رواية غموض الحب عائلة الرفاعى الفصل الثامن و الاربعون بقلم لولا
فتابع سيف بخوف حاسبي حاسبي على مهلك وعدلها في قاعدتها ورايح يتكلم قاطعته لما فاجئته انها سندت على ركبتها على السرير ولفت ايديها حوالين رقبته وحضنته باشتياق وتابعت بدموع انا خوفت عليك بجد
سيف حس ان الدنيا كلها وقفت في اللحظه دي ومكنش سامع اي حاجه حواليه هو كمان كان مشتاقلها جداا .. مشتاقلها بعدد الايام والاسابيع والشهور والسنين اللي بعدت عن عينيه فيهم فتلقائي رفع ايديه الاتنين حطهم على ضهرها وضمها ليه بحب بالغ ودموعه نزلت
امنيه بعياط ولهفه انا .. انا بجد مش مصدقه نفسي انت كويس صح وبصتله وحطت ايديها الاتنين على خده وتابعت بنفس العياط واللهفه .. انت كويس ومحصلكش اي حاجه صح
سيف الدموع كانت متجمعه في عينيه بوجع ولف راسه باس واحده من ايديها الاتنين اللي خده وبصلها وتابع بحب كويس يحبيبتي والله زي الفل قدامك اهو مالك في ايه
امنيه فضلت تعيط بفرح وحضنته جامد وتابعت بانهيار: منهم لله بجد وجعوا قلبي عليك حرام عليهم والله
سيف قلبه وجعه جدا وبص لسميه اللي طبطبت على صدرها بمعني ” علشان خاطري” فحضنها وفضل يطبطب عليها بحنان وتابع بوجع انا اللي قولتلهم يحبيبتي انا اللي قولت للدكتور يقول للكل اني موت علشان انا في مهمه صعبه ولسه فيها وكان لازم كده وحقك عليا انه كان يوم الفرح بس انا مكتشتفتش الخطر اللي كنت ممكن اتعرضله غير يوم فرحنا فاضطريت لكل ده وكنت مستخبي طول الفتره اللي فاتت ولما رجعت اديني رجعت عليكي علطول
امنيه بصتله وتابعت بعياط حراام عليك يا حسااام مهمه ايه اللي تخليك تعمل فيااا كده ده انا كنت هموت من صدمتي ووجعي وبفستاني انت متخيل عملت فيااا ايه
سيف بوجع عارف والله انها صعبه بس وغلاوتك عندي غصب عني انا اضطريت على كل حاجه عملتها وكل حاجه لسه هعملها قدام لان القضيه مخلصتش
امنيه بدموع فرح : مش مهم اي حاجه المهم انك بخير وجمبي دي بلدنياا ومافيها وحضنته وفضلت تعيط وتابعت متخيلتش هشوفك تااني بجد الحمدلله يارب
سيف باس راسها وتابع بحزن الحمدلله يحبيبتي اهدي بقى مش عايز عياط ومسح دموعها
امنيه بفرح لا خلاص هعيط ليه ده انا مبسوطه اوي انهارده
سيف ابتسم بحب بس من جواه كان مكسور اوي علي لهفتها لاخوه حس احساس وحش اوي
فتابعت سميه بعياط من الفرح : يا قلب امك واحشتيني الف الف حمدلله على سلامتك يا نورعيني
امنيه حضنتها بفرح وتابعت الله يسلمك يا ست الكل وباست ايديها ومسحت دموعها وتابعت بحزن بالله عليكي ما تعيطي مبحبش دموعك
سميه بدموع ده من فرحتي بيكي ينورعيني والله
امنيه حضنتها بحب وباست راسها وتابعت انا خلاص بقيت زي الفل اهو والله
ودخل محمد لان امها كانت بعتتله وتابع بلهفه ودموع فرح : امنيه يحبيبتي يابنتي الحمد والشكر ليك يارب انك قومتي وبقيتي بخير تعالي في حضن ابوكي تعالي
امنيه حضنته وهو فضل يعيط ويطبطب عليها بفرح وتابع الف حمدلله على سلامتك يابنتي بجد
فتابعت امنيه بحزن بس بس خلاص حقك عليا وباست جبينه ومسحت دموعه وتابعت انا كويسه والله خلاص اهدى يحبيبي
يونس بابتسامه حمدلله على سلامتك يا غاليه
امنيه بحب تسلم يا دكتورنا الله يسلمك يارب وبصت لسيف وتابعت بضحك غريبه مش معاك مازن يعني
سيف في سره : احمم هنبتديها ذكاء وابتسم وتابع : مازن قاعد مع ياسمين علشان بتعمل كحك وبسكويت ليهم ولينا فبيساعدها من بدري ولسه مخلصوش
امنيه بفرح ايه ده لينا ازاي يعني
سيف بحب منا بعد اذن حضرتك ياعمي انا كنت قايلك هنكتب انهارده لان في ظروف شغلي الحاليه صعب اعمل فرح
محمد بحب انا موافق طبعا يا ابني وربنا يقويك ومعاك يارب
امنيه بحب وانا كمان موافقه كفايه عليا انت مش عايزه وش وصداع وعين تتحط علينا تاني كفايه اللي حصل
سيف ابتسم بحب وتابع خلاص اتفقنا هكلمهم اعرفهم يجهزوا الدنيا ونطمن عليكي ونمشي وخرج يتكلم في الفون وامنيه عينيها عليه لحد ما اختفى من قدامها
يونس بضحك ايه يحجه احنا واقفين روحتي لحد فين
امنيه بهيام فيه : هو حسام احلو وبقى رياضي بلطريقه دي من امتى بجدد
يونس بضحك من ساعه ما تعبتي مكنش هنا كان مسافر بحكم شغله فكان بيشتغل ويتمرن
امنيه بستغراب هو انا بقالي كتير نايمه
سميه بحزن ياه يابنتي 3 شهور بحالهم
امنيه بصدمه نعممم ودموعها نزلت بشده وتابعت ومشروعي وتخرجي انا كده هعيد السنه صح
سميه بحب لا مسقطيش اهدي هفهمك
امنيه بعياط لالا انتي بتقولي ايه اهدى ايه بس انا اسقط ويحصل فيااا كده دي عمرها ماحصلت وبعدين ده خلاص امتحنت ونزلت تدريبات كان ناقص مشروعي بس يااربي وفضلت تعيط
سيف دخل وتابع بخوف ايه ايه في ايه مالك يحبيبتي
امنيه بعياط انا سقطت يا حسام بسبب اني فضلت 3 شهور في الغيبوبه ومقدمتش مشروعي وفضلت تعيط بشده
سيف حط ايديه على دراعتها الاتنين وقومها فقعدت بركبتها على السرير وتابع بحب بطلي عبط سقطي ايه بس هو من امتى وامنيه بتعيد سنه اصلا
امنيه بدموع ماهو للاسف حصل خلاص انا بجد مش قادره اصدق هعمل كل ده من الاول تاني
سيف بحب ممكن تهدي ومسح دموعها وتابع انا لما عرفت انك دخلتي في غيبوبه روحت اول ما تعبتي علطول جامعتك بعدين سافرت برا زي ماقولتلك لان مكنش ينفع اظهر كتير بسبب المهمه ولسه راجع انهارده وجيتلك زي مافهمتك .. المهم قدمت تقرير بحالتك ورانيا صاحبتك سمعتني وانا بكلم العميد فاتخضت عليكي روحت حكتلها كل حاجه وطلبت منها تعمل مشروع ليكي وتقدمه كانك كنتي مخلصاه فاهي وافقت بس كان عايز منها شغل كتير فبقيت انا قاعد معاها ببحث واجبلها المراجع وهي بتظبطه لحد ما خلصناه سوا ويوم التقديم قدمته واسمك اتقاال من ضمن المتخرجين بعدها باسبوعين وبعت والدك استلم شهادتك والدرع بتوعك فانتي اتخرجتي يحبيبتي مش سقطي ولا حاجه
امنيه اتفاجئت اوي وفرحت جدا انه عمل كده علشانها وخاف عليها تعيد فحضنته وتابعت بعياط من الفرح انا بجد بحبك اوي اوي اوي مش عارفه اقولك ايه بجد
سيف ابتسم بحب وتابع متقوليش حاجه احنا واحد ولا ايه يا دكتوره
امنيه ضحكت من بين دموعها وتابعت قلب الدكتوره بجد
محمد بضحك قدام ابوكي كده يا امنيه تحضنيه وتقوليله كل ده مفيش خشا خالص
امنيه اتصدمت واتحرجت جدا وتابعت احمم انا .. انا اسفه يا بابا والله مقصدش انا عملت كده بتلقائيه والله اسفه ودموعها نزلت من شده التوتر والحرج
سيف بضحك حقك عليا انا الحماس خدها حبتين
امنيه بصتله بحرج وتابعت انت بتقول ايه انا اصلا مقصدش فعلا اوعا كده جتك الارف وضربته في صدره
