رواية غموض الحب عائلة الرفاعى الفصل الثانى و الخمسون بقلم لولا
يونس بابتسامه مليانه قهر: اعتبرها حفله الوداع ده الغالي بردو والعشره متهونش غير على ولاد الحرام
شريف بشك : يونس لو ناوي على شر بلاش احسنلك علشان
يونس بمقاطعه لالا متخافش انا لو عايز اقتله كنت قتلته من زماان اوي علشان اخد تار اخويا الصغير اللي موته انما انا مش بتاع قتل حقنا هيجي دنيا واخرى وانا واقف اتفرج انا بس عايز اشوفه علشان حاجه تانيه خالص
شريف بتنهيده تمام تعالى وهطلعهولك طلع عيني ابن الجزمه علشان نلاقيه الصبح
يونس بتنهيده المهم تاخدوا بالكم في اي قضيه فيما بعد الحمدلله جات على كده
شريف اه والله على رايك وتنهد وتابع تمام تعالي انت لحد ما اظبطلك الزياره
يونس بتنهيده سلام وقفل وعمر كان بيرن عليه كان بيكنسل ومشي يروح يقابل قاسم وبلفعل شويه ووصل وقفل باب عربيته جامد وطلع بسرعه وكان متعصب جدا ومش طايق اي حد فشاف شريف في الطرقه راح قاله: قاسم في مكتبي رايح مشوار وجاي مطولش معااه هاا والعساكر واقفه برا علشان لو حصل اي حاجه
بس يونس موقفش اصلا يتكلم معاه كان بيمشي وسامعه فتابع تمام تمام يا شريف متخافش وطلع على مكتب شريف وتابع للعساكر وهو بيفتح الباب علشان ميتكلموش: يونس الرفاعي هو عارف اني داخله فهز العساكر راسهم بتمام ويونس دخل وقفل الباب وراه جامد فتابع قاسم بضحك هو انت !! اهلا بلغالي واحشتني
فراح يونس مسكه ضربه بلبوكس بقوه شديده وقعته على الارض صرخ منها بوجع فتابع يونس بعصبيه بقي انت يا ابن الكلب ياحيوووان تعمل كل ده فينااا احنا وتتجرااا وتقرب من نور الرفاااعي ده انت ليله اهلك مش هتعدي انهاارده ومسكه قومه وضربه بلبوكس بغل كذا ضربه متتاليه لحد ما شفايفه ومناخيره نزلوا دم وهو مكنش شايف قدامه غير نور وعياطها ومنظرها اللي شافها فيه تحت تأوه قاسم بشده فتابع بعصبيه اااه وانت ماال اهلك يخصك اييه كاانت مرااتي وانا مش هسيبها لغيري لو اطبقت السما على الارض
يونس مسكه من رقبته بعصبيه شديده وتابع: وهي لسسه مرااتك يا ابن الكلب يااا زبااله علشان تتجرا وتعمل فيهااا كده ده انا هكسر ايديك اللي اتجرات ولمستهااا وتنى دراعه ورا ضهره وضغط عليه جامد فتاوه قاسم بوجع شديد وتابع بوجع وبعصبيه ااه ااه مش قااادر سبني سبني يخربيتك مش قااادر ..واعتبر مش مراتي انا كده كده مكنتش هسيبها لحد غيري علشان بحبها .. وبللي حصل ده محدش هيبصلها العمر كله خلاص .. وخلي عيلتكم تموت بحسرتها وتشوف مشاكل علشان بكرهكم كلكم على اللي عملتوه فيااا … وقد ايه فرحان فيكم ان سمعتكم هتبقى في الارض تستاااهلوا خلي البلد كلهااا تعرف ان قاسم اعتدى على نور
يونس اتعصب من كلامه اوي وحس بغيره شديده فساب دراعه ولفه ليه وضربه بلبوكس بقوه كذا مره وخبطه في الحيط فوقع على الارض وفضل يضربه برجله في بطنه بقوه كذا مره وعينيه بتطلع غل وغيره بتحرق قاسم من غير ما ياخد باله انه ضربه اوي كده ومسكه وفضل يضرب فيه تااني وقاسم بيتوجع ومش قادر
ومسكه من رقبته بشده وكان عمال يكح ووشه احمر وتابع يونس بغل: البلد كلها هتعرف فعلااا بس هتعرف ان نورر هتبقى حررم يونس الرررفاعي يوم الخميس اللي هو بعد بكره خلاااص وساعتها هتكون انت اصلا غورت في ستين داهيييه ودي حاجه مزعلاااني جداا متفكرش موتك هيريحني ده موتك ده رحمكك من اللي كنت هعملوا فييك لو انت برا السجن انما لو عليا بتمنى انك كنت تكون برا ده ياريتك برا وياريتك هتعيش لليوم اللي هتشوفها فيه في حضني بس معلش مش مهم تشوفهاا المهم انها هتبقي ملكي انا بعد كده غصب عنك وعن اي حد
قاسم بصله بصدمه شديده واتعصب وتابع مين ده اللي يتجوز نورر انت اتجننت ولا ايه ده انا كده كده هموت فاروح فيكم في ستين دااهيه بس ده ميحصلش .. وركز تابع اااه ولا يكون علشان كده جااااي سخن عليااا لتكون نورر هي حب المراهقه اللي مش عارف تنسااه يا يونس بييه
يونس ساب رقبته وزقه خبطه في الحيط ففضل يتنفس بصعوبه
وتابع يونس بابتسامه بعيداا عن انك متقدرش تروح فينا في دااهيه ولا تعمل حاجه من الهبل ده .. بس اديك طلعت ذكي ولماح وبتفهم اهو .. لا وهو كده كده انا عمري ما انكر انك راجل ذكي علشان اللي يقتل حسام الرفاعي ويغلط مع خطيبت مازن ومحدش يعرف يكشفه يبقى فعلا راجل ذكي فريح دماغك بقى اللي انت عملته وخططت عليه جيه على دماغ اهلك في الاخر وبسببه هنتجمع انا والبنت اللي حبيتها عمري كله
قاسم فضل يضحك وتابع انت بتضحك عليااا ولا على نفسك وابتسم بخبث وتابع نور مبقيتش تنفعك ولا تنفع غيرك خلاص وغمز وتابع وانت سيد العارفين بقى .. وهمس جمب ودنه اصل انا ما صدقت الصراحه وهي البت بطل اخر حاجه فانتقمت بقى مكنش وقت عادي زي اي حد لا وضحك وتابع ولا انت تكتب عليها وانا اللي المسها ولا ايه حصل في الدنياا وازاي اصلا هتقبلها على نفسك انك تتجوز بنت انا لمستها ? ولا مين لعب في الاعدادت يا دكتور ?
يونس اتعصب اوي من كلامه وضربه بلبوكس بقوه شديده وقعته على الارض وتابع بعصبيه شديده ده انا هوريك يا ابن الكلب يا زباااله يعني ايه تقول عنهااا كدده يا وسخ يا حيوووان وقومه خبطه في الحيط بقوه ورفع رجليه ضربه في بطنه بقوه كذا ضربه وبلبوكس بقوه شديده تحت صراخ قاسم .. بعدين رماه على الارض ووطى مسك ايديه الاتنين وقاسم بيتألم من كتر الوجع ويونس حط ايديه الاتنين فوق بعض وداس عليهم بكل قوته بجزمته تحت صراخ قااسم بوجع شديد فتابع يونس بعصبيه يخش تتكسر تحت جزمتي يا حيوان علشان ايديك الوسخه دي هي اللي اتجرات ولمستها ده انا هطلع عين اهللك يا زباله يا ابن الكلب .. ايه مفكر نورر ملهاااش اهل ده قسماا بالله لو عرفوا ليجوا يصفواا دمك بس بردو اقعد زي النسوان اندب حظك كده انك وقعت تحت ايدي اناا
قاسم حب يستفزه فتابع بضحك من بين وجعه : ااااه اااه انت ايه اللي مزعلك بس ما دي الحقيقه بس عادي يا غالي وصرخ بااالم وتابع اااه انا وانت واحد عملت المهمه بداالك
يونس داس على ايديه اكتر ومسكه من هدومه قومه وقاسم دموعه نزلت من الوجع وتابع يونس بعصبيه شديده: عاارف انا بكرهك كرهه العمااا ومن زمااان اوي وزااد اضعاااف كل ما افعاالك الوسخه تزييد ولو بايدي اختار فانا هقتلك واسيبك لحد ما دمك يتصفااا قدام عيني وروحك تطلع بلبطئ .. وابقى جبت الحق الكل منك بس انت وسخ .. و اوسخ من انك تموت على ايد يونس الرفااعي كلهاا بكره وعذاب الارض والتلطيش اللي انا عملته فيك ده كووم وعذاب جهنم كووم تاني … وعمري ما هنسى حق ابن وعمي ومرااتي يااا قااسم وحقنا راجع دنياا واخرى ولمستك لنور دي على قد ما حرقت قلبي ووجعتني بس انا مش شهواني ولا حيواان زيك ولا بتسابق المسها انا الاول ولا غيري لان عمره ده ما كان تفكيري فيهاا .. انا بحبها هي وبس مطلقه بقي او ارمله او معاها عيال او حد معتدي عليهاا انا عايز البنت دي تكون ملكي وام لعياالي ميهمنيش حصل ايه قبل كده ومسك فكه بقوه وتابع بغل فانسى ان االي عملته يدمر عيلتنا او يكسر نور واهلها انا موجود وهسندها ومش كلنا وسخين زيك يا حقير وضربه براسه في دماغه وقعه على الارض وبصق في وشه وتابع بعصبيه ابن كلب وندل مطمرش فيك يوم عيشته معانااا
قاسم تاوه بوجع شديد من جسمه وتابع بعصبيه ودموع ماهو انت مش هتتجوزها يعني مش هتتجوزها مش انا افضل احب فيها العمر ده كله وانت تيجي تاخدها على الجاهز .. نور هتفضل انا الوحيد اللي لمستها وجوه قلبها يعني مهما تحاول يا يونس انك تمسح قاسم من جواها مش هتقدر يمكن اه بالوقت تقدر تطول جسمها علشان جوزها بقى واهلها مش هيسيبوها في حالها لو قصرت في حقك انما عمرك ما هتمسح قاسم من جواها هفضل انا الوحيد اللي هي حبته بجد ليوم ما تموت ومش هتعرف تحب غيري .. لان لو اللي حب بجد قدر يكره كنت انت قدرت تكرهاا من بدري اوي لما شفتها بتموت فيا انما انت حبيت بصدق وهتعيش بتموت كل دقيقه من حبك ده اللي هيخليك شايف مراتك طول الوقت قلبها مع واحد تاني غيرك
