رواية عشق دون بصر الفصل الاول بقلم ارواح تائهه
:انتي هتتجوزيه يعني هتتجوزيه.
: بس يا بابا حرام عليك هو ايه ذنبه.
: ملكيش دخل انتي احنا متفقين.
: يعني هو موافق علي الجوازة دي.
: حتي لو مش موافق برضه هتتجوزوا.
: تمام وان شاء الله امتي الفرح.
: مش هنعمل فرح كتب كتاب بس.
: اه خلاص يوم كتب الكتاب ابقا قلي اجهز.
مشيت بس وانا رايحه الاوضه اتصدمت في حيطتها.
…اه ما أنا عمية.
: يا بنتي بتعملي ليه في نفسك كده، مش قولتلك متمشيش لوحدك.
: انتوا اللي ليه بتعملوا فيه كده وبتعملوا ليه فيه كده.
: يا بنتي ما احنا مش هنفضلك طول حياتك.
: قوم تجوزوني لواحد مش بيطيقني ولا أنا بطيقه ولا بطيق صنفهم اصلاً.
: يا بنتي ده برضه ولد عمك ومش هيعملك، ومش كل الرجاله زيه وانا حذرتك منه كتير وانتي اللي اصريتي انه بيحبك.
: خلاص يا ماما أنا راضيه بنصيبي.
دخلت وعيوني دمعت وبكيت كتير وأنا بفتكر اللي حصل معايا.
دقيقة بس اتعرفوا عليا.
أنا عشق شابة لسة في سن العشرين مش هقول جميله أنا هوصف نفسي وانتوا تخيلوني …
أنا عندي شعر طويل لونه اسود غامق، وعيوني زرقة لون البحر ،رموشي طويلة وغزيرة، وطولي حلو ومتناسق مع وزني، ايه تخيلتوني.
واللي رايحه اتجوزه ده ابن عمي كنا قراب من بعض خالص واحنا صغيرين بس من بعد اللي حصل هو مش بيطيقني وأنا مبقتش اطيقه برضه.
اكيد نفسكوا تعرفوا ايه اللي حصل.
رعد ده ابن عمي امه كانت زي امي كانت بتحبني اكتر ما بتحبه وأنا كنت …كلمة بعشقها قليلة عليها.
هي كان نفسها في بنت بس جابت رعد وللأسف عمي مات بعد ما هي ولدت رعد بشهر «الله يرحمه»بس هي فضلت عايشه معانا، كنا دايما مع بعض بنلعب أنا ورعد واختي.
رعد أكبر مني بخمس سنين،و كان عندي سبع سنين آخر مرة اشوفه.
هو سابني ليه …علشان أمي سابتني لما كملت خمس سنين خدت اختي التوأم ومشت.
بعدها بسنتين جدي قال بابا انه يتجوز مرات عمي بس رعد مكنش موافق خالص، بس طبعا بما انه كان لسه طفل مين هيسمع
بابا ومرات عمي اتجوزوا لأنه جدي اصر علشان أنا مترباش من غير أم ولا رعد يتربي من غير اب، وأنا ورعد بقينا نتخانق كتير علي عكس ما كنا زمان وفي مره هو ضربني فيا فماما اللي هي امه وقفت معايا وعاقبته ومن وقتها واحنا مش بنطيق بعض.
بعدها بوقت رعد راح يعيش عند جده اللي هو ابو امه بس كان عايش في صعيد مصر، بسبب انه محدش بيهتم بيه، ماما حاولت معاه كتير انه يفضل بس هو اصر وراح عاش معاهم برغم انه جدي منعه، كان بيجي يزورهم بس دايما مكنتش بشوفه، كنت ببقا في المدرسة أو عند صحابي.
من وقتها وأنا مش بشوفه بس بسمع انه بقي دكتور جراح مهم زى ما كان نفسه
…………………………
من بعد بكي كتير تعب ورحت نمت.
