رواية غموض الحب عائلة الرفاعى الفصل السابع و الاربعون بقلم لولا
وفاق من كل ده وقرب باس جبينها ودموعه بتنزل وتابع بوجع انا خسرت كل حاجه حتى اخويا مش هقدر اخسرك انتي كمان يحبيبتي والله مش هقدر اتوجع تاني فيكي انتي كمان يا امنيه وقعد على الكرسي قدامها تاني ومسك ايديها بين ايديه الاتنين وباسها بعمق وهو مغمض عينيه وهمس لنفسه واحشتني حقيقي واحشتيني مش عارف الوم نفسي علشان اتأخرت عليكي وشوفتيني في حسام وحبتيه وبسبب سكوتي انتي تعبتي من موته دلوقتي ولا الومك علشان قدرتي تحبيه بس حقيقي اللوم عليا اانا كتر منك
سميه بصدمه من وراه انت بتقول ايه يا سيف
سيف اتخض وساب ايديها وقام وقف وتابع بتوتر وهو بيمسح دموعه بسرعه : خاله سميه ازيك عامله ايه
سميه رايحه تتكلم لفت نظرها ان امنيه حركت ايديها اللي كان ماسكها سيف سنه بسيطه ووقفت تاني فتابعت بلهفه ايه ده البت كانت هتصحى وراحت عندها وفضلت تهز فيها بخفه وتابعت بدموع فرح امنيه .. امنيه قومي يا قلب ماما .. امنيه انتي سمعااني يحبيبتي ردي علياا ريحيني يا امنيه كفايه ياقلبي كفايه كده واحشتيني وبصت لبرا وتابعت يا دكتور .. يا دكتور
الدكتور دخل بخوف وتابع ايه ايه يا ام امنيه خير
سميه بعياط البت اتحركت والله اتحركت اكشف عليها معلش شوفها والله كانت هتصحى
الدكتور طب اهدي طيب اهدي خير باذن الله حاضر وبدا يكشف عليها بعدين رفع السماعه من على رقبته حطها على ودانه ورايح يرفع البدي اللي لبساه امنيه فا إيد سيف منعته
الدكتور بستغراب خير في ايه
سيف برفعه حاجب انت بتعمل ايه ???
الدكتور بستغراب ايه هكشف عليها واسمع نبضات القلب هعمل ايه يعني ??
سيف بحده انت عبيط في دماغك ولا ايه لا طبعاا هات دكتوره تكشف وتقولك
الدكتور بستغراب انت في ايه يا فندم ده شغلي هو انا هبص لمريضه عندي وبعدين لا حياء في العلم و
سيف بمقاطعه وبحده لا حياء في العلم اه مختلفناش بس معلش بقى خليها عليك انا صعيدي مقفل مينفعنيش الكلام ده .. وعايز تعتبرها جهل تعتبرها راجعيه تعتبرها جنان اعتبرها زي ما تعتبرها بس مش هتتكشف عليك
سميه ابتسمت وتابعت وفيها ايه يا سيف يا ابني عادي عديها المهم نطمن
سيف بحده لا فيها كتير انا قايل لعاصم اي كشف هيعري امنيه دكتوره ست اللي تبقى تدخل تكشف وتودي التقارير للدكتور المعالج مقولناش حاجه انما مش هو اللي يشوفها ده بيقولك هيشوف قلبها انتي فاهمه هيعريها لحد فين ولا مش فاهمه
سميه فضلت تضحك وتابعت خلاص يا دكتور خلاص روح انت وابعت دكتوره نعمه معلش يا ابني
الدكتور بتسغراب شديد حاضر يا حجه وخرج وهو بيهز راسه بيأس وبيتكلم بصوت واطي
سيف بحده برطم .. برطم كمان علشان اجي اكسر راسك دلوقتي
سميه بضحك اهدى شويه دول بيعالجولي البت اللي حلتي
سيف بحده ولا يقدروا يعملوا حاجه دول كلهم شغالين عند صاحبي والمستشفى كلها تحت امركم وامنيه لو مشالتهاش الارض اشيلها انا فوق راسي واوديها اخر الدنيا المهم تبقى بخير
سميه ابتسمت وتابعت مش مستاهله اخر الدنيا هي خطوه واحده وهتبقى بخير
سيف بستغراب يعني اي يا خاله مش فاهم
سميه رايحه تتكلم فنعمه دخلت وتابعت بضحك عامر قاالي وهكشف عليها انا يا خالتي معلش استنوني برا
سميه بحب ماشي يا بنتي يلا يا سيف تعالى ورايا عايزاك
وخرجت
سيف وطى باس جبينها وبص لنعمه وتابع بالله عليكي في عينك
نعمه بحب حاضر يا سيف بيه متقلقش والله
وخرج ورا سميه كان محمد ابو امنيه جيه
سيف بابتسامه ازيك يا عمي عامل ايه
محمد بحب الحمدلله يا ابني طمني انت عليك
سيف بحب الحمدلله نشكر ربنا على كل حال
سميه مسكت ايد سيف وتابعت لجوزها تعالى يا محمد عايزاكم ودخلوا اوضه في المستشفى وتابع سيف بستغراب في ايه يا خاله
سميه الدموع اتجمعت في عينيها وتابعت انت كنت بتقول ايه لامنيه جوه
سيف غمض عينه وتنهد بعمق وتابع متشغليش بالك باللي قولته وكأنك مسمعتيش حاجه
محمد بستغراب هو ايه ده يا سميه اللي سمعتيه فهميني
سميه بدموع انت قولت لامنيه انك اتوجعت في اخوك ومش هتستحمل تتوجع فيها هي كمان ونظره عينيك لبنتي ودموعك اللي نزلت وغيرتك عليها من الدكتور بتاعها وموصي عليها دكاتره المستشفى كلها وسؤالك المستمر عليها وعليا انا وابوها كل ده مش صدفه يمكن انا اللي مكنتش واخده بالي او كنت بكدب تفكيري بس اللي شوفته انهارده غير كتير من وجهه نظري يا سيف واستجابه امنيه لي لمست ايديك ليها دي مش صدفه
محمد بتفاجئ ايه هي امنيه صحيت ???
سميه بدموع لا مصحيتش بس ايديها اتحركت لاول مره من ساعه ما دخلت في الغيبوبه واول مره بردو سيف يدخل يكلمها ويمسك ايديها وميبصش من بعيد ويمشي كعادته
سيف الدموع اتجمعت في عينيه وسكت فتابعت سميه بدموع قولي يا ابني فهمني انت بتحب امنيه
محمد بصدمه انتي بتقولي ايه يا سميه هو يعرفها منين علشان يحبها
سميه بعياط بس انت يا محمد انت مشوفتش نظره عينيه لبنتك دي نظره عاشق مش مُحب
محمد بستغراب يا سميه مش بكدبك بس هو عارف امنيه منين دي كانت خطيبت اخوه ومشفهماش ولا مره
سيف تنهد بوجع وتابع يمكن فعلا مش عارف امنيه في نظر الكل بس انا عارف ان اكتر اكله بتحبها الكفته والفراخ المشويه والرز بسمتي والحواوشي بس المكرونه البشاميل بلذات مبتستغناش عنها وبتحب تشرب الآيس كوفي والسحلب او شاي اللافندر وبتحب تلبس كاجوال او دريسات وابتسم وتابع وبتشجع الاهلي وبتحب عمرو السوليه ومحمد الشناوي وضحك وتابع لا والبنت الوحيده اللي مش بس مجنونه بلكوره دي كمان بتحب تلعبها وطفله ورقيقه لابعد حد ضحكتها حلوه والغمزات بتوضح لما بتضحك وابتسم بهزار وتابع وبتحب مايؤذيها لدرجه ماده الاحياء في الثانويه العامه مع انها بتجيبها الارض وبشوشه وبتحب الضحك والهدوء … وبتعيط لما بتتوتر لانها بتفشل انها تهدي نفسها ولما بتفرح بتبقى عايزه تقول للكل انا فرحانه انهارده بسبب كذا كذا وبيبان على ملامحها جدا وضحك بدموع وتابع واحلامها بتتحقق فاكر دي جداا وعندها الحسه السادسه وبتكره الكدب جداا وعصبيه جدا .. فا لو سالتوني ازاي بعد كل ده متعرفش امنيه هقولكم ده قدام الدنيا كلها انما واقعيا محدش عرفها قدي
سميه ومحمد اتصدموا ازاي حافظها كده وتابعت سميه بدموع ممزوج بتفاجئ: شوفت .. شوفت ان انا صح يعني طلعت بتحبها اهو .. لا بتحبها ايه ?? ده انت بتعشقها واما انت بتحبهاا اوي كده سبتها لاخوك ازاي فهمني وتعرف عنها كل ده ازاي يا سيف
سيف بوجع خاله سميه انا فعلا مش قادر اتكلم ممكن نأجل اي كلام لبعدين
محمد بصدمه لالا نأجل ايه انت فهمنا كل حاجه ده حصل ازاي وامتى وليه تسيبها لحسام طلما انت بتحبها كده يا ابني
سيف غمض عينيه بوجع وقعد على الكرسي اللي قدامه وتنهد بعمق وتابع ده موضوع طويل اوي ويطول شرحه
سميه قعدت قدامه وتابعت بلهفه طول براحتك بس فهمني ازاي ده حصل بالله عليك يا ابني
سيف تنهد وتابع من 6 سنين امنيه كانت 16 سنه ورايحه الدرس بتاعها وانا كنت في كليه تجاره اخر سنه وفي الطريق في شاب قطع الطريق عليها وخدرها وخدها معاه في حوش بيت كده
ام امنيه اتخضت فتابع سيف اهدي اهدي محصلهاش حاجه ساعتها .. وانا مسكت الواد ضربته وشيلتها وروحت بيها كافيه وفضلت افوق فيها لحد ماصحيت وابتسم وتابع وكانت لِمده لاماده مش في حد وفضلت تقولي كلام استغربته اوي ساعتها زي اني هتجوزها وهحبها وان احلامها بتتحق وانها حلمت ان الشخص اللي هتتجوزه بيكون بينقذها الاول من مشكله وحتى انها سمتني فارس ولما سالتها اشمعنا قالتلي علشان انت فارس احلامي فانا فضلت اضحك اوي اصله كلام طالع من عيله هاخده بمحمل الجد ليه يعني?? بس لما مشيت وروحت محاضرتي فضلت فاكر نفس الكلام وعمال اضحك فا فضولي خدني اعرف عنها معلومات عادي يعني بنت قموره وتلقائيه وطيبه ويمكن دي اكتر حاجه حبيتها فيها زي مابيقولوا كده خفيفه الظل فتدخل القلب بسهوله فانا وراجع روحت السنتر اللي كانت هتروحه وطلعت ولما طلعت لاقيت صوره كبيره في السنتر للاوائل في امتحانات تالته اعدادي وهي كانت من ضمنهم لانها لما عرفتها كانت لسه جديده في اولى ثانوي فلفتت انتباهي ومكتوب تحت صورتها امنيه محمد فجيت امشي واحد من السنتر قالي اؤمر يا استاذ قولتله لا ابدا كنت مستني بس طالبه قريبتي بس هنزل استناها تحت ونزلت فعلا وروحت بيتي عادي بس الغريب كلامها فضل في دماغي فشاركت عمر صاحبي ويونس ابن عمي فقالولي انت معجب ببنت عندها 16 سنه مالك عيلت كده ليه وفضلوا يضحكوا قولتلهم يجماعه والله العظيم مبقولش معجب بس حاسس اني مشدود للبنت دي اوي اصل بتتكلم بثقه كده ليه وهي بصراحه زي القمر وملامحها تخطف وعينيها تسحر فا كعاده اي صحاب ضحكوا عليا شويه كنوع من الهزار والتحفيل بس صدقوا اني اعجبت بيها لاني مبقولش كده على اي بنت وبطبيعتي اني بغض البصر اوي ومفيش بنت بتلفت نظري بسهوله فعادي كبرت دماغي على قد ما اقدر وروحت تاني يوم الجامعه شوفتها تاني في نفس الشارع بس كانت راجعه مع صاحبتها فاستخبيت منها لحد ماعدت من قدامي فجالي فضول امشي وراها اعرف بيتها لاني حسيت فعلا ان دي مش صدفه البنت دي شكلها هتكون حبيبتي بجد فمشيت وراها وانا ماشي سمعتها بتحكي لصاحبتها عليا وبتوصف وتتواصف فيا وفرحانه اوي وبتتكلم بحماس كده فابتسمت غصب عني ومشيت لحد ما وصلت بيتها وودعت صاحبتها وسالت البواب انها ساكنه فين فقالي الدور التاني ليه خير قولتله ابدا اصلها شبه واحده قريبتي بقالنا سنين مشوفناش بعض بس مش هي خلاص وشكرته ومشيت ومش فاهم انا ليه بعمل كده كنت مستغربني بصراحه بس فعلا حسيت زيها ليه لا منا ممكن اطلع اتقدم مفيهاش مستحيل اهو فعادي ممكن تحصل .. فمشيت مبسوط وروحت على السنتر وخدت مواعيد اولى ثانوي. بعدها بقيت اتعمد اروح علشان اشوفها من بعيد وبصراحه محبتش اكلمها واعلقها بيا وانا لسه شاب في بدايه حياته وانا بحب ابقى دوغري بس سني ساعتها ووضعي الاجتماعي مكنش يأهلني اتكلم اصل هروح اقول لابوها ايه ?? ومعايا ايه ?? هدخل عليه ايد ورا وايد قدام ?? فقولت لما اتخرج واشوف الحربيه هترسي على ايه هتقدملها خلاص قررت وفضلت اشوفها من بعيد ومتابع الانستا بتاعتها وانا دمي محروق انها بتنزل صورها كده على قد ما غيران على قد ما مش عايزها تبطل تنزل لاني مبطمنش عليها غير بكده وبشوفها بشكل مختلف كل شويه وهي ما شاء الله عليها كل معلوماتها قالتها في اسك مره على انستا لما حد بيسالها على حاجه وكل ما كانت بتقول حاجه كانت بتتحفظ تلقائي جوه دماغي لحد ما بقيت حافظها اكتر من نفسها وصورتها في محفظتي كل ما اشيلها قلبي مش بيطاوعني وشيلتها قريب وبردو حطيتها تاني بس بصراحه قولت لما حسام يتجوزها هرمي الصوره اصل دي مرات اخويا فهتبقى في مقام اختي المهم في مره سمعتها بتقول لصاحبتها انا قربت انساه بس كشكل انما انا عايزاه انا عايزه فارس مش حد تاني فارس اللي قالي هيبقى ظابط وانا هبقى مرات الظابط وهفتخر بيه ووالله لو شوفتيه هتنبهري بيه جسمه رياضي كده ومحافظ على صحته وبشوش اوي وبيهزر وبيضحك على كل حاجه بقولها وشهم وجدع واهم حاجه خدني على قد عقلي فصاحبتها كأي انسانه طبيعيه بهدلتها وقالتلها اللي انتي فيه ده اسمه وهم ده شخص شوفتيه مره واصلا مسمهوش فارس انتي محتاجه توعي اكتر من كده يا امنيه وتبصي للواقع هو يعرفك منين اصلا علشان يتجوزك وهتفضلي مستنيه مين بس امينه كانت بتضايق انما مكانتش بتبطل تحس اني جمبها وقالتلها كده مره معنديش اسباب مقنعه بس” حاسه “فقالتلها يعني ايه حااسه ازاي هتقعدي مستنيه حاجه مستحيله زي دي علشان بس حاسه ومن كلام صاحبتها حبت تكبر دماغها بس الغريب اني كنت كل ما اقع في مشكله او يحصل معايا حاجه في البيت او في تقديم الحربيه تضايقني واروح في نفس اليوم علشان اشوفها وهي راجعه من الدرس وبتقعد في الكافيه ده اسمعها بتقول لصاحبتها انا حلمت انه مش كويس الا ان وشه مش باين قدامي ونسيته بس والله هو مش كويس وفضلت كده كتير لحد تالته ثانوي بعدين انا دخلت الحربيه ومبقتش فاضي اشوفها زي الاول واعرف انا لسه في بالها ولالا ولما دخلت كلامهم في الحربيه عن اننا عمرنا مش مضمون خلاني خوفت عليها فقولت دي متتسابش 30 دقيقه لوحدها في شقه مش 30 يوم فحاولت اكبر بصراحه بس جوايا مكنتش عارف اصل انا براقبها سنين وفي الاخر مش هتجوزها طب ازاي وكنت بسال نفسي سؤال هو هو كل مره مش بغيره يا تارا يا سيف لو اتجوزت هتبقى عادي بنسبالك ?? وكل مره الاجابه بتكون “لا مش هقدر” لحد ما في مره يونس كان بيوصل اخته ياسمين جامعه اسيوط وشاف امنيه في الكافيتريا وهو اصلا عارفها فحب يعمل معايا جِميله ويدخل امنيه العيله شويه فقال لياسمين حلوه البنوته دي فقالتله ايه اشوفهالك ?? هي بقى ماهتصدق تجوزه فقالها لالا اقصد لبسها محترم وباين عليها طيبه ابقي اتعرفي عليها انتي وجودي لان قاعده لوحدها ليكون معندهاش صحاب ولا حاجه المهم ياسمين فكرته معجب بيها فضحكت كده وقالتله ماشي هنتصاحب عليها وبلفعل راحت وكلمتها وامنيه حبتها جداا واتصاحبوا وبقيوا فعلا كل يوم سوا وبيتكلموا وتنهد بعمق وتابع وكنت بتابع اخبارها من بعيد لبعيد سوشيال بس لان حربيه شغلتني جداا ومكنتش فاضي خالص ومنكرش كل مره بدخل الاكونت وبلاقيها مش مرتبطه زي ماهي بفرح جدا مع اني بردو مش عايز ادخلها حياتي علشان صعبه .. صعبه لدرجه من كتر ما بحبها خايف عليها منها بس لاحظت حاجه انها بطلت تبقي عفويه زي زمان حسيت فيها حاجه مطفيه بطلت تجيب سيره فارس بس مبطلتش تحس بيه واستوريهاتها كانت بتأكدلي ده جداا لحد ما في مره وللاسف الشديد حسام بيوصل ياسمين فقالتله يفوت على بيت امنيه تاخدها معاها وهو كان لسه راجع من سفر ودي اول مره شاف فيها امنيه عرفت بعد كده من يونس كل ده ولما امنيه نزلت وقعدت جمب ياسمين خطفته هو كمان وامنيه بلوقت لقيت في حسام ظابط رياضي اه مش زيي لانه بيشرب سجاير ومش ملتزم على الجيم بس بردو زيي وهو فوله واتقسمت مني اصلاا فاحسام الوحيد اللي عوض امنيه عن فارس الوحيد اللي لقيت فيه الشخص اللي كانت رسماه في احلامها وبتشوفه وقابلته مره واقعيا فحبته واتخطبتله وانا بعدها كنت في مهمه يوم خطوبه حسام واتصابت جامد واغمى علياا بس قلبي وجعني اوي ساعتها وشوفت ملامح امنيه اخر حاجه قبل ما اغمض عيني مفهمتش ليه شوفتها بس حسيت اني موجوع وفسرت ده انها اكيد واحشاني ولاني ممكن كنت اموت فشوفتها اخر حاجه كأن عيني عايزه تشبع من ملامحها قبل ما افارق الحياه بس مش ده اللي حصل وبقيت كويس ولاقيت مسدج من عمر جوز اختي دلوقتي يعني كان ساعتها لسه بيحبها وعامل حادثه وهي معاه في المستشفى لانها ممرضه فقالتله ان حسام هيخطب وذكرتله انها امنيه فاهو اتصدم وبعتلي المسدج دي (( حسام اخوك هيخطب انهارده امنيه )) مش قادر انسى كلمه من المسدج من ساعتها وحسيت بنار قايده في قلبي ومش مصدق ازاي امنيه مع حسام اخويا ورجعت وشوفت صورتهم سوا وكنت بموت كل دقيقه الف مره بس هعمل ايه منا بردو السبب اني سكت وده حسام اللي هو وزينب اغلى من عمري كله بنسبالي فسكت ورضيت وبطلت حتى ادعي انها تكون نصيبي تقبلت الواقع .. الواقع اللي كسرني وخلاني جمدت وقسيت اكتر منا قاسي بقيت كل ما اشوف صورتها في محفظتي بحس اني بطعن اخويا بس والله مش دي الحقيقه انا بحبها من سنين ومعرفتش ابطل احبها والله ما عرفت وكل محاولاتي فشلت وتقبلت اعيش بواجعي .. لحد ما اللي حصل حصل واديكي شيفاني قدامك اهو زي منا بطول معرفتش اشوف غيرها وابتسم بغلب وتابع وجِميل يونس جيه على دماغي في الاخر
سميه بدموع يخرابي يا ابني ايه كل ده انا مش قادره اصدق انت حسيت بايه وشوفت ايه انت بتحبها اوي كده
سيف بوجع واكتر والله ربنا يقومها لينا بالف خير
محمد بدموع طب ما يا ابني لما تقوم قولها انك سيف وعرفها الحقيقه وعوضها وعوض نفسك وكون جمبها وحقك عليا انا مقصدش حاجه بس كلنا كده فهمنا هي حبت اخوك ليه ده انتوا تؤام يا سيف فاهي حتي لو نسيتك حست انها شافتك في اخوك تاني يعني بتحبك انت في الاصل
سيف بوجع صعب يا عمي انا اتمني بس هو صعب اتجوز خطيبت حسام وهي اه بتحبني انا في الاصل بس واقعيا هي دخلت غيبوبه دلوقتي علشان حسام مات يعني حبت اخويا وقدرت تتخطى سيف فانا مش هقدر اظهر تاني في حياتها خصوصا اني تؤامه الفرق بيني وبينه لا يذكر ده لون العين
محمد رايح يتكلم فدخلت الدكتوره نعمه فوقفوا بلهفه وتابع سيف بقلق ها طمنيني
نعمه بحزن هي كويسه بس بعد ما كانت هتستجيب رجعت لنفس حالتها تاني وبصراحه
سميه بخوف بصراحه ايه يا بنتي ماتقولي علطول
سيف نفخ بنرفزه وتابع بحده ماتخلصي وترغي علطول هو انتي بتتعبي اعصابنا ليه
نعمه اتخضت وتابعت بحزن بصراحه وضعها صعب وال 48 ساعه الجايين دول صعبين عليها ولو مفاقتش فيهم ممكن وسكتت
سيف بصدمه ايه ??
