 |
رواية خفايا القدر الفصل الخامس والعشرون بقلم سماح منصور
غزل : انا مش عارفه حاجه بس انا برده مش فاهمه هو ليه عايز يساعدني أصلا قبليها كان بيقولي انا مقولتكيش تحبيبني
يونس : ممكن يكون مش بيحبك بس انتي بتحبيه
غزل : هتصدقني او قولتلك مش عارفه
يونس : طبعا ع فكره انا سمعت كل اللي حصل بينكوا انا كنت رايح أقوله انه يمثل انك خطيبته عشان نخلص من زين ده انا محبتوش بس بصراحه مكنتش متخيل انك هتيجي تحكيلي
غزل : امال احكي لمين انت اخويا وروحي يا يونس
يونس : انا هتصل عليه وعايزك تسمعي اللي هيقوله
يونس : ازيك يا ادم
ادم : الحمدلله
يونس : دلوقتي غزل حكتلي علي اللي حصل وانا عايز اشكرك انك بتعمل كده عشان حاسس انها زي ميار وعايز تنقذها بس انا هساعدها بطريقتي
ادم : هتساعدها ازاي
بونس : هجوزها ابن خالتو هو عايش في الصعيد
ادم : لا طبعا انا مش هسمح بكده ازاي عايز تعيشها في الصعيد انت عارف الصعايده دماغهم عامله ازاي
يونس : انت مالك أصلا انا حر في اختي يا جدع
ادم : وهي وافقت
يونس : لسه متكلمتش معاها
ادم : طيب تمام وانا معتقدتش انها هتوافق لو موافقتش انا اللي هوقفلك يا يونس تمام
يونس: وانا اختي بتسمع كلامي وهتشوف
غزل : والله مستفز
يونس: هيكلمك دلوقتي
فعلا لقيت ادم بيرن
يونس : ردي
غزل : ايوه عايز ايه
ادم : بصي يا غزل بكره الصبح اول حاجه هتعمليها هتقول انك موافقه انك تتجوزيني وانا هاجي الصبح بدري عشان احدد ميعاد الجواز مش الخطوبه
غزل : ولو معملتش كده
ادم : اخوكي هيجوزك ابن خالتك ويسفرلم الصعيد
غزل : وواو بجد ابن خالتي ده سكر وبيخرجني ويجيبلي شكولاته بجد ده يونس ده عسل
ادم : ده لو اتجوزك هيحبسك ومش هيخرج من البيت أصلا وبعدين مين اللي قال ان الجواز شكولاته وخروج
غزل : يعني لو كنت اتجوزتك مكنتش هتجيبلي شكولاته وتخرجني
ادم : بصي يا قمري انا هجيبلك الشكولاته اللي انتي عاوزاها وكل حاجه بس تسمعي كلامي وتقولي اللي قولتلك عليه
غزل : طيب بكره توديني الملاهي وانا هوافق وهتلعب معاياه ومش هتبقي بارد ومستفز اتفقنا
ادم : حاضر بس انتي كمان اسمعي الكلام واعملي اللي قولتلم عليه
غزل : بس ع فكره انا ممكن ارجع في كلامي لو مودتنيش الملاهي
ادم : غزل انتي عندك كام سنه
غزل ٢٢
ادم : وقعتي دماغك وانتي صغيره طيب
غزل : لا معتقدتش اشمعنا يعني
ادم : اصل حاسس ان دماغك وقفت عند ١٥ سنه
غزل : وانت حد سابك في الثلاجه وانت صغير
ادم : لا طبعا
غزل : امال جايب كميه البرود دي منين
يونس جمبهم حاطط ايده علي بوقه عشان صوت الضحك
ادم : ماشي يا غزل يلا بقي قومي نامي واصحي بدري
غزل : لا انا هسهر مع حازم ونتفرج علي فيلم رعب
ادم : غزززززززل انا مش قولتلك تبعدي عن حازم
غزل : وانا اسمع كلامك ليه
ادم : بصي يا حبيبتي لو قومتي نمتي دلوقتي هجيبلك بكره بوكس مليان شكولاته تمام
غزل : بجد طيب تصبح علي خير
يونس : انتو عاملين زي القط والفار بس هو خايف عليكي