سيف بضحك خلاص .. خلاص منا عارف مالك في ايه
امنيه بضيق ماليش اوعا كده
سيف ضحك ودخل الدكتور ودكتوره نعمه
فتابع الدكتور بابتسامه الف حمدلله على سلامتك يا انسه امنيه
امنيه بابتسامه الله يسلم حضرتك
الدكتور بابتسامه خلاص بقى هنطمن عليكي وهتمشي باذن الله
امنيه بحب يارب باذن الله
سيف بص لنعمه فتابعت بحرج معلش يا دكتور روح انت وانا هطمن عليها
الدكتور تنهد بعمق وتابع تمام المهم هي تبقى بخير وبص لسيف اللي نظرته ليه كانت بتحرقه وتنهد وخرج وسيف فضل يبصله لحد ماخرج
يونس بضحك خلاص يا غالي كرهت الراجل في نفسه
سيف ده انا نفسي اديه حتت علقه محصلتش ولا هتحصل مش هيقوم منها تاني
امنيه بستغراب ليه في ايه
سميه فضلت تضحك وتابعت بعدين يحبيبتي بعدين يلا هنطلع احنا لحد ما الدكتوره تكشف عليكي وتطمنا
امنيه ابتسمت وهزت راسها بماشي وسيف رايح يخرج وقف وبصلها وباس باطن ايديه ونفخها ناحيتها ففضلت تضحك وهو ضحك على ضحكها وخرج
يونس بضحك ماتتلم ياحيوان كفياكم ابوها واقف لو خد باله يعني
سيف بضحك ياعم محدش شافني انت حاشر نفسك وسطنا ليه الله
يونس بضحك ده انا لسه هحشر نفسي اكتر انهارده وغمزله
سيف بضحك لا في دي احشر نفسك براحتك هي مش مستاهله حشره اصلا
يونس برفعه حاجب اه ده اللي هو يعني ايه مش فاهم
سيف بضحك يعني الستات بتهد الصحه يا غالي وانا شغلي مبيهزرش فبحافظ على صحتي
يونس برفعه حاجب سيف انت اتجننت صح
سيف هششش وطي صوت اهلك ده وبص ورا يتاكد ان مفيش حد واقف فشاف امها وابوها بس جمب باب اوضتها فبصله تاني وتابع بحده ياريت نتلم
يونس بحده لا متستعبطش انت بجد هتعمل كده
سيف تنهد بعمق وتابع قسما بالله العظيم انا ما مصدق انها هتكون معايا اصلا بس انت متخيل يعني ايه هي فكراني حسام !! يعني لو اكتشفت الحقيقه بعد ما يحصل بينا حاجه هتوجعني بكلامها وهتفكرني استغليت الوضع ده علشان المسها
يونس بحده يا ابني انت عبيط دي مراتك وابوها موافق وقالك هتبقى مراتك رسمي يعني فاهم الكلمه انك هتقرب منها وعادي ده حقك وهو كا واليها سامحلك بكده ولما تعرف مش هتزعل لانها كده كده مراتك واللي هيحصل بينكم ده واجبها تجاهك وفوق كل ده المفروض انك حبيبها القديم فا الوضع مش هيبقى سئ للدرجه اللي في خيالك دي
سيف تنهد بوجع وتابع لالا متهيالك بجد والله ماحد يعرف امنيه قدي .. امنيه بتكره الكدب ومش هتسامحني بسهوله فمش وقته خالص انا هقربلها لما تعرف وترضى بكده
يونس بضحك قسما بالله انت كدااب ده انت ما هتصدق دي امنيه يا غالي هو انت هتصيع علياا انا
سيف بضحك بس يحيوان علشان انا حاليا بقوي نفسي فهتشجعني اتكلم مش هتشجعني اخرس علشان انا مش ناقص تخليني اضعف اكتر
يونس فضل يضحك وتابع تضعف !! والله وجات اللي تخلي سيف الرفاعي يضعف ده الارهاب اللي بتحربوهم ميعرفوش انك عندك الجانب ده وفضل يضحك
سيف بضحك والله العظيم انت متربتش
محمد جاله وتابع سيف
سيف بصله وتابع تحت امرك يا عمي اتفضل
محمد بابتسامه انا حقيقي مش عارف اشكرك ازاي يا ابني على اللي عملتوا معانا
سيف بحب مفيش حاجه تشكرني عليها انا عملت كده علشان بحبها وكنت موجوع زيكم ومش هقدر اشوف فيها اي حاجه وحشه
محمد بحب ربنا يسعدكم يا ابني وعقبال ما نشيل عيالكم
سيف بحب اللهم امين يارب
محمد بحب طب هستأذن انا خالتك سميه عايزاني وراحلها فيونس فضل يضحك وتابع سامع .. سامع الراجل بيقول ايه .. بياكدهالك .. بيقولك عايز يشيل عيالكم وانت تقولي مش عارف ايه يا شيخ الله يكسفك زي ما كسفتنا لالا بقولك ايه احنا كرجاله هنتبرى منك خلاص انت هتعر الصنف
سيف فضل يضحك وتابع يا يونس مش عايز امد ايدي عليك وازعلك
يونس بضحك لا اصل انت امرك غريب بصراحه ..هو في حد يبقي قدامه حبيبته .. حبيبته يا سيف وبقيت مراته كمان ويسيبها ويعدي اليوم لالالا ده انت مخك تعبان خالص وفضل يضحك
سيف فضل يضحك وتابع يا ابني خلاص ورحمه امك انا مقوي نفسي بلعافيه
يونس فضل يضحك وامنيه خرجت مع الدكتوره وهي لابسه بنطلون بوي فريند تلجي وبلوزه سودا وطرحه بيضه امها كانت بتجيبهم معاها لما بتيجي زياره علشان لما تفوق تلاقي لبس ليها فبصلها سيف بحب وتابع لنعمه : هتمشي خلاص ??
نعمه بحب اه خلاص خلص بس الاجرائات وخدوها بقيت زي الفل الحمدلله
امنيه ابتسمت بفرح فتنهد سيف بارتياح وتابع بحب اللهم لك الحمد يلا يحبيبي ومد ايديه ليها
فمسكتها ومشيت معاه وراح يمضي على ورق امنيه انها تخرج
محمد بتنهيده هتعمل ايه كده يا ابني
سيف بص في الساعه لقاها 7 بليل فتابع بتنهيده هروح نجبلها دريس ونيجي بيت الرفاعي فروحوا كلكم هناك وجاينلكم
امنيه فرحت جدا وابتسمت بحماس فتابع يونس بحب خلاص ماشي هخدهم انا متتاخروش
سيف وهو نازل من على سلم المستشفى وماسك ايديها تابع حاضر والله وخد المفتاح هاتلي الطلبات اللي هبعتهالك يا يونس وساعد البنات ظبطوا الشقه ونزلوا وراح عند العربيه ففتحها وهي دخلت قعدت وقفل ولف قعد جمبها
امنيه بصت حواليها بستغراب وتابعت انت غيرت عربيتك ولا انا متهيالي
سيف بضحك لا مش متهيالك غيرتها فعلا لان اللتانيه باظ فيها كذا حاجه وعلشان تتصلح عايزه مبلغ محترم فقولت اجيب غيرها احسن
امنيه بتنيهده حلوه اوي مليون مبروك يحبيبي
سيف بستغراب مالك في ايه
امنيه بحزن انا حاسه اني بقالي سنه نايمه مش 3 شهور حاجات عاديه بتحصل بس بتثبتلي ان بجد المده دي مكانتش عاديه وحصل فيها حاجات كتير حتى تخرجي اللي فضلت احلم واخطط ليه معرفتش احضره
سيف بصلها وتابع بحزن حقك عليا هعوضهالك موضوع التخرج ده وصدقيني اهم حاجه انك بقيتي زي الفل واتخرجتي اهو وبعدين وانتي ايه يشغلك بللي حصل مع الناس عادي يحبيبتي متشغليش بالك طبيعي الحياه ماشيه بس طول ما مفيش عليكي تاثير خلاص دي اهم حاجه ونحمد ربنا قومتي بالف خير
امنيه مش كده يا حسام يعني مثلا ياسمين اخبارها ايه مع مازن مبسوطه ولا في مشاكل بسبب جودي وغيره وغيره فاهم
سيف اتوتر توتر لحظي وحاول يبان طبيعي وبصلها وتابع مازن ملمسش جودي طلعت بتعمل عليه حوار ولما اكتشفنا ده بهدلها وهي سافرت وسابت البلد
امنيه بصدمه يالهوي انت بتهزر صح اومال ازاي كان مصدق انه لمسها
سيف بتنهيده ده حوار طويل بس الملخص منه ان البنت دي مش كويسه وحطتله حاجه شربها علشان يغلط معاها بس مازن نام وواحد هي تعرفه عمل فيها كده ولبستها لمازن
امنيه بصدمه ااه يا بنت الكلب ايه البناات دي بجد انا مش مصدقه ازاي تعمل كده ده ميبانش عليها خاالص .. جودي !!! بقي كل ده يطلع من جودي !!!