نعمه بحزن ممكن نفقدها
سميه شهقت وتابعت بعياط يااموري وايه يوصل وضعها كدده يا بنتي ما كانت كويسه
نعمه بحزن يا امي الغيبوبه مش بتثبت كل شويه وضع الحاله بيختلف احنا نتمنى تفوق ونريح خالص
سيف بعصبيه انتي بتقولي ايه اومال انا متنيل جايبها مستشفى محترمه لييه ?? علشان اسمع الكلام الفاااضي ده
محمد بدموع وخوف يارب استر يارب .. يارب مد ايدك على بنتي واشفيها يارب
نعمه بحزن يا سيف بيه احنا عملنا اللي علينا بس هي وصلت لمرحله صعبه الباقي بتاع ربنا لو حسام بيه كان هنا كانت حاجات كتير اتغيرت ادعولها يجماعه عن اذنكم وخرجت
سيف غمض عينيه بوجع وكتم دموعه وتابع تمام تمام متخافوش خير باذن االله مش هيحصلها حاجه انا واثق والله العظيم ودخل البلكونه وسمح لدموعه تنزل بشده وحط ايديه على وشه وفضل يبكي بصمت ويدعي بكل قلبه ربنا يحفظها وتقوم بالف خير
وحس ان حد حط ايديه علي كتفه فبص لقاها سميه فمسح دموعه
فتابعت بدموع وحياه حبك ليها يا ابني ساعدها
سيف بوجع يا امي انا لو اقدر اساعدها مش هتأخر عليها حتى لو هديها عيني والله
سميه بدموع وانا واثقه من ده بس انت فعلا تقدر يا سيف
سيف بستغراب ازاي مش فاهم
سميه مسكت ايديه وخرجت ووقفته قدام المرايا وتابعت بدموع ايه الفرق بينك وبين اخوك
سيف بص لنفسه بوجع والدموع اتجمعت في عينيه وتابع بوجع لون عيني بس انا عسلي وهو بني وبصلها وتابع وده اشمعنا
سميه بدموع انا عارفه ان بنتي بتحبك وعرفت كمان دلوقتي ان حبت اخوك علشان نسخه منك وفكرها بيك بس بردو عارفه ان هي دخلت في غيبوبه بسبب موت حسام وده لانه كان اخر امل ليها في انها تشوف الشخص اللي عاشت تحلم بيه قدامها متجسد في واحد حقيقي خطيبها وهيتجوزها كمان فاهي متحملتش تفقده وتعبت وانا قدامي 48 ساعه بس يا ابني ومعرفش بنتي ممكن تسبني في انهي ساعه فيهم ابوس ايدك ساعدني
سيف بوجع والله حاضر بس اساعدك ازاي ده انا والله بموت زيي زيك
محمد بدموع تقولها انك حسام وتكلمها فهتصحى ولما تصحى انا موافق اجوزهالك وجواز رسمي وعلطول يعني مراتك ومن حقك العمر كله وبلوقت عرفها الحقيقه انك حبيبها القديم مش حسام وهي والله هتتقبل بس المهم تقوم بخير دلوقتي
سيف بصدمه انتوا بتقول ايه انا مستحيل اعمل كده بقولك امنيه بتكرهه الكدب انت عايزني اخدعهااا !!!! ده انا بقولك مش هقدر لما تفوق اتجوزها على اني حبيبها القديم ومش هقدر ابصلها تاني بعد ما اخويا خطبها تقوم تقولي اعمل كاني حسااام لالا مش هقدر ياعمي انا اسف
سميه بعياط ابوس ايدك يا ابني وافق بنتي هتروح مني حالتها بقيت صعبه والله بتحبك يا سيف وهتتقبل الواقع بعدين بس تفوق ..تفوق وتبقى بخير وانت لما تتجوزها وتلاحظ الفرق بينكم وتتهيئ انها تعرف قولها انك سيف مش حسام ولو زعلت شويه هتتراضى بس المهم تكون فاقت وبقيت وسطنا واهي مراتك بردو ومحدش هيقولك سيبها
سيف بصدمه انتوا بتقولوا ايه انا مش حسااام ومش معنى اننا شبه بعض شكلااا نبقى نفس الشخص حساام فكرها بياا انما محسسهاش انه اناا ولا كان هيعرف يعمل كده احنا لينا قلوب مختلفه وشخصيات مختلفه وطبيعه حياه مختلفه حتى شغلنا مختلف فا اللي انتوا بتحكوا فيه صعب اوي ومستحيل
سميه بدموع صعب اه بس مش مستحيل واحنا بس نضمن انها فاقت بالف سلامه وحالتها تتهيئ تعرف ونقولها الحقيقه الدكتور المعالج قالي الحل ده انا وابوها واحنا قاعدين معاه من اول ما جات المستشفى هنا وسالنا كذا دكتور قال ان الحل ده هينفع جدا باذن الله بس مكنتش اقدر اطلب منك يا ابني مقدرش افرض بنتي على حد وخصوصا فاهمه انها في نظرك مرات اخوك بس لما شوفت في عينيك ليها العشق ده وعرفت الحقيقه لا الوضع اختلف خالص في نظري وقولت اقولك اصل حتى لو احنا هونا عليك تكسفنا تهون عليك حبيبتك يا سيف تروح مننا
سيف بوجع الدموع اتجمعت في عينيه وتابع عمرها ماتهون ولو حصلها حاجه هموت وراها بس انا كده بغلط غلط كبير غلط صعب يتغفر لما تعرفه وبعلقها باخوياا اكتر لانها هتشوف حبي ليها انه نابع من حسام اللي هو مش موجود اصلا
محمد بدموع يا سيدي متطولش هو شهرين بلكتير وقولها الحقيقه الدكتور قالنا كده تكون استوعبت ورجعت لحياتها الطبيعيه فتتهيئ انها تعرف وانت حاول اشغلها بلماضي القديم بتاعكم ده بحيث متنساش سيف
سيف تنهد بوجع وتابع لا يا عمي انا كده هتعبها نفسيا اكترر لاني هفضل حاططها في حيره انها عايزه مين وهل كانت صح لما اتجوزت حسام ولالا انت بتقول ايه بس
سميه بدموع يعني تكلمها على انك حسام وتصحى وتتجوزها وشويه زعل لما تعرف وهيروحوا لحالهم ولا تصمم دماغك وتروح مننا
سيف بوجع يا امي مش قصدي كده بس مش هقدر والله مش هقدر اكدب على امنيه وهي بتحبني انا في الاساس
سميه بدموع عارفه وعلشان كده هتسامحك
محمد بدموع طب فكر يا ابني ورد علينا بس بالله عليك ماتكسر بخاطرنا هي بنتنا الوحيده وملناش غيرها ولو حصلها حاجه هنروح فيها
سيف بوجع والله يا عمي انا مش عارف اقولك ايه يخليك تصدق اني زيي زيكم في الوجع والخوف ده بس من كتر ما بحبها مش هقدر اخدعها الثقه بتيجي مره واحده
سميه بدموع كلامك صح بس كل ده مش هيعرف يطبطب علينا وعليك لو امنيه حصلها حاجه
سيف بوجع لا بعد الشر متقوليش كده وتنهد بعمق وتابع بوجع حاضر يا خاله سميه هعمل كده
سميه بفرح الهي يا ابني ربنا يفرح قلبك قادر ياكريم ويسعدكم
محمد بدموع فرح تسلم يا ابني والله مش هنساها ليك العمر كله
سيف ابتسم بحزن علي خوفهم ورايح يرد عليهم قاطعه دخول كريم ابن خاله امنيه
كريم صباح الفل يا خالتي
سميه بابتسامه صباح الخير يا مريم يا ابني
كريم بستغراب مالك في ايه بتعيطي ليه
سميه وهي بتمسح وشها تابعت بفرح لا مفيهاش عياط خلاص ده احنا فرحانين اعرفك ده سيف اخو حسام
كريم بصله بضيق وتابع اممم اسمع عنه حصلي الشرف يا استاذ سيف
سيف حط ايديه الاتنين في جيوب بنطلونه وتابع بتنهيده والله كان نفسي اقولك وانا كمان بس مش حاسسها فحصلي القرف يا استاذ كريم
سميه بصتله بتوتر وتابعت ليه بس يا سيف يا ابني ده كريم ابن خاله امنيه وزي اخوها الكبير بلظبط
كريم برفعه حاجب اخوها الكبير مين يا ست الكل هو انا مش قايلك ان
سميه بمقاطعه وخوف بس بس اخرس قولت ايه يعني نتكلم بعدين
محمد بتنهيده بص يا ابني اللي في دماغك ده تنساه خالص
كريم بحده ليه ان شاء الله ناقصني ايه يعني ما انا اتقدمت مره واتنين وتلاته والف في ايه يا خالتي ليه محسساني اني ببيع مخدارات مش دكتور محترم
سميه بخوف يا ابني هشش اسكت طب نتكلم بعدين مش وقته
سيف بتنهيده بُصلي انا بس يمكن اساعدك خير يا غالي بتتقدم لمين حضرتك لدرجه الف مره هو مبدائيا بحييك على الاصرار بس مين هي ونروح نكلمهالك كمان
كريم بضيق امنيه يا عم بنت خالتي ومستخصرينها فيا متزعلش مني اكمنك اخو خطيبها السابق بس خلاص الحي ابقى من الميت ماهي مش هتخلل يعني
سميه بخوف يا واد اسكت يخربيت اهلك
سيف بابتسامه امنيه اممم مش بقولك مش حاسسها ..وازعل ايه لالا يا جدع مش للدرجه دي ..وبعدين ده انا لو مش هزعل منك علشان بتطلب اللي كانت خطيبت اخويا قدامي هزعل علشان امنيه دي اول ما تقوم بلسلامه هتبقى مراتي فانت متخيل بقى ??? وضربه بلبوكس وقعه على الارض فصرخ بوجع
سميه شقهت بخضه وسيف رايح مسكه فتابع محمد بخوف لالا يا ابني حقك عليا انا علشان خاطري سيبه هو مش بيحبها ولا حاجه ده كلام فاضي بيطلبها وبنقوله انتوا اخوات بس مش اكتر
كريم حط ايديه على خده وبصله بعصبيه وقام وقف وتابع انت مفكر نفسك مين يا جدع انت علشان تمد ايدك عليااا انت اتجننت ولا ايه وبعدين هتبقى مرات مين والله لاطين عيشتكم فيها هي اتعملها عمل بعيلتكم متطلعش منها ولا ايه
سيف راح مسك رقبته ورجعه للحيط وضغط عليها فتابعت سميه بخوف خلاص يا ابني خلاص علشان خاطري سيبه متهتمش لكلامه وكريم بيكح بشده فتابع سيف بهدوء مخيف: قسما بالله صوتك ده لو علي تاني هدفنك مكانك ومش هيفرقلي وقبل ماتقف قدام الرائد سيف الرفاعي ياروح امك ابقي اعرف الاول تاريخه وخبط بايديه التانيه على خده بخفه وتابع وبلنسبه للي هتبقى مراتي اللي انت كنت بتطلب ايديها قدامي هعمل نفسي مسمعتش علشان اقسم بالله العظيم ما هخلي فيك حته سليمه لو سمعت اسمها .. اسمها بس لسانك بينطقه تاني .. دي هتبقى حرم سيف الرفاعي يعني حتى كونها بنت خالتك تنساها خلاص .. ليه بقى قولي ليه ?? مش علشان انا راجل معقد ومقفل وبغير لا خالص بس نظرتك ليها اختلفت وشوفتها اكتر من اخت وضغط عليه بغيره جامد فوشه احمر اكتر وفضل يكح بشده وتابع سيف وعينيه بتطلع شرار وغيره شديده : فانا بحذرك مره بس التانيه همحيك من الدنياا اساسا فامنيه لو جيت على طرفها ولا جبت سيرتها ولا فكرت بس فيها بين وبين نفسك هتزعل جامد .. والله هتزعل فمتحاولش تجرب احسنلك وخاف على نفسك وسابه يقع على الارض
سميه بتوتر والله يا ابني محدش فينا موافق ولا هي راضيه ولا اي حاجه
سيف بتنهيده منا عارف حاجه زي كده وبصله وهو على الارض وتابع وخليه يجرب يجي على سكتي تااني .. ولعلمك امنيه هتبقى فاهمه اني حسام انا عايزك بس تفكر تنطق حاجه وتشوف هعمل فيك ايه ومتحاولش تفكر هيحصل فيك ايه علشان مش هتعرف تجيبها بدماغك
كريم كان بياخد نفسه بسرعه وتابع بسخريه لا برافو بتستغل الشبه اللي بينك انت واخوك علشان تكدب عليها علشان تتجوزها ومش عايزها تعرف كمان حلو والله
سيف بحده وانت مال اهلك يا زباله ?? انت اصلا متعرفش اي حاجه وميخصكش انا بعمل كده ليه يحيوان خليك في حالك واعتبر اللي تعتبره نظرتك مش هتغير كتير بنسبالي وبص لمحمد وتابع بتنهيده رايح مشوار وراجع اعمل اللي اتفقنا عليه يا عم محمد
محمد بابتسامه ماشي يا ابني مستنيك
سيف هز راسه بتمام ومشي وكريم تابع بحده كده يا خالتي بردو لتاني مره عايزه تجوزيها لحد غيري ومش عامله لكلمتي ليكم اعتباار
سميه بتنهيده انا بعمل الصالح لبنتي يا كريم ربنا يعوضك بست البنات انما امنيه من يومها مش مكتوبالك هي فعلا مكتوبه لسيف
كريم بحده مكتوبه لسيف ايه هي تعرفه منين ولا يعرفها منين ده وازاي اصلا يتجوز بنت كانت هتبقى مرات اخوه هو مش مكسوف من نفسه وهو بيتكلم
سميه تنهدت بعمق وتابعت بس يا كريم انت متعرفش حاجه خالص يا ابني ده المستحيلات دابت بينهم واتجمعوا
———-
عند عمر وزينب عمر كان وصل البيت وبيفتح الباب بحذر علشان يفاجئها لانه ماقالهاش انه جاي فدخل براحه ودخل شنطته وقفل الباب بحذر وبيدخل الصالون ملقهاش قاعده فساب الشنطه على جمب وقلع الجزمه ركنها ومشي بحذر لاوضتهم وبيبص مش شايفها فدخل ملقهاش بس سمع صوت الدش ففهم انها بتاخد شاور فقعد على السرير مستنيها تطلع ودقايق وبلفعل الباب اتفتح وخرجت زينب لافه عليها فوطه كبيره بس بسبب حجم بطنها الكبير قصرت اوي عليها ومبينه اغلب رجلها وشعرها مفرود على ضهرها ومبلول وشكلها جميل لابعد حد وبتبص قدامها شافته فصوتت بخضه وهو فضل يضحك عليها بشده وفرحت في نفس الوقت وجريت لفت ايديها على رقبته وحضنته باشتياق وهو حط ايديه الاتنين على ضهرها وحضنها بكل قوته وهو بيضحك على شكل خضتها وهي عماله تعيط بفرح في حضنه وضربته على ضهره وتابعت بعياط بجد اخص عليك صرعتني ولولا اني حامل كنت هقولك قطعتلي خلفي
عمر فضل يضحك بشده وتابع حقك عليا والله كنت عايز افاجئك مكنتش اعرف هتتخضي كده
زينب باست خده ورجعت شددت من احتضاته وتابعت بعياط احلى واجمل مفاجاه بجد لسه كنت على بالي حالا
عمر بضحك وانتي بتاخدي الشاور ??
