 |
رواية فتاة تدفع ثمن برائتها الفصل الخامس عشر
سأنجو
برحمتِك وعفوك
وحدك يا الله
لا بقوتي
ولا بمساعدة أحدهم
بِك وحدك
تتعلق كُل الآمال والرجاءات
والأماني .
حنين....صار 6شهر وماكمل البيت
ايهاب....عمري انتي شنو بيدي هاي بناء كدامج الكل يطول مابقه شي ان شاءالله هل اشهر ننتقل
حنين...مو قصدي هيج حبيبي بس لان حامل والوضع تعبني تعذرني
ايهاب...لايروحي ان شاءالله يكمل ونرتاح
..........
اول يوم بشهري تاسع رحت للعيادة حتى اخذ سونار واطمئن على وضعي
الدكتورة...ماما عندج التهاب حاد وضعج مو مال ولادة طبيعي لازم عملية
حنين....دكتورة خاف يصير شي بالعمليه الطفل تعبت بي هواي
الدكتور....لا بنتي هواي مثلج وطلعو من عنلية بخير اتفقي ويا زوجج حتى نحدد موعد لولادتج
حنين....طلعت من الدكتورة وحجيت زوجي واتفقنه ناخذ موعد نسوي العمليه بعد يومين
قبل يوم ولادة حضرت غراضي وغراض الطفل الي نحتاجهم ورحنه لبيت اهلي حتى الصبح نروح للمستشفى
ضليت كاعده لصبح رحت لغرفه ماما
ماما شبيج تبجين تفائلي
الام...بنتي خايفه عليج قرة عيني انتي فدوج اروحلج خايفه عليج
حنين...لتخافين يمه كالت دكتورة ماكو شي حتى نقلق هسه شوفين بعد ساعه اطلع
الام...ان شاءالله طلعون بسلامه ثنينكم
حنين....امي صديقه روحي الي ما رادت مني مصلحة الي تحملتني بكل اخطائي اماني هاي الدنيا الي صبرت ومازوجت غير بابا وربتنه راح اكدر اصير نفسها ام عضيمه
راح اكون نفس قوتها واتحمل
يارب امنحني القوة حتى اتحمل مسؤلية
تعبت كلت انام ساعه قبل لنروح للمستشفى
دخلت للغرفه انام نمت بسرعه لان تعبانه. ما احس غير مرة تسحب بيه وشكلها مرعب تصرخ بصوت عالي ودكول الطفل يموت ميعيش لو اني لو هو اليوم ثكل لساني واني اقره سورة النور
صارت تصرخ بصوت عالي وتخرمش بطني تركت اثار بطني ضليت اكرر سورة النور ابتعدت واني كعدت من النوم مرعوبة ومختنكة كعدت خايفه على طفل
كعدت توضيت حتى اصلي وارتاح صليت ورتب اغراضي حتى نروح للمستشفى
طلعنه للمستشفى والكل خايف عليه
لكيت هناك زوجي كدامي جاي هو واهله وخواله والكل موجود
الكل جان مهتم دكول ابني شيخ عشيرة المل مخبوص عليه وينتضرو
دخلت لغرفه العمليات وشعوري عبالك ما اطلع بعد من الغرفه دعيت ربي ارجع بسلامه ومينفجع قلب ماما
انطوني تخدير وفقدت بعد
بعد مرور6ساعات واني فاقده اسمع اصوات كلام ما مفهوم
احس تخدير بدة يروح مني الالم يزيد صوت دكتور وهو يكول راح تفقد ونسوي صعقات كهربائية وتطلب مني استجيب واصحى
لساني مينطق بس كلمة ابني
الدكتور....حنين اصحي لتعوفين نفسج ابنج بخير صحته تمام
صحيت من بعد مرور وقت طويل اشوف الدكتور واكف على راسي
دكتور ابني شونه
الدكتور...ابنج زين بس انتي قوي نفسج اهلج ينتضروج
بعد ساعه صحصحت اجت ماما حضنتهه وبجيت وبجت وياي اجة زوجي باس راسي وتحمدلي بالسلامه
