رواية أسيرة الشيطان الجزء الثالث (للقلب سلطان اخر) الفصل السابع والعشرون 27 بقلم دينا جمال

في شقة جاسر راضي

عقد جاسر جبينه مكالمة عبدالرحمن مخيفة بقدر كبير خاصة جملة ( يبقى الكلب دا بيلعب من وراكوا ) أيعقل أن تكون سما مع مصطفى الآن احتمال كبير ويتمنى ألا يكن كذلك ، بدل ثيابه سريعا وخرج من غرفته ليجد أريچ تقف في الصالة وقد ارتدت ثيابها وتحمل قفص صغير به هرتها البيضاء ، ابتسمت سعيدة ما أن رأته تغمغم :

- يلا كل دا بتلبس ، عشان نلحق الدكتور ونطعم بسكوتة 

نسي في دقائق ما خطط مع شقيقته بفضل مكالمة عبدالرحمن ، حرك رأسه للجانبين يعتذر منها :

- معلش يا أريچ أنا عندي مشوار مهم جداا ومش هينفع أخدك معايا ، روحي لوحدك أو استني بكرة نروح سوا

حركت رأسها للجانبين تضرب الأرض بقدمها نصيح محتجة :

- يا جاسر إحنا بقالنا أسبوع متفقين وبعدين الدكتور مسافر بكرة 

لا وقت وعبدالرحمن لا يتوقف عن الدق وكأنه يخبره أن يسرع تأفف حانقا ليصيح فيها غاضبا

للمرة الأولى تقريبا :

-أريچ أنا عندي مصيبة وحقيقي مش فاضي للدلع دا 

توسعت حدقتيها خوفا منه تبتعد بخطواتها للخلف تنظر له خائفة يملئ حدقتيها الدموع ، ليكور كفه غاضبا من نفسه ، أريچ بالكاد تتعافى 

لا تزال تحبو لم تتعلم السير بعد ... اقترب منها يعانقها يربت على رأسها برفق يعتذر منها :

- أنا آسف يا حبيبتي حقك عليا ما تزعليش ، ثواني أنا هحلها ، ما تعيطيش أنتِ بس بالله عليكِ 

ابتعد عنها قليلا ينزع هاتفه من جيب سرواله سريعا يطلب رقم ما ، لحظات فقط وأجاب الطرف الآخر ليبادر قائلا :

- سامر أنت فين ؟

 توسعت حدقتاها ذهولا ، سامر !! ذلك الفتى المجنون مجددا لالالا شكرا لم تعد تريد الذهاب

رأت قسمات وجه جاسر تنفرج فرحا ليغمغم سريعا :

- بجد والله ؟! حلو أوي ... خد أريچ معاك هي بردوا عايزة تطعم قطتها ، خمس دقايق وتبقى تحت العمارة 

وأغلق الخط سريعا يمسك بالصندوق في يده ، يمسك بكف يدها في كفه الآخر يغمغم سريعا وهم ينزلان لأسفل :

- سامر رايح يطعم القط بتاعه بردوا ، هيوصلك وهيرجعك ، تخلصي وترجعي على طول 

اومأت برأسها تكاد تبكي من الغيظ ذلك السامر مجددا ، حين نزلا لأسفل على السلم لأن المصعد معطل وجدا ذلك السامر يقف أمامهم يحمل صندوق أكبر حجما بداخله قط كبير 

وقف جاسر أمامه يشهر سبابته أمامه يغمغم سريعا :

- أريچ في عهدتك لو عرفت أنك ضايقتها همثل بيك ، أنا عندي ولازم الحقها 

وتركهم وركض صوب السيارة يسرع بها بعيدا ، في حين نظرت أريچ إلى سامر متأففة حانقة أما هو فتحرك أمامها يوقف سيارة أجرة جلس جوار السائق وبقيت هي واقفة مكانها ليخرج رأسه من النافذة المجاورة له يحادثها :

- على فكرة إحنا متأخرين جداا على ميعاد الدكتور 

انتفضت تتحرك سريعا جلست على الأريكة الخلفية ، وهو صامت تماما وهي لا تفهم هل بات سامر عاقل فجاءة ؟!

____________

في الفندق تحديدا في الغرفة التي بها سما ومصطفى الآن تملمت سما قليلا ، كانت تظن أنها ستنام ولكنها استيقظت فجاءة على شعور غير سار تماما وكأن هناك شيء ما يعتصر قلبها ، قامت تلتقط المئزر الموضوع جوارها ارتدته ، تحركت لتخرج من غرفة النوم إلى الصالة التي بها الجناح ...اقتربت وقبل أن تفتحه سمعت صوت مصطى يأتي من الخارج يتحدث مع شخص ما ، وبفضول أنثى اقتربت برأسها من الباب تضع أذنها عليه تستمع لما يقول :

- أنا معايا كل فيديو ليها وزي ما قولتلي مركب الكاميرا بحيث وشي مش واضح فيها ، أنا هصحيها واخدها الشقة وهنزل اكني بجيب شوية حاجات وتطلع إنت لما

 لما أرن عليك ، وهلبسها قضية زنا ما هي مراتي بقى ، وبيها هجيب مناخير العيلة دي كلها 

أنا عارف إني كان المفروض اطلع بيها على الشقة على طول ، بس قولت ادوق للمرة الأخيرة ، هتترمي في السجن أصل أنا مش هتنازل على القضية بالعكس دا أنا هنزل الفيديوهات دي ليها بعد ما احط حاجة على جسمي تخفيني ، يلا سلام

لالا غير معقول تماما ما سمعت فوق طاقة إستيعابها ، مصطفى يحبها ذلك الذي يحدث ليس مصطفى ، مصطفى لن يفعل ذلك أبدا 

لا تفهم لما ؟! ، فيما أذته ليكن لها كل ذلك الكره 

عادت بخطواتها للخلف حين سمعت خطواته تقترب من الغرفة ، فتح الباب يطل بابتسامة كبيرة واسعة بشوش ، ابتسامة عهدتها منه منذ أعوام طوال ... لتسمع صوته يغمغم :

- سمسم صح النوم ، كنت لسه جاي اصحيكِ يلا صحصحي كدة وغيري هدومك عشان هننزل ، أنا هروح اخد دش وأغير هدومي 

وتحرك صوب باب المرحاض خلفها مد يده يفتح الباب وقبل أن يفعل سمع صوتها تسأله :

