رواية انتقام محب كامله جميع الفصول بقلم شحاته توفيق
في احدي الغرف تجلس ندي علي كرسيها تحادث احدي صديقاتها عبر الهاتف
ندي : ياشيماء محب ده اهبل اووووي هههههههه ده لما بقوله صاحبتي حبيبها حضنها لما كانت بتعيط اداني موعظه في الادب والاحترام وانه مش من حقه يلمسها الا لما يتجوزو مهما حصل
شيماء : يابنتي حرام عليكي ده انسان محترم ده بقا نادر دلوقتي وصعب تلاقي زيه
ندي: لااااا مش ستايلي خالص انا عاوزه حد احبه ويدلعني مش يديني مواعظ وحكم
شيماء : طب خلاص ابعدي عنه وسيبيه للي تستاهله ولا انتي مينفعش شاب يطلع من تحت ايدك
ضحكت ندي بصوت عالي : لا ده بالذات بيسليني ملكيش دعوه انتي اهو لما بحس اني مخنوقه بضحك شويه
في غرفة محب صوت اغنيه رومانسيه وقاعد محب شاب وسيم من منظره ملتزم نوعا ما بس مش اللي هو شيخ شاب عادي بس بيحاول قد مايقدر يلتزم
لابس نضاره مبينه جمال عيونه ومدياله وقار وجسمه رياضي ولا هو تخين ولا رفيع
محب ماسك التليفون في ايده ومتعصب
-ماتردي ياندي كل ده بتكلمي صحبتك
بعد شوية حط تليفونه علي ودنه
-كل ده ياندي عشان تردي
ندي بعصبيه : انا مقولتلكش ترن وتاني مره مترنش وانا بكلم صحباتي
محب: ياستي وحشني صوتك وعاوز اسمعه حقك عليا متضايقيش نفسك
ندي : حصل خير انت كمان وحشتني
محب : ندي انتي صليتي ؟؟ انا عاوز ربنا يكرمنا سوا وناخد ايد بعض للجنه عارفه ليه؟؟ انا عاوز اعيش معاكي الدنيا بطولها وعرضها ولما نموت تجمعنا الجنه.
عارفه ياندي: انا عمري ماتعلقت بحد كده عشان كده عاوز اكون معاكي طول الوقت وحتي في الجنه عاوزك معايا
ندي وواضح انها مشغوله علي شات الواتس : حاضر هبقي اجي معاك الجنه بقولك ايه اقفل ثواني لازم اكلم اختي ضروري وهكلمك تاني
محب : مستنيكي ومش هنام
قفلت ندي مع محب وردت علي تليفون تااااني
ندي : عاأادل وحشتني اوي انت فين
عادل :.انا مع اصحابي باعمل دماغ
ندي : ياسلام عليك طب خدوني معاكم
عادل :.تيجي فين ده هيعملو عليكي حفله لو جيتي
ندي ضحكت : هههههههه موافقه
عادل : لا ياوسخه اصبري اشوفك بكره ونعمل دماغ سوا ونشوف موضوع الحفله ده. بقولك ايه اقفلي ياندي هخلص حوار كده وممكن اكلمك لو عرفت
ندي : هو انت علطول مشغول كده ومش عارف تكلمني
عادل : اه انا مشغول علطول ولو مش عاجبك مترنيش عليا تاني مش ناقص نكد ولا مستني تبوظي الدماغ اللي عاملها
ندي: خلاص خلاص مقصدش انت كبرت الموضوع كده ليه خلاص لما تخلص حاول تكلمني
قفلت ندي وهي بتقول كده يعني مفيش ورايا الا الاهبل هو الوحيد اللي عاوزني اكلمه لاااا اكلمه ايه. انا هاروح لعادل الشقه انا والبنات كده كده قاعد مع اصحابه نروح نغير مود
اتصلت ببنات صحباتها وصحت البنات االي معاها في سكن الطالبات وعارفين عادل وهي بتقووول يلا يابنات هانخرج نسهر
هنسهر فين
في شقة عادل شرب ببلاش وفرفشه بدل الملل ده
اغلب البنات رفضت الا اربعه منهم وافقو واتحرك الكل للشقه
محب في اوضته ماسك التليفون في ايده مستني اتصال ندي. النوم بيغالبه لكن مستني ندي ترن عشان يتفق معاها هيشوفها بكره امتي في الجامعه ماهو مش هينفع ينام من غير صوتها