زينب ضحكت من بين دموعها وبصتله وتابعت اه فيها ايه يا قليل الادب يعني
عمر بضحك قولت يمكن بتراجعي الذكريات بقى .. فينك يا عمر لما كنت هنا كنت بتساعدني انت يحبيبي
زينب فضلت تضحك وتابعت لالا مجاش في باالي كده خالص يااللي متربتش اخرس خالص
عمر بحب واحشتيني
زينب دموعها نزلت بفرح وتابعت وانت اكتر بجد ورجعت حضنته وتابعت واحشتني اوي اوي اوي والله
عمر بضحك لا انتي فهمتي غلط خالص انا اقصد واحشتيني التانيه فبصتله بستغراب فغمزلها
زينب فتحت عينيها بتفاجئ وتابعت بضحك لالا انت متربتش انا مقصدش دي خالص فكده مواحشتنيش اوي اوي اوي
عمر حط ايديه على وسطها وشدها ليه فايديها خبطت في صدره وتابع بحب بذمتك من قلبك
زينب بضحك اه من قلبي تردي ليش
عمر بضحك ليش
زينب بضحك هتصدق ?? ان شاء الله هتصدق لان انا ساعه ما حملت ياروح قلبي كنت انت مسافر جيت رجعت انا كنت لسه في اول شهرين ونص فكنا اخوات وبعدين سافرت شهر كمان ورجعت تنهدت بحزن وتابعت مش عايزه اقول الاجواء كانت ساعتها عامله ازاي ففضلنا الشهر بتاع اجازتك اللي نزلتوها مضطرين دي بردو اخوات واديك سافرت ولسه راجع وانا في نص السابع فانت متخيل ايه اللي حصل ?? انا نسيت انك جوزي اصلا
عمر بضحك لا ماهو انا فاكر يحبيبتي كل ده مش ناسي صدقيني الرجاله بلذات مبتنساش الحاجات دي بس توقعت هتبقي حابه تفتكري اني جوزك
زينب ضحكت وتابعت لالا كملها بلستر بالله عليك قربت اولد اهو وحضنته وتابعت بضحك حلو عليك الاحضان دي
عمر بضحك حلو الاحضان ايه يا زينب ما تخلي عندك دم ده انتي هتولدي خلاص
زينب بضحك اصل اللي خلاك تستنى كل ده جات على الشهرين ونص دول
عمر بضحك الفكره ان عادي لان حملك ثبت من ايام ما الهكسوس كانوا محتلين مصر بس ازاي لا طبعا مجتش عليهم وخدي بالك انتي عماله تحضنيني مبلوله وغرقتي هدومي علشان متفهمنيش غلط دلوقتي وبدا يفقك زراير الافارول
زينب بضحك لا يا شيخ والله العظيم انت بتتلكك وبتعمل كده علشان تستدرجني
عمر فضل يضحك وهو بيقلع الافارول والتيشرت وشدها ليه وتابع بحب لالا عيب عليكي لو ثابته على موقفك مش هتتهزي ولا ايه
زينب بضحك مش علطول بصراحه بس بص انا مش عارفه افهمك بس انا حاليا 99% احراج منك 1% انا انسانه عاديه
عمر فضل يضحك وتابع بالله ما عارف الاقيها منك ولا من الشغل يعني مفروض اني ارجع اريح بالي مش افضل اعيدلك من الاول واشرحلك اني جوزك
زينب بضحك انت بس جرب عيد والتقرار بيعلم الشطار هستجيب بلوقت والله
عمر بضحك هستجيب بلوقت بتاعتك دي بتحصل وانا على باب الشقه راجع سينا وتقرار ايه اللي بيعلم الشطار زينب يحبيبتي احنا متحركناش من الدرس التمهيدي وكل مره اعيدهولك هو هو ومفيش تقدم 1% حتى
زينب فضلت تضحك وتابعت لالا والله انت ناكر جميل اخص عليك يا عمر بجد
عمر حط ايديه على وسطها وقربها منه وتابع بضحك طب اثبتي العكس فكك من الكلام شبعنا منه
زينب بضحك حاضر عيني بس دي عايزه ترتيبات وخطوات فاهدى كده شويه
عمر رفع واحده من ايديه لفوق شويه وتابع بضحك ولا خطوات ولا نيله ماسك طرف الفوطه اهو لو شديته خلصت
زينب فتحت عينيها بتفاجئ وفضلت تضحك ونزلت ايديه وتابعت لالالا انت كده جبت اخر صفحه من الدرس مكنش ده اتفقنا
عمر بضحك زينب انا هيجيلي السكر على فكره
زينب حطت ايديها حوالين رقبته وتابعت بضحك بعد الشر يا عيون زينب
عمر بحب طب حني على عيون زينب شويه ولا هو كلام بس
زينب ابتسمت وتابعت بحب والدموع متجمعه في عينيها انا بهزر معاك على فكره بس انت فعلا واحشتني الوقت اللي فات كان صعب علياا اوي بس انت كنت خير داعم ليا حتى لما سافرت مسبتنيش وكل شويه تتصل حتي لو دقيقه تطمن عليا انا وحسام اللي مرمطني ده وتقفل بسرعه قبل ما حد يشوفك فحقيقي شوفت منك حلو كتير اوي ياعمر ويبختي بيك ومن غيرك بجد مكنتش هعرف اقف تاني في اي فتره صعبه في حياتي زي موت اخويا اللي لسه مأثر عليا وانت لسه بتستحمل فبجد ربنا يديمك ليا سند وضهر ينورعيني وحضنته وهي لفه ايديها على رقبته وتابعت بحب وهمس فمش بنكر اني محرجه بس بردو مش هنكر انك واحشتني اوي يا عمر
عمر ابتسم بحب من كلامها وحط ايديه علي ضهرها وبيشدها لحضنه وتابع بحب ده واجبي ناحيتك يعبيطه مش شئ يذكر و بجد ده انا اللي ييختي بيكي وبوجودك في حياتي انتي كل دنيتي بجد يا زينب وباس رقبتها بحب وهمس ووانتي كمان واحشتيني اكتر بجد
زينب تأوهت بوجع وغمضت عينيها وبعدت عنه خطوه فبصلها بضحك وتابع هو احنا هنستعبط ولا ايه في ايه مالك هو انا عملتلك حاجه
زينب بوجع لالا مش انت الباشا ابنك شغال ضرب في بطني
عمر بقلق تعالي بس تعالي اقعدي ومسك ايديها قعدها على السرير وتابع بقلق مالك قوليلي حاسه بايه
زينب ضحكت من بين المها وتابعت علشان انت لما شدتني عليك وحضنتني كنت ضاغط على بطني فمعجبوش البيه حس انه امه بيتم التحرش بيها فاتدخل وضربني
عمر فضل يضحك وتابع يخربيت فقرك يا زينب بتحرش بمين يابت انتي اتجننتي
زينب بضحك تقدر تنكر
عمر بضحك لا مقدرش بس تحرش عن تحرش يفرق ده حلال ده فبراحتي وبعدين ابن الكلب ده عاملها بلعند معاياا ليه كده من قبل ما يجي
زينب فضلت تضحك وتابعت هو من ساعه ما اتوجد جوايا محدش بيزعجه فمتعودش ان في حد بيشاركه فيا
عمر بضحك كماان انا اللي بقيت بشاركه كماان
زينب بضحك اه والواد مؤدب زي امه ميعجبوش المرقعه حس بيها فقال يتدخل فورا
عمر بضحك لا يا شيخه ?? طب تصدقي انتي بنت كلب انتي وهو
زينب فضلت تضحك وتابعت اتلم ملكش دعوه بي بابا يا واد
عمر برفعه حاجب واد ?? عمر الهواري يتقاله واد
زينب ضحكت بتوتر وتابعت لا طبعا ياروحي بهزر عيب عليك وغمضت عينيها بالم تاني وتاوهت بوجع
عمر ايه ضربك تاني ??
زينب بوجع اه بص ومسكت ايديه وحطتها على بطنها فحس عمر بلضرب فتابع بضحك ايه ده ايه ده .. ده الواد بينتقم منك بس عسل بجد وفضل يضحك
زينب بضحك اه والله متفهمش مين معصبه طالع عصبي لابوه
عمر وهو بيمشي ايديه على بطنها علشان يحس بيه تابع بضحك اصل ابوه مجنون بيتعصب من فراغ
زينب بوجع ااه عمر بجد ابنك مش راضي يبطل ضرب ونزلي عند الحوض مش قاادره
عمر بضحك منا حاسس تحسي انكمش كله في بعضه تحت اهو
زينب بالم اه والله تعبت اوي اكتر حاجه بكرها التقل ده
عمر باس جبينها بحب وتابع حقك عليا الحمدلله هانت اهي خلاص وانا هحاول اخليهولك يتحرك لفوق شويه بس ريحي جسمك
زينب رجعت سندت ضهرها لورا اخر السرير وعمر قعد جمبها وفضل يمشي ايديه بحنان على بطنها ويضغط شويه علشان يحركه فتابعت زينب بضحك والله لو طبلت ده بارد زي اللي جابه بلظبط مش سايبله حاجه
عمر بضحك تصدقي انك مهزقه يابت علشان اللي جابه اللي شايل همك وقاعد عايز يحركهولك خلاص خليك يحبيب بابا طلع عين اهلها بنت الجزمه دي وغمض عينيه ووطي باس بطنها بحب
زينب بضحك طب كمل بالله عليك بيتحرك فعلا
عمر بضحك لا خليكي مش بارد لابوه
زينب بحب ده ابوه ده نورعيني
عمر بضحك خلاص ضعفت وفضل يحرك ايديه على بطنها وتابع نامي بس ريحي ضهرك
وبلفعل زينب نامت ودقايق والبيبي رجع لورا شويه فتابعت زينب بحب ايووه بس كده خلاص .. تعبناك يا ابو حسام
عمر اعتلاها وتابع بحب تعبك راحه يا ام حسام
زينب اتوترت وتابعت صحيح انت مجبتش سيف معاك ليه على فكره واحشني
عمر بضحك يابنتي بطلي فصلان واحترمي تفسك
زينب بضيق ايه اخويا واحشني الله
عمر وطى باس رقبتها بحب وتابع وبلنسبه لجوزك مواحشكيش
زينب غمضت عينيها بتوتر ورايحه تتكلم فافون عمر رن فرفع وشه ونفخ بضيق وتابع هو يوم باين من اوله وقام يجيب الفون لقاه سيف فتابع شوف بيجي علي سيرته يا جدع
زينب اتعدلت في قاعدتها وتابعت بضحك ده سيف بجد هاته بالله عليك
عمر رد وتابع ايوه يغالي
سيف عمر انا في مشوار مع يونس ورايح البيت معلش لو مش هتعبك انزلي عايز اتكلم معاكم كلكم ضروري
عمر بقلق ايه في حاجه ولا ايه
سيف لالا متقلقش روح بس واستناني انا جايلك
عمر خلاص ماشي يحبيبي باي
سيف باي وقفل معاه
زينب قامت بضيق وتابعت مش قولتلك هااته
عمر بضيق رايحنله يا فقريه روحي البسي مش نبرتي في اليوم
زينب بفرح بالله بتتكلم جد
عمر بضحك شوف البت و اه ياختي بتكلم جد روحي اخلصي غيري ام الفوطه اللي بقالك ساعه بيها دي علشان متبرديش
زينب بحماس هوا بس مقالكش ليه هنروح
عمر تنهد وتابع لا مقالش والبسي بسرعه يا زوزا وبلاش حرقه دم قدري بطنك المترين دي هاا فاختاري حاجه قدك خمس ست مرات علشان لو لاقيتها ضيقه هنكد عليكي
زينب بضيق حاضر
عمر يحضرلك الخير ياختي واخلصي علشان نشوف عايز ايه ونيجي بسرعه اتقتل نوم تعبان اوي
زينب بحب حاضر يحبيبي ودخلت تغير
——
عند مازن وياسمين في العياده ياسمين بتكشف علشان تعرف نوع البيبي ومازن معاها
الدكتوره بضحك ايوه يعني انتي ايه احساسك
ياسمين بضحك مبحسش يعني كل ما اجي اختار بحس 50 % و 50% مش عارفه احدد بجد محتاره
الدكتوره بضحك طب وانت بردو مش حاسس
مازن بضحك هو ده دورها بس هي مش بتحس عموما ومن بدري من ساعه ماحملت اصلا وانا اللي عرفت قبلها فاهو انا متردد بس حاسس انه ولد اكتر مش عارف ليه
الدكتوره بحب هنشوف اهو وحطت الجهاز على بطنها وابتدت تمشيه ومازن ماسك ايد ياسمين ومتوترين اوي فتابعت الدكتوره بضحك ولد فعلا الف الف مليون مبروك
ياسمين ضحكت بفرح شديد ومازن زيها وتابع بفرح مش قولتلك يابنتي انا احساسي مبيخيبش
الدكتوره بضحك تشهدلك طبعا ان الاب يحس صح دي حاجه زي العسل
ياسمين دموعها نزلت بفرح وتابعت والله كل اللي يجيبه ربنا كويس بس حقيقي فرحانه اوي اوي علشان انا كنت عايزه زين الاول
مازن وطي باس جبينها بعمق وتابع بابتسامه مليانه فرح حقيقي مش عارف اودي فرحتي فين والدموع اتجمعت في عينيه وتابع مبارك علينا يا اجمل ام زين في الدنيا
ياسمين ضحكت من بين دموعها وتابعت والله ده مفيش اجمل من ابو زين اصلا
الدكتوره ضحكت وتابعت بحب ربنا يديمكم لبعض يحبيبتي ويفرحكم بيه
ياسمين بحب ودموع يارب بجد اللهم امين
والدكتور مسحت الجل من على بطنها وتابعت بحب صحتك انتي وزين زي الفل نحمد ربنا عقباال ما تقومي بالف خير يارب
ياسمين بحب الحمدلله الفضل بجد بعد ربنا لمازن حقيقي مش سايبني خالص وبيهتم بينا اوي
مازن نزلها الدريس غطى بطنها وعدلها في قعدتها وساعدها في تظبيط هدومها وخدها في حضنه وغمض عينيه وباس راسها بعمق وتابع بحب بطلي هبل ها ده واجبي هو انا ليا غيركم
الدكتوره وهي بتكتب الروشته تابعت بحب بخري بقى لما تروحي لتتحسدوا
ياسمين بضحك اتحسدنا بما فيه الكفايه والله يا دكتوره نعيش شويه بقى
الدكتوره بضحك يارب يحبيبتي يسعدكم العمر كله وقطعت الورقه من الدفتر وتابعت بحب امسك اهي نمشي على الورقه دي وابقى اشوفها كمان اسبوعين
مازن بحب تمام يا دكتوره تعبناكي
الدكتوره بحب لا ولا يهمك ده شغلي
وخرجوا ونزلوا ففتحلها مازن العربيه قعدت ولف قعد جمبها وتابع بفرح بالله ما عارف اقول ايه بس حاسس هطير
ياسمين بفرح والله وانا كمان انت متخيل ان اتجوزنا وكلها خمس شهور ويبقى معانا ابننا خلااص والله لسه مستوعبتش انك حقي قدام الكل علشان استوعب ان هيبقي معانا بيبي
مازن مسك ايديها رفعها باسها بحب وهو سايق وتابع بحب والله ولا انا مستوعب بس حقيقي الحمد والشكر لله اننا وصلنا لهنا وربنا يديمك حلم جميل عشت احلم بيه واخير اتحقق ومش عايز افوق منه خالص
ياسمين ابتسمت بحب والدموع اتجمعت في عينيها وتابعت بجد بحبك
مازن بحب وانا بموت فيكي وفتح دراعه فنامت في حضنه وتابعت حاسب وانت بتسوق …. على مهلك ها
مازن بحب متخافيش طبعا عيب عليكي
ياسمين باستمتاع : الله علي ريحه الكحك والبسكويت اللي من الفرن ده
مازن بحب استني اركن وانزل اجبلك
ياسمين برفعه حاجب ليه فاكرني فاشله في الحلويات ولا ايه ده انا بعمل احلى كحك فيكي يا مصر
مازن بضحك في الامتحانات ??
ياسمين برفعه حاجب افندم
مازن بضحك بهزر بهزر عيب عليكي اعملي يحبيبتي ومالو رقم الاسعاف عاملينه صغير وبسيط ليه ?? ما علشان يبقى معروف في الحالات اللي زي دي
ياسمين زغدته بايديها فتاوه بوجع من بين ضحكه وتابعت بضحك اخص عليك بجد يا مازن طب اروح اعملوا ودوق واحكم بصراحه
مازن بضحك عينيا يحبيبتي ادوق انا بس اياكي تدوقي انتي انا مش مستعد اضحي بابني
ياسمين بضحك والله انت بايخ اوعى كده متحضنيش سبني وبتحاول تتعدل
مازن ثبتها في حضنه وتابع بضحك بس بس خلاص بهزر معاكي عيب عليكي .. اعملي وادوق وهقولك رايي بكل صراحه والله
ياسمين بحماس اتفقنا
مازن هتعوزي حاجه نجيبها بلمره ولا كل المقادير عندك
ياسمين بحب لالا عندي كل حاجه
مازن طب افتكري براحتك علشان اقسم بالله يا ياسمين انا حافظك لو دخلت من باب الشقه والذاكره رجعتلك مش هنزل لو اتقلبتي قرد
ياسمين بضحك لالا متقلقش وافتكرت وتابعت بصدمه تصدق لا الدقيق خلص شهد طلعت خدت مني اخر شويه امبارح عملت بيهم هي واحمد كيكه المج
مازن اتنفس بصوت عالي وتابع يارب صبرني على ما ابتلتني يارب .. اما هو مفيش دقيق كنتي هتروحي تعملي ايه انتي معلش ??
ياسمين ابتسمت بتوتر وتابعت معلش يحبيبي خليها عليك طلما ذاكرتي رجعت في حدود الشارع فتمام
مازن بضحك عارفه انتي نفسي اديكي حتت علقه بس زين مانعني عنك
ياسمين بضحك بذمتك اهون عليكي
مازن بضحك لا للاسف ياختي
ياسمين بضحك اختك في عينك
مازن ضحك وتابع صحيح شهد بكره هتخلص امتحانات ??
ياسمين بحب اه الحمدلله خلاص ده تعبت اوي يعيني الفتره دي وخست النص واحمد كتر خيره قاعد معاها ليل نهار بيسمعلها وبقالهم اربع ايام اهو بيذاكرلها الاحياء
مازن بحب ربنا معاها ويوفقها يارب وبص لياسمين وتابع لحظه بس بيذاكرلها ايه ??
ياسمين بضحك الاحياء في ايه يا مازن
مازن بضحك ده بيذاكرهالها ازااي ابن الكلب ده يعني مش فاهم ???
ياسمين فضلت تضحك وتابعت يا ابني بيسمعلها وبيشرحلها في ايه عادي
مازن بضحك بيشرح ايييه يخربيت اهلك انتي وهو…. هي دي حاجات تتشرح على الملئ كده بينه وبين خطيبته
ياسمين فضلت تضحك وتابعت يا مازن اتلم الاحياء مش اللي في دماغك بس على فكره
مازن بضحك على فكره انتي متعرفيش اي حاجه في دماغي لان انا عارف اخويا مترباش فاسكتي انتي خالص
ياسمين فضلت تضحك وتابعت بس انا عارفه اختي محدش يقدر عليها متقلقش لو فكر بس يبصلها بنظره متريحهاش هتلم عليه امه لا اله الا الله
مازن فضل يضحك وتابع لالا احمد اخره يلمح وهي ممكن متفهمش انما مش هيعملها حاجه متخافيش
ياسمين بضحك انا مش خايفه خاف انت على اخوك
مازن بضحك مش معاه شهد يبقى حقي اخاف اه والله
ياسمين ضحكت فتابع مازن بضحك لا بس نتكلم بجد بالله هو مش حرام يشرحلها الماده دي من غير مايكونوا كاتبين الكتاب على الاقل ??
ياسمين فضلت تضحك بشده لحد ما عينيها دمعت وتابعت بس يحبيبي بس انت بتقول ايه اقعد ساكت
مازن بضحك جيل بايظ بجد .. عادي كده كلام احيائي من غير كتب كتاب بقينا في زمن صعب يا بت يا سمسم والله
ياسمين بضحك : اوي لما نروح بقى خليه يصلح غلطته ويتجوزها البت ودانها اتلوثت من كلام اخوك
مازن بضحك ده هو تلاقيه في قمه سعادته وهي قاعده محرجه قدامه ومحمره كده
ياسمين بضحك حصللل بجد ما انتوا نفس التربيه طبيعي يعني
مازن بضحك لا على فكره بالله انا متربي اكتر من احمد
ياسمين بضحك ده علشان انا ربيتك بدري ووقعتك انما هو ادرك متأخر وهيجي على دماغه ساب الكل وراح اتجوز بير اسراره
مازن بضحك ده هتنكد لما تشبع عندها اسلحه كتير اووي تحارب بيها
ياسمين بضحك اه بلظبط كده احنا اصلا بنحب ننكد فواحده في موقف شهد هتربيه من اول وجديد مش هتنكد بس
مازن بضحك انا كمازن فرحان … عادي تشيل عني شويه طلع عين اهلي الواد ده
ياسمين بضحك يخربيت المحبه الاخويه
——-
في شقه منصور كلهم متجمعين وسيف قالهم ان هيجي ونرمين متحمسه تشوفه اوي بقالها شهرين مشافتهوش وعمر وزينب جم واحمد وشهد قاعدين معاهم بياخدوا بريك وهيرجعو شهد تكمل مذاكره اخر ماده
ودخل سيف ويونس كان معاه فقامت نرمين بلهفه وحضنته وتابعت بدموع فرح سيف واحشتني يا ابني واحشتني اوي اوي بجد يحبيبي كل دي غيبه وفضلت تعيط
سيف حضنها اكتر وتابع بحزن والله سالت في الاستقاله علشانك ب
نرمين قاطعته وحطت ايديها الاتنين على خده وتابعت بلفهه ايه هتستقيل ?? بتتكلم جد والله العظيم ??
