رواية غموض الحب عائلة الرفاعى الفصل الواحد و الخمسون بقلم لولا
يونس هز راسه بتمام ونزل على تحت مشي بعربيته وكلامها بيتردد في باله وبيوجعه جدا
– انت ازاي جاالك قلب تعمل فياااا كده ازاااي كنت حيوان معاياا كده ده انا بثق فيكك اكترر من نفسي
– وعيطت اكتر وتابعت ده انت عندي في كفه وكل الناس في كفه … عارف ايه اللي يقهر ?? ان انا لو صحيت لقيت نفسي كده مع واحد غريب كنت اول واحد هفكر اروحله واعيط واترمي في حضنه واقوله هاتلي حق شرفي اللي اتبهدل في الارض انت مش مازن .. طول عمري بخاف من مازن علشان اخويا الكبير وفي مقام بابا بس اماني كان معاك انت
– وانهارت عياط وتابعت بعصبيه: انتوا محدش فيكم فاهمني ولا حاسس بيااا ولا حد في الدنيااا كلها فاهمني اصلااا خلاص لان انهارده فعلا هقولها بكل قهرر انا خسرت كل اللي ليااا ومبقاش في حد اعيش علشانه حتى االلي كان بيفهمني من نظره عيني من غير ما اتكلم ورجعلي ثقتي بنفسي وكان بيقويني على قلم قاسم جيه خدني في حضنه علشان يطعن شرفي ويوصل لغرضه اللي المفروض انه شرفه زيي بلظبط وعيطت وتابعت نور طلعت بلنسباله زيه زي اي راجل جسم وطمع فيه مش اكتر وانهارت عياط وطلعت على فوق
باااك
يونس دموعه نزلت بوجع وضرب الدريكسيون بعصبيه شديده كذا ضربه متتاليه وتابع ياريتني اعرفه ابن الكلب الزباله .. ياريته يقع تحت ايدي وانا مش هرحمه وهجيبلها حقها تالت ومتلت ..وهز راسه برفض وتابع انا مش بلوحاشه اللي شوفتيني بيها دي يا نور والله انا مش وحش كدده انا مقدرش اكون سبب في دمعتك مش اعمل فيكي كل ده !!! بس والله كل ده اهون علياا من اني اقولك الحقيقه وتتكسري العمر كله انا استحمل كلامك مش مهم بس مش هستحمل مخلوق يقول عنك كلمه وحشه
وفضل يمشي لحد ما راح المقابر ونزل من عربيه ودخل ولما وصل عند قبر مامته تنى ركبته ووقع على الارض بضعف وفضل يبكي بوجع
وبيفتكر فلااااش باااك من 8 سنين يونس كان راجع من الكليه وجايب معاه فستانين وطلع شقتهم وخبط ففتحت نور اللي كانت لسه طفله 10 سنين وتابعت بفرح ابيه انت جيت
يونس بفرح حبيبت ابيه بنفسك بتفتحي وشالها وباس خدها وتابع وانا اقول البيت منور ليه اتاري القمر عندنا
لبنى بضحك وهي بتقرطف الملوخيه تابعت بتذاكر هي وشهد قولتلهم اقعدوا ذاكروا مع بعض وسيبوا ياسمين في الاوضه في حالها دي تالته اعدادي وشهاده مش عايزه وش
يونس بضحك ايوه دي مجنونه والسنه دي تاعبه اعصابنا كلنا فسيبوها في حالها
شهد بحب ايه اللي انت جايبه في الشنطه ده
يونس بحب ده احلى فستانين لاحلى وردتين في حياتي كلها وباس خد نور ونزلها وتابع يلا هوريكم وورحوا قيسوه وفرجونا على الحلاوه
نور وشهد اتنططوا بفرح ويونس فتح الشنطه وتابع بضحك بس بس خلاص كفايه البت بتذاكر بتقولكم وفرد الفساتين وتابع بحب ها ايه رايكم
نور بفرح تحفهه اوي اوي
يونس بضحك تحفه اوي اوي
نور بفرح اه والله وابتسمت وشدت فستان منهم وحضنته بفرح شديد
شهد بفرح جميل اوي شكرا يا يونس انا بجد بحبك وحضنته
يونس باس راسها وتابع بحب وانا بموت فيكي يعيون يونس
لبنى بحب زي القمر تعيش وتجيبلهم يحبيبي
يونس بحب تعيشي يا غاليه
نور بفرح بس اقعد استنى وان مينت بليز يا ابيه متدخلش اوضتك وتطلع الكتب الكتيره اوي دي وتذاكر استنى وان مينت اوريك شكلي
يونس فضل يضحك على كلامها وتابع ينورعين ابيه مينت واحده بس ده انا اقعد لحد ما سمو الاميره نور تلبس الفستان براحتها وتيجي توريني انا قولتلكم عايز اشوفكم متخافيش مش هدخل اذاكر دلوقتي يلا روحوا
شهد بفرح اوكيه يلا يا نور وجريت على الاوضه
نور بفرح يلا ودخلت معاها ويونس بيبص عليهم وهما بيجروا وبيبتسم
لبنى احم احم
يونس بصلها وتابع بضحك مالك يا وليه في ايه
لبنى بتنهيده في ايه انت هاا
يونس بستغراب ليه مالي انا مش فاهم
لبنى بتنهيده من غير لف ودوران انا هجيبهالك دوغري يا ابني وستك بردو خدت بالها وتنهدت وتابعت نور نص عمرك يعني عيله بنسبالك فانت لو عقلك بيقولك ان
يونس بحده امااا .. في ايه ??? هو انتوا خلاص خلصتوا رغي الحريم كله فعايزين تألفوا موضوع وتحكوا فيه
لبنى بتنهيده رغي حريم بردو يا يونس
يونس بحده يا حول الله يارب وضرب كف في كف وتابع وهو بيعمل بايديه على الهوا طول قصير: ياامااا دي نور….نوررر هو انتوا دماغكم دي بتفكر ازاي بجد !!! يعني فهموني كده تفكيركم جابها ازاي ومن انهي زاويه ??? دي قد اختي الصغيره واتعصب وتابع ده انا بشيلها على دراعي انتوا هتشلوني ليه
لبنى بتنهيده اديك انت اللي بتقول بشيلها على دراعي بس قلبك مش مقتنع بكده انت البت دي من يوم ما اتولدت وهي غير الكل عندك من لبس لهدايا لخروجات وكل طلباتها مجابه حتى قبل ما تطلبها مدلعها دلع ماسخ بمعنى اصح
يونس بحده ميمشيش معاكي علشان هي الصغيره ??
لبنى بضحك علشان الصغيره دي كلمه انت كنت بتضحك بيها على نفسك او يمكن بدات فعلا تهتم بيها ودي نيتك بس الموضوع موقفش على انها مجرد الصغيره انت شوفت نور اكتر من اخت وبنت عم ..البت اتربت على ايدك وعارفها وحافظها صم والموضوع ابتدى يدخل في ان ليه لا ?? ما العيله الصغيره دي بكره تكبر وتبقى 18 وانا 28 هتتبلع عن دلوقتي واسمي انا اللي مربيها وعارفها كويس وهتصوني وبسم الله ما شاء الله ست البنات وزي القمر وغمزت وتابعت وحته منك في ملامحك فانت اعتبرت نور البنت اللي اتخلقت من ضلعك علشان تكملك فيما بعد يا يونس .. شوفتها شبهك وجزء منك فبقيت مهتم بيها وبكل تفاصيلها وبتقول لنفسك نور بتاعتي انا وتخصني انا وانا اللي كبرتها فقدام محدش غيري هياخدها مش كده بردو يا قلب امك ??
يونس غمض عينيه بضيق وتابع انا عايز اعرف انتي بتستفيدي ايه لما تعملي فياا كده
لبنى بتنهيده علشان انت ابني ونورعيني وانا خايفه عليك وواجبي كأمك اني اصارحك بللي انت بتخبيه عن نفسك وبتضحك على مشاعرك بيه .. تعلقك بلبت دي زاد اوي وشكلك هتمشي بمبدا الصعايده بجد اللي اهو انا اخد واحده تكون كبرت قدامي واربيها على ايدي فتصوني وانت مشوفتش ده غير في نور
يونس بحده انا متعلق بيها من ساعه ما اتولدت وبحبها جدا علشان واخده ملامحي بحكم الدم اللي بينا لاننا ولاد عم عادي .. بس مش الحب اللي انتي بتهري فيه ده .. دي عيله صغيره هحب ايه بتهرزي بجد ده فرق عشر سنين ده لسه في ابتدائي وانا في الكليه اهدي كده ياما وقولي كلام يدخل العقل
لبني بابتسامه ولما تكبر العيله الصغيره وتبقى انسه طول بعرض وتفرد وتبقى بنت بحق وحقيقي وكلها انوثه بجمالها ده مش هتحلو في عينيك تتجوزها يا ابن عز ??
