رواية غموض الحب عائلة الرفاعى الفصل التاسع و الاربعون بقلم لولا
ومشي وصل للصالون علشان يفتح الباب وفتح كانت نرمين فتابع بتنهيده في ايه ياما ما جاي والله حاضر هو انا ورا الباب
نرمين وسع كده بس يخربيت برودكم شايله الصنيه على قلبي مش قادره اقف
سيف هاتي عنك طيب وشالها منها حطها على السفره وباس جبينها وتابع بحب تعبناكي يا ست الكل
نرمين بحب تعبك راحه يا قلب امك وهمست الا قولي صحيح خدت اجازه قد ايه علشان تقعد مع البت
سيف بتنهيده لسه والله مقولتلهمش على اجازات بس هي بتبقى اسبوعين مش بتزيد عن كده
نرمين بضيق يسد نفسهم البُعده اسبوعين ايه بس
سيف بضحك يعني هو بمزاجنا ياست الكل وبعدين اقعد جمبها اكتر من اسبوعين ده مضر بصحتي كظابط جيش هروحلهم حيلي مهدود كده
نرمين فضلت تضحك وضربته في صدره وتابعت اتلم يا واد الله
سيف بضحك منا جايلك دوغري والله مش هينفع صح
نرمين بغمز وهي البت قمر الصراحه
سيف بضحك ماخلاص ياست الكل ماتسكتي هو انا ناقص
نرمين بستغراب قصدك ايه يا واد ها
سيف بضحك قصدي تدخلي شقتك وتسبيني في حالي
نرمين بضحك شوف الواد وقال مكنش عايز يتجوز قال ماشي يا سيف
سيف بضحك هشش بالله عليكي اسكتي هتفضحينا
نرمين بضحك حاضر ياخويا انا ماشيه وسيبهالك خالص وشاورت على الصنيه وتابعت وتخلصوهااا هاا انا عيني طلع فيها ومراتك بلذات ضعفانه يحبه عيني خليها تاكل تتقوى شويه
سيف بضحك حاضر من عيني
نرمين بحب يلا همشي انا خلي بالك منها بالله عليك يا سيف اعتبرها زي اختك
سيف بضحك اعتبرها زي ايه ??? تيجي ازاي دي طيب
نرمين بضحك يا واد اقصد ان زي ماعمر حافظ على اختك وكان واحده واحده معاها يعني فانت اللي ترضاه لاختك ترضاه ليها
سيف بضحك حاضر يا امي متقلقيش والله
نرمين بحب ربنا يسعدكم يحبيبي يلا همشي انا
وخرجت وقفلت وسيف دخل الاوضه كانت امنيه قاعده زي ماهي فتابع بابتسامه الاكل جيه برا هتاكلي ??
امنيه بصراحه لا انا مش جعانه لما كالت فراخ برا شبعتني جدا
سيف بضحك طب ده حماتك مأكده عليا لازم تاكلي تعالي بس جربي نفسك هتتفح الاصناف اشكال والوان عارفك بتحبي الحاجات دي
امنيه بضحك هو ايه اللي عارفك بتحبي الحاجات دي متجوز جاموسه ولا ايه
سيف بضحك ياريته باين عليكي ياختي انتي ولا رفيعه ولا حصلتي الجاموسه
امنيه بضحك حسام متهزرش انا بحب الاكل اه بس مش مفجوعه يعني
سيف بحب يعمري كلي براحتك انا بهزر عيب عليكي
امنيه بحب بس انا فعلا مش جعانه والله غطيه وحطه في الفرن
سيف متهيالك الصنيه مش هتخش الفرن فقومي شوفي هتعملي ايه كده
امنيه بستغراب ليه انت مش هتاكل ولا ايه
سيف اه انا مبعرفش اكل بليل وانام خالص ده غلط بنسبالي
امنيه بضحك من امتي ده ما انت كنت بترجع من القسم الفجر وبتاكل وتنام عادي
سيف بتنهيده لا دلوقتي كل حاجه اختلفت علشان بحافظ على صحتي ولياقه جسمي فماشي ببرنامج معين
امنيه بضحك اممم قولتلي طيب خلاص هشيل الاكل واجيلك
سيف بحب كلي انتي لو عايزه بجد
امنيه بضحك لا والله مش عايزة فعلا فاكرني هكون جعانه وهتكسف اكل ولا ايه لا ده انت بقيت جوزي خلاص ادبست فا ملوش لازمه جو الكياته ده دلوقتي
سيف فضل يضحك وتابع لا منا عارف طبيعتك فعادي يحبيبي مش مستاهله تعملي اي نوع من انواع التمثيل في اي حاجه
امنيه بضحك طب خلاص طمنتني
وخرجت وسيف راح قعد على السرير ورجع ضهره لورا وقلع التيشرت رماه علي الكنبه اللي قدامه في الاوضه ورجع راسه لورا وغمض عينيه
امنيه من برا بصوت مسموع: حسام انا هعمل شاي اعملك معايااا
سيف بتلقائيه وهو مغمض عينيه زي ماهو: لا يا منون مبشربوش
امنيه استغربت ودخلتله وتابعت وده من امتى ??
سيف بصلها بستغراب بعدين استوعب اللي قاله وتابع بتوتر لا عادي فيها ايه يعني مش جايلي نفس للشاي دلوقتي وبعدين انا متعشتش فهشرب شاي ازاي يعني
امنيه بستغراب لا مش ده اللي لفت نظري ما انت ممكن تقول لا مش عايز بس من امتي مبتشربهوش ??? بتهزر صح اكيد مش 3 شهور غيروا فيك كل ده
سيف تنهد بعمق وتابع لا منا بقيت مبشربهوش فعلا وميال للقهوه اكتر دلوقتي بس في العموم مش عايز حاجه علشان متعشتش يعني
امنيه بستغراب انا ليه حاسه اني بعرفك من اول وجديد بجد ????
سيف ضحك بتوتر وتابع ده علشان بقالنا كتير بعيد عن بعض بس
امنيه بتنهيده يمكن بس حقيقي انت اتغيرت اوي
وخرجت تكمل اللي بتعمله وهو تنهد بعمق وضرب على جبينه وتابع ما انت دماغك بتشتغل حلو في الشغل جاي تستغبى معاها يعني ونفخ بضيق
ودقايق وجات قعدت جمبه وهي ماسكه كوبايه الشاي وفضلت تشربها لحد ماخلصت بعدين نامت في حضنه وسندت راسها على صدره فسيف باس راسها
امنيه كانت مستغربه طريقته معاها هي اه متوتره ومش مستعده لحاجه بس كانت محتجاه يطمنها .. فا لقيت منه العكس وحست انه مش راغبها اصلا ومتغير معاها فسكتت اصل هتقوله ايه ?? فتنهدت وتابعت حسام انت فرحان اننا اتجوزنا ??
سيف فاهم تفكيرها فتنهد وتابع بحب فرحان ومش مصدق من فرحتي اصلا وباس خدها وتابع ده انا يبختي بيكي والله
امنيه ابتسمت بس هي مش عارفه تصدقه فتابعت اممم طيب يحبيبي
سيف مالك يا امنيه في حاجه مزعلاكي ولا ايه ??
امنيه بابتسامه لا ابدا مفيش اي حاجه
سيف بحب طب هروح الحمام ثواني وجايلك
امنيه بابتسامه تمام وسيف قام وهي تنهدت بعمق ورجعت ضهرها لورا ونفخت بضيق وابتدت تفكر انها معجبتهوش وشكلها محركش مشاعره ليها فقامت وقفت قدام المرايه وفضلت تبص على نفسها ومستغربه ايه معجبهوش فيها
عند سيف في الحمام كان بيتكلم مع يونس
سيف بهمس حاد يا ابني متحرقش دمي اومال انا متصل اكلمك ليه
يونس بضحك ما انت لو مستني مني اني اساعدك يبقى بتحلم دي مفيهاش مهرب يا هترفع راسنا يا هتعرنا مفيش اختيار تالت
سيف بهمس حاد : يونس متعصبنيش عليك … بالله ما عارف اتصرف ازاي وهي برا قلبت وشها علياا تقريبا فهمت اني مش بحبها كفايه اومش عجباني فمتشدتش ليها
يونس بضحك يا جدع ده البنات دول غلابه اوي بيربطوا الموضوع ده بلحب ميعرفوش اننا كرجاله بنتشد لاى حاجه فيها الروح بس الواحد بيتقي الله
سيف فضل يضحك وتابع متخلفه بقى واثق انها فكرت في كده فا اعمل ايه بجد
يونس بضحك طب ليه متفكرش انك عندك مشكله مثلا ??
سيف بضحك مين ده اللي عنده مشكله يا ابن الكلب يا حيوان انت
يونس بضحك مبهزرش بجد دي لما تقول لامها محصلش حاجه مش بعيد نسايبك يفكروا كده اصل مش طبيعي بعد كل حبك ليها قدامهم ده تعدي اليوم عادي كده .. هيشتك فيك وربنا ده اي ست ممكن لو لبست لبس مكشوف تشد الراجل عادي مبالك بحبيبته بقى فانت في نظرهم كده مش طبيعي
سيف بضحك ياباشا وانت مين قالك متشدتش اتشديت وربنا ..ولولا الباب خبط مكنتش هقف وهخرب الدنيا فوق راسي بس حرفيا مش هينفع انا عارف هندم لو حصل كده مع اني يا يونس وربنا ما قادر وعايز اسيب الاوضه وجودها جمبي خطر
يونس فضل يضحك وتابع يخربيت فقرك بجد يا ابني احترم نفسك وغلاوتها عندك وعدي يومك
سيف بتنهيده والله ما هينفع انت مش فاهم حاجه يا يونس محدش يعرف امنيه قدي انا والله بموت فيها واتمنيت اليوم ده كتير اوي و مش مصدق انها معايا ومن حقي اصلا بس نظرتها ليا بعد ماتعرف الحقيقه اهم بكتير من قربي منها مع اني عشت اتمناه
يونس بتنهيده انا فاهم كل كلامك ده بس بالله عليك كبر دماغك ومتكسرش بخاطرها لان اكيد دماغها جابت 100 سناريو هي البنت بطبيعتها بتبقى متوتره ومكسوفه بس عايزة تحس انك راغبها وطاير بيها وتفضل تطمنها حتى لو مش هيحصل حاجه بس كلامك يبين ان لا انا مستعد لو انتي مستعده عادي وبتمنى قربك انما انت كده في نظرها باارد اوي ناحيتها
سيف بتنهيده متصل بيك تحرق دمي اكتر مش كده ??
يونس انا صريح معاك يا سيف والله هي ملهاش حل اقفل معايا وكمل يومك وسيبها على الله اما بقي تلجئ انك تعمل نفسك تعبان وخلاص
سيف بتنهيده تمام يا يونس خلاص اقفل انت دلوقتي
يونس ربنا يهديك بجد هدعيلك بيها
سيف بضحك ماشي يحيوان باي
يونس بضحك باي
وقفل وخرج من الحمام لقاها واقفه قدام المرايه وكانت قلعت الروب وواقفه بلقميص حمالات بس وبشرتها البيضه مزوداه حلاوه وشعرها مفرود وحطت لون روج احمر اوضح لامع لايق مع بشرتها وخلى شفايفها بارزه وملامحها تخطف فبصلها باعجاب واضح وعينيه بتعدي عليها من اولها لاخرها بحب واعجاب شديد وهي اتوترت من نظرته بس حست انها راضت غرورها فتابعت بتوتر مش تقول ان حضرتك هتخرج يا حسام بيه
سيف ابتسم وتابع اقول اني هخرج من الحمام جديده دي
امنيه بتوتر اه اصل مفروض انك سايب بنت في الاوضه قبل ماتدخل افرد انا كنت بغير دلوقتي
سيف وقف قدامها وحط ايديه الاتنين على وسطها وشدها ليه وهمس بحب اممم والبنت دي مراتي مش كده ??
امنيه اتوترت من قربه وتابعت اه طبعا
سيف بحب طب خلاص اقول ليه اما هي كلها ملكي ومن حقي
امنيه بتوتر اه اكيد بس انا لسه مش متعوده انك تشوفني كده فاتخضيت بس
سيف بابتسامه مكسوفه مني ?
امنيه بصت فكل حته الا عينيه وتابعت بتوتر اه اكيد طبعا
سيف ضحك على شكل توترها وتابع بحب لا يعمري وانا ميرضنيش مش علشان انا ابص على الحلاوه دي تبقي انتي قاعده مش مرتاحه
امنيه بحرج حسام اتلم بجد وضربته في صدره
سيف ضحك ووطى جاب الروب ولبسهولها وباس جبينها وتابع بحب انتي عجباني طول الوقت وفي كل حالاتك فمتحاوليش تغيري من طبيعتك قدامي وتفكري اي ممكن تعمليه يعجبني ..اللي عايزه تلبسيه البسيه االلي مريحك اعمليه انا بحب امنيه بكل اشكالها ومن غير ماتبقى لابسه حاجه معينه او حتى حاطه اللون ده من الروج وشدها باسها بحب وعمق وهي اتوترت فغمضت عينيها وحطت ايديها حوالين رقبته وهو فضل يبوسها بحب لحد ما الروج اتمسح فسند جبينه على جبينها وتابع بحب وهمس لان انا مشدود ليكي من غير اي نوع من اي مجهود بيتعمل للانجذاب فمتتعبيش نفسك في التفكير بجد
امنيه لفت ايديها حوالين رقبته اكتر وحضنته وتابعت بحب انا بحبك اوي بجد
سيف ضمها ليه اكتر وباس رقبتها بحب وتابع وانا بموت فيكي وثواني وتابع بتمثيل ايه ده مالي في ايه وحط ايديه على جبينه
امنيه بقلق ايه مالك في ايه ??
سيف بتمثيل دماغي تقلت اوي وحاسس بدوخه وصداع جامدين
امنيه بقلق ايه ده فاجاه كده طب حاسس بايه فهمني ضغطك وطي يعني ??
سيف بتمثيل تعب مش عارف بس حاسس دايخ اوي وهقع قعديني بسرعه يا امنيه
امنيه سندته وقعدته على السرير ورجعت ضهره لورا وتابعت بقلق اكيد ضغطك وطي ولا حاجه استنى هروح اجبلك حاجه حادقه تاكلها
سيف بتمثيل ماشي روحي مش قادر بجد
امنيه بقلق حاضر حاضر خير باذن الله وخرجت من الاوضه وهو تنهد بارتياح واتغطى وغمض عينيه وهي دقايق وجات معاها مخلل وحتت جبنه قديمه وتابعت حسام .. حبيبي انت صاحي
سيف بتمثيل امممم
امنيه بحب امسك طيب كل دول ونام
سيف فتح عينيه ببطئ بتمثيل وكل المخلل وتابع لالا جبنه لا مبحبهاش خلاص كويس اوي كده تعبتك ..ااه بجد حاسس دماغي هتنفجر
امنيه بحزن مش عارفه بجد ازاي فاجاه كده ما كنت كويس
سيف بتمثيل مش عارف يا امنيه بجد مش عارف هو الضغط احيانا بيعملها معايا كده وبيوطى فاجاه
امنيه بحزن يحبيبي حقك عليا استني هروح اغسل ايدي وجيالك يعمري
وراحت شالت الحاجه وغسلت ايديها ونشفتها وجات نامت جمبه وخدته في حضنه وسندت راسه على صدرها وفضلت تمشي ايديها على شعره
سيف اتنفس بصعوبه من قربها وتابع في سره بتصعبها عليا اكتر بنت محمد .. قادره بصحيح او انا اللي اضعف خلق الله قدامها ايهما اقرب ?? اه يارب هو انا قادر وانا بعيد عنها اما بتاخدني في حضنها !!! لا ولبستها الروب علشان اسيطر على نفسي شويه تقوم بردو تقربني منها دي لو مخططه تعذبني مش هتعمل كده واتنفس بعمق وتابع في سره اعمل ايه طيب ما مش هعرف اقوم واسيبها مفيش حجه .. ربنا يستر بجد ويعدي الايام دي على خير وغمض عينيه يحاول ينام وهي باست راسه وفضلت تمشي ايديها على شعره وبتعمله مساج لدماغه
———
في بيت عمر
زينب خرجت من الحمام بعد ماخدت شاور ولبست كاش مايوه وتابعت بتعب ابنك بجد خلاني جبت اخري انا متعبتش كده في حياتي
عمر بحب حقك عليا هانت اهو والله خلاص
زينب بضحك بمناسبه انها هانت مقولتلكش اخر التطورات انا
عمر بستغراب تطورات ايه خير
زينب قعدت جمبه واتغطوا وتابعت بابتسامه تفتكر يعمري الولاده بكام كده ??
عمر بضحك لا معرفش مالك بتقوليها بشماته ليه كده
زينب بضحك بسيبك تتوقع علشان تعرف تمن عملتك السودا
عمر فضل يضحك وتابع عملتي السودا ها .. على اساس انها عملتي لوحدي وغمز
زينب بضحك لو سمحت متدخلناش في تفاصيل انا بسالك على حاجه معينه دلوقتي
عمر بضحك لا والله فعلا معرفش بكام بس مش هتفرق مال الدنيا كله تحت رجلك اومال انا بتعب وبشتغل ليه مش علشان اسدد كل احتياجتكم انتي وابني
زينب بضحك انت قد كلامك يعني
عمر بحب اه طبعا قده
زينب بابتسامه انت عارف ان دكتورتي هتولدني في مستشفى خاصه محترمه فا السعر في العالي حبتين
عمر بضحك ايوه متفضليش توجعي في بطن الواحد بكام يعني
زينب فضلت تضحك وتابعت ما بطنك وجعتك اهو
عمر بضحك لا وترتيني بس ماتخلصي يا زينب هي نتيجه ثانويه عامه .. بكام يعني
زينب بحب ب 50 الف ياروحي علشان ولاده بدون الم
عمر بصدمه بكام يحبيبتي ??
زينب بضحك ايه ب 50 الف خسااره فيااا ??
عمر بضحك لا خسااره ليااا
زينب فضلت تضحك فتابع عمر انتي بتتكلمي جد وربنا ??
زينب بضحك اه والله علشان في مستشفى خاص وبدون الم
عمر بضحك طب ولو بألم ??
زينب فتحت عينيها بتفاجئ وفضلت تضحك وضربته في صدره وتابعت لالا انت معفن بجد اوعاا كده
عمر فضل يضحك وتابع يابت بسال بجد وربنا حب استطلاع
زينب بضحك علشان مستشفى خاصه بردو فهتبقى 30 الف
عمر بضحك يانهاار اسود ايه الفرق ده !!! طب متتألمي يومين ونوفر العشرين ما كل اهلنا اتألموا فين تضحيه الام يعني هو معمولكم يوم في السنه ببلاش كده من غير الم ??
