رواية غلطة أبكتني عمري الفصل الحادى عشر 11 بقلم سحر السحرتي

*الشخص اللي صورنا نزل الصوره على النت مع عقد الجواز 

*بابا رجع بعد ما قرأ العناوين بنت رجل الاعمال تتزوج سرا من ميكانيكي

*انا اتصدمت عادل مهندس وازاي يقولوا عليه كده وازاي حد يصورنا بالسرعه دي وعرف منين 

*بابا حاول يسيطر على انتشار الموضوع بس كان  معظم القريبين عرفوا زي مروان وجومانا 

*بابا اول ما وصل نده عليا بصوت عمري ما سمعته نزلت جري وانا حقيقي مرع-وبه من اللي هيحصل 

*ماما ما لهاش علاقه بالنت قوي فما عرفتش وسألته 

 :في ايه اول مره اشوفك متع-صب كده 

*كلمها بكل ح-دة  وغ-ضب 

:في انك نايمه على ودانك وما عرفتيش تربي بنتك الفاش-له اتجوزت من ورانا

: انت بتقول ايه بنتي عمرها ما تعمل كده بنتي بتقول لي على كل حاجه حتى لما مروان كان معجب بيها قالت لي

 :المره دي ما قالتش ونفذت ويا ريت حد عدل ده ميكانيكي وجاهل وما معهوش شهاده فقير لا يملك غير مرتبه من الورشه اللي بيشتغل فيها 

*بابا وهو في الطياره طلب كل المعلومات عن عادل توصل له وهو نازل من الطياره وفعلا حصل وعرف كل حاجه عنه وطلع ك-ذب عليا في كل شيء 

*طبعا ما قدرتش اتراجع وكنت بدافع عنه بكل قوتي

:يا بابا عادل مهندس ومش عيب يبقى شريك في مركز صيانه صغير بكره هيكبر 

:هو فهمك كده يعني حتى لو بالمواصفات دي ما اتقدمش ليه زي الناس المحترمه 

: ما هو جالك وانت رفضته واهنت-ه وذلي-ته 

:جالي امتى وبعدين انا عمري ما عاملت حد بالطريقه اللي بتتكلمي عنها 

:جالك قبل ما تسافر في الشركه 

:انا سافرت من البيت انت ناسيه ضحك عليك في دي كمان اتجوزتي  واحد نص-اب است-غلك في ايه كمان 

:عادل مش نصا-ب كفايه انه بيحبني

بقلمي سحر السحرتي 

 :انت متاكده يا فاش-له حتى اختيارك لزوج مناسب من ورايا فشلتي فيه لازم تطلقي منه وفورا من غير شوشره وفض-ايح 

*اتعص-بت منه كل اللي همه الفض-ايح اتكلمت بصوت عالي 

:انت كل اللي يهمك الفض-ايح لكن انا لا كل الوقت شايفني فاش-له عمرك ما فكرت تحتويني او تطبطب عليا .... بتعاق-بني على مرضي اللي هو وراثه منك ليه نفسي افهم ....  وعادل مش هسيبه عارف اتجوزته ليه ع-قابا لك على تعاملك معايا طول السنين اللي فاتت اه-انه وذ-ل وكراه-يه .... انا مبسوطه بالفضي-حه عارف ليه عشان تت-وجع جزء صغير  من اللي طول عمري بت-وجع بيه 

*ض-ربني قلم جامد لدرجه اني وقعت في الارض من شدته وبكل غض-ب لو مش هتطلقي منه تسيبي البيت حالا وهنسى ان كان عندي بنت من الاساس 

: انت بتعتبرني ما اتولدتش اصلا جاي على دي 

*زع-ق في ماما 

:تمشي حالا من البيت وتاخذ كل هدومها ادخل غرفتها بعد ساعه كأن ما حدش كان عايش فيها وتاخذي منها اي ذهب تطلع بهدومها وبس خليني اشوف اللي اتحدتني واتجوزته هيعيشها ازاي وهتستحمل تعيش من غير الرفاهيه اللي انا مقدمها لها قد ايه 

:هعيش وهتشوف وعمري ما هرجع

 :حتى لو رجعتي هط-ردك ولا هتدخلي هنا تاني فاحسن لك لو تعبتي معاه روحي مو-تي نفسك لان ما فيش مكان ثاني تروحي له 

*خرج من الفيلا وماما دمعت قوي بق-هره وقالت كلام وج-ع قلبي لو فكرت فيها ما كنتش عملت كده 

:انت كس-رتي قلبي يا دارين دم-رتي احلامي عارفه اي ام لما بتخلف بنت بتحلم تجوزها و تشوفها بالفستان و تلبسها الطرحه بتقعد تخطط لفرحها من وهي في اللفه انت حرمتيني من حقي الطبيعي اني افرح ببنتي اخذها في حضني و انصحها ازاي تتعامل مع جوزها وتحافظ على بيتها 