يونس تنهد وتابع همشي بدماغك وههاودك هو لو ده حصل ايه المشكله ?? بنت عمي وانا اولي بيها من الغريب ومحدش هيحافظ عليها قدي واديكي شايفه من دلوقتي بتاخد عيوني وكل طلباتها مجابه وهتبقى بنتي قبل ماتكون مراتي وهي الست هتعوز ايه غير ان جوزها يفضل طول الوقت بيعاملها علي انها عيله مبتكبرش وهي نور في نظري كده مهما كبرت
لبنى بضحك اه يعني دلوقتي بنت عمك واولى بيها يعني مطلعش رغي حريم اهو يا يونس
يونس بتنهيده انا بتكلم قدام لو ده حصل فمفيهاش حاجه فعلا الفرق مش هيبقى ملحوظ ساعتها والحب مالوش سن وناس كتير جدا متجوزه بنفس الفرق واكتر
لبنى بتنهيده مش دي بس المشكله حتى لو كل ده عداا فانت متضمنش العيله دي لما تكبر وقلبها يدق هيدق لمين خصوصا انت عودتها انك ابيه بقيت في نظرها زيك زي ايمن ومازن بتجري تقولك احتياجها كطفله وانت تنفذه فالما تكبر على نفس الوضع مش هتشوف فيه اختلاف تتشدلك كحبيب علشانه
يونس بتنهيده نور تعمل اللي يريحها حتى لو راحتها مش معايا
لبنى رايحه تتكلم خرجت نور وتابعت بفرح بص يا ابيه
يونس بصلها وتابع بفرح ايه ده ايه الحلاوه والجمال والطعامه دي كلها
نور ضحكت بفرح وتابعت استنى اطلع فوق الكنبه نتصور وطلعت وحضنت يونس فابتسم وباس راسها وطلع فونه واتصوروا ولفت ايديها على رقبته وحضنته جامد وهي بتضحك وفضل يصورهم كذا صوره فجات شهد وتابعت بضيق وانا اشمعنااا يعني
يونس بضحك يعمري وانتي كمان الله هو انا اقدر ايه الجمال ده كله
شهد بفرح اي لاف يو
يونس بضحك اي لاف يو تو وشالها حطها فوق الكنبه وفضل يتصور معاهم
بعدين تابع بحب يلا بقى نرجع نذاكر
نور بلييز ذاكرلي علوم صعب خالص ومش فاهمه حاجه
يونس بحب تعالي نذاكر علوم يسلام تحت امر الاميره
—
وفي وقت تاني قريب من سنتين قبل ما تتوفى لبنى بكام شهر يونس كان 26 ونور 16 في تانيه ثانوي وكان قاعد بيقرا كتاب فخبطت امه عليه
يونس ادخل
لبنى بحزن فاضي اتكلم معاك شويه
يونس بحب يسلام ده انا افضالك ياست الكل وقفل الكتاب وسابه على الكومود وتابع تعالي اقعدي
لبنى قعدت قدامه وتنهدت بوجع وتابعت عارف مين كان مع جدك تحت دلوقتي ??
يونس بستغراب ايه مين ??
لبنى بوجع قاسم
يونس بابتسامه طب وفيها ايه يعني مش فاهم هو قاسم اول مره يجي هنا
لبنى عينيها دمعت وتابعت قولتلك يا ابني .. حصل اللي كنت خايفه منه السنين اللي فاتت دي كلها
يونس بخوف ايه ده في ايه مالك .. مالك بس فهميني يا ماما في ايه
لبنى بدموع في ان قاسم جيه علشان يخطب نور .. وهي موافقه وطايره من الفرح كمان
يونس اتصدم بشده وتابع بوجع نور مين ?? نور بنت عمي ???
لبنى بدموع اه اومال هتكون نور مين يعني
يونس دموعه نزلت بصمت وتابع بوجع دلوقتي !! في السن ده !! دي عيله انتي بتقولي ايه
لبنى بدموع قولتلك العيله مسيرها تكبر وقلبها يدق وادي قلبها لما دق مدقش ليك يا ابني مع انك عشت عمرك كله مستني يوم تشوفها كبيره علشان تحبك
يونس غمض عينيه بوجع شديد من كلامها وتابع بس بس خلاص ابوس ايدك كفايه وشاور على الباب وتابع سبيني لوحدي من فضلك
لبنى دموع وقلق : عادي يحبيبي بكره ربنا يعوضك والله متزعلش نفسك و
يونس بعصبيه ودموع قولت سبيني لوحدي يا امي حرام عليكي مش قادر لاي نقاااش دلوقتي
لبنى بدموع يا ابني انا خايفه عليك مش عايزه اسيبك لوحدك في الظروف دي ارجوك سبني ومش هضايقك بس تبقى قدامي
يونس بوجع ودموع ليه وانتي حاسه بايه من اللي انا حاسس بيه ومسك ايديها حطها على قلبه وتابع بوجع في نبره صوته: النار اللي بقيت جوايا لما قولتيلي انها هتكون لحد تاني وصلالك ?? حاسه بيها ?? ده وجعي لوحدي فلما اقولك سبيني لوحدي انا مبقاش وحش بس والله العظيم مافي حد في الدنيا كلها هيفهمني ولا هيحس بناري
لبنى بدموع ووجع مين قالك مش هفهمك يا ابني ده انا عايشه في وجعك ده ليل ونهار وعمري كله .. انا لما بقولك انا قاعده معاك ومش هسيبك ده علشان انا فاهمه يعني ايه اتساب لوحدي في عز. وجعي لاني عشت ده كتير .. مش لوحدك اللي حبيت بنت محبتكش انا بردو حبيت ابوك وقيدتله صوابعي العشره شمع وهو مش قادر يحبني .. حب بنت تانيه من مصر ولحد يومنا ده مش شايف غيرها واول جوازي لما كان يجي يلمسني كان ينطق اسمها في حضني بلغلط وعيطت وتابعت انت متخيل القهر اللي امك عاشت فيه ?? ورغم كل ده بحبه وهفضل احبه وجوزي وابو عيالي بس الالم عمره ما راح ولسه موجود .. بس فكره انه بيحب بنت تانيه بتموتني وبتخليني اسرح واقول طب هي فيها ايه زياده عني .. طب اشمعنا هي.. طب هو انا متحبش ..كنت بسال اسئله كتير اوي بتوجعني وبتقلل مني قدام نفسي لاني علطول شايفه نفسي مش ماليه عين جوزي واللي مفروض حبيب عمري حتى قربه مني كان بيقربلي علشان ده حقي قدام ربنا انما عمري ماحسيت انه محتاجني ولا حاببني ودموعها نزلت بوجع وتابعت بس اهو زي مابيقولوا القلب ومايريد يا ابني و .. الله هو اللي بيهب القلوب لمن يشاء وعيطت اكتر وتابعت فانا حاسه بيك يا ابني والله .. حاسه بيك وعلشان كده كنت بقسا عليك زمان خوفت تعيش اللي عيشته يا يونس وفضلت تعيط فحضنها ودموعه نزلت في حضنها وهمس بوجع ودموع حقك عليااا انا اسف يا امي .. اسف لكل وجع اتوجعتيه وكتمتيه جواكي واسف لاسلوب بابا معاكي واسف لكل حاجه عشتيها بس انا غصب عني مش مستحمل وجعك والله العظيم ما مستحمل
لبنى بعياط عارفه يحبيبي ويارب يقيد قلبي ناار اكتر بس يطفي نار قلبك ينورعيني يارب يقلب كل الموازيين ومتكملش معاه ويجعلها نصيبك ربك قادر ومحدش هيحب نور قدك مهما لفت في الدنيا
يونس بدموع ووجع انا ادمنت نور محبتهاش
بااااااك
يونس بدموع ووجع: انا محتاجلك اكتر من اي وقت فات .. مش عارف مفروض اروح لمين واشكيله وجعي .. حاسس الدنيا كلها اصغر من فتحه الابره في عيني .. حاسس ان في جبل على قلبي مش راضي ينزاح .. يمكن لو كنتي هنا مكنتش هترمي في حضنك واحكيلك لان انتي زيك زيهم لازم تصدقي ان يونس اللي لمس نور ودموعه نزلت اكتر وتابع علشان لو ملمسهاش يبقي نور شرفها اتبهدل وانا بشيل غلطه غيري وانا مش هسمح لاي حد حتى لو كان اقرب ما ليا يشوفني ابن اصول ويشوفها هي واحده شرفها ضايع وانا سترت عليها ودموعه زادت وتابع عارف لو كنتي هنا مكنتيش صدقتي اني المس نور خصوصا انتي عارفه تربيه ابنك وعارفه انا بحبها ازاي ومن يوم ما وعيت مبشوفش غيرها …. نور هي اللي كسرت يونس العمر ده كله يا امي وخلته يعيش وحيد بس انا كنت هطلبها ازاي ?? دي عيله وقد اختي بيني وبينها فرق 10 سنين اه اانا مش كبير بس هي اللي صغيره عليااا اوي .. اه الحب مالوش سن بس دي فعليا طفله .. كنت بخاف عليها بقول تستاهل حد من سنها بس طول الوقت كنت خايف يجي اليوم ده كنت خايف اوي .. وعلشان كده مطولش وجيه بسرعه ودموعه زادت وتابع كنت اقدر اروح اشكي لعمر وسيف هما اكتر من اخواتي وعارفين عني كل حاجه بس هقولهم ايه ?? هقولهم انا ملمستهاش والبنت اللي عشت احافظ عليها راجل غيري لمسها ودمرني قبل مايكون دمرها ?? مش هقدر اقولها والله يا امي مش هقدر ونفسي هما كمان يصدقوا اني لمستها علشان دي حبيبتي وهتبقي مراتي مش هستحمل نظره حد فيهم ليها انها حصلها كده …. بس تعرفي انا السبب نور كانت معايا واتخطفت مني انا مكنتش قد الامانه يا امي ودموعه زادت وتابع قلبي اتكوى بنار وانا شايفها هدومها متقطعه والدم حواليها .. بنتي وحبيبت عمري وكل حاجه