زينب فضلت تضحك وتابعت لالا بجد انت طلعت معفن … عادي كده مراتك حبيبتك تتالم اوعاا ياعمر غور من وشي
عمر فضل يضحك وتابع بحب يعمري بهزر معاكي مال الدنيا كله قليل عليكي يا ام حسام وباس ايديها بحب وتابع عادي يعمري ادفعلك اللي انتي عايزاه المهم تبقي بخير وتقوميلي انتي وهو بالف سلامه بس
زينب نامت على صدره وتابعت بحبك اوي بجد
عمر بحب وانا بموت فيكم
زينب بضحك اممم لسه مجاش وبقى يشاركني حبك اهو
عمر بحب طبعا لازم احبه مش ابني منك .. ده انا كنت بس بحلم تكوني بتبادليني نفس المشاعر ومستبعدها اوي بس الايام جريت وبقيتي مراتي وام ابني كمان فالازم احبه فوق الحب حُبين ده ابن الغاليه ده وذكرياته مميزه وغمز وهو بيضحك
زينب فتحت عينيها وفضلت تضحك وتابعت خد بالك بجد انت مش متربي والله العظيم
عمر بضحك ما هو انتي السبب عملالي حذر تجوال زي اللي كان بيتعمل ايام كورونا فمش مستوعب ازاي ربنا كرمنا بلسرعه دي ووالله ربنا بيحبنا لانه عارف لو هعتمد عليكي وعلى شغلي مفيهاش خلفه سنتين تلاته اقل حاجه
زينب بضحك الحمدلله فعلا كرمنا سريع سريع
عمر بضحك اه ما انتي مبسوطه بلحمل ومستغلياه لصالحك
زينب فضلت تضحك وتابعت اه بلظبط كده
عمر اعتلاها وتابع بابتسامه لا فكك من الجو ده انتي واحشتيني اوي والله العظيم
زينب بضحك طب اتلم واحترم نفسك انت مش قولت هتموت وتنام وخلتنا نروح ومنتعشاش عند اهلي
عمر بحب اه بس شوفتك فوقت بصراحه
زينب بضحك وحياتك عندي تعبانه وابنك هادد حيلي
عمر بضحك يبقى ابني وابوه مش مهم تعالي على نفسك انهارده ما احنا الاتنين عيالك ولا ايه
زينب بضحك ليه جبت كل الشحط ده انااا ينهار اسود
عمر بتمثيل حزن تصدقي يابت انك مهزقه يعني انا حاطك في مكانه الغاليه ست الكل تقوليلي كده
زينب زعلت انها ضايقته وتابعت لالا يحبيبي والله انا مقصدش كده خالص حقك عليا انا اه طبعا امك واختك وحبيبتك ومراتك وكل حاجه ليك
عمر بتمثيل حزن : مش واضح كده
زينب بدموع لالا عمر والله مش قصدي اوجعك بكلامي متزعلنيش منك مقصدش وغلاوه ابني حقك عليا
عمر بابتسامه خلاص خلاص متعيطيش عادي يحبيبتي محصلش حاجه ومسح دموعها
زينب بحزن اسفه بجد متزعلش مني وباسته برقه كذا بوسه متتاليه وهي بتعتذر منه ورايحه تبعد فقربها اكتر وباسها بعمق وحب واشتياق وابتسم بخبث على نجاح خطته بعدين لاحظ انها بتبعد نفسها عنه فبصلها بستغراب فتابعت بوجع اه مش قادره وغمضت عينيها
عمر بضحك خدي بالك انتي كل ما المسك بتستعبطي هببت ايه انا علشان اه مش قادره
زينب غمضت عينيها بالم وحطت ايديها على اخر بطنها وتابعت بدموع ووجع ااه عمر انا مبهزرش انا بتألم بجد اااه
عمر بقلق ايه ده مالك في ايه طيب فهميني حاسه بايه
زينب بتحاول تاخد نفسها وتابعت بعياط معرفش .. معرفش بس مش قااادره ااه
عمر بخوف يخربيت اهلك انتي لسه في السابع ايه يارب الجوازه اللي كل حاجه فيها بسرعه دي
زينب بعصبيه ودموع هو ده وقتته يااا عمررر اخلص وديني المستشفى يخربيتك انت وابنكك قرفتونيي
عمر بخوف حاضر .. حاضر والله ثواني وفضل يلف في الاوضه وهي عماله تعيط وتتألم وترته ودخل الدريسنج روم جبلها دريس وطرحته وخرج وتابع بخوف حاضر هلبسك اهو وننزل حقك عليااا
زينب بوجع وعياط حرام عليكم بجد حراام عليكم مش قااادره يارب خدني يارب ياريتني ما اتجوزت ولا اتنيلت
عمر بضحك وهو بيلبسها تابع انا مش هرد عليكي بجد علشان انتي في موقف حرج بس
زينب بعصبيه ودموع انت بتضحك على ايه ياا بااارد انت … حقك ماهو انت مش حاسس بحاجه فضلت تستخصر فياا القيصري بدون الم هولد طبيعي اهو وفضلت تعيط وتابعت مش عايزه طبيعي بجد ياربي
عمر بقلق حقك عليا لا والله هخليها تعمل كل اللي تقدر عليه بس متتعبيش يحبيبتي انا بهزر والله انتي عبيطه ولا ايه ولف طرحتها اي حاجه وخبى شعرها وشالها ونزل بيها وهو كان لابس بنطلون شروال اسود وتيشرت ابيض بيتي وركب عربيته وسابها في الكنبه اللي ورا وكلم مازن قاله يفوت يجيب الدكتوره بتاعت زينب ويقولها بتولد لانها هي نفسها بتاعت ياسمين
زينب بعياط ووجع مش قادره ياعمر بجد مش قادره وحاسه بينزل مني حاجات
عمر نفخ بتوتر وتابع بتولدي يا زينب انا مش فاهم ايه يخليكي تولدي في السابع بجد نحمد ربنا ونشكره اني جمبك وفي اجازه اهو محدش عمل حساب كده ابدااا
زينب بتعب ودموع لا مش قادره بجد حقيقي مش قادره .. اصلا غلط اولد في السابع مطمنتش على الرئه اكتملت ولالا انا خايفه اوي ياعمر وفضلت تعيط
عمر دموعه نزلت بتوتر وتابع خير باذن الله ممكن تهدي انا بقف على الحدود مش بخاف كده وترتي امي قسما بالله
وفضل يسرع علشان يوصل المستشفى بسرعه وهي بتعيط وبتتالم وهوسامعها وموجوع لعياطها اوي وبينفخ بضيق وشويه ووصل بلفعل وفتح باب العربيه وخدها ونزل بيها كان مازن وياسمين ونرمين وسيف ويونس وصافيه ومعتز وعايده جم ومعاهم الدكتوره لانها اقرب ليهم من بيت عمر
عمر بخوف اهي يا دكتوره يلا بسرعه بالله عليكي وحطها على الترولي
زينب بعياط وخوف لالا انا عايزاك معايا ابوس ايدك ومسكت فيه
عمر بدموع يحبيبتي مش هينفع وباس ايديها اللي مسكاه وتابع انا هنا هقرالك قران وهتطلعي وهتبقي زي الفل
زينب بعياط وخوف لالا ارجوك قولهم وتعالى معايا
سيف بحده ياعم ادخل معاها انا هكلم المسئول وهخليه يرضى عادي
الدكتوره يا سيف بيه والله مش هطول خليه وهي نص ساعه وهتخرجلكم
سيف ياست الكل باالله عليكي ما بنشوف على النت بيدخلوا وبيصوروا والحياه حلوه البت اتخضت والولاده جات فاجاه وعايزه جوزهاا مفيهاش اي حاجه يعني انا هكلم المسئول قوليله بس يعمل اي علشان يجهز
الدكتوره بتنهيده خلاص براحتكم تعالي يا عمر بيه ورايا علشان تلبس وتتعقم
عمر بخوف حاضر جاي وبيسيب زينب فعيطت وتابعت لالا علشان خاطري خليك
عمر وطى باس جبينها ودموعه نزلت وتابع داخل معاكي والله متخافيش وبص لسيف وتابع تعالى امسك ايديها لحد ما اجي
سيف راح مسك ايديها بين ايديه الاتنين وباسها بحب وتابع انتي قدها مينفعش تبقي اخت سيف الرفاعي وحرم عمر الهواري وترعبيه وترعبي نفسك كده
زينب بعياط وخوف انا خايفه على حسام اكتر مني مينفعش اولد سابع والله مش هستحمل يقولوا يدخل حضانه بعد الشر
سيف يحبيبتي فال الله ولا فالك قولي الخير مالك في ايه تفائلوا بلخير تجدوا وانتي مش اول واحده تولد في السابع اهدي كده ورددي الفاتحه في سرك وهتبقي انتي وحسام زي الفل والله
زينب بعياط وخوف يارب بجد ياارب
ياسمين بتوتر ودموع خير يحبيبتي باذن االله متخافيش
مازن غمض عينيه بحزن وتنهد بعمق وخد ياسمين في حضنه اللي عيطت بخوف على زينب ومن الوضع اللي هتبقى فيه فهمسلها اهدي ها زينب هتبقي زي الفل وانتي كمان وهتعدي والله
ياسمين بدموع وخوف يارب بجد يارب
نرمين بدموع اهدي ياقلب ماما هتبقي بخير والله
زينب بدموع وتعب يااارب بجد يااارب مش قااادره .. مش قاادره يارب
يونس نفخ بتوتر وطلع القران وفضل يقرا ويدعيلها وعمر كان جهز ولبس وجيه مسك ايديها وتابع بخوف يلا يلا خلاص انا معاكي اهو
زينب بدموع وخوف انا خايفه ياعمر .. خايفه بجد
عمر بدموع ابوس ايدك ماترعبي الواحد هي علشان جات فاجاه بس .. اهدي يحبيبتي اهدي مينفعش توترك ده غلط
الدكتوره بحب يلا هاتوها على الاوضه وبلفعل زينب دخلت ومعاها عمر وكلهم برا متوترين جدا وبيدعولها
وبعد شويه جوه في العمليات كانت الدكتوره بدات بلفعل وعمر قاعد ماسك ايديها وبيدعي في سره ومتوتر جداا وهي بصاله وصاحيه بس البنج مش كامل فتابعت بتعب عمر
عمر بقلق ايه يحبيبتي معاكي
زينب بتعب انا مش حاسه بجسمي بجد
عمر باس جبينها وتابع بسبب البنج يحبيبتي علشان متتألميش
زينب بتعب انا مش قادره بجد حاسه اني دايخه وعايزة ارجع وفضلت تغمض عينيها وتفتحها ببطئ وتابعت بجد مش قادره حاسه جسمي مش موجود
عمر باس ايديها وهو مغمض عينيه وتابع هانت خلاص وهتقوميلي بالف خير انتي وحسام ومش هتتعبي تاني والله
زينب بصتله وابتسمت بتعب وتابعت لما تشوفه قولي شبهك ولالا
عمر ابتسم من بين دموعه وتابع يعني هو هيبان اول ما يتولد يعني يا زينب
زينب بهمس اه هيبان قارنه بصورتك لما اتولدت انت كمان
عمر ضحك بصوت منخفض وهمس حاضر هعمل كده .. بس احنا بنتكلم بصوت واطي ليه
زينب بهمس علشان محدش يسمعنا دي اسرار بيتنا
عمر ضحك بصوت منفخض وتابع بهمس يعني مش علشان الدكتوره متطردنيش
زينب بحب وهمس لا متقدرش انا جوزي ظابط يعني مسيطر
عمر ابتسم بحب وتابع قلب جوزك والله
زينب بتعب هما حاطين البتاعه دي قدامي ليه انا اتخنقت
عمر ضحك بصوت منخفض وهمس علشان متشوفيش العمليه وتتخضي متعرفيش كده وانتي ممرضه ازاي يعني
زينب بضحك وهمس لا ماهو انا علشان ممرضه فمتعوده بتفرج على العمليات مش بخاف فاهما بيعملوا ايه بجد دلوقتي
عمر بحب ما علشان دي انتي فتختلف. .. عارفه عايز ارزعك بوسه وانتي مسهتنه وتعبانه كده علشان شكلك قمر حتى وانتي تعبانه وكده كده محدش شايفنا اعملها ??
زينب بضحك بس ياعمر اتلم بجد
عمر بحب مش عارف بصراحه وبص شاف ان محدش باصص عليهم فقرب باسها بحب بعدين رجع مسك ايديها طبيعي ففضلت تضحك عليه وتابعت يا ابني اتلم بجد مش هنا انت مجنون
عمر بضحك اعمل فيكي ايه ما انتي منكده عليا فكل حته والله
زينب فضلت تضحك بعدين تابعت بهمس وحرج عمر صح هو في رجاله شيفاني ??
عمر بحب لا طبعا وانتي فكرك انا هوافق بحاجه زي كده هما دكتورتك وطقم تمريض ستات متخافيش مفيش راجل غيري وغمز بضحك
زينب بضحك وهمس عادي انت اصلا مش شايف حاجه
عمر بضحك وهمس منا ممكن اقوم واسيبك دلوقتي واشوف براحتي
زينب بحرج لا بالله عليك وحياتي
عمر بضحك ده وحياتك انتي انا اللي غيرتلك ولبستك لبس المستشفى وانا اللي هلبسك هدومك لما نيجي نمشي فا فوقي كده يا غاليه واستوعبي اني جوزك مالك في ايه
زينب بحرج هو انا لابسه دي على اللحم ??
عمر بضحك اه طبعا مينفعش لبس في اوضه العمليات ما انتي عارفه
زينب بحرج وتعب بجد يخربيت الحمل على اللي عايزة تحمل
عمر بضحك قد كلامك يعني
زينب بصتله بحب وتابعت بتعب لا طبعا بهزر الحمدلله على النعمه وافتكرت وتابعت اه صحيح عمر انت مش جايبلي هدوم ليا ولابنك نروح بيها
عمر بصدمه اه صحيح يانهار اسود اما انا جيت بهدوم البيت وقام وقف وتابع ثواني جايلك اقول لسيف ويونس يروحوا يجيبوهم الجو برد على الواد يجي ميلاقيش لبس من اولها كده وضحك
زينب بتوتر وخوف لا بالله عليك خليك جمبي
عمر بحب جمبك يحبيبي بس هقولهم وجاي وهمس للدكتوره فهزت راسها بتمام وخرج
سيف بخوف ها طمني
عمر خير قربت بس بسرعه اخطف رجلك انت ويونس وخدوا ياسمين وهاتولي لبس لزينب ولحسام من البيت
نرمين بصدمه ياموري نسيت حاجتهم
عمر ياست الكل انا نازل بلبس البيت بنتك صرعت اللي جابوني
ياسمين بخوف طب يلا يلا بسرعه
مازن لا طبعا بيتك بعيد روحوا بيت الرفاعي وهاتوا لبس ليها من هناك ومن اي مول لبس وبطانيه لحسام مؤقتا
عمر بقلق اعملوا الصح يجماعه انا متوتر فاعملوا اللي تشوفوه صح مش عارف افكر من التوتر
سيف خلاص خلاص خليهم كلهم انا هروح اجيبلها من امنيه لبس والمول قريب من بيت الرفاعي هجيب لحسام اللبس
عمر بضحك يا ابني لازم ياسمين علشان هقولها تجيب ايه لاختك انت مش هتفهم
سيف بتنهيده فاهم خلاص هجيبلها كل حاجه دي اختي ها فمفيهاش احراج
يونس بضحك الاحراج في طلبك انت من مراتك للحاجات دي يغالي
سيف بحرج لا ولا احراج ولا حاجه هقولها حضريلي طقم كامل من اوله لاخره هتفهم وبعدين دي مراتي مالكم في ايه
عمر بضحك والله انت هتموتني ماهو عادي فعلا علشان مراتك بس حاسس ان انتوا مكبرين الموضوع .. المهم خلاص روح يلا بس بسرعه يا سيف بالله عليك
سيف بتنهيده حاضر حاضر
يونس هاجي معاك بس هجيب انا لبس حسام وارجع علشان مفيش وقت
سيف اه اه كده صح
عمر بتنهيده معلش بس بسرعه يا رجاله هتعبكم
سيف بس يحيوان بطل عبط احنا اخوات ودي اختي وابن اختي انت بتقول ايه بجد
عمر بضحك اهو انت بلذات حقك عليا اني جبتك ونزلت ليله دخلتك
سيف بابتسامه لا عادي والله
يونس بهمس وضحك لعمر لا ده هو ما صدق لقاها حجه يا غالي متقلقش
عمر فتح عينيه بتفاجئ وتابع بضحك قول وربنا
يونس بضحك وربنا
عمر فضل يضحك وتابع لالا ده انت عايزلك روقه الموضوع طلع كبير بجد فا البت تولد ونشوف الموضوع ده
سيف بضحك يلا يا يونس يا ابن الكلب يلا اخلص
يونس بضحك حاضر جاي ومشيوا سوا فتابع يونس بضحك بذمتك شكلك مكنش وحش لما قومت لبست ونزلت وانت مفهمها انك تعبان ومن الدوخه مش قادر ترفع راسك
سيف بضحك انت بتقول فيها ده شكلي كان خرا انا لقيتها بصتلي مستغربه كده وقالتلي ايه حصل معجزه ???
يونس فضل يضحك فتابع سيف بضحك اه وربنا فقولتلها مخضوض يا امنيه هو ده وقته رغي قالتلي طب هاجي معاك قولتلها لا ونزلت انا
يونس بضحك كانت هتأخرك اكتر
سيف بضحك لا مش دي الفكره بس انت في الصعيد يا غالي عايزني انزل ليله دخلتي بمراتي وش الفجر ونروح مستشفى ده على جثتي
يونس فضل يضحك لحد ما عينيه دمعت وتابع مش قادر .. مش قادر بجد ماهو ده اللي ناقص بصراحه
سيف بضحك بس يحيوان اخرس انا سيف الرفااعي هنستعبط ولا ايه
يونس بضحك ما هو سيف الرفاعي ده بيتكلم بس مشوفنالوش افعال
سيف بضحك متحاولش تستفزني علشان مش هتعرف
يونس بضحك لا وانا استفزك ليه انا مالي هي امنيه هتفضل تستفزك لحد ما حصونك تنهار
سيف بضحك حاسسها والله امنيه مش هتعديها على خير
يونس بضحك طب بالله هي نفسها ممكن تفهمك غلط عيب يا ابني كده .. انت باسلوبك ده بتعرنا كرجاله
سيف بضحك مش مهم خليها عليكم علطول بتبقوا صنف مش محترم واحد اهو خرج برا القاعده
يونس بضحك ما دي بتبقى مشكله لما الراجل يبقى محترم
سيف ضحك ونزلوا وبلفعل يونس راح يجيب لبس البيبي وسيف راح البيت وفتح الباب امنيه كانت قاعده في الصالون فوقفت وتابعت بتوتر ها يحبيبي طمني ولدت ??
سيف بتنهيده بتولد خلاص وعمر نسي لبسها هي وحسام فمعلش يحبيبي هاتيلي من عندك دريس واسع مريح وطرحته وكامل يعني
امنيه بضحك حاضر يحبيبي من غير معلش دي اختي بس ايه كامل دي هقطعه مثلا هو الدريس بطرحته
سيف تنهد بعمق وتابع امنيه انا مش عايز غباء على المسا انا اقصد لبس تلبسه قبل الدريس بردو يعني لو انتي هتلبسي كده وانتي واخده شاور هتلبسي ايه فكل اللي هتلبسيه هاتيه فهمتي كده ??
امنيه بحرج على فكره انت مش محترم
سيف فضل يضحك وتابع مش محترم ايه يابت انتي هو انا قولت حاجه ده انا بسطتها بكل ادب مع انك مراتي فممكن اقولها دوغري عادي بس انا مراعي اننا لسه مستجدين وفضل يضحك
امنيه بحرج هشش خلاص فهمت اسكت ودخلت وجابت دريس بيبي بلو بطرحته وحطت كل حاجه وشالتهم في شنطه وتابعت بحب امسك اهو يا حسام وقولها جديد والله بلتيكت بتاعه علشان متفكرش لبسته قبل كده
سيف بحب ولو لبستيه يعمري عادي وباس جبينها وتابع تعبتك
امنيه بحب لا ولا تعب ولا اي حاجه دي اختي بس بردو تلبسه جديد ده يوم عيدها انهارده علشان اخيراا هتشيل ابنها من حبيب عمرها على ايديها وابتسمت وتابعت ولونه بيبي بلو علشان هتجيب ولد مدلعاها اهو
سيف ابتسم بحب وتابع بحب فيكي كل حاجه حتى حلاوه قلبك دي وباس خدها وتابع عقبالك يعمري
امنيه بضحك يارب والله اتمني
سيف برفعه حاجب قصدك ايه يابت انتي ??