- ليه ؟ ليه ؟ أنا عملتلك إيه ؟

قطب جبينه ليلتفت لها فرأى الدموع تغرق وجهها ونظرات الحسرة والألم تملئ عينيها وصوتها بدأ يعلو ويصرخ فيها بحرقة :

- ليه ؟ ليه بعد العشرة دي كلها ؟ ليه بعد السنين دي كلها ؟  ليه بعد الحب اللي كان بينا دا كله ؟ دا إحنا عندنا طفلين ، عايز تلبس أمهم قضية زنا ، ومصورني وأنا معاك وأنا مع جوزي 

يا نهار أسود ، لا لا لا دا أكيد مش حقيقي دا كابوس ... أنت ما تعملش كدة ، أنا مش قادرة أصدق أن اللي سمعته دا سمعته من جوزي اللي عيشت أجمل سنين عمري معاه ، أنا حاسة أن أنا هتجنن 

هل أيقظت كلماتها ضميره ؟ لا ذلك يحدث فقط في الأفلام ، اقترب منها عدة خطى قبل أن يضحك عاليا يسخر منها :

- سما أنا من ساعة ما اتجوزتك وأنا بخونك ، بس أنتي اللي ساذجة وبيضحك عليكِ بكلمتين وبتصدقي أي كلام بقوله ليكِ ، تربية أمك بصراحة زفت سواء أنتي ولا أريچ ... روچا الصغيرة ، أما ليه فبسبب روچا الصغيرة أخوكِ جاسر مضاني على تنازل عن كل جنية أنا بملكه حتى العربية خدها ، وخلاني استقلت من وظيفتي برة ، وبيت أمي كتبه باسمك .. خد كل فلوسي بسببك أنتِ وأريچ ، لاء ومش بس كدة دا ماسك عليا فيديوهات زبالة وأنا مش في وعيي بسبب الأدوية اللي كان بيدهالي ، ففيديوهات قصاد فيديوهات

عادت بخطواتها للخلف لا تصدق ما تسمع ولكن ما جذب حواسها اسم أريچ الذي تكرر عدة مرات انهمرت الجموع من حدقتيها تصرخ فيه :

- يبقى جاسر كان عنده حق وأنا اللي كدبته ، أنت كنت بتتحرش بأريچ

ضحك مصطفى عاليا من جديد يحرك رأسه للجانبين يغمغم متهكما :

- لا يا حبيبتي أنا ما كنتش بتحرش بأريچ ، أنا وأريچ كنا بنحب بعض وكنا متفقين نتجوز بعد ما اطلقك ، بس جاسر عرف 

لا ذلك كثير حقا كثير عليها ، أريچ مَن ؟! شقيقتها الصغرى التي كانت تعاملها كابنتها ، التي كانت تشتكي لها تصرفات مصطفى الغريبة في الآونة الأخيرة ، أريچ ومصطفى مستحيل بالطبع ، حركت رأسها للجانبين بعنف تصرخ في وجهه :

- أنت كداب ومريض وحيوان ، أريچ دي عيلة صغيرة عمرها ما تعمل كدة ، أنا هوديك في ستين داهية ، صدقني مش هرحمك يا كلب 

تحرك تخرج من الغرفة كما هي لتحتد حدقتيه غضبا أسرع خلفها يقبض على خصلات شعرها بعنف جذبها عن الباب لتصرخ من الألم تحاول دفعه بعيدا عنها :

- ابعد عني ، ابعد عني يا حيوان يا مريض ، الحقوووني

كمم فمها بكف يده يجذبها لغرفة النوم دفعها على الأرض ليلتقط سكين الفاكهه الموضوع على الطاولة يشهره أمامها يهسهس متوعدا :

- لو سمعت نفسك هخلص عليكِ خالص ، قومي البسي هدومك بما إنك عرفتي الحكاية كلها يلا عشان صاحبي مستنينا 

حركت رأسها للجانبين لن تفعل لن تكن هي السبب في تحطيم سمعة العائلة بسبب ذلك المريض وقفت أمامه اقتربت لتبصق في وجهه تغمغم مشمئزة منه :

- أنا عندي أموت ولا أنفذ خطتك القذرة دي وأخسر كرامتي وأهلي 

شعر بالغضب الشديد منها ليصفعها بعنف ، التف وجهها من عنف صفعته لتعاود النظر إليه اشتعلت عينيها غضبا تقبض على تلابيب ثيابه تصرخ فيه :

- أنت بتضربني يا حيوان ، لاء حيوان ايه دي الحيوانات أنضف منك يا قذر 

قبض على كفيها بعنف يزيحهم من على ثيابه ليلفها بحركة مباغتة ارتطم ظهرها بصدره يلف ذراعه حول عنقها يقبض على السكين بيده الأخرى يغرز طرفها في عنقها يهسهس بنبرة قاتمة :

- يعني مش هتيجي بالذوق ، ماشي يا سمسم 

انتي لو ما لبستيش في اقل من دقيقة هبعت أول فيديو لدكتور ياسر يشوف بنته حبيبته بتعمل ايه من وراه 

توسعت عيناها فزعا ، إذا ذهبت معه ستحدث كارثة وإن رفضت ستحدث مصيبة ... حركت رأسها للجانبين تحاول دفعه بعيدا عنها تصرخ فيه أن يتركها في تلك اللحظة ، فُتح باب الغرفة بالمفتاح الرئيسي ودخل جاسر مسرعا على صوت صرخات شقيقته فتح الباب المقابل له ليرى سما تحت قبضة ذلك المجنون يوجه سكين إلى عنقها، توتر مصطفى حين رآه ليشدد ذراعه على عنق سما يقرب السكين أكثر منه يصرخ غاضبا: 

- ابعد على الله تقرب هموتها ، أنا خلاص خسرت وزي ما خسرت لازم تخسروا ، وأنت أولهم يا جاسر 

رفع جاسر كفيه أمامه يحاول التعامل مع الموقف بهدوء :

- مصطفى أنت كدة هتروح في ستين داهية ، نزل السكينة وهعملك كل اللي أنت عاوزه

ضحك مصطفى عاليا يسخر منه :

- ايه يا دكتور ، أنت فاكرني مجنون من المجانين بتوعك هتضحك عليه بالكلمتين دول

ضربوا الأعور على عينه قال خسرانة خسرانة 

وأنا ما عنديش حاجة اخسرها خلاص

اقترب جاسر خطوة أخرى ليتوتر مصطفى ويبتعد بها للخلف وأخرى ليتوتر أكثر ويبتعد للخلف أكثر ، هنا أدرك جاسر أن مصطفى يهدد فقط ولن يفعل شيئا وقف بالقرب منهم يبتسم ابتسامة جانبية يغمغم ساخرا :

- تعرف يا مصطفى ، أنا من أول ما شوفتك وأنا مش مستريحلك وكنت رافضك من سنين ، بس هي مغفلة طول عمرها ، يا ابني دا أنا الخبث في عينيك واضح زي الشمس بس نقول ايه ، مراية الحب عامية زي ما بيقولوا ... 