سيف بتنهيده توقعي اي حاجه من اي حد و اهو الحمدلله كشفها وارتاح خلاص و اه نور وقاسم محصلش بينهم نصيب واطلقوا وقاسم سافر بردو علشان متجبيش سيره قاسم خالص قدام نور
امنيه بصدمه لا حول ولا قوه الا بالله قاسم طلقهاا ازاي يعني ده كان بيموت فيها وبتموت فيه واهلها مأمنين ليه يقوم يسيبها ويطلقها وهي عيله كده ازاي يعني وليه يطلقها انا مصدومه كلمه قليله بجد
سيف بتنهيده عادي يا امنيه عدم تفاهم يحبيبتي مش مرتاحين مع بعض فكل واحد راح لحاله وربنا يوفق الاتنين
امنيه بحزن يارب بجد وحقيقي انا زعلانه علشان نور اوي
سيف بحب لا بلعكس نور ربنا بيحبها اوي وبكره يعوضها وتشوفي بعينك انا واثق
امنيه بحزن يارب والله هي متستاهلش كده خالص وتقولي عادي .. عادي ايه يا حسام ده انا غبت 3 شهور الدنيا خربت وعماله اتصدم
سيف مسك ايديها رفعها باسها بحب وهو بيسوق وتابع ده بلنسبه للكل حياتهم مش مستقره وبيحصل فيها مشاكل انما بلنسبالي انا .. والله العظيم حياتي ثابته ومش بتتغير من يوم غيابك وانهارده بس روحي رجعتلي
امنيه الدموع اتجمعت في عينيها وتابعت ايه الكلام الحلو ده ما طلع عندك مشاعر اهو يا سي حسام
سيف بضحك كنت بخبيهم لوقت اكون حاسسهم علشان اعرف اقولهم وصحيح ياسمين حامل في الرابع هتجيب زين و زينب انتي عارفه انها حامل فحاليا وصلت السابع وهتجيب حسام
امنيه اتفاجئت وتابعت بضحك وفرح لا بتهزر بجد يعمرري الف الف مليون مبرووك هي ياسمين حاامل بجد مش مصدقه ودموعها نزلت بفرح
سيف بحب ربنا يفرح قلبك زي مابتفرحي للي حواليكي كده يعمري
امنيه بحب ودموع يارب بجد يحبيبي يارب ده يوم المنى يوم ما ابقى شايله حته منك جوايا
سيف تنهد بعمق وابتسم وتابع باذن الله يحبيبتي
امنيه بضحك بس ازاي زوزا تسمي على اسمك مش اخوك التاني اللي محدش بيشوفه ده يضايق كان اسمه ايه صح وفضلت تفكر شويه
سيف قلبه وجعه اوي وحاول يتماسك بصعوبه ونطق وهو باصص للطريق بصوت مليان خذلان : سيف
امنيه بحماس اه اه سيف صح افتكرت وضحكت وتابعت بذمتك مش هيزعل
سيف بتنهيده لا مبيزعلش اصله اتعود
امنيه بستغراب اتعود على ايه
سيف بصلها وتابع يعني انه لوحده علطول وعايش لنفسه وشغله بس وبعدين سيف عاقل اوي فامش هتفرق معاه خالص حتت انه زوزا تسمي على اسمه او لا
امنيه بابتسامه اه بحس بكده لما بتيجي سيرته كفايه شغله قولتلي انت انه صعب اوي ربنا يعينه
سيف بتنهيده يارب حقيقي يعينه ادعيله كتير
امنيه بحب اكيد حاضر
ووقف فتابعت امنيه بستغراب ايه لحقنا نوصل وبصت حواليها
سيف بابتسامه لا انا جبتك تاكلي في الكافيه ده بعدين هنروح نجيب الدريس بس علشان طبيعي اكيد جعانه
امنيه بضحك اه والله بتحس بيا ده حقيقي ونزلت اتفاجئت من الكافيه وفضلت تبص حواليها كتير بسرحان فتابع سيف امنيه انتي معايا
امنيه بصتله وتابعت بانتباه اه اه معاك يحبيبي
سيف بحب طب يلا بقالي كتير بقولك يلا
امنيه ابتسمت ودخلت معاه وقعدوا فتابع سيف بحب يلا شوفي هتاكلي ايه
امنيه بحب لا انا مش هطلب اطلب انت وهاكل زيك
سيف لا وغلاوتك عندي ما قادر اكل انا هجبلك فراخ مشويه وجمبيها رز بسمتي والسلطه والطحينه وكل الكلام ده علشان تاكلي كويس انتي بقالك كتير عايشه على المحاليل
امنيه لالا بس هتاكل معايا انا مش هاكل لوحدي انا
سيف بقولك وغلاوتك عندي مش قادر فعيب تشكي في حاجه زي دي طلما قولتلك وغلاوتك مفروض الموضوع منتهي وتصدقي علطول وبص للجرسون وشاورله وبقي يطلب منه الاكل والعصير
فتابعت امنيه لا بس هتاكل معاايا بردو وغلاوتي عندك هتاكل
سيف بضحك انا قولت قبلك مش هقدر خلاص
امنيه بضحك طب هتشوف وفضلت تبص حواليها بحزن وتنهدت بعمق
سيف بابتسامه مالك في ايه
امنيه بتوتر لا ابدا اصل انا اعرف المكان ده كنت باجي فيه زمان ايام ثانوي انا وصاحبتي
سيف بحب اممم علشان كده
وشويه وجيه الاكل فتابع سيف تسلم تعبتك
الجرسون لا يا فندم ولا تعب ولا حاجه ده شغلي ومشي
امنيه بتعجب انت جايب الفرخه دي كلها لمين هو انا هاكل فرخه لوحدي ولا ايه مد ايدك يا حسام اخلص يلا
سيف بضحك الف هنا يحبيبتي مالك في ايه كلي براحتك
امنيه بتعجب لالا كتير كل معايا يلا
سيف صدقيني مقفول جامد مش قادر خالص
امنيه سمت وبدات تقطع وتابعت وهي بتاخد حته وحياتي عندك يا حسام لتاكل ومدت ايديها بلاكل
سيف بصلها وتنهد فضحكت وتابعت اخلص بقى علشان خاطري دي بس
سيف كل منها وتابع بحب كلي بقى انتي يلا بسرعه مش عايزين نتاخر
امنيه بحب حاضر ده انت اصلا اختارت اكله من نقاط الضعف بتاعتي
سيف بحب الف هنا يحبيبتي
امنيه بحب حبيبي ….احكيلي صحيح انت بقى كنت بتعمل ايه وقت فراغك في المهمه الطويله اللي دخلتها دي
سيف بهيام فيها تابع بتلقائيه : براقب الاشخاص المهمين
امنيه بصتله بستغراب وتابعت اه علشان توصل لادله يعني ده بردو شغل يخرابي عليك يا حسام وضحكت وتابعت انا بقى عاكسك بحب الروايات جدا
سيف بحب عارف
امنيه بضحك عارف منين ان شاء الله مفتكرش اني قولتلك خالص
سيف بضحك لا متشغليش بالك من مصادري الخاصه
امنيه بضحك ظابط …ظابط يعني
سيف بضحك اه بلظبط كده
امنيه بحب حته كمان وحياه منونتك
سيف بضحك منونتي دي بتستعبط هاا واكل منها وامنيه ضحكت وتابعت صحيح نسيت ابدي اعجابي بيك ايه الحلويات دي من امتى وانت رياضي اوي كده
سيف بضحك بقيت زي ما سمو الاميره بتحلم يعني
امنيه بحب انت بتقول فيها ما انت فعلا طلعت من حلم سمو الاميره
سيف بحب عارف بردو
امنيه بضحك انت عارف كل حاجه ازاي هو انا قاعده قدام واحد بيقرى الكف
سيف بحب لا قدام واحد بيحبك بجد
امنيه ابتسمت بحب وتابعت بهمس والله بموت فيك
سيف ضحك وتابع اممم طب يلا تاكلي بسرعه علشان نقوم ولا ايه
امنيه بضحك حاضر وبدات تكمل اكل بلفعل وشويه وقامت تغسل ايديها
وسيف جاله فون فبص وراه ملقهاش فرد
سيف بتنهيده ايوه يا فندم خير
العميد: اهلا ازيك يا حضره الظابط ايه الاخبار
سيف بتنهيده بخير يا فندم اؤمرني
العميد انا جاي القاهره بكره ومحتاج اتكلم معاك في امر مهم يخص الشغل انا عارف انك لسه نازل اجازه انهارده بس ده مالوش علاقه هتكمل اجازتك عادي بعد قعدتنا
سيف بتنهيده بكره !!!