ليا شوفتها في اصعب موقف ممكن اعيشه في حياتي .. نور اتخدت من حضني في لحظه بعد ما فكرت اني امتلكتها وابتسم بوجع ودموعه بتنزل وتابع انا الفرحه مكانتش سيعاني لما قاسم طلقها ورغم ان ده هيوجع حبيبتي بس مقدرتش مفرحش .. مقدرش قلبي ميعبرش عن مدي فرحته ان مش هيلمسها خلاص وكابوس عشت اخاف منه انتهى. ودموعه زادت وتابع انا عارف انها محبتنيش وحبت قاسم اوي اوي وعلشان كده محسستش حد بأي حاجه من مشاعري ناحيتها بس بردو معرفتش اكرهااا فوافقت ورضيت اعيش بمشاعري بيني وبين نفسي وقولت عذاب حبها ولا راحه نسيانها اصل دي نور يا امي ده انا اللي مربيها على ايدي هنسى ايه ولا ايه ?? وعلشان تعرفي بحبها قد ايه رغم حضن قاسم ليها يوم كتب الكتاب دبحني بس بردو سبتها يوم ما اكتشفت انه وسخ تحضنه تاني ومازن كان رايح يشدها منه قولتله لا سيبها نار كانت بتكويني وهي بتتحايل عليه ميكونش قتل حسام ومغلطش مع جودي وشوفت لهفتها وحبها عليه وعينيها اللي بتطلع قلوب وتترجاه يكون زي ماهي رسمته بس دوست على كل ده وقولت سيبها تحضنه كده كده ده اخر حضن ومستحيل تكمل معاه بس سيبها تستوعب انه مينفعهاش سيبها تخرج كل اللي جواها .. وكنت بموت بس مشاعرها هي اهم عندي من اي حاجه .. اصل كنت هقول ازاي بحبها وانا شايفها من طفولتها ومراهقتها متعلقه بقاسم وانا علشان طول الوقت موجود مشافتنيش واهتمامي بيها بقى بنسبالها ده الطبيعي وابتسم بوجع وتابع منا ابيه بقى ولما جات طلبت تسافر وقولتلها لما تتجوزي هحجزلكم وفرحت وحضنتني كنت بموت بدل المره الف اللي هو يااه يا نور للدرجه دي مستنيه فرحك عليه .. مستنيه اليوم اللي انا عارف هيجي يقتلني .. مستنيه تشيلي ابنه جواكي وكل ما اشوفك اتقهر انه لمسك .. كنت كل يوم بحارب انساها بس مقدرتش ومرتاحتش بردو لان رغم كل خوفي حصل اللي كنت عامله حساب وبطريقه ارخص من اللي كنت متخيلها وفضل يبكي بوجع وتابع انا محافظتش على حبيبتي يا امي وحد غيري لمسها وقهرني .. بموت من غيرتي من فكره ان حصل فيها كده اي ان كان مين اللي عملها ومش مستحمل الوجع اللي جوايا .. بعد ما فكرت ان بلوقت الدنيا هتضحكلي جات ادتني قلم لحد ما اموت مش هنساااه .. خدت مني الحاجه الوحيده اللي حبيتها وعشت علشانها .. استخصرت فيااا اكون اول راجل في حياتها وكسروني فيها يا امي وفضل يبكي بوجع وقهر شديد
———–
عند سيف كان وصل اسيوط وراح بعربيته اشتري ورد وهديه لامنيه علشان حس انه ضايقها اوي الصبح وتابع لنفسه بضحك وهو بيسوق: لو معملتش كده هلاقي قلبه بوز تفقر بلد بحالها وانا في غنى عن كل ده اه والله وطبعا انا فاهم دماغها الحلوه اللي قالتلها مش بيحبك ومش عايز قربك ومش فرحان بيكي وبيهملك وحاجات كتير غير واقعيه وهي والله لو تعلم الحقيقه لتقول عليا مدلوق وضحك بعدين وابتسم وتابع بحب واحشتني بنت الجزمه عايز اخدها حضن مطار بس والله ماهتعدي على خير لو عملت كده فاحترم نفسي احسن .. معترف جيت عليها شويه بس والله غصب عني نفسي امنيه لسانها ده يتقص شويه بدل ماهو اطول منها كده وبعد شويه وصل وطلع بلاسانسير
وعند امنيه كانت قاعده زهقانه فقامت غيرت هدومها لبيجامه بيتي حمرا مكونه من بدي حمالات واصل لغايه نص بطنها وشورت قصير وفردت شعرها وحطت روج احمر غامق ووردت خدودها فكان شكلها يسحر ووقفت ترتب الدولاب وهي عماله تغني وتدندن مع نفسها بصوت مسموع وفتح سيف الباب بهدوء وقفل وحط الحاجه على الكنبه وسمعها بتغني وصوتها روعه فدخل براحه وسند على باب الاوضه وربع ايديه وكان متفاجئ بشكلها المثير ومتفاجئ اكتر من الاغنيه اللي بتغنيها
امنيه ودموعها متحجره وصوتها مليان احساس بللي بتقوله غنت: ” في كلامك قاااسي ولا تعرف حنييه ..بتكون غلطان وتجيب اللوم والحق عليااا .. للصبر نهااايه مبقاااش ليك شئ جوايااا ..علشان تطمن انت … خلاااص حاجه ماااتت فياااا… جرح المشاعر اكبر من جرح الخياانه .. وهقولك ايه اذا كان ده شئ عاادي في حياااتك
سيف كان مفتح عينينه ومتفاجئ فتابع وهو بيسقف بضحك لا عاش يا فنااانه برافوو امنيه اتخضت وشهقت وبصتله مصدومه من وجوده فتابع سيف بضحك مين ابن الكلب الجاحد اللي بتغنيله ده بقى علشان ده ممكن يكون اي حد االا انه يكون انا
امنيه بصتله بضيق ورايحه تخرج فحط ايديه على وسطها الظاهر من هدومها رجعها قدامه فشقهت بحرج فتابع سيف بضحك ايه يحبيبتي في ايه مش مراتي ولا مأجرك ??
امنيه بضيق سبني لو سمحت
سيف بضحك اسيبك ايه بس ده انتي ليلتك مش معديه انهارده بس نقول الصراحه .. مبدائيا صوتك قمر وبصلها باعجاب واضح وتابع بحب وشكلك قمرين امنيه اتوترت من نظرته بس اظهرت الجمود فتابع سيف بضحك انما مين اللي كلامه قاسي وميعرفش الحنيه ويطمن انه حاجه ماتت فيكي ?? قولي قولي علشان شكلك هتاخدي علقه دلوقتي
امنيه بصتله وسكتت فتابع سيف بضحك لا ماهو انتي لو تقصديني انا فعلا ادفنك حيه وربنا واوريكي القسوه صحيح
امنيه بضيق اه اقصدك ومن اايام الخطوبه وانت كده وهو اول ما فوقت من الغيبوبه اول كام ساعه بس اتعدلت وبعدين رجعت تاني تتجاهل وجودي
سيف بتنهيده امنيه ممكن اطلب منك طلب ??
امنيه بتنهيده اكيد
سيف بتنهيده حسام اللي عرفتيه زمان وحبتيه مش هو هو حسام اللي قومك من الغيبوبه انا اتغيرت كتير كل اللي طالبه منك انك تركزي الفتره الجايه وتقوليلي انهي حبتيه اكتر.. لاقيتي نفسك مع انهي شخصيه لان ده حقيقي مهم بنسباالي
امنيه وافرض الشخصيه القديمه عجبتني اكتر وحبيتها هتعمل ايه ??
سيف بحب هعملك كل اللي انتي عايزاه بس الاقي راحتك
امنيه غمضت عينيها بحزن وسكتت ونزلت ايديه من عليها وراحت تكمل الدولاب
سيف بتنهيده على فكره انا بعرف بتفكري في ايه وكل الهبل اللي في دماغك مش صح
امنيه دموعها نزلت وتنهدت وسكتت فتابع سيف بابتسامه انا مقولتلكيش ان صوتي انا كمان حلو وبعرف اخرج مشاعري بلاغاني زيك امنيه كانت متجاهله وجوده ودي حاجه عصبته بس حاول يهدى وخد نفس بعمق وغنالها بصوت فاجئها جدا
” ايه سكتي ليه .. وفتح ايديه وكمل حضني بينده عليكي .. وانتي بعيده عليه .. مين غيري مين ؟.. يفهم بنظره عين .. ايه اللي شااغل بااالك .. ده احنا عشرره سنيين …صعبان عليااا وانا شايفك .. وانا شايفك قدامي وعارفك .. بتداري عني اللي في قلبك .. بتداري وانا حاسس بيكي .. وامنيه بصتله ودموعها كانت بتنزل وبتقرب ناحيته فتابع هو: انا عايش في الدنياا عشانك .. ومسك ايديها وتابع وهو بيكمل والدنياا ايه جمب حنانك ..يبكي القلب ليااالي بدالك .. ولا اشوف الدمعه في عينيكي ومسح دموعها وابتسم وكمل ..ايه يحبيبتي ايه ؟ .. عايزاكي اقولك ايه ؟.. ده انا قلبي شاف معاكي .. كل اللي حلمت بيه .. ليه بتبكى ليه .. في ايه تبكي عليه .. وهنا امنيه لفت ايديها حوالين رقبته وحضنته وفضلت تعيط فسيف حضنها وكمل الاغنيه: وانتي في حضني ومعااياا عايزين من الدنيا اييه وخلص الاغنيه وتنهد وباس راسها بعمق وهمس بحب حقك على عيني غلطت في حقك الصبح
امنيه بصتله بدموع وتابعت بجد اخص عليك بسببك سمعت كلام من ماما قد كده وكل اللي يشوفني يقولي فين جوزك ومقصدش اتعصب عليك حقك عليا انت كمان بس بجد اضايقت اوي
سيف تنهد بحزن وتابع حقك عليا انا عارف والله ان مكنش ينفع اسيبك وانزل انهارده بس وغلاوتك عندي اضطريت وحاولت اهو متاخرش عليكي
امنيه بضيق متتاخرش ايه يا حسام انت عارف الساعه كام دلوقتي ??
