رواية عشق دون بصر الفصل الرابع بقلم ارواح تائهه
سيدرا: تعالي يا عشق.
عشق: رايحين فين.
سيدرا: تعالي اوريكي لبابا وماما.
عشق: هما فين يا سيدرا.
سيدرا: امشي بس تعالي لأنو عمي برضو عايز يشوفك.
عشق: هو انتو تعرفوني اصلا ً.
سيدرا: اه رعد كان بيحكي عنك.
عشق مشت مع سيدرا علشان تروح لأبوها بس ملقتهوش.
سيدرا: راحو فين دول كانو لسه هنا.
عشق: علي مين يا بت.
سيدرا: بابا ورعد كانو لسه هنا.
عشق: تلاقيهم دخلو اكيد.
: طيب تعالي اوريكي لعمي وجدو.
عشق بابتسامة: يلا محسساني كنز.
: انت احلي من كنوز الدنيا.
دخلوا وراحت شافت عم سيدرا وجدها.
العم: بسم الله ما شاء الله چمر.
عشق: جمال عيونك يا عمي.
الجد: وه يا بنتي ايه الحلاوة دي والله وعرفت تختار يا ولدي.
العم: ايوه والله معاك حچ يابوي البنت چمر اربعتاشر منورة.
الجد: هو رعد فينه يا بنتي.
سيدرا: معرفش يا جدي هو بابا راحو فين.
سيدرا تركب عشق اوضة رعد.
عند رعد……….
رعد: ايه يا خالي چولي.
: يا ولدي أنا عارف انك مش هتصدقني بس عمك هو اللي قتل ابوك.
رعد: وه ازاي تجول كده يا خالي ده برضو كان اخوه، ابويا مات بسبب حريق في الشركه بتاعته هو وعمي.
: لا يا ولدي ابوك عمك اللي جتله وهو اللي قلكم انه مات بسبب الحريق، بس عمك من زمان بيكره ابوك، لأن عمك كان بيحب امك بس ابوك هو اللي تقدملها الأول وهي اتجوزته، وجدك كان بيحب ابوك اكتر من عمك ولأنه الأكبر جدك كان عايز يكتبله نص الأملاك بأسمه.
رعد: لأ لأ مستحيل عمي يعمل كده.
: يعني انت مش مصدقني يا ولدي.
رعد: مش عارف يا خال عايز اقعد لوحدي.
: روح اوضتك يا ولدي وارتاح وبعدين نتكلم.
رعد يركب اوضته ويلاقي عشق نايمه علي السرير ودموعها نازله.
رعد: والله لو كان الكلام اللي خالي قايله صح دموعك هتنزل اكتر واكتر.
وبعدين يعلي صوته انت يا زفته ايه اللي منومك علي السرير، قومي نامي علي الأرض،«من صوته العالي عشق تصحي وهو يكمل كلامه»، وبعدين متعمليش فيها العمية قوي ومن بكرة متنزلي تشتغلي مع الخدم وهنا بس تنامي وكمان علي الأرض.
عشق: وليه يا بيه من بكره أنا هنزل من النهاردة.
رعد: تمام ويجيله اتصال من المستشفي.
رعد يرد علي المكالمة: مش قولت طول ما أنا في أجازة محدش يتصل بيا.
: بس يا دكتور الضابط «مريض الغرفه7» اللي هنا صحي وبينادي علي بنت اسمها عائشة ووحدة اسمها عشق وجاتله حالة عصبية.
رعد: خلي الدكتور خالد «طبيب نفسي» يتابع حالته، وياريت توصلوا لعيلته.
: تمام يا وقبل ما تخلص كلام رعد يفصل التلفون.
: يلهوي علي الغرور اللي عليه بس يستحق مهو قمر.
رعد دخل اوضته تاني ملقيش عشق فيها
:يا بنتي ايه اللي منزلك.
عشق: رايحة المطبخ.
: ده ليلا ما مسكتك كنتي هتقعي.
عشق: شكرا يا خالو بس رعد بيه قالي انزل المطبخ.
: هتعملي فيه ايه يا بنتي المطبخ.
رعد ينزل: دي هنا خدامة علشان كده رايحة المطبخ زيها زي الخدم.
: لأ هي مش خدامه دي مراتك يا ولدي.
رعد: مرتي وعايزها تخدمني ولا يا حبيبتي مش عايزة ولا ايه.
: هو من قلة الخدم هنا ولا ايه دي هنا ست الكل وفوق راسنا كلنا.
رعد: بس هي يا خالي اللي قالت انها هنا خدامتي وعايزة توفيلي حقي مش كده.
عشق: اه طبعا طبعا أنا عايزة اديله حق المعروف اللي عمله.
: خلاص يا بنتي اعملي اللي يريحك بس لو تعبتي خلي الخدامين يكملوا وانت تركبي.
عشق: تمام يا خالو.
……………………
لأ ده مش خاله ابو سيدرا دا خاله التاني هو عنده خالين…….
خاله محمود عمره في حدود 50 أصغر بنت عنده سيدرا وعنده ولدين غيرها بس مش في مصر مراته ميته من لما كان عند سيدرا عشر سنين وهو متجوزش عليها كان همه تربية عياله.
خاله أكرم ده أصغر من محمود عمره 45 سنه عند بنت كد رعد ومتجوزة ودي أكبر عياله وعنده ولد أكبر من عشق.
رعد راح عند خاله «محمود».
: ايه اللي جابك يا ولدي فكرت في قولته.
رعد: ايوه يا خال فكرت.
: طلع معاك ايه يا ولدي.
رعد: ايوه عمي عنده اسباب كافيه يقتل ابوي، بس انت مين قلك.
: كنت مستنيك تسألني يا ولدي، أنا قالي واحد كان بيشتغل معاهم وشاف اللي حصل.
رعد: طيب وهو فين يا خال.
: هو مش هنا هو عايش في القاهرة.
رعد: تمام ماشي يا خالي.
رعد ركب اوضته وشرد في عشق وفي اللي عمه قاله.
رعد افتكر أول مره يشوف عشق وهي كبيرة…..
فلاش…..
عشق كانت قاعدة علي طربيزة مع شاب غريب.
عشق: فهد أنا عايزة اعترفلك بحاجه.
: اتفضلي يا عائشة هو من امتي بتستأذني.
عشق: يا فهد أنا عشق بس مين عائشة دي.
: قولي اللي كنت عايزاه الأول.
عشق: تمام فهد أنا بحبك وبحلم اكمل حياتي معاك.
: عشق أنا هبقي كداب لو قلت اني بحبك أنا بس شايف فيكي حبيبتي عائشة، وانتي هتسألي مين عائشة.
دي بنت كنت بحبها وما زلت بس في مره كنا لوحدنا في بيتي وحصل اللي حصل وبعدها سبتها ومشيت……
عشق قاطعته بدموع: اه إنت انسان مقرف كده اومال ليه عامل نفسك برئ، عارف أنا مبقتش احبك إنت كرهتني في نفسي علشان حبيتك.
وتمشي وتسيبه قبل ما يكمل كلامه، قبلها بشوية رعد ساب المكان وراح عربيته وساق وهو متعصب وكل شوية يغمض عينيه وللأسف وهو سايق بيصتدم في عشق في الحادثة اللي فقدت بصرها فيها.
باك………..
