رواية غلطة أبكتني عمري الفصل السادس عشر 16 بقلم سحر السحرتي

*معاذ مسك ايدي وباسها استغربت ولسه هقول له بتعمل ايه قال لي

 :تقبلي تتجوزيني 

*اتص-دمت

 :بتقول ايه يا معاذ

: اسف اعتبريني ما قلتش حاجه 

:ايه الجنان ده 

*قام وقف وقعد على ركبه واحده وطلع من جيبه علبه وقال

 :ده الوضع الصح تقبلي تتجوزيني انا بحبك من زمان يا دارين وكنت ناوي اتقدم لك لما ظروفي تتحسن ويبقى ليا اسم يليق بيكي وما اديش فرصه لوالدك يرفضني 

*فضلت ساكته وبصاله ومش مصدقه لقيت نفسي وقفت ولفيت وضهري بقى له فسر وقفتي غلط وقال 

:خلاص يا دارين فهمتك

 *لفيت بسرعه وحضنته

: فهمت ايه يا غ-بي وانت من امتى بتفهم طبعا موافقه 

*شالني ولف بيا 

:بحبك يا دارين ومش مصدق

 :استنى يا معاذ لو سمحت 

*نزلني وبص بقلق

 :في ايه

 :مش عايزه اكرر نفس الغلط هو ينفع تطلبني من بابا 

:حرام عليك يا شيخه وقعتي قلبي انا اطلبك من بابا ... ومن ماما 

*وغمز بعينه وكمل

 :وحتى من البواب بتاع الفيلا بتاعتكم 

*ضحكت ورجعت حضنته

 :انا بجد بحبك قوي يا معاذ هو الخاتم ده شايله على طول في جيبك 

:انت هبل-ه هو انا عب-يط زيك دخلت و جبته من فوق من اول ما وصلنا لما عرفت انك اتطلقتي كنت مستني الفرصه عشان اتقدم لك 

:هو بعد الجواز هتفضل تحترمني كده

 :طبعا يا حياتي لازم الاحترام يكون متبادل يلا ناكل يا ه-بله عشان جعت

 :بس كده يا عبي-ط يلا

 :احبك لما احترمك و تبادليني الاحترام بس مش قدام الناس انت عارفه انا بقيت نجم

:ده سيم بتاعنا بيننا وبين بعض بس 

:الله ما تيجي نريح فوق شويه

 :ولا اش-قك 

:ايوه يا معلم لسه تعليمي سايب اثره عليك 

*بصيت له باشتياق 

:وحشتني قوي يا معاذ

: انت اكثر يا حبيبتي وطبعا مش عايز اقول لك اني هعوضك والكلام الفاضي ده بس هنسيكي اسمك 

:انت هتقول لي هنسى اسمي وانا بلف وراك انت ومعجباتك ما كل قصصك عندي

 :بريء يا بيه

بقلمي سحر السحرتي 

: هتكلم بابا امتى

: النهارده يا قلبي هكون كاتب الكتاب

: تفتكر هيوافق

: ده انا عليا طريقه اقناع فاكره ابو جومانا 

: هههههه ده انت لو قاصد تترفض ما كنتش اقنعته بالشكل ده

 :لا كان قصدي طبعا هي كانت ماديه وانا قريتها من اول ما ارتبطنا وكنت عايز افك الارتباط ده باي شكل واخلع 

