رواية غموض الحب عائلة الرفاعى الفصل الخامس و الخمسون
ووطى يونس شالها بين ايديه وتابع بضحك يلا كفايه عليكم اوي كده
كلهم فضلوا يضحكوا ونور بصتله بحرج وضربته بقبضه ايديها في صدره وهمست اتلم فيونس فضل يضحك فتابع سيف بضحك طب حتى اتصور معانا الاول طيب يا عريس
عمر بضحك ده لو مش هنضيع وقت حضرتك يعني
صافيه بضحك واخدين بالنا انك مستعجل بس اقف لحد ما تسلم على الناس بعدين اطلع
يونس بضحك خلاص صعبتوا عليا هستنى علشان تتصوروا واسلم على الناس بعدين اطلع ونزل نور وقفها جمبه فابتسمت بحرج
صافيه بضحك شوف كسفت البت ازااي
يونس بص عليها لقاها وشها احمر وباين عليها الحرج ففضل يضحك وتابع ايه يحبيبتي كبري دماغك عادي طز فيهم ولا يشغلك كلامهم خالص
سيف بضحك تشكر يا عم يونس مبقيناش نعجب دلوقتي
عمر بضحك من لقي احبابه يا غالي
سيف بضحك نسي صحابه اه والله صح
يونس بضحك هو يعني ايه صحاب اصلا ??
كلهم فضلوا يضحكوا فتابع سيف بضحك لالا وربنا انت واطي وندل صحيح
عمر فضل يضحك وتابع اوي بجد ده باع الكل من اولها وبص لزينب وتابع بضحك تعالي نتصور احنا يابنتي زي ما كنتي عايزه لحد ما الناس تسلم عليه ونتصور معاهم في الاخر بس يارب يستنى
يونس بضحك قولت هستني يحيوان اتلم واقعد ساكت
زينب بضحك ماشي يلا .. امنيه ابني معاكي هاتيه وتعالي علشان نتصور معاكم بردو
امنيه بحب حاضر وبصت لسيف وتابعت يلا يحبيبي
وسيف ابتسم بحب وراح معاهم
وهند راحت حضنت نور وتابعت بحب الف الف مليون مبرووك ينورعيني
نور بحب الله يبارك فيكي يحبيبتي
هند بصت ليونس وتابعت بابتسامه مليون مبروك يا دكتور عقبال عياالكم يارب
يونس حط ايديه على صدره بامتنان وتابع بابتسامه تسلمي يا هند اشكرك
وسيليا كانت وراها فحضنت نور تابعت بابتسامه مليون مبرووك ياحبيبت قلبي
نور بحب الله يبارك فيكي يا سيليا عقبالك يارب
سيليا بحب يارب وبصت ليونس وابتسمت ومدت ايديها وتابعت مليون مبرووك يا دكتور
نور استغربت نظرتها وابتسامتها ليه ويونس رايح يسلم فمدت ايديها مكانه وتابعت بضحك مصطنع :الله يبارك فيكي يا روحي بس هو مبيسلمش غير على محارمه
يونس اتفاجئ من ردها بس ابتسم برسميه وتابع الله يبارك فيكي يا سيليا شكرا جدا
سيليا بضحك اومال الاحضان اللي كانت بتحصل دي كانت ايه بقى
يونس برفعه حاجب: نعم ?? افندم ?? بتقولي ايه ??
نور بضحك بس انت يحبيبي وبصتلها وتابعت بنفس الضحك ماهو صلح غلطه اهو زي ما انتي شايفه واتجوزني مفروض يعمل ايه اكتر من كده يعني ياست سيليا مش فاهمه ??
هند بتوتر وضحك : معلش يا نوري هي سيليا بتهزر اكيد مش قصدها
سيليا بضحك اه انا فعلا بهزر مالك قفشتي ليه
نور بابتسامه لا مقفشتش ولا حاجه انا بعرفك عادي انه اهو صلح غلطه
يونس حط ايديه على وسطها وقربها منه بلجمب وباس راسها بعمق وتابع بحب عمرك ما كنتي غلطه بصلحها انتي حب عمري
نور ابتسمت بفرح بس فهمت انه بيعمل كده علشان يوري سيليا وهند انه بيحبها فتابعت بحب وابتسامه ربنا ميحرمنيش منك ابدا يحبيبي ودخلت في حضنه فحط ايديه الاتنين عليها وضمها ليه وباس راسها
هند بحب ربنا ميحرمكوش من بعض ابداا يارب ويحميكم من كل شر
سيليا بحب اللهم امين وبصت لهند وتابعت يلا حمزه عمال يرن علشان جاي يوصلني همشي انا وطلعت
فتابعت هند بحرج متحطيش في دماغك هاا سيليا اتغيرت
نور بضيق كنت فاكره كده بس عموما قصدها او مش قصدها انا مبقتش بثق في حد
يونس بتنهيده نور متشغليش بالك ممكن ??
نور بدموع ممكن انت تفهمني ??? انا سبق واطعنت من صاحبه عمري ومع الشخص اللي انا مكنتش متخيله حياتي من غيره فخلاص بجد مش هثق فيها تااني قصدهاا او لا… في نيتها او لا ميخصنيش هي تبعد عنك وغصب عنها مش بمزاجها
يونس اتوجع من كلامها وتشبيها لقاسم بانها متخيلتش حياتها من غيره بس مقتنع انها حقها فحضنها وباس جبينها وتابع بحب وهمس طب يحبيبي هنتكلم فوق ممكن متعيطيش علشان الناس متاخدش باالها
هند بحزن حقك عليا انا والله فهماكي وانتي صح بس بردو انا باكدلك ان سيليا بطلت تحب دكتور يونس
نور خرجت من حضنه وتابعت بتنهيده اللي اتلسع من الشوربه ينفخ في الزبادي يا هند وانا عارفه انها مهما تعمل جوزي مش هيبصلها بس قررت خلاص هشوفها واقفه معاه هقل ادبي عليهاا
يونس بتنهيده نور دي طالبه عندي ياريت نحكم عقلنا شويه يحبيبتي اكيد وارد اني اقف معاها بحكم شغلي
نور بحده ودموع : ولو قولتلك يا انا يا الطالبه اللي عندك هتعمل ايه
يونس بهمس حاد طب وطي صوتك الناس بتبص عليناا ولولا في اغاني شغاله كنا اتفضحنااا وانا مش قاسم علشان متثقيش فياا كده
نور بوجع عارفه انك مش قاسم وقولت انك مش هتبصلها مهما تعملك بس كل واحد منكم وجعني بطريقته
يونس بصلها بحده ووجه نظره لهند ورجعه ليها علشان متتكلمش فحاجه فتابعت نور بنفس الوجع بس عموما ده مش موضوعنا .. انا دلوقتي بسالك سؤال ريحني ورد علياا
يونس تنهد بعمق وحط ايديه الاتنين على كتافها وقربها منه وباس جبينها بحب بعدين بصلها وحط ايديه الاتنين على خدودها يمسح دموعها وتابع بحب: يونس مستعد يخسر الدنيا كلها علشان نور مش شخص واحد .. بس ارجوكي فكري فيها تاني انا مفيش بيني وبينها اي حاجه تتعدى حدود الدكتور وطالبته وده من زمان فكل كلامي معاها هيبقى كده مش اكتر
نور رايحه تتكلم سيف جيه وتابع ايه مالكم في ايه عيطتها لييه يازفت انت
يونس بتنهيده انا بردو اللي عيطتها
هند بحزن اهدي ووالله مفيش حاجه انا معاكي وهثبتلك بلوقت وحضنتها وتابعت بس دلوقتي مضطره امشي علشان اخويا جيه برا وكسر الفون رن علياا مبروك يحبيبتي وعقبال البيبي
نور بتنهيده الله يبارك فيكي يا هند تسلمي
ومشيت بلفعل فجات شهد وتابعت بقلق ايه ده في ايه مالك .. وبصت ليونس وتابعت عملتلها ايه يا يونس ما كانت زي الفل
يونس بضحك هو مفيش الا يونس ياجماعه قسما بالله ما كلمتها
سيف بتنهيده طب اوعاا انت كده وسع ووقف قدامها وتابع مالك يحبيبتي في ايه
نور بوجع مفيش حاجه يا سيف يلا صورونا علشان عايزه اطلع
سيف بتنهيده طب افهم الاول طيب حصل ايه
نور بتنهيده صاحبك يبقى يقولك انا مش قادره اتكلم المهم يلا دلوقتي علشان اخلص
شهد بتنهيده طب تعالي علشان الناس عايزة تسلم عليكي وخدتها ومشيت بيها
سيف بحده حصل ايه ?? من اولها يا يونس كده
يونس بتنهيده نور محتاجه تتعالج نفسيا ومش بهزر
سيف بستغراب ايه ده ليه في ايه
يونس اللي شافته بسبب قاسم مش سهل وخلاها فااقده االثقه فكل الناس حتى فيا وكمان موضوع اني لمستها ده منيل الدنيا زياده فقلبت وشها علشان سيليا كانت بتسلم عليا بايديها وبتبصلي وبتضحك وكلام فاضي كده
سيف برفعه حاجب كلام فاضي ولا بتحبك لسه
يونس بتنهيده وانا ايش عرف اهلي يا سيف وبعدين دي واحده مخطوبه وانا متجوز انتوا اتجننتوا
سيف بحده لا ده شكلك انت اللي اتجننت يا ابني دي صاحبتها فاهم يعني ايه صاحبتها تحب جوزهاا ولتاني مرره مش كفايه الاولانيه اللي حملت منه
يونس تنهد بعمق وتابع وهي عارفه بسيليا قبل اي حاجه بينا بس عموما انا عارف هتصرف ازاي .. نور محتاجه تطمن
سيف بلظبط كده من غير دكتور نفساني جرب معاها لو لقيت ان حياتك صعبه ومش متفاهمين بسبب قله الثقه اعرض حالتها على دكتور
يونس بتنهيده خير باذن الله
سيف بحب تعالى يلا علشان تتصوروا وخدوا وطلعوا برا في الجنينه بتاعت البيت وكانت نور سلمت على الناس وواقفه بتتصور وابتسامتها بتخطف قلبه وبعدين حضنت شهد وبتبوس خدها وبياخدوا الصوره كده
يونس بضحك الله وانا ماليش من الحب جانب ??