العميد اه هو في حاجه ولا ايه
سيف بابتسامه: ابدا اصل انهارده كتب كتابي وبكره الصباحيه بس بسيطه يعني يا فندم متشغلش بالك
العميد بضحك اه مبروك يا سيف طول عمري بقول عنك ظابط كما يجب الكتاب ان يقول وشغلك مالوش علاقه نهائي بحياتك
سيف اتفاجئ وتابع اممم طبعا الله يبارك فيك يا فندم
العميد بضحك معلش هناخدك من العروسه كام ساعه مستنيك بكره
سيف بضيق اممم طبعا يا فندم حاضر
العميد بابتسامه تمام باي
سيف بضيق باي ونفخ بضيق وتابع والله سياده العميد عبد العزيز كان ارحم يارب يخف بسرعه يارب الواحد جاب اخره ينعل ابو برودك يا شيخ
امنيه بضحك انت بتكلم نفسك يحبيبي
سيف بضيق حد يشتغل شغلي وميكلمش نفسه يلا يا امنيه يلا الواحد هيطق
امنيه بضحك ايه حصل ايه
سيف في سره لا انا مش عايز نكد من اولها فابتسم وتابع ولا حاجه ضغط شغل بس
امنيه بحب ربنا يقويك يارب
سيف قام وقف وحط الفلوس في الدفتر ومشي مع امنيه وكانت مراقب نظراتها على المكان وقصد يعمل كده يشوف فاكره ولالا انما قرر مش هيخليها تحس بلتشويش علشان متتعبش اكتر
وركبوا العربيه وشويه ووصلوا اتيليه مشهور جدا علشان تختار دريس كتب كتابها ودخلوا
البنت بابتسامه اهلا وسهلا اتفضلوا في حاجه معينه بتدوروا عليها
امنيه رايحه تتكلم فتابع سيف بصي اللي يعجبها تمام تقيسه واشوفه بس اهم حاجه يكون واسع
امنيه برفعه حاجب انت بتتكلم نيابه عني ليه هو انا مش قولتلك لو كنت عملت فرح كنت هجيب واحد واسع الكبير والتاني صك وانت وافقت دلوقتي مفيش فرح فهجيب الصك
سيف برفعه حاجب هو يعني ايه الصك ده لمؤاخذه
البنت : زي ده يا فندم وشاورتله على المانيكان
سيف شافه وتابع بحده لا طبعا متجبيش زي ده هو انتي شايفه نفسك رفيعه ولا ايه
امنيه بصتله بتفاجئ وتابعت بضحك لالالا انت بتهزر بجد منا قولتلك ووريتهولك
سيف بحده وريتيه لمين انا مشوفتش حاجه
امنيه بضحك يا ابني قبل كده يخربيت فقدان الذاكره
سيف بحده لا ماهو انا سافرت بشخصيه ورجعت بشخصيه فانسي اي كلام قديم قررناه
امنيه برفعه حاجب يعني ايه يا حسام
سيف بحده يعني ده مش هيتلبس يعني مش هيتلبس
امنيه بضيق انا جسمي مظبوط مفيهاش حااجه بجد
سيف مسح بايديه على وشه بضيق وتابع امنيه قسما بالله انا ما عايز اديكي علقه ارقدك في السرير تاني واتعصب وتابع فاخلصي وعدي ليلتك
البنت طب بصي هوريكي وقرري ومتزعليش نفسك ولا تزعلي خطيبك
امنيه بضيق يابنتي والله كان راضي
البنت بضحك معلش حقك عليا يمكن تخنتي شويه ولا حاجه فغيران عليكي احنا نشوف حاجه فيها شيفون او ستان ويكون واسع شويه وينفع لكتب كتاب
امنيه بضيق وريني
سيف قعد وتابع وقبل ماتقرري قيسي ووريني علشان شكلنا مطولين انهارده
البنت بضحك مكانك يا فندم براحتكم وخدتها وراحو يختاروا الفستان وامنيه مش عاجبها كذا حاجه لحد ما لقيت واحد صك بس الحته الاخيره من اول مفصل ركبتها منفوشه فقاسته عجبها جدا فطلعت وتابعت بحماس ها يا حسام ايه رايك
سيف بصلها وتاابع بحده ايه ده ?? رايي في ايه ?? عملتي ايه انتي كده ما بردو ضيق انتي عبيطه ولا ايه
امنيه بضيق اه بس مش للاخر واصلا ده تحفه ونظامه جديد اوي وافق بالله عليك بص تحفه ازاي
سيف بحده اوافق اه وامشي اوري الناس كلها التحفه ماهو برياله اللي هيبقى ماشي جمبك
امنيه بضيق يا ابني ماله بجد جميل ادي نفسك فرصه تتكلم طبيعي من غير اوامر
سيف بحده لا انا بدي اوامر اتفضلي روحي غيري علشان مهزقكيش ايه الشغل اللي شبه الفرشه اللي الناس بتنفض بيها النجف ده
امنيه فضلت تضحك وتابعت انت بتهزرر بجد ايه التشبيهات دي لا ده جميل وعاجبني متحاولش تعقدني فيه
سيف غمض عينيه بضيق وتابع انا مش هقرر كلامي تاني لو فتحت عيني لاقيتك لبساه هزعلك
امنيه دبدبت برجليها على الارض بغيظ وتابعت يووه بقى ومشيت
سيف تنهد بعمق وتابع لا دي هتوطيلي الضغط انا بمشي كتايب ومش عارف امشي امنيه
وشويه وجات بواحد تاني وتابعت بضيق هاا طب وده
سيف بصلها بستغراب وتابع هو كم شفاف ولا انا متهيالي
امنيه غمضت عينيها وتابعت هلبس بدي كارينا تحته
سيف طب وليه العك ماتجيبي مودل حلو وتلبسيه علطول
البنت اه انا قولتلها كده والله اصل كارينا مش هتبقى نفس درجه الدريس بلظبط هتبقي بيضه اوي عنه
امنيه رفعت الفستان علشان تمشي وتابعت بضيق يلا يابنتي يلا هي ليله باينه من اولها والبنت ضحكت وراحت وراها
سيف بضحك حاسك معترضه يا منونتي
امنيه بضيق لااا ابدااا يحبيبي خااالص
سيف ضحك وشويه وجاتله لابسه دريس ابيض ستان صك من عند الصدر ومنفوش لتحت وفيه خرز رقيق في الجزء الاخير من الصك اللي قبل المنفوش واخر الكمام مطرزه رقيق فوقف سيف وبصلها بهيام وتابع باعجاب ايه الحلاوه والقمر ده ايوه اهو كده
امنيه ابتسمت بحب وتابعت اخيرا عجبته حاجه الباشا
سيف ابتسم بحب ومسك ايديها رفعها باسها وتابع الباشا مفيش حاجه بتعجبه غيرك علشان كده عايز يخبيها
امنيه وشها احمر وضحكت وتابعت طب اروح اغير واجي نكمل الكلام الحلو ده
سيف لالا خليكي زي ما انتي وبص للبنت وتابع معلش اعمليلها طرحته كويس .. علشان هنمشي بيه كتب الكتاب دلوقتي اصلا
البنت بحب حاضر يا فندم تعالي
سيف بص لامنيه وتابع هروح احاسب ظبطي الطرحه ويلا
امنيه هزت راسها بحاضر ولبست الطرحه والبنت اديتها هيربيس فوقيها وثبتته كان شكلها جميل وعامله زي الملاك
وسيف حاسب وطلع استناها وشافها نازله على سلالم الاتيليه بصلها بحب واعجاب واضح وابتسم تلقائي
امنيه بضحك طب بدل ما بتصورني كده قولي حل اعمل ايه في وشي ده عايزة احط ميكاب
سيف بحب لا وتحطي ليه انتي قمر اوي اوي كده
امنيه بضحك حسام متحاولش تثبتني لان بجد مش هينفع ده هو يوم في العمر ومش هيتقرر لازم ابقى قمر
سيف بحب والله العظيم انتي فعلا قمر وبعدين انتي يفرقلك نظره مين غيري
امنيه بحب مش حكايه نظره حد انت اهم واحد طبعا بس كلهم هناك هيبقوا حاطين ميكاب فانا العروسه ازاي بقى
سيف بضحك ما انتي كده فعلا مميزه متحطيش بقى
امنيه بضحك حسام بجد مبهزرش خليك المحل اهو هدخل اجيب كام حاجه واعمل ميكاب في العربيه بليز علشان خاطري وافق
سيف بتنهيده يعني بردو هتحطي ??
امنيه بحب اه بس والله يعمري مش هحط كتير هعمل ميكاب كشمير رقيق
سيف بستغراب ايه كشمير ده
امنيه بضحك يووه يا حسام انت مش هتفهم هوريك لما اخلص ورايحه تدخل المحل فتابع سيف يابنتي انتي استني خدي فلوس عايزه كام
امنيه بضحك اه بليز معلش هاخد منك لان انا جايه معاك بطولي فمش معايا فلوس هات اي حاجه عادي
سيف بتنهيده انا هعتبر نفسي مسمعتش حاجه علشان ده واجبي وفي كلام اهطل بيتقال ورايح يديها الفيزا افتكر فسابها بسرعه وطلع 500 جنيه وتابع شوفي لو عوزتي تاني تعالي خدي مستنيكي
امنيه بتفاجئ لا اصلا دول كتير اوي انا هجيب حاجات قليله خالص والله
سيف بحب خديهم وروحي هاتي اللي عايزاه يلا يا امنيه بالله عليكي اتاخرنا الساعه 9 ابوكي شغال رن
امنيه بحب حاضر
ودخلت وتابع سيف بتنهيده رايح اتسرع واديها الفيزا وكانت كل حاجه هتبقى فوق نفوخي لو شافتها وبص لفوق وتابع بوجع لالا يارب الوضع صعب وفي 100 حاجه تفرق بيني وبين حسام ارجوك ساعدني
وبلفعل امنيه شويه وجات وركبت العربيه جمب سيف ونزلت المرايا وبدات تحط وسيف قاعد جمبها ساند ايديه علي الدريكسيون وحاطط راسه على ايديه وبيتفرج عليها
امنيه بضحك مركز معايا ليه
سيف بضحك ابدا بشوف بتعملي ايه علشان تنوري وشك اللي طبيعي تعب من الفتره اللي فااتت وتخفي الحبايه اللي محدش غيرك شايفها وتوردي خدودك وتعملي حاجات والله انتي من غيرها اجمل 100 مره
امنيه ابتسمت بحب وتابعت اوعدك هقلله خالص طلما طلعت مش بتحبه كده انما انهارده مش هينفع ممكن
سيف بحب ممكن .. طلما حاجه هتفرحك اكيد مش هقدر اعترض عليها
امنيه بحب يارب ميحرمني منك يارب وفضلت تعمل الميكاب لحد ماخلصت وتابعت بحماس ها ايه راايك
سيف باعجاب وحب قمر طبعا ايه الجديد ها اسوق
امنيه بحب اه اتحرك خلاص
وبلفعل سيف بدا يمشي وتابع معلش بقى شويه كده هقف اجيب انا بدلتي وجايلك
امنيه بضحك انا عمري ماشوفت العروسه والعريس اللي بيجهزوا في الطريق دول
سيف بضحك نحن نختلف عن الاخرون
امنيه بضحك ده حقيقي والله .. وصحيح هنزل اختار بدلتك معاك
سيف وهو بيسوق تابع: مختارها ومخلص اتلمي وعدي يومك هاخدك بلشكل ده في محل رجاله ازاي يعني
امنيه بضيق يخرابي عليك مانت اختارت فستانييي اشمعنااا
سيف بحده اه هتطلع ضيقه عليا ولا فيها مشكله و همشي البنات وراياا علشان تختاريها يعني مش فاهم
امنيه بضيق ياباااي منك خلاص مش عايزه اختار
سيف بضحك اصل ماهي بدله زي اي بدله كل الرجاله بتلبسها هي هي زي العريس في اي فرح عادي
امنيه بضيق طيب يحبيبي اعمل اللي يريحك
سيف فتح فونه وجاب الصور وتابع بضحك اختاري ياستي هو الفرق بينهم مش ملحوظ بس هريحك
امنيه مسكت الفون وفضلت تتفرج عليهم وتابعت باعجاب حلوه اوي دي
سيف بص للفون وتابع بضحك هي اللي اختارتها اتكتمي بقى
امنيه بضحك ايه ده بجد
سيف بحب اه والله هي
وشويه ووصل وتابع امنيه خليكي ها هقفل العربيه هغير هدومي وجاي
امنيه بحب ماشي
وسيف نزل وهي فضلت تتصور بفونها
وشويه وسيف جيه وفتح العربيه قعد جمبها فبصتله باعجاب شديد وتابعت يخرابي ايه القمررر ده بجد
سيف بضحك هتخليني اتغر في نفسي كده
امنيه بضحك وتقولي البنات مش هتمشي وراك لا انا مرضاش انزلك قدام الناس كده ايه الحلاوه دي بجد
سيف ضحك وتابع بحب مفيش حلاوه بعد حلاوتك بجد
امنيه بحب طب بذمتك مش كسرنا قاعده المخده متشيلش اتنين حلوين
سيف ضحك وتابع اه والله حصل
امنيه بحب محطتش الشارات بتاعتك ليه بقى زي ما بشوف العرسان الظبااط بيعملوا على بدلتهم السودا عادي
سيف بابتسامه عادي مفيش وقت هما في البيت بس مش لسه هطلع ادور احنا يدوب نكتب ونطلع بيتنا بقى
امنيه بضحك اممم قولتلي .. وصحيح سيف هناك ولالا
سيف بتنهيده لا سيف محدش بيشوفه غصب عنه
امنيه بحب ربنا يعينه يارب ولما يجي يتجوز هيلبس زي عمر جوز زينب صح
سيف بتنهيده اه صح بيچ علشان حربيه فمش بيلبسها السودا العاديه بس براحته عادي مش اجباري
امنيه بحب ااه فهمت وهو بدله عمر بصراحه بسم الله مشاء الله كانت جميله اوي
سيف بضحك ماخلاص يا امنيه في ايه احولك حربيه واغير لون البدله يعني
امنيه بضحك ايييه لا طبعااا بعد الشر عنك هو احنا خلصانين من شرطه علشان تقولي حربيه ده كده اهون 100 مره على الاقل قدامي
سيف ابتسم وتابع اممم قولتيلي وجهه نظر حلوه صحيح
امنيه بضحك اممم منا عارفه
وشويه وسيف وقف تاني فتابعت امنيه ايه في ايه ??