سيف بحزن يحبيبتي اهدي متتعشميش ونزل ايدها الاتنين ومسكهم باسهم وتابع بحزن اقل حاجه لازم اخدم 10 سنين فاانا هتكلم في عُمر تاني
زينب بصدمه ياموري والكلام ده على عمر بردو
عمر بضحك لا هو بس يا خفيفه ايه الخفه دي يابت
نرمين بصدمه لا هي مش خفيفه هي كان عندها امل ترضوا في اي وقت من الاوقات الجايه انما ايه االلي بتقولوا ده يا سيف هاا بتكدب عليا علشان مزنش عليك يا ابني صح
سيف بحزن ورحمه حسام ابدا فعلا لازم 10 سنين
نرمين بدموع طب واللي مش هتقدر تسغنى عنك ومتفضلهاش غيرك تعمل ايه بقى
سيف بحزن يحبيبتي ارجوكي اهدي ومسح دموعها وباس جبينها وتابع والله هحاول على قد ما اقدر لما انزل اجازه افضل جمبك انما انا والله مش بايدي حاجه
نرمين حضنته وتابعت بدموع مش عارفه اقول ايه والله ده انا كنت بعد الايام على صوابعي 60 يوم بعيد عني والله يا ابني ما كنت عارفه اعيش
سيف بوجع عارف والله حقك عليا وباس راسها وفضل يطبطب عليها
زينب بدموع انتي يا حجه وسعي شويه ما واحشني اوي انا كمان الله
سيف ابتسم بحب وفتحلها ايديه ونرمين خرجت من حضنه وهي بتمسح دموعها وزينب حضنته جامد وفضلت تعيط وتابعت واحشتني اوي اوي بجد يحبيبي
سيف بحب والله وانتي اكتر ياقلب حبيبك عامله ايه طمنيني عليكي وعلى حسام
زينب بحب ودموع بخير مش ناقصنا غير وجودك قدامنا انت وابوه والله
سيف مسح دموعها وتابع بحب بلاش نكد على الواد بطلي عياط كده غلط ووالله انا وابوه مش عايزين غير دعواتكم وواقفتكم جمبنا احنا حقيقي غصب عننا
زينب بحزن بدعيلكم والله يحبيبي ربنا يحفظكم ويحميكم لينا ويديم طلتكم يارب امين
سيف بحب اللهم امين ينورعيني وباس جبينها وتابع بتنهيده بما انكم كلكم متجمعين وبص لشهد وتابع اه ثواني علشان منساش تعالي
شهد بفرح الشكولاته بتاعت كل عوده صح
سيف بضحك اه صح روحي انتي واحده ونور واحده وبص حواليه وتابع هي فين صح
شهد بحب وفرح ربنا يديمك لينا يا قائد يارب
سيف بحب ويفرحنا بيكي يحبيبتي
عايده بحزن نايمه يا ابني مش راضيه تنزل
شهد بحب انا هطلعلها
سيف بحب اه ياريت متسيبهاش لوحدها اطلعي واللي هيفوتك هفهمك عليه بعدين
شهد بستغراب علي ايه مش فاهمه
سيف بتنهيده روحي بس لنور دلوقتي اقعدي جمبها وارغي معاها شويه في اي حاجه مستبيهاش لدماغها
شهد بحب حاضر وطلعت
في داخله مازن وياسمين فتابع مازن بحب متجمعين عند النبي
سيف بحب كويس انك جيت ادخل
مازن وهو بيحضن سيف بيرحب بيه تابع بستغراب حمد لله على سلامتك يغالي ايه في حاجه ولا ايه
سيف بحب الله يسلمك لا مفيش حاجه اانا قررت قرار فعايزكم كلكم تعرفوه
يونس بابتسامه مبدائيا انا موافق جدااا
سيف بضحك مبدائيا انت تسكت خالص
نرمين بقلق هو في ايه يا ابني
سيف بتنهيده انا هتجوز
كلهم اتفاجئوا وفرحوا جدا فتابعت ياسمين بفرح ايه الاخبار الحلوه دي ده انهارده اليوم العالمي للحلويات ولا ايه
صافيه بدموع فرح يا ما انت كريم يارب ايه الاخبار الحلوه اللي تطبطب على القلب دي ينورعيني
نرمين بدموع فرح انت بتتكلم جد يا سيف يعني مش كلمه وخلاص وهترجع تغير رايك
سيف بتنهيده وانا امتي غيرت رايي اه والله بتكلم جد يا امي متخافيش
عمر بستغراب ده اللي هو ازاي يعني
سيف بتنهيده كده انت بتسأل السؤال الصح ازاي فعلا ?? ازاي بعد ما حبيت وفضلت طول الفتره دي لوحدي قررت دلوقتي اتجوز
نرمين بدموع فرح عادي يحبيبي ربنا عوضك مين هي ونكلم اهلها
سيف بتنهيده بصوا يجماعه مبدائيا انا لو قولت هي مين هبان شخص وحش اوي فهحكيلكم عنها الاول وخليك معايا على الخط ياعمر
عمر بفرح لا بتهزر انت تقصد دي
سيف هز راسه ب اه فتابع عمر بضحك لا ده كده انا كمان موافق
زينب برفعه حاجب نعمم هو انت كنت عارف هي مين يا سوسه انت !!! ماشي يا عمر لينا حسااب بس في البيت
عمر بضحك بس يابت اخرسي اتكلم يا قائد سامعك هكمل معاك متقلقش
سيف بتنهيده باختصار انا قابلت بنت من 6 سنين صدفه وانقذتها من شاب كان عاوز يأذيها والبنت دي قالت كلام خلاني اتعلقت بيها وحبيتها زي اني هحبها واتجوزها وانها شافتني في احلامها كتير وكانت 16 سنه وقتها
فاكمل يونس وقالي انا وعمر وكنا واخدين الموضوع بهزار بس بلوقت لقيته حبها فعلا والبنت كمان حبته وسمع كتير كلام عنه كانت بتقوله لصحابها
فاكمل عمر وبقى يتابعها من بعيد لبعيد وعرف عنها كل كبيره وصغيره ساكنه فين بتحب ايه وبتكره ايه ومين عيلتها وكل حاجه وقرر هيتقدملها لما يخلص حربيه لانه كان لما بيشوفها وبيسمعها بتحكي لصاحبتها عنه فتاكد انها بتحبه زي ما بيحبها
سيف بوجع ولما دخلت الحربيه غيرت رايي وده سبب كلكم عارفينه وقررت اني مش هدخلها حياتي خوفا عليها بس مقدرتش ابطل اراقبها من بعيد
يونس بحزن وانا حبيت اعمل جِميله فقربت البنت دي مننا شويه بحيله عملتها … بس وسكت
فتابع سيف بضحك لالا عادي كمل
يونس بتنهيده بس الدنيا اتعقدت اكتر لما دخلت وسطنا
كلهم ابتدوا يستغربوا فتابع عمر بتنهيده علشان محدش يشوف سيف وحش هكمل واقول انه البنت دي حب عمره وكلكم تشهدوا محبش قبلها ولا بعدها وهي كمان حبته بس غيابه المستمر عنها خلاها تتاكد انها في وهم فقررت تشوف حياتها ولانها معرفتش تتخطاه 100% فاتشدت لنسخه تانيه منه على امل تلاقي الشخص اللي عاشت تحبه ومجاش
ياسمين بدموع انت بتتكلم عن امنيه صح ????
كلهم اتصدموا بشده فتابع سيف بوجع اممم عرفتي منين
ياسمين بدموع يبقى انت فارس اللي حكتلي عنه يا سيف
سيف ابتسم بوجع وتابع الله دي احلوت اوي هي حاكتلك
ياسمين بدموع اه قالتلي وانا من الناس اللي كانت مؤيده ليها انها تبطل تحبك علشان الشخص ده بطل يظهر في حياتها حتى انها حبت حسام علشان فعلا شافته شبه فارس ده وانا لما حكتلي قولتلها انتي كده هتظلمي ابن عمي وممكن تكوني مبتحبيهوش بجد فا اضطرت تلجئ للعلاج النفسي علشان تعرف هي واقفه فين بلظبط وعايزة ايه ومين وطول الوقت كانت بتعدل في حسام ومتشربش سجاير واعمل كذا وكذا لا علشان شافت ان فارس ده شخص رياضي اكيد مش هيضر صحته فاهي حبت حسام اه بس عاشت ترسمك ويمكن ده سبب حبها ليه
نرمين بدموع وصدمه انتي بتقولي ايه يابنتي ايه الكلام ده
زينب بصدمه ودموع انا مش قادره اصدق وانت ازاي تسكت وتسيب اخوك يخطبها طلما بتحبهااا
سيف بص لمازن وابتسم بوجع فتابع مازن بتنهيده حزينه فاهمك فانا اخر واحد يفكر يلومك
يونس خصوصا انتوا عارفين حسام عند سيف ايه
سيف بوجع مستحيل كنت اقف قصاده بعد ما عرفت انها حبيته وحبها واقولها انا اللي عشتي تتمني يجيلك اديني قدامك كنت هفرح اوي لو كسرت اخويا وجاتلي انا يعني
نرمين بدموع وصدمه انت غلطااان من البدايه مفروض مكنتش تفرط فيهااا
صافيه بدموع والله يا ابني ما عارفه اقولك ايه الومك على سكوتك ولا اطبطب عليك على الالم اللي كتمته جوااك
معتز بتعب وانت حتى لو كده هتتجوزها ازاي يا سيف ومين هيرضى من اهلها
زينب بدموع بعيدا عن هيرضوا او لا انت ازاي تشيل وجع زي ده لوحدك يا سيف ليه بتعمل في نفسك كده طول الوقت والله انت انسان زيك زينا وحقك تعيش وتختار ليه ممسكتش في حبيبتك ليه استنيت كل ده يحصل
سيف بوجع صدقيني غصب عني مش هعرف اشرحلك بس انا اضعف من اني اكسر قلب حسام انما انا اتعودت وبلنسبه لاهلها هما راضين وفضلوا يقنعوني كتير اوافق اتجوزها علشان امنيه تتحسن لانها لو مفاقتش خلال ال 48 ساعه دول حط ايديه عند مدمع عينيه وتنهد بعمق وسكت بألم
فتابع يونس بوجع اهلها عرفوا كل حاجه بس طالبين منه يكلمها على انه حسام وده هيحسن كتير من حالتها وهيقومها باذن الله لان البنت حالتها خطر ولو مفاقتش ممكن نخسرها وهيتجوزوا وبلوقت هيقولها الحقيقه
نرمين بصدمه يا موري يا ابني انت عايز تتجوزها على انك حسام
عمر بتنهيده انا ضد كده بس مفيش حل البنت ممكن يحصلها حاجه
زينب بدموع الدكاتره بتتكلم صح بس لما تكتشف هتتعب اوي بجد
سيف بوجع مش هقولها غير لما تكون مستعده لده انا مش هقدر اخسرها وغمض عينيه بوجع حتي لو زعلت مني لدرجه مش عايزة تكمل معاي اهون انا مش هسيبها طبعا بس بدي مثال دي بنسبالي اهون من اني اخاف اعمل الخطوه واسيبها يحصلها حاجه ساعتها مش هسامح نفسي اني كان بايدي اساعدها وخوفت
ياسمين بدموع وخوف انا معاك طبعا طلما حالتها وصلت لكده لا ابوس ايدك يا سيف اتدخل ورجعهالنا
سيف بوجع والله ماتخافي عليها هعمل كده صدقيني
احمد بحزن هي صعبه بس انا معاك وفاهم ان كلامك ده كله قدامنا علشان ناخد بالنا الفتره الجايه انك حسام ومنتكملش عن وجعنا قدامها
سيف بوجع بلظبط كده انا حسام وسيف في الجيش واي صور بتجمعنا تتشال لحد ما اقدر اصارحها
منصور بحزن مش عارف اقول ايه يا ابني انت حقيقي صعبان عليا اوي اكتر من اني معترض على اللي هتعملوا بس انا معاك روح وكلمها وباذن الله هتفوق وتيجي بيها ونكتب كتابكم ونطمن عليكم
سيف بوجع يارب يا جدي يارب بجد
عايده بحزن ربنا يطمنك عليها يحبيبي مفيهاش مشاكل ده لو كانت مرات اخوك بجد وحامل كنا هنقولك خدها وحافظ على عيال اخوك مبالك انها حب عمرك من البدايه هنبقى انانيين اوي لو كنا ضدك
سيف ابتسم بوجع وتابع تسلميلي يامرات عمي بجد
ياسمين بدموع بتعشقك زي الهبله ولوحدها فضلت مصدقه وجودك بس والله حبها ليك كفارس ضعف حبها لحسام اللي انت هتاخد شخصيته امنيه مش بتحب ال
سيف بمقاطعه الكدب وانا عارف بس مضطر صدقيني حاليا لو كلمتها على اني سيف هتتعب عصبيا اكتر ومش هتستجيب هي هتحس انها في دوامه سيف ايه اللي هو هو فارس وازاي انت جيت دلوقتي وازاي شبه حسام فكل ده تقيل على حالتها انما اخدها بلتدريج احسن
مازن بحزن بلظبط والمهم تقوم بالف خير ويحصل اللي يحصل بعدين
سيف بوجع اه انا اقصد كده فاهي تعبت بسبب حسام فهنجيبلها حسام عارف يا مازن لو مكناش تؤام كان هيبقى الموضوع الطف هروح اكلمها على اني سيف واجرب لو استجابت وحست بحبي ليها يبقى اجمل بكتير واريح زي ما بوست ايديها فحركتها هي حست بيااا كسيف بس تيجي تفتح عينيها تشوفني نسخه من حسام وانت عايز تقتنعي انك سيف فا دي هتبقى صدمه اكبر واصعب فبلوقت تتقبلها احسن
مازن بحب ااه بلظبط وربنا يتمملك على الف خير يحبيبي
سيف بحب تسلم يا غالي
نرمين بدموع حقك على عيني انك شيلت كل ده لوحدك وحضنته جامد وتابع بدموع يحبيبي يا ابني شوفت كتير وبتضحي علشان اخوك طول عمرك وبسبب كده انهارده هتاخد خطوه صعبه زي دي وواثقه هتوجعك لما تلاقيها فرحانه بحسام وعيطت وتابعت هنقف جمبك ومعاك ومتشيلش لوحدك تااني ووالله لما تعرف هتهدى وهتفهم وهتعرف قد اي ربنا طبطب عليها ومسبهاش تتوجع وانك بتحبها
سيف دموعه نزلت في حضن امه وتابع يارب يا امي بجد اللهم امين وخرج باس جبينها
زينب بدموع فرح الف مليون مبروووك ينورعيني بجد والله طايره بيك ومش مصدقه
سيف حضنها وتابع بحب الله يبارك فيكي ياست البنات ورفع ايديها باسها بحب
واتفقوا على كل حاجه سوا وطلع سيف غير هدوم الجيش ولبس بنطلون اسود وقميص كحلي وسرح شعره وتابع بضيق يارب متركزش في العين اوي
يونس لالا متقلقش العسلي من البني ايه يجدع مش للدرجه دي
سيف بخوف خير باذن الله
يونس بضحك اعتقد اول مره تخاف في حياتك
سيف بضحك انت بتقول فيها المهم يلا مفيش وقت
ونزلوا وركبوا عربيه سيف وراحوا المستشفى ونزلوا ودخلوا
سميه بلهفه اخيرا جيت يا ابني
سيف بحب متخافيش داخلها دلوقتي خير باذن الله ادعيلها
سميه بدموع يارب بجد يارب ده والله محمد نزل الجامع قال هيفضل يصلي لحد ما اكلمه اقوله صحيت
سيف بحب هيحصل باذن الله يا امي والله وباس جبينها وطبطب عليها وسابها مع يونس ودخل وفضلوا باصين عليهم من ازاز الباب فراح سيف وشد الكرسي وقعد وبص للاجهزه اللي حواليها وصوت دقاات قلبها جمبه وحس بوجع وهو شايفها كده فقرب ومسك ايديها باسها وتابع بدموع امنيه .. قومي يحبيبتي .. مش كفايه كده واحشتيني اوي وغمض عينيه بوجع وقرب باس جبينها ودموعه نزلت وتابع انا كويس محصليش حاجه .. حسام جمبك كان كابوس وخلص خلاص قومي يحبيبتي … وقلبه كان واجعه اوي وهو بيقول كده وحاسس بنغزه فغمض عينيه بوجع وتنهد بعمق وتابع قومي علشان حياتي واقفه من غيرك ووالله ما قادر اعيش .. قلبي واجعني وحاسس اني مكسور وانا شايفك تعبانه في الوضع ده ومش بايدي اساعدك .. انا عارف انك مش شرط تسمعيني بس عندي امل اي كلمه من اللي بقولها هتحسيها ومسك ايديها وتابع بدموع ووجع: حبيبك جيه وجمبك وهيفضل جمبك العمر كله ومش هيفرق بينكم غير الموت .. قومي كده شوفيني انا زي الفل اهو دي كانت مهمه طويله واضطريت اقول فيها كده انما انا كويس اهو فتحي عينك يلا .. يلا يا امنيه الناس مستنيانا وعايزين نعمل احلى كتب كتاب لاحلى منونه في الدنيا كلها …ودموعه نزلت بحب وتابع عايزين نحقق حلمنا ونكون مع بعض علطول خلاص وباس ايديها ودموعه بتنزل وتابع ارجوكي يحبيبتي ردي عليا انا حقيقي مقهور وانا شايفه تعبانه كده فحركت عينيها ببطئ وواحده من ايديها ويونس وسميه فرحوا جدا فتابع سيف بلهفه ودموع حبيبتي انتي سمعاني صح .. سمعاني ردي علياا .. ردي عليا يا امنيه علشان خاطري
امنيه بهمس حسام
سيف غمض عينيه بوجع وتابع بحب ودموع ايه يحبيبت حساام وقرب عليها وهو ماسك ايديها وتابع فتحي بقى ابوس ايدك كفايه كده وجعتي قلبي وباس ايديها بعمق ففتحت امنيه وتابعت بابتسامه متعبه حسام
سيف رفع راسه بصلها بفرح ودموع وتابع يحبيبتي انتي بقيتي كويسه ?? الف حمد وشكر ليك يارب اللهم لك الحمد ودموعه نزلت
فقامت امنيه اتعدلت بتعب فدخلوا سميه ويونس بفرح وامها بتعيط بشده من فرحتها فتابع سيف بخوف حاسبي حاسبي على مهلك وعدلها في قاعدتها ورايح يتكلم قاطعته لما فاجئته انها سندت على ركبتها على السرير ولفت ايديها حوالين رقبته وحضنته باشتياق وتابعت بدموع انا خوفت عليك بجد
سيف حس ان الدنيا كلها وقفت في اللحظه دي ومكنش سامع اي حاجه حواليه هو كمان كان مشتاقلها جداا .. مشتاقلها بعدد الايام والاسابيع والشهور والسنين اللي بعدت عن عينيه فيهم فتلقائي رفع ايديه الاتنين حطهم على ضهرها وضمها ليه بحب بالغ ودموعه نزلت
سميه بصدمه من وراه انت بتقول ايه يا سيف
سيف اتخض وساب ايديها وقام وقف وتابع بتوتر وهو بيمسح دموعه بسرعه : خاله سميه ازيك عامله ايه
سميه رايحه تتكلم لفت نظرها ان امنيه حركت ايديها اللي كان ماسكها سيف سنه بسيطه ووقفت تاني فتابعت بلهفه ايه ده البت كانت هتصحى وراحت عندها وفضلت تهز فيها بخفه وتابعت بدموع فرح امنيه .. امنيه قومي يا قلب ماما .. امنيه انتي سمعااني يحبيبتي ردي علياا ريحيني يا امنيه كفايه ياقلبي كفايه كده واحشتيني وبصت لبرا وتابعت يا دكتور .. يا دكتور
الدكتور دخل بخوف وتابع ايه ايه يا ام امنيه خير
سميه بعياط البت اتحركت والله اتحركت اكشف عليها معلش شوفها والله كانت هتصحى
الدكتور طب اهدي طيب اهدي خير باذن الله حاضر وبدا يكشف عليها بعدين رفع السماعه من على رقبته حطها على ودانه ورايح يرفع البدي اللي لبساه امنيه فا إيد سيف منعته
الدكتور بستغراب خير في ايه
سيف برفعه حاجب انت بتعمل ايه ???
