحك هو عاملك عمل يا وليه هو ايه اللي قالك علشان خاطري توافقي ده
سيف فضل يضحك وتابع الله وانتي ايه غايظك انتي انا وامي متدخليش لو سمحتي
امنيه بضحك بتردهالي يعني ??
سيف ضحك اه حاجه زي كده احنا بدلنا خلاص
سميه بضحك لامنيه: ده الغالي جوز بنتي ده انا ربنا مكرمنيش بغيرك فانا معتبراه ابني خلاص
سيف بحب ليا الشرف والله يا امي وباس ايديها
سميه بحب ربنا يحفظك ويديمك ويبارك في عمرك يا ابني وضحكت وتابعت قولي بقى البت دي بتعملك حاجه تضايقك
امنيه بضحك يا وليه اساليه عني شويه الله
سميه بضحك لو صبر القاتل على المقتول كان اتقتل لوحده والله ياختي كنت هساله بس اهدي بالدور
سيف فضل يضحك وتابع مين اللي بتضايقني ?? امنيه !! ده امنيه دي نسمه
سميه بضحك اهو هيكدب من اولها اهو
امنيه فتحت عينيها بتفاجئ وتابعت بضحك يا وليه دافعي عني شويه. . ماشي يا ماما ماشي اخص عليكي
سميه بضحك لا تعالي متزعليش هساله عنك اهو وانت مش بتزعلها ??
سيف بحب انا ازعلها !!! ده انا بقولك نسمه ازعلها ازاي بس وباس راسها وتابع مش كده يحبيبتي
امنيه بهمس اه يا كدااب انت سيف بصلها بحده فتابعت بضيق اممم كدده
سميه بضحك مش عارفه ليه حساكم بتضحكوا عليا والله
سيف بضحك لالا عيب عليكي اهي عندك اهي اساليها
امنيه بابتسامه مفيش حاجه يا ماما متخافيش
سميه بشك والله مش مرتحالكم .. في ايه ?? بتخبوا عليا ايه يا حسام وغلاوتها عندك ??
سيف تنهد بعمق وبص لامنيه لقى عينيها فيها طبقه دموع بتحاول متنزلهاش فتابع بتنهيده طب مبدائيا انتي زعلانه مني ليه ??
امنيه بدموع اسال روحك
سيف بضحك منا بسال روحي اهو مانتي روحي
امنيه بدموع على فكره انا بتكلم جد
سيف ومسح دموعها ومسك ايديها باسها بحب وتابع والله وانا بتكلم جد والمفروض على حد علمي ان انا اللي كنت زعلان
امنيه بابتسامه : تمام اتفلق
سيف فضل يضحك وتابع اتفلق ?? ههون عليكي يا منونتي
امنيه بضيق اه تهون علشان تزعلني كويس
سيف بضحك طب ياستي اديني اتفلقت كده النصين بيحبوكي
امنيه ضحكت غصب عنها وتابعت : مبهزرش بجد
سميه بحزن حصل ايه بينكم يا امنيه وكده تخبوا عليا اخص عليكم
سيف بتنهيده بصي يا امي انا من عادتي مع احترامي وحبي ليكي طبعا بس مبحبش ابين خلافاتنا لاي حد وقولتلها في اوضتنا كده بس لما حسبتها دلوقتي بيني وبين نفسي لقيت انك هتزعلي مني لما تعرفي فقولت لازم افهمك موقفي بحيث لما الكلام يتفتح قدامك تبقي عارفه بسبب اللي هيقولهولكم كريم
سميه بصدمه كريم !! ليه ماله كريم عمل ايه وايه علاقته بخلافكم
سيف بتنهيده لا ده كريم هو خلافنا اصلا
سميه بصدمه ياموري ليه عمل ايه ابن الكلب الجزمه ده
سيف ينفع يا امي انزل اجيب حاجه واسيب مراتي بليل الساعه 10 في البيت لوحديها الاقي البيه جاي وامنيه تقوله اني مش هنا ويدخل واجي الاقيه ماسكلي ايديها
سميه خبطت على صدرها بصدمه وتابعت يانهار اسود هو ايه يدخلوا البيت اصلا وانت مش هناا هو اتجنن
سيف بطريقه ليها مغزى فهمتها سميه تابع : لا والله واعلم جاي يرغي معاها في ايه هو مكنش قال حاجه لما انا جيت
سميه فهمت واتصدمت وتابعت بحده وانتي يا مقصوفه الرقبه ازاي تدخليه وجوزك مش هنا
امنيه بضيق يا ماما انتي كمان علياا !!! والله العظيم احرجني وقالي انا زي اخوكي ومش عارف ايه فاضطريت ادخله وسبت الباب مفتوح
سميه بحده مفيش حاجه اسمها احرجك قوليله جوزي مش هنا مش هقدر ادخلك وصممي او لو اتحرجتي اوي نادي حمااتك .. نادي اي حد بس متقعديش معااه لوحدكم اما جوزك بيقول جيه لقااه ماسك ايدك لو كان اتاخر شويه كان حصل ايه هاا ردي علياا
امنيه عيطت ورايحه تقوم فشدها سيف لحضنه وباس راسها وفضل يطبطب عليها وهي بتعيط في حضنه وتابع بتنيهده اهو ده بقى اللي انا قولته بس خلاص يا امي متزعقيلهاش انا بهدلتها وخلاص عرفت غلطها واللي فات مات ومراتي انا عارف اتصرفت معاها ازاي .. انا بشهدك بس لاني عدمته العافيه ومسبتش فيه حته سليمه علشان بس متزعليش مني ونبهيه انه لو قرب ناحيه مراتي تاني هيكون فيها موته المره دي … انا قسما بالله كنت هطلع روحه بس من حسن حظه مازن جيه حااش عنه
سميه بحرج لا يا ابني طبعا عداك العيب ميتزعلش منك هو غلطان وابن ستين كلب هي دي ساعه حد يزور حد فيهاا اصلاا ولو مينفعش يدخل وانت مش هنا ولا يمسك ايديها ده اتجنن شكله انا هشتكي لامه علشان تبقى عارفه وتبعد ابنها عن بنتي خالص مش ناقصه قله ادب
سيف بتنهيده ده لو خايفه عليه فعلا تحكمه علشان وغلاوه امنيه عندي مش هسيبه فيه نفس المره الجايه وبص لامنيه وتابع بحب خلاص بقى يا بابا كفايه عياط هي امك خايفه عليكي متقصدش انما انا عارف انه مكنش يقدر يلمس شعره منك انا مراتي ب 100 راجل وعارف توقفه عند حده ازاي بس انا اتخانقت معاكي علشان غيران عليكي
امنيه بدموع والله يحبيبي مكنش قصدي كل ده وهو اصلا مسك ايدي حركه تلقائيه علشان كنت بقوله هقوم اعملك حاجه تشربها فقالي لا اقعدي انما والله انا لو شوفته اتعدى حدوده كنت مسخرت بكرامه اهله الارض انت عارف انا بحبك قد ايه وبحترمك في غيابك قبل وجودك ازاي
سيف بحب عارف والله وقولتلك بثق فيكي جدا وعارف بمشي سايب مين ورايا .. ولو زعلت منك فعلشان كنت عايزك تراجعي نفسك وتتعلمي من غلطك انما انا عارف انك متقصديش اهدي بقى
سميه بحزن اهدي يحبيبتي الهي ينكد عليه البعيد زي ما نكد عليكم كده
سيف بحب ولا نكد علينا ولا حاجه طز فيه خلاف زي اي خلاف وراح لحاله احنا كده كده مهما بيحصل بنلف نلف وملناش الا بعض في الاخر المهم الجاي مش كده يا منون
امنيه ابتسمت وهزت راسها ب اه فباس سيف خدها وتابع بحب حقك علياا اني اتعصبت عليكي جامد بس والله كنت غيران اوي ومش شايف قدامي
امنيه بحب وانت كمان حقك عليا اني عليت صوتي ومتفهمتش غيرتك وحضنته
سيف حضنها اكتر وتابع بضحك احنا بعد ما كنا هنروح محكمه الاسره
سميه فضلت تضحك وتابع الف بعد الشر عليكم ربنا يحفظكم ويحميكم ويديمكم لبعض يا ابني وعقبال عيالكم يارب
سيف بحب اللهم امين يارب
امنيه بحب يارب بجد
سميه بضحك وبعدين هو انت يتزعل منك بردو
سيف فضل يضحك فتابعت امنيه بضحك طب ياحماتي طييب
سميه بضحك االله اما انتي بنفسك اهو قولتي اني مفهمتيش غيره الراجل يعني مكنش يتزعل منه صحيح
امينه بضحك ايوه انا غلطت بس هو بردو عصبني
سيف بضحك والله انتي حبيبت قلبي يا ست الكل وقعد جمبها وباس راسها وايديها
سميه حضنته وتابعت بضحك قال عصبك قال .. حبيبي يا ابني والله انا عارفه انك مستحمل كتير مع بنتي اصل انا معرفتش اربي
امنيه بضحك يا ماااماا انا اللي بنتك بقي
سميه بضحك هتغيري من جوزك يعني يا امنيه
امنيه بضحك لا بس بردو متظلميش وتطبلي لحسام
سميه بضحك انا مبظلمش ولا بطبل انتوا حاكيتولي وهو مغلطش وانتي نفسك عارفه كده وقولتي انه مغلطش وبعدين انا راضيه ذمتك جالك قلب تتخانقي مع السكر ده
سيف فضل يضحك فتابعت امنيه بضحك السكر بيلزق حاسبي بقى وانتي مقعداه جمبك كده لميطلعش
سميه بضحك هاخده وانا مروحه علشان تعرفي قيمته بس تقدري تستغني عنه بذمتك ??
