 |
رواية فتاة تدفع ثمن برائتها الفصل السادس عشر
قلِقٌ أنا
وأُلِحّ دومًا في سؤالي
لكنّ شيئًا داخلي
دومًا يُناديني وأسمعُ صوتهُ
ثِق بالذي خلقَ السماءَ ولا تبالِ
هيَ غايةُ الظنّ الجميلِ بخالقٍ
يرعىٰ القلوبَ ولا ينامْ
سبحانهُ يحنو علىٰ قلبي
ويسمعُ حاجتي
ما إنْ ألوذُ ببابهِ
والكونُ غطّاهُ الظلامْ
والناسُ مِن حولي نيامْ
أرتاحُ من همّي وأمسحُ دمعتي
وأنامُ في حُضْنِ الغَمامْ
حنين.....وصلت المستشفى واامي راحت وياي ما قبلت تعوفني وحدي اروح الف فكرة صارت بالي كلبي ما مطمئن احس ابني راح اتمنى اوصل واشمه واخذه لحضني
الام....حبيبتي قوي نفسج انتي قوية كلشي ارادة رب العالمين
حنين...ثالث طفل ماما تعبت واني اطفالي يروحون مالحكت اشبع منه
.....اصعب شيء من تشعر بالعجز متكدر تنهار وتعبر عن حزنك ماأكدر أصرخ و أوكف على رجليه احس كل جسمي خدر ماكدر حتى امشي نبض كلبي كدام امي الي اعرف تبجي وتحزن على حزني امي الي خلصت عمري اخاف ابجي كدامها هسه اني انهار كدامها ما اكدر احجي شيء اني الي احتاج حضنها صرت جبيرة ولازم اداري حزني عنها عرفت شنو الامومه وشنو الحب الي احمله الها صار مضاعف بعد ولادتي
لو اخوتي الي منتظرين ردة فعلي بباب المستشفى يخافون يدخلون يستلمون الطفل واكفين محتارين لايكدرون يبلغوني ويجيبوه الي ولا يكدرون ياخذوا ويدفنوا بدون عملي
مشيت للباب وكل هالافكار والفوضى براسي مااعرف بمنو افكر لو بحزني الي شل رجلي كل ما اتقدم لو زوجي الي شفته بلاروح بكل يأس وضعف كاعد بالحديقه يبجي وماعنده قدرة يوكف على طوله مااعرف اني ربي مصبرني وانطاني قوة لو همه الضعف محتل كلبهم
رحت بكل ضعفي وهشاشتي رحت اريد بس اضمه بحضني وافصل عن العالم رحت واشوف البنات صديقاتي ايام الدراسه نظرة الشفقه والعطف بعيونهن جانو يداومون بالمستشفى
وصلت وانطيتهن اسم الطفل
الممرضه.... معقوله انتي امه ومسويه عمليه وجايتنه على طولج تستلمينه وين ابوه اهلج او اهله
حنين....اني كلهم صرت اهله واهلي امه وابو واجيت اخذه بيدي
الممرضه.... ياعيني كلب والده بعد الله يصبرج ويرزقج غيره
حنين....جانت كلمات بسيطه بس صعبه اتقبلها
ردت بس اخذه واطلع من المستشفى بس رجليه ماعانتني اوكف شفت الجو حار وليل كعدت بالحديقه شوي واخويه
اجه حظني والطفل بحضني تحت العبايه ببالي هسه يبجي هسه يكعد هسه يحس بيه بس لاا جان جسمه بارد ونفسه ساكن معقوله العيون الحلوة بعد مااباوع بيها لو ايده الصغيره اخر لمسه هاي وين صوته الحلو
اخذوني اني والني قطعه من روحي وصعدنه بالسياره
تمشي السيارة واسمع صوت ناما تحجي وياي بس اني ماكدر ارد احس فاصله عن العالم اريد اخر لحضات اشوف عيونه الحلوة بس
الام..... ماما سولفي احجي شيء ليش ساكته ميصير هيج تكتمين راح تموتين من القهر سودة عليه
حنين....اخويه يباوع ويستغفر ورجلي فاصل بغير عالم جان ضعيف على هالموقف اول مرة يموت اله عزيز واول فقدان بحياته ما حضن جسد ميت ولافارك ولف هاي اول خسارة اله
دخلت للبيت واشوف كل خوالي وعمامي واهل زوجي وخالاته مجتمعه كل الناس مصدومه شافوني امشي على طولي وعمليتي والطفل بحظني ردت بس اختلي بنفسي واسولف وياه واشتمه ردت اخلد ذكرى بينه واعتزل عن الدنيا
