 |
رواية أسيرة الشيطان (حلقة خاصه)
وقفت تعد الإفطار بتجهم وبرود علي عكس عاداتها فهي دائما ما تكون متحمسة وهي تعد له الإفطار حتي تسمع اطرائه الرائع الذي يداعب خلجات قلبها بحنان ، بدأت بنقل الأطباق الي طاولة الطعام الكبيرة
اخذت الطبق الأخير لتضعه فوجدته ينزل بهدوء علي سلم البيت يرتدي بدلة سوداء بقميص أسود ، لحيته التي نمت اكثر زادته هيبة جعلته له منظر رائع يخطف الأنفاس
حملقت فيه بعض الوقت بوله ولكنه سرعان ما هزت رأسها نفيا وعادت ملامحها للتجهم مرة اخري وتركته وذهبت ناحية طاولة الطعام ووضعت الطبق عليها ، فسمعت تلك الضحكات الصاخبة تقترب من الغرفة
فابتسمت تلقائيا لتجد جاسر يدخل الغرفة يحمل الصغير رعد علي احد ذراعيه والصغيرة چوري علي الذراع الآخر ويداعبهما بوجهه
جاسر مبتسما: صباح الخير يا رؤتي
رؤي بابتسامة صفراء لم تصل لعينيها : صباح النور ، رعد جوري يلا علي السفرة عشان تفطروا
أنزل الصغيرين برفق ، فاسرعا بتسابقان من منها سيجلس بجانب والدهم جلس جاسر علي رأس الطاولة ورؤي عن يساره فسبق رعد جوري وجلس علي يمين والده
اخرج رعد لسانه ليغيظ اخته : هيه قعدت جنب بابي وانتي لاء
انكمشت ملامح الصغيرة بضيق ، فنظر لها جاسر بحنان فكم كانت تشبه والدتها عندما تفعل ذلك
رؤي : رعد أنت قعدت امبارح جنب بابا النهاردة دور جوري
رعد بعند : لاء ماليش دعوة أنا الي سبقتها
جاسر ضاحكا : بقي كدة يا لمض ماشي
حمل جاسر الصغيرة ووضعها علي قدميه
فصفقت الصغيرة بسعادة وأخرجت لاخيها لسانها لتغيظه: قعدت علي رجل بابي
جاسر : احم ، احم
رعد ، جوري ، رؤي في صوت واحد: بسم الله الرحمن الرحيم
جاسر: بسم الله الرحمن الرحيم
شرعوا في الأكل بينما يختلس جاسر النظرات لرؤي ليراها تأكل بشرود
يعرف أنها غاضبة منه لأنها تظن أنه نسي ذكري زواجهم الخامسة، وكيف يفعل ذلك وهو طوال الخمس سنوات الماضية لم يفعلها ولا مرة ولكنه يحضر لهذة السنه مفاجاءة كبيرة
فاق من شروده علي يد الصغيرة تمتد ناحية فمه بلقمة صغيرة تريد اطعامه
فابتسم لها ابتسامة واسعة وتناولها من يدها
جوري بسعادة: حلوة يا بابي
جاسر مبتسما : طبعا يا روح بابي عارفة حلو ليه
جوري ببراءة : ليه يا بابي
جاسر مبتسما وهو يقبل وجنتها الممتلئة : عشان من ايد جوري العسل
رؤي بغيظ : يا سلام علي اساس أن جوري هي الي طبخاها
لاعب جاسر حاجبيه بمشاكسه : ايه دا يا رورو معقولة بتغيري من جوري
ضيقت رؤي عينيها ترمقه بغيظ ، فقابلها بنظرات مشاكسة عابثة
رعد : أنا شبعت
جوري : وأنا كمان
جاسر: احنا قولنا ايه
رعد وجوري معا : الحمد لله
امسك رعد يد اخته وركضا الي غرفتهما ليلعبان
جاسر : آه أنا عازم العيلة عندنا النهاردة علي العشا
رؤي بذعر : وأنت ازاي ما تقوليش أنا كدة مش هلحق أعمل العشا ولا اعمل الحلو ولا أنضف البيت ولا....