شهد فضلت تضحك فتابعت نور بحرج اتلم هاا
شهد بضحك ويتلم ليه ما حقه دلوقتي
سيف بضحك بوسيه يا نور مفيهاش حاجه زي جوزك يعني
نور بضحك لا طبعاا مفيش الكلام ده
زينب بضحك يابت عاادي الله مش جوزك .. تعالى يا عمر نوريها ازاي
عمر بضحك يسلام ده انا اجي جري وراح وقف قدامها
كلهم فضلوا يضحكوا فتابعت زينب بضحك عن اذنك يا قلب اختك
سيف بضحك انتي خليتي فيها عن اذنك يابنت الجزمه ماخلاص هيبتي راحت
عمر بضحك مراتي يا باشا واللي معاك اعمله
سيف بخبث انا لو عايز اعمل هعمل كتيير اوي وانت عارف كده كويس
عمر بضحك لا خلاص اختك يا بااشا وعن اذنك هناخد الصوره
سيف بضحك لا مصعبتش عليا
عمر بضحك بالله انت ما تعرف حاجه انا لو بتكلم هصعب عليك زينب فضلت تضحك وضربته في صدره وتابعت اتلم بجد
سيف بضحك منكده عليك يعني
عمر بضحك اه وربنا هي كده اصلا وصلت لي ليفل الوحش فا اللي هتتصوره قدامك هو اللي من وراك
زينب فضلت تضحك فتابع سيف بضحك جدعه يا قلب اخوكي برافو عليكي اومال انت فاكر ايه احنا بناتنا ولاد ناس
كلهم فضلوا يضحكوا فتابعت نور بضحك الله اومال اشمعنا انا بقى اللي عايزني اعمل كده
سيف بضحك لا ماهي هتبوسه اهي هوافق بكده عادي احنا اه بناتنا ولاد ناس بس مش اوي يعني
كلهم فضلوا يضحكوا فتابعت امنيه بضحك عندك 100 ذمه وضمير انت خد بالك
سيف بضحك لا يا غزال .. انت ملكش دعوه بلكلام ده يا قمر .. ده منطبق على بنات الرفاعي بس
كلهم فضلوا يضحكوا فتابعت شهد بضحك اه طبعا خاف تطبق عليه
سيف بضحك اه والنبي ياشهد انا مش ناقص انتي متعرفيش حاجه
امنيه بضحك طب اتلم يحبيبي هاا وداست على رجله
سيف تأوه وتابع بضحك اه اه يابنت الجزم انتي
زينب بضحك والله تستاهل وبحيث كده انا من عيله الهواري مش تبعكم فمينطبقش عليا الكلام ده
كلهم فضلوا يضحكوا فتابع عمر بضحك اصيله يا غاليه بس والله بتنفذي شروط اخوكي فعلا
زينب بضحك ياعمر اتلم بجد ده انا بحب فيك
عمر فضل يضحك وتابع هتلم حاضر
سيف فضل يضحك وتابع ماشي يابنت الجزمه بيعتي اهلك يعني وبقيتي زينب الهواري
زينب فضلت تضحك وتابعت جوزي الله ايه مزعلكم انتوا
امنيه بضحك لا يعمري مالهمش حق جوزك صح سيبك منهم
شهد بضحك طب يلا اخلصوا بقى واتصوروا ام الصوره دي علشان نور تقلدكم
نور بضحك معلش ههاودكم بجد
يونس بضحك بس يابت اخرسي
نور بضحك هتشوف
وزينب وقفت جمب عمر فحط ايديه عند وسطها وشدها ليه وابتسم وبص للصوره وزينب وقفت على اطراف صوابعها وباست خده وشهد صورت الصوره وتابعت بحب جمرااات
نور بحب والله عسل فعلا
يونس بضحك طب اهو عجبتك يلا نعمل زيهم اشمعنا هما
نور بضحك لا انا بيعجبني بس انما مبقلدش
شهد بضحك نور بالله عليكي يلا
زينب بحب وريني الصوره
شهد جابتها وتابعت بحب اهي
عمر باعجاب جامده تسلم ايدك
زينب بحب حلوه اووي متنسيش تبعتيها
شهد بحب عيوني وبصت لنور بضيق وتابعت يلاا اخلصيي
سيف بحب علشان خاطري انا يا نور يلا
نور بحرج طب ماتبصوش
كلهم فضلوا يضحكوا فتابع يونس بضحك لا متأفوريش بجد ليه هتعملي ايه يعني
نور بتوتر طب بجد هتفضلوا تضحكوا وتخفوا دمكم مش هتصور
شهد بضحك لالا خلاص والله يلا بس .. وهات الطوبه دي بس يا عمر علشان تطوله
كلهم فضلوا يضحكوا بشده وعمر راح حطلها التوبه فتابعت نور بغيظ انتي بتتنمري علياا يا عمتي يا عقربه انتي
شهد بضحك عمتك طولك يا قلب عمتك ده انا خليت اخوكي هد الحديد اللي عمله في سور البلكونه وقصره شويه بلا وكسه
كلهم ضحكوا بشده فتابع سيف بضحك لا مش قادر بجد انتوا وامنيه مفروض نعملكم كل حاجه عموله خاصه بحجم علب الكنز ده
امنيه فضلت تضحك وتابعت انتوا اللي طوال والله الله
يونس بضحك احنا بردو اللي طوال ده انتوا الناس كلها اطول منكم هنستعبط ولا ايه
سيف فضل يضحك وتابع اه حصل وربنا تخيل 155 سم تعمل فيا انا كده
عمر فضل يضحك وتابع انا اكتر واحد مبهور بصراحه
سيف بضحك بس يا حيوان اخرس خالص
زينب ضحكت علشان فاهمه فتابع عمر بضحك بتلقطي اسرع من البلوتوث انتي
زينب خبت وشها في حضنه وفضلت تضحك وهو زيها وتابعت من بين ضحكها ادي الحب وعمايله يسيدي بيعمل شبح في اماكن واماكن
عمر فضل يضحك وتابع اومال ده انا بقولك انبهرت
سيف بضحك ولاد كلب والله مش هقول اكتر من كده
زينب فضلت تضحك فتابعت امنيه بضحك طبعا يا بنتي هو انا اي حد
زينب بحب والله فعلا انتي زينه البنات
امنيه ضحكت وحضنتها وتابعت بحب حبيبت قلبي يا عمتي
سيف بضحك طب واخو عمتك مالوش نصيب
امنيه ضحكت وراحت حضنته فباس راسها وتابعت بضحك حبيب قلبي يا اخو عمتي
سيف بحب العين والنني والله
امنيه ابتسمت بحب وسندت راسها على صدره فحضنها فتابعت زينب بحب يلا تعالوا اصوركم واتخضت وتابعت صحيح حساام فين ???
امنيه بحب اهدي متقلقيش لما اتصورتوا معاه زن فماما نرمين كانت واقفه فخدته
زينب تنهدت بارتياح وتابعت بحب طب الحمدلله .. يلا اصوركم
امنيه بحب يلا
وعند يونس
نور وقفت على الطوبه وكانت بتتهز هتقع فمسكها يونس وقربها منه وفضل يضحك وتابع يا شهد اخلصي في ام الليله الزرقه دي
شهد بضحك طب الصوره بتطلع مهزوزه اعمل ايه انا يعني الله
نور بضيق مهزوزه ولا قاصدك تعيديها كتير وتطري على قلب اخوكي
يونس فضل يضحك فتابعت شهد بضحك اه قصدي اطري على قلب اخويا .. حيوانه صحيح
نور بضحك اخلصي بجد
شهد بحب حاضر والله يلا
نور بصت عليهم بحرج فتابعت شهد بضحك اخلصي مش مركزين معاكي بيصوروا امنيه وسيف
يونس بصلها بحده وتابع لمي لسانك متقوليش سيف
شهد بتذكر اه اه صح سوري والله ماقصدت يلا يا نور
نور بحرج طب شوفي علشان لو بابا او مازن او احمد دخلوا مش هعمل كده
يونس فضل يضحك فتابعت شهد بضحك يخواتي علي الادب والتربيه ياناس وراحت وفضلت تبص عليهم ورجعت وتابعت لا هما بعيد بيتكلموا مع الناس اخلصي بقى قبل مايجوا يطلبوا يونس يسلم
نور خدت نفسها بقوه وقربت منه بتوتر وباست خده وشهد صورتهم وتابعت بضحك ايوه كده اخيراا
نور بحرج طب يلا هنزل ورايحه تنزل فايد يونس اللي على وسطها منعتها وتابع بضحك ايه هتنزلي قبل ماتاخدي واجبك
نور بحرج علشان خاطري اتلم
يونس فضل يضحك وتابع يابت مالك في ايه ده انا هبوس خدك عادي بوسه بريئه وقدام شهد كمان
نور برفعه حاجب اومال في من ورا شهد ??
