 |
رواية فتاة تدفع ثمن برائتها الفصل السابع عشر
يارب العُمر يعدي
وأكون بالنهاية راضية على كلشيّ عشته راضية بس .
حنين....عمري وين وصلتو بالبيت شصار عليه
ايهاب...بعد حياتي تعرفين هنا شون يشتغلون مو سريعين باجر يطلع ابو الكهرباء يأسس الكهرباء تعاي نختار سيراميك هم حتى اجيبه
حنين...هاي نقشه حلوه شرئيك
ايهاب...اي يروحي شتختارين حلو احب ذوقج
حنين...صاير تتكاسل اليوم ماطلعت الصبح ويا العمال لتخليهم بكيفهم نوب يطلع شي خطأ مو مثل منريد
ايهاب...مدلل خوالي هيج يصير بيج كعدات من الصبح هذا البرد جنت مدلل شورطني
حنين....ديلا مو زين اجيت اني طلعت من سبات مالتك صرت تشتغل شوف كلها متعجبه بيك
ايهاب...اخذتي سلفه جديده كافي عمري تني ادبرها بعد لتضلين تاخذين
حنين...نتساعد حنى نكمل ماكو فرق
ايهاب...الله يخليج الي
حنين...ويخليك الي ويرزقني بطفل يكمل فرحتنه
_______
اكلك كملت كل الغراض بس تنقلهن راح اكعد اكتب الاسئلة مال طلاب لما تنقلهن انته واخوانك
باليل نام هناك مو
ايهاب...اي عمري
حنين.... صارت صلاة المغرب صلو وكملو نقل ورحنه للبيت هناك
رحنه للبيت هناك نضفو وياي وساعدوني وراحو ماقبلو يتعشون ضلينه اني وايهاب وحدنه بالبيت
بس اكو شعور بالنقص ماكامل بيتنا مثل كل البيوت ولاهو قريب على اهلي ولا اكو طفل بي احس بي نقص
جنت اظن هي هاي السعادة هاي الامنيات
و ابد مانمت مرتاحه مثل ماجنت مفكرة واعيش السعاده كان شعور غربه وحزن
ايهاب....هاا عمري شنو رأيج هسه ؟؟
حنين...ايي عاشت ايدك بس تدري اجتني فكره
ايهاب....شنو عندج ولج تعبااان اريد انام
حنين....دكوووم يلا باجر جمعه وتشبع نوم نروح لبيت جدك
ايهاب.....صدك تحجين شنو نسوي غير المغرب اجينه منهم
حنين.... لاا خطيه بيبيتك نبات وياها اكيد هسه تبجي علينه
ايهاب....تخبلتيى هاي ضليتي ترديني البيت وتردين وحدج وتالي بليلة وحده. اشتقاقيتي الهم
حنين.....اهووو يلا كوم
ايهاب.... يلا كومي بدلي
رحت لبست عباتي وكلبيه مريحه و رحنا بدراجته وبساتين وهواء بارد حلو
بس الاجواء ابد لحد هسه ماتعودت الها وحشه بالليل ظلام وصوت النخل والكلاب والابقار كلها تعزف موسيقى غربة وطن وحظن امي الي مانسبته بيوم
وفعلا وصلنه
حنين...ها شبيج تبجين
ضحكت ودارت وجهه تمسح دموعها عني
الحجية...شجابكم ماخلصنه منكم شعدكم اجيتوا
ايهاب...مو هاي بقت تريد تجي تكول خلي نروح الليله ونرجع الصبح كلبها يمج تحبج حجية
حنين...اجت باستني بخدي كتلها عليمن تبجين اشو بيتين عنكم وكلنا هنا
الحجية....يمه انا مااعتب عليكم اذا حتى ولدي بكبرتنا عافتنا وكلمن طلع وهي هاي تالي العمر نتعب ونربي ونبقى لوحيداتنه انا والحجي
حنبن...ماعليج انا يمج يوميه اجيج نسولف ونتداهر
وفعلا نمنا وياهم هي والحجي وفرشنا فراشنه بالكاع على جهة وزوجي كل شوي ومخبث لو يغني بصوت ناصي لو يخوف بينا وتجيه الرزاله من جده ونسولف لحد ماغفينه
رجعت الصبح لبيتي
و قررت اصنع عالمي وابدي بطاقة ايجابيه جنة يوم الي ماعندي دوام
انضف البيت واجهز نفسي اسوي عناية بشرة
اتلكة زوجي بضحكة وسالفه وتبديل ابد مشافني بملابس مطبخ عشت ايام حلوه واطبخ بالليل لثاني يوم
بقيت كل شهر اتأمل اصير حامل اشوف حزن زوجي على طفل من تخيب محاولاتنا بكل مرة قبل نحلم يبقى حمل هسه نحلم يصير الحمل