امنيه بضحك لا طبعا ده نورعيني ده نموت بعض اه بس نعيش من غير بعض لا مقدرش
سيف بضحك والله ده انتي اللي نورعيني وحبيبتي ودنيتي كلهاا
امنيه بحب اي لا يو سوماتش
سيف بحب لا تعالي هاتي بوسه ميشغلنيش الكلام ده
سميه فضلت تضحك ففتحت امنيه عينيها بتفاجئ وتابعت بحرج حسااام ماما قاعده اتلم
سيف بضحك فيها ايه انا هبوسك في خدك انتي اللي مش سالكه
سميه فضلت تضحك وتابعت تعالي يابت خليه يبوسك من خدك ظلمتيه
سيف فضل يضحك وتابع وربنا اقصد خدها فعلا لا مش للدرجه دي ده انتي قاعده حتى ياست الكل
سميه بضحك لا لو هاجي اقطع برزقكم اقوم امشي حالا
سيف فضل يضحك وتابع لالا عيب عليكي ده انتي تنوري كل يوم
امنيه راحتله وتابعت بضحك اتفضل بوس خدي واخلص علشان داخله المطبخ احضر الفطار علشان انتوا بتتكلموا في حاجات قله ادب واانا محترمه
سيف وسميه فضلوا يضحكوا وباسها بحب وتابع يلا خلاص روحي
امنيه بضحك يارب نتلم بقى الوليه قاعده
سميه بضحك لا عادي يقلب امك انا مش غريبه
سيف فضل يضحك فتابعت امنيه بضحك اه طبعا اوماال ايه يحماتي انتي
سميه بحب والله انتوا الاتنين بعتبركم عيالي وبموت فيكم بس انا لو جايه مع جوزك شويه فمش معناه بظلمك بس لاني بجد شوفت بعيني لما كنتي تعبانه اللي يثبتلي قد ايه هو بيموت فيكي وبيحبك اوي ومش هيجي عليكي ولا يزعلك واكبر دليل دلوقتي مع انك غلطانه الا انه لما انا زعقتلك اتحمق وخدك في حضنه وطبطب عليكي وقالي لا يا ماما ما تزعقيش انا اتصرفت مع مراتي .. عشان كده بقولك انتي زعلتيه ?? انما ببقى واثقه ان هو مش مزعلك من كتر الحب اللي شوفته في عينيه ليكي .. وواثقه لو زعلك هيراضيكي علطول .. وفعلا الخلاف اللي بينكم ده ناتج عن غيره لانه بردو بيحبك اوي وفي النهايه انت مالكوش الا بعض وهتتراضوا انما تعالي كده لو زعلك بجد لا طبعا مش هسكتله بس انا عارفه بنتي مع مين
سيف بحب تسلمي ياست الكل والله ربنا يديمك لينا يا غاليه
امنيه بحب لا المره دي فعلا اقنعتيني ربنا يديمه ليا ونعم الحبيب والصاحب والزوج والاخ والاب وكل حاجه
سميه بحب ويديمكم ليا يحبايب قلبي
سيف بحب اللهم امين يارب وقام باس جبين امنيه وايديها وتابع بحب والله ده انا اللي يبختي بيكي يحبيبت الروح
امينه ابتسمتله بحب وباست خده وتابعت هحضر الفطار وجايه تعاكس فيا شويه زي كده وتاكل بعقلي حلاوه زي كل مره ها
سيف فضل يضحك وتابع من عيوني حاضر
سميه بضحك يعني عارفه انه بياكل بعقلك حلاوه وبتضحكي على نفسك ومصدقاه
امنيه بضحك المشكله انه بيعجبني وهو بيعمل كده فا يلا مش مهم
فضحكوا وهي دخلت تحضر الفطار
——
عند نور كانت روقت اوضتها هي ويونس وفرشت السرير من الاول وظبطت التسريحه بعدين قعدت على السرير ورجعت ضهرها لورا وقالت تمسك الفون شويه وفتحته اتفاجئت بمسدج من امبارح من سيليا فاستغربت وفتحتها وكان مضمونها ” عرفتي ان قاسم مات يا نور ”
نور اتصدمت بشده والفون وقع من ايديها
كريم بابتسامه ازيك يا امنيه
امنيه بتوتر الحمدلله كويسه وانت ايه الاخبار طمني
كريم بابتسامه الحمدلله بس من على الباب كده حتى قوليلي اتفضل
امنيه ضحكت بتوتر وتابعت اكيد طبعا اتفضل بس اصل .. اصل حسام مش هنا
كريم بضحك حسام مين ?? امنيه بصتله بستغراب فتابع ااه ااه حساام جوزك قولتيلي .. بس فيها ايه حسام مش هنا ده احنا اخوات حتى ولا ايه
امنيه بتوتر اه طبعا اكيد اتفضل
كريم بحب يزيد فضلك ودخل وامنيه نفخت بتوتر وسابت الباب مفتوح فتحه بسيطه ودخلت وراه وتابعت بابتسامه اتفضل يا كريم اتفضل
كريم قعد في اوضه الصالون وحط الحاجه اللي جايبها على السفره وتابع بابتسامه انا لقيت نفسي قريب من بيتك قولت اجيب ضيافه واجي اباركلك احنا ولاد خاله بردو ومتربين سوا فميصحش مكنتش اجيلك بنفسي
امنيه بتوتر فيك الخير والله تسلم يا كريم .. انا هروح اجبلك حاجه تشربها
كريم لالا اقعدي انا جاي دققتين اطمن عليكي ونازل
امنيه قعدت قدامه وخدت نفسها بقوه وتابعت انا الحمدلله كويسه
كريم طلع سيجاره من العلبه اللي في جيبه وولعها وتابع طمنيني بقى اخبار حضره الظابط معاكي ايه
امنيه ابتسمت بتوتر وتابعت الحمدلله كويس نشكر ربنا
كريم نفخ دخان السيجاره وتابع مبتلاحظيش في اسلوبه اي اختلاف
امنيه بستغراب اي اختلاف ازاي يعني مش فاهمه
كريم نفخ الدخان وتابع لا اصل انا اسمع ان خناقتكم كانت كتير في الخطوبه فعايز اعرف اتغير لما شافك تعبتي وهتروحي منه ولالا
امنيه بابتسامه حسام الحمدلله بقى غير الاول خالص وبيحبني جدا وبيعاملني بما يرضي الله فمتقلقش من حاجه
كريم بتنهيده لا موعدكيش يا امنيه .. هفضل قلقان وبكره وبعده الايام هتثبتلك اني كان ليا حق اقلق
امنيه بستغراب هو انا ليه حساك عارف حاجه وبتخبي عني يا كريم
كريم بابتسامه لا ولا حاجه يحبيبتي ونفخ الدخان وتابع لو في كنت اكيد قولتلك انا بس مش عارف اطمن عليكي معاه مكنتش مرتاحله من الاول يعني ..ويمكن يطلع كل احساسي غلط الله واعلم
امنيه بابتسامه لا متقلقش انا واخده سيد الرجال ومرتاحه ومبسوطه معاه ومفيش اي حاجه .. يلا هقوم انا اعملك حاجه تشربها ورايحه تقوم كريم مسك ايديها وتابع لالا قولتلك خليكي انا جاي اطمن عليكي بس
وسيف استغرب ان الباب مفتوح ودخل في نفس اللحظه
امنيه بصت لايديه بتوتر وسيف ااتصدم لما شافه وتابع بعصبيه انت قاعد هنا بتعمل ايه يحيوان انت ???
امنيه اتخضت وشدت ايديها بتوتر شديد وبصت لكريم وسيف بخوف فاراح سيف ومسكه من هدومه وتابع بعصبيه انت كنت بتعمل ايه ياحيوان يا ابن الكلب
كريم بحده ايه بعمل ايه كانت قايمه تضايفني قولتلها لا ولا اكتر ولا اقل ايه حصل ايه يعني
سيف بعصبيه وانت اصلاااا ازاي يا ابن الكلب يا زبااله تدخل بيتي وانا مش موجود فيه انت اتجننت قاعد مع مراتي لوحدكم وماسك ايديها وتقولي حصل اييه يعني !!! ده انت ليله اللي جابك سودا وضربه بلبوكس بقوه وقعه على الترابيزه الصغييره اتكسرت وتاوه بوجع شديد
فشهقت امنيه بخضه وتابعت بخوف ودموع يانهار اسود .. ياانهار اسود سييه يا حسام .. سيبه ابوس ايدك والله ماعمليش حاجه
سيف مردش عليها وقومه وتابع بعصبيه هو انا هسيبه انهارده ده انا هطلع عين اهله
كريم بعصبيه قسما بالله ما عملتلها حاجه واهي عندك اهي تقولك انت اتجننت يا عم انت
سيف تني دراع كريم ورا ضهره فصرخ بالم وامنيه حطت ايديها على بوقها بخوف وتابعت بعياط ابوس ايدك علشان خاطري انا خلاص
سيف بعصبيه اتجننت ??? ده انا هوريك الجنان صح وهكسر ايديك دي اللي اتجرات ولمستها يا زباله يا حيوان
كريم بوجع شديد اااه اااه ابوس ايدك خلاص هتتكسر .. هتتكسر مش قااادر اااه
سيف ضغط عليه اكتر تحت صراخه بعدين ساب ايديه ولفه ليه وخبطه في الحيط بقوه وهو ماسك قميصه وكريم بينهج بتعب
وتابع سيف بعصبيه : كنت جاي ليه هاا ??? قسما بالله العظيم انت اللي جانيت على نفسك مش حد تاااني علشان انت متعرفش انا مين علشان تلعب معاايا قولتلك اسال عن تاريخي الاول بس واضح انك كسلت وجاي دلوقتي تلعب في عداد عمرك
امنيه بعياط وخوف ابوس ايديك يحبيبي سيبه خلاص محصلش حاجه لكل ده ..كريم ده اخويا واكتر والله
سيف بعصبيه شديده : اخوكي اااه غوري من وشي دلوقتي وخشي اوضتك علشان مدكيش قلم يلزقك في الحيط .. غوووري
امنيه اتخضت وتابعت بدموع وبحده: عملت ايه انا و
سيف بمقاطعه بعصبيه انا قوولت غووري خشي اووضتك
امنيه عيطت ودخلت وقفلت الباب وراها بعصبيه
وسيف مسك كريم من رقبته فكح بقوه شديده وتابع بحده جاي تقولها مش كده ?? لو كنت راجل صح وفي بطاقتك مكتوب ذكر كده نادي عليها قولها
كريم بصله بتوتر فرماه سيف خبطه في الحيط وتابع بحده يلااا قولهااا اديني سااايبك اهو
كريم بخوف وهو بينهج: انا مجتش اقول حاجه انا جيت اطمن عليها واباركلها
سيف راح شال العلبه اللي كريم جابها ورماها في الطرقه برا بقوه وتابع بهدوء مخيف: ااه فاكرني عيل عبيط وبرياله انا مش كدده ?? جاي تطمن عليها وتباركلها وانا مش هنا علشان تبقوا لوحدكم والساعه 10 بليل وماسك ايد مراتي مش كده بردو ??
كريم بخوف اه بس انا والله مقصدش ف
سيف قاطعه لما ضربه بقوه شديده بلبوكس وقعه على الارض وتابع بعصبيه انت مفكرني اايه ياالا عبييط علشان اصدق الهري اللي بتقوله دده ..ده والله ما هطلعك من تحت ايدي سليم خلي اللي يحصلك انهارده عبره ليك علشان قبل ماتفكر تقعد مع مراتي تاني وتعبط في الكلام وتلمسها تفتكر اللي عملته فيك وتندم الف مره انك اتجرات ومشيت ورا دماغك وجيت هنا وضربه برجله بقوه في بطنه وكريم صرخ بوجع فتابع سيف بحده وبعدين هو انا مش قولتلك امنيه خط احمر ومتهوبش ناحيتها ?? ووطي مسكه من قميصه قومه وتابع بعصبيه قووولت ولا مقووولتش
كريم بتعب ونهج قولت ..قولت
سيف بعصبيه ااه وانت عملت ايه ?? كسرت كلمتي انا ..