سيف بضحك لا معرفش فعلا مبصتش بس فاكر اني خارج من الاجتماع 5 وبلاش قلبه البوز دي انا بحب ابتسامه منون وضحكه منون وباس خدها وتابع فبلاش نكد بالله عليكي خلاص بقى فكي وحضنها وباس راسها بحب ومسك ايديها باسها وتابع بضحك خلاص بقى انا عمال ابوس فيكي عايز الرياكشن يتغير في ايه
امنيه ضحكت غصب عنها وتابعت لغه الحب بنسبالك يعني علشان تراضيني تبوس ايدي وراسي
سيف بضحك اه بصراحه وفي طرق تانيه ورايح يبوسها وقفته وتابعت لالا استنى بس وابتسمت وتابعت اوريك انا كمان لغه الحب الخاصه بيا لما ببقى مسمحاك ورايقه عموما
سيف بضحك يسلام وريني يعمري
امنيه ابتسمت بحب ومسكت ايديه وعضتها جاامد فتابع سيف بضحك : اااه اااه يابنت الجزمه يا عضاضه .. اوعيي يابت يخربيت اهلك مش بتاكلي لحمه ولا ايه اااه وربنا ما قادر سيبي يخربيتك وبيشد ايديه
امنيه سابته وتابعت بضحك اهي يعمري اتعملت الساعه شوف فيها بقى حضرتك جايلي كاام وبصتله بغضب طفولي وتابعت حضرتك ماشي من 12 الضهر وراجعلي 7 بليل .. 7 ساعات بحالهم سايبني لوحدي
سيف بضحك علشان يا مهزقه كنت كل ده قاعد معاهم مش بلعب وسايبك فغصب عني وغلاوتك عندي وبص لايديه وتابع بضحك لالا وربنا انتي مش طبيعيه ده منظر ده يا امنيه
امنيه بضحك وربنا تستاهل هات اعضك في التانيه علشان متزعلش ورايحه تمسكها سيف شدها وتابع بضحك بس بسس يخربيت اهلك في ايه هو انا متجوز كلب صعراان ايه اتهطلتيي على المسااا
امنيه بضحك كلب في عينك مبتفهمش في ااحب لكل واحد اسلوبه الخاص وانا دي لغه الحب بتاعتي
سيف بضحك خلاص متحبنيش مش عايز اتحب
امنيه بضحك كده يا حسام هان عليك تقولها
سيف بضحك اه طبعا هان مش احسن ما الاقي نفسي على اخر الشهر عضم بس
امنيه فضلت تضحك وتابعت لالا انا بعض بس مش هاكل لان لحم البشر مُر
سيف فتح عينيه بتفاجئ وتابع بضحك يخربيتك وانتي عرفتي طعمه منين !!! متجوز دراكولا ياااربي
امنيه فضلت تضحك وتابعت لالا بخمن اكيد طعمنا مش حلو يعني
سيف حط ايديها الاتنين على وسطها الظاهر وشدها ليه وتابع بحب معتقدش كل البشر لان انا من ساعه ماجيت شايف تشيز كيك بلفراوله والله
امنيه بضحك لا يعمري ده ريحه البادي سبلاش بتاعي مش اكتر كويس شميته دافعه فيه كتير
سيف فضل يضحك وتابع يخربيت فصلانك يا شيخه
امنيه بضحك المهم متهربش هات اعضك واخلص
سيف بضحك لا وبتطلب كمان ايه الادب ده ولو قولتلك لا مش موافق
امنيه زقته بخفه وتابعت خلاص طلقني
سيف بضحك ايه اعمل ايه ??
امنيه بضيق طلقني مبهزرش
سيف وهو بيفتح زراير قميصه وبيمشي يقف قدام الدولاب تابع حاضر هطلقك بس لما المأذون يصحي علشان بينام بدري
امنيه بضحك حسام انا مبهزرش يا اعضك يا تطلقني متضحكنيش دلوقتي
سيف بضحك وانا هصغر عقلي لعقلك ومد ايديه التانيه وتابع بحب مقدرش اطلقك لو ههون عليكي تعضيني عضيني
امنيه بصتله بحب وتأثر وراحت وقفت قدامه وتابعت بعشقك وانت بتطاوعني كده .. بس هعضك فعلا ومصعبتش عليا عارف ليه ?? علشاان سبتني لوحدي مرتين ومسكت ايده عضته جامد
سيف بضحك والم : اااه يابنت الكلب يا غدااره انا غلطان والله مفروض كنت اديتك علقه من الاول ومطاوعتكيش تاني .. اااه يابت بس بس خلااص ايييه كل دده
امنيه سابته وتابعت بضحك وهي بترقص حواجبها علشان تتربى يارب تعلم وماتروح ابداا يا ابن معتز
سيف بضحك يابت مش عايز اديكي علقه تقعدك في السرير شهر انا لحد دلوقتي وربنا بعاملك معامله اطفال
امنيه بضحك متعرفش تعمل كده هو اكمنك عضلات ورياضي هتفتري على خلق الله يعني انا بردو جامده ورياضيه
سيف فضل يضحك وتابع ما باين يا غاليه من غير ماتقولي وفتح اادولاب يجيب هدوم
امنيه بضحك صدقني انا مش عايزه اتعارك معاك خوفاا على صحتك اللي انت محتجاها في شغلك الفتره دي
سيف بضحك ايوه منا عارف واوعي تتراجعي يا امنيه .. صحتي مفيهاش هزار اكمل حياتي واقوم من سريري ازاي بعد ما تتعاركي معايا
امنيه فضلت تضحك وتابعت طب اوعا هجبلك انا هدومك علشان ظبطت الدولاب متبهدليش الدنيا
سيف خد جمب وهي جات وقفت على اطراف صوابعها وبتجيبله الهدوم فبصلها بحب واعجاب وتابع يخرابي بقى الحلويات دي كلها ملكي واسيبها واروح للاشكال اللي تسد النفس دي
امنيه جابتله الهدوم وتابعت بضحك مش روحتلهم الاشكال دي وسبتني ?? .. فمعلش بقى يحبيبي والحلويات بردو بتسد النفس علشان حضرتك مفطرتش ومسكت ايديه وحطت الهدوم فيها وخرجت
سيف سابهم على جمب وخرج وراها وتابع بضحك طب تصدقي بالله انتي الهديه اللي جبتهالك خساره فيكي
امنيه بفرح هديه !! هديه ايه وفين
سيف بضحك هناك علي الكنبه ياختي
امنيه راحت بسرعه وحماس وشافت بوكس وجمبيه بوكيه فرد ففتحت بوقها بانبهار وتابعت بفرح ايييه دده .. يخربيت القمرر وقعدت ومسكت الورود شمتهم باعجاب وسابتهم ومسكت البوكس فتحته اتفاجئت من كميه الشكولاتات اللي فيه وتحتهم فيه ماركات ميكاب وماسكات ومرطبات ففتحت بوقها بفرح وتابعت لالالا ايه الجمال ده ودموعها نزلت بفرح وهي بتتفرج على الحاجات بفرح شديد
وسيف كان واقف بيتفرج على فرحتها زي فرحه طفله باباها جبلها عروسه جديده وبيبتسم انه قدر يفرحها
امنيه بصتله بحب وتابعت بدموع فرح بجد بموت فيك تعالي هات حضن
سيف بضحك ده انا اجي جري وراح وقف قدامها فحطت البوكس جمبها ولفت ايديها علي رقبته ووقفت على اطراف صوابعها وحضنته جامد فسيف حط ايديه الاتنين على ضهرها ووطى راسه باس كتفها بحب ودفن وشه في حضنها باشتياق وهمس بحب والله العظيم واحشتيني الكام ساعه دول
امنيه بحب ودموع انت اكتر بجدد وحقيقي تسلم ايدك تعيش وتجبلي ينورعيني الحاجات جميله اووي وكلها ماركات تحفه وعالميه انت فهمت الكلام ده منين
سيف بضحك لا طبعا مش فاهم ومش عارف بتستخدميهم في ايه بس عرفت انك بتحبيهم علشان حاطه منهم على التسريحه فخليت البنت اللي هناك تنقيلي احلى الحاجات وجيب اهلي فداكي يعمري
امنيه ضحكت من بين دموعها وحطت ايديها الاتنين على خده وتابعت بحبك اوي بجد وفرحانه اني مهونتش عليك وعملت كل ده علشان تفرحني وحقيقي فعلا كلفت ده انا رغم كل اللي شوفته ده كله لسه مشوفتش باقيه
سيف نزل ايديها الاتنين وهو ماسكهم ووطى راسه باسهم بحب وتابع بحب عمرك ماتهوني علياا وابتسم وتابع ده انتي نص التاني يا هبله ومتقوليش كلفت دي احنا واحد واجبلك كل اللي تحتاجيه طبعا مفيهاش كلام
امنيه حضنته جامد فباس راسها وتابع بحب فرحك مسئوليتي فمش حاجه اتشكر عليها
امنيه بدموع وحب والله كنت ناويه انكد عليك انهارده ومحضره حاجات كتير بس انت فاجئتني وخلتني رجعت في قراري في ثانيه .. بجد ربنا ميحرمنيش منك ابدا وصحيح صوتك تحفه اوي اوي فوق الوصف انا بكتشف فيك كل شويه حاجات جديده
سيف بضحك طب الحمدلله لحقت نفسي جول في الدقيقه تسعين ده وصوتي حلو بس مش اجمل من صوتك مع اني اتهزقت متغناليش
امنيه فضلت تضحك وتابعت يعمري درااما كوين اانا بستنى لما نتخانق علشان اعيش الجو ده شويه انما انت مفيش اغنيه رومانسيه توصف حبي ليك اصلا
سيف فضل يضحك وتابع لالا بجد مش معقوله صنف بطبيعته فطرته النكد
امنيه فضلت تضحك وتابعت طب سبني بقى علشان استكشف باقي البوكس بتاعي
سيف باس راسها وتابع بحب شوفيه يعمري هغير وجايلك وبلفعل دخل غير هدومه وخرج كانت امنيه طلعت كل اللي في البوكس وبتصوره
سيف بضحك اوعي تكوني بتنزليه ولا حاجه مش ناقصين نكد
امنيه بضحك لالالا انا خبيثه وبداري على شمعتي مش ناقصه نكد ونتخانق ونتحسد وحاجات كتير بس بصورهم علشان تفضل في الميموري وتفكرني كل سنه
سيف بحب اه كده احسن عاقله والله يابت يا منونتي
امنيه بحب عيون منونتك
سيف افتكر وتابع صح خلصي فقره السيشن اللي عملاها للهديه وهاتي فونك ثواني اوريكي حاجه
امنيه بستغراب حاجه ايه دي
سيف بتنهيده خلصي بس.. علشان بردو منزلتيش حاجه والنكد شكله جاي .. شايفو من بعيد
امنيه بتوتر ليه في ايه عملت ايه انا
سيف بتنهيده لا ابدا كل خير جوزك راجل مجنون شويه بس
امنيه خلصت تصوير وقامت قعدت جمبه واديته الفون وتابعت بتوتر ايه في ايه
سيف بصلها بستغراب وتابع في ايه انتي ايه مخوفك مش فاهم
امنيه بخوف اني مش عارفه انت دماغك فيها ايه بجد اصل انا معملتش حاجه
سيف بتنهيده لا مش مستاهله كل ده عادي ودخل انستا وداس على الاستوري فكانت صوره لامنيه انهارده بلقفطان المغربي قدام المرايه اللي في الصالون بتاعتهم فتابع ايه ده بقى ??
