 |
رواية فتاة تدفع ثمن برائتها الفصل الثالث عشر
حنين.... نشاهد الاحتفلات رأس السنة صافنه وافكر الحمل الثاني يضل ويصير عندي طفل واعيش شعور الامومة لو هم يروح واتاذه مثل قبله
الام...شبيج بنتي ليش هيج صافني ان شاءالله سنة خير بس تفائلي
حنين...الله كريم ماما دافكر بالطفل والتعين تعرفين شكد صار وقت على تخرجي وايهاب ميخليني اشتغل اي وضيفه بدوائر اهليه يكول بس ع تعينج اذا طلع وشوفين انتي شون ماكو تعينات تعبت من كعدة البيت
الام...خلي املج برب العالمين ان شاءالله يفرحج ويعوضج
حنين...راح اتوضى واصلي حتى تبدي سنة جديده بالصلاة
فرشت سجادتي اتوسل ربي العالمين
اني اجيتك ابدي سنتي بطاعتك واجيت اشكيلك خذلتني كل العالم اريد تزرع حب زوجي وتحقق امنياتي كمت اردد
دعاء الحزين:
أناجيك يا موجود في كل مكان، لعلك تسمع ندائي فقد عظم جرمي وقل
حيائي، يا مولاي أي الأهوال أتذكر، وأيها أنسى، ولو لم يكن إلا الموت
لكفى، كيف وما بعد الموت أعظم وأدهى، مولاي يا مولاي حتى متى و إلى متى أقول لك العتبى مرة بعد أخرى، ثم لا تجد عندي صدقا " ولا وفاء، فيا غوثاه ثم وا غوثاه بك يا الله من هوى قد غلبني، ومن عدو قد استكلب علي، ومن دنيا قد تزينت لي، ومن نفس أمارة بالسوء إلا ما رحم ربي.
مولاي يا مولاي إن كنت رحمت مثلي فارحمني، وإن كنت قبلت مثلي، فاقبلني يا قابل السحرة اقبلني، يا من لم أزل أتعرف منه الحسنى، يا من يغذيني بالنعم صباحا " ومساء، ارحمني يوم آتيك فردا "، شاخصا " إليك بصري، مقلدا " عملي، وقد تبرأ جميع الخلق مني، نعم أبي وأمي، ومن كان له كدي وسعيي، فإن لم ترحمني [فمن يرحمني] ومن يونس في القبر وحشتي ومن ينطق لساني إذا خلوت بعملي، وسألتني عما أنت أعلم به مني، فان قلت نعم فأين المهرب من عدلك، وإن قلت لم أفعل قلت ألم أكن الشاهد عليك، فعفوك عفوك يا مولاي قبل سرابيل القطران، عفوك عفوك يا مولاي قبل جهنم والنيران، عفوك عفوك يا مولاي قبل أن تغل الأيدي إلى الأعناق، يا أرحم الراحمين، وخير الغافرين
كملت الدعاء ونمت ضليت مرتاحة بنومتي كعدت الصبح وقررت اول شي التزم بصلاتي تغديت ويا اعلي ورجعني اخوية لبيت زوجي العصر
.......
ايهاب.....شون الحلو
حنين...الحمدلله شونك انته
ايهاب..مشتاقلج اليله صعبه عليه صايره افتقد وجودج هواي ماكدر اخليج بعيده وتباتين بعد
حنين...جنت مشتاقه لاهلي كلت ابات يمهم
ايهاب...وجودج يمي بالبيت كلش مهم شون تحسين نفسج وضعج شونه
حنين...خايفه الطفل ميثبت الدكتور كالت ارتاحي ولتعبين نفسج
ايهاب...بنتي خلي بالغرفه لطلعين ع احد وما عليج بالشغل لما تصيرين زينه
حنين...مو تعرف زوجات خوالك يضلن يحجن
ايهاب...هانت ما بقه شي ونطلع بيت وحدنه
حنين اكلج شي
حنين...كول ايهاب
ايهاب...هواي احبج اتمنى يجي يوم واشوف بعيونج نفس الحب وتبادليني
حنين...ايهاب اصبر عليه كتلك الي عشته صعب انطيني مجال
ايهاب...مهم وجودج وياي كلشي ينحل
حنين...شنو رئيك تساعدني بالعشى
ايهاب....حتى اصير ميز خوالي ههههههههه بس هم ادللي تعاي يلا
حنين...عاجبني نسوي برياني
ايهاب...برياني وعلى عشة بس يلا ترهم
حنين...رحنة للمطبخ بدينه نسوي الاكل احاول اخلي علاقتنه قريبه واتعود على ايهاب لان يستاهل كل خير عوضني عن كل الاذيه شفتها بحياتي
صرت شهر ثاني وادعي هذا الطفل يثبت
ايهاب...خليج قوية الكاتبه الله يصير
حنين...احس الم قوي عندي اخاف ينعاد الموضوع
ايهاب...خلينه نبدل ونروح لدكتور تفحصج افضل