اللي رجاله بشنبات طول بعرض ميقدروش يكسروهاا حظك الاسود بقى انك غلطت معايا انا وانا جاحد مبسامحش وضربه بلبوكس بقوه كذا ضربه متتاليه تحت صراخ كريم اللي عينيه زرقت جامد وفاجاه طلع مازن وهو بيجري وتابع بخوف يا ابني بتعمل ايه يخربيت اهلك وراح يسلك بينهم
سيف بعصبيه اوعاا يا مااازن متتدخلش
مازن بعصبيه يا ابني هتموته وهتروح في ستين دااهيه عملك ايه خلاص كفاايه الواد مفيهوش حته سلييمه وجسمه متبهدل دم
سيف بعصبيه لو انت مكاني مش هتسيبه فالو سمحت اوعااا كده ومتتدخلش ده انا هطلع عين اهله ابن الكلاب علشان يجي في عدم وجودي ويقعد يمسك ايد مرااتي
مازن اتفاجئ وتابع بعصيبه ابن كلب وزباله وغلطان بس اكبرلي وقدرني عييب انا مش صغير معاااك وسلك بينهم بلعاافيه
سيف بعصبيه انا كبرتلك وسيبته خليه يغور من هنا يلااا
مازن بتنهيده حاضر وبص لكريم اللي شكله متبهدل خاالص وهز راسه بيـأس وتابع بحده يعني جاي تقعد في بيته وتمسك ايد مراته يابجاحه اهلك يا شيخ
سيف بسخريه لا ومتعرفش جيه ليه كمان اصل البيه كان عايز يتجوز مرااتي وهيموت من الغل اني انا اللي اتجوزتها فعايز يفهمها الحقيقه
مازن فتح عينيه بتفاجئ وتابع بحده والله العظيم عيل زباله وتستاهل اتفضل غور ومتجيش هنااا تاني ولا في حلو ولا في وحش
سيف بعصبيه ده كده كده مش هيجي هنا تاني وليله اهلها سودا معاايا اللي فتحتله وانا مش هنا دي
مازن بتنهيده سيف مراتك ملهاش دعوه واحده واحده عليها
سيف تنهد بعمق وتابع اه ماشي من عيني
كريم بحده وتعب: متقعدش تعمل افلام من دماغك انا مكنتش هقولها حاجه وعموما فعلا انا مش هاجي تاني ريح
سيف بعصبيه لا ده هو كده كده انت متقدرش تتكلم ولا تيجي تاني يا حيوان .. انت كنت بتتمنى تقولها انما معندكيش الرجوله او الشجاعه اللي تخليك تنطق ياروح امك ويلا غور وخد ضيفاتك معااك مش عايزين حاجات وسخه في الشقه وزقه بقوه لبرا وقفل الباب بعصبيه شديده وقعد علي الكرسي وباين عليه العصبيه
مازن تنهد بعمق وتابع اهدى هاا
سيف بحده شايفني بشد في شعري يا مازن مالك في ايه
مازن بتنهيده حقك تغير بس حكم عقلك مراتك فعلا ملهاش ذمب
سيف بحده امنيه عارفه انه بيحبها يا مازن مينفعش يقعد معاها لوحدهم ده ميتأمنش احنا هسنتعبط ولا ايه
مازن بتنهيده طب وهي مالها يحبيبي .. هي اللي قالتله يحبها يعني ولا ايه هي بتعامله انه ابن خالتها وزي اخوها
سيف هز راسه بايجاب كذا مره ورا بعض وتابع ايوه ايوه صح ملهاش خالص انا اللي ابن كلب ومفتري
مازن تنهد بعمق وبص على الترابيزه وفتح عينيه بتفاجئ وتابع الله يخربيت اهلك يا شيخ كسرت الترابيزه البت ملحقتش تفرح بيها
سيف بحده يخش كانت الشقه كلها تتكسر على دماغ اهله مش الترابيزه بس
مازن بضحك اهدى طيب مش الموضوع خلص خلاص وفشيت غلك فيه اهدى بقى وراح يلم الازاز فوق بعضه وهز راسه بيأس وتابع حرام عليك والله يا سيف
سيف بحده مازن الله يخليك فكك مني دلوقتي علشان انا دمي بيغلي ومش طايق نفسي وندمان اني كبرتك وبطلت اضربه
مازن شال الازاز كله بين ايديه علي الخشب المتكسر من الترابيزه وتابع بضحك كنت تكسر فيه ايه تاني يا غالي ده الواد الترابيزه بس بهدلت ضهره. احنا هنهزر ولا ايه ده مفيهوش حته سليمه
سيف بغيره : يستاهل ابن الكلب الوسخ علشان يمسك ايديها كويس
مازن بضحك والله انت فظيع يلا هنزل انا .. وهرميلك الازاز ده عايشين مع جون سينا في البيت احنا
سيف ضحك بغلب وتابع تسلم ياغالي تعبتك
مازن بحب تعبك راحه يحبيبي متقولش كده وواحده واحده عليهاا هاا
سيف بتنهيده متقلقش
مازن بحب يلا تصبح على خير
سيف بابتسامه وانت من اهله
عند امنيه في الاوضه كانت قلعت الاسدال وقاعده علي سريرها بلشورت والبدي الحماله زي ما كانت وتابعت بحده ماشي انا لما يجيلي هقوله ازاي تتجرا تكلمني بلاسلوب ده وتزعق فيااا .. انا مش خداامه عنده للاسلوب دده .. ماشي يا حسام انا هوريك ازاي تكلمني كدده اما ربيتك مبقاش انا امنيه
ولقيت الباب اتفتح برزع فاتخضت بشده وقامت وقفت بتوتر شديد وتابعت بخوف ايه يا حسام في ايه صرعتني
سيف بحده انتي اللي كلمتي مازن مش كدده ??
امنيه بلعت ريقها بتوتر وتابعت ماازن ?? لا هكلم مازن ليه اصلا ??
سيف غمض عينيه بضيق وتابع بعصبيه انا مش هعيد سؤالي تااني انتي اللي كلمتي ماازن ولالا
امنيه اتخضت وتابعت بحده ماقولت لا هتنيل اكلمه لييه انا
سيف بهدوء مخيف: تمام هاتي فونك
امنيه خافت وتابعت بتوتر ايه ??
سيف بعصبيه قولت هااتي فونك ايه اطرشتيي
امنيه اتخضت وغمضت عينيها وجابته من على الكومود وادتهوله ففتحه ودخل علي سجل المكالمات شاف مازن اول واحد فوجه الفون لوشها وتابع برفعه حاجب ايه ده بقى ???
امنيه دموعها نزلت بخوف وسكتت فسيف اتعصب ورمى الفون جامد على الارض ومسك دراعها وتابع بعصبيه هو اناا مش بتكلللم ردي علياااا
امنيه بعياط وخوف ماهو انا بصراحه خوفت عليك لو عملتله حاجه تروح في داهيه فاتصلت بمازن يلحقك
سيف بعصبيه محدش قال لاهلك خاافي علياا وبسااالك تكدبي يا امنييه فكرااني عبيط يعني ??? محدش من اهلي سمعني مازن اللي تحت خالص هيسمعني ويطلع ده انتي ليله اهلك سودااا معاياا ازاي اصلااا تفتحتي للوسخ ده وانا مش هناا انتي اتجننتي
امنيه بدموع والله العظيم قولتله حسام مش هناا بس هو احرجني وقالي وفيها ايه احنا اخوات انا جاي اباركلك وامشي فمعرفتش اتصرف فدخلته بس سيبت الباب
سيف بعصبيه وهو انتي فالحه تشغلي مخك وتتصلي بمازن يلحقني ومعرفتيش تشغليه وتجيبي شهد او اي حد يقعد معااكي ???
امنيه بحده ودموع والله مجااش في باالي خالص فعلا بطل تعاملني طول الوقت على اني مذنبه انا مقصدش
سيف بعصبيه متبقيش غلطااانه وبجحه وبتعلي صووتك انا طول منا بتكلم مسمعش حسكك خاالص انتي فااهمه
امنيه بعصبيه ودموع ليه فااكر نفسك سي السيد وانا الخدامه اللي جابوهالك ولا اييه
سيف مسك دراعها بقوه وتابع بعصبيه شديده : سي السيد واحكمك وغصب عنك انتي واهلك مش بمزااجك واحترمي نفسك علشااان والله العظيم ماسك نفسي عن اني امد ايدي عليكي بلعاافيه
امنيه بعصبيه ودموع انا معملتش حااجه لكل دده انت اللي كبرت الموضوع اووي بجدد
سيف بعصبيه قسماا بالله يا امنيه صوتك يعلي تاني والله العظيم تلاته هديكي قلم يخليكي تتخرسي مدى الحياااه .. بجااحه وقله ادب مش عاايز الاصول اللي بتقول ان طول ما جوزك مش هنا متدخليش اي رااجل البيت ولو انتي متعملتيش الاصول دي في بيتكم اربيكي انا مفيهاش مشاكل
امنيه ببعض من الحده: انت بتقول ايييه انا متربيه وعارفه الصح من الغلط كويس اوي وليا اهل عرفوا يربوني بس ده ابن خاالتي وزي اخويااا انت اللي اڤورت في طريقتك معااه وكنت هتموته
سيف غمض عينيه بضيق شديد وضرب ايديه بعصبيه علي الكومود فا الرف الازاز اللي عليه اتكسر فاتخضت امنيه بشده فتابع سيف بعصبيه شدديده متعصبنييشش وتقولي ابن خااالتي وزي اخويااا وانتي عااارفه انه بيحبكككك
امنيه بصت لايديه اللي جابت دم والدموع اتجمعت في عينيها لانها فهمت انه ضرب ايديه على الكومود بيفرغ غضبه علشان ميمدش ايديه عليها فصعب عليها اوي وتابعت بدموع حسام ايديك بتجيب دم
سيف بعصبيه شديده سيبك من ايدي خاالص يخش تولع ومسك دراعها التاني بايديه الشمال السليمه وتاابع بنفس العصبيه ده بيحب مرااتي فاهمه يعني ايه بيحب مرااتي ?? فاهمه احنا كرجاله لما بنحب واحده بيحصل ايه ?? بنشوفها معانااا افسرهالك دي كمااان
امنيه غمضت عينيها والدموع نزلت منها وتابعت عارفه بس انا مبحبش غيرك ونيتي مش كده خالص والله
سيف بعصبيه وغيره : وانا ماليش دعوه بنيتك وحط ايديه علي وسطها الظاهر من البدي وشدها ليه بقوه وتابع بغيره شديده : الحيوان ابن الكلب ده تخيلك معااه .. يعني كان عايزك … ودي لوحدها بتخلي دمي يغلي علشان انتي ملگ لياا انا وبس ومش مستحمل فكره ان راجل غيري فكر فيكي كده ونفسي كنت اموته تحت ايدي ومكنتش ههدى بردو .. المفروض بقى لما اجي اشوفه مع مراتي لوحدهم في بيتي وماسك ايديها والله واعلم قالها ايه احس بايه هااا ??
امنيه حطت ايديها على خده وتابعت بدموع فهماك والله وانت عندك حق تغير بس مفروض تثق فياا اكتر من كده انا بحترم غيابك قبل وجودك ومفيش راجل غيرك يملى عيني فبلاش تحسسني اني وحشه كده
سيف بحده انا مبقولش عنك وحشه بس انتي طايشه ومبتفكريش قبل ما تتصرفي وانا لو مش واثق فيكي مش هتجوزك واسيبك في بيتي وانا بمشي ومشغول اغلبيه الوقت فاعقلي كلامك يا امنيه انا بثق فيكي جدا وعارفك اكتر من نفسك بس تصرفااتك غلط
امنيه بدموع حقك عليا والله انا غلطانه ممكن تهدى بقى وتجيب ايدك الفهالك اللي هتتصفى دي
سيف بضيق مش عايز حاجه شكرا
امنيه بدموع حسام بجد خلاص منا قولتلك حقك عليا
سيف رايح يتكلم فونه رن فطلعه من جيبه شاف انه حسن فتنهد بعمق وتابع مكالمه شغل وخرج يتكلم في البلكونه اللي في الصالون ورد وتابع خير يا حسن
حسن ازيك يا فندم اخبارك ايه
سيف بتنهيده الحمدلله نحمد ربنا وانت
حسن بابتسامه الحمدلله بخير .. مبدائيا طبعا الف مبروك يا قائد وعقبال الباشا الصغير يارب
سيف بابتسامه تسلم يا حسن الله يبارك فيك عقبالك انت وندى
حسن بحب اللهم امين يارب .. المهم احنا رجعنا انهارده زي ماحضرتك طلبت وقولت للرجاله تستنى نشوف هتوجهنا ازاي بس هما مصممين نبدا في المهمه الصغيره من بكره بس انا قولتلهم نرجع لحضرتك الاول فاتصلت بيك اهو
سيف برفعه حاجب وبحده: يعني ايه مصممين هما بمزاج اهلهم ولا هي خراابه ملهاش حاكم مش فاهم
حسن بتوتر انا ماليش دعوه يا فندم انا قولت اوصلك الكلام اللي اتقالي بلظبط لانهم شايفين ان كده كده مفيش قائد للكتيبه في غيابك فبيفكروا مع بعض بصوت عالي وقالوا هيروحوا بكره خلاص
سيف بحده لا طبعاا ده ليله اللي جابوهم سوداا من امتى تحركاتنا عشوائيه ومن دماغكم لوحدكم ??? قولهم بكره عمر راجع وهيبقى بدالي انا فهمته كل حاجه انما محدش يتصرف من دماغه وحسابهم معاايا لما ارجع هو ايه اللي يروحوا بكره ده انتوا اتجننتوا هو انا ناقص مجانين على المسا
حسن بتوتر حاضر يا فندم هقولهم يلغوا
سيف بحده يلغوا ايه هما بدائو في التنفيذ اصلا ???