الدكتور بستغراب ايه هكشف عليها واسمع نبضات القلب هعمل ايه يعني ??
سيف بحده انت عبيط في دماغك ولا ايه لا طبعاا هات دكتوره تكشف وتقولك
الدكتور بستغراب انت في ايه يا فندم ده شغلي هو انا هبص لمريضه عندي وبعدين لا حياء في العلم و
سيف بمقاطعه وبحده لا حياء في العلم اه مختلفناش بس معلش بقى خليها عليك انا صعيدي مقفل مينفعنيش الكلام ده .. وعايز تعتبرها جهل تعتبرها راجعيه تعتبرها جنان اعتبرها زي ما تعتبرها بس مش هتتكشف عليك
سميه ابتسمت وتابعت وفيها ايه يا سيف يا ابني عادي عديها المهم نطمن
سيف بحده لا فيها كتير انا قايل لعاصم اي كشف هيعري امنيه دكتوره ست اللي تبقى تدخل تكشف وتودي التقارير للدكتور المعالج مقولناش حاجه انما مش هو اللي يشوفها ده بيقولك هيشوف قلبها انتي فاهمه هيعريها لحد فين ولا مش فاهمه
سميه فضلت تضحك وتابعت خلاص يا دكتور خلاص روح انت وابعت دكتوره نعمه معلش يا ابني
الدكتور بتسغراب شديد حاضر يا حجه وخرج وهو بيهز راسه بيأس وبيتكلم بصوت واطي
سيف بحده برطم .. برطم كمان علشان اجي اكسر راسك دلوقتي
سميه بضحك اهدى شويه دول بيعالجولي البت اللي حلتي
سيف بحده ولا يقدروا يعملوا حاجه دول كلهم شغالين عند صاحبي والمستشفى كلها تحت امركم وامنيه لو مشالتهاش الارض اشيلها انا فوق راسي واوديها اخر الدنيا المهم تبقى بخير
سميه ابتسمت وتابعت مش مستاهله اخر الدنيا هي خطوه واحده وهتبقى بخير
سيف بستغراب يعني اي يا خاله مش فاهم
سميه رايحه تتكلم فنعمه دخلت وتابعت بضحك عامر قاالي وهكشف عليها انا يا خالتي معلش استنوني برا
سميه بحب ماشي يا بنتي يلا يا سيف تعالى ورايا عايزاك
وخرجت
سيف وطى باس جبينها وبص لنعمه وتابع بالله عليكي في عينك
نعمه بحب حاضر يا سيف بيه متقلقش والله
وخرج ورا سميه كان محمد ابو امنيه جيه
سيف بابتسامه ازيك يا عمي عامل ايه
محمد بحب الحمدلله يا ابني طمني انت عليك
سيف بحب الحمدلله نشكر ربنا على كل حال
سميه مسكت ايد سيف وتابعت لجوزها تعالى يا محمد عايزاكم ودخلوا اوضه في المستشفى وتابع سيف بستغراب في ايه يا خاله
سميه الدموع اتجمعت في عينيها وتابعت انت كنت بتقول ايه لامنيه جوه
سيف غمض عينه وتنهد بعمق وتابع متشغليش بالك باللي قولته وكأنك مسمعتيش حاجه
محمد بستغراب هو ايه ده يا سميه اللي سمعتيه فهميني
سميه بدموع انت قولت لامنيه انك اتوجعت في اخوك ومش هتستحمل تتوجع فيها هي كمان ونظره عينيك لبنتي ودموعك اللي نزلت وغيرتك عليها من الدكتور بتاعها وموصي عليها دكاتره المستشفى كلها وسؤالك المستمر عليها وعليا انا وابوها كل ده مش صدفه يمكن انا اللي مكنتش واخده بالي او كنت بكدب تفكيري بس اللي شوفته انهارده غير كتير من وجهه نظري يا سيف واستجابه امنيه لي لمست ايديك ليها دي مش صدفه
محمد بتفاجئ ايه هي امنيه صحيت ???
سميه بدموع لا مصحيتش بس ايديها اتحركت لاول مره من ساعه ما دخلت في الغيبوبه واول مره بردو سيف يدخل يكلمها ويمسك ايديها وميبصش من بعيد ويمشي كعادته
سيف الدموع اتجمعت في عينيه وسكت فتابعت سميه بدموع قولي يا ابني فهمني انت بتحب امنيه
محمد بصدمه انتي بتقولي ايه يا سميه هو يعرفها منين علشان يحبها
سميه بعياط بس انت يا محمد انت مشوفتش نظره عينيه لبنتك دي نظره عاشق مش مُحب
محمد بستغراب يا سميه مش بكدبك بس هو عارف امنيه منين دي كانت خطيبت اخوه ومشفهماش ولا مره
سيف تنهد بوجع وتابع يمكن فعلا مش عارف امنيه في نظر الكل بس انا عارف ان اكتر اكله بتحبها الكفته والفراخ المشويه والرز بسمتي والحواوشي بس المكرونه البشاميل بلذات مبتستغناش عنها وبتحب تشرب الآيس كوفي والسحلب او شاي اللافندر وبتحب تلبس كاجوال او دريسات وابتسم وتابع وبتشجع الاهلي وبتحب عمرو السوليه ومحمد الشناوي وضحك وتابع لا والبنت الوحيده اللي مش بس مجنونه بلكوره دي كمان بتحب تلعبها وطفله ورقيقه لابعد حد ضحكتها حلوه والغمزات بتوضح لما بتضحك وابتسم بهزار وتابع وبتحب مايؤذيها لدرجه ماده الاحياء في الثانويه العامه مع انها بتجيبها الارض وبشوشه وبتحب الضحك والهدوء … وبتعيط لما بتتوتر لانها بتفشل انها تهدي نفسها ولما بتفرح بتبقى عايزه تقول للكل انا فرحانه انهارده بسبب كذا كذا وبيبان على ملامحها جدا وضحك بدموع وتابع واحلامها بتتحقق فاكر دي جداا وعندها الحسه السادسه وبتكره الكدب جداا وعصبيه جدا .. فا لو سالتوني ازاي بعد كل ده متعرفش امنيه هقولكم ده قدام الدنيا كلها انما واقعيا محدش عرفها قدي
سميه ومحمد اتصدموا ازاي حافظها كده وتابعت سميه بدموع ممزوج بتفاجئ: شوفت .. شوفت ان انا صح يعني طلعت بتحبها اهو .. لا بتحبها ايه ?? ده انت بتعشقها واما انت بتحبهاا اوي كده سبتها لاخوك ازاي فهمني وتعرف عنها كل ده ازاي يا سيف
سيف بوجع خاله سميه انا فعلا مش قادر اتكلم ممكن نأجل اي كلام لبعدين
محمد بصدمه لالا نأجل ايه انت فهمنا كل حاجه ده حصل ازاي وامتى وليه تسيبها لحسام طلما انت بتحبها كده يا ابني
سيف غمض عينيه بوجع وقعد على الكرسي اللي قدامه وتنهد بعمق وتابع ده موضوع طويل اوي ويطول شرحه
سميه قعدت قدامه وتابعت بلهفه طول براحتك بس فهمني ازاي ده حصل بالله عليك يا ابني
سيف تنهد وتابع من 6 سنين امنيه كانت 16 سنه ورايحه الدرس بتاعها وانا كنت في كليه تجاره اخر سنه وفي الطريق في شاب قطع الطريق عليها وخدرها وخدها معاه في حوش بيت كده
ام امنيه اتخضت فتابع سيف اهدي اهدي محصلهاش حاجه ساعتها .. وانا مسكت الواد ضربته وشيلتها وروحت بيها كافيه وفضلت افوق فيها لحد ماصحيت وابتسم وتابع وكانت لِمده لاماده مش في حد وفضلت تقولي كلام استغربته اوي ساعتها زي اني هتجوزها وهحبها وان احلامها بتتحق وانها حلمت ان الشخص اللي هتتجوزه بيكون بينقذها الاول من مشكله وحتى انها سمتني فارس ولما سالتها اشمعنا قالتلي علشان انت فارس احلامي فانا فضلت اضحك اوي اصله كلام طالع من عيله هاخده بمحمل الجد ليه يعني?? بس لما مشيت وروحت محاضرتي فضلت فاكر نفس الكلام وعمال اضحك فا فضولي خدني اعرف عنها معلومات عادي يعني بنت قموره وتلقائيه وطيبه ويمكن دي اكتر حاجه حبيتها فيها زي مابيقولوا كده خفيفه الظل فتدخل القلب بسهوله فانا وراجع روحت السنتر اللي كانت هتروحه وطلعت ولما طلعت لاقيت صوره كبيره في السنتر للاوائل في امتحانات تالته اعدادي وهي كانت من ضمنهم لانها لما عرفتها كانت لسه جديده في اولى ثانوي فلفتت انتباهي ومكتوب تحت صورتها امنيه محمد فجيت امشي واحد من السنتر قالي اؤمر يا استاذ قولتله لا ابدا كنت مستني بس طالبه قريبتي بس هنزل استناها تحت ونزلت فعلا وروحت بيتي عادي بس الغريب كلامها فضل في دماغي فشاركت عمر صاحبي ويونس ابن عمي فقالولي انت معجب ببنت عندها 16 سنه مالك عيلت كده ليه وفضلوا يضحكوا قولتلهم يجماعه والله العظيم مبقولش معجب بس حاسس اني مشدود للبنت دي اوي اصل بتتكلم بثقه كده ليه وهي بصراحه زي القمر وملامحها تخطف وعينيها تسحر فا كعاده اي صحاب ضحكوا عليا شويه كنوع من الهزار والتحفيل بس صدقوا اني اعجبت بيها لاني مبقولش كده على اي بنت وبطبيعتي اني بغض البصر اوي ومفيش بنت بتلفت نظري بسهوله فعادي كبرت دماغي على قد ما اقدر وروحت تاني يوم الجامعه شوفتها تاني في نفس الشارع بس كانت راجعه مع صاحبتها فاستخبيت منها لحد ماعدت من قدامي فجالي فضول امشي وراها اعرف بيتها لاني حسيت فعلا ان دي مش صدفه البنت دي شكلها هتكون حبيبتي بجد فمشيت وراها وانا ماشي سمعتها بتحكي لصاحبتها عليا وبتوصف وتتواصف فيا وفرحانه اوي وبتتكلم بحماس كده فابتسمت غصب عني ومشيت لحد ما وصلت بيتها وودعت صاحبتها وسالت البواب انها ساكنه فين فقالي الدور التاني ليه خير قولتله ابدا اصلها شبه واحده قريبتي بقالنا سنين مشوفناش بعض بس مش هي خلاص وشكرته ومشيت ومش فاهم انا ليه بعمل كده كنت مستغربني بصراحه بس فعلا حسيت زيها ليه لا منا ممكن اطلع اتقدم مفيهاش مستحيل اهو فعادي ممكن تحصل .. فمشيت مبسوط وروحت على السنتر وخدت مواعيد اولى ثانوي. بعدها بقيت اتعمد اروح علشان اشوفها من بعيد وبصراحه محبتش اكلمها واعلقها بيا وانا لسه شاب في بدايه حياته وانا بحب ابقى دوغري بس سني ساعتها ووضعي الاجتماعي مكنش يأهلني اتكلم اصل هروح اقول لابوها ايه ?? ومعايا ايه ?? هدخل عليه ايد ورا وايد قدام ?? فقولت لما اتخرج واشوف الحربيه هترسي على ايه هتقدملها خلاص قررت وفضلت اشوفها من بعيد ومتابع الانستا بتاعتها وانا دمي محروق انها بتنزل صورها كده على قد ما غيران على قد ما مش عايزها تبطل تنزل لاني مبطمنش عليها غير بكده وبشوفها بشكل مختلف كل شويه وهي ما شاء الله عليها كل معلوماتها قالتها في اسك مره على انستا لما حد بيسالها على حاجه وكل ما كانت بتقول حاجه كانت بتتحفظ تلقائي جوه دماغي لحد ما بقيت حافظها اكتر من نفسها وصورتها في محفظتي كل ما اشيلها قلبي مش بيطاوعني وشيلتها قريب وبردو حطيتها تاني بس بصراحه قولت لما حسام يتجوزها هرمي الصوره اصل دي مرات اخويا فهتبقى في مقام اختي المهم في مره سمعتها بتقول لصاحبتها انا قربت انساه بس كشكل انما انا عايزاه انا عايزه فارس مش حد تاني فارس اللي قالي هيبقى ظابط وانا هبقى مرات الظابط وهفتخر بيه ووالله لو شوفتيه هتنبهري بيه جسمه رياضي كده ومحافظ على صحته وبشوش اوي وبيهزر وبيضحك على كل حاجه بقولها وشهم وجدع واهم حاجه خدني على قد عقلي فصاحبتها كأي انسانه طبيعيه بهدلتها وقالتلها اللي انتي فيه ده اسمه وهم ده شخص شوفتيه مره واصلا مسمهوش فارس انتي محتاجه توعي اكتر من كده يا امنيه وتبصي للواقع هو يعرفك منين اصلا علشان يتجوزك وهتفضلي مستنيه مين بس امينه كانت بتضايق انما مكانتش بتبطل تحس اني جمبها وقالتلها كده مره معنديش اسباب مقنعه بس” حاسه “فقالتلها يعني ايه حااسه ازاي هتقعدي مستنيه حاجه مستحيله زي دي علشان بس حاسه ومن كلام صاحبتها حبت تكبر دماغها بس الغريب اني كنت كل ما اقع في مشكله او يحصل معايا حاجه في البيت او في تقديم الحربيه تضايقني واروح في نفس اليوم علشان اشوفها وهي راجعه من الدرس وبتقعد في الكافيه ده اسمعها بتقول لصاحبتها انا حلمت انه مش كويس الا ان وشه مش باين قدامي ونسيته بس والله هو مش كويس وفضلت كده كتير لحد تالته ثانوي بعدين انا دخلت الحربيه ومبقتش فاضي اشوفها زي الاول واعرف انا لسه في بالها ولالا ولما دخلت كلامهم في الحربيه عن اننا عمرنا مش مضمون خلاني خوفت عليها فقولت دي متتسابش 30 دقيقه لوحدها في شقه مش 30 يوم فحاولت اكبر بصراحه بس جوايا مكنتش عارف اصل انا براقبها سنين وفي الاخر مش هتجوزها طب ازاي وكنت بسال نفسي سؤال هو هو كل مره مش بغيره يا تارا يا سيف لو اتجوزت هتبقى عادي بنسبالك ?? وكل مره الاجابه بتكون “لا مش هقدر” لحد ما في مره يونس كان بيوصل اخته ياسمين جامعه اسيوط وشاف امنيه في الكافيتريا وهو اصلا عارفها فحب يعمل معايا جِميله ويدخل امنيه العيله شويه فقال لياسمين حلوه البنوته دي فقالتله ايه اشوفهالك ?? هي بقى ماهتصدق تجوزه فقالها لالا اقصد لبسها محترم وباين عليها طيبه ابقي اتعرفي عليها انتي وجودي لان قاعده لوحدها ليكون معندهاش صحاب ولا حاجه المهم ياسمين فكرته معجب بيها فضحكت كده وقالتله ماشي هنتصاحب عليها وبلفعل راحت وكلمتها وامنيه حبتها جداا واتصاحبوا وبقيوا فعلا كل يوم سوا وبيتكلموا وتنهد بعمق وتابع وكنت بتابع اخبارها من بعيد لبعيد سوشيال بس لان حربيه شغلتني جداا ومكنتش فاضي خالص ومنكرش كل مره بدخل الاكونت وبلاقيها مش مرتبطه زي ماهي بفرح جدا مع اني بردو مش عايز ادخلها حياتي علشان صعبه .. صعبه لدرجه من كتر ما بحبها خايف عليها منها بس لاحظت حاجه انها بطلت تبقي عفويه زي زمان حسيت فيها حاجه مطفيه بطلت تجيب سيره فارس بس مبطلتش تحس بيه واستوريهاتها كانت بتأكدلي ده جداا لحد ما في مره وللاسف الشديد حسام بيوصل ياسمين فقالتله يفوت على بيت امنيه تاخدها معاها وهو كان لسه راجع من سفر ودي اول مره شاف فيها امنيه عرفت بعد كده من يونس كل ده ولما امنيه نزلت وقعدت جمب ياسمين خطفته هو كمان وامنيه بلوقت لقيت في حسام ظابط رياضي اه مش زيي لانه بيشرب سجاير ومش ملتزم على الجيم بس بردو زيي وهو فوله واتقسمت مني اصلاا فاحسام الوحيد اللي عوض امنيه عن فارس الوحيد اللي لقيت فيه الشخص اللي كانت رسماه في احلامها وبتشوفه وقابلته مره واقعيا فحبته واتخطبتله وانا بعدها كنت في مهمه يوم خطوبه حسام واتصابت جامد واغمى علياا بس قلبي وجعني اوي ساعتها وشوفت ملامح امنيه اخر حاجه قبل ما اغمض عيني مفهمتش ليه شوفتها بس حسيت اني موجوع وفسرت ده انها اكيد واحشاني ولاني ممكن كنت اموت فشوفتها اخر حاجه كأن عيني عايزه تشبع من ملامحها قبل ما افارق الحياه بس مش ده اللي حصل وبقيت كويس ولاقيت مسدج من عمر جوز اختي دلوقتي يعني كان ساعتها لسه بيحبها وعامل حادثه وهي معاه في المستشفى لانها ممرضه فقالتله ان حسام هيخطب وذكرتله انها امنيه فاهو اتصدم وبعتلي المسدج دي (( حسام اخوك هيخطب انهارده امنيه )) مش قادر انسى كلمه من المسدج من ساعتها وحسيت بنار قايده في قلبي ومش مصدق ازاي امنيه مع حسام اخويا ورجعت وشوفت صورتهم سوا وكنت بموت كل دقيقه الف مره بس هعمل ايه منا بردو السبب اني سكت وده حسام اللي هو وزينب اغلى من عمري كله بنسبالي فسكت ورضيت وبطلت حتى ادعي انها تكون نصيبي تقبلت الواقع .. الواقع اللي كسرني وخلاني جمدت وقسيت اكتر منا قاسي بقيت كل ما اشوف صورتها في محفظتي بحس اني بطعن اخويا بس والله مش دي الحقيقه انا بحبها من سنين ومعرفتش ابطل احبها والله ما عرفت وكل محاولاتي فشلت وتقبلت اعيش بواجعي .. لحد ما اللي حصل حصل واديكي شيفاني قدامك اهو زي منا بطول معرفتش اشوف غيرها وابتسم بغلب وتابع وجِميل يونس جيه على دماغي في الاخر
سميه بدموع يخرابي يا ابني ايه كل ده انا مش قادره اصدق انت حسيت بايه وشوفت ايه انت بتحبها اوي كده
سيف بوجع واكتر والله ربنا يقومها لينا بالف خير
محمد بدموع طب ما يا ابني لما تقوم قولها انك سيف وعرفها الحقيقه وعوضها وعوض نفسك وكون جمبها وحقك عليا انا مقصدش حاجه بس كلنا كده فهمنا هي حبت اخوك ليه ده انتوا تؤام يا سيف فاهي حتي لو نسيتك حست انها شافتك في اخوك تاني يعني بتحبك انت في الاصل
سيف بوجع صعب يا عمي انا اتمني بس هو صعب اتجوز خطيبت حسام وهي اه بتحبني انا في الاصل بس واقعيا هي دخلت غيبوبه دلوقتي علشان حسام مات يعني حبت اخويا وقدرت تتخطى سيف فانا مش هقدر اظهر تاني في حياتها خصوصا اني تؤامه الفرق بيني وبينه لا يذكر ده لون العين
محمد رايح يتكلم فدخلت الدكتوره نعمه فوقفوا بلهفه وتابع سيف بقلق ها طمنيني
نعمه بحزن هي كويسه بس بعد ما كانت هتستجيب رجعت لنفس حالتها تاني وبصراحه
سميه بخوف بصراحه ايه يا بنتي ماتقولي علطول
سيف نفخ بنرفزه وتابع بحده ماتخلصي وترغي علطول هو انتي بتتعبي اعصابنا ليه
نعمه اتخضت وتابعت بحزن بصراحه وضعها صعب وال 48 ساعه الجايين دول صعبين عليها ولو مفاقتش فيهم ممكن وسكتت
سيف بصدمه ايه ??
