 |
رواية فتاة تدفع ثمن برائتها الفصل الحادي عشر بقلم شهد
حنين....الصوت حسيته كسر الجام والحايط زلزل بس شعرها دخل من جوة الباب والتف ع كل الغرفة حسيت نفسي تغلفت بالشعر ضليت اقرة سورة النور واكررها
فزيت مختنكة من الحلم وابجي
ايهاب....بنتي لتبجين تعاي لحضني كابوس انتهى هاهيه
حنين شغلنه قرأن ونمت
الصبح اجو اقارب ايهاب من8صبح ضلو للضهر بعدها اجت ماما وتغدت
ايهاب راح ويا الولد حسيت نفسي اختنكت وحدي بالغرفه اتصلت علية اجة للغرفه باليل ورة العشة
ايهاب...حنونة اذا نعسانه خلي نام داشوفج تعبانه
حنين...افضل هيج خلي انام حتى اتحسن
نمت لنص اليل بدت الاحلام تزورني مرة ثانيه اكو مرة بالحلم تريد تكتلني جان شكلها بشع فزيت من النوم ضل ايهاب يهدئني ورجعت نمت ضلت تتكرار هاي الحالة عندي
بعد 3ايام صارو كرايبة يدخلون لغرفتي حتى اطفالهم ويضلون ل10باليل عدد جان هواي بالبداية عبالي بس ضيوف
حنين...ايهاب كرايبك شوكت يروحون
ايهاب ...لا ذوله هنا ساكنين بيتنه خوالي
حنين....شكد يعني انتم
آيهہآب.....خوالي 3 كلمن هو وعائلته
حنين..... بعد هنا انتهيت وراح كل واهسي واملي يعني شون راح اكدر اكعد ويا عدد هلكد
شافني ايهاب ضايجة وعدني سنة ونطلع للولاية وماعلينه بالناس هنا
طبعا ولد خال ايهاب نفس عمري وكلامهم عادي كلشي يحجون حتى الخصوصيات وانا طبع اهلي مو هيج اشياء اكو حرمة للكعدات وللجبير
اجة اليل هم نمـت وآشـوف سمج بغرفتي ومي هوااية بس المرة دخلت لغرفتي وانشكت الكاع وبلعت كل السمج والماي
وهم بقيت آصـيح...... وفزيت ابجي ومختنكة
وللصبح مااعرف انام احس اكو شيء ديراقبني هنا بعد الصلاة ماحسيت ع روحي غير بالمستشفى ومن جابوني شفت..... نسوان جايات يباركلي وانا وجهى اصفر وبثوب البيت ماخذيني
والشال شكل والثوب شكل لان جنت لابسة تراك ملبسيني فوك مـلآبسـي
ايهاب ................
من اول ليلة بدت حنين تحلم وتتفزفز بالليل
ودوم مختنكة بس تكابر ومتكول شكلها تعب واحلام يومية
حتى ثالث يوم اخذناها .......للمستشفى وكعت وبقيت اصيح ع نسوان اخوالي اجنها
حيرتني ب امرها وغرفتنا حتى اليدخللها ميبقى بسرعة يطلع
صار السابع واخذته لاهلها اشو تضحك ومرتاحه هناك بصحتها
اتصلت ب امي وكتلها تروح لمرية يمهم تعرف هالشغلات
وكالت تابعة قوية لان...... حلوة وماتتحمل العين واكو عمل خبيث بالغرفة
بس ماكلت لحنين اعرف بيهم مايؤمنون بهاي الشغلات
.........
حنين.......
اشو من رحت بالسابع الغرفة ماتنقفل مابيها قفل وكذالك الميز سلايت مو قفل. گلشـي مـتغير بآلغرفه
رحت ورجعت عنده بت خاله بكدي وهم بقسمي تعرفت عليها ايام خطوبتي بنفس البيت احنه بس بعد ايام ادور بذهبي اكو كلادة ماموجودة
اجة ايهاب يدور وياي بالغرفه كلها مالكاها
اتصلت باهلي اخر مرة..... لبستها بالسابع وماكو
كالت اسكتي يمه عيب لاتحجين يكولون طلعتنه حرامي وبالفعل سكتت
وطبعا مااحجيلكم عن البيت وكعداتنه من الصبح الي عدهم الظهر
وغيرة النسوان والحجي الي يشمرنا عليه
وع بنات الولاية كذا وكذآ
بدأ الدوام قبل فترة وداومت اتفاجوا كل الطلاب محد يعرف متزوجة
وباركولي الكل....