حسن بلع ريقه بتوتر وتابع لا يعني هما رسموا الخطه فاهم ?
سيف بحده فاهم !! ده انا هفهم اللي جابوهم الصح بس لما ارجع مين الحلوين اللي مش عاملين اعتبار لحد دول
حسن بتوتر يا فندم احنا كلنا قاعدين سوا وكنا بنقول كده علشان هي المهمه دي اللي علينا حاليا فكنا هنبدا فيها ونخلصها بسرعه ونرجع نرتاح شويه قبل الكبيره
امنيه دخلت وقفت جمبه بس ورا شويه وهو مشفهاش فتابع سيف بعصبيه اه يعني انتوا خلاص قررتوا من نفسكم انكم هتبدائوا بكره علشان تخلصوااا وترجعوا ترتاحوا واللي المفروض ليه الكلمه ده في ستين الف دااهيه مش كده يا حسن بيه ???
حسن بتوتر لا طبعااا يا فندم مرضتش بكده اومال انا رجعتلك ليه ??
سيف بعصبيه مين اللي عمل خطه التنفيذ يا حسن وقال بكره هنروح
حسن بتوتر يا فندم منا قولت لحضرتك كلنا قااعدين مع بعض بنفكر بصوت عالي
سيف بحده متاكد يعنيي ??
حسن تنهد بعمق وبص لمعتز وتابع اه يا فندم متاكد
سيف بعصبيه تمام المهمه تخلص لما عمر يرجع ومفيش اجازات لاهلكم خالص يا حسن
حسن اتصدم وتابع لا ماهو
سيف بعصبيه هششش خلاااص مش قولتلك مين اللي خطط قولتلي كلنا وعملت فيها شهم وجدع اقعدوا كلكم ونسوا الحلو اللي معملش لياا اعتبار وبردو هعرفه … سلااام
وقفل فتابعت امنيه بخوف يانهار اسود انت من امتى بتتعامل كده في شغلك ومهمه ايه واجازه ايه اللي بتتكلم فيها
سيف بصلها بتفاجئ وفضل يبص حواليه بعدين مسك دراعها جامد وتابع بعصبيه يخربيت اهلك انتي كمان انتي ايه مدخلك البلكونه بلمسخره دي انتي اتجننتي ???
امنيه اتخضت وتابعت بخوف مالك يا حسااام في اييه ما الستاير مقفوله هو انا باين مني حااجه
سيف بعصبيه حتى لو تقومي تدخلي البلكونه بشورت وحمااله يا امنيه! !! انتي عايزه تمووتيني
امنيه بضيق خلااص خلاص داخله ياابااي منك ودخلت
فنفخ سيف بعصبيه شديده ومسك فونه اتصل بعمر
عمر وهو سايق تابع ايوه يا سيف معاك
سيف بحده عمر انت القائد مكاني بكره لحد ما ارجعلكم زي ماقولتلك وكلهم ملهمش اجازاات خلصتوا المهمه قبل رجوعي خير وبركه يبقى انزل لوحدك مكنتوش خلصتوها انا هجيلكم ونخلصها ولما ننزل مش هينزلوا
عمر بتفاجئ الله ليه كل ده حصل ايه
سيف بحده البشوات عاملين نفسهم الواحد منهم ب 7 رجاله وفاكرين نفسهم في زريبه .. في حد منهم عمل خطه التنفيذ من غير مايرجعلي وعايزين ينفذوها من بكره ويروحوا من غير قائد علشان يخلصوا بسرعه قاال
عمر بصدمه يا نهار اسود هو احنا من امتى بلعشوائيه دي !!!
سيف بحده ده قسما بالله الواحد جايب اخره وعصبوني على المسا
عمر تنهد بعمق وتابع حقك عليا انا ولاد كلب وغلطانين .. بس حاكمت الكل ليه يا سيف مش بتقول واحد منهم بس اللي عملها
سيف بسخريه وهو حسن بيه المخلص الجدع رضي يقول هو مين
عمر تنهد بعمق وتابع الله يخربيت حسن وسنين حسن .. فطبعا اضطريت تحاكم الكل
سيف بحده بلظبط كده علشان بعد كده يحترم نفس اهله ويقول مين فا ده هيبقى درس ليه وليهم كلهم بعدين
عمر بتنهيده تمام متقلقش خير ان شاء الله
سيف بتحذير عمر قسما بالله لو قلبك هياكلك ومش هتعرف تنفذ اللي قولتله عرفني وانا هتصرف انما م
عمر بمقاطعه عيب عليك الشغل مالوش علاقه يا سيف انا بكلمك دلوقتي اخويا كام يوم كمان لما تيجي هقولك يا فندم فكل مكان ليه تصرفاته وكلامه مينفعش نخلط في الشغل
سيف بتنهيده برافو عليك وربنا معاكم يحبيبي .. يلا سلام
عمر سلام يغالي
وقفل معاه وخرج للصالون كانت امنيه قاعده مشغله فيلم وحاطه علبه الاسعافات قدامها فتابع بتنهيده انا داخل انام
امنيه بحزن طب تعالي اعملك ايدك طيب
سيف بضيق شكرا بطلت تنزل دم خلاص
امنيه بحده هو ايه اللي بطلت تنزل دم مانت بتنقط على الارض اهو
سيف بعصبيه صوتك يا امنيه علشان مروقكيش على المسا
امنيه خدت نفسها بقوه وحاولت تهدى وتابعت طب ممكن يحبيبي تيجي والفلك الجرح وتروح تنام ممكن ??
سيف بضيق انا مش حبيب حد وحلي عن دماغي علشان مش طايق نفسي ورايح يدخل امنيه مسكته وتابعت بضحك يا حسام انا مش بحايل ابني يلا بليز تعالى اعملهالك وقوم ومسكت ايديه وقعدته على الكنبه وقعدت جمبه وابتدت تعقمها بعدين حطت عليها القطن والشاش ولفتها كويس ولزقتها باللازق الطبي فتنهد سيف وتابع شكرا قومي بقى افتحي المروحه دي علشان ريحه السجاير اللي كان ابن الكلب ده بيطفحها خنقتني ومش راضيه تروح من الشقه وقام وسابها مصدومه من كلامه فقامت وقفت وتابعت وده من امتى ده ??
سيف وقف وهو مديها ضهره ولفلها بستغراب وتابع هو ايه اللي من امتى ?? مش طايقها يا امنيه مالك واستوعب هو قال ايه وسكت بصدمه
امنيه قربت منه وبصلته وتابعت برفعه حاجب لا منا فاهمه يا قلب امنيه بس من امتى ينورعيني والسجاير بتخنقك مش دي اللي كنا هنخسر بعض 100 مره بسببها وقولتلي انا مش هكون على مزاجك ولا الصوره اللي رسمتيها ومفروض تقبليني زي ما انا
سيف حاول يكون طبيعي وتابع بتنهيده ويزعلك اني بطلتها ومبقتش اشربها دلوقتي ومش طايقها ??
امنيه برفعه حاجب ده اللي هو ازاي في ال 3 شهور بردو ???
سيف نفخ بضيق وتابع امنيه والله انا مش ناقص هو انتي ايه مفيش حاجه بتريحك ولا بطلتها ناافع ولا بشربهاا نافخ ارااضيكي ازاي فهميني
امنيه اانا مبقولش اني مش عاجبني انا بقولك مستغربه ازااي قدرت تستغنى عنهاا والفتره القليله دي
سيف بضيق لا مش فتره قليله انا كنت مسافر المهمه زي ماقولتلك ومكنتش بعرف اخرج من المكان اللي انا فيه اغلبيه الوقت فمكنتش بعرف اجيبها فبلتالي استغليت ده وبطلتها علشان ارضيكي بس حضرتك مبيعجبكيش العجب
امنيه ابتسمت بفرح لانه عمل كده عشان هي طلبت منه قبل كده يبطلها فاستغل عزلته علشان عايز يرضيها وتابعت بحب لا والله عاجبني وعاجبني جداا كماان مباارك يحبيبي
سيف بتنهيده الله يبارك فيكي ومشي في طريق اوضته فتابعت امنيه بضيق بردو مضايق يا حسام ومش هتتصالح ??
سيف بتنهيده امنيه سبيني انام الله يباركلك مش متنيل
امنيه بضيق والله انت حر مش هتحايل عليك يعني وربعت ايديها وقعدت تتفرج على الفيلم وهي متغاظه منه جدا
—–
عند يونس ونور كانوا اتعشوا وقامت نور شالت باقي الاكل وغسلت الاطباق وبتعمل شاي ليونس زي ما طلب منها وبعد شويه بلفعل خلصت وغسلت ايديها ونشفتها وراحت حطت الكوبايه جمبه على الكومود وتابعت بابتسامه الشاي اهو
يونس بحب تسلم ايدك يحبيبتي
نور بابتسامه الف هنا ورجعت شعرها ورا ودنها وتابعت صحيح انا فصلت رايحه انام عايز حاجه ??
يونس بضحك رايحه تنامي فين انتي عبيطه ولا ايه
نور بحرج رايحه انام في اي اوضه من برا ماهو اكيد مش هنام جمبك يعني
يونس بضحك ليه لحسن تستفزيني صح ??
نور بحرج يونس بجد مبهزرش اتمنى تفهمني
يونس بحب يشيخه وحياه يونس القمر اللي بتخرج من شفايفك دي عيب تطلعي تنامي برا وضحك وتابع تعالي ووالله متخافيش
نور ابتسمت بحرج وبصت للارض وتابعت لالا مش هعرف انت بتقول ايه لا مستحيل
يونس يعني انتي شايفه كده ينفع ??
نور بتنهيده صدقني مش هعرف خالص
يونس بتنهيده خلاص يا نور براحتك
نور بضحك ماهو براحتي طبعا اومال براحتك انت يلا باي تصبح على خير
يونس بابتسامه وانتي من اهله
وخرجت نور ويونس مسك كوبايه الشاي يشربها بهدوء
ونور راحت للاوضه بتاعت الاطفال وبتفتحها مش راضيه فحاولت تفتحها تاني مش راضيه فنفخت بضيق وراحت لاوضه الضيوف وحاولت تفتحها بردو مقفوله فتابعت بضيق اووف في ايه مقفولين ليه دول خايفين عليهم يتسرقواا يعني
وتنهدت بعمق ودخلت ليونس فتابع بتمثيل تفاجئ الله جيتي بسرعه يعني
نور بضيق يونس الاوض مقفوله لييه ??
يونس بستغراب مقفوله ازاي يعني
نور بضيق يعني مقفوله بلمفتاح مش عارفه انا ايه الحركات دي بصراحه
يونس يابنتي تلاقي لما كانوا بيخلصوا اوضه كانوا بيقفلوها عادي
نور نفخت بضيق وتابعت طب فين المفاتيح عايزه انام
يونس بضحك مش عارف
نور بحده نعمم
يونس بضحك مش عارف فعلا نبقى نسالهم بكره بقى
نور بضيق بكره ايه يا يونس هو انا لسه هستنى لبكره هنام ازاي يعني لا هتصل بماما اسالها دلوقتي ومسكت فونها
يونس قام مسك ايديها بسرعه وتابع بحده لا طبعا اوعي تعملي كده انتي اتجننتي الناس تقول علياا ايه لما تعرف انك هتنامي في اوضه تانيه
نور بضيق اومال هتنيل اعمل ايه هاا
يونس شد منها الفون وسابه على جمب ووطى شالها بين ايديه وتابع بحب تنامي جمب جوزك طبعا وتتلمي ياروحي
نور فضلت تفرك بين ايديه وتابعت بحرج لالا نزلني مش هينفع انا هكلم ماما وهقولها محتاجه حاجه من جوه عادي
يونس حطها براحه على السرير ونام جمبها وتابع بضحك وهو بيغطيها بس يحبيبتي اتلمي مفروض في وقت زي ده انتي مش فاضيه للهبل اللي بتتكلمي فيه ده اصلااا فاهدي كده ومتفضحيناش
نور بحرج صدقني يا يونس مش هعرف بجد
يونس بضحك صدقيني انتي هنام بادبي ومش هعملك حاجه والله
نور طب بص انا عندي فكره
يونس بضحك هي للدرجه دي مشكله بلنسبه لحضرتك وبتفكريلها كمان
نور بضحك اه طبعا اومال ومسكت مخده طويله وحطتها في النص بينهم وتابعت بابتسامه بس كده
يونس بصدمه انتي ايه اللي بتعمليه ده انتي اتجننتي??