نعمه بحزن ممكن نفقدها
سميه شهقت وتابعت بعياط يااموري وايه يوصل وضعها كدده يا بنتي ما كانت كويسه
نعمه بحزن يا امي الغيبوبه مش بتثبت كل شويه وضع الحاله بيختلف احنا نتمنى تفوق ونريح خالص
سيف بعصبيه انتي بتقولي ايه اومال انا متنيل جايبها مستشفى محترمه لييه ?? علشان اسمع الكلام الفاااضي ده
محمد بدموع وخوف يارب استر يارب .. يارب مد ايدك على بنتي واشفيها يارب
نعمه بحزن يا سيف بيه احنا عملنا اللي علينا بس هي وصلت لمرحله صعبه الباقي بتاع ربنا لو حسام بيه كان هنا كانت حاجات كتير اتغيرت ادعولها يجماعه عن اذنكم وخرجت
سيف غمض عينيه بوجع وكتم دموعه وتابع تمام تمام متخافوش خير باذن االله مش هيحصلها حاجه انا واثق والله العظيم ودخل البلكونه وسمح لدموعه تنزل بشده وحط ايديه على وشه وفضل يبكي بصمت ويدعي بكل قلبه ربنا يحفظها وتقوم بالف خير
وحس ان حد حط ايديه علي كتفه فبص لقاها سميه فمسح دموعه
فتابعت بدموع وحياه حبك ليها يا ابني ساعدها
سيف بوجع يا امي انا لو اقدر اساعدها مش هتأخر عليها حتى لو هديها عيني والله
سميه بدموع وانا واثقه من ده بس انت فعلا تقدر يا سيف
سيف بستغراب ازاي مش فاهم
سميه مسكت ايديه وخرجت ووقفته قدام المرايا وتابعت بدموع ايه الفرق بينك وبين اخوك
سيف بص لنفسه بوجع والدموع اتجمعت في عينيه وتابع بوجع لون عيني بس انا عسلي وهو بني وبصلها وتابع وده اشمعنا
سميه بدموع انا عارفه ان بنتي بتحبك وعرفت كمان دلوقتي ان حبت اخوك علشان نسخه منك وفكرها بيك بس بردو عارفه ان هي دخلت في غيبوبه بسبب موت حسام وده لانه كان اخر امل ليها في انها تشوف الشخص اللي عاشت تحلم بيه قدامها متجسد في واحد حقيقي خطيبها وهيتجوزها كمان فاهي متحملتش تفقده وتعبت وانا قدامي 48 ساعه بس يا ابني ومعرفش بنتي ممكن تسبني في انهي ساعه فيهم ابوس ايدك ساعدني
سيف بوجع والله حاضر بس اساعدك ازاي ده انا والله بموت زيي زيك
محمد بدموع تقولها انك حسام وتكلمها فهتصحى ولما تصحى انا موافق اجوزهالك وجواز رسمي وعلطول يعني مراتك ومن حقك العمر كله وبلوقت عرفها الحقيقه انك حبيبها القديم مش حسام وهي والله هتتقبل بس المهم تقوم بخير دلوقتي
سيف بصدمه انتوا بتقول ايه انا مستحيل اعمل كده بقولك امنيه بتكرهه الكدب انت عايزني اخدعهااا !!!! ده انا بقولك مش هقدر لما تفوق اتجوزها على اني حبيبها القديم ومش هقدر ابصلها تاني بعد ما اخويا خطبها تقوم تقولي اعمل كاني حسااام لالا مش هقدر ياعمي انا اسف
سميه بعياط ابوس ايدك يا ابني وافق بنتي هتروح مني حالتها بقيت صعبه والله بتحبك يا سيف وهتتقبل الواقع بعدين بس تفوق ..تفوق وتبقى بخير وانت لما تتجوزها وتلاحظ الفرق بينكم وتتهيئ انها تعرف قولها انك سيف مش حسام ولو زعلت شويه هتتراضى بس المهم تكون فاقت وبقيت وسطنا واهي مراتك بردو ومحدش هيقولك سيبها
سيف بصدمه انتوا بتقولوا ايه انا مش حسااام ومش معنى اننا شبه بعض شكلااا نبقى نفس الشخص حساام فكرها بياا انما محسسهاش انه اناا ولا كان هيعرف يعمل كده احنا لينا قلوب مختلفه وشخصيات مختلفه وطبيعه حياه مختلفه حتى شغلنا مختلف فا اللي انتوا بتحكوا فيه صعب اوي ومستحيل
سميه بدموع صعب اه بس مش مستحيل واحنا بس نضمن انها فاقت بالف سلامه وحالتها تتهيئ تعرف ونقولها الحقيقه الدكتور المعالج قالي الحل ده انا وابوها واحنا قاعدين معاه من اول ما جات المستشفى هنا وسالنا كذا دكتور قال ان الحل ده هينفع جدا باذن الله بس مكنتش اقدر اطلب منك يا ابني مقدرش افرض بنتي على حد وخصوصا فاهمه انها في نظرك مرات اخوك بس لما شوفت في عينيك ليها العشق ده وعرفت الحقيقه لا الوضع اختلف خالص في نظري وقولت اقولك اصل حتى لو احنا هونا عليك تكسفنا تهون عليك حبيبتك يا سيف تروح مننا
سيف بوجع الدموع اتجمعت في عينيه وتابع عمرها ماتهون ولو حصلها حاجه هموت وراها بس انا كده بغلط غلط كبير غلط صعب يتغفر لما تعرفه وبعلقها باخوياا اكتر لانها هتشوف حبي ليها انه نابع من حسام اللي هو مش موجود اصلا
محمد بدموع يا سيدي متطولش هو شهرين بلكتير وقولها الحقيقه الدكتور قالنا كده تكون استوعبت ورجعت لحياتها الطبيعيه فتتهيئ انها تعرف وانت حاول اشغلها بلماضي القديم بتاعكم ده بحيث متنساش سيف
سيف تنهد بوجع وتابع لا يا عمي انا كده هتعبها نفسيا اكترر لاني هفضل حاططها في حيره انها عايزه مين وهل كانت صح لما اتجوزت حسام ولالا انت بتقول ايه بس
سميه بدموع يعني تكلمها على انك حسام وتصحى وتتجوزها وشويه زعل لما تعرف وهيروحوا لحالهم ولا تصمم دماغك وتروح مننا
سيف بوجع يا امي مش قصدي كده بس مش هقدر والله مش هقدر اكدب على امنيه وهي بتحبني انا في الاساس
سميه بدموع عارفه وعلشان كده هتسامحك
محمد بدموع طب فكر يا ابني ورد علينا بس بالله عليك ماتكسر بخاطرنا هي بنتنا الوحيده وملناش غيرها ولو حصلها حاجه هنروح فيها
سيف بوجع والله يا عمي انا مش عارف اقولك ايه يخليك تصدق اني زيي زيكم في الوجع والخوف ده بس من كتر ما بحبها مش هقدر اخدعها الثقه بتيجي مره واحده
سميه بدموع كلامك صح بس كل ده مش هيعرف يطبطب علينا وعليك لو امنيه حصلها حاجه
سيف بوجع لا بعد الشر متقوليش كده وتنهد بعمق وتابع بوجع حاضر يا خاله سميه هعمل كده
سميه بفرح الهي يا ابني ربنا يفرح قلبك قادر ياكريم ويسعدكم
محمد بدموع فرح تسلم يا ابني والله مش هنساها ليك العمر كله
سيف ابتسم بحزن علي خوفهم ورايح يرد عليهم قاطعه دخول كريم ابن خاله امنيه
كريم صباح الفل يا خالتي
سميه بابتسامه صباح الخير يا مريم يا ابني
كريم بستغراب مالك في ايه بتعيطي ليه
سميه وهي بتمسح وشها تابعت بفرح لا مفيهاش عياط خلاص ده احنا فرحانين اعرفك ده سيف اخو حسام
كريم بصله بضيق وتابع اممم اسمع عنه حصلي الشرف يا استاذ سيف
سيف حط ايديه الاتنين في جيوب بنطلونه وتابع بتنهيده والله كان نفسي اقولك وانا كمان بس مش حاسسها فحصلي القرف يا استاذ كريم
سميه بصتله بتوتر وتابعت ليه بس يا سيف يا ابني ده كريم ابن خاله امنيه وزي اخوها الكبير بلظبط
كريم برفعه حاجب اخوها الكبير مين يا ست الكل هو انا مش قايلك ان
سميه بمقاطعه وخوف بس بس اخرس قولت ايه يعني نتكلم بعدين
محمد بتنهيده بص يا ابني اللي في دماغك ده تنساه خالص
كريم بحده ليه ان شاء الله ناقصني ايه يعني ما انا اتقدمت مره واتنين وتلاته والف في ايه يا خالتي ليه محسساني اني ببيع مخدارات مش دكتور محترم
سميه بخوف يا ابني هشش اسكت طب نتكلم بعدين مش وقته
سيف بتنهيده بُصلي انا بس يمكن اساعدك خير يا غالي بتتقدم لمين حضرتك لدرجه الف مره هو مبدائيا بحييك على الاصرار بس مين هي ونروح نكلمهالك كمان
كريم بضيق امنيه يا عم بنت خالتي ومستخصرينها فيا متزعلش مني اكمنك اخو خطيبها السابق بس خلاص الحي ابقى من الميت ماهي مش هتخلل يعني
سميه بخوف يا واد اسكت يخربيت اهلك
سيف بابتسامه امنيه اممم مش بقولك مش حاسسها ..وازعل ايه لالا يا جدع مش للدرجه دي ..وبعدين ده انا لو مش هزعل منك علشان بتطلب اللي كانت خطيبت اخويا قدامي هزعل علشان امنيه دي اول ما تقوم بلسلامه هتبقى مراتي فانت متخيل بقى ??? وضربه بلبوكس وقعه على الارض فصرخ بوجع
سميه شقهت بخضه وسيف رايح مسكه فتابع محمد بخوف لالا يا ابني حقك عليا انا علشان خاطري سيبه هو مش بيحبها ولا حاجه ده كلام فاضي بيطلبها وبنقوله انتوا اخوات بس مش اكتر
كريم حط ايديه على خده وبصله بعصبيه وقام وقف وتابع انت مفكر نفسك مين يا جدع انت علشان تمد ايدك عليااا انت اتجننت ولا ايه وبعدين هتبقى مرات مين والله لاطين عيشتكم فيها هي اتعملها عمل بعيلتكم متطلعش منها ولا ايه
سيف راح مسك رقبته ورجعه للحيط وضغط عليها فتابعت سميه بخوف خلاص يا ابني خلاص علشان خاطري سيبه متهتمش لكلامه وكريم بيكح بشده فتابع سيف بهدوء مخيف: قسما بالله صوتك ده لو علي تاني هدفنك مكانك ومش هيفرقلي وقبل ماتقف قدام الرائد سيف الرفاعي ياروح امك ابقي اعرف الاول تاريخه وخبط بايديه التانيه على خده بخفه وتابع وبلنسبه للي هتبقى مراتي اللي انت كنت بتطلب ايديها قدامي هعمل نفسي مسمعتش علشان اقسم بالله العظيم ما هخلي فيك حته سليمه لو سمعت اسمها .. اسمها بس لسانك بينطقه تاني .. دي هتبقى حرم سيف الرفاعي يعني حتى كونها بنت خالتك تنساها خلاص .. ليه بقى قولي ليه ?? مش علشان انا راجل معقد ومقفل وبغير لا خالص بس نظرتك ليها اختلفت وشوفتها اكتر من اخت وضغط عليه بغيره جامد فوشه احمر اكتر وفضل يكح بشده وتابع سيف وعينيه بتطلع شرار وغيره شديده : فانا بحذرك مره بس التانيه همحيك من الدنياا اساسا فامنيه لو جيت على طرفها ولا جبت سيرتها ولا فكرت بس فيها بين وبين نفسك هتزعل جامد .. والله هتزعل فمتحاولش تجرب احسنلك وخاف على نفسك وسابه يقع على الارض
سميه بتوتر والله يا ابني محدش فينا موافق ولا هي راضيه ولا اي حاجه
سيف بتنهيده منا عارف حاجه زي كده وبصله وهو على الارض وتابع وخليه يجرب يجي على سكتي تااني .. ولعلمك امنيه هتبقى فاهمه اني حسام انا عايزك بس تفكر تنطق حاجه وتشوف هعمل فيك ايه ومتحاولش تفكر هيحصل فيك ايه علشان مش هتعرف تجيبها بدماغك
كريم كان بياخد نفسه بسرعه وتابع بسخريه لا برافو بتستغل الشبه اللي بينك انت واخوك علشان تكدب عليها علشان تتجوزها ومش عايزها تعرف كمان حلو والله
سيف بحده وانت مال اهلك يا زباله ?? انت اصلا متعرفش اي حاجه وميخصكش انا بعمل كده ليه يحيوان خليك في حالك واعتبر اللي تعتبره نظرتك مش هتغير كتير بنسبالي وبص لمحمد وتابع بتنهيده رايح مشوار وراجع اعمل اللي اتفقنا عليه يا عم محمد
محمد بابتسامه ماشي يا ابني مستنيك
سيف هز راسه بتمام ومشي وكريم تابع بحده كده يا خالتي بردو لتاني مره عايزه تجوزيها لحد غيري ومش عامله لكلمتي ليكم اعتباار
سميه بتنهيده انا بعمل الصالح لبنتي يا كريم ربنا يعوضك بست البنات انما امنيه من يومها مش مكتوبالك هي فعلا مكتوبه لسيف
كريم بحده مكتوبه لسيف ايه هي تعرفه منين ولا يعرفها منين ده وازاي اصلا يتجوز بنت كانت هتبقى مرات اخوه هو مش مكسوف من نفسه وهو بيتكلم
سميه تنهدت بعمق وتابعت بس يا كريم انت متعرفش حاجه خالص يا ابني ده المستحيلات دابت بينهم واتجمعوا
———-
عند عمر وزينب عمر كان وصل البيت وبيفتح الباب بحذر علشان يفاجئها لانه ماقالهاش انه جاي فدخل براحه ودخل شنطته وقفل الباب بحذر وبيدخل الصالون ملقهاش قاعده فساب الشنطه على جمب وقلع الجزمه ركنها ومشي بحذر لاوضتهم وبيبص مش شايفها فدخل ملقهاش بس سمع صوت الدش ففهم انها بتاخد شاور فقعد على السرير مستنيها تطلع ودقايق وبلفعل الباب اتفتح وخرجت زينب لافه عليها فوطه كبيره بس بسبب حجم بطنها الكبير قصرت اوي عليها ومبينه اغلب رجلها وشعرها مفرود على ضهرها ومبلول وشكلها جميل لابعد حد وبتبص قدامها شافته فصوتت بخضه وهو فضل يضحك عليها بشده وفرحت في نفس الوقت وجريت لفت ايديها على رقبته وحضنته باشتياق وهو حط ايديه الاتنين على ضهرها وحضنها بكل قوته وهو بيضحك على شكل خضتها وهي عماله تعيط بفرح في حضنه وضربته على ضهره وتابعت بعياط بجد اخص عليك صرعتني ولولا اني حامل كنت هقولك قطعتلي خلفي
عمر فضل يضحك بشده وتابع حقك عليا والله كنت عايز افاجئك مكنتش اعرف هتتخضي كده
زينب باست خده ورجعت شددت من احتضاته وتابعت بعياط احلى واجمل مفاجاه بجد لسه كنت على بالي حالا
عمر بضحك وانتي بتاخدي الشاور ??