سيف بتنهيده هجيب الدبل اللي وصيت عليها علشان بتاعتك وقعت من امك اطبقت وبتاعتي مش لاقيها
امنيه برفعه حاجب بتاعتك ايه ??
سيف بضحك لا ولا حاجه ونزل بسرعه جاب الدبل ورجع لقى امنيه بصاله برفعه حاجب
فتابع بضحك وقعت مني غصب عني حقك عليا
امنيه بضيق وريني بس جبت ايه علشان انت بترتب على نكد انهارده
سيف بضحك جبت بتاعتك هي هي شبها بلظبط وبتاعتي انا لونها فضي ساده عادي
امنيه بضيق هو انا مش قيلالك لما نغيهرها تبقي تجيب على بتاعتك اسمي محفور
سيف بضحك هو انتي قولتيلي كده ??
امنيه بضحك يادي فقدان الذاكره
سيف بحب لا منا عملتها كده فعلا بس مش فاكر انك قولتيلي وكنت بستفزك دلوقتي وبص للطريق وتابع شوفيهم عليها اسمك فعلا
امنيه شافتها وضحكت بفرح وتابعت يحبيبي بجدد والله انهارده اجمل يوم في حياتي عمري ما فرحت كده
سيف بحب يارب يفرح قلبك علطول يحبيبتي
وامنيه خرجت الدبله بتاعته ومسكت ايديه الشماال ولبستهاله وبصتله بانتصار
سيف بضحك بتبصيلي ولا اللي بتشوفيني كل يوم مع واحده وماصدقتي وقعت تحت ايدك
امنيه بضحك لا مش كده ده انا اقتلك لو عملت كده بس ببصلك علشان هتدبس رسمي خلاص
سيف ضحك وتابع بحب طب بالله ياريت كل التدبيسات قمر كده ده احنا ندبس كل يوم ومسك دبلتها لبسهالها في الشمال
امنيه بضحك اتلللم لانك مش رومااانسي خالص اهو ايه اللي تتدبس كل يوم تتجوز كل يوم يعني
سيف بضحك لا ده ليڤل النكد عندك في العالي بجد
امنيه بضحك ماهي معناها كدده
سيف بضحك لا انا مقصدش كده اللي يعرفك ميعرفش يشوف حد بعدك
امنيه بضحك ده مدح ولا ذم
سيف بضحك هو مدح بس بيتقال بغُلب من اللي الواحد بيشوفه بس وامنيه ضحكت
وشويه ووصلوا والعيله كلها كانت متجمعه في البرنده جاهزين ومعاهم المأذون ولما شافوهم البنات زغرطوا بفرح وسيف نزل وفتح العربيه لامنيه ومد ايديه نزلها
ياسمين بدموع فرح ايه الحلاوه والطعامه دي بجد
امنيه بفرح ده ايه الحلاوه دي انتي وحطت ايديها على بطنها
ياسمين ضحكت من بين دموعها وحضنتها وتابعت عقبالك ينورعيني بجد وربنا يسعدك ويهنيكي
امنيه بدموع فرح يارب بجد يحبيبتي تسلميلي يا غاليه
زينب زغرطت بفرح وجات حضنتها وتابعت ايه الحلاوه دي يا مرات الغالي
امنيه ضحكت وهي بتحضنها وتابعت اتاكدت انه غالي لما سميتي ابنك على اسمه
زينب اتوجعت بس مبينتش وابتسمت وتابعت طبعا ده حبيبي عقبال ما تجبيلنا انتي كمان بيبي قمر زيكم كده
عمر بضحك بنوته باذن الله علشان نجوزها لحسام
امنيه بضحك يارب يا حضره الظابط هو احنا نطول
عمر بحب تسلمي يا غاليه ربنا يسعدكم
نرمين حضنت سيف وتابعت بدموع فرح وهمس عوضتني عن وجعي اللي شوفته بسبب اخوك لما شوفتك عريس انهارده .. حقيقي فرحانه بيك كلمه قليله يااه يا سيف مش قادره اصدق اني شوفتك عريس ربنا يسعدك ويفرحك ونشيل عيالك يا ابني بجد
سيف الدموع اتجمعت في عينيه وباس ايديها وراسها وتابع بحب ربنا ميحرمناش منك ياست الكل تسلميلي يا غاليه
صافيه بدموع فرح ايه الحلاوه دي يا ولاد ربنا يحميكم يارب ونشيل عيالكم قادر يا كريم
سيف بحب تسلمي يا صفصف قلبي
زينب حضنته بدموع فرح وتابعت بجد مش عارفه اوصفلك بس هطير بيك بسم الله ما شاء الله عليك زين الرجال ايه الحلاوه دي كلها بجد
سيف باس جبينها وتابع بحب حبيبت عيوني ربنا ميحرمني منك يارب ويطمنا عليكي يقلب اخوكي
عمر حضنه وتابع بحب مبروك يا قلب اخوك
سيف بحب تسلم يا غالي
امنيه بحب اشمعنا انت نزلت وسيف اخوه لا
عمر بابتسامه سيف القائد فمش بيقدر ينزل زيي الاكتر بيبقى هناك
امنيه بحب ااه فهمت ربنا معاه ياارب
سيف بحب طب ممكن كفايه رغي ويلا ولا ايه
امنيه بحب حاضر
شهد بحب استني اساعدك وراحت تشيل معاها اافستان علشان تعرف تتحرك وقعدتها وسيف قعد جمبها
امنيه بحب فين بابا يا ماما
سميه بدموع فرح اهو يحبيبتي تعالى يا محمد
محمد بحب ودموع جيت اهو وقعد قدام سيف
سيف بتنهيده طب امضي يحبيبتي يلا
امنيه بستغراب دلوقتي
المأذون اه يابنتي يلا وجوزك هيمضي بعدك
امنيه مسكت القلم ومضت وبصمت على الورق وجيه دور سيف فبص لشهد وغمز
شهد بتمثيل ايه ده هو الميكاب ساح صح يا امنيه بصي كده
امنيه بصتلها وتابعت لا والله قمر
شهد لالا قومي معلش بصيلي حاسه الكحل ساح
امنيه بضحك حاضر اهو وقامت وقفت وفضلت تبصلها وتابعت لا والله فعلا قمر
شهد بحب طب امسكي صوريني انا الواد متعمليش فيها عروسه عليا
امنيه بضحك حاضر عيوني وبصت لسيف بتستأذنه فهز راسه بماشي فمشيت شويه لقدام
ووقفت شهد مع احمد امنيه فضلت تصورهم
زينب بتوتر اخلص يا سيف بسرعه
يونس ومتقولش اسمه يا مولانا الله يباركلك
المأذون فاهم عمر قالي كل حاجه
محمد بتنهيده خير بأذن الله
وسيف بيمضي على الورق
عند شهد واحمد
شهد بحب ايوه حلوه اوي دي تسلم ايدك
احمد غمز لامنيه وتابع واحده بقى وانا ببوسها
شهد بصدمه ايه تعمل ايه وتابعت بحده ده انت نهاارك اسود انهارده
امنيه فضلت تضحك فتابع احمد بضحك يا بت اقصد خدك الله في ايه
شهد بحرج احمد بجد اتلم هو ايه اللي خدي حلال ده يعني
امنيه بضحك هو اخترع دين جديد
احمد بضحك لا انتوا اللي جاهلين متعرفوش حاجه
شهد بضحك انت بتعبد ايييه هااا شكلك عايز يونس يظبطك بجد
امنيه بضحك يابت غمزلي والله ويلا اخلصوا عايزه اروح لجوزيي
شهد بضحك شووف البت مبقاش جوزك لسه ياختي
امنيه بضحك هيبقى اهو خلاص
احمد بضحك قلبك جابك تدبسي نفسك يا امنيه خلاص مش هتغيري رايك
امنيه بضحك لا مقدرش
شهد بضحك كويس انك عارف انكم مصيبه وابتلاء في حيااه البنات