شهد بضحك اه طبعا اللي مش بريئه
يونس فضل يضحك وتابع بلظبط اهي جاوبتك اهي
نور ضحكت بحرج وتابعت اتلموا بجد
شهد بضحك سيبك منها يا قلب اختك عيش يلا
يونس بضحك قلب اخوكي انتي والله يابت يا شهد وقرب باس نور في خدها وهي اتوترت وغمضت عينيها فتابعت شهد بضحك لا يعمري مينفعش تغمضيلي هنا بصيلي يابت ياخرعه انتي جتك نيله
نور ضحكت هي يونس فبصتلها وتابعت اهو ياختي اخلصي
وشهد صورتهم وفضلت تصورهم كتير وصورت نور لوحدها بردو كتير وكلها صور باينه فيها زي الملايكه وهاديه ورقيقه وطالتها حقيقي سحرتهم كلهم خصوصا يونس
بعدين يونس وقف يسلم على الناس ويتصوروا معاهم ونور جمبه لحد ما الكل مشي ووقفوا العيله كلها تتصور صوره جماعيه بعدين تابع منصور بابتسامه يلا يا يونس خد عروستك وعلى شقتك الساعه بقيت 7
يونس بابتسامه حاضر طالع وشاف صافيه واقفه بعيد شويه بتعيط فراح باس راسها وتابع بحب بذمتك بتعيطي ليه
صافيه حضنته وتابعت بدموع : فرحانه ليك يا ابني فرحانه ليك وهطير مش قادره اصدق ان ربنا استجاب وشوفتك عريس والله العظيم وكمان جمعك بلبت اللي محبتش غيرها في الدنيا
يونس الدموع اتجمعت في عينيه وتابع بحب يارب يديمك ليا وميحرمنيش منك ابدا يا صفصف بجد
صافيه بدموع انا عارفه انك ملمستش بنت عمك وعارفه انك حافظت على شرفك وشرف عيلتنا من انه يتبهدل بس ارجوك يا ابني اوعا في يوم توجعها او تحسسها بكده و
يونس بمقاطعه بس بس بتقولي ايه وعينه لمعت وتابع دي نور .. ومهما احاول اوصفلك يعني ايه نور عندي مع انك عارفه بردو مش هقدري تتخيلي بموت فيها ازاي وبعدين انا اللي لمستها هوجعها بايه
صافيه ابتسمت بدموع وتابعت علي صفصف يا يونس عموما يا ابني هعمل نفسي مصدقاك ويارب يخليهالك وميحرمكش منها ابداا انت الوحيد اللي فعلا كنت تستاهلها وضحكت وتابعت وشد حيلك بقى علشان عايزه اشوف ابنك او بنتك قبل ما اموت
يونس حضنها وتابع بس متقولش كده الف بعد الشر عنك يحبيبتي وبلنسبه للموضوع ده سبيها على ربنا علشان اكون صريح معاكي ومش كل شويه تقوليلي كده انا مش هجبر نور على حاجه
صافيه ماهو على ربنا طبعا بس اعمل اللي عليك دي بقيت حلالك خلاص مفيش حاجه اسمها تجبرها وشاورت لنور وتابعت بصوت مسموع تعاالي هنا يا نور عايزاكي
نور مسكت فستانها وراحت وقفت جمب يونس وتابعت نعم يا تيته
صافيه بحب اسمعي يا قلب تيته انا هقولك كلمتين تحطيهم حلقه في ودانك يمكن عايده نسيت تقولهملك بحكم الظروف اللي دخلنا فيها
نور بابتسامه اتفضلي طبعا سمعاكي
صافيه تنهدت وتابعت انتي ربنا اداكي راجل لو فضلتي تدوري في الدنيا كلها على واحد احسن منه يصونك ويحافظ عليكي ويحبك مش هتلاقي وبعيدا عن كل اللي حصل منه ده ابن عمك ومش غريب عنك واحنا عارفينه وعارفين تربيته بس دلوقتي هو بقى اكتر من كونه اخوكي الكبير او صاحبك
نور بابتسامه فاهمه والله
صافيه حطت ايديها على خدها وتابعت بحب وطلما انتي فاهمه هتبقي بردو عارفه ان هو خلاص بقى جوزك وليه عليكي حقوق ومينفعش نقصر فيها ولا ايه
نور اتوترت وتابعت بصي يا تيته هو
صافيه بمقاطعه مفيهاش بصي يا قلب تيته ده كلام ربنا وفيها حلال وحرام مش موضوع نتناقش فيه
يونس رايح يتكلم فتابعت صافيه هشش اسكت انت انا بكلمها هي متدخلش خالص
يونس بتنهيده حاضر وبص لنور بمعنى متخافيش طاوعيها
فابعت نور حاضر يا تيته متقلقيش والله
صافيه برفعه حاجب لا والله اقلق وخصوصا انا عارفه حفيدي اللي مشافش ربايه بصلك ليه
يونس فضل يضحك وتابع هو انا عملت حاجه يا صفصف مالك بتفتري عليا ليه
صافيه بتنهيده انا عارفه انك مش هتقرب منها غير لما هي تحن وتوافق وده الله واعلم امتى يعني بتضحكوا عليا بس عموما هثق فيكي يا نور علشان قولتيلي حاضر وفي تربيتنا ليكي ومعرفتك بكلام ربنا واما نشوف بعد 9 شهور هيحصل ايه
نور بصت ليونس بذهول وتابعت الحق
صافيه ايه ياختي يلحق ايه قولت ايه انا ???
يونس فضل يضحك وتابع لا ماهو انا لازم الحق فعلا انتي هتشتغليلي في شغل الصعايده من اولهاا ولا ايه فضلتي ورايااا وبتدعي اتجوز اديني ريحتك واتجوزت انما الخلفه دي بتاعت ربنا مش داخل بيه انا علشان تعديلي 9 شهور
صافيه فضلت تضحك وتابعت لاياخويا شدواا انتوا حيلكم وربنا هيكرم انا حملت في عمك ايمن من تالت يوم فرح
يونس فضل يضحك وتابع ايوه يعني انتوا بمزاجكم بردو يا صفصف ماهي اراده ربنا مش جمدان من الحج يعني متعصبوناش بقى
صافيه بضحك انا مقولتش بمزاجكم يا واد بس تعملوا اللي عليكم الله
نور بابتسامه حاضر صدقيني متقلقيش
يونس بصلها بعدم تصديق وحاول ميضحكش وتابع طب هنطلع احنا بقى يا صفصف عايزه حاجه
صافيه بحب يونس الصغير او نور الصغيره
يونس فضل يضحك وتابع انتي فظيعه ومش معقوله بجد ووطى شال نور بين ايديه فحطت ايديها حوالين رقبته وابتسمت وتابع لصافيه : تعالي معلش يا صفصف افتحيلي الشقه علشان هما قعدوا في الجنينه واتلموا حوالين بعض وانا بصراحه مش عايز انده حد فيهم هيفضلوا يحفلوا للصبح
صافيه بضحك تعالي يعمري هفتحلكم انا
وطلعت ويونس شايل نور وبيطلع وراها
نور بهمس تعباك نزلني عادي
يونس بحب بذمتك كلك علي بعضك متجيش 50 كيلو والفستان يجي 3 او 4 تتعبيني في ايه بس
نور بضحك طب ده مدح ولا ذم
يونس بحب مدح لاني كده كده شايفك جميله فكل الحالات
نور بتعجب وده من امتى ده ?
يونس تنهد بعمق وتابع لا ده علطول بس انتي اللي عبيطه شويه
صافيه بحب يلا يعمري فتحتهالكم اهي تعالوا ادخلوا
—–
تحت في الجنينه كلهم قاعدين على الكراسي وعاملين دايره وبيتكلموا فتابع مازن بتنهيده لا بس سؤال فعلا ومش عايز خفه دم وهزار ايه كميه الحب اللي في عينين يونس لنور دي
سيف بابتسامه وانت بتبصلي ليه على اساس معايا الاجابه ??
مازن بابتسامه والله كلنا عارفين ان سر يونس معاك
سيف بضحك وانت متخيل لو هو قالي سر ولا انت قولتلي سر هقوله ??
احمد بستغراب ايوه يا حسام بس دي بقيت مراته فعادي لو بيحبها مبقاش سر وبصراحه احنا قولنا البت حلوه وصغيره واحلوت في عينيه وغلط فقرر يصلح غلطه مبلوعه انما اللي حصل ده كانه بيعشقها
عمر بتنهيده ولنتفرض ايه العيب فانه بيحبها ??