نور بضحك ايه يا روحي عملت ايه
يونس بصدمه يعني ضاقت بيكي الدنيا اوي لدرجه خلاص مالقيتيش حلول غير انك تحطي مخده بينا !!!
نور فضلت تضحك وتابعت كده احسن علشان مستفزكش
يونس بضحك لا نور متعصبيش اهلي على المسااا انتي كده فعلا بتستفزيني واخرك معايا اديلك علقه على شغل العيال ده والله اوعي يابت هاتي البتاعه دي وبيشدها
نور بضحك وهي بتمسكها منه : بالله عليك عشان خاطري سيبها وخليها عليك المره دي
يونس بضحك ده عند امك الكلام ده انا لو حد قاالي ان هيجي عليا يوم ليله دخلتي هقعد مع واحده لابسه بيجامه ميكي وبتلملي شعرها كحكه وبتحط مخده بينا كنت دبحته
نور فضلت تضحك وتابعت يا يونس وحياتي سيبها
يونس بحب وحياتك ماتخافي مني والله مش هعملك حاجه
نور بحرج عارفه بس بردو انا مكسوفه منك
يونس بضحك لا يعمري متتكسفيش الكلام ده كان زمان انما احنا دلوقتي بقينا واحد خلاص فسيبيها يلا نور تنهدت بعمق وسابتها فشال المخده رماها على جمب وطفى نور الاوضه وتابع بحب نامي يلا متخافيش
نور بابتسامه حاضر ونامت واديته ضهرها وهو نام جمبها بجمبه وحط ايديه على بطنها ورجعها شدها لحضنه فغمضت نور عينيها بتوتر وجسمها اترعش من لمسته فطبطب عليها وتابع بحب وهمس : متخافيش يا بابا مفيش حاجه فاتنهدت بارتياح وغمضت عينيها فباس رقبتها برقه شديده فتابعت بحرج يوونس
يونس بضحك الله هو انا عملت حاجه يا قلب يونس
نور لفتله فا وشها بقى في وشه وتابعت بضيق ياريت نتلم ها
يونس فضل يضحك على ريأكشانتها وتابع بحب عيوني نتلم ومنتلمش ليه وخدها في حضنه ونور رايحه تتكلم فتابع بضحك خليكي مانتي علطول بتحضنيني فخليني حاضنك ومتخافيش والله
نور بتوتر لا مش هعرف و
يونس بحب ومقاطعه قولنا متخافيش بقى ورفع وشها ليه وباس جبينها بعمق وتابع انا عمري ماهعمل حاجه انتي مش عايزاها مهما حصل فثقي في كده بجد وخدها في حضنه فابتسمت وسندت راسها على صدره فتنهد بعمق وفتح عينيه وبص للسقف وهمس كنت اقول آه لو انالهاا والان انا لها .. الحمدلله بجد وباس راسها وفضل يطبطب عليها ويبص لملامحها وهي نايمه في حضنه وهو مش مصدق ان ده حصل بجد ونور بقيت معاه عادي كده وعلطول ففضل سرحان في ملامحها شويه بعدين همس بحب نور
ملقاش رد منها عرف انها نامت فطلع المفاتيح بتاعت الاوض من جيبه وهو بيضحك بصمت وشالها تحت المخده ونام كويس وخدها في حضنه وغطاهم وتابع بضحك اومال كنتي فكراني مش هعرف هتفكري في ايه ولا ايه ?? لا ده انا حافظك اكتر من نفسك وعارف جنانك فعملت احتياطاتي وطلع عندي حق وضحك وباس جبينها بعمق وغمض عينيه ينام برتياح اول مره يحسه
—-
في شقه عمر وزينب
عمر دخل هو وزينب وشايل حسام اللي كان بيعيط وقفلوا الباب
زينب بتعب ثواني هغير وهاخده منك
عمر وهو بيحاول يسكته : ماشي يحبيبي ولا يهمك
زينب وهي بتقلع طرحتها وداخله على اوضتهم تابعت بتعب صحيح ياعمر هو سيف كان بيكلمك متعصب ليه كنت هسالك في العربيه بس نسيت لما عزه اتصلت تكلمني
عمر دخل وراها وتابع بتنهيده ابدا هو بيوصيني على الكتيبه علشان راجع بكره
زينب كانت فردت شعرها وبتفك زراير الشميز بتاعها وقفت وتابعت بصدمه راجع فين ??
عمر بتنهيده هيكون فين يعني يا زينب رايح شغلي
زينب غمضت عينيها بضيق وقعدت على السرير وسكتت فتابع عمر بتنهيده يعني هو الوضع ده جديد يا بابا علشان تزعلي كده
زينب وهي لسه مغمضه بضيق تابعت لا ماهو زعلي انا اللي غريب بصراحه اصل هو انت اتجوزتني انا الاول ولا اتجوزت شغلك معروفه شغلك الاول والاهم وفوق الكل كده كده
عمر بتنهيده ولازمته ايه الكلام ده يعني يا زينب هو اي نكد يحبيبتي وخلاص ما هي معروفه اني هرجع بعد ما الاجازه تخلص وده اسلوب حياتي ولا انتي فكراها فتره وهتخلص وهبطل اساافر مثلا
زينب بتنهيده لا مش فتره وهتخلص دي حياتنا ياعمر حياتنا اللي بتعدي وانت بعيد عني وعن ابنك ودموعها نزلت وتابعت وهنفتقدك فيها فكل ثانيه
عمر راح حط حسام على السرير وراح وطى على ركبته قدامها ومسك ايديها باسها بعمق وهو مغمض عينيه بعدين بصلها وتابع بحب ياازينب يا حبيبتي هو انا بمزاجي اني ابعد عنك ده ربنا يعلم والله العظيم غصب عني انا لو بايدي مش هسيبكم العمر كله بس منا بتعب كده علشانكم يحبيبتي هو انا رايح العب
زينب بدموع تعبت ياعمر تعبت من الاحساس ده انا اه قولتلك هستحمل بس والله الوضع صعب مكنتش اعرف اني كل مره هسيبك تروح شغلك هنهزم كده ده والله ياريتني ماجيت من عند ماما جبتني ليه طلما هتمشي وتسبني افرض عوزت حاجه
عمر تنهد بوجع وتابع بتكدبي عليا ولا على نفسك ?? انتي مكنتيش هتستحملي هناك اكتر من كده بسبب الوضع اللي بيحكم عليكي تعاملي سيف انه حسام انتي قعدتي 3 ايام بس نفسيتك تعبت هو انتي فكراني مش واخد بالي بس والله انا بردو غصب عني ده كمان المره دي سيف مش جاي وانا القائد وحاجه نيله بجد
زينب بدموع اه انا حقيقي مش مستحمله وتعبت حاسه اني وانا هناك مضطره ادوس على وجعي طول الوقت واتعامل طبيعي وعيطت بقهر وتابعت وانا ببقي هموت واعيط واقول انه راح يا عمر .. راح للابد وواحشني اوي اوي بجد وفضلت تعيط فعمر قام وقف وقومها حضنها وفضل يطبطب عليها وتابع بوجع اهدي يحبيبتي اهدي علشان خاطري الله يرحمه ينورعيني
زينب بعياط يارب يرحمك يحبيبي يارب بجد ويصبرنا بقى انا معتش قادره والله
عمر بوجع زينب اهدي يحبيبتي انتي بتنزفي وتعبانه مينفعش اللي بتعمليه في نفسك ده وفضل يطبطب عليها
وزينب فضلت تعيط في حضن عمر وهو بيحاول يهاديها فتابع بحزن طب علشان خاطري خلاص بصي ابنك بيعيط ازاي وكمان مينفعش يا حبيبي النكد اللي انتي بتعمليه ده انتي بترضعي ومسح دموعها وباس جبينها وتابع بحزن حقك عليا انا ربنا يربط على قلبك يحبيبتي ويصبرك
زينب بتعب وهي بتاخد نفسها بقوه اللهم امين يارب
عمر ابتسم بحزن وتابع ومتخافيش انا عامل حسابي واكيد مكنتش هجيبك هنا واسيبك لوحدك انا كلمت اسماء وهتيجي تقعد معاكي كام يوم بعدين روحي لمامتك لو حبيتي
زينب هزت راسها بالايجاب بحزن فقرب عمر باسها برقه وابتسم وتابع بحب فين الابتسامه القمر بقى متكشرليش كده عايز اطمن انك مش زعلانه وماشي سايب ورايا اسد
زينب ابتسمت وتابعت متخافش عليا يحبيبي انا كويسه وهخلي بالي من نفسي ومن ابنك لحد ماتيجي وتنورنا تاني لازم اقوى واكون قويه وقد الوضع ده واوريك انك اختارت صح
عمر بحب انا كده كده عارف اني اختارت صح وانتي اللي حقك عليا والله وباس راسها وتابع بحب ومينفعش فعلا مراتي انا تبقى ضعيفه انتي جوزك ظابط جيش ياابت
زينب حضنته وتابعت وتابعت بحب ومش اي ظابط ده عمر الهواري بحاله
عمر ضحك وتابع بحب نورعين عمر والله
زينب بصتله بحب وتابعت حقيقي فخوره بيك لاقصى حد وفخوره اني اختارت لحسام اب زيك يمكن اه بتوحشنا كتير وهنفتقد وجودك بس كفايه انا قاعده في بيتي بقول للدنيا كلها انا جوزي واحد من خير اجناد الارض واللي هما من بعد ربنا ليهم السبب ان مصر في امان وسط كل اللي بيحصل وان كل واحد فيكم نايم مطمن في بيته وانا من ضمنكم بسببهم .. فحقيقي ربنا يديمك لينا فخر وسند وحمايه ينورعيني
عمر حضنها وهي لفت ايديها حوالين رقبته وحضنته جامد وغمضت عينيها ودموعها نزلت بصمت فتابع عمر بحب والدموع متجمعه في عينيه ايه الكلام الحلو اللي يخلي الواحد يروح الشغل بنفس ده
زينب ابتسمت ومسحت دموعها وخرجت من حضنه وبصتله وتابعت بحب طول منا عايشه هفضل العون والتشجيع والسند ليك باذن الله وضحكت بخفه وتابع بس حقك عليا في اني ساعات بضعف وبحاسبك وانت ملكش ذمب بس ده حقيقي من حبي ليك
عمر بحب والله بموت فيكي وعارف كل كلامك ده من غير ماتقوليه ربنا يديمك ليا وانتي حسام ينورعيني ونخاويه ونجيب زينه
زينب ضحكت وتابعت ايه ده واشمعنا زينه
عمر بحب علشان على نفس وزن اسمك تبقى بنتي الكبيره زينب وبنتي الصغيره زينه
زينب فضلت تضحك وتابعت ايه ده انت بتثبتني علشان اقولك موافقه نخلف تاني صح ?? لا يحبيبي انسى جبتها منين الخدعه دي ياعمر اعترف
عمر فضل يضحك وتابع من يونس بصراحه بس انا مش بثبتك انا بتكلم جد وربنا هي مش محتاجه تثبيت هو انتي فكرك اني هقف على حسام وبس بتهزري والله
زينب بضحك معلش ههاودك بس ازاي دي جبتها من يونس مش فاهمه
عمر بضحك اصل هو اما كنا بنتكلم مره قال لو اتجوزت نور وجبت بنت هسميها نوران او نورين علشان من اسمها فجاتلي الفكره من ساعتها
زينب بضحك ااه قولتلي والله بيفهم بس هو صح ياعمر .. يونس كان بيحب نور ازاي احكيلي بالله عليك ???