جاسر مقاطعا: اهدي يا ماما اهدي اومال الشغالين لزمتهم ايه أنا قايلهم من امبارح و كل حاجة هتبقي تمام إن شاء الله
رؤي بضيق: وما قولتليش ليه
رفع كتفيه بلا مبلاة : نسيت
رؤي غاضبة: اظاهر انك بقيت بتنسي كتير اليومين دول
التوي جانب فمه بابتسامة صغيرة: ما افتكرش
جاسر ورؤي
نظرا الي مصدر الصوت فوجدا نرمين وسما والصغيرين (جاسر ورؤي )
فقام جاسر ناحيتها وعلي شفتيه ابتسامة واسعة : حبيبة قلب اخوكي اتأخرتي
عانقته نرمين بحنان : معلش والله علي ما صحيت سمسم وجاسر ورؤي ولبستهم وجيت
جاسر : ماشي يا ستي سماح
ثم صاح بصوت عالي : تيييينا
جاءت تلك المربية التي تساعد رؤي في رعاية الاطفال
تينا : yes sir
جاسر : Take the kids to the room and take care of them
تينا :As you say sir
اخذت الخادمة الاطفال الي غرفة رعد وجوري
نرمين بضيق وهي تعقد ذراعيها امام صدرها: وانتي يا ست رؤي مش هتيجي تسلمي عليا
هو أنا كنت بايتة في حضنك
اسرعت رؤي تعانق نرمين بود : وحشتني اوي يا نيرو
نرمين بضيق مصطنع: ايوة يا اختي كلي بعقلي حلاوة ، واضح أن أنا وحشتك خالص
رؤي مبتسمة: طب والله وحشتيني خالص خالص ، انتي عارفة أنا بحبك قد ايه
نرمين بحنان : وانتي كمان يا حبيبتي ، ربنا يعلم أنا بحبك زي ما تكوني بنتي
جاسر بمرح : حبوني معاكوا طيب
نظرت رؤي له بضيق ثم اشاحت بوجهها بعيدا
نرمين : واد يا جاسر أنت مزعل رؤتي ليه
جاسر ببراءة وهو يشير ناحية صدره: أنا والله ما عملت حاجة حتي اسأليها
نرمين : طب ايه رأيك بقي أنا هاخدها واخرج وخليك قاعد هنا مع العيال
جاسر صائحا بضيق: اييييييييه هو مين دا الي يقعد مع العيال
نرمين بتوعد: أنت عندك اعتراض
ابتسم جاسر ابتسامة صفراء : لاء طبعا ، منكوا لله ربنا علي الظالم والمفتري كشفت شعر صدري ودعيت عليكوا
رؤي : هنروح فين
نرمين بابتسامة خبيثة : مفاجأة
اخذت نرمين رؤي وغادروا الفيلا وتركا جاسر مع الاطفال بعدما اعطاياها الوصايا العشر
نرمين: جاسر خلي بالك من العيال
جاسر بملل : حاضر
نرمين: ما تقعدش تتفرج علي التلفزيون وتنساهم
جاسر بملل: حاضر
نرمين: خد بالك جاسر الصغير بيعمل كوارث
جاسر بملل: حاضر
رؤي : ابقي خلي تينا تجبلهم عصير وسندوتشات وبلاش بيض عشان ما يجيلهمش برد
جاسر بضيق: ما خلاص بقي ، فاضلكوا شوية وهتقولوا ما تنساش ترضعهم
نرمين بتحذير : عارف يا جاسر لو العيال جرالهم حاجة
تركهم جاسر يتكلمون مع أنفسهم وذهب ناحية التلفاز وشغله ثم اتجه ناحية الاريكة الوثيرة وجلس عليها باريحيه يقلب بين قنوات التلفاز
فاخذت نرمين رؤي وخرجا يستقلان سيارة جاسر مع السائق
نرمين: مالك بقي يا ستي
رؤي : ما فيش يا نرمين
نرمين: عليا أنا بردوا ، قوليلي الواد جاسر عملك ايه
رؤي بحزن: جاسر نسي عيد جوازنا أول مرة يعملها ولا مرة نسي عملها ونسي
نرمين: معلش يا حبيبتي يمكن مشغول في الشغل والمستشفي ربنا يعينه
رؤي : آمين يا رب
نرمين: خلاص بقي فكي ما تزعليش
ابتسمت رؤي ابتسامة صغيرة من تحت نقابها : صحيح احنا رايحين فين
نرمين: هنروح المول بقالنا كتييييير ما عملناش شوبينج
رؤي : بس أنا مش هقيس في المحل جاسر مش بيرضي
نرمين: وهو جاسر هيعرف منين يا فالحة طالما مش معانا
رؤي : حتي لو مش معانا يا نرمين أنا ما اقدرش أعمل حاجة من وراه وخصوصا حاجة هو رافضها
نرمين بشك : انتي لسه بتخافي منه