مازن بتنهيده مفيش عيب طبعاا انا بس بسال علشان اطمن على اختي
سيف بحب واختك اختي وانا بقولك ربنا بيحبها وعوضها
مازن بوجع مش هعرف اتخطى صدقني انا خلاص مبقتش بثق في حد شوفت كتير وبقيت لوحدي وصحابي اقرب ما ليا واحد مات والتاني اتعدم
امنيه بصدمه ايه ده ياحول الله يارب تقصد مين
كلهم اتصدموا لان فعلا محدش خد باله خالص وسيف اتوتر وقلبه دق بعنق وتابع مازن بوجع ودموع لا ابدا ده .. ده اتنين صحابي من اعدادي خسرتهم بسبب فلوس وكده وواحد منهم عمل حادثه ومات والتاني اتمسك في قضيه واتعدم فانا متاثر شويه
امنيه بحزن ياربي ايه وجع القلب ده بس انت مش لوحدك وبعدين هو من امتي حسام قريب ليونس اكتر ماهو اخوك بردو وطول ما اخوك عايش يبقي متقولش انك لوحدك
مازن تنهد بوجع وتابع اكيد طبعا ده حبيبي ربنا ميحرمناش منه
سيف اتوجع وقام وقف وتابع بتنهيده هعمل مكالمه وجاي
امنيه ابتسمت وهزت راسها بماشي وعمر رايح يقوم فتابع مازن بتنهيده خليك انا رايحله وقام وراح لسيف
ياسمين بتوتر مش عارفه ايه قلب االقاعده نكد كده بس هو مازن كل ما يفتكر صحابه علي كده
شهد تنهدت بوجع وتاابع ربنا يرحم الجميع
نرمين دموعها نزلت ومسحتها وحاولت تكون طبيعيه وزيها زينب اللي دفنت وشها في حضن عمر وعمر طبطب عليها وباس راسها فتابعت امنيه بتنهيده وعلي كده قاسم لسه صاحبه ولا خسره بسبب الطلاق ده
عايده بتنهيده لا يابنتي خسره ما المثل بيقول صاحبك ولا تشاركه ولا تناسبه وطبعا لما حصل كده مازن مهما كان هيختار اخته
امنيه بتنهيده اه والله عندك حق ربنا عوضها بسيد سيده والله
عايده بحزن ربنا يسعدها ويفرحنا بيهم يارب
امنيه بحب يارب اللهم امين وبصت لزينب وتابعت بستغراب مالك في ايه
زينب بصوت مبحبوح وهي دافنه وشها في حضن عمر : مفيش يا قلبي بطني واجعاني شويه
امنيه بحزن طب روحي يحبيبتي قومي ريحي
زينب اممم كده كده هنمشي يلا ياعمر
نرمين بتنهيده خليكي يابنتي امشي بكره بعد ما تطمني على بنت عمك
زينب بتعب هكلمها فون حقيقي مش قادره عايزه اروح
عمر بتنهيده خلاص ياماما سبيها على راحتها وقومها وتابع هنروح نلم حاجتها خلي حسام معاكي لغايه مانخلص
نرمين بتنيهده ماشي يحبيبي
عند سيف ومازن
مازن بتنهيده طب ايه هتفضل ساكت كده كتير
سيف بوجع عايزني اقول ايه
مازن وجه وشه ناحيته وتابع تقول اللي جواك .. تقول اللي حاسه
سيف بوجع اللي حاسه ??!! اللي حاسه ان الدنيا كلها جايه عليا انا مش عارف اتعايش مع الوضع ده ودموعه نزلت وتابع ولا قادر اعيش من غير اخوياا انا تعبت يا مازن والله العظيم تعبت ده تؤامي .. فاهم يعني ايه كل يوم ببص في المراياا بشووفه .. طب فاهم يعني ايه وانا بقرب من مراتي بتهمس باسمه هو .. طب فاهم يعني ايه حاسس اني خدت حاجه مش بتاعتي رغم اني حبيتها الاول .. طب فاهم يعني ايه سيف بنسبالها صفر على الشماال متعرفهوش اصلا و بتموت في حساام االلي مات اصلاا ودموعه نزلت وتابع واللي موته كسرني انا كمان وزود الحمل علياا اكتر بس انا مضطر اقبل بكل ده ومضطر افضل قوي علشااان مينفعش في ام واب واخت ملهمش غيري ومسنودين علياا. . ومراتي وتابع بنبره مليانه قهر: مراتي اللي محبتش حد غيرها عمري كله فاهم هتعمل ايه لما تعرف الحقيقه ده مش بعيد تطلب الطلاق وانا والله مقدرش استغنى عنها انا تعبت من كل حاجه بجد ودماغي مش راضيه تسبني في حالي
مازن حضنه ودموعه نزلت وسيف غمض عينيه بقهر ودموعه نزلت بصمت فتابع مازن بوجع حقك عليا .. حقك علي عيني بجد ودموعه نزلت وتابع شيلتك تقيله اوي بس والله انت قدها يا سيف ربنا مش هيحمل عبده فوق طاقته ابداا وانت طول عمرك حمال ااسيا وبتستحمل .. وفاهم والله ان كل ده بيوجعك بس خليك حاطط في بالك انك مش وحش زي ما الشيطان بيهيالك كده وبصله وتابع دي مراتك وحلالك يا اهبل وفوق كل ده حبيبتك فانت معملتش كده انسانيه منك بس ده من حبك فيها وانك مش مستحمل تعبها روحت قومتها واتجوزتها فاهدي كده ومتفكرش في بكره سيب بكره للي عارف بكره ويارب يصبرنا يحبيبي على فراقه والله كاسرني للنهارده زيك ومش قادر استوعب بس هنعمل ايه قدر الله وما شاء فعل مضطرين نقبل لان وجعنا مش هيغير حاجه ودموعه نزلت بوجع
سيف بوجع ونعم بالله يارب يصبرني لاني حقيقي تعبت ومش قادر اكمل حياتي بلوضع ده بتمني اقدر اعرف امنيه في اقرب وقت
مازن بدموع يارب يحبيبي ويريح بالك وحقك عليا اني اتكلمت قدامها بجد
سيف حضنه وتابع بوجع بس يعبيط ده انت اخوياا وغصب عنك من وجعك طلعت اللي جواك ده انت اللي حقك عليا على احساسك ده وعارف ان موت قاسم امبارح اثر فيك فحقيقي اللي انت شوفته بردو كتير ومحدش يتحملوا
مازن بوجع دموعه نزلت وتابع الله يرحمه بس انا مش هقدر اسامحه
سيف بوجع حقك بس بعيدا عن الوسخ ده .. انا موجود واخوك وعيب اوي لما تقول انك لوحدك وانا عايش
مازن ابتسم بوجع وحضنه وتابع ربنا ميحرمناش من وجودك وطلتك علينا يا غالي
سيف طبطب على ضهره وتابع بحب ولا يحرمني منك يحبيبي وبصله وتابع واجابه سؤالك علشان اريحك ااه يونس بيحب نور ومن زمان اوي ومن يوم ما وعيت وهي البنت اللي فضل يحبها عمره كله مش ميرنا وهي اللي بسببها اعتزل فكره الجواز لما الوسخ ده خطبها
مازن بصدمه لا بتهزر بجد ازاي يعني و
سيف بمقاطعه ازاي وايه التفاصيل وازاي قدر يلمسها وكل الكلام ده صدقني مش هيفيد بحاجه خلاص اللي حصل حصل انا بريحك يا مازن لاني فاهم ان نور بنتك مش اختك وانت مقهور عليها بس بطمنك ابن عمك بيعشق التراب اللي بتمشي عليه فمتخافش عليها والله ربنا بيحبها وعوضها وخد بالك متجبش سيره موت قاسم قدامها علشان هو مرضيش يعرفها دلوقتي
مازن بوجع وصدمه حاضر مش هقولها .. بس ازاي !! لو زي مابتقول بيحبها الحب ده يبقى اكيد مقدرش يأذيها كده وعينيه اتجمع فيها الدموع وتابع اوعاا يا سيف يكون شال غلط غيره علشان بيموت فيها وبيحبها الحب ده اوعاا والله ضهري يتقسم فيهاا
سيف ابتسم بوجع ومحبش يوجعه ان نور حصلها كده من حد تاني وميعرفش مين فتابع لا هو اكدلي انه قربلها بس مش قاصد اذيه هو بيحبها فمعرفش يسيطر على رغبته بس مش اكتر وانت فاهم الكلام ده بلذات لما تكون مع اللي بتحبها بيحصل ايه
مازن بوجع فاهم بس مش قادر افهم ازاي قدر يعمل كده بردو
سيف تنهد بعمق وتابع صدقني الاحسن ننسي علشان اختك كمان تعرف تنسي
مازن بوجع متهيالك … كنت نسيت اللي عملوا قاسم من 3 شهور ونص .. انا مبعرفش انسي حاجه وجعتني وورتني اني كنت مغفل وغبي وده بهدل شرفي مش داس على رجلي بلغلط .. فربنا يسعدهم بس انا فعلا ابن عمي وصاحب مشواري مات وانا بنسباله موت خلاص ومشي
فتنهد سيف بعمق وهز راسه بيأس فجات امنيه وتابعت بابتسامه انا جعانه يلا نطلع علشان اعمل الغدا
سيف ابتسم بحب وتابع يلا يعمري
—-
عند يونس ونور
نور كانت قاعده زي ماهي على السرير بفستانها المنفوش حواليها وشكلها زي الاميرات ورقيقه خالص فدخل يونس وهو قالع جاكت البدله بس وتابع بستغراب ايه ده انتي لسه مغيرتيش
نور بتنهيده مش انت قولتلي هنصلي فانا اتوضيت بيه وهغير لما اصلي بلمره
يونس بحب طب تمام يلا قومي وفرد السجاده ووقف ونور وراه وبدائوا يصلوا وفضلوا يصلي هو ونور وبعد شويه خلصوا فقامت نور وقفت ووطى يونس بسجود وافتكر كلام مامته
فلااااش بااااك
لبنى بدموع استهدى بالله يابني استهدى بالله يحبيبي ده ربنا بيحبك فبيجربك في الغالين عليك وحطت ايديها على خده وتابعت بابتسامه ودموع مره قريت مقوله بتقول وهل يبتلى الانسان الا في من يحب؟؟؟!!! ده اصعب ابتلاء يحبيبي وانت قده وطبيعي تحس بلضعف اومال اسمه حب ليه ??? انت لو مضعفتش علشان دي حبيبتك وانت مش قادر تيجي عليها ولا تكرها ولا حاجه من الحاجات دي يبقى ازاي بتحبها ??? ماهتبقى زيها زي اي حد بس طول عمره الحب بيلازمه ضعف ومش عيب يحبيبي انت كل اللي تعملوا ادعي .. ادعي ربنا يا يجعلها نصيبك يا يشيل حبها من قلبك خالص
يونس بدموع بدعي صدقيني بس باجي عند النقطه دي مبقدرش اقول يشيل حبها من قلبي انا فعلا عايزها بس مش هقدر اكون معاها فهماني مش قادر حقيقي اشوفها لغيري بعيني كده ولا قادر اقربها خلاص هي خلصت وانا عارف انها خلصت بس مش عايز اصدق
لبنى بدموع فهماك يحبيبي ربنا يهدي نار قلبك ووجعك ينورعيني ويطبطب عليك وقادر يعمري يديك سؤال قلبك لاجل صدق مشاعرك والحاحك عليه والله قادر اطلبه كتير يا يونس وهيستجيب والله ربك لا يعثر عليه امر ده هو حاطط كل الحب ده جواك لاجل انها نصيبك انت باذن الله وهيحصل وهتفتكر وتقول ماما قالت وعيطت وتابعت وبعدين انا بردو مش قادره اشوفك كده يا يونس مش قادره اشوفك تعبان انا بموت الف مره من قله حيلتي ومسحت دموعه وباست جبينه
يونس ابتسم بحزن وتابع ربنا يسمع منك يا غاليه بجد وميحرمنيش منك ابداا
لبنى بدموع وحب ولا يحرمني منك يا ابن قلبي ونورعيني وباست جبينه
بااااااك
ودموعه نزلت وهمس بامتنان شديد: اللهم لك الحمد كما ينبغي لجلال وجهك وعظيم سلطانك .. فعلا يا امي كلامك صح وربنا استجاب وريح قلبي واداني اللي انا عشت عمري كله بتمناه ..