بيبص للتليفون شويه ويتخيل ندي وهي بفستان الفرح جنبه
بيتخيل وهو معاه اطفال منها وبيتخيل حتي وهما عواجيز
رنة رسالة ماسنجر جت علي تليفون محب فتح الرساله بسرعه يمكن ندي معرفتش ترن بعتتله ماسنجر
جتله رساله من اكونت غريب نص الرساله كان " محب شوف حياتك بعيد عن ندي. ندي مش بتحبك. ومش بتحب حد وانت شكلك غلبان "
رد محب " مين حضرتك وازاي تقول الكلام ده ندي بتحبني ومحبتش حد غيري "
الاكونت الغريب " متبقاش خروف اسمع الكلام ندي في شقة عادل
محب " مستحيييل ندي تكون تعرف الصايع ده ده بيشرب مخدرات وحياته ضايعه"
رقم غريب رن علي ادهم وكان المتصل واحد مش واحده
قولتلك ندي متنفعكش ومش بتحبك ورايحه لعادل دلوقتي
ولو عاوز تتاكد روح شقة عادل وشوف الحفله اللي هناك
وهبعتلك حاجه عالماسنجر شوفها وفعلا كانت صور لندي بس مش كويسه بعدها الرقم عمله بلوك ماسنجر واتصال
محب هيتجنن وبيرن كتييير علي ندي لكنها مبتردش حاسس بنار جواااه وحاسس ان ندي بتتعرض لتشويه في سمعتها مكانش قدامه حل غير انه يروح لشقة عادل يتأكد عشان ميبقاش عنده ذرة شك وبعدها يشوف الكلب اللي بيشوه صورة حبيبته ويوقفه عند حده
في شقة عادل بنات بترقص وسكرانه وشباب قاعدين بيضحكو ويتفرجو عليهم.
منهم شابين قاعدين جنب ندي
-يعني متاكده ان الاهبل ده بيحبك؟
-ده بييييض وماسك فيا وكل شويه يقولي عاوزك تبقي معايا في الجنه وقومي صلي هههههههه
صوت ضحك عاااالي وواحد بيقولها انتي تدخلي الجنه؟ ده شكله اهبل فعلا
مال معتز علي ودن عادل وقاله : هتحصل نمره دلوقتي ضحك السنين
عادل بلهفه :.نمرة ايه انت هاتعمل مقلب في مين المره دي
معتز: الواد محب الاهبل كلمته وقولتله ندي هنا وكلمته فون وكان هيتجنن مفكرها من البيت للجامع ومن الجامع للبيت
عادل : يابني هانسبب مشكله وهاتحرجه قدام الناس كلها وهيبقي منظر ندي قدامه مش حلو
معتز : ياعم هو مش فارق مع ندي اساسا دي بتكلمه عشان تضحك علي هبله والواد ملوش ف حاجه ومش بتاع مشاكل يعني هاييجي نضحك عليه شوية ونمشي
داليا جنبهم سامعه الكلام كله بصتلهم وقالت : دماغكم متكلفه فعلا محتاجين شوية الضحك دول
ناااازل محب جري علي السلم وصاحبه في السكن بيقوله رايح فين متاخر كده
محب : كمل جري وبص لورا رايح مشوار وجاي متقلقش
وصل محب قدام بيت عادل قلبه بيتنفض
-هو لو طلعت ندي جوا ممكن اقدر اصلا ابعد عنها ؟
ده انا ممكن اموووت انا مقدرش اعيش من غيرها
بس لو طلعت جوا يبقي فعلا عمرها ماحبتني وكمان يبقي مش كويسه زي منا ما اتخيلت
لا لا مستحيل تكون جوا.
انا هتأكد وامشي.
طلع محب لشقة عادل ورن الجرس
عادل :هشششششششش العريس وصل كله يتداري.
وميل علي معتز بصوت واطي وانت يامعتز اعمل نفسك عاوز ندي ضروري وخدها اوضة النوم بس خلي بالك ندي عارفه اننا بنعمل مقلب في واحد متعرفوش.
اوعي تقولها اننا بنعمل مقلب في محب
كله استخبي ولبس عادل الروب وطفي صوت الموسيقي ومشي ناحية الباب وهو بيبص لورا بيتأكد ان الكل مستخبي ويبص ناحيتهم ويضحك ويقووول " العريس وصل"
فتح عادل الباب وكان واضح القلق الشديد علي وش محب
شاورله عادل بالدخول و......