امنيه بتوتر ايه صورتي مالها يعني
سيف غمض عينيه بضيق وتابع بصي انا اقسم باالله ما عايز اهزقك فاتفهمي وبسرعه
امنيه بتوتر حاضر في ايه بقى
سيف بتنهيده انتي الاكونت بتاعك بابليك ولا برايفت ??
امنيه بتوتر بابليك ايه الجديد ??
سيف اممم وانتي عارفه ان بابليك انستا عامله بلظبط زي كأن مراتي بتحط صورها في الشاارع ??
امنيه بضيق شارع ايه يا حسام ده
سيف بمقاطعه وبحده : متقااوحيش في الغلط .. لو اعترفتي مره بغلطك بكل سهوله مش هتوصل اننا فكل خلاف نتخانق.. مضيقاكي اوي كلمه الشارع طب ده الشارع اهون على الاقل مقتصر على القوصيه بس انما انتي اي حد من العالم كله يعرف يشوف صورك عادي بلوضع ده في ايه هو انتي شيفاني مش رااجل ???
امنيه دموعها نزلت وتابعت بضيق ايه بقى يقول انك مش راجل فكل اللي انا عملته بنزل صوري زي اي حد بيعمل كده انت ليه كل حاجه بترفضها مع انك كنت الاول عاادي حصل اييه
سيف بحده ما كشفت الحسناء سترها لو كان ارباب البيوت رجالا يا امنيه هااانم والكلام ده لو كانت برايفت ومقتصر على اللي تعرفيهم كنت هعديها انما انتي عديتي الليفل ده من زمان وواقفه تتصوري بكل المكياب اللي في وشك ده بعبايه صباحيتك ومنزله اي راجل يقدر يدخل كده ويتفرج على صور مراتي وقولتلك انا شخصيتي اختلفت كتير فمتفضليش تقوليلي انت كنت الاول مش عاارف ايه ودلوقتي رافض
امنيه بدموع علشان نختصر حاجات كتير عايز ايه يا حسام دلوقتي وهعملوا من غير خناقات علشان بجد تعبت وحاجات كنت راضي بيها فاجاه دلوقتي بقيت وحشه وانا مبقتش فهماك
سيف بحده معلش خليها عليكي قولتلك انا مبقتش زي الاول ودخل على الاكونت وابتدى يمسح الصور اللي شايفها ملفته اوي للنظر فتابعت امنيه بتفاجئ لالالا بتعمل اييه لييه طيب منا ممكن اعملوا برايفت والله خلاص
سيف بتنهيده منا هعملوا برايفت مين قالك هسيبه بس بمسح الصور اللي انا شايفك ملفته للنظر فيها وبسيب اللي واقفه بعيد بلبس واسع بعدين هيتقفل واقعدي كده مع نفسك وصفيه من كل الناس اللي متبعاكي علشان عاجبهم جمال اهلك مش اكتر انما ميعرفوكيش
امنيه غمضت عينيها بضيق وتابعت خد بالك انت جايبلي هديه وبردو بتعيطني مبتعديش يوم زي الناس ابداا والدموع اتجمعت في عينيها
سيف بابتسامه والله في الحالاات االلي زي دي عايزه تعيطي للصبح عيطي عادي بنسبالي
وفضل يمسح الصور بعدين قفل الاكونت
امنيه ضحكت من بين دموعها وتابعت وهي بتضربه في كتفه بارد والله العظيم غور كده
سيف حط ايديه على ضهرها الظاهر من البدي وشدها ليه وتابع بحب بذمتك اهون عليكي
امنيه حضنته وتابعت بحب لا مع ان اسلوبك بنسبالي صعب بس اانا عارفه انك غيران عليا
سيف حط ايديه الاتنين على ضهرها ودفن وشه في حضنها وضمها ليه اوي وتابع بحب وهمس غيران بس !! ده انا عايز اخبيكي جوايا ومخرجكيش لحد خالص
امنيه غمضت عينيها بتوتر من لمسته ورفعت وشه ليها وتابعت بحب والله العظيم بحبك
سيف بحب وانا بموت فيكي
امنيه سندت جبينها على جبينه وتابعت بحب بس اخص عليك ليا عندك عتاب .. كده تختار اسم بنتنا من غير ماتقولي
سيف ابتسم بحب وتابع من غير ما اقولك ازاي يعني ما امها كل ما تقف قدام المرايه وتشوف جمالها هتفتكر اسم بنتنا علطول
امنيه فضلت تضحك وتابعت علشان معنى اسمها جميله يعني
سيف بحب اه بلظبط جميله لامها انا عايز امنيه تانيه في البيت وضحك وتابع علشان تجننوني مع بعض
امنيه بحب بس انا نفسي تطلع في جمال وعيون ابوها
سيف ابتسم بحب وتابع اقسم بالله حبيبت لون عيني لاجل انها عجباكي بس
امنيه بضحك اومال لو قولتلك ان حبيبي كله عاجبني هتعمل ايه هتحب نفسك
سيف بحب انا بحب نفسي وبقدرها طبعا بس بحب امنيه اكتر من نفسي
امنيه ابتسمت بحب والدموع اتجعمت في عينيها وتابعت بجد بموت فيك وحضنته
سيف بحب والله العظيم وانا اكتر
امنيه بحب ممكن متنزلش تاني وتفضل معايا نفسي الاقيني في وقتك شويه وكمان انت واحشتني اوي انهارده
سيف بحب من عيوني والله مش هنزل تاني انا والله كان غصب عني حقك عليا وحقيقي انتي واحشتيني اكتر
امنيه ابتسمت بحب وتابعت المهم انك جيت بلسلامه انا مش زعلانه خلاص وضحكت وتابعت شوفت حسام الصغنن كيوت اوي بجد
سيف ابتسم بحب وتابع ده والله مفيش حد كيوت اكتر من مرات خالو القمر دي
امنيه فضلت تضحك وتابعت لا وهو بردو ده جوز بنتي ده
سيف بضحك الله طبعا عمر ابن الجزمه هو اللي كبرها في دماغك
امنيه بضحك اه هو وانا موافقه اجوز حسام الصغنن بنوتي اسكت انت
سيف بضحك هسكت انا حاضر بس مش لما تيجي بنوتك الاول
امنيه سندت جبينها على جبينه بحب وتابعت المهم انها هتيجي وانا بتمنى يكون قريب جدا
سيف بضحك للدرجه دي مستعجله على الهم طب شوفي تجربه زوزا الاول
امنيه بحب وهمس : اي ان كان هستحمل ده كفايه انها بنتي منك
سيف كلامها وقربها منه اثر فيه اوي وحط ايديه الاتنين على ضهرها بيضمها ليه اكتر وقرب باسها بحب واشتياق كبير وامنيه رغم توترها ورعشه جسمها غمضت عينيها وهي حاطه ايديها حوالين رقبته وسيف مال بيها على الكنبه وهو حاطط ايديه على ضهرها وفضل يبوسها بحب ومش عايز يبعد عنها وفونه رن فاجاه فاتخض هو وامنيه وبعد عنها وخد نفسه وتابع ثواني اشوف مين وقام وسابها وراح يمسك فونه وهي قامت اتعدلت وقعدت بحرج وضيق شديد
وسيف دخل البلكونه ورد
سيف بتنهيده ايوه يا عمر
عمر بحده فينك يا ابني رنيت عليك كتير من شويه مقفول كل ده في مصر كفياك كده ميصحش انت عريس ومراتك اللي سايبها كل ده لوحدها دي
سيف بتنهيده لا لسه واصل بقالي شويه اكيد لما رنيت كنت في الطياره وبجد الحمدلله انك اتصلت
عمر بستغراب ليه في ايه
سيف وهو بيجاهد يهدي الاحساس اللي جواه تابع عادي كلعاده كنت هتسرع واعمل حاجه اندم عليها
عمر غمض عينيه بضيق وتابع لالا انت بجد عنيد لابعد حد بردو لسه اللي في دماغك في دماغك
سيف بتنهيده سيبك مني كنت متصل ليه ??