امنيه ضحكت بحرج وتابعت ايه قصدي ايه بتمنى يبقى قريب يعني
سيف اممم قولتيلي طيب ياختي نامي علشان لو اتاخرت ها
امنيه بضيق طب ما تاخدني معاك منا قاعده مش بهبب حاجه
سيف بحده انتي عبيطه في دماغك ولا ايه لا طبعاا في عروسه تنزل ليله دخلتها الشاارع !! خشي اتخمدي يا امنيه
امنيه بحزن خد بالك انت من ساعه ما اتجوزنا اسلوبك غريب وعمال مصدع مصدع ولما سمعت مازن نازل قومت جري تشوف في ايه مالك يا حسام
سيف تنهد بعمق وتابع مش وقته رغي حقيقي انا اعصابي تعبانه علشان اختي في العمليات فاكيد ده مش وقته اننا نتكلم في حاجه زي دي وانا مصدع جدا مكدبتش عليكي ومفيش سبب يخليني اكدب بس خوفي على اختي خلاني تحمالت على نفسي وجريت اشوفها هي ليها غيري يعني
امنيه بتنهيده لا طبعا ازاي ما انت اللي قاعدلهم هنا صحيح .. لا حقيقي اقنعتني خلاص يا حسام روح لاختك محصلش حاجه يحبيبي
سيف باس جبينها بعمق وتابع بحب متشغليش دماغك كتير هاا مفيش حاجه والله العظيم انا بحبك
امنيه ابتسمت بوجع وتابعت اممم عارفه طبعا تصبح على خير
سيف تنهد بحزن وتابع وانتي من اهله
وامنيه دخلت اوضتها اللي اخر الطرقه ورزعت الباب فاتنفس سيف بصوت عاالي وتابع بحده والله قادر ادخل اكسره على راسها بس مش وقته .. ماشي يا امنيه ماشي ونزل وقفل الباب وهي في اوضتها دموعها نزلت وتابعت هو ده يوم فرحي اللي استنيته !!! .. عنده استعداد يهتم بلدنيا كلها الا انا ومن ساعه الخطوبه بتحايل عليه يحطني في وقته شويه .. انا والله العظيم مكنتش عايزاه يلمسني ومن نفسي كنت هطلب منه شويه وقت لاني حقيقي مش جاهزه نفسيا بس هو اصلا محسسنيش انه عايزني او فرحان اني بقيت معاه وقامت بصت على نفسها في المرايه وتابعت طب والله شكلي فعلا حلو هو ازاي مش فارقله اني بقيت معاه للدرجه دي ??? ودموعها نزلت بحزن وراحت قلعت الروب ونامت وخدت المخده في حضنها وفضلت تعيط بحزن وصمت واتغطت وحاولت تنام
—–
في المستشفى عند زينب وعمر وتحديدا في اوضه العمليات
الدكتوره خرجت البيبي من بطنها وخبطت على ضهره وصوته بدا يطلع وزينب شافته هي وعمر ودموعهم نزلت بفرح وبصت لعمر بحماس ودموعها بتنزل وتابعت بدموع اخيراا وصل اللي ختم قصتنا وتعبنا وحرب كبيره اوي عشناها يا عمر
عمر سند جبينه على جبينها وغمض عينيه ودموعه بتنزل وتابع اقسم بالله انا ما عارف اوصفلك حاسس بايه
زينب بدموع احساسك وصلي والله
عمر باس جبينها وايديها وتابع بحب ودموع الف حمدلله على سلامتك ينورعيني
زينب بحب ودموع الله يسلمك يحبيبي
الدكتوره مسكت البيبي وقربته من وزينب وعمر وتابعت بحب اهو البيبي استني بقي نخلص العمليه يكون خد شاور وتبوسيه وتشيليه براحتك
زينب بدموع لالا قربيه كده مش هقرف من ابني عايزه ابوسه
الدكتوره قربته فعمر وزينب باسو خده ودموعهم بتنزل بفرح فتابعت زينب بدموع ينورعيني انت بص صغير وعسل ازاي ياعمر صغير خالص وجميل بجد
عمر ابتسم من بين دموعه وتابع بسم الله ما شاء الله ربنا يحفظهولنا اللهم امين بجد وباس جبين زينب وهو ماسك ايديها فابتسمت بدموع وتابعت خليهم يخلصوا بسرعه عايزه اشيله بالله عليكي وواحده واحده عليه
الدكتوره بضحك حاضر حاضر والله متخافيش
عمر بقلق طب ايه طمنيني عليه يا دكتوره هو مولود كويس ولا بعد الشر هيدخل ح
اادكتوره بمقاطعه لالا بعد الشر هو زي الفل هتروحوا بيه عادي
زينب بدموع فرح اللهم لك الحمد بجد
عمر تنهد بارتياح وتابع الحمدلله بجد نشكر ربنا ونحمد فضله
وبلفعل شويه وكملوا العمليه والممرضات خلصوا البيبي وجهزوه ولبس وراحو ادوه لعمر فشاله وتابع بدموع وحب بسم الله الرحمن الرحيم وفضل يهمس في ودانه بيقول الاذان
الدكتوره بحب خلاص طلعوها للاوضه وانقولها على السرير وشويه وتغير هدومها وتمشي يلا يا عمر اطلع هي جايه وراكم خلاص
عمر بحب حاضر وبص لزينب فهزتله راسها بماشي وهي مبتسمه بدموع فرح
وخرج عمر وتابع بابتسامه اول حفيد في عيله الهواري سمي يا امي
كل الستاات زغرطوا بفرح ونرمين شالته من عمر وتابعت بدموع فرح بسم الله ما شاء الله ايه السكر ده … يخواتي على العسل ربنا يفرحكم بيه وعقباال ماتخوه يحبيبي
عمر بحب يارب ياست الكل تسلمي
سيف بضحك وريني ده انا سايب عروستي وجاي علشان اشوفه حبيب وعيون خالو ده
يونس بضحك لا الخال والد وبيضحي بصحيح وغمز لعمر
فعمر ضحك وضرب كفه في كف يونس
سيف سمى وشاله وتابع بضحك طب مش عايز اهينكم وازعلكم هاا وانت بلذات اتلم واحترم نفسك انت بقيت اب يعني مفروض عقلت خلاص
عمر بضحك لا مبعقلش انسى الكلام ده
سيف بص للبيبي وابتسم بحب وتابع ايه الحلاويات دي اكيد طالع لزوزا مش لابوك المعفن
عمر بضحك تشكر يا عم
ياسمين بصت عليه وتابعت بضحك بسم الله ما شاء الله اللهم بارك قمر بس لا مش مناخير ولا بوق زينب دول
عمر بضحك ايوه هو ابني انا لوحدي مش ابنها هي لاحظت وربنا من واحنا جوه
مازن بصله وبص للبيبي وتابع بضحك ماهي مناخيرك وبوقك انت صح هي بنت عمي مشاركتش معاك ولا ايه
عمر بضحك وغمز عيب عليك انا چيناتي مسيطره
نرمين بضحك اخص عليك يا عمر الواد يجي مفيهوش من زينب كده خالص
عمر فضل يضحك وتابع انا مال امي ياست الكل مش بنتك اللي بتموت فيا فجابت شبهي
سيف بضحك بس يحيوان هو لسه بانله ملامح هو شبه زوزا باذن الله لما يكبر
يونس بضحك اما من اولها وجايب مناخيره وبوقه هو هيجيب زوزا منين يعني
سيف بضحك بس يحيوان انت كمان اخرس لما انا اقول هيجيب زوزا يبقى هجيب زوزا هو احنا خلصانين من عمر واحد اما يبقو اتنين ناقصه قرف
عمر بضحك تشكر يا قائد طلما انت شايف كده انا مش هتكلم
صافيه بضحك ليه مالو عمر ده سيد الرجاله اهو وزي القمر
عمر راح باس ايديها وتابع بضحك بالله يا صفصف انتي الوحيده اللي تتعاشري في الناس دي
كلهم ضحكوا فتابعت صافيه بضحك حبيبي والله يا واد ياعمر سيبك منهم ده هي بتعشقك فجابت ابنك نسخه منك الصح ان الفرسه الاصيله تجيب لخيالها
كلهم فضلوا يضحكوا فتابع مازن بضحك يعني لو مجاش شبهي اقتلها يا صفصف ??
صافيه بضحك سمسمه هتجيب شبهك من غير مانفكر والله يا مازن
ياسمين بضحك قوليله بقى علشان عايزو شبهي انا
صافيه بضحك انتوا الاتنين قمرات والله بس هو هيجي شبه مازن من كتر ما بتحبيه
سيف كان واقف قدام وعمال يتصور مع البيبي فتابعت نرمين بابتسامه ودموع عقباال ما نشوف عياله قادر يا كريم
ياسمين بحب اللهم امين يارب بصي فرحان بيه ازاي
يونس بضحك معتقدش
عمر كان كاتم ضحكه فانفجر من الضحك وضرب كفه في كف يونس اللي عمال يضحك زيه بشده
نرمين بستغراب مالك بيه يا واد انت وهو بتحفلوا عليه ليه
يونس من بين ضحكه لاالا مفيش علشان نزلناه وخليناه ساب العروسه بس
عمر بضحك لالا انت بتقول ايه ده القائد يعني مفيش حاجه تصعب عليه اصلا هو حاجه من اتنين يا خلص يومه يا هيروح يكمل يومه
يونس بضحك وهمس او مبدائش يومه
عمر فضل يضحك بشده فتابع سيف بستغراب وهوجاي عليهم : ايه بيوزعوا نكت ??
عمر ويونس كتموا ضحكهم وتابع يونس لالا خالص عقبال فرحتك بي بريتي يا غاالي
سيف برفعه حاجب لا يا جدع
عمر بضحك اه مفيش حاجه متهربش انت بس من الكلام وشد حيلك علشان تجيبلي عروسه الواد احنا هنجوزه بدري مش هنضيع وقت زي خالو سيف
يونس فضل يضحك بشده فتابع سيف برفعه حاجب ماشي اللي ميزعلش يا ابو حسام
عمر بضحك لا يغالي سيبك مني اهم حاجه انت متزعلش
سيف بابتسامه لا انا هسيبك تتفاجئ هعمل ايه ومش هديكم بريتي اصلا
عمر بضحك براحتك ده ابن زوزا هو ابني لوحدي
سيف بضحك نفكر لاجل زوزا بس
الممرضه خرجت وتابعت نقلناها خلاص اتفضلوا شوفوها
كلهم دخلوا كانت زينب نايمه ومرجعه ضهرها لورا فتابعت نرمين بحب الف حمدلله على سلامتك يحبيبت ماما وباست راسها
زينب ابتسمت بتعب وتابعت الله يسلمك ياست الكل
سيف بحب حمدلله على سلامتك يا زوزتي
زينب بحب الله يسلمك ينورعيني عقبال عيالك يحبيبي
سيف بحب اللهم امين يارب
يونس بهمس وضحك لسيف: طب مش تسعى لتحقيق هدفك ولا هو امين وخلاص
سيف بصله وهمس بضحك اقسم بالله كلمه كمان هزعلك
يونس فضل يضحك وبص لزينب وتابع بحب الف حمدلله على سلامتك يحبيبتي وعقبال ماتخاويه يارب
زينب بضحك الله يسلمك يا غالي بس لا بعد المر اللي شوفته ده هو حلو اوي كده ماله حسام بس
عمر بضحك معلش هاودها تخريف بنج يا جماعه
زينب بضحك معلشين ياخويا هو انت عليك ايه صحيح ما انا اللي طلع عيني
عمر بضحك وغمز اقولك عليا ايه بس متزعليش
كلهم ضحكوا فتابعت زينب بحرج وضحك والله انت متربتش اوعاا كده .. شايف يا سيف
سيف بضحك اعمل ايه طيب مراته هرد اقوله ايه هو مترباش بس الواحد ميقدرش يتكلم دلوقتي للاسف
عمر بضحك انت تخرس خالص بعد ما رفضت ابني
زينب بتفاجئ بتهزر صح
عمر بضحك لا والله قالي لو جاب بنت مش هيديها لابننا واسألي يونس
يونس بضحك حصل انا شاهد
زينب بضحك كده يا سيف اخص عليك
سيف بضحك يعمري دول اشكال رمه ملكيش دعوه بيهم انا هعامل حسام على انه ابنك انتي ودي هتشفعله عندي وهوافق عادي
عمر بضحك مش هتعرف يحبيبي هيبقي اسمه حسام عمر الهواري اسمي ملازمه خلاص فابني غصب عنك
سيف بضحك يا ابني مش عايز اهزقك قدام الناااس
زينب بضحك سيبك منه اتغاضى عن فكره انه ابنه طلما مضايقك انا موفقه نجوزه بريتي بس شد حيلك
سيف بتنهيده قولي يارب
زينب بحب يارب يحبيبي قريب باذن الله
صافيه وانت ايه نزلك وخلاك تسيب عروستك يا سيف بيه هاا
سيف بتنهيده يعني يا تيته اختي بتولد اسيبها واقعد في البيت اعمل ايه يعني
صافيه بضحك تعمل ايه ?? ده في حاجات كتير مفروض تتعمل ربنا يستر لحسن انا مش مرتحالك
يونس وعمر فضلوا يضحكوا فبصلهم سيف برفعه حاجب فكتموا ضحكهم وتابع سيف بتنهيده هو بعيدا عن ان مفيش اعصاب للي بتحكي فيه ده علشان اتوترت بسبب ولاده زينب بس هو عموما وقته عدا احنا طالعين من الساعه 12 ونزلت وسبتها 5 فخلاص يجماعه الحمدلله كل حاجه عدت بخير فمش عايز رغي تاني على الموضوع ده
معتز بضحك رفعت راسنا يعني
سيف بضحك عيب عليك تشك في ابنك
معتز بابتسامه لا طبعا يحبيبي ربنا يسعدكم ونشوف عيالكم يارب
سيف بحب يارب وبص ليونس وعمر لقاهم ماسكين نفسهم بلعافيه ان ميضحكوش فعمل بايديه على دقنه بمعنى ” هوريكم الصبر عليا” فتابع يونس بضحك طب انا بكره ورايا يوم طويل في الجامعه عندي تصحيح فهمشي انا
سيف برفعه حاجب خدني معاك يحيوان علشان كفايه كده
يونس بضحك وهمس اما انا عايز اهرب منك
سيف بابتسامه اممم منا عارف خليها عليك بقى
نرمين بحب طب ياعمر هتعملوا ايه كده تيجي انت وزينب تقعدوا في اوضتها لغايه ماتشد حيلها ولا اجي انا معاكم
عمر بحب اللي حضرتك تقولي عليه اكيد مش هقولك تعالي او متجيش
زينب بتعب عمر معلش خلينا نروح عندهم لحد ما ابقى كويسه ونمشي
عمر بتنهيده خلاص هوديكي بس هرجع انا البيت مش هعرف اقعد برا
سيف برفعه حاجب برا فين يحيوان انت .. هو انت هتعمل فيها نسيبنا صحيح ولا ايه ده انت متربي معانا
عمر بضحك لا مش كده والله بس علشان تبقوا براحتكم في بيتكم
نرمين بحب يحبيبي مفيش بنت في شقتنا الا مراتك وانا وعمك معتز في اوضتنا واغلبيه اليوم تحت ده حتى سيف بيقعد في شقته دلوقتي واوضته فضيت فا الاوض كتير اقعد مع مراتك في اوضتها كبيره وفيها حمام وانا كل ما تعوزني تناديني هجيلها
عمر بتنهيده صدقيني انا عارف ولما قعدت معاكم ساعه لما اتكسرت شوفت معامله كاني في بيتي بس مش عارف حاسسها المره دي ان
معتز بمقاطعه هتيجي معانا خلصت خلاص متزعلش عمك يا عمر هي زينب اختارت انها هي اللي تيجي علشان تبقي بتفرح وسط كل اهلها وامها كمان تفضل معايا علشان الشقه متفضاش عليا وتيجي على نفسيتي لان حتي سيف مبقاش معايا
زينب بحزن اه انا فكرت في كده بصراحه
معتز بتنهيده وانا عارف تفكيرك يابنتي يلا روح شوف هتخرج امتى وهتيجي معانا الامر منتهي خلاص
عمر ابتسم بحب وتابع خلاص ماشي هروح اشوف وادفع الحساب وجايلكم وبص لسيف وتابع فين لبسها
سيف بحب اهو مع ياسمين
ياسمين بحب امسك واديته الشنطه وراحت حضنتها وتابعت بحب مليون مبروووك يعمري الحمدلله انك بقيتي بخير
زينب بحب تسلمي يعمري عقبالك يارب
ياسمين بحب يارب بجد
مازن بحب الف مليون مبروك يا زوزاا
زينب بحب الله يبارك فيك يا غالي
عايده بحب مليوون مبروك يا قلب مرات عمك
زينب بحب الله يبارك فيكي يا عايوده عقبال فرحتك بابن مازن وفرح احمد يارب
عايده بحب يارب يحبيبتي تسلمي
سيف بحب طب همشي انا ها علشان عيني قفلت بجد
زينب بضحك اليوم بجد يتحط في قائمه اغرب يوم في التاريخ يعني من اوله رجعتوا من سينا وجينالكم قولتلنا هنعمل ايه وكتبت كتابك على امنيه وحسام بيه ختمه وشرف كل ده وانتوا صاحيين
سيف بضحك فداه كل حاجه مسك الختام ده وباس خده وتابع بحب عقبال ماتشوفيه ظابط قد الدنيا وغمز ليونس اللي فضل يضحك
زينب نعممم ده على جثتي تحصل
كلهم فضلوا يضحكوا فتابع سيف بضحك خليكي قد كلامك بقى امسكي ابنك اهو بس سمي الاول
زينب بضحك هتشوف والله هو انا ناقصه مرار مش كفايه عشت وسط اخواتي ظباط بعدين جوزي وسمت وخدته من سيف وبصتله بحب وابتسمت بفرح وقربت باست جبينه
سيف بحب هروح انا ها وتعالوا ورايا مش قادر
نرمين بحب روح يحبيبي
مازن بحب خدنا معاك طيب
سيف بحب يلا
مازن حط ايديه على كتف ياسمين وتابع بحب يلا يا سمسمه ومشيوا
وشويه وجيه عمر وتابع بحب يلا هتغيري ونمشي وشويه انا هروح اسجله لما السجل يفتح
نرمين بحب طب الحمدلله هات اغيرلها بقى
عمر اداها الشنطه فتابعت زينب بحرج لا
نرمين بستغراب لا ايه
زينب بحرج لا متغيرليش انتي يا ماما معلش
نرمين بضحك شوف البت بقيتي واحده ست وبتتكسفي مني يا زينب
كلهم فضلوا يضحكوا فتابعت زينب بحرج اه معلش هتحرج منك حقك عليا وبصت لعمر
عمر بضحك ايه يحبيبي بتبصيلي ليه خير
زينب بحرج معلش يا عمر غيرلي انت
عمر بضحك انتي بتتكلمي جد وربنا ??
صافيه بضحك بتعملي ايه للواد مش مخلياه مصدق نفسه يابت انتي ها
زينب بحرج مش بعمل حاجه بس بتكسف منه كتير
نرمين بضحك شوف البت ودلوقتي مش بتتكسفي يعني
زينب بحرج ما لو هترسي عليكي ولا على عمر يبقى على عمر اكيد
كلهم فضلوا يضحكوا فتابعت عايده بضحك حقها طبعا ده جوزها يعني مرايتها ما اكيد مش هتتكسف منه وتتكسف منك
نرمين بضحك دي بت نادله وبياعه ما ياما غيرنا ولبسنا يلا يابتاعت عمر قومي غيري واخلصي
عمر بضحك بالله ده عمر نفسه مش مصدق اللي بيسمعه
زينب بضحك وحرج طب اخلص بجد
عمر بحب حاضر والله ادي حسام لماما طيب
ونرمين بلفعل سمت وخدته وعمر وطى شالها بين ايديه فتأوهت بوجع فتابع بخوف اسف اسف حقك عليا ودخل بيها الحمام وبدا يقلعها هدوم المستشفى ويلبسها هدومها وهي وباصه للارض
عمر بضحك طب بتتكسفي مني انا كمان ليه دلوقتي
زينب بحرج منا اكيد بتكسف منك بس انت بنسبالي اهون من ماما بجد
عمر رفع وشها فعينيها بقيت في عينيه وتابع بحب اشمعنا بقى فهميني
زينب ابتسمت بحب وتابعت علشان احنا واحد ياعمر يعني لو انا لابسه مكشوف وماما او بابا او سيف دخلوا فاجاه انا هجري من عينيهم وهستخبى فيك مش علشان هيبصولي لا طبعاا دول اهلي بس ده الطبيعي مجرد ما اتكتبت على اسمك بقيت حته منك انت وزي ما مرات عمي قالت بقيت مرايتي فمتكسفش منك وانت الوحيد اللي اتغطى فيه من عيون الناس بس عيونك انت حقها تبصلي فكل وقت
عمر بحب قولتلك قبل كده اني بموت فيكي ??