غزل : انا برده مفهمتش بس مين اين خالتي ده هو انا عندي خالة أصلا وبيضحكوا
يونس : كنت عايز اعرف هو بيحميكي من زين ولا مش عايز حد يقرب من بس مش قادر يعترف لنفسه
غزل : يعني انا المفروض اعمل اللي قال عليه
يونس : الا لو عايزه تتجوزي زين او حازم
غزل : بس انا مش عايزه اتجوز دلوقتي ومش عايز اتجوز ادم اه بحس بالأمان معاه بس مش بالحب وكمان عايزه اقعد معاكوا شويه
يونس : يا حبيبتي مش هبنفع انتي أي حد يقابلك بيبقي عايز يتجوزك
غزل : اه عندك حق. برده أقوم انا اسيب كل اللي عايزني واروح اتجوز حد بيقولي مقولتلكيش تحبيبني وانت والله مش حاسه اني بحب بس والله مش عارفه
يونس بيضحك : تصدقي غريبه صح
غزل : معلش ضيعت عليك فرحه خطوبتك
يونس : لا يا روحي انتي برده اختي ولازم استحمل
غزل بترمي عليه المخده : طيب انا هروح انام مع اسراء
يونس : اهون عليكي يا غزل
غزل : لا يا روحي انا بهزر معاك ماما هتيجي تنام معايا النهارده وهنحكي مع بعض
يونس : تصبح علي جنه يا حبيتي
غزل بتبوسه في خده : تصبح علي جنه
غزل بتروح غرفتها
غزل بتستغرب تليفونها بيرن وبتلاقي مريم
غزل : خير يا مريم انتي كويسه وايهاب كويس
مريم : كلنا تمام متقلقيش زين قالي انه خطبك ده صح
غزل : ايوه
مربم : متوافقيش يا غزل
غزل : انا أصلا مش موافقه بس ليه بتقولي كده هو مش قريبك
مريم : اه بس عصبي اوووي لدرجه انه ممكن يضربك لو مسمعتيش الكلام
غزل : هو كان بيضرب خطيبته او اخته يعني
مريم : لا ضربني لما كنت عايزه ارجع لايهاب وهو قالي هو لازم يجي ياخد
غزل : الحيوان وانتي قولتي لايهاب
مريم :لا طبعا مقدرش أخاف عليه يتخانق معاه وهو غبي بس انا عارفه ان إيهاب اده
غزل : لا يا مريم لازم لايهاب يعرف عشان يعرف انه مش مسمحله يضربك تاني
مريم : انا كلمتك عشان الحقك
غزل : انا بجد بحبك اوووي
مريم : انا هنام عشان إيهاب ميقلقش عليه
غزل : ماشي يا حبيبتي
ماما غزل بتدخل وتاخدها في حضنها وتفضل تحكيلها ويحكيوا عشان يعوضواا الست سنين
غزل بتصحي علي صوت ميار
ميار : قومي بقي يا غزل ادم هينفخني
غزل : ايه ميار روحي من الحلم عشان كنت سهرانه امبارح منمتش
ميار : طيب يا غزل وبتجيب مايه بتحدفها عليها
غزل : الحقوني بغرق
ميار : ايوه انتي نايمه وادم تحت علي اخره
غزل : عايز ايه البارد ده علي الصبح
ميار : والله معرفش مصحيني من بدري عشان نجي هنا ده حتي مخلنيش افطر
غزل بتفتكر انه يجي يلاقيها قالتلهم : انا غبيه ضيعت خروجه الملاهي انا هنزل بسرعه
ميار : هتنزلي بقميص النوم حلو والله
غزل : ده قميص نوم ولا دريس بيتي
ميار : اخلصي يا غزل
غزل بتاخد دش وتغير هدومها وتنزل
غزل : صباحو صباحو علي عيلتي الحلوه
الكل : صباح العسل يا غزل
غزل : كويس انكوا موجودين كلكوا عشان هقولكوا علي حاجه مهمه
يونس : وانا كمان عايزكوا في حاجه
غزل بتغيظ ادم : قول انت الأول يا يونس
يونس : لا قولي الأول يا روحي
غزل : انا موافقه اتخطب