بس اجت بنية صديقتي مقربة انطتني تلفونها كالت احجي
حنين.....الووو منو
آيمـن....الله شكد مشتاق لهالصوت اوووف من قلة صبرج ليش ماتحملتي نخلص هالسنة ونتخرج
حنين....آنته آيمـن
اي هو الي شلعتي كلبه وراد يحصلج شلون مجان بس ظروفه ماتسمحله
حنين.....هههه هاي حجة صديقي ماكو شيء يوكف بوجه الحب اذا نريده صدك
آيمـن......وج والله لوتعرفين ظروفي تكرهيني اصلا ومراح تباوعين بوجهي ليوم
حنين....نهاريت هنا انا اي ظروف وليش ماكتلي بيها واني الي
اقرر اتقبلها لو لا تعبت انطيني مبرر واحد يثبت كلامك شكد انتظرتك وسمعت كلام الناس
وهنت روحي ونزلت سمعة اهلي لاني وثقت بيك وتالي ماتجي تخطب
آيمـن.... انا اجيتج وخطبت ولميت زلم اشكد بس كالولي اتزوجت
حنين....بس بعد شـنو آجيت
اوووف سكتنه ثنينه وكال
آيمـن....مبروك لزواجج ويارب يسعدج ويحبج. گد حبي آلج
هديتج عد ريم مالت زواجج ومن هسة قسما ماترديها ابد
حنين....رحت ع ريم ....وانطتني هديته مغلفة بورق لوحة تجنن
مااعرف شنو قصده من رسلها الي كال شفتها تشبهج واخذتها
رحت وعلكتها بغرفتي انعجب بيها آيهاب وسأل من منو كتله من طلاب شعبتي
وبعدها بديت اعرف آيهاب زين واقارنه بغيره يستحق افضل بنت
بس مو اني لاني مهما حبيته وانطيته احترام ابقى مغصوبة الموافقة اخذوها بسبب الوضع الجنت بيه
حنين......واشوف كل اسبوع او اكثر آمـير يرجع لمكانه القديم
بآلجآمـعه يباوعلي من يشتاك. بس بعدين صـآر مـآگو
بديت اتأقلم وي الزواج تعودت على مشاكل اهل ايهاب
بس صار عندي ابوه يحبني ابد ميسمعني كلام ويحترمني
بعد6 اشهر احلام مزعجة. بآليل
ومشاكل بالبيت وتجي نسوان اعوذ بالله منهن
بعد فتره صـرت حآمـل بس ثآني شـهر مـن آلحمـل فقد آلطـفل النبض لازم نسوي اجهاض
آگيد ما استغرب لان ما مكتوب الي سـعادة بس ارجع واكول الحمدللة
ومـا ايسـت وگلت آرجع واشوف
وبديت اراجع بعد ماوكع الحمل وسببلي التهاب قوي ورحت لدكتوة بالنجف كالت هاي الطفل مسمم الرحم
واذا نبقى كم يوم نشيل الطفل و الرحم لان مسممنا فقدت كل حيلي ليش يالله شنو سويته بحياتي
حتى افقد شعوري الوحيد هنا الحب يكون بلا مصلحة ولا يتركك او يعوفك طفلك هو الوحيد الي يحبك لانك ام او ابو
اتمنى اصير ام ليش انحرم من هالنعمة
بعد مـآ تعبت مـن دگآتره قروت آروح آزور
وزرنة امير المؤمنين بالرغم من يأسي وتعبي مافقدت امل برب
العباد ونشدت الوسيلة بأهل بيت النبي بجاه هالعباد الصالحة
ياربي تعبت اريد شيء حلو بحياتي
وصار المغرب كالو.....لازم نرجع ورانه طريق بس عاندت الا نروح
لابو فاضل عندي يقين بيه هو يدعيلي هناك بجنان الرحمن
وبالفعل رحت وكتله على كل شيء الحمدلله
وماكو اعتراض ع حكم الخالق بس هاي صعبة يتيمة ومحرومة
وغادريني وانبعت غصب هسة اريد بس امومتي
النسوان بدت تتشمت بيه ويكولون انتي مشورين بيج
لتنطيهم مجال يحجون بيه بجاه بنت النبي بجاه ضلع الزهراء
وسبي زينب وعبدالله .....عندك ابجي وكاعدة بالباب لازم باجر
عمليتي ويحتاج مبلغ لان بمستشفى اهلي
و اجت وحدة ايرانية كومتني وخلت ايدها ع بطني وتحجي بالفارسي بس حجابها نازل ع خشمها وطويل
رحت ع ماما حتى اشوفها مـره لآن مـا فهمت اي كلام من الي حجته
الام...بنتي متوهمه ماكو اي احد اجة يمج متوهمه
حنين ...آني تخبلت شـون اشوفها ومـحد شافها ضـليت آبجي وواني تبجي ويآي
وطلعنه اشوف..... ايهاب عيونه مورمة من البجي وماقبل ياكل بيومها وكال لاتخافين مااعوفج ابد
رغم لحد الان خلال شهر خسرنة مليونين وشوية بس ماكو
فايده من كل الاطباء وطلعنه الصبح لاهلنه بالطريق صار عندي الم قوي ونزف وصلنه للسماوة
لبيت خالتي للعصر بقينه وبعدها رحنه العصر للعيادة كالت واكع نص وباقي نص جنين للمغرب رجعت لاهلي واسمع السوالف الي عليه نمت واشوف ايهاب ميت قهر وعصبي..... بس اول مانمت اتصل بخاله
ويكوله ليش مرتك هيج تحجي وتكول انا مشورة بيها
والسيد ابو رواية واكفلي يأذي كل واحد يغثني وين ثقافتك
ودراستكم بعدكم عقول الجاهلية شسوت بالله واذتها لان
تسمعها تحجي علينه وين ماتكعد لو لان تسكت من تسمعها حجي وهسة صارت تشور وبعدين
اهل بيت النبي خلقوا .....رحمة للناس مو يشتغلون لواحد ويشورون بي