يونس ابتسم بسخريه وتابع عارف لولا ان انت رايح في داهيه خلاص كنت قولتلك خليك معانا لحد ما تشوفها وهي بتقول انها محبتش قدي وانك كنت تجربه فاشله وشخص زباله كان في حياتها وراح لحاله وبسببه قدرت تفهم حاجات كتير وتوعى وتنضج لان انت اذيتها انما انا عمري ما اتأذيت من نور علشان اكرهاا ومقدرش اكرها لان حبي ليها اضعاف حبها ليك … وحبها ليك بنسبالي كان حق من حقوقها انها تختار الشخص اللي هتكمل معاه وانت علمتها الدرس كويس خلاص ودورك خلص وجيه دوري وانا مستعد افضل جمبها العمر كله لحد ماتحبني وترضى اقربلها .. اللي يبص للجسم والكلام ده واحد زيك زباله بص لواحده كانت هتبقى مرات اخوه ومبيخافش من ربنا انما مش يونس .. انا عشت اربيها على دراعي وعمري ما فكرت ابصلها بصه او المسها لمسه يكون غرضها مش كويس واه من كتر ما بحبها بجد وبحبها بصدق ما عرفتش اشوف واحده غيرها عشت طول حياتي بحبها وراحتها بالنسبالي اهم من اي حاجه في الدنيا حتى لو كانت مع غيري مع اني كنت بموت بس قولت راحت نور اهم فا يوم ما تبقى مراتي انا هعوز قربها علشان بحبها انما عمري ما هحس ده مع واحده غيرها في الدنيا كلها مش مهم عندي مين لمسها الاول ولا هي ايه ماضيها المهم من اول ما تبقى مرات يونس الرفاعي هيحصل ايه ?? .. ووالله كان نفسي تطول معانا لحد ما تشوف عيالنا بس معلش كل واحد بياخد على قد نيته واللي انت هتشوفه في جهنم هيعذبك اكتر بكتير من كونك شايف نور مع حد تاني لانك عمرك ما حبيتها بجد … انا بس همشي دلوقتي وهسيبك تتخيلها وهي عروسه زي القمر بتتزف يوم الخميس علشاني وابتسم بخبث وتابع انت خدت اه بوينت بللي عملته بس ما كسرتنيش .. الحاجه الوحيده اللي تكسرني دمعه نور ووجعها وانا همحي ده بايدي ومجرد ما تبتسم انا كمان هبتسم وهنسى الدنيا كلها
قاسم كان متعصب من كلامه جدا وبيبصله بغل وهو بياخد نفسه بعصبيه فتابع يونس بضحك اهدى بس اهدي ليطقلك عرق ولا حاجه وتموت مجلوط لسه معاك فرصه لبكره تقعد تعرف انك اهبل ومغفل واديك هتموت واللي عملته هيموت معاك وابتسم وتابع اصل انا شيلتها وعيله الرفاعي كلها فهمت ان اللي غلط مع نور انا وهي كمان فهمت كده واديها هتبقى مراتي فخلي سرك ده لنفسك ياكل فيك وياكدلك انك قربت المساافات بينا كتيير اوي تسلم يا حبيبي وضربه بلرجل بقوه فصرخ باالم فبصله يونس بقرف وبصق في وشه وخرج
وهو بيغمض عينيه بالم وقلبه قايد نار ودموعه بتنزل وماشي مش عارف هيروح فين بس حاسس انه تايهه فركب عربيته وراح على البحر وركن ونزل قعد في مقعد ورجع ضهره لورا وغمض عينيه بوجع وتابع انا السبب .. كان هيتعدم بكره.. لو نور مكانتش نزلت انهارده مكنش حصل فيها كده .. مش مسامح نفسي اني سبتها لوحدها .. مع ان سيف حذرني وقالي خد بالك من نور وشهد مينزلوش لوحدهم خالص ده ميضمنش يبعت حد يأذيهم بس ده خطط وهرب علشان هو بنفسه يأذيها .. اااه على القهر اللي انا حسيته وكتمته جوااياا ودموعه نزلت وتابع هو مش بس خد بوينت ده خد روحي .. خد حياتي مني بللي عمله ده .. كسرني في البنت اللي عشت عمري كله بربيها وبحافظ عليها .. مش قادر اصدق ان كل ده حصل .. اروح فين واعمل ايه ?? احط عيني في عينها ازاي وانا السبب انها تنزل ويحصلها كل ده ودموعه نزلت وتابع بس والله مكنتش اقصد ولا دي نيتي انا لو اعرف مكنتش طلعتها من اوضتها اصلا.. مكنتش خليتها تقابل حد خالص ولا تنزل .. حاسس اني تايه وعاجز وكان نفسي اطلع روحه بايدي بس كنت هودي نفسي في داهيه علشان كلب زي ده ولا يسوي عمره اصلا خلصان وغمض عينيه بوجع وسند راسه على شجره جمبه وتابع حلها انت يارب .. حلها انت علشان والله مبقتش قادر افكر ونور رافضه تتجوزني ومش طيقاني اتعقدت عليا من كل ناحيه يارب ارجوك اتصرف وقويني وصبرني ارجوك ودموعه فضلت تنزل بقهر شديد وبيفتكر كلام قاسم وبيتوجع وبيضرب بايديه على الشجره بغل وقهر ودموعه بتنزل وتابع منك لله يا حيوان منك لله والله ما مسامحك ولا هساامحك روح ربنا ينتقم منك بحق وجعنا واللي عملته فينا ده
وفونه رن فطلعه من جيبه ورد وتابع بعصبيه يا عمرر قولت مش عاايز اشوف حددد شغال رن رن لييه
سيف بعصبيه ده انا ياحيوان يا ابن الجزمه مش عمر ايه في ايه عيل صغييرر هنفضل ندور عليك اليوم كله
يونس بحده لا متدورش روح كده ارجع بيتك وسبوني في حالي مش هتوه انا
سيف بعصبيه طب اخلص وقول فينك يا يونس اختك هتموت عليك مينفعش اللي انت بتعملوا دده
يونس تنهد بعمق وتابع انا هبعت لشهد اطمنها اني كويس بس بالله عليك مش قادر لاي كلام
سيف بحده طب اخلص وقول فين مكانك علشان اقسم بالله ورحمه اخويااا وغلاوته عندي لو مقولتش انت فين هخسرك
يونس بوجع حتى انت يا سيف ?
سيف بعصبيه ااه حتى انا وطول ما انت بتعمل زي العيل الصغير كده ومش مقدرني انا وصاحبك اللي تعبنا من كتر ما بندور ونلف يبقى جبت اخرهاا معااياا علشاان انت وعمر اول ناااس بجري اشكيلها مش بعمل كدده
يونس ابتسم بوجع وتابع انت بتهددني وبتضغط عليا علشان اقولك انما متقدرش تخسرني بس علشان حلفانك بحسام هبعتلك اللوكيشن .. سلام
سيف كتم ضحكه وتابع سلام وقفل معاه وبعتله فعلا اللوكيشن فضحك سيف وتابع ابن كلب حيوان بعته اهو يلا يا عمر
عمر بضحك انت بتضحك ليه بذمه اهلك
سيف بضحك علشان عرف اني بهدده لما بقوله هخسرك حبيت اعمل دراما شويه بس قفشني ابن الجزمه وركب عربيته وعمر جمبه
عمر بضحك بس انت حلفت برحمه حسام صح
سيف بصله وتابع ياباشا ده يوونس .. فاهم يعني ايه يونس ده عشره عمري كله اكيد عارف اني لما اقوله كده هيقولي مكانه ومش هينزل حلفاني الارض
عمر بتنهيده انا زعلان عليه اوي بجد .. هو مستحيل يأذي نور واكيد مقهور من اللي حصلها
سيف وهو باصص للطريق بس هو عايزنا نصدق انها اتأذت منه
عمر بحده مستحيل لو عمل ايه مش هصدق
سيف بصله وتابع وثقتك فيه مش بتفرحه خاالص على فكره .. علشان يونس فعلا عايزنا نصدق
عمر بستغراب هيستفيد ايه لما نشوفه زباله كدده
سيف بابتسامه لا ياراجل مش احسن ما تشوف مراته حصل فيها كدده !!! يعني انت تبقى اعتديت على زينب وجاي تصلح غلطك قدامنا ولا تقولنا حد لمسها وانا هداري عليهاا
عمر بوجع لا طبعا اكيد لو انا اهون واهو اسمي هتجوزها ده ايه ده بجد !! انا من التخيل بس اقسم بالله جسمي ولع من الغيره
سيف بتنهيده وهو ابن عمي شايف كده اللي هو شوفوني وسخ عادي اهي بقيت مراتي بس محدش يبصلها بانها حد معتدي عليهاا وتعيش مكسوره وسطنا العمر كله
عمر ابتسم بوجع وتابع يونس بيحبها بجد
سيف بصله وتابع يونس بيعشقهاا
عمر بحزن ربنا يسعدهم ويفرحنا بيهم بجد
سيف اللهم امين يارب
وبلفعل بعد شويه وصلوا ونزلوا من العربيه ويونس كان قاعد وحاطط راسه ما بين ايديه ودموعه بتنزل بصمت فتابع سيف بتنهيده حصل ايه بقى
يونس شافه مسح دموعه بسرعه وتابع حصل ايه يعني ما انت عرفت كل حاجه
سيف بتنهيده لا سيبك من اللي عرفتوا وعرفني انت الصح
يونس بوجع مفيهاش كلام يا سيف خلاص انا غلطت غلط كبير ومش مسامح نفسي ومبحبش اجيب سيره الموضوع ده
سيف امممم مين عمل كده في بنت عمك وصلتله ولا اوصله انا بمعرفتي
يونس رايح يتكلم فتابع سيف: بحده وصلتله ولا اوصله انا بمعرفتييي كدب مش عاايز .. ماهو لو انت هتسامح في شرف اللي هتشيل اسمك انا مش هسامح في شرفي ودي بنت عمي وانت عارف يا يونس اني لو عايز اعرفو هعرفه
يونس خاف جدا لان واثق ان سيف يقدر يعرف لو دور بكل سهوله فتابع بعصبيه انت مش عايز تصدق لييه بقولك انا اللي عملت كده بحبها ومعرفتش ابعد نفسي عنهاا هي كعادتها حضنتي والحضن ده فضل يتطور لحد ما وصلت لهنا
سيف يعني انت لما حضنتها معرفتش تبعد نفسك عنهاا وغلطت معاها مش كده ??