:يعني انت ما حبيتهاش

 :لا اعجبت بيها بس الحب لك انت يا جميل 

:مهما تلف بلاد وتنضف برده بتفضل بيئه

 :حبيبي والله وحشتني 

:معاذ انا خايفه بابا يرفض وقتها مضطره اسمع كلامه

 :هفضل وراه لو قعدت عمري كله بس ولا مره هقول لك نتجوز من غير موافقته 

*هتصدقوا اني في اللحظه دي حبيته قوي وازاي بقول له بحبك بالصدق ده .... هقول مش عارفه بعد ما بعدت وتعافيت ما حدش كان بيجي في بالي غيره هو الوحيد اللي كنت بحس معاه بالامان وهو الوحيد اللي كنت بتكلم معاه من غير قيود اللي بفكر فيه بقوله .... عمره ما فهمني غلط يمكن حبيته لا شعوريا وبحكم التعود ما اكتشفتش انه الحب الحقيقي .... لما شفت مروان اتشديت لطريقته وكاريزمته وشخصيته القويه اللي بيفرضها شغله فسبيت كل مشاعري من غير تفكير في اتجاهه أو يمكن بسبب مطاردته ليا وإصراره على أنه يرتبط بيا وانا كنت محتاجه احس الاحساس ده.... وطبعا عادل كان وسيله للنسيان .... كل ده رميته ورا ظهري ولما قلت لمعاذ بحبك صدقني من غير اي اسئله وشك والاثنين اللي قبلي وكلام كثير  .... مش محتاجه ادافع عن نفسي ومشاعري معاه بس كان في سؤال محيرني 

بقلمي سحر السحرتي 

:معاذ هو انت ليه لحد دلوقتي ما كنتش ارتبط 

:عارفه القراده 

:ايه هي القراده

 :دي حشره بتكلبش في جسم الانسان 

:ومالها وايه علاقتها بسؤالي 

:اصل حبك كلبش في قلبي زي القراده

 :يح-رق تشبيهاتك عمرك ما هتكبر بتكلم بجد

 :شاكه في كلامي 

:لا  يمكن عايزه اسمع كلام حلو وارضي غ-روري كانثى

: يا حبيبتي انت احلى انثى في عيني وعمري ما شفت غيرك ولا هشوف

 :يعني كنت مستنيني رغم اني اتجوزت 

:حاولت ارتبط لقيت نفسي هظلمها لاني بحبك بج-نون 

:وخبيت ليه وسبتني اطير من ايدك

 :خفت تكون مشاعرك ليا اخوه زي ما طول عمرك كنت بتقولي لي وقررت اصارحك وانا بتقدم وكنت مطمن لما قلتي انك شايله فكره الجواز من تفكيرك وباباك بيرفض اي عريس يتقدم لك 

:وانت متاكد دلوقتي اني بحبك 

:حضنك ليا اول ما شفتيني ما كانش حضن اخوه غير ان عمرك ما لمستيني قلت الحب نساكي نفسك

 :انت عارف انا سعيده قد ايه دلوقتي وقلقانه في نفس الوقت 

:قلقانه من ايه 

:خايفه بابا يرفض ع-قابا ليا على اللي عملته زمان

: طول ما انا جنبك ما تقلقيش بس اوعديني عمرك ما هتتنازلي عني

 :عمري ما هكون لغيرك 

:يعني ايه الكلام ده

 :اسفه يا معاذ لو بابا رفض مش هقدر اكرر اللي عملته زمان 

:بس على الاقل هتحاولي من ناحيه وانا من ناحيه 

:طبعا عمري ما هتنازل عنك 

:مش عايز اكتر من كده هقوم اكلم مدير اعمالي يحدد ميعاد مع والدك 

:هو لازم مدير اعمالك هو اللي يكلمه 

:عشان يعرف انه هيقابل شخصيه مهمه سيبيني ارسم الدور 

:يا خوفي يمسحك باستيكه 

*معاذ كان مستعجل وحدد ميعاد في نفس اليوم مع بابا  ... كنت معاه بس مستنيه في العربيه ما قدرتش ادخل عشان كلمتي لبابا وكنت متوتره جدا

*دخل معاذ غاب ساعه حكي خلالهم لبابا عن تفاصيل علاقتنا وازاي لقاني بشتغل في ملجا الايتام  ... وماما اصلا حكت لبابا عن اللعبه اللي اتعملت عليا من جوزي وليه خطيبي سابني 

*رجع معاذ وما فيش اي تعبير على وشه خفت

 :خير يا معاذ اوعى تقول ان بابا رفض ارجوك

: قال هيفكر ويسال عليا كون اني فنان ما لوش علاقه لازم يسأل على اخلاقي عشان يطمن عليك

: يعني كان مبسوط ولا فرحان 

:عادي تعبير وشه ثابته رجل اعمال وبيتحكم في تعبيراته 

:طب اركب عشان اوصل الملجا قبل ما يرفضوا يدخلوني انا نسيت ان في مواعيد للعوده لاني مش بخرج