جان الصبح من وعادتهم هنا يجون الاقارب ويجيبون هدايا وشكد اجتنه من اخواله فرن ومراوح وزوالي واهله ثلاجه
و بالليل اجتني احلى هديه من شفت امي دخلت علينه تبارك لبيتي ورغم مراضيه ان بنينه بغير مكان وزراعي بس فرحت الي لاني استقريت وجابت النه طباخ وغساله وقنينه هديتها هي واخوي الجبير
الام....ماما بعد هاي مملكتج تردين تعمريها بالسعاده لو تدمريها بالحزن ولاتنسين قول ربنا ( وأصبر لحكم ربك فإنك بإعيننا ) و (ومن يتق الله يجعل له مخرجا ويرزقه من حيث لايحتسب ) الطفل يجي واهم منه التعيين والتثبيت عيشي ايامج وثبتي نفسج والباقي تركيه لربج
_________
سنتين صار على وفاة ابني واني كل يوم اتامل يصير حمل عندي
وبيوم كاعدين نتعشى و نباوع للتلفزيون قناة كربلاء و صادفت ايام الكاظميه الناس تمشي بذكرى شهادة الكاظم واغلب الناس تتكلم عن معجزاتها اجاني شعور غريب بوقتها واندعيت من كل كلبي وتوسلت بزوجي حباب خل نروح باجر تطلع حمله نروح وياهم
ايهاب.....كعدي وسكتي وين نمشي بهالبرد و ازدحام شكد ناس واغلبها زلم وين رايحه
حنين...لا فدوة لازم نمشي اول جية للكاظم واريد اتعنى لهذا الكريم ابن الكرماء بلكي يتوسلي ويشفعلي عند رب العالمين بجاه ومكانته عد ربنا يرزقنه بطفل
سكت وماحجة شي بعد
اقتنع ويا صلاة الصبح كعدت ومحضرة كل شيء و رحنا طلعنه مباشرة لسامراء وبعدها للكاظم عليه السلام الظهر وشفت الناس شكد بشكل مهيب وتدمع العين اله شنو من كرامه وحب بحيث ربنا يوفق كل هالناس تتعنى من اغلب العالم لهذه الزياره توسلت وبجيت بحظرته واذكرت شعر شعبي
اجيتك يابو طلبة ودمعتي بخدي
وتبين حجاية الحك عنده لو عندي
نذر هذا لو طلعت ولدي اخدملك انا وبزريتي
مهظومه صحيح وللولد حنيت
واريد اثبت للشامت وكفت أهل البيت
لو ماادري تكظي الحاجة جا ماجيت
بس انا اشهدلك تكظيها
من طلبت طلبها مرادها انطاها
بعدها بالصحن والولد فوكاها
كملنة الزيارة رجعنا وكلي يقين ان راح يصير عندي
اجة الموعد وحللت طلع ماكو حمل ورحت للدكتوره كالت احتمال كيس بالرحم اسبوع وتعالوا رجعنه مهمومين وخايفين هم
كعدت اندعي لربي وسمعت كلام من اهلة يكولون لزوجي كيفنه عبالنه حمل وتالي كيس
ابد مكالوا خايفين عليها او خاف تتأذى كلش انقهرت
رحت فرشت سجادتي وكعدت اناجي ربي بالساعه وانا ماحاسه اخر شيء كتله توجهتلك بالكاظم علية السلام حتى يصير حمل لو حتى اتعذب هيج بكيفكم بعد حتى تعبت من الادعيه
وبالليل بين نايمه وكاعده توني غفيت شفت شخص بالحلم كال بس اهدئي ولاتخافين شكل كانونه بيدي حسيت بألمها وفتح بطني بمشرط وصار ألم كلش قوي ويمه بنيه صغيره مغشايه وانطتني تراكيين خضر كالت هاي هديه من الامام وكل سنه توزعين مثلهم
كعدت مرعوبه واحجي وي زوجي فز على صوتي
ايهاب.... شبيج شعندج عمري
حنين... هيج شفت منام وسولفت اله كل المنام بالتفصيل
ايهاب...ان شاءالله راح الكيس لان نخيتهم قبل لاتنامين
حنين.....ثاني يوم امي اتصلت بيه كالت اخوج حلم بيج دخلتي لصالة عمليات وشخص لابس اخضر كال بعهدتي لاتخافون
بقيت ابجي كتلهم حتى انا يمه حلمت ونفس الحلم اكو سر بالموضوع وفعلا ثاني يوم رحت لدوام وهناك تخربطت بالدوام واخذوني للمستشفى طلعت حامل وهنا الكل انصدم بين مصدكين الخبر ومكذبينه شون صار هيج حتى اني ممستوعبه الي صار