عمر بحده يا ابني متدمرش حياتك مراتك غلبانه وبتحبك سيبك بقي من الحوارت اللي حصلت بعد كده دي .. تمم جوازك منها والموضوع ده بيقرب الواحد ومراته اكتر لبعض ولما تعرف الحقيقه الوقت اللي هتكونوا عشتوه والذكريات اللي جمعتوها كفيله تخليها تسامح
سيف بتنهيده او تفتكر عملت كده علشان تفضل معاايا لاني لمستها واستغليت الموقف
عمر ميمشيش معاك انك جوزها وده طبيعي وحلال وان حتى لو طلقتها فمفروض تكون مدام مش بنت بنوت ????
سيف تنهد بعمق وتابع باالله عليك انا ما ناقص فارغي قول كنت عايز ايه وسيبك مني انا مخي تعبان شويه
عمر ده حقيقي والله انتوا الاتنين بتدمروا حياتكم وانا مش هسمحلكم بكده بجد
سيف بستغراب ليه انا ومين مش فاهم حاجه ??
عمر تنهد بحزن وتابع مازن جاب نور انهارده شايلها بين ايديه وحالتها صعبه وفي حد اعتدي عليها ويونس قال ان هو اللي عمل كده
سيف اتصدم بشده وتابع بعصبيه انت بتخرف تقول !!! نور مين اللي حد اعتدى عليهاا ويونس ايه اللي عمل كدده !!
عمر بوجع والله ده اللي حصل انا مستحيل اصدق طبعا انه يعمل في حبيبته كده ده بيخاف عليها من الهوا بس هو قال على نفسه كده وابوه ضربه و .. وفضل يحكيله كل حاجه وسيف اتعصب جدا وتابع بحده تمام اقفل دلوقتي ياعمر هنزل لنور بعدين انزلي نروح ندور على يونس
عمر بحزن تمام باي
سيف باي وقفل معاه وخرج دخل اوضه النوم يلبس فدخلت امنيه وراه كان قلع التيشرت البيبتي وبيلبس قميص
امنيه بصدمه انت بتعمل ايه ??
سيف امنيه بالله عليكي يحبيبتي مش وقته انا هموت واعرف مين ابن كلب باصصلي في ام الجوازه دي
امنيه بخوف في ايه طيب فهمني
سيف وهو بيقفل الزراير تاابع حواار كبير .. كبير اوي هروح افهم واجي افهمك كل حاجه اقسم بالله غصب عني انا عارف قولتلك مش هنزل بس دي مصيبه سودا
امنيه بقلق طب في ايه قلقتني والله العظيم
سيف بوجع باختصار حد اعتدي على نور ويونس قال ان هو بس ده مستحيل فانا هفهم وافهمك
امنيه ضربت على صدرها بصدمه وتابعت ايه يانهار اسود ومنيل ايه اللي بتقولوا دده
سيف بوجع عرفتك علشان تعرفي ان فعلا غصب عني وهحاول متاخرش عليكي وباس جبينها وتابع متفتحيش لحد بلبسك ده هاا لو حد خبط البسي اي عبايه الاول وغطي شعرك
امنيه بدموع حاضر وطمني بالله عليك
سيف لبس الجزمه وتابع وهو بيفتح الباب حاضر حاضر ونزل للدور التالت اللي فيه شقه ايمن وخبط فتحتله عايده وعينيها حمرا من الدموع وتابعت ادخل يا ابني
سيف دخل وتابع بوجع فينها نور
عايده قعدت علي الكنبه بتعب وتابعت في اوضتها يا ابني ادخلها انت مش غريب
سيف راح اوضتها وخبط فتابعت نور بعياط قولت مش عايزه اشوف حد
سيف بوجع ده انا يحبيبتي .. سيف
نور قامت فتحتله وحضنته وانهارت عياط في حضنه وهو غمض عينيه بوجع وصدمه من شكل عينيها الموارمه من العياط وفضل يطبطب عليها وتابع بوجع حقك عليا اهدي ابوس ايدك اهدي
نور بعياط شوفت ابيه عمل فيا ايه يا سيف .. شوفت وجعني وقدر يأذيني ازاي انا بجد مش مصدقه وعيطت اكتر وتابعت مش قادره اصدق والله مش قادره
” سيف كان متاكد ان حد تاني عمل كده وفهم ليه يونس قاال كده فمحبش يوجع نور اكتر باقناعها ان حد تاني السبب علشان وجعها هيكون اعمق ” فتابع بوجع ابن كلب وغلطان وهطلعلك عين اهله بس رفضك مش حل والله العظيم ما حل ابداا
نور بعياط وانا مش هقدر اتجوزه يا سيف صدقني مش هقدر .. انت .. انت متعرفش هو بنسبالي ايه .. ده كان مرايتي وبير اسراري وصاحبي .. ده انا كنت بترمي في حضنه واعيط واشكيله مش قادره اتخيل ازاي قدر يعمل كدده انا قرفانه من نفسي ومن جسمي اللي لمسه انا مش طايقه نفسي وعايزه اموت والله ما هقدر اعيش كفايه كده كفااايه علياا كل ده انا شوفت كتيير اوي وفضلت تعيط بهستريه وشهقات
سيف غمض عينيه وباس راسها بعمق وتابع طب ممكن تهدي طيب ونتكلم ارجوكي
نور بوجع وعياط مش قادره صدقني مش قادره مكسور بخاطري اوي حاسه ان حقي كبنت لسه صغيره قدامها عُمر طويل اتسلب مني انا اطلقت وحياتي ادمرت وجوزي هو اللي دمر اهلي ووجعهم وخاني وفوق كل ده الوحيد اللي شوفته اماني طمع فيا وعمل اللي قاسم جاهد ومعملهوش مع اني كنت حلاله في وقتها وعيطت اكتر وتابعت انا اتحرمت من حاجات كتير اوي بسبب اللي حصلي يا سيف او اولهم اني اتحب بجد وابقي عروسه لواحد عايزني ومش شايف غيري واعمل فرح زي كل البنات انا بجد مش قادره اتقبل اي حاجه نفسي اختفي مش قادره وفضلت تعيط
سيف فضل يطبطب عليها بحزن شديد وبصلها ومسح دموعها وباس جبينها وتابع بحزن ممكن تسمعيني
نور بوجع قول يا سيف
سيف قعدها على السرير ووطى على ركبته قدامها ومسك ايديها طبطب عليها وتابع انا في حاجات كتير اوي دلوقتي قادر اقولك انك امتلكتيها وحقايق كتير اوي هتعرفك انك مكنتيش بتشوفي كويس طول الفتره اللي فاتت من حياتك بس الوحيد اللي ليه حق يقولها هو يونس مش انا .. هتكلم معاكي بصراحه يا نور انا موجوع على اللي حصلك زيك واكتر وربنا يعلم ده انتي بنت عمي واختي الصغيره يابت .. هو فكرك ان شرفك ده مش شرفنا كلنااا لا والله ده كلنا ضهرنا اتكسر مش انتي بس .. بس هسالك سؤال هل ربنا بيرضي لينا بلشر ???
نور بدموع اكيد لا
سيف بوجع وانا من وجهه نظري كسيف شايف والله العظيم وغلاوه امنيه عندي ان انتي ربنا بيحبك اووي وشايفلك مستقبل جميل اوي يعوض كل اللي راح اضعاف مبالك بربنا اللي نظرته ومعرفته غير محدوده طلما قبل بكده يبقي رايد ده كله يحصل ليه ??