طلعت من العمليه معجزة جانت كلش خطيرة عليه وعلى طفل بسبب وضعي
ايهاب.....شنو عاجبج نسمي طفل
حنين ....مثل ما اتفقنه نسمي محمد
ايهاب...هاهيه هسه صرتي ام محمد
حنين...ابني وين
ايهاب...لتخافين عمري مابي شي بس اخذو للخدج
حنين...ماما ما مرتاح كلبي اخذوني اله اريد اشوفه
الام...بنتي خليج مكانج بس يخلونه نطلع اني اجيبه الج لتشلعين كلبي حبيبتي
حنين...مرت الساعه والساعتين وماكو ابني ومحد يقبل اروحله احس كلبي يريد يطلع اسمع امي دكول لام زوجي بنتي قوية راح تتخطى هيه مرت ضروف اصعب
حنين...ماضل عندي عقل كل التوقعته ابني مات
ابجي ميفيد محد يسمعني وياخذني ولا اني عندي قدرة اروح وحدي
صار المغرب واتي ادعي واتوسل يبقى اكو شي بداخلي يكلي ماكو مات
ماما تقنعني عايش بس حالته بعدها يحتاج خذج بس ما اقتنع
حجزنه على حسابنه ليلة ثاني ماردت ارجع للبيت بدونه
ثاني يوم للضهر بعد ماتحملت كتلهم هسه جيبو
دكتوره قبلت كالت وضعه صار احسن
حنين...جابو الي اشوفه سبحان الله يشبه اخويه العيون خضر والشعر اصفر مثل خيوط الشمس لونهن
خلو يمي بالغرفه لان استقر وضعه
كاعده بالغرفه وحدي وابني نايم اجتي عامله بالمستشفى جان تتقرب مني مرة جبيره بالعمر ودكول شون بكلبج هذا طفل ميبقى عندج
ردت افتهم منها كلشي ما افتهمت اختفت وطلعت من الغرفه
صارت دنيا المغرب وطفلي رجع تعب وضعه اخذته الدكتورة للخدج
طلعوني غصبا عليهم ماقبلو امي وزوجي اضل بالمستشفى رجعت لبيت ماما قنعوني كالو باجر يمج هو
رجعت للبيت من العلاجات والارهاق احس مسطورة بس فرغو الغرفه بعد ماحسيت غير نايمه ماكعدت لحد ثاتي يوم صبح فزيت ادور ع محمد ماكو صبحت ع اهلي اكلهه وينه كالو المغرب يجيبو
ضليت انتضر للمغرب على نار حتى اشوفه بخير راح المغرب واجة اليل وماكو اي خبر عنه
كاعده ساعه 9:00 باليل واسمع اتصال ايهاب يكول ماما ميقبلون يطلعو وراح يرجع للبيت
كلبي وجعني حيل اتعوذ من الشيطان واكول ابني راح يقاوم مابي شي
صدري يدرر حليب الالم قوي اكلهم ابني جوعان احس بي
الام....لا بنتي بس هو ثالث يوم يبدي الحليب يزيد لتخافين هسه يطلع كلشي مابي
ساعه11:00صارت كاعده ابجي واسمع ابن خالتي يكول خابرو على عمو ايهاب كالو اله تعال اخذ ابنك
احس روحي راحت شعور مينوصف رغم الالم كمت ع حيلي لبست عبايتي والشال
الام....وين تروحين وحدج باليل اخوانج طالعلين رجلج بالمستشفى شسوين مدكليلي اذا صار شي يوصلنه
حنين....ابد ماتحمل بعد هسه اروح اني يمه ابني تعرفين شنو
الام...اعرف بس انطي صبر حبيبتي بنياي مو زين طلعين وعمليتج
حنين...ماكدر اضل بعد
الام....هاي حكمة رب العالمين تعترضين على حكمة
حنين....فهميني امي ماكدر انتضر بعد
رحت وماسمعت لكلام احد
هذا الوجع الي ماينوصف حسيت وعشت كل انواع الخذلان والفقد والحزن بس مثل هالموقف ماكدرت هنا ردت اموت وارتاح الخنكه ماتنوصف و ماتمر سنه وليلة مااذكره