*مسكتني من هدومي واتكلمت بكل ق-هر 

:حرمتك من ايه عشان تعملي فيا كده كل حاجه بتطلبيها بنفذها حنان وغرق-تك

:انا اسفه يا ماما ما كانش قصدي ٱذيك انت كان قصدي بابا لانه قاس-ي معايا قوي ما انت عارفه كان بيعاملني ازاي

: وانا عوضتك ... مفكره كلمه اسفه دي هتمسح اللي عملتيه انت خس-رتينا كلنا وما فكرتيش وياما قلت لك ان ابوك بيتصرف كده من ورا قلبه ما صدقتنيش 

:انا ما خس-رتش غيرك بابا واخواتي من يوم مرضي وهما واخدين موقف مني كاني جرب-انه او جبت لهم الع-ار ما حدش بيتعامل معايا كويس منهم ارجوك سامحيني

 :امشي يا دارين قلبي غضبان عليك ورغم ده عمري ما هتمنى تدوقي كس-ره القلب اللي ذوقتها على ايدك ولو جبتي بنت خلي بالك منها كويس لان اكيد هتذوقي من نفس المص-يبه

: يا ماما انا اتجوزت مش مص-يبه سامحيني خليني امشي وانا مش خس-رانه الحب الوحيد اللي شفته في حياتي

 :وانت كنتي فكرتي فيا عشان عايزاني اسامحك .... تتجوزي من ورا اهلك ليه و أسأتي الاختيار...   امشي يمكن مع الايام اقدر اسامحك

: يا ماما انا ما فكرتش انا بعد اللي حصل مع مروان كنت مخ-دره انا حتى ما عرفتش انا عملت كده ازاي

 :طلبت منك نروح لدكتوره تساعدك تتخطي اللي حصل بس انت رفضتي يبقى لا تلومي الا نفسك اختيارك انت مسؤوله عنه وعارفه ان باباكي بيقول الكلمه مش بيرجع فيها مهما حصل غير اني موافقه على قراره بعد اللي عملتيه 

*ما كانش قدامي غير اني الم حاجاتي ومشيت و ودعت داده اللي حضنتني جامد وكنت صعبانه عليها اكتر منهم 

*اتصلت على عادل وطلبت منه يجي ياخدني وفعلا وصل وشال الشنط اللي كانت كثير جدا 

:هنروح على فين دلوقتي يا دارين

 :اطلع من قدام الفيلا دلوقتي وخلينا نقف في مكان بعيد عشان نتكلم 

*وصلنا لشارع هادي وقف العربيه قلت له

 :بص لي وانا بكلمك 

*بص وهو مكسوف مفكر من الخبر اللي انتشر 

:انا ما نشرتش حاجه وما قلتش لحد مش عارف الخبر انتشر ازاي 

: سيبك من الهي-افه دي وخلينا نتكلم في المفيد ...  انت اتقدمت لبابا زي ما قلت لي 

:اه هو قال لك ايه

 :عادل هتك-ذب من اولها هنزل و هسيبك وعمرك ما هتشوفني فاهم 

:بصراحه

 :اه عايزه الحقيقه 

:ما قدرتش

 :والكلام اللي انت الفته ده ليه 

:انا قلت اللي كان هيعمله لو حد في امكانياتي اتقدم له .... انا نفسي لو حد اتقدم لبنتي بالشكل ده كنت عملت فيه كده واكثر

: امكانياتك اللي انت صارحتني بيها زي ما انا صارحتك بمرضي انك مهندس مش ميكانيكي .... ولا امكانياتك انك شريك في مركز الصيانه مش عامل في ورشه ميكانيكا لا يملك منها مسمار 

*كنت بتكلم بس-خريه وهو حس فاتض-ايق وزعل و زع-ق على امل ان ممكن اخ-اف

: اه يا دارين انا حبيتك وعمرك ما كنت هتقبلي بواحد زيي 

:وانت ليه ما اديتنيش حريه الاختيار اني اقبل بظروفك زي ما اديت لك حريه الاختيار و صارحتك بحقيقه مرضي 

:خفت تضيعي مني وانت بقيتي جزء مهم في حياتي 

:انت انسان اناني فاكرني هصدقك بعد ما ك-ذبت عليا في اهم حاجه في حياتك بسببك خس-رت اهلي وعمري ما هقدر ارجع لهم تاني ولا هيسامحوني

