 |
رواية فتاة تدفع ثمن برائتها الفصل الرابع عشر
أعتقد أنني أستحق ولو لمرة أن أطمئن،
أن يأتي الليل بمفرده
دون اصوات عقلي وقلق قلبي،
أن أصل إلى الواجهة التي أريدها
التي أريدها وليس بديل أو عِوض لها،
أعتقد أنني استحق أن أشعر بالحياة وحلاوتها ولو لمرة .
حنين ….ايهاب تحبني
ايهاب…روحي بيج مو بس احبج
حنين…اتمنى لو جنت اول شخص عرفته بحياتي
ايهاب…مو مهم الماضي المهم احنه سوة بالمستقبل
حنين…الله يديمك الي
ايهاب…سبحان الله الي زرع حبج بكلبي شكد ما اوصف مكانتج عندي قليل وان شاءالله تكمل بطفل منج يشبهج ياخذ ملامحج الحلوة
حنين….اخاف اسوي طفل من جديد متعرف شعوري واني احسر طفلي
ايهاب…طفلي هم مو بس طفلج واحس بيج والله بس هو رزق من رب العالمين اذا الله راد راح يثبت حملج
حنين …..خلي يمر وقت بعد احس نفسي مو جاهزه
ايهاب…على راحتج بنتي الي تردي يجرالج
حنين…اليوم الجو بارد
ايهاب…ادفيج بحضني تعاي نام
حنين…نمت بحضنه احس بالامان من اكون ويا كعدت الصبح خبزت ونضفت البيت حتى محد يحجي عليه من ارجع انتضرت الخط يجيني
رحت لدوام تعرفت هناك على بنات وهم حجيتلهم قصتي وتعرفنه المديرة هم حبابه جانت وياي مرات اتاخر لما اوصل لان طريق بعيد
كملت دوام ورجعت البيت عبالي مثل كل يوم يكون طبيعي بس صارت مشاكل ورجع الوضع ميعجبهن حتى وره ما بديت اشتغل من الفجر هم ميعجبهن لكيتهن يحجن يم ام ايهاب ويحركنها عليه
حنين…ايهاب شون هذا وضع يعني نضل هيج مشاكل والله تعبت
ايهاب…فاتحت ابوية بالموضوع وكتله راح اطلع بيت وحدي بالولاية
حنين..اي شكال
ايهاب…يكول ماكو طلعه منا صارلك عمر عايش ويا خوالك ومرتاح وقافل واذا اطلع من خوالي لازم ارجع اعيش ويا واني ماريد ارجع ويا وضليت هيج لو خوالي لو هو
حنين…صدك تحجي شون من خطبتني لعد خالتك كالت يطلع منهم وميضل بس اصبري وهاي صبرت شنو فايده مو اتفقت ماما وياكم وكالت بنتي منكدر تعيش وياكم بالريف وانطيتو الها وعد اطلع بس فتره
ايهاب..اخدئي يروحي تردي يصير بس اعصابج
حنين…مو قصه اعصاب ايهاب بس دشوفهن شون يحاربني ما مرتاحة ابد
ايهاب…شنو بيدي عليج عمري انتي شنو رئيج تروحين تحجين ويا انتي بلكت يقتنع اني ميقبل يسمع مني
حنين…هاهيه اني اروح اخذني باجر العصر لبيته
نضفت غرفتي ونمت كعدت باليل تعشيت وثاني يوم مارحت لدوام حتى اروح العصر لبيت عمي حتى اقنعه لان هو كلمتة تمشي وايهاب ميكدر يكسر كلمتة يكول يغضب عليه
رحنة لبيت عمي ايهاب راح على امه واني رحتلة للبستان جان كاعد وحدة
بوية جايتك بطلب اول مرة اطلب منك واني جنتك وبنتك
ابو ايهاب…كولي بنتي
حنين…اريد نعرل ونطلع للولاية لان اني تعبت من مشاكل نسوان والعدد بالبيت وايهاب هم تعب
ابو ايهاب…جيتج على عيني وراسي بس طلعه للولاية ماكو تردون طلعون من خواله ياخذ بيت ويبني قريب مني شتردين الناس دكول اخذ مرتة بعده بنية حديثه وحدها بيت بالولاية ماقبل
حنين…يابة اني شنو ذنبي هسه
ابو ايهاب…غير هل كلام ماعندي لو تجين تعيشين انتي وايهاب ويانه لو تاخذون بيت قريب يمنه لو ضلون ويا خواله
حنين…..بس عمو انته سويتها عناد حتى تجبر ايهاب يجي يعيش وياك وهو ميريد يمكم