ومن ثم أخرج من جيب سرواله ورقة مطوية فتحها أمام وجهه يردف :

- دي الورقة اللي أنت مضيت عليها

ومن ثم أخرج قداحته وأشغل الورقة أمام عينيه تشتت أنظار مصطفى مع الورقة ليسارع عبد الرحمن يشد سما بعنف بعيدا عن مصطفى ، ليقبض جاسر على ذراعه الممسك بالسكين يأخذ السكين منه يلقيها بعيدا يقبض على تلابيب ثيابه يصرخ فيه :

- وربي لهدفعك التمن غالي 

أسقطه أرضا يكيل له باللكمات إلى أن فقد وعيه نظر جاسر إلى عبدالرحمن يصرخ فيه :

- هاتلي الامن يتحفظوا على الكلب دا على ما أبلغ البوليس

وقام من فوقه تحرك صوب شقيقته التي تقف بعيدا لا تعطي رد فعل لما يحدث حتى حين دخل كانت فقط تنظر للاشيء عينيها شاردة جسدها يرتجف والدموع تنهمر من عينيها دون كلام ، اقترب منها يخلع سترته يضعها فوق ثوبها وهي ترتجف ، لم تتجاوب معه زفر أنفاسه يمسك بذراعها يجذبها لتتحرك :

- اتحركي يا سما ، أنا على اخري ، يلا 

لم تتحرك لم يصدر منها أي رد فعل مما جعل الأمر مخيفا ، جسدها وكأنه فقد الإحساس تمامًا تقف في غياهب فوهة الضياع المكان حولها اسود قاتم لا ترى أحد ، لا تسمع أي صوت هنا ، جاسر جذبها بقوة لتتحرك حركة ضائعة مشتتة جعلتها تسقط أرضا ، عينيها متسعة تنظر للفراغ مصعوقة ، انحنى جاسر ليحملها بين ذراعيه في تلك اللحظة صرخ من الألم حين طعنه مصطفى بالسكين في كتفه بعنف ، نزع السكين بعنف يود طعنه من جديد ولكن عبدالرحمن سبقه وقبض على ذراعه ومعه الأمن ، زاغت عيني جاسر من الألم ... يشعر برأسه تثقل ربما لأنه لم يتعرض للطعن من قبل فالأمر مفاجئ لعلقه ، أخرج هاتفه من جيب سترته يدفعه إلى عبدالرحمن الذي يحاول إسناد جسده يغمغم بصوت مهتز :

- اتصل برقم دكتور ياسر ، دا والدي 

ومن بعدها زاغت عينيه قبل أن يغمض عينيه فجاءة يفقد الوعي ! ، وسما في عالم آخر 

___________

وصلت سيارة الأجرة أمام عيادة الطبيب البيطري ، نزل سامر ومعه أريچ كل منهما يحمل صندوق به قطته ، في داخل عيادة الطبيب ... الوضع كان كارثيا ما أن فتحت أريچ باب صندوق قطتها انطلقت كالسهم هنا وهناك والجميع يلحق بها ، أسقطت جميع أدوات الطبيب أرضا ... سامر يحاول الإمساك بها ومعه الطبيب و أريچ يصرخ كل منهم :

- دي مش قطة دي سونيك

- الانسة قطتك بهدلتلي العيادة 

- بسكوتة تعالي هنا

أخيرا استطاع سامر الإمساك بها رفعها أمام وجهه يلهث يغمغم حانقا :

- إزاي بس يا شبر ونص يطلع كل دا منك ، دا سيتوش وقف باشا خد تطعيمه ورجع البوكس بتاعه بيه ، مش أنتِ يا متشردة 

ما إن انتهوا من زيارتهم للطبيب ، خرجا من العيادة ليشير سامر إلى مقهى قريب منهم يغمغم :

- الكافية دا جامد ومسموح فيه دخول الحيوانات في الجنينة اللي برة ، تعالي نشرب حاجة وهروحك على طول 

لا جاسر أخبرها أن تنتهي وترحل سريعا ، وذلك السامر لا تعرفه ما الذي يمنعه أن يكون نسخة أخرى من عمار ، ربما هو مثله ... عمار أيضا كان بشوشًا مرحًا كانت تتعمد الذهاب للمشفى لتراه فقط ولو من بعيد ، كانت ساذجة وكلمة ساذجة قليلة عما كانت عليه ، أجفلت على صوت سامر يحادثها :

- آنسة أريچ ، أنتِ كويسة تحبي اتصل بجاسر

حركت رأسها للجانبين ، أرادت أن تعتذر تخبره أنها لن تذهب معه إلا أنه بادر يقول :

- طب هما خمس دقايق هشرب أنا كوباية عصير لو مش عايزة تشربي وهخلي شيتوس يلعب شوية ، تعالي ما تخافيش

قطب ما بين حاجبيها غاضبة من جملته الأخيرة ، لم تعد تلك الصغيرة الخائفة الساذجة .. جاسر علمها جيداا كما أنها تستطيع الدفاع عن نفسها أن فكر في إيذائها ، رفعت رأسها تغمغم بثقة :

- على فكرة انا مش خايفة ، أنا بعرف أدافع عن نفسي كويس ، تحب تشوف

رفع كفيه أمامه توسعت حدقتيه يردف سريعا:

- لا يا ستي ما احبش اشوف خالص ، اتفضلي يلا 

وتحركا معا إلى المقهى المقابل لهم ، جلسا على طاولة في الحديقة الخارجية ، طلب لنفسه كوب من عصير البرتقال ... نظر لها يسألها :