بقلمي سحر السحرتي 

: لا مش هترجعي هناك 

:مش هينفع اقعد معاك في بيتك من غير حاجه تربطنا 

:لا مش هتيجي بيتي هو طلب انك تدخلي 

:لا طبعا انت اكيد سمعت غلط 

:انزلي يا دارين ادخلي هو مستنيك جوه 

:انا خايفه قوي يا معاذ 

:دي حاجه كويسه 

*نزلت مسك ايدي و باسها 

:مهما حصل مش هسيبك هو طلب مني  مهلة يفكر على ما يقول كلمته هتوحشيني قوي 

:انت كمان هتوحشني طب هطمن عليك ازاي

 :ده رقمي في الكارت اتصلي بيا في اي وقت بس ابعتي رساله الاول ان ده رقمك عشان ارد عليك 

*دخلت بقدم رجل واخر اثنين خايفه متردده وكنت بتمنى معاذ يكون معايا 

*في اللحظه دي ماما استقبلتني هي ودادا وسلموا عليا وحضنوني .... كنت مشتاقه قوي للحضن ده 

*ماما قالت لي ان بابا مستنيني في المكتب

 :اسمعيه يا دارين وصدقيه 

*طلبت ميه من دادا واخذت الحبايه

 *دخلت واتفاجئت وهو فارد ايده عشان ادخل في حضنه والدموع محبوسه في عينه 

*في اللحظه دي اتمسحت كل ق-سوته اللي شفتها وافتكرت ان كان نفسي في حضنه من زمان 

*جريت ورميت نفسي وعيطت معاه 

:سامحيني يا دارين سامحيني يا حبيبتي عمري ما قصدت اقس-ى عليك ... انا كنت بق-سى على نفسي واحرمها منك لاني السبب في مرضك .... ما كانش المفروض اتجوز لاني عارف ان ممكن حد من اولادي يورث المرض ....  لكن حبي لامك خلاني تراجعت ...  ما كنتش عايز اتعلق بيكي لاني خفت في اي لحظه افقدك وتموتي قدام عيني زي اخويا اللي مات وشفت روحه وهي بتطلع وما قدرتش اعمل له حاجه ده كان توأمي ... لك ان تتخيلي كنت متعلق بيه ازاي 

:امال ليه منعتني عن الناس واني اصاحب اي حد وبتقول عليا فض-يحه 

:كدبت عليك كنت عايز ابعدك عشان ما حدش يعرف ويتن-مروا عليك زي اخويا  ... الناس دايما كانوا بيقولوا له يا مج-نون ونفسيته كانت تعبانه منهم ومن كلامهم وانا كنت دايما بض-ربهم عشانه وكنت صغير لكن لو كان حد اتن-مر عليك ما كنتش وانا كبير كده هقدر اض-ربه بس كان ممكن اقت-له علشانك

: طب ليه ما فهمتنيش الكلام ده

 :لانك كنت صغيره مش هتفهمي وممكن تفكري الموضوع عادي وتحكي لاصحابك قلت اخوفك احسن لان الخوف هيخليك تحافظي على سر مرضك ....  انت ما تعرفيش انا اخويا حبس نفسه وبطل يخرج من تن-مر الناس كانت دي الطريقه الوحيده اللي احافظ بيها على نفسيتك  ...  بس يظهر انها كانت طريقه غلط

: طب ومروان ما اخذتش حقي منه ليه 

:ما كنتش اعرف انه سابك بسبب خيانت-ك له المزعومه فكرته عرف بمرضك وقلت حقه ما حدش حكى لي حاجه وقس-يت عليك عشان تقدري تنسيه

: وكنت بترفض كل عريس بيتقدم بحجه الفض-يحه

: كل واحد اترفض مشي وما رجعش ثاني لو حبك هيقبلك زي ما انت بمرضك بكل حاجه عشان كده كنت برفض عشان بس اللي يحبك يرجع ثاني ....  ومروان كان ناقص يبوس ايدي عشان اوافق قلت بيحبك وهيقبلك .... وكنت ناوي قبل الجواز اقعد معاه واصارحه واخيره بس يكون حبك بالقدر الكافي