عمر بضحك هقولك المختصر بس توافقي نخاوي حسام
حسام كان سكت ورجع عيط بشده فتابعت زينب بضحك لعمر: بس يحبيبي بس يابابا مش عايزه اعرف خلاص ربنا يخليهم لبعض ويسعدهم اتحشر ليه انا مثلا ?? وراحت جابت كاش مايوه تلبسه وتابعت وهي بتغير انت هتساافر وهتسبني سامع الاصوات القمر اللي انا هعيش معاهاا انسى خالص زينه يغالي هو حلو اوي حسام
عمر بضحك ياا زينب هتبقى بنوته قمر وتلبس زيك وتعملوا ماتشينج
زينب بضحك شكرا مش عايزه ماتشينج وبعدين هو انت شميت على ضهر ايدك انها بنت افرض جات واد ???
عمر بضحك ومالو يحبيبتي السعي مطلوب نحاول تاني
زينب لبست الكاش وتابعت بضحك نعم يحبيبي ?? سعي ايه يا ابو سعي لا انا صحتي على قدها روح انت اسعى في مكان بعيد
عمر بضحك قد كلامك يعني ??
زينب قعدت على السرير وشالت حسام وبدات ترضعه وتابعت بضحك احترم نفسك ياعمر هقوملك وربنا انت ماهتصدق تلزق في الكلمه ولا ايه هو علشان مراتك صحتها تعبانه عايز تخونهاا اخص مكنش العشم
عمر بضحك يا شيخه اتنيلي بقى بتتعبي من ايه هو انا اتلميت عليكي غير اسبوعين الجواز ده بالله انا ساعات بحس ان الواد ده جيه غلطه
زينب فضلت تضحك وتابعت اخص عليك بجد ليه ما انا عيشتك اسبوعين تحلف بيهم تقدر تنكر
عمر بضحك لا طبعا انكر ايه .. انكر الحسنه الوحيده اللي عملتيها في حياتنا عيب عليكي ده شكله كان هدوء يسبق العاصفه اللي حصلت لحد الان
زينب فضلت تضحك فتابع بضحك انتي بتضحكي طب والله عواصف مش عاصفه واحده بس فعلا ربنا عالم بلعذاب اللي هيحصل فكرمني بحسام بدري
زينب فضلت تضحك وتابعت الاجازه الجايه زوزا جديده خاالص متقلقش والله هعوضك
عمر راح يغير وتابع بضحك لا يا شيخه على اساس البورص الجعان اللي انت ماسكاه ده هيسبنا في حالنا ???
زينب بضحك هنتحايل عليه ينام
عمر بضحك نتحايل عليه اه .. ده والله انا لو حد باصصلي في ام الجوازه دي مش هيحصلي كده
زينب بضحك الله بدل ماتقول ربنا يديملنا الواد ياعمر ويعيش وينكد عليك
عمر غير هدومه وراح نام جمبها وتابع بضحك لا هو انا اقدر يسلام ده ربنا يديملنا الواد ووطى باس راسه وتابع ويديملنا ام الواد وباس راس زينب وضحك وتابع ويعيشوا ويحرقوا دمي وينكدوا علياا
زينب بضحك حبيبي تسلملي ويديمك لينا ياارب
عمر بحب المهم هتعبك يا زوز بس الشنطه بتاعتي حضريها هي مش هتبقى كتير متقلقيش لان انا مخرجتش كل حاجه
زينب بحب حاضر ياعمري نام انت بس علشان طيارتك بدري ويومك بكره طويل متخافش هعملهالك حتى لو كلها ده انت تعبك راحه
عمر بحب تسلميلي يا غاليه وهستناكي ننام سوا
زينب لالا نام انت ده ابنك نايم طول اليوم في حضن امي فمعتقدش فيها نوم دلوقتي خاالص فاكسب انت وقت احسن
عمر باس راسها وتابع بحب طب تصبحي على خير ينورعيني لو عوزتي حاجه صحيني
زينب بحب وانت من اهله يحبيبي
ونام عمر وزينب فضلت قاعده بحسام وماسكه الفون بعدين لقيت عمر مش متغطي كويس فرفعت الغطا عليه ووطت باست جبينه وتنهدت بعمق وهي بتبص لحسام وتابعت ماتنام يحبيبي وتخلصني قرفت امي
——
تاني يوم الصبح عند يونس ونور
نور صحيت قبل يونس على صوت المنبه واستغربت مظبوط ليه وفتحت عينيها ببطئ لما حست باشاعه الشمس الجايه من الازاز عليها ففتحت كويس لقيت يونس نايم بعمق وواخدها في حضنه فحاولت تقوم براحه من غير ماتصحيه وبلفعل شالت ايديه وحطتها براحه وغطته تاني وطفت المنبه بضيق كانت الساعه 9
وبصتله وهو نايم كان شكله وسيم جدا فابتسمت تلقائي لما افتكرت لهفته وعينيه اللي كانت بتلمع لما شافها بلحجاب امبارح ولما شاف شعرها وابتسملها باعجاب واضح واستأذنها علشان يبوسها حست انها جميله وعندها ثقه بنفسها عاليه من معاملته وحنيته عليها فحطت ايديها على خده وتابعت بضحك منكرش اني مطلعه عين اهلك اه بس والله اول مره اخد بالي انك قمر اوي كده حتى وانت نايم ده البنات مكانوش حواليك من فراغ بقى
وبصتله باعجاب وتابعت بابتسامه تصدق عندهم حق ده انا كنت بحب فرده كوتش والله العظيم وكشرت وتابعت مع اني عايزه اولع فيك واجيب حقي بس والله مابتهون عليا وابتسمت وتابعت ومقدرش انكر ان ربنا بيحبني علشان رماني في طريقك والدموع اتجمعت في عينيها وتابعت بس عارف يا يونس رغم وجعي منك الا اني مش مصدقه انك تأذيني كده .. عينيك اللي كلها حنيه دي صعب تجرح وانا بلذات عارفه غلاوتي عندك عامله ازاي .. بس مضطره اصدقك .. اصل لو مكانتش دي الحقيقه انا هموت فيها والله
وحست بغيره لما افتكرت حبه لحبيبته وتابعت ياتارا نسيت البنت اللي حبيتها واتشديت لياا فقربتلي وقررت تتجوزني وتبدا من جديد ولا بتعاملني زي ما طول عمرك بتعاملني نور الصغيره فحنين عليا علشان غلطتك وتسرعك وخلاص وتنهدت بعمق وتابعت اتمنى تحبني وتنساها وانا احبك وانسي كل القرف اللي عشته بجد وباست خده برقه وابتسمت وقامت تاخد شاور وقفلت الحمام
ويونس كان صاحي من المنبه وسامع كلامها بس لما شافها بتصحى عمل نفسه نايم ففتح عينيه وتابع بضحك هي نور باست خدي !!! يانهار ازرق هو انا بحلم ولا حقيقه وضحك وتابع يابركه دعاكي يا شهد يابنت الجزمه ده اللوح اتحركت وباستني واتغزلت فيا ايه ده بجد ازاي ده دي معجزه !!! وافتكر كلامها وتابع بضحك بردو غبيه ومبتفهمش حبيبتي ايه اللي نسيتها ولالا ياللي حبك بورص وعشره خرص يارب هي دخلت علوم ازاي دي يارب وابتسم بحب وتابع بس لالا محدش يحبها غيري بلا بورص بلا خرص انا هعرفها في الوقت المناسب وقام بكل نشاط وحيويه حاسس ان الكلام اللي سمعه من نور كفيل يخليه مبسوط اليوم كله ففتح دولابه وجاب بدله قميص ابيض وبنطلون رصاصي غامق اوي وجاكت رصاصي غامق اوي وسابهم علي السرير وراح ياخد شاور في الحمام اللي برا وبعد شويه دخل الاوضه كانت نور لسه جوه فتابع بضحك لا دي شكلها هتموت جوه بتعمل ايه كل ده يخربيت برودها ولبس البنطلون ومسك القميص وفي نفس اللحظه نور خرجت وهي لابسه البورنص ورافعه شعرها علشان مكوي فشافته صوتت
يونس اتخض ورمي القميص وتابع بخوف ايه مالك في مالك يخربيت ابوكي
نور بصت للارض بحرج شديد وتابعت انت صحيت امتى وازاي تغير هدومك هنا مش وارد اطلع في اي لحظه
يونس بص على نفسه وتابع هو انا صحيت مش شويه بس مش فاهم ايه المحرج انا مش قالع غير من فوق في ايه حضرتك
نور وشها احمر وتابعت بحرج طب يونس البس لو سمحت ووطت وشها للارض
يونس راحلها ورفع عينيها ليه وتابع بضحك انتي عبيطه ولا بتستعبطي انا اه قولتلك مش هعمل حاجه غير برضاكي بس انا جوزك فكل حاجه تانيه عادي تجوز ولا انتي شايفه ايه
نور بحرج شايفه انك تتلم وتلبس قميصك وخدت بالها وتابعت بعدين خد هنا صحيح انت لابس خروج ليه رايح فين يا يونس
يونس ابتسم بحب وتابع يااه على يونس وحلاوه يونس انا محبتش اسمي غير بسببك على فكره وبعد يونس دي مش عايز اسمع يونس من حد تاني واللي هيناديني بيونس هضربه بلنار
نور فضلت تضحك وتابعت طب بطل تثبيت وقول رايح فين يا يونس
يونس بحب انا لو عليا متحركش من جمب نوري بس عندي تصحيح وانتي عارفه
نور برفعه حاجب اه يعني ايه
يونس بضحك ايه هتتحولي ولا ايه
نور بضيق يونس متهزرش انت عايز تنزل وتسبني في صباحيتي وتفضحني
يونس بضحك علشان تحسي انتي كمان بالفضيحه اللي خليتي جوزك فيها امبارح كده متعادلين
نور بضحك يونس متهزرش الفضيحه بتاعت امبارح دي محدش عارفها
يونس بضحك لا يا شيخه فرقت يعني
نور بضحك اه فرقت لان انت لما تنزل الكل هيشوفك سيبك من اني منكده محدش عارف بس الناس لما يشوفوك نازل وسايبني بالله هيقولوا ايه معجبتهوش العروسه ??