يونس بعصبيه اه كده وخلصنا خلاص دي هتبقى مراتي يعني شرفي انا ولا تقولي ابن عمها ولا تقولي اخوها فا رغي كتير مش عايز خلاااص
عمر بحده ده اكبر دليل انك بتكدب انفعاالك ده … انت ماشي بمبدا خدوهم بلصوت علشان متتوترش وتفضل واثق في نفسك وانت بتتكلم
سيف بتنهيده وغير كل ده انت عايز تصيع على رائد في الجيش بس صدق اللي قال الكداب نَسَاي منين انت قولتلهم انك سلطت حد يرش مخدر في وش نور علشان يوديكم المكان اللي هتعمل فيه كده ومنين دلوقتي لما حضنتك يعني كانت صاحيه مقاومتش وقربتلها ماهي حبيبتك بقى
عمر قسما بالله صح تاهت عن بالي دي واصلا نور مش اول مره تحضنك ولو اول مره مش كل ما نحضن واحده هنغلط معاهاا مالك في ايه
يونس بحده اولا نور حبيبتي فلما تحضني اكيد هحس بحاجات معاها مبحسهاش مع حد تااني
سيف وانا معاك يا سيدي وده حقيقي على فكره ردك ايه عليا انا بقى
يونس بتنهيده انت بس مش عارف تفكر يا سيف صدمتك فياا مخلياك بتحاول تلاقي اي صغره علشان تخرجني منها ومتتصدمش فيا الصدمه دي وشغلتك كرائد في الجيش بتشغل مخك كتير بس للاسف غلط لان انا لما حضنتها في مكتبي معرفتش اقاوم فعلا وكنت هقربلها بس هعملها ازاي في مكتبي مثلا ?? فقولت للواد ده ياخدها علشان اروح بيها مكان امان ومتكونش صاحيه بس كده لا اكتر ولا اقل
عمر بحده انت بتخرف بتقول ايه انت اتجننت ده انت كده مش بتشوه شكلك في عينينا بس ده انت كمان بتقولنا انتوا طول السنين اللي فاتت دي مكنتوش تعرفوني وبعدين انت بتهري في اييه. بجدددد?? هو انت كنت بتستحمل نور مع قاسم علشان تبعتها مع راجل غريب وهي نايمه لا ده انت شكلك فاكرنا عيال برياله بجد
سيف بوجع انت اتجننت صح ?? ده مش انت ومهما تقول مش هنصدقك عمر صح انت مستحيل تبعت بنت عمك وبنتك وشرفك وصاحبتك وفوق كل ده حب عمررك مع واحد غريب وهي نايمه ولا حتى تقدر تخطط لكل ده علشان تلمسهااا دي نوور ومسكه من هدومه وتابع بعصبيه بطل وسااخه وقول الحقيقه وانا ولا عمر عمرنا ماهنشوف مراتك معيوبه ولا حد يقدر يرفع ليها نظره متعجبهااش دي مننا ومرات اخوناا يا متخلللف انما متقولش على نفسك كدده اناا ابن عمي ميعمللش كدده مع واحده من الشااارع مش تقولي نوور انت بتقول ايييه
يونس بدموع صدقني انا اللي لمستها ومعنديش كلام اكتر من كده اقوله وصدمتك انت وعمر وثقتكم انتوا وشهد اكتر حاجه وجعتني لان انا مستاهلش كل ده
عمر بوجع شهد دي طمرت فيها التربيه وقفت قدام الكل علشانك وخليتهم يخرسوا عرفت تربي فعلا فبلاش تكسر اختك اللي واثقه فيك ثقه عاميه بجد
يونس دموعه نزلت وتابع بحب ودموع دي نورعيني وبنتي وصاحبتي انا اللي ربيتها وانا اللي كبرتها مش امي ولا ابويا هي متعلقتش بحد قدي .. و انا لما جيت كنت عايز امشي من اسيوط علشان مشوفش نور مع قاسم قولت لسيف مقدرش امشي لان هي كانت اكبر اسبابي اني افضل علشان مقدرش اسيبها لوحدها هي واختها وهي بلذات علشان صغيره بس والله ما قادر اقولها انا قد ثقتك انا حقيقي خذلتكم
سيف هز راسه برفض وتابع بوجع وهو بيوجه وش يونس ناحيته وتابع لا متعملهاش ولو قعدت للصبح تحاول تقنعني مش هقتنع ….. مالك يا صاحبي عينيك بتحكي كتيير .. بتحكي اللي انت مش قادر تقوله ..قولي وانا هشيل معاك .. قولي يا يونس ووغلاوه امنيه عندي ما هشوف نور فيها حاجه دي ست البناات كلهم واختي وشرفي زيك …احكيلي مين ابن الكلاب الزباله اللي داس على شرفنا واحنا نجيبلها حقها تالت ومتلت
يونس بوجع ولو قولتلك انا بردو هتجيبلها حقهاا
سيف بوجع لا مش انت ممكن يكون اي حد الا انت .. والا نور عندك هو انا عارفك امبااارح ??? ده انت بتعشقها كلمه قليله بتتمني قربها ااه مختلفنااش علشان حبيبتك بس عمره ماهيكون بلطريقه دي عمره ماهيكون بلاسلوب ده .. ده حتى لو مراتك ومش مستعده ولا رفضااك مش هتفرض نفسك عليهااا تقوم تقولي اعتداء وبلاسلوب ده !!! لا بصراحه مش هصدق لو اطبقت السما على الارض
يونس بوجع هتصدق بلوقت انما انا معنديش حاجه اقولها اكتر من كده صدقني
عمر بتنهيده خلاص سيبه على راحته يا سيف هو حقه يقول اللي يريحه واحنا من حقنا نصدق اللي يريحنا
سيف بوجع قولت الخلاصه يا عمر .. براحتك يا يونس بس افتكر انك خبيت علياا هاا
يونس بتنهيده انا مخبتش صدقني دي الحقيقه
سيف بتنهيده تمام تمام قوم بقى واخلص علشان نلحق نجيب حاجه نور من شقه قاسم نحطها في شقتك ونخلص العفش
عمر بتنهيده هي خلصانه تشطيب صح ??
سيف من بدري عاملها وقافلها هي واقفه على الاجهزه والعفش بس
عمر بتنهيده خلاص تمام روح انت لمراتك وانا وهو هنلف انهارده وبكره لازم نخلص كل حاجه باذن الله
سيف لا خدوا راي نور بردو عادي لو مردتش على يونس هكلمها انا نصورلها ونبعت خليها تختار
عمر بحب حقها يا عم مش عروسه
سيف بحب عروسه وست العرايس كمان
يونس كان بيبص لسيف وهو بيتكلم ويرجع يبص لعمر وهو بيتكلم فتنهد وتابع بس يا غالي منك ليه بس اقعدوا ساكتين هعمل كل ده ليه انا مش فاهم مش لما نور توافق الاول 90% كتب الكتاب هيتأجل لحد ما توافق
سيف بضحك خليتها وافقت ياحيوان يخش يطمر
يونس اتفاجئ وتابع بفرح نعم وافقت ازاي يعني
سيف فضل يضحك وتابع بص الواد الضحكه بقيت من الودن للودن ازاي
عمر بضحك في ثانيه غيرتله المود
يونس بضحك لالا اهدوا بجد بلاش هزار قولي احكيلي وافقت ازاي
سيف بضحك هو ايه اللي وافقت ازاي هو انت تترفض يا ابني بعيدا عن اي حاجه نور مقتنعه انك متترفضش و مش اي حد يعني مال وجمال ومنصب وهتبقى مرات الدكتور وترفض كمان اكيد لا يعني احنا مش جايبينلها واحد من الشارع
عمر بضحك وهتتأمر على الطلاب بقى ومرات الدكتور راحت مرات الدكتور جات
يونس ضحك بفرح وتابع يعني انت بجد قولتلها وهي رضيت ياانهار انا مش مصدق بجد .. قول وغلاوه امنيه كده وافقت
سيف فضل يضحك وتابع وغلاوه امنيه وافقت ياحيوان
يونس بفرح يانهااار ابييض ده انا كنت شايل الهم بجد وتنهد بعمق وتابع قسما بالله هم وشيلته من على قلبي
عمر بضحك مش هينام من الفرح انهارده
يونس بضحك لا اناام ايه ده انا يادوبك صح اروح اشوف هجيب ايه قدامي انهارده وبكره بس
سيف بحب ربنا يسعدكم يا غالي
يونس بفرح يارب .. يارب بجد
عمر بضحك ونشوف عيالكم بقي عيب اكون اصغركم وبقيت اب وانتوا لسه
سيف بضحك هو طول ما انتوا ورايااا انا هعرف اخلف ولا اتنيل ولا اتجوزز اصلااا
يونس فضل يضحك وتابع حرام عليك صحيح نزلته معاك ليه
عمر بضحك على اساس عند اهله دم ما كان سايبها طول النهاار وفي مصر مع العميد هو هيتلكك بينا
سيف بضحك لا بجد انتوا حوارتكوا كترت وانا اخر ما ازهق هاخد البت واخلع من ام البيت ده خالص مش ناقص قرف ده انا مبعرفش اقولها كلمتين على بعض ولا اعمل اي حاجه قسما بالله والاقي المصايب اشتغلت
يونس بضحك اي حاجه اي حاجه ?
