رواية عندما يعشق الأسد الفصل التاسع
منه دخلت لقتها مغمى عليها عيونها دمعت عليها و بدأت تصحيها
همس صحت وجسمها كله بوجعها
همس بدموع وألم : انا انا عايزة معتز معتز وين
منه بحزن:معتز فات مهمة جديدة جاهو اتصال الصباح بدري وبعدها طلع بس انا شوفته وقال لي اني اقول ليكي انه ح يغيب شهر عشان مهمته صعبة
همس عيونها دمعت بحرقة وألم من جسمها
منه بابتسامه حزن:قومي خليني اساعدك
همس قامت من غير ااي اعتراض دخلت الحمام المويه كان بنزل في جسمها ذي المية المغليه
منه جابت ليها بجامة مريحة من عندها ومرهم مرطب وبدأت تخط لهمس في يدها وهمس كانت في عالم تاني في خيالها شكل أسد وهو بضربها
منه بمقاطعة : احممم هي اخوكي مرتبط يا همس
همس فاقت على كلام منه
همس بمرح رغم الحواها: ااه شكله القلب وقع ومافي زول سمي عليه ولا شنو
منه بخجل: احممم لا م قصدي بس بس
همس بضحك : هتقعدي تبسبسي ذي القطة لا معتز ما بحب البسبسة هههههه
منه خدودها حمروا شديد
همس بمرح:بس انت عارفة انتوا هتبقوا ثنائي رهيب اخوي الكيوت وانتي العسل البتبسبسي الله وتجيبوا قطط وكلاب هههههههه
منه ضحكت على شكل همس وهي بتقول قطط و كلاب
همس بضحك :هههههه هأبقي خالت قطط وكلاب هههههه ثانيه خالة ولا عمة
منه بضحك : انتي كيوت خالص وروحك حلوة بجد انا حبيتك شديد
همس بمرح : شوفي انا ما ح اكذب انا اول ما شفتك كنت عايزة اجيب شعرك دة والفه في يدي و امسح بيكي السلالم كلهم وبعدها اقول ليكي نبقى أصحاب بس بعد ما اديكي علقة
منه كانت بتضحك في همس وعلى طريقتها الحلوة
منه بضحك :ع شنو
همس : هههههه انتي ما ح تعرفي شوفتي الاخوكي عمله والضرب الضربني دة اسمه علقه بس وحياة امي بديه بدل العلقة اتنين وانتي معاي
منه بخوف: لا اساعد منو أسد بقتلني
همس 🙄🙄:هنشوف بس عيونها دمعوا لما اتزكرت اللي أسد عمله وعلى اهانته ليها قدام الكل والضرب الضرب الضربها وحتى ما كلف نفسه يسأل عليها
منه حست بيها حضنتها من دون مقدمات وهمس حضنتها شديد واتفجرت من البكاء
البشوف همس من برا الشخصية القوية دي البدافع عن نفسها الدائما راسمه الابتسامة على وشها و تتضحك الكل ما يشوفها لما تبكي وتطلع الجواها
بعد مدة همس نامت في حضن منه منه حطتها على السرير براحة وطلعت
جاسم : بقت كيف
منه بهدوء :الحمدلله كويسة بس كلم أسد وفهمه أن البعمله دة غلط
جاسم :كويس انتي ماشة وين في الوقت دة
منه :ماشة المستشفى
عند أسد
أسد دخل الشركة وكان ذي البركان على وشك الانفجار من غضبه بقى ااي زول يشوفه يجوط فيه بسبب و بدون سبب
أسد بغضب :وين الملف الاخضر دة شنو الاستهتار دا محمد محمد
محمد بخوف :تمام يا استاذ
أسد بغضب :وين زفت الملف الاخضر
محمد بخوف : ح حضرتك هو ق ق قدامك
أسد عاين قدامه شافه
أسد بغضب :امشي من وشي يلاااااااا
محمد جرى من قدام أسد
أسد قعد يقرأ في الملف بس صورة همس وهي مغمى عليها م داير تفارك مخيلته شكله وهو بضربها وماسكها من شعرها شديد شكل جسمها الكان احمر من كتر الضرب
أسد بغضب :محمممممممد
محمد بخوف :أمرك يا استاذ أسد
أسد بغضب :القهوة الطلبتها وين
محمد بخوف :ح حضرتك ما طلبت ح حاجة
أسد بغضب :هو عشان ما طلبت خالص ما تجيب حاجة دة شنو الاستهتار دا غور اعمل لي واحد قهوة