صحيت علي صوت ماما: قومي يا حبيبتي يلا علشان هنروح نجيب أي فستان علشان كتب الكتاب.
عشق: ضروري يعني ما ألبس أي حاجة في الدولاب.
الأم«حنان»: لأ يا حبيبتي ده برضه كتب كتابك ده يومك.
عشق باستهزاء: يومي بس يلا نطلع نشم هوا.
عشق قامت بمساعدة امها وأمها لبستها وراحت لبست وطلعوا.
عشق: ماما احنا لسة في البيت علي كده.
حنان: اه يا حبيبتي استني عمك حسن هيجيب العربيه.
عم حسن: يلا يا ست الكل طلعت العربيه اهو.
ركبنا العربيه ورحنا محل ملابس.
: اهلا وسهلا يا مدام.
حنان: ممكن أي فستان أو دريس حلو للآنسة دي.
: اه طبعاً فيه فساتين تحفة هنا اتفضلي.
دخلنا وأول ما دخلني.
: اتفضلي يا آنسة نقي اهو كل الفساتين اللي عندنا.
عشق وتكاد تبكي:بس أنا مش بشوف.
: اه آسفه مكنش قصدي.
عشق: ولا يهمك ما انتي متعرفيش اصلا، بس ماما هي اللي هتختارلي اصلاً ماما هي عيوني من لما معدتش اشوف بيهم هي اللي بتعملي كل حاجه.
: ربنا يخلهالك.
عشق: يا رب، وتوجه كلامها لامها.. يلا يا ماما اختاري اي حاجه وبسرعة.
ماما اختارتلي فستان الله واعلم شكله ايه بس هي بتقول انه حلو وانه هيبقي خرافة علي.
عشق: ماما هو الفستان لونه ايه.
حنان: لون عيونك يا روحي ازرق زي البحر.
عشق: امم طب والشوز لونها ايه.
حنان: لونها أسود يا نور عيني.
عشق: ماما هو انتي مبتزهقيش من كتر أسألتي عن الألوان أو ان كنا فين.
حنان: لأ طبعا يا حبيبتي انتي كل ما لي في الدنيا من بعد رعد، ولولاكي مكنتش هتجوز ابوكي.
عشق: انت أحسن أم اشوفها في حياتي.
حنان: طب يلا علشان نلحق نجهز.
عشق: ليه فيه ايه.
حنان: كتب كتابك النهارده.
عشق: نعممممم.
حنان: ايه يا حبيبتي ما انت عارفة انك هتتجوزي.
عشق: اه بس مش النهاردة.
حنان: بس ما انت عارفه ابوكي هما اتفقوا علي النهارده لأنه رعد هيسافر الصعيد بكرة.
نروح عند رعد بقا…….
الممرضة: حضرت الدكتور مريض الغرفة رقم 7 تعب خالص.
رعد: الضابط المصاب برصاصة قرب القلب.
الممرضه: اه هو.
رعد راح الغرفه 7 وشاف المريض وحلته الصحية كانت متدهوره خالص كان ممكن يموت.
رعد: جهزوا غرفه العمليات.
الممرضة: بس يا…
رعد: مبسش المريض هيضيع مننا.
الممرضة: تمام.
جهزوا غرفة العمليات والعمليه تمت بنجاح الحمد لله.
الطبيب: دكتور رعد مبروك علي نجاح العمليه.
رعد: هه مبروك ليه كنتوا فاكرين اني هفشل مثلاً يا دكتور خالد.
خالد في نفسه: يخربيت أبو غرورك إن ما وريتك.
وبعدين قال بصوت مليان حقد وعالي نسبيا: لا لسمح الله دا انتي دكتور رعد اللي محدش مات علي ايدك اللي ومفيش عملية دخلتها إلا ونجحت.
رعد: كويس انك عارف، سلام بقا علشان الشغل كتير.
ـــــــــــــــــــــــــــــــــ
ده عاد بقا رعد آخر غرور هو صاحب مستشفى الدمنهوري هنا وعنده مستشفي في الصعيد، ده غير انه ساعات بيطلبوه من بلاد برا.