نور وهدايتها للحجاب … الحمدلله خدت كل اللي اتمنيته وحقيقي مكنش ناقصني غير وجودك جمبي انهارده وتشاركيني فرحتي بس اللي معزيني ومصبرني اني واثق انك في مكان احسن .. الله يرحمك يحبيبتي ويصبرني على فراقك ومش عايز حاجه من اللي جاي غير ان نور تشوف فعلا ان محدش حبها قدي وتحبني لاني بجد مش هقدر اجبرها على اي حاجه وحقيقي كلمه الحمدلله الف مره مش هتوفي فرحتي بترتيب ربنا يعني في عز منا بشكي لشهد ان مستحيل ابقي مع البنت اللي حبيتها .. قاسم كان عمل اول خطوه في نهايه علاقتهم .. انا فكرتها اتعقدت وانت يارب كنت بترتبها وعارف وشايف ان محدش هيحبها قدي فجمعتني بيها فحقيقي بشكرك على استجابتك وجبرانك لخاطري وقلبي
ومسح دموعه وقام وقف وشال السجاده فتابعت نور بابتسامه تقبل الله
يونس بحب منا ومنكم يعيوني
نور بحرج هو انت ممكن تفتحلي سوسته الدريس
يونس بحب ممكن طبعا ايه الادب والكسوف ده مالك يا نور في ايه وضحك وتابع ده حتى المثل بيقول اللي يتكسف من بنت عمو ميخلفش منها عيال
نور بحرج طب بجد اتلم انت بتقول ايه وضربته في كتفه
يونس ضحك ومسك ايديها باسها وتابع بحب ايه يعمري قولت ايه مش دي الحقيقه وانهارده دخلتنا ولا انتي فالحه تقولي لصفصف حاضر وبس بتضحكي عليها زي ماقالت
نور برفعه حاجب وابتسامه : طب ما انت نبيه وذكي اهو
يونس بضحك طول عمري بلقطها وهي طايره .. ومسح على وشه بايديه وتابع انا كنت حاسس والله
نور بابتسامه احساسك صح ياروحي وحطت ايديها على صدره وطبطبت عليه وتابعت بابتسامه وبعدين انت بسم الله ما شاء الله عليك مميز ومختلف طول عمرك ياغاالي وبتقدس الوقت ومبتضيعهوش فادخلت وبعدين كتبت فانا مش فاهمه مفروض تعمل ايه انهادره اصلا
يونس اتفاجئ من جرائتها معاه لانها عمرها ماكانت كده فتنهد بعمق وتابع مش شايفه ان اسلوبك مع جوزك غلط وميصحش
نور بابتسامه لا ماهو انا مبقتش زي زمان واتغيرت كتيير خلاص واه بحبك وبحترمك مش هنكر ده لانك حد غالي عندي زي ماقولتلك بس خلاص اللي جاي هيبقى بمزاجي انا كفايه اللي خسرتوا
يونس بتنهيده ده مش اسلوب جواز وانتي كده مش عايزة تدي لعلاقتنا فرصه اصلاا ومقرره على كده وبعدين انهي دين اللي قالك تعملي كده
نور بابتسامه انا بحترمك وبحاول انسى فبلاش انت تضطرني اني اوجعك و اوجع نفسي لان اظن انت اخر حد يتكلم عن الدين والصح والغلط .. وانا عارفه كويس ديني بيقولي اتعامل مع جوزي ازاي بس الدين مذكرش لو جوزي ده اغتصبني قبل فرحنا مفروض اتعامل معاه ازاي لان اللي انت عملتوا اصلا ضد الدين فبلاش نتكلم في حاجات انت مش قدها
يونس اتوجع اوي من كلامها وتابع لا ده واضح ان فعلا تمثيلك حلو وعملتي بللي قولتلك عليه قبل الفرح بلظبط لان قدام الناس حاجه وقدامي انا حاجه تانيه خالص وتنهد بعمق وتابع يعني افهم من كلامك يا نور انك عايزه جوازنا يفضل على ورق وبعدين نطلق ????
نور بابتسامه لا هو مش على ورق اصلا خلاص منا مدام البركه في حضرتك طبعا فبلاش نعيش دور الضحيه انا كل اللي عايزه اوصلهولك ان حقك بتاع انهارده خدته خلاص انما بعدين ده سيبها على ربنا انا مش اساسي هخرب بيتي وهطلق
يونس بحده اه وهو حقي ده حد فهمك انه مره واحده بس ولا ايه??? وبعدين هو انا هفضل مش فاهم علاقتنا لحد امتى??? لو ناويه تديني فرصه قوليلي وانا هحاول اكسبك بكل الطرق واوعدك اني موافق استنيكي العمر كله لحد ماترضي اقربلك انا مقدرش اجبرك على حاجه زي كده طبعا مستحيل انما متسبنيش مش فاهم ايه اللي هيحصل بلشكل ده
نور بوجع ولو قولتلك مش هديك فرصه ?
يونس بوجع بردو هحاول اكسبك واثبتلك اني مش وحش كده بس مش هسيبك لغيري يا نور
نور ابتسمت بوجع وتابعت هديك فرصه بس صدقني حتت قربك مني دي مش هقدر دلوقتي لما احس اني قادره للخطوه دي هقولك
يونس ابتسم بوجع وتابع وانا يحبيبتي مش طالب منك حاجه وخدي وقتك براحتك بس طلما قررنا هتديني فرصه بلاش بعدين نفتح سيره اللي فات وتقولي طلقني والجو ده
نور بحده ودموع والله يا يونس غصب عني ماهو بردو اللي حصل منك مش سهل اتخطااه
يونس اتفاجئ وتابع بابتسامه يونس !! ده المفروض كده اصدق فعلا انك اتغيرتي من ساعه ماقولتي يونس .. اهو انا اول مره اسمع منك اسمي من غير ماتلزقي بعديها ابيه
نور ضحكت بوجع من بين دموعها وتابعت ابيه مين بقى .. ابيه دي تتقاال للشخص اللي زيه زي بابا ومازن الشخص اللي احرمه علياا واترمي في حضنه على ثقه انه اخويا ويداريني لو اتعريت وابتسمت وراحت لفت ايديها حوالين رقبته وتابعت انما انت خلاص ياروحي بقيت جوزي فيتقاالك يونس طبعاا وكل حاجه في نور اتغيرت مش دي بس لان اللي كانت بتقولك ابيه دي نور الهبله العبيطه اللي ماشيه توزع ثقه فكل الناس انما اللي واقفه قدامك دي واحده تانيه نور بشكل جديد ولبس جديد وتفكير جديد واسلوب جديد فحاول تتعود عليها معاياا
يونس اتوجع اوي من اسلوبها بس حاول ميبينش وتابع بابتسامه مليانه وجع: الخوف والخذلان كبرك ونضجك انما انا اوعدك لما ترجعي تطمني وتحسي بامان تاني هرجعك نور العيله الصغيره اللي بتفضل تعيط على كل حاجه وتجري عليا اول واحد احلهالها لانك مهما كبرتي فمش هشوفك كبيره هتفضلي في عيني نفسها هي بنتي الصغيره ويمكن انتي شوفتيني ابيه بس انا عمري ماشوفتك كده ولما نخلف هتبقي انتي اول بناتي فمش هقدر اعترض على اسلوبك دلوقتي لاني فاهمك كعادتي من غير ماتتكلمي وعارف وصلتي لكل ده ليه بس بوعدك هرجعلك نور اللي ضاعت منك
نور عينيها دمعت وتابعت متهيالك يا يونس والله متهيالك لان نور مستحيل ترجع ..وابتسمت بوجع وتابعت هترجعلي نور ازاي وانت غيرتني اكتر من قاسم لان انا بسبب قاسم وعيت ونضجت بس فضلت شيفاك مصدر امان وثقه وانت ورتني انك زيك زيه شهواني ومش بيهمك غير رغبتك وبس
يونس اتوجع اوي من كلامها وتمالك ان دموعه متزلش وتابع غلطت ومعترف بس طلبت منك فرصه وانتي وافقتي فسبيني اثبتلك في اللي جاي هعرف ارجعلك نور ولالا
نور تنهدت بعمق وتابعت تمام وبصت للساعه لقيتها 8 فتابعت بتنهيده معلش ممكن تفتحلي سوسته الدريس بقى
يونس بحب ممكن طبعا ووقف وراها وفتحوا فمسكته نور علشان ميقعش وخدت هدومها ودخلت الحمام ويونس تنهد بعمق وراح غير هدومه لبنطلون شروال اسود بيتي وتيشرت ابيض نص كم وراح قعد على السرير اللي في اوضتهم وشغل الشاشه وبيقلب بيجيب فيلم لقى نور خرجت ولابسه بيجامه نص كم وبرموده فتابع بضحك لا بالله عليكي خشي البسيلي الدريس اللي كنتي مختاراه في الاتيليه
نور بضحك احترم نفسك خلاص توبنا الي الله
يونس بضحك انتي جايه تتوبي هنااا وبعدين انا عادي اشوفه يا غاليه مش احسن ما كنتي هتوريه للناس
نور راحت قعدت جمبه واتغطت وتابعت بس محدش شافه علياا فخلاص اللي ستره ربك انت عايز تفضحه ليه
يونس فضل يضحك وتابع مش احسن من بيجامه ميكي ماوس اللي لبسهاالي دي !! انا عارف والله انك صغيره وكتكوته وكل حاجه بس في اييه يحبيبتي اتلمي واكبري شويه افضحي نفسك عادي حلال انا جوزك مش غريب ستر وغطا عليكي
نور ضحكت بحرج وتابعت : يونس بجد بطل قله ادب
يونس بصلها بهيام وتابع بحب قلب يونس وعيون يونس وروح يونس يحلاوه يونس وهي خارجه من شفايفك من غير القرف اللي كنتي بتقوليه ده
نور فضلت تضحك وتابعت للدرجه دي كانت بتضايقك
يونس بحب دي كانت بتخليني عايز اولع فيكي والله بس خلاص قدر ولطف بقيتي مراتي
نور فضلت تضحك وتابعت حصل خير المهم متنكرش الجميل وقول لصفصف اني مروقه عليك ولابسه برموده اهو
يونس بصلها من فوق لتحت وتابع كده مروقه على جوزك !! اما كده مروقه عليا اومال الفستان اللي كنتي هتلبسيه ده ايه هتروقي علي المعازيم معايا علشان افهم بس ??