زينب ضحكت من بين دموعها وبصتله وتابعت اه فيها ايه يا قليل الادب يعني
عمر بضحك قولت يمكن بتراجعي الذكريات بقى .. فينك يا عمر لما كنت هنا كنت بتساعدني انت يحبيبي
زينب فضلت تضحك وتابعت لالا مجاش في باالي كده خالص يااللي متربتش اخرس خالص
عمر بحب واحشتيني
زينب دموعها نزلت بفرح وتابعت وانت اكتر بجد ورجعت حضنته وتابعت واحشتني اوي اوي اوي والله
عمر بضحك لا انتي فهمتي غلط خالص انا اقصد واحشتيني التانيه فبصتله بستغراب فغمزلها
زينب فتحت عينيها بتفاجئ وتابعت بضحك لالا انت متربتش انا مقصدش دي خالص فكده مواحشتنيش اوي اوي اوي
عمر حط ايديه على وسطها وشدها ليه فايديها خبطت في صدره وتابع بحب بذمتك من قلبك
زينب بضحك اه من قلبي تردي ليش
عمر بضحك ليش
زينب بضحك هتصدق ?? ان شاء الله هتصدق لان انا ساعه ما حملت ياروح قلبي كنت انت مسافر جيت رجعت انا كنت لسه في اول شهرين ونص فكنا اخوات وبعدين سافرت شهر كمان ورجعت تنهدت بحزن وتابعت مش عايزه اقول الاجواء كانت ساعتها عامله ازاي ففضلنا الشهر بتاع اجازتك اللي نزلتوها مضطرين دي بردو اخوات واديك سافرت ولسه راجع وانا في نص السابع فانت متخيل ايه اللي حصل ?? انا نسيت انك جوزي اصلا
عمر بضحك لا ماهو انا فاكر يحبيبتي كل ده مش ناسي صدقيني الرجاله بلذات مبتنساش الحاجات دي بس توقعت هتبقي حابه تفتكري اني جوزك
زينب ضحكت وتابعت لالا كملها بلستر بالله عليك قربت اولد اهو وحضنته وتابعت بضحك حلو عليك الاحضان دي
عمر بضحك حلو الاحضان ايه يا زينب ما تخلي عندك دم ده انتي هتولدي خلاص
زينب بضحك اصل اللي خلاك تستنى كل ده جات على الشهرين ونص دول
عمر بضحك الفكره ان عادي لان حملك ثبت من ايام ما الهكسوس كانوا محتلين مصر بس ازاي لا طبعا مجتش عليهم وخدي بالك انتي عماله تحضنيني مبلوله وغرقتي هدومي علشان متفهمنيش غلط دلوقتي وبدا يفقك زراير الافارول
زينب بضحك لا يا شيخ والله العظيم انت بتتلكك وبتعمل كده علشان تستدرجني
عمر فضل يضحك وهو بيقلع الافارول والتيشرت وشدها ليه وتابع بحب لالا عيب عليكي لو ثابته على موقفك مش هتتهزي ولا ايه
زينب بضحك مش علطول بصراحه بس بص انا مش عارفه افهمك بس انا حاليا 99% احراج منك 1% انا انسانه عاديه
عمر فضل يضحك وتابع بالله ما عارف الاقيها منك ولا من الشغل يعني مفروض اني ارجع اريح بالي مش افضل اعيدلك من الاول واشرحلك اني جوزك
زينب بضحك انت بس جرب عيد والتقرار بيعلم الشطار هستجيب بلوقت والله
عمر بضحك هستجيب بلوقت بتاعتك دي بتحصل وانا على باب الشقه راجع سينا وتقرار ايه اللي بيعلم الشطار زينب يحبيبتي احنا متحركناش من الدرس التمهيدي وكل مره اعيدهولك هو هو ومفيش تقدم 1% حتى
زينب فضلت تضحك وتابعت لالا والله انت ناكر جميل اخص عليك يا عمر بجد
عمر حط ايديه على وسطها وقربها منه وتابع بضحك طب اثبتي العكس فكك من الكلام شبعنا منه
زينب بضحك حاضر عيني بس دي عايزه ترتيبات وخطوات فاهدى كده شويه
عمر رفع واحده من ايديه لفوق شويه وتابع بضحك ولا خطوات ولا نيله ماسك طرف الفوطه اهو لو شديته خلصت
زينب فتحت عينيها بتفاجئ وفضلت تضحك ونزلت ايديه وتابعت لالالا انت كده جبت اخر صفحه من الدرس مكنش ده اتفقنا
عمر بضحك زينب انا هيجيلي السكر على فكره
زينب حطت ايديها حوالين رقبته وتابعت بضحك بعد الشر يا عيون زينب
عمر بحب طب حني على عيون زينب شويه ولا هو كلام بس
زينب ابتسمت وتابعت بحب والدموع متجمعه في عينيها انا بهزر معاك على فكره بس انت فعلا واحشتني الوقت اللي فات كان صعب علياا اوي بس انت كنت خير داعم ليا حتى لما سافرت مسبتنيش وكل شويه تتصل حتي لو دقيقه تطمن عليا انا وحسام اللي مرمطني ده وتقفل بسرعه قبل ما حد يشوفك فحقيقي شوفت منك حلو كتير اوي ياعمر ويبختي بيك ومن غيرك بجد مكنتش هعرف اقف تاني في اي فتره صعبه في حياتي زي موت اخويا اللي لسه مأثر عليا وانت لسه بتستحمل فبجد ربنا يديمك ليا سند وضهر ينورعيني وحضنته وهي لفه ايديها على رقبته وتابعت بحب وهمس فمش بنكر اني محرجه بس بردو مش هنكر انك واحشتني اوي يا عمر
عمر ابتسم بحب من كلامها وحط ايديه علي ضهرها وبيشدها لحضنه وتابع بحب ده واجبي ناحيتك يعبيطه مش شئ يذكر و بجد ده انا اللي ييختي بيكي وبوجودك في حياتي انتي كل دنيتي بجد يا زينب وباس رقبتها بحب وهمس ووانتي كمان واحشتيني اكتر بجد
زينب تأوهت بوجع وغمضت عينيها وبعدت عنه خطوه فبصلها بضحك وتابع هو احنا هنستعبط ولا ايه في ايه مالك هو انا عملتلك حاجه
زينب بوجع لالا مش انت الباشا ابنك شغال ضرب في بطني
عمر بقلق تعالي بس تعالي اقعدي ومسك ايديها قعدها على السرير وتابع بقلق مالك قوليلي حاسه بايه
زينب ضحكت من بين المها وتابعت علشان انت لما شدتني عليك وحضنتني كنت ضاغط على بطني فمعجبوش البيه حس انه امه بيتم التحرش بيها فاتدخل وضربني
عمر فضل يضحك وتابع يخربيت فقرك يا زينب بتحرش بمين يابت انتي اتجننتي
زينب بضحك تقدر تنكر
عمر بضحك لا مقدرش بس تحرش عن تحرش يفرق ده حلال ده فبراحتي وبعدين ابن الكلب ده عاملها بلعند معاياا ليه كده من قبل ما يجي
زينب فضلت تضحك وتابعت هو من ساعه ما اتوجد جوايا محدش بيزعجه فمتعودش ان في حد بيشاركه فيا
عمر بضحك كماان انا اللي بقيت بشاركه كماان
زينب بضحك اه والواد مؤدب زي امه ميعجبوش المرقعه حس بيها فقال يتدخل فورا
عمر بضحك لا يا شيخه ?? طب تصدقي انتي بنت كلب انتي وهو
زينب فضلت تضحك وتابعت اتلم ملكش دعوه بي بابا يا واد
عمر برفعه حاجب واد ?? عمر الهواري يتقاله واد
زينب ضحكت بتوتر وتابعت لا طبعا ياروحي بهزر عيب عليك وغمضت عينيها بالم تاني وتاوهت بوجع
عمر ايه ضربك تاني ??
زينب بوجع اه بص ومسكت ايديه وحطتها على بطنها فحس عمر بلضرب فتابع بضحك ايه ده ايه ده .. ده الواد بينتقم منك بس عسل بجد وفضل يضحك
زينب بضحك اه والله متفهمش مين معصبه طالع عصبي لابوه
عمر وهو بيمشي ايديه على بطنها علشان يحس بيه تابع بضحك اصل ابوه مجنون بيتعصب من فراغ
زينب بوجع ااه عمر بجد ابنك مش راضي يبطل ضرب ونزلي عند الحوض مش قاادره
عمر بضحك منا حاسس تحسي انكمش كله في بعضه تحت اهو
زينب بالم اه والله تعبت اوي اكتر حاجه بكرها التقل ده
عمر باس جبينها بحب وتابع حقك عليا الحمدلله هانت اهي خلاص وانا هحاول اخليهولك يتحرك لفوق شويه بس ريحي جسمك
زينب رجعت سندت ضهرها لورا اخر السرير وعمر قعد جمبها وفضل يمشي ايديه بحنان على بطنها ويضغط شويه علشان يحركه فتابعت زينب بضحك والله لو طبلت ده بارد زي اللي جابه بلظبط مش سايبله حاجه
عمر بضحك تصدقي انك مهزقه يابت علشان اللي جابه اللي شايل همك وقاعد عايز يحركهولك خلاص خليك يحبيب بابا طلع عين اهلها بنت الجزمه دي وغمض عينيه ووطي باس بطنها بحب
زينب بضحك طب كمل بالله عليك بيتحرك فعلا
عمر بضحك لا خليكي مش بارد لابوه
زينب بحب ده ابوه ده نورعيني
عمر بضحك خلاص ضعفت وفضل يحرك ايديه على بطنها وتابع نامي بس ريحي ضهرك
وبلفعل زينب نامت ودقايق والبيبي رجع لورا شويه فتابعت زينب بحب ايووه بس كده خلاص .. تعبناك يا ابو حسام
عمر اعتلاها وتابع بحب تعبك راحه يا ام حسام
زينب اتوترت وتابعت صحيح انت مجبتش سيف معاك ليه على فكره واحشني
عمر بضحك يابنتي بطلي فصلان واحترمي تفسك
زينب بضيق ايه اخويا واحشني الله
عمر وطى باس رقبتها بحب وتابع وبلنسبه لجوزك مواحشكيش
زينب غمضت عينيها بتوتر ورايحه تتكلم فافون عمر رن فرفع وشه ونفخ بضيق وتابع هو يوم باين من اوله وقام يجيب الفون لقاه سيف فتابع شوف بيجي علي سيرته يا جدع
زينب اتعدلت في قاعدتها وتابعت بضحك ده سيف بجد هاته بالله عليك
عمر رد وتابع ايوه يغالي
سيف عمر انا في مشوار مع يونس ورايح البيت معلش لو مش هتعبك انزلي عايز اتكلم معاكم كلكم ضروري
عمر بقلق ايه في حاجه ولا ايه
سيف لالا متقلقش روح بس واستناني انا جايلك
عمر خلاص ماشي يحبيبي باي
سيف باي وقفل معاه
زينب قامت بضيق وتابعت مش قولتلك هااته
عمر بضيق رايحنله يا فقريه روحي البسي مش نبرتي في اليوم
زينب بفرح بالله بتتكلم جد
عمر بضحك شوف البت و اه ياختي بتكلم جد روحي اخلصي غيري ام الفوطه اللي بقالك ساعه بيها دي علشان متبرديش
زينب بحماس هوا بس مقالكش ليه هنروح
عمر تنهد وتابع لا مقالش والبسي بسرعه يا زوزا وبلاش حرقه دم قدري بطنك المترين دي هاا فاختاري حاجه قدك خمس ست مرات علشان لو لاقيتها ضيقه هنكد عليكي
زينب بضيق حاضر
عمر يحضرلك الخير ياختي واخلصي علشان نشوف عايز ايه ونيجي بسرعه اتقتل نوم تعبان اوي
زينب بحب حاضر يحبيبي ودخلت تغير
——
عند مازن وياسمين في العياده ياسمين بتكشف علشان تعرف نوع البيبي ومازن معاها
الدكتوره بضحك ايوه يعني انتي ايه احساسك
ياسمين بضحك مبحسش يعني كل ما اجي اختار بحس 50 % و 50% مش عارفه احدد بجد محتاره
الدكتوره بضحك طب وانت بردو مش حاسس
مازن بضحك هو ده دورها بس هي مش بتحس عموما ومن بدري من ساعه ماحملت اصلا وانا اللي عرفت قبلها فاهو انا متردد بس حاسس انه ولد اكتر مش عارف ليه
الدكتوره بحب هنشوف اهو وحطت الجهاز على بطنها وابتدت تمشيه ومازن ماسك ايد ياسمين ومتوترين اوي فتابعت الدكتوره بضحك ولد فعلا الف الف مليون مبروك
ياسمين ضحكت بفرح شديد ومازن زيها وتابع بفرح مش قولتلك يابنتي انا احساسي مبيخيبش
الدكتوره بضحك تشهدلك طبعا ان الاب يحس صح دي حاجه زي العسل
ياسمين دموعها نزلت بفرح وتابعت والله كل اللي يجيبه ربنا كويس بس حقيقي فرحانه اوي اوي علشان انا كنت عايزه زين الاول
مازن وطي باس جبينها بعمق وتابع بابتسامه مليانه فرح حقيقي مش عارف اودي فرحتي فين والدموع اتجمعت في عينيه وتابع مبارك علينا يا اجمل ام زين في الدنيا
ياسمين ضحكت من بين دموعها وتابعت والله ده مفيش اجمل من ابو زين اصلا
الدكتوره ضحكت وتابعت بحب ربنا يديمكم لبعض يحبيبتي ويفرحكم بيه
ياسمين بحب ودموع يارب بجد اللهم امين
والدكتور مسحت الجل من على بطنها وتابعت بحب صحتك انتي وزين زي الفل نحمد ربنا عقباال ما تقومي بالف خير يارب
ياسمين بحب الحمدلله الفضل بجد بعد ربنا لمازن حقيقي مش سايبني خالص وبيهتم بينا اوي
مازن نزلها الدريس غطى بطنها وعدلها في قعدتها وساعدها في تظبيط هدومها وخدها في حضنه وغمض عينيه وباس راسها بعمق وتابع بحب بطلي هبل ها ده واجبي هو انا ليا غيركم
الدكتوره وهي بتكتب الروشته تابعت بحب بخري بقى لما تروحي لتتحسدوا
ياسمين بضحك اتحسدنا بما فيه الكفايه والله يا دكتوره نعيش شويه بقى
الدكتوره بضحك يارب يحبيبتي يسعدكم العمر كله وقطعت الورقه من الدفتر وتابعت بحب امسك اهي نمشي على الورقه دي وابقى اشوفها كمان اسبوعين
مازن بحب تمام يا دكتوره تعبناكي
الدكتوره بحب لا ولا يهمك ده شغلي
وخرجوا ونزلوا ففتحلها مازن العربيه قعدت ولف قعد جمبها وتابع بفرح بالله ما عارف اقول ايه بس حاسس هطير
ياسمين بفرح والله وانا كمان انت متخيل ان اتجوزنا وكلها خمس شهور ويبقى معانا ابننا خلااص والله لسه مستوعبتش انك حقي قدام الكل علشان استوعب ان هيبقي معانا بيبي
مازن مسك ايديها رفعها باسها بحب وهو سايق وتابع بحب والله ولا انا مستوعب بس حقيقي الحمد والشكر لله اننا وصلنا لهنا وربنا يديمك حلم جميل عشت احلم بيه واخير اتحقق ومش عايز افوق منه خالص
ياسمين ابتسمت بحب والدموع اتجمعت في عينيها وتابعت بجد بحبك
مازن بحب وانا بموت فيكي وفتح دراعه فنامت في حضنه وتابعت حاسب وانت بتسوق …. على مهلك ها
مازن بحب متخافيش طبعا عيب عليكي
ياسمين باستمتاع : الله علي ريحه الكحك والبسكويت اللي من الفرن ده
مازن بحب استني اركن وانزل اجبلك
ياسمين برفعه حاجب ليه فاكرني فاشله في الحلويات ولا ايه ده انا بعمل احلى كحك فيكي يا مصر
مازن بضحك في الامتحانات ??
ياسمين برفعه حاجب افندم
مازن بضحك بهزر بهزر عيب عليكي اعملي يحبيبتي ومالو رقم الاسعاف عاملينه صغير وبسيط ليه ?? ما علشان يبقى معروف في الحالات اللي زي دي
ياسمين زغدته بايديها فتاوه بوجع من بين ضحكه وتابعت بضحك اخص عليك بجد يا مازن طب اروح اعملوا ودوق واحكم بصراحه
مازن بضحك عينيا يحبيبتي ادوق انا بس اياكي تدوقي انتي انا مش مستعد اضحي بابني
ياسمين بضحك والله انت بايخ اوعى كده متحضنيش سبني وبتحاول تتعدل
مازن ثبتها في حضنه وتابع بضحك بس بس خلاص بهزر معاكي عيب عليكي .. اعملي وادوق وهقولك رايي بكل صراحه والله
ياسمين بحماس اتفقنا
مازن هتعوزي حاجه نجيبها بلمره ولا كل المقادير عندك
ياسمين بحب لالا عندي كل حاجه
مازن طب افتكري براحتك علشان اقسم بالله يا ياسمين انا حافظك لو دخلت من باب الشقه والذاكره رجعتلك مش هنزل لو اتقلبتي قرد
ياسمين بضحك لالا متقلقش وافتكرت وتابعت بصدمه تصدق لا الدقيق خلص شهد طلعت خدت مني اخر شويه امبارح عملت بيهم هي واحمد كيكه المج
مازن اتنفس بصوت عالي وتابع يارب صبرني على ما ابتلتني يارب .. اما هو مفيش دقيق كنتي هتروحي تعملي ايه انتي معلش ??
ياسمين ابتسمت بتوتر وتابعت معلش يحبيبي خليها عليك طلما ذاكرتي رجعت في حدود الشارع فتمام
مازن بضحك عارفه انتي نفسي اديكي حتت علقه بس زين مانعني عنك
ياسمين بضحك بذمتك اهون عليكي
مازن بضحك لا للاسف ياختي
ياسمين بضحك اختك في عينك
مازن ضحك وتابع صحيح شهد بكره هتخلص امتحانات ??
ياسمين بحب اه الحمدلله خلاص ده تعبت اوي يعيني الفتره دي وخست النص واحمد كتر خيره قاعد معاها ليل نهار بيسمعلها وبقالهم اربع ايام اهو بيذاكرلها الاحياء
مازن بحب ربنا معاها ويوفقها يارب وبص لياسمين وتابع لحظه بس بيذاكرلها ايه ??
ياسمين بضحك الاحياء في ايه يا مازن
مازن بضحك ده بيذاكرهالها ازااي ابن الكلب ده يعني مش فاهم ???
ياسمين فضلت تضحك وتابعت يا ابني بيسمعلها وبيشرحلها في ايه عادي
مازن بضحك بيشرح ايييه يخربيت اهلك انتي وهو…. هي دي حاجات تتشرح على الملئ كده بينه وبين خطيبته
ياسمين فضلت تضحك وتابعت يا مازن اتلم الاحياء مش اللي في دماغك بس على فكره
مازن بضحك على فكره انتي متعرفيش اي حاجه في دماغي لان انا عارف اخويا مترباش فاسكتي انتي خالص
ياسمين فضلت تضحك وتابعت بس انا عارفه اختي محدش يقدر عليها متقلقش لو فكر بس يبصلها بنظره متريحهاش هتلم عليه امه لا اله الا الله
مازن فضل يضحك وتابع لالا احمد اخره يلمح وهي ممكن متفهمش انما مش هيعملها حاجه متخافيش
ياسمين بضحك انا مش خايفه خاف انت على اخوك
مازن بضحك مش معاه شهد يبقى حقي اخاف اه والله
ياسمين ضحكت فتابع مازن بضحك لا بس نتكلم بجد بالله هو مش حرام يشرحلها الماده دي من غير مايكونوا كاتبين الكتاب على الاقل ??
ياسمين فضلت تضحك بشده لحد ما عينيها دمعت وتابعت بس يحبيبي بس انت بتقول ايه اقعد ساكت
مازن بضحك جيل بايظ بجد .. عادي كده كلام احيائي من غير كتب كتاب بقينا في زمن صعب يا بت يا سمسم والله
ياسمين بضحك : اوي لما نروح بقى خليه يصلح غلطته ويتجوزها البت ودانها اتلوثت من كلام اخوك
مازن بضحك ده هو تلاقيه في قمه سعادته وهي قاعده محرجه قدامه ومحمره كده
ياسمين بضحك حصللل بجد ما انتوا نفس التربيه طبيعي يعني
مازن بضحك لا على فكره بالله انا متربي اكتر من احمد
ياسمين بضحك ده علشان انا ربيتك بدري ووقعتك انما هو ادرك متأخر وهيجي على دماغه ساب الكل وراح اتجوز بير اسراره
مازن بضحك ده هتنكد لما تشبع عندها اسلحه كتير اووي تحارب بيها
ياسمين بضحك اه بلظبط كده احنا اصلا بنحب ننكد فواحده في موقف شهد هتربيه من اول وجديد مش هتنكد بس
مازن بضحك انا كمازن فرحان … عادي تشيل عني شويه طلع عين اهلي الواد ده
ياسمين بضحك يخربيت المحبه الاخويه
——-
في شقه منصور كلهم متجمعين وسيف قالهم ان هيجي ونرمين متحمسه تشوفه اوي بقالها شهرين مشافتهوش وعمر وزينب جم واحمد وشهد قاعدين معاهم بياخدوا بريك وهيرجعو شهد تكمل مذاكره اخر ماده
ودخل سيف ويونس كان معاه فقامت نرمين بلهفه وحضنته وتابعت بدموع فرح سيف واحشتني يا ابني واحشتني اوي اوي بجد يحبيبي كل دي غيبه وفضلت تعيط
سيف حضنها اكتر وتابع بحزن والله سالت في الاستقاله علشانك ب
نرمين قاطعته وحطت ايديها الاتنين على خده وتابعت بلفهه ايه هتستقيل ?? بتتكلم جد والله العظيم ??