- تشربي إيه ؟

نظرت للنادل تتذكر الموقف الذي حدث بينهما قبل فترة كبيرة حين عجزت حتى عن طلب شيء لتشربه واخترت كوب من القهوة المرة ، نظرت للنادل تتمتم بهدوء :

- لمون نعناع 

رحل النادل ؛ لترى سامر ينحني يفتح الصندوق خرج القط يلعب حولهم هنا وهناك لتبتسم على ما يفعل أرادت أن تفعل المثل ولكنها خافت من قطتها المشاغبة لتجد سامر ينحني صوب صندوقها يفتح بابه خرجت قطتها الصغيرة تلعب حولها ، اقترب شيتوس منها بحذر لتنكمش قطتها الصغيرة تنفش جسدها وقط سامر لا يتوقف عن الاقتراب منها بحذر ، رفع يده يصدمها على رأسها لتنكمش القطة أكثر تنظر له بشراسة وسامر وأريچ يتابعان ما يحدث عن كثب ... أخرج سامر من جيب حقيبته علبة طعام صغيرة وضعها على الأرض ليركض القط إليها يأكل ، في تلك اللحظة تحركت قطتها الصغيرة بحذر تنظر صوب علبة الطعام اقتربت تنفش جسدها الصغير إلى العلبة ، حين بدأت تأكل مع قط سامر لم يتعرض الأخير بل تحرك قليلا ، ضحك سامر على ما يحدث قبل أن يعاود النظر لأريچ :

- شوفتي شيتوس مؤدب إزاي ، عمالة تنفشله في جسمه وتبخ فيه ، ولما جت تاكل معاه سابها ، قط متربي أحسن تربية 

ضحكت أريچ بخفة تومأ له ، عينيها تتابع ما يفعل القطط وعينيه تتابعها هي ... لا يعرف أيشعر بالشفقة عليها ، أم يبتسم فخورا بما أنجزت ، الفتاة التي رآها قبل أشهر مدمرة تصرخ مذعورة ها هي أخرى أمامه  مختلفة مشرقة تبتسم ، حمحم يجذب انتباهها لفت رأسها إليه تنظر إليه متوترة ، فابتسم هو من جديد يمازحها :

- بس على فكرة خدي بالك أنا زعلان من ساعة ما قولتي عليا عبيط ، أنا عبيط ماشي يا ستي شكرا 

شعرت بالحرج مما قالت ، حمحمت متوترة فركت كفيها تنظر إليهما قبل أن تهمس تعتذر منه :

- أنا آسفة بجد ، بس أنت فعلا تصرفاتك غريبة 

يعني اشتريت غزل بنات وواقف تلف حوالين نفسك تحت المطر ، تصرفات ويرد جداا يعني 

وساد بينهما الصمت ، حين رفعت وجهها إليه رأته يبتسم ، ابتسامة صغيرة حزينة وعينيه تلمع بالدموه رفع يده سريعا يمسح الدموع عن مقلتيه لتندهش مما حدث هل يبكي بسبب كلماتها ؟! ، ابتلعت لعابها مرتبكة فتحت فمها لتعتذر منه فبادر هو يتمتم بنبرة حزينة :

- والدتي الله يرحمها كانت بتحب غزل البنات أوي ، كانت دايما لما تشوف الراجل اللي بيبع تفرح أوي ولا كأنها عيلة صغيرة ، عارفة مرة في عيد ميلادها جبتلها 100 كيس غزل بنات كانت مبسوطة أوي بيهم ، كانت بردوا بتحب المطر أوي كانت بتخرج البلكونة لما الدنيا تمطر وتفضل تلف حوالين نفسها وهي بتضحك ، كنا أنا وبابا بنفضل نضحك ونتريق عليها ، أنا بس بحاول أحس بوجودها حوليا بأي شكل 

شعرت بالأسى عليه ، نظرت إليه حزينة لتعتذر منه من جديد :

- أنا بجد آسفة 

ابتسم يمسح دموعه يحرك رأسه للجانبين يحاول أن يضحك يبدل دفة الحديث :

  - بصي أهم بيلعبوا مع بعض 

وأشار إلى القطَّين ، نظرت جوارها سريعا لترى بسكوتة اندمجت للغاية في اللعب مع شيتوس 

____________

في المخزن حيث جاسر مهران ومعه رعد ، الشجار بينهما لم يتوقف بل احتد للغاية اقترب جاسر من أبيه يغمغم محتدا:

- أنا عايز أعرف أنت قولت ايه لأهالي العيال خلتهم يهربوا بالسرعة دي ، هددتهم بايه يا باشا 

ابتسم جاسر ساخرا ينظر لساعة يده لما تأخر هذان الولدان إلى الآن ، رفع وجهه إلى رعد رفع كتفيه قليلا يغمغم ببساطة :

- لو عايز ابنك يروح عايش وكل أعضائه مكانها قدامك أقل من 3 ثواني وتخرج من الباب تللي قدامك دا ، دا اللي أنا قولته 

توسعت حدقتي رعد ذهولا الآن فقط عرف لما هرع الرجال للخارج في لحظة للخارج ... وقبل أن يصرخ فيه أن ما فعله كان همجيا للغاية فُتح باب المخزن وظهر مراد ومعه وليد ، مراد بدا غاضبا للغاية هو وصديقه ، اقترب جاسر منه يضع يده على كتفه يسأله قلقا :

- في جديد في حالة يوسف ؟

 حرك مراد رأسه يزفر أنفاسه يهمس حزينا :

- لسه يا عمي ، بس الدكتور خلانا نخش نشوفه حوالي دقيقتين كدة ، إن شاء الله هيبقى كويس ، يوسف قوي مش هيقع لاء 

ومن ثم تبدلت نبرته في لحظة إلى أخرى حادة حاقدة يهسهس متوعدا :

- هما فين ؟!

نظر جاسر صوب رعد قبل أن ينظر صوب مراد يغمغم ساخرا :

- صحيح يا مراد ، رعد شايف ان اللي أنا بعمله دا افترا وهمجية و....