نور فضلت تضحك فتابع يونس بضحك لا والله بتكلم جد اصلك لابسه بيجامه نص كم وبرموده في العادي كنتي بتخرجي بحاجات مستفزه عنها فا فين الترويق ده ???
نور بضحك وانا مش عايزه استفزك .. مين قالك اني عايزه استفزك ?? .. انت عايزني استفزك فتكسر وعدك معايا وتقولي ما انتي اللي مش عارف عملتي ايه يا نور وحركتي مشاعري فا لا طبعا لم نفسك كده يحبيبي
يونس فضل يضحك وتابع الله وانتي عرفتي الكلام ده منين يا بت انتي ايش عرفك انك لما تلبسي كده هتستفزيني وهكسر الوعد للدرجه دي مش هقاوم جمال اهلك يعني
نور بضحك لا ماهو انا مش عبيطه اانا خلاص يعتبر 19 ففاهمه كل حاجه وطبيعي لما البس زي ماحضرتك بتقول ولوحدنا فا الشيطان هيدخل لا محاله
يونس فضل يضحك بشده فتابعت نور وبعدين انا كده كده مبتقاومش رفيعه اه بس والله قمر
يونس بحب من بين ضحكه: طبعا محدش يقدر يقول غير كده اصلا بس والله مبهور بيكي طول عمري واخد عنك فكره انك قطه مغمضه طلعتي مش سهله يا بت يا نور وفضل يضحك
نور بضحك محدش سهل يا غالي في الزمن ده وبعدين دي مش مستاهله معروفه ان شكل لبس البنت بيحركم اول حاجه
يونس بحب منا عارف طبعا انها معروفه بس الفكره فاننا اول مره نتكلم بتفتح كده
نور بابتسامه ماهو علشان شكل علاقتنا كله اصلا اختلف
يونس بحب اممم اختلف جدا وانا عاجبني الاختلاف ده الصراحه وضحك وتابع وانا بردو اللي استاهل عموما علشان رايح اعيل واتجوز بت عندها 19 سنه مقعداني جمبها ليله دخلتي ولابسالي بيجامه ميكي ماوس وبتنقاشني فان مينفعش تاخد راحتها قدام جوزها علشان متستفزوش ويقرب منها
نور فضلت تضحك بشده وتابعت الله ما انت اللي وافقت بكل ده هو كان حد غصبك
يونس بضحك لا مانا بقولك انا اللي استاهل والله
نور بضحك خلاص يبقى خليك قد كلامك
يونس بضحك بس كده عيوني ولفت انتباهو انها عامله شعرها كحكه لفوق فتابع طب وده كمان مش هتفرديه علشان متستفزنيش
نور بضحك لميته لسببين
يونس بضحك اممم اشجيني واللي هما ??
نور بضحك الاول اني لاحظت انك بتحبه لما صممت المه وكنت غيران
يونس بضحك اممم بحبه فتقوم تمنعه عني قسما بالله انا كاتب كتاب متعاملنيش على انهم ورقتين عرفي وتحرقي دمي .. ده انا وابيه كنتي بتفرديه ليل نهار قدامي وقدام البلد كلها عادي
نور فضلت تضحك وتابعت مانا قولتلك بقي دلوقتي ممكن يستفزك علشان بقيت مراتك فمش هتعرف تتحكم في نفسك هتقول ماهو براحتي خلاص
يونس بضحك لا يااا شيخه لا تصدقي اقنعتيني والتاني بقى ?
نور بابتسامه اني قصيته فا لسه مش هوريك اللوك دلوقتي
يونس ملامحه اتغيرت وتابع بحده نعم يا روح امك ?? عملتي ايه ??
نور بضحك ايه مالك يا يونس في ايه اتحولت فاجاه كده ليه
يونس بعصبيه نور انا مبهززرش انتي ازااي تعملي حاجه زي كده من غير ماترجعيلي هو انتي ملكيش راجل يحكمك
نور برفعه حاجب والله مكناش متجوزين انا قصيته الصبح وبعدين ده شعري وانا حره فيه
يونس مسك دراعها جامد وتابع بعصبيه انتي كلك على بعضك بقيتي من حقي وانا حر فيكي يعني ايه الصبح يعني ???? منا هتزفت اتجوزك ومن واجبك عليا تساليني قبل ماتتنيلي تهببي حاجه زي دي هو انتي فالحه تساليني في حتت لنسيز معفنه هتتشال عادي ورايحه تقصي شعرك من ورايااا ده انتي ليله اهلك مش هتعدي انهارده
نور بضحك اهدي طيب اهدي
يونس بعصبيه متعصبنيش وتضحكي علشان قسما بالله هزعلك اتنيلي افردي شعرك وريني وصلتيه لغايه فين انسانه معندهاش دم علشان شعرك معدي ضهرك بكتير حرااام يتقص
نور بضحك انا قولت من باب التغير الله
يونس بعصبيه يابت بطلي تضحكي وتعصبيني واخلصي فكيه
نور بضحك لا لحسن استفزك
يونس بعصبيه يا نور قسما بالله هتغابى عليكي وهتزعلي مني اوي
نور بضحك خلاص خلاص اهدي والله وطبطبت على كتفه وشدت التوكه من شعرها فوقع اتفرد على ضهرها وهو مكوي وفيه تمويجه بسيطه وشكله جميل فمسكه يونس ورفعه وتابع بحده ياشيخه ينعل ابو شكلك في الارض وسابها وقام وقف واداها ضهره وتنهد بعمق وهمس استغفر الله العظيم يارب
نور فضلت تضحك وتابعت بهزر معاك والله خلاص وقامت مسكت دراعه ووقفت قدامه وتابعت بضحك شهد اللي قالتلي هيخرب الدنيا لو قصتيه انما انا كنت فعلا حابه اجدد فسمعت كلامها ومرضتش اقصه بس قولت اجرب كده واشوف لو كنت عملتها كان حصل ايه ولاحظت انك بتحبه بس متوقعتش للدرجه دي بصراحه وفضلت تضحك
يونس بتنهيده هو سؤال بسيط بس .. هو انتي يابنتي بتزعلي لما تشوفينا كويسين وهاديين مع بعض
نور بضحك والله ابداا بس بشوف فعلا كان هيحصل ايه بس الحمدلله اني مقصتهوش ده انت قلبت بوزك طلعت وحشه اوي وفضلت تضحك
يونس بتنهيده نور بجد اوعي من قدامي علشان انتي مستفزه اوي وانا مش طايق نفسي
نور بضحك ماخلاص يا يونس بهزر معاك مقصتش منه سم واحد والله زي ماهو وبعدين انا مكنتش اعرف ان القص يفرقلك وهيضايقك اوي كده وضحكت
يونس بتنهيده لا يفرق كتير طبعا وحط واحده من ايديه على خدها وتابع انا بحب شعرك وهو كده فمن فضلك متفكريش في اي تجديد انا عايزك زي ما انتي واياكي يا نور تفكري تعملي اي حاجه من ورايا كنوع ان هفاجئه ومش عارف ايه
نور بحب حاضر والله
يونس بحب يحضرلك كل خير يعمري وفضل حاطط ايديه على خدها وبيبص لملامحها بحب وهيام بعد ما شعرها اتفرد وبقى مديها شكل اجمل وارق عن الاول وابتسم وتابع بهيام : نور انتي هتزعلي لو عملت حاجه في بالي دلوقتي هموت واعملها ?? كفايه استنيت العمر اللي فات ده كله بصراحه
نور بستغراب على حسب ايه هي
يونس بحب متخافيش مش هخلف وعدي معاكي وضحك وتابع دي حاجه بسيطه اللي معملتهاش قدام شهد نور رايحه تتكلم فقاطعها هو لما وطى راسه وباسها بحب وعمق شديد .. بيعبر عن شوق السنين اللي كانت قدام عينيه فيها طول الوقت بس ابعد واحده كونها تبقى مراته .. ودلوقتي اخيرا بقيت معاه وبين ايديه ومن حقه يقرب منها ودي بنسباله معجزه لسه مش قادر يستوعبها وايديه كاانت واحده على ضهرها والتانيه على وسطهاو بيشدها ليه اكتر وفصله عن احساسه وفرحته بيها وبوجودها معاه خبط على الباب فاتنفضوا وبعدوا عن بعض واتنفس يونس بقوه وتابع بضيق انا ابن كلاب اني مسمعتش كلام سيف من الاول لما قالي اغور في داهيه من ام البيت ده ونفخ بضيق
نور ضحكت بحرج وبصت للارض وهي بترجع شعرها ورا ودنها وتابعت بتوتر روح شوف مين طيب
يونس بضيق رايح ياختي رايح وخرج وراح فتح الباب كانت شهد فاتنفس بصوت عالي وتابع خير يا شهد
شهد بضحك مالك في ايه مش طايقني ليه جبتلكم الاكل ياخوياا ايه ساعه بخبط خلتني نزلته حطيته على السلم لحد ما جناب الدكتور تكرم وفتح وشالت الصنيه ودخلت بيها فوسعلها يونس وهي حطتها على السفره فتابع بتنهيده حبكت دلوقتي يعني
شهد بضحك وغمز ايه راضيه عنك البت ?
