رواية عشق دون بصر الفصل الثالث بقلم ارواح تائهه
: يوه قولت مين دي.
رعد: دي بنت عمي.
عشق تنزل من العربية.
عشق: ومراته.
: اهلا تشرفنا اسمك ايه بقا يا جميل.
عشق: اسمي عشق وانت اسمك ايه بقا.
: أسمي سيدرا، وبعدين امدحك واقولك يا جميل وانت ولا تعبريني حتي قوليلي يا وحش اي حاجة.
عشق: آسفه بس أنا مش شيفاكي ومش هقدر احكم عليكي.
سيدرا: اوه آسفه والله مكنتش اقصد.
عشق: عادي ولا يهمك.
رعد: خلصتوا، ممكن حضرة الأستاذة سيدرا تتفضل تقعد.
سيدرا: لأ أنا هقعد من ورا مع عشق، عشان عايزة احكي معاها.
رعد: اتفضلي، بس يلي اصلاً متأخرين.
سيدرا وعشق قعدوا من ورا، وفضلوا طول الطريق يحكوا.
سيدرا: وانت بقا متجوزين امتا ده أنا ملييش غير أسبوع سيباك ورحت عند خالتي لحقت.
رعد: ما إحنا لسه متجوزين امبارح.
سيدرا: وبابا يعرف انكوا اتجوزتوا.
رعد: اه، مهو خالي اللي قالي اتجوزها.
سيدرا: بابا، وهو يقولك ليه.
رعد: ملكيش دخل انتي.
سيدرا: تصدق غلطانه اني هتكلم معاك، اروح اتكلم مع الجميل اللي جنبي.
سيدرا: اه وانتي بقا متجوزاه ليه.
عشق: تعالي قربي شوية، اصل صراحه بابا وماما اجبروني.
سيدرا: والله، اه بقا وانتوا تعرفوا بعض من زمان.
عشق: اه ويقول رعد في نفس اللحظة: لأ
سيدرا: يعني تعرفوا بعض من زمان ولا لأ.
رعد: لأ مش بعرفها من زمان.
سيدرا: اه تمام، وبقا انت عمرك كام يا عشق.
عشق: أنا بعد بكرة هكمل واحد وعشرين سنة.
سيدرا: انت عيد ميلادك امتي.
عشق: ما قولت بعد بكرة.
سيدرا: يعني تاريخ ميلادك امتي.
عشق: أنا 20/5/2000 بس ليه بتسألي.
سيدرا: اصل أنا اتولدت بعديكي بسنتين بالظبط.
عشق: يعني انت عيد ميلادك بعد بكره برضو، واو.
سيدرا: مرحا، ده هيبقي احلي يوم، ما أنا بقول حبيتك ليه بسرعة كده.
عشق: يعني اكيد مش دا السبب.
سيدرا: تؤ تؤ لأ هو ده السبب.
عشق: دوري بقا أسألك….
سيدرا: اتفضلي.
عشق: هو انت محجبه.
سيدرا: اه طبعاً.
عشق: طب هو أنا حلوة.
سيدرا: انت جميلة خالص بس طبعاً مش احلي مني.
عشق: طب ممكن توصفيلي شكلك.
سيدا: الأول العينين وفوقيهم حواجب وتحتيهم الأنف وتحتيه الفم.
عشق: هههههه لأ يعني قوليلي لون عيونك وشكلهم بس دول عند كل البشر.
سيدرا: أنا مش هتقدري تستحملي جمالي أنا جمالي لا يوصف.
رعد: اه اه انت أجمل انثي في الكون.
سيدرا: انت ملكش دخل في كلام البنات.
سيدرا: اه أنا عيوني مش واسعة قوي ولونهم أخضر، وقصيرة بس مش خالص، وكمان شعري أسود غامق خالص،وانفي صغير، و شفايفي مش رفاع قوي يعني وسط، و فمي مش واسع لأ ده ضيق إلا في الكلام.
عشق: اه والله دا انتي تنفعي ملكة جمال دا انتي أحلي من هيفاء وهبي ورنيا يوسف.
سيدرا: شوفتي، هو ظالمني.
عشق: كفاية كلام أنا خلاص حاسه هيغمي علي.
سيدرا: ليه فيه ايه مالك.
عشق: لأ مفيش بس أنا مكلتش من امبارح.
سيدرا: خودي ساندوتش خالتي كانت مديهوني قبل ما امشي.
عشق: طب وانتي يمكن تجوعي.
سيدرا: لأ بس انتي اهم.
عشق: تؤ هنقسموه خلاص.
هما الاتنين اكلوا كل واحدة نص ساندوتش وناموا وبعد حوالي ساعتين أو تلاتة يمعوا صوت رعد بيصحيهم.
رعد: ما تقوموا كل ده نوم.
عشق: احنا وصلنا.
سيدرا: اه من الواضح كده.
عشق: الله حلو الهدوء ده أفضل من المدينه احنا وسط زرع مش كده.
سيدرا: اه واخيرا جيت تاني، اكتر مكان بحبه، يا علي الهدوء كنت محتجاه.
وبعد نص ساعة كانوا وصلوا الفيلا بتاعت جد رعد.
رعد: يلي انزلوا…
سيدرا ساعدت عشق ونزلوا.
سيدرا أول ما شافت أبوها جريت عليه وحضنته.
: وه يا بنيتي ليه كل التأخير ده ما انتي عارفة اني اتوحشتك چوي.
سيدرا طلعت من حضن ابوها: بس دقيقة وراحت عند عشق.
رعد: اهلاً يا خالي، والله كله بسبب بنتك هي اللي اخرتنا.
: رعد انتي اتجوزتها زي ما چولتلك صوح يا ولدي.
رعد: طبعاً يا خالي ما انت عارف معزتك في قلبي ومقدرش ارفضلك طلب.
: عفارم عليك يا ولدي والله وتمرت فيك الرباية.
رعد: بس انت ليه چولتلي اتجوزهي.
: تعالي معايا الأوضة واچولك.