سيف بضحك اه اي حاجه .. بص انا فضحتكم مرفعتش راسكم خلاص زمان سيرتي على كل لسان في العيله
فضلوا يضحكوا فتابع يونس بضحك لالا ادعي ربنا تستر عليك وتديك فرصه تانيه
سيف بضحك اتمنى حقيقي لحد ما نشوف هترسي على ايه
يونس بضحك يعني يا جدع احنا اللي من زمان بنحبهم وبنحكي لبعض حياتنا لسه خراب وعمر اللي كان ساكت وبيداري علي شمعته واصغرنا اتجوز وعاش وخلف اهو
سيف فضل يضحك فتابع عمر بضحك لا يا غالي مش حكاايه بداري على شمعتي انا خوفت اقول هي مين بس مش اكتر والله
فضلوا يضحكوا فتايع سيف بضحك عاارف اقسم بالله وقولتله كده
يونس بضحك يجدع يخربيتك مربيلهم الرعب
عمر بضحك مكنتش اقدر انطق بصراحه بس الحمدلله دلوقتي بقيت مراتي وام ابني كمان
سيف بضحك طب احترم نفسك يحيوان عشان بغير
عمر بضحك حاضر يا باشا ولا يهمك
يونس بحب ربنا يديمهم ليك يا غالي وعقبال ما تخاويه
عمر بحب اللهم امين ياارب
سيف بحب طب يلا ننجز وتروح تشوف حالك وتجيب حاجه نور من شقه قاسم هي معاها المفتاح
يونس بتنهيده انا بصراحه مش عايز اخد حاجه من شقه قاسم هجيب انا وخلاص
عمر يحبيبي دي حاجه نور بفلوسهاا انت بتهزر ولا ايه هي كانت بتسيبهم هناك كل ماتشتري علشان هيبقي بيتها انما خلاص هي خلصت فانطلع انا وانت بعربيات ننقل كل حاجه دلوقتي
يونس بضيق لالا انا هجيبلها بلاش قرف
سيف لا يا يونس ما هي جابت اجهزه وحاجات هاتهم تجيب غيرهم ليه يعني ما موجودين يحبيبي بلكرتونه
يونس بتنهيده مش عارف انا مش طايق اروح هناك اصلا
عمر بحب ياعم متطلعش انا هطلع بس اسالوها حاجتها في انهي حته علشان اختارتها ودفعت فيها حرام وايه هي الحاجه بلظبط واحنا هنجيبها وحاجات قاسم يخش تولع مش عايزينها انما ده حقها
يونس بضيق تمام بس السرير لا انا عارف ان نور اللي جيباه ومش عايزو
سيف بضحك وغمز طبعا يا لئيم عايزو جديد ده على مزاجك مش اي كلام
عمر فضل يضحك بشده وضرب كفه في كف سيف فتابع يونس بضحك اتلم يا حيوان واحترم نفسك انت هتستلمني انا ولا ايه .. انا مش عايز اخده علشان الوسخ ده عمل عليه حاجه حرام .. فانت بتهزر ولا ايه هدخل بيتي حاجه وسخه زي دي ليه يعني
سيف اه اه صح افتكرت لا عندك حق وضحك وتابع بس فعلا الحفله عليك انت الفتره الجايه خلاص
يونس بضحك لا الحفله على اللي اتجوز بقاله يومين ولسه كاسفنا مش علياا انا خالص
عمر فضل يضحك فتابع سيف بضحك هو انتوا بتدوا الواحد فرصه حتى يلمح الله ينعل ام معرفتكم في الارض على اللي يسكن في بيت عيله
يونس بضحك طب ايه اخلع من اولها ??
سيف بضحك خدها مني نصيحه من واحد اتجوز يومين بس .. بس والله بس بيفهم من تجاربه بسرعه عايز تتبسط مع مراتك اخلع فعلاا لالا بجدد اخلع منصحش خاالص خصوصا انت كبير على بنتين فكل شويه يونس .. يونس بص مش هيشوفولك خلفه قرنين على الاقل بلوضع ده
فضلوا يضحكوا بشده فتابع مش قاادر ده الراجل شاايل ومعبي
عمر بضحك اصل هو اتجوز 48 ساعه احسب اللي قعدهم مع امنيه كده منهم قد ايه
سيف بضحك ورحمه اخويا ما يزيدوا عن ساااعه ولما رجعت من المسشتفى ونمت شويه كانت هي نامت فانا وشي اتحط في وشها سااعه بس واقسم بالله ما قادر وهتخليني اطق فبقول لو كنت فضلت اليومين كاملين معاها كان حصل فياا ايه
فضلوا يضحكوا فتابع يونس بضحك حصونك هتنهار زي ما قولتلك
سيف بضحك والله حاسسها اقسم بالله لولا عمر اتصل بيا كانت اانهارت من بدري
يونس بضحك الله يحرقك يا عمر ليه تقطع رزق اخوك كده
سيف بضحك بس ياحيوان اتلم ده الحمدلله انه رن بجد
عمر بضحك ياريتني ما اتصلت والله لو اعرف مش هرن وهسيبك وهفضل واقف حرس على باب شقتك علشان محدش يخبط
فضلوا يضحكوا بشده فتابع يونس بضحك لالا مش قاادر بجد الواد هيموت ويخليك تتجوز اكتر منك شخصياا
عمر بضحك يا عم عاايز عروسه ابني يا عم الله
سيف بضحك والله انتوا الاتنين متربتوش بتشجعوا الواحد على قله الادب اوعاا كده انت وهو يلاا نمشي علشاان نلحق
فضلوا يضحكوا بعدين تابع يونس بحب طب ماتكمل جميلك وقعدني مع نور شويه علشان اسالها على كذا حاجه
سيف بحب من عيوني هقولها يلا بس اركب
يونس هركب عربيتي ووراكم متخافش
عمر ربنا يستر ونلحق انا مش عارف جدك استعجل على ايه ده يومين بس هنلحق نفرش الشقه
سيف البنات تفرش وانتوا تنصبوا الحاجات التقيله بس اخلصوا ايدينا في ايد بعض هنساعد
يونس بضحك وانت معانا يعني ??
سيف بضحك لا انا مجبتش سيرتي انا ومراتي في الموضوع ده
فضلوا يضحكوا فتابع سيف بضحك اكيد معاكم طبعا يحيوان بتهزر ولا ايه هتهنا انا واسيب اخوياا بيغرق
يونس بضحك لا فيك الخير يا غالي يعني انت مش بتتلكك علشان متقعدش معاها في مكان واحد تؤ تؤ ده انا عايز اساعد اخويا
سيف فضل يضحك وتابع اه بصراحه مش عايز اقعد معاها لوحدنا كتير اكدب
عمر بضحك لا متكدبش ازاي يارب نلحق بس بجد
يونس بتنهيده ملحقناش يبقى الخميس اللي وراه مش مهم المهم هي وافقت
سيف غمز لعمر من غير ما يونس ياخد باله وتابع : لا جدك اكيد عايز بسرعه علشان يخاف تطلع حامل زي ماحصل مع جودي فتلموا نفسكم بسرعه احسن
يونس اتصدم بشده وتابع تطلع ايه ?
عمر فهم كلام سيف فتابع بتنهيده : ما طبيعي يا غالي مش حصل بينكم حاجه ما ممكن تحمل صح ليه لا ما جودي حملت من قاسم بكل سهوله دي حاجات بتاعت ربنا
سيف بتنهيده هيبان عموما الشهر ده انت اتجوزها ومعروفه طبعا هتتاكد ازاي هو لو عدا الشهر ده خلاص
يونس قلبه وجعه بشده وحس بنغزات بتموته وكتم دموعه بلعافيه وتابع بصوت مسموع بلعافيه: خير باذن الله وركب عربيته
فبص سيف لعمر وتنهد بعمق وعمر فهم ان يونس مش هيقول مهما حصل فهز راسه بيأس وركب جمب سيف
ويونس وراهم بعربيته وتابع بوجع ودموع وهو بيسوق : لالا يارب ارجوك ميحصلش حاجه زي دي انا اه راضي اني اتجوزها وعمري ماهشوفها فيها اي عيوب بس مش هقدر اربي ابن قاسم على انه ابني واديه اسمي مش هقدر اعمل حاجه زي دي واغضبك لانها حرام ولو مش حرام عمري ما هعرف اعملها ولا اربيه ده انا هموت كل ثانيه وانا شايف بطنها بتكبر قدامي فارجوك يارب متحملش ولا يحصل اي حاجه من الكلام ده مش هقدر استحمل كفايه اللي عشته ارجوك
في عربيه سيف
سيف بحده اقسم بالله ابن كلب .. والله ما عارف اضغط عليه ايه اكتر من كده علشاان يحكي .. انا عاايز ااساعده دمي بيغلي يا عمر نفسي اشوف اللي عمل فيهاا كده واصفي دمه
عمر بتنهيده جبتها في مقتل انت بصراحه
سيف بصله وتابع بتنهيده عاارف ووالله مش قصدي اوجعه بس انا تعبت هتجنن من امتى يونس بيخبي علياا
عمر بحزن انت عارف خبى علينا ليه مش هنكون عنده اغلى من نور ومهما حبنا وحكالنا فمش هيحكي عن شرفها يا سيف دي حبيبته فصعبه فوق ماتتخيل
سيف بوجع ودي اختيي ويصعب علياا ان يونس كده بيضيع حقهاا
عمر بتنهيده متهيالك يا صاحبي يونس عارف هو مين واكيد مسكتلوش .. عينيه دي اللي بتطلع قهر وهو بيتكلم بينت انه عرف واكيد مش طول اليوم قاعد في الشارع لا هو دور وقدر يوصل ويعرف
سيف وانا بكل سهوله اقدر اعرف لو عايز بس انا مش عايز اعرف حاجه هو رافض يحكيهالي انا بحترم رايه ورغبته علشان كده عايزه يحكيلي من نفسه فبضغط عليه انما عمري ما افكر اكسره واعرف اللي حصل من وراه
عمر بحزن سيبه براحته لو تعب من شيل الحمل اكيد هيرميه علينا كلعاده
سيف نفخ بضيق وتابع منا سايبه يا عمر .. سايبه
وفون عمر رن فتابع دي امنيه
سيف ااه رد وهاتها انا نسيت فوني اكيد عايزاني
عمر رد وحط الفون على ودن سيف فتابع ايه يحبيبي
امنيه ايه يا حسام انت نسيت فونك هنا ومن بدري بتصل جايلي غير متاح اتاريه فاصل جمبي
سيف بتنهيده اه من الاستعجال والله يحبيبي في حاجه ولا ايه
امنيه الاول طمني عملت ايه ?
سيف بتنهيده لما اجي يا امنيه بس خلاص لاقيت يونس وهيجي معاياا وهيتجوزوا يوم الخميس
امنيه بصدمه هو عمل كده صح ?
سيف بتنهيده بيقول .. اصله كان بيحبها فا الموضوع ضعف والشيطان استغله وكده
امنيه بصدمه يحبيبتي دي تلاقيها مش قادره تبطل عياط انا مصدومالها بجد ومش مصدقه
سيف بتنهيده لالا متقلقيش عليها انا حلفتها برحمه ح ورايح ينطق فتح عينيه بتفاجئ وضرب على الدريكسيون كذا ضربه وتابع بتوتر برحمه حد غالي عليها يعني فاهي مش هتعيط انا واثق بس اكيد نفسيتها تعبانه اه ونفخ بتوتر وعمر كتم ضحكه بلعافيه
امنيه بحزن طب ممكن انزلها شويه معلش يحبيبي لحد ما تيجي
سيف بحب روحي اقعدي مفيهاش مشكله بس البسي عدل .. كنتي عايزه ايه بقي
امنيه بحب هاتلي علبتين لبن وانت جاي علشان نفسي راحت لرز بلبن فهعمله .. و اه صح والقشطه متنسهاش
سيف عيوني .. حاجه تاني ?