هو دلوقتي بما انه البطلة عمياء اوصفه أنا…
رعد شاب وسيم جدا عيونه رمادي وجسمه رياضي وطوله طول نخله، يعني هو طويل يمكن185سم، وشعره احلا حاجه فيه لونه أسود وبيعمله بطريقة غريبة بس بتخليه قمر.«والله عنده حق يغتر بنفسه».
حل المساء على بطلتنا وهي مش عارفة تعمل ايه تهرب طب مهي مش بتشوف علشان تعرف تروح مكان، فضلت تبكي علي حالها كتير لحد الساعة 3 العصر.
حنان دخلت اوضتها.
عشق: ماما انتي اللي دخلتي.
حنان: اه أنا يا روحي، يلي قومي علشان اجهزك.
عشق تضحك باستهزاء: محسساني جواز عن حب هتجهزيني مهو كفاية رحت معاكي جبنا فستان.
حنان: يا حبيبتي ده مهما كان جوازك ورعد هيبقي جوزك لازم حتي تبتسمي بس أنا مش طالبه منك المستحيل صح هو كتب كتاب بس فيه صحاب ابوكي وصحاب رعد متكشريش في وشهم وبعدين يا ستي ربنا بيقولي «فضحكت فبشرناها» استهدي بالله وقومي يلي علشان تلبسي.شراء الكتب الأكثر مبيعًا على الإنترنت
عشق: ونعم بالله، يلي توكلت علي الله ولا حول ولا قوة إلا بالله، هو قدري ومكتبلي اعيشه.
حنان: ايه يلي ولا لسه برضه.
عشق: يلا يا ماما.
ماما قعدت أربع ساعات تلبسني وتمكيجني بس مش مكياج كتير زي ما أي عروسة بتحط ما أنا أصلا بشرتي بيضه وصافيه«مش غرور ده اياكو تشوكو فيا عيب».
وبعد ما خلصت معايا وهي لبست بابا جه نادمنا علشان المأذون كان هيمشي.
بابا عشق: ايه خلصتوا.
حنان: اه يا محمد خلصنا.
محمد: طيب يلا هاتيها وتعالو.
حنان: يلا مالك متوترة كده ليه ولا كأنك داخلة حرب.
عشق: والله يا ماما أنا حاسة كده حاسة اني محارب ورايح يحارب مش عروسه يوم كتب كتابها.شراء الكتب الأكثر مبيعًا على الإنترنت
حنان: يلي يا عشق توكلي علي الله إنت مش في ايدك حاجه تعمليها ولا أنا فيه في ايدي حاجة اعملهالك.
نزلنا وتكتب الكتاب، وتقال الجملة الشهيرة التي حطمت كياني.شراء الكتب الأكثر مبيعًا على الإنترنت
بارك الله لكما وبارك عليكما وجمع بينكما في الخير.
عيوني دمعت بس مسكت نفسي ومبكتش وبعدها بشوي اصحاب رعد جو يباركوله وصحاب بابا برضو باركولنا. وبعدها بساعتين من مباركات ورقص رعد واصحابه.
الأب: يلي يا عشق.
عشق: ماما سلام هتوحشيني خالص ابقا اتصلي عليا كل يوم.
حنان: وانت هتوحشيني اكتر يا حبيبتي، وانت يا رعد خلي بالك منها دي أمانه في رقبتك.
رعد: تمام بس ممكن يلي علشان احنا بكرة هنسافر.
بابا مسكني وحط ايدي في ايد رعد.
محمد: دي الامانة الوحيدة اللي هسلمهالك بس دي بحياتي كلها أنا مش ضامن حياتي بس واثق فيك انك هتحميها وهتحافظ عليها ليلا كده مكنتش جوزتهالك.
ركبنا العربية ورحنا ڤيلته.
عشق: احممم وصلنا.