احمد بصلها بحب وتابع مصيبه وابتلاء في حياه البنات اه بس للاسف بقى احنا زي ابونا ادم منعرفش نعيش من غيركم
امنيه فضلت تضحك وتابعت ثبتك اهو
شهد بضحك ثبتني ايه ده ليلته سودا ده بيقولك غيرككم بيجمع على مين ددده
احمد فضل يضحك وتابع لالا منا اقصد الرجاله انما احمد ميقدرش يعيش من غير شهد بس
شهد ضحكت بسخريه وتابعت عند امك عارفها
امنيه فضلت تضحك فتابع احمد بضحك ولما اهزقك قدام البت ?? وبعدين ليه قله الثقه دي يا شهوده
شهد بابتسامه ورفعه حاجب سجلك وتاريخك مش مخليني مصدقاك يا غالي بسمع الكلام بيعجبني اه بس مبحسهوش يا قلب شهوده
امنيه فضلت تضحك فاكلمت شهد بضحك لا بتكلم جد كلام الرجاله حلو نسمعه لكن منصدقوش
امنيه بضحك شكلك خبره يا بت يا شهد
شهد بضحك يابنتي حبيت واحد اسمه احمد عايزه ايه انتي
ودخلت على البرنده وامنيه بتضحك وداخله وراها
احمد بضحك والله دي بنت جزمه
في البرنده سيف كان خلص الامضاء وقاعد وقدامه محمد وماسك ايديه وبيرددوا ورا المأذون وامنيه جات حطت ايديها على كتفه فبصلها وابتسم بحب وشويه وتابع المأذون بارك الله لكما وبارك عليكما وجمع بينكم في خير
وكلهم زغرطوا بفرح فغمض سيف عينيه بعدم تصديق وقام وقف وهي قدامه كانت عينيها بتلمع من الدموع فباس جبينها بعمق وحضنها وتنهد بعمق شديد وعمر بصله وغمز بضحك فسيف ابتسم وهمس اتلم
فعمر ضحك وزينب وقفت جمبه وهمست بتضحكوا ليه ها
عمر بضحك انتي مال اهلك انتي ده سين بيني وبين صاحبي الله
امنيه بدموع فرح مليون مبرووك يحبيبي
سيف بحب مبرووك لينا ياست البنات ورفع ايديها باسها بحب
وامنيه ضحكت بفرح وحضنته جامد وهي لافه ايديها على رقبته فشدد من احتضانها بحب واضح ونور كانت بتبصلهم قلبها واجعها على حالها ومتحسره على اللي حصل في حياه العيله بسببها وتابعت في سرها ياريتني اتحبيت ربع حب سيف ليكي يا امنيه وتنهدت بوجع وتابعت يمكن ده مش حسام بس حقيقي حتى لما تعرفي مفروض تحمدي ربنا ليل نهار ان وقعك في شخص زي سيف ويحبك كده
ويونس كان واخد باله من نظراتها وفاهم بتفكر في ايه فتنهد بعمق
صافيه بضحك يلا كفياكم احضان واطلعوا كملوا فوق
كلهم ضحكوا بشده وامنيه بعدت عن حضنه بحرج فتابع سيف بضحك يا تيته ايه اللي بتقوليه ده بس
نرمين بابتسامه الله وهي قالت ايه ماهي مراتك
امنيه بحرج طب انا بقول يلا عايزه امشي علشان ثانيه كمان مش هقولك هيحصل ايه
سيف بضحك هتعيطي منا عارف
امنيه بحرج اه ده بجد
كلهم ضحكوا بشده فتابع مازن بضحك وغمز هترفع راسنا هطلعلك من الحاجات اللي بعملها مع مراتي هتكسفنا خليهم لينا احنا وندي الراجل المحترم ده علشان رفع راسنا قبل اجازته ما تخلص
عمر فضل يضحك وتابع حبيبي تسلم يا رجوله
امنيه بحرج حساام
سيف بضحك حاضر طالع .. والله مشافوش ربايه سيبك منهم ولا كأنك سمعتي حاجه
زينب بضحك طب يلا شيلها واطلع
سيف برفعه حاجب اشيل مين ??
منصور بضحك ايه يا واد تشيل مراتك هيكون هتشيل مين يعني مالها البت ماهي كتكوته كلها اهي مش هتتعبك
سيف لا طبعا مش هشيل انا وبص لامنيه وتابع يلا يحبيبتي اطلعي
امنيه برفعه حاجب طب ايه رايك انا مش هطلع الا لما تشيلني
سيف برفعه حاجب ده امر ولا تهديد يعني علشان افهم بس ??
امنيه بحب ولا ده ولا ده بلحب شيلني يلا
سيف بحده اشيلك اييه هو انتي اتشليتي ما تطلعي على رجلك يلا اخلصي
زينب بضيق حرام عليك ما تشيلها ما انت شلتني يوم فرحي ايه الفرق يعني
امنيه بستغراب هو اللي شالك ولا اخوه ?? يابت قالي سيف
زينب بتوتر اه سيف اقصد انه مكنش معترض يعني
امنيه بحزن طب بالله عليك اشمعنا
سيف بصلها بحده وتابع اطلعي يا امنيه علشان كلمه كمان هنكد عليكي
زينب بضحك لا ده انت غريب بجد ما تشيل البت وبطل نكدد يا يحبيبي في ايه
يونس بس يجماعه هو حر وفاهم بيعمل ايه
عمر بتنهيده اه انا فهمته
امنيه بضحك طب فهموني انا كمان
سيف بحده اخلصي يا امنيه واطلعي مش هنفضل ساعه في الشارع
امنيه بحده شايفه الاسلوب يا مامااا بصي من اولها بيعمل ايه ????
نرمين بضحك معلش حقك عليا انا يا قلب ماما
سيف برفعه حاجب انتي عليتي صوتك صح ??? وقسما بالله صوتك ده لو علي تاني هزعلك ورايح ناحيتها طلعت جري على البيت فكلهم ضحكوا عليها
مازن بضحك يا ابني براحه يا ابني دي عايزه رقه دي هو انت شايفها عمر ولا حسن في الجيش ولا ايه
عمر بضحك بس يا مهزق انا مش بتهان كده
سيف بصله برفعه حاجب فتابع عمر بضحك اكتر من كده
كلهم فضلوا يضحكوا فتابعت زينب بضحك لييه يعمري بيعملك ايه الشرير ده وبصت لسيف وتابعت بتعمل لجوزي ايه هاا
سيف بضحك لا ده كلام عيب بتاع كبار لما تكبري هقولك .. يلا هطير انا
محمد وقفه وتابع بحزن سيف يا ابني معلش حقك عليا على عناد امنيه بس هي عصبيه شويه وانت عارف فعديلها وواحده واحده عليها
سيف بتنهيده امنيه عصبيه وانا سمي وموتي ان حد يعلي صوته علياا ده الرجاله مبتعملهاش معايا في الجيش مبالك بمراتي !! فضحك وتابع فادعي مترجعلكش والفطير سخن
كلهم ضحكوا فتابع محمد بضحك لا ربنا مايجيب مشاكل ربنا يسعدكم يا ابني
سميه بحب هي علطول عصبيه بس الفرق ان اخوك مكنش بنفس درجه حدتك معاها وطبعا دي معروفه شخصيتكم مختلفه من الشغل
سيف بتنهيده صدقيني هو في 100 فرق بس انا عملت اللي حسيته هيبقي بخساير اقل وربنا يستر
سميه بحب يارب يسعدكم يحبيبي وخلي بالك عليها وغلاوتها عندك
سيف بحب في عيني والله متقلقش
يونس انت يا ابني
سيف بصله وتابع ايه في ايه
يونس حدفله المفتاح وتابع امسك يا مسطول مش كنت بظبطلك الشقه انا والبنات وخدت مفتاحك
سيف بضحك اه صح تسلم يا غالي.. جبت الاكل اللي قولتلك عليه ??