امنيه بحب لا سلامتك ينورعيني
سيف بحب ماشي يحبيبي باي
امنيه بحب باي
وقفلت فتابع عمر بضحك يخواتي على الحنيه والرقه والصوت الهاادي مبتسمعش هي ثااابت .. واضررب .. واحترم نفسكك يا حضرره الظاابط .. وركزز متتسرعش … وانت هناا في سينااا يا بييه مش جايين نهررج في 100 مليون مطلوب منك تحمييهم .. ولو النجوم تقيله على كتاافك سيبهم للي يستاهلم واقعد في البيت
سيف بصله وتابع بضحك الله الله الله ده انت تستقيل من الحربيه بقى ونقدملك في معهد تمثيل ومسك خده يقرصه وتابع بضحك جبت الشطاره دي كلهاا منين ياض ياا عمر انت بتقلدني صحيح
عمر فضل يضحك وتابع حفظت بقى خلاص انما معاها هي حنين بتعمل فيها اسد علينا احنا بس
سيف بضحك ورفعه حاجب اومال عليهاا هي يا حيوان ولا ايه انت هتجيب اشكالكم اللي تسد النفس دي لحتت الكريز بتاعتي طب دي لو اتعصبت عليها بنفس طريقتكم تموت
عمر فضل يضحك بشده فتابع سيف بضحك انت بتضحك !! انا بتكلم جد وربناا هي اه لسانها مبرد وعصبيه بس لما بتعصب عليها بتعيط علطول مبالك لو عاملتها زيكم
عمر بضحك مش قادر بجد بعيدا عن الهزار واحده واحده عليها صح لان انت فطرتك العسكريه ممكن تخليك تقسا بعد الاحيان من غير ماتاخد بالك
سيف بتنهيده منكرش ااه بيحصل بس برجع اخدها في حضني واقولها حقك عليا بس ده ليه بقى انا هقولك انت زينب بتعلي صوتها عليك ?
عمر ضحك ورايح يتكلم فتابع سيف بضحك ما تقولش اه عشان وربنا اديك في وشك انا اختي متعليش صوتها على جوزها ولا دي تربيتنا ليها
عمر بضحك لا ما انا هقولك الصراحه والله هي بتتعصب لما الموضوع يكون كبير اوي بس مجرد ما انا اقولها متعليش صوتك بتتخرس بصراحه
سيف بضحك اه منا بقولك انما اللي معايا انا هي تشم ريحه حاجه تحرق دمها تشم بس تلاقي صوتها ده الشارع اللي ورانا سمعه ومش معناه ان هي متربتش لا طبعا بس هفهمك زينب مثلا انا وحسام الله يرحمه مكناش بنخليها ترفع صوتها علينا طبعا وده طبيعي بس الزياده انها كانت بتهابنا اووي وانا بالذات فا تعودت على كده انما امنيه لا دلوعه اهلها فتلاقي ان عصبيتها دي بتخرجها عادي طول عمرها وانا معنديش الكلام ده اصل انا الرجاله نفسها ما بتتعصبش عليا تقوم تيجي مراتي تتعصب عليا فعلشان كده بنختلف كتير
عمر بضحك اه انتوا الاتنين عصبين
سيف جداا فوق ماتتخيل عصبين وعنادين لابعد حد احنا الاتنين فبيحصل قفله وهو الرجاله بطبعهم معروفين 90% منهم بيبقوا عصبين وانا بحكم شغلي كمان فا العرق في العاالي بس النادر ان الست تكون عصبيه بلاسلوب ده فتلاقينا كل خناقه الشيطان مبيلحقش يدخل بينا احنا ما بنصدق
عمر فضل يضحك وتابع انتوا فظاع بجد يخربيت كده
سيف بضحك غلب والله يا عم عمر بس اعمل ايه بحبها بنت الجزمه خلت سيف الرفاعي اللي عمره ما اعتذر لحد راح جابلها ورد وهديه وباس راسها كمان
عمر بضحك يجدع ده الحب بيبهدل صحيح وربنا مش قادر اتخيل انك عملت كده وفضل يضحك بشده
سيف برفعه حاجب ابقى اسمع اللي انا قولته ده بيتقال في الحكاوي الليله في الجيش هاا علشان اقسم بالله اعلقك وماهتنزل اجازه
عمر بضحك لالا متقلقش انا مقدر ان دي فضيحه قدام الرجاله ان سيف الرفاعي يعمل كده فاكيد مش هقول انا اخوك فهستر عليك
سيف فضل يضحك وتابع والله انت ابن كلب صحيح اومال هعاملها زيكم ولا ايه لا طبعاا دي ست البنات
عمر بضحك بركااتك يا شيخه امنيه اول مره اشوفه هادي
سيف فضل يضحك وتابع لا معاها بس متتعودش على كده انا سيف الرفاعي بردو متنسانيش
عمر بضحك محدش يقدر ينساه يا غالي
—-
بعد شويه في بيت الرفاعي وصلوا فتابع عمر ليونس هستناك هنا علشاان بكلم الناس اللي هتيجي معانا متتأخرش ها
يونس بتنهيده متخافش حاضر
سيف يلا يا يونس ورايا وطلع وبلفعل يونس وراه
يونس بتنهيده نطلع في الاسانسير علطول هاا مش عايز اطلع كده ليكونوا فاتحين الباب عند جدك
سيف تعالى اللي يريحك بس هو عموما محدش هيقدر يكلمك انا قفلت معاهم الموضوع ده خلاص
وبلفعل طلعوا وسيف خبط ففتحت امنيه وابتسمت بحب
سيف فتح ايديه وتابع بضحك ايه ده مراتي حبيبت قلبي بنفسهااا
امنيه ضحكت ودخلت في حضنه فباس راسها
يونس بضحك يا عم الله يباركلك الواحد مش ناقص فقعه مرار
سيف بضحك ايه ياحيوان انت مش شايفني بسلم على المدام مفيش دم خالص منا مش عارف اتلم عليها بسبب مشاكل اللي جابوكم ومعترضتش
يونس فضل يضحك وهمس في ودنه المدام بردو
سيف داس علي رجله وتابع بضحك اتلم ومتدخلنيش في تفاااصيل انا دلوقتي بتكلم في مبدا
يونس فضل يضحك وتابع طب يلا اخلص قعدني مع البت وطير مع مراتك ياخويا مش عايزينك في حاجه
امنيه بحب طب هطلع انا احضر العشا
سيف بحب ياريت والله علشان انا كده كملت يوم مكالتش حرفياا ومرضتش اكل في مصر لاقيت الوقت اتاخر لما خلصنا قولت اجي اكل معاكي
امنيه بصدمه يا نهار اسود بجد حرام عليك نفسك في حد يقعد كل ده ميااكلش
سيف بتنهيده غصب عني يحبيبي والله
امنيه لالا بجد حرام عليك صحتك مايغور الشغل
يونس بابتسامه اممم ومش حرام مرارتي اللي ممكن تروح ومش معايا غيرها دي ?? اعمل فيكم ايه لو اتفقعت دلوقتي ???
سيف وامنيه فضلوا يضحكوا فتابع سيف بضحك خلاص يعمري نتكلم فوق علشان يونس ميحسدناش
يونس بضحك اه والنبي لحسن احسدكم فعلا فاطلعي على شقتك يا مدام شاديه حضري للعندليب العشا علشان مكالش بقاله يوم
امنيه فضلت تضحك وتابعت واحلى منه والله انت هتجيب العيون العسلي والجمال ده لاي حد كده
سيف بضحك والله انتي حبيبت قلبي اصيله يا غاليه
يونس بضحك طب والله انا واقف وسطكم حاسس نفسي عازول لان الكلام ده بعده حاجات ماتطلعوا فوق بسرعه علشان حالتكم بقيت صعبه
سيف فضل يضحك وتابع يا حيوان يا ابن الكلب ايه اللي بتقوله قدام البت ده
وامنيه اتحرجت وخبت وشها في حضن سيف وفضلت تضحك وهو زيها
يونس بضحك لا اصل كده كتير بصراحه طب دخلني للبت واقعد حب فيها براحتك
سيف بضحك اخوك جايب اخره يا يونس مستخصر فيا الكلمتين اللي بيطروا على قلب الواحد
يونس بحب يا باشا ده انا عايز اخويا يتقفل عليه هو ومراته باب حديد ومفتاحه يضيع ومحدش يعرف يضايقكم تاني ومتطلعوش غير ب الاميره الصغيره انت بتقول ايه بس ابوس ايدك قعدني مع البت
سيف فضل يضحك بشده وامنيه وشها احمر وضحكت وتابعت طب هطلع انا فوق احضر العشا شوفوا عايز ايه واعملهوله حرام
سيف بضحك حاضر علشان انتي طلبتي بس وباس جبينها وتابع امسكي الحاجات اللي طلبتيها اهي
امنيه ضحكت وشالت منه الشنطه وابتسمت بحب وتابعت تعبتك يحبيبي
سيف بحب لا متقوليش كده انا معملتش حاجه
امنيه بحب طب هطلع انا ها
سيف بحب روحي بس طمنيني صحيح ايه اخبار نور
امنيه بحزن يعني والله هي مش بتعيط بس مش كويسه بردو
سيف بتنهيده خلاص روحي احنا هنشوفها
امنيه بحب ماشي وطلعت وسيف قفل الباب شويه وتابع بضحك ليونس وانت بتقولها مدام شاديه بتستفزني يعني
يونس فضل يضحك وتابع انا مبستفزكش واحده متجوزه بقالها يومين الطبيعي مدام بس هي الكلمه جات على الجرح انا عارف فيارب تستفزك
سيف بضحك ماشي يا حيوان ماشي صبرك علياا وراح خبط على باب نور وتابع بحب نور ممكن ادخل
نور بتنهيده ادخل يا سيف
سيف فتح ولسه رايح يتكلم فشافت يونس وتابعت بعصبيه انت ايه اللي خلاك تجيبه امشي اطلع برا
يونس بعصبيه احترمي نفسك ومتعليش صوتك انتي اتجننتي ولا اييه
سيف بحده بس انت وهو اكبرواا انتوا مش صغيرين وبص لنور وتابع علشان خاطري سيبيه يقعد معاكي علشان تتكلموا في تفاصيل حاجات مهمه في شقتكم اصل هيتكلم الكلام ده مع مين غيرك فمينفعش يحبيبتي لازم تتكلموا
نور بحزن لا انا مش عايزه اشوف وشه
سيف بضحك يا بابا افهميني بس انتي هتتجوزيه مش عايزه تشوفي وشه ايه
نور بحزن ماشي ما لما يجي الخميس
يونس ضرب كف في كف وتابع بضيق لاحول ولا قوه الا بالله انا عارف يارب ايه اللي خلاني عيلت للدرجه دي
سيف فضل يضحك فتابعت نور بعصبيه محدش قالك عيل ومحدش قالك العب في عداد عمرك واغلط معاياا طلما مش عجباك اوي كده
يونس بتنهيده سامع الكلام يا عم سيف ? وضحك وتابع العب في عداد عمري هتموتني نور على اخر الزمن .. اقسم بالله كلام بتاع عيال بتتخانق في حوش المدرسه
سيف بضحك معلش حقك عليا انا
نور بعصبيه حقك عليه ايه بس انتوا اتجننتوا سيف من فضلك خده واخرج
يونس بتنهيده سيف من فضلك اطلع لمراتك علشان سيبانك ليها كل شويه بوخ اوي
سيف بضحك احلى جمله اتقالت والله وبص لنور لقاها ربعت ايديها ولفت وشها بتبص جمبها فضحك وتابع اتلمي ومتصغرنيش هاا
نور سكتت بضيق فتابع سيف بحب طب هطلع انا واسيبكم وخبط على كتف يونس وهمس واحده واحده عليها ها ولو اتعصبت قدر موقفها هي غصب عنها بردو ومتنساش تطمن شهد كانت قلقانه عليك اوي
يونس بابتسامه حزينه حاضر وبعدين انت هتوصيني عليها بذمتك ?