 :لا هيسامحوك لما يلاقوا انك سعيده معايا وان اختيارك طلع صح 

:اختياري طلع صح لا اختياري ده اكبر غلطه عملتها في حياتي و عمرهم ما هيسامحوني

: مين اللي يهمك فيهم طول ما انا معاكي

 :يهموني اه امي اللي تعبت عشاني وما حرمتنيش من حاجه تهمني ... بابا واخواتي رغم قس-وتهم يهموني مش عارفه ازاي بعتهم و اشتريتك انت اللي اعرفه بس بقالي كام شهر وهما عشت معاهم عمري كله ....  ازاي عملت كده يا ريتك طلعت تستاهل 

*بدات ادخل في هستيريا

 :انا غبيه انا متخلفه كان فين عقلي وانا بعمل كده ... كان ممكن احارب الناس عشانك وافضل ورا بابا لما يوافق بيك لكن انت غشيتني انت خدعتني بسببك ابويا ض-ربني لاول مره في حياتي وقال لي انه هيعتبر اني مش موجوده وانه مخلفش بنت من الاساس رغم ق-سوته معايا عمره ما مد ايده عليا فاهم ده معناه ايه 

*كان بيكلمني و يهديني بس ما كنتش سامعه منه حاجه لان مع حالتي النفسيه النوبه جات لي 

*هو اتر-عب من شكلي وما عرفش يتصرف ما دي اول مره له بس ما كانتش اخر مره 

*فقت كنت نايمه على سرير في غرفه غريبه وصغيره وسمعت صوت بره حد بيتكلم مع عادل وفهمت انها مامته

: اتجوزت يا عادل من غير ما نعرف وافرح بيك واعمل لك فرح

 :بعدين يا ماما هفهمك خليني ادخل اشوفها صحيت ولا لا 

*دخل لقاني صحيت

 :انت كويسه حاسه بحاجه 

:انا فين انا عايزه امشي من هنا

 :انت في بيتي عند اهلي وعايزه تمشي تروحي فين

: اي حته وهبقى ابعث لك عشان تطلقني

 :انا مش هطلقك يا دارين انا بحبك ما كنتش بتجوزك عشان اطلقك

: مش هقدر استمر معاك وانت غشاش و كد-اب

 :اعذريني انا والدي اتوفى وانا كنت لسه في ثانوي بقيت مسؤول عن والدتي واثنين بنات اخواتي ..... ظروفي منعتني اكمل تعليمي .... اتحملت وتعبت و جوزت واحده والثانيه كمان خلاص هتتجوز  .... خفت تضيعي مني قبل ما اجوز اختي و ظروفي تتحسن ....  انا عمري ما حبيت عشان كده ك-ذبت عليك الخ-وف اللي دفعني لكده انا اسف 

*مسك ايدي وفضل يبوس فيها وبكى بشده ق-طع قلبي

 :ارجوك ما تسيبنيش عشان خاطري وانا هخليك اسعد واحده في الدنيا 

*ودي كمان كانت ك-ذبه من ضمن ك-ذبه المستمر

 *اضطريت اقعد مش عشان الدمعتين اللي نزلهم لا عشان ما عنديش مكان ثاني اروح له 

*فضل شهر بيحاول يقرب مني وانا مش قابله ولا عايزه غير كمان انا ما حبتش اخته مديحه او مامته والتعامل بينا جاف وكلام تقيل قوي 

*دايما جدتك تلمح اني اتجوزت من غير اهلي ما يعرفوا لغايه لما بقت تقولها صريحه 

*في الفتره دي اتعرفت على عمه عادل فريده اللي جابها ثاني يوم سكنت عندهم عشان تدخل تتكلم معايا وتحاول تقنعني  استنى معاه 

:عادل حكالي على كل حاجه و جايبني عشان اقنعك ما تسيبيهوش ....  بس عايزه انصحك ما تبيعيش اهلك عشان اي حد لو عايزه ترجعي ليهم انا ممكن اجي معاكي و اصالحك عليهم ....  هو اه ابن اخويا وطيب وكان راجل لاهل بيته بس مش هساعده في الغلط  .... قومي معايا ارجعي لاهلك وما تخ-افيش هيزعلوا شويه بس هيسامحوكي و هياخذوك في حضنهم 

:بابا طول عمره كلمته واحده ط-ردني وعمره ما هيدخلني البيت تاني

: مفيش اب قا-سي كده مهما كان اكيد بيحبك وعمل كده من صد-مته بس 

:ده هيخليني اطلق من عادل

 :حقه لو ليكي نصيب معاه هترجعوا لبعض غصب عن اي حد

: هو حضرتك عندك بنت وعايزه تجوزيها لعادل اسمحي لي تبقي بتج-ني عليها عادل مش لقطه زي ما انت متخيله عشان ابن اخوك ده ك-ذب عليا و غش-ني لو حكى لك كل حاجه 

:للاسف حكالي وما كنتش متوقعه انه يعمل حاجه زي كده وبعدين انت ظنيتي فيا خطا انا مش بخلف وما عنديش اولاد و بعتبر عادل وجميله اولادي لكن البنت مديحه دي شكل امها 