ولم يكمل بل قاطعه صوت مراد وهو يصرخ غاضبا بعلو صوته :

- واللي هما عملوه فيه دا ما كنش افترا وهمجية وظلم ، أنت عارف يا رعد هما ضربوه ليه ؟ عشان يوسف رفض يغشش يحى ... حقه هو تعب كتير أوي وفي الآخر الكلب كان بيهدده عشان يغششه ، أنت ما شوفتش شكله وهو غرقان في دمه وهما مقطعين القميص اللي عليه من كتر الضرب فيه ، لييييه عشان رفض يغشش عيل فاشل صايع ، فاكر أنه بعلاقات أبوه ملك الأرض 

نظر جاسر إلى رعد كأنه يخبره ، انظر هم من بدأوا .. طرقع جاسر بأصابعه ليجلب رجاله الخمس شباب يلقوهم أرضا ولم يحتج مراد لقول كلمة اخرى شمر عن ذراعيه يتوجه مباشرة نحو يحى يكيل له باللكمات ليتحرك وليد صوب تامر  وخلفهم صوت جاسر يذكرهم :

- ما تنسوش مش عايز حد يموت 

ومن ثم نظر إلى رعد يحادثه بنبرة جافة :

- روح خلي بالك من امك واخواتك على ما أجي ، ما عهمش غير خالك عاصم

نظر رعد إلى مراد ، مراد ذلك الفتى المرح كثير الضحك تحول وبات شخص آخر وهو يضرب يحى، مراد لا يمكن أن يحب يوسف أكثر منه 

يوسف شقيقه هو ، ولكن ما يحدث هو العبث والهمجية بعينها ، والده لم يضرب أي منهم لأنهم أطفال كما قال فجعل خمستهم يضربون بعضا أولا ومن ثم ها هما وليد ومراد يكملان عمله ثانيا ، العمل الذي رفض هو أن يكمله 

كلمات مراد تتردد في عقله ، عن أنهم فعلوا ذلك بيوسف دون وجه حق ، أنهم مزقوا قميصه من الضرب ، أن شقيقه بين الحياة والموت ، أن الخمسة أمامه مذنبين ولكنهم أطفال في عمر يوسف ، لفظ مراد يحى أرضا ... أمسك رأسه يود صدمها بالأرض ليصرخ جاسر بإسمه يمنعه من فعل ذلك :

- مراااد لاء

ابتسم رعد ساخرا ولسان حاله يردد حقا ؟! ...

تحرك هو صوب أحد الشباب وقف أمامه ليراقب جاسر ما سيفعل ، قبض رعد على ذراع الفتى يقربه منه يسأله بحدة:

- هو عملك ايه عشان تضربه ، بس اللي مرمي دا كان عاوزه يغششه ، أنت بقى يوسف عملك ايه عشان تضربه ، انطق بدل ما اخليك زيه

ابتسم جاسر ساخرا يقلب عينيه ساخرا ، رعد يظن نفسه ضابط شرطة وهو هنا ليحقق في الجريمة ، ارتجف الفتى بين يديه يحرك رأسه للجانبين يغمغم مذعورا :

- ما عمليش حاجة ، هو يحى اللي قالنا أننا لازم نضربه عشان يتعلم الأدب ويخاف منه وعقابا ليه على أنه رفض يغششه، وقال إنه هيخلي والده يطلعنا كلنا دهب هدية 

شعر رعد بالغضب في تلك اللحظة ليرفع يده ينزل بها على وجه الفتى يصفعه بقوة ، قبض على فكه يصرخ فيه :

- يعني ضربتوه وكنتوا هتموتوه عشان رحلة لدهب ؟!! 

ارتجف الفتى ذعرا يبكي خائفا ؛ لينتفض رعد يلفظه بعيدا عنه وقف يضع يده فوق رأسه يشعر برأسه ستنفجر ... والده محق ولكنهم أطفال ، والده محق ولكنهم أطفال !!

____________

تحركت زينب جوار عبدالله طبيب عجوز يبلغ من العمر الثامنة والخمسون يساعدها في الجزء العملي من دراستها صديق قديم لوالدها 

صعدت خلفه سلم البيت تسمعه يشرح لها ما ستفعل :

- بصي يا زينب ، أنا مش هطلب منك أنك أنتِ اللي تعمليه معاه الجلسات لأن هو شاب ودا ما ينفعش ، أنا بس عايزك معايا عشان تتعلمي وتساعديني لما اطلب منك تعملي حاجة 

اومأت برأسها سريعا توافق ما يقول ، وصلا إلى باب المنزل دق الباب ليفتح لهم بعد لحظات رجل يبدو أنه والد شريف ، رحب بهما يغمغم مبتسما :

- اهلا وسهلا اتفضلوا ، اتفضل يا دكتور نورتنا. 

دخلت بصحبة الطبيب إلى الصالون جلسوا هناك ، وهي تحرك رأسها هنا وهناك متوترة تلك المرة التي تذهب فيها إلى جلسة علاج ، جلس والد شريف أمامهم يوجه حديثه للطبيب :

- طبعا حضرتك حالة شريف ، أنا بس عايز حضرتك تقولي بصراحة هو فعلا هيرجع زي الأول

حرك عبدالله رأسه بالإيجاب يطمأن الرجل الجالس أمامه وهي تراقب ما يحدث عن كثب ، إلى أن وقف والد شريف ومعه الطبيب لتقف هي سريعا تتحرك خلفهم إلى غرفة شريف في طريقها رأت فتاة شابة تخرج من غرفة شريف توجهت إلى غرفة أخرى ، حين نظر إلى وجهها رأت الحزن يطبع صفعاته بعنف على قسمات وجهها شعرت بالأسى عليها ، تنفست بقوة تحاول أن تهدأ ، دخل والد شريف أولا ومن ثم خرج بعدها بدقيقة تقريبا يطلب منهم الدخول ، حين دخلت خلف الطبيب رأت شاب في أواخر العشرينات أو ربما بداية الثلاثينات لا تعرف .. يضجع إلى فراشه ، وسيم لا يمكن أن تنكر ذلك يبتسم ابتسامة هادئة خفيفة اقترب الطبيب منه يحادثه مبتسما :

- حمد لله على السلامة يا بطل ، أنا حقيقي فخور أنك هعالج بطل زيك يا شريف .. اعرفكوا صحيح دي دكتورة زينب رايحة سنة رابعة علاج طبيعي تلميذتي وهتساعدني ، شريف باشا من أبطال مصر ظابط شرطة 

ابتسمت زينب له تومأ برأسها  ، ليبتسم هو الآخر ويبدأ الطبيب عمله !