رؤي بنفي: لاء خالص جاسر أحن وأطيب إنسان في الدنيا أنا بحترمه وبقدره عشان كدة مستحيل أعمل حاجة من وراه
نرمين مبتسمة بإعجاب: كل يوم بتكبري في نزري أكتر يا رؤي
ابتسمت لها ثم استندت رأسها علي شرفة السيارة شاردة في ذكريات قديمة سعيدة
Flash back
كانت نائمة على الفراش عندما شعرت بحركة مستفزة علي وجهها فتحت عينيها بضيق لتجده جالسا بجانبها يداعب وجهها بخصلة من شعرها وعلي شفتيه ابتسامة دافئة
جاسر مبتسما:، صباح الفل يا بلونة
رؤي بضيق: يا رخم مش البلونة دي فيها عيالك
جاسر ضاحكا : ماشي يا ستي
وجدته بلتقط قماشة بيضاء وبدأ يلفها حول عينيها
رؤي : أنت بتعمل ايه
جاسر: مفاجأة يا بلونتي
رؤي بضيق: بطل تقولي الإسم دا
امسك يدها وخرج بها من باب غرفتهم وتحرك بها بعض خطوات ثم وقف
جاسر: ما تشليش القماشة من علي عينيك غير لما اقولك
رؤي مبتسمة: حاضر
شعرت به يتحرك من جوارها وبدأت صوت خطواته تبتعد وبعدها سمعته يصيح : تعالي يا رؤي
ازاحت قطعة القماش من علي عينيها وبدأ تفتح عينيها ببطئ ، لتتسع عينيها بدهشة مما رأت
وكانت تقف في الممر الطويل الذي يحوي غرف النوم ، حوائط الممر علي الجانبين مليئة بالكثير من صورها
ينطبق علي أرضية الممر المثل الشعبي ( فراشلها الأرض ورد )
كان الممر مفروش بالورود والرمال الملونة التي تتجه ناحية غرفة مفتوحة
ترقرقت الدموع في عينيها من الفرحة كانت تسير لا اراديا في الممر متجه ناحية الغرفه تنظر حولها بسعادة تصرخ من ملامح وجهها الي أن وصلت الي تلك الغرفة فوجدتها ملئية بلعب الأطفال والرسومات الكرتونية تزين حوائطها
وفي منتصف الغرفة مهديين صغيرين تلتف الورود حولهما والأهم من ذلك كله وجدته يقف ينظر لها بحنان
رؤي باكية: هو أنا قولتلك اني بحبك أوي
جاسر مبتسما: طب هو أنا قولتلك اني بعشقك
هزت رأسها إيجابا عدة مرات سريعا وهي تبتسم بسعادة
رؤي بسعادة: ربنا يخليك ليا يا رب دي احلي مفاجأة اتعملتلي في حياتي
اخرج جاسر قلادة ذهبية من جيبه والبسها اياها
نظرت رؤي الي قلب القلادة التي نقش عليه اسمه
رؤي بمكر: دا عشان الناس كلها تعرفي اني ملكك
جاسر بحنان: تؤ عشان الناس كلها تعرف أن قلبي ملكك
رؤي باكية: بحبك أوي
Back
فاقت من شرودها علي توقف السيارة امام المول التجاري
نرمين بحماس: يلا بينا دا احنا هنخربها
رؤي بضحكة صغيرة: يلا
وبدأت رحلة طويلة من اللف والاختيار وعدم الاقتناع ثم الاختيار مرة اخري وعدم الاقتناع
نرمين: بجد حلو
تنهدت رؤي بتعب : والله العظيم حلو دا تاسع واحد تقيسيه وما تقتنعيش بيه
اختارت نرمين لرؤي فستان من اللون الوردي الفاتح ونقاب أبيض
نرمين: ايه رأيك
رؤي مبتسمة: حلوين اوي
دفعا الحساب ثم ذهبا الي ( بيوتي ستنر ) للسيدات فقط
رؤي : لاء يعني لاء لا هحط ميكب ولا هعمل شعري ولا هخلع النقاب حتي يا نرمين ريحي نفسك
نرمين بضيق: طب والله لاتصل بجاسر اقوله
اتصلت نرمين بجاسر ثم اعطت الهاتف لرؤي
جاسر : رؤي أنا ورايا شغل ومش فاضي اسمعي كلام نرمين
رؤي : بس يا جاسر
جاسر مقاطعا بضيق: يوووه يا رؤي مش لازم تعاندي في كل حاجة قولتلك اسمعي كلام سلام بقي عشان ورايا شغل
اغلق الخط فنظرت رؤي لنرمين
رؤي : بردوا مش هحط ميكب
نرمين: ماشي ما تحطيش روحي بقي غيري والبسي الفستان دا والنقاب دا يا ستي حلو كدة
رؤي: بس يا نرمين......