يونس بحب اه متقلقش
سيف بحب تمام يلا تصبحوا على خير
عمر بضحك وانت من اهله يا صاحبي متكسفناش هاا
سيف بضحك وهو طالع على سلم الحوش بس يحيوان اخرس خالص ليه قالولك اسمي عمر
عمر بضحك يا باشا عمر قرب يبقى اب خلاص الدور والباقي عليك انت ولا انت مسيطر في الجيش بس ولا ايه حكايتك وفضل يضحك
سيف بضحك هرد عليك بس مش دلوقتي اكمني مبحبش اللي يقول وميعملش فا خليني افاجئك يا غالي
عمر بضحك لا انا اتخرست خالص خلاص
زينب بضحك اصلا بتسيبه يتريق عليك ليه يحبيبي ما انت صحيح مراتك هتولد اهو هو اللي عريس جديد ربنا يستر عليه بقى
عمر فضل يضحك فتابع سيف بضحك اممم هتطبل لجوزها اهي طب خلي الطابق مستور يا ام حسام واتلمي ياللي جوزك دراعه كان مكسور يوم فرحكم
كلهم فضلوا يضحكوا فتابعت زينب بضحك ومالو مش عيب معاه عذره الراجل
عمر بضحك اصيله يا غاليه
زينب بضحك حبيبي
سيف بضحك اممم انتي هتقوليلي ده لو عليكي نفسك يتكسر علطول يلا مش فايقلكم انا وطلع
يونس بضحك حقه هيفوقلنا ازاي يعني ما يخش نولع
كلهم فضلوا يضحكوا فتابعت زينب بضحك لا بس بجد ميعرفنيش وظالمني علطول انا عايزاك مكسور علطول اخص عليك يا سيف بجد
عمر بضحك لا في دي انا معاه بصراحه
كلهم ضحكوا فتابعت زينب بضحك والله انت بايخ اوعا كده متهزرش معاايا تاني
عمر بضحك يلا طيب نتصالح في البيت
نرمين بحب لا استنوا اتعشوا وامشوا
عمر لا ولا اي حاجه تعبان وهموت وانام وقايلها والله يلا تتعوض يوم فرحتكم بابن سيف
صافيه بحب من بوقك لباب السما يحبيبي
عمر بحب او بيونس ايهما اقرب
يونس اممم ومالو ما زمن المعجزات شغال اهو
عمر بضحك طب هتشوف وهتقول صاحبي قال يلا احنا يا زوزا تعبت بجد
زينب بحب يلا يحبيبي
مازن بحب يلا يا سمسم نطلع نكمل احنا الكحك اللي كنا بنعمله
ياسمين بحب يلا وطلعوا
شهد بتعب هنام انا بقي ها بكره في امتحان
احمد بص في الساعه وتابع ااه يلا كفاياكي كده وهطلع انام انا كمان
شهد اسندني بالله عليك حاسه هقع مجهده اوي
احمد بحب تعالي يحبيبتي وطلعوا
نور بتعب ماما انا مش عايزه انام هروح اتمشى شويه
عايده بحده تتمشي ايه انتي عبيطه الساعه 12
نور بضيق اووف طب مخنوقه مش طايقه نفسي مش عايزه اطلع انا
منصور بتنهيده سيبيها يا عايده مفيهاش حاجه
ايمن بحده الساعه 12 يابا بتهزر ولا ايه لا طبعا عايده صح
منصور بص ليونس وتابع مشي بنت عمك شويه وتعالوا
يونس بتفاجئ ايه نعم
منصور ايه يا يونس بتكلم انجليزي اياك يلا روح وديها
يونس بتنهيده حاضر يلا يا نور
نور مسكت ايديه ومشي بيها وتابع نركب العربيه احسن ولا حابه تمشي على رجلك
نور بتنهيده لا خلينا كده انا عايزه اتمشى
يونس بحب اللي تحبيه
نور بوجع هو انا ممكن اسالك سؤال يا ابيه
يونس بحب اكيد طبعا
نور تنهدت بعمق وتابعت بدموع هو انا وحشه ??
يونس بصلها وتابع مين متخلف فهمك كده ?? وحط ايديه الاتنين على خدها وتابع بحب كل عين بتشوفك على قد حبها ليكي وانا بحبك جدا طبعا فشايفك مفيش في جمالك فعلشان تتاكدي ان ده بجد مش مجرد انعكاس حبنا ليكي جربي اقفي قدام المرايه كل يوم كده لو متسحرتيش بنور وجمال نور بحق
نور ضحكت من بين دموعها وتابعت انت بتحبني علشان انا شبهك بس
يونس بضحك يعني انتي شايفه كده
نور بضحك لا طبعا مش ده السبب الوحيد بس احد الاسباب
يونس بحب اه هو دي حاجه بتعجبني بس مش من احد الاسباب ولا حاجه
نور ابتسمت وتابعت بوجع طب اشمعنا هو مشافنيش حلوه وبص لبنت تانيه … هي جودي فيها ايه زياده عني
يونس بحب مين ده اللي مشافكيش حلوه ??
نور بدموع قاسم هيكون مين يعني
يونس مسح دموعها وتابع اه مين قاسم ده نوع حيوانات يعني ولا ايه ??
نور ضحكت من بين دموعها وتابعت يا ابيه انا مبهزرش بجد
يونس ولا انا بهزر ومش فاهم بتضحكي ليه فعلا .. لان مفيش انسان طبيعي خلقه ربنا وميزه بلعقل وانتي تكوني مراته ويبص حوالين نفسه حتى مش تقوليلي يبص لواحده تانيه
نور ابتسمت بحب وتابعت كلامك جميل اوي بجد .. وابتسمت بحزن وتابعت بس هو ليه عمل كده انا قصرت في ايه
يونس بتنهيده عارفه المشكله في ايه يا نور
نور بتنهيده ايه
يونس المشكله فيكي انتي
نور بصدمه فياا انا يعني ايه اصل اي ان كان عملتله ايه يا ابيه اكيد مستحقش انه يخ
يونس بمقاطعه بس بس رايحه تقولي ايه لا طبعا هو مبدائيا الخيانه ملهاش مبرر بس انا مقصدش كده انا اقصد المشكله فيكي انتي انك مش راضيه تقتنعي انه هو اللي حيوان وابن ستين كلب وعلطول بتقفي تقولي طب انا عملت ايه استاهل عليه يعمل فيا كده انا قصرت في ايه مع انك معملتيش اي حاجه هو بس الاصل الواطي مهما اتخبى بيبان بلوقت وده اللي حصل
نور بدموع منا حقي اسال السؤال ده لاني بجد مستاهلش انا عمري ماقصرت معاه
يونس بحب ماعلشان انتي بنت ناس وعمرك ما عملتي حاجه وحشه ربنا سمح تتوجعي بس يبعد عنك الناس الزباله اللي مش شبهك ولا عمرها هتكون شبهك
نور بدموع عارفه بس الوضع صعب اوي انا بجد نفسي اتعالج نفسيا
يونس بحب انتي مش تعبانه علشان تتعالجي انتي زي الفل والصدمه اللي انتي فيها طبيعيه وكلنا فيها بس موقفك اصعب لانه كان جوزك فمتجيش على نفسك زياده طبطبي عليها وقدريها لانها بجد شافت كتير بلاش انتي كمان تكسريها اللي انتي فيه طبيعي وحقك وخدي وقتك براحتك كمان بس المهم نقوم مش نفضل في نفس النقطه لان مش عيب نقع ..العيب نفضل واقعين
نور بدموع حاضر والله هحاول اعمل كده
يونس مسح دموعها وتابع وجربي بجد اقفي قدام المرايا هتغيري وجهه نظرك دي خالص ده انتي سندريلا هو اللي حمار جودي ايه وقرف ايه بس
نور ضحكت وتابعت بس عايزه اتخن شويه
يونس بحب انتي كده زي القمر اللي بيحبك بجد مش هيعدل فيكي
نور بوجع بس انا متحبتش
يونس بابتسامه ما علشان كده بعده عنك فسيبي الوقت يوريكي كل حاجه احسن وربنا هيبعتلك اللي يحبك بجد
نور بوجع يارب بجد ومسكت شعرها اللي كان بيطير وتابعت بفكر اقصه
يونس تقصي ايه انتي اتجننتي ده معدي ضهرك
نور بضيق خنقني بجدد
يونس طب ماتلميه وتتحجبي وتتلمي
نور بضحك لا مش دلوقتي
يونس برفعه حاجب طب يلا يا نور يلا علشان مش عايز اهزقك واخليكي تعيطي دلوقتي
نور بضحك يلا بس نكمل مشي مش هنروح واعزمني على عصير على البحر ونرجع
يونس بتهزري بجد في التلج ده عصير وعلى البحر ده الوقت ده عايز قهوه سخنه قدام الشاشه وانتي متغطيه ببطانيه تقيله
نور بضحك لا منا هاخد الجاكت بتاعك
يونس بضحك ااه انتي مخططه يعني وقلع جاكته ولبسهولها وهي بتضحك وتابع يلا ياختي يلا
نور بحب ابيه ممكن اسالك سؤال تاني
يونس بحب اسالي براحتك طبعا
نور بحب هو انت لما تتجوز هتفضل تعاملني زي كده ولا هتتغير
يونس والله على حسب يعني لو هي بتغير اكيد لا هتغير شويه
نور بصتله بصدمه وتابعت انت بتتكلم جد
يونس بضحك اه مالك في ايه
نور بتنهيده لا ولا حاجه خلاص انت فعلا صح منا لو مكانها مش هحب يهزر مع بنت عمو كده
يونس بضحك بس كده صح ما انتي فاهمه اهو
نور بضيق هو انت بتتكلم جد بجددد
يونس بحب اه مالك بجد
نور بصت قدامها وتابعت بدموع لا مفيش حاجه وبتمشي بسرعه علشان مش عايزه تعيط قدامه فتابع بضحك خدي بس تعالي وشد دراعها فجات في حضنه وفضل يطبطب عليها وهو بيضحك وتابع بهزر معاكي والله خلاص
نور بدموع اوعاا بجد علشان انت هزارك رخم وضربته في صدره ومشيت
يونس بضحك يا بت استني الدنيا ليل يخربيت اهلك لتقعي في ترعه تجيب اجلك
ومشي وراها
——-
في شقه مازن وياسمين
ياسمين غيرت هدومها ولبست كاش مايوه وقاعده بتشكل العجين ومازن جمبها بيساعدها
ياسمين مازن معلش يحبيبي شوف اللي في الفرن كده
مازن بتوعنا ولا بتوع سيف
ياسمين لا بتوعنا بتوع سيف اللي لسه هعملهم علشان يبقوا سخنين اكتر لما يطلعوا
مازن لا فكك متطلعيش حاجه انهارده بكره نطلعله ده انا دمي اتحرق اليوم ده فارحموا الراجل شويه
ياسمين فضلت تضحك وتابعت خلاص ماشي مش هتفرق بس علشان تاكل براحتك فخلي اللي في الفرن بتاعنا طلعه ودوقه وهنزل منه تحت بس لما اكمل بتوع سيف الاول
مازن بحماس تمام اتفقنا وقام فتح الفرن وخرجهم وحطهم على الطبق وجابهم وتابع بضحك بسم الله ربنا يستر
ياسمين بضحك لالا متقلقش
مازن داق وتابع باعجاب اممم ايه الحلاوه والطعامه دي
ياسمين بحماس بجد حلو ??