يونس بحب ده اللي يقول كده اقتله
نور فضلت تضحك وتابعت يونس انا بتكلم جد
يونس بحب والله وانا بتكلم جد اصل مش منطقي حد يقول كده ايه الناس اتعمت ولا ايه ?? بس ان جيتي للحق لو عليا نفسي يتعموا علشان محدش يشوف جمال القمر بتاعتي خالص
نور فضلت تضحك وتابعت بص بردو هيثبتني علشان اسكت دكتور بقى فناصح وبياكل بعقلي حلاوه
يونس بحب مش بثبتك انا بتكلم جد والله وعلى عيني بس مضطر انزل علشان التصحيح كفايه اهمال الكام يوم اللي فاتوا فانا مفروض اعمل ايه ومتزعليش
نور برجاء: ممكن تجيب الورق وتصحح هنا وانا والله مش هعمل اي صوت ولا هضايقك خالص وابتسمت وتابعت وهعملك كوبايه قهوه للتركيز كمان ها ياسيدي في عروض احسن من كده
يونس فضل يضحك وتابع انتي اللي كالتي بعقلي حلاوه المره دي بس مش ده هيخليكي متقلبيش بوزك
نور هزت راسها بالايجاب بحماس وتابعت اه جداا
يونس بحب خلاص وانا تحت امر اي حاجه تفرحك وباس جبينها
نور بفرح ايوه كده ربنا يديمك ليا يارب
يونس رفع ايديها باسها وتابع بحب ويديمك ليا ينورعيني يلا هلبس انا ومش هتاخر عليكي
نور طب اقعد افطر الاول
يونس بحب لما ارجع وبدا يقفل زراير القميص ونور ومسكت الجاكت وفتحته ليه فضحك وتابع مع اني هوطي بس والله منا كاسفك
نور ضحكت وهو بلفعل وطى لمستواها ولبس الجاكت وعدله فوقفت هي قدامه وتابعت بضحك اقصر شويه هاا مش كده
يونس بضحك اطولي انتي انا مش هعرف اقصر للاسف
نور بضحك ولا انا للاسف كبرنا خلاص فهتتعود بلوقت بقى
يونس بضحك عادي يحبيبي ولا يهمك انا راضي ووقف يسرح شعره وافتكر فتابع بتنهيده صحيح يانوري
نور وهي بتختار بيجامه تلبسها تابعت ايه قول
يونس وهو بيسرح وباصص عليها من المرايه تابع انتي اخر بريود جاتلك كانت امتى
نور اتفاجئت من السؤال واتحرجت جدا فتابع يونس بابتسامه يحبيبتي احنا بقينا واحد مفيهاش كسوف عادي
نور بحرج بتسال ليه يعني
يونس بابتسامه عادي يحبيبتي بتاكد من حاجه بس
نور بستغراب حاجه ايه يا يونس
يونس راح وقف قدامها وتنهد بعمق وتابع انك تكوني حامل
نور اتصدمت وتابعت حامل !!!
يونس ابتسم بوجع وتابع مالك اتخضيتي ليه وفيها ايه يحبيبتي مانا معاكي خلاص
نور غمضت عينيها بوجع وتابعت اه بس انا مش عايزه بيبي بلاسلوب ده مش هقدر اخليه
يونس بوجع صدقيني ولا انا بس لو كان ده حصل فمضطرين اكيد مش هنرمي وغمض عينيه بوجع وسكت ثواني وتابع مش هنرمي ابننا
نور بوجع لالا باذن الله مش حامل متقولش كده علشان خاطري
يونس بوجع والله اتمنى المهم قوليلي اخر معاد امتى
نور بصت للارض وتابعت بحرج يعني من اسبوعين
يونس بصدمه ده اسبوعين بانهارده ولا اسبوعين من ساعه اللي حصل ??
نور بحرج مش متذكره بس هو يعتبر اه من ساعه اللي حصل بس مش اسبوعين بلظبط هتفرق في ايه يعني
يونس اتصدم وتابع خير ان شاء الله بس هو علشان الفتره اللي انتي قولتيها دي الحمل فيها نسبته احسن واسرع بس متقلقيش هانت اهو ونشوف ولما تيجي طمنيني يا نور باذن الله مفيش حمل
نور بفهم : ااه صح يادي الحظ الاسود ونفخت بضيق وتاابعت بوجع حاضر يا يونس
يونس باس جبينها بعمق وتابع متخافيش من حاجه انا جمبك وسواء حصل حمل او لا صدقيني هنتخطى كل ده سوا بس ساعديني
نور جاهدت متعيطش وتابعت هحاول والله
يونس ابتسم بحب وتابع يلا هنزل انا وجايلك بسرعه
نور بابتسامه حزينه. :ربنا معاك
يونس بحب ومعاكي يعمري وخرج وغمض عينيه بوجع وتابع في سره من حظي الاسود ان يحصل كده في الفتره دي ورفع عينيه لفوق وتابع يارب ارجوك ماتكسفني وكون معايا المره دي وميحصلش حمل ارجوك يارب ونزل ونور قعدت بحزن ودموعها نزلت بصمت
——-
في شقه سيف وامنيه
امنيه كانت نايمه في حضن سيف وكأن مفيش حاجه حصلت وصحيت على صوت خبط الباب فقامت غسلت وشها ولبست الاسدال وتابعت بضيق ايوه ايوه جايه حاضر وخرجت فتحت الباب لقيت امها فتابعت بفرح ماما واحشتيني وحضنتها
سميه قفلت الباب و بادلتها الحضن باشتياق وتابعت بخوف مالك يا قلب امك فيكي ايه بتصل بيكي انتي وجوزك محدش بيرد كلمت حماتك قالتلي تلاقي جسمها سخن تاني وتعبت فكانوا سهرانين وماصدقوا ناموا فامسمعوش الفون من التعب فالبست وجيتلك جري علطول
امنيه بضحك ينورعيني حقك علياا انا كويسه والله بس حسام بيعمل فونه سايلنت وهو نايم وانا فوني فصل شحن ونسيت احطه على الشاحن تعالي .. تعالي ادخلي انتي واحشتيني وي
سميه حطت ايديها على صدرها وتابعت بتنهيده اخص عليكي يا امنيه والله يابنتي قلبي قاد نار واترعبت لما عرفت انك تعبتي كده يا امنيه تتعبي ومتقوليش لامك
امنيه بضحك حقك عليا والله انا اسفه مكنتش اعرف هتتخضي كده بس قولت بلاش اقلقك ده دور برد وسخونه عادي وبصراحه حسام كان مهتم بيا جدا والحمدلله بقيت كويسه اهو
سميه قعدت وامنيه قدامها وتابعت بحب الحمدلله يابنتي وابتسمت وتابعت طمنيني عليكي عامله ايه مع جوزك
امنيه بابتسامه الحمدلله يحبيبتي زي الفل متقلقيش
سميه بحب اوعي يا امنيه اوعي تكوني بتزعليه
امنيه بضحك وليه ميكونش هو بيزعلني مثلا يا حماااتي يا عقربه انتي
سميه فضلت تضحك وتابعت اخص عليكي يا امنيه انا عقربه يا بنت الجزمه
امنيه بضحك اصل بجد ايه الاستفزاز ده .. ده ماما نرمين مبتعملش كده وبتيجي معايا مش معاه وبعدين انا بنتك يا وليه مش هو اللي ابنك
سميه بضحك وانتي عايزاني انا ونرمين معاكي يعني والغلبان ده ياعين امه ميبقاش ليه حد اهي نرمين معاكي وانا معاه
امنيه بضحك طب ايه رايك لو مش بزعله هزعلهولك بقى
سميه بضحك تطلع منك اتوقعها عادي اصلك طالعه لامك تعشقي النكد
امنيه بضحك هو اللي مفيش منه وغلبان بصراحه ومبيزعلنيش خاالص وانا المفتريه مش كده
سميه فضلت تضحك وتابعت مين اللي يزعلك يابت ?? طب ده جوزك بلسم يتحط على الجرح يطيب انما انتي قويه
امنيه بضحك اه انتي هتقوليليى اسكتي ياست الكل بالله عليكي اسكتي ده ميقدرش عليه الا ربنا دده
سميه بضحك شوف بتفتري على الواد ازاي
امنيه بضحك اتبنيه هاا متنسيش تكتبيه باسمك
سميه بضحك هو ابني من غير ورق ولا كلام فاضي قومي بس صحيهولي علشان واحشني عايزه اسلم عليه
امنيه قامت وتابعت بضحك وهي رايحه اوضتهم اممم حاضر هصحيلك البلسم اللي بيتحط على الجرح يطيطب وملاك بجناحات بيطير وهادي وسو كيوت
وسميه فضلت تضحك على كلامها وامنيه دخلت لقيته نايم زي ماهو وقالع التيشرت فغيرت هدومها لبيجامه بيتي نص وبنطلون وسرحت شعرها وفردته وحطت ميكاب خفيف بعدين راحت قعدت جمبه على السرير وتابعت حسااام .. وهزته وتابعت حسااام .. انت يا ابنيي
سيف اتخض وتابع ايه في ايه
امنيه بضيق ايه هفضل اصحيك اليوم كله اخلص قوم
سيف مسح بايديه على وشه وتابع بضيق يعني هو حد يصحي حد كده يا امنيه
امنيه بابتسامه بارده : معلش خليها عليك ومسكت التيشرت ادتهوله وتابعت ماما برا البس تيشرتك وتعالى عايزاك
سيف حاضر واتلمي متبينيش اننا بينا خلافات هاا
امنيه بضيق مش انت اللي هتعرفني الاصول
سيف برفعه حاجب طب اصطبحي وقولي يا صبح الوليه برا
امنيه بضيق حسااام انا خارجه اطلع ورايا مش ناقصه وش على الصبح وخرجت وقفلت الباب وهو نفخ بضيق وتابع والله عايز اديها علقه بس مش بتهون علياا وقام غسل وشه ولبس التيشرت وسرح شعره وطلع وتابع بابتسامه يادي النور يادي النور وانا اقول البيت منور ليه اتاري الغاليه عندنا
سميه ضحكت وقامت وقفت حضنته وتابعت منور بيك يحبيبي
سيف بحب لا والله ده انتي اللي نورتيه ايه اخبارك واخبار عم محمد طمنيني عليكم ومجاش معاكي ليه صحيح
سميه بحب احنا زي الفل يحبيبي وعمك محمد في الشغل تتعوض باذن الله
سيف بحب باذن الله بيته ينور اي وقت وبص لامنيه وتابع قومي يحبيبي حضري الفطار نفطر سوا
امنيه حاضر وقامت فتابعت سميه لالا فطاار اي انا فطرت قبل ما اجيلكم علشان صاحيه من بدري خليكم انا جايه اقعد معاكم شويه واطمن عليكم بس
امنيه قعدت وتابعت شوف حماتك بقى
سيف بحب يعني يرضيكي تيجي عندي وابنك يقولك نفطر سوا تقوليله انا فطرت طب والله هتزعليني
سميه بضحك لا يعمري مقدرش بس فعلا والله يا ابني كالت يارب يجعله دايما عامر يحبيبي وتتعوض مره تاني
سيف بحب ولو قولتلك علشان خاطري ناكل مع بعض وكلي لقمتين هتكسفيني
سميه بضحك لا كله الا خاطرك خلاص واالله منا كسفاك
سيف بضحك ايوه كده انتي حبيبتي يلا يا منونتي اعملي الفطار هتاكل معانا
امنيه بضحك هو عاملك عمل يا وليه هو ايه اللي قالك علشان خاطري توافقي ده
سيف فضل يضحك وتابع الله وانتي ايه غايظك انتي انا وامي متدخليش لو سمحتي
امنيه بضحك بتردهالي يعني ??
سيف ضحك اه حاجه زي كده احنا بدلنا خلاص
سميه بضحك لامنيه: ده الغالي جوز بنتي ده انا ربنا مكرمنيش بغيرك فانا معتبراه ابني خلاص
سيف بحب ليا الشرف والله يا امي وباس ايديها
سميه بحب ربنا يحفظك ويديمك ويبارك في عمرك يا ابني وضحكت وتابعت قولي بقى البت دي بتعملك حاجه تضايقك
امنيه بضحك يا وليه اساليه عني شويه الله
سميه بضحك لو صبر القاتل على المقتول كان اتقتل لوحده والله ياختي كنت هساله بس اهدي بالدور
سيف فضل يضحك وتابع مين اللي بتضايقني ?? امنيه !! ده امنيه دي نسمه
سميه بضحك اهو هيكدب من اولها اهو
امنيه فتحت عينيها بتفاجئ وتابعت بضحك يا وليه دافعي عني شويه. . ماشي يا ماما ماشي اخص عليكي
سميه بضحك لا تعالي متزعليش هساله عنك اهو وانت مش بتزعلها ??
سيف بحب انا ازعلها !!! ده انا بقولك نسمه ازعلها ازاي بس وباس راسها وتابع مش كده يحبيبتي
امنيه بهمس اه يا كدااب انت سيف بصلها بحده فتابعت بضيق اممم كدده
سميه بضحك مش عارفه ليه حساكم بتضحكوا عليا والله
سيف بضحك لالا عيب عليكي اهي عندك اهي اساليها
امنيه بابتسامه مفيش حاجه يا ماما متخافيش
سميه بشك والله مش مرتحالكم .. في ايه ?? بتخبوا عليا ايه يا حسام وغلاوتها عندك ??