حنين...رحنة لدكتورة واني خطواتي ثكلت وخايفه
الدكتورة....ماما الطفل مابي نبض وين جنتي صارلج سبوع
حنين....الله يخليج دكتورة لدكولين هيج هاي مرة ثانيه
الدكتورة...ليش هملتي نفسج بنتي غير تسوين فحص
حنين...هسه شنو
الدكتورة....نسوي اجهاض وترتاحين نبدي علاج الج ونشوف وضعج
حنين....مشاعر اليأس رجعت الالم نفسه التعب كلشي ياذي روحي رجع كملت الاجهاض بعد مدة رجعت للبيت دخلت للغرفه رجعتلي حالتي دخلت حالة اكتئاب ماحجي ويا احد هملت نفسي وايهاب والبيت
اسمع كلام النسوان وشون يحجن عليه لان ماكعد مثلهم الفجر ايهاب ميقبل اشكي ماما دكول مهم زوجج زين وياج عوفيهم
بعد10ايام كاعدة اتصفح بالتلفون اتصلت علية ماما
الام...حنين شفت اكو تعينات محاضرين ليش متقدمين احسن هم تعيرين جو
حنين...وين يقبلون اروح وارجع مجاني وبس صرف كروة
الام...شعليج بيهم شوف رجلج شيكول
حنين...ماتوقع يقبل
الام...عوفي اني اخابرة واكلة
حنين...خاف يضوج مني لان انتي تحجين ويا
الام..لا تعرفين يحترمني ويسمع كلامي بلكت يقتنع وطلعين منهم تغيرين جو وينه هو خلي احجي ويا هسه
حنين..هسه اصيحه الج واحجي ويا
رحت صحت على ايهاب كتله ماما تريد تحجي وياك
الام...هلا وليدي شونك
ايهاب..الحمدللة خاله شونج انتي
الام...زينه جايتك بطلب
ايهاب..كولي أمري
الام...ميأمر عليك ظالم بس كلت حنين اكو تقديم مال تعينات المحاضرين ودكول احتمال ايهاب ميقبل
ايهاب...والله مادري خاله بس حالتها تعبانه شون تطلع
الام...احسن خلي تطلع تغير جو
ايهاب...الله كريم نتفق ان شاءالله خير
الام...فكر زين خطية هم مادرست وتعبت حتى تضل كاعده بالبيت
ايهاب...هاهيه من عيوني
حنين...حجة ايهاب ويا ماما نوعا ما اقتنع رجعت حجيت ويا اني
شنو رئيك شدكول
ايهاب...اني ماعندي مشكلة بس علمودج تكدرين تروحين وترجعين وتعب عليج طريق بعيد
حنين...ميخالف اتحمل
ايهاب...هاهيه توكلي لعد ان شاءالله خير
حنين...ثاني يوم انطيت مستمسكات يحتاجوهن ماما تكفلت هيه تقدملي وراحت حتى تقدملي
ايهاب...حياتي شسويتي على تقديم
بيبية ايهاب....ياتقديم خايبين هذا
حنين ....بيبي داقدم ع تعينات الجديده
ام ايهاب...شني يصير راتب عندج يعني
ايهاب...لا يمه مجاني هسه وللمستقبل اذا ثبتو الله كريم
بيبة ايهاب...يا شبيكم شنو مجاني يعني بلاش
ايهاب...اي يمه
بيبيهايهاب ...جا تسودنتو انتو عليمن هل تعب
حنين...بيبي اني اريد اطلع
بيبيه ايهاب ايهاب...على راحتج بعد
حنين...قدمت واشوف عيونهم كلهم ما راضين على تعيني بس جنت رايدته ومصرة وماما سندتني كالت الهم حتى لو ماعدكم مال الاجرة اني انطيها مهم تطلع بنتي تعبت نفستها
طلع اسمي وتعينت ويا المحاضرين بلشت دوام سبوع وبلشت المشاكل
رجعت من الدوام والكل وجهه ميبشر بخير ميحجون وياي
حنين...ايهاب شبيهم هيج وجهم ثكيل عليه
ايهاب.. ميقبلون على شغلج ولازم تكملين شغل بيت يلا طلعين برة
حنين.. مو وضع هذا ترة يعني ديشوفون حتى الغده بيت اهلي وارجع بالبيت تعبانه من الطريق ليش هيج يسون بشنو ماثره عليهم
ايهاب...شنسوي بعد حاولي تسايسهن لما ادور على بيت ونطلع ساعديني لتصيرين انتي والزمن علية
حنين... هاهيه يهون كلشي لخاطرك من باجر اشتغل شغل البيت يلا اروح لدوام
ايهاب..عفية بنتي السباعيه
حنين....ايهاب يستاهل كلشي زين وماريد احد يسمعه كلام بسببي
كعدت الصبح من وكت 6الفجر بديت اشتغل نضفت وخبزت وبدلت وانتضرت الخط رحت لدوامي