سيف بحب واثق فيك كده كده .. ربنا يهديكم يحبيبي يلا سلام
يونس بحب سلام
وسيف طلع بلفعل ويونس راح شد كرسي وقعد قدام سريرها وتابع بتنهيده اترزعي
نور بحده مش مرزوعه خير بقى
يونس تنهد بعمق وتابع نور لو سمحتي اقعدي متفضليش واقفاالي كده علشان نعرف نتكلم
نور قعدت على السرير وتابعت بوجع اممم خير عايز ايه
يونس بتنهيده ممكن بلاش النظره دي
نور ابتسمت بسخريه وتابعت اومال عايزني ابص ازاي لواحد عشت عمري كله مش شايفه اماني غير معاه وهو كسرني ?.. عارف وانا عيله صغيره كنت زمان بخاف من الشارع وبسمع عن خطف وحاجات كتير ومجرد ماكنت ادخل بيت الرفاعي كنت اقول خلاص انا وصلت بيتي مفيش عليا اي خطر واحس بامان بس ان الخطر والقهر يجي من بيتي ومنك انت بلذات دي صدقني اللي لو عشت عمري كله احاول انساها مش هعرف
يونس بوجع مش هتنسي ومعاكي بس هتتقبلي ومسك ايديها باسها بعمق وتابع والله اوعدك اني هعمل كل اللي انتي عايزاه وهنتخطى كل ده سوا
نور بوجع صدقني مش هقدر وانا قايله لسيف لو معرفتش هتطلقني
يونس اتوجع وبصلها وتابع اطلقك !!!
نور بوجع اممم انا مضطره اتجوزك علشان اللي حصل انما مش مضطره اني اكمل معاك علطول
يونس قلبه وجعه من كلامها وابتسم بوجع وتابع اه اكيد طبعا على راحتك اللي انتي عايزاه هيحصل صدقيني انا مهما كنت عايزك عمري ما اقدر افرض عليكي انك تعيشي معايا
نور بوجع عايزني اممم ..حقيقي احنا عايشين في زمن صعب ولا يحتمل والناس اتغيرت اوي وبقيت وحشه وكل حاجه اتقلبت وبقى يحصل اي حاجه ومن اي حد
يونس بتنهيده ده حقيقي فا المفروض الواحد ميعشمش في اي حد عموما ويقول ده ميقدرش يعمل كده او يقول كده
نور بحده الكلام ده المفروض انا اللي اقوله مش انت ومش حاجه تزعلك اني بقولك لو مرتاحتش معاك مش هكمل
يونس محبش يبين وجعه فضحك وتابع لالا وانتي مين قالك اني زعلت من كلامك عندك حق طبعا اطلقك لو مرتاحتيش .. وواحد زيي يوم ما يفكر يقول يا جوااز تاني شوفي هتلاقي كام واحده من كام عيله وانتي عارفه كده كويس اوي
نور بعصبيه اه يعني ايه مش فاهمه ?
يونس بحده وانتي مال اهلك ولعتي ليه انا دلوقتي لما اطلقك منا هتجوز واعيش حياتي ولا هبكي على الاطلال مش فاهم
نور بحده ده لما تطلقني انما طول منا مراتك تحترم وجودي زي منا هحترم وجودك
يونس بغيره : ده غصب عنك مش بمزاجك بيا ومن غيري لو عملتي حاجه متعجبنيش اقتلك فيها
نور بضحك طب هتشوف
يونس بحده بلاش اشوف علشان لو شوفت اقسم بالله العظيم انتي اللي هتشوفي واحد عمرك ماشوفتيه
نور غمضت عينيها بضيق وتابعت طب اخلص كنت جاي عايز ايه
يونس بحده نور احترمي نفسك وانتي بتتكلمي معايا ياريت مننساش ده هاا
نور بابتسامه والله اسلوبي عادي انا بتكلم مع واحد هيبقى جوزي دلوقتي مش ابن عمي واخويا الكبير
يونس ايوه ويعني انتي بتشوفي امك بتكلم ابوكي بلاسلوب ده ? ده كان طلقها
نور بوجع وابويا معملش زيك ابويا راح طلب امي بلاصول ودخل البيت من بابه
يونس اتوجع من كلامها بس تماسك وتابع بابتسامه انا حبيت اغير الروتين ودخلته من شباكه ولا تزعلي
نور بحده طب متعصبنيش وتيجي بعد كده تقولي صوتك عالي علشان انت مستفز
يونس بحده والله انت اللي بدأتي بلتلقيح وقله الادب وده مش اسلوب جواز .. ومتقدريش تعملي حاجه اصلا واتنيلي اخلصي قولي حاجتك اللي شايلاها عند قاسم في انهي مكان وهاتي مفتاح الشقه عشان رايح اجيب الحاجه
نور تنهدت بحزن وتابعت انت رايح دلوقتي ?
يونس بتنهيده اه دلوقتي اخلصي يلا
نور قامت فتحت الدولاب وجابت المفتاح ومدته ليه وتابعت مفتاح الشقه اهو والاوضه اللي اخر الطرقه على اليمين هي اللي فيها كل حاجتي الباقي بتاع قاسم ميخصنيش ومتجيبش السرير من فضلك
يونس بتنهيده انا مكنتش هجيبه كده كده وقوليلي بالمره هتعزمي مين من صحابك
نور بتنهيده عادي هما مش كتير سيليا وهند بس اقرب اتنين ليا فهعزم دول بس
يونس بتنهيده ما بلاش سيليا يا نور
نور برفعه حاجب ايه خايف على مشاعرها ?