زينب ابتسمت بحب وتابع اه كتير يجي 100 مره
عمر بحب يبقي بقولهالك للمره ال 101 بموت فيكي وقرب باسها بحب ورجع يلبسها هدومها
زينب بضحك وقته ده يعني علطول فاضحنا فكل حته كده
عمر بضحك اخرسي خالص علشان فضلتي تدلعي الصبح لما رجعت من السفر واديكي ولدتي وفيها شهر تاني منا ماتبقي كويسه وهكون سافرت
زينب اتفاجئت وتابعت ااه صح وابتسمت بحزن وتابعت ياروحي حقك عليا بجد مكنتش هعرف هولد بجد
عمر بحب بس يعبيطه وباس راسها وتابع بحب المهم بقيتي بخير واطمنت عليكي وولدتي وانا هنا دي بلدنيا بجد ونحمد ربنا عليها كله بعد كده يتعوض عادي الايام جايه كتير .. هاتي ايدك يلا
زينب اديته ايديها وتابعت دريس مين ده
عمر بحب امنيه
زينب حرام والله باين عليه جديد من جهازها اتربينا احناا علشان ننسى حاجتنا كده
عمر بضحك يا شيخه اتنيلي احنا محضرناش حاجه اصلااا علشان ننساها
زينب بضحك ماهو بارد زي ابوه صرعني وجيه فاجاه زيه اكيد مش هحضر الشنطه قبلها بشهرين
عمر بضحك تصدقي صح الصبح انا فاجئتك وبليل ابنك فاجئك
زينب بضحك هي علاقه كلها مفاجاه وعرفت فاجاه انك بتحبني واتجوزنا فاجاه وحملت فاجاه وخلفت فاجاه
عمر بضحك مفيش احلى منها والله
وساعدها تكمل لبس وخدها ومشيوا كلهم يروحوا بيت الرفاعي
عند سيف كان وصل بيته وغير هدومه وراح عند السرير شافها نايمه وحاضنه المخده ودموعها مغرقه المخده فتنهد بحزن وشال المخده ركنها على جمب ونام جمبها وحط ايديه على وسطها وشدها ليه وخدها في حضنه وغطاهم ورجع حط ايديه على ضهرها وقربها ليه وباس جبينها وخدها بوسات متتاليه وهمس بحزن حقك عليا بجد والله مقصدش ازعلك وباسها بحب وبص لملامحها الحزينه وتنهد بحزن وهمس وغلاوتك عندي بعدي عنك غصب عني يا امنيه وابتسم بحزن وتابع ده انا بتمنى اكون معاكي دلوقتي قبل بكره بس خايف .. وغلاوتك عندي خايف اخسرك وخوفي من خسارتك اكبر بكتير من رغبتي في اني اكون معاكي علشان انا بحبك بجد وغمض عينيه وهمس انا متبقاش ليا غيرك يا امنيه ومش عايش غير علشانك فارجوكي خليكي جمبي علطول ودفن وشه في رقبتها وباسها بحب وغمض عينيه ينام
——-
تاني يوم الصبح في بيت الرفاعي قاعدين بيفطروا ماعدا زينب وعمر نايمين وزيهم امنيه وسيف
منصور بحب طب هتصحى امتى عايز اشوف الواد
عايده بضحك شهد بردو قبل ما تنزل للامتحان كانت مصممه تشوفه بس كانوا نايمين نرمين مرضيتش تفتح عليهم تصحيهم فالما يصحوا هنزلهولك ياابويا من عيني
ايمن بابتسامه عقبال ماتخويه يارب مبروك اول حفيد يا معتز
معتز بحب تسلم يا غالي عقبال مازن واحمد
عز بحب سمسم معلش يحبيبتي هاتيلي كوبايه القهوه بتاعتي من جوه عملتها ونسيتها خالص
ياسمين رايحه تقوم فتابع مازن بحب خليكي يعمري كملي اكلك هقوم انا وباس راسها وقام
نرمين بحب احمد هيستني شهد ولا جاي
عايده بحب لا هيستناها كلعاده
صافيه تنهدت بارتياح وتابعت الحمدلله خلصنا وارتاحنا
عز اه والله ياما على خير باذن الله وفرحتنا تكمل
يونس بحب خير باذن الله يلا هنزل انا رايح الشغل
نور بتنهيده انا مخنوقه اوي عايزه انزل شويه يا بابا
ايمن بتنهيده تنزلي تروحي فين يا نور
نور بضيق مش عارفه بس حقيقي مش طايقه نفسي
مازن بحب امسك يا عمي
عز بحب تسلم يحبيبي
مازن بص لنور وتابع خليكي قاعده وانا هخلص شغل في الكافيه وهفوت اخدك انتي وسمسم واخرجكم شويه
نور بتنهيده هو انا لسه هستني تخلص بالله عليك ما طايقه البيت
يونس لبس الجزمه وتابع بحب طب تعالي معايا الجامعه اخلص التصحيح ونقعد شويه في الكافيه اللي بتحبيه جمب الجامعه ونيجي
نور بحماس اوكيه وبصت لابوها وتابعت بليز وافق يا بابا ارجوك
ايمن بحب روحي يحبيبتي
نور بحماس اوكييه وطلعت تلبس بسرعه وتابعت مش هتاخر يا ابيه
يونس بابتسامه على مهلك يحبيبتي وبص لايمن وتابع متخافش عليها
ايمن بحب انت اخر واحد افكر اخاف على نور وهي معاه
يونس بحب تسلم يا غالي وبص لياسمين وتابع كلي عدل يا مسمومه مفروض انك حامل
مازن بتنهيده لالا دي هتشلني
ياسمين بضحك والله باكل بس نفسي مسدوده انا مالي انا
عايده بحب معلش يحبيبتي تعاالي بس على نفسك شويه علشان اللي في بطنك
ياسمين بتنهيده حاضر يا ماما
منصور محدش هيطلع يودي صباحيه سيف ومراته ولا ايه
نرمين بحب طالعه بس مستنيه ياسمين تخلص علشان هتجبلي الكحك والبسكويت من عندها
ياسمين رايحه تقوم وتابعت طب استني اجبهوملك
نرمين لالا اقعدي كملي اكلك براحتك كده كده لسه هكمل باقي الصنيه
مازن قعدها على الكرسي مكانها وتابع بحده طب كلي عدل علشان مهزقكيش بتتلكك علشان تجري وتسيب الاكل
ياسمين بضيق حاضر
ونور نزلت وتابعت بحب يلا انا جاهزه
يونس بحب يلا وخدها ونزلوا
عند احمد وشهد
احمد كان واقف متوتر اوي ومستنيها تخرج وبلفعل دقايق وشافها قدامه فتابع بقلق ها طمنيني ايه الاخبار
شهد بضحك بقولك ايه المهم خلصت بجدد
احمد بقلق اه اكيد وفخور بيكي طبعاا بس طمنيني
شهد بحب كويس الي حد ما
احمد بصدمه الي حد ما ?? يبقي عكيتي وضرب بايديه علي العربيه وهو مغمض عينيه بضيق
شهد بخوف طب بالله بتخوفني منك ليه هو ده اللي فخور بيكي اي ان كانت النتيجه
احمد تنهد بعمق وتابع فخور بيكي اكيد بس الماده دي تعبنا فيها اوي مستحرم تعبك يروح بسبب توترك
شهد بحب لالا متخافش كويس والله
احمد بتنهيده يارب خير بجد وباس ايديها وتابع بحب المهم فعلا انك خلصتي مباارك ياست البنات كنتي اشطر واجمل بنت تدخل ثانويه عامه وتعمل اللي عليها من اول يوم لاخر يوم
شهد بدموع ده لولا وقفتكم جمبي بجد وحقيقي هي صعبه عليا اوي مريت فيها بكل انواع الوجع والصدمات
احمد مسح دموعها وتابع بحب ما علشان كده فخور بيكي اوي وخلي دموعك دي ليوم النتيجه تنزل من الفرح باذن الله
شهد بحب يارب بجد يا احمد
احمد بحب يارب اللهم امين يا قلب احمد ولف يركب وتابع بحب يلا اركبي ده انا عازمك على مطعم على البحر على حتت اكله هتعجبك
شهد ركبت وتابعت بضحك هتصرف وتكلف انهارده اهو
احمد بضحك طبعا ده الليله عيد ورفع ايديها باسها بحب وتابع طمنيني صح فرح عملت ايه
شهد بحب فرح مبسوطه لان نتيجه تحاليها طلعت امبارح انها خفت من السرطان فمش مهم بقى حاجه تاني هي حلت كويس انهارده بس فرحت انها خفت مغطيه على كل حاجه
احمد اتفاجئ وتابع بفرح ده اللهم لك الحمد بجد الف مليون مبرووك ليها قولتلها ان خطوبتنا الاسبوع الجاي
شهد بفرح اه قولتلها انا مش مصدقه نفسي بجدد كل الاخبار احلوت مره واحده خصوصا خطوبتنا متحمسه ليها اوي
احمد بضحك بالله وانا ده لقد هرمنا بجد وبصلها وتابع بحب المهم هنروح نشوف الدريس بعد الاكل بلمره انا قايل لابوكي ويونس عموما
شهد بحب تمام ولقيت فونها رن فتابعت بضحك ده يونس بيطمن اكيد
احمد قوليله حلو وخلاص متنكديش هاا
شهد بضحك حاضر والله وردت وتابعت ايه يحبيبي
يونس بقلق طمنيني يعمري الامتحان عامل معاكي ايه في ناس بتقول رخم
شهد بحب متخافش هو في تركات بس بسيطه والله
يونس بقلق حليتي حلو يعني
شهد بحب اه والله
يونس تنهد بارتياح وتابع بحب طب يحبيبتي هسيبك مع احمد بس ابعتي مسدج لمازن وياسمين طمنيهم علشان كلموكي لقيوكي انتي واحمد غير متاح فكلمتك انا اشوف في ايه
شهد ااه تلاقي لما كلموني مكنتش طلعت فجوه ببقى قفلاه واحمد معرفش
احمد بص في الفون وتابع فاصل شحن
شهد اهو احمد فاصل شحن هبعتلهم اطمنهم حاضر
يونس بحب ماشي يحبيبتي يلا باي
شهد بحب باي
احمد بحب هنروح من الخروجه ننام براحتنااا بقى
شهد بفرح وحماس بالله مش هنام من فرحتي وعايزه العب مع حسام وابوسه كتيير
احمد بضحك طب ماتبوسي خال حسام مش هيقولك لا
شهد بضحك ماتحترم نفسك يا احمد ايه هو ده ابوس سيف ازاي يعني
احمد برفعه حاجب سيف مين يا مهزقه انا اقصد انا خالو ماهي زي اختي زينب دي انتي عبيطه في دماغك ولا ايه
شهد فضلت تضحك وتابعت اه سوري سوري فهمت غلط علشان هو خالو لزم بس معلش يعني هو انت اللي ينفع ??
احمد بضحك لا بردو تفرق انتي عبيطه ولا ايه
شهد بضحك طب عموما اتلم علشان متصلش بيونس
احمد بضحك يااادي يونس انا هتخرس خالص ياستي اهو
شهد بضحك ايووه كده برافو
——
في شقه امنيه وسيف
امنيه كانت صحيت وحاطه دراعها على المخده وسانده خدها على كف ايديها وباصه عليه وبتبستم بحب ونسيت كل زعلها منه امبارح
وسيف ابتدى يصحى وفتح عينيه ببطئ فااتفاجئ بقعدتها دي قدامه فتابع بنوم ايه مالك يا امنيه في ايه
امنيه بضحك ايه في ايه شوفت عفريت
سيف فتح عينيه وتابع بابتسامه لا طبعا ده انا شوفت ست البنات بس استغربت وحط ايديه على رقبتها وقربها منه وباسها بحب وتابع صباح الخير
امنيه بضحك صباح النور يحبيبي مالك صاحي رايق انهارده خير مش مرتحالك
سيف بضحك ده على اساس اننا متجوزين بقالنا 100 سنه وكده
امنيه بضحك لا مش كده بس امبارح بليل كنت غريب شويه
سيف بحب متاخديش في بالك من بعض تصرفاتي علشان حقيقي ضغط المهمه تاعب اعصابي شويه انا هخلص منها وعنيا ليكي فكل حاجه
امنيه بتنهيده هتخلص امتى طيب
سيف بحب يعني شهرين كده
امنيه شهقت وتابعت يالهوي يا حسام كل ده
سيف بحب هيطيروا والله المهم انا عايز افطر جعان هو محدش طلعلنا الاكل ولا ايه
امنيه بحب لا لسه بس عادي هعملك انا
سيف بحب يخرابي بنفسك كمان ده انا يبختي بقى ان سمو الاميره بذات نفسها هتعملي فطار
امنيه بضحك بعشقك وانت بتبالغ في حبك لياا الصفه دي مبقالهاش غير يومين من ساعه ما فوقت من الغيبوبه بس عجباني استمر
سيف بحب لا والله مش مبالغه انتي حقيقي كلام الدنيا كله قليل عليكي يا منونتي
امنيه بحب قلب وعقل وعيون منونتك
سيف رجع ضهره لورا وهو بيدعك عينيه وتابع بحب حبيبت قلبي ربنا يديمك ليا يارب وبص للبلكونه المقفوله وتابع قومي معلش شدي الستاره الشمس وجعت عيني وصحتني من النوم مع ان البلكونه مقفوله
امنيه بضحك علشان الاضاءه دخلت عادي ده الازاز بس اللي مقفول ولفت نظرها عينيه فتابعت بستغراب ايه ده ثواني بس ووجهت وشه ناحيه الشمس وبعدين رجعتها للضل وفضلت تعمل كده كذا مره
سيف بقلق ايه في ايه خير
امنيه بستغراب انت من امتى عينك عسلي يا حسام ايه ده بسم الله الرحمن الرحيم بجد
سيف ضحك بتوتر وتابع ايه ده هو انتي مكنتيش بتاخدي بالك حقيقي الاهتمام مبيطلبش هي بتبان في الشمس اكتر عموما
امنيه بصدمه لا متهزرش بجد اكيد مش 3 شهور خلوني فقدت الذاكره مش للدرجه دي يعني ومسكت فونها فتحته وجابت صورها مع حسام وتابعت ماهي في الشمس اهي فين لون عينيك وقفلت الفون وتابعت وبعدين ما انت اهو في الضل قدامي بسم الله ما شاء الله جميله وباينه عسلي من غير شمس خالص اهو انا بس مكنتش واخده بالي
سيف بتنهيده حبيبتي تلاقي كواليتي الصوره مش حلو بس انا عيني عسلي من زمان وانتي اكيد مخدتيش بالك وهي اصلا كتير في عيلتنا واحمد ونور وياسمين ويونس فمش انا بس يعني
امنيه حطت ايديها على راسها وتابعت مش مستوعبه بجد ده من امتى وازاي مخدتش بالي
سيف بضحك طب خلاص حصل خير لون عيني مضايقك يعني اغيره
امنيه بحب لا طبعا ده قمر يارب البمبينو بتاعنا يبقى شبهك ونفس لون عيونك كده
سيف بضحك ايه البمبينو ده كمان
امنيه بضحك يعني البيبي بتاعنا بلايطالي
سيف بضحك سوري كنت فرنش
امنيه بضحك عادي يعمري وانا كمان فرنش بس معرفش غير الكلمه دي ايطالي
سيف فضل يضحك وتابع ده انتي مشكله بجد يلا طيب علشان الحق افطر
امنيه بستغراب تلحق تفطر !! ليه رايح فين انت
سيف اتصدم من كلامه لانه مكنش عايز يقولها دلوقتي فبصلها وابتسم وتابع رايح القاهره وجاي بسرعه
امنيه بصدمه نعم ده امتى ده
سيف بابتسامه دلوقتي ممكن بسرعه بقى لحد ما اغير هدومي ???
امنيه بعصبيه هو ايه اللي دلوقتي انت بتهزر بجد عايز تسبني يوم صباحيتي وتنزل الناس تقول علياا ايه هو مش كفاايه امباارح
سيف مسك دراعها جامد وتابع بعصبيه طب بصي بقى سواء بتتكلمي صح بتتكلمي غلط ده شئ وانك تنسي نفسك وانتي بتتكلمي معايا وتعلي صوتك علياا ده شئ عاشر خااالص انا متخلقش رااجل يقف قدامي ويعمل كده مش تيجي واحده وكمان مراتي على اخر الزمن تقف قدامي وتعلي صوتها كده لا يا امنيه مش هعديهالك لو اتقررت بجد
امنيه بدموع وبحده اممم اقلب الترابيزه اقلب لا كلمه حق دي الحاجه الوحيده اللي فيك زي ما انت مغيرتهااش
سيف بعصبيه يا ابنتي انا مش عايز اهزقك وامد ايدي عليكي فاوطي صوتك ده احسنلك محدش قالك متجوزه واحد اعمال حره انا ظابط يعني بتأمر وبنفذ اللي بيطلب مني وبس والعميد طلب يقابلني ومتنيل عارف اني اتجوزت وقالي معلش تعالى ذمب اهلي ايه اناا
امنيه بدموع والله انا ميخصنيش مش ذمبي ان يوم فرحي تعملي انك موت وتتعب صحتي وتضيع عليا اكتر يوم كل بنت بتتمناه بعدين تيجي تكتب علياا بس واقول ومالو راضيه وتسبني ليله دخلتي وتنزل لاختك وقولت ومالو يابت عيب ميصحش دي اخته ومالهاش غيره والتاني في غربه تقوم بردو تيجي يوم صباحيتي تسبني وتنزل اييه في اييه هو انت اتجوزتني لييه بجد اما انت عايش للكل الا انااا
سيف بعصبيه ده اللي عندي يا امنيه ودي عيشتي اتنيلت قولتلك يوم فرحنااا غصب عني ومجبرتش عليكي توافقي بكتب الكتاب بس انتي اللي رضيتي واختي كانت بتولد مش بمزاجي اكيد مش هسيبها واقعد جمبك ودلوقتي انا مجبر انزل فمفيش حاجه فيهم بايدي لام النكد اللي انتي عملاه دده على الصبح ده الناس بتقول صباحيه زفت مباركه
امنيه بدموع وسخريه لا والشهاده لله ده جواز يرضى ربنا وعندك حق ما هي دي غلطتي من البدايه اني رضيت انت مغلطش انا اللي استاهل ضرب الجزم
سيف نفخ بضيق وتابع بحده لالا انتي بجد دماغك تعبانه ومبتفهميش ولا بتقدري المواقف اللي الواحد فيها محسساني اني بلعب ده ايه ام القرف ده على الصبح وراح فتح الدولاب بعصبيه
امنيه بدموع اممم اتاريك قايم مقرر هتهبب ايه فداخل طقم الحنيه علياا
سيف بعصبيه بت انتي متخلنيش اهزقك ده اللي انتي متعرفيهوش ان مفيش شنب اتخلق بستأذنه قبل حاجه بعملها واللي عايزه بيحصل غصب عن اي حد فمش معنى اني مراعي مشاعرك وانك مراتي وليكي عليا حقوق مش عسكري عندي في الشغل فانتي تستعبطي وتفكريني خايف ترفضي ولا حاجه
امنيه بدموع ولا مراتك ولا خرا هبب اللي تهببه وحل عن دمااغي يا حسام وخرجت
فسيف خد الهدوم وقفل الدولاب بعصبيه وبدا يلبس وهو مش طايق نفسه بعدين سرح شعره بسرعه ورش برفيوم وخرج يلبس الكوتش وهي كانت حضرت الفطار وحطته قدامه علي الترابيزه الصغيره في الصالون فتابع سيف بحده مش طافح خلاص نفسي اتسدت ولما حد يخبط اياكي تفتحي كده البسي عدل الاول حتى لو ست وخد المفاتيح وفونه من على السفره ونزل وقفل الباب جامد وهي بصت للفطار اللي حضرته بحزن شديد وقعدت وحطت راسها مابين ايديها وفضلت تعيط
—-
عند يونس في مكتبه
نور بتنهيده ابيه انا زهقانه اوي معلش هروح اجيب حاجه اشربها لحد ماتخلص تصحيح
يونس بتركيز ماشي يحبيبتي روحي بس متتاخريش
نور بحب حاضر اجبلك حاجه معايا
يونس بحب لا يحبيبتي مش عايز
نور ابتسمت وخرجت وقفلت المكتب وراحت طلبت قهوه بالبن ووقفت تستناها
شخص انسه نور انسه نور
نور بستغراب اتفضل مين
الشخص في واحد في العربيه عايز حضرتك
نور بستغراب واحد مين ده وراحت تبص لقيت حد رش في وشها مخدر وشخص تاني شالها ودخلها جوه العربيه ومشيوا بيها فواحد من صحاب يونس الدكاتره شافها فراحله بسرعه وخبط
يونس ادخل
صاحبه بخوف يونس الحق بنت عمك حد خدها بعربيته معرفش مين
يونس بخوف انت بتخرف بتقول ايه خدها ازاي يعني
صاحبه بخوف والله العظيم شوفتها خدرها وخدها بسرعه
يونس طلع بسرعه وبص ملقاش اي اثر فافتكر لما سيف نبه يعمل لنور وشهد تتبع لفونهم علشان بينزلوا كتير ويخاف قاسم يبعت حد يأذيهم كانتقام فيعرفوا يوصلولهم لان هما الوحيدين اللي بينزلوا لوحدهم كتير وفتح البرنامج شاف العربيه بتمشي فين فراح بسرعه يركب عربيه لقى العجله نايم فضربه بعصبيه وتابع بخوف مش وقتك والله وفضل يدور على عربيه من عربيات صحابه لحد ما صاحبه اداله واحده وساقها بكل قوته علشان يروحلها
—-
وبعد شويه عند نور يونس وصل المكان وكان بيت مهجور اوي وقديم فدخل فيه وفضل يكح وتابع بخوف نور .. انتي هنا يحبيبتي .. نور وفضل يبص لحد ما لقى سرير قديم وهي عليه وهدومها من فوق متقطعه والبدي الكب الكارينا اللي لبساه باين والملايه عليها نقط دم وبنطلونها متبهدل فاتوجع اوي من منظرها واتصدم بشده ودموعه نزلت وراح عندها ووطى مسك ايديها باسها وتابع بدموع نور انتي كويسه .. لالالا اكيد ده مش صح اكيد انتي كويسه وفضل يخبط على خدها وتابع بدموع نور ابوس ايدك ردي علياا مين عمل فيكي كده وبص على هدومها المتقطعه وغمض عينيه بوجع شديد ودموعه نزلت وفك زراير قميصه وقلعه ولبسهولها علشان يغطيها وشالها بين ايديه ورايح يخرج اتصدم ان
نرمين وسع كده بس يخربيت برودكم شايله الصنيه على قلبي مش قادره اقف
سيف هاتي عنك طيب وشالها منها حطها على السفره وباس جبينها وتابع بحب تعبناكي يا ست الكل
نرمين بحب تعبك راحه يا قلب امك وهمست الا قولي صحيح خدت اجازه قد ايه علشان تقعد مع البت
سيف بتنهيده لسه والله مقولتلهمش على اجازات بس هي بتبقى اسبوعين مش بتزيد عن كده
نرمين بضيق يسد نفسهم البُعده اسبوعين ايه بس
سيف بضحك يعني هو بمزاجنا ياست الكل وبعدين اقعد جمبها اكتر من اسبوعين ده مضر بصحتي كظابط جيش هروحلهم حيلي مهدود كده
نرمين فضلت تضحك وضربته في صدره وتابعت اتلم يا واد الله
سيف بضحك منا جايلك دوغري والله مش هينفع صح
نرمين بغمز وهي البت قمر الصراحه
سيف بضحك ماخلاص ياست الكل ماتسكتي هو انا ناقص
نرمين بستغراب قصدك ايه يا واد ها
سيف بضحك قصدي تدخلي شقتك وتسبيني في حالي
نرمين بضحك شوف الواد وقال مكنش عايز يتجوز قال ماشي يا سيف
سيف بضحك هشش بالله عليكي اسكتي هتفضحينا
نرمين بضحك حاضر ياخويا انا ماشيه وسيبهالك خالص وشاورت على الصنيه وتابعت وتخلصوهااا هاا انا عيني طلع فيها ومراتك بلذات ضعفانه يحبه عيني خليها تاكل تتقوى شويه
سيف بضحك حاضر من عيني
نرمين بحب يلا همشي انا خلي بالك منها بالله عليك يا سيف اعتبرها زي اختك
سيف بضحك اعتبرها زي ايه ??? تيجي ازاي دي طيب
نرمين بضحك يا واد اقصد ان زي ماعمر حافظ على اختك وكان واحده واحده معاها يعني فانت اللي ترضاه لاختك ترضاه ليها
سيف بضحك حاضر يا امي متقلقيش والله
نرمين بحب ربنا يسعدكم يحبيبي يلا همشي انا
وخرجت وقفلت وسيف دخل الاوضه كانت امنيه قاعده زي ماهي فتابع بابتسامه الاكل جيه برا هتاكلي ??