نور بدموع ووجع انا فاهمه كلامك بس الوضع صعب اوي صدقني صعب وفوق احتمالي وطاقتي
سيف بتنهيده يعني انتي كنتي عايزه متعرفيش كل ده وتتجوزي حيوان مخليكي عايشه في وهم انه بيحبك ويفضل يخون فيكي ومخلف من غيرك وساعتها لما تعرفي هتطلقي وتقعدي في بيت اهلك مكسوره وحالك هيبقي اصعب من وكده وتخيلي لو كنتي حامل كمان دي هتبقي اصعب واصعب ساعتها هتقولي ليه يارب خلتني اكمل معاه طلما شوفته بيخوني كده ??? اروح فين بابني وابوه اللي مش كويس والقهر اللي عيشاه وفي السن ده! !! انما ربنا اختصر عليكي حاجات كتير اوي وبعده عنك … لان اللي بيخون مره هيخون الف مره ومكنش هيبطل قرف وبلعكس بقى هتحسيه شهواني معاكي بس مش اكتر والحب هيختفي وهتبقي زيك زي غيرك وسيله لمتعته وبس فصدقيني هي دي الحياه اللي انتي كنتي هتعيشها لو فضلتي عاميه ومش شايفه الحاجات اللي واجعاكي دلوقتي يعني زي مابيقولوا نعيم الجهل .. فتختاري نعيم الجهل ولا جحيم المعرفه
نور بدموع اكيد جحيم المعرفه وابقى اسمي عرفت الحقيقه بدل ما اعيش مغفله وكلامك والله صح واقتنعت بيه بس مش متوقفش على كده وبس ده حتي ابيه قدر يأذيني
سيف تنهد بعمق وتابع مشاكلك هتخلص لما تبطلي تشوفي يونس ابيه .. مشاكلك هتخلص لما تقرري تشوفيه شريك حياه وزوج واب لاولادك
نور بدموع مش هعرف .. صدقني مش هعرف
سيف علشان عمرك ماجربتي تحاولي او تبصيله بلنظره دي ..ووجوده المستمر معاكي خلاه في نظرك ده الطبيعي مع ان مفيش حد بيعمل كده مع بنت عمو خاالص
نور بدموع انت قصدك ايه
سيف بتنهيده قصدي يونس هيقولهولك بلوقت انا كل اللي طالبه منك دلوقتي توافقي تديه فرصه وتتجوزيه ولو عايزه فرح هخليه يعملك فرح انتي مش اقل من حد وادي اللي لمسك هيتجوزك وهتبقى عادي بعد كده
نور بدموع سيف الكلام سهل بس انا مش مستوعبه انه اذاني كده علشان استوعب فاجاه ان ابيه بقي جوزي دلوقتي ومش اخويا وصاحبي الكبير صدقني الموقف يخض وكبير عليااا
سيف مسح دموعها وباس جبينها وتابع ثقي فياا والله العظيم ما هتندمي ولو مرتاحتيش انا هطلقك منه واخليه يتجوز وانتي تتجوزي اللي تختاريه عادي يعني مش هتبقوا اول ناس تطلقوا بس لازم تتجوزيه على الاقل فتره بسبب اللي حصل بينكم
نور عيطت بوجع فتابع سيف بحزن : نور كبري كلمتي انا اول مره اتدخل في امور زي دي ومتعشم اني غالي عندك ومش هتكسفيني
نور بدموع موافقه يا سيف علشان خاطرك لانك فعلا غالي عندي اوي بس مش عايزه فرح هو كتب كتاب في الجامع وخلاص
سيف ابتسم بفرح وتابع ده من عيوني بس كده طلباتك اوامر ومسح دموعها وتابع بس توعديني ورحمه حسام وغلاوته عندك ماتعيطي تاني وقومي صلي واهدي وادعي ربك يوريكي الخير فكل اللي حصل
نور بوجع حاضر والله
سيف بتنهيده هنزل انا مشوار وهبقي اطمن عليكي كل شويه ماشي
نور بابتسامه ماشي ربنا معاك
سيف باس راسها وقام وقف وطلع من الاوضه ملقاش مرات عمو فنزل شقه منصور واتصل بعمر قاله ينزله ودخل وتابع بتنهيده السلام عليكم
نرمين بتنهيده وعليكم السلام يا سيف بيه
سيف بتنهيده قسما بالله ما وقته خاالص اديكي شايفه الوضع االي بقينا فيه اللي هتتخانقي علشانها زي الفل فوق ومفيش اي حاجه صالحتها
معتز بتنهيده ليك روقه انت بس مش وقتك
سيف ضحك ونزل عمر وتابع ها يلا انا جهزت
سيف بتنهيده مبدائيا انا رايح اجيب يونس علشان مش بيرد على حد ومعرفش فينه كلام كتير في اللي حصل مش عايز خلاص كلامكم مش هيغير سواء شايفينه غلط او مغلطش اللي حصل حصل فاحنا كلنا لازم نتقبل ده
مازن اتعصب ورايح يرد فتابع سيف بحده هنتقبل ونسكت علشان خاطر نور مش حد تاااني علشان انا عارف طوله اللسان اللي هتحصل وتتقال دلوقتي وماهي مش اختك وهري كتير مالوش لازمه بس كل ما انتوا تنسوا وتكبروا دماغكم البنت هتنسي ولازم تنسي انما اسلوبكم مع يونس كانه مجرم هتفضل طول الوقت شايفه جوزها حيوان وقرفانه منه ومحروجه وحاسه عينيها مكسوره قدامكم
منصور بتنهيده عين العقل يا ابني والله انا معاك كل كلمه قولتها صح
مازن اتعصب ومردش عليه وطلع فتابع سيف بتنهيده ورا جوزك وعقليه وفهميه علشان خاطر اخته ان من مصلحتها انه يكبر دماغه من يونس خالص
ياسمين بدموع حاضر وطلعت وراه
سيف بتنهيده وانت يا احمد الكلام مش عجبك ولا ايه
احمد قاعد حاطط راسه مابين ايديه وتابع بوجع انا مش شايف حاجه ولا فارق معايا حاجه غير ان اختي تبقى كويسه ويونس لو بايدي اقتله والله ما هتردد بس لو عملت كده محدش غيرها هيتضر وسمعتها هتبقى في الارض فهتنيل اسكت
سيف تنهد بوجع وتابع والله العظيم حاسس بيك بس لو خايف على اختك فعلا لازم كلكم تساعدوها تتقبل ان يونس خلاص بقي جوزها وتنسي وانا بضمنلكم برقبتي ان يونس هيسعد نور
عايده بعياط لو كان طلبها يا ابني عمرنا ما كنا نعزها عنه ليه كل ده بس وكسره النفس وسط الناس دي ليه يكسرنا ويقهرنا وحتى ربنا مخافش منه وعمل ذمب كبير زي ده
شهد بدموع وبحده بالله عليكي يا مرات عمي كفايه تتكلموا على اخويا بلباطل هو معملش حاجه وكلكم جايين عليه وانا تعبت ومبقتش مستحمله اسلوبكم
احمد بحده شهد فوقي لنفسك انتي هتزعقي لامي انتي اتجننتي ولا اييه يعني اخوكي غلطان وبتبجحي كمااان ما انتي مبيعجبكيش لما باجي اقولك كلمتين وكل شويه تقوليلي يونس .. يونس فلقتيني بيونس بتاعك اللي واخداه قدوه وهو راح غلط مع اختي في الحراام
شهد اتصدمت من كلامه وتابعت بعصبيه ودموع ااه يونس وهفضل فخوره بيونس ده طول حيااتي يونس ده انت واخوك وعيلتكم كلهااا بكره هتبوسوا ايديه لما ربك يظهر الحق اخويااا ميعصاااش ربنا ده عمره مابص لبنت في الشارع علشان يلمس واحده لا ومش اي واحده دي نوررر وانا مستعده اقف ادافع عنه قدام اي حد حتى لو اكبر واحد فيكم يااا عيله الرفاااعي ولو انتوا بقي كلكم كبرتوااا وخرفتوا فاصغركم هي اللي هتعلمكم الحكمه والصح ولو امي نفسهااا اللي قالت على اخوياا عاصي لربه مش امك يا احمد كنت هقف قصااادها فمتفكرش اني هخاااف حياتي تخرب زي ياااسمين وهحط جزمه في بوووقي واسكتت على اهانه اخوياااا .. يونس اخويااا وابوياا واقرب حد ليااا وفهمني لما كلكم مفهمتونيش و لو ياسمين خايفه علي حب عمرها وزين اللي جاي لو جيه ملقااش اب فا صدقت على اخوها وسكتت من قله حيلتهاا فا ده لان ياسمين طول عمرهااا بتبعد عن يونس بسبب كلامكم السم فمتعرفوش قدي ومحدش فيكم كلكم يعرفه قدي يونس اللي بتتهموا وبتهزقوا وكلكم جيتواا عليه ده هو اللي صااان شرفكم وعرضكم وهيسكت الكل وهيرفع راسكم وسط الناس يا عيله الرفاااعي وبكره تشوفوا ان انا اللي صح وكلكم اللي غلط
كلهم كانوا متفاجئين جدا باسلوبها وكلامها وانها قد ايه كبرت وعقلت وبتقول كلام زي ده فتابع احمد بعصبيه يعني ايه يا شهد يعني دلوقتي لو قولتلك انا ولا
شهد بمقاطعه وبحده لا يا احمد متكملهاش متقولش انا ولا .. لان الاجابه ممكن تخسرنااا حاجات كتير اوي ودموعها نزلت وتابعت انا بحبك وبموت فيك واستنيتك سنيين لحد ماكبرت وعقلت وحسيت بيااا مع انك كنت سبب في نضجي بدري بدري لما حبيتك من صغري ولاقيتك كل شويه تكلم دي وتسيب دي وشغال مراهقه عياال وانا مكنتش عارفه اشوف غيرك .. فمش معنى انك عارف اني بحبك فانك تقاارن نفسك بيونس اللي هو كل اهلي .. انت حبيبي وهو اخويااا الوحيد ومش هقدر اقارن بينكم وهو نفسه رغم عارف غلاوته عندي قالي متدخليش انتي ومتخسريش خطيبك .. فبلاش انت تقول انا ولا دي علشان صدقني هصدمك ان شهد قسيت اوي ..قسيت لما كلكم جيتوا على قوتها الوحيده ودموعها نزلت بقهر وتابعت انا مدخلتش علاقتي بيك بللي حصل مع يونس ونور فبلاش انت تعمل كده
احمد اتوجع اوي من كلامها وتابع يعني هو فارقلك وانا مش فارقلك يا شهد !!!