: ليه يا بابا ما قلتش الكلام ده من زمان وحرمتني من حبك ضيعت سنين من عمرنا وعشت في عذاب وانا محرومه من حضنك ده 

:سامحيني يا دارين معاذ حكى لي على كل حاجه احساسك و عذابك عشان كده اتكلمت و صارحتك دلوقتي

: يعني كنت عايز تضيع الباقي من عمرنا وانت قاس-ي عليا كده

 :قلت لك كنت بع-اقب نفسي بس هاخذ لك حقك من مروان وعادل 

:لا يا بابا خلاص الانت-قام مش هيرجع ابني اللي راح والايام اللي ضاعت من عمري انا اتعفيت خلاص وبتمنى اعيش الباقي مع  معاذ 

:انت موافقه عليه

 :بعد موافقتك مش هكرر غلطتي الاولى

: يعني لو رفضت هتعملي ايه 

:بصراحه هقعد ازن عليك ومش هستسلم 

:طب تسمحي لي استعمل حقي كأب واتاكد انه بيحبك بجد وهيستحملك 

:مش فاهمه هتعمل ايه يعني

 :هرفضه بس بلاش تقولي له ونتفرج انا وانت هو هيعمل ايه عشان يفوز بيكي

: زي حدوته ست الحسن والجمال و الشاطر حسن اللي كنت بتحكيها لي زمان

: بنتي الشطوره لسه فاكره 

:طب تسمح لي اكلمه ولا ده ممنوع 

:لو قلت لا هتنفذي

: انا واخده قرار ان مهما قلت هنفذ 

:خلاص هسمح لك بس يعرف انه من ورايا وفهميه انك بتضحي

 :بس معاذ طيب قوي واستناني سنين

: خلينا نمتحنه هنخسر ايه ولا مستعجله

*وغمز لي ضحكت واتكسفت

: لا عشان يعرف قيمتى ...  طب هات تليفونك اكلمه بقى

: لا سيبيه النهارده على ن-ار وبكره يكون عندك احدث تليفون وخط كمان

 *بوسته من خده وحضنته جامد وانا فرحانه 

*صحيح بعض المواقف بتبقى ذات وجهين ممكن من غير شرح نفهمها غلط

 *ما قدرتش نفس اليوم كلمت معاذ من تليفون ماما و طمنته عليا و حكيت له اني اتصالحت مع بابا و فهمني وجهه نظره اللي كنت فهماها غلط

: طب قال لك هيوافق عليا ولا هيعمل ايه

: لا قال هيسال عليك هتعمل انت ايه لو رفض

 :هعمل قرد على باب الفيلا و الشركه هخليه يرميكي بشنطه هدومك ويقول خدها من هنا و خلصني منها

: هههههه للدرجه دي متمسك بيا 

:انت عب-يطه يعني مش عارفه انك الهوا اللي بتنفسه و عايزاني استسلم بعد ما اعترفنا بحبنا وابقى اه-بل زيك

: معاذ يا حبيبي كميه الرومانسيه اللي قلتها مع الاحترام الزياده اعجز عن الرد عليه  .... ممكن نكبر شويه وكفايه احترام بالشكل ده بينا 