امنيه بصراحه لا انا مش جعانه لما كالت فراخ برا شبعتني جدا
سيف بضحك طب ده حماتك مأكده عليا لازم تاكلي تعالي بس جربي نفسك هتتفح الاصناف اشكال والوان عارفك بتحبي الحاجات دي
امنيه بضحك هو ايه اللي عارفك بتحبي الحاجات دي متجوز جاموسه ولا ايه
سيف بضحك ياريته باين عليكي ياختي انتي ولا رفيعه ولا حصلتي الجاموسه
امنيه بضحك حسام متهزرش انا بحب الاكل اه بس مش مفجوعه يعني
سيف بحب يعمري كلي براحتك انا بهزر عيب عليكي
امنيه بحب بس انا فعلا مش جعانه والله غطيه وحطه في الفرن
سيف متهيالك الصنيه مش هتخش الفرن فقومي شوفي هتعملي ايه كده
امنيه بستغراب ليه انت مش هتاكل ولا ايه
سيف اه انا مبعرفش اكل بليل وانام خالص ده غلط بنسبالي
امنيه بضحك من امتي ده ما انت كنت بترجع من القسم الفجر وبتاكل وتنام عادي
سيف بتنهيده لا دلوقتي كل حاجه اختلفت علشان بحافظ على صحتي ولياقه جسمي فماشي ببرنامج معين
امنيه بضحك اممم قولتلي طيب خلاص هشيل الاكل واجيلك
سيف بحب كلي انتي لو عايزه بجد
امنيه بضحك لا والله مش عايزة فعلا فاكرني هكون جعانه وهتكسف اكل ولا ايه لا ده انت بقيت جوزي خلاص ادبست فا ملوش لازمه جو الكياته ده دلوقتي
سيف فضل يضحك وتابع لا منا عارف طبيعتك فعادي يحبيبي مش مستاهله تعملي اي نوع من انواع التمثيل في اي حاجه
امنيه بضحك طب خلاص طمنتني
وخرجت وسيف راح قعد على السرير ورجع ضهره لورا وقلع التيشرت رماه علي الكنبه اللي قدامه في الاوضه ورجع راسه لورا وغمض عينيه
امنيه من برا بصوت مسموع: حسام انا هعمل شاي اعملك معايااا
سيف بتلقائيه وهو مغمض عينيه زي ماهو: لا يا منون مبشربوش
امنيه استغربت ودخلتله وتابعت وده من امتى ??
سيف بصلها بستغراب بعدين استوعب اللي قاله وتابع بتوتر لا عادي فيها ايه يعني مش جايلي نفس للشاي دلوقتي وبعدين انا متعشتش فهشرب شاي ازاي يعني
امنيه بستغراب لا مش ده اللي لفت نظري ما انت ممكن تقول لا مش عايز بس من امتي مبتشربهوش ??? بتهزر صح اكيد مش 3 شهور غيروا فيك كل ده
سيف تنهد بعمق وتابع لا منا بقيت مبشربهوش فعلا وميال للقهوه اكتر دلوقتي بس في العموم مش عايز حاجه علشان متعشتش يعني
امنيه بستغراب انا ليه حاسه اني بعرفك من اول وجديد بجد ????
سيف ضحك بتوتر وتابع ده علشان بقالنا كتير بعيد عن بعض بس
امنيه بتنهيده يمكن بس حقيقي انت اتغيرت اوي
وخرجت تكمل اللي بتعمله وهو تنهد بعمق وضرب على جبينه وتابع ما انت دماغك بتشتغل حلو في الشغل جاي تستغبى معاها يعني ونفخ بضيق
ودقايق وجات قعدت جمبه وهي ماسكه كوبايه الشاي وفضلت تشربها لحد ماخلصت بعدين نامت في حضنه وسندت راسها على صدره فسيف باس راسها
امنيه كانت مستغربه طريقته معاها هي اه متوتره ومش مستعده لحاجه بس كانت محتجاه يطمنها .. فا لقيت منه العكس وحست انه مش راغبها اصلا ومتغير معاها فسكتت اصل هتقوله ايه ?? فتنهدت وتابعت حسام انت فرحان اننا اتجوزنا ??
سيف فاهم تفكيرها فتنهد وتابع بحب فرحان ومش مصدق من فرحتي اصلا وباس خدها وتابع ده انا يبختي بيكي والله
امنيه ابتسمت بس هي مش عارفه تصدقه فتابعت اممم طيب يحبيبي
سيف مالك يا امنيه في حاجه مزعلاكي ولا ايه ??
امنيه بابتسامه لا ابدا مفيش اي حاجه
سيف بحب طب هروح الحمام ثواني وجايلك
امنيه بابتسامه تمام وسيف قام وهي تنهدت بعمق ورجعت ضهرها لورا ونفخت بضيق وابتدت تفكر انها معجبتهوش وشكلها محركش مشاعره ليها فقامت وقفت قدام المرايه وفضلت تبص على نفسها ومستغربه ايه معجبهوش فيها
عند سيف في الحمام كان بيتكلم مع يونس
سيف بهمس حاد يا ابني متحرقش دمي اومال انا متصل اكلمك ليه
يونس بضحك ما انت لو مستني مني اني اساعدك يبقى بتحلم دي مفيهاش مهرب يا هترفع راسنا يا هتعرنا مفيش اختيار تالت
سيف بهمس حاد : يونس متعصبنيش عليك … بالله ما عارف اتصرف ازاي وهي برا قلبت وشها علياا تقريبا فهمت اني مش بحبها كفايه اومش عجباني فمتشدتش ليها
يونس بضحك يا جدع ده البنات دول غلابه اوي بيربطوا الموضوع ده بلحب ميعرفوش اننا كرجاله بنتشد لاى حاجه فيها الروح بس الواحد بيتقي الله
سيف فضل يضحك وتابع متخلفه بقى واثق انها فكرت في كده فا اعمل ايه بجد
يونس بضحك طب ليه متفكرش انك عندك مشكله مثلا ??
سيف بضحك مين ده اللي عنده مشكله يا ابن الكلب يا حيوان انت
يونس بضحك مبهزرش بجد دي لما تقول لامها محصلش حاجه مش بعيد نسايبك يفكروا كده اصل مش طبيعي بعد كل حبك ليها قدامهم ده تعدي اليوم عادي كده .. هيشتك فيك وربنا ده اي ست ممكن لو لبست لبس مكشوف تشد الراجل عادي مبالك بحبيبته بقى فانت في نظرهم كده مش طبيعي
سيف بضحك ياباشا وانت مين قالك متشدتش اتشديت وربنا ..ولولا الباب خبط مكنتش هقف وهخرب الدنيا فوق راسي بس حرفيا مش هينفع انا عارف هندم لو حصل كده مع اني يا يونس وربنا ما قادر وعايز اسيب الاوضه وجودها جمبي خطر
يونس فضل يضحك وتابع يخربيت فقرك بجد يا ابني احترم نفسك وغلاوتها عندك وعدي يومك
سيف بتنهيده والله ما هينفع انت مش فاهم حاجه يا يونس محدش يعرف امنيه قدي انا والله بموت فيها واتمنيت اليوم ده كتير اوي و مش مصدق انها معايا ومن حقي اصلا بس نظرتها ليا بعد ماتعرف الحقيقه اهم بكتير من قربي منها مع اني عشت اتمناه
يونس بتنهيده انا فاهم كل كلامك ده بس بالله عليك كبر دماغك ومتكسرش بخاطرها لان اكيد دماغها جابت 100 سناريو هي البنت بطبيعتها بتبقى متوتره ومكسوفه بس عايزة تحس انك راغبها وطاير بيها وتفضل تطمنها حتى لو مش هيحصل حاجه بس كلامك يبين ان لا انا مستعد لو انتي مستعده عادي وبتمنى قربك انما انت كده في نظرها باارد اوي ناحيتها
سيف بتنهيده متصل بيك تحرق دمي اكتر مش كده ??
يونس انا صريح معاك يا سيف والله هي ملهاش حل اقفل معايا وكمل يومك وسيبها على الله اما بقي تلجئ انك تعمل نفسك تعبان وخلاص
سيف بتنهيده تمام يا يونس خلاص اقفل انت دلوقتي
يونس ربنا يهديك بجد هدعيلك بيها
سيف بضحك ماشي يحيوان باي
يونس بضحك باي
وقفل وخرج من الحمام لقاها واقفه قدام المرايه وكانت قلعت الروب وواقفه بلقميص حمالات بس وبشرتها البيضه مزوداه حلاوه وشعرها مفرود وحطت لون روج احمر اوضح لامع لايق مع بشرتها وخلى شفايفها بارزه وملامحها تخطف فبصلها باعجاب واضح وعينيه بتعدي عليها من اولها لاخرها بحب واعجاب شديد وهي اتوترت من نظرته بس حست انها راضت غرورها فتابعت بتوتر مش تقول ان حضرتك هتخرج يا حسام بيه
سيف ابتسم وتابع اقول اني هخرج من الحمام جديده دي
امنيه بتوتر اه اصل مفروض انك سايب بنت في الاوضه قبل ماتدخل افرد انا كنت بغير دلوقتي
سيف وقف قدامها وحط ايديه الاتنين على وسطها وشدها ليه وهمس بحب اممم والبنت دي مراتي مش كده ??
امنيه اتوترت من قربه وتابعت اه طبعا
سيف بحب طب خلاص اقول ليه اما هي كلها ملكي ومن حقي
امنيه بتوتر اه اكيد بس انا لسه مش متعوده انك تشوفني كده فاتخضيت بس
سيف بابتسامه مكسوفه مني ?
امنيه بصت فكل حته الا عينيه وتابعت بتوتر اه اكيد طبعا
سيف ضحك على شكل توترها وتابع بحب لا يعمري وانا ميرضنيش مش علشان انا ابص على الحلاوه دي تبقي انتي قاعده مش مرتاحه
امنيه بحرج حسام اتلم بجد وضربته في صدره
سيف ضحك ووطى جاب الروب ولبسهولها وباس جبينها وتابع بحب انتي عجباني طول الوقت وفي كل حالاتك فمتحاوليش تغيري من طبيعتك قدامي وتفكري اي ممكن تعمليه يعجبني ..اللي عايزه تلبسيه البسيه االلي مريحك اعمليه انا بحب امنيه بكل اشكالها ومن غير ماتبقى لابسه حاجه معينه او حتى حاطه اللون ده من الروج وشدها باسها بحب وعمق وهي اتوترت فغمضت عينيها وحطت ايديها حوالين رقبته وهو فضل يبوسها بحب لحد ما الروج اتمسح فسند جبينه على جبينها وتابع بحب وهمس لان انا مشدود ليكي من غير اي نوع من اي مجهود بيتعمل للانجذاب فمتتعبيش نفسك في التفكير بجد
امنيه لفت ايديها حوالين رقبته اكتر وحضنته وتابعت بحب انا بحبك اوي بجد
سيف ضمها ليه اكتر وباس رقبتها بحب وتابع وانا بموت فيكي وثواني وتابع بتمثيل ايه ده مالي في ايه وحط ايديه على جبينه
امنيه بقلق ايه مالك في ايه ??
سيف بتمثيل دماغي تقلت اوي وحاسس بدوخه وصداع جامدين
امنيه بقلق ايه ده فاجاه كده طب حاسس بايه فهمني ضغطك وطي يعني ??
سيف بتمثيل تعب مش عارف بس حاسس دايخ اوي وهقع قعديني بسرعه يا امنيه
امنيه سندته وقعدته على السرير ورجعت ضهره لورا وتابعت بقلق اكيد ضغطك وطي ولا حاجه استنى هروح اجبلك حاجه حادقه تاكلها
سيف بتمثيل ماشي روحي مش قادر بجد
امنيه بقلق حاضر حاضر خير باذن الله وخرجت من الاوضه وهو تنهد بارتياح واتغطى وغمض عينيه وهي دقايق وجات معاها مخلل وحتت جبنه قديمه وتابعت حسام .. حبيبي انت صاحي
سيف بتمثيل امممم
امنيه بحب امسك طيب كل دول ونام
سيف فتح عينيه ببطئ بتمثيل وكل المخلل وتابع لالا جبنه لا مبحبهاش خلاص كويس اوي كده تعبتك ..ااه بجد حاسس دماغي هتنفجر
امنيه بحزن مش عارفه بجد ازاي فاجاه كده ما كنت كويس
سيف بتمثيل مش عارف يا امنيه بجد مش عارف هو الضغط احيانا بيعملها معايا كده وبيوطى فاجاه
امنيه بحزن يحبيبي حقك عليا استني هروح اغسل ايدي وجيالك يعمري
وراحت شالت الحاجه وغسلت ايديها ونشفتها وجات نامت جمبه وخدته في حضنه وسندت راسه على صدرها وفضلت تمشي ايديها على شعره
سيف اتنفس بصعوبه من قربها وتابع في سره بتصعبها عليا اكتر بنت محمد .. قادره بصحيح او انا اللي اضعف خلق الله قدامها ايهما اقرب ?? اه يارب هو انا قادر وانا بعيد عنها اما بتاخدني في حضنها !!! لا ولبستها الروب علشان اسيطر على نفسي شويه تقوم بردو تقربني منها دي لو مخططه تعذبني مش هتعمل كده واتنفس بعمق وتابع في سره اعمل ايه طيب ما مش هعرف اقوم واسيبها مفيش حجه .. ربنا يستر بجد ويعدي الايام دي على خير وغمض عينيه يحاول ينام وهي باست راسه وفضلت تمشي ايديها على شعره وبتعمله مساج لدماغه
———
في بيت عمر
زينب خرجت من الحمام بعد ماخدت شاور ولبست كاش مايوه وتابعت بتعب ابنك بجد خلاني جبت اخري انا متعبتش كده في حياتي
عمر بحب حقك عليا هانت اهو والله خلاص
زينب بضحك بمناسبه انها هانت مقولتلكش اخر التطورات انا
عمر بستغراب تطورات ايه خير
زينب قعدت جمبه واتغطوا وتابعت بابتسامه تفتكر يعمري الولاده بكام كده ??
عمر بضحك لا معرفش مالك بتقوليها بشماته ليه كده
زينب بضحك بسيبك تتوقع علشان تعرف تمن عملتك السودا
عمر فضل يضحك وتابع عملتي السودا ها .. على اساس انها عملتي لوحدي وغمز
زينب بضحك لو سمحت متدخلناش في تفاصيل انا بسالك على حاجه معينه دلوقتي
عمر بضحك لا والله فعلا معرفش بكام بس مش هتفرق مال الدنيا كله تحت رجلك اومال انا بتعب وبشتغل ليه مش علشان اسدد كل احتياجتكم انتي وابني
زينب بضحك انت قد كلامك يعني
عمر بحب اه طبعا قده
زينب بابتسامه انت عارف ان دكتورتي هتولدني في مستشفى خاصه محترمه فا السعر في العالي حبتين
عمر بضحك ايوه متفضليش توجعي في بطن الواحد بكام يعني
زينب فضلت تضحك وتابعت ما بطنك وجعتك اهو
عمر بضحك لا وترتيني بس ماتخلصي يا زينب هي نتيجه ثانويه عامه .. بكام يعني
زينب بحب ب 50 الف ياروحي علشان ولاده بدون الم
عمر بصدمه بكام يحبيبتي ??
زينب بضحك ايه ب 50 الف خسااره فيااا ??
عمر بضحك لا خسااره ليااا
زينب فضلت تضحك فتابع عمر انتي بتتكلمي جد وربنا ??
زينب بضحك اه والله علشان في مستشفى خاص وبدون الم
عمر بضحك طب ولو بألم ??
زينب فتحت عينيها بتفاجئ وفضلت تضحك وضربته في صدره وتابعت لالا انت معفن بجد اوعاا كده
عمر فضل يضحك وتابع يابت بسال بجد وربنا حب استطلاع
زينب بضحك علشان مستشفى خاصه بردو فهتبقى 30 الف
عمر بضحك يانهاار اسود ايه الفرق ده !!! طب متتألمي يومين ونوفر العشرين ما كل اهلنا اتألموا فين تضحيه الام يعني هو معمولكم يوم في السنه ببلاش كده من غير الم ??