سيف بحزن يحبيبتي اهدي متتعشميش ونزل ايدها الاتنين ومسكهم باسهم وتابع بحزن اقل حاجه لازم اخدم 10 سنين فاانا هتكلم في عُمر تاني
زينب بصدمه ياموري والكلام ده على عمر بردو
عمر بضحك لا هو بس يا خفيفه ايه الخفه دي يابت
نرمين بصدمه لا هي مش خفيفه هي كان عندها امل ترضوا في اي وقت من الاوقات الجايه انما ايه االلي بتقولوا ده يا سيف هاا بتكدب عليا علشان مزنش عليك يا ابني صح
سيف بحزن ورحمه حسام ابدا فعلا لازم 10 سنين
نرمين بدموع طب واللي مش هتقدر تسغنى عنك ومتفضلهاش غيرك تعمل ايه بقى
سيف بحزن يحبيبتي ارجوكي اهدي ومسح دموعها وباس جبينها وتابع والله هحاول على قد ما اقدر لما انزل اجازه افضل جمبك انما انا والله مش بايدي حاجه
نرمين حضنته وتابعت بدموع مش عارفه اقول ايه والله ده انا كنت بعد الايام على صوابعي 60 يوم بعيد عني والله يا ابني ما كنت عارفه اعيش
سيف بوجع عارف والله حقك عليا وباس راسها وفضل يطبطب عليها
زينب بدموع انتي يا حجه وسعي شويه ما واحشني اوي انا كمان الله
سيف ابتسم بحب وفتحلها ايديه ونرمين خرجت من حضنه وهي بتمسح دموعها وزينب حضنته جامد وفضلت تعيط وتابعت واحشتني اوي اوي بجد يحبيبي
سيف بحب والله وانتي اكتر ياقلب حبيبك عامله ايه طمنيني عليكي وعلى حسام
زينب بحب ودموع بخير مش ناقصنا غير وجودك قدامنا انت وابوه والله
سيف مسح دموعها وتابع بحب بلاش نكد على الواد بطلي عياط كده غلط ووالله انا وابوه مش عايزين غير دعواتكم وواقفتكم جمبنا احنا حقيقي غصب عننا
زينب بحزن بدعيلكم والله يحبيبي ربنا يحفظكم ويحميكم لينا ويديم طلتكم يارب امين
سيف بحب اللهم امين ينورعيني وباس جبينها وتابع بتنهيده بما انكم كلكم متجمعين وبص لشهد وتابع اه ثواني علشان منساش تعالي
شهد بفرح الشكولاته بتاعت كل عوده صح
سيف بضحك اه صح روحي انتي واحده ونور واحده وبص حواليه وتابع هي فين صح
شهد بحب وفرح ربنا يديمك لينا يا قائد يارب
سيف بحب ويفرحنا بيكي يحبيبتي
عايده بحزن نايمه يا ابني مش راضيه تنزل
شهد بحب انا هطلعلها
سيف بحب اه ياريت متسيبهاش لوحدها اطلعي واللي هيفوتك هفهمك عليه بعدين
شهد بستغراب علي ايه مش فاهمه
سيف بتنهيده روحي بس لنور دلوقتي اقعدي جمبها وارغي معاها شويه في اي حاجه مستبيهاش لدماغها
شهد بحب حاضر وطلعت
في داخله مازن وياسمين فتابع مازن بحب متجمعين عند النبي
سيف بحب كويس انك جيت ادخل
مازن وهو بيحضن سيف بيرحب بيه تابع بستغراب حمد لله على سلامتك يغالي ايه في حاجه ولا ايه
سيف بحب الله يسلمك لا مفيش حاجه اانا قررت قرار فعايزكم كلكم تعرفوه
يونس بابتسامه مبدائيا انا موافق جدااا
سيف بضحك مبدائيا انت تسكت خالص
نرمين بقلق هو في ايه يا ابني
سيف بتنهيده انا هتجوز
كلهم اتفاجئوا وفرحوا جدا فتابعت ياسمين بفرح ايه الاخبار الحلوه دي ده انهارده اليوم العالمي للحلويات ولا ايه
صافيه بدموع فرح يا ما انت كريم يارب ايه الاخبار الحلوه اللي تطبطب على القلب دي ينورعيني
نرمين بدموع فرح انت بتتكلم جد يا سيف يعني مش كلمه وخلاص وهترجع تغير رايك
سيف بتنهيده وانا امتي غيرت رايي اه والله بتكلم جد يا امي متخافيش
عمر بستغراب ده اللي هو ازاي يعني
سيف بتنهيده كده انت بتسأل السؤال الصح ازاي فعلا ?? ازاي بعد ما حبيت وفضلت طول الفتره دي لوحدي قررت دلوقتي اتجوز
نرمين بدموع فرح عادي يحبيبي ربنا عوضك مين هي ونكلم اهلها
سيف بتنهيده بصوا يجماعه مبدائيا انا لو قولت هي مين هبان شخص وحش اوي فهحكيلكم عنها الاول وخليك معايا على الخط ياعمر
عمر بفرح لا بتهزر انت تقصد دي
سيف هز راسه ب اه فتابع عمر بضحك لا ده كده انا كمان موافق
زينب برفعه حاجب نعمم هو انت كنت عارف هي مين يا سوسه انت !!! ماشي يا عمر لينا حسااب بس في البيت
عمر بضحك بس يابت اخرسي اتكلم يا قائد سامعك هكمل معاك متقلقش
سيف بتنهيده باختصار انا قابلت بنت من 6 سنين صدفه وانقذتها من شاب كان عاوز يأذيها والبنت دي قالت كلام خلاني اتعلقت بيها وحبيتها زي اني هحبها واتجوزها وانها شافتني في احلامها كتير وكانت 16 سنه وقتها
فاكمل يونس وقالي انا وعمر وكنا واخدين الموضوع بهزار بس بلوقت لقيته حبها فعلا والبنت كمان حبته وسمع كتير كلام عنه كانت بتقوله لصحابها
فاكمل عمر وبقى يتابعها من بعيد لبعيد وعرف عنها كل كبيره وصغيره ساكنه فين بتحب ايه وبتكره ايه ومين عيلتها وكل حاجه وقرر هيتقدملها لما يخلص حربيه لانه كان لما بيشوفها وبيسمعها بتحكي لصاحبتها عنه فتاكد انها بتحبه زي ما بيحبها
سيف بوجع ولما دخلت الحربيه غيرت رايي وده سبب كلكم عارفينه وقررت اني مش هدخلها حياتي خوفا عليها بس مقدرتش ابطل اراقبها من بعيد
يونس بحزن وانا حبيت اعمل جِميله فقربت البنت دي مننا شويه بحيله عملتها … بس وسكت
فتابع سيف بضحك لالا عادي كمل
يونس بتنهيده بس الدنيا اتعقدت اكتر لما دخلت وسطنا
كلهم ابتدوا يستغربوا فتابع عمر بتنهيده علشان محدش يشوف سيف وحش هكمل واقول انه البنت دي حب عمره وكلكم تشهدوا محبش قبلها ولا بعدها وهي كمان حبته بس غيابه المستمر عنها خلاها تتاكد انها في وهم فقررت تشوف حياتها ولانها معرفتش تتخطاه 100% فاتشدت لنسخه تانيه منه على امل تلاقي الشخص اللي عاشت تحبه ومجاش
ياسمين بدموع انت بتتكلم عن امنيه صح ????
كلهم اتصدموا بشده فتابع سيف بوجع اممم عرفتي منين
ياسمين بدموع يبقى انت فارس اللي حكتلي عنه يا سيف
سيف ابتسم بوجع وتابع الله دي احلوت اوي هي حاكتلك
ياسمين بدموع اه قالتلي وانا من الناس اللي كانت مؤيده ليها انها تبطل تحبك علشان الشخص ده بطل يظهر في حياتها حتى انها حبت حسام علشان فعلا شافته شبه فارس ده وانا لما حكتلي قولتلها انتي كده هتظلمي ابن عمي وممكن تكوني مبتحبيهوش بجد فا اضطرت تلجئ للعلاج النفسي علشان تعرف هي واقفه فين بلظبط وعايزة ايه ومين وطول الوقت كانت بتعدل في حسام ومتشربش سجاير واعمل كذا وكذا لا علشان شافت ان فارس ده شخص رياضي اكيد مش هيضر صحته فاهي حبت حسام اه بس عاشت ترسمك ويمكن ده سبب حبها ليه
نرمين بدموع وصدمه انتي بتقولي ايه يابنتي ايه الكلام ده
زينب بصدمه ودموع انا مش قادره اصدق وانت ازاي تسكت وتسيب اخوك يخطبها طلما بتحبهااا
سيف بص لمازن وابتسم بوجع فتابع مازن بتنهيده حزينه فاهمك فانا اخر واحد يفكر يلومك
يونس خصوصا انتوا عارفين حسام عند سيف ايه
سيف بوجع مستحيل كنت اقف قصاده بعد ما عرفت انها حبيته وحبها واقولها انا اللي عشتي تتمني يجيلك اديني قدامك كنت هفرح اوي لو كسرت اخويا وجاتلي انا يعني
نرمين بدموع وصدمه انت غلطااان من البدايه مفروض مكنتش تفرط فيهااا
صافيه بدموع والله يا ابني ما عارفه اقولك ايه الومك على سكوتك ولا اطبطب عليك على الالم اللي كتمته جوااك
معتز بتعب وانت حتى لو كده هتتجوزها ازاي يا سيف ومين هيرضى من اهلها
زينب بدموع بعيدا عن هيرضوا او لا انت ازاي تشيل وجع زي ده لوحدك يا سيف ليه بتعمل في نفسك كده طول الوقت والله انت انسان زيك زينا وحقك تعيش وتختار ليه ممسكتش في حبيبتك ليه استنيت كل ده يحصل
سيف بوجع صدقيني غصب عني مش هعرف اشرحلك بس انا اضعف من اني اكسر قلب حسام انما انا اتعودت وبلنسبه لاهلها هما راضين وفضلوا يقنعوني كتير اوافق اتجوزها علشان امنيه تتحسن لانها لو مفاقتش خلال ال 48 ساعه دول حط ايديه عند مدمع عينيه وتنهد بعمق وسكت بألم
فتابع يونس بوجع اهلها عرفوا كل حاجه بس طالبين منه يكلمها على انه حسام وده هيحسن كتير من حالتها وهيقومها باذن الله لان البنت حالتها خطر ولو مفاقتش ممكن نخسرها وهيتجوزوا وبلوقت هيقولها الحقيقه
نرمين بصدمه يا موري يا ابني انت عايز تتجوزها على انك حسام
عمر بتنهيده انا ضد كده بس مفيش حل البنت ممكن يحصلها حاجه
زينب بدموع الدكاتره بتتكلم صح بس لما تكتشف هتتعب اوي بجد
سيف بوجع مش هقولها غير لما تكون مستعده لده انا مش هقدر اخسرها وغمض عينيه بوجع حتي لو زعلت مني لدرجه مش عايزة تكمل معاي اهون انا مش هسيبها طبعا بس بدي مثال دي بنسبالي اهون من اني اخاف اعمل الخطوه واسيبها يحصلها حاجه ساعتها مش هسامح نفسي اني كان بايدي اساعدها وخوفت
ياسمين بدموع وخوف انا معاك طبعا طلما حالتها وصلت لكده لا ابوس ايدك يا سيف اتدخل ورجعهالنا
سيف بوجع والله ماتخافي عليها هعمل كده صدقيني
احمد بحزن هي صعبه بس انا معاك وفاهم ان كلامك ده كله قدامنا علشان ناخد بالنا الفتره الجايه انك حسام ومنتكملش عن وجعنا قدامها
سيف بوجع بلظبط كده انا حسام وسيف في الجيش واي صور بتجمعنا تتشال لحد ما اقدر اصارحها
منصور بحزن مش عارف اقول ايه يا ابني انت حقيقي صعبان عليا اوي اكتر من اني معترض على اللي هتعملوا بس انا معاك روح وكلمها وباذن الله هتفوق وتيجي بيها ونكتب كتابكم ونطمن عليكم
سيف بوجع يارب يا جدي يارب بجد
عايده بحزن ربنا يطمنك عليها يحبيبي مفيهاش مشاكل ده لو كانت مرات اخوك بجد وحامل كنا هنقولك خدها وحافظ على عيال اخوك مبالك انها حب عمرك من البدايه هنبقى انانيين اوي لو كنا ضدك
سيف ابتسم بوجع وتابع تسلميلي يامرات عمي بجد
ياسمين بدموع بتعشقك زي الهبله ولوحدها فضلت مصدقه وجودك بس والله حبها ليك كفارس ضعف حبها لحسام اللي انت هتاخد شخصيته امنيه مش بتحب ال
سيف بمقاطعه الكدب وانا عارف بس مضطر صدقيني حاليا لو كلمتها على اني سيف هتتعب عصبيا اكتر ومش هتستجيب هي هتحس انها في دوامه سيف ايه اللي هو هو فارس وازاي انت جيت دلوقتي وازاي شبه حسام فكل ده تقيل على حالتها انما اخدها بلتدريج احسن
مازن بحزن بلظبط والمهم تقوم بالف خير ويحصل اللي يحصل بعدين
سيف بوجع اه انا اقصد كده فاهي تعبت بسبب حسام فهنجيبلها حسام عارف يا مازن لو مكناش تؤام كان هيبقى الموضوع الطف هروح اكلمها على اني سيف واجرب لو استجابت وحست بحبي ليها يبقى اجمل بكتير واريح زي ما بوست ايديها فحركتها هي حست بيااا كسيف بس تيجي تفتح عينيها تشوفني نسخه من حسام وانت عايز تقتنعي انك سيف فا دي هتبقى صدمه اكبر واصعب فبلوقت تتقبلها احسن
مازن بحب ااه بلظبط وربنا يتمملك على الف خير يحبيبي
سيف بحب تسلم يا غالي
نرمين بدموع حقك على عيني انك شيلت كل ده لوحدك وحضنته جامد وتابع بدموع يحبيبي يا ابني شوفت كتير وبتضحي علشان اخوك طول عمرك وبسبب كده انهارده هتاخد خطوه صعبه زي دي وواثقه هتوجعك لما تلاقيها فرحانه بحسام وعيطت وتابعت هنقف جمبك ومعاك ومتشيلش لوحدك تااني ووالله لما تعرف هتهدى وهتفهم وهتعرف قد اي ربنا طبطب عليها ومسبهاش تتوجع وانك بتحبها
سيف دموعه نزلت في حضن امه وتابع يارب يا امي بجد اللهم امين وخرج باس جبينها
زينب بدموع فرح الف مليون مبروووك ينورعيني بجد والله طايره بيك ومش مصدقه
سيف حضنها وتابع بحب الله يبارك فيكي ياست البنات ورفع ايديها باسها بحب
واتفقوا على كل حاجه سوا وطلع سيف غير هدوم الجيش ولبس بنطلون اسود وقميص كحلي وسرح شعره وتابع بضيق يارب متركزش في العين اوي
يونس لالا متقلقش العسلي من البني ايه يجدع مش للدرجه دي
سيف بخوف خير باذن الله
يونس بضحك اعتقد اول مره تخاف في حياتك
سيف بضحك انت بتقول فيها المهم يلا مفيش وقت
ونزلوا وركبوا عربيه سيف وراحوا المستشفى ونزلوا ودخلوا
سميه بلهفه اخيرا جيت يا ابني
سيف بحب متخافيش داخلها دلوقتي خير باذن الله ادعيلها
سميه بدموع يارب بجد يارب ده والله محمد نزل الجامع قال هيفضل يصلي لحد ما اكلمه اقوله صحيت
سيف بحب هيحصل باذن الله يا امي والله وباس جبينها وطبطب عليها وسابها مع يونس ودخل وفضلوا باصين عليهم من ازاز الباب فراح سيف وشد الكرسي وقعد وبص للاجهزه اللي حواليها وصوت دقاات قلبها جمبه وحس بوجع وهو شايفها كده فقرب ومسك ايديها باسها وتابع بدموع امنيه .. قومي يحبيبتي .. مش كفايه كده واحشتيني اوي وغمض عينيه بوجع وقرب باس جبينها ودموعه نزلت وتابع انا كويس محصليش حاجه .. حسام جمبك كان كابوس وخلص خلاص قومي يحبيبتي … وقلبه كان واجعه اوي وهو بيقول كده وحاسس بنغزه فغمض عينيه بوجع وتنهد بعمق وتابع قومي علشان حياتي واقفه من غيرك ووالله ما قادر اعيش .. قلبي واجعني وحاسس اني مكسور وانا شايفك تعبانه في الوضع ده ومش بايدي اساعدك .. انا عارف انك مش شرط تسمعيني بس عندي امل اي كلمه من اللي بقولها هتحسيها ومسك ايديها وتابع بدموع ووجع: حبيبك جيه وجمبك وهيفضل جمبك العمر كله ومش هيفرق بينكم غير الموت .. قومي كده شوفيني انا زي الفل اهو دي كانت مهمه طويله واضطريت اقول فيها كده انما انا كويس اهو فتحي عينك يلا .. يلا يا امنيه الناس مستنيانا وعايزين نعمل احلى كتب كتاب لاحلى منونه في الدنيا كلها …ودموعه نزلت بحب وتابع عايزين نحقق حلمنا ونكون مع بعض علطول خلاص وباس ايديها ودموعه بتنزل وتابع ارجوكي يحبيبتي ردي عليا انا حقيقي مقهور وانا شايفه تعبانه كده فحركت عينيها ببطئ وواحده من ايديها ويونس وسميه فرحوا جدا فتابع سيف بلهفه ودموع حبيبتي انتي سمعاني صح .. سمعاني ردي علياا .. ردي عليا يا امنيه علشان خاطري
امنيه بهمس حسام
سيف غمض عينيه بوجع وتابع بحب ودموع ايه يحبيبت حساام وقرب عليها وهو ماسك ايديها وتابع فتحي بقى ابوس ايدك كفايه كده وجعتي قلبي وباس ايديها بعمق ففتحت امنيه وتابعت بابتسامه متعبه حسام
سيف رفع راسه بصلها بفرح ودموع وتابع يحبيبتي انتي بقيتي كويسه ?? الف حمد وشكر ليك يارب اللهم لك الحمد ودموعه نزلت
فقامت امنيه اتعدلت بتعب فدخلوا سميه ويونس بفرح وامها بتعيط بشده من فرحتها فتابع سيف بخوف حاسبي حاسبي على مهلك وعدلها في قاعدتها ورايح يتكلم قاطعته لما فاجئته انها سندت على ركبتها على السرير ولفت ايديها حوالين رقبته وحضنته باشتياق وتابعت بدموع انا خوفت عليك بجد
سيف حس ان الدنيا كلها وقفت في اللحظه دي ومكنش سامع اي حاجه حواليه هو كمان كان مشتاقلها جداا .. مشتاقلها بعدد الايام والاسابيع والشهور والسنين اللي بعدت عن عينيه فيهم فتلقائي رفع ايديه الاتنين حطهم على ضهرها وضمها ليه بحب بالغ ودموعه نزلت