حنين....وين رحت ماما مو بعد وكت عمرك بس3ايام شنو شفت من هاي الدنيا ورحت ردتك سند الي تضل وياي تحبني واحبك شو عفتني هاي سهولة ليش متكعد خليني اسمع صوت النفس مالتك ليش استعجلت ورحت ماكلت ماكا تبجي عليه وتحبني
صرت اشوف كل اثر بجسمه كم كانونه وكم زراك اريد اعرف شلون اتوفى ومنو يمه وهم خاف وحده اكيد يخاف طفل ياناس مو مال يموت
لعابه بعده تحسبت واستغفرت
اكول ان كان هذا يرضيك يارب خذ حتى ترضى
بكل الطرق حاولوا ياخذوه مني لكن اجه عمي وسحبه مني حتى يروحون يدفنو بجيت عيطت محد يسمعني اخذوني للمستشفى وانطوني مهدئات
كعدت وانا اردد ايه سمعته بمنامي وأصبر فإنك بإعيننا
عرفت معناها وقويت نفسي لكن اكو حزن وغضب اكو عتب بداخلي رجعت للبيت رحت للغرفه والناس كلها تعبانه ومبين توهم ناموا دموع امي على خدها بعدها
رحت قفلت الباب وبجيت وصرخت بكل قوتي اندعيت ونخيت اريد الصبر وشيء يبرد كلبي كمت غسلت وخليت الجاي على النار وكليت طماطه وحضرت الصينيه على صوت الشغل كعدت ماما كالت يمه شنو تسوين كتلها ريوك صفنت بوجهي تصرف غريب من وحده من ساعات فقدت ابنها
امي تحجي وياي مرعوبه يمه شعندج كتلها ماكو شيء لاتخافين بس ريوك سويت حتى نكعد نتريك
الام.... يمه ساعة خمسه الصبح شنو ريوك حنين شبيج وعمليتج وخياطاتج رابع يوم الج
حنين.... لاتخافين يمه ماتخبلت بعدني بعقلي بس اهل رجلي عشاير وهسه شوي ويجتمعون عاد نحظر بيتنه ونتريك الناس متعرف عدنه مصاب وحزن يدققون بكل شي
والدنيا مراح توكف يرادلها طولة بال لو تدوس علينه لو ندوس عليها ونمشي بزودنه
راحت اني واشوف الدموع بعيونها اعرفها ممقتنعه بكلامي وتدري امثل القوة وبداخل متحطمة
كعدنه وكل اليجي يتعجب بين الي يباوعلي بشفقه وبين الي يكول قويه ومامهتمه
اكو يكولون زوجها اكثر متأثر لان حزنه واضح
جنت امثل القوه ومابين ضعفي كل ليله ابجي وحدي بس ايهاب عكسي جان الضعف مبين على ملامحة وطول ايام واسابيع ماله خلك يطلع وحتى مايرتب شعره حاولت احجي ويا وميحجي شي تاثر هواي على فقدان محمد
اجت امه وكالت خلي نحاول اني وياج وابو نحجي ويا بلكت يقتنع ويرجع لحياته والله يعوضكم وبعدكم صغار وتخلفون من جديد
دخلنه اله اني وابوه وامه نحجي وياي يرد بكلمات بسيطه لو ميرد
صيحت علية كدامهم
حنين...ايهاب كافي الييييي دسوي لا ترحم حالك ولا ترحمنيي شنو ذنبي خسرت ابني وراح اخسرك هم اريدك توكف على طولك الدنيا تريد زلم حوك
هسه الدنيا اليوم اخذت ابنك باجر تاخذني لو تاخذ واحد من اهلك شلون نعترض على ربنا لو شنو رايك كافي صير قوي خليك بقوتك لتعبني اكثر ما تعبانه اني
واذا متكدر تتخطى اني رايحه لاهلي بعد ما اكدر اتحمل هذا الحزن
اريد الي ياخذ بيدي مو يحطمني بحزنه اذا عندك ايمان بربك استغفر وكوم وابوه هم حجى عليه وامه عفتهم وطلعت من الغرفه
فعلا ثاني يوم تغير وبدأ يتحسن واني كدامه اسولف واضحك واصبر
وبس يطلع ارجع لحزني وتعبي ارجع احجي ويا ابني واناغيله
ويوم عن يوم مشت الدنيا وصار اربعينه الطفل وقررنا نطلع كربلاء للزيارة وهم نرتاح ونزيح حزنه بحظرة المعشوق ابا عبدالله الحسين وفعلا توجهت بكل يقين هناك ورجعنا من تعبنه وبدينه نخطط نكمل بيتنه وكان شرطي ماارجع الا بيت وحدي وفعلا بدينه مرحلة البناء ومشت الدنيا بكل حلوها ومره مننسى الحزن بس لازم نعيش اليوم حتى لو جان حزين
الايمان بالله وقدرة ينطيكم القوة والصبر حتى تتحملون