زينب فضلت تضحك وتابعت لالا بجد انت طلعت معفن … عادي كده مراتك حبيبتك تتالم اوعاا ياعمر غور من وشي
عمر فضل يضحك وتابع بحب يعمري بهزر معاكي مال الدنيا كله قليل عليكي يا ام حسام وباس ايديها بحب وتابع عادي يعمري ادفعلك اللي انتي عايزاه المهم تبقي بخير وتقوميلي انتي وهو بالف سلامه بس
زينب نامت على صدره وتابعت بحبك اوي بجد
عمر بحب وانا بموت فيكم
زينب بضحك اممم لسه مجاش وبقى يشاركني حبك اهو
عمر بحب طبعا لازم احبه مش ابني منك .. ده انا كنت بس بحلم تكوني بتبادليني نفس المشاعر ومستبعدها اوي بس الايام جريت وبقيتي مراتي وام ابني كمان فالازم احبه فوق الحب حُبين ده ابن الغاليه ده وذكرياته مميزه وغمز وهو بيضحك
زينب فتحت عينيها وفضلت تضحك وتابعت خد بالك بجد انت مش متربي والله العظيم
عمر بضحك ما هو انتي السبب عملالي حذر تجوال زي اللي كان بيتعمل ايام كورونا فمش مستوعب ازاي ربنا كرمنا بلسرعه دي ووالله ربنا بيحبنا لانه عارف لو هعتمد عليكي وعلى شغلي مفيهاش خلفه سنتين تلاته اقل حاجه
زينب بضحك الحمدلله فعلا كرمنا سريع سريع
عمر بضحك اه ما انتي مبسوطه بلحمل ومستغلياه لصالحك
زينب فضلت تضحك وتابعت اه بلظبط كده
عمر اعتلاها وتابع بابتسامه لا فكك من الجو ده انتي واحشتيني اوي والله العظيم
زينب بضحك طب اتلم واحترم نفسك انت مش قولت هتموت وتنام وخلتنا نروح ومنتعشاش عند اهلي
عمر بحب اه بس شوفتك فوقت بصراحه
زينب بضحك وحياتك عندي تعبانه وابنك هادد حيلي
عمر بضحك يبقى ابني وابوه مش مهم تعالي على نفسك انهارده ما احنا الاتنين عيالك ولا ايه
زينب بضحك ليه جبت كل الشحط ده انااا ينهار اسود
عمر بتمثيل حزن تصدقي يابت انك مهزقه يعني انا حاطك في مكانه الغاليه ست الكل تقوليلي كده
زينب زعلت انها ضايقته وتابعت لالا يحبيبي والله انا مقصدش كده خالص حقك عليا انا اه طبعا امك واختك وحبيبتك ومراتك وكل حاجه ليك
عمر بتمثيل حزن : مش واضح كده
زينب بدموع لالا عمر والله مش قصدي اوجعك بكلامي متزعلنيش منك مقصدش وغلاوه ابني حقك عليا
عمر بابتسامه خلاص خلاص متعيطيش عادي يحبيبتي محصلش حاجه ومسح دموعها
زينب بحزن اسفه بجد متزعلش مني وباسته برقه كذا بوسه متتاليه وهي بتعتذر منه ورايحه تبعد فقربها اكتر وباسها بعمق وحب واشتياق وابتسم بخبث على نجاح خطته بعدين لاحظ انها بتبعد نفسها عنه فبصلها بستغراب فتابعت بوجع اه مش قادره وغمضت عينيها
عمر بضحك خدي بالك انتي كل ما المسك بتستعبطي هببت ايه انا علشان اه مش قادره
زينب غمضت عينيها بالم وحطت ايديها على اخر بطنها وتابعت بدموع ووجع ااه عمر انا مبهزرش انا بتألم بجد اااه
عمر بقلق ايه ده مالك في ايه طيب فهميني حاسه بايه
زينب بتحاول تاخد نفسها وتابعت بعياط معرفش .. معرفش بس مش قااادره ااه
عمر بخوف يخربيت اهلك انتي لسه في السابع ايه يارب الجوازه اللي كل حاجه فيها بسرعه دي
زينب بعصبيه ودموع هو ده وقتته يااا عمررر اخلص وديني المستشفى يخربيتك انت وابنكك قرفتونيي
عمر بخوف حاضر .. حاضر والله ثواني وفضل يلف في الاوضه وهي عماله تعيط وتتألم وترته ودخل الدريسنج روم جبلها دريس وطرحته وخرج وتابع بخوف حاضر هلبسك اهو وننزل حقك عليااا
زينب بوجع وعياط حرام عليكم بجد حراام عليكم مش قااادره يارب خدني يارب ياريتني ما اتجوزت ولا اتنيلت
عمر بضحك وهو بيلبسها تابع انا مش هرد عليكي بجد علشان انتي في موقف حرج بس
زينب بعصبيه ودموع انت بتضحك على ايه ياا بااارد انت … حقك ماهو انت مش حاسس بحاجه فضلت تستخصر فياا القيصري بدون الم هولد طبيعي اهو وفضلت تعيط وتابعت مش عايزه طبيعي بجد ياربي
عمر بقلق حقك عليا لا والله هخليها تعمل كل اللي تقدر عليه بس متتعبيش يحبيبتي انا بهزر والله انتي عبيطه ولا ايه ولف طرحتها اي حاجه وخبى شعرها وشالها ونزل بيها وهو كان لابس بنطلون شروال اسود وتيشرت ابيض بيتي وركب عربيته وسابها في الكنبه اللي ورا وكلم مازن قاله يفوت يجيب الدكتوره بتاعت زينب ويقولها بتولد لانها هي نفسها بتاعت ياسمين
زينب بعياط ووجع مش قادره ياعمر بجد مش قادره وحاسه بينزل مني حاجات
عمر نفخ بتوتر وتابع بتولدي يا زينب انا مش فاهم ايه يخليكي تولدي في السابع بجد نحمد ربنا ونشكره اني جمبك وفي اجازه اهو محدش عمل حساب كده ابدااا
زينب بتعب ودموع لا مش قادره بجد حقيقي مش قادره .. اصلا غلط اولد في السابع مطمنتش على الرئه اكتملت ولالا انا خايفه اوي ياعمر وفضلت تعيط
عمر دموعه نزلت بتوتر وتابع خير باذن الله ممكن تهدي انا بقف على الحدود مش بخاف كده وترتي امي قسما بالله
وفضل يسرع علشان يوصل المستشفى بسرعه وهي بتعيط وبتتالم وهوسامعها وموجوع لعياطها اوي وبينفخ بضيق وشويه ووصل بلفعل وفتح باب العربيه وخدها ونزل بيها كان مازن وياسمين ونرمين وسيف ويونس وصافيه ومعتز وعايده جم ومعاهم الدكتوره لانها اقرب ليهم من بيت عمر
عمر بخوف اهي يا دكتوره يلا بسرعه بالله عليكي وحطها على الترولي
زينب بعياط وخوف لالا انا عايزاك معايا ابوس ايدك ومسكت فيه
عمر بدموع يحبيبتي مش هينفع وباس ايديها اللي مسكاه وتابع انا هنا هقرالك قران وهتطلعي وهتبقي زي الفل
زينب بعياط وخوف لالا ارجوك قولهم وتعالى معايا
سيف بحده ياعم ادخل معاها انا هكلم المسئول وهخليه يرضى عادي
الدكتوره يا سيف بيه والله مش هطول خليه وهي نص ساعه وهتخرجلكم
سيف ياست الكل باالله عليكي ما بنشوف على النت بيدخلوا وبيصوروا والحياه حلوه البت اتخضت والولاده جات فاجاه وعايزه جوزهاا مفيهاش اي حاجه يعني انا هكلم المسئول قوليله بس يعمل اي علشان يجهز
الدكتوره بتنهيده خلاص براحتكم تعالي يا عمر بيه ورايا علشان تلبس وتتعقم
عمر بخوف حاضر جاي وبيسيب زينب فعيطت وتابعت لالا علشان خاطري خليك
عمر وطى باس جبينها ودموعه نزلت وتابع داخل معاكي والله متخافيش وبص لسيف وتابع تعالى امسك ايديها لحد ما اجي
سيف راح مسك ايديها بين ايديه الاتنين وباسها بحب وتابع انتي قدها مينفعش تبقي اخت سيف الرفاعي وحرم عمر الهواري وترعبيه وترعبي نفسك كده
زينب بعياط وخوف انا خايفه على حسام اكتر مني مينفعش اولد سابع والله مش هستحمل يقولوا يدخل حضانه بعد الشر
سيف يحبيبتي فال الله ولا فالك قولي الخير مالك في ايه تفائلوا بلخير تجدوا وانتي مش اول واحده تولد في السابع اهدي كده ورددي الفاتحه في سرك وهتبقي انتي وحسام زي الفل والله
زينب بعياط وخوف يارب بجد ياارب
ياسمين بتوتر ودموع خير يحبيبتي باذن االله متخافيش
مازن غمض عينيه بحزن وتنهد بعمق وخد ياسمين في حضنه اللي عيطت بخوف على زينب ومن الوضع اللي هتبقى فيه فهمسلها اهدي ها زينب هتبقي زي الفل وانتي كمان وهتعدي والله
ياسمين بدموع وخوف يارب بجد يارب
نرمين بدموع اهدي ياقلب ماما هتبقي بخير والله
زينب بدموع وتعب يااارب بجد يااارب مش قااادره .. مش قاادره يارب
يونس نفخ بتوتر وطلع القران وفضل يقرا ويدعيلها وعمر كان جهز ولبس وجيه مسك ايديها وتابع بخوف يلا يلا خلاص انا معاكي اهو
زينب بدموع وخوف انا خايفه ياعمر .. خايفه بجد
عمر بدموع ابوس ايدك ماترعبي الواحد هي علشان جات فاجاه بس .. اهدي يحبيبتي اهدي مينفعش توترك ده غلط
الدكتوره بحب يلا هاتوها على الاوضه وبلفعل زينب دخلت ومعاها عمر وكلهم برا متوترين جدا وبيدعولها
وبعد شويه جوه في العمليات كانت الدكتوره بدات بلفعل وعمر قاعد ماسك ايديها وبيدعي في سره ومتوتر جداا وهي بصاله وصاحيه بس البنج مش كامل فتابعت بتعب عمر
عمر بقلق ايه يحبيبتي معاكي
زينب بتعب انا مش حاسه بجسمي بجد
عمر باس جبينها وتابع بسبب البنج يحبيبتي علشان متتألميش
زينب بتعب انا مش قادره بجد حاسه اني دايخه وعايزة ارجع وفضلت تغمض عينيها وتفتحها ببطئ وتابعت بجد مش قادره حاسه جسمي مش موجود
عمر باس ايديها وهو مغمض عينيه وتابع هانت خلاص وهتقوميلي بالف خير انتي وحسام ومش هتتعبي تاني والله
زينب بصتله وابتسمت بتعب وتابعت لما تشوفه قولي شبهك ولالا
عمر ابتسم من بين دموعه وتابع يعني هو هيبان اول ما يتولد يعني يا زينب
زينب بهمس اه هيبان قارنه بصورتك لما اتولدت انت كمان
عمر ضحك بصوت منخفض وهمس حاضر هعمل كده .. بس احنا بنتكلم بصوت واطي ليه
زينب بهمس علشان محدش يسمعنا دي اسرار بيتنا
عمر ضحك بصوت منفخض وتابع بهمس يعني مش علشان الدكتوره متطردنيش
زينب بحب وهمس لا متقدرش انا جوزي ظابط يعني مسيطر
عمر ابتسم بحب وتابع قلب جوزك والله
زينب بتعب هما حاطين البتاعه دي قدامي ليه انا اتخنقت
عمر ضحك بصوت منخفض وهمس علشان متشوفيش العمليه وتتخضي متعرفيش كده وانتي ممرضه ازاي يعني
زينب بضحك وهمس لا ماهو انا علشان ممرضه فمتعوده بتفرج على العمليات مش بخاف فاهما بيعملوا ايه بجد دلوقتي
عمر بحب ما علشان دي انتي فتختلف. .. عارفه عايز ارزعك بوسه وانتي مسهتنه وتعبانه كده علشان شكلك قمر حتى وانتي تعبانه وكده كده محدش شايفنا اعملها ??
زينب بضحك بس ياعمر اتلم بجد
عمر بحب مش عارف بصراحه وبص شاف ان محدش باصص عليهم فقرب باسها بحب بعدين رجع مسك ايديها طبيعي ففضلت تضحك عليه وتابعت يا ابني اتلم بجد مش هنا انت مجنون
عمر بضحك اعمل فيكي ايه ما انتي منكده عليا فكل حته والله
زينب فضلت تضحك بعدين تابعت بهمس وحرج عمر صح هو في رجاله شيفاني ??
عمر بحب لا طبعا وانتي فكرك انا هوافق بحاجه زي كده هما دكتورتك وطقم تمريض ستات متخافيش مفيش راجل غيري وغمز بضحك
زينب بضحك وهمس عادي انت اصلا مش شايف حاجه
عمر بضحك وهمس منا ممكن اقوم واسيبك دلوقتي واشوف براحتي
زينب بحرج لا بالله عليك وحياتي
عمر بضحك ده وحياتك انتي انا اللي غيرتلك ولبستك لبس المستشفى وانا اللي هلبسك هدومك لما نيجي نمشي فا فوقي كده يا غاليه واستوعبي اني جوزك مالك في ايه
زينب بحرج هو انا لابسه دي على اللحم ??
عمر بضحك اه طبعا مينفعش لبس في اوضه العمليات ما انتي عارفه
زينب بحرج وتعب بجد يخربيت الحمل على اللي عايزة تحمل
عمر بضحك قد كلامك يعني
زينب بصتله بحب وتابعت بتعب لا طبعا بهزر الحمدلله على النعمه وافتكرت وتابعت اه صحيح عمر انت مش جايبلي هدوم ليا ولابنك نروح بيها
عمر بصدمه اه صحيح يانهار اسود اما انا جيت بهدوم البيت وقام وقف وتابع ثواني جايلك اقول لسيف ويونس يروحوا يجيبوهم الجو برد على الواد يجي ميلاقيش لبس من اولها كده وضحك
زينب بتوتر وخوف لا بالله عليك خليك جمبي
عمر بحب جمبك يحبيبي بس هقولهم وجاي وهمس للدكتوره فهزت راسها بتمام وخرج
سيف بخوف ها طمني
عمر خير قربت بس بسرعه اخطف رجلك انت ويونس وخدوا ياسمين وهاتولي لبس لزينب ولحسام من البيت
نرمين بصدمه ياموري نسيت حاجتهم
عمر ياست الكل انا نازل بلبس البيت بنتك صرعت اللي جابوني
ياسمين بخوف طب يلا يلا بسرعه
مازن لا طبعا بيتك بعيد روحوا بيت الرفاعي وهاتوا لبس ليها من هناك ومن اي مول لبس وبطانيه لحسام مؤقتا
عمر بقلق اعملوا الصح يجماعه انا متوتر فاعملوا اللي تشوفوه صح مش عارف افكر من التوتر
سيف خلاص خلاص خليهم كلهم انا هروح اجيبلها من امنيه لبس والمول قريب من بيت الرفاعي هجيب لحسام اللبس
عمر بضحك يا ابني لازم ياسمين علشان هقولها تجيب ايه لاختك انت مش هتفهم
سيف بتنهيده فاهم خلاص هجيبلها كل حاجه دي اختي ها فمفيهاش احراج
يونس بضحك الاحراج في طلبك انت من مراتك للحاجات دي يغالي
سيف بحرج لا ولا احراج ولا حاجه هقولها حضريلي طقم كامل من اوله لاخره هتفهم وبعدين دي مراتي مالكم في ايه
عمر بضحك والله انت هتموتني ماهو عادي فعلا علشان مراتك بس حاسس ان انتوا مكبرين الموضوع .. المهم خلاص روح يلا بس بسرعه يا سيف بالله عليك
سيف بتنهيده حاضر حاضر
يونس هاجي معاك بس هجيب انا لبس حسام وارجع علشان مفيش وقت
سيف اه اه كده صح
عمر بتنهيده معلش بس بسرعه يا رجاله هتعبكم
سيف بس يحيوان بطل عبط احنا اخوات ودي اختي وابن اختي انت بتقول ايه بجد
عمر بضحك اهو انت بلذات حقك عليا اني جبتك ونزلت ليله دخلتك
سيف بابتسامه لا عادي والله
يونس بهمس وضحك لعمر لا ده هو ما صدق لقاها حجه يا غالي متقلقش
عمر فتح عينيه بتفاجئ وتابع بضحك قول وربنا
يونس بضحك وربنا
عمر فضل يضحك وتابع لالا ده انت عايزلك روقه الموضوع طلع كبير بجد فا البت تولد ونشوف الموضوع ده
سيف بضحك يلا يا يونس يا ابن الكلب يلا اخلص
يونس بضحك حاضر جاي ومشيوا سوا فتابع يونس بضحك بذمتك شكلك مكنش وحش لما قومت لبست ونزلت وانت مفهمها انك تعبان ومن الدوخه مش قادر ترفع راسك
سيف بضحك انت بتقول فيها ده شكلي كان خرا انا لقيتها بصتلي مستغربه كده وقالتلي ايه حصل معجزه ???
يونس فضل يضحك فتابع سيف بضحك اه وربنا فقولتلها مخضوض يا امنيه هو ده وقته رغي قالتلي طب هاجي معاك قولتلها لا ونزلت انا
يونس بضحك كانت هتأخرك اكتر
سيف بضحك لا مش دي الفكره بس انت في الصعيد يا غالي عايزني انزل ليله دخلتي بمراتي وش الفجر ونروح مستشفى ده على جثتي
يونس فضل يضحك لحد ما عينيه دمعت وتابع مش قادر .. مش قادر بجد ماهو ده اللي ناقص بصراحه
سيف بضحك بس يحيوان اخرس انا سيف الرفااعي هنستعبط ولا ايه
يونس بضحك ما هو سيف الرفاعي ده بيتكلم بس مشوفنالوش افعال
سيف بضحك متحاولش تستفزني علشان مش هتعرف
يونس بضحك لا وانا استفزك ليه انا مالي هي امنيه هتفضل تستفزك لحد ما حصونك تنهار
سيف بضحك حاسسها والله امنيه مش هتعديها على خير
يونس بضحك طب بالله هي نفسها ممكن تفهمك غلط عيب يا ابني كده .. انت باسلوبك ده بتعرنا كرجاله
سيف بضحك مش مهم خليها عليكم علطول بتبقوا صنف مش محترم واحد اهو خرج برا القاعده
يونس بضحك ما دي بتبقى مشكله لما الراجل يبقى محترم
سيف ضحك ونزلوا وبلفعل يونس راح يجيب لبس البيبي وسيف راح البيت وفتح الباب امنيه كانت قاعده في الصالون فوقفت وتابعت بتوتر ها يحبيبي طمني ولدت ??
سيف بتنهيده بتولد خلاص وعمر نسي لبسها هي وحسام فمعلش يحبيبي هاتيلي من عندك دريس واسع مريح وطرحته وكامل يعني
امنيه بضحك حاضر يحبيبي من غير معلش دي اختي بس ايه كامل دي هقطعه مثلا هو الدريس بطرحته
سيف تنهد بعمق وتابع امنيه انا مش عايز غباء على المسا انا اقصد لبس تلبسه قبل الدريس بردو يعني لو انتي هتلبسي كده وانتي واخده شاور هتلبسي ايه فكل اللي هتلبسيه هاتيه فهمتي كده ??
امنيه بحرج على فكره انت مش محترم
سيف فضل يضحك وتابع مش محترم ايه يابت انتي هو انا قولت حاجه ده انا بسطتها بكل ادب مع انك مراتي فممكن اقولها دوغري عادي بس انا مراعي اننا لسه مستجدين وفضل يضحك
امنيه بحرج هشش خلاص فهمت اسكت ودخلت وجابت دريس بيبي بلو بطرحته وحطت كل حاجه وشالتهم في شنطه وتابعت بحب امسك اهو يا حسام وقولها جديد والله بلتيكت بتاعه علشان متفكرش لبسته قبل كده
سيف بحب ولو لبستيه يعمري عادي وباس جبينها وتابع تعبتك
امنيه بحب لا ولا تعب ولا اي حاجه دي اختي بس بردو تلبسه جديد ده يوم عيدها انهارده علشان اخيراا هتشيل ابنها من حبيب عمرها على ايديها وابتسمت وتابعت ولونه بيبي بلو علشان هتجيب ولد مدلعاها اهو
سيف ابتسم بحب وتابع بحب فيكي كل حاجه حتى حلاوه قلبك دي وباس خدها وتابع عقبالك يعمري
امنيه بضحك يارب والله اتمني
سيف برفعه حاجب قصدك ايه يابت انتي ??