يونس بحده وايه الغلط في اني اقدر مشاعر بني ادمه وموجعهاش
نور راحت طبطبت على صدره وتبعت لا متخافش يا حنين سيليا اتخطبت بقالها شهرين ولولا كده لولا هعزمها مش انت حنين وانا اللي قلبي ميت يعني
يونس تنهد بارتياح وتابع طب الحمد لله والله العظيم ريحتي يا قلبي
نور بضيق اممم ده والله الواحد يحمد ربنا انه مش مصاحب ناس كتير في الكليه علشان لو مصاحب كان زمانه خسر نص اصحابه دلوقتي ومعزمهمش
يونس بضحك ليه هو نص الكليه معجبه بيا ولا حاجه
نور ابتسمت بضيق وتابعت اممم مانت متعرفش حاجه خالص انا بشوف بعيني وبسمع فأدراى منك
يونس بضحك فكك من الجو ده بجد اعملي نفسك مش سامعه ولا شايفه
نور بحده لا ما هو انا لو لاقيت واحده بتستخف في دمها مش هسكتلها علشان نبقى عارفين .. الاول تمام انت كنت ابن عمي انما دلوقتي اياً كان شكل علاقتنا ايه فانت قدام الدنيا كلها جوزي يعني انت تحترمني وهما يتلموا
يونس بابتسامه لا في المواضيع دي هسيبك تحكمي بنفسك يلا هنزل انا وخرج وهو بيكلم شهد في الفون
شهد بلهفه ايوه ايه يا يونس فينك يحبيبي
يونس بحب قدام شقه عمك ايمن انزليلي
شهد بلهفه حاضر من عيوني وقفلت معاه وخدت السلالم جري فشافها نازله فتح ايديه
فشهد جريت حضنته وتابعت بعياط عامل ايه دلوقتي يحبيبي قلقتني عليك
يونس حضنها اكتر وباس راسها وتابع بحب الحمدلله ينورعيني متخافيش عليا انا كويس والله
شهد بصتله وحطت ايديها على خده وتابعت بالله عليك انت كويس ورحمه امك قولي الصراحه
يونس بحب والله ينورعيني كويس ومسح دموعها وباس جبينها وتابع حقك عليا اني قلقتك كده بس انا كنت عايز افصل شويه لوحدي
شهد بدموع انا عارفه ان الوضع صعب بس والله كله هيتعدل وهيبقى زي الفل ونور مسيرها تنسى وتحبك
يونس بوجع اتمنى ده حقيقي
شهد ابتسمت بحب من بين دموعها وتابعت ده يبختها انها طلعت حبيبت عمرك اللي فضلت لوحدك العمر ده كله علشانها
يونس بضحك قفشتيني يعني
شهد بحب ودموع بفهمك من عينيك وفاهمه حاجات تانيه كتير بس هريحك علشان عارفه انت بتعمل كده ليه
يونس برفعه حاجب شهد انا قولت
شهد بمقاطعه قول اللي تقولوا بس علشان خاطري هنقفل الموضوع ده وللابد وانا جمبك ومعاك ومش هسعى غير علشان اشوفك مبسوط معاها ودموعها نزلت وتابعت وتخلوني عمتو بقى
يونس ابتسم وحضنها وتابع يارب يحبيبتي اللهم امين يسمع منك ربنا
شهد بدموع بس متتبسطش اوي انا بغير بردو ما خلاص هتركن على الرف شرفت الهانم اللي فضلت السنين دي كلها بدور عليها وعايزه اعرف هي مين دي اللي امها بتدعيلها االلي دخلت قلب دكتور يونس الرفاعي بحاله
يونس فضل يضحك وتابع هتشتغل شغل العمات الحرابيق اهو بس انا مقدرش اركنك على الرف ده انتي نورعيني وبنتي
شهد بضحك من بين دموعها حبيبي بس ما هي من انهارده هتقولي يا عمتي صح
يونس بضحك يا شيخه اتنيلي بس تعتبرني جوزها وتحترم نفسها معايا انا الاول
شهد برفعه حاجب دي صاحبه مشواري وبعتبرها اكتر من اختي وفرحانه انها هي اللي هتبقي مراتك بس هتكسر كلمتك ولا هتضايقك اروقهالك عاادي معندناش ستات تكسر كلام رجالتها
يونس فضل يضحك وتابع لالا وربنا انتي فظيعه .. عايزه الصراحه انا بخاف على البت منك هو انا هنسى لما وقفتيها فوق السفره علشان علبه نوتيلاا واستخبت فيا
شهد فضلت تضحك وتابعت هي اللي متربتش وخدت علبتي وابتسمت ورفعت حاجبها وتابعت وبلمنااسبه صحيح هتجبلها علبه تجبلي علبه وكل حاجه اتنين
يونس بضحك ده من عيوني انتي عارفه مبفرقش بينكم
شهد اممم هيبقى ماضي بقى علشان دي الحته وانا اختك عادي
يونس فتح عينيه بتفاجئ وتابع بضحك يخربيت اهلك بتقولي ايه يا بنت الجزمه انتي لا طبعا ده انتي نورعين يونس انتي وحضنها فحضنته اوي فبااس راسها وتابع بحب انتوا الاتنين بناتي والله العظيم وضحك وتابع ومش معنى ان نور المره دي خدت منك يونس مش علبه نوتيلا ان هفرق بينكم لا طبعا
شهد خرجت من حضنه وبصتله برفعه حاجب وتابعت من اولها يا يونس !!! ايه الجمله المهزقه دي !! ايه خدت منك يوونس دييي والله اضربهااا
يونس فضل يضحك بشده وحضنها وتابع لالا والنبي ماتضربيها دي مفيهاش قلم بهزر اقسم بالله بهزر محدش يقدر ياخدني منك وفضل يضحك
شهد بضحك ايوه اتلموا كدده علشان مفركش الجوازه على دماغكم
يونس بتمثيل : يعني يهون عليكي يونس ?? بقولك بحبها
شهد بصتله بحزن وتابعت لالا طبعا يعمري بهزر مايهونش عليا ده هما كلهم العيله دي انت اللي خساره فيهم هما يطولوا وحضنته
يونس بضحك حبيبت قلبي انتي والله
شهد بحب خد بالك بسببي هتتجوزها اهو انا داعيتلك في قيام الليل ربنا يجمعك بحبيبتك
يونس الدموع اتجمعت في عينيه ورفع ايديها باسها بحب وتابع وكانت ساعه مستجابه ربنا مايحرمني منك ابدا يارب ويفرحني بيكي واشوفك اجمل دكتوره
شهد بدموع فرح يارب ينورعيني ده انا والله مش قادره اصدق ان هشوفك عريس هموت من فرحتي وكمان على نور فبص مش قادره حاسه هطير بجد
يونس بحب بعد الشر عليكي ينورعيني وربنا يديمك لينا بجد
شهد بحب يارب يحبيبي وضحكت وتابعت وصحيح هاتلي نوتيلا وانت جاي انا مبدعيش ببلاش
يونس بضحك من عيوني حاضر
شهد بضحك ونور زيي
يونس بضحك مقدرش انساها عيب عليكي
شهد بضحك اممم بقولك ايه محن مش عايزه
يونس بضحك يابت اتلمي يابت انتي بتكلمي اخوكي الكبير
شهد فضلت تضحك وتابعت حاضر هحاول
يونس بحب وصحيح خدي المجنونه بتاعتي بكره وروحي هاتيلها فستان بس مش لوحدكم احمد يوصلكم وهديكي الفيزا لما ارجع بس بالله عليكي يا شهد ما عايز قله ادب ومسخره وانتي عارفه ايه يعصبني وايه عادي وهي مش محجبه فشوفيلها حاجه مداريه وحلوه تعجبها ولو تعبتك وصممت على حاجه هتخليني اطلقها قبل ما اتجوزها اتصلي بيها اهزقها
شهد فضلت تضحك وتابعت حاضر والله من عيوني متقلقش
يونس بضحك مع ان مفروض باللي انتي بتعمليه فيا اقلق بس معلش هثق فيكي يلا هنزل انا عمر كسر عليا الفون بقاله كتير تحت
شهد بضحك ماشي يحبيبي روح ومتنساش النوتيلا ها
يونس بضحك متخافيش مش هنسى
—
في شقه نرمين اوضه زينب كانت قاعده بتتكلم مع عمر في الفون
زينب بحب والله متخافش انا كويسه واتعشيت ومفيش اي حاجه
عمر بتنهيده اصل انا هتأخر شويه مع ابن عمك فهاجي بليل هلاقيكي اكيد نمتي فبطمن من دلوقتي
زينب بحب لالا متقلقش يعمري
عمر بحب حسام اخباره ايه
زينب بصت عليه بحب وتابعت اهو برضعه وبينام وضحكت وتابعت ويارب ينام بجد لان لو فضل يزن هديه لماما وانام انا مش قادره
عمر بضحك اه اعملي كده انتي منمتيش كويس انهارده
زينب بتعب والله اه يا عمر الارهاق هو اكتر حاجه حاسه بيها
عمر بحب حقك عليا هو ده قله نوم بس ولما تنامي حلو انهارده باذن الله تصحي بكره زي الفل
زينب اه صحيح لو صحيت بكره كويسه نمشي بكره ولا بعد فرح يونس
عمر خليكي بعد فرح يونس بلمره علشان لسه هنروح ونيجي بعيد اوي علينا فمش نروح بكره ونيجي بعده وكمان انا مش هتلاقيني معاكي خالص بسبب الحاجات اللي بنشتريها فخليكي مع اهلك احسن اطمن عليكي لو عوزتي حاجه او تعبتي
زينب بحب خلاص ماشي يموري
عمر بضحك يابت اتلمي
زينب بضحك انا بتكلم جد ايه بيضحكك انت دلوقتي
عمر بضحك لا ولا حاجه هعتبر نفسي مسمعتش يلا روحي كملي اكل الواد ونامي ارتاحي شويه
زينب بحب حاضر خلي بالك من نفسك يموري
عمر بضحك حاضر يا مهزقه
زينب بضحك الله ما انت واخد بوسه علشان توافق اقولك ووافقت بتستعبط ليه دلوقتي
عمر بضحك انا مش فاكر حاجه زي كده لما ارجع فكريني
زينب فضلت تضحك وتابعت لا مبفكرش انت خلي عندك ذمه وضمير ده تعاقد بينا قولتلك ده مقابل ده واتفقنا تنسى ازاي دلوقتي
عمر بضحك ما انا اي تعااقد معايا بيقعد كام ساعه وبيحتاج يتجدد
زينب فضلت تضحك وتابعت لا خلاص انت ليك في اللي ينصب عليك يموري ومن غير تعاقدات خالص
عمر بضحك لما ارجع نشوف الموضوع ده وحاولي كده يمكن افتكر
زينب بضحك اتلم مش هفكر حد انا يلا باي علشان اخد بالي من الواد
عمر بحب طب وابو الواد طيب
زينب بضحك راحت عليه خلاص
عمر بضحك اخص عليكي هانت تقوليها
زينب بحب بهزر طبعا يعمري
عمر بحب حبيبت عيوني والله روحي خلاص اكليه ونامي
زينب بحب ولما تيجي صحيني احطلك تاكل
عمر بضحك متشغليش بالك بيا انا هتعشا برا على حساب يونس انهارده
يونس جمبه فتابع بضحك ياعم من عيني والله
زينب بضحك خلاص اتفقنا يلا باي
عمر بحب باي
وبعت يونس لنور: نور خليكي معايا متناميش علشان هبعتلك حاجات كتير اختاري منها
نور قرات الرساله وبعتتله تمام فشافها وقفل الفون وركز في السواقه
–
في شقه سيف وامنيه