_____________

قضت اليوم بأكمله تفعل شيئا جديدا لم تجربه قط وهو مساعدة قطرة الندى في خبز الخبز الطري ، صنعت لها قطرة الندى فطيرة صغيرة بها سكر وقشطة وكانت ألذ ما تذوقت ، كانت سعيدة تتعرف على وجه آخر من الحياة .. جلست على المقعد في الحديقة تتناول الفطيرة عيناها شاردة حزينة ، منذ أن أخذت هاتفها من شداد وهي أغلقته ، مدت يدها إلى جيب سترتها تلتقط منها الهاتف فتحته لتجد مئات المكالمات من والديها ، وعدة أصدقاء لها ، ورسائل المتابعين تنهال عليها تسألها اين هي ولما اختفت فجاءة ؟ ابتسمت شاردة قبل أن تجد الهاتف يدق في يدها برقم جواد !! قطبت جبينها متعجبة ، هل يتصل ليتشمت بها كما فعل قبل سفرها ؟! فتحت الخط إن فعل ستغلقه في وجهه ، لكن ما أن فتحت الخط سمع صوته يبكي قطبت جبينها قلقة من صوت بكائه وقبل أن تسأله عن السبب سمعته يحادثها بحرقة :

- أنا دورت ، دورت على رقم صاحب اتصل بيه عشان يبقى جنبي ، بس ما لقتش أنا شخص أناني مؤذي ما عملش  لنفسه أصحاب ، أنا هموت من الوجع يا مرام ، طلعت بتحب شريف ما ... اتجوزتني عشان عارفة ان شريف مستحيل يتجوزها ، أنا ما حبتش حد غيرها يا مرام 

ومن ثم سمعته يشهق في البكاء ، رغم أن جميع مواقف جواد معها أسوء من كونها سيئة ولكنها حقا شعرت بالشفقة عليه وهو يبكي بتلك الحرقة على الفتاة التي يحب ... جواد ليس مسكين هو يستحق ولكنه للأسف شقيقها حادثته بنبرة هادئة مترفقة :

- اهدا يا جواد ما تعملش في نفسك كدة ، وبعدين مين قالك ، مش يمكن يكون غلط الكلام دا 

سمعت شهقاته المتتابعة وهو يتابع بنبرة ممزقة ألما :

- لاء مش غلط ، أنا عرفت منها هي ، شوفت الكلام اللي كتباه عن حبها ليه ، وفي الآخر بتقولي أنها بس كانت معجبة بيه وبتحبني أنا ، أنا مش مصدقها 

ذلك ذنب ليان المسكينة التي فطرت قلبها يا عزيزي ولكنها لن تقولها في وجهه ربما كانت لتفعل قبل أن تأتي لهنا ، كل لحظة تقضيها مع ذاتها تُعيد النظر للماضي من جديد ، تشاهده وكأنه فيلم يعرض أمامها ، وصدقا كان فيلما مبتذلا رخيصا كرهت دور البطولة فيه للغاية حمحمت تغمغم سريعا تحاول أن تهدئه :

- ما يمكن عندها حق يا جواد أنها فعلا كانت معجبة بيه هو ، وحبتك أنت ... رغم اللي حصل بينا ، بس فعلا ما حدش بيتعامل مع شريف وما يعجبش بشخصيته وأخلاقه ، جواد اهدا واحسبها صح ، وحاول تبدأ صفحة جديدة ، أنا بردوا بحاول أبدا صفحة جديدة مع نفسي ، تعرف لما ببص لصفحات الماضي بقرف من نفسي أوي يا جواد ... على فكرة إنت ممكن تكلمني في اي وقت 

ودعها يغلق الخط لتبتسم هي شاردة من كان يصدق أن تلك الكلمات ستخرج من فمها هي ، من كان يصدق أن بضع دقائق مع الذات كل يوم ستُحدث ذلك الفرق الكبير 

______________

أغلق جواد الخط مع شقيقته يمسح الدموع عن عينيه لا يعرف أين هو ، خرج من البيت لم يحتمل رؤيتها ولم يرد إيذائها ، يشعر بالاحتراق ولا يجد من يواسيه ولا يتذكر في تلك اللحظة سوى كلمات ليان ... أيعقل أنه لا يملك صديق واحد !! ، صديق واحد فقط يلجأ إليه الآن ... ظل يلتف بالسيارة بلا هدف إلى أن وجد نفسه أمام شركة أبيه ، نزل من السيارة يتحرك بخطى ثقيلة متعبة مهشمة صوب الداخل ، استقل المصعد في طريقه ليجد أحد ما يقف جواره في المصعد ، نظر إليه لتتسع حدقتيه قبل أن يغمغم مذهولا :

- شهاب ! أنت بتعمل ايه هنا

ابتسم شهاب ساخرا يكتف ذراعيه أمامه يرميه بنظرة حادة قبل أن يردف :

- مش قولتلك مش انت اللي بتوزع الرزق يا جواد ، أنا هنا المهندس المسؤول عن قسم الديكور في شركة والدك ، جيت أقدم في وظيفة عادية لقيت المهندس هاجر ووظيفته بشهاداتي بقت متاحة ليا ، يعني إحنا بقينا زي بعض ، ولا أننا عمرنا ما هنكون زي بعض ... أنت هتفضل لوحدك بالغل والحقد اللي فيك ، تعالا شوف المهندسين بيحبوني قد ايه وكلنا تيم واحد ، مش أنت اللي كنت بتعاملنا كلنا على أننا خادمين عندك 

توقف المصعد ليلتفت شهاب له قبل أن يغادر يتمتم ساخرا :

- سلام يا جواد

وتركه وغادر ووقف جواد متجمدا مكانه من وقع ما سمع ، خرج من المصعد يتوجه إلى غرفة مكتبه والده ، فتح باب مكتبه لينظر عمرو إليه مقطب الجبين متعجبا من رؤيته هنا قبل أن يشهق جواد في البكاء يصرخ فيه :

- أنا ... 

وسكت كان على شفتيه الكثير من الكلام ولكنه لم ينطق بحرف فقط تدحرجت الدموع على وجهه ينظر لأبيه معاتبا عاجزا عن نطق حرف !!