امنيه ضحكت بحرج وتابعت ايه قصدي ايه بتمنى يبقى قريب يعني
سيف اممم قولتيلي طيب ياختي نامي علشان لو اتاخرت ها
امنيه بضيق طب ما تاخدني معاك منا قاعده مش بهبب حاجه
سيف بحده انتي عبيطه في دماغك ولا ايه لا طبعاا في عروسه تنزل ليله دخلتها الشاارع !! خشي اتخمدي يا امنيه
امنيه بحزن خد بالك انت من ساعه ما اتجوزنا اسلوبك غريب وعمال مصدع مصدع ولما سمعت مازن نازل قومت جري تشوف في ايه مالك يا حسام
سيف تنهد بعمق وتابع مش وقته رغي حقيقي انا اعصابي تعبانه علشان اختي في العمليات فاكيد ده مش وقته اننا نتكلم في حاجه زي دي وانا مصدع جدا مكدبتش عليكي ومفيش سبب يخليني اكدب بس خوفي على اختي خلاني تحمالت على نفسي وجريت اشوفها هي ليها غيري يعني
امنيه بتنهيده لا طبعا ازاي ما انت اللي قاعدلهم هنا صحيح .. لا حقيقي اقنعتني خلاص يا حسام روح لاختك محصلش حاجه يحبيبي
سيف باس جبينها بعمق وتابع بحب متشغليش دماغك كتير هاا مفيش حاجه والله العظيم انا بحبك
امنيه ابتسمت بوجع وتابعت اممم عارفه طبعا تصبح على خير
سيف تنهد بحزن وتابع وانتي من اهله
وامنيه دخلت اوضتها اللي اخر الطرقه ورزعت الباب فاتنفس سيف بصوت عاالي وتابع بحده والله قادر ادخل اكسره على راسها بس مش وقته .. ماشي يا امنيه ماشي ونزل وقفل الباب وهي في اوضتها دموعها نزلت وتابعت هو ده يوم فرحي اللي استنيته !!! .. عنده استعداد يهتم بلدنيا كلها الا انا ومن ساعه الخطوبه بتحايل عليه يحطني في وقته شويه .. انا والله العظيم مكنتش عايزاه يلمسني ومن نفسي كنت هطلب منه شويه وقت لاني حقيقي مش جاهزه نفسيا بس هو اصلا محسسنيش انه عايزني او فرحان اني بقيت معاه وقامت بصت على نفسها في المرايه وتابعت طب والله شكلي فعلا حلو هو ازاي مش فارقله اني بقيت معاه للدرجه دي ??? ودموعها نزلت بحزن وراحت قلعت الروب ونامت وخدت المخده في حضنها وفضلت تعيط بحزن وصمت واتغطت وحاولت تنام
—–
في المستشفى عند زينب وعمر وتحديدا في اوضه العمليات
الدكتوره خرجت البيبي من بطنها وخبطت على ضهره وصوته بدا يطلع وزينب شافته هي وعمر ودموعهم نزلت بفرح وبصت لعمر بحماس ودموعها بتنزل وتابعت بدموع اخيراا وصل اللي ختم قصتنا وتعبنا وحرب كبيره اوي عشناها يا عمر
عمر سند جبينه على جبينها وغمض عينيه ودموعه بتنزل وتابع اقسم بالله انا ما عارف اوصفلك حاسس بايه
زينب بدموع احساسك وصلي والله
عمر باس جبينها وايديها وتابع بحب ودموع الف حمدلله على سلامتك ينورعيني
زينب بحب ودموع الله يسلمك يحبيبي
الدكتوره مسكت البيبي وقربته من وزينب وعمر وتابعت بحب اهو البيبي استني بقي نخلص العمليه يكون خد شاور وتبوسيه وتشيليه براحتك
زينب بدموع لالا قربيه كده مش هقرف من ابني عايزه ابوسه
الدكتوره قربته فعمر وزينب باسو خده ودموعهم بتنزل بفرح فتابعت زينب بدموع ينورعيني انت بص صغير وعسل ازاي ياعمر صغير خالص وجميل بجد
عمر ابتسم من بين دموعه وتابع بسم الله ما شاء الله ربنا يحفظهولنا اللهم امين بجد وباس جبين زينب وهو ماسك ايديها فابتسمت بدموع وتابعت خليهم يخلصوا بسرعه عايزه اشيله بالله عليكي وواحده واحده عليه
الدكتوره بضحك حاضر حاضر والله متخافيش
عمر بقلق طب ايه طمنيني عليه يا دكتوره هو مولود كويس ولا بعد الشر هيدخل ح
اادكتوره بمقاطعه لالا بعد الشر هو زي الفل هتروحوا بيه عادي
زينب بدموع فرح اللهم لك الحمد بجد
عمر تنهد بارتياح وتابع الحمدلله بجد نشكر ربنا ونحمد فضله
وبلفعل شويه وكملوا العمليه والممرضات خلصوا البيبي وجهزوه ولبس وراحو ادوه لعمر فشاله وتابع بدموع وحب بسم الله الرحمن الرحيم وفضل يهمس في ودانه بيقول الاذان
الدكتوره بحب خلاص طلعوها للاوضه وانقولها على السرير وشويه وتغير هدومها وتمشي يلا يا عمر اطلع هي جايه وراكم خلاص
عمر بحب حاضر وبص لزينب فهزتله راسها بماشي وهي مبتسمه بدموع فرح
وخرج عمر وتابع بابتسامه اول حفيد في عيله الهواري سمي يا امي
كل الستاات زغرطوا بفرح ونرمين شالته من عمر وتابعت بدموع فرح بسم الله ما شاء الله ايه السكر ده … يخواتي على العسل ربنا يفرحكم بيه وعقباال ماتخوه يحبيبي
عمر بحب يارب ياست الكل تسلمي
سيف بضحك وريني ده انا سايب عروستي وجاي علشان اشوفه حبيب وعيون خالو ده
يونس بضحك لا الخال والد وبيضحي بصحيح وغمز لعمر
فعمر ضحك وضرب كفه في كف يونس
سيف سمى وشاله وتابع بضحك طب مش عايز اهينكم وازعلكم هاا وانت بلذات اتلم واحترم نفسك انت بقيت اب يعني مفروض عقلت خلاص
عمر بضحك لا مبعقلش انسى الكلام ده
سيف بص للبيبي وابتسم بحب وتابع ايه الحلاويات دي اكيد طالع لزوزا مش لابوك المعفن
عمر بضحك تشكر يا عم
ياسمين بصت عليه وتابعت بضحك بسم الله ما شاء الله اللهم بارك قمر بس لا مش مناخير ولا بوق زينب دول
عمر بضحك ايوه هو ابني انا لوحدي مش ابنها هي لاحظت وربنا من واحنا جوه
مازن بصله وبص للبيبي وتابع بضحك ماهي مناخيرك وبوقك انت صح هي بنت عمي مشاركتش معاك ولا ايه
عمر بضحك وغمز عيب عليك انا چيناتي مسيطره
نرمين بضحك اخص عليك يا عمر الواد يجي مفيهوش من زينب كده خالص
عمر فضل يضحك وتابع انا مال امي ياست الكل مش بنتك اللي بتموت فيا فجابت شبهي
سيف بضحك بس يحيوان هو لسه بانله ملامح هو شبه زوزا باذن الله لما يكبر
يونس بضحك اما من اولها وجايب مناخيره وبوقه هو هيجيب زوزا منين يعني
سيف بضحك بس يحيوان انت كمان اخرس لما انا اقول هيجيب زوزا يبقى هجيب زوزا هو احنا خلصانين من عمر واحد اما يبقو اتنين ناقصه قرف
عمر بضحك تشكر يا قائد طلما انت شايف كده انا مش هتكلم
صافيه بضحك ليه مالو عمر ده سيد الرجاله اهو وزي القمر
عمر راح باس ايديها وتابع بضحك بالله يا صفصف انتي الوحيده اللي تتعاشري في الناس دي
كلهم ضحكوا فتابعت صافيه بضحك حبيبي والله يا واد ياعمر سيبك منهم ده هي بتعشقك فجابت ابنك نسخه منك الصح ان الفرسه الاصيله تجيب لخيالها
كلهم فضلوا يضحكوا فتابع مازن بضحك يعني لو مجاش شبهي اقتلها يا صفصف ??
صافيه بضحك سمسمه هتجيب شبهك من غير مانفكر والله يا مازن
ياسمين بضحك قوليله بقى علشان عايزو شبهي انا
صافيه بضحك انتوا الاتنين قمرات والله بس هو هيجي شبه مازن من كتر ما بتحبيه
سيف كان واقف قدام وعمال يتصور مع البيبي فتابعت نرمين بابتسامه ودموع عقباال ما نشوف عياله قادر يا كريم
ياسمين بحب اللهم امين يارب بصي فرحان بيه ازاي
يونس بضحك معتقدش
عمر كان كاتم ضحكه فانفجر من الضحك وضرب كفه في كف يونس اللي عمال يضحك زيه بشده
نرمين بستغراب مالك بيه يا واد انت وهو بتحفلوا عليه ليه
يونس من بين ضحكه لاالا مفيش علشان نزلناه وخليناه ساب العروسه بس
عمر بضحك لالا انت بتقول ايه ده القائد يعني مفيش حاجه تصعب عليه اصلا هو حاجه من اتنين يا خلص يومه يا هيروح يكمل يومه
يونس بضحك وهمس او مبدائش يومه
عمر فضل يضحك بشده فتابع سيف بستغراب وهوجاي عليهم : ايه بيوزعوا نكت ??
عمر ويونس كتموا ضحكهم وتابع يونس لالا خالص عقبال فرحتك بي بريتي يا غاالي
سيف برفعه حاجب لا يا جدع
عمر بضحك اه مفيش حاجه متهربش انت بس من الكلام وشد حيلك علشان تجيبلي عروسه الواد احنا هنجوزه بدري مش هنضيع وقت زي خالو سيف
يونس فضل يضحك بشده فتابع سيف برفعه حاجب ماشي اللي ميزعلش يا ابو حسام
عمر بضحك لا يغالي سيبك مني اهم حاجه انت متزعلش
سيف بابتسامه لا انا هسيبك تتفاجئ هعمل ايه ومش هديكم بريتي اصلا
عمر بضحك براحتك ده ابن زوزا هو ابني لوحدي
سيف بضحك نفكر لاجل زوزا بس
الممرضه خرجت وتابعت نقلناها خلاص اتفضلوا شوفوها
كلهم دخلوا كانت زينب نايمه ومرجعه ضهرها لورا فتابعت نرمين بحب الف حمدلله على سلامتك يحبيبت ماما وباست راسها
زينب ابتسمت بتعب وتابعت الله يسلمك ياست الكل
سيف بحب حمدلله على سلامتك يا زوزتي
زينب بحب الله يسلمك ينورعيني عقبال عيالك يحبيبي
سيف بحب اللهم امين يارب
يونس بهمس وضحك لسيف: طب مش تسعى لتحقيق هدفك ولا هو امين وخلاص
سيف بصله وهمس بضحك اقسم بالله كلمه كمان هزعلك
يونس فضل يضحك وبص لزينب وتابع بحب الف حمدلله على سلامتك يحبيبتي وعقبال ماتخاويه يارب
زينب بضحك الله يسلمك يا غالي بس لا بعد المر اللي شوفته ده هو حلو اوي كده ماله حسام بس
عمر بضحك معلش هاودها تخريف بنج يا جماعه
زينب بضحك معلشين ياخويا هو انت عليك ايه صحيح ما انا اللي طلع عيني
عمر بضحك وغمز اقولك عليا ايه بس متزعليش
كلهم ضحكوا فتابعت زينب بحرج وضحك والله انت متربتش اوعاا كده .. شايف يا سيف
سيف بضحك اعمل ايه طيب مراته هرد اقوله ايه هو مترباش بس الواحد ميقدرش يتكلم دلوقتي للاسف
عمر بضحك انت تخرس خالص بعد ما رفضت ابني
زينب بتفاجئ بتهزر صح
عمر بضحك لا والله قالي لو جاب بنت مش هيديها لابننا واسألي يونس
يونس بضحك حصل انا شاهد
زينب بضحك كده يا سيف اخص عليك
سيف بضحك يعمري دول اشكال رمه ملكيش دعوه بيهم انا هعامل حسام على انه ابنك انتي ودي هتشفعله عندي وهوافق عادي
عمر بضحك مش هتعرف يحبيبي هيبقي اسمه حسام عمر الهواري اسمي ملازمه خلاص فابني غصب عنك
سيف بضحك يا ابني مش عايز اهزقك قدام الناااس
زينب بضحك سيبك منه اتغاضى عن فكره انه ابنه طلما مضايقك انا موفقه نجوزه بريتي بس شد حيلك
سيف بتنهيده قولي يارب
زينب بحب يارب يحبيبي قريب باذن الله
صافيه وانت ايه نزلك وخلاك تسيب عروستك يا سيف بيه هاا
سيف بتنهيده يعني يا تيته اختي بتولد اسيبها واقعد في البيت اعمل ايه يعني
صافيه بضحك تعمل ايه ?? ده في حاجات كتير مفروض تتعمل ربنا يستر لحسن انا مش مرتحالك
يونس وعمر فضلوا يضحكوا فبصلهم سيف برفعه حاجب فكتموا ضحكهم وتابع سيف بتنهيده هو بعيدا عن ان مفيش اعصاب للي بتحكي فيه ده علشان اتوترت بسبب ولاده زينب بس هو عموما وقته عدا احنا طالعين من الساعه 12 ونزلت وسبتها 5 فخلاص يجماعه الحمدلله كل حاجه عدت بخير فمش عايز رغي تاني على الموضوع ده
معتز بضحك رفعت راسنا يعني
سيف بضحك عيب عليك تشك في ابنك
معتز بابتسامه لا طبعا يحبيبي ربنا يسعدكم ونشوف عيالكم يارب
سيف بحب يارب وبص ليونس وعمر لقاهم ماسكين نفسهم بلعافيه ان ميضحكوش فعمل بايديه على دقنه بمعنى ” هوريكم الصبر عليا” فتابع يونس بضحك طب انا بكره ورايا يوم طويل في الجامعه عندي تصحيح فهمشي انا
سيف برفعه حاجب خدني معاك يحيوان علشان كفايه كده
يونس بضحك وهمس اما انا عايز اهرب منك
سيف بابتسامه اممم منا عارف خليها عليك بقى
نرمين بحب طب ياعمر هتعملوا ايه كده تيجي انت وزينب تقعدوا في اوضتها لغايه ماتشد حيلها ولا اجي انا معاكم
عمر بحب اللي حضرتك تقولي عليه اكيد مش هقولك تعالي او متجيش
زينب بتعب عمر معلش خلينا نروح عندهم لحد ما ابقى كويسه ونمشي
عمر بتنهيده خلاص هوديكي بس هرجع انا البيت مش هعرف اقعد برا
سيف برفعه حاجب برا فين يحيوان انت .. هو انت هتعمل فيها نسيبنا صحيح ولا ايه ده انت متربي معانا
عمر بضحك لا مش كده والله بس علشان تبقوا براحتكم في بيتكم
نرمين بحب يحبيبي مفيش بنت في شقتنا الا مراتك وانا وعمك معتز في اوضتنا واغلبيه اليوم تحت ده حتى سيف بيقعد في شقته دلوقتي واوضته فضيت فا الاوض كتير اقعد مع مراتك في اوضتها كبيره وفيها حمام وانا كل ما تعوزني تناديني هجيلها
عمر بتنهيده صدقيني انا عارف ولما قعدت معاكم ساعه لما اتكسرت شوفت معامله كاني في بيتي بس مش عارف حاسسها المره دي ان
معتز بمقاطعه هتيجي معانا خلصت خلاص متزعلش عمك يا عمر هي زينب اختارت انها هي اللي تيجي علشان تبقي بتفرح وسط كل اهلها وامها كمان تفضل معايا علشان الشقه متفضاش عليا وتيجي على نفسيتي لان حتي سيف مبقاش معايا
زينب بحزن اه انا فكرت في كده بصراحه
معتز بتنهيده وانا عارف تفكيرك يابنتي يلا روح شوف هتخرج امتى وهتيجي معانا الامر منتهي خلاص
عمر ابتسم بحب وتابع خلاص ماشي هروح اشوف وادفع الحساب وجايلكم وبص لسيف وتابع فين لبسها
سيف بحب اهو مع ياسمين
ياسمين بحب امسك واديته الشنطه وراحت حضنتها وتابعت بحب مليون مبروووك يعمري الحمدلله انك بقيتي بخير
زينب بحب تسلمي يعمري عقبالك يارب
ياسمين بحب يارب بجد
مازن بحب الف مليون مبروك يا زوزاا
زينب بحب الله يبارك فيك يا غالي
عايده بحب مليوون مبروك يا قلب مرات عمك
زينب بحب الله يبارك فيكي يا عايوده عقبال فرحتك بابن مازن وفرح احمد يارب
عايده بحب يارب يحبيبتي تسلمي
سيف بحب طب همشي انا ها علشان عيني قفلت بجد
زينب بضحك اليوم بجد يتحط في قائمه اغرب يوم في التاريخ يعني من اوله رجعتوا من سينا وجينالكم قولتلنا هنعمل ايه وكتبت كتابك على امنيه وحسام بيه ختمه وشرف كل ده وانتوا صاحيين
سيف بضحك فداه كل حاجه مسك الختام ده وباس خده وتابع بحب عقبال ماتشوفيه ظابط قد الدنيا وغمز ليونس اللي فضل يضحك
زينب نعممم ده على جثتي تحصل
كلهم فضلوا يضحكوا فتابع سيف بضحك خليكي قد كلامك بقى امسكي ابنك اهو بس سمي الاول
زينب بضحك هتشوف والله هو انا ناقصه مرار مش كفايه عشت وسط اخواتي ظباط بعدين جوزي وسمت وخدته من سيف وبصتله بحب وابتسمت بفرح وقربت باست جبينه
سيف بحب هروح انا ها وتعالوا ورايا مش قادر
نرمين بحب روح يحبيبي
مازن بحب خدنا معاك طيب
سيف بحب يلا
مازن حط ايديه على كتف ياسمين وتابع بحب يلا يا سمسمه ومشيوا
وشويه وجيه عمر وتابع بحب يلا هتغيري ونمشي وشويه انا هروح اسجله لما السجل يفتح
نرمين بحب طب الحمدلله هات اغيرلها بقى
عمر اداها الشنطه فتابعت زينب بحرج لا
نرمين بستغراب لا ايه
زينب بحرج لا متغيرليش انتي يا ماما معلش
نرمين بضحك شوف البت بقيتي واحده ست وبتتكسفي مني يا زينب
كلهم فضلوا يضحكوا فتابعت زينب بحرج اه معلش هتحرج منك حقك عليا وبصت لعمر
عمر بضحك ايه يحبيبي بتبصيلي ليه خير
زينب بحرج معلش يا عمر غيرلي انت
عمر بضحك انتي بتتكلمي جد وربنا ??
صافيه بضحك بتعملي ايه للواد مش مخلياه مصدق نفسه يابت انتي ها
زينب بحرج مش بعمل حاجه بس بتكسف منه كتير
نرمين بضحك شوف البت ودلوقتي مش بتتكسفي يعني
زينب بحرج ما لو هترسي عليكي ولا على عمر يبقى على عمر اكيد
كلهم فضلوا يضحكوا فتابعت عايده بضحك حقها طبعا ده جوزها يعني مرايتها ما اكيد مش هتتكسف منه وتتكسف منك
نرمين بضحك دي بت نادله وبياعه ما ياما غيرنا ولبسنا يلا يابتاعت عمر قومي غيري واخلصي
عمر بضحك بالله ده عمر نفسه مش مصدق اللي بيسمعه
زينب بضحك وحرج طب اخلص بجد
عمر بحب حاضر والله ادي حسام لماما طيب
ونرمين بلفعل سمت وخدته وعمر وطى شالها بين ايديه فتأوهت بوجع فتابع بخوف اسف اسف حقك عليا ودخل بيها الحمام وبدا يقلعها هدوم المستشفى ويلبسها هدومها وهي وباصه للارض
عمر بضحك طب بتتكسفي مني انا كمان ليه دلوقتي
زينب بحرج منا اكيد بتكسف منك بس انت بنسبالي اهون من ماما بجد
عمر رفع وشها فعينيها بقيت في عينيه وتابع بحب اشمعنا بقى فهميني
زينب ابتسمت بحب وتابعت علشان احنا واحد ياعمر يعني لو انا لابسه مكشوف وماما او بابا او سيف دخلوا فاجاه انا هجري من عينيهم وهستخبى فيك مش علشان هيبصولي لا طبعاا دول اهلي بس ده الطبيعي مجرد ما اتكتبت على اسمك بقيت حته منك انت وزي ما مرات عمي قالت بقيت مرايتي فمتكسفش منك وانت الوحيد اللي اتغطى فيه من عيون الناس بس عيونك انت حقها تبصلي فكل وقت
عمر بحب قولتلك قبل كده اني بموت فيكي ??