نرمين مقاطعة بضيق: بقولك ايه جاسر قالك اسمعي كلام نرمين يلا اتفضلي
اخذت رؤي الملابس باستسلام واتجهت ناحية تلك غرفة القياس الصغيرة
وبدأت في تبديل ملابسها سريعا وهي تنظر حولها بحذر
الي أن انتهت فخرجت من غرفة القياس
نرمين بابتسامة واسعة: مزة المزز مع إن مش باين منك حاجة
رؤي ضاحكة: ماشي يا ستي ، يلا بقي نروح
نرمين: لاء نروح فين أنا لسه ما خلصتش شرا
خرجت رؤي ونرمين الي احد المحلات وقبل أن يدخلاه جاءت رسالة لهاتف نرمين
نرمين: بقولك ايه يا رؤي كفاية كدة أنا تعبت يلا نروح
رؤي: زي ما تحبي يلا
عادتا الي السيارة التي انطلقت عائدة الي الفيلا
رؤي: يا تري الولاد عاملين ايه
نرمين مبتسمة: ما تقلقيش سمسم كبيرة وهتاخد بالها منهم
رؤي بحذر : أنا هسألك سؤال بس مش قصدي منه حاجة والله
نرمين: قولي يا حبيبتي
رؤي بحذر: هو يعني انتي يعني بتفرقي في المعاملة بينها وبين جاسر ورؤي
نرمين: دا علي اساس أن أنا بقي مرات باباها وهي مش بنتي والهبل دا ، انتي عارفة قسما بالله سمسم معزتها في قلبي زي جاسر ورؤي ويمكن أكتر
رؤي مبتسمة: ربنا يخليها ليكي ويخليكي ليها
وصلت السيارة الي الفيلا فنزلا منها
رؤي باستفهام: ايه دا باب الفيلا مفتوح ليه
خطت خطوتين داخل الفيلا لتجد المكان يغرق في بحر من الظلام
رؤي: هي الدنيا ضلمة ليه كدة ، جاسر يا جاسر رعد جوري يا ولاد انتوا فين
انفتحت الأنوار فجاءة لتسمع أصوات كثيرة تصيح بسعادة : مفاااااااااااجأة
كانت الفيلا رائعة الجمال بتلك الزينة التي ملئت أرجائها
رؤي بصدمة : ازاي وامتي ومين الي عمل كدة
نرمين ضاحكة: هيكون مين يعني يا ذكية ،جاسر طلب مني اني اجيلك واقولك نخرج واشغلك برة لحد ما يكون خلص المفاجأة الحلوة دي
رؤي وهي تنظر حولها : اومال جاسر فين
سمعت يهتف من خلفها : في قلبك
التفت له تطالعه بحب وسعادة وحنان
بينما جذب هو يدها برفق خلفه
الي أن وصلا الي غرفة مكتبه
جاسر مبتسما: تسمحيلي بالرقصة دي
رؤي: بس أنا ما بعرفش أرقص
جاسر بضيق مصطنع: فصيلة ، يعني أنا عملك جو رومانسي وشموع وفي الآخر ما بعرفش ارقص
رؤي بضحكة مرحة: طب اعمل يعني أنت ما بعرفش ارقص
جذبها ناحيته برفق وبدأ يرقص معها
جاسر: شوفتي اديكي بتعرفي أهو
رؤي مبتسمة: بحبك
جاسر بغرور : طب ما أنا عارف
رؤي بغيظ: يا رخم ، علي فكرة أنا زعلانة منك عشان زعقتلي في التليفون وخلتني اقيس في المحل
جاسر : ما تقلقيش أنا كنت مأمن المكان كويس
رؤي: انت احلي حاجة حصلتلي في حياتي كلها
جاسر: اومال أنا اقول ايه لولاكي يا رؤي كان زماني لسه غرقان في بحر مالوش قرار ، انتي عارفة أنا عمري ما هسامح نفسي علي الي كنت بعمله فيكي
رؤي: بس أنا بقي مسمحاك من كل قلبي ومش فاكرة اي حاجة من الي أنت عملتها ، عارف ليه
هز رأسه نفيا فاكملت : عشان انا شوفت معاك سعادة عمري في حياتي ما كنت اتخيل اني اعيشها ولا حتي في أحلامي ، بحبك أوي
جاسر بحنان: مش قدي ، بس ايه رأيك في المفاجأة
رؤي بثقة: هي حلوة أوي بس مفاجأتي أنا احلي
جاسر: دا ايه الثقة دي وايه هي يا ستي مفاجئتك
شبت قليلا لتهمس له بصوت منخفض: أنا حامل
اتسعت عينيه بدهشة وصدمة وسعادة
جاسر بسعادة: حححامل ، بجد حامل
هزت رأسها إيجابا بابتسامة واسعة فحملها وظل يدور بها وهو يصرخ بسعادة: دي احلي مفاجأة بحبك بحبك اوي
رؤي: بجد فرحان
جاسر بسعادة: فرحان بس دا أنا طاير من الفرحة ، وهاخدك وهنطير
رؤي باستفهام: علي فين
اخرج من جيبه تذاكر طيران واردف وهو يعطيهم لها : علي احلي مكان علي وجه الارض
مكه ، هنعمل عمرة
احتضنته بسعادة: بحبك أوي أوي أوي
جاسر بحنان: وأنا بعشقك يا اسيرة قلبي