سيف تنهد بعمق وبص لامنيه لقى عينيها فيها طبقه دموع بتحاول متنزلهاش فتابع بتنهيده طب مبدائيا انتي زعلانه مني ليه ??
امنيه بدموع اسال روحك
سيف بضحك منا بسال روحي اهو مانتي روحي
امنيه بدموع على فكره انا بتكلم جد
سيف ومسح دموعها ومسك ايديها باسها بحب وتابع والله وانا بتكلم جد والمفروض على حد علمي ان انا اللي كنت زعلان
امنيه بابتسامه : تمام اتفلق
سيف فضل يضحك وتابع اتفلق ?? ههون عليكي يا منونتي
امنيه بضيق اه تهون علشان تزعلني كويس
سيف بضحك طب ياستي اديني اتفلقت كده النصين بيحبوكي
امنيه ضحكت غصب عنها وتابعت : مبهزرش بجد
سميه بحزن حصل ايه بينكم يا امنيه وكده تخبوا عليا اخص عليكم
سيف بتنهيده بصي يا امي انا من عادتي مع احترامي وحبي ليكي طبعا بس مبحبش ابين خلافاتنا لاي حد وقولتلها في اوضتنا كده بس لما حسبتها دلوقتي بيني وبين نفسي لقيت انك هتزعلي مني لما تعرفي فقولت لازم افهمك موقفي بحيث لما الكلام يتفتح قدامك تبقي عارفه بسبب اللي هيقولهولكم كريم
سميه بصدمه كريم !! ليه ماله كريم عمل ايه وايه علاقته بخلافكم
سيف بتنهيده لا ده كريم هو خلافنا اصلا
سميه بصدمه ياموري ليه عمل ايه ابن الكلب الجزمه ده
سيف ينفع يا امي انزل اجيب حاجه واسيب مراتي بليل الساعه 10 في البيت لوحديها الاقي البيه جاي وامنيه تقوله اني مش هنا ويدخل واجي الاقيه ماسكلي ايديها
سميه خبطت على صدرها بصدمه وتابعت يانهار اسود هو ايه يدخلوا البيت اصلا وانت مش هناا هو اتجنن
سيف بطريقه ليها مغزى فهمتها سميه تابع : لا والله واعلم جاي يرغي معاها في ايه هو مكنش قال حاجه لما انا جيت
سميه فهمت واتصدمت وتابعت بحده وانتي يا مقصوفه الرقبه ازاي تدخليه وجوزك مش هنا
امنيه بضيق يا ماما انتي كمان علياا !!! والله العظيم احرجني وقالي انا زي اخوكي ومش عارف ايه فاضطريت ادخله وسبت الباب مفتوح
سميه بحده مفيش حاجه اسمها احرجك قوليله جوزي مش هنا مش هقدر ادخلك وصممي او لو اتحرجتي اوي نادي حمااتك .. نادي اي حد بس متقعديش معااه لوحدكم اما جوزك بيقول جيه لقااه ماسك ايدك لو كان اتاخر شويه كان حصل ايه هاا ردي علياا
امنيه عيطت ورايحه تقوم فشدها سيف لحضنه وباس راسها وفضل يطبطب عليها وهي بتعيط في حضنه وتابع بتنيهده اهو ده بقى اللي انا قولته بس خلاص يا امي متزعقيلهاش انا بهدلتها وخلاص عرفت غلطها واللي فات مات ومراتي انا عارف اتصرفت معاها ازاي .. انا بشهدك بس لاني عدمته العافيه ومسبتش فيه حته سليمه علشان بس متزعليش مني ونبهيه انه لو قرب ناحيه مراتي تاني هيكون فيها موته المره دي … انا قسما بالله كنت هطلع روحه بس من حسن حظه مازن جيه حااش عنه
سميه بحرج لا يا ابني طبعا عداك العيب ميتزعلش منك هو غلطان وابن ستين كلب هي دي ساعه حد يزور حد فيهاا اصلاا ولو مينفعش يدخل وانت مش هنا ولا يمسك ايديها ده اتجنن شكله انا هشتكي لامه علشان تبقى عارفه وتبعد ابنها عن بنتي خالص مش ناقصه قله ادب
سيف بتنهيده ده لو خايفه عليه فعلا تحكمه علشان وغلاوه امنيه عندي مش هسيبه فيه نفس المره الجايه وبص لامنيه وتابع بحب خلاص بقى يا بابا كفايه عياط هي امك خايفه عليكي متقصدش انما انا عارف انه مكنش يقدر يلمس شعره منك انا مراتي ب 100 راجل وعارف توقفه عند حده ازاي بس انا اتخانقت معاكي علشان غيران عليكي
امنيه بدموع والله يحبيبي مكنش قصدي كل ده وهو اصلا مسك ايدي حركه تلقائيه علشان كنت بقوله هقوم اعملك حاجه تشربها فقالي لا اقعدي انما والله انا لو شوفته اتعدى حدوده كنت مسخرت بكرامه اهله الارض انت عارف انا بحبك قد ايه وبحترمك في غيابك قبل وجودك ازاي
سيف بحب عارف والله وقولتلك بثق فيكي جدا وعارف بمشي سايب مين ورايا .. ولو زعلت منك فعلشان كنت عايزك تراجعي نفسك وتتعلمي من غلطك انما انا عارف انك متقصديش اهدي بقى
سميه بحزن اهدي يحبيبتي الهي ينكد عليه البعيد زي ما نكد عليكم كده
سيف بحب ولا نكد علينا ولا حاجه طز فيه خلاف زي اي خلاف وراح لحاله احنا كده كده مهما بيحصل بنلف نلف وملناش الا بعض في الاخر المهم الجاي مش كده يا منون
امنيه ابتسمت وهزت راسها ب اه فباس سيف خدها وتابع بحب حقك علياا اني اتعصبت عليكي جامد بس والله كنت غيران اوي ومش شايف قدامي
امنيه بحب وانت كمان حقك عليا اني عليت صوتي ومتفهمتش غيرتك وحضنته
سيف حضنها اكتر وتابع بضحك احنا بعد ما كنا هنروح محكمه الاسره
سميه فضلت تضحك وتابع الف بعد الشر عليكم ربنا يحفظكم ويحميكم ويديمكم لبعض يا ابني وعقبال عيالكم يارب
سيف بحب اللهم امين يارب
امنيه بحب يارب بجد
سميه بضحك وبعدين هو انت يتزعل منك بردو
سيف فضل يضحك فتابعت امنيه بضحك طب ياحماتي طييب
سميه بضحك االله اما انتي بنفسك اهو قولتي اني مفهمتيش غيره الراجل يعني مكنش يتزعل منه صحيح
امينه بضحك ايوه انا غلطت بس هو بردو عصبني
سيف بضحك والله انتي حبيبت قلبي يا ست الكل وقعد جمبها وباس راسها وايديها
سميه حضنته وتابعت بضحك قال عصبك قال .. حبيبي يا ابني والله انا عارفه انك مستحمل كتير مع بنتي اصل انا معرفتش اربي
امنيه بضحك يا ماااماا انا اللي بنتك بقي
سميه بضحك هتغيري من جوزك يعني يا امنيه
امنيه بضحك لا بس بردو متظلميش وتطبلي لحسام
سميه بضحك انا مبظلمش ولا بطبل انتوا حاكيتولي وهو مغلطش وانتي نفسك عارفه كده وقولتي انه مغلطش وبعدين انا راضيه ذمتك جالك قلب تتخانقي مع السكر ده
سيف فضل يضحك فتابعت امنيه بضحك السكر بيلزق حاسبي بقى وانتي مقعداه جمبك كده لميطلعش
سميه بضحك هاخده وانا مروحه علشان تعرفي قيمته بس تقدري تستغني عنه بذمتك ??
امنيه بضحك لا طبعا ده نورعيني ده نموت بعض اه بس نعيش من غير بعض لا مقدرش
سيف بضحك والله ده انتي اللي نورعيني وحبيبتي ودنيتي كلهاا
امنيه بحب اي لا يو سوماتش
سيف بحب لا تعالي هاتي بوسه ميشغلنيش الكلام ده
سميه فضلت تضحك ففتحت امنيه عينيها بتفاجئ وتابعت بحرج حسااام ماما قاعده اتلم
سيف بضحك فيها ايه انا هبوسك في خدك انتي اللي مش سالكه
سميه فضلت تضحك وتابعت تعالي يابت خليه يبوسك من خدك ظلمتيه
سيف فضل يضحك وتابع وربنا اقصد خدها فعلا لا مش للدرجه دي ده انتي قاعده حتى ياست الكل
سميه بضحك لا لو هاجي اقطع برزقكم اقوم امشي حالا
سيف فضل يضحك وتابع لالا عيب عليكي ده انتي تنوري كل يوم
امنيه راحتله وتابعت بضحك اتفضل بوس خدي واخلص علشان داخله المطبخ احضر الفطار علشان انتوا بتتكلموا في حاجات قله ادب واانا محترمه
سيف وسميه فضلوا يضحكوا وباسها بحب وتابع يلا خلاص روحي
امنيه بضحك يارب نتلم بقى الوليه قاعده
سميه بضحك لا عادي يقلب امك انا مش غريبه
سيف فضل يضحك فتابعت امنيه بضحك اه طبعا اوماال ايه يحماتي انتي
سميه بحب والله انتوا الاتنين بعتبركم عيالي وبموت فيكم بس انا لو جايه مع جوزك شويه فمش معناه بظلمك بس لاني بجد شوفت بعيني لما كنتي تعبانه اللي يثبتلي قد ايه هو بيموت فيكي وبيحبك اوي ومش هيجي عليكي ولا يزعلك واكبر دليل دلوقتي مع انك غلطانه الا انه لما انا زعقتلك اتحمق وخدك في حضنه وطبطب عليكي وقالي لا يا ماما ما تزعقيش انا اتصرفت مع مراتي .. عشان كده بقولك انتي زعلتيه ?? انما ببقى واثقه ان هو مش مزعلك من كتر الحب اللي شوفته في عينيه ليكي .. وواثقه لو زعلك هيراضيكي علطول .. وفعلا الخلاف اللي بينكم ده ناتج عن غيره لانه بردو بيحبك اوي وفي النهايه انت مالكوش الا بعض وهتتراضوا انما تعالي كده لو زعلك بجد لا طبعا مش هسكتله بس انا عارفه بنتي مع مين
سيف بحب تسلمي ياست الكل والله ربنا يديمك لينا يا غاليه
امنيه بحب لا المره دي فعلا اقنعتيني ربنا يديمه ليا ونعم الحبيب والصاحب والزوج والاخ والاب وكل حاجه
سميه بحب ويديمكم ليا يحبايب قلبي
سيف بحب اللهم امين يارب وقام باس جبين امنيه وايديها وتابع بحب والله ده انا اللي يبختي بيكي يحبيبت الروح
امينه ابتسمتله بحب وباست خده وتابعت هحضر الفطار وجايه تعاكس فيا شويه زي كده وتاكل بعقلي حلاوه زي كل مره ها
سيف فضل يضحك وتابع من عيوني حاضر
سميه بضحك يعني عارفه انه بياكل بعقلك حلاوه وبتضحكي على نفسك ومصدقاه
امنيه بضحك المشكله انه بيعجبني وهو بيعمل كده فا يلا مش مهم
فضحكوا وهي دخلت تحضر الفطار
——
عند نور كانت روقت اوضتها هي ويونس وفرشت السرير من الاول وظبطت التسريحه بعدين قعدت على السرير ورجعت ضهرها لورا وقالت تمسك الفون شويه وفتحته اتفاجئت بمسدج من امبارح من سيليا فاستغربت وفتحتها وكان مضمونها ” عرفتي ان قاسم مات يا نور ”
نور اتصدمت بشده والفون وقع من ايديها