يونس بضحك شوف البت وقله ادبها روحي يابت روحي يلا مش جبتي الاكل اتكلي علي الله
شهد بضحك ايه ده ايه ده انت بتطردني من اولها يا يونس !! وفالح بس تقولي مقدرش اتغير عليكي وتعالي اي وقت ده بيتك.. ده انت من اول ساعه بيعت اختك حبيبتك اومال اول شهر هتعمل فينا ايه
يونس فضل يضحك وتابع لا طبعا يعمري بهزر معاكي عيب عليكي ياشوشتي وحضنها وباس راسها
شهد بضحك هصدقك واكدب عينيا ماشي يا يونس يلا هسيبك انا مع المزه دلوقتي معاك 9 شهور تخليني عمتو
يونس ضرب كف في كف وتابع بضحك ياادي ام ال 9 شهور مع العيله دي .. حبيبتي دي مراتي مش هتطير هاا
شهد بضحك لا بردو شدوا حيلكم يلا انا همشي عايزه بعد 9 شهور اجيلكم الاقيني عمتووو انا نبهت اهوو
يونس بضحك لا بكره تعالي هتلاقيه موجود وبيقولك ياعمتو كمان هو احنا لسه هنستنى 9 شهور انتي في 2025 يعني عصر السرعه خلاص
شهد فضلت تضحك وتابعت والله صح اقنعتني كل شئ جايز وغمزت وتابعت وانا اخويا قدها وقدود
يونس فضل يضحك وتابع ااه يابنت الجزمه انتي يا ام لسان طويل بس تسبوه في حاله اخوكي والله بعدين كل حاجه هتحصل
شهد بضحك حاضر يعمري مش هخلي حد يزعجك علشان تعرف غلاوتك عندي بس بشرط
يونس بضحك اخليكي عمتو بعد 9 شهور
شهد بضحك اه بلظبط كده برافو عليك يلا ابدء مذاكره يادوب تلحق قبل ما اجيلك اسألك بعد 9 شهور فين البيبي قلب عمتو من جوه
يونس فضل يضحك وتابع وده هيبقى امتحان الفاينل بقى مش كده ??
شهد بضحك اه بلظبط كده وخد بالك لو سقطت في الامتحان وطلع مفيش بيبي بتتحرم من نور 9 شهور علشان تدرك اهميه الوقت اللي انت ضيعته ومجبتش فيه البيبي
يونس فضل يضحك وتابع لا ده احنا كده نبدا مذاكره من دلوقتي بقى
شهد بضحك ايوه شااطر يادوب تلحق وقفلت الباب ومشيت وهي بتضحك ويونس زيها وتابع بضحك مشكله بنت الجزمه دي
——
في شقه سيف
كان قاعد في الصالون بيتفرج على فيلم اجنبي وامنيه كانت بتحضر الغدا بعدين خلصت ورصته ودخلت غيرت هدومها لدريس بيتي احمر كب والكب استك ماسك على الصدر وواسع شويه لتحت وقصير لقبل الركبه وفردت شعرها وحطت ميكاب رقيق وروج احمر هادي وطلعت وتابعت بصوت مسموع يلا يحبيبي الاكل جهز
سيف سمعها وراح على السفره فلما شافها صفر باعجاب شديد وتابع بضحك الله طب وليه الحيره دي على المسا
امنيه بضحك حيره في ايه
سيف راح شدها ليه وتابع بضحك الواحد المفروض ياكل الحلويات دي ولا ياكل المكرونه والبانيه اللي انتي عملاهم
امنيه بضحك لا ياكل المكرونه والبانيه اللي طلع عيني فيهم
سيف حط ايديه الاتنين على وسطها وتابع بضحك طلع عينك في مكرونه وبانيه !! مش بقولك عروستي بلاستيك مصدقتيش
امنيه فضلت تضحك وتابعت لا والله مش كده بس انا مكنتش متعوده على كده في بيت بابا فاديني بتعود
سيف بحب لا صدقتي هو فعلا على حسب تعود الواحد يعني عندك انا مثلا بحب احلي قبل ما اكل عادي مش بعترض
امنيه فضلت تضحك وتابعت حسام بجد احترم نفسك واتلم اقعد ناكل وبعدين نشوف التحليه اللي انت بتتكلم فيها دي
ورايحه تقعد شدها ليه وتابع بحب والله واحشاني
امنيه بضحك والله مش معترضه بس ناكل يحبيبي
سيف بضحك ماانتي اللي جيالي زي قمر فكبرتيها في دماغي بصراحه مش لسه هناكل ووطي شالها بين ايديه وتابع بضحك مش بهزر والله بس علميا الاحسن قبل الاكل لان بعد الاكل الجسم بيكون مشغول في عمليه الهضم وده بيخلينا كبشر نحس بتقل او عدم راحه وكمان اي نشاط ممكن تعمليه بعد الاكل بيخليكي تحسي انك عايزه ترجعي او بانتفاخ فا الاحسن خفيف .. خفيف بدل مانستنى ناكل ونهضم الاول وغمز
امنيه فضلت تضحك وتابعت ده انت مذاكر بقى
سيف بضحك عيب عليكي جوزك مثقف ويعجبك اوي
ودخل اوضتهم فتابعت امنيه بضحك لا منا واخده بالي جاهز بلرد علطول
سيف نزلها وشدها ليه وتابع بضحك دي موهبه يكون في علمك
امنيه فضلت تضحك وتابعت اممم منا عارفه وانت بصراحه في اكل عقلي بلحلاوه شاطر جدا بلاضافه للثقافه كمان فمقولكش بقى بتعملها ازاي
سيف فضل يضحك وتابع بحب ده علشان انتي بس واصلك حبي ليكي فبتطاوعيني والله انما مش باكل بعقلك حلاوه ولا حاجه
امنيه بضحك ايوه حصل لما يسالوني عرفتي ازاي انك بتحبيه هقولهم وافقت اسخن الاكل تاني بعد ماهيبرد بسبب الباشا
سيف بضحك وهو بيقلع تيشرته تابع يخرابي على التضحيات والتنازلات الجامده ايه الزوجه الصالحه اللي معايا دي يا ناس ورمى التيشرت بتاعه على جمب
امنيه بصت للارض بحرج وتابعت بضحك يخش يطمر بس
سيف رفع وشها ليه وتابع بحب بتخبي عينك عن مين يابت ده انتي حته مني
امنيه ابتسمت بحرج وتابعت عارفه طبعا والله .. بس انا لسه مش متعوده فعلشان كده بحاول مبصش فاهم وكانت بتلعب في ايديها بتوتر
سيف مسك ايديها الاتنين وباسهم بحب وتابع خلاص طلما هيريحك كده غمضي عينك المهم عندي راحتك
امنيه ابتسمت بحب وحضنته وتابعت ربنا ميحرمنيش منك ابداا يارب
سيف بحب ولا يحرمني منك يعيوني ورفع وشها ليه وباس خدها وجبينها وهي غمضت عينيها فحط ايديه على وسطها بيقربها منه اكتر وباسها بحب وعمق وهي حطت ايديها حوالين رقبته وتجاوبت معاه بحب
وبعد شويه وقت كان قاعد على السرير وواخدها في حضنه وبيمشي ايديه على شعرها فتابع بحب امنيه
امنيه وهي مغمضه امممم
سيف بضحك الله انتي هتنامي ولا ايه
امنيه بنوم اممم عايزه انام فعلا
سيف بضحك حبيبتي صحصحي لسه بدري الساعه 10
امنيه فتحت عينيها ببطئ وبصتله وتابعت بجد مش قادره حلو اوي 10 سبني انام واصحى بدري
سيف بضحك هو طبيعي تعوزي تنامي بس انتي جعانه يا بابا فوقي ناكل بعدين نامي براحتك
امنيه بنعس يعني انت السبب مش كده ??