شهد بدموع ربنا وحده يعلم بحبك وبموت فيك ازاي بس انت حقيقي اللي هتندم بعدين وهتتكسف من نفسك ومن اللي عملتوا لو فكرت تعادي يونس وتقف قصاده والله يونس ما حب وعشق قد اختك
احمد بوجع عايزاني اقبله ازااي وانا كل ما هشوفه هفتكر اللي نور اتعرضت ليه ?? سواء هو غلط معاها او مغلطش ميخصنيش انا اللي يخصني الكلمه اللي طلعت منه وهي انه عملها وده راجل طول بعرض مش مراهق علشان يكدب في حاجه زي دي
شهد بدموع اي ان كان اختك هتحبه وانا واثقه فاعملوا زي ما سيف قال وانسوا وساعدوها تنسي وبلاش كلام مالوش لازمه على اخويا في الرايحه والجايه واتعصبت بدموع وتابعت علشان ورحمه امي ما هسكت لحد مهما يكون مين وسنه ايه
سيف وعمر كانوا مبهورين بيها ومتفاجئين ازاي بقيت كبيره كده فراح سيف باس راسها وتابع بحب يسلم اللي رباكي وبص لعز وتابع بتنهيده اللي هو يونس طبعا لان المفروض الراجل اللي رباكم نفسه موثقش في ابنه بس معلش المهم اننا مش هنجيب سيره الموضوع ده تاني
شهد ابتسمت بدموع وتابعت بعيدا عن اي حاجه انا بنت يونس قبل ما اكون اخته وتربيته هو فعلا
عمر بحب وطمرت فيكي التربيه يا شهد والله
شهد بابتسامه تسلم يا غالي
احمد بوجع انا علشان خاطرك انتي يا شهد وعلشان خاطر حبي ليكي هسكت لاني مش هقدر اخسرك ومش هجيب سيره حاجه تاني وهعامله بما يرضي الله بس لو داس لاختي على طرف ساعتها لا انتي ولا غيرك هيشفعله عندي وطلع على شقته
سيف بحزن روحي وراه متنسيش انه تعبان كفايه اوي كده هو بردو كتر الف خيره موقفه صعب ورضي يسكت علشان بيحبك وفهميه ان نور وافقت
منصور بتفاجئ وافقت صحيح ???
سيف بحب اه انا خليتها وافقت
شهد بتنهيده حزينه حاضر هروحله وشوف يونس فين وطمني عليه الله يخليك يا سيف
سيف بحب حاضر يا عيون سيف وبص لعمر وتابع يلا يا عمر ونزلوا وشهد طلعت
——
عند مازن وياسمين
ياسمين كانت غيرت ولبست كاش مايوه ورفعت شعرها ديل حصان وواقفه بحزن بتحضر العشا وسمعت صوت الباب اتقفل فهمت ان مازن جيه علشان كان عند نور
فطلعت بلصنينه وحطتها على السفره وتابعت بتنهيده ها اخبارها ايه دلوقتي
مازن قعد وحط راسه مابين ايديه وتابع احسن الحمدلله
ياسمين راحت قعدت قدامه وتابعت بحزن طب عرفت تقنعها ?
مازن بصلها فتابعت ياسمين بتوتر والله بقول كده علشانها مش قصدي حاجه هي لازم فعلا تتقبل
مازن تنهد بوجع وتابع لا متقلقيش سيف قام بلواجب وزياده
ياسمين تنهدت بارتياح وتابعت طب الحمدلله عرف يقنعها وشدت الصنيه وتابعت بحزن معلش يحبيبي كل لقمه انت مكالتش من الصبح
مازن بتعب مش قادر يا ياسمين صدقيني مش قادر
ياسمين بحزن حقك عليا انا والله وباست راسه وتابعت بدموع انا مش عارفه اقولك ايه والله انا مكسوفه منك و
مازن بمقاطعه وانتي ايه يكسفك مني ?? اوعي يابت يكون الكلمتين اللي قولتهم تحت من عصبيتي مأثرين فيكي ولا حاجه .. لا ده انتي تخصيني انا من يوم ماجيتي البيت ده … ومن وانتي فاكراهم مش اهلك شوفتيني انا كل اهلك وعمري ماخلطت علاقتي بيكي بلعيله انتي حرم مازن الرفاعي اعرفي قيمه نفسك وارفعي راسك انتي مغلطيش انا بس كنت متعصب شويه بس مش عدل اخدك بذمب يونس انتي بنتي ومراتي وصاحبتي وحبيبتي واختي انا ومن يوم ماجيتي
ياسمين عيطت بفرح وحضنته وفضلت تعيط وتابعت انا بحبك اوي بجد .. بحبك اوي لانك كل مره بتوريني اني عندك غير كل الناس وحبك ليا مش كلام
مازن حضنها اكتر وباس راسها وتابع وهتفضلي غير كل الناس ودموعه نزلت وتابع هو انا ليا غيرك يا ام زين واذا كان على اللي حصل مع نور فيونس هيشيل تمنه لوحده مش انتي
ياسمين بصتله بوجع وتابعت مازن هو انت
مازن بمقاطعه مش هحرمك من اخوكي يا ياسمين انا مش وحش زيه ومش هقطع صله الرحم ومتخافيش مش هأذيه بس يعتبرني موت ومالوش ابن عم اسمه مازن بجد بقى المره دي لاني حقيقي هعمل نفسي مش بشوفه ولو شوفته هعمل حاجات انا في غنا عنها فهسكت علشان اختي متتفضحش مش علشان سواد عيونه
ياسمين بدموع فرح ماشي وانا موافقه متكلمهوش بس متحرمنيش منه ولا تأذيه ابوس ايدك يحبيبي انت جوزي وهو اخويا والله مش هقدر
مازن قعدها وخدها في حضنه وتابع بحب والله ما هعملوا حاجه ولا هحرمك منه اهدي بقى متعيطيش
ياسمين بدموع طب كل علشان اكل انا كمان
مازن بوجع ياسمين يحبيبتي انا والله ما ليا نفس كلي انتي علشان اللي في بطنك وسيبك مني
ياسمين بدموع لاا وغلاوتي عندك لتاكل معاياا علشان خاطري
مازن بوجع مش قادر صدقيني ماليش نفس
ياسمين بدموع معلش يا مازن لو ليا خاطر عندك
مازن تنهد بعمق وتابع حاضر بس كلي يلا ومسح دموعها وباس جبينها بعمق وتابع حقك عليا بجد
ياسمين بحب لا يعمري متقولش كده انا ملومتش عليك لاني عارفه انا متجوزه مين كويس وانت بردو كتر الف خيرك
مازن بحب ربنا ميحرمنيش منك يارب يحبيبتي
ياسمين بحب ولا منك يارب يلا مد ايدك وكل
مازن بتنهيده حاضر وبلفعل بدا ياكل علشان ترضي ياكلها
——-
عند يونس كان عمال يفكر مين عمل كده وراح الجامعه فرغ الكاميرات وجاب رقم العربيه اللي خطفت نور وبعتها لواحد ظابط صاحبه وشويه واتصل بيه
يونس بقلق ها يا وائل طمني ??
وائل بتنهيده مش هنستفيد حاجه للاسف لان الوش في الصور اللي رش المخدر متغطي والرقم بتاع العربيه دي مسروقه من تحت بيت واحد ميت بقاله سنين ومحدش كان بيركبها خالص وعياله قدموه بلاغ انها اتسرقت في نفس الوقت
يونس بحيره اه يعني مسروقه علشان يخطفوا البنت وبس مش كده ??
وائل بلظبط كده الموضوع ده محصلش فاجاه ده مترتبله بقاله شويه دي ناس عارفه هتعمل ايه وهتروح فين
يونس نفخ بضيق وتابع تمام تمام اقفل وهكلمك تاني لو عوزتك
وائل تمام يا غالي
وقفل معاه واتصل بشريف لانه شك في قاسم يكون سلط حد
شريف بتنهيده اخيراا حد منكم عبرني
يونس بستغراب ايه ده اشمعنا في ايه
شريف اصل من شويه كلمت سيف بيه مردش كان غير متاح وانا عايز اقولكم حاجه ضروري
يونس بخوف لالا قولي انا عايز تقول ايه اوعاا تجيب سيره لاي حد من عيله الرفاعي عن اي حاجه في ايه بقى علشان قلقت امي ???
شريف بتنهيده قاسم ابن الكلب التنفيذ في الحكم عليه بكره وكان حاكي في السجن وحالف قبل مايتعدم ان يمرمط بشرف عيلتكم الارض بسبب اللي وصلتوه ليه خصوصا طليقته دي بنت عمكم اللي كان بيحبها اوي ومش متخيل انها هتبقى لحد غيره فمثل انه تعب وانا كل ده عرفتوا بعدين لما عملت تحقيقات في السجن المهم مثل انه تعبان ووديناه المستشفى وكان متفق مع شمامين خرجوا من السجن قريب قبل مايخرجوا ان لما يخرجوا يهربوه ويجيبوله عربيه يخطف البنت بيها ويعمل اللي يعملوا فيها علشان مريض بيها ومش هيسيبها لغيره مهما حصل وهو هيدفعلهم كتير من فلوسه اللي جمعها بسبب مشروعه علشان كده كده مش هيعمل بيهم حاجه وحصل بلفعل وهما ولاد حرام مجرمين فدماغهم سم وكانوا لما خرجوا بيراقبو البنت وشافوها لما خرجت وراحت فين ونفذوا خطتهم بس انا من التحقيقات جبتهم تاني واتفتح محضر بسبب العمله السودا دي فبتصل بسيف بيه علشان بنت عمكم لو اتأذت تيجي تجيب حقها بلقانون
يونس كان قلبه واجعه جداا من كلامه ومصدوم ودموعه نزلت بقهر وتابع بصوت مليان وجع: اقفل المحضر انا بنت عمي محصلهاش حاجه يا شريف
شريف بستغراب ازاي يعني ده هما قالوا ان
يونس بعصبيه قولت اقفل المحضرر ياا عم انا صاحب الحق وبقولك بنت عمي زي الفل مش عاييزين فضااايح وتعرف انها كانت هتتأذي كده .. وياريت محدش يعرف الكلام ده نهائي هي اغمى عليها ومتعرفش حصل ايه وانا لحقتهاا قبل اي حاجه فمش عايزين رغي في الاعرااض
شريف بستغراب: خلاص خلاص اهدى مالك في ايه انا مقصدش حاجه انا عامل عليكم بس خلاص انا هقفل المحضر واعتبر مقولتش حاجه
يونس بوجع اقفل المحضر وحضرلي زياره مع قاسم
شريف بستغراب ده اشمعنا
يونس بابتسامه مليانه قهر : اعتبرها حفله الواداع ده الغالي بردو والعشره متهونش غير على ولاد الحرام