محمد طلع جرى من قدام أسد
أسد اخد نفس عميق وبدأ يقرا الملف وفجأه همسات من الريح خبطت في وشه
أسد غمض عيونه بس شاف همس قدامه ودموعها فتح عيونه بغضب
أسد بغضب :محممممممد
محمد بدموع :انا كان مالي بأم الشغلة دي ودخل لاسد
أسد بغضب :اقفل الزفت دة والشاي الطلبته وين
محمد في سره:طيب دا احط ليه سم ولا اديهو ضربة في رأسه ولا اعمل شنو
محمد :حضرتك طلبت قهوة
أسد بغضب :وانا من بتين بشرب قهوة
محمد وهو على وشك البكاء :والله طلبت قهوة أسد اخد نفس عميق واتكلم
أسد بغضب :غور من وشي في الوقت دة وجيب الطلبته
محمد: اللي هو معليش بس
أسد بغيظ : زفت مويه
محمد بغيظ من أسد :تصدق والله العظيم انا استاهل ضرب الجزم حاضر وهو طالع خبط في زول
محمد :اسف استاذ فؤاد
فؤاد صديق أسد المقرب
فؤاد :ولا يهمك حصل خير
محمد طلع و فؤاد دخل لاسد
فؤاد :أسد في شنو الكل خايف منك وبيقولوا انك متعصب و مخنوق
أسد :مافي شيء يا فؤاد
فؤاد :لا في احكي لي المزهجك
أسد اتنهد وحكي لي فؤاد كل الحصل
فؤاد بصدمة : اتزوجت وعملت كل دة انت شنو يا ابني حيوان
أسد :فؤاد
فؤاد :فؤاد شنو وزفت دة شنو الانت عملته دا انت حتى ما سألت عليها أسد انت واعي على العملته البت كان ممكن تكون ماتت
أسد حس بنغزة كبيرة من فكرت انها تكون ماتت
أسد بندم :وانا ما عارف انا كيف عملت كدة يا فؤاد انا غضبان من نفسي شديد ما عارف اعمل شنو ولا عارف هي حسي عاملة كيف
فؤاد حزن على حال صديقه
فؤاد : صالحها واعتذر منها يا أسد وجيب ليها هدية
أسد بسخرية : اعتذر منها دي لو اتكلمت معاها بعد العملته دة ممكن تأكلني
فؤاد بضحك : لي يعني كدة
أسد بضحك : هههههه انت ما بتعرفها البت دي كارثة
فؤاد لاحظ ضحك أسد وابتسامته
فؤاد بمرح: والله وقعت يا أسد
أسد رجع لجموده وبروده:ما حصل يا فؤاد ما انا البحب ويلا خلينا نكمل شغلنا
دخل محمد ومعاه مويه
أسد بغضب :انا قلت عايز مويه محمد صحصح كدا ركز في شغلك انا قلت شاي
محمد عاين ليه بغيظ وصدمة وغضب
محمد بغيظ : انا استقلت سلام عليكم
فؤاد كان بيضحك لأنه كان سامع طلبات أسد كلها من محمد
أسد :ماله الراجل دا
فؤاد بضحك : مضحك شديد
أسد : شديد
فؤاد طلع من عند أسد وهو ما قادر يتحكم في ضحكته
أسد انتهى من شغله وهو راجع وقف في محل شوكلاته و ورد
أسد: طيب حسي دي اجيب ليها شنو
أسد اتزكر عيونها اللي ما سابت خياله وضحكتها البتأخده لعالم تاني اتزكر مرحها
أسد بابتسامة :اوكي كدا عرفت هعمل شنو يارب ترضى بس
أسد فات محل الشوكلاتات وجاب ليها جميع انواع الشوكلاته الموجود فيه
وبعدها دخل محل الورد وجاب ورد لونه احمر ومعاه ورد لونه ابيض ملفوف لفة حلوة وكان شكله جميل بعدها طلع على محل الحيوانات الأليفة ودخل
أسد وهو داخل بلع ريقه جاب قطة شكلها حلو ومع دا كله جاب دبدوب كبير على شكل باندا🐼 وطلع على القصر
منه كانت رجعت من شغلها وجاسم ومازن رجعوا من الشركة
منه بهدوء : انا هأطلع اجيب همس عشان تأكل
جاسم:حاضر
همس نزلت وكان لابسة فستان ابيض منفوش ومنقوش عليه ورد لونه احمر عملت شعرها كعكة بس في خصلات نازلة وما عملت مكياج خالص
جاسم بابتسامة : بسم الله ماشاء الله قمر يا همس: شكراً لي حضرتك
جاسم بابتسامة :حضرتك شنو قولي بابا
همس الدموع اتجمعت في عيونها