زينب ابتسمت بحب وتابع اه كتير يجي 100 مره
عمر بحب يبقي بقولهالك للمره ال 101 بموت فيكي وقرب باسها بحب ورجع يلبسها هدومها
زينب بضحك وقته ده يعني علطول فاضحنا فكل حته كده
عمر بضحك اخرسي خالص علشان فضلتي تدلعي الصبح لما رجعت من السفر واديكي ولدتي وفيها شهر تاني منا ماتبقي كويسه وهكون سافرت
زينب اتفاجئت وتابعت ااه صح وابتسمت بحزن وتابعت ياروحي حقك عليا بجد مكنتش هعرف هولد بجد
عمر بحب بس يعبيطه وباس راسها وتابع بحب المهم بقيتي بخير واطمنت عليكي وولدتي وانا هنا دي بلدنيا بجد ونحمد ربنا عليها كله بعد كده يتعوض عادي الايام جايه كتير .. هاتي ايدك يلا
زينب اديته ايديها وتابعت دريس مين ده
عمر بحب امنيه
زينب حرام والله باين عليه جديد من جهازها اتربينا احناا علشان ننسى حاجتنا كده
عمر بضحك يا شيخه اتنيلي احنا محضرناش حاجه اصلااا علشان ننساها
زينب بضحك ماهو بارد زي ابوه صرعني وجيه فاجاه زيه اكيد مش هحضر الشنطه قبلها بشهرين
عمر بضحك تصدقي صح الصبح انا فاجئتك وبليل ابنك فاجئك
زينب بضحك هي علاقه كلها مفاجاه وعرفت فاجاه انك بتحبني واتجوزنا فاجاه وحملت فاجاه وخلفت فاجاه
عمر بضحك مفيش احلى منها والله
وساعدها تكمل لبس وخدها ومشيوا كلهم يروحوا بيت الرفاعي
عند سيف كان وصل بيته وغير هدومه وراح عند السرير شافها نايمه وحاضنه المخده ودموعها مغرقه المخده فتنهد بحزن وشال المخده ركنها على جمب ونام جمبها وحط ايديه على وسطها وشدها ليه وخدها في حضنه وغطاهم ورجع حط ايديه على ضهرها وقربها ليه وباس جبينها وخدها بوسات متتاليه وهمس بحزن حقك عليا بجد والله مقصدش ازعلك وباسها بحب وبص لملامحها الحزينه وتنهد بحزن وهمس وغلاوتك عندي بعدي عنك غصب عني يا امنيه وابتسم بحزن وتابع ده انا بتمنى اكون معاكي دلوقتي قبل بكره بس خايف .. وغلاوتك عندي خايف اخسرك وخوفي من خسارتك اكبر بكتير من رغبتي في اني اكون معاكي علشان انا بحبك بجد وغمض عينيه وهمس انا متبقاش ليا غيرك يا امنيه ومش عايش غير علشانك فارجوكي خليكي جمبي علطول ودفن وشه في رقبتها وباسها بحب وغمض عينيه ينام
——-
تاني يوم الصبح في بيت الرفاعي قاعدين بيفطروا ماعدا زينب وعمر نايمين وزيهم امنيه وسيف
منصور بحب طب هتصحى امتى عايز اشوف الواد
عايده بضحك شهد بردو قبل ما تنزل للامتحان كانت مصممه تشوفه بس كانوا نايمين نرمين مرضيتش تفتح عليهم تصحيهم فالما يصحوا هنزلهولك ياابويا من عيني
ايمن بابتسامه عقبال ماتخويه يارب مبروك اول حفيد يا معتز
معتز بحب تسلم يا غالي عقبال مازن واحمد
عز بحب سمسم معلش يحبيبتي هاتيلي كوبايه القهوه بتاعتي من جوه عملتها ونسيتها خالص
ياسمين رايحه تقوم فتابع مازن بحب خليكي يعمري كملي اكلك هقوم انا وباس راسها وقام
نرمين بحب احمد هيستني شهد ولا جاي
عايده بحب لا هيستناها كلعاده
صافيه تنهدت بارتياح وتابعت الحمدلله خلصنا وارتاحنا
عز اه والله ياما على خير باذن الله وفرحتنا تكمل
يونس بحب خير باذن الله يلا هنزل انا رايح الشغل
نور بتنهيده انا مخنوقه اوي عايزه انزل شويه يا بابا
ايمن بتنهيده تنزلي تروحي فين يا نور
نور بضيق مش عارفه بس حقيقي مش طايقه نفسي
مازن بحب امسك يا عمي
عز بحب تسلم يحبيبي
مازن بص لنور وتابع خليكي قاعده وانا هخلص شغل في الكافيه وهفوت اخدك انتي وسمسم واخرجكم شويه
نور بتنهيده هو انا لسه هستني تخلص بالله عليك ما طايقه البيت
يونس لبس الجزمه وتابع بحب طب تعالي معايا الجامعه اخلص التصحيح ونقعد شويه في الكافيه اللي بتحبيه جمب الجامعه ونيجي
نور بحماس اوكيه وبصت لابوها وتابعت بليز وافق يا بابا ارجوك
ايمن بحب روحي يحبيبتي
نور بحماس اوكييه وطلعت تلبس بسرعه وتابعت مش هتاخر يا ابيه
يونس بابتسامه على مهلك يحبيبتي وبص لايمن وتابع متخافش عليها
ايمن بحب انت اخر واحد افكر اخاف على نور وهي معاه
يونس بحب تسلم يا غالي وبص لياسمين وتابع كلي عدل يا مسمومه مفروض انك حامل
مازن بتنهيده لالا دي هتشلني
ياسمين بضحك والله باكل بس نفسي مسدوده انا مالي انا
عايده بحب معلش يحبيبتي تعاالي بس على نفسك شويه علشان اللي في بطنك
ياسمين بتنهيده حاضر يا ماما
منصور محدش هيطلع يودي صباحيه سيف ومراته ولا ايه
نرمين بحب طالعه بس مستنيه ياسمين تخلص علشان هتجبلي الكحك والبسكويت من عندها
ياسمين رايحه تقوم وتابعت طب استني اجبهوملك
نرمين لالا اقعدي كملي اكلك براحتك كده كده لسه هكمل باقي الصنيه
مازن قعدها على الكرسي مكانها وتابع بحده طب كلي عدل علشان مهزقكيش بتتلكك علشان تجري وتسيب الاكل
ياسمين بضيق حاضر
ونور نزلت وتابعت بحب يلا انا جاهزه
يونس بحب يلا وخدها ونزلوا
عند احمد وشهد
احمد كان واقف متوتر اوي ومستنيها تخرج وبلفعل دقايق وشافها قدامه فتابع بقلق ها طمنيني ايه الاخبار
شهد بضحك بقولك ايه المهم خلصت بجدد
احمد بقلق اه اكيد وفخور بيكي طبعاا بس طمنيني
شهد بحب كويس الي حد ما
احمد بصدمه الي حد ما ?? يبقي عكيتي وضرب بايديه علي العربيه وهو مغمض عينيه بضيق
شهد بخوف طب بالله بتخوفني منك ليه هو ده اللي فخور بيكي اي ان كانت النتيجه
احمد تنهد بعمق وتابع فخور بيكي اكيد بس الماده دي تعبنا فيها اوي مستحرم تعبك يروح بسبب توترك
شهد بحب لالا متخافش كويس والله
احمد بتنهيده يارب خير بجد وباس ايديها وتابع بحب المهم فعلا انك خلصتي مباارك ياست البنات كنتي اشطر واجمل بنت تدخل ثانويه عامه وتعمل اللي عليها من اول يوم لاخر يوم
شهد بدموع ده لولا وقفتكم جمبي بجد وحقيقي هي صعبه عليا اوي مريت فيها بكل انواع الوجع والصدمات
احمد مسح دموعها وتابع بحب ما علشان كده فخور بيكي اوي وخلي دموعك دي ليوم النتيجه تنزل من الفرح باذن الله
شهد بحب يارب بجد يا احمد
احمد بحب يارب اللهم امين يا قلب احمد ولف يركب وتابع بحب يلا اركبي ده انا عازمك على مطعم على البحر على حتت اكله هتعجبك
شهد ركبت وتابعت بضحك هتصرف وتكلف انهارده اهو
احمد بضحك طبعا ده الليله عيد ورفع ايديها باسها بحب وتابع طمنيني صح فرح عملت ايه
شهد بحب فرح مبسوطه لان نتيجه تحاليها طلعت امبارح انها خفت من السرطان فمش مهم بقى حاجه تاني هي حلت كويس انهارده بس فرحت انها خفت مغطيه على كل حاجه
احمد اتفاجئ وتابع بفرح ده اللهم لك الحمد بجد الف مليون مبرووك ليها قولتلها ان خطوبتنا الاسبوع الجاي
شهد بفرح اه قولتلها انا مش مصدقه نفسي بجدد كل الاخبار احلوت مره واحده خصوصا خطوبتنا متحمسه ليها اوي
احمد بضحك بالله وانا ده لقد هرمنا بجد وبصلها وتابع بحب المهم هنروح نشوف الدريس بعد الاكل بلمره انا قايل لابوكي ويونس عموما
شهد بحب تمام ولقيت فونها رن فتابعت بضحك ده يونس بيطمن اكيد
احمد قوليله حلو وخلاص متنكديش هاا
شهد بضحك حاضر والله وردت وتابعت ايه يحبيبي
يونس بقلق طمنيني يعمري الامتحان عامل معاكي ايه في ناس بتقول رخم
شهد بحب متخافش هو في تركات بس بسيطه والله
يونس بقلق حليتي حلو يعني
شهد بحب اه والله
يونس تنهد بارتياح وتابع بحب طب يحبيبتي هسيبك مع احمد بس ابعتي مسدج لمازن وياسمين طمنيهم علشان كلموكي لقيوكي انتي واحمد غير متاح فكلمتك انا اشوف في ايه
شهد ااه تلاقي لما كلموني مكنتش طلعت فجوه ببقى قفلاه واحمد معرفش
احمد بص في الفون وتابع فاصل شحن
شهد اهو احمد فاصل شحن هبعتلهم اطمنهم حاضر
يونس بحب ماشي يحبيبتي يلا باي
شهد بحب باي
احمد بحب هنروح من الخروجه ننام براحتنااا بقى
شهد بفرح وحماس بالله مش هنام من فرحتي وعايزه العب مع حسام وابوسه كتيير
احمد بضحك طب ماتبوسي خال حسام مش هيقولك لا
شهد بضحك ماتحترم نفسك يا احمد ايه هو ده ابوس سيف ازاي يعني
احمد برفعه حاجب سيف مين يا مهزقه انا اقصد انا خالو ماهي زي اختي زينب دي انتي عبيطه في دماغك ولا ايه
شهد فضلت تضحك وتابعت اه سوري سوري فهمت غلط علشان هو خالو لزم بس معلش يعني هو انت اللي ينفع ??
احمد بضحك لا بردو تفرق انتي عبيطه ولا ايه
شهد بضحك طب عموما اتلم علشان متصلش بيونس
احمد بضحك يااادي يونس انا هتخرس خالص ياستي اهو
شهد بضحك ايووه كده برافو
——
في شقه امنيه وسيف
امنيه كانت صحيت وحاطه دراعها على المخده وسانده خدها على كف ايديها وباصه عليه وبتبستم بحب ونسيت كل زعلها منه امبارح
وسيف ابتدى يصحى وفتح عينيه ببطئ فااتفاجئ بقعدتها دي قدامه فتابع بنوم ايه مالك يا امنيه في ايه
امنيه بضحك ايه في ايه شوفت عفريت
سيف فتح عينيه وتابع بابتسامه لا طبعا ده انا شوفت ست البنات بس استغربت وحط ايديه على رقبتها وقربها منه وباسها بحب وتابع صباح الخير
امنيه بضحك صباح النور يحبيبي مالك صاحي رايق انهارده خير مش مرتحالك
سيف بضحك ده على اساس اننا متجوزين بقالنا 100 سنه وكده
امنيه بضحك لا مش كده بس امبارح بليل كنت غريب شويه
سيف بحب متاخديش في بالك من بعض تصرفاتي علشان حقيقي ضغط المهمه تاعب اعصابي شويه انا هخلص منها وعنيا ليكي فكل حاجه
امنيه بتنهيده هتخلص امتى طيب
سيف بحب يعني شهرين كده
امنيه شهقت وتابعت يالهوي يا حسام كل ده
سيف بحب هيطيروا والله المهم انا عايز افطر جعان هو محدش طلعلنا الاكل ولا ايه
امنيه بحب لا لسه بس عادي هعملك انا
سيف بحب يخرابي بنفسك كمان ده انا يبختي بقى ان سمو الاميره بذات نفسها هتعملي فطار
امنيه بضحك بعشقك وانت بتبالغ في حبك لياا الصفه دي مبقالهاش غير يومين من ساعه ما فوقت من الغيبوبه بس عجباني استمر
سيف بحب لا والله مش مبالغه انتي حقيقي كلام الدنيا كله قليل عليكي يا منونتي
امنيه بحب قلب وعقل وعيون منونتك
سيف رجع ضهره لورا وهو بيدعك عينيه وتابع بحب حبيبت قلبي ربنا يديمك ليا يارب وبص للبلكونه المقفوله وتابع قومي معلش شدي الستاره الشمس وجعت عيني وصحتني من النوم مع ان البلكونه مقفوله
امنيه بضحك علشان الاضاءه دخلت عادي ده الازاز بس اللي مقفول ولفت نظرها عينيه فتابعت بستغراب ايه ده ثواني بس ووجهت وشه ناحيه الشمس وبعدين رجعتها للضل وفضلت تعمل كده كذا مره
سيف بقلق ايه في ايه خير
امنيه بستغراب انت من امتى عينك عسلي يا حسام ايه ده بسم الله الرحمن الرحيم بجد
سيف ضحك بتوتر وتابع ايه ده هو انتي مكنتيش بتاخدي بالك حقيقي الاهتمام مبيطلبش هي بتبان في الشمس اكتر عموما
امنيه بصدمه لا متهزرش بجد اكيد مش 3 شهور خلوني فقدت الذاكره مش للدرجه دي يعني ومسكت فونها فتحته وجابت صورها مع حسام وتابعت ماهي في الشمس اهي فين لون عينيك وقفلت الفون وتابعت وبعدين ما انت اهو في الضل قدامي بسم الله ما شاء الله جميله وباينه عسلي من غير شمس خالص اهو انا بس مكنتش واخده بالي
سيف بتنهيده حبيبتي تلاقي كواليتي الصوره مش حلو بس انا عيني عسلي من زمان وانتي اكيد مخدتيش بالك وهي اصلا كتير في عيلتنا واحمد ونور وياسمين ويونس فمش انا بس يعني
امنيه حطت ايديها على راسها وتابعت مش مستوعبه بجد ده من امتى وازاي مخدتش بالي
سيف بضحك طب خلاص حصل خير لون عيني مضايقك يعني اغيره
امنيه بحب لا طبعا ده قمر يارب البمبينو بتاعنا يبقى شبهك ونفس لون عيونك كده
سيف بضحك ايه البمبينو ده كمان
امنيه بضحك يعني البيبي بتاعنا بلايطالي
سيف بضحك سوري كنت فرنش
امنيه بضحك عادي يعمري وانا كمان فرنش بس معرفش غير الكلمه دي ايطالي
سيف فضل يضحك وتابع ده انتي مشكله بجد يلا طيب علشان الحق افطر
امنيه بستغراب تلحق تفطر !! ليه رايح فين انت
سيف اتصدم من كلامه لانه مكنش عايز يقولها دلوقتي فبصلها وابتسم وتابع رايح القاهره وجاي بسرعه
امنيه بصدمه نعم ده امتى ده
سيف بابتسامه دلوقتي ممكن بسرعه بقى لحد ما اغير هدومي ???
امنيه بعصبيه هو ايه اللي دلوقتي انت بتهزر بجد عايز تسبني يوم صباحيتي وتنزل الناس تقول علياا ايه هو مش كفاايه امباارح
سيف مسك دراعها جامد وتابع بعصبيه طب بصي بقى سواء بتتكلمي صح بتتكلمي غلط ده شئ وانك تنسي نفسك وانتي بتتكلمي معايا وتعلي صوتك علياا ده شئ عاشر خااالص انا متخلقش رااجل يقف قدامي ويعمل كده مش تيجي واحده وكمان مراتي على اخر الزمن تقف قدامي وتعلي صوتها كده لا يا امنيه مش هعديهالك لو اتقررت بجد
امنيه بدموع وبحده اممم اقلب الترابيزه اقلب لا كلمه حق دي الحاجه الوحيده اللي فيك زي ما انت مغيرتهااش
سيف بعصبيه يا ابنتي انا مش عايز اهزقك وامد ايدي عليكي فاوطي صوتك ده احسنلك محدش قالك متجوزه واحد اعمال حره انا ظابط يعني بتأمر وبنفذ اللي بيطلب مني وبس والعميد طلب يقابلني ومتنيل عارف اني اتجوزت وقالي معلش تعالى ذمب اهلي ايه اناا
امنيه بدموع والله انا ميخصنيش مش ذمبي ان يوم فرحي تعملي انك موت وتتعب صحتي وتضيع عليا اكتر يوم كل بنت بتتمناه بعدين تيجي تكتب علياا بس واقول ومالو راضيه وتسبني ليله دخلتي وتنزل لاختك وقولت ومالو يابت عيب ميصحش دي اخته ومالهاش غيره والتاني في غربه تقوم بردو تيجي يوم صباحيتي تسبني وتنزل اييه في اييه هو انت اتجوزتني لييه بجد اما انت عايش للكل الا انااا
سيف بعصبيه ده اللي عندي يا امنيه ودي عيشتي اتنيلت قولتلك يوم فرحنااا غصب عني ومجبرتش عليكي توافقي بكتب الكتاب بس انتي اللي رضيتي واختي كانت بتولد مش بمزاجي اكيد مش هسيبها واقعد جمبك ودلوقتي انا مجبر انزل فمفيش حاجه فيهم بايدي لام النكد اللي انتي عملاه دده على الصبح ده الناس بتقول صباحيه زفت مباركه
امنيه بدموع وسخريه لا والشهاده لله ده جواز يرضى ربنا وعندك حق ما هي دي غلطتي من البدايه اني رضيت انت مغلطش انا اللي استاهل ضرب الجزم
سيف نفخ بضيق وتابع بحده لالا انتي بجد دماغك تعبانه ومبتفهميش ولا بتقدري المواقف اللي الواحد فيها محسساني اني بلعب ده ايه ام القرف ده على الصبح وراح فتح الدولاب بعصبيه
امنيه بدموع اممم اتاريك قايم مقرر هتهبب ايه فداخل طقم الحنيه علياا
سيف بعصبيه بت انتي متخلنيش اهزقك ده اللي انتي متعرفيهوش ان مفيش شنب اتخلق بستأذنه قبل حاجه بعملها واللي عايزه بيحصل غصب عن اي حد فمش معنى اني مراعي مشاعرك وانك مراتي وليكي عليا حقوق مش عسكري عندي في الشغل فانتي تستعبطي وتفكريني خايف ترفضي ولا حاجه
امنيه بدموع ولا مراتك ولا خرا هبب اللي تهببه وحل عن دمااغي يا حسام وخرجت
فسيف خد الهدوم وقفل الدولاب بعصبيه وبدا يلبس وهو مش طايق نفسه بعدين سرح شعره بسرعه ورش برفيوم وخرج يلبس الكوتش وهي كانت حضرت الفطار وحطته قدامه علي الترابيزه الصغيره في الصالون فتابع سيف بحده مش طافح خلاص نفسي اتسدت ولما حد يخبط اياكي تفتحي كده البسي عدل الاول حتى لو ست وخد المفاتيح وفونه من على السفره ونزل وقفل الباب جامد وهي بصت للفطار اللي حضرته بحزن شديد وقعدت وحطت راسها مابين ايديها وفضلت تعيط
—-
عند يونس في مكتبه
نور بتنهيده ابيه انا زهقانه اوي معلش هروح اجيب حاجه اشربها لحد ماتخلص تصحيح
يونس بتركيز ماشي يحبيبتي روحي بس متتاخريش
نور بحب حاضر اجبلك حاجه معايا
يونس بحب لا يحبيبتي مش عايز
نور ابتسمت وخرجت وقفلت المكتب وراحت طلبت قهوه بالبن ووقفت تستناها
شخص انسه نور انسه نور
نور بستغراب اتفضل مين
الشخص في واحد في العربيه عايز حضرتك
نور بستغراب واحد مين ده وراحت تبص لقيت حد رش في وشها مخدر وشخص تاني شالها ودخلها جوه العربيه ومشيوا بيها فواحد من صحاب يونس الدكاتره شافها فراحله بسرعه وخبط
يونس ادخل
صاحبه بخوف يونس الحق بنت عمك حد خدها بعربيته معرفش مين
يونس بخوف انت بتخرف بتقول ايه خدها ازاي يعني
صاحبه بخوف والله العظيم شوفتها خدرها وخدها بسرعه
يونس طلع بسرعه وبص ملقاش اي اثر فافتكر لما سيف نبه يعمل لنور وشهد تتبع لفونهم علشان بينزلوا كتير ويخاف قاسم يبعت حد يأذيهم كانتقام فيعرفوا يوصلولهم لان هما الوحيدين اللي بينزلوا لوحدهم كتير وفتح البرنامج شاف العربيه بتمشي فين فراح بسرعه يركب عربيه لقى العجله نايم فضربه بعصبيه وتابع بخوف مش وقتك والله وفضل يدور على عربيه من عربيات صحابه لحد ما صاحبه اداله واحده وساقها بكل قوته علشان يروحلها
—-
وبعد شويه عند نور يونس وصل المكان وكان بيت مهجور اوي وقديم فدخل فيه وفضل يكح وتابع بخوف نور .. انتي هنا يحبيبتي .. نور وفضل يبص لحد ما لقى سرير قديم وهي عليه وهدومها من فوق متقطعه والبدي الكب الكارينا اللي لبساه باين والملايه عليها نقط دم وبنطلونها متبهدل فاتوجع اوي من منظرها واتصدم بشده ودموعه نزلت وراح عندها ووطى مسك ايديها باسها وتابع بدموع نور انتي كويسه .. لالالا اكيد ده مش صح اكيد انتي كويسه وفضل يخبط على خدها وتابع بدموع نور ابوس ايدك ردي علياا مين عمل فيكي كده وبص على هدومها المتقطعه وغمض عينيه بوجع شديد ودموعه نزلت وفك زراير قميصه وقلعه ولبسهولها علشان يغطيها وشالها بين ايديه ورايح يخرج اتصدم ان
مازن وصل ونزل من عربيته ووقف مصدوم لما شافه خارج بيها منظرهم كده