مازن باعجاب روعه بجد تسلم ايدك
ياسمين بضحك شوفت قولتلك الف هنا يحبيبي
مازن بحب لا بجد برافو عليكي يا بت يا سمسم وباس خدها
ياسمين بضحك حبيبي يلا بقى سيبهم وتعالي ساعدني شويه
مازن بضحك حاضر شويه وجايلك
ياسمين بضحك اخلص يا مازن بجد عايزين نلحق نخلصهم قبل الصبح علشان معرفش هيطلعوا ليهم الساعه كام
مازن محدش بيطلع لحد بدري دلوقتي ماتخلوا عند اهلكم دم بقى
ياسمين بضحك الله انا مالي انا
مازن لا مش عليكي بتكلم عموما عالم بارده بصراحه
ياسمين بضحك طب يلا بالله عليك سيب الطبق وتعالى ساعدني
مازن بحب انا هسيب الطبق بس غيران من سيف بصراحه ما تسيبي انتي اللي في ايدك وتعالي اقولك سر جوه
ياسمين بضحك لا مش عايزه اعرف اسرار ومتغيرش منه واحترم نفسك ده عريس جديد انما انت خلاص راحت عليك
مازن لا كله الا السمعه قصدك ايه براحت عليك دي بقى ???
ياسمين بضحك مقصدش يحبيبي ااتلم بقى وتعالي ساعدني
مازن بضحك تعالي بس وهنرجع هكمل معاكي والله
ياسمين بضحك مازن بطل دلع مش هينفع والله مفيش وقت تعالى ساعدني ونخلص وبعدين نشوف الاسرار براحتك
مازن تنهد وتابع والله انتي بت نكد ملكيش في الطيب نصيب هاتي ياختي علشان اشكل معاكي هاتي
ياسمين بضحك ايوه كده ربنا يهديك وسيب سيف في حاله
مازن بضحك لا سيف ايه بقى ده يبخته ده زمانه هايص واهم حاجه نسيوا يشربوه لبن فا ليلته هتبقى بيضه بجد بلا الحاد وكلام فاضي
ياسمين فضلت تضحك بشده وتابعت يا ابني اتلم بجدد
مازن بضحك هتلم ياختي حاضر هاتي الصنيه اللي جمبك دي
ياسمين ادتهاله وتابعت بضحك اختك في عينك يا شيخ
مازن بضحك يا شيخه اتنيلي بقي يا شيخه وجعتك اووي الكلمه
ياسمين بضحك اه طبعا انا اعمل بيها اه انما تقولهالي لا
مازن بضحك مهزقه والله
—–
في شقه سيف
كان بياخد شاور في اوضتهم وامنيه مستنياه يخرج وزي ماهي بفستانها ودقايق وخرج
امنيه بضيق ايه يا حسام ساعه في الحمام
سيف خرج لابس بنطلون بس ومن غير اي تيشرت وتابع حقك عليا منا قولتلك خشي الاول او روحي التاني مردتيش
امنيه لا انا عايزه بانيو التاني مفيهوش ومفكرتش هتتاخر كده
سيف بحب طب عموما انا خلصت خلاص ادخلي
امنيه لفت وتابعت افتحلي السوسته معلش وفك الطرحه مليانه بنص وتعبتني
سيف بحب حاضر وراح وقف وراها وفتح السوسته اللي على ضهرها وفضل يشيل البنص معاها لحد ما فك ااطرحه وشعرها اتفرد على ضهرها فلفتله امنيه وتابعت بحزن بس خد بالك انا بجد زعلانه منك
سيف بتنهيده لو هتزعلي مني علشان ماشيلتش مراتي قدام الناس اللي في البلكونات والرجاله دي كلها اللي كانت واقفه يبقى ازعلي
امنيه بضيق يا حسام ده لو الفستان ضيق انما فستاني واسع بجد
سيف وطى شالها بين ايديه فشهقت بخضه وتابعت يخربيتك صرعتني سيف وهو باصص للمرايه وشايلها وتابع بتنهيده وكده لما انا اشيلك واحط ايدي عند رجلك الفستان مش هيضيق على جسمك من الحته دي
امنيه بحرج اممم ضاق نزلني بقى
سيف بتنهيده انا اقدر اعمل واوفقك على حاجات كتير بس اني احافظ عليكي من عيون الناس اول واهم حاجه عندي
امنيه بحب كل شويه بكتشف فيك ميزه اول مره اشوفها
سيف تنهد بعمق وتابع ولسه هتشوفي حاجات تاني انا اتغيرت فعلا بجد
امنيه بحب حاسه للاحلى بجد
سيف بحب ده شئ يفرحني جدا بس هيبان عموما
امنيه بحب طب هروح اخد شاور وجيالك ها
سيف بحب ماشي يعمري وراح فرد ضهره على السرير وتنهد بعمق وهي دخلت تاخد شاور وشويه خرجت وهي لابسه لانجيري ستان احمر حمالات وقصير وفي دانتيلا من ناحيه الصدر وفارده شعرها وحاطه فوقيه الروب الستان بتاعه سيف بصلها باعجاب شديد وهي واقفه بتسرح شعرها وبص قدامه وهمس يارب صبرني ده عذاب اللي انا فيه ده والله العظيم ونام واتغطى فبصت امنيه عليه استغربت بعدين كملت تسريح شعرها وتابعت حسام
سيف اممم
امنيه بحب احط ميكاب ولالا
سيف بتنهيده لالا بلاش وهمس لنفسه ناقصه الحكايه اما من غير ميكاب وتعبت اعصاب اللي جابوني
امنيه بستغراب انت بتبرطم بتقول ايه
سيف اتعدل بصلها وتابع بحب لا يعمري انتي كده قمرين
امنيه بحب طب روج بس والنبي
سيف مسح على وشه بايديه بضيق ونفخ وهمس هو يوم مش معدي انهارده وبصلها وتابع حطي يا امنيه حطي يحبيبتي مش هتفرق كتير
امنيه بحماس اوكيه ووقفت تحط لون احمر هادي مورد شفايفها وحطت تنت على خدودها وتابعت ها ايه رايك
سيف بصلها باعجاب وتابع مفيش كلام يتقال زي القمر طبعا
امنيه رشت برفيوم وتابعت بحب اي لاف يو
سيف بحب اي لاف يو تو
امنيه راحت قعدت جمبه ونامت في حضنه وغطتهم
سيف اتنفس بصعوبه وتابع بتوتر اطفيلك النور هتنامي ??
امنيه رفعتله راسها وتابعت بستغراب اناام !! ليه هو انت عايز تنام ??
سيف بتوتر لا مش حكايه نوم بس بقول يمكن انتي تعبانه ولا حاجه ولسه قايمه من الغيبوبه
امنيه بستغراب لا انا كويسه مفيش حاجه مالك يا حسام في ايه
سيف تنهد بعمق وتابع مفيش يحبيبتي مفيش متشغليش بالك
امنيه ضحكت وتابعت انا متوتره اوي هو انت لما تتوتر زيي مين هيفك الجو بذمتك
سيف برفعه حاجب مين ده اللي متوتر يا بنت الجزمه انتي ???
امنيه بضحك ايه مالك ما واضح عليك اهو ليه محسسني اني بكدب مثلا
سيف علشان بتكدبي صح انا مبتوترش من اي حاجه
امنيه حطت ايديها على صدره وتابعت بحب بس امنيه مش اي حاجه ولا اي حد ولا ايه
سيف غمض عينيه بتوتر وقلبه فضل يدق بعنف وتابع بهيام فيها اه اكيد طبعا
امنيه بحب ايه رايك فيا عموما بقى
سيف بحب ولا غلطه حرفيا
امنيه قربت من وشه وبصتله بحب وهمست بحبك
سيف دقات قلبه عليت اوي وهمس بحب وانا بموت فيكي ومقدرش يمنع نفسه عنها فقرب باسها بحب وعمق بيعبرلها عن كل اشتياقه ليها وهي اتوترت شويه بس غمضت عينيها وحطت ايديها حوالين رقبته وايديه جات على الروب ونزله من على كتفها بيطئ ومال بيها وهو لسه بيبوسها بحب وقطع تركيزهم صوت الجرس فاتخضت امنيه وسيف رفع وشه بعيد عنها هو بياخد نفسه بسرعه وحط صوابعه مابين شعره بيظبطه وبيرجعه لورا
امنيه وهي بتاخد نفسها وصدرها بيعلو ويهبط تابعت بحرج ايه ده مين دلوقتي
سيف بتوتر استني اكيد حد جايب العشا انا نسيت الموضوع ده خالص وقام فتح الدولاب وجاب اي تيشرت لبسه وتابع وهو خارج ايوه ايوه جاي وهمس لنفسه : انا ايه اللي كنت ههببه ده !! ازاي اعمل كده !! لالا انا مينفعش اجتمع مع امنيه في مكان لوحدنا خالص حاسس اني هغلط ومش هعرف امثل اني بارد قدامها كتير واه اتوترت بس لاني بجاهد مقربلهاش مش علشان اللي في دماغها خالص ونفخ بضيق من تسرعه وقربه منها وتابع بصوت مسموع حاضر جاي جاي
ومشي وصل للصالون علشان يفتح الباب