____________

استيقظ يأن من الألم يشعر وكأنه كان في دوامة التفت به بعنف قبل أن تلقيه أرضا ليفتح عينيه فجاءة يشهق بقوة ، وجد نفسه على فراش في غرفة بالطبع في مشفى ووالده أمامه ، ازدرد ريقه يهمس بصوت خامل :

- سما فين ؟

استند بكفيه إلى سطح الفراش يحاول أن يعتدل ليسارع ياسر يساعده ليضجع إلى الوسادات خلفه نظر إلى أبيه يحادثه بنبرة لا تزال خاملة :

- أنا كويس صدقني ، المهم سما .. جالها انهيار عصبي صح ... كانت متجمدة الكلب دا حاول يقتلها 

تنهد ياسر بقوة يخفي حسرة قلبها على مقاطع الفيديو التي سلمها إليه ضابط الشرطة على هاتف ذلك الوغد بعد أن تم القبض عليه :

- هتبقى كويسة أنا اديتها مهدئ كويس وهي نايمة دلوقتي ، المهم أنت بخير ..أنت عندك نسبة سيولة في الدم والحمد لله أن هما لحقوك 

والدتك لسه رايحة تشوف سما دلوقتي ، صدقني ما قامتش من جنبك من ساعة ما جينا ، أنا اتصلت بأريچ وزمانها جاية على هنا 

لاحظ جاسر الألم الظاهر على وجه أبيه ليمد يده الأخرى يربت على ذراعه يسأله قلقا :

- مالك يا بابا شكلك مش كويس

لم يستطع ياسر الصمود أكثر من ذلك ، انهمرت الدموع من مقلتيه يشعر وكان ألف سكين تطعنه في آن واحد نظر لجاسر يغمغم بنبرة منكسرة :

- عملت كدة ليه ، أنت عارف إن هما لما حققوا معاه طلع موبايل كان مصورها فيه وهما مع بعض في السرير وخافي نفسه عشان ينشر الفيديوهات دي ، ولما جابوا صاحبه من رقم الموبايل اللي كان متصل بيه ، اعترف عليه أنه كان ناوي يلبس أختك قضية زنا

الوسخ اللي ما طمرش فيه لا عيش ولا عشرة ، بس العيب مش عليه ، العيب على الهانم اللي بعد كل اللي عمله ما صدقتش ورجعتله تاني وسابته يبهدل فيها تاني ، هي أكيد عرفت بحالتها دي أكيد عرفت اللي عمله واللي كان ناوي عليه الوسخ دا 

احتمال كبير ، بعد دقائق دخلت أريچ هرولت إليه تعانقه ليبتسم يقبل جبينها يسألها مازحا :

- اومال فين بسكوتة المتحرشة 

ابتسمت تغرق رأسها في صدره تستمد منه الأمان قبل أن ترفع وجهها إليه تهمس بنبرة قلقة:

- لما بابا كلمني سيبتها لصاحبك دا وجيت على هنا على طول ، أنت كويس بجد ؟

 ابتسم لها يومأ برأسه قبل أن يرفع حاجبيه يسألها مدهوشا :

- يعني أنتِ جيتي هنا لوحدك ؟

 اومأت برأسها بالإيجاب ليعطيها ابتسامة كبيرة متفاخرا بما أنجزت ، نظر ياسر للمشهد أمامه ليبتسم وهو يرى ابنته الصغرى وردته الذابلة تُشرق أخيرا بعناية شقيقها لها ، أشار جاسر لأريچ بعينيه إلى أبيهم يخبرها أن تذهب إليه لتومأ برأسها قامت من جواره تحركت ناحية أبيها تعانقه تغمغم سعيدة :

- بابا حبيبي وحشتني قد البحر وسمكاته ، ايه دا أنت بتعيط ليه 

جذبها ياسر إليه يعانقها بقوة قبل قمة رأسها مرة بعد أخرى يغمض عينيه فتنساب دموعه بحرقة وقلبه يكاد يقف من الألم والحسرة ، لم يكاد يهدأ قليلا وجدوا باب الغرفة يُفتح بعنف وظهرت سما تنظر صوب أريچ نظرة حادة قاتلة لتصرخ فيها بعلو صوتها :

- أنتِ السبب ، أنتِ اللي دمرتي حياتي ، هو هو قالي على كل اللي كان بينكوا ، أنتِ مجرمة بتحبي جوز أختك ، كنتي عيزاه يطلقني عشان يتجوزك أنتِ ، أنتِ وهو ملاعيين دمرتوا حياتي 

سما كانت حقا غير واعية لما تفعل ،تمسكت أريچ بأحضان أبيها خائفة منها ، ليقف ياسر أمامها يحميها منها لتضحك سما عاليا ، ضحكات متتابعة غريبة الشكل تسخر منهم :

- ايه عاملة خايفة ، وأنتِ خاينة وزبالة و ****

لفظ نابي نطقت به سما جعلت نرمين تقف أمامها تصفعها على وجهها بقوة تصرخ فيها :

- اياكِ تقولي على بنتي الكلام دا ، أنتِ فاهمة

جوزك هو اللي مريض ضحك عليها وحاول يعتدي عليها ، طبعا هو قالك اي كلمتين أنتي صدقتيه زي ما بتعملي دايما ، بس ما تجبيش الذنب على بنتي إحنا بعدناك ِ عنه مرة وأنتي بغبائك رجعتي ليه تاني ومن ورانا ، ما حستيش بالرخص وأنتي بتقابليه من ورانا وهو بياخدك مرة شقة ومرة فندق ولا كأنك واحدة من الشارع 

توسعت حدقتي جاسر فزعا ليهب من مكانه يكمم فم يصيح فيها مصعوقا :

- بس بس ، هي مش في وعيها أصلا

نظر صوب شقيقته قلقا ، أريچ تتمسك بوالده مذعورة تبكي وترتجف تعيق حركته ... رأى عينيها تضطرب بعنف وجسدها ينتفض لا يرتجف فقط وضعت يديها على أذنيها تصرخ من الألم تهذئ وتصرخ :

- لالا لا أنا مش رخيصة ، لاء يا مصطفى لاء ، مش هسمحلك تكسر أهلي ، موتني عاوز تموتني موتني مش هروح معااك ، جاسر لاء هيقتل جاسر

نظر إلى والدته يغمغم سريعا :

- ناديلي حد من التمريض اللي برة بسرعة 

خرجت والدته تركض من الغرفة ليحاول هو الاقتراب من شقيقته يهمس مترفقا :