عفته وطلعت للبيت كلت ايهاب نرجع لبيت خواله
ايهاب….بشري شنو كال
حنين…ميقبل معاند يريد تروح تعيش ويا
ايهاب…يعرف كلش زين عفتهم من زمان وعشا ويا خوالي لان ماحب عيشتهم يجي يجربني هسه كل الي ديسوي حتى يندمني
حنين…والحل شون
ايهاب…شسوي يروحي بيدي شي وماسويته هاي كدامج الحجي شسوي اكثر بعد
حنين…يعني هاهيه نضل هنا
ايهاب…انطيني صبر بس اجمع فلوسي واكدر استقر نطلع ونعوف كلشي
حنين….دائما توعدني
ايهاب…وعيونج الي احبهن كل وعودي اوفي بيهن بس اصبري عليه
حنين…..صليت ونمنه بدون عشة لان نغثينه ثنينه
رحت لداوم صبح كمت مانضف تعبت احس دائما لعبان نفسي عندي وجسمي بي نحول
رحت للمدرسة حسيت بدوخة بالطريق وصلت للمدرسة اخذت درسين وثالث ماكدرت رحت غرفه استراحة مدرسات يحجن وياي بس ماكدر ارد احس نفسي دايخة وعيوني غوشت وحده من مدرسات مرة انطيتها رقم ماما لان اتصلت منها جنته مخلصه رصيد
غوشت عيوني وفقدت الوعي صحيت اني بالمستشفى ماما يمي مدرسة وياي متصله عليها
اجتي دكتورة طمني على وضعي وكالت حامل
المفروض افرح ربي رزقني بس شعور الخوف جان اقوة ماكدرت اعبر عن فرحي ماما اتصلت على ايهاب وكالتله اليوم تبات يمي وباجر تعال اخذها
اتصل عليه ايهاب جان طاير من الفرح بس وصاني كال هذا الحمل ممنوع احد يعرف بي فقط اني وامج
سمعت كلامه كلت افضل ومن رجعت ويا ثاني يوم كتلهم ضغطي هبط فقط
هذا الحمل جان صعب صارت مشاكل نفسيه وجسديه هواي عندي جانو يزيدون عليه بالشغل واني الاشهر الاولى من حملي وايهاب منبهني ماحجي لاحد
ضليت ارجع الدكتور وكل شهر طمني ودكول وضع الجنين بخير
كملت3 اشهر بطني صار يبين واني بديت اتعب حتى دوامي تركته لفتره
الي بالبيت ويانه عرفو حجينه الهم بالبداية زعلو لان ضمينه بس بعدين فرحو
رجعت فتحت موضوع البيت ويا ايهاب وجان الحل نبني بيت قريب يم خواله بس منطلع للولاية
شسوي قبلت احسن ما اعيش وياهم هم بيتي وحدي استقر
جدة عرف يريد يبني انطاه كاع قريبه منهم وكعد ويا ولدة
جد ايهاب….سمعو ولدي الكاع القريب من هذا البيت تصير ايهاب راح يبني بيهم ومالكم حق بيها حتى بعد ما اموت تضل اله احد عنده اعتراض
حنين…اسمع لكلامه كلش يحب ايهاب خواله هم ماعترضو وقبلو
بدت مشاكل ايهاب وابو وامه لان اختارينه نكعد منطقه خواله مو يمهم عبالهم اني قنعته صارو يكرهوني
قدمنة سلف حتى نكدر نبني جنت اريد نكمل بناء اسرع وقت ونطلع منهم
ايهاب ….الحمدللة الي صار كل خير وان شاءالله يكمل بناء ونجهز البيت مثل متردين
حنين… بوجودك كلشي يصير حلو
ايهاب…هاااااا عبالك تتحارشين
حنين…..ههههههههه لا يمعود غلس
ايهاب…فدوة اروح لضحكتج
حنين…فدوة اروحلك
استلمنه السلفه على راتب ايهاب وبلش بناء جان يرجع من دوامه ويضل ويا عماله كلش تعب هاي فتره هو تعب من البيت والبناء واني تعبت من الحمل بدت بطني تكبر كملت5شهور واني ادعي ربي يجي الطفل لدنيا بخير وسلامه
ادعي كل يوم ربي يسهلها علينه ونكمل بناء واطلع بس مافكرت للمستقبل شنو يصير وشون اعرف طفلي وحده اذا تعينت وراح اكدر اكعد وحدي بيت منطقتهم مافكر بكل هذا كل اريده نطلع حتى نرتاح عبالي الراحة من اطلع من خواله بس الي ما مكتوب الراحة اله ميرتاح لو وين ميروح