امنيه كانت واقفه بنفس العبايه بتاعتها بتحضر العشا بعدين طفت على الاكل ودخلت تغير ولبست قميص بينك قصير وفوقيه الروب بتاعه وحطت ميكاب بينك هادي وفردت شعرها وخرجت تحط الاكل في اطباق لحد ما سيف يجي وبتبص على الساعه لقيتها 12 الا دقايق فنفخت بضيق وبقيت تكمل اللي بتعمله وسمعت صوت الباب اتقفل فتابعت بصوت مسموع لا بالله عليك قولي في ايه بيقرصك في البيت وانا اموته انما مش كل ماتيجي تنزل كده
سيف من برا تابع بضحك حقك عليا افتكرت اني نسيت اجيب حاجه كنت عايزها وانا طالع فنزلت تاني
امنيه بحب طب تعالي رص معايا الاكل ده على السفره ممكن
سيف بحب ممكن طبعا بس هدخل الاوضه اغير وجايلك
امنيه بحب ماشي يحبيبي
ودخل سيف بيتسحب وقفل الباب من غير ما تاخد بالها وفضل جوه شويه وغير هدومه بعدين خرج ودخلها المطبخ حضنها من ضهرها فشهقت بخضه
سيف بضحك يابت مالك يخربيتك في ايه هيكون مين يعني
امنيه بضحك متوقعتهاش انما عارفه ان انت اكيد يعني
سيف بحب طب ها هعمل معاكي ايه
امنيه بحب طلع دول برا بس
سيف بضحك هو ده الاكل الخفيف يا امنيه عملالي مكرونه بشاميل وفراخ على العشاا
امنيه بضحك نفسي راحتلها فمقدرتش معملهاش بصراحه
سيف بضحك لا وانتي بتضعفي عندها
امنيه بضحك بلظبط كده
سيف بضحك ولا يهمك يعمري نخرب ام الدايت علشانك انهارده
امنيه بضحك اعتبره الفري انهارده
سيف بضحك اهو انا مفيش حاجه بتجبني ورا قد الكلمه دي بسببها بعتبر ايام كتير فري
امنيه فضلت تضحك وتابعت لالا متخافش هشجعك تمشي صح بس بوظ انهارده معايا
سيف بضحك يبوظ يعمري خلاص الله ده احلامك اوامر وشال الاطباق وباس خدها وتابع يلا ورايا
امنيه بحب حاضر طالعه وخدت باقي الطباق وخرجت يرصوا سوا وبعدين قعدوا وقعدت جمبه وتابعت بحب رايك بصراحه هاا
سيف بحب من قبل ما ادوق منونتي مبتعملش حاجه وحشه
امنيه بضحك قلب منونتك والله .. نزلت تجيب ايه بقى كنت ناسيه
سيف بحب لما ناكل هوريكي
امنيه حطت الفراخ قدامه وتابعت بحب تمام بس كل كويس بالله عليك انت مكالتش بقالك كتير
سيف بحب حاضر يعمري كلي انتي متشغليش بالك بيا انا باكل
وكل وتابع بحب بجد تسلم ايديكي تحفهه كلمه قليله
امنيه بفرح بتتكلم جد ولا بتجاملني
سيف بحب لا والله العظيم جد حقيقي تسلم ايديكي ينورعيني
امنيه بفرح الف هنا يعيوني ولسه بقى الرز بلبن بيستوي
سيف بصلها وتابع بضحك امنيه وربناا مش هينفع كل ده
امنيه بضحك قولنا اليوم الفري الله
سيف بضحك لا ده قله ادب كده مش فري انا لازم بكره احرق كل ده حرفيا
امنيه بضيق مفيش نزول جيييم
سيف بضحك لالا مش هنزل هتمرن هنا عادي من غير الالات
امنيه بضحك اه بحسب
سيف بضحك لا متحسبيش وكمل اكله وتابع بحب حقيقي مكالتش مكرونه بلحلاوه دي
امنيه بضحك بتاعتي احلى ولا بتاعت امك
سيف فضل يضحك ورايح يتكلم فتابعت امنيه بضحك الصراحه ومش هزعل
سيف بضحك منا هقولك الصراحه والله انا اصلا لما امي بتعملها مش باكلها خاالص علشان متخربش الدنيا عندي لاني بحبها فبفضل اكل فيها يعني اخر مره كالتها كانت من 4 سنين قبل الح وسكت وكمل بسرعه بتوتر الحرب اللي انا دخلتها دي من شرطه لشغل
امنيه بضحك بتهزر بجد يعني انا اكلتك حاجه مبتاكلهاش السنين دي كلهاا
سيف بضحك اه وربنا فانا مش متذكر اوي بتاعت امي فالما تعملها تاني هدوق واقولك
امنيه بضحك وبصراحه هاا
سيف بضحك حاضر والله بس لو انتي احلى مش هنقولها
امنيه فضلت تضحك وتابعت اتفقنا حاضر مشاعرها بردو
سيف بضحك اه بلظبط كده وشويه وقام وقف وتابع بحب تسلم ايديكي يعيوني
امنيه لالا رايح فين اقعد كمل اكلك انت ملحقتش تشبع ده انت بقالك يوم بحاله مكالتش
سيف بضحك على اساس لما اكل زياده هجمعهم زي الجمل ولا ايه لا خلاص يحبيبي انا كده شبعت
امنيه لا انت بتحور علياا انت لسه قايلي بتاكل فيها كتير ده مش منظر اكل
سيف بحب وغلاوتك عندي فعلا مش هينفع اكتر عن كده وكالت فراخ فشبعت هي اه عجباني اوي بس كده كفايه وراح يغسل ايديه
امنيه بضيق لا بجد بتهزرر حرام عليك تقوم مش مكمل اكلك ليه يعني انت من امتى كده
سيف بصوت مسموع من الحمام: بقالي فتره يا منونتي والله وصدقيني مش جعان انا معود نفسي على كده اصلا
امنيه بضيق ياربي عليك يا حسام
سيف خرج وباس راسها بحب وتابع يلا انا كالت هروح اعملنا اتنين قهوه لحد ماتخلصي كلي براحتك
امنيه بحب ماشي وكملت اكلها وهو راح عمل القهوه كانت خلصت وبتلم الاكل فتابع سيف بحب اساعدك في حاجه
امنيه بحب لالا انا اصلا هحطهم واغسلهم بكره جيالك خلاص
سيف بحب تمام ماشي
وراحت امنيه حطتهم وغسلت ايديها وخرجت وتابعت بحب ها مقولتليش جبت ايه من تحت
سيف بحب هو مبدائيا ايه رايك في دول ووطى جاب شنطه هدايا من جمبه واداهالها
امنيه استغربت وفتحتها لقيت فيها كتب روايات واتنين برفيوم وعلبه حمرا قطيفه ففتحت عينيها بتفاجئ وتابعت بفرح اييه ده بمناسبه ايه الجمااال ده كله وطلعتهم علي السفره اتفاجئت جدا لان كانت عايزه تشتري الروايات دي فعلا فتابعت بفرح يحبييي عرفت منين انا كنت هموت واجيبهم بجدد وجايب البرفيوم اللي بحبه كمااان ومسكت العلبه فتحتها لقيته خاتم دهب شكله جميل جدا فحضنته تابعت بفرح بجد بموت فيك ايه الجمال ده كلله بمناسبه ايه
سيف ابتسم بحب وتابع بصي انا لما جبتلك هديه لما رجعت كانت نيتي اصالحك علشاان انا غلطت في حقك انما دي بمناسبه تانيه خالص علشان متفكرنيش نصبت عليكي وضحك وتابع وجبت المره دي روايات وبرفيوم وخاتم علشان مقررش بتوع الصبح قولت اغير
امنيه بدموع فرح دول تحفهه والله العظيم تعيش وتجيب بجد حقيقي انت متعرفش انا كنت هموت واجيب الروايات دي قد ايه بس بطلع من مشكله لمشكله فمفضتش خالص
سيف مسك منها العلبه وخرج الخاتم وساب العلبه على جمب وتابع بحب وهو بيلبسهولها : عارف والله ومن ساعه ما بقيت معاكي تنفيذ احلامك اوامر وكل مشاكلك ارميها عليا ياستي ومتشيليش هم حاجه ولبسهولها وباس ايديها
امنيه بدموع فرح بجد بموت فيك وحضنته وتابعت ربنا يخليك ليا يارب وميحرمنيش منك ابدا ابداا وبصتله وتابعت بفرح بس بمناسبه ايه مقولتليش
سيف بضحك اقولك انا ياستي علشان شكل الغيبوبه لغبطت دماغك وابتسم بحب وتابع وانا طالع وراكي لما قعدت يونس مع نور ببص في الفون لاقيت علماء الفلك بيقولوا ان انهارده يوم اكتمال القمر فقررت احتفل بيه معاكي
امنيه فضلت تضحك وتابعت بتعاكس بقى وكده
سيف بضحك لا افهمي ومتبوظيش اللحظه الرومانسيه اللي احنا فيها وحط ايديه على عينيها وتابع بحب طب تعالي ياستي اوريكي حاجه
امنيه بضحك ايه هتوريني القمر ?
سيف بضحك لا ده ممكن نشوفه في المرايا بكل سهوله عادي فضحكت امنيه وتابعت بحب بموت فيك بجد
سيف بحب مش اكتر مني ودخل اوضتهم وشال ايديه وتابع بحب انهارده اكتمل القمر بتاعي انا .. كل سنه وانتي مراتي وحبيبتي وصاحبتي واختي وبنتي واجمل واحلى وارق واحده في حياتي كلها
امنيه دموعها نزلت بفرح لما شافت التورته المحطوطه على الترابيزه الصغيره في اوضتهم وحواليها ورد متفرط بشكل جميل وتابعت بذهول لالا بجد اما انا نسيت وعيطت وتابعت مش قادره اصدق انك فاكر حقيقي بموت فيك ولفت ايديها حوالين رقبته وحضنته وفضلت تعيط
سيف حط ايديه على ضهرها وحضنها اكتر ووطى باس كتفها وتابع بحب وانا لما انسى نورعيني اللي نورت حياتي اتولدت امتى هفتكر ايه يعني ? وبعدين انا عارف كل حاجه عنك مش هعرف دي اللي هي اهم حاجه
امنيه بدموع فرح انا مش عارفه 3 شهور غيروا فيك كل ده ازاي بس حقيقي انا بحبك كلمه قليله على اللي جوايا ربنا يديمك ليا ينورعيني
سيف بحب يارب يحبيبت قلبي ويديمك لياا يارب وابتسم بحب وتابع احلى واجمل 23 سنه ماشين على الارض
امنيه ضحكت من بين دموعها وتابعت عجزت مش كده
سيف بضحك ده لحد ماتعجزي صح وسنانك تقع هفضل شايفك زي اول مره
امنيه بضحك والله بموت فيك وباست خده وتابعت تعبتك اوي اوي بجد حقيقي مش عارفه اقولك ايه بس يبختي انك نصيبي
سيف بحب ده انا اللي يبختي والله العظيم وحط ايديه على كتفها ومشي بيها راح عند التورته وتابع بحب يلا اتمني وطفي الشمعه
امنيه ابتسمت بحب وهمست وطفتها فسقفلها سيف وتابع بضحك ده احلى واحده تكبر سنه ولا ايه دي يا نااس اول مره اشوف حد بيطفي الشمعه بلجمال والرقه دي
امنيه فضلت تضحك وتابعت والله بعشقك وانت بتبالغ في حبك ليا
سيف فضل يضحك وتابع منا عارف وحضنها وباس راسها وتابع بحب عقبال العمر كله يا ست البنات
امنيه بحب وبريتي تبقى معانا يارب
سيف بحب وبريتي تبقى معانا فعلا اللهم امين يارب
امنيه بحب استنى اشيل الحاجات دي في الدولاب وجيالك
سيف بحب اتفقنا
وراحت امنيه تشيل الهدايا اللي جايبها فملقيتش رف فاضي عندها فضحكت وتابعت والله لاحطهم عندك يا حسام وفسيف اتصدم ولسه رايح يتكلم فتحت دولاب سيف وبتحطهم تحت خالص لاحظت ان في ملايه محطوطه على هدومه فحطت الحاجه وبتشدها لقيت لبست مموه وده بتاع الجيش فاستغربت اوي وسيف ضرب بايديه على جبينه