- سما اهدي يا حبيبتي ، ما فيش حد ... أنا كويس اهو ما حصلش حاجة ، بصيلي طيب ، بصيلي يا حبيبتي ... يلا عشان نروح لكيان وتميم 

حين خرجت نرمين من الغرفة تركض تبحث عن إحدى الممرضات وجدت من يضع يده على كتفها نظرت خلفها لترى جاسر يقف خلفها أمسكت بيده تغمغم مذعورة :

- جاسر الحقني سما هتضيع مني ، أنا قولتلها كلام وحش أوي ، اهي اهي ممرضة اهي

هرولت نرمين إليها وجاسر يتحرك خلفها سريعا وقفت نرمين أمام الممرضة تغمغم مرتعشة :

- تعالي معايا بسرعة أرجوكِ

تحرك جاسر مع شقيقته لا يفهم ما بها أو ما يحدث ، تحرك يهرول خلف شقيقته التي تركض مذعورة إلى غرفة ما ، وقف أمام الغرفة ليرى سما بحالتها الغريبة تلك ، تلك الحالة المذعورة المرتجفة ذكرته بحالة نرمين نفسها قبل سنوات وسنوات ... نفس نظرة الذعر ورجفة الجسد والنظرات المضطربة التي تتحرك في كل مكان ، شعر بالضعف الذي كان يشعر به قديما وهو يراها في تلك الحالة جاسر يقف أمام شقيقته يحاول أن يجعلها تهدأ ... تحرك إلى الغرفة صوت خطواته جعل سما تنتبه إليه ... تنظر إليه مرتجفة وكأنها لم تتعرف عليه ، اقترب أكثر ينظر لحالتها المرتجفة والماضي يتجدد أمام عينيه ، تبدلت أمام عينيه ويرى نرمين بدلا عنها ، قديما كان يجذب شقيقته إلى أحضانه يظل يعانقها تبكي وهو أيضا لانه لم يكن يمتلك المال لعلاجها ، والآن تلك المشفى له ولكن لما يشعر بنفس الشعور المؤلم من جديد ،جذب سما إليه يعانقها ، ارتجفت بين ذراعيه بعنف ... عادت الممرضة في تلك اللحظة تركض تحمل بين يديها المهدئ الذي اخبره جاسر عنه ، أسرع جاسر يحقن شقيقته به ، إلى أن هدأت ارتجافتها وتوقفت مقاومتها ، حملها جاسر بين يديه يضعها على الفراش أمامه قبل أن يلتفت إليهم يسألهم محتدا :

- ممكن افهم ايه اللي حصل دا ، ومالها سما ، وكلام ايه اللي قولتيه يا نرمين ما تفهموني وقبل أن يسمع منهم ردا صدح صوت مكبر الصوت فى المستشفى ينادي بأسماء عدة أطباء يخبرهم بالتوجه العاجل إلى الغرفة 498

تلك الغرفة بها يوسف !! توسعت حدقتي جاسر فزعا ليركض من الغرفة إلى غرفة ولده ما أن اقترب من غرفة ولده سمع رؤى تصرخ تنادي باسم ولدها ورعد اقتحم الغرفة يمسك بذراعي شقيقه يتوسله بألا يرحل ، وصوت صافرة جهاز القلب المجاور له تخبره أنه فارق الحياة ، عجزت قدميه عن الإتيان بحركة ، أصوات تدافع الأقدام من حوله دخل الأطباء إلى غرفة يوسف يحاولون إنعاش قلبه من جديد ، الصرخات من حوله تزداد الجميع يبكي وصرخات رؤى تتردد إلى أن ألتقط جهاز ضربات القلب إشارة ضعيفة بدأت تعلو شيئا فشيء وبدأ قلب ولده يعمل من جديد بعد أن وقف قلبه هو من الذعر ، كانت لحظة بشعة مرت كدهر على قلبه لا يصدق أن ولده عاد للحياة من جديد في لحظة كاد يفقده واللحظة الأخرى عاد ، خرج الأطباء من غرفته توجه جاسر إليهم بالكاد يحرك قدميه ليطمأنه أحد الأطباء :

- الحمد لله عدت على خير ، وإن شاء الله الساعات الجاية تعدي على خير 

الساعات القادمة مرت كدهر الخوف نهش قلب كل منهم ، الجمع أمام غرفة يوسف كان كبيرا 

بين الحين والآخر ينظر جاسر لساعة يده الوقت وكأنه يعانده يرفض التحرك ... أخيرا بعد ساعات طواااااال نهشهم الوقت ... دخل الطبيب إلى الغرفة ومعه الممرضات واخذوه لإجراء الفحوصات مرت ساعة أخرى قبل أن يظهر الطبيب يبتسم اقترب جاسر منه يسأله ملتاعا :

- طمني أرجوك أنا تعبت ، ادفعلك حياتي وخلي لي حياته 

ابتسم الطبيب يربت على كتف جاسر يطمأنه :

- الحمد لله قدر ولطف ، عدينا مرحلة الخطر وشوية وهيفوق ... حمد لله على سلامته

تنفس الصعداء أخيرا يسجد مكانه تنهمر الدموع من عينيه ، جسده ثقيل لا يعينه على الحركة رفع رأسه حين شعر بيد تسنده ليرى رعد يقف جواره يساعده على النهوض يبتسم :

- قوم يا بابا ، هيفوق أهو ... بقى كويس الحمد لله

استند جاسر على ذراع رعد يتوجهان إلى غرفة يوسف فتح الباب سريعا يجلس على مقعد جوار فراشه ، مد يده يمسح على خصلات شعر ولده حين سمعه يهذي :

- ملا...ك اانا بح...بك

أغمض عينيه يشد على كفه غاضبا ، ورغبة ملحة تدفعه لقتله هو ورعد الآن هل ستظل تلك العائلة تلتصق به ، نظر صوب ملاك التي تنظر أرضا متوترة مما سمعت ، بعد دقائق بدأ يوسف يستعيد وعيه شيئا فشيء ، فتح عينيه ليرى الكثير من الاناس أمامه ومنهم هي ، شعر بالألم الشديد ليتذكر ما حدث قبل أن يفقد الوعي ، وكان قسمه الأول حين أفاق أنه سيجعلهم يدفعون الثمن غاليا 

الفصل الثامن والعشرون من هنا