:مش قادر يا حياتي

 :لا يا ميزو حاول لو حد سمعنا هيقول علينا م-هزقين قوي 

:حاضر بكره هكون عند ابوكي عشان اعرف رايه

: ايه ابوك دي 

 :(دي) خليني على راحتي معاكي و مرحرح في الكلام انا مش في لقاء صحفي 

:حاضر يا حبيبي تصبح على خير

 :تصبحي في بيتي

: يا رب 

*الصبح قبل ما نصحى معاذ كان على الباب بابا اتفاجئ بيه 

:ايه يا ابني خير حد من اهلك حصل له حاجه

: لا يا عمي اطمن

 :امموا شركاتي

: لا بعد الشر 

:امال اتمسينا بيك و اتصبحنا بيك ليه 

:جاي اعرف رايك

 :في ايه 

:في طلب الجواز من بنتك 

:هو انا قلت هفكر سواد الليل مش لسه هسال عليك 

:يا عمي انا عارف بالتليفون خلال ساعه تعرف عني كل حاجه

 :لا لسه ما عرفتش و باللي بتعمله ده هتسرع ردي عليك وهيكون الرفض

: لا يا عمي طب عايز كام ساعه

 :اخر الاسبوع هرد عليك 

:كثير يا عمي

 :ما عنديش بنات للجواز كويس كده 

:لا اخر الاسبوع تتصل انت ولا اتصل انا 

:انا هكلمك 

:طب ما اكلمك انا احسن تتكسف تكلمني

 :هو انا هطلب منك سلفه هرد عليك بالرفض او بالايجاب 

:بالايجاب يا عمي ارجوك 

:ان شاء الله مع السلامه

: مش هفطر معاكم عشان يكون عيش وملح

 :لما يبقى في مشروع نسب لكن دلوقتي مع السلامه 

*معاذ خرج وكل يوم وهو رايح الشغل يقابله ويصبح عليه عشان ما ينساش و بالليل وهو راجع يلاقيه قدام الفيلا ماسك الجيتار و بيغني تحت البلكونه بتاعتي يضحك عليه من جواه ويدخل يكمل ضحكه جوه

*بابا عملي فيزا عشان اشتري لنفسي كل حاجه زي زمان لان ما كانش ليا حاجه في البيت وهدومي في الملجا عبارة عن فستانين غير اللي لبساه كنت عايشة حياة بسيطة قوي هناك

*بابا رفض ارجع الملجا تاني للشغل لكن اقدر اتبرع باي مبلغ ما قدرتش اعترض 

*روحت اودعهم وأسلم عليهم واخدت لعب كثير لكل واحد وكنت عارفه هما بيحبوا ايه بحكم شغلي معاهم  ....معاذ اتلكك طبعا وجه معايا وهو كمان حب يجيب لعب طلبت منه يجيب لهم ملابس .... وعملنا لهم حفلة جبنالهم مهرج وساحر و تورتة كبيرة فرحتهم قوي غير وجبات كانوا دائما بيحكولي ان نفسهم يدقوها بس ما بيدي حيله وقتها

*صرفت مبلغ كبير عليهم بس بابا كان مبسوط بحنيتي عليهم

*اخر الاسبوع كان الموعد ان بابا يرد على معاذ

: انا اسف مش موافق 

 :ليه يا عمي كده

: من غير اسباب حاسس انك مش مناسب لبنتي انا حر  ... اب بقى بيتحكم في جواز بنته

: طب هديلك فرصه ثانيه تفكر وتراجع نفسك

 :فكرت وراجعت ومش عايز اشوفك في الكومباوند تاني 

:للاسف هتشوفني انا عملت حسابي انك هتوافق واشتريت الفيلا اللي جنبكم عشان دارين ما تبعدش عنكم

:يبقى انا اللي هعزل 

:شوف يا عمي كل المطارده دي هتنتهي بكلمه واحده موافق قولها تريح قلبي وقلبها

 :هي قلبها مرتاح بقراري ومش هتعترض عليه

: انا بحبها وهي بتحبني يرضيك تفرق حبيبين

:اه يرضيني

:خلاص هديك اسبوع كمان وارجعلك

 *فضل معاذ طول ما هو فاضي يغني من فيلته وعامل ازعاج لبابا 

*بابا اشتكى لاداره الكومباوند و بلغوه ان الناس مبسوطه ان فنان زيه بيعمل حفله كل يوم من بيته غير ان وجوده شهره للمكان ورفع اسعار الكومباوند 

*لقيت بابا دخل عليا وهو هي-طق

 :اعمل ايه في اللزقه ده 

:وافق بقى هو اثبت انه بيحبني

 :ده حب ده ...  ده صداع تفتكري هيستحمل مرضك 

:هو عارف من سنين

 :خلاص قولي له يتكتم بقى عايز انام وبكره يجيب اهله ويتقدم رسمي

#الحياة هتمر ازاي مع دارين وهل هيتم الزواج بدون مشاكل

&يا ترى رايكم ايه في كلام ابوها