*ضحكت انا وهي واعتذرت لها اخذتني في حضنها

: من اللحظه دي انت بنتي زيهم وانا بنصحك عشان حبيتك من كلام عادل عنك وبعد كده تقولي لي ماما فريده 

:حاضر يا ماما فريده

: فكري في الكلام اللي قلته

 :حتى لو وافقت عارفه بابا كويس

: اذا كده خلاص ادي عادل فرصه وهو طيب وحنين وخلاص اتحسبت عليك جوازه جربي مش هتخ-سري

 :انا خس-رت خلاص قصدك ما بقاش في حاجه اخس-رها 

*الشهر الاول فضلوا يغلسوا عليا عايزين يطفش-وني وفي مره جدتك طلبت من عادل

: اسمع انا خارجه انا ومديحه بكره نشتري حاجات للجهاز بتاعها ابقى خلي السنيوره بتاعتك تطبخ واظن مش هنفضل نخدمها على طول وهي قاعده في الاوضه قافله على نفسها الباب و اوعى تجيب اكل من بره فلوس الشهر خلصت و ماشيين بالعافيه

 :حاضر بس هي مش بتعرف تقف في المطبخ 

:تفتح يا حبيبي الحديده اللي في ايديها طول النهار اهي  تتفرج وتقلد ولا تسأل عمتك اللي مش بتبطل كلام معاها 

*مش عارفه ليه حبيت فعلا اجرب ان اطبخ وحسيت ان البيت كله بتاعي وقلت اعيش دور ست البيت

 *حماتي خدمتني لما سابت المكونات اللي هطبخها في المطبخ وفعلا شفت الطريقه وبعدها كلمت ماما فريده اللي وجهتني اعمل ايه بالظبط 

*رجعوا  هما وعادل وحطيت الاكل وكنت متوقعه انه هيعجبهم لاني ذوقته لقيت طعمه حلو 

*وعشان جدتك بتعشقني قالت لي بكل حب

 :ايه الق-رف ده بعد اللف طول اليوم نيجي ناكل لقمه عدله ما نعرفش انت عمرك ما دخلتي مطبخ في بيتكم 

*اتنر-فزت و رديت عليها بكل وق-احه وتك-بر

: لا يا طنط كان عندنا الخدامين اللي بيعملوا لنا كل حاجه

 *طبعا ما سكتتش ازاي ارد عليها بالشكل ده 

:وهنا يا حبيبتي ما فيش خدامين احنا بنخدم نفسنا من بكره تقفي معايا تتعلمي

 *سألت عادل

: ايه رايك 

*ما قدرش يكسر كلام مامته خاف تزعل ومديحه نفس الكلام قلت لهم

: استنوا ما تاكلوش وقمت جبت كيس وبسرعه فضيت اطباقهم جوه الكيس عادل سال

 :بتعملي ايه

: بما انه وحش بلاش تيجوا على نفسكم و تاكلوا احسن معدتكم توجعكم وفي واحده جارت ماما فريده بتربي فراخ وبتقول لها هاتي اي بواقي اكل فانا هديهلها 

*بصوا لي بحس-ره انهم مش هياكلوا وسبت طبقي بمنتهى الهدوء و البرود قلت

:قومي يا مديحه هاتي الجبنه والعيش من الثلاجه عشان تاكلوا والمره الجايه اوعدكم هظبط الاكل 

*ردت حماتي عليا وهي هتموت من الغي-ظ 

:امال سايبه طبقك ليه

: انا عجبني و هاكله انما انتم معترضين وكل مره هتعترضوا على حاجه بعملها هلمها في كيس لجاره ماما فريده

 *الاكل يومها كان طعمه لذيذ بزياده قوي حسيت بانتصار خصوصا اني تعبت من الوقفه وانا بعمل الاكل بحب بس ما لقيت تقدير

*الفكره دي ماما فريده اللي قالت لي عليها عشان كانت متوقعه ان حماتي هتك-سر بخاطري وفكرتها جابت نتيجه 

*المره اللي بعدها حطيت الاكل والكيس جنبي وسألتهم نفر نفر  ... عادل ومديحه قالوا حلو حماتي قالت

: ماشي حاله 

*مسكت طبقها و حطيته في الكيس وقلت بمنتهى الهدوء 

: انا ما يرضينيش تاكلي حاجه ماشي حالها اذا ما كانش حلو قوي الكيس اولى بيه 

*وطلعت لها طبق الجبنه 

*عادل ومديحه كل واحد مسك طبقه كويس واكل وهو بيتلذذ وكل دقيقه يشكروا فيه 

*بعد شهر ماما فريده سافرت اسبوع عادل طلب مفتاح شقتها 

#يا ترى الايام لسه مخبيه ايه لدارين