سيف فضل يضحك وتابع انتي هتلبسيها ليااا هو انا كل ما هقربلك هتنامي مالك بجد امسكي نفسك
امنيه بضحك والله مش عارفه بس فعلا نعست جامد الله
سيف بضحك كتر خيرك يحبيبتي عملتي مجهود الصراحه
امنيه بضحك يا حساام بجد اتلم وضربته في صدره
سيف تأوه بوجع وفضل يضحك وتابع انا بتريق جتك سنين نيله بس هو علمياا ان جسمك في الوقت ده بيفرز هرمونات زي الأوكسيتوسين والبرولاكتين والإندورفين ودول بيخلوكي تحسي انك هاديه ومسترخيه كده وتنعسي فعلا فانا مال امي انا الله
امنيه بضحك هو انت بجد بتعرف الكلام ده كله ازاي من امتى الثقافه دي
سيف بحب من كتب علم نفس كنت بقراها انا عموما وقت فراغي بحب اقرا عن حاجات معرفهاش وضحك وتابع اديها فادتني اهو بدل ما بتلبسيها ليا وتقوليلي انت السبب قال
امنيه بضحك لا ماهو انت السبب بردو احنا هنحور ماهو الهرمونات دي مش بتتفرز لوحدها يعني لازم يحصل حاجات وبعدين انا بنعس وبحس اني مجهده انت ايه ?? مفيش دم خالص ليه ??
سيف فضل يضحك وتابع طب قولي الله واكبر يخربيتك يا شيخه في واحده تقول لجوزها كده
امنيه فضلت تضحك وتابعت لا فضول بجد انت ايه مبتتهدش يعمري
سيف فضل يضحك وتابع يخربيت اهلك يا شيخه لا والله ياختي هتخمد عادي بس مش زيك بفقر على نفسي وانا قاعد ده انتي بتكوني صاحيه فاجاه بلاقيكي اغمى عليكي
امنيه بضحك : بتعب من البيت بجد والله انا عمري ماعملت اكل في بيتنا اليوم كله زي كده انا بعمل اكل كل شويه دلوقتي وده وضع جديد فا البيت وصاحب البيت كتير علياا
سيف فضل يضحك وتابع انا والاكل كتير عليكي ياحظك الاسود يا ابن معتز
امنيه فضلت تضحك وتابعت هلعب رياضه وهعجبك استنى بس
سيف بضحك لا والنبي متفكريش لتتكسري خالص ومتعرفيش تقومي حتى تعملي الاكل انتي كده زي الفل
امنيه فضلت تضحك وتابعت اخص عليك بجد ماشي يا حسام هندمك
سيف بضحك لا والنبي ماعايز اندم اسكتي والطيب احسن
امنيه بضحك طب يلا تعالى ساعدني في الاكل اللي برد ده
سيف بضحك عقاب ده يعني ولا ايه
امنيه بضحك لا طبعا ياعمري مقدرش عيب عليك وكده كده المكرونه والصلصه بس اللي هيتسخنوا لان البانيه مش هينفع يتسخن تاني
سيف بحب طب تسخين بتسخين ناخد شاور بلمره
امنيه بحب اوكيه اتفقنا هاخد انا حمام اوضتنا وانت روح برا
سيف بضحك طب احنا بنتشارك البيت والاكل والسرير جات على دي يعني
امنيه ضحكت وتابعت حسااام اتلم واتربي شويه
سيف فضل يضحك وتابع طب ماتجربي مش هتخسري حاجه واهو نكسب وقت
امنيه بضحك لا شكرا مش عايزة اجرب ولفت الملايه عليها وقامت فتابع سيف بضحك فكري يابنت الناس
امنيه بضحك لا يعني لا اتربي شويه هااا
سيف بضحك مبعرفش وحياتك حاولت بس باجي اقعد معاكي قله الادب بتخرج لوحدها كده
امنيه بضحك وماله اربيك يعمري
سيف بضحك لالا مش هتعرفي للاسف انا حاولت كتير
امنيه بضحك لا هوريك انا عارفه نفسي
سيف بضحك خلاص اجيلك ناخد الشاور وانتي بتحكيلي اول خطوه هتعمليها ايه
امنيه فضلت تضحك ومسكت المخده الصغيره اللي على الكرسي اللي في اوضتهم ورمتها عليه وتابعت حسااام احترم نفسك بجدد بقى الله
سيف فضل يضحك وتابع انا عايز اعرف بس انتي مخك بيفكر ازاي هل انا هشوفك بشكل مختلف مثلا ??
امنيه بضحك معلش هي مراتك مخها تعبان ودخلت وتابعت وهي بتقفل اخلص قوم اكسب وقت وقفلت بعدين فتحت تاني وتابعت بضحك و ااه صح وحياتي عندك ماتدخل
سيف فضل يضحك وتابع يخربيت اهلك في ايه مش للدرجه دي ده انتي مراتي مش واحده بتحرش بيها في الاتوبيس وبعدين انتي شيفاني متحرش كده للدرجه دي !! مالك يا امنيه ماتظبطي يحبيبتي هقوم وراكي ليه منا اللي سايبك تقومي بمزاجي
امنيه فضلت تضحك وتابعت لا طبعا يعمرري مقصدش بس بنبهك علشان انت متضمنش
سيف بضحك طيب يابنت الجزمه اخلصي علشان نتنيل ناكل
امنيه بضحك حاضر وقفلت الباب وهو قام وخدوا شاور ولبس طقم خروج وراح المطبخ وبدا يسخن الاكل من الاول ودقايق وامنيه جات وكانت فارده شارها ولابسه شورت وبدي حمالات واصل لغايه نص بطنها لونهم بينك وتابعت بستغراب ايه ده انت لبست ليه
سيف بصلها باعجاب وباس خدها وتابع بحب ايه الحلاوه والجمال ده كله ورجع يقلب الاكل وتابع ولبست علشان هنزل اشحن رصيد واجيب قهوه لان مجبناش كتير وخلصت الحمدلله
امنيه ااه انا والله اتخضيت قولت هو لازم يجلطني وينزل كل يوم
سيف بضحك لا يعمري متقلقيش مش هتاخر
امنيه بحب طب هات اساعدك
سيف بحب لا خلاص انا يعتبر خلصت حضري انتي بس المايه والعصير وانا جاي وراكي
امنيه بحب حاضر
سيف بحب يحضرلك الخير يا غزال
امنيه بضحك بتعاكس بقى وكده
سيف بضحك براحتي الله
امنيه بضحك براحتك طبعا يعمري محدش يقدر يتكلم وخرجت عملت زي ما قالها وهو خرج بلاكل وقعدوا ياكلوا فتابع سيف بحب تسلم ايديكي يا منونتي ومسك ايديها باسها بحب
امنيه بحب الف هنا ياعيون منونتك
سيف بحب صحيح انا كلمت العميد واجازتي خدتها اسبوعين علشان الجواز
امنيه بفرح لالا بتهزر وربنا !!!!
سيف بضحك لا يعمري بتكلم جد والله
امنيه بفرح يعني اسبوعين مش هتنزل خاالص هاا
سيف بضحك 11 يوم بلظبط علشان خاطر فات 3 اهو
امنيه بضيق يسد نفسهم البُعده حاسبينها بلظبط
سيف بضحك امنيه احمدي ربك هو احنا كنا طايلين
امنيه بضحك على رايك والله وابتسمت وتابعت بحب بس مش مهم كده كده هتروح القسم وترجعلي بليل تاني
سيف فضل يكح وهو بياكل فطبطت على ضهره وتابعت بقلق ايه يحبيبي مالك في ايه ومدتله مايه بايديها التانيه
سيف مش عارف هيقولها ازاي انه لازم يسافر بعد الاجازه فتنهد وتابع كويس يحبيبتي متشغليش بالك الاكل وقف في زوري بس ومسك المايه منها يشرب
امنيه طبطبت على ضهره وتابعت بحب خلي بالك ينورعيني على مهلك
سيف بحب حاضر متقلقيش كلي انتي بس كويس اهم حاجه وضحك وتابع انتي بتتعبي
امنيه بضحك يا ابني اتلم بقى الله
سيف بضحك الحق عليا بقدر تعبك ومجهودك يعني
امنيه بضحك لا اسكت خالص انا مش عايزه اتقدر
سيف بضحك مقدرش .. مقدرش اشوف مراتي حبيبتي بتتعب ومشكرهاش
امنيه فضلت تضحك وتابعت حبيبي العفو ياروحي
وخلصوا اكلهم فتابع سيف وهو خارج من الحمام بعد ما غسل ايديه يلا هنزل انا اشحن واجيب القهوه ومش هتاخر
امنيه بحب هات علبه لبن معاك علشان اعمل كوبايه فرنساوي
سيف بحب عيوني حاضر
امنيه بحب تسلم عيونك
ونزل سيف وقفل الباب وهي فضلت تلم الاكل والاطباق وتحطهم في المطبخ ودقايق وجرس الباب رن فتابعت بستغراب ده اكيد مش حسام لان بينزل بلمفتاح فنشفت ايديها ودخلت اوضتها لبست الاسدال فوق هدومها ولفت الطرحه وتابعت ايوه ايوه جايه وراحت فتحت اتفاجئت من اللي بيخبط وتابعت كريم